အနန္တတန်ခိုးရှင် ဘုရားသခင် အသင်းတော် အကြောင်းအရာ

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

ယုံကြည်သူများအနေဖြင့် မည်သည့်ရှုထောင့်အား ဆုပ်ကိုင်ထားသင့်သနည်း။

လူသားတို့အနေဖြင့် ဘုရားသခင်ကို ယုံကြည်သည်နှင့်တစ်ပြိုင်နက် ရရှိခဲ့သည့်အရာသည် မည်သည့်အရာနည်း။ ဘုရားသခင်၏ အကြောင်းကို သင်ဘာတွေ သိရှိခဲ့ပြီးဖြစ်သနည်း။ ဘုရားသခင်ကို ယုံကြည်သည့်အတွက် သင်ဘယ်လောက် ပြောင်းလဲခဲ့သနည်း။ ယခုဆိုလျှင် သင်တို့အားလုံး လူသားမှဘုရားသခင်အပေါ် ယုံကြည်ခြင်းသည် စိတ်နှလုံးဝိဉာဉ်ကို ကယ်ဆယ်တော်မူခြင်း တစ်ခုအတွက်သာမဟုတ်မှန်းနှင့် ခန္ဓာ၏ ကြွယ်ဝခြင်း အတွက် သော်လည်းကောင်း၊ ဘုရားသခင်၏ချစ်ခြင်း မေတ္တာအားဖြင့် မိမိ၏အသက်တာအား ပြည့်စုံကြွယ်ဝစေရန် သော်လည်းကောင်း အစရှိသဖြင့် များစွာသော အကြောင်းပြချက်များလည်း ရှိမှန်းသိပြီးကြမည် ဖြစ်သည်။ ထို့ကြောင့် ခန္ဓာ၏ကြွယ်ဝခြင်း သို့မဟုတ် တခဏတာ ပျော်ရွှင်ခြင်း အတွက်ဘုရား သခင်ကို ချစ်ခြင်းဖြစ်နေပါသလား၊ ပြီးလျှင် အဆုံး၌ သင်၏ ဘုရားသခင်ကို ချစ်ခြင်းသည် အထွဋ်အထိပ် ရောက်ရှိပြီး ဘုရားသခင်ထံ သင်ဘာမှမတောင်းဆိုမနေလျှင် သင်ရှာဖွေနေသော ချစ်ခြင်းသည် မသန့်ရှင်းသော ချစ်ခြင်းသာဖြစ်ပြီး ဘုရားသခင်နှစ်သက်သော ချစ်ခြင်းမျိုး မဟုတ်ပေ။ ဘုရားသခင်ကို ချစ်ခြင်းကို မိမိတို့၏ ခြောက်သွေ့သောအသက်တာများနှင့် မိမိတို့နှလုံးသားတွင် ဖြစ်နေသော ဟာကွက်ကို ဖြည့်ဆည်းရန် အသုံးပြုသူများသည် သက်တောင့်သက်သာရှိစွာဖြင့် ဘဝကိုရှင်သန်နေထိုင်လိုသူသာ ဖြစ်ပြီး ဘုရားသခင်ကို အမှန်တကယ် ရှာဖွေနေသောသူ မဟုတ်ပါ။ ဤချစ်ခြင်းမျိုးသည် မိမိ၏သဘောဆန္ဒနှင့် ဆန့်ကျင်ပြီး စိတ်ခံစားမှု ဆိုင်ရာသာယာမှုအားဖွေရှာခြင်း ဖြစ်ပြီး ဘုရားသခင်သည် ဤကဲ့သို့ ချစ်ခြင်းမျိူးကို အလိုမရှိပေ။ ထို့ကြောင့် သင်၏ချစ်ခြင်းသည် မည်ကဲ့သို့သော ချစ်ခြင်းမျိုး ဖြစ်သနည်း။ ဘုရားသခင်ကို မည်သည့်အတွက်ကြောင့် ချစ်သနည်း။ ဘုရားသခင်အတွက် မည်မျှစစ်မှန်သော ချစ်ခြင်း သင့်တွင်ရှိ သနည်း။ သင်တို့အတွင်း၌ရှိသော ချစ်ခြင်း အများစုကို အထက်တွင် ဖော်ပြခဲ့ ပြီးဖြစ်သည်။ ဤချစ်ခြင်းမျိုးသည် လက်ရှိအခြေအနေကိုသာလျှင် ထိန်းသိမ်း နိုင်မည်ဖြစ်ပြီး ထာဝရတည်မြဲမှုကို ရရှိနိုင်မည်မဟုတ်သည့်အပြင် လူသား၌ လည်း အမြစ်တွယ်နိုင်မည် မဟုတ်ပါ။ ဤချစ်ခြင်းမျိုးသည် ပွင့်လန်းပြီး ညှိုးနွမ်းကာ အသီးမသီးသော ပန်းမျိုးဖြစ်သည်။ ထပ်မံဖွင့်ဆိုရလျှင် ဘုရားသခင်ကို ထိုကဲ့သို့တစ်ခါသာ ချစ်ပြီး ရှေ့၌ရှိသောလမ်းသို့ ဦးဆောင်မည့် သူမရှိပါက သင်သည် လဲပြိုကျသွားမည်ဖြစ်သည်။ ဘုရားသခင်အား ချစ်သည့် အချိန်တွင် ချစ်ပြီး နောက်ဆက်တွဲသင်၏ဘဝဖြစ်တည်မှုတွင် ပြောင်းလဲမှု တစ်စုံတစ်ရာ မပြုလုပ်ပါက သင်သည်အမှောင်ထု၏ ဖုံးလွှမ်းခြင်းတွင် ဆက်လက်တည်ရှိနေပြီး မလွတ်မြောက်နိုင် စာတန်မာရ်နတ်၏ အရူးလုပ် အသုံးချခြင်းများမှ လည်း ရုန်းထွက်နိုင်မည်မဟုတ်ပါ။ ထိုကဲ့သို့သော လူမျိုးကို ဘုရားသခင်မှ အပြည့်အဝရရှိနိုင်မည့်သူမဟုတ်ပဲ အဆုံး၌ သူ၏ဝိညာဉ်၊ စိတ်နှင့်ခန္ဓာသည် စာတန်မာရ်နတ်သာ ပိုင်ဆိုင်နေမည်သာဖြစ်သည်။ ဤအရာမှာ မေးခွန်းထုတ် စရာ ပင်မလိုပေ။ ဘုရားသခင်ကို အပြည့်အဝ မရယူနိုင်သောသူများသည် သူတို့၏မူလနေရာ စာတန်မာရ်နတ်ထံသို့ ပြန်လည်သွားရောက်ပြီး မီးနှင့်ကန့် အစဉ်မပြတ်လောင်ကျွမ်းနေသော အိုင်သို့ရောက်ရှိ ဆင်းသက်ကာ ဘုရားသခင်၏ အပြစ်ပေးခြင်းအဆင့် နောက်တစ်ဆင့်ကိုခံယူရန် စောင့်ဆိုင်းနေရမည်ဖြစ်သည်။ ထာဝရဘုရားကိုအပြည့်ဝရရှိသောသူသည် စာတန်မာရ်နတ်အား တော်လှန်ပြီး သူ၏ လက်အောက်ခံများမှလည်း လွတ်မြောက်မည်ဖြစ်သည်။ ထိုသူများသည် ဘုရားသခင်၏နိုင်ငံတော်မှ လူများအဖြစ် အသိအမှတ်ပြုခံရမည် ဖြစ်သည်။ ၎င်းသည်ထာဝရဘုရား၏ လူများမည်ကဲ့သို့ဖြစ်လာခြင်းအကြောင်း ဖြစ်ပါသည်။ သင်သည်ဤကဲ့သို့ လူမျိုးဖြစ်ချင်ပါသလား၊ သင့်ကိုဘုရားသခင်ကအပြည့်အဝပိုင်ဆိုင်ခြင်းကို ခံစားချင်ပါသလား၊ စာတန်မာရ်နတ်၏ လက်အောက်မှရုန်းထွက်၍ ဘုရားသခင်ထံ ပြန်လာမည်လား။ သင့်ကို စာတန်မာရ်နတ်မှ ပိုင်ဆိုင်စေလို သလား (သို့) ဘုရားသခင်၏နိုင်ငံတော်၌ အမည်စာရင်းသွင်း မှတ်ကျောက်တင်ခံရသောသူ ဖြစ်လိုပါသလား။ ဤအရာများကို ရှင်းရှင်းလင်းလင်းသိရှိသင့်ပြီး အခြားသောရှင်းပြချက်များ မလိုအပ် တော့ပေ။

အတိတ်ကာလတွင်လူအများသည် လူသား၏ရည်မှန်းချက်၊ အယူအဆနှင့် မျှော်လင့်ခြင်းများအတွက် ရှာဖွေကြသည်။ ယခုအခါ တွင် အဆိုပါ အရာများအား ဆွေးနွေးတင်ပြမည်မဟုတ်ပါ။ အဓိကအချက်မှာ သင်တို့ တစ်ယောက်ချင်းစီကိုဘုရားသခင်၏ရှေ့တော်တွင် သာမန်အခြေအနေတစ်ခုကို ထိန်းသိမ်းရန် လုပ်ဆောင် ပေးမည့် ကျင့်စဉ်တစ်ခုအား ရှာဖွေ ရန်နှင့် စာတန်မာရ်နတ်၏ လွမ်းမိုးခြင်းအရာများမှ လွတ်မြောက်စေကာ သင့်အား ဘုရားသခင်မှရရှိစေရန်နှင့် သင့်အားဘုရားသခင်မှ စေခိုင်းထားသည့်အတိုင်း လောကတွင် ရှင်သန်နေထိုင်ရန်ဖြစ်သည်။ ထို့သို့ပြုခြင်းဖြင့်သာလျှင် ဘုရားသခင်၏လိုလားချက်အား ဖြည့်ဆည်းပေးနိုင်မည် ဖြစ်သည်။ ဘုရားသခင်မှ ဘာကိုအလိုရှိသည် (ဝါ)စာတန်မာရ်နတ်မှ ဘာကိုအလိုရှိသည်ကို သိရှိခြင်း အလျှင်းမရှိပဲ လူအများသည် ဘုရားသခင်အား ယုံကြည်ကြသည်။ သူတို့သည် ရူးမိုက်စွာယုံကြည်ကြပြီး အခြားသူများအားလည်း မျက်ကန်းနောက်လိုက်ခြင်းဖြင့် လိုက်လျှောက်ကြသဖြင့် သာမန်ခရစ်ယာန် အသက်တာအားရရှိခဲ့ခြင်းမရှိပေ။ သူတို့သည် သာမန် ပုဂ္ဂိုလ်ရေးအရဆက်ဆံရေးလည်း မရှိကြပေ။ လူသားတို့သည် ဘုရားသခင်နှင့်ရှိသင့်ရှိထိုက်သည့် သာမန်ဆက်ဆံရေးထက် များစွာလျော့နည်းသော ဆက်ဆံရေးမျှသာ ရှိကြသည်။ ဤအရာမှာ ဘုရားသခင်၏ လိုလားချက်ကို သွေဖယ်စေမည့် လူသား၏ပြဿနာများ၊ အမှားများနှင့် အခြားသောအရာများအား တွေ့ရှိနိုင်သည်။ လူသားတို့သည် မှန်ကန်သော လမ်းကြောင်းပေါ်တွင်ရောက်ရှိနေခြင်းမရှိသည့်အပြင် စစ်မှန်သောအသက်တာအား ရရှိခံစားနေခြင်း မဟုတ်သည်ကို ဤအချင်းအရာက အလုံအလောက်သက်သေပြနေသည်။ ထိုသို့ဆိုလျှင် လမ်းကြောင်းမှန်ပေါ် ရောက်ရှိရန် မည်သည်ကိုလုပ်ဆောင်ရမည်နည်း။ လမ်းကြောင်းမှန်ပေါ် ရောက်ရှိခြင်းဆိုလိုသည်မှာ ဘုရားသခင်၏ ရှေ့မှောက်တော်တွင် မိမိ၏ နှလုံးသားအား အချိန်တိုင်းတွင် ငြိမ်သက်စေနိုင်ခြင်းနှင့် ဘုရားသခင်နှင့် သဘာဝကျကျဆက်သွယ်ခြင်း၊ လူသားတို့၌ လစ်လပ်လျက်ရှိနေသော အရာများနှင့် ဘုရားသခင်နှင့် သက်ဆိုင်သည့်နက်နဲသော ဉာဏ်ပညာများ တဖြည်းဖြည်း သိမြင်လာခြင်းများ ဖြစ်သည်။ ဤအရာမှ တစ်ဆင့် သင်သည်သင်၏ဝိညာဉ်အတွင်း၌ နေ့စဉ်တိုင်းတွင် သစ်လွင်သော တွေ့မြင်ခြင်းနှင့် ဉာဏ်အလင်းပွင့်ခြင်းများ၊ သင်၏တောင့်တ မျှော်လင့်ခြင်းများ ကြီးထွားလာခြင်းနှင့် သင်သည်သမ္မာတရားသို့ ဝင်ရောက်ရန် ရှာဖွေလာမည်ဖြစ်သည်။ နေ့ရက်တိုင်းတွင် သစ်လွင်သော အလင်းနှင့် သစ်လွင်သောနားလည်ခြင်း များရှိလာမည် ဖြစ်သည်။ ဤလမ်းကြောင်းမှတစ်ဆင့် သင်သည်စာတန်မာရ်နတ်၏လွှမ်းမိုးခြင်းများအား တဖြည်း ဖြည်းချိုးဖျက်နိုင်မည်ဖြစ်ပြီး သင်၏အသက်တာ ပိုမိုကြီးထွား လာမည် ဖြစ်ပါသည်။ ဤကဲ့သို့သောသူများသည် လမ်းကြောင်းမှန်ပေါ်တွင် ရောက်ရှိပြီးဖြစ်ပါသည်။ မိမိ၏အမှန်တကယ်အတွေ့အကြုံများအား ဆန်းစစ်ရန်နှင့် အထက်ပါအရာများနှင့်ဆန့်ကျင်သည့် မိမိ၏ဘုရားသခင်အပေါ်ယုံကြည်ခြင်းဖြင့်လျှောက်လှမ်းခဲ့သောလမ်းအား ဆန်းစစ်လေ့လာရန်ဖြစ်သည်။ သင်သည်လမ်းကြောင်းမှန်ပေါ်တွင်ရောက်ရှိသူဖြစ်ပြီလား။ မည်သည့် ကိစ္စရပ်များတွင် စာတန်မာရ်နတ်၏ချူပ်နှောင်မှုများနှင့် စာတန်မာရ်နတ်၏ လွှမ်းမိုးခြင်းများမှ လွတ်မြောက်ခဲ့ပြီးဖြစ်သနည်း။ သင်သည် သင့်ကိုယ်သင် လမ်းကြောင်းအမှန်ပေါ်တွင်ရောက်ရှိရန် လိုအပ် နေသေးသည်ဟု ထင်နေလျှင် စာတန်မာရ်နတ်နှင့် သင်၏ ဆက်နွယ်မှုသည် ပိုမို၍ဆိုးရွားလာမည်ဖြစ်သည်။ ထို့ကြောင့် ဤဘုရားသခင်၏ချစ်ခြင်းအားဖွေရှာခြင်းသည် စစ်မှန်သောနှစ်မြှုပ်အပ်နှံမှုရှိပြီး သန့်ရှင်းသော ချစ်ခြင်းမေတ္တာ တစ်ခုအဖြစ်ရောက် ရှိနိုင်ပြီလား။ သင်၏ ဘုရားသခင်အားချစ်ခြင်းသည် လမ်းလွဲခြင်းမရှိသော နှလုံးသားဖြင့်ခံစားသောချစ်ခြင်းဟုပြောသော်လည်း၊ စာတန်မာရ်နတ်၏ ချူပ်နှောင်ခြင်းမှ သင်လွတ်မြောက်ခြင်း မရှိသေးပေ။ သင်ဘုရားသခင်အား လှည့်စားနေပါသလား။ ဘုရားသခင်၏သန့်ရှင်းသော ချစ်ခြင်းအားရရှိရန်၊ ဘုရားသခင်မှ သင့်အား အပြည့်အဝရရှိရန်နှင့် ဘုရားသခင်၏နိုင်ငံတော်ရှိ လူသားတစ်ဦးအဖြစ် မှတ်ကျောက်တင်ခံနိုင်ရန် သင့်ကိုယ်သင် လမ်းကြောင်းမှန် ပေါ်ရောက်ရှိရန် အရင်ဆုံးလုပ်ဆောင်ရမည်။

ယခင်က:ဘုရားသခင်၏ တရားစီရင်မှုနှင့် ဝေဖန်ပြစ်တင်မှုအကြား၌ ဘုရားသခင်ကို မြင်ခြင်း

နောက်တစ်ခုသို့:အကျင့်ပျက်သောလူသားသည် ဘုရားသခင်ကို ကိုယ်စားပြုခြင်းငှာ မတတ်စွမ်းနိုင်

သင်နှစ်သက်နိုင်သည့် အရာများ