စကြဝဠာ နှင့် အရာခပ်သိမ်းတို့အပေါ် အုပ်စိုးတော်မူသည့် စစ်မှန်သည့် တစ်ဆူတည်းသော ဘုရားသခင်၊ အနတ္တတန်ခိုးရှင် ဘုရားသခင်၊ နောက်ဆုံးသော ကာလ၏ခရစ်တော်။ ဤသည်မှာ သန့်ရှင်းသော ဝိညာဉ်တော်၏သက်သေခံချက်၊ ငြင်းဆန်၍မရသော သက်သေဖြစ်သည်။ မည်သူမျှ သံသယမရှိကြစေရန်အလို့ငှာ၊ သန့်ရှင်းသောဝိညာဉ်တော်သည် နေရာအနှံ့တွင် သက်သေခံရန် ဆောင်ရွက်လျက်ရှိ၏။ အောင်နိုင်သူ ရှင်ဘုရင်၊ အနတ္တတန်ခိုးရှင် ဘုရားသခင်။ ကိုယ်တော်သည် ကမ္ဘာလောကကို အောင်နိုင်ခဲ့ပြီးဖြစ်၏၊ ကိုယ်တော်သည် အပြစ်တရားကို အောင်နိုင်ပြီးဖြစ်၏၊ ကိုယ်တော်သည် ကိုယ်တော်၏ရွေးနုတ်ခြင်းကို ပြီးမြောက်ပြီးဖြစ်၏။ စာတန်၏ဖောက်ပြန်ပျက်စီးစေခြင်းကို ခံရသော ဤလူအုပ်စု ဖြစ်သည့် ငါ့တို့အား ကိုယ်တော်သည် ကယ်တင်ပြီးဖြစ်ပြီး၊ ကိုယ်တော်၏ အလိုတော်ကို ဆောင်ရွက်စေရန်အလို့ငှာ ငါတို့အား ပြည့်စုံစေခဲ့ပြီးဖြစ်၏။ ကိုယ်တော်သည် ကမ္ဘာလောကတစ်ခုလုံးအပေါ် မင်းအာဏာစက်ဖြင့် စိုးမိုးကာ၊ ဤမြေအား ပြန်လည်သိမ်းယူ၍လျက်၊ စာတန်အား အနက်ဆုံးသောတွင်းထဲသို့ မောင်းထုတ်လေသည်။ ကိုယ်တော်သည် ကမ္ဘာလောကကို တရားစီရင်လျက်ရှိပြီး၊ မည်သူမျှ ကိုယ်တော်၏လက်တော်များမှ မလွတ်မြောက်နိုင်ပေ။ ကိုယ်တော်သည် ရှင်ဘုရင်ကဲ့သို့ စိုးစံလေသည်။

ကမ္ဘာလောတစ်ခုလုံး ဝမ်းမြောက်လျက် ကြွေးကြော်လေသည်။ ကမ္ဘာလောကသည် အောင်နိုင်သူ ရှင်ဘုရင်၊ အနတ္တတန်ခိုးရှင် ဘုရားသခင်ကို ချီးမွမ်းလေသည်။ အစဉ်ထာဝရပင်ဖြစ်သည်တကား၊ ကိုယ်တော်သည် ဂုဏ်ပြုခြင်း၊ ချီးမွမ်းခြင်းနှင့် ထိုက်တန်ပေ၏။ သြဇာအာဏာနှင့် ဘုန်းတော်သည် စကြဝဠာ၏ ကြီးမြတ်သော အရှင်ဘုရင်အတွက် ဖြစ်ပါစေသော်။

အချိန်သည် တိုတောင်း၏။ အနတ္တတန်ခိုးရှင်ဘုရားသခင်၏ ခြေလှမ်းများနောက်သို့ လိုက်၍ ရှေ့ဆက်လော့။ စေ့စပ်လွန်းစွာ တိကျလော့၊ ကိုယ်တော်၏ဝန်ထုပ်ဝန်ပိုးကို ညှာတာထောက်ထားလော့၊ ကိုယ်တော်နှင့်တစ်စိတ်တ၀မ်းတည်း ဖြစ်လော့၊ ပြီးလျှင် ကိုယ်တော်၏ စီမံခန့်ခွဲမှုအစီအစဉ်အတွက် သင့်ကိုယ်သင် အသုံးခံလော့။ သင်သည် သင်၏ပိုင်ဆိုင်မှုတို့ကို စွဲကိုင်မထားရ။ ကျန်ရှိသည့် အချိန်နည်းလွန်းသည်။ ထိုအရာတို့ကို ဆက်ကပ်လော့။ ထိုအရာတို့ကို ဆုပ်ကိုင်မထားလေနှင့်။ ထိုအရာတို့ကို ဆက်ကပ်လော့။ ထိုအရာတို့ကို ဆုပ်ကိုင်မထားလေနှင့်။