အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှဂန္တဝင်နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၆။ ဘုရားသခင်၏ စိတ်သဘောထားနှင့် သူ၏ အရာအားလုံးနှင့် ဖြစ်ခြင်းတို့နှင့် ပတ်သက်သည့် ဂန္တဝင် နှုတ်ကပတ်တော်များ

၁။ ဘုရားသခင်၏ ဝမ်းသာခြင်းသည် ဖြောင့်မတ်ခြင်းနှင့် အလင်းတို့၏ တည်ရှိမှုနှင့် ထွက်ပေါ်လာမှုတို့ကြောင့်ဖြစ်သည်၊ အမှောင်ထုနှင့် ဆိုးယုတ်မှုတို့၏ ပျက်စီးမှုကြောင့်ဖြစ်သည်။ လူသားမျိုးနွယ်အတွက် အလင်းနှင့် ကောင်းမွန်သော အသက်တာကို ယူဆောင်လာပေးခြင်းအပေါ် သူဝမ်းမြောက်သည်၊ သူ၏ဝမ်းသာခြင်းသည် ဖြောင့်မှန်သော ဝမ်းသာခြင်းဖြစ်ပြီး အပြုသဘောဆောင်သော အရာအားလုံးတို့ တည်ရှိမှု၏ သင်္ကေတဖြစ်ကာ ထိုမျှမက မင်္ဂလာရှိခြင်း၏ သင်္ကေတလည်းဖြစ်၏။ ဘုရားသခင်၏ ဒေါသမှာ မတရားမှု၏ တည်ရှိခြင်းနှင့် နှောင့်ယှက်ခြင်းတို့က လူသားမျိုးနွယ်အပေါ် သင့်ရောက်စေသော အန္တရာယ်ကြောင့် ဖြစ်သည်၊ ဆိုးယုတ်မှုနှင့် အမှောင်ထုတို့၏ တည်ရှိမှုကြောင့်ဖြစ်သည်၊ သမ္မာတရားကို နှင်ထုတ်သော အမှုအရာများ၏ တည်ရှိမှုကြောင့်ဖြစ်သည်၊ ထိုမျှမက ကောင်းမွန်ပြီး လှပသောအရာများကို ဆန့်ကျင်သည့် အမှုအရာများ၏ တည်ရှိမှုကြောင့်ဖြစ်သည်။ သူ၏ဒေါသသည် အပျက်သဘောဆောင်သော အရာများအားလုံး မတည်ရှိတော့ခြင်း၏ သင်္ကေတဖြစ်ပြီး ထိုထက်ပို၍ သူ့သန့်ရှင်းခြင်း၏ သင်္ကေတပင်ဖြစ်သည်။ သူ၏ဝမ်းနည်းမှုမှာ မျှော်လင့်ချက်များ သူထားခဲ့သော်ငြားလည်း အမှောင်ထုထဲသို့ ကျဆင်းသွားသော လူသားမျိုးနွယ်ကြောင့်ဖြစ်ပြီး လူသားအပေါ် သူပြုသောအမှုမှာ သူ၏မျှော်မှန်းချက်များအတိုင်း ဖြစ်မလာသောကြောင့်ဖြစ်ကာ သူချစ်သော လူသားမျိုးနွယ်မှာ အလင်းထဲတွင် အားလုံးမနေနိုင်ကြသောကြောင့်ဖြစ်သည်။ အပြစ်ကင်းမဲ့သော လူသားမျိုးနွယ်အတွက်၊ ရိုးသားသော်လည်း ပညာမဲ့သော လူသားအတွက်၊ ထို့ပြင် လူကောင်းဖြစ်သော်လည်း မိမိကိုယ်ပိုင်အမြင်များ ကင်းမဲ့နေသော လူသားအတွက် သူဝမ်းနည်းရသည်။ သူ၏ဝမ်းနည်းမှုမှာ သူ၏ကောင်းမြတ်ခြင်းနှင့် သူ့ကရုဏာတို့၏ သင်္ကေတဖြစ်ပြီး လှပခြင်းနှင့် ကြင်နာခြင်းတို့၏ သင်္ကေတဖြစ်သည်။ သူ၏ပျော်ရွှင်မှုသည် သူ၏ရန်သူများကို အနိုင်ရခြင်းနှင့် လူသား၏ စိတ်ရင်းကောင်းကို ရရှိခြင်းတို့မှ လာသည်မှာ မှန်ပေ၏။ ထိုမျှမက ထိုပျော်ရွှင်မှုသည် ရန်သူ့အင်အား အားလုံးတို့၏ နှင်ထုတ်ခံရခြင်းနှင့် ပျက်စီးခြင်းတို့မှ ပေါ်ပေါက်လာပြီး ကောင်းမွန်ပြီး ငြိမ်းအေးသော အသက်တာကို လူသားမျိုးနွယ်တို့ ရရှိခြင်းကြောင့် ပေါ်ပေါက်လာသည်။ ဘုရားသခင်၏ ပျော်ရွှင်မှုသည် လူသား၏ ဝမ်းသာမှုနှင့် မတူပေ၊ စင်စစ်အားဖြင့် ထိုပျော်ရွှင်မှုသည် အသီးအပွင့်ကောင်းများကို စုဆောင်းရခြင်း၏ ခံစားချက်ဖြစ်ပြီး ဝမ်းသာမှုထက် ပို၍ကြီးမားသော စိတ်ခံစားချက်ဖြစ်သည်။ သူ၏ပျော်ရွှင်မှုသည် ဤအချိန်မှစ၍ ရှေ့လျှောက်တွင် လူသားမျိုးနွယ်တို့ ဆင်းရဲဒုက္ခမှ လွတ်မြောက်ခြင်း၏ သင်္ကေတဖြစ်ပြီး အလင်းလောကသို့ လူသားမျိုးနွယ်ဝင်ရောက်ခြင်း၏ သင်္ကေတလည်းဖြစ်၏။ သို့သော်ငြားလည်း လူသားမျိုးနွယ်၏ စိတ်ခံစားမှုများမှာမူ သူ၏ကိုယ်ပိုင်အကျိုးအလို့ငှာသာ ထွက်ပေါ်လာခြင်းဖြစ်ပြီး ဖြောင့်မြတ်ခြင်း၊ အလင်း၊ သို့မဟုတ် လှပသောအရာအလို့ငှာ ထွက်ပေါ်လာခြင်း မဟုတ်သကဲ့သို့ ယုတ်စွအဆုံး ကောင်းကင်ဘုံက ချပေးသနားသော ကျေးဇူးတော်အလို့ငှာ ထွက်ပေါ်လာခြင်းလည်း မဟုတ်ပေ။ လူသားမျိုးနွယ်၏ စိတ်ခံစားမှုများမှာ တစ်ကိုယ်ကောင်းဆန်ပြီး အမှောင်လောကနှင့် သက်ဆိုင်သည်။ ၎င်းတို့သည် ဘုရားသခင်၏ အစီအစဉ်အလို့ငှာ တည်ရှိဖို့ဝေးစွ၊ ဘုရားသခင်၏ အလိုတော်အတွက်ပင် မတည်ရှိပေ၊ ထို့ကြောင့် လူသားနှင့် ဘုရားသခင်ကို တစ်ချိန်တည်းတွင် အတူပြော၍ မရနိုင်ချေ။ ဘုရားသခင်သည် အစဉ်အမြဲ အထွတ်အထိပ်ဖြစ်၍ အမြဲဂုဏ်သရေရှိသည်၊ လူသားမှာမူ အစဉ်အမြဲ ယုတ်ညံ့၍ အစဉ်အမြဲ သုံးမရပေ။ ဤသို့ဖြစ်ရခြင်းမှာ ဘုရားသခင်သည် လူသားမျိုးနွယ်အတွက် စွန့်လွှတ်မှုများ အမြဲပြုပေးကာ သူ့ကိုယ်သူ ပေးအပ်မြှုပ်နှံထားသောကြောင့် ဖြစ်သည်၊ သို့သော်လည်း လူသားမှာမူ အစဉ်အမြဲ မိမိအတွက်သာလျှင် ရယူပြီး ကြိုးပမ်းလေ၏။ ဘုရားသခင်သည် လူသားမျိုးနွယ်၏ ရှင်သန်ရေးအတွက် အစဉ်အမြဲ အပတ်တကုတ် ကြိုးပမ်းနေသော်လည်း လူသားကမူ အလင်းအတွက်၊ သို့မဟုတ် ဖြောင့်မတ်ခြင်းအတွက် မည်သည့်အရာကိုမျှ လုံးဝမထောက်ကူပေးပေ။ လူသားအနေဖြင့် တစ်ခဏတာမျှ လုံ့လစိုက်ထုတ်လျှင်ပင် ထိုလုံ့လမှာ အားနည်းလွန်းလှသောကြောင့် ထိုးနှက်ချက် တစ်ခုကိုမျှပင် ခံနိုင်မည်မဟုတ်ပေ၊ အကြောင်းမှာ လူသား၏လုံ့လသည် သူ့ကိုယ်ပိုင်အကျိုးအတွက်သာ အစဉ်အမြဲ ဖြစ်နေပြီး အခြားသူများအတွက် မဟုတ်သောကြောင့်ပင်ဖြစ်သည်။ လူသားသည် အစဉ်အမြဲ တစ်ကိုယ်ကောင်းဆန်၏၊ ဘုရားသခင်ကမူ အစဉ်အမြဲ ကိုယ်ကျိုးမငဲ့ပေ။ ဘုရားသခင်သည် တရားမျှတသောအရာ၊ ကောင်းသောအရာနှင့် လှပသောအရာအားလုံး၏ အရင်းအမြစ်ဖြစ်ပြီး လူသားမှာမူ အကျည်းတန်ပြီး ဆိုးယုတ်သော အရာအားလုံးကို ဆက်ခံကာ ထင်ရှားအောင် ပြုလုပ်သူဖြစ်၏။ ဘုရားသခင်သည် သူ၏ဖြောင့်မတ်ပြီး လှပသည့် အနှစ်သာရကို မည်သည့်အခါမျှ ပြောင်းလဲမည် မဟုတ်ပေ၊ သို့သော် လူသားကမူ အချိန်မရွေး၊ အခြေအနေမရွေး၌ ဖြောင့်မတ်ခြင်းကို သစ္စာဖောက်ကာ ဘုရားသခင်ထံမှ လမ်းလွဲသွားကြရန် ကောင်းကောင်းတတ်နိုင်၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားကို နားလည်ရန်မှာ အလွန်အရေးကြီးပေ၏” မှ

၂။ အနန္တတန်ခိုးရှင်ဘုရားသခင်သည် ခေါင်းမှခြေဖျားထိတိုင် အသွေး သို့မဟုတ် အသား စိုးစဉ်းမျှ ဆက်စပ်မှုမရှိသော ဝိညာဉ်ခန္ဓာထဲ၌ ဖော်ပြသည်။ သူသည် စကြဝဠာလောကကို ကျော်လွန်၍ တတိယကောင်းကင် ဘုန်းတော်ကြီးမားသော ပလ္လင် တော်ပေါ်တွင်ထိုင်လျက် အရာအားလုံးတို့ကို စီမံခန့်ခွဲလျက်ရှိသည်။ စကြဝဠာထဲရှိ အရာအားလုံးတို့သည် ငါ၏လက်ထဲတွင် ရှိသည်။ ငါပြောလျှင် ပြောသည့်အတိုင်းဖြစ်လိမ့်မည်။ ငါဘိသိက်ပေးလျှင် ပေးသည့်အတိုင်းဖြစ်လိမ့်မည်။ စာတန်သည် ငါ၏ခြေ အောက်တွင်ရှိကာ သူသည် အနက်ဆုံးသောတွင်း ထဲတွင် ရှိသည်။ ငါ၏အသံကို ထုတ်လွှတ် သောအခါ ကောင်းကင်နှင့်မြေကြီးတို့ လွန်မြောက်သွားပြီး ဘာမျှ မကျန်ဘဲရှိလိမ့်မည်။ အရာအားလုံးတို့သည် အသစ်ပြန်ဖြစ်လိမ့်မည် ဖြစ်၍၊ ဤအရာသည် လွန်စွာ မှန်သော၊ ပြောင်းလဲ၍မရသည့် အမှန်တရားပင် ဖြစ်သည်။ ငါသည် လောကကိုအောင်ခဲ့ပြီ။ မကောင်းသော အရာအားလုံးတို့ကို အောင်ခဲ့ပြီ။ ငါသည် ဤနေရာတွင် ထိုင်လျက် သင်တို့ကိုစကားပြောလျက် ရှိသည်။ နားရှိ သောသူတို့အားလုံး နားထောင်၍ အသက်ရှိသောသူ အပေါင်းတို့ လက်ခံသင့်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၅” အစအဦး၌ ခရစ်တော်၏မိန့်မြွက်ချက်များ မှ

၃။ အနန္တတန်ခိုးရှင်ဘုရားသခင်သည် အကြွင်းမဲ့တန်ခိုးနှင့်ပြည့်စုံပြီး၊ အလုံးစုံကို ရယူကာ လုံးလုံးလျားလျား စစ်မှန်သောဘုရားသခင်ဖြစ်သည်။ သူသည် ကြယ်ခုနစ်လုံးကို ကိုင်ဆောင်သည်သာမက ဝိညာဉ်တော်ခုနစ်ပါးကို ခံယူကာ၊ မျက်လုံးခုနစ်လုံးရှိပြီး၊ တံဆိပ်ခုနစ်ချက်ကိုဖွင့်၍ စာစောင်ကိုဖွင့်သည့်အပြင် ဘေးဒဏ်ခုနစ်ပါးနှင့် ဖလားခုနစ်လုံးကို စီမံခန့်ခွဲပြီး ခုနစ်ချက်သော မိုးချုန်းသံများကို ဖွင့်လေသည်။ လွန်လေပြီးသောအခါက သူသည် တံပိုးခုနစ်လုံးကို တီးမှုတ်မူခဲ့သည်။ သူ၏ဖန်ဆင်းခြင်းခံပြီး သူ၏ပြည့်စုံစေခြင်းကိုခံရသော အရာရာတိုင်းသည် သူ့ကိုချီးမွမ်းသင့်သည်။ သူ့ကိုဂုဏ်သရေပေးပြီး၊ သူ့ရာဇပလ္လင်ကိုချီးမြှောက်သင့်သည်။ အို၊ အနန္တတန်ခိုးရှင် ဘုရားသခင်။ သင်သည် ခပ်သိမ်းသော အရာရာတိုင်းဖြစ်၏။ သင်သည် အရာရာတိုင်းကို ပြီးမြောက်ခဲ့၍ သင်နှင့်ဆိုလျှင် အားလုံးသည် ပြီးပြည့်စုံကာ လင်းလက်တောက်ပပြီး အဆီးအတားမှလွတ်ကင်း၍ အားလုံး လွတ်လပ်၊ သန်မာကာ တန်ခိုးနှင့် ပြည့်ပေ၏။ အားလုံးသော နက်နဲရာအချက်များသည် သင်နှင့်ဆိုလျှင် ဖော်ထုတ်ခံကြရသည်။ ဘာမျှဖုံးကွယ်ထားခြင်း သို့မဟုတ် ကွယ်ဝှက်ထားခြင်းမရှိ။ ထို့အပြင် သင်သည် များပြားလှသော သင်၏ရန်သူများကို တရားစီရင်၍ သင်၏ ဘုန်းအာနုဘော်ကိုပြကာ၊ သင်၏အမျက်တော်မီးကိုပြပြီး၊ သင်၏အမျက်ဒေါသကိုပြသည့်အပြင် သင်၏ မကြုံစဖူးဖြစ်သောသော၊ ထာဝရခိုင်မြဲသော၊ လုံးလုံးလျားလျား အနန္တဖြစ်သော ဘုန်းကိုပြလေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃၄” အစအဦး၌ ခရစ်တော်၏မိန့်မြွက်ချက်များ မှ

၄။ ဇိအုန်။ မင်္ဂလာရှိစေသတည်း။ ဇိအုန်။ အသံကိုလွှင့်၍ သီဆိုလော့။ ငါသည် အောင်ပွဲခံ၍ ပြန်လာခဲ့ပြီ၊ ငါသည် အောင်မြင်လျက် ပြန်လာခဲ့ပြီ။ လူအပေါင်းတို့။ အစဉ်အလိုက် အလျင်အမြန် စီတန်းကြလော့။ ခပ်သိမ်းသော အရာအပေါင်းတို့။ သင်တို့သည် လုံးဝ ရပ်တန့်ခြင်းသို့ ရောက်ကြရမည်၊ အဘယ်ကြောင့်ဆိုသော် ငါ၏ ဇာတိအဖြစ်သည် စကြဝဠာတစ်ခုလုံးကို မျက်နှာမူလျက်၊ ငါ၏ ဇာတိအဖြစ်သည် ကမ္ဘာမြေကြီး၏ အရှေ့အရပ်၌ ပေါ်ထွန်းလေပြီ။ မည်သူသည် ဒူးထောက်၍ ကိုးကွယ်ခြင်းကို မပြုဝံ့သနည်း။ စစ်မှန်သော ဘုရားသခင်၏ အကြောင်းကို မည်သူသည် မပြောဘဲ နေဝံ့သနည်း။ မည်သူသည် ကြောက်ရွံ့မှုဖြင့် မမျှော်ကြည့်ဘဲနေဝံ့သနည်း။ မည်သူသည် မချီးမွမ်းဘဲ နေဝံ့သနည်း။ မည်သူသည် ဟစ်ကြွေး၍ ချီးမွမ်းထောမနာမပြုဘဲ နေဝံ့သနည်း။ ငါ၏ လူတို့သည် ငါ၏ အသံကို ကြားကြလိမ့်မည်၊ ငါ၏ သားများသည် ငါ၏ နိုင်ငံတော်အတွင်း အသက်ရှင်ကျန်ရစ်ကြလိမ့်မည်။ တောင်များ၊ မြစ်များနှင့် အရာခပ်သိမ်းသည် အဆုံးမဲ့ ချီးမွမ်းသြဘာပေးကာ၊ မရပ်မနား ခုန်ပေါက်ကြလိမ့်မည်။ ဤ အကြိမ်တွင် မည်သူမျှ နောက်ပြန်ဆုတ်ဝံ့ကြမည် မဟုတ်၊ မည်သူမျှ ထ၍ အတိုက်အခံပြုဝံ့ကြမည် မဟုတ်ပေ။ ဤသည်မှာ ငါ၏ အံ့သြဖွယ် လုပ်ဆောင်ချက် ဖြစ်ပြီး၊ ထို့ထက်ပို၍ ငါ၏ ကြီးစွာသော တန်ခိုးပင် ဖြစ်သည်။ ငါသည် အရာခပ်သိမ်းအား ၎င်းတို့၏ စိတ်နှလုံးများထဲတွင် ငါ့အား ကြောက်ရွံ့စေရန် ပြုမည်ဖြစ်ကာ၊ ထိုမျှမက ခပ်သိမ်းသော အရာတို့ကို ငါ့အား ချီးမွမ်းစေမည်။ ဤသည်မှာ ငါ၏ နှစ်ခြောက်ထောင် စီမံခန့်ခွဲမှုအစီအစဉ်၏ မူလ ရည်ရွယ်ချက် ဖြစ်ပြီး၊ ငါသည် ဤအရာကို ခန့်ထားပြီးဖြစ်သည်။ တစ်ဦးတစ်ယောက်ကဖြစ်စေ၊ အရာ တစ်စုံတစ်ခုကဖြစ်စေ၊ အကြောင်းအရာ တစ်ခုကဖြစ်စေ၊ ငါ့အား ထ၍ ခုခံဝံ့သည် မဟုတ်၊ သို့မဟုတ် ငါ့အား ထ၍ ဆန့်ကျင်ဝံ့သည်မဟုတ်။ ငါ၏ လူအားလုံးသည် ငါ၏ တောင်သို့ စီးဆင်းကြလိမ့်မည် (ဤသည်မှာ နောက်ပိုင်းတွင် ငါ ဖန်ဆင်းမည့် ကမ္ဘာလောကကို ရည်ညွှန်းသည်)၊ ထို့ပြင် ငါ၌ ဘုန်းအာနုဘော်နှင့် တရားစီရင်ခြင်း ရှိ၍၊ ငါ၌ သြဇာအာဏာ ရှိခြင်းကြောင့်၊ ၎င်းတို့သည် ငါ့ရှေ့တွင် နာခံကြလိမ့်မည်။ (ဤသည်မှာ ငါ့အနေဖြင့် ကိုယ်အတွင်း၌ ရှိစဉ်အချိန်ကို ရည်ညွှန်းခြင်း ဖြစ်၏။ ငါသည် ဇာတိပကတိ၌လည်း သြဇာအာဏာ ရှိသော်ငြား၊ အချိန်နှင့် နေရာ၏ ကန့်သတ်ချက်များ သည် ဇာတိပကတိ၌ ကျော်လွန်နိုင်ခြင်း မရှိပေ၊ ထို့ကြောင့် ငါသည် ပြည့်စုံသော ဘုန်းကို ရရှိထားပြီဟု ဆိုနိုင်ခြင်း မရှိ။ ငါသည် ဇာတိပကတိ၌ သားဦးများကို ရရှိသော်လည်း၊ ငါသည် ပြည့်စုံသောဘုန်းကို ရရှိထားပြီဟု မဆိုနိုင်သေးချေ။ ဇိအုန်သို့ ငါ ပြန်ကြွပြီး၊ ငါ၏ ပုံပန်းကို ပြောင်းလဲသည့်အခါမှသာ၊ ငါသည် သြဇာအာဏာကို စွဲကိုင်သည်၊ တစ်နည်းအားဖြင့် ငါသည် ဘုန်းကို ရပြီဟု ဆိုကောင်းဆိုနိုင်ပေမည်။) ငါ့အတွက် မည်သည့်အရာမျှ ခက်ခဲလိမ့်မည် မဟုတ်ပေ။ ငါ၏ နှုတ်မှ နှုတ်ကပတ်တော်များအားဖြင့် အရာခပ်သိမ်းသည် ဖျက်ဆီးခြင်း ခံရလိမ့်မည်ဖြစ်ပြီး၊ ငါ၏ နှုတ်မှ နှုတ်ကပတ်တော်များ ဖြစ်ခြင်းကြောင့် ၎င်းတို့သည် ဖြစ်တည်လာကာ၊ စုံလင်ခြင်းသို့ ရောက်လိမ့်မည်၊ ယင်းမှာ ငါ၏ ကြီးမြတ်သော တန်ခိုးနှင့် ငါ၏ သြဇာအာဏာပင် ဖြစ်သည်။ ငါသည် တန်ခိုးနှင့် ပြည့်ဝပြီး၊ သြဇာအာဏာဖြင့် ပြည့်နှက်ခြင်းကြောင့်၊ ငါ့အား တားဆီးနှောင့်ယှက်ဝံ့ရဲသူ တစ်ဦးမျှ မရှိ။ ငါသည် အရာခပ်သိမ်းအပေါ် အောင်နိုင်နှင့်ပြီး ဖြစ်၍၊ ပုန်ကန်ခြင်း၏ သားများအားလုံးကို သိမ်းသွင်းခဲ့ပြီးဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၂၀” အစအဦး၌ ခရစ်တော်၏မိန့်မြွက်ချက်များ မှ

၅။ ငါသည် ငါ၏ဘုန်းတန်ခိုးကို ဣသရေလတို့ကို ပေးပြီးနောက် ပြန်ယူလိုက်၏။ ထို့နောက် ဣသရေလအမျိုးတို့အား အရှေ့တိုင်းသို့ ခေါ်ဆောင်ခဲ့ပြီး လူသား အားလုံးကို အရှေ့တိုင်းသို့ ခေါ်ဆောင်ခဲ့၏။ ၎င်းတို့အားလုံး အလင်းနှင့် ပြန်လည်ပူးပေါင်း၍ ပေါင်းသင်းကာ၊ ရှာဖွေခြင်း မပြုတော့ရန်အလို့ငှာ ငါသည် အလင်းထံ ခေါ်ဆောင်လာခဲ့သည်။ ရှာဖွေနေသူ အားလုံးအား အလင်းတစ်ဖန် ပြန်မြင်စေပြီး ဣသရေလတွင် ငါရှိခဲ့သော ဘုန်းတန်ခိုးကို မြင်စေမည်။ လွန်လေပြီးသော ကာလများစွာက လူသားမျိုးနွယ်အကြား မိုးတိမ်ဖြူပေါ်မှ ငါကြွဆင်းခဲ့ကြောင်း သူတို့အားမြင်စေမည်။ မရေတွက် နိုင်သော မိုးတိမ်ဖြူများ၊ ပြွတ်သိပ်လျက်ရှိသည့် အသီးများကို မြင်စေမည့်အပြင် ဣသရေလ၏ ယေဟောဝါ ဘုရားသခင်ကို တွေ့စေမည်။ ယုဒလူမျိုးတို့၏အရှင်၊ တောင့်တနေသည့် မေရှိယနှင့် ခေတ်အဆက်ဆက် ရှင်ဘုရင်များမှ ညှဉ်းပန်းခဲ့သည့် ငါ၏ရုပ်သွင် အပြည့်အဝကို ကြည့်စေမည်။ ငါသည် စကြဝဠာတစ်ခုလုံး အပေါ် အမှုထမ်းပြီး အမှုကြီးကို ဆောင်ရွက်မည်။ နောက်ဆုံးသောကာလတွင် ငါ၏ဘုန်းတန်ခိုးနှင့် ငါ၏ ဆောင်ရွက်ချက် အားလုံးကို လူသားအား ဖော်ပြမည်။ ယုဒပြည်တွင် ငါ၏ဘုန်းတန်ခိုး မရှိစေတော့ရန် ငါသည် ဘုန်းတန်ခိုးကို လွန်ခဲ့သောကာလများစွာက ယူလိုက်ကာ အရှေ့တိုင်းသို့ ယူဆောင်ခဲ့ကြောင်း အားလုံး သိစေခြင်းအလို့ငှာ ငါ့ကို နှစ်ပေါင်းများစွာ စောင့်ခဲ့သူများ၊ မိုးတိမ်ဖြူပေါ်မှ ငါကြွလာရန် တောင့်တခဲ့သူများ၊ ငါတစ်ဖန် ပေါ်ထွက်ရန် တောင့်တခဲ့သည့် ဣသရေလနှင့် ငါ့ကိုညှဉ်းပန်းသူလူသားမျိုးနွယ် အားလုံးအား ဘုန်းထင်ရှားသည့် ငါ၏မျက်နှာတစ်ခုလုံး ပြမည်။ နောက်ဆုံးသောကာလ ရောက်ပြီ ဖြစ်သောကြောင့် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ကောင်းကင်နိုင်ငံတော်၏ ဧဝံဂေလိတရားများ စကြဝဠာတစ်ခွင်လုံး ပျံ့နှံ့သွားမည်ဟု နိမိတ်ပြနေသည့် မိုးချုန်းသံ ခုနစ်ချက်” မှ

၆။ စကြဝဠာတစ်ခွင်တွင် ငါသည် ငါ၏အမှု ထမ်းဆောင်လျှက်ရှိပြီး အရှေ့တိုင်းတွင် စဉ်ဆက်မပြတ် မိုးပျက်ကျနေလျက် တိုင်းနိုင်ငံအားလုံးနှင့် ဂိုဏ်းဂဏအားလုံးကို တုန်လှုပ်နေစေသည်။ လူသားအားလုံးကို ပစ္စုပ္ပန်သို့ လမ်းပြခဲ့သည်မှာ ငါ၏အသံဖြစ်သည်။ ငါ၏အသံဖြင့် လူသားအားလုံးကို အနိုင်ယူမည်။ လူသားအားလုံးကို ဤစမ်းချောင်းအတွင်း ကျစေပြီး ငါ၏ရှေ့မှောက် နာခံစေမည်။ အကြောင်းမူကား ကြာမြင့်စွာကတည်းက ငါ၏ဘုန်းတော်ကို ကမ္ဘာတစ်ခုလုံးထံမှ ငါပြန်လည်ရယူခဲ့ပြီး အရှေ့တိုင်းတွင် အသစ်တစ်ဖန် ထုတ်ဝေခဲ့ပြီ ဖြစ်သည်။ အဘယ်သူသည် ငါ၏ဘုန်းကိုမြင်ရရန် မတောင့်တသနည်း။ အဘယ်သူသည် ငါပြန်လာမည့် အချိန်ကို စိုးရိမ်ကြီးစွာ စောင့်၍ မနေသနည်း။ အဘယ်သူသည် ငါတစ်ဖန် ပြန်ပေါ်လာမည်ကို မတောင့်တ သနည်း။ အဘယ်သူသည် ငါ၏ ချစ်ခင်နှစ်လိုဖွယ် ကောင်းခြင်းကို အောက်မေ့တမ်းတခြင်း မရှိသနည်း။ အဘယ်သူသည် အလင်းသို့ မလာဘဲနေမည်နည်း။ အဘယ်သူသည် ခါနာန်ပြည်၏ ကြွယ်ဝမှုအကြောင်း မစဉ်းစားဘဲ နေမည်နည်း။ အဘယ်သူသည် ရွေးနုတ်မည့်သူ ပြန်လာမည်ကို မတောင့်တဘဲနေသနည်း။ ကြီးမြတ်သည့် အနန္တတန်ခိုးရှင်အား မမြတ်နိုးသူ အဘယ်သူနည်း။ ငါ၏အသံသည် ကမ္ဘာတစ်ဝန်း ပျံ့နှံ့သွားမည်။ ငါရွေးကောက်ထားသူများအား မျက်နှာချင်း ဆိုင်လျှက် နှုတ်ကပတ်တော်ကို ပိုမိုပြောကြားရန် ငါအလိုရှိသည်။ တောင်များနှင့် မြစ်များကို တုန်လှုပ်စေသည့် အစွမ်းကြီးသော မိုးချုန်းသံများကဲ့သို့ စကြဝဠာတစ်ခုလုံးနှင့် လူသားမျိုးနွယ်တို့အား ငါ၏ နှုတ်ကပတ်တော်ကို ငါပြောကြားသည်။ ထို့ကြောင့် ငါ၏ခံတွင်း အတွင်းရှိ နှုတ်ကပတ်တော်သည် လူသား၏ ရတနာဖြစ်ပြီး လူသားအားလုံး ငါ၏ နှုတ်ကပတ်တော်ကို ချစ်ခင် မြတ်နိုးသည်။ အရှေ့တိုင်းမှသည် အနောက်တိုင်းအထိ တစ်လျှောက်လုံး လျှပ်ပြက်သည်။ လူသားသည် ငါ၏ နှုတ်ကပတ်တော်ကို စွန့်လွှတ်ရန် ရွံမုန်းပြီး တစ်ချိန်တည်းတွင် မတွေးတတ်အောင် နက်နဲသည်ဟု မြင်သည်။ သို့သော် နှုတ်ကပတ်တော်တွင် ပျော်ပိုက်ခြင်းမှာ ပို၍များပါသည်။ မွေးကင်းစ ကလေးငယ် တစ်ဦးကဲ့သို့ လူသားအားလုံးသည် ဝမ်းမြောက်ပျော်ရွှင်လျက် ငါကြွလာမည့် အချိန်အတွက် ပျော်ပွဲရွှင်ပွဲများ ကျင်းပ နေကြပါသည်။ ငါ၏အသံအားဖြင့် ငါသည် လူသားအားလုံးကို ငါ၏ ရှေ့မှောက်သို့ ခေါ်ယူမည်။ ထိုအချိန်မှစ၍ လူသားတို့သည် ငါ့ကိုလာရောက် ဝတ်ပြုရန်အလို့ငှာ ငါသည် လူသားအမျိုးအနွယ်အကြား တရားဝင် ဝင်ရောက်မည်။ ဖြာထွက်လျက်ရှိသော ငါ၏ဘုန်းတန်ခိုးနှင့် ငါ၏ ခံတွင်းရှိ နှုတ်ကပတ်တော် အားဖြင့် လူသားအားလုံးကို ငါ၏ ရှေ့မှောက်လာစေပြီး အရှေ့တိုင်းမှ လျှပ်ပြက်ခြင်းများကို မြင်စေကာ ငါသည်လည်း အရှေ့တိုင်း၏ သံလွင်တောင်ပေါ်သို့ ဆင်းသက်ပြီဖြစ်ကြောင်း မြင်စေမည်။ ငါသည် ယုဒ လူမျိုးများ၏ သားအဖြစ် မဟုတ်တော့ဘဲ အရှေ့တိုင်း၏ လျှပ်ပြက်ခြင်းကဲ့သို့ မြေကြီးပေါ်သို့ ရောက်နေသည်မှာ ကြာပြီဖြစ်ကြောင်းကို ထိုသူတို့ တွေ့လိမ့်မည်။ အကြောင်းမူကား ငါသည် ကြာမြင့်စွာ ကတည်းက ရှင်ပြန်ထမြောက်ပြီးဖြစ်ပြီး လူသားမျိုးနွယ်အကြားမှ ထွက်ခွာလာပြီးနောက်၊ ဘုန်းတန်ခိုးဖြင့် လူသားတို့ အကြား ပြန်လည် ပေါ်ပေါက်လာခဲ့၏။ ငါသည် ယခုမတိုင်မီ မရေမတွက်နိုင်သော နှစ်ပေါင်းများစွာ ကတည်းက ဝတ်ပြုခံခဲ့ရသူဖြစ်ပြီး ယခုမတိုင်မီ နှစ်ပေါင်းများစွာက ဣသရေလအမျိုးတို့ စွန့်ပစ်ခဲ့သူ မွေးကင်းစလည်း ဖြစ်သည်။ ၎င်းအပြင် ငါသည် မျက်မှောက်ခေတ်၏ ဘုန်းကြီးသော အနန္တတန်ခိုးရှင် ဘုရားသခင်လည်းဖြစ်သည်။ ငါ၏ပလ္လင်ရှေ့မှောက် အားလုံးကိုလာစေလျက် ဘုန်းတန်ခိုးရှိသော ငါ၏ မျက်နှာကို ဖူးမျှော်ပါစေ။ ငါ့အသံကို ကြား၍ ငါ၏လုပ်ဆောင်ချက်တို့ကို ကြည့်ပါစေ။ ဤသည်မှာ ငါ၏အလိုဆန္ဒ တစ်ခုလုံးဖြစ်သည်။ ဤသည်မှာ ငါ့အစီအစဉ်၏ အဆုံးနှင့် အထွတ်အထိပ်ဖြစ်ပြီး ငါ့စီမံခန့်ခွဲမှု၏ ရည်ရွယ်ချက်လည်းဖြစ်သည်။ နိုင်ငံတိုင်း ငါ့ကို ဝတ်ပြုပါစေ။ ဘာသာစကားတိုင်း ငါ့ကို အသိအမှတ် ပြုပါစေ။ လူတိုင်း ငါ့ကိုယုံကြည်ပြီး လူမျိုးတိုင်း ငါ့ကို နာခံပါစေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ကောင်းကင်နိုင်ငံတော်၏ ဧဝံဂေလိတရားများ စကြဝဠာတစ်ခွင်လုံး ပျံ့နှံ့သွားမည်ဟု နိမိတ်ပြနေသည့် မိုးချုန်းသံ ခုနစ်ချက်” မှ

၇။ ငါ၏အသံသည် ပြင်းပြထက်သန်ခြင်း၌ နက်ရှိုင်းလာသည်နှင့်၊ စကြဝဠာ၏ အခြေအနေကိုလည်း ငါသည် အကဲခတ်နေသည်။ ငါ၏နှုတ်ကပတ်တော်များမှတစ်ဆင့် ဖန်ဆင်းခြင်း၏ အသင်္ချေများလှသောအရာများ အားလုံးသည် အသစ်ပြုပြင်ခြင်းကိုခံရမည်။ ကောင်းကင်သည် ပြောင်းလဲပြီး၊ ကမ္ဘာမြေကြီးသည်လည်း ပြောင်းလဲမည်။ လူသားမျိုးနွယ်သည် တဖြည်းဖြည်းနှင့် အသီးသီး ၎င်းတို့၏ အမျိုးအစားအလိုက် ၎င်းတို့၏ မူလပုံသဏ္ဌာန်အတိုင်း ထုတ်ဖော်ခြင်းခံရပြီး၊ လူများသည် သတိမပြုမိဘဲ ၎င်းတို့မိသားစုများ၏ ရင်ခွင်အောက်သို့ ပြန်ရာလမ်းကို ရှာတွေ့ကြမည်။ ဤအချိန်တွင် ငါသည် ကြီးစွာကျေနပ်မည်။ ငါသည် ပြိုကွဲပျက်စီးခြင်းနှင့် ကင်းလွတ်ပြီး၊ မည်သူမျှ သတိမပြုမိဘဲ ငါ၏ ကြီးမြတ်သော အလုပ်သည် ပြီးပြည့် စုံလင်လာကာ၊ မည်သူမျှ သတိမပြုမိလိုက်ဘဲနှင့် ဖန်ဆင်းခြင်း၏ အသင်္ချေများလှသော အရာများသည် အသွင်ပြောင်းခြင်း ခံကြရသည်။ လောကကြီးကို ငါဖန်ဆင်းခဲ့သောအခါ၊ အရာခပ်သိမ်းတို့ကို ၎င်းတို့၏ အမျိုးစားအလိုက် အတူတကွစုစည်း၍ မြင်တွေ့နိုင်သော ပုံသဏ္ဌာန်တစ်ခုနှင့် ပြုပြင်ရင်း၊ အရာအားလုံးကို ငါသည် ၎င်းတို့၏ အမျိုးစားအလိုက် ပုံသွင်းခဲ့သည်။ ငါ့စီမံခန့်ခွဲမှုအစီအစဉ်၏ နိဂုံးအဆုံးသည် နီးကပ်လာသည်နှင့်၊ ငါသည် ဖန်ဆင်းခြင်း၏ ယခင်အခြေအနေကို ပြန်လည်တည်ထောင်မည်၊ ငါသည် အရာခပ်သိမ်းကို ယင်းတို့၏ မူလအခြေအနေများဆီသို့ ပြန်လည်ထူထောင်မည်၊ အရာခပ်သိမ်းကို ထူးကဲသာလွန်စွာ ပြောင်းလဲခြင်းအားဖြင့်၊ အရာခပ်သိမ်းသည် ငါ့အစီအစဉ်၏ ရင်ခွင်အောက်သို့ ပြန်လာကြလိမ့်မည်။ အချိန်ကျလာလေပြီ။ ငါ၏အစီအစဉ်ထဲမှ နောက်ဆုံးအဆင့်သည် ပြီးမြောက်အောင်မြင်လုနီးပြီဖြစ်သည်။ အို … ဟောင်းနွမ်း၍ မသန့်စင်သော လောကကြီး၊ သင်သည် ငါ့နှုတ်ကပတ်တော်များအောက်တွင် ဧကန်အမှန်ပင် ကျရှုံးလိမ့်မည်။ ငါ၏အစီအစဉ်အားဖြင့် သင်သည် ဗလာနတ္ထိအဖြစ်သို့ လျှော့ချခြင်း ဧကန်အမှန်ပင် ခံရလိမ့်မည်။ အိုး … ဖန်ဆင်းခြင်း၏ အသင်္ချေများလှသော အရာများတို့၊ သင်တို့အားလုံးသည် ငါ့နှုတ်ကပတ်တော်များအထဲ၌ အသစ်သောအသက်ကို ရကြလိမ့်မည်၊ သင့်တွင် ယခု၌ အကြွင်းမဲ့ ပိုင်သအုပ်စိုးသော သခင်ရှိပေပြီ။ အိုး … သန့်စင်၍ အပြစ်အနာအဆာမဲ့သော လောကသစ်ကြီး၊ သင်သည် ငါ့ဘုန်းအထဲတွင် ဧကန်အမှန်ပင် နှိုးထလိမ့်မည်။ အိုး … ဇိအုန်တောင်၊ ထပ်၍ တိတ်ဆိတ်မနေနှင့်။ ငါသည် အောင်မြင်ခြင်းနှင့် ပြန်ကြွလာပြီ။ ဖန်ဆင်းခြင်း၏အလယ်မှ၊ ကမ္ဘာမြေကြီးတစ်ခုလုံးကို ငါသည် စေ့စေ့စပ်စပ် စစ်ဆေး၏။ ကမ္ဘာမြေကြီးပေါ်တွင် လူသားမျိုးနွယ်သည် အသစ်သောအသက်ကို စတင်ခဲ့ပြီး၊ မျှော်လင့်ခြင်းအသစ်ကို အောင်နိုင်လေပြီ။ အိုး … ငါ၏လူများတို့၊ အဘယ်သို့လျှင် သင်တို့သည် ငါ၏ အလင်းရောင်အထဲ၌ အသက်ထံသို့ လှမ်းမလာနိုင်ရသနည်း။ အဘယ်သို့လျှင် သင်တို့သည် ငါ၏လမ်းပြပို့ဆောင်မှုအောက်၌ ရွှင်လန်းခြင်းနှင့် မကခုန်နိုင်ရသနည်း။ ကုန်းမြေတို့သည် ဝမ်းသာရွှင်လန်းခြင်းနှင့် အော်ဟစ်ကြ၏၊ ရေတို့သည်လည်း အားရရွှင်လန်းသော ရယ်မောခြင်းနှင့် ကျွတ်ကျွတ်ညံနေကြသည်။ အိုး … ရှင်ပြန်ထမြောက်သော ဣသရေလ၊ အဘယ်သို့နှင့် သင်သည် ငါ၏ ရှေးမဆွက ခွဲခန့်မှတ်သားခြင်းအကြောင်းကို ဂုဏ်မယူနိုင်ရသနည်း။ မည်သူသည် ရှိုက်ကြီးတငင် ငိုကြွေးခဲ့ပြီးသနည်း။ မည်သူသည် ငိုကြွေးမြည်တမ်းခဲ့ပြီးသနည်း။ ဟောင်းနွမ်းသော ဣသရေလသည် မတည်ရှိတော့ဘဲ၊ ယနေ့ကာလ၏ ဣသရေလသည် ထမြောက်လေပြီ၊ လောကကြီးတွင် ယင်းသည် မားမားမတ်မတ်နှင့် မြင့်မြင့်မားမားပင် လူသားမျိုးနွယ်အားလုံးတို့၏ နှလုံးသားများထဲတွင် တည်ထားလျက်ရှိသည်။ ယနေ့ကာလ၏ ဣသရေလသည် ငါ၏လူများမှတစ်ဆင့် တည်ရှိဖြစ်တည်မှု၏ ရင်းမြစ်ကို ဧကန်အမှန်ပင် ရရှိလိမ့်မည်။ အိုး … မုန်းတီးခြင်းနှင့်ပြည့်သော အဲဂုတ္တု၊ သင်သည် ဧကန်အမှန်ပင် ငါ့တဘက်၌ ထ၍မနေတော့သည် မဟုတ်လော။ သင်သည် ငါ၏ကရုဏာကို အခွင့်ကောင်းယူလျက် ငါ၏ပြစ်တင်ဆုံးမခြင်းမှ လွတ်မြောက်ရန် အဘယ်သို့လျှင် ကြိုးစားသနည်း။ သင်သည် ငါ၏ပြစ်တင်ဆုံးမခြင်းအတွင်း၌ အဘယ်သို့လျှင် တည်ရှိမနေနိင်ရသနည်း။ ငါချစ်သော ထိုသူအားလုံးသည် ထာဝရကာလတိုင် ဧကန်အမှန် ရှင်သန်ကြလိမ့်မည်ဖြစ်ပြီး၊ ငါ့တဘက်၌ထကြသော ထိုသူအားလုံးတို့သည်ကား ဧကန်အမှန်ပင် ငါ၏ပြစ်တင်ဆုံးမခြင်းကို ထာဝရကာလတိုင် ခံကြရပေလိမ့်မည်။ အကြောင်းမူကား၊ ငါသည် သတိနှင့်စောင့်ရှောက်ကာကွယ်လျက်ရှိသော ဘုရားသခင်ဖြစ်၏၊ ငါသည် လူအားလုံးကို သူတို့ပြုခဲ့သောအရာများကြောင့် ပေါ့တန်စွာ ချမ်းသာပေးလိမ့်မည်မဟုတ်။ ငါသည် ကမ္ဘာမြေကြီးတစ်ခုလုံးအပေါ်သို့ စောင့်ကြည့်မည်ဖြစ်ပြီး၊ လောကကြီး၏ အရှေ့အရပ်တွင် ဖြောင့်မတ်ခြင်း၊ ဘုန်းအာနုဘော်၊ အမျက်ဒေါသ၊ ပြစ်တင်ဆုံးမခြင်းတို့နှင့် ပေါ်လာလျက်၊ လူသားမျိုးနွယ် အသင်္ချေထံသို့ ငါ့ကိုယ်ငါ ထုတ်ဖော်ပြမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၆” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၈။ ငါသည် ကိုယ်တိုင်ကထူးခြားသော ဘုရားဖြစ်တော်မူသည့်အပြင် ငါသည် တစ်ဆူတည်းသော ဘုရား၏ လူပုဂ္ဂိုလ်လည်းဖြစ်တော်မူပြီး အသွေးအသားဇာတိ အလုံးစုံဖြစ်သော ငါသည် ဘုရားသခင်၏စုံလင်ပြည့်ဝသော အသွင်သဏ္ဌာန်လည်းပို၍ပင် ဖြစ်သေးသည်။ ငါ့ကိုရိုသေလေးမြတ်မှုမရှိဘဲနေဝံ့သူ၊ သူတို့၏ မျက်ဝန်းတွင် မနာခံမှုကိုဖော်ပြဝံ့သူ၊ ငါ့အား မနာခံသော စကားများပြောဝံ့သောသူ မည်သူမဆိုတို့သည် ငါ၏ကျိန်ခြင်းနှင့် အမျက်တော်ကြောင့် ဧကန်အမှန်ပင် သေကြရမည်(ငါ၏အမျက်တော်ကြောင့် ကျိန်ခြင်းရှိလိမ့်မည်)။ ထို့အပြင် ငါ့ကိုသစ္စာစောင့်ခြင်း သို့မဟုတ် ရင်းနှီးကျွမ်းဝင်ခြင်းမရှိဘဲ နေဝံ့သောသူ၊ ငါ့ကိုလှည့်ဖြားဝံ့သောသူ မည်သူမဆိုတို့သည် ငါ၏ အမုန်းတရားထဲ၌ ဧကန်အမှန်ပင်သေကြရမည်။ ငါ၏ ဖြောင့်မတ်ခြင်း၊ ဘုန်းအာနုဘော်နှင့် အပြစ်စီရင်ခြင်းတို့သည် ထာဝရကာလပတ်လုံးတည်လိမ့်မည်။ ရှေးဦးစွာ ငါသည် ချစ်တတ်ပြီး ကရုဏာတရားပြည့်ဝသော်ငြားလည်း ၄င်းသည် ငါ၏ပြီးပြည့်စုံသော ဘုရားသဘောသဘာဝ၏ စိတ်သဘောထား မဟုတ်ပါ။ ဖြောင့်မတ်ခြင်း၊ ဘုန်းအာနုဘော်နှင့် အပြစ်စီရင်ခြင်းတို့ကသာ ကိုယ်တော်တိုင် စုံလင်ပြည့်ဝတော်မူသော ဘုရားဖြစ်သည့် ငါ၏ စိတ်သဘောထား ဖြစ်တော်မူသည်။ ကျေးဇူးတော်ကာလအတောအတွင်းက ငါသည် ချစ်တတ်ပြီး ကရုဏာတရားကြွယ်ဝသည်။ ငါပြီးစီးအောင်လုပ်ရမည့်အလုပ်ကြောင့် ငါ့တွင် ချစ်ကြင်နာမှုနှင့် ကရုဏာတို့ရှိခဲ့ခြင်းဖြစ်သော်လည်း နောက်ပိုင်းတွင် ချစ်ကြင်နာမှုနှင့်ကရုဏာတရား(ထိုအချိန်ကတည်းကစပြီး တစ်ခုမှမရှိတော့)တစ်စုံတစ်ရာတို့ကို မလိုအပ်တော့ပါ။ ဖြောင့်မတ်ခြင်း၊ ဘုန်းအာနုဘော်နှင့် အပြစ်စီရင်ခြင်းတို့အားလုံးကိုသာလိုအပ်ပြီး ၄င်းတို့သည် ငါ၏ ဘုရားသဘာဝနှင့် ယှဉ်တွဲရှိနေသော ငါ့သာမန်လူ့သာဘာဝ၏ စုံလင်သော စိတ်သဘောထားဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၇၉” အစအဦး၌ ခရစ်တော်၏မိန့်မြွက်ချက်များ မှ

၉။ ပလ္လင်မှ ထွက်ပေါ်လာသော မိုးချုန်းသံ ခုနှစ်ချက်သည် စကြဝဠာကို တုန်ခါစေ၍၊ ကောင်းကင် နှင့် မြေကြီးကို မှောက်လှန်စေကာ၊ မိုးကောင်းကင်တစ်ခုလုံး ပဲ့တင်ထပ်လေ၏။ အလွန် စူးရှသော အသံ ဖြစ်ခြင်းကြောင့် လူတို့သည် ယင်းအသံမှ လွတ်မြောက်နိုင်ခြင်း၊ ပုန်းကွယ်နိုင်ခြင်း မရှိ။ လျှပ်ပြက်ခြင်း အလင်းရောင်များ နှင့် တအုန်းအုန်းမြည်သော မိုးချုန်းသံတို့ကို စေလွှတ်သည်ဖြစ်၍၊ ကောင်းကင် နှင့် မြေကြီးနှစ်ခုလုံးကို ချက်ချင်းပင် ပြောင်းလဲသွားစေသည်။ လူတို့သည်လည်း သေလုမြောပါး ဖြစ်ကြလေ၏။ ထို့နောက် ပြင်းထန်သော မိုးသက်မုန်တိုင်း တစ်ခုသည် စကြဝဠာတစ်ခုလုံးကို လျှပ်တစ်ပြက်အတွင်း ရိုက်ခတ်ကာ၊ မိုးကောင်းကင်မှ ပြိုကျလာလေသည်။ အကြိုအကြားမကျန် သည်းထန်စွာ ရွာသွန်းသော မိုးကဲ့သို့ဖြစ်၍၊ ကမ္ဘာမြေကြီး၏ အစွန်ဆုံးသော နေရာများတွင် အစွန်းအထင်း တစ်စုံတစ်ခုမှ မကျန်စေဘဲရှိ၏။ ယင်းသည် ဦးခေါင်းမှ ခြေဖျားအထိ အလုံးစုံ ဆေးကြောခြင်း ဖြစ်သောကြောင့်၊ ယင်းထံမှ မည်သည့်အရာမျှ ပုန်းကွယ်၍မရသကဲ့သို့၊ မည်သူမျှ လွတ်မြောက်အောင် မကာကွယ်နိုင်ပေ။ ဝင်းခနဲလက်ခနဲဖြင့် ကြောက်မက်ဖွယ် လျှပ်ပြက်ရောင်များကဲ့သို့သော တအုန်းအုန်း မိုးချုန်းသံတို့သည် လူတို့အား ကြောက်ရွံ့ခြင်းဖြင့် တုန်လှုပ်စေ၏။ အသွားနှစ်ဖက်ပါသည့် ထက်သော သန်လျက်သည် ပုန်ကန်ခြင်း၏ သားများကို အဆုံးစီရင်လေသည်။ ရန်သူသည် ပြေး၍ ခိုလှုံစရာ လုံးလုံး မရှိဘဲ၊ ကပ်ဘေးကို ရင်ဆိုင်ရကာ၊ ၎င်းတို့၏ ဦးခေါင်းများသည် ပြင်းထန်သော မုန်တိုင်းထဲတွင် ချာချာလည်ကြ၏။ ထို့နောက် မေ့မြောကုန်သော ၎င်းတို့သည် စီးဆင်းနေသော ရေထဲသို့ ချက်ချင်း လဲကျသေဆုံးကာ၊ ရေစီး၌ မျောပါသွားကြလေသည်။ ၎င်းတို့သည် ၎င်းတို့၏ အသက်များကို ကယ်ရန် မည်သည့် နည်းလမ်းမျှ မရှိဘဲ သေဆုံးကြရ၏။ မိုးချုန်းသံ ခုနှစ်ချက်သည် ငါ့ထံမှ ထွက်လာပြီး၊ ယင်းတို့သည် အဲဂုတ္တုပြည်၏ အကြီးဆုံးသားများကို အဆုံးစီရင်ရန်၊ မတရားသောသူတို့အား အပြစ်ဒဏ်ပေးရန်နှင့် ငါ၏ အသင်းတော်များကို သန့်ရှင်းစေရန်ဟူသော ငါ၏ ရည်ရွယ်ချက်ကို သိရှိစေ၏။ သို့မှသာ အယောက်တိုင်းသည် တစ်ဦးနှင့် တစ်ဦး နီးကပ်စွာ ဆက်နွယ်မှု ရှိကြ၍၊ ၎င်းတို့သည် တူညီစွာ စဉ်းစား ပြုမူကြပြီး၊ ငါနှင့် စိတ်နှလုံး တစ်ခုတည်း ဖြစ်ကြမည်။ သို့မှသာ စကြဝဠာထဲရှိ အသင်းတော်အားလုံးကို တစ်ခုတည်း တည်ဆောက်နိုင်မည် ဖြစ်သည်။ ဤသည်မှာ ငါ၏ ရည်ရွယ်ချက် ဖြစ်၏။

မိုးချုန်းသံ မြည်သည့်အခါ၊ လှိုင်းလုံးတို့၏ အဆက်မပြတ် မြည်ဟည်းသံများ ဖြစ်ပေါ်လေ၏။ အချို့တို့သည် ၎င်းတို့၏ အိပ်စက်ခြင်းမှ နိုးထ၍၊ ၎င်းတို့၏ စိတ်ဝိညာဉ်များထဲ၌ ကြီးစွာသော ထိတ်လန့်မှုဖြင့် နက်နက်နဲနဲ ရှာဖွေလျက်၊ ပလ္လင်ရှေ့သို့ အပြေးအလွှား ပြန်လာကြလေသည်။ ၎င်းတို့သည် လှည့်စားခြင်း၊ လိမ်လည်ခြင်းနှင့် ဒုစရိုက်များ ကျူးလွန်ခြင်းကို ရပ်တန့်ပစ်ကြရာ၊ ယင်းကဲ့သို့သော လူတို့အတွက် နိုးထရန် အလွန် နောက်မကျသေးချေ။ ငါသည် ပလ္လင်ထက်မှ စောင့်ကြည့်လျက်နေသည်။ ငါသည် လူတို့၏ စိတ်နှလုံးများထဲသို့ အတွင်းကျကျ ကြည့်၏။ ငါ့အား လေးလေးနက်နက်ဖြင့် ပြင်းပြစွာ တောင့်တသောသူတို့ကို ငါသည် ကယ်တင်ပြီး၊ ၎င်းတို့ကို ငါသည် သနား၏။ အခြားသောအရာအားလုံးထက် မိမိတို့၏ စိတ်နှလုံးထဲ၌ ငါ့ကို ပို၍ချစ်သောသူများ၊ ငါ၏ အလိုကို နားလည်ကာ၊ ငါ၏နောက်သို့ လမ်းဆုံးတိုင်အောင် လိုက်သောသူများကို ငါသည် ထာဝရကာလထဲသို့ ကယ်တင်ပေမည်။ ငါ၏လက်သည် ၎င်းတို့အား ဘေးကင်းလုံခြုံစွာ ဆုပ်ကိုင်ထားမည်ဖြစ်၍၊ ၎င်းတို့သည် ဤ အဖြစ်အပျက်ကို မရင်ဆိုင်ကြရဘဲ၊ ၎င်းတို့အပေါ် ဘေးအန္တရာယ် ကျရောက်ခြင်းလည်း ရှိမည်မဟုတ်။ အချို့တို့သည် ဤသို့ ပြိုးပြက်သော လျှပ်ပြက်ခြင်း မြင်ကွင်းကို မြင်သည့်အခါ၊ ၎င်းတို့အနေဖြင့် ခံစားမိသည်ကို ထုတ်ပြောရန် ခက်ခဲတော့မည်ဟူ၍ ၎င်းတို့၏ စိတ်နှလုံးများထဲတွင် ဝမ်းနည်းမိကြ၏။ ၎င်းတို့၏ နောင်တများသည် လွန်စွာ အချိန်နှောင်းမှ ရောက်လာခြင်း ဖြစ်လေသည်။ အကယ်၍ ၎င်းတို့သည် ဤနည်းဖြင့် ပြုမူခြင်းကို မလျှော့တမ်းဆက်လုပ်လျှင်၊ ၎င်းတို့အတွက် အလွန်ပင် နောက်ကျပေမည်။ အို၊ ခပ်သိမ်းသောအရာ၊ ခပ်သိမ်းသော အရာတို့ပင်ဖြစ်၏။ အားလုံးတို့သည် ပြီးမြောက်ပေလိမ့်မည်။ ဤသည်မှာ ငါ၏ ကယ်တင်ခြင်း နည်းလမ်းများထဲမှ တစ်ခု ဖြစ်၏။ ငါ့ကို ချစ်သောသူများကို ငါသည် ကယ်တင်၍၊ ဆိုးယုတ်သောသူများကို ငါသည် အဆုံးစီရင်မည်။ ဤသို့လျှင် ငါ၏ နိုင်ငံတော်သည် ကမ္ဘာမြေကြီးပေါ်၌ မြဲမြံ ခိုင်ခံ့လိမ့်မည်ဖြစ်ကာ၊ ငါသည် ဘုန်းအာနုဘော် ဖြစ်ကြောင်း၊ တောက်လောင်သော မီး ဖြစ်ကြောင်း၊ လူအယောက်တိုင်း၏ အတွင်းဆုံး စိတ်နှလုံးကို ရှာဖွေသော ဘုရားသခင် ဖြစ်ကြောင်းကို၊ စကြဝဠာအစွန်းရှိ တိုင်းနိုင်ငံများနှင့် လူမျိုးအပေါင်းတို့သည် သိကြလိမ့်မည်။ ဤအချိန်မှစတင်၍ ဖြူသောပလ္လင်ကြီး၏ တရားစီရင်ခြင်းအား လူအပေါင်းတို့ သိစေရန် လူရှေ့ဘုရားရှေ့တွင် ထုတ်ဖော်ပြလိုက်သည်၊ ထို့အပြင် တရားစီရင်ခြင်း အစပြုပြီ ဖြစ်ကြောင်း လူမျိုးအပေါင်းတို့ထံသို့ ကြေညာလိုက်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃၅” အစအဦး၌ ခရစ်တော်၏မိန့်မြွက်ချက်များ မှ

၁၀။ မိုးချုန်းသံ တစ်သံ ထွက်ပေါ်လာသည်၊ စကြဝဠာ တစ်လုံးကို လှုပ်ခါစေသည်၊ လူတို့အား နားပင်းစေသည်၊ လမ်းကြောင်းမှ ၎င်းတို့ တိမ်းရှောင်ရန် အလွန် နောက်ကျစေသည်၊ ထို့အပြင် အချို့တို့သည် အသတ်ခံကြရသည်၊ အချို့တို့သည် ဖျက်ဆီးခြင်းကို ခံကြရပြီး အချို့တို့သည် တရားစီရင်ခြင်းကို ခံကြရသည်။ အကယ်စင်စစ် ၎င်းသည် ယခင်က မည်သူမျှ မမြင်ဖူးသော မြင်ကွင်း တစ်ခု ဖြစ်သည်။ အာရုံစိုက်ကာ နားထောင်လော့၊ မိုးခြိမ်းသံများ နှင့်အတူ ငိုကြွေးသံများ ပါလာပြီး ဤ အသံသည် မရဏာနိုင်ငံမှ လာခြင်း ဖြစ်သည်၊ ဤ အသံသည် ငရဲမှ လာခြင်း ဖြစ်သည်။ ၎င်းမှာ ငါ၏ တရားစီရင်ခြင်းကို ခံရသော ဆန့်ကျင်ပုန်ကန်တတ်သော သားများ၏ ခါးသီးသော အသံ ဖြစ်သည်။ ငါပြောသော အရာကို နားမထောင်သော သူများ နှင့် ငါ၏ နှုတ်ကပတ်တော်များကို လက်တွေ့မလုပ်ဆောင်သောသူများသည် ပြင်းထန်စွာ တရားစီရင်ခြင်းကို ခံကြရပြီး ငါ၏ ကျိန်ခြင်း အမျက်ဒေါသကို ခံကြရသည်။ ငါ၏ အသံသည် တရားစီရင်ခြင်း နှင့် အမျက်ဒေါသ ဖြစ်ပြီး ငါသည် မည်သူ့ကိုမျှ သက်ညှာမည် မဟုတ်သည့်အပြင် မည်သူ့ကိုမျှ သနားခြင်းကရုဏာကို ပြမည် မဟုတ်၊ အဘယ်ကြောင့်ဆိုသော် ငါသည် ဖြောင့်မတ်သော ဘုရားသခင် ကိုယ်တိုင် ဖြစ်၍ ငါသည် အမျက်ဒေါသနှင့်ပြည့်သော၊ တောက်လောင်သော၊ စင်ကြယ်စေတတ်ပြီး ဖျက်ဆီးတတ်သော သူ ဖြစ်သည်။ ငါ့အထဲ၌ မည်သည့် အရာမျှ ကွယ်ဝှက်ထားခြင်း မရှိ၊ စိတ်ခံစားမှုနှင့်ဆိုင်သော အရာ တစ်စုံတစ်ခုမျှ မရှိဘဲ အရာခပ်သိမ်း ပွင့်လင်းသည်၊ ဖြောင့်မတ်ပြီး သမာသမတ်ကျသည်။ အဘယ်ကြောင့်ဆိုသော် ငါ၏ သားဦးများသည် ငါနှင့်အတူ ပလ္လင်ပေါ်တွင် ရှိနှင့်ကြပြီး တိုင်းနိုင်ငံအပေါင်း နှင့် လူမျိုးအပေါင်းတို့အား အုပ်စိုးနေခြင်းကြောင့် မတရားသော သူများအပြင် မဖြောင့်မတ်သော အရာများ နှင့် လူများသည် တရားစီရင်ခြင်းကို စတင်၍ ခံနေကြရပြီ ဖြစ်သည်။ ငါသည် ၎င်းတို့အား တစ်ယောက်ပြီး တစ်ယောက် စစ်ကြောကာ တစ်စုံတစ်ခုကိုမျှ မလွတ်စေဘဲ ၎င်းတို့အား အလျှင်း ထုတ်ဖော်မည်။ အဘယ်ကြောင့်ဆိုသော် ငါ၏ တရားစီရင်ခြင်းကို အပြည့်အဝ ထုတ်ဖော်ခဲ့ခြင်း နှင့် ဖွင့်ပြခဲ့ခြင်းကြောင့် ဖြစ်၍ မည်သည့် အရာကိုမျှ လုံးဝ ထိန်းထားခြင်း မရှိပေ၊ ငါ၏ အလိုနှင့် မကိုက်ညီသော မည်သည့် အရာကိုမဆို ပစ်ပယ်ကာ ၎င်းအား အနက်ဆုံးသောတွင်းထဲတွင် ထာဝရ ပျက်စီးခြင်းသို့ ရောက်စေမည်၊ ၎င်းအား အနက်ဆုံးသော တွင်းထဲတွင်ငါထာဝရ လောင်ကျွမ်းစေမည်။ ဤသည်မှာ ငါ၏ ဖြောင့်မတ်ခြင်း ဖြစ်သည်၊ ဤသည်မှာ ငါ၏ တည်ကြည်မှု ဖြစ်သည်။ ဤ အရာကို မည်သူမျှ မပြောင်းလဲနိုင်ဘဲ ၎င်းသည် ငါ၏ အမိန့်ကို နာခံရမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၀၃” အစအဦး၌ ခရစ်တော်၏မိန့်မြွက်ချက်များ မှ

၁၁။ ငါသည် ဖြောင့်မတ်သည်၊ ငါသည် သစ္စာရှိသည်၊ ငါသည် လူသား၏ အတွင်းကျဆုံးသော စိတ်နှလုံးကို စစ်ဆေးသော ဘုရားသခင် ဖြစ်၏။ မည်သူက စစ်မှန်သည်၊ မည်သူက မှားယွင်းသည်ကို ငါသည် မဆိုင်းမတွ ထုတ်ဖော်မည်။ ထိတ်လန့်တုန်လှုပ်ရန် မလိုအပ်ပေ၊ အရာရာအားလုံးသည် ငါ၏အချိန်ဖြင့် အလုပ်လုပ်ကြသည်။ မည်သူက ငါ့အား ရိုးသားစွာ လိုအပ်သည်၊ မည်သူက ငါ့အား ရိုးသားစွာ မလိုအပ်သည်ကို ငါသည် သင်တို့အား ပြောပြမည်။ ကောင်းစွာစား၊ ကောင်းစွာသောက်၊ ငါ့ရှေ့မှောက်သို့ လာပြီး၊ ငါနှင့် နီးကပ်စွာသာနေလော့၊ သို့ဖြစ်လျှင် ငါ၏အလုပ်ကို ငါကိုယ်တိုင်လုပ်မည်။ လျင်မြန်သော အကျိုးကျေးဇူး ရရှိရန်အတွက်၊ ကြောင့်ကြခြင်းမရှိနှင့်၊ ငါ၏အလုပ်သည် ချက်ချင်း အားလုံး ပြီးမြောက်စေနိုင်သည့် တစ်စုံတစ်ရာ မဟုတ်။ ထိုအထဲ၌ ငါ၏ခြေလှမ်းများနှင့် ငါ၏ဉာဏ်ပညာတို့ ပါဝင်သောကြောင့် ငါ၏ဉာဏ်ပညာကို ထုတ်ဖော်ပြသနိုင်သည်။ ငါ၏လက်များဖြင့် ပြီးမြောက်သည့်အရာသည် အဘယ်အရာဖြစ်သည်ကို ငါသည် သင်တို့အား မြင်စေမည်၊ ဆိုးသောသူကို အပြစ်ဒဏ်ပေးခြင်းနှင့် ကောင်းသောသူကို ဆုကျေးဇူးပေးသနားခြင်း ဖြစ်ပေသည်။ ငါသည် တစ်ဦးတစ်ယောက်ကိုမျှ ဘက်မလိုက်သည်မှာ အသေအချာပင်ဖြစ်သည်။ ငါသည် ငါ့အားချစ်သော သင့်ကို ရိုးသားစွာ ချစ်ပြီး၊ ငါ့အား ရိုးသားစွာ မချစ်သော မည်သူအပေါ်မဆို ငါ၏အမျက်ဒေါသ ကျရောက်လိမ့်မည်၊ ထိုကြောင့် ငါသည် စစ်မှန်သော ဘုရားသခင်၊ လူသား၏ အတွင်းစိတ်နှလုံးကို စစ်ကြောသော ဘုရားသခင်ဖြစ်ကြောင်း သူတို့သည် အမြဲမှတ်မိကြလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၄၄” အစအဦး၌ ခရစ်တော်၏မိန့်မြွက်ချက်များ မှ

၁၂။ ငါအတွက် ရိုးရှင်းစွာ မိမိကိုယ်ကို အသုံးခံသူများနှင့် ငါ့ထံသို့ မိမိကိုယ်ကို ဆက်ကပ်သောသူများကို ငါချစ်၏။ ငါဖြစ်ဖွားစေသောသူ ဖြစ်သော်လည်း ငါ့ကို မသိသည်သာမကဘဲ ခုခံသောသူအားလုံးတို့ကိုမူ ငါမုန်း၏။ ငါ့အတွက် ရိုးရှင်းသောသူ အဘယ်သူကိုမျှ ငါမစွန့်ပစ်ဘဲ သူတို့၏ ကောင်းကြီးများကို နှစ်ဆတိုးပေးမည်။ ကျေးဇူးမသိတတ်သောသူများကို နှစ်ဆပြစ်ဒဏ်ပေး၍ အလွယ်တကူ ချမ်းသာပေးမည် မဟုတ်ချေ။ ငါ၏နိုင်ငံတော်တွင် မဖြောင့်မှန်ခြင်းမရှိ၊ လှည့်ဖြားခြင်းမရှိ၊ လောကီဆန်ခြင်းမရှိ၊ ဆိုလိုသည်မှာ သေခြင်း၏အနံ့အသက်မရှိဘဲ အားလုံးတို့သည် မှန်ကန်၏၊ အားလုံးတို့သည် ဖြောင့်မတ်၏၊ အားလုံးတို့သည် သန့်ရှင်း၏၊ ပွင့်လင်းမြင်သာမှုလည်းရှိ၏၊ ဝှက်ထားခြင်းမရှိ၊ ဖုံးကွယ်ထားခြင်းမရှိ၊ အားလုံးတို့သည် လန်းဆန်း၍ ဝမ်းမြောက်ခြင်းဖြင့်ပြည့်၏၊ အားလုံး တိုးတတ်ဖွံ့ဖြိုးကြ၏။ တစ်စုံတစ်ယောက်သည် သေခြင်း၏ အနံ့အသက်ကိုခံမိလျှင် ၎င်းသည် ငါ၏နိုင်ငံတော်တွင် ဆက်လက်နေထိုင်ခွင့်မရှိဘဲ ငါ့သံလှံတံ၏ အုပ်ချုပ်ခြင်းကိုသာ ခံရမည် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၇၀” အစအဦး၌ ခရစ်တော်၏မိန့်မြွက်ချက်များ မှ

၁၃။ အမှန်စင်စစ် ဘုရင်များကဲ့သို့ အုပ်ချုပ်သောသူများသည် ငါ၏ကြိုတင်ခွဲခန့်မှတ်သားခြင်းနှင့် ရွေးချယ်ခြင်းပေါ်၌ တည်မှီလျက်ရှိကြပြီး လူ့ဆန္ဒတစုံတခုမျှ မရှိရချေ။ ၎င်းနှင့်ပတ်သက်၍ တစုံတယောက်သည် ပါဝင်လိုလျှင် ထိုလူသည် ငါ၏ရိုက်နှက်ခြင်းကို ခံရမည်။ သူသည်လည်း ငါ့ဒေါသမီး၏ ပစ်မှတ်ဖြစ်သည်။ ဤအရာသည် ငါ၏ဖြောင့်မတ်ခြင်းနှင့် ဘုန်းအာနုဘော်၏ အခြားသောဘက် ဖြစ်သည်။ ငါသည် အရာခပ်သိမ်းကို အုပ်ချုပ်သည်၊ ငါသည် အာဏာအပြည့်ဝနှင့်တကွ ဉာဏ်ပညာရှိသောဘုရားဖြစ်သည်၊ ငါသည် မည်သူ့ကိုမျှ မသက်ညှာ၊ ရက်စက်၍ ကိုယ်ရေးကိုယ်တာ ခံစားချက်များမရှိကြောင်း ငါပြောခဲ့ပြီးဖြစ်သည်။ ငါ၏ဖြောင့်မတ်ခြင်း၊ မှန်ကန်ခြင်းနှင့် ဘုန်းအာနုဘော်ဖြင့် အားလုံးကို ငါဆက်ဆံသည် (မည်သို့ပင် စကားပြော ကောင်းသည်ဖြစ်စေ ကင်းလွတ်ခွင့်မပေး)။ တစ်ချိန်တည်းမှာပင် ငါသည် အားလုံးတို့အား အံ့ဘွယ်သော ငါ၏လုပ်ရပ်များနှင့် ၎င်း၏ဆိုလိုရင်းကို ပို၍မြင်စေခြင်းငှာ အစွမ်းပေးမည်။ ဝိညာဉ်ဆိုးများ၏ ပြုမူကျင့်ကြံမှုအားလုံးတို့ကို တစ်ယောက်ပြီးတစ်ယောက် ပြစ်ဒဏ်ပေးပြီး၊ တစ်ယောက်ပြီးတစ်ယောက် အနက်ဆုံးသော တွင်းထဲသို့ ပစ်ချမည်။ သူတို့အလုပ်လုပ်ရန် နေရာအခြေအနေ ချန်မထားဘဲ ဤအမှုကို အချိန်မစတင်မီ ငါအဆုံးသတ်ခဲ့ပြီ။ ငါကြိုတင်ခွဲခန့်မှတ်သားထားသော၊ ရွေးနုတ်ထားသော သူများဖြစ်ကြသည့် ငါရွေးချယ်ထားသောသူအားလုံးကို မည်သည့်အချိန်ဖြစ်စေ ထိုသူတို့ မပိုင်စေရပေ။ ငါ့လူတိုသည် အမြဲတမ်းသန့်ရှင်း၏။ ငါ၏ကြိုတင်ခွဲခန့်မှတ်သားခြင်းနှင့် ရွေးနုတ်ခြင်းကို မခံရသောသူတို့ကို စာတန်ဘက်သို့ ငါလွှဲပြောင်းမည်ဖြစ်ပြီး ငါနှင့်အတူ ဆက်လက်နေထိုင်ခွင့်မပေး။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၇၀” အစအဦး၌ ခရစ်တော်၏မိန့်မြွက်ချက်များ မှ

၁၄။ မည်ကဲ့သို့သော လူမျိုးကို ငါနှစ်သက်သည်ကို သင်သိရမည်။ မသန့်စင်သော ထိုသူများအား နိုင်ငံတော်အထဲသို့ ဝင်ရောက်ရန် အခွင့်မပြု၊ မသန့်စင်သော ထိုသူများအား သန့်ရှင်းသောမြေကို ညစ်ညူးစေရန် အခွင့်မပြု။ သင်သည် များစွာသော အလုပ်တို့ကို လုပ်ဆောင်ခဲ့ပြီး၊ နှစ်ပေါင်းများစွာ လုပ်ဆောင်ခဲ့သော်ငြားလည်း၊ အဆုံး၌ သင်သည် ဆိုးရွားစွာပင် ညစ်ညမ်းနေဆဲ ဖြစ်မည်ဆိုပါက၊ သင် ငါ့နိုင်ငံတော်ထဲသို့ ဝင်ရောက်လိုသည်မှာ ကောင်းကင်ဘုံ၏ ဥပဒေသအတွက် သည်းမခံနိုင်စရာပင် ဖြစ်သည်။ လောကကြီးအား အုတ်မြစ်ချသည့် အချိန်မှစ၍ ယနေ့အထိ၊ မည်သည့်အခါမျှပင် ငါသည် ငါ့အား မျက်နှာလို မျက်နှာရ ပြုကြသော ထိုသူများအား ငါ့နိုင်ငံတော်ထဲသို့ လွယ်ကူစွာ ဝင်နိုင်ခွင့်ကို မပေးခဲ့။ ဤအရာသည် ကောင်းကင်ဆိုင်ရာ စည်းမျဉ်းပင် ဖြစ်ပြီး၊ ယင်းအား မည်သူမျှ မချိုးဖောက်နိုင်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အောင်မြင်မှုနှင့် ရှုံးနိမ့်မှုသည် လူလျှောက်သော လမ်းကြောင်းအပေါ်တွင် မူတည်သည်” မှ

၁၅။ အရာခပ်သိမ်းတို့ စီစဉ်တကျ ရှိသည့်အချိန်သည် ငါ့အနေဖြင့် ဇိအုန်သို့ ပြန်မည့် နေ့ရက် ဖြစ်ပြီး၊ ဤ နေ့ရက်ကို လူအပေါင်းတို့သည် အောက်မေ့ဖွယ်ရာအဖြစ် ကျင်းပကြလိမ့်မည်။ ဇိအုန်သို့ ငါ ပြန်သည့်အခါ၊ မြေကြီးပေါ်မှ အရာခပ်သိမ်းသည် တိတ်ဆိတ် ငြိမ်သက်ကြလိမ့်မည်။ ဇိအုန်သို့ ငါ ပြန်ပြီးသည့်အခါ၊ အားလုံးသည် ၎င်းတို့၏ မူရင်း ပုံပန်းကို တဖန်ဆောင်ကြလိမ့်မည်။ ထိုအချိန်တွင် ငါသည် ငါ၏ အမှုကို ဇိအုန်၌ စတင်လုပ်ဆောင်မည်၊ ငါသည် မတရားသောသူတို့ကို အပြစ်ပေး၍၊ တရားသောသူတို့ကို ဆုပေးမည်၊ ငါ၏ ဖြောင့်မတ်ခြင်းကို တည်စေကာ၊ တရားစီရင်ခြင်းကို ငါ လုပ်ဆောင်မည်။ အရာခပ်သိမ်းတို့ ပြီးမြောက်အောင်မြင်စေရန် ငါသည် ငါ၏ နှုတ်ကပတ်တော်များကို အသုံးပြုမည်ဖြစ်ပြီး၊ ပြစ်တင်ဆုံးမတတ်သော ငါ၏ လက်ကို အယောက်တိုင်းနှင့် အရာခပ်သိမ်းတို့အား တွေ့ကြုံစေမည်။ လူအပေါင်းတို့အား ငါ၏ အလုံးစုံသော ဘုန်းကို မြင်စေရန်၊ ငါ၏ အလုံးစုံသော ဉာဏ်ပညာကို မြင်စေရန်၊ ငါ၏ အလုံးစုံသော ကြွယ်ဝလျှံပယ်ခြင်းကို မြင်စေရန် ငါ ပြုမည်။ အရာခပ်သိမ်းသည် ငါနှင့်အတူ စုံလင်သည်ဖြစ်သောကြောင့်၊ မည်သူကမျှ တရားစီရင်ချက်ကို ချမှတ်ရန် ပုန်ကန်ဝံ့မည် မဟုတ်ပေ။ ခပ်သိမ်းသောအရာတို့သည် ငါနှင့်အတူ ပေါ်လွင်နေခြင်းကြောင့်၊ ဤသို့အားဖြင့် အယောက်တိုင်းသည် ငါ၏ အလုံးစုံသော ဘုန်းအသရေကို မြင်ရလိမ့်မည် ဖြစ်ကာ၊ အားလုံးသည် ငါ၏ အလုံးစုံသော အောင်မြင်ခြင်းကို တွေ့ကြုံရလိမ့်မည်။ ဤအရာမှတစ်ဆင့် တစ်ယောက်သောသူသည် ငါ၏ ကြီးမြတ်သော တန်ခိုးနှင့် ငါ၏ သြဇာအာဏာကို ကောင်းစွာ မြင်နိုင်စွမ်း၏။ ငါ့အား မည်သူမျှ ပုန်ကန်ပြစ်မှားဝံ့လိမ့်မည် မဟုတ်၊ ငါ့အား မည်သူမျှ တားဆီးနှောင့်ယှက်ဝံ့လိမ့်မည် မဟုတ်။ အရာခပ်သိမ်းအား ငါနှင့်အတူ ထုတ်ပြန်ကြေညာထား၏၊ မည်သူသည် တစ်စုံတစ်ရာကို ကွယ်ဝှက်ရဲလိမ့်မည်နည်း။ ငါသည် ထိုသူအား သနားကရုဏာ မရှိသည်မှာ သေချာ၏။ ယင်းကဲ့သို့ လူယုတ်များသည် ငါ၏ ပြင်းထန်သော အပြစ်ပေးခြင်းကို ခံရကြမည် ဖြစ်ပြီး၊ ယင်းသို့သော လူဖျင်းသည် ငါ၏ မျက်စိအောက်မှ ဖယ်ရှားခြင်းကို ခံရမည်။ ငါသည် ၎င်းတို့အား သံလှံတံဖြင့် အုပ်စိုး၍၊ သနားကရုဏာ အလျှင်းမရှိ၊ ၎င်းတို့၏ ခံစားချက်များကို အလျှင်းချမ်းသာခွင့် မပေးဘဲ၊ ၎င်းတို့အား တရားစီရင်ရန်အတွက် ငါ၏ သြဇာအာဏာကို အသုံးပြုမည်၊ အဘယ်ကြောင့်ဆိုသော် ငါသည် စိတ်ခံစားချက် မရှိသော၊ ဘုန်းအာနုဘော် ဖြစ်သော၊ ပုန်ကန်ပြစ်မှား၍ မရနိုင်သော ဘုရားသခင် ကိုယ်တိုင် ဖြစ်ခြင်းကြောင့် ဖြစ်သည်။ ဤအရာကို အယောက်တိုင်းသည် နားလည်ကာ မြင်သင့်၏၊ အချိန်ရောက်သည့်အခါ၊ “အကြောင်းတရား သို့မဟုတ် အကြောင်းရင်း မရှိဘဲ” ငါ၏ ဖျက်ဆီးမှုကို ခံရခြင်း၊ ငါ၏အမြစ်ဖြတ်သုတ်သင်မှုကို ခံရခြင်းတို့အား ရှောင်ရှားနိုင်စေရန် ဖြစ်သည်၊ အကြောင်းမူကား ငါ၏ လှံတံသည် ငါ့အား ပုန်ကန်ပြစ်မှားသောသူ အားလုံးကို အဆုံးစီရင်မည် ဖြစ်၏။ ၎င်းတို့သည် ငါ၏ စီမံအုပ်ချုပ်ရေးဆိုင်ရာ အမိန့်များကို သိကြသည်ဖြစ်စေ မသိကြသည်ဖြစ်စေ ငါ့အတွက် အရေးကြီးမည် မဟုတ်၊ ငါ၏ ဇာတိအဖြစ်သည် မည်သူ တစ်ဦးတစ်ယောက်၏ ပုန်ကန်ပြစ်မှားမှုကိုမဆို သည်းခံနိုင်သည် မဟုတ်သောကြောင့် ယင်းသည် ငါ့အတွက် အရေးပါမည် မဟုတ်ပေ။ ဤ အကြောင်းရင်းကြောင့် ငါသည် ခြင်္သေ့တစ်ကောင် ဖြစ်သည်ဟူ၍ ဆိုခြင်း ဖြစ်သည်။ ငါ တို့ထိသော မည်သူ့ကိုမဆို၊ သင့်အား ငါ အဆုံးစီရင်မည်။ ထို့ကြောင့် ငါသည် သနားကရုဏာပြည့်စုံပြီး ချစ်ခင်ကြင်နာသော ဘုရားသခင် ဖြစ်သည်ဟု ယနေ့၌ ပြောခြင်းမှာ ငါ့အား စော်ကားပြောဆိုခြင်းဖြစ်သည်ဟု ဆိုခြင်းဖြစ်သည်။ ငါသည် အနှစ်သာရအားဖြင့် သိုးသငယ်တစ်ကောင် မဟုတ်၊ ခြင်္သေ့တစ်ကောင်ပင် ဖြစ်သည်။ ငါ့အား မည်သူမျှ ပုန်ကန်ပြစ်မှားခြင်း မပြုဝံ့ဘဲ၊ ပုန်ကန်ပြစ်မှားသောသူ မည်သူ့ကိုမဆို ငါသည် ခံစားချက် အလျှင်းမရှိဘဲ၊ သေခြင်းဖြင့် ချက်ချင်း အပြစ်ပေးမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၂၀” အစအဦး၌ ခရစ်တော်၏မိန့်မြွက်ချက်များ မှ

၁၆။ ငါသည် လောင်သောမီးဖြစ်ကာ အပြစ်ကို ငါသည်းမခံပါ။ အဘယ်ကြောင့်ဆိုသော် လူသား အားလုံးသည် ငါ့အားဖြင့် ဖန်ဆင်းထားခြင်းဖြစ်ပြီး ငါပြောသမျှနှင့် လုပ်သမျှတို့ကို လူတို့ နာခံကြရမည် ဖြစ်ကာ ဆန့်ကျင်ပုန်ကန်ကြရမည်မဟုတ်။ လူတို့သည် ငါ၏ အလုပ်၌ ဝင်ရောက် စွက်ဖက်ပိုင်ခွင့်မရှိကြပါ၊ အထူးသဖြင့် သူတို့က ငါ၏အလုပ်နှင့် နှုတ်ကပတ်တော်တို့ကို အဘယ်အရာ မှန်သည် သို့မဟုတ် မှားသည်ဟု စိစစ်ဖို့ရန် အရည်အချင်းမပြည့်မီကြပါ။ ငါသည် ဖန်ဆင်းခြင်း၏ အရှင်သခင်ဖြစ်ပြီး သတ္တဝါများအနေဖြင့် ငါ့အား ရိုသေလေးမြတ်သော စိတ်နှလုံးတစ်ခုနှင့်အတူ ငါသတ်မှတ်ပြဋ္ဌာန်းထားသော အရာတိုင်းကို ရယူသင့်ကြ၏၊ သူတို့သည် ငါနှင့်အတူ ကျိုးကြောင်းမဆင်ခြင်သင့်သလို အထူးသဖြင့် ငါ့ကို မဆန့်ကျင် သင့်ပါ။ ငါ၏ လူတို့အပါ် အုပ်စိုးရန်အတွက် ငါ၏ အခွင့်အာဏာကို ငါအသုံးပြုနေပြီး ငါ့ဖန်ဆင်းခြင်း၏ အစိတ်အပိုင်းဖြစ်ကြသော သူအားလုံး ငါ၏ အခွင့်အာဏာကို နာခံသင့်ကြ၏။ ယနေ့ ငါ၏ရှေ့တွင် သင်တို့သည် ရဲရင့်ကြပြီး စိတ်ကြီးဝင်နေကြလျက်၊ သင်တို့ကို ငါသင်ပေးသော ပညတ်တော်များကို သင်တို့ နားမထောင်ကြဘဲ ကြောက်ရွံ့မှုမရှိကြသော်လည်း၊ ငါသည် သင်တို့၏ ပုန်ကန်မှုကို သည်းခံခြင်းဖြင့်သာ ပြန်လည်တုံ့ပြန်၏။ အလွန်သေးငယ်သော လောက်တို့သည် နောက်ချေးပုံထဲ၌ အညစ်အကြေးကို လှန်ကြ သောကြောင့် ငါ၏ ဒေါသကို ငါလွတ်မည်မဟုတ်သလို ငါ့အလုပ်အပေါ် သက်ရောက်စေမည်မဟုတ်။ ငါ၏ ဖွင့်ဆိုချက်များ မပြည့်စုံမီတိုင်အောင်၊ ငါ၏ နောက်ဆုံး အခိုက်အတန့်အထိ ခမည်းတော်၏ အလိုတော်ကို ထောက်ရှုကာ ငါမနှစ်မြို့သော အရာအားလုံးနှင့် ငါစက်ဆုပ်သောအရာများကို ဆက်လက်ဖြစ်တည်မှုကို ငါသည်းခံသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ရွက်ကြွေများ ၎င်းတို့အမြစ်များဆီ ပြန်သွားကြချိန် ပြုခဲ့သမျှ မကောင်းမှုအားလုံးကို သင်နောင်တရလတ္တံ့” မှ

၁၇။ ငါ့ကိုချစ်၍ မိမိကိုယ်ကို ငြင်းပယ်သောသူတို့အပေါ် ငါ၏သနားကြင်နာမှုကို ထုတ်ဖော်ပြ၏။ ကောက်ကျစ်စဉ်းလဲသူတို့အပေါ် ကျရောက်သည့်အပြစ်ဒဏ်မှာ ငါ၏ဖြောင့်မတ်သော စိတ်နေသဘောထား၏ သက်သေအတိအကျဖြစ်ပြီး၊ သာ၍ပင် ငါ့အမျက်ဒေါသ၏ သက်သေခံချက်ဖြစ်သည်။ ဘေးဒုက္ခကျရောက်သည့်အခါ ငါ့ကိုဆန့်ကျင်သူအားလုံးအပေါ် ငတ်မွတ်ခေါင်းပါးမှုနှင့် ကပ်ဆိုးကျရောက်၍ ထိုသူတို့ ငိုကြွေးကြလိမ့်မည်။ ငါ့နောက်သို့ နှစ်ပေါင်းများစွာ လိုက်ခဲ့သော်လည်း ကောက်ကျစ်စဥ်းလဲမှုအမျိုးမျိုး ကျူးလွန်သူများသည် မိမိတို့၏အပြစ်များအတွက် ပေးဆပ်ရခြင်းမှ လွတ်မြောက်လိမ့်မည်မဟုတ်။ ၎င်းတို့သည်လည်း နှစ်သန်းပေါင်းများစွာတစ်လျှောက်လုံး မြင်တွေ့ရခဲသော ဘေးဒုက္ခမျိုးထဲသို့ကျရောက်၍ စဉ်ဆက်မပြတ် ထိတ်လန့်ကြောက်ရွံ့ခြင်း၌ အသက်ရှင်လာရလိမ့်မည်။ ထို့အပြင် ငါ့တစ်ဦးတည်းအပေါ်၌သာလျှင် သာ၍ပင် သစ္စာစောင့်သိမှုကို ပြသလာခဲ့သော ငါ၏နောက်လိုက်များသည် ဝမ်းမြောက်၍ ငါ၏ခွန်အားကို ချီးမွမ်းကြလိမ့်မည်။ ထိုသူတို့သည် ပြောမပြနိုင်လောက်သော ရောင့်ရဲတင်းတိမ်မှုကို ကြုံတွေ့ရပြီး ယခင်က လူသားမျိုးနွယ်အပေါ် ငါမနှင်းအပ်ခဲ့ဖူးသော ဝမ်းမြောက်ခြင်း၌ အသက်ရှင်ကြလိမ့်မည်။ အကြောင်းမူကား ငါသည် လူသားတို့၏ ကောင်းမွန်သောလုပ်ဆောင်ချက်များကို တန်ဖိုးထား၍ ဆိုးယုတ်သောလုပ်ဆောင်ချက်များကို စက်ဆုပ်သောကြောင့်ဖြစ်၏။ ငါသည် လူသားမျိုးနွယ်ကို စတင်ဦးဆောင်ခဲ့စဉ်မှစ၍ ငါ၏စိတ်တော်နှင့် တညီတညွတ်တည်းဖြစ်သော လူတစ်စုကိုရရှိရန် စိတ်အားထက်သန်စွာဖြင့် မျှော်လင့်လာနေခဲ့သည်။ ငါ၏စိတ်တော်နှင့် တညီတညွတ်တည်းမရှိသောသတို့ကို ငါသည် မည်သည့်အခါမျှ မေ့လျော့ခြင်းမရှိခဲ့ပေ။ မြင်တွေ့ရလျှင် ငါ့အား သဘောတွေ့စေမည့်၊ ထိုသူတို့အပေါ် အပြစ်ဒဏ်ခတ်ဖို့အခွင့်အရေးကိုသာ စောင့်စားလျက် ငါ့နှလုံးတွင် စက်ဆုပ်ရွံရှာမှုနှင့်အတူ ငါသည်သူတို့ကို ချည်နှောင်ထား၏။ နောက်ဆုံးတွင် ငါ၏နေ့ရက်သည် ယနေ့ရောက်လာပြီဖြစ်ပြီး ငါသည် ဆက်လက်စောင့်ဆိုင်းရန် မလိုတော့ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့၏ လမ်းဆုံးပန်းတိုင်အတွက် လုံလောက်သော ကောင်းမှုများကို ပြင်ဆင်လော့” မှ

၁၈။ ငါ့ကို အစေခံရန် သင်၏ စိတ်ပိုင်းဖြတ်ချက်ကို သင် ချမှတ်ပြီးသား ဖြစ်ခြင်းကြောင့် ငါသည် သင့်ကို အလွတ်ပေးမည် မဟုတ်။ ငါသည် မကောင်းမှုကို မုန်းသော ဘုရားသခင် ဖြစ်ပြီး လူ့အပေါ် သဝန်တိုတတ်သော ဘုရားသခင် ဖြစ်သည်။ သင်၏ စကားများကို ပလ္လင်တော်ထက်သို့ သင် လျှောက်တင်ခဲ့ပြီးသား ဖြစ်ခြင်းကြောင့် ငါ၏ မျက်စိ ရှေ့မှ သင် ထွက်ပြေးသည်ကို ငါ သည်းခံမည် မဟုတ်သည့်အပြင် သခင် နှစ်ဦးအား သင် အစေခံနေသည်ကို ငါ သည်းခံမည် မဟုတ်။ ငါ၏ ပလ္လင်တော်ထက်တွင် လည်းကောင်း၊ ငါ၏ မျက်စိ ရှေ့တွင်လည်း သင်၏ စကားများကို လျှောက်တင်ပြီးကာမှ သင် ချစ်ရမည့် အခြားအရာ ရှိနိုင်မည်ဟု သင် ထင်ခဲ့သလော။ ထို ပုံစံဖြင့် ငါ့ကို အရူးလုပ်ရန် လူတို့အား ငါ အဘယ်သို့ အခွင့်ပေးနိုင်မည်နည်း။ သာမန်ကာလျှံကာ သဘောဖြင့် ငါ့ကို သင် အဓိဌာန်များ ပြုနိုင်မည်၊ သင်၏ လျှာဖြင့် သစ္စာများကို ပြုနိုင်မည်ဟု သင် ထင်ခဲ့သလော။ အမြင့်ဆုံးသော ဘုရားသခင်၊ ငါ၏ ပလ္လင်တော်ကို တိုင်တည်၍ သင် အဘယ်အတွက်ကြောင့် သစ္စာများကို ကျိန်ဆိုရသနည်း။ သင်၏ သစ္စာများသည် ဆိတ်သုဉ်းသွားနှင့်ပြီဟု သင် ထင်ခဲ့သလော။ သင်တို့ကို ငါ ပြောမည်၊ သင်တို့၏ သွေးသားခန္ဓာကိုယ်များ ပျက်စီးသွားသော်မှ သင်တို့၏ သစ္စာများ ဆိတ်သုဉ်းနိုင်ခြင်း မရှိ။ နောက်ဆုံးတွင် သင်တို့၏ သစ္စာများအပေါ် အခြေခံကာ သင်တို့အား ငါ စီရင်ချက်ချမည်။ သို့ရာတွင် ငါ နှင့် ရင်ဆိုင်ဖြေရှင်းရန် သင်တို့၏ စကားများကို ငါ့ ရှေ့တွင် ထားနိုင်ကာ သင်တို့၏ စိတ်နှလုံးများသည် ညစ်ညူးသော ဝိညာဉ်များ နှင့် နတ်ဆိုးများကို အစေခံနိုင်မည်ဟု သင်တို့ ထင်ကြသည်။ ငါ့ကို လိမ်ညာသော ခွေး ကဲ့သို့၊ ဝက် ကဲ့သို့သော ထို လူများကို ငါ၏ အမျက်ဒေါသသည် အဘယ်သို့ သည်းခံနိုင်ရမည်နည်း။ ငါ၏ စီရင်ဆုံးဖြတ်နိုင်သော အမိန့်အာဏာများအတိုင်း ငါ လုပ်ဆောင်ရမည် ဖြစ်ပြီး ရှေးဆန်သော သူများ၊ ငါ့အား စနစ်တကျ “အစေခံ” သော ပုံစံဖြင့် ယုံကြည်သည့် “ဘာသာတရားကိုင်းရှိုင်းသော” သူများ အားလုံးကို ညစ်ညူးသော ဝိညာဉ်များ၏ လက်ထဲမှ ငါ ပြန်လုယူပြီး ငါ၏ နွား၊ ငါ၏ မြင်း ဖြစ်စေကာ ငါ၏ စီစဉ်ညွှန်ကြားမှုအောက်တွင် ရှိစေမည်။ သင်၏ ယခင်က စိတ်ပိုင်းဖြတ်ချက်ကို သင့်အား ငါ ပြန်ကောက်ယူစေကာ ငါ့အား နောက်တစ်ဖန် ပြန်အစေခံခိုင်းမည်။ ငါ့ကို လိမ်လည်သော ဖန်ဆင်းခံ တစ်စုံတစ်ရာကိုမျှ ငါ သည်းခံမည် မဟုတ်။ ငါ့ ရှေ့မှာ သင် လက်လွတ်စပယ် တောင်းလျှောက်ပြီး လက်လွတ်စပယ် လိမ်လည်နိုင်မည်ဟု သင် ထင်ခဲ့သလော။ သင်၏ အပြောအဆိုများ နှင့် အကျင့်များကို ငါ မကြားခဲ့ရ သို့မဟုတ် မမြင်ခဲ့ရဟု သင် ထင်ခဲ့သလော။ သင်၏ အပြောအဆိုများ နှင့် အကျင့်များသည် ငါ၏ မြင်ကွင်းထဲမှ အဘယ်အတွက်ကြောင့် မရှိရမည်နည်း။ ထို ပုံစံဖြင့် ငါ့ကို လိမ်လည်ရန် လူတို့အား ငါ အဘယ်သို့ အခွင့်ပေးနိုင်မည်နည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့၏စရိုက်မှာ အလွန်အောက်တန်းကျလေစွ” မှ

၁၉။ ငါ့ကို ချီးမွမ်းရာ၌ ကောင်းကင်တမန်များသည် တေးဂီတကို တီးမှုတ်လေသောအခါ ဤသီချင်းသံသည် လူသားအတွက် ငါ၏ စာနာခြင်းကို မလှုံ့ဆော်ဘဲ မနေနိုင်။ ချက်ချင်းဆိုသလိုပင် ငါ၏ နှလုံးသားသည် ဝမ်းနည်းခြင်းနှင့် ပြည့်လာပြီး ဤစိတ်မချမ်းမြေ့စရာ စိတ်ခံစားချက်မှ ငါ့ကိုယ်ငါ ဖယ်ရှားပစ်ရန် မဖြစ်နိုင်ချေ။ လူသားနှင့် ခွဲခွာခဲ့ရပြီးနောက် ပြန်လည်ပေါင်းစည်းခဲ့ရသည့် ပူဆွေးခြင်းများနှင့် ဝမ်းမြောက်ခြင်းများ၌ ငါတို့သည် ခံစားချက်များကို ဖလှယ်ရန် မတတ်နိုင်။ အထက်အရပ် ကောင်းကင်ဘုံထဲနှင့် အောက်အရပ် ကမ္ဘာမြေကြီးအပေါ် ကွဲနေခဲ့ပြီး လူသားနှင့် ငါသည် ပုံမှန်တွေ့ဆုံရန် မတတ်နိုင်ကြ။ ယခင်ခံစားချက်များကို တသလွမ်းဆွတ်ခြင်းမှ မည်သူသည် ချိုးဖောက်လွန်မြောက် နိုင်သနည်း။ အတိတ်အကြောင်းကို ပြန်လည် စားမြုံ့ပြန်ခြင်းကို မည်သူသည် ရပ်တန့်နိုင်သနည်း။ မည်သူသည် အတိတ်ခံစားချက်များ၏ ဆက်လက်၍ ဖြစ်ပေါ်တည်ရှိခြင်းကို မမျှော်လင့်လိမ့်မည်နည်း။ မည်သူသည် ငါ၏ ပြန်လာခြင်းကို မအောက်မေ့ဘဲ ရှိလိမ့်မည်နည်း။ လူသားနှင့် ငါ၏ ပြန်လည်ပေါင်းစည်းခြင်းကို မည်သူသည် မတောင့်တဘဲ ရှိလိမ့်မည်နည်း။ ငါ၏ စိတ်နှလုံးသည် အလွန်အမင်း သောကရောက်လျက်ရှိပြီး လူသား၏ ဝိညာဉ်သည် အလွန်အမင်း စိတ်ပူပန်လျက်ရှိသည်။ ဝိညာဉ်သဘောအရ ထပ်တူညီသော်လည်း ငါတို့သည် မကြာခဏပင် အတူတကွ မရှိနိုင်ကြ၊ မကြာခဏပင် အချင်းချင်း မြင်တွေ့၍ မရနိုင်ကြ။ ထို့ကြောင့် လူသားမျိုးနွယ် အားလုံး၏ အသက်တာသည် ပူဆွေးသောကနှင့် တင်းကျမ်းပြည့်နှက်နေပြီး ရှင်သန်မှုစွမ်းအားလည်း ကင်းမဲ့နေသည်၊ အကြောင်းမှာ လူသားသည် ငါ့ကို အစဉ်အမြဲ တမ်းတနေခဲ့သောကြောင့် ဖြစ်သည်။ ဤသည်မှာ လူသတ္တဝါများသည် ကောင်းကင်ဘုံမှ တိုက်ချခံလိုက်ရသော အရာဝတ္ထုများ ဖြစ်သည့်အလား၊ ငါ့ကို မြေပြင်ပေါ်မှ စူးစိုက် မော်ကြည့်လျက် ၎င်းတို့သည် ကမ္ဘာမြေကြီးပေါ်တွင် ငါ၏ အမည်ကို ဟစ်ခေါ်ကြသည်၊ သို့သော်လည်း ၎င်းတို့သည် ငမ်းငမ်းတက် ဆာလောင်နေသော ဝံပုလွေ၏ အန္တရာယ်မှ အဘယ်သို့လျှင် ၎င်းတို့ ကိုယ်ကိုယ် လွတ်မြောက်အောင် လုပ်ဆောင်နိုင်မည်နည်း။ ၎င်းတို့သည် ထိုဝံပုလွေ၏ ခြိမ်းခြောက်ခြင်းများနှင့် ဖြားယောင်းသွေးဆောင်မှုများမှ အဘယ်သို့လျှင် မိမိတို့ကိုယ်မိမိတို့ ကင်းဝေးစေနိုင်မည်နည်း။ ငါ့အစီအစဉ်၏ စီစဉ်ခြင်းကို နာခံခြင်းအားဖြင့် လူသတ္တဝါများသည် မိမိတို့ကိုယ်မိမိတို့ အဘယ်သို့လျှင် မစွန့်လွှတ်နိုင်ဘဲ ရှိမည်နည်း။ ထိုသူတို့သည် ကျယ်ကျယ် လောင်လောင် တောင်းပန်တိုးလျှိုးသောအခါ ငါသည် ၎င်းတို့ထံမှ ငါ၏မျက်နှာကို လွှဲလိုက်သည်၊ ဆက်လက်၍ ကြည့်ရန် ငါမခံရပ်နိုင်တော့၊ သို့သော်လည်း အဘယ်သို့လျှင် ငါသည် ၎င်းတို့၏ မျက်ရည်ပြည့်လျှမ်းသော အော်ဟစ်သံများကို မကြားနိုင်ဘဲနှင့် ရှိမည်နည်း။ လူ့လောကကြီး၏ မတရားခြင်းများကို ငါပြင်မည်။ ငါ၏ လူများကို နောက်တစ်ဖန် ဘေးပြုခြင်းမှ စာတန်ကို တားမြစ်လျက်၊ ရန်သူများကို ၎င်းတို့စိတ်ကြိုက် နောက်တစ်ဖန် လုပ်နေခြင်းမှ တားမြစ်လျက် လောကတစ်လွှားတွင် ငါ၏ အလုပ်ကို ငါကိုယ်တိုင်၏ လက်များနှင့် ဆောင်ရွက်မည်။ ငါ၏ ရန်သူများ အားလုံးကို မြေပေါ်သို့ လဲကျစေလျက် ၎င်းတို့၏ ပြစ်မှုများကို ငါ့ရှေ့မှောက် ဝန်ခံလာရန် ပြုလျက် ငါသည် ကမ္ဘာမြေကြီးပေါ်၌ ရှင်ဘုရင် ဖြစ်လာမည်ဖြစ်ပြီး ငါ၏ပလ္လင်ကို ထိုနေရာသို့ ရွှေ့မည်။ ငါ၏ ဝမ်းနည်းမှုထဲတွင် အမျက်ဒေါသသည် ရောထွေးစပ်ယှက်နေသည်၊ မည်သူ့ကိုမျှ ချမ်းသာမပေးဘဲ ငါ့ရန်သူများ၏ နှလုံးသားများ အတွင်းသို့ ထိတ်လန့်ကြောက်ရွံ့ခြင်းကို ထည့်သွင်းလျက် စကြဝဠာ တစ်ခုလုံးကို ပြားချပ်သွားအောင် ငါနင်းခြေမည်။ ကမ္ဘာမြေကြီးတစ်ခုလုံးကို အပျက်အစီးများအဖြစ်သို့ ယုတ်လျော့စေ၍ ငါ၏ ရန်သူများကို ထိုအပျက်အစီးများအထဲသို့ လဲကျစေမည်၊ ထိုသို့အားဖြင့် ထိုအချိန်မှစ၍ ၎င်းတို့သည် လူသားမျိုးနွယ်ကို နောက်ထပ် ယိုယွင်းဖျက်ဆီးခြင်း မပြုနိုင်ရန် ဖြစ်သည်။ ငါ၏ အစီအစဉ်သည် သတ်မှတ်ထားပြီး ဖြစ်သည်၊ မည်သို့သောသူပင် ဖြစ်နေပါစေ မည်သူကမျှ ထိုအစီအစဉ်ကို ပြောင်းလဲနိုင်မည် မဟုတ်။ စကြဝဠာအထက်တွင် ငါသည် ဘုန်းအာနုဘော်နှင့် ပြည့်စုံသော ခမ်းနားထည်ဝါမှုနှင့် လှည့်လည် သွားလာသည့်အခါ လူသားမျိုးနွယ် အားလုံးသည် အသစ်ပြုပြင်ခြင်း ခံရလိမ့်မည် ဖြစ်ပြီး အရာခပ်သိမ်းသည် ပြန်လည်နှိုးထလာကြလိမ့်မည်။ လူသားသည် ထပ်၍ငိုကြွေးတော့မည် မဟုတ်ဘဲ အကူအညီရရန် ငါ့ထံသို့ ထပ်၍ဟစ်ခေါ်ကြမည် မဟုတ်တော့။ ထို့နောက် ငါ၏ နှလုံးသားသည် ရွှင်လန်းလိမ့်မည် ဖြစ်ပြီး လူတို့သည် အောင်ပွဲခံရန် ငါ့ထံသို့ ပြန်လာကြ လိမ့်မည်။ ထိပ်ဆုံးမှ အောက်ခြေအထိ စကြဝဠာ တစ်ခုလုံးသည် ဝမ်းမြောက် ခြင်း၌ လှုပ်ရှားကြလိမ့်မည်...

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၇” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၂၀။ အပြောကျယ်လှသော ဤလောကကြီးတွင် ကွင်းပြင်များအတွင်းသို့ သမုဒ္ဒရာရေများ နုန်းတင်ခြင်း၊ သမုဒ္ဒရာအတွင်းသို့ ကွင်းပြင်များ ဖုံးလွှမ်းသွားခြင်းတို့ကဲ့သို့သော မရေတွက်နိုင်သည့် ပြောင်းလဲမှုများသည် ထပ်ခါထပ်ခါ ဖြစ်ပွားခဲ့သည်။ စကြ၀ဠာရှိ အရာအားလုံးကို အစိုးရသော ဘုရားသခင်မှတစ်ပါး မည်သူမျှ ဤလူသားမျိုးနွယ်ကို မဦးဆောင်၊ မညွှန်ကြားနိုင်ပေ။ ဤလူသားမျိုးနွယ်အတွက် ကြိုးပမ်းရန်၊ သို့မဟုတ် ပြင်ဆင်မှုများ လုပ်ဆောင်ရန် အင်အားကြီးသောသူ တစ်ယောက်မျှမရှိပေ၊ ဤလူသားမျိုးနွယ်ကို အလင်းပန်းတိုင်ဆီသို့ ဦးဆောင်သွားနိုင်သူနှင့် ကမ္ဘာကြီး၏ မတရားမှုများမှ လွတ်မြောက်စေနိုင်သူ သာ၍ပင် မရှိပေ။ ဘုရားသခင်သည် လူသားတို့၏ အနာဂတ်အတွက် ဝမ်းနည်းသည်၊ လူသားတို့၏ ကျဆင်းမှုအတွက် ပူဆွေးသောကရောက်သည်၊ ထို့ပြင် လူသားတို့သည် ယိုယွင်းပျက်စီးခြင်းနှင့် ပြန်လမ်းမဲ့လမ်းကြောင်းဆီသို့ တဖြည်းဖြည်း ချီတက်သွားနေခြင်းအတွက် ဝမ်းနည်းပူဆွေးရသည်။ ဘုရားသခင်၏ စိတ်နှလုံးကို ကြေကွဲစေခဲ့ပြီး၊ ဆိုးယုတ်သောသူကို ရှာဖွေရန် ဘုရားသခင်ကို စွန့်လွှတ်ခဲ့ကြသည့် လူသားတို့ပင်ဖြစ်သည်၊ ဤကဲ့သို့သော လူသားတို့ ရှေးရှုသွားနိုင်သည့် ဦးတည်ချက်နှင့် ပတ်သက်ပြီး စဉ်းစားခဲ့ဖူးသောသူ ရှိသလော။ ဘုရားသခင်၏ အမျက်ဒေါသကို မည်သူမျှ သတိမပြုမိကြခြင်း၊ ဘုရားသခင်ကို ကျေနပ်သဘောကျစေမည့်လမ်းကို မည်သူမျှ မရှာဖွေကြခြင်း၊ သို့မဟုတ် ဘုရားသခင်ထံတော်သို့ တိုးဝင်ချဉ်းကပ်ရန် မည်သူမျှ မကြိုးစားကြခြင်း၊ ထိုထက်ပို၍ပင် ဘုရားသခင်၏ ပူဆွေးမှုနှင့် နာကျင်ရမှုတို့ကို နားလည်ပေးရန် မည်သူမျှ မကြိုးစားကြခြင်းတို့မှာ ထိုအကြောင်းကြောင့်ပင် ဖြစ်တော့သည်။ ဘုရားသခင်၏ အသံတော်ကို ကြားပြီးသည့်နောက်တွင်ပင် လူသားသည် သူ့လမ်းသူ ဆက်လျှောက်နေ၏၊ ဘုရားသခင်ထံမှ လမ်းလွဲသွားရန် မလျှော့တမ်း ပေလုပ်နေပြီး၊ ဘုရားသခင်၏ ကျေးဇူးတော်နှင့် ဂရုစိုက်မှုကို ရှောင်ဖယ်ကာ ဘုရားသခင်၏ သမ္မာတရားကို ရှောင်ရှားလျက် ဘုရားသခင်၏ ရန်သူဖြစ်သော စာတန်ထံသို့ သူ့ကိုယ်သူ ရောင်းချရန်သာ ပိုနှစ်သက်နေသည်။ လူသားသည် ဆက်လက်ခေါင်းမာနေမည်ဆိုပါက ဘုရားသခင်သည် နောင်တရခြင်းမရှိဘဲ သူ့ကိုပစ်သွားသည့် ဤလူသားတို့အပေါ် မည်ကဲ့သို့ တုံ့ပြန်မည်ဆိုသည်ကို မည်သူစဉ်းစားဖူးသနည်း။ ဘုရားသခင်၏ အကြိမ်ကြိမ် သတိပေးခြင်းနှင့် တိုက်တွန်းနှိုးဆော်ရခြင်းများ၏ အကြောင်းရင်းမှာ လူသား၏ခန္ဓာနှင့် စိတ်ဝိညာဉ်တို့ ခံရပ်နိုင်မည်မဟုတ်သည့် တစ်ခါမျှမဖြစ်ဖူးသေးသော ကပ်ဘေးကို သူ၏ လက်တော်ထဲတွင် ပြင်ဆင်ထားသောကြောင့်ဖြစ်ကြောင်းကို မည်သူမျှမသိပေ။ ဤကပ်ဘေးသည် ခန္ဓာအတွက်သာ မဟုတ်ဘဲ စိတ်ဝိညာဉ်အတွက်ပါ အပြစ်ဒဏ်ပေးခြင်း ဖြစ်သည်။ ဘုရားသခင်၏အကြံအစည် ပျက်ပြားသွားပြီး၊ သူ၏သတိပေးချက်များနှင့် တိုက်တွန်းနှိုးဆော်ချက်များအပေါ် တုံ့ပြန်မှုများ မရှိပါက သူ့အနေဖြင့် မည်သို့အမျက်မျိုး ထုတ်လွှတ်မည်ကို သင်သိသင့်သည်။ သူ၏အမျက်သည် ဖန်ဆင်းခံသူတို့ ကြုံတွေ့ဖူးသော၊ ကြားဖူးသော အရာများနှင့် လုံးဝတူညီမည်မဟုတ်ပေ။ ထို့ကြောင့် ထိုကပ်ဘေးသည် မကြုံစဖူးသောအရာဖြစ်ပြီး မည်သည့်အခါမျှလည်း ထပ်မံဖြစ်ပေါ်လာမည် မဟုတ်ဟု ငါပြောသည်။ အကြောင်းမှာ ဘုရားသခင်၏ အကြံအစည်သည် လူသားမျိုးနွယ်ကို ဤတစ်ကြိမ်သာ ဖန်ဆင်း၍ ဤတစ်ကြိမ်သာ ကယ်တင်ရန် ဖြစ်သောကြောင့်ဖြစ်သည်။ ဤအကြိမ်မှာ ပထမဆုံးအကြိမ်ဖြစ်သကဲ့သို့ နောက်ဆုံးအကြိမ်လည်း ဖြစ်သည်။ ထို့ကြောင့် လူသားမျိုးနွယ်ကို ဤတစ်ကြိမ်ကယ်တင်သော ဘုရားသခင်၏ စေ့စပ်သေချာသည့် ရည်ရွယ်ချက်များနှင့် စိတ်ထက်သန်သော မျှော်လင့်စောင့်စားမှုတို့ကို မည်သူမျှ နားမလည်နိုင်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်သည် လူ့အသက်၏ အရင်းအမြစ်ဖြစ်သည်” မှ

၂၁။ ငါသည် ဉာဏ်ပညာရှိသော ဘုရားခင် ဖြစ်သည် ကို ယခင်က ငါပြောခဲ့ပြီးဖြစ်သည်။ လူသားအားလုံးနှင့် ဆိုးညစ်သည့် အပြုအမူ တို့ကို ထုတ်ဖော်ရန်၊ ရည်ရွယ်ချက်များ မှားယွင်းနေသော သူတို့၊ အခြားသူများ ရှေ့တွင် တစ်မျိုး၊ ၎င်းတို့၏နောက်ကွယ်တွင် တစ်မျိုး သရုပ်ဆောင်ကာ၊ ငါ့အားခုခံသော သူတို့၊ ငါ့အား သစ္စာမဲ့သောသူတို့၊ ငွေကြေးကို ငမ်ငမ်းတက်တပ်မက်သောသူတို့၊ ငါ၏ ဝန်ထုပ်ဝန်ပိုးကို ထည့်သွင်း မစဉ်းစားသော သူတို့၊ သူတို့၏ ညီအစ်ကိုများ နှင့် ညီအစ်မများအား လှည့်စားခြင်း နှင့် မရိုးဖြောင့်ခြင်းတို့၌ ပါဝင်သော သူတို့၊ လူတို့အား ဝမ်းမြောက်ဝမ်းသာဖြစ်စေရန် အပြောကောင်းသောသူတို့နှင့် ၎င်းတို့၏ ညီအစ်ကိုများနှင့် ညီအစ်မများဖြင့် တညီတညွတ်တည်း၊ နှလုံးသားနှင့် စိတ်တွင် မပူးပေါင်းနိုင်သောသူတို့ကို ဖော်ထုတ်ရန်၊ ငါ၏ သာမာန်လူ့သဘာဝကို အသုံးချသည်။ လူများစွာတို့သည်၊ ငါ၏ သာမာန်လူ့သဘာဝကြောင့် တိတ်ဆိတ်စွာ ငါ့အား ခုခံပြီး၊ လှည့်စားခြင်း နှင့် မရိုးဖြောင့်ခြင်းတို့၌ စိတ်ပါဝင်စားကာ၊ ငါ၏ သာမာန်လူ့သဘာဝ မသိဟု ထင်မြင်ယူဆကြသည်။ ထို့အပြင်၊ လူများစွာ သည် ငါ၏ သာမာန် လူ့သဘာဝကို အထူးအာရုံ စိုက်ကာ၊ ငါ့အား စားရန် နှင့် သောက်ရန်အတွက် ကောင်းသောအရာများ ပေးကာ၊ ငါ့အား အစေခံများကဲ့သို့ အစေခံကြပြီး၊ သူတို့၏ နှလုံးသားများထဲတွင်ရှိသော အရာများကို ငါ့အား ပြောကြားနေစဉ်အတွင်း ငါ၏နောက်ကွယ်တွင် လုံးဝ ခြားနားစွာ ပြုမူဆောင်ရွက်ကြသည်။ မျက်စိကန်းသော လူသားတို့။ ငါသည် လူ၏အတွင်း နက်ရှိုင်းသော နှလုံးသားထဲသို့ ကြည့်သော ဘုရားသခင် ဖြစ်ကြောင်း၊ သင်သည် တကယ့်မသိ။ သင်သည် ယခုတိုင်အောင် ငါ့အား မသိရှိသေးပေ၊ ငါသည် သင်ဘာလုပ်နေသည်ကို မသိဟု သင်ထင်နေဆဲဖြစ်သည်။ ထိုအရာကိုစဉ်းစားလော့၊ ငါ၏သာမာန် လူ့သဘာဝကြောင့် မည်မျှသော လူတို့သည် သူတို့ကိုယ်သူတို့ ဖျက်ဆီးပြီးဖြစ်ပါသနည်း။ နိုးထလော့။ ငါအား ဆက်လက် လှည့်စားခြင်းမပြုနှင့်။ သင်၏ စကားလုံးတိုင်းနှင့် ဆောင်ရွက်ချက်တိုင်း၊ သင်၏ လုပ်ဆောင်ပုံများ နှင့်အပြုအမူ အားလုံးကို ငါ့ရှေ့တွင် ထားပြီး၊ ထိုအရာအား ငါ၏ စစ်ဆေးခြင်းကို သင်လက်ခံရမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၇၆” အစအဦး၌ ခရစ်တော်၏မိန့်မြွက်ချက်များ မှ

၂၂။ ငါ၏အစီအစဉ်တွင်၊ စာတန်သည် ခြေလှမ်းတိုင်းကို အစဉ်အဆက် ယှဉ်ပြိုင်ခဲ့ကာ၊ ငါ့ဉာဏ်အမြော်အမြင်၏ အဖြည့်ခံအနေဖြင့် ငါ၏မူလအစီအစဉ်ကို နှောင့်ယှက်ရန် နည်းလမ်းများရှာဖွေရန် အစဉ်ကြိုးစားခဲ့၏။ သို့ရာတွင် ငါသည် ၎င်း၏ လှည့်ဖြားသော အကြံအစည်များကို အရှုံးပေးနိုင်မည်လော။ ကောင်းကင်နှင့်မြေကြီးပေါ်ရှိ အရာခပ်သိမ်းသည် ငါ့ကိုအစေခံ၏— စာတန်၏ လှည့်ဖြားသော အကြံအစည်တို့ရော အနည်းငယ်မျှပင် ကွာခြားနိုင်မည်လော။ ဤသည်မှာ အတိအကျအားဖြင့် ငါ့ဉာဏ်အမြော်အမြင်၏ လမ်းဆုံဖြစ်၏။ ဤသည်မှာ အတိအကျအားဖြင့် ငါ၏လုပ်ကိုင်မှုများ အံ့သြဖွယ်ကောင်းသည့်အရာ ဖြစ်၍ ငါ၏စီမံခန့်ခွဲခြင်းအစီအစဉ် တစ်ရပ်လုံးကို အကောင်အထည်ဖော်သည့် အခြေခံစည်းမျဉ်းဖြစ်၏။ နိုင်ငံတော်တည်ဆောက်သည့် ကာလအတွင်းတွင်၊ ငါသည် စာတန်၏လှည့်ဖြားသည့် ကြံစည်မှုများကို ရှောင်ရှားဦးမည် မဟုတ်ဘဲ ငါဆောင်ရွက်ရမည့် အမှုကို ဆက်လက်လုပ်ဆောင်မည်ဖြစ်သည်။ စကြဝဠာအတွင်းရှိ အရာခပ်သိမ်းအကြားတွင်၊ ငါသည် စာတန်၏လုပ်ဆောင်ချက်များကို ငါ၏အဖြည့်ခံအဖြစ် ငါရွေးချယ်ထား၏။ ဤသည်မှာ ငါ၏ဉာဏ်အမြော်အမြင် မဟုတ်လော။ ဤသည်မှာ အတိအကျအားဖြင့် ငါ့အမှု၏ အံ့သြဖွယ်ရာကောင်းသည့် အရာမဟုတ်သလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၈” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၂၃။ ငါသည် ငါ၏အမှုကို တရားဝင်စတင်သည့်အခါ လူအားလုံးသည် ငါလှုပ်ရှားသည်အတိုင်း လှုပ်ရှားသဖြင့်၊ စကြဝဠာတစ်လျှောက်လုံးရှိ လူတို့သည် ငါနှင့်တူညီသောခြေလှမ်းလှမ်းရန် လုပ်ဆောင်ကြ၏၊ စကြဝဠာတစ်လျှောက်လုံး “ကြီးစွာဝမ်းမြောက်” ကြကာ၊ ငါသည် လူသားအား ရှေ့သို့တက်လှမ်းရန် စေ့ဆော်၏။ အကျိုးသက်ရောက်မှုအနေဖြင့်၊ ငါသည် အဆင်းနီသောနဂါးကြီး ကိုယ်တိုင်အား သွေးရူးသွေးတန်းဖြစ်ကာ မွှန်ထူသွားစေ၍၊ ၎င်းသည် ငါ၏အမှုအတွက် အစေခံကာ၊ လိုလားသည့်ဆန္ဒ မရှိသော်လည်း ၎င်း၏ကိုယ်ပိုင်ဆန္ဒများနောက်သို့ မလိုက်နိုင်ဘဲ ငါ၏ချုပ်ကိုင်မှုကို နာခံရန်မှလွဲ၍ အခြားဘာမျှ မတတ်နိုင်တော့ပေ။ ငါ၏အစီအစဉ်အားလုံးတွင်၊ အဆင်းနီသောနဂါးကြီးသည် ငါ၏အဖြည့်ခံ၊ ငါ၏ရန်သူနှင့် ငါ၏အစေခံကျွန်လည်းဖြစ်၏။ ထို့ကြောင့် ငါသည် ၎င်းအပေါ် ငါ၏ “သတ်မှတ်ချက်များ” ကို မည်သည့်အခါမျှ လျှော့ပေးခြင်း မရှိပေ။ ထို့ကြောင့် ငါ၏လူ့ဇာတိခံယူသောအမှု၏ နောက်ဆုံးအဆင့်သည် ၎င်း၏အိမ်ထောင်စုအတွင်းတွင် အပြီးသတ်ခဲ့၏။ ဤနည်းအားဖြင့်၊ အဆင်းနီသောနဂါးကြီးသည် ငါ့အတွက် သင့်တော်စွာအစေခံခြင်းကို သာ၍ လုပ်ဆောင်နိုင်၏။ ဤနည်းအားဖြင့် ငါသည် သူ့အားသိမ်းပိုက်၍ ငါ၏အစီအစဉ်ကို အဆုံးသတ်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၉” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၂၄။ ငါသည် အစဖြစ်ပြီး ငါသည် အဆုံးလည်းဖြစ်၏။ ငါသည် ရှင်ပြန်ထမြောက်ပြီဖြစ်၍ တစ်ဆူတည်းသော စစ်မှန်သည့် ဘုရားသခင်အဖြစ် စုံလင်စေပြီ။ ငါသည် ငါစကားတို့ကို သင်တို့ရှေ့၌ မိန့်ဆိုလေပြီဖြစ်ပြီး သင်တို့သည် ငါဆိုသည်ကို ခိုင်မြဲစွာ ယုံကြည်ရမည်။ ကောင်းကင်နှင့်မြေကြီးသည် ဆိတ်သုဉ်းသွားလိမ့်မည် သို့သော် ငါဆိုသော စာလုံးတစ်လုံး သို့မဟုတ် ခဲခြစ်ရာတစ်ခုမျှ အစဉ် ဆိတ်သုဉ်းမည်မဟုတ်။ ဤသည်ကို သတိရကြလော့။ ဤသည်ကို သတိရကြလော့။ ငါသည် တစ်ခါဆိုခဲ့ပြီးပါက၊ စကားလုံးတစ်လုံးကိုမျှ ပြန်၍ရုတ်သိမ်းမည်မဟုတ်သည့်အပြင် စကားလုံးတစ်လုံးစီတိုင်းသည် ပြီးပြည့်စုံလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၅၃” အစအဦး၌ ခရစ်တော်၏မိန့်မြွက်ချက်များ မှ

၂၅။ ငါမိန့်ကြားခဲ့သည်များကို အလေးထား လိုက်နာဆောင်ရွက်ရမည်၊ အလေးထား လိုက်နာဆောင်ရွက်သည်များကို ပြီးမြောက်အောင် လုပ်ဆောင်ရမည်၊ ၄င်းတို့အား တစ်စုံတစ်ယောက်က ပြောင်းလဲပစ်ခြင်း မဖြစ်စေရ၊ ၄င်းတို့မှာ အကြွင်းမဲ့ ဖြစ်သည်။ အတိတ်တွင် မိန့်ကြားခဲ့သည်ဖြစ်စေ သို့မဟုတ် အနာဂတ်တွင် ပြောသည်ဖြစ်စေ၊ အရာအားလုံးတို့သည် ရောက်ရှိလာလိမ့်မည်၊ လူသားတို့ အားလုံးသည်လည်း တွေ့မြင်လိမ့်မည်။ ဤသည်မှာ ငါ့နှုတ်ကပတ်တော်များ၏ လုပ်ဆောင်မှု နောက်ကွယ်မှ နည်းဥပဒေ သဘောတရား ဖြစ်သည်။...စကြဝဠာတစ်ခုလုံးတွင် ဖြစ်ပျက်နေသော အရာအားလုံးတို့တွင် ငါမဆုံးဖြတ်ဘဲ ပြီးမြောက်သွားမည့်အရာ တစ်ခုမျှပင်မရှိချေ။ ငါ၏ လက်ထဲတွင်မဟုတ်ပဲ တည်ရှိနေသော အရာများမှာ အဘယ်နည်း။ ငါပြောသည့် အရာတိုင်းသည် ဖြစ်မြောက်မည်၊ လူသားတို့ထဲတွင် ငါ၏စိတ်ကို ပြောင်းလဲအောင် လုပ်ဆောင်နိုင်သူ မည်သူရှိသနည်း။ ၄င်းမှာ ငါကမ္ဘာကြီးပေါ်တွင် ပြုခဲ့သော ပဋိညာဉ်စာချုပ်ပင်လော။ မည်သည့်အရာကမှ ငါ၏ အစီအစဉ်ကို မတားဆီးနိုင်ချေ၊ ငါသည် ငါ၏အမှုတော်တွင် အချိန်တိုင်းရှိနေသည်၊ စီမံခန့်ခွဲမှု အစီအစဉ်တိုင်းတွင်လည်းပဲ အမြဲတစေ ရှိနေသည်။ ဘယ်လိုလူသားမျိုးက ဝင်ရောက်နှောင့်ယှက် နိုင်မည်နည်း။ ဤအစီအစဉ်များကို ကိုယ်တိုင်ချမှတ် လုပ်ဆောင်ခဲ့သူက ငါကိုယ်တိုင်ပင် မဟုတ်ပါလော။ ဒီကနေ့ခေတ်ကဲ့သို့သော အခြေအနေမျိုးတွင်ပင် ငါ၏ အစီအစဉ်၊ ငါကြိုမြင်ခဲ့သည့် အရာမှ သွေဖယ်သွားခြင်းမျိုး မရှိပါ၊ လွန်ခဲ့သည့် နှစ်ပေါင်းများစွာ ကတည်းကပင် ငါ ခိုင်မာသည့် ဆုံးဖြတ်ချက် ချမှတ်ခဲ့ပြီးပြီဖြစ်သည်။ ဤအဆင့်အတွက် ငါ၏အစီအစဉ်ကို အသင်လူသားတို့ထဲမှ မည်သူကများ နားလည်နိုင်ပါလိမ့်မည်နည်း။ ငါ၏ လူများသည် ငါ၏ အသံကို နားထောင်ကြလိမ့်မည်၊ ငါ့ကို အမှန်တကယ် ချစ်ခင်သော ထိုသူတို့ တစ်ယောက်ချင်းစီသည် ငါ၏ ပလ္လင်ရှေ့မှောက်သို့ အရောက်ပြန်လာကြလတ္တံ့။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၂၆။ ဘုရားသခင် ရယူရန် အလိုတော်ရှိသည့်အရာကို မည်သည့်နိုင်ငံ သို့မဟုတ် မည်သည့်စွမ်းအားကမျှ မတားဆီးနိုင်ကြောင်း ငါတို့ယုံကြည်သည်။ ဘုရားသခင်၏ အမှုတော်ကို နှောင့်ယှက်သူများ၊ ဘုရားသခင်၏ နှုတ်ကပတ်တော်ကို ဆန့်ကျင်ပြီး ဘုရားသခင်၏ အကြံအစည်တော်ကို နှောင့်ယှက်ဟန့်တားသူများသည် ဘုရားသခင်၏ အပြစ်ဒဏ်ပေးခြင်းကို နောက်ဆုံးတွင် ခံရကြမည်။ ဘုရားသခင်၏ အမှုတော်ကို အာခံဖီဆန်သူသည် ငရဲသို့ချခြင်းခံရမည်၊ ဘုရားသခင်၏ အမှုတော်ကို အာခံဖီဆန်သော မည်သည့်နိုင်ငံမဆိုသည် ဖျက်ဆီးခြင်းကိုခံရမည်၊ ဘုရားသခင်၏ အမှုတော်ကို ဆန့်ကျင်ရန် ပုန်ကန်သော မည်သည့်လူမျိုးမဆိုသည် ဤကမ္ဘာပေါ်မှ ဖယ်ရှားခံရမည်ဖြစ်ပြီး အပြီးတိုင် ကွယ်ပျောက်သွားလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသားမျိုးနွယ်အားလုံး၏ ကံကြမ္မာအပေါ် ဘုရားသခင် တာဝန်ယူဦးဆောင်သည်” မှ

၂၇။ ငါ၏စကားများဖြင့် အရာခပ်သိမ်း ဖြစ်မြောက်အောင်မြင်လိမ့်မည်။ မည်သည့်လူသားမျှ မပါဝင်ရ၊ မည်သည့်လူသားမျှလည်း ငါလုပ်ဆောင်မည့်အမှုကို မလုပ်နိုင်ပါ။ ငါသည် နိုင်ငံအားလုံး၏ လေထုကို လုံးဝသန့်စင်ပြီး ကမ္ဘာမြေပေါ်ရှိ နတ်ဆိုးတို့ကို အစအနမကျန် အားလုံး ပပျောက်စေမည်။ ငါသည် စတင်လိုက်ပြီဖြစ်ပြီး အဆင်းနီသောနဂါးကြီး နေသည့်နေရာတွင် ငါ၏ဆုံးမသည့်အလုပ် ပထမအဆင့်ကို စတင်မည်။ ထို့ကြောင့် ငါသည် ခပ်သိမ်းသော နိုင်ငံများကို ကြည့်သဖြင့် စကြဝဠာတစ်ခုလုံးအပေါ်သို့ ငါ၏အဆုံးအမ ကျရောက်ကြောင်းနှင့် အဆင်းနီသောနဂါးကြီးနှင့် ညစ်ညူးသောနတ်မျိုးစုံတို့ ငါ၏အဆုံးအမမှ လွတ်မြောက်နိုင်စွမ်း မရှိကြောင်းကို တွေ့နိုင်သည်။ မြေကြီးပေါ်တွင် ငါ၏အမှု ပြီးသည့်အခါ၊ ဆိုလိုသည်မှာ တရားစီရင်ရာကာလ အဆုံးသတ်သည့်အခါ၊ ငါသည် အဆင်းနီသောနဂါးကြီးကို စနစ်တကျ ဆုံးမမည်။ ငါ၏လူတို့သည် အဆင်းနီသောနဂါးကြီးအပေါ် ငါ၏ဖြောင့်မတ်သည့် ဆုံးမမှုကို တွေ့လိမ့်မည်။ ငါ၏ဖြောင့်မတ်မှုကြောင့် ချီးမွမ်းခြင်းကို သွန်းလောင်းပြီး ငါ၏ဖြောင့်မတ်ခြင်းကြောင့် ငါ၏သန့်ရှင်းသော နာမတော်ကို အစဉ်ချီးကျူးထောမနာပြုလိမ့်မည်။ ထို့ကြောင့် သင်တို့သည် သင်တို့၏တာဝန်ကို စနစ်တကျ ထမ်းဆောင်ပြီး အတိုင်းတိုင်းအပြည်ပြည်တွင် ငါ့ကို အစဉ်အမြဲ တရားဝင် ချီးမွမ်းလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၈” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၂၈။ နိုင်ငံတော်အား အရိုအသေပေးခြင်းသည် မြည်ဟီးလေသောအခါ ယင်းသည် မိုးချုန်းသံခုနစ်ချက် မြည်ဟီးသည့် အချိန်လည်းဖြစ်သည်။ ဤအသံသည် ကောင်းကင်နှင့် မြေကြီးကို ပြင်းစွာတုန်လှုပ်စေပြီး အမြင့်ဆုံးသော ကောင်းကင်ဘုံကို လှုပ်ခါစေကာ လူသတ္တဝါတိုင်း၏ အသည်းညှာကို တုန်ခါစေသည်။ နိုင်ငံတော်အတွက် နိုင်ငံတော်သီချင်းသည် အဆင်းနီသော နဂါးကြီး၏ တိုင်းနိုင်ငံထဲတွင် တခမ်းတနား ပေါ်လာပြီး ငါသည် အဆင်းနီသော နဂါးကြီး၏ တိုင်းနိုင်ငံကို ဖျက်ဆီးခဲ့ပြီးနောက် ငါ၏နိုင်ငံတော်ကို တည်ထောင်ခဲ့ပြီးဖြစ်ကြောင်းကို သက်သေပြသည်။ သာ၍ အရေးကြီးသည်မှာ ငါ၏နိုင်ငံတော်သည် ကမ္ဘာမြေကြီးပေါ်၌ တည်ထောင်ခဲ့ပြီးဖြစ်သည်။ ယခုအခိုက်အတန့်တွင် ငါ၏သားများ၊ ငါ၏လူများကို ထိန်းကျောင်းစေခြင်းငှာ ငါ၏ကောင်းကင်တမန်များကို လောကကြီး၏ တိုင်းနိုင်ငံခပ်သိမ်းထံသို့ ငါသည် စတင်၍ စေလွှတ်နေသည်၊ ဤသည်မှာ ငါ့အလုပ် နောက်တစ်ဆင့်၏ လိုအပ်ချက်များကို ဖြည့်ဆည်းရန်လည်း ဖြစ်သည်။ သို့သော်လည်း ငါသည်ကား အဆင်းနီသော နဂါးကြီးနှင့် တိုက်ပွဲဆင်နွှဲရန် ၎င်းခွေလျက် လဲလျောင်းနေရာ အရပ်သို့ ကိုယ်တိုင်ကိုယ်ကျသွား၏။ လူသားမျိုးနွယ်အားလုံးသည် ဇာတိခန္ဓာထဲမှ ငါ့ကိုသိလာသောအခါနှင့် ဇာတိခန္ဓာအထဲရှိ ငါ၏လုပ်ဆောင်ချက်များကို မြင်တွေ့လာနိုင်သောအခါ အဆင်းနီသော နဂါးကြီး၏ သားရဲတွင်းသည် ပြာပုံအဖြစ် ပြောင်းလဲသွားမည်ဖြစ်ကာ ခြေရာလက်ရာ မကျန်ဘဲ ပျောက်ကွယ်သွားလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၀” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၂၉။ လူသားများ အားလုံးသည်စုံလင်ခြင်း ခံရပြီး ကမ္ဘာကြီး၏ တိုင်းနိုင်ငံများ အားလုံးသည် ခရစ်တော်၏ နိုင်ငံတော် ဖြစ်လာသောအခါ ယင်းသည် မိုးချုန်းသံ ခုနှစ်ချက် မြည်ဟီးချိန် ဖြစ်လိမ့်မည်။ လက်ရှိနေ့ရက်သည် ယင်းအဆင့်၏ လားရာဘက်သို့ ဦးတည်နေသော ခြေလှမ်းကျဲ တစ်ခု ဖြစ်သည်၊ လာမည့်အချိန်၌ ညွှန်ကြားချက်ကို စေလွှတ်လိုက်ပြီး ဖြစ်သည်။ ဤသည်မှာ ဘုရားသခင်၏ အစီအစဉ်ဖြစ်သည်― မဝေးတော့သည့် အနာဂတ်တွင် ယင်းသည် အကောင်အထည်ဖော်ခြင်း ခံရလိမ့်မည်။ သို့ရာတွင် ဘုရားသခင်သည် သူပြောကြားခဲ့ပြီးသော အရာအားလုံးကို လုပ်ဆောင် ပြီးမြောက်ပြီး ဖြစ်သည်။ ထို့ကြောင့် ကမ္ဘာကြီး၏ တိုင်းနိုင်ငံများသည် မြင့်မားသော ဒီရေ နီးလာသည် နှင့် အညီ ဖိမ်ဖိမ့်တုန်နေသော သဲပေါ်မှ ရဲတိုက်များသာ ဖြစ်ကြသည်မှာ ရှင်းလင်းသည်။ နောက်ဆုံးသော ကာလသည် ကျရောက်အံ့ဆဲဆဲရှိပြီး အဆင်းနီသော နဂါးကြီးသည် ဘုရားသခင်၏ နှုတ်ကပတ်တော်အောက်တွင် လဲပြိုကျလိမ့်မည်။ ဘုရားသခင်၏ အစီ အစဉ် သည် အောင်မြင်စွာ ဆောင်ရွက်ခြင်း ခံရကြောင်း သေချာစေရန် ကောင်းကင်ဘုံ၏ ကောင်းကင်တမန်များသည် ကမ္ဘာပေါ်သို့ ကြွဆင်းလာပြီး ဘုရားသခင် စိတ်ကျေနပ်စေရန် ၎င်းတို့၏ အစွမ်းကုန် လုပ်ဆောင်လျက်ရှိသည်။ လူ့ဇာတိခံယူသော ဘုရားသခင် ကိုယ်တော်တိုင်သည် ရန်သူနှင့် စစ်ဆင်နွှဲရန် စစ်မြေပြင်သို့ တပ်ဖြန့်ထား၏။ လူ့ဇာတိခံယူခြင်း ပေါ်လာသည့် နေရာတိုင်းတွင် ရန်သူသည် ယင်းနေရာမှ ဖျက်ဆီးခံရသည်။ တရုတ်ပြည်သည် ဦးစွာ သုတ်သင်ချေမှုန်းခြင်း ခံရမည် ဖြစ်ပြီး၊ ဘုရားသခင်၏ လက်တော်အားဖြင့် မွှေနှောက်ဖျက်ဆီးခြင်းကို ခံရမည်။ ဘုရားသခင်သည် တရုတ် ပြည်အား လုံးဝပင် သက်ညှာပေးမည်မဟုတ်။

နှုတ်ကပတ်တော်သည် လူ့ဇာတိ၌ ပေါ်လာ၏စာအုပ်ထဲရှိ “အခန်း ၁၀” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များနှင့်သက်ဆိုင်သော နက်နဲမှုများ၏ အနက်ဖွင့်ဆိုချက် မှ

၃၀။ ငါသည် နိုင်ငံတော်တွင်အုပ်စိုးသည့်အပြင် စကြဝဠာတစ်ခွင်လုံးတွင်လည်း ငါအုပ်စိုး၏။ ငါသည် နိုင်ငံတော်၏ ရှင်ဘုရင်ရော စကြာဝဠာ၏အကြီးအကဲပါ ဖြစ်၏။ ဤအချိန်မှစ၍ ငါသည် ရွေးချယ်မခံရသူအားလုံးကို စုရုံး၍ ငါ၏အမှုကို တစ်ပါးအမျိုးသားတို့အကြားတွင် စတင်မည်။ ထို့အပြင် ငါ့အမှုနောက်အဆင့်ကို အောင်မြင်စွာစတင်နိုင်ရန် ငါသည် စကြဝဠာ တစ်ခွင်လုံးသို့ ငါ၏စီမံခန့်ခွဲမှုအမိန့်များကို ကြေညာမည်။ တစ်ပါးအမျိုးသားတို့အကြား ငါ့အမှု ပျံ့နှံ့စေခြင်းငှာ ငါသည် ပြစ်တင်ဆုံးမခြင်းကို အသုံးပြုမည်။ ဆိုလိုသည်မှာ ငါသည် တစ်ပါးအမျိုးသားအားလုံးအပေါ် အင်အားသုံးမည်။ ဤအမှုကို ရွေးကောက်ခံရသူတို့အကြား ငါ့အမှုနှင့် တစ်ချိန်တည်းတွင် အကောင်အထည်ဖော်မည်မှာ သဘာဝကျ၏။ ငါ၏လူတို့ ကမ္ဘာမြေကြီးကိုအုပ်စိုး၍ အာဏာစွဲကိုင်သည့်အခါသည် ကမ္ဘာမြေကြီးပေါ်ရှိ လူတို့အားလုံး သိမ်းပိုက်ခံရချိန်လည်း ဖြစ်သည့်အပြင် ငါနားသည့်အချိန်လည်း ဖြစ်လိမ့်မည်— ထိုအခါကျမှ ငါသည် သိမ်းပိုက်ခံရသူတို့ထံ ပေါ်ထွန်းလာမည်။ ငါသည် သန့်ရှင်းသော နိုင်ငံတော်သို့ ပေါ်ထွန်းလာ၍ ညစ်ပေသောနိုင်ငံမှ ငါ့ကိုယ်ငါ ကွယ်ဝှက်ထား၏။ သိမ်းပိုက်ခံရသူအားလုံးနှင့် ငါ့ရှေ့မှောက်တွင် နာခံလာသူအားလုံးတို့သည် သူတို့၏ကိုယ်ပိုင်မျက်လုံးများဖြင့် ငါ၏မျက်နှာကို မြင်နိုင်ကြကာ သူတို့၏ ကိုယ်ပိုင်နားများဖြင့် ငါ၏အသံကို ကြားနိုင်ကြ၏။ ဤသည်မှာ နောက်ဆုံးသောကာလတွင် မွေးဖွားသူများ၏ ကောင်းချီးမင်္ဂလာ ဖြစ်၏။ ဤသည်မှာ ငါမှကြိုတင်ပြဋ္ဌာန်းထားသော ကောင်းချီးမင်္ဂလာဖြစ်ကာ မည်သည့်လူသားမျှ ဤသည်ကို ပြောင်းလဲ၍မရပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၉” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၃၁။ ကမ္ဘာကြီးသည် ဆုတ်ယုတ်လာလေပြီတကား။ ဗာဗုလုန်သည် မလှုပ်မယှက်နိုင် ဖြစ်နေပြီတကား။ ဘာသာရေး လောက၊ အဘယ်သို့လျှင် ယင်းသည် ကမ္ဘာမြေကြီးပေါ်ရှိ ငါ၏သြဇာအာဏာအားဖြင့် ဖျက်ဆီးခြင်းကို မခံရဘဲနေနိုင်သနည်း။ မည်သူသည် ငါ့ကို မနာခံ၍ ဆန့်ကျင်ရန် ဝံ့ရဲသေးသနည်း။ ကျမ်းတတ် ပုဂ္ဂိုလ်များလော။ ဘာသာရေး အာဏာပိုင်များလော။ ကမ္ဘာမြေကြီးပေါ်ရှိ အုပ်ချုပ်သူများနှင့် အခွင့်အာဏာရှိသူများလော။ ကောင်းကင်တမန်များလော။ မည်သူသည် ငါ့ခန္ဓာကိုယ်၏ ပြည့်ဝခြင်းနှင့် ပြီးပြည့်စုံခြင်းကို ချီးကျူးဂုဏ်ပြုခြင်း မပြုသနည်း။ လူများအားလုံးအကြားတွင်၊ မည်သူသည် မရပ်မနား ငါ့ကို ချီးမွမ်းထောမနာသီချင်း မဆိုသနည်း၊ မည်သူသည် အစဉ်မပျော်ရွှင်သနည်း။ ငါသည် အဆင်းနီသော နဂါးကြီး၏ သားရဲတွင်းဖြစ်သည့် နိုင်ငံတွင်နေထိုင်သည်၊ သို့သော်ငြားလည်း ဤအရာသည် ငါ့ကို ကြောက်ရွံ့ခြင်းနှင့် ဖိမ့်ဖိမ့်တုန်ခြင်း မဖြစ်စေ၊ သို့မဟုတ် အဝေးသို့ ထွက်ပြေးသွားခြင်းလည်း မဖြစ်စေပါ။ အဘယ်ကြောင့်ဆိုသော် ၎င်း၏လူတို့အားလုံးသည် ၎င်းကို စတင်၍ မုန်းတီးကြပြီဖြစ်သောကြောင့် ဖြစ်သည်။ မည်သည့်အခါမျှပင် တစ်စုံတစ်ရာ၏ “တာဝန်” ကို နဂါး၏ရှေ့တွင် မထမ်းဆောင်ခဲ့ဖူးပေ။ ထိုအစား၊ အရာခပ်သိမ်းသည် သူတို့ သင့်တော်သည်ဟု ထင်သည့်အတိုင်း လုပ်ဆောင်ကြပြီး၊ သူတို့နှင့် အလိုက်ဖက်ဆုံးဖြစ်မည့် လမ်းကြောင်းကို ရွေးချယ်ကြသည်။ ကမ္ဘာမြေကြီးပေါ်ရှိ နိုင်ငံများသည် အဘယ်သို့လျှင် မပျက်စီးနိုင်မည်နည်း။ ကမ္ဘာမြေကြီးပေါ်ရှိ နိုင်ငံများသည် အဘယ်သို့လျှင် မကျဆင်းနိုင်မည်နည်း။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၂” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၃၂။ ငါ၏နောက်ဆုံးအလုပ်သည် လူသားကို အပြစ်ပေးရန်အတွက်သာမဟုတ်ဘဲ လူသား၏ခရီးဆုံးပန်းတိုင်ကို စီမံရန်အတွက်လည်းဖြစ်၏။ ထိုထက်မက ငါပြုခဲ့သည့်အရာတိုင်းအတွက် အားလုံးထံမှ အသိအမှတ်ပြုမှု ရရှိရန်အလို့ငှာဖြစ်သည်။ ငါပြုလုပ်ခဲ့သည့် အမှုအရာအားလုံးသည် မှန်ကန်ကြောင်းနှင့် ငါပြုလုပ်ခဲ့သည့် အမှုအရာအားလုံးသည် ငါ၏စိတ်နေသဘောထားကို ဖော်ထုတ်ပြသခြင်းဖြစ်ကြောင်း လူခပ်သိမ်းတို့အား ငါသိစေလို၏။ လူသားမျိုးနွယ်ကို မွေးဖွားခဲ့သည့်အရာသည် လူသား၏လုပ်ဆောင်ချက်မဟုတ်၊ သဘာဝကြောင့်မူကား သာ၍ပင်မဟုတ်ပေ။ အမှန်မှာမူ ဖန်ဆင်းရာထဲရှိ သက်ရှိအရာတိုင်းကို အာဟာရပေးသည်မှာ ငါပင်ဖြစ်သည်။ ငါမတည်ရှိလျှင် လူသားမျိုးနွယ်သည် ပျက်စီးခြင်းသို့ရောက်ပြီး ဘေးဒုက္ခများ၏အန္တရာယ်ကို ကြုံတွေ့ရမည်သာဖြစ်သည်။ မည်သည့်လူသားမျှ လှပသည့်နေနှင့်လ သို့မဟုတ် စိမ်းလန်းသည့်ကမ္ဘာမြေကို နောက်ထပ်မြင်တွေ့ရလိမ့်မည် မဟုတ်ပေ။ လူသားမျိုးနွယ်သည် အေးစက်သည့်ညများနှင့် ရှောင်လွှဲမရသည့် သေမင်း၏အရိပ်လွှမ်းမိုးသောချိုင့်ဝှမ်းကိုသာ ကြုံတွေ့ရလိမ့်မည်။ ငါသာလျှင် လူသားမျိုးနွယ်၏ တစ်ခုတည်းသော ကယ်တင်ရာဖြစ်၏။ ငါသာလျှင် လူသားမျိုးနွယ်၏ တစ်ခုတည်းသော မျှော်လင့်ရာဖြစ်သည်သာမက ငါသည် လူသားမျိုးနွယ်တစ်ရပ်လုံး တည်ရှိနေရေးအတွက် တည်မှီရာဖြစ်သည်။ ငါမရှိလျှင် လူသားမျိုးနွယ်သည် ချက်ချင်း လုံးဝရပ်တန့်သွားမည်။ ငါ့ကို မည်သူမျှ အလေးမစိုက်သော်လည်း ငါမရှိလျှင် လူသားမျိုးနွယ်သည် ကပ်ဘေးဒဏ်ခံရပြီး မကောင်းဆိုးဝါးဝိညာဉ်အမျိုးမျိုးတို့၏ နင်းချေခြင်းခံရလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့၏ လမ်းဆုံးပန်းတိုင်အတွက် လုံလောက်သော ကောင်းမှုများကို ပြင်ဆင်လော့” မှ

၃၃။ ငါပြန်လာသောအခါ၌ တိုင်းနိုင်ငံများသည် ငါ၏မီးတောက်များဖြင့် သတ်မှတ်ထားသည့် နယ်နိမိတ်များတစ်လျှောက် ပိုင်းခြားထားပြီး ဖြစ်လိမ့်မည်။ ထိုအချိန်၌ လူသားများအား ငါသည် ခြစ်ခြစ်တောက်ပူသော နေအဖြစ် ကိုယ့်ကိုယ်ကို အသစ်တဖန် ဖော်ပြမည်၊ သူတို့ အရင်က တစ်ခါမျှ မမြင်ဖူးသည့် မြင့်မြတ်သန့်ရှင်းသော သူအဖြစ် ကိုယ့်ကိုယ်ကိုယ် ထင်ထင်ရှားရှား ဖော်ပြမည်၊ ငါယေဟောဝါက ယုဒမျိုးနွယ်များ အကြား၌ တစ်ချိန်က လမ်းလျှောက်ခဲ့သလို လူအမျိုးမျိုး အစုစုတို့၏ တိုင်းနိုင်ငံများအကြား၌ ငါလျှောက်မည်။ ထိုအချိန်မှစ၍ ငါသည် ကမ္ဘာပေါ်၌ လူသားများ၏ အသက်တာကို ဦးဆောင်လမ်းပြမည်။ ထိုနေရာ၌ သူတို့သည် ငါ၏ ဘုန်းအသရေကို သေချာပေါက် မြင်လိမ့်မည်၊ သူတို့၏ အသက်တာ၌ လမ်းပြမည့် လေထုထဲမှ မိုးတိမ်တိုင်ကိုလည်း သေချာပေါက် မြင်လိမ့်မည်။ အကြောင်းမှာ မြင့်မြတ်သန့်ရှင်းသော နေရာများ၌ ငါသည် ကိုယ့်ကိုယ်ကိုယ် ဖော်ပြမည် ဖြစ်သောကြောင့် ဖြစ်သည်။ လူသားသည် ငါ၏ ဖြောင့်မတ်ခြင်း နေ့ရက်ကို မြင်တွေ့လိမ့်မည်။ ဘုန်းကြီးသော ငါ၏အသွင်သဏ္ဌာန်ကိုလည်း မြင်လိမ့်မည်။ တစ်လောကလုံးကို ငါအုပ်စိုးသောအချိန်၌၊ ငါ့သားများကို ငါ၏ ဘုန်းအသရေထဲသို့ ခေါ်ဆောင်လာသည့် အချိန်၌ ထိုသို့ ဖြစ်လိမ့်မည်။ ကမ္ဘာပေါ်ရှိ နေရာတိုင်း၌ လူတို့သည် ပျပ်ဝပ်ကြလိမ့်မည်။ ယနေ့ငါလုပ်ဆောင်နေသော အလုပ်၏ ကျောက်ပေါ်တွင် ငါ၏ တဲတော်ကို လူသားများအကြား၌ ခိုင်မြဲစွာ တည်ထားမည်။ လူသားတို့သည်လည်း ငါ့ကို ဗိမ္မာန်တော်၌ အစေခံ ကြလိမ့်မည်။ ညစ်ညမ်းပြီး စက်ဆုပ်ရွံရှာဖွယ်ကောင်းသည့် အရာများနှင့် ပြည့်နေသည့် ယဇ်ပလ္လင်ကိုလည်း ငါသည် တစ်စစီဖြစ်အောင် ဖျက်ဆီးပြီး အသစ်ပြန်လည် တည်ဆောက်မည်။ သိုးသားပေါက်များ၊ နွားသားပေါက်များသည် မြင့်မြတ်သန့်ရှင်းသော ယဇ်ပလ္လင်ပေါ်၌ ပုံနေလိမ့်မည်။ ငါသည် ယနေ့ခေတ်ဗိမ္မာန်တော်ကို ဖြိုချပြီး ဗိမ္မာန်တော်ကိုတော်သစ်ကို ဆောက်မည်။ စက်ဆုပ်ဖွယ်ကောင်းသော လူများနှင့် ပြည့်နေသည့် ယနေ့တွေ့ရသည့် ဗိမ္မာန်တော်သည် ပြိုလိမ့်မည်။ ငါတည်ဆောက်သောဗိမ္မာန်တော်သစ်သည် ငါ့အပေါ်သစ္စာရှိသော အစေခံများနှင့် ပြည့်နေလိမ့်မည်။ ငါ၏ ဗိမ္မာန်တော်၏ ဘုန်းအသရေအတွက် သူတို့သည် တစ်ဖန်ထပြီး ငါ့ကို အစေခံကြလိမ့်မည်။ ကြီးမားသော ဘုန်းအသရေကို ငါလက်ခံရရှိသော နေ့ကို သင်တို့ သေချာပေါက် မြင်လိမ့်မည်။ ဗိမ္မာန်တော်ကို ဖြိုချပြီး အသစ်ပြန်လည် တည်ဆောက်သည့် နေ့ကိုလည်း သင်တို့ သေချာပေါက် မြင်လိမ့်မည်။ လူသားတို့၏ ကမ္ဘာသို့ ငါ၏တဲတော် ရောက်လာသည်ကိုလည်း သင်တို့ သေချာပေါက် မြင်တွေ့ကြလိမ့်မည်။ ငါသည် ဗိမ္မာန်တော်ကို ဖြိုသောအချိန်၌ လူသားတို့၏ ကမ္ဘာသို့ ငါ၏ တဲတော်ကိုလည်း ယူဆောင်လာမည်၊ ငါ၏ကြွဆင်းလာခြင်းကို သူတို့ မြင်ရချိန်၌ပင် ဖြစ်မည်။ ငါသည် တိုင်းနိုင်ငံအားလုံးကို ဖျက်ဆီးပြီးနောက် လူမျိုး အသီးသီးကို အသစ်တဖန် စုစည်းပြီးနောက် ငါ၏ဗိမ္မာန်တော်ကို တည်ဆောက်မည်၊ ငါ၏ ယဇ်ပလ္လင်ကို တည်မည်။ လူသားများအားလုံး ပူဇော်သက္ကာများကို ငါ့ထံဆပ်ကပ်နိုင်ဖို့၊ ငါ၏ ဗိမ္မာန်တော်၌ ငါ့ကို အစေခံနိုင်ဖို့၊ တစ်ပါးအမျိုးသား တိုင်းနိုင်ငံများ၌ ငါ၏အလုပ်အတွက် သူတို့ကိုယ်ကို လုံးလုံးလျားလျား သစ္စာရှိစွာ ပေးအပ်အစေခံနိုင်စေဖို့ ဖြစ်သည်။ သူတို့သည် ယနေ့ခေတ် ဣသရေလ လူမျိုးများကဲ့သို့ ဖြစ်လိမ့်မည်၊ သူတို့သည် ယဇ်ပုရောဟိတ် ဝတ်ရုံကို ဝတ်ပြီး သရဖူကို ဆောင်းထားလိမ့်မည်၊ သူတို့အကြား၌ ငါ ယေဟောဝါ၏ ဘုန်းတန်ခိုးသည်လည်း ရှိနေလိမ့်မည်။ ငါ၏ ကြီးမြတ်သော ဘုန်းတန်ခိုးသည် သူတို့အပေါ်၌သာမက သူတို့ အကြား၌လည်း ရှိနေလိမ့်မည်။ တစ်ပါးအမျိုးသား တိုင်းနိုင်ငံများ၌လည်း ငါသည် ဤသို့ လုပ်ဆောင်မည် ဖြစ်သည်။ ဣသရေလနိုင်ငံအကြား၌ ငါလုပ်ဆောင်ခဲ့သကဲ့သို့၊ တစ်ပါးအမျိုးသား တိုင်းနိုင်ငံများအကြား၌လည်း ငါလုပ်ဆောင်မည် ဖြစ်သည်။ အကြောင်းမှာ ငါသည် ဣသရေလနိုင်ငံ၌ ငါ၏အလုပ်ကို ချဲ့ထွင်ပြီး တစ်ပါးအမျိုးသား တိုင်းနိုင်ငံများထံ ပျံ့နှံ့စေမည့်အတွက်ကြောင့် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဧဝံဂေလိတရားကို ဖြန့်ဝေသည့် အလုပ်သည် လူသားကို ကယ်တင်သည့် အလုပ်လည်းဖြစ်သည်” မှ

၃၄။ လူတို့သည် ငါ့ကို သြဘာပေးကြ၏။ လူတို့သည် ငါ့ကို ချီးမွမ်းကြ၏။ နှုတ်ခပ်သိမ်းတို့ သည် စစ်မှန်သော တစ်ဆူတည်းသောဘုရားသခင်၏ နာမကိုမြွက်ဆိုကြ၏။ လူခပ်သိမ်းတို့သည် ငါ၏အမှုတို့ကို မျက်လုံးပင့်၍ ကြည့်ကြ၏။ နိုင်ငံတော်သည် ကမ္ဘာပေါ်သို့ ဆင်းသက်၏။ ငါခန္ဓာသည် ချမ်းသာကြွယ်ဝ၏။ အဘယ်သူသည် ဤသည်အတွက် အောင်ပွဲမဆင်နွှဲဘဲ နေမည်နည်း။ အဘယ်သူသည် ဤအတွက် ပျော်ရွှင်စွာမကဘဲ နေမည်နည်း။ အို၊ ဇိအုန်တောင်။ ငါ့အတွက် အောင်ပွဲကျင်းပရန် သင်၏အောင်လံထူကြလော့။ သင်၏အောင်ပွဲခံသီချင်းဆို၍ ငါ၏သန့်ရှင်းသောနာမကို ဖြန့်လော့။ အရာခပ်သိမ်းတို့။ ငါ့အတွက် ယဇ်ပူဇော်သည့် အနေဖြင့် သင်တို့ကိုယ်သင်တို့ သန့်စင်ကြလော့။ ကောင်းကင်ရှိကြယ်တို့။ မိမိနေရာသို့ ပြန်ကြ၍ မိုးကောင်းကင်၌ ငါ၏ကြီးမြတ်မှုကို ပြကြလော့။ သီချင်းဖြင့် အနန္တမေတ္တာနှင့်လေးမြတ်မှုတို့ကို ငါ့အပေါ် သွန်းလောင်းသော မြေကြီးပေါ်ရှိသူတို့၏အသံများကို ငါနားထောင်၏။ ယနေ့ အရာခပ်သိမ်း ပြန်လည် နုပျိုစဉ်၌ မြေကြီးပေါ်တွင် လမ်းလျှောက်ရန်လာ၏။ ဤအချိန်တွင် ပန်းများပွင့်၍ ငှက်များသီချင်းဆိုကာ အရာခပ်သိမ်း ဝမ်းမြောက်လျက်ရှိကြ၏။ နိုင်ငံတော်၏ဂုဏ်ပြုသံအားဖြင့် စာတန်၏နိုင်ငံတော် ပြိုလဲကာ နိုင်ငံတော်သီချင်း၏သံပြိုင်ရိုက်ခတ်မှုကြောင့် ပျက်စီး၏။ ထို့အပြင် မည်သည့်အခါမျှ နောက်တဖန်နာလန်မထူတော့ပါ။

ကမ္ဘာပေါ်မှ မည်သူသည် ထ၍ဆန့်ကျင်ဝံ့သနည်း။ မြေကြီးပေါ်သို့ငါဆင်းသက်စဉ်တွင် ငါသည် မီးလောင်ခြင်း ယူဆောင်ခဲ့၏။ ဒေါသ ယူဆောင်ခဲ့၏။ ကပ်ဘေးခပ်သိမ်း ယူဆောင်ခဲ့၏။ လောကီနိုင်ငံတို့သည် ယခု ငါ၏ နိုင်ငံတော်ဖြစ်၏။ မိုးကောင်းကင်တွင် တိမ်များလူးလှိမ့်လျက် လှိုင်းလုံးပမာထကြွကြ၏။ မိုးကောင်းကင် အောက်ရှိ ရေကန်များနှင့် မြစ်များတွင် ရေများမြင့်တက်၍ လေးနက်သည့်စိတ်ခံစားမှု ဖြစ်စေသည့်သီချင်းတစ်ပုဒ် ထုတ်၏။ နားနေသည့်တိရစ္ဆာန်များ ၎င်းတို့၏သားရဲတွင်းများမှ ပေါ်ထွက်လာကာ အိပ်စက်နေသူခပ်သိမ်းတို့ ငါ့ကြောင့် နိုးကြ၏။ နောက်ဆုံးတွင် လူခပ်သိမ်းစောင့်ခဲ့သည့်နေ့ရက် ရောက်လာခဲ့ပေပြီ။ သူတို့သည် ငါ့အား အသာယာဆုံးသီချင်းများ ပူဇော်ကြ၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နိုင်ငံတော်သီချင်း” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

၃၅။ အသက်၏ လမ်းခရီးသည် မည်သူမဆို ပိုင်ဆိုင်နိုင်သည့် အရာတစ်ခုမဟုတ်၊ လူတိုင်း အလွယ်တကူ ရယူနိုင်သောအရာလည်း မဟုတ်ပေ။ အဘယ်ကြောင့်ဆိုသော် အသက်သည် ဘုရားသခင်ထံမှသာ လာနိုင်သည့်အတွက်ကြောင့်ဖြစ်၏။ ဆိုလိုသည်မှာ ဘုရားသခင်ကိုယ်တိုင်သည်သာ အသက်၏အနှစ်သာရကို ပိုင်ဆိုင်၏။ ဘုရားသခင်ကိုယ်တိုင်မရှိဘဲ အသက်၏ လမ်းခရီးမရှိပါ။ ထို့ကြောင့် ဘုရားသခင်သာလျှင် အသက်၏အရင်းအမြစ်ဖြစ်၍ ထာဝရစီးဆင်းနေသော အသက်စမ်းရေဖြစ်၏။ ကမ္ဘာမြေကြီးကို သူဖန်ဆင်းချိန်မှစ၍ ဘုရားသခင်သည် အသက်၏ တက်ကြွမှုနှင့်ပတ်သက်သည့် အမှုများစွာကို ဆောင်ရွက်ခဲ့၏။ လူသားအတွက် အသက်ယူဆောင်လာသည့် အမှုများစွာကို ဆောင်ရွက်ခဲ့၏။ ထို့အပြင် လူသားအနေဖြင့် အသက်ရရှိစေရန်အလို့ငှာ ကြီးမားသော အဖိုးအခလည်း ပေးခဲ့၏။ အဘယ်ကြောင့်ဆိုသော် ဘုရားသခင်ကိုယ်တိုင်သည် ထာဝရအသက်ဖြစ်၍ ဘုရားသခင်ကိုယ်တိုင်သည် လူသားကို ရှင်ပြန်ထမြောက်စေသည့် လမ်းခရီးလည်း ဖြစ်သောကြောင့်ဖြစ်၏။ ဘုရားသခင်သည် လူသား၏နှလုံးသားမှ မည်သည့်အခါမျှ ကင်းမဲ့ခြင်းမရှိဘဲ လူသားအကြားတွင် အစဉ်နေထိုင်၏။ သူသည် လူသားအသက်ရှင်မှု၏ တွန်းအား၊ လူသားဖြစ်တည်နေမှု၏ အခြေခံနှင့် လူသား မွေးဖွားပြီးနောက် တည်ရှိနေရေးအတွက် ကြွယ်ဝသောသိုက်ဖြစ်၏။ သူသည် လူသားကို ပြန်လည်မွေးဖွားစေ၍ လူသားကို ၎င်း၏အခန်းကဏ္ဍတိုင်းတွင် ဇွဲလုံ့လဖြင့် အသက်ရှင်နိုင်စေ၏။ သူ့တန်ခိုး၏ ကျေးဇူးကြောင့်နှင့် သူ၏ငြိမ်းသတ်၍မရသော အသက်အင်အားကြောင့် လူသားသည် မျိုးဆက်တစ်ဆက်ပြီးတစ်ဆက် နေထိုင်ခဲ့ကာ ထိုသို့နေထိုင်စဉ်ကာလတစ်လျှောက် ဘုရားသခင်၏ အသက်တန်ခိုးသည် လူသားတည်ရှိရေးအတွက် အဓိကပံ့ပိုးမှုဖြစ်၍ လူသားတည်ရှိရေးအတွက် မည်သည့်သာမန်လူသားကမျှ ပေးဆပ်ခဲ့ဖူးခြင်းမရှိသော အဖိုးအခကို ဘုရားသခင်က ပေးဆပ်ခဲ့၏။ ဘုရားသခင်၏ အသက်အင်အားသည် မည်သည့်တန်ခိုးကိုမဆို အောင်နိုင်၏။ ထို့အပြင် မည်သည့်တန်ခိုးထက်မဆို သာလွန်၏။ သူ၏အသက်သည် ထာဝရဖြစ်၏။ သူ၏တန်ခိုးသည် ထူးကဲ၍ ဖန်ဆင်းထားသည့် မည်သည့်သတ္တဝါ၊ သို့မဟုတ် မည်သည့်ရန်သူအင်အားကမျှ သူ၏အသက်အင်အားကို အလွယ်တကူ လွှမ်းမိုးနိုင်ခြင်း မရှိပါ။ အချိန်၊ သို့မဟုတ် နေရာနှင့် သက်ဆိုင်ခြင်းမရှိဘဲ ဘုရားသခင်၏ အသက်အင်အားသည် တည်ရှိ၍ ၎င်း၏တောက်ပသောရောင်ခြည်ကို ထွန်းလင်း၏။ ဘုရားသခင်၏ အသက်သည် ကောင်းကင်နှင့် မြေကြီး ကသောင်းကနင်း ဖြစ်နေချိန်များတစ်လျှောက် အစဉ်မပြောင်းလဲဘဲ တည်ရှိ၏။ အရာခပ်သိမ်း မတည်သော်လည်း ဘုရားသခင်၏ အသက်သည် ဆက်လက်တည်ရှိ၏။ အဘယ်ကြောင့်ဆိုသော် ဘုရားသခင်သည် အရာခပ်သိမ်း တည်ရှိနေရေး၏ အရင်းအမြစ်ဖြစ်၍ ၎င်းတို့တည်ရှိနေရေး၏ ရေသောက်မြစ် ဖြစ်သောကြောင့်ဖြစ်၏။ လူသား၏အသက်သည် ဘုရားသခင်ထံမှ အစပြု၏။ ဘုရားသခင်ကြောင့် ကောင်းကင်တည်ရှိခြင်းဖြစ်ပြီး၊ ကမ္ဘာမြေကြီး တည်ရှိနေခြင်းသည် ဘုရားသခင်၏ အသက်တန်ခိုးကြောင့်ဖြစ်၏။ အသက်၏ တက်ကြွမှုရှိသော မည်သည့်အရာမျှ ဘုရားသခင်၏ အချုပ်အခြာအာဏာကို ကျော်လွန်နိုင်ခြင်း မရှိပါ။ ထို့အပြင် ကြံ့ခိုင်သော မည်သည့်အရာမျှ ဘုရားသခင်၏ သြဇာအာဏာပိုင်နက်မှ ခွဲထွက်သွားနိုင်ခြင်း မရှိပါ။ ဤနည်းဖြင့် မည်သူပင်ဖြစ်စေ လူတိုင်း ဘုရားသခင်၏ အုပ်စိုးမှုအောက်တွင် နာခံရမည်။ လူတိုင်း ဘုရားသခင်၏ ပညတ်တော်အောက်တွင် အသက်ရှင်နေထိုင်ရမည်ဖြစ်၍ မည်သူမျှ သူ၏ထိန်းချုပ်မှုမှ လွတ်မြောက်နိုင်ခြင်း မရှိပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်” မှ

၃၆။ ကျယ်ပြန့်လှသောစကြဝဠာထဲတွင် ဘဝနိယာမကို ထပ်တလဲလဲလိုက်နာလျက် ပုံသေစည်းကမ်းတစ်ရပ်ကို လိုက်နာကာ သက်ရှိသတ္တဝါမည်မျှသည် အသက်ရှင်လျက် မျိုးပွားနေကြသနည်း။ သေသူများသည် ရှင်သူများ၏ဇာတ်လမ်းများကို ၎င်းတို့နှင့်အတူ ယူသွားကြပြီး ရှင်နေသူများသည် သေပြီးသောသူများ၏ ဝမ်းနည်းဖွယ်ရာ သမိုင်းတစ်ရပ်ကို တစ်ဖန်ပြန်လုပ်ကြသည်။ ထို့ကြောင့် လူသားမျိုးနွယ်သည် မိမိကိုယ်ကို “ငါတို့သည် မည်သည့်အတွက် အသက်ရှင်သနည်း။ အဘယ်ကြောင့် သေရသနည်း။ ဤကမ္ဘာကို အုပ်ချုပ်သူမှာ မည်သူနည်း။ ဤလူသားမျိုးနွယ်ကို မည်သူဖန်ဆင်းခဲ့သနည်း။ သဘာဝမိခင်က လူသားမျိုးနွယ်ကို အမှန်တကယ် ဖန်ဆင်းခဲ့သလော။ လူသားမျိုးနွယ်သည် မိမိ၏ကံကြမ္မာကို အကယ်ပင် ထိန်းချုပ်နိုင်သလော...” ဟု မမေးဘဲ မနေနိုင်တော့ပါ။ နှစ်ပေါင်းထောင်ပေါင်းများစွာ လူသားမျိုးနွယ်သည် ဤမေးခွန်းများကို ထပ်တလဲလဲ မေးနေခဲ့သည်။ လူသားမျိုးနွယ်သည် ဤမေးခွန်းများကို စွဲလမ်းလာလေလေ၊ သိပ္ပံပညာကို ငတ်မွတ်လာလေလေ ဖြစ်သည်မှာ ဆိုးလှသည်။ သိပ္ပံပညာသည် ခဏတာဆန္ဒပြည့်စေပြီး အသွေးအသားကို ယာယီပျော်ရွှင်မှု ပေးသော်လည်း လူသားကို တစ်ဦးတည်းဖြစ်နေခြင်း၊ အထီးကျန်နေခြင်းနှင့် မိမိစိတ်ဝိညာဉ်၏ နက်ရှိုင်းရာအတွင်းရှိ မလုံ့တလုံဖြစ်နေသော ကြောက်ရွံ့မှုနှင့် အကူအညီမဲ့နေခြင်းတို့မှ လွတ်ကင်းစေသည်အထိ လုံလောက်ရန် ဝေးပါသေးသည်။ ပကတိမျက်လုံးဖြင့် မြင်နိုင်ပြီး ဦးနှောက်ဖြင့်နားလည်နိုင်သည့် သိပ္ပံပညာကို မိမိ၏နှလုံးသား ခံစားမှု ကင်းမဲ့စေရုံမျှသာ လူသားတို့က အသုံးပြုခြင်းဖြစ်သည်။ သို့ရာတွင် နက်နဲရာများကို စူးစမ်းလေ့လာမှုမပြုရန် ၎င်းသိပ္ပံပညာသည် လူသားတို့ကို တားမြစ်နိုင်ခြင်း မရှိပါ။ လူသားတို့သည် လူသားတို့၏အစနှင့် အနာဂတ်တို့ကို သိရန်မဆိုထားနှင့် စကြဝဠာရှိ အလုံးစုံသော အရာတို့၏ အချုပ်အခြာအာဏာရှင် မည်သူဖြစ်သည်ကိုပင် မသိပါ။ လူသားသည် ဤနိယာမအကြားတွင် မတတ်သာ၍ အသက်ရှင်နေရုံမျှသာ ဖြစ်သည်။ မည်သူမျှ ထိုအရာကို လွတ်မြောက်နိုင်ခြင်း မရှိ။ ပြောင်းလဲနိုင်ခြင်း မရှိ။ အကြောင်းမှာ အလုံးစုံသောအရာများအကြားနှင့် ကောင်းကင်ဘုံ၌ ခပ်သိမ်းသောအရာတို့အပေါ် ကမ္ဘာအဆက်ဆက် အချုပ်အခြာအာဏာရှိသူ တစ်ဦးသာ ရှိသည်။ ထိုသူမှာ လူသားတို့ တစ်ခါမျှ မမြင်ဖူးသောသူ၊ လူသားတို့ တစ်ခါမျှ မသိဖူးသူ၊ ၎င်းရှိကြောင်း လူသားတို့တစ်ခါမျှ မယုံကြည်ဖူးသူ ဖြစ်သည်။ သို့ရာတွင် သူသည် လူသားတို့၏ဘိုးဘေးများအထဲ ဇီဝအသက်ကို မှုတ်သွင်းခဲ့ပြီး လူသားတို့ကို အသက်ပေးခဲ့သူဖြစ်သည်။ လူသားများ ရှိနေရေးအတွက် ထောက်ပံ့အားဖြည့်ပေးနေပြီး ယနေ့တိုင် လူသားတို့ကို လမ်းပြသူဖြစ်သည်။ ထို့အပြင် သူသာလျှင် လူသားတို့ ရှင်သန်နေရေးအတွက် အားထားရာ ဖြစ်သည်။ အရာအားလုံးအပေါ် အချုပ်အခြာအာဏာရှိပြီး စကြဝဠာအောက် သက်ရှိအားလုံးကို အုပ်စိုးသူ ဖြစ်သည်။ ရာသီလေးပါးကို ကွပ်ကဲအုပ်စိုး၍ လေ၊ ဆီးနှင်းခဲ၊ နှင်းနှင့် မိုးတို့ကို ခေါ်သောသူဖြစ်သည်။ လူသားတို့ကို နေရောင်ပေး၍ ည၏ အလာကို ဆောင်ကြဉ်းသူဖြစ်သည်။ ကောင်းကင်နှင့် မြေကြီးကို ခင်းကျင်းသူ၊ လူသားတို့ကို တောင်များ၊ ရေကန်များ၊ မြစ်များနှင့် ၎င်းတို့အတွင်းရှိ သက်ရှိအားလုံးကို ပေးသောသူမှာ သူဖြစ်သည်။ သူ၏အမှုသည် နေရာတိုင်းတွင်ရှိ၏။ သူ၏တန်ခိုးသည် နေရာတိုင်းတွင် ရှိ၏။ သူ၏ဉာဏ်ပညာသည် နေရာတိုင်းတွင်ရှိ၏။ သူ၏အာဏာသည် နေရာတိုင်းတွင်ရှိ၏။ ဤနိယာမနှင့် စည်းမျဉ်းတစ်ခုစီသည် သူ့အမှု၏ ပြယုဂ်ဖြစ်ပြီး ၎င်းတို့တစ်ခုစီတိုင်းသည် သူ၏ဉာဏ်ပညာနှင့် တန်ခိုးတို့ကို ထုတ်ဖော်ပြသသည်။ သူ၏အချုပ်အခြာအာဏာမှ မိမိကိုယ်ကို လွတ်ငြိမ်းခွင့်ရအောင် မည်သူပြုလုပ်နိုင်သနည်း။ ထို့အပြင် သူ၏အစီအမံများမှ မိမိကိုယ်ကို ထွက်ခွာခွင့်ရအောင် မည်သူပြုလုပ်နိုင်သနည်း။ အလုံးစုံသောအရာတို့သည် သူ၏စူးစိုက်ကြည့်မှုအောက်တွင် ရှိသည့်အပြင် အလုံးစုံသော အရာတို့သည် သူ၏အချုပ်အခြာအောက်တွင် ရှိပါသည်။ သူသည် အမှန်တကယ် တည်ရှိ၍ အရာအားလုံးအပေါ် အချုပ်အခြာအာဏာရှိသည်ဟူသော အချက်ကို သူ၏အမှုနှင့် တန်ခိုးတို့ကြောင့် လူသားတို့သည် အခြားရွေးချယ်စရာမရှိဘဲ ဝန်ခံကြရပေသည်။ သူမှလွဲ၍ အခြားမည်သည့်အရာမျှ ဤလူသားများကို စဉ်ဆက်မပြတ် စောင့်ရှောက်နိုင်ရန်မဆိုထားနှင့် စကြဝဠာကိုပင် အုပ်ချုပ်နိုင်စွမ်း မရှိပါ။ သင်သည် ဘုရားသခင်၏အမှုကို သိနိုင်စွမ်းရှိသည်ဖြစ်စေ၊ မရှိသည်ဖြစ်စေ၊ သင်သည် ဘုရားသခင်ရှိကြောင်း ယုံကြည်သည်ဖြစ်စေ၊ မယုံကြည်သည်ဖြစ်စေ၊ ဘုရားသခင်၏ ခန့်ထားတော်မူခြင်းအတွင်း သင်၏ကံကြမ္မာ တည်ရှိသည်ကို သံသယဖြစ်စရာ မရှိပါ။ ၎င်းအပြင် ဘုရားသခင်သည် အရာအားလုံးအပေါ် အချုပ်အခြာအာဏာ အစဉ်ရှိသည်ကို သံသယဖြစ်စရာ မရှိပါ။ သူရှိကြောင်းနှင့် သူ၏အာဏာတို့မှာ လူသားတို့၏ အသိအမှတ် ပြုခံရနိုင်ခြင်း ရှိမရှိ၊ နားလည်နိုင်ခြင်း ရှိမရှိအပေါ်တွင် မူတည်နေသည် မဟုတ်ပါ။ လူသား၏ အတိတ်၊ ပစ္စုပ္ပန်နှင့် အနာဂတ်တို့ကို သူသာလျှင်သိပြီး သူသာလျှင် လူသားတို့၏ ကံကြမ္မာကို အဆုံးအဖြတ်ပေးနိုင်သည်။ ဤအချက်ကို သင်လက်ခံနိုင်သည်ဖြစ်စေ၊ လက်မခံနိုင်သည်ဖြစ်စေ ဤအရာအားလုံးကို လူသားသည် မိမိ၏မျက်စိဖြင့် မြင်မည့်အချိန်မှာ မကြာမြင့်တော့ပါ။ ထို့အပြင် ဘုရားသခင်သည် ဤအချက်ကို မကြာမီ အောင်မြင်စွာ လုပ်ဆောင်မည်ဖြစ်သည်။ ဘုရားသခင်၏ မျက်စိအောက်တွင် လူသားမျိုးနွယ်သည် အသက်ရှင်၍ သေဆုံးကြသည်။ လူသားမျိုးနွယ်သည် ဘုရားသခင်၏ စီမံခန့်ခွဲမှုအတွက် အသက်ရှင်သည်ဖြစ်ပြီး နောက်ဆုံးအကြိမ် ၎င်းတို့မျက်စိမှိတ်သည့်အခါသည်လည်း ဤစီမံခန့်ခွဲမှုအတွက်ပင် ဖြစ်သည်။ လူသားသည် ခေါက်တုံ့ခေါက်ပြန် သွားလိုက်လာလိုက် ထပ်ခါတလဲလဲ လုပ်သည်။ ဤသည်တို့အားလုံးမှာ ခြွင်းချက်မရှိ ဘုရားသခင်၏ အချုပ်အခြာအာဏာနှင့် အစီအမံတို့၏ အစိတ်အပိုင်းတစ်ခုဖြစ်သည်။ ဘုရားသခင်၏ စီမံခန့်ခွဲမှုသည် အမြဲရှေ့သို့တက်လှမ်းနေပြီး မည်သည့်အခါမျှ ရပ်စဲမသွားပေ။ လူသားမျိုးနွယ်အနေဖြင့် သူရှိကြောင်းသိရှိရန်၊ သူ၏ အချုပ်အခြာအာဏာအပေါ် ယုံကြည်စိတ်ချရန်၊ သူ၏လုပ်ဆောင်ချက်ကို မြင်ရန်နှင့် သူ၏နိုင်ငံတော်သို့ ပြန်လာရန် သူပြုလုပ်မည် ဖြစ်သည်။ ဤသည်မှာ သူ၏အစီအစဉ်ဖြစ်ပြီး နှစ်ပေါင်းထောင်ချီ၍ သူလုပ်ကိုင်နေခဲ့သည် အမှုပင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စီမံခန့်ခွဲမှုအထဲ၌သာ လူသားသည် ကယ်တင်ခြင်း ခံရနိုင်သည်” မှ

၃၇။ ဘုရားသခင်၏ စိတ်နေသဘောထားဟူသည်မှာ လူတိုင်းအတွက် အလွန်အမင်း စိတ်ကူးယဉ်ဆန်သည်ဟုထင်ရသည့် အကြောင်းအရာတစ်ရပ်ဖြစ်သည့်အပြင် လက်ခံရန်မှာလည်း လူတိုင်းအတွက် လွယ်ကူလှသည့်အရာ မဟုတ်ပေ၊ အကြောင်းမှာ သူ၏စိတ်နေသဘောထားသည် လူသားတစ်ဦး၏ ပင်ကိုစရိုက်နှင့် မတူသောကြောင့်ဖြစ်သည်။ ဘုရားသခင်၌လည်း ဝမ်းသာခြင်း၊ ဒေါသထွက်ခြင်း၊ ဝမ်းနည်းမှုနှင့် ပျော်ရွှင်မှုဟူသည့် သူ့ကိုယ်ပိုင် စိတ်ခံစားမှုများ ရှိသည်၊ သို့သော်လည်း ဤစိတ်ခံစားမှုများသည် လူသား၏ စိတ်ခံစားမှုများနှင့် ကွဲပြားသည်။ ဘုရားသခင်သည် သူ၏ဖြစ်ခြင်းအတိုင်း သူဖြစ်ပြီး သူ၏ရှိခြင်းအတိုင်း သူရှိပေသည်။ သူဖော်ပြသမျှနှင့် ထုတ်ဖော်သမျှတို့သည် သူ၏အနှစ်သာရနှင့် သူ၏ကိုယ်ပိုင်လက္ခဏာတို့၏ ကိုယ်စားပြုခြင်းများဖြစ်သည်။ သူ၏အရာအားလုံးနှင့် ဖြစ်ခြင်းအပါအဝင် သူ၏အနှစ်သာရနှင့် ကိုယ်ပိုင်လက္ခဏာတို့သည် မည်သည့်လူသားကမျှ အစားထိုး၍မရနိုင်သော အရာများဖြစ်သည်။ သူ၏စိတ်နေသဘောထား၌ လူသားမျိုးနွယ်အတွက် သူ၏ချစ်ခြင်း၊ လူသားမျိုးနွယ်ကို နှစ်သိမ့်ပေးမှု၊ လူသားမျိုးနွယ်အပေါ် မုန်းတီးမှု၊ ထိုမျှမက လူသားမျိုးနွယ်အပေါ် အစုံအစေ့ နားလည်မှုတို့ အကျုံးဝင်သည်။ သို့သော်လည်း လူသား၏ပင်ကိုစရိုက်မှာမူ အကောင်းမြင်ခြင်း၊ ထကြွလုံ့လရှိခြင်း၊ သို့မဟုတ် စာနာစိတ်မရှိခြင်း ဖြစ်ကောင်းဖြစ်နိုင်သည်။ ဘုရားသခင်၏ စိတ်နေသဘောထားမှာ သက်ရှိသက်မဲ့ အရာအားလုံးတို့ကို အုပ်စိုးသောသူနှင့် သက်ဆိုင်ပြီး ဖန်ဆင်းခြင်းခပ်သိမ်း၏ သခင်နှင့် သက်ဆိုင်သည်။ သူ၏စိတ်နေသဘောထားသည် ဂုဏ်ပြုခြင်း၊ တန်ခိုး၊ မြင့်မြတ်ခြင်း၊ ကြီးမြတ်ခြင်းကို ကိုယ်စားပြုပြီး အရေးကြီးဆုံးမှာ သာလွန်ကြီးစိုးခြင်းကို ကိုယ်စားပြုသည်။ သူ၏စိတ်နေသဘောထားသည် သြဇာအာဏာ၏ သင်္ကေတဖြစ်ပြီး ဖြောင့်မတ်သောအရာအားလုံး၏ သင်္ကေတဖြစ်ကာ လှပ၍ ကောင်းမွန်သည့်အရာအားလုံး၏ သင်္ကေတလည်း ဖြစ်ပေသည်။ ထိုထက်မက ထိုစိတ်နေသဘောထားသည် အမှောင်ထုနှင့် မည်သည့်ရန်သူအင်အားကမျှ အနိုင်ယူ၍မရနိုင်သောက၊ သို့မဟုတ် ထိပါး၍မရနိုင်သော သူ၏ သင်္ကေတဖြစ်ပြီး၊ မည်သည့်ဖန်ဆင်းခံ သတ္တဝါကမျှ ပုန်ကန်ပြစ်မှား၍ မရနိုင်သော (ပုန်ကန်ပြစ်မှားခြင်းကိုလည်း သူသည်းခံမည် မဟုတ်ပေ) သူ၏ သင်္ကေတလည်း ဖြစ်သည်။ သူ၏စိတ်နေသဘောထားသည် အမြင့်ဆုံးသောတန်ခိုး၏ သင်္ကေတဖြစ်၏။ မည်သည့်လူကမျှ၊ သို့မဟုတ် မည်သည့်လူအများကမျှ သူ၏အမှု၊ သို့တည်းမဟုတ် သူ၏စိတ်နေသဘောထားကို မနှောင့်ယှက်နိုင်ပေ၊ သို့မဟုတ် နှောင့်ယှက်ခွင့်ရှိမည်လည်း မဟုတ်ပေ။ သို့သော် လူသား၏ ပင်ကိုစရိုက်မှာမူ သားရဲတိရစ္ဆာန်ထက် လူသားက အနည်းငယ် သာလွန်မှု၏ သင်္ကေတမျှသာဖြစ်သည်။ လူသားသည် သူကိုယ်၌က မည်သည့်သြဇာအာဏာမျှမရှိ၊ မည်သည့်လုပ်ပိုင်ခွင့်မျှမရှိ၊ ထို့ပြင် မိမိကိုယ်ကို ကျော်လွန်နိုင်စွမ်းလည်း မရှိပေ၊ သို့သော်လည်း သူ၏အနှစ်သာရ၌မူ သူသည် လူအမျိုးမျိုး၊ ဖြစ်ရပ်အမျိုးမျိုးနှင့် အခြေအနေအမျိုးမျိုးတို့၏ ပြုသမျှ နုရမည့် ကြောက်ဒူးတုန်နေသူဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားကို နားလည်ရန်မှာ အလွန်အရေးကြီးပေ၏” မှ

၃၈။ ငါပြောထားသော ဝါကျတိုင်းသည် အတွင်း၌ ဘုရားသခင်၏ စိတ်နေသဘောထား ပါဝင်၏။ သင်တို့သည် ငါ၏နှုတ်ကပတ်တော်များကို ဂရုတစိုက် ဆင်ခြင်တွေးဆသင့်သည်၊ ထိုသို့ပြုလျှင် ထိုအရာများထံမှ ဧကန်မုချပင် ကြီးစွာအကျိုးခံစားရလိမ့်မည်။ ဘုရားသခင်၏ စိတ်နေသဘောထားကို နားလည်သဘောပေါက်ရန်မှာ အလွန်ခက်လှသည်၊ သို့သော်လည်း ဘုရားသခင်၏ စိတ်နေသဘောထားနှင့်ပတ်သက်၍ သင်တို့အားလုံး၌ အနည်းဆုံးအနေဖြင့် နားလည်မှုတစ်ခုခု ရှိကြပြီဟု ငါယုံသည်။ ထိုသို့ဖြစ်လျှင် သင်တို့သည် ဘုရားသခင်၏ စိတ်နေသဘောထားကို ပုန်ကန်ပြစ်မှားခြင်း မပြုသော အရာများကို ပိုမိုလုပ်ဆောင်ကြ၍ ငါ့အား ပိုမိုပြသကြမည်ဟု ငါမျှော်လင့်သည်။ ထိုသို့ဆိုလျှင် ငါသည် စိတ်ချလက်ချရှိပေလိမ့်မည်။ ဥပမာအားဖြင့် သင်၏နှလုံးသားထဲ၌ ဘုရားသခင်ကို အချိန်တိုင်း သိမ်းထားလော့။ သင်ပြုမူသည့်အခါ သူ၏နှုတ်ကပတ်တော်များအတိုင်း ပြုမူလော့။ အရာရာ၌ သူ၏ရည်ရွယ်ချက်များကို ဖွေရှာပြီး ဘုရားသခင်ကို အရိုအသေတန်စေကာ အရှက်ရစေသော အရာများအား လုပ်ဆောင်ခြင်းကို ရှောင်ကြဉ်လော့။ သင့်နှလုံးသားထဲရှိ အနာဂတ် လစ်ဟာနေခြင်းကို ဖြည့်ရန် ဘုရားသခင်ကို သင်၏အတွေးထဲ၌ နောက်သို့ပို့ထားခြင်းမျိုး သာ၍ပင် မပြုသင့်ပေ။ သင့်အနေဖြင့် ဤသို့ပြုမည်ဆိုလျှင် ဘုရားသခင်၏ စိတ်နေသဘောထားကို ပုန်ကန်ပြစ်မှားခဲ့ပြီး ဖြစ်ပေလိမ့်မည်။ ထို့အတူ အကယ်၍ သင်သည် သင့်ဘဝတစ်လျှောက်တွင် ဘုရားသခင်အပေါ် စော်ကားသော မှတ်ချက်များ၊ သို့မဟုတ် မကျေမနပ်ပြောဆိုချက်များ လုံးဝမပြုပါက၊ ထို့အတူ အကယ်၍ သင်သည် သင့်ဘဝတစ်လျှောက်တွင် သင့်အပေါ် သူတာဝန်ပေးစေခိုင်းထားသည့်အရာအားလုံးကို ကောင်းမွန်စွာ ဆောင်ရွက်နိုင်ပြီး သူ၏နှုတ်ကပတ်တော်အားလုံးကို ကျိုးနွံနာခံနိုင်သည်ဆိုပါက သင်သည် စီမံအုပ်ချုပ်ရေးဆိုင်ရာ အမိန့်များကို ဖောက်ဖျက်ခြင်းအား ရှောင်ရှားပြီး ဖြစ်လိမ့်မည်။ ဥပမာအားဖြင့် “ကိုယ်တော်သည် ဘုရားသခင်ဖြစ်၏ဟု ကျွန်ုပ်အဘယ်ကြောင့် မထင်ရသနည်း”၊ “ဤနှုတ်ကပတ်တော်များသည် သန့်ရှင်းသောဝိညာဉ်တော်၏ ဉာဏ်ပွင့်လင်းစေမှုတစ်ခုခုထက် ဘာမျှမပိုဟု ကျွန်ုပ်ထင်သည်”၊ “ကျွန်ုပ်၏အမြင်ကိုပြောရလျှင် ဘုရားသခင်ပြုသမျှမှာ မှန်လှသည်လည်း မဟုတ်ပါ”၊ “ဘုရားသခင်၏ လူ့သဘာဝသည် ကျွန်ုပ်ထက် သာလွန်နေသည်ကား မဟုတ်ပါ”၊ “ဘုရားသခင်၏ နှုတ်ကပတ်တော်များသည် ယုံကြည်လက်ခံချင်စရာကို မကောင်းပါ”၊ သို့တည်းမဟုတ် ထိုသို့သော ဝေဖန်သည့် အခြားမှတ်ချက်များကို သင့်အနေဖြင့် ပြောခဲ့ဖူးပါလျှင် သင်၏အပြစ်များကို တိုး၍ဝန်ခံပြီး တိုး၍နောင်တရရန် ငါအလေးအနက်တိုက်တွန်း၏။ ထိုသို့မဟုတ်လျှင် သင်၌ ခွင့်လွှတ်ခြင်းခံရရန် အခွင့်အရေး မည်သည့်အခါမျှ ရှိမည်မဟုတ်ပေ၊ အကြောင်းမှာ သင်သည် လူသားတစ်ယောက်ကို မဟုတ်ဘဲ ဘုရားသခင်ကိုယ်တော်တိုင်ကို ပုန်ကန်ပြစ်မှားသောကြောင့် ဖြစ်သည်။ သင့်အနေဖြင့် လူသားတစ်ယောက်ကို ဝေဖန်နေသည်ဟု ထင်ကောင်း ထင်နေလိမ့်မည်၊ သို့သော်လည်း ဘုရားသခင်၏ ဝိညာဉ်တော်ကမူ ထိုသို့မမှတ်ယူပေ။ သူ၏ဇာတိခန္ဓာကို သင်၏မလေးမစားပြုမူခြင်းသည် သူ့ကို မလေးမစားပြုခြင်းနှင့် တန်းတူညီသည်။ ထိုသို့ဖြစ်လျှင် သင်သည် ဘုရားသခင်၏ စိတ်နေသဘောထားကို ပုန်ကန်ပြစ်မှားမိပြီ မဟုတ်လော။ ဘုရားသခင်၏ ဝိညာဉ်တော်ပြုခဲ့သမျှသော အရာအားလုံးသည် လူ့ဇာတိထဲရှိ သူ၏အမှုကို ကာကွယ်ရန်အလို့ငှာ ပြုခဲ့ခြင်းဖြစ်ပြီး ဤအမှုကို ကောင်းမွန်စွာ လုပ်ဆောင်ရန်အလို့ငှာ ပြုခဲ့ခြင်းဖြစ်သည်။ အကယ်၍ သင်သည် ဤအရာကို လျစ်လျူရှုပါလျှင် သင်သည် ဘုရားသခင်ကို ယုံကြည်ခြင်းအရာ၌ လုံးဝအောင်မြင်မည်မဟုတ်သောသူ တစ်ယောက်ဖြစ်သည်ဟု ငါဆို၏။ သင်သည် ဘုရားသခင်၏ အမျက်ဒေါသကို သွားဆွခဲ့သောကြောင့် သင့်ကို သင်ခန်းစာပေးရန်အတွက် ထိုက်တန်သော အပြစ်ဒဏ်ပေးခြင်းကို သူအသုံးပြုပေလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ စိတ်နေသဘောထားကို နားလည်ရန်မှာ အလွန်အရေးကြီးပေ၏” မှ

အောက်ခြေမှတ်စု(များ)-

က။ မူရင်းစာသား၌ “အနိုင်ယူခြင်း မခံရနိုင်သော သင်္ကေတ” ဟု ရေးသားထားသည်။

ခ။ မူရင်းစာသား၌ “ပုန်ကန်ပြစ်မှားခြင်းကို မခံရနိုင်သော (ထို့ပြင် ပုန်ကန်ပြစ်မှားခံရခြင်းကို သည်းမခံသော) သင်္ကေတ” ဟု ရေးသားထားသည်။

ယခင်က:၅။ ဘုရားအမှုတော်၏ အဆင့်အသီးသီးနှင့် ဘုရားသခင်၏ နာမတော်တို့ကြားဆက်နွှယ်မှုနှင့်ပတ်သက်သည့် ဂန္တဝင် နှုတ်ကပတ်တော်များ

နောက်တစ်ခုသို့:(၁) ဘုရားသခင်၏ သြဇာအာဏာနှင့် ပတ်သက်သည့် နှုတ်ကပတ်တော်များ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ