အခန်း ၂၆

ငါ့သားတို့၊ ငါ၏နှုတ်ကပတ်တော်များကို အလေးဂရုပြုကြလော့၊ ငါ၏အသံကို ငြိမ်သက်စွာ နားထောင်လော့၊ ငါသည် သင့်ကို ဗျာဒိတ်များ ပေးမည်။ ငါသည် သင်တို့၏ ဘုရားသခင်၊ သင်တို့၏ တစ်ဦးတည်းသော ရွေးနုတ်သောအရှင် ဖြစ်သောကြောင့် ငါ့အတွင်း၌ ငြိမ်ဝပ်နေလော့။ သင်တို့၏ စိတ်နှလုံးများကို အချိန်တိုင်း ငြိမ်သက်စေရမည်ဖြစ်ပြီး ငါ့အတွင်း၌ အသက်ရှင်ရမည်။ ငါသည် သင်တို့၏ကျောက်၊ သင်တို့ကို ကွယ်ကာပေးသူဖြစ်၏။ အခြားစိတ်များ မထားဘဲ၊ ငါ့ကို သင်တို့၏ စိတ်နှလုံးအကြွင်းမဲ့ဖြင့် ကိုးစားလော့၊ ပြီးလျှင် ငါသည် သင်တို့ထံ အသေအချာ ပေါ်ထွန်းလာမည်။ ငါသည် သင်တို့၏ ဘုရားသခင်ဖြစ်၏။ အို သံသယများသူတို့။ ၎င်းတို့သည် ဧကန်မုချ မြဲမြံစွာ ရပ်တည်နိုင်မည် မဟုတ်သကဲ့သို့၊ မည်သည့်အရာမျှ ရရှိကြလိမ့်မည် မဟုတ်။ ယခု မည်သည့်အချိန်ဖြစ်သည်ကို သင်သိရမည်၊ အရေးကြီးလှသည့် အချိန်ပါတကား။ အရေးကြီးလှပါတကား။ အသုံးမဝင်သော အမှုအရာများဖြင့် မိမိဘာသာ အလုပ်မရှုပ်နှင့်။ ငါ့ အနီးသို့ အမြန်လာလော့၊ ငါနှင့်အတူ မိတ်သဟာယပြုလော့၊ ပြီးလျှင် ငါသည် ငါ၏ နက်နဲမှုအားလုံးကို သင်တို့ထံ ထုတ်ဖော်ပြမည်။

သန့်ရှင်းသောဝိညာဉ်တော်ထံမှ လမ်းပြခြင်းနှင့်ဆိုင်သည့် နှုတ်ကပတ်တော်တိုင်းကို သင် နားထောင်ရမည်။ ၎င်းတို့ကို စဉ်ဆက်မပြတ် နားထောင်ဖို့ မပျက်ကွက်နှင့်။ ငါ၏ နှုတ်ကပတ်တော်စကားများကို ကြိမ်ဖန်များလှစွာ သင် ကြားဖူးပြီးနောက် မေ့ထားကြပြီးဖြစ်သည်။ အို ထောက်ထားစာနာမှု မရှိသူတို့။ သင်သည် အလွန်များသည့် ကောင်းကြီးမင်္ဂလာများစွာ ဆုံးရှုံးပြီးလေပြီ။ ယခု ငါ၏နှုတ်ကပတ်တော်များကို သေချာစွာ နားထောင်ပြီး အလေးဂရု ပြုရမည်၊ ငါနှင့် သာ၍ မိတ်သဟာယပြုပြီး ငါ့ထံ သာ၍ တိုးဝင်ချဉ်းကပ်လော့။ သင် နားမလည်သောအရာအားလုံးတွင် သင့်ကို ငါ လမ်းပြမည်ဖြစ်ပြီး၊ သင့်ကို ရှေ့ဆက် ဦးဆောင်မည်။ အခြားသူများနှင့် သာ၍ မိတ်သဟာယပြုခြင်းကို အာရုံမပြုနှင့်။ ယခုအခါ ကျမ်းဟောင်းတရားများနှင့် အယူဝါဒများကို ဟောပြောသူ အများအပြား ရှိပြီး ငါ၏စစ်မှန်မှုကို အမှန်တကယ် ပိုင်ဆိုင်သူ နည်းပါးလွန်း၏။ ၎င်းတို့၏ မိတ်သဟာယပြုခြင်းက တစ်ဦးတစ်ယောက်ကို အဘယ်သို့ တိုးတက်ရမည်ကို မသိဘဲလျက်၊ စိတ်ရှုပ်ထွေးစေကာ ထုံထိုင်းစေသည်။ ၎င်းတို့ပြောသည်ကို ကြားရင်း၊ တစ်ဦးတစ်ယောက်သည် ကျမ်းဟောင်းတရားများနှင့် အယူဝါဒများ အကြောင်း အနည်းငယ် သာ၍ သိကောင်းသိလိမ့်မည်။ သင်တို့ခြေလှမ်းကို သတိထားရမည်ဖြစ်ပြီး၊ သင်တို့၏ စိတ်နှလုံးကို ငါ၏ ရှေ့တွင် တစ်ချိန်လုံး ဆက်ရှင်သန်စေရမည်။ ငါနှင့် ဆက်သွယ်ပြီး ငါ့ထံ တိုးဝင်ချဉ်းကပ်ရမည်ဖြစ်ကာ၊ ငါသည် သင်နားမလည်သောအရာကို သင့်အား မြင်ခွင့်ပေးမည်။ သင်၏ စကားတွင် သတိထားလော့၊ သင်၏ စိတ်နှလုံးကို အချိန်တိုင်း လေ့လာစောင့်ကြည့်ပြီး ငါ လျှောက်သောလမ်းကို လျှောက်လှမ်းလော့။

ယခု ကြာလိမ့်မည်မဟုတ်။ အချိန်အနည်းငယ် ကျန်သေး၏။ ငါမှတစ်ပါး အရာအားလုံးကို အမြန်စွန့်လွှတ်ပြီး ငါ့နောက်သို့ လိုက်လော့။ ငါသည် သင်တို့ကို နှိပ်စက်မည်မဟုတ်။ သင်တို့သည် ငါ၏လုပ်ရပ်များကို ကြိမ်ဖန်များစွာ နားလည်မှုလွဲလေပြီ၊ သို့သော် သင်တို့အား ငါမည်မျှချစ်သည်ကို သင် သိပါ၏လော။ အို၊ ငါ၏စိတ်နှလုံးကို သင် တကယ်ကို နားမလည်ပါတကား။ သင်တို့သည် ငါ့ကို မည်သို့ သံသယရှိခဲ့သည်ဖြစ်စေ၊ ငါ့ထံ မည်မျှကျေးဇူးကြွေးတင်ခဲ့သည်ဖြစ်စေ၊ ငါ အောက်မေ့မည်မဟုတ်၊ သို့တိုင် သင်တို့ ရှေ့ဆက်သွားကာ ငါ့အလိုအတိုင်း ဆောင်ရွက်ဖို့ရန် ငါသည် သင်တို့ကို ရွေးချယ်ခဲ့ပေသည်။

ယနေ့သည် ကြန့်ကြာဖို့ အချိန်မရှိပေ။ ယခုအချိန်မှစ၍ သင်သည် ဖုံးကွယ်ထားသော ရည်မှန်းချက်အချို့ သိုထားပါက၊ ငါ၏ တရားစီရင်ခြင်းသည် သင်တို့အပေါ် ကျရောက်လိမ့်မည်။ ငါ့ကို တစ်ခဏလေးပင် သင်စွန့်ခွာသွားပါက၊ သင်သည် လောတ၏ မယားကဲ့သို့ ဖြစ်လာလိမ့်မည်။ ယခု သန့်ရှင်းသောဝိညာဉ်တော်၏ အမှုသည် အရှိန်အဟုန်မြင့်လာပြီး အလင်းသစ်ကို အမီမလိုက်နိုင် သူများသည် ဘေးအန္တရာယ်ထဲ ကျရောက်ကြသည်။ သတိနှင့် မနေသူများသည် စွန့်ပစ်ခြင်း ခံရလိမ့်မည်။ သင်တို့သည် မိမိတို့ကိုယ်ကိုယ် ကာကွယ်ရမည်။ သင့်ကို ဝန်းရံသည့် ပတ်ဝန်းကျင်ရှိ အရာအားလုံးသည် ငါ၏အခွင့်အားဖြင့်ဖြစ်သည်၊ ငါ စီစဉ်ထားခြင်းသာ ဖြစ်သည်ကို သင်သိထား၏။ သင့်ကို ငါပေးထားသော ပတ်ဝန်းကျင်တွင် ငါ၏စိတ်နှလုံးကို ရှင်းရှင်းလင်းလင်း မြင်ကာ ဖြည့်ဆည်းလော့။ မကြောက်နှင့်၊ ကောင်းကင်ဗိုလ်ခြေတို့၏ အနန္တတန်ခိုးရှင် ဘုရားသခင်သည် သင်နှင့်အတူ ဧကန်အမှန် ရှိလိမ့်မည်။ သူသည် သင့်ကို ထောက်မပေးပြီး သူသည် သင်၏ ဒိုင်းလွှားဖြစ်သည်။ ယနေ့တွင် လူတို့သည် အယူအဆများစွာရှိကြသည်၊ ယင်းက စိတ်ကြီးဝင်ပြီး မိမိသာမှန်သည်ဟု မှတ်ထင်သူများ၊ ပလွှားသူများ၊ ရည်မှန်းချက်ကြီးပြီး တင်စီးတတ်သော အဆင့်အတန်း မြင့်မားသူများကို အရှက်ရစေဖို့ အခြားသူများ အထင်သေးသော လူများမှတစ်ဆင့် ငါ၏အလိုကို ဖော်ပြရန် အတင်းအကျပ်ပြုလေသည်။ သင်တို့သည် ငါ၏ဝန်ကို စစ်မှန်ရိုးသားသည့် အလေးဂရုမှု ပြသနေသရွေ့၊ ငါသည် သင်တို့အတွက် အရာရာတိုင်းကို ပြင်ဆင်ပေးမည်။ ငါ့နောက်သို့သာ လိုက်လော့။

အရှေ့သို့- အခန်း ၂၅

နောက်တစ်ခုသို့- အခန်း ၂၇

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

အခန်း ၅

ငါ့ဝိညာဉ်၏ အသံသည် ငါ၏ စိတ်သဘောထားတစ်ခုလုံး၏ ဖော်ပြချက်တစ်ခု ဖြစ်သည်။ သင်တို့ နားလည်သလော။ ဤအချက်ကို မရှင်းလင်းခြင်းသည် ငါ့ကို တိုက်ရိုက်...

သုံးပါးတစ်ဆူ တည်ရှိပါသလော

ယေရှု လူ့ဇာတိခံယူခြင်းနှင့် သက်ဆိုင်သည့် အမှန်တရား ဖြစ်တည်လာပြီးနောက်တွင် လူသည် ဤသို့ယုံကြည်ခဲ့သည်- ကောင်းကင်ဘုံ၌ ခမည်းတော်သာ...

ဖြည့်စွက်ချက်- အခန်း ၂

လူတို့သည် လက်တွေ့ကျသော ဘုရားသခင်ကို ရှုမြင်ကြသည့်အခါ၊ ၎င်းတို့ကိုယ်တိုင် ၎င်းတို့၏ဘဝတွင် ဘုရားသခင်ကိုယ်တော်တိုင်နှင့်အတူ ရှင်သန်လျက်၊...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်