သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ဘုရားသခင်၏ နေ့စဉ် နှုတ်ကပတ်တော်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၂။ ဘုရားသခင်၏ ပေါ်ထွန်းခြင်း နှင့် အမှုတော်

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၄၆)

ချီးမွမ်းခြင်းသည် ဇိအုန်သို့ရောက်လာပြီဖြစ်ကာ ဘုရားသခင်၏ ကျိန်းဝပ်တော်မူရာအရပ်သည် ပေါ်ထွန်းလာပြီးဖြစ်သည်။ လူမျိုးခပ်သိမ်း၏ ချီးမွမ်းခြင်းခံရသော ဘုန်းကြီးသည့် သန့်ရှင်းသောနာမသည် ပျံ့နှံ့လျက်ရှိသည်။ အို အနန္တတန်ခိုးရှင် ဘုရားသခင်။ စကြဝဠာ၏ဦးသျှောင်၊ နောက်ဆုံးသောကာလ၏ ခရစ်တော်- သူသည် ဘုန်းတန်ခိုးအာနုဘော်နှင့် ကြီးကျယ်ခမ်းနားခြင်းတို့ဖြင့် စကြဝဠာတစ်ခုလုံးအပေါ်လွှမ်းမိုးသည့် ဇိအုန်တောင်အထက်တွင် ပေါ်ထွက်နေသော တောက်ပနေသည့်နေမင်းဖြစ်၏...

အနန္တတန်ခိုးရှင် ဘုရားသခင်၊ ကျွန်ုပ်တို့သည် ဂုဏ်ယူဝံ့ကြွားခြင်းဖြင့် ကိုယ်တော်အား ဟစ်အော်ခေါ်ကြပါ၏၊ ကျွန်ုပ်တို့သည် ကခုန်လျက် သီချင်းဆိုကြပါ၏။ ကိုယ်တော်သည် အမှန်တကယ် ကျွန်ုပ်တို့၏ ရွေးနှုတ်ရှင်၊ စကြဝဠာ၏ ကြီးမြတ်သော ဘုရင်ဖြစ်၏။ ကိုယ်တော်သည် အောင်မြင်သောသူတစ်စုကို ပြုလုပ်ပြီးဖြစ်ကာ ဘုရားသခင်၏ စီမံခန့်ခွဲမှုအစီအစဉ်ကို ပြည့်စုံစေလေပြီ။ လူမျိုးခပ်သိမ်းသည် ဤတောင်သို့ စုဝေးကြလိမ့်မည်။ လူမျိုးခပ်သိမ်းသည် ပလ္လင်တော်ရှေ့တွင် ဒူးထောက်ကြလိမ့်မည်။ ကိုယ်တော်သည် တစ်ပါးတည်းသော စစ်မှန်သည့် ဘုရားသခင်ဖြစ်တော်မူပြီး ဘုန်းအသရေနှင့် ဂုဏ်ပြုခြင်းတို့ ထိုက်တန်ပါ၏။ ဘုန်းအသရေ၊ ချီးမွမ်းခြင်းနှင့် ဩဇာအာဏာအားလုံးတို့သည် ပလ္လင်တော်၌ ရှိစေသတည်း။ အသက်စမ်းရေသည် မြောက်မြားစွာသော ဘုရားသခင်၏လူတို့ကို ရေလောင်းကာ ကျွေးမွေးလျက် ပလ္လင်တော်မှ စီးထွက်သည်။ အသက်တာသည် နေ့စဉ်နှင့်အမျှ ပြောင်းလဲ၏။ အသစ်သောအလင်းနှင့် ဗျာဒိတ်တော်များသည် ဘုရားသခင်အကြောင်း အသစ်သော ထိုးထွင်းသိမြင်မှုများကို စဉ်ဆက်မပြတ် ပေးလျက်၊ ကျွန်ုပ်တို့နောက်ကို လိုက်ကြ၏။ အတွေ့အကြုံများအလယ်တွင်၊ ဘုရားသခင်နှင့် ပတ်သက်၍ ကျွန်ုပ်တို့ လုံးဝ သေချာသွားကြသည်။ ကိုယ်တော်၏နှုတ်ကပတ်တော်များသည် စဉ်ဆက်မပြတ် ထင်ရှားလာကြ၏၊ မှန်ကန်သောသူများအတွင်းတွင် ထင်ရှားလာကြ၏။ ကျွန်ုပ်တို့သည် ဧကန်အမှန် ကောင်းချီးအလွန်ခံစားကြရပါ၏။ ဘုရားသခင်နှင့် နေ့စဉ် မျက်နှာချင်းဆိုင် တွေ့၍ အရာရာ၌ ဘုရားသခင်နှင့် မိတ်သဟာယဖွဲ့ကာ ဘုရားသခင်အား အရာခပ်သိမ်းအပေါ် အချုပ်အခြာအာဏာပေးလျက်ရှိကြသည်။ ကျွန်ုပ်တို့သည် ဘုရားသခင်၏နှုတ်ကပတ်တော်ကို သေချာစွာ စဉ်းစားချင့်ချိန်၍ ကျွန်ုပ်တို့၏နှလုံးသားများသည် ဘုရားသခင်၌ ငြိမ်သက်လျက်ရှိပြီး၊ ဤနည်းအားဖြင့် ကျွန်ုပ်တို့သည် ဘုရားသခင်၏အလင်းကို လက်ခံရရှိသည့် နေရာဖြစ်သော ကိုယ်တော်၏ရှေ့မှောက်သို့ လာကြ၏။ နေ့စဉ် ကျွန်ုပ်တို့၏ အသက်တာများ၊ လုပ်ဆောင်မှုများ၊ စကားများ၊ အတွေးများနှင့် စိတ်ကူးများ၌ ဘုရားသခင်၏ နှုတ်ကပတ်တော်အတွင်းတွင် ကျွန်ုပ်တို့ အသက်ရှင်ကြပြီး အစဉ်အမြဲ ခွဲခြားစိတ်ဖြာနိုင်ကြ၏။ ဘုရားသခင်၏ နှုတ်ကပတ်တော်သည် တိကျသေချာစွာ လမ်းပြ၏၊ ကျွန်ုပ်တို့အတွင်း ကွယ်ဝှက်ထားသောအရာများသည် တစ်ခုပြီးတစ်ခု မမျှော်လင့်ဘဲ ပေါ်လာကြ၏။ ဘုရားသခင်နှင့် မိတ်သဟာယဖွဲ့ခြင်းသည် နှောင့်နှေးခြင်းကို သည်းခံသည်မဟုတ်ပေ။ ကျွန်ုပ်တို့၏ အတွေးများနှင့် စိတ်ကူးများသည် ဘုရားသခင်၏ ဖော်ထုတ်ခြင်းကို ခံရသည်။ အခိုက်အတန့်တိုင်းတွင် ကျွန်ုပ်တို့သည် တရားစီရင်ခြင်းကို ကျွန်ုပ်တို့ ကြုံရသည့်နေရာဖြစ်သော ခရစ်တော်၏ပလ္လင်တော်ရှေ့၌ အသက်ရှင်နေထိုင်လျက်ရှိကြ၏။ ကျွန်ုပ်တို့၏ ကိုယ်ခန္ဓာများအတွင်းရှိ ‌နေရာတိုင်းသည် စာတန်၏ ဆက်လက်သိမ်းပိုက်ထားခြင်းကို ခံနေရသည်။ ယနေ့တွင် ဘုရားသခင်၏ အချုပ်အခြာအာဏာကို ပြန်လည် ရရှိရန်အလို့ငှာ၊ သူ၏ဗိမာန်တော်သည် သန့်ရှင်းရပေမည်။ ဘုရားသခင်၏ ပိုင်ဆိုင်ခြင်းကို အပြည့်အဝခံရဖို့ရန် ကျွန်ုပ်တို့သည် သေရေးရှင်ရေး ရုန်းကန်မှုတစ်ရပ်တွင် ပါဝင်ရမည်။ ကျွန်ုပ်တို့၏ လူဟောင်းများကို ကားစင်တင်ပြီးဖြစ်သည့်အခါမှသာ ခရစ်တော်၏ ရှင်ပြန်ထမြောက်သော အသက်တာသည် အထွတ်အထိပ် စိုးစံနိုင်ပေသည်။

ယခုတွင်၊ သန့်ရှင်းသောဝိညာဉ်တော်သည် ကျွန်ုပ်တို့ကို ဆယ်တင်ခြင်းအတွက် တိုက်ပွဲဝင်ရန် ကျွန်ုပ်တို့၏ နေရာအနှံ့တွင် ရုတ်တရက် တစ်ဟုန်ထိုးတိုက်ပွဲတစ်ရပ် စတင်၏။ ကျွန်ုပ်တို့သည် မိမိတို့ကိုယ်ကိုယ် ငြင်းပယ်ရန်နှင့် ဘုရားသခင်နှင့် ပူးပေါင်းဆောင်ရွက်ဖို့ လိုလားလျက်ရှိရန် အဆင်သင့်ရှိသရွေ့၊ ကျွန်ုပ်တို့သည် ဘုရားသခင်အားဖြင့် တတ်နိုင်သမျှအမြန်ဆုံး စုံလင်သွားနိုင်စေရန်အလို့ငှာ ဘုရားသခင်သည် ကျွန်ုပ်တို့ကို အတွင်းမှ အချိန်တိုင်း အလင်းပေးကာ သန့်စင်စေမည်ဖြစ်ပြီး၊ စာတန်သိမ်းပိုက်ထားခဲ့သည့်အရာကို အသစ်ပြန်လည် သိမ်းယူလိမ့်မည်မှာ သေချာ၏။ အချိန်မဖြုန်းနှင့်- ဘုရားသခင်၏ နှုတ်ကပတ်တော်များအတွင်းတွင် အချိန်တိုင်း အသက်ရှင်လော့။ သန့်ရှင်းသူတို့ နှင့်အတူ တည်ဆောက်ခြင်းခံကြလော့၊ နိုင်ငံတော်အတွင်း ခေါ်ဆောင်ခြင်းခံကြလော့၊ ပြီးလျှင်ဘုရားသခင်နှင့်အတူ ဘုန်းတော်ဝင်စားကြလော့။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၄၇)

ဖိလဒေလဖိအသင်းတော်သည် ရုပ်လုံးပေါ်လာခဲ့သည်မှာ ဘုရားသခင်၏ကျေးဇူးနှင့် ကရုဏာတော်ကြောင့် လုံးလုံးဖြစ်၏။ ၎င်းတို့၏ ဝိညာဉ်ရေးရာ ခရီးပေါ်တွင် ယိမ်းယိုင်ခြင်းမရှိသည့် မရေမတွက်နိုင်သော သန့်ရှင်းသူတို့၏ စိတ်နှလုံးများထဲတွင် ဘုရားသခင်အတွက် ချစ်ခြင်းမေတ္တာ ထွက်ပေါ်လေသည်။ ၎င်းတို့သည် တစ်ပါးတည်းသော စစ်မှန်သည့် ဘုရားသခင် လူ့ဇာတိခံလာပြီဖြစ်သည်၊ သူသည် အရာခပ်သိမ်းကို ကွပ်ကဲအုပ်ချုပ်သည့် စကြဝဠာ၏ ဦးသျှောင် ဖြစ်သည်ဟူသော ၎င်းတို့၏ ယုံကြည်ခြင်းကို စွဲစွဲမြဲမြဲ ကိုင်စွဲကြလေသည်။ ယင်းကို သန့်ရှင်းသောဝိညာဉ်တော်က အတည်ပြုထား၏၊ ယင်းသည် တောင်တန်းများတမျှပင် မရွေ့လျားနိုင်ပေ။ ပြီးလျှင် ဘယ်သောအခါမျှ ပြောင်းလဲလိမ့်မည် မဟုတ်ပေ။

အိုး၊ အနန္တတန်ခိုးရှင်ဘုရားသခင်၊ ယနေ့တွင် မျက်စိမမြင်သူများကို မြင်ခွင့်ပေးလျက်၊ ခြေမသန်သောသူများကို လမ်းလျှောက်စေလျက်နှင့် နူနာစွဲသောသူများကို ပျောက်ကင်းစေလျက် ကျွန်ုပ်တို့၏ဝိညာဉ်ရေးရာမျက်စိတို့ကို ဖွင့်ပေးခဲ့သူမှာ ကိုယ်တော်ဖြစ်ပါ၏။ ဝိညာဉ်ရေးရာ နယ်ပယ်၏ နက်နဲမှုများကို ကျွန်ုပ်တို့အား သိမြင်စေလျက်၊ မိုးကောင်းကင်သို့ တံခါးကို ဖွင့်ခဲ့သည်မှာ ကိုယ်တော် ဖြစ်ပါ၏။ ကိုယ်တော်၏ သန့်ရှင်းသော နှုတ်ကပတ်တော်များဖြင့် စိမ့်ဝင်ပျံ့နှံ့ကာ ကျွန်ုပ်တို့ကို စာတန်၏ ဖျက်ဆီးခြင်းခံရသည့် လူ့သဘာဝမှ ကယ်တင်ခံရလျက်- ကိုယ်တော်၏မခန့်မှန်းနိုင်သော မဟာအမှုတော်နှင့် မခန့်မှန်းနိုင်သော ကရုဏာတော်သည် ဤကဲ့သို့ ဖြစ်ပါ၏။ ကျွန်ုပ်တို့သည် ကိုယ်တော်၏ သက်သေခံများ ဖြစ်ကြပါ၏။

ကိုယ်တော်သည် နှိမ့်ချစွာနှင့် တိတ်ဆိတ်စွာ ကွယ်ဝှက်၍နေလာခဲ့သည်မှာ ကာလကြာမြင့်ခဲ့ချေပြီ။ ကိုယ်တော်သည် သေခြင်းမှ ရှင်ပြန်ထမြောက်ခြင်း၊ ကားစင်တင်ခံရခြင်းဒုက္ခ၊ လူ့ဘဝ၏ ဝမ်းမြောက်ခြင်းနှင့် ဝမ်းနည်းခြင်းများ၊ ညှဉ်းပန်းနှိပ်စက်ခြင်းနှင့် ခက်ခဲခြင်းတို့ကို ကြုံရပြီးဖြစ်ပါ၏။ ကိုယ်တော်သည် လူ့လောက၏ နာကျင်မှုကို တွေ့ကြုံကာ မြည်းစမ်းပြီးဖြစ်ကာ ခေတ်ကာလ၏ ပစ်ပယ်မှုကို ကိုယ်တော် ခံရပြီးဖြစ်ပါ၏။ လူ့ဇာတိကိုခံယူသော ဘုရားသခင်သည် ဘုရားသခင် ကိုယ်တော်တိုင်ဖြစ်တော်မူ၏။ ဘုရားသခင်၏ အလိုတော်အဖို့ ကိုယ်တော်သည် ကျွန်ုပ်တို့ကို ကိုယ်တော်၏ လက်ျာလက်တော်ဖြင့် ချီပင့်ရင်းနှင့် ကိုယ်တော်၏ ကျေးဇူးတော်ကို ကျွန်ုပ်တို့အား အခမဲ့ ပေးရင်း နောက်ချေးပုံမှ ကျွန်ုပ်တို့ကို ကယ်တင်ပြီးဖြစ်ပါ၏။ မည်သည့်နာကျင်မှုကိုမျှမချန်ဘဲ၊ ကိုယ်တော်သည် ကိုယ်တော်၏အသက်ကို ကျွန်ုပ်တို့အတွင်း၌ ဖြစ်ပေါ်စေခဲ့လေပြီ။ ကိုယ်တော်၏ သွေး၊ ချွေးနှင့် မျက်ရည်တို့ဖြင့် ကိုယ်တော် ပေးဆပ်ခဲ့သော အဖိုးအခသည် သန့်ရှင်းသူတို့အပေါ် ပုံပေါ်လာပါ၏။ ကျွန်ုပ်တို့သည် ကိုယ်တော်၏ အပင်ပန်းခံသော အားထုတ်မှုများ၏ ရလဒ်က ဖြစ်ပါ၏။ ကျွန်ုပ်တို့သည် ကိုယ်တော်ပေးဆပ်သည့် အဖိုးအခဖြစ်ပါ၏။

အို၊ အနန္တတန်ခိုးရှင် ဘုရားသခင်၊ ကိုယ်တော်၏ချစ်ခြင်းမေတ္တာနှင့် ကရုဏာတော်၊ ကိုယ်တော်၏ ဖြောင့်မတ်ခြင်းနှင့် ဘုန်းအာနုဘော်တော်၊ ကိုယ်တော်၏ သန့်ရှင်းခြင်းနှင့် နှိမ့်ချခြင်းတို့ကြောင့် လူမျိုးအားလုံးသည် ကိုယ်တော်၏ ရှေ့တော်၌ ထာဝရကာလပတ်လုံး ပျပ်ဝပ်၍ ကိုးကွယ်ကြပါလိမ့်မည်။

ယနေ့၊ ကိုယ်တော်သည်- ဖိလဒေလဖိ အသင်းတော်- အသင်းတော်အားလုံးကို စုံလင်စေပြီးဖြစ်ကာ ထိုသို့ဖြင့် ကိုယ်တော်၏ အနှစ် ၆၀၀၀ စီမံခန့်ခွဲမှုအစီအစဉ်ကို ပြည့်စုံစေပြီးဖြစ်ပါ၏။ စိတ်ဝိညာဉ်တွင် ဆက်နွှယ်လျက်နှင့် ချစ်ခြင်းမေတ္တာနှင့်အတူ လိုက်လျှောက်ရင်း၊ စမ်းရေ၏ အရင်းအမြစ်နှင့် ဆက်သွယ်လျက် ကိုယ်တော်၏ရှေ့တွင် သန့်ရှင်းသူတို့သည် မိမိတို့ကိုယ်ကိုယ် နှိမ့်ချစွာဖြင့် နာခံနိုင်ကြပါ၏။ ရှင်သန်သော အသက်စမ်းရေသည် အသင်းတော်ထဲက ရွှံ့နှင့် ညစ်ညူးမှုအားလုံးကို ဆေးကြောကာ သန့်စင်ဖယ်ရှားလျက်၊ ကိုယ်တော်၏ ဗိမာန်တော်ကို တစ်ဖန် သန့်စင်စေရင်း၊ မရပ်မနား စီးဆင်းပါ၏။ ကျွန်ုပ်တို့သည် လက်တွေ့ကျသည့် စစ်မှန်သော ဘုရားသခင်ကို သိရှိလာကြပါပြီ၊ ကိုယ်တော်၏နှုတ်ကပတ်တော်အတွင်းတွင် လျှောက်လှမ်းကြပါပြီ၊ ကျွန်ုပ်တို့၏ ကိုယ်ပိုင် လုပ်ငန်းတာဝန်များကို သိမှတ်ပြီး အသင်းတော်အဖို့အလို့ငှာ မိမိတို့ကိုယ်ကိုယ် အသုံးခံဖို့ ကျွန်ုပ်တို့သည် တတ်နိုင်သမျှ လုပ်ဆောင်ပြီးဖြစ်သည်။ ကိုယ်တော်၏ အလိုတော်သည် ကျွန်ုပ်တို့၌ မပိတ်ဆို့ရန်၊ ကိုယ်တော်၏ ရှေ့မှောက်တွင် အမြဲ ဆိတ်ဆိတ်နေလျက် သန့်ရှင်းသောဝိညာဉ်တော်၏ အမှုတော်ကို ကျွန်ုပ်တို့ အရေးစိုက်ရပါမည်။ သန့်ရှင်းသူများအကြားတွင် အပြန်အလှန် ချစ်ခြင်းမေတ္တာရှိပြီး အချို့၏ အားသာချက်တို့သည် အခြားသူတို့၏အားနည်းချက်များအတွက် အစားထိုးပေးပါလိမ့်မည်။ ထိုသူတို့သည် သန့်ရှင်းသော ဝိညာဉ်တော်၏ ဉာဏ်အလင်းပေးခံရကာ အလင်းပြခံရလျက်၊ အချိန်တိုင်း ဝိညာဉ်တော်၌ လျှောက်လှမ်းနိုင်ကြပေသည်။ ၎င်းတို့သည် သမ္မာတရားကို သိရှိနားလည်သည်နှင့် ချက်ချင်း လက်တွေ့လုပ်ဆောင်ကြသည်။ အသစ်သောအလင်းကို အမီလိုက်ကာ ဘုရားသခင်၏ ခြေလှမ်းများနောက် လိုက်ကြလေသည်။

ဘုရားသခင်နှင့်အတူ တက်ကြွစွာ ပူးပေါင်းဆောင်ရွက်ကြလော့၊ ကိုယ်တော်ကို ထိန်းချုပ်ခွင့်ပေးခြင်းမှာ ကိုယ်တော်နှင့်အတူလျှောက်လှမ်းခြင်းဖြစ်၏။ ကျွန်ုပ်တို့၏ ကိုယ်ပိုင် စိတ်ကူးများ၊ အယူအဆများ၊ သဘောထားများနှင့် လောကီ ငြိတွယ်ခြင်းများသည် မီးခိုးငွေ့ကဲ့သို့ ပျောက်ချင်းမလှ ပျောက်ကွယ်သွားကြသည်။ ကျွန်ုပ်တို့သည် ကျွန်ုပ်တို့၏ဝိညာဉ်များထဲတွင် ဘုရားသခင်ကို ကျွန်ုပ်တို့ အထွတ်အထိပ် အုပ်စိုးခွင့်ပြုသောကြောင့် ထူးကဲသာလွန်ခြင်း၊ လောကကို အောင်မြင်ခြင်းတို့ကို ရရှိကြပြီး ကျွန်ုပ်တို့၏စိတ်ဝိညာဉ်များသည် လွတ်လပ်စွာ ပျံသန်းကာ လွတ်မြောက်မှုကို ရရှိကြ၏။ ဤသည်မှာ အနန္တတန်ခိုးရှင်ဘုရားသခင်သည် ရှင်ဘုရင်ဖြစ်လာသည့်အခါ ရရှိသော အကျိုးရလဒ်ပင် ဖြစ်ပေ၏။ ကျွန်ုပ်တို့၏ ချီးမွမ်းခြင်းများ၊ အသစ်သော ဓမ္မသီချင်းများကို ပူဇော်ရင်း၊ ကျွန်ုပ်တို့သည် အဘယ်သို့ ချီးမွမ်းခြင်းဖြင့် မကခုန်၊ မသီဆိုဘဲ နေနိုင်ကြမည်နည်း။

ဘုရားသခင်ကိုချီးမွမ်းရန် နည်းလမ်းများစွာ အမှန်ရှိ၏- ကိုယ်တော့်နာမတော်ကို ဟစ်ခေါ်ခြင်း၊ ကိုယ်တော့်ထံ တိုးဝင် ချဉ်းကပ်ခြင်း၊ ကိုယ်တော့်အကြောင်းကို တွေးတောခြင်း၊ ဆုတောင်း- ဖတ်ရှုခြင်း၊ မိတ်သဟာယ၌ ပါဝင်ခြင်း၊ ဆင်ခြင်စဉ်းစားခြင်းနှင့် တွေးဆခြင်း၊ ဆုတောင်းခြင်းနှင့် ချီးမွမ်းသီချင်းများ ဖြစ်သည်။ ဤကဲ့သို့ ချီးမွမ်းခြင်းမျိုးများတွင် ပျော်မွေ့ခြင်းရှိကာ ဘိသိက်ရှိ၏၊ ချီးမွမ်းခြင်း၌ တန်ခိုးရှိပြီး ဝန်တာတစ်ခုလည်း ရှိ၏။ ချီးမွမ်းခြင်း၌ ယုံကြည်ခြင်းရှိကာ အသစ်သော ထိုးထွင်းသိမြင်ခြင်း ရှိပေသည်။

ဘုရားသခင်နှင့် တက်ကြွစွာပူးပေါင်းဆောင်ရွက်လော့၊ အစေခံခြင်းတွင် ပူးပေါင်းဆောင်ရွက်ကာ တစ်လုံးတစ်ဝတည်း ဖြစ်ကြလော့၊ အနန္တတန်ခိုးရှင် ဘုရားသခင်၏ ရည်ရွယ်ချက်များကို ဖြည့်ဆည်းလော့၊ သန့်ရှင်းသော ဝိညာဉ်ရေးရာ ခန္ဓာတစ်ခု ဖြစ်ရန် အလျင်အမြန်ပြုလော့၊ စာတန်အား ခြေဖြင့်နင်းကာ စာတန်၏ ကံကြမ္မာကို အဆုံးသတ်လော့။ ဖီလဒေလဖိအသင်းတော်သည် ဘုရားသခင်၏ မျက်မှောက်တော်ထဲသို့ ချီဆောင်ခံရပြီးဖြစ်ကာ သူ၏ ဘုန်းတော်ထဲတွင် ထင်ရှားစေပြီ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂” အစအဦး၌ ခရစ်တော်၏မိန့်မြွက်ချက်များ မှ

အောက်ခြေမှတ်စု(များ)-

က။ မူရင်းစာသားတွင် “ရလဒ်” ဟူသော စကားရပ် မပါဝင်ပါ။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၄၈)

အောင်ပွဲခံသော ရှင်ဘုရင်သည် ဘုန်းအသရေနှင့်ပြည့်သော သူ၏ပလ္လင်ပေါ်၌ ထိုင်လေ၏။ သူသည် ရွေးနတ်ခြင်းကို လုပ်ဆောင်ပြီးမြောက်ခဲ့ပြီး၊ သူ၏လူအပေါင်းကို ဘုန်းအသရေဖြင့် ပေါ်ထွန်းခြင်းသို့ ဆောင်ယူခဲ့လေပြီ။ သူသည် စကြဝဠာကို သူ၏လက်ထဲ၌ ဆုပ်ကိုင်၍၊ သူ၏မြင့်မြတ်သော ဉာဏ်ပညာနှင့် ခွန်အားဖြင့် ဇိအုန်ကို တည်ဆောက်ကာ ခိုင်ခံ့စေလေပြီ။ သူ၏ဘုန်းအာနုဘော်ဖြင့် ဆိုးယုတ်သော လောကကြီးကို တရားစီရင်၏၊ သူသည် တိုင်းနိုင်ငံများနှင့် လူအပေါင်း၊ ကမ္ဘာမြေကြီး၊ ပင်လယ်များနှင့် ၎င်းတို့ထဲမှ သက်ရှိအပေါင်းကိုသာမက၊ မတရားသောမေထုန်၏ စပျစ်ရည်ဖြင့် ယစ်မူးနေကြသူများကိုလည်း တရားစီရင်လေ၏။ ဘုရားသခင်သည် ၎င်းတို့ကို ဧကန်မုချ တရားစီရင်လိမ့်မည်၊ ထို့ပြင် သူသည် ၎င်းတို့ကို မုချအမျက်ထွက်မည်ဖြစ်၍၊ ယင်း၌ ဘုရားသခင်၏ ဘုန်းအာနုဘော်အား ထုတ်ဖော်လိမ့်မည်။ ယင်းကဲ့သို့ တရားစီရင်ခြင်းသည် ချက်ချင်းပင်ဖြစ်ကာ၊ နှောင့်နှေးခြင်း အလျှင်းမရှိဘဲ ချမှတ်လိမ့်မည်။ ဘုရားသခင်၏ အမျက်ဒေါသမီးသည် ၎င်းတို့၏ စက်ဆုပ်ရွံရှာဖွယ်ကောင်းသော ပြစ်မှုများကို မီးရှို့ဖျက်ဆီးမည်ဖြစ်ပြီး၊ ကပ်ဘေးသည် ၎င်းတို့အပေါ် အချိန်မရွေး ကျရောက်လေမည်။ ၎င်းတို့သည် လွတ်မြောက်ရန် လမ်းကို သိကြမည်မဟုတ်ဘဲ၊ ပုန်းအောင်းစရာ နေရာမရှိ ဖြစ်ကြမည်၊ ၎င်းတို့သည် အံကို ခဲကြိတ်ကာ ငိုကြွေးကြလေမည်၊ ထို့အပြင် ၎င်းတို့သည် ၎င်းတို့ကိုယ်တိုင်အပေါ်သို့ ပျက်စီးခြင်းကို ကျရောက်စေကြလိမ့်မည်။

ဘုရားသခင်၏ အောင်ပွဲခံသော ချစ်သားများသည် ဇိအုန်၌ မုချနေကြမည်ဖြစ်ကာ၊ ထိုနေရာမှ မည်သည့်အခါမျှ ထွက်ခွာကြ မည်မဟုတ်။ မြောက်မြားစွာသော လူတို့သည် သူ၏အသံတော်ကို စေ့စေ့နားထောင်ကြလိမ့်မည်၊ ၎င်းတို့သည် သူ၏ လုပ်ဆောင်ချက်များကို အသေအချာ ဂရုပြုကြလိမ့်မည်၊ ထို့အပြင် သူ့ကိုချီးမွမ်းသော ၎င်းတို့၏အသံများသည် ဘယ်သောအခါမျှ ရပ်စဲမည်မဟုတ်ပေ။ စစ်မှန်သည့် တစ်ပါးတည်းသော ဘုရားသခင် ပေါ်ထွန်းလာလေပြီ။ ငါတို့သည် စိတ်ဝိညာဉ်၌ သူ့အား ယုံမှားဖွယ်မရှိဘဲ၊ သူ့နောက်သို့ ထက်ကြပ်မကွာ လိုက်ကာ၊ တုံ့ဆိုင်းခြင်းအလျှင်းမရှိဘဲ ရှေ့ဆက်သွားဖို့ရန် အစွမ်းကုန် လုပ်ဆောင်ရမည်။ ကမ္ဘာလောကကြီး၏ အဆုံးသည် ငါတို့ရှေ့၌ ဖွင့်ဟလျက်ရှိ၏၊ အသင်းတော်၏ မှန်ကန်သော အသက်တာသာမက ငါတို့ပတ်လည်၌ရှိသော လူများ၊ အရေးကိစ္စများနှင့် အမှုအရာများသည် ယခုပင်လျှင် ငါတို့၏ လေ့ကျင့်ခြင်းကို ပို၍ပြင်းထန်စေနေသည်။ လောကကို အလွန်ချစ်သော ငါတို့၏စိတ်နှလုံးများကို အလျင်အမြန် ပြန်ယူကြပါစို့။ ကာဆီးနေသော ငါတို့၏အမြင်ကို အလျင်အမြန် ပြန်ယူကြပါစို့။ ငါတို့သည် နယ်နိမိတ်များကို မကျော်လွန်မိစေရန် ယခုထက်ပို၍ လျှောက်လှမ်းမည် မဟုတ်၊ ထို့အပြင် ငါတို့သည် ဘုရားသခင်၏ နှုတ်ကပတ်တော်အားဖြင့် အသက်ရှင်နိုင်ရန်အလို့ငှာ ငါတို့၏လျှာများကို စောင့်ထိန်းမည်ဖြစ်ပြီး၊ ငါတို့၏ အကျိုးအမြတ်များနှင့် ဆုံးရှုံးမှုများအပေါ် ဆက်၍ငြင်းခုံတော့မည် မဟုတ်ပေ။ လောကီရေးရာလောကနှင့် ကြွယ်ဝချမ်းသာခြင်းအပေါ် သင်တို့၏ အလိုကြီးသော တွယ်တာခြင်း- ဟေ၊ ယင်းကို စွန့်လွှတ်ကြလော့။ ခင်ပွန်းသည်များနှင့် သားသမီးများအပေါ် သင်တို့နှောင်တွယ်နေသော သံယောဇဉ်- ဟေ၊ ယင်းမှ မိမိကိုယ်ကိုယ် လွတ်မြောက်စေကြလော့။ သင်တို့၏အမြင်များနှင့် အခြေအမြစ် မရှိသော စွဲလမ်းမှုများကို စွန့်လွှတ်ကြလော့။ အချိန်သည် တိုတောင်းသောကြောင့် နိုးထကြလော့။ သင်တို့၏စိတ်ဝိညာဉ်ကို အထက်သို့ မျှော်ကြည့်စေလော့၊ အထက်သို့ မျှော်ကြည့်ကာ ဘုရားသခင်အား ထိန်းချုပ်ခွင့်ပေးကြလော့။ သင်တို့ကိုယ်သင်တို့ လောတ၏ဇနီးကဲ့သို့ မဖြစ်လာစေကြနှင့်။ ပစ်ပယ်ခံရခြင်းမှာ အလွန်သနားစရာ ကောင်းလှသည်။ အမှန်ပင် သနားစရာပေတည်း။ နိုးထကြကုန်လော့။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၄၉)

တောင်များ နှင့် မြစ်များ ဆက်၍ပြောင်းလဲနေသည်၊ စမ်းချောင်းများက သူတို့၏ လမ်းကြောင်းတစ်လျှောက် စီးဆင်းသည်၊ ထို့အပြင် လူတို့၏ အသက်သည် ကောင်းကင် နှင့် မြေကြီးထက် တည်တံ့ခြင်း သာ၍နည်းသည်။ အန္တတန်ခိုးရှင် ဘုရားသခင်သာလျှင် ထာဝရ ရှင်ပြန်ထမြောက်သော အသက် ဖြစ်၍ မျိုးဆက်များ အဆက်ဆက် ထာဝရ အသက်ရှင်သည်။ ခပ်သိမ်းသော အရာများ နှင့် အဖြစ်အပျက်များသည် သူ၏ လက်ထဲတွင် ရှိပြီး စာတန်သည် သူ၏ ခြေထောက်အောက်၌ ရှိသည်။

ယနေ့ ဘုရားသခင်၏ ကြိုတင်ခွဲခန့်မှတ်သား ရွေးချယ်ထားခြင်းကြောင့် သူသည် ကျွန်ုပ်တို့အား စာတန်၏ ဆုပ်ကိုင်မှုမှ ကယ်တင်ခဲ့ပြီးဖြစ်သည်။ သူသည် ကျွန်ုပ်တို့၏ စစ်မှန်သော ရွေးနုတ်ရှင် ဖြစ်သည်။ ခရစ်တော်၏ ထာဝရ ရှင်ပြန်ထမြောက်သော အသက်ကို ကျွန်ုပ်တို့အတွင်း၌ ဖြစ်ပေါ်စေ့သောကြောင့် ကျွန်ုပ်တို့သည် ဘုရားသခင်၏ အသက် နှင့် ဆက်သွယ်ရန် ခွဲခန့်မှတ်သားခြင်းကို ခံကြရခြင်း၊ သူ နှင့်အတူ မျက်နှာချင်းဆိုင် နေနိုင်ခြင်း၊ သူ့အား စားနိုင်ခြင်း၊ သောက်နိုင်ခြင်း နှင့် မွေ့လျော်နိုင်ခြင်း ဖြစ်သည်။ ဤသည်မှာ ဘုရားသခင်၏ အပင်ပန်းခံ၍ တစ်ကိုယ်ကောင်းမဆန်သော ဆက်ကပ်မှု ဖြစ်သည်။

လေ နှင့် ဆီးနှင်းတို့အားဖြင့် ဆောင်းကာလမှ နွေဦးကာလသို့ ကျော်လွန်ရောက်ရှိသည်။ ဘဝ နာကျင်မှုများ၊ နှိပ်စက်ညှဉ်းပန်းမှုများ နှင့် ဆင်းရဲဒုက္ခများ၊ လောကကြီး၏ ငြင်းပယ်မှုများ နှင့် အသရေဖျက်မှုများ၊ အစိုးရ၏ အမှုဆင် စွပ်စွဲချက်များကို မည်မျှ တွေ့ကြုံပါစေ ဘုရားသခင်၏ ယုံကြည်ခြင်း နှင့် ဆုံးဖြတ်ချက်တို့မှာ ဆုတ်ယုတ်ခြင်း မရှိပေ။ စိတ်နှလုံးအကြွင်းမဲ့ဖြင့် ဘုရားသခင်၏ အလိုတော်အတွက်၊ ဘုရားသခင်၏ စီမံခန့်ခွဲမှု နှင့် အစီအစဉ် ပြီးမြောက်စေရန်အတွက် သူသည် သူ၏ အသက်ကို ဘေးဖယ်ထားသည်။ သူ၏ လူ အားလုံးအတွက် သူသည် အားထုတ်ကြိုးပမ်းမှုကို ရှောင်ရှားခြင်း မပြု၊ ဂရုတစိုက် ကျွေးမွေးပြီး ရေလောင်းပေးသည်။ ကျွန်ုပ်တို့သည် မည်မျှပင် မသိနားမလည်ပါစေ၊ မည်မျှပင် ခက်ခဲပါစေ သူ့ ရှေ့တွင် နာခံရန်သာ လိုအပ်ပြီး ခရစ်တော်၏ ရှင်ပြန်ထမြောက်သော အသက်သည် ကျွန်ုပ်တို့၏ ဗီဇဟောင်းကို ပြောင်းလဲပေးလိမ့်မည် ဖြစ်သည်...ဤ သားဦးများအတွက် သူသည် မမောနိုင်မပန်းနိုင် အလုပ်လုပ်သည်၊ အစားအစာ နှင့် အိပ်စက်ခြင်းကို စွန့်လွှတ်သည်။ နေ့ပေါင်းညပေါင်း မည်မျှ ရှိပါစေ၊ ချစ်ချစ်တောက်ပူသော အပူရှိန်များ နှင့် အလွန့်အလွန်အေးသော အေးစက်မှုများ မည်မျှအကြားတွင် သူသည် ဇိအုန်မှ စိတ်နှလုံးအကြွင်းမဲ့ စောင့်ကြည့်လျက်ရှိသည်။

လောကကြီး၊ နေအိမ်၊ အလုပ်တို့ကို လုံး၀ စွန့်လွှတ်၍၊ လိုလားစွာဖြင့် လောက ပျော်ရွှင်မှုများ သူ့အား တို့ထိခြင်း မရှိဘဲ...သူ၏ နှုတ်မှ နှုတ်ကပတ်တော်များသည် ကျွန်ုပ်တို့၏ အတွင်း၌ ထိမှန်ပြီး ကျွန်ုပ်တို့၏ နက်ရှိုင်းသော စိတ်နှလုံးများထဲ၌ ဝှက်ထားသော အရာများကို ထုတ်ဖော်လျက်ရှိသည်။ ကျွန်ုပ်တို့သည် လက်ခံယုံကြည်မှု မရှိဘဲ အဘယ်သို့ နေနိုင်မည်နည်း။ သူ၏ နှုတ်မှ ထွက်သော ဝါကျတိုင်းသည် ကျွန်ုပ်တို့အထဲတွင် အချိန်မရွေး အမှန်တကယ်ဖြစ်ပေါ်လာသည်။ လူသိရှင်ကြား နှင့် အတွင်းရေး ဖြစ်ပါစေ ကျွန်ုပ်တို့၏ အပြုအမူတိုင်းတွင် သူ မသိသော အရာ၊ သူ မမြင်သော အရာ မရှိဘဲ ကျွန်ုပ်တို့၏ ကိုယ်ပိုင် အစီအစဉ်များ နှင့် စီမံမှုများ ရှိစေကာမူ အကယ်စင်စစ် အရာခပ်သိမ်းသည် သူ့ ရှေ့တွင် ပေါ်လာမည် ဖြစ်သည်။

သူ့ ရှေ့တွင် ထိုင်နေလျက် ကျွန်ုပ်တို့၏ ဝိညာဉ်များမှာ ပျော်မွေ့ခြင်း၊ သက်သောင့်သက်သာ ရှိခြင်း နှင့် ငြိမ်သက်ခြင်း ရှိကာ အတွင်း၌ အမြဲ လစ်ဟာနေပြီး ဘုရားသခင်အား စစ်မှန်စွာ ကျေးဇူးတင်ကြောင်း ခံစားရသည်။ ဤအရာမှာ စိတ်ကူး၍ မရနိုင်သည့်ခက်ခဲသော အံ့ဖွယ် တစ်ခု ဖြစ်သည်။ အန္တတန်ခိုးရှင် ဘုရားသခင်သည် စစ်မှန်သည့် တစ်ဆူတည်းသော ဘုရားသခင် ဖြစ်ကြောင်းကို သန့်ရှင်းသော ဝိညာဉ်တော်က ပြည့်စုံလုံလောက်စွာ သက်သေပြလျက်ရှိသည်။ မငြင်းနိုင်သောအရာပင် ဖြစ်လေတကား။ ဤ လူစု ဖြစ်သော ကျွန်ုပ်တို့သည် အမှန်တကယ် ကောင်းချီးမင်္ဂလာ အလွန် ခံစားကြရသည်။ ဘုရားသခင်၏ ကျေးဇူးတော် နှင့် သနားခြင်းကြောင့် မဟုတ်ပါက ကျွန်ုပ်တို့သည် ထာဝရ ပျက်စီးခြင်းသို့ ရောက်ပြီး စာတန် နောက်သို့ လိုက်ကြရမည် ဖြစ်သည်။ အန္တတန်ခိုးရှင် ဘုရားသခင်သာ ကျွန်ုပ်တို့အား ကယ်တင်နိုင်ပေသည်။

အလိုလေ။ အန္တတန်ခိုးရှင် ဘုရားသခင် လက်တွေ့ကျသော ဘုရားသခင်။ ကျွန်ုပ်တို့၏ ဝိညာဉ်မျက်စိများကို ဖွင့်ပေးခဲ့သော သူမှာ ကိုယ်တော် ဖြစ်သဖြင့် ကျွန်ုပ်တို့သည် ဝိညာဉ်ရေးရာ လောက၏ လျှို့ဝှက်နက်နဲမှုများကို မြင်ခဲ့ကြရပြီ ဖြစ်သည်။ နိုင်ငံတော်၏ မြင်ကွင်းမှာ အဆုံးမဲ့ ဖြစ်သည်။ ဂရုတစိုက်ကြည့်၍ စောင့်နေကြလော့။ ထိုနေ့သည် အလွန့်အလွန် မဝေးကွာနိုင်တော့ပေ။

စစ်မီးများ တဝေ့လည်လည် တောက်လောင်ခြင်း၊ သေနတ် မီးခိုး လွင့်မျောခြင်း၊ ရာသီဥတု ပူနွေးခြင်း၊ ဥတု ပြောင်းလဲခြင်း၊ ကပ်ဆိုး တစ်ခု ပျံ့နှံ့ခြင်း ဖြစ်ကာ အသက်ရှင်ကျန်ရစ်ရန် မျှော်လင့်ချက် အနည်းငယ်ဖြင့် လူများ သေဆုံးကြရမည်။

အလိုလေ။ အန္တတန်ခိုးရှင် ဘုရားသခင် လက်တွေ့ကျသော ဘုရားသခင်။ ကိုယ်တော်သည် ကျွန်ုပ်တို့၏ ခိုင်ခံ့သော မျှော်စင် ဖြစ်သည်။ ကိုယ်တော်သည် ကျွန်ုပ်တို့၏ ခိုလှုံရာ ဖြစ်သည်။ ကိုယ်တော်၏ အတောင်အောက်တွင် ကျွန်ုပ်တို့ တိုးဝင်ပြီး ဘေးဒုက္ခသည် ကျွန်ုပ်တို့ထံ မရောက်နိုင်ပေ။ ဤသည်မှာ ကိုယ်တော်၏ ဘုရားသဘောသဘာ၀ ကွယ်ကာခြင်း နှင့် စောင့်မခြင်း ဖြစ်ပေသည်။

ဇိအုန် တစ်တောင်လုံး ချီးမွမ်းသံများဖြင့် ပဲ့တင်သံထပ်စေမည့် ချီးမွမ်းသီချင်းများ သီဆိုရန်၊ ကျွန်ုပ်တို့ အားလုံး ကျွန်ုပ်တို့၏ အသံများကို လွှင့်ကြသည်။ အန္တတန်ခိုးရှင် ဘုရားသခင် လက်တွေ့ကျသော ဘုရားသခင်သည် ကျွန်ုပ်တို့အတွက် ဘုန်းကြီးသော ခရီးပန်းတိုင်ကို ပြင်ဆင်ပေးလေပြီ။ ဂရုတစိုက်ကြည့်လော့၊ ဂရုတစိုက်ကြည့်လော့။ ထိုအချိန်သည် မဝေးကွာနိုင်တော့ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၅” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၀)

နိုင်ငံတော်၏ ရှင်ဘုရင်ဖြစ်သည့် အနန္တတန်ခိုးရှင် ဘုရားသခင်သည် သက်သေထူခံရပြီး ဖြစ်သည့်အလျောက် ဘုရားသခင်၏ စီမံခန့်ခွဲမှု အတိုင်းအတာကို စကြဝဠာတစ်ခုလုံး အနှံ့အပြားတွင် လုံးလုံးလျားလျား ဖွင့်ဟခဲ့ပြီးဖြစ်သည်။ ဘုရားသခင်၏ ပေါ်ထွန်းခြင်းသည် တရုတ်နိုင်ငံ တစ်ခုတည်းတွင် သာမက ကမ္ဘာပေါ်ရှိ တိုင်းနိုင်ငံအသီးသီးတို့တွင်လည်း ထင်ရှားခဲ့ပြီး ဖြစ်သည်။ ထိုတိုင်းနိုင်ငံ အသီးသီးတွင်ရှိသော လူတို့သည် ဤသန့်ရှင်းသော နာမတော်ကို ဟစ်ကြွေးပြီး မိမိတို့ တတ်နိုင်သော နည်းလမ်းမှန်သမျှဖြင့် ဘုရားသခင်နှင့် မိတ်သဟာရဖွဲ့နိုင်ရန် ကြိုးစားကာ အနန္တတန်ခိုးရှင် ဘုရားသခင်၏ အလိုတော်ကို နားလည်သဘောပေါက်ပြီး အသင်းတော်နှင့် ပူးပေါင်းပါဝင် အစေခံလျက် ရှိကြသည်။ ဤသို့သော အံ့သြဖွယ်နည်းလမ်းဖြင့် သန့်ရှင်းသော ဝိညာဉ်တော်သည် အလုပ်လုပ်လျက်ရှိသည်။

အမျိုးမျိုးသော တိုင်းနိုင်ငံတို့၏ ဘာသာစကားများသည် တစ်ခုနှင့်တစ်ခု ကွဲပြားကြသော်လည်း ဝိညာဉ်တော်သည် တစ်ပါးတည်းသာရှိသည်။ ထိုဝိညာဉ်တော်သည် စကြဝဠာအနှံ့အပြားရှိ အသင်းတော်တို့ကို ပေါင်းစည်းပေးပြီး ထိုဝိညာဉ်တော်သည် ကွာခြားချက် စိုးစဉ်းမျှပင် မရှိဘဲ ဘုရားသခင်နှင့် တစ်လုံးတစ်ဝတည်းဖြစ်ကာ ဤသည်မှာ ယုံမှားဖွယ် မရှိပါ။ ယခုတွင် ဝိညာဉ်တော်သည် ထိုသူတို့ကို ခေါ်တော်မူပြီး ဝိညာဉ်တော်၏ အသံတော်သည် ထိုသူတို့ကို နှိုးဆော်လေသည်။ ထိုအသံတော်သည် ဘုရားသခင်၏ ကရုဏာတော် အသံပင် ဖြစ်ပေသည်။ တိုင်းနိုင်ငံအသီးသီးရှိ လူတို့သည် အနန္တတန်ခိုးရှင် ဘုရားသခင်၏ သန့်ရှင်းသော နာမတော်ကို ဟစ်ကြွေးကြသည်။ ထိုသူတို့သည် ချီးမွမ်းထောမနာပြုပြီး သီဆိုချီးမွမ်းကြ၏။ သန့်ရှင်းသော ဝိညာဉ်တော်၏ လုပ်ဆောင်ခြင်းထဲတွင် မည်သည့်သွေဖည်ခြင်းမျှ မရှိနိုင်ပေ၊ ထို့အပြင် ထိုသူတို့သည် မှန်ကန်သောလမ်းတစ်လျှောက် ရှေ့တိုးချီတက်ရန် ကြိုးစားပမ်းစား လုပ်ကြသည်၊ သူတို့သည် နောက်မဆုတ်ကြချေ၊ ထိုအခြင်းအရာ၏ အံသြဘွယ်ရာများသည် တစ်ခုပြီးတစ်ခု ထပ်ဆင့်လေသည်။ ဤသို့ဖြစ်ခြင်းသည် လူတို့အတွက် စဉ်းစားနားလည်ရန်ခက်ပြီး တွေးတောချင့်ချိန်၍လည်း မရနိုင်သော အမှုဖြစ်သည်။

အနန္တတန်ခိုးရှင် ဘုရားသခင်သည် စကြဝဠာထဲ၌ အသက်၏ အရှင်သခင် ဖြစ်ပေသည်။ သူသည် ဘုန်းကြီးသော ပလ္လင်ထက်တွင် ထိုင်နေပြီး လောကကြီးကို တရားစီရင်၍ အရာခပ်သိမ်းကို ကြီးစိုးကာ တိုင်းနိုင်ငံအားလုံးကို အုပ်စိုးလေသည်၊ လူမျိုးတကာတို့သည် ဘုရားသခင်၏ ရှေ့တော်မှောက်တွင် ဒူးထောက်ပျပ်ဝပ်ကာ ဆုတောင်းပဌာနာ ပြုပြီး သူ့ထံပါးသို့ချဉ်းကပ်၍ သူနှင့် အဆက်အသွယ်ပြုကြသည်။ သင်ဘုရားသခင်ကို ယုံကြည်ခဲ့သည်မှာ မည်မျှပင် ကြာခဲ့ပါလေစေ၊ သင့်ရာထူး မည်မျှပင် မြင့်ပါလေစေ သို့မဟုတ် သင်၏ဝါရင့်ခြင်းသည် မည်မျှပင် ကြီးမားပါလေစေ၊ သင်၏နှလုံးသားထဲတွင် ဘုရားသခင်နှင့် ဆန့်ကျင်နေပါက သင်သည် ဘုရားသခင်၏ ရှေ့တော်မှောက်တွင် ဝပ်စင်းကာ နာကျင်စွာ တိုးလျှိုးတောင်းပန်သံများကို ဟစ်ကြော်လျက် တရားစီရင်ခြင်းကို ခံရမည်ဖြစ်ပေသည်။ ဤသည်မှာ သင့်ကိုယ်တိုင် လုပ်ရပ်များ၏ အသီးအပွင့်တို့ကို အမှန်တကယ် ရုတ်သိမ်းခြင်းဖြစ်သည်။ ထိုသို့ငိုကြွေးသောအသံသည် ကန့်နှင့်ရောနှောသော မီးအိုင်ထဲတွင် နှိပ်စက်ခံရ၍ ထွက်ပေါ်လာသောအသံဖြစ်ပြီး၊ ဘုရားသခင်၏ သံလှံတံဖြင့် ရိုက်နှက်ခံရရာမှ ထွက်ပေါ်လာသော အသံဖြစ်သည်။ ဤသို့ဖြစ်ခြင်းမှာ ခရစ်တော်၏ ပလ္လင်တော်ရှေ့တွင် တရားစီရင်ခြင်း အမှုပင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၈” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၁)

ဘုရားသခင်၏ ပေါ်ထွန်းခြင်းသည် အသင်းတော်အားလုံးတို့ထဲတွင် ပေါ်ထွက်လာခဲ့ပြီး ဖြစ်သည်။ စကားပြောသည်မှာ ဝိညာဉ်တော်ဖြစ်၍ သူသည် အရှိန်နှင့်တောက်လောင်နေသော မီးတစ်ခုဖြစ်သည်။ သူသည် ဘုန်းအာနုဘော်ကို ဆောင်ယူကာ တရားစီရင်နေသည်။ သူသည် လူသားဖြစ်၍ ခြေသို့တိုင်အောင်ဝတ်ခြုံလျက်၊ ရင်တော်၌ရွှေခါးပန်းကို စည်းလျက်ဖြစ်၏။ ခေါင်းတော်နှင့်ဆံပင်တော်သည် ဖြူသော သိုးမွေးကဲ့သို့၎င်း၊ မျက်စိတော်သည်လည်း မီးလျှံကဲ့သို့၎င်း၊ ခြေတော်တို့ သည်လည်း မီး၌ချွတ်ပြီးသောကြေးဝါစစ်နှင့်၎င်း တူ၏။ အသံတော် သည်လည်း သမုဒ္ဒရာသံကဲ့သို့ဖြစ်၏။ လကျာ်လက်တော်သည်လည်း ကြယ်ခုနှစ်လုံးကိုကိုင်၏။ ခံတွင်းတော်ထဲကလည်း အသွားနှစ်ဘက် ထက်သောသန်လျက် ထွက်၏။ မျက်နှာတော်သည် အရှိန်တန်ခိုးနှင့် ထွန်းတောက်သော နေကဲ့သို့ဖြစ်၏။

လူသားသည် သက်သေခံခဲ့ရပြီးဖြစ်သည်။ ဘုရားသခင် ကိုယ်တော်တိုင်သည်လည်း ပွင့်လင်းစွာ ထုတ်ဖော်ခံရပြီး ဖြစ်သည်။ အရှိန်တန်ခိုးနှင့်ထွန်းတောက်သော နေ ကဲ့သို့ ဘုရားသခင်၏ ဘုန်းတော်သည် ရှေ့သို့ ထုတ်လွှတ်နေသည်။ ဘုန်းတော်ကြီးမားသော ဘုရားသခင်၏ မျက်နှာထားသည် အလွန်တောက်ပ ထွန်းလင်းနေ၏၊ သူ့ကို မည်သူ၏ မျက်လုံးများက အာခံခြင်းနှင့် ဆက်ဆံဝံ့သနည်း။ အာခံခြင်းက သေခြင်းသို့ ပို့ဆောင်ပေးသည်တကား။ သင်၏နှလုံးထဲမှ အကြံအစည်များ၊ သင်ပြောသော စကားနှင့် လုပ်သောအရာများအတွက် သနားညှာတာခြင်း စိုးစဉ်းမျှပင်ရှိမည်မဟုတ်။ သင်တို့အားလုံးသည် ငါ၏တရားစီရင်ခြင်းမှအပ ဘာကိုမျှ ရရှိမည်မဟုတ် ကြောင်းကို သင်တို့သိမြင်၍ နားလည် လာကြလိမ့်မည်။ သင်တို့သည် ငါ၏နှုတ်ကပတ်တော်တို့ကို စားသောက်ရာ၌ ကြိုးစားအားထုတ်ခြင်းမရှိဘဲ အခြေအမြစ်မရှိ ဝင်ရောက် နှောင့်ယှက်ပြီး ငါ၏တည်ဆောက်ခြင်းအမှုကို ဖျက်ဆီးနေသောအခါ ငါသည်သည်းခံနိုင်မည်လော။ ဤသို့သောသူကို ငါသည် သက်ညှာမည် မဟုတ်။ ဤထက်သာ၍ အလေးအနက်ထားပါက သင်သည် မီးလျှံထဲတွင် လောင်ကျွမ်းခြင်းကို ခံရလိမ့်မည်။ အနန္တတန်ခိုးရှင် ဘုရားသခင်သည် ခေါင်းမှခြေဖျားထိတိုင် အသွေး သို့မဟုတ် အသား စိုးစဉ်းမျှ ဆက်စပ်မှုမရှိသော ဝိညာဉ်ခန္ဓာထဲ၌ ဖော်ပြသည်။ သူသည် စကြဝဠာလောကကို ကျော်လွန်၍ တတိယကောင်းကင် ဘုန်းတော် ကြီးမားသော ပလ္လင်တော်ပေါ်တွင်ထိုင်လျက် အရာအားလုံးတို့ကို စီမံခန့်ခွဲလျက်ရှိသည်။ စကြဝဠာနှင့် အရာခပ်သိမ်းတို့မှာ ငါ၏လက်ထဲတွင် ရှိသည်။ ငါပြောလျှင် ပြောသည့်အတိုင်းဖြစ်လိမ့်မည်။ ငါဘိသိက်ပေးလျှင် ပေးသည့်အတိုင်းဖြစ်လိမ့်မည်။ စာတန်သည် ငါ၏ခြေအောက်တွင်ရှိကာ သူသည် အနက်ဆုံးသောတွင်းထဲတွင် ရှိသည်။ ငါ၏အသံကို ထုတ်လွှတ် သောအခါ ကောင်းကင်နှင့်မြေကြီးတို့ လွန်မြောက်သွားပြီး ဘာမျှ မကျန်ဘဲရှိလိမ့်မည်။ အရာအားလုံးတို့သည် အသစ်ပြန်ဖြစ်လိမ့်မည် ဖြစ်၍၊ ဤအရာသည် လွန်စွာ မှန်သော၊ ပြောင်းလဲ၍မရသည့် အမှန်တရားပင် ဖြစ်သည်။ ငါသည် လောကကိုအောင်ခဲ့ပြီ။ မကောင်းသော အရာအားလုံးတို့ကို အောင်ခဲ့ပြီ။ ငါသည် ဤနေရာတွင် ထိုင်လျက် သင်တို့ကိုစကားပြောလျက် ရှိသည်။ နားရှိ သောသူတို့အားလုံး နားထောင်၍ အသက်ရှိသောသူ အပေါင်းတို့ လက်ခံသင့်သည်။

နေ့ရက်တို့သည် အဆုံးသို့ ရောက်လာလိမ့်မည်၊ ကမ္ဘာပေါ်ရှိအရာ အားလုံးတို့သည် အနတ္တအဖြစ်သို့ ရောက်၍ အားလုံးတို့သည် အသစ်ပြန်လည် မွေးဖွားခြင်းခံရလိမ့်မည်။ ဤအရာကိုမှတ်သားလော့။ ဤအရာကို မှတ်သားလော့။ ဒွိဟဖြစ်စရာ မရှိပေ။ ကောင်းကင်နှင့် မြေကြီးမတည်သော်လည်း ငါ့စကားတည်လိမ့်မည်။ သင်တို့ကို ထပ်မံ၍ တိုက်တွန်းခွင့်ပြုလော့။ အချည်းနှီးသက်သက် မပြေးကြနှင့်။ နိုးထကြလော့။ နောင်တရကြလော့။ ကယ်တင်ခြင်းသည် လက်တစ်ကမ်း၌ပင် ရှိသည်။ ငါသည်သင်တို့ကြားတွင် ပေါ်ထွန်းခဲ့ပြီးဖြစ်၍ ငါ၏အသံသည်လည်း ပေါ်ထွက်ပြီး ဖြစ်သည်။ နေ့စဉ်နေ့တိုင်း သင်တို့နှင့် မျက်နှာချင်းဆိုင်လျက် လန်းဆန်း သစ်လွင်စွာဖြင့် ငါ၏အသံသည် သင်တို့ရှေ့တွင် ပေါ်ထွက်ပြီး ဖြစ်သည်။ သင်သည် ငါ့ကိုမြင်၍ ငါသည်လည်း သင့်ကို မြင်သည်။ ငါသည် သင်နှင့် အဆက်မပြတ် မျက်နှာချင်းဆိုင်၍ စကားပြောသည်။ သို့သော်လည်း သင်သည် ငါ့ကို ငြင်းပယ်သေးသည်။ ငါ့ကို သင်သည် မသိ။ ငါ့သိုးတို့သည် ငါ့စကားကို ကြားနိုင်သော်လည်း သင်တို့သည် ဆိုင်းငံ့ နေကြသေးသည်။ သင်တို့ ဆိုင်းငံ့နေကြသည်။ သင်တို့စိတ်နှလုံးသည် မိုက်လျက်၊ မျက်စိတို့သည် စာတန်အားဖြင့် ကန်းလျက်ရှိပြီး ငါ၏ ဘုန်းနှင့်ပြည့်စုံသော မျက်နှာတော်ကို မမြင်နိုင်ကြ။ သနားဘွယ်ကောင်း လှစွာတကား။ သနားဘွယ်ကောင်းလှစွာတကား။

ငါ၏ပလ္လင်တော်ရှေ့ရှိ ဝိညာဉ်ခုနစ်ပါးတို့ကို ကမ္ဘာ မြေကြီး၏ ထောင့်စွန်းနေရာအားလုံးတို့ဆီသို့ စေလွှတ်ထားပြီး အသင်းတော်များထံသို့ ငါ၏တမန်ကို စကားပြောရန် ငါစေလွှတ်မည်။ ငါသည် ဖြောင့်မတ်၍ သစ္စာရှိသော သူဖြစ်သည်။ ငါသည် လူ၏စိတ်နှလုံး အနက်နဲဆုံး အပိုင်းတို့ကို စစ်ကြောစုံစမ်းသော ဘုရားသခင်ဖြစ်သည်။ သန့်ရှင်းသော ဝိညာဉ်တော်သည် အသင်းတော်တို့အား မိန့်တော်မူ၍၊ ငါ၏သားတော်ထံမှ ထွက်ပေါ်လာသည်တို့မှာ ငါ၏ နှုတ်ကပတ်တော်များပင် ဖြစ်သည်။ နားရှိသောသူ အပေါင်းတို့ နားထောင်သင့်သည်။ အသက်ရှိသော သူအပေါင်းတို့ လက်ခံသင့်သည်။ ၎င်းတို့ကို စားသောက်ရုံသာ စားသောက် လိုက်ပါ၊ သံသယမရှိနှင့်။ ငါ၏ နှုတ်ကပတ်တော်တို့ကို နားထောင်၍ လိုက်နာသောသူအားလုံးတို့သည် ကြီးမြတ်သော ကောင်းကြီးတို့ကို ခံရလိမ့်မည်။ ငါ၏ မျက်နှာကို ရိုးသားစွာ ရှာသောသူအပေါင်းတို့သည် အသစ်သော အလင်း၊ အသစ်သော ဉာဏ်ပွင့်ခြင်းနှင့် အသစ်သော ထိုးထွင်းအမြင် တို့ကို ဧကန်အမှန်ရကြလိမ့်မည်။ အရာအားလုံးတို့သည် လန်းဆန်းသစ်လွင်ခြင်း ရှိကြလိမ့်မည်။ ငါ၏နှုတ်ကပတ်တော်တို့သည် သင့်ထံ အချိန်မရွေး ပေါ်ထွန်း၍ သင်သည် ဝိညာဉ်လောက၏ လျှို့ဝှက်ဆန်းကြယ်သော အရာအားလုံးတို့ကို မြင်နိုင်ရန်နှင့် နိုင်ငံတော်သည် လူသားတို့အကြားတွင်ရှိသည်ကို မြင်တွေ့စေရန် သင်၏ ဝိညာဉ်မျက်စိကို ဖွင့်ပေးလိမ့်မည်။ ခိုလှုံရာနေရာသို့ ဝင်လော့၊ ထိုသို့ပြုလျှင် ကျေးဇူးတော်နှင့်ကောင်းကြီးအလုံးစုံတို့သည် သင့်အပေါ် ကျရောက် လိမ့်မည် ဖြစ်၍၊ အစာငတ်ခြင်းနှင့် ရောဂါဘေးဆိုးတို့သည် သင့်အား ထိနိုင်စွမ်း ရှိမည် မဟုတ်ပေ။ မြေခွေး၊ မြွေဆိုး၊ ကျားနှင့် ကျားသစ်တို့သည် သင့်ကို အန္တရာယ်မပြုနိုင်ရာ။ သင်သည် ငါနှင့်အတူသွားပြီး ငါနှင့်အတူ လျှောက်လှမ်းကာ ငါနှင့်အတူ ဘုန်းတော်ထဲသို့ ဝင်ရကြလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၅” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၂)

အနန္တတန်ခိုးရှင်ဘုရားသခင်။ သူ၏ဘုန်းအာနုဘော်နှင့်ပြည့်စုံသော ကိုယ်ခန္ဓာသည် ပွင့်လင်းစွာပင်ပေါ်ထွန်းကာ သန့်ရှင်းသော ဝိညာဉ်ခန္ဓာသည် ထမြောက်ပြီး သူသည် စုံလင်သော ဘုရားသခင် ကိုယ်တိုင်ပင် ဖြစ်သည်။ လောကီနှင့် ဇာတိပကတိ နှစ်မျိုးစလုံးတို့သည် ပြောင်းလဲခြင်းခံရကာ တောင်ပေါ်တွင် သူ၏ပုံသဏ္ဌာန်တော် ပြောင်းလဲခြင်းသည် ဘုရားသခင်၏ပုဂ္ဂိုလ်တော်ပင် ဖြစ်သည်။ သူ၏ဦးခေါင်းတော်ပေါ်တွင် ရွှေသရဖူကို ဆောင်း၍၊ သူ၏အဝတ်သည် ဖြူစင်လျက်၊ ရင်တော်၌ရွှေ ခါးပန်းကိုစည်းလျက်၊ ကမ္ဘာပေါ်ရှိအရာအားလုံး သည်သူ၏ခြေတင်ရာခုံ ဖြစ်သည်။ သူ၏မျက်စိတော်တို့သည် မီးလျှံကဲ့သို့ ဖြစ်၍ အသွားနှစ်ဘက်ထက်သော သံလျက် သည် ခံတွင်းတော် ထဲတွင်ရှိကာ၊ သူ၏လကျာ်လက်ထဲ၌ ကြယ်ခုနှစ်လုံးတို့ ရှိကြသည်။ နိုင်ငံတော်ဆီသို့သွားသောလမ်းသည် အတိုင်းအဆမဲ့ လင်းလက်၍ သူ၏ဘုန်းတော်သည် ပေါ်ထွန်း၍တောက်ပ၏၊ တောင်တို့သည် ဝမ်းမြောက်လျက်၊ ရေတို့သည် ရယ်မောလျက်၊ နေ၊ လ၊ ကြယ်တို့သည် ၎င်းတို့၏ စနစ်ကျသောအစီအစဉ်ထဲတွင် လည်ပတ်လျက်၊ အတုမဲ့၍ စစ်မှန်သောဘုရားသခင်ကို ကြိုဆိုလျက် ထိုဘုရား၏ အောင်မြင်ခြင်းနှင့် ပြန်လည် ကြွလာခြင်းသည် သူ၏ နှစ်ခြောက်ထောင် စီမံခန့်ခွဲမှု အစီအစဉ် အောင်မြင်ပြီးစီးခြင်းကို ကြေညာသည်။ အားလုံး ဝမ်းမြောက်ခြင်းနှင့် ကခုန်ကြလော့။ ဝမ်းမြောက်ကြလော့။ အနန္တတန်ခိုးရှင်ဘုရားသခင်သည် သူ၏ ဘုန်းနှင့်ပြည့်ဝသော ပလ္လင်တော်ပေါ်တွင်ထိုင်သည်။ သီချင်းဆို ကြလော့။ အနန္တတန်ခိုးရှင်၏ အောင်မြင်ခြင်းအလံကို ခမ်းနား ကြီးကျယ်သော ဇိအုန်တောင်ပေါ်တွင် မြင့်မားစွာ လွှင့်ထူထား၏။ တိုင်းနိုင်ငံအားလုံးတို့သည် ဝမ်းမြောက်နေကြ၏၊ လူအပေါင်းတို့သည် သီချင်းသီဆိုနေကြ၏၊ ဇိအုန်တောင်သည် ဝမ်းမြောက်စွာ ရယ်မောနေ၏၊ ဘုရားသခင်၏ ဘုန်းတော်သည် ပေါ်ထွန်းလာခဲ့ပြီ။ အိပ်မက်များထဲ၌ပင် ဘုရားသခင်၏ မျက်နှာတော်ကို ဖူးမြင်ရလိမ့်မည်ဟု မထင်ထားသော်လည်း ယနေ့ ကျွန်ုပ်မြင်တွေ့ခဲ့ရပြီ။ နေ့စဉ်နေ့တိုင်း ဘုရားသခင်နှင့် မျက်နှာချင်းဆိုင်၍ ကျွန်ုပ်၏နှလုံးသားကို သူ့အား ဖော်ထုတ်ပြ၏။ စားသောက်သမျှသော အရာအားလုံးတို့ကို သူသည် ရက်ရောစွာ ပံ့ပိုးပေးသည်။ အသက်၊ စကားလုံးများ၊ အပြုအမူများ၊ အကြံအစည်များ နှင့် အတွေးအခေါ်များ အားလုံးတို့ကို သူ၏ ဘုန်းနှင့်ပြည့်စုံသော အလင်းက အလင်းပေးသည်။ သွားသည့်လမ်း ခြေလှမ်းတစ်လှမ်းစီကို သူက ဦးဆောင်၍၊ ပုန်ကန်တတ်သော နှလုံးသား တစ်စုံတစ်ရာ ရှိပါက သူ၏ တရားစီရင်ခြင်းသည် ချက်ချင်းပင် ကျရောက်လာမည်ဖြစ်သည်။

ဘုရားသခင်နှင့် အတူစားသောက်ခြင်း၊ အတူနေထိုင်ခြင်း၊ အတူအသက်ရှင်ခြင်း၊ သူနှင့်အတူရှိခြင်း၊ အတူလမ်းလျှောက်ခြင်း၊ အတူဝမ်းမြောက်ခြင်း၊ အတူ ဘုန်းစည်းစိမ်နှင့် ကောင်းချီးများ ခံစားခြင်း၊ ဘုရားသခင်နှင့် ဘုရင်ဖြစ်ခြင်းကို မျှဝေခံစားခြင်းနှင့် နိုင်ငံတော်ထဲတွင် အတူတကွရှိခြင်းတို့သည် မည်မျှကြည်နူးစရာ ကောင်းလိုက်သနည်း။ ချိုမြိန်လှစွာတကား။ နေ့စဉ် နေ့တိုင်း မျက်နှာချင်းဆိုင်လျက်၊ နေ့တိုင်း စကားပြောလျက်၊ အဆက်မပြတ်စကားပြောလျက်၊ အသစ်သော ဉာဏ်ပွင့်ခြင်းကို ရရှိလျက်၊ နေ့စဉ် အသစ်သော ထိုးထွင်းမြင်နိုင်စွမ်း ကို ရရှိလျက်နေမည်။ ကျွန်ုပ်တို့၏ ဝိညာဉ်မျက်စိတို့ပွင့်ပြီး အရာခပ်သိမ်းကို ကျွန်ုပ်တို့မြင်ကာ ဝိညာဉ်တော်၏ လျှို့ဝှက် ဆန်းကြယ်သောအရာများ အားလုံးတို့ကို ကျွန်ုပ်တို့အား ထုတ်ဖော်ပြသည်။ သန့်ရှင်းသော အသက်တာသည် အမှန်ပင်ပူပင်ကြောင့်ကြမဲ့လှသည်။ မရပ်မနားဘဲ မြန်မြန် ပြေးကာ ရှေ့သို့ တရစပ်ချီတက်ပါ။ ရှေ့တွင် ပိုမို အံ့သြဘွယ်ကောင်းသော အသက်တာ ရှိသည်။ ချိုမြိန်သောအရသာတွင်သာ ကျေနပ်၍မနေဘဲ ဘုရားသခင်ထံတော်သို့ ဝင်ရောက်ရန် အမြဲကြိုးစား ရှာဖွေပါ။ သူသည် အားလုံးကို လွှမ်းခြုံနိုင်ပြီး ရက်ရောသောသူ ဖြစ်ပြီး ကျွန်ုပ်တို့၌မရှိသော အရာ မျိုးစုံတို့သည် သူ၌ရှိသည်။ မိမိဘက်မှစ၍ တက်ကြွစွာ ပူးပေါင်းပါဝင်ပါ။ သူ့ထံသို့ ဝင်ပါ။ မည်သည့်အရာမျှ ရှေ့ကနှင့်တူတော့မည်မဟုတ်။ ကျွန်ုပ်တို့၏ အသက်တာသည် သာမန်ထက် သာလွန်ကောင်းမြတ်ခြင်းသို့ရောက်ပြီး မည်သူမျှ၊ မည်သည့်ကိစ္စနှင့် မည်သည့်အရာကမျှ ကျွန်ုပ်တို့အား နှောင့်ယှက်နိုင်မည်မဟုတ်ပါ။

သာမန်ထက်သာလွန်ကောင်းမြတ်ခြင်း။ သာမန်ထက်သာလွန် ကောင်းမြတ်ခြင်း။ စစ်မှန်သော သာမန်ထက် သာလွန်ကောင်းမြတ်ခြင်း။ ဘုရားသခင်၏ သာမန်ထက်သာလွန်ကောင်းမြတ်သော အသက်တာသည် အတွင်း၌ ရှိပြီး အရာအားလုံးတို့သည် သက်သာခြင်းသို့ အမှန်ပင် ရောက်ရှိလာသည်။ ကျွန်ုပ်တို့သည် လောကနှင့် လောကီနှင့်ဆိုင်သော အရာများကို ကျော်လွန်ပြီး ခင်ပွန်းတို့ သို့မဟုတ် သားသမီးတို့၏ သံယောဇဉ်တို့ မခံစားရပါ။ ကျွန်ုပ်တို့သည် နာဖျားခြင်းနှင့် ပတ်ဝန်းကျင်တို့၏ ထိန်းချုပ်မှုတို့ကိုလည်း ကျော်လွန်သည်။ စာတန်သည် ကျွန်ုပ်တို့ကို မနှောင့်ယှက်ဝံ့ပါ။ ဒုက္ခအားလုံးကို လုံးဝကျော်လွန်ခြင်း- ဤအရာသည် ဘုရားသခင်အား ဘုရင်နေရာကိုယူရန် အခွင့်ပေးခြင်းပင် ဖြစ်သည်။ စာတန်အား ကျွန်ုပ်တို့၏ခြေဖြင့် နင်းချေပြီး အသင်းတော်အတွက် သက်သေအဖြစ် ရပ်တည်ကာ စာတန်၏ အကျည်းတန်သော မျက်နှာကို လုံးလုံးလျားလျား ဖော်ထုတ်ကြသည်။ အသင်းတော်ကို တည်ဆောက်ခြင်းအမှုသည် ခရစ်တော်၌ရှိ၏၊ ဘုန်းနှင့်ပြည့်စုံသော ကိုယ်ခန္ဓာသည် ထမြောက်ပြီ။ ဤအရာသည် ချီဆောင်ခြင်းထဲတွင် အသက်ရှင်ခြင်းပင် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၅” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၃)

အနန္တတန်ခိုးရှင် ဘုရားသခင်၊ ထာဝရအဘ၊ ငြိမ်သက်ခြင်း၏အရှင်၊ ငါတို့၏ ဘုရားသခင်သည် စိုးစံတော်မူ၏။ အနန္တတန်ခိုးရှင် ဘုရားသခင်သည် သံလွင်တောင်ပေါ်တွင် ခြေချလေ၏။ လှပတင့်တယ်လေစွ။ နားထောင်လော့။ ကင်းစောင့်သောသူများတည်းဟူသော ငါတို့သည် မိမိတို့၏ အသံများကို လွှင့်ကြ၏၊ ဘုရားသခင်သည် ဇိအုန်မြို့သို့ ပြန်လာခဲ့ပြီဖြစ်သောကြောင့် ငါတို့သည် မိမိတို့၏ အသံများနှင့် သီဆိုကြ၏။ ယေရုရှလင်မြို့၏ အနိဋ္ဌာရုံမြင်ကွင်းကို ငါတို့၏ ပကတိမျက်စိနှင့် မြင်၏။ ဝမ်းမြောက်ခြင်းနှင့် ကြွေးကြော်၍ တညီတညွတ်တည်း သီချင်းဆိုကြလော့၊ အကြောင်းမူကား ဘုရားသခင်သည် ငါတို့အတွက် နှစ်သိမ့်ခြင်းကို ယူဆောင်လာခဲ့ပြီး ယေရုရှလင်မြို့ကို ရွေးနုတ်လေပြီ။ ခပ်သိမ်းသော လူအမျိုးမျိုးတို့၏ရှေ့တွင် ဘုရားသခင်သည် မိမိ၏ သန့်ရှင်းသော လက်ရုံးကို ဖွင့်ပြပြီး ဘုရားသခင်၏ စစ်မှန်သော ပုဂ္ဂိုလ်သည် ပေါ်ထွန်းလာလေပြီ။ မြေကြီးစွန်းရှိသမျှတို့သည် ငါတို့ဘုရားသခင်၏ ကယ်တင်ခြင်းကို သိမြင်ခဲ့ပြီ။

အို အနန္တတန်ခိုးရှင် ဘုရားသခင်။ ကိုယ်တော်၏ နက်နဲရာရှိသမျှကို ထုတ်ဖော်ရန် ဝိညာဉ်တော် ခုနှစ်ပါးကို ကိုယ်တော်၏ ပလ္လင်မှ အသင်းတော်အားလုံးထံသို့ စေလွှတ်ခဲ့လေပြီ။ ကိုယ်တော်သည် ဘုန်းတော်ပလ္လင်ပေါ်၌ ထိုင်လျက် မိမိ၏ နိုင်ငံတော်ကို စီမံခန့်ခွဲခဲ့ကာ ယင်းကို တရားမျှတသည့်အတိုင်း ဖြောင့်မတ်စွာ ခိုင်မာပြီး တည်တံ့စေခဲ့ပြီ။ ကိုယ်တော်၏ရှေ့တွင် အပြည်ပြည်တို့ကို နှိမ့်ချလေပြီ။ အို အနန္တတန်ခိုးရှင် ဘုရားသခင်။ ရှင်ဘုရင်တို့၏ ခါးစည်းကို ကိုယ်တော်ချွတ်လေပြီ၊ နှစ်ရွက်ရှိသော မြို့တံခါးတို့ကို နောက်တစ်ဖန် မပိတ်စေခြင်းငှာ ကိုယ်တော်ဖွင့်ခဲ့ပြီ။ အကြောင်းမူကား ကိုယ်တော်၏အလင်း ရောက်လာပြီးဖြစ်၍ ကိုယ်တော်၏ ဘုန်းတော်သည် နိုးထကာ ယင်း၏တောက်ပမှုကို ထွန်းလင်းစေ၏။ မှောင်မိုက်သည် မြေကြီးကို ဖုံးလွှမ်း၍ ထူထပ်သော မှောင်မိုက်သည် လူများကို ဖုံးလွှမ်းလေသည်။ အို ဘုရားသခင်။ သို့သော်လည်း ကိုယ်တော်သည် ငါတို့ထံ ကိုယ်တော်၏ အလင်းကို ထွန်းလင်းစေ၍ ငါတို့အပေါ်၌ ထကြွလာခဲ့၍ ကိုယ်တော်၏ ဘုန်းတော်ကို ငါတို့အပေါ်၌ မြင်ရလိမ့်မည်။ ခပ်သိမ်းသော လူအမျိုးမျိုးတို့သည် ကိုယ်တော်၏ အလင်းသို့လည်းကောင်း ရှင်ဘုရင်တို့သည် ကိုယ်တော်၌ ထွန်းလင်းတောက်ပခြင်းသို့လည်းကောင်း လာကြလိမ့်မည်။ ကိုယ်တော်သည် အရပ်ရပ်သို့ မျှော်ကြည့်လေသည်။ ကိုယ်တော်၏ သားတို့သည် အဝေးက လာကြ၍ ကိုယ်တော့်ရှေ့တွင် စုရုံးကြ၏။ ကိုယ်တော်၏ သမီးတို့သည် ပွေ့ချီခြင်းကို ခံရလေပြီ။ အို အနန္တတန်ခိုးရှင် ဘုရားသခင်။ ကိုယ်တော်၏ ကြီးစွာသော ချစ်ခြင်းမေတ္တာသည် ငါတို့ကို ဖမ်းဆုပ်မူ၏။ ကိုယ်တော်၏ နိုင်ငံတော်သို့ သွားရာလမ်းတွင် ငါတို့၏ ချီတက်မှုကို ဦးဆောင်သူမှာ ကိုယ်တော်ဖြစ်ပြီး ငါတို့၌ စိမ့်ဝင်ပျံ့နှံ့သည်မှာ ကိုယ်တော်၏ သန့်ရှင်းသော နှုတ်ကပတ်တော်များဖြစ်သည်။

အို အနန္တတန်ခိုးရှင် ဘုရားသခင်။ ကိုယ်တော့်ကို ငါတို့ ကျေးဇူးတင်၍ ချီးမွမ်းကြ၏။ ငါတို့ကို ကိုယ်တော့်အား ကြည့်မျှော်ခွင့်၊ သက်သေခံခွင့်နှင့် ချီးမြှောက်ခွင့်ကိုပေး၍၊ ရိုးသား၍ တည်ငြိမ်ကာ မြဲမြံသော နှလုံးသားနှင့် ကိုယ်တော့်ကို သီချင်းကျူးဧခွင့်အား ပေးပါလော့။ ငါတို့၌ တစ်လုံးတစ်ဝတည်းသော စိတ်သာရှိစေ၍ အတူတကွ တည်ဆောက်ခွင့်ကို ပေးပါလော့။ ကိုယ်တော်၏ စိတ်နှလုံးနှင့် ညီညွတ်သော သူများအဖြစ်၊ ကိုယ်တော်၏ အသုံးပြုခြင်းခံရသော သူများအဖြစ် ငါတို့အား မကြာမီ ကိုယ်တော်ပြုပြင်ပါစေ။ ကိုယ်တော်၏အလိုသည် မြေပြင်အနှံ့တွင် အဆီးအတား မရှိ ဆောင်ရွက်စိမ့်သောငှာ ငါတို့ဆန္ဒပြုပါ၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၅” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၄)

အနန္တတန်ခိုးရှင်ဘုရားသခင်သည် အကြွင်းမဲ့တန်ခိုးနှင့်ပြည့်စုံပြီး၊ အလုံးစုံကို ရယူကာ လုံးလုံးလျားလျား စစ်မှန်သောဘုရားသခင်ဖြစ်သည်။ သူသည် ကြယ်ခုနစ်လုံးကို ကိုင်ဆောင်သည်သာမက ဝိညာဉ်တော်ခုနစ်ပါးကို ခံယူကာ၊ မျက်လုံးခုနစ်လုံးရှိပြီး၊ တံဆိပ်ခုနစ်ချက်ကိုဖွင့်၍ စာစောင်ကိုဖွင့်သည့်အပြင် ဘေးဒဏ်ခုနစ်ပါးနှင့် ဖလားခုနစ်လုံးကို စီမံခန့်ခွဲပြီး ခုနစ်ချက်သော မိုးချုန်းသံများကို ဖွင့်လေသည်။ လွန်လေပြီးသောအခါက သူသည် တံပိုးခုနစ်လုံးကို တီးမှုတ်မူခဲ့သည်။ သူ၏ဖန်ဆင်းခြင်းခံပြီး သူ၏ပြည့်စုံစေခြင်းကိုခံရသော အရာရာတိုင်းသည် သူ့ကိုချီးမွမ်းသင့်သည်။ သူ့ကိုဂုဏ်သရေပေးပြီး၊ သူ့ရာဇပလ္လင်ကိုချီးမြှောက်သင့်သည်။ အို၊ အနန္တတန်ခိုးရှင် ဘုရားသခင်။ သင်သည် ခပ်သိမ်းသော အရာရာတိုင်းဖြစ်၏။ သင်သည် အရာရာတိုင်းကို ပြီးမြောက်ခဲ့၍ သင်နှင့်ဆိုလျှင် အားလုံးသည် ပြီးပြည့်စုံကာ လင်းလက်တောက်ပပြီး အဆီးအတားမှလွတ်ကင်း၍ အားလုံး လွတ်လပ်၊ သန်မာကာ တန်ခိုးနှင့် ပြည့်ပေ၏။ အားလုံးသော နက်နဲရာအချက်များသည် သင်နှင့်ဆိုလျှင် ဖော်ထုတ်ခံကြရသည်။ ဘာမျှဖုံးကွယ်ထားခြင်း သို့မဟုတ် ကွယ်ဝှက်ထားခြင်းမရှိ။ ထို့အပြင် သင်သည် များပြားလှသော သင်၏ရန်သူများကို တရားစီရင်၍ သင်၏ ဘုန်းအာနုဘော်ကိုပြကာ၊ သင်၏အမျက်တော်မီးကိုပြပြီး၊ သင်၏အမျက်ဒေါသကိုပြသည့်အပြင် သင်၏ မကြုံစဖူးဖြစ်သော၊ ထာဝရခိုင်မြဲသော၊ လုံးလုံးလျားလျား အနန္တဖြစ်သော ဘုန်းကိုပြလေသည်။ လူအပေါင်းတို့သည် အကြွင်းမဲ့ စစ်မှန်သော၊ အကြွင်းမဲ့ အသက်ရှင်သော၊ ကြွယ်ဝသော၊ ဘုန်းကြီးပြီး စစ်မှန်၍ ထာဝရကာလမှ ထာဝရကာလတိုင်ဖြစ်သော အနန္တတန်ခိုးရှင်ကို ထောမနာပြုလျက် ခြွင်းချက်မရှိ နိုးကြားပြီး သြဘာပေးကာ သီကျူးသင့်ပေသည်။ သူ၏ပလ္လင်ကို အဆက်မပြတ် ချီးမွမ်းသင့်သည်။ သူ၏ သန့်ရှင်းသော နာမသည် ချီးမွမ်းခံရပြီး၊ ဘုန်းထင်ရှားသည်။ ဤအရာသည် ငါ့ဘုရားသခင်၏ ထာဝရအလိုတော်ဖြစ်ပြီး ငါတို့ကို သူစဉ်ဆက်မပြတ်ပေးပြီး ဖော်ပြသော ကောင်းချီးများဖြစ်သည်။ ငါတို့အထဲမှ မည်သူသည် ထိုကောင်းချီးများကို မဆက်ခံရသနည်း။ ဘုရားသခင်၏ ကောင်းချီးများကို ဆက်ခံဖို့ရန်အတွက် တစ်စုံတစ်ယောက်သည် ဘုရားသခင်၏ သန့်ရှင်းသောနာမကို ချီးကျူးပြီး သူ၏ပလ္လင်ကို ဝန်းရံပြီး ကိုးကွယ်ရန် လာရမည်ဖြစ်သည်။ သူ့ရှေ့တွင် အခြားအကြောင်းရင်းနှင့် ရည်ရွယ်ချက်များဖြင့် သွားကြသောသူများသည် သူ၏အမျက်တော်မီးဖြင့် ပျောက်ကွယ်သွားကြမည်ဖြစ်သည်။ ဤနေ့သည် သူ၏ရန်သူများသည် တရားစီရင်ခြင်းခံရမည့် နေ့ရက်ဖြစ်သည်။ သူတို့သည် ဤနေ့၌ ပျက်ဆီးသွားမည်လည်းဖြစ်သည်။ ထိုထက်မက ဤနေ့တွင် ငါအနန္တတန်ခိုးရှင် ဘုရားသခင်သည် ပေါ်လွင်ထင်ရှားမည်ဖြစ်ပြီး ဘုန်းနှင့် ဂုဏ်ပြုခြင်းကို ရရှိမည်ဖြစ်သည်။ အို လူအပေါင်းတို့။ ချစ်ခင်ကြင်နာမှု၊ ကယ်တင်ခြင်းအား ငါတို့ကို ထာဝရအစဉ် ပေး၍ ကောင်းချီးများကို ငါတို့ပေါ် သွန်းလောင်းပေးကာ၊ သူ၏သားများကို ပြီးပြည့်စုံစေပြီး သူ၏နိုင်ငံတော်ကို အောင်အောင်မြင်မြင် စွမ်းဆောင်ရရှိစေသော အနန္တဘုန်းတန်ခိုးရှင် ဘုရားသခင်ကို ထောမနာပြု၍ ကြိုဆိုဖို့ရန် အလျင်အမြန်ထကြလော့။ ဤအရာသည် ဘုရားသခင်၏ အံ့သြဖွယ် ဆောင်ရွက်ချက်ပင်ဖြစ်လေစွ။ ဤအရာသည် ဘုရားသခင်၏ ထာဝရတည်သော ကြိုတင်ခွဲခန့်မှတ်သားထားချက်နှင့် စီမံမှုဖြစ်သောကြောင့် ငါတို့ကို ကယ်တင်ရန်၊ ပြီးပြည့်စုံစေရန်နှင့် ဘုန်းတော်ထဲသို့ ခေါ်ဆောင်သွားရန် သူကိုယ်တိုင် ကြွရောက်လာခြင်းဖြစ်သည်။

ထပြီး သက်သေမခံသောသူတို့သည် မျက်ကန်းသူတို့၏ ဘိုးဘေးဘီဘင်များ၊ မသိမိုက်မဲသောသူတို့၏ ဘုရင်များဖြစ်ကြပြီး သူတို့သည် ထာဝရ မသိမိုက်မဲသူများ၊ ထာဝရလူ့အန္ဓများနှင့် ထာဝရမျက်ကန်းလူသေများ ဖြစ်လာကြမည်။ ထို့ကြောင့် ငါတို့၏ ဝိညာဉ်များသည် နိုးကြားသင့်ပြီ။ လူသားအားလုံး ထမြောက်သင့်ပြီ။ ဘုန်းကြီးသော ရှင်ဘုရင်၊ ကရုဏာ၏အဘ၊ ရွေးနုတ်ခြင်း၏သားတော်၊ ကြွယ်ဝသော ဝိညာဉ်တော်ခုနစ်ပါးနှင့် ဘုန်းအာနုဘော်ပြည့်သော အမျက်တော်မီးနှင့် ဖြောင့်မတ်သော တရားစီရင်ခြင်းကို ယူဆောင်လာသော၊ အကြွင်းမဲ့ လုံလောက်သော၊ ကြွယ်ဝသော၊ အနန္တတန်ခိုးရှိ၍ ပြီးပြည့်စုံသော အနန္တတန်ခိုးရှင်ဘုရားသခင်ကို သြဘာပေး၊ ချီးမွမ်း၍ ထောမနာပြုကြလော့။ သူ၏ပလ္လင်သည် အစဉ်အမြဲ ချီးမွမ်းခြင်းခံရလိမ့်မည်။ ဤအရာမှာ ဘုရားသခင်၏ ဉာဏ်ပညာဖြစ်ကြောင်း၊ သူ၏ အံ့သြဖွယ်ကောင်းသော ကယ်တင်ခြင်းလမ်းခရီးဖြစ်ကြောင်းနှင့် သူ၏ဘုန်းကျက်သရေရှိသော အလိုတော်ဖြစ်ကြောင်း မြင်သင့်သည်။ ငါတို့သည် ထပြီး သက်သေမခံလျှင် ထိုအချိန်အခါ ကုန်လွန်ပြီးသည်နှင့် နောက်ကြောင်းပြန်ရန် မဖြစ်နိုင်ပေ။ ငါတို့သည် ကောင်းချီးများ ရရှိမည်လော သို့တည်းမဟုတ် ကံဆိုးခြင်းကို ရရှိမည်လောဆိုသည်ကို ငါတို့ခရီး၏ လက်ရှိအဆင့်တွင် ယခုအချိန်၌ ငါတို့ အဘယ်အရာကို လုပ်ဆောင်သည်၊ တွေးတောသည်နှင့် အသက်ရှင်သည်တို့နှင့်အညီ အဆုံးအဖြတ်ပေးသည်။ ထို့ကြောင့် သင်တို့သည် မည်ကဲ့သို့ ပြုမူသင့်သနည်း။ ဘုရားသခင်အတွက် သက်သေခံပြီး သူ့ကိုထာဝရချီးမွမ်းကြ၊ ထာဝရတည်၍ အတုမရှိဘဲ စစ်မှန်သော ဘုရားသခင်ဖြစ်သည့် အနန္တတန်ခိုးရှင် ခရစ်တော်ကို ချီးမွမ်းကြလော့။

ယခုအချိန်မှစပြီး ဘုရားသခင်ကို သက်သေမခံသော၊ အတုမရှိ၍ စစ်မှန်သော ဘုရားသခင်အတွက် သက်သေမခံသော သူ့အပေါ် သံသယရှိနေသူအားလုံးတို့သည် မကျန်းမာ၊ သေဆုံးကြပြီး ဘုရားသခင်ကို အာခံဖီဆန်သောသူများ ဖြစ်ကြောင်းကို သင်တို့သည် ရှင်းရှင်းလင်းလင်း သိမြင်သင့်သည်။ ဘုရားသခင်၏ နှုတ်ကပတ်တော်သည် ရှေးသရောအခါကတည်းကပင် သက်သေပြခဲ့ပြီးဖြစ်သည်။ ငါနှင့်စုရုံးခြင်း မရှိသူအားလုံးသည် ကွဲလွင့်ကြပြီး ငါနှင့်မဟုတ်သောသူတို့သည် ငါ့ကိုဆန့်ကျင်သောသူများ ဖြစ်ကြသည်။ ဤအရာသည် ကျောက်ပေါ်တွင် ရေးထွင်းထားသော မပြောင်းလဲနိုင်သည့် သမ္မာတရားဖြစ်သည်။ ဘုရားသခင်ကို သက်သေမခံသောသူများသည် စေတန်၏ လက်ပါးစေများဖြစ်ကြသည်။ ထိုလူများသည် ဘုရာသခင်၏ သားသမီးများကို နှောင့်ယှက်၊ လှည့်ဖြားရန်၊ ဘုရားသခင်၏ စီမံခန့်ခွဲမှုကို ကြားဖြတ်ရန်လာကြပြီး သူတို့ကို ဓားရှည်နှင့် ကွပ်မျက်ရမည်ဖြစ်သည်။ ထိုသူတို့အပေါ် ကောင်းမွန်သော စေတနာတရားများကို ပြသောသူတို့သည် သူတို့ကိုယ်သူတို့၏ ဖျက်ဆီးခြင်းကို ရှာနေခြင်းသာ ဖြစ်သည်။ သင်တို့သည် ဘုရားသခင်၏ ဝိညာဉ်တော်စကားကို ကြားပြီးယုံကြည်သင့်သည်၊ ဘုရားသခင် ဝိညာဉ်တော်၏ လမ်းကြောင်းကို လျှောက်လှမ်းကာ ဘုရားသခင် ဝိညာဉ်တော်၏ နှုတ်ကပတ်တော်အတိုင်း အသက်ရှင်‌နေထိုင်သင့်ပြီး ထိုထက်မက အနန္တတန်ခိုးရှိသော ဘုရားသခင်၏ ပလ္လင်ကို ထာဝရ ချီးမွမ်းသင့်သည်။

အနန္တတန်ခိုးရှင် ဘုရားသခင်သည် ဝိညာဉ်တော်ခုနစ်ပါး၏ ဘုရားသခင်ဖြစ်သည်။ သူသည် မျက်လုံးခုနစ်လုံးနှင့် ကြယ်ခုနစ်လုံးတို့၏ ဘုရားသခင်က လည်း ဖြစ်သည်။ သူသည် တံဆိပ်ခုနစ်ချက်ကို ဖွင့်ပြီး စာစောင်အားလုံးသည် သူ၏ဖွင့်ခြင်းကို ခံရသည်။ သူသည် တံပိုးခုနစ်လုံးကို မှုတ်ခဲ့ပြီး၊ ဖလားခုနစ်လုံးနှင့် ဘေးဒဏ်ခုနစ်ပါးသည် သူ့အလိုတော်အတိုင်း လွှတ်ထုတ်ရန် သူ့လက်ထဲတွင် ရှိသည်။ အို၊ အစဉ်အမြဲ ချိပ်ပိတ်ထားခြင်းခံရသော မိုးချုန်းသံ ခုနစ်ချက်တို့။ ၎င်းတို့ကို ဖွင့်ဖို့ရာအချိန်သည် ရောက်လာပြီ။ မိုးချုန်းသံ ခုနစ်ချက်ကို ဖွင့်ပေးမည့်သူသည် ငါတို့၏ မျက်စိရှေ့တွင် ပေါ်ထွန်းလာလေပြီ။

အနန္တတန်ခိုးရှင် ဘုရားသခင်၊ သင်နှင့်ဆိုလျှင် အရာရာတိုင်းသည် အတားအဆီး အချုပ်အနှောင်မရှိ လွတ်လပ်ပြီး၊ အခက်အခဲများမရှိ၊ အရာတိုင်းသည် ချောမွေ့စွာ စီးဆင်းပေ၏။ အဘယ်အရာမျှ သင့်ကို ဟန့်တားခြင်း သို့မဟုတ် နှောင့်ယှက်ခြင်း မပြုရဲဘဲ အရာရာတိုင်းသည် သင့်ကို ကျိုးနွံနာခံကြသည်။ ကျိုးနွံနာခံခြင်း မရှိသူအားလုံးသည် သေဆုံးကြသည်။

အနန္တဘုန်းတန်ခိုးရှင် ဘုရားသခင်၊ မျက်လုံးခုနစ်လုံးရှိသော ဘုရားသခင်၊ အရာရာတိုင်းသည် လုံးလုံးလျားလျား ရှင်းလင်းပြီး အရာရာတိုင်းသည် တောက်ပကာ ဖုံးကွယ်ထားခြင်းမရှိဘဲ ထုတ်ဖော်ခြင်းခံရကာ ဖွင့်ချခြင်းခံရသည်။ သူနှင့်ဆိုလျှင် အရာရာတိုင်းသည် ရှင်းလင်းပြတ်သားပြီး ဘုရားသခင် ကိုယ်တော်တိုင်သည်သာ ဤကဲ့သို့ မဟုတ်ဘဲ သူ၏သားများသည်လည်း ထိုနည်းအတိုင်းဖြစ်ကြသည်။ မည်သူမျှ၊ မည်သည့်အရာမျှ၊ မည်သည့်အကြောင်းအရာမျှ သူနှင့် သူ၏သားများရှေ့မှောက်တွင် ဖုံးကွယ်ထား၍ မရပေ။

အနန္တတန်ခိုးရှင် ဘုရားသခင်၏ ကြယ်ခုနစ်လုံးသည် တောက်ပကြသည်။ အသင်းတော်သည် သူ့အားဖြင့် စုံလင်အောင်ပြုခြင်းကို ခံရသည်။ သူသည် မိမိအသင်းတော်၏ တမန်များကို တည်ထောင်ပြီး အသင်းတော်တစ်ခုလုံးသည် သူ၏ထောက်ပံ့ခြင်းအောက်တွင် ရှိသည်။ သူသည် တံဆိပ်ခုနစ်ချက်စလုံးကို ဖွင့်ပြီး သူကိုယ်တိုင် သူ့စီမံခန့်ခွဲမှု အစီအစဉ်နှင့် သူ့အလိုတော်ကို ပြည့်စုံခြင်းသို့ ယူဆောင်သည်။ စာစောင်သည် သူ့စီမံခန့်ခွဲမှု၏ လျှို့ဝှက်ဆန်းကြယ်သော ဝိညာဉ်ဘာသာစကားဖြစ်ပြီး သူသည် ထိုစာစောင်ကို ဖွင့်ပြ၍ ထုတ်ဖော်ပြီးဖြစ်သည်။

လူသားအားလုံးတို့သည် သူ၏တံပိုးခုနစ်လုံး မြည်ဟည်းသံကို နားဆင်သင့်သည်။ သူနှင့်ဆိုလျှင် အရာရာတိုင်းသည် ဘယ်သောအခါမျှ ပြန်လည်ဖုံးကွယ်ထားခြင်း သို့မဟုတ် ဝမ်းနည်းစရာ ဖြစ်မလာစေရန် ထင်ရှားစေခြင်းခံရသည်။ အရာအားလုံးကို ဖော်ထုတ်ပြီး အရာအားလုံးသည် အောင်မြင်လေသည်။

အနန္တဘုန်းခိုးရှင်ဘုရားသခင်၏ တံပိုးခုနစ်လုံးသည် ဖွင့်ပြီး ဘုန်းအသရေရှိ၍ အောင်မြင်ခြင်းနှင့်ပြည့်စုံသော တံပိုးများဖြစ်သည်။ ၎င်းတို့သည် သူ၏ရန်သူများကို တရားစီရင်သော တံပိုးများလည်းဖြစ်သည်။ သူ၏အောင်မြင်ခြင်း အလယ်တွင် သူ၏ဦးချိုသည် ချီးမြှောက်ခြင်းကို ခံရသည်။ သူသည် စကြဝဠာတစ်ခုလုံးအပေါ် အုပ်စိုးသည်။

သူသည် ဘေးဒဏ်များ၏ ဖလားခုနစ်လုံးကို ပြင်ဆင်ပြီး၊ သူ၏ရန်သူများအပေါ်တွင် အကြီးကျယ်ဆုံး အဆင့်ထိ လျင်မြန်စွာ လွှတ်ပေးပြီ။ သူတို့သည် သူ့အမျက်တော်မီးများ၏ ဝါးမျိုခြင်းကို ခံကြရမည် ဖြစ်သည်။ အနန္တတန်ခိုးရှင် ဘုရားသခင်သည် သူ့ရန်သူများအပေါ်တွင် သူ့သြဇာအာဏာ၏ခွန်အားကိုပြပြီး သူ့ရန်သူအားလုံးသည် သေဆုံးကြသည်။ နောက်ဆုံးသော မိုးချုန်းသံခုနစ်ချက်သည် အနန္တတန်ခိုးရှင် ဘုရားသခင်၏ရှေ့မှောက်တွင် ချိပ်ပိတ်ထားခြင်း ခံရမည် မဟုတ်တော့ပေ။ ၎င်းတို့အားလုံးသည် ဖွင့်လျက်ရှိကြသည်။ အားလုံးသည် ဖွင့်လျက်ရှိကြပြီ။ ဘုရားသခင်သည် သူ့ရန်သူများကို မိုးချုန်းသံ ခုနစ်ချက်ဖြင့် သေစေပြီး မြေကြီးကို တည်ငြိမ်စေကာ သူ့ကိုအစေခံဖို့နှင့် ဘယ်သောအခါမျှ ထပ်မံ၍ အကြွင်းမဲ့ဖျက်ဆီးခြင်း မခံရရန် လုပ်ဆောင်သည်။

ဖြောင့်မတ်သော အနန္တတန်ခိုးရှင်ဘုရားသခင်၊ ငါတို့ သင့်ကို ထာဝရ ချီးမွမ်းပါ၏။ သင်သည် မကုန်လွန်နိုင်သော ချီးမွမ်းခြင်း၊ မကုန်ဆုံးနိုင်သော ထောမနာပြုခြင်းနှင့် ချီးမြှောက်ခြင်းကို ခံထိုက်ပေ၏။ သင်၏ မိုးချုန်းသံ ခုနစ်ချက်သည် သင်၏တရားစီရင်ခြင်းအတွက် သက်သက်သာမဟုတ်ဘဲ အရာအားလုံးကို ပြီးပြည့်စုံစေရန်အလို့ငှာ သင်၏ ဘုန်းနှင့် အာဏာအတွက် သာ၍ဖြစ်ပေသည်။

လူမျိုးအပေါင်းတို့သည် ပလ္လင်ရှေ့တွင် အနန္တတန်ခိုးရှင် ဘုရားသခင်ယေရှုကို ထောမနာပြုလျက် ရွှင်မြူးစွာ ချီးမြှောက်နေကြသည်။ သူတို့၏ အသံများသည် မိုးချုန်းသံကဲ့သို့ ပဲ့တင်လေ၏။ အရာရာတိုင်းသည် အမှန်တကယ်ပင် သူ့ကြောင့်သာ တည်ရှိကြပြီး သူ့ကြောင့်သာ ထကြွကြသည်။ အားလုံးသော ဘုန်းအသရေ၊ ဂုဏ်ပြုခြင်း၊ သြဇာအာဏာ၊ ဉာဏ်ပညာ၊ သန့်ရှင်ခြင်း၊ အောင်နိုင်ခြင်းနှင့် ဗျာဒိတ်များသည် သူ့ကြောင့်သာဖြစ်ကြောင်း လုံးလုံးလျားလျား မယူမှတ်ဘဲ မည်သူသည် နေဝံ့သနည်း။ ဤအရာသည် သူ့အလိုတော်ကို ပြည့်စုံစေခြင်းဖြစ်ပြီး သူ့စီမံခန့်ခွဲမှုကို ဖော်ဆောင်ခြင်း၏ နောက်ဆုံး ပြီးမြောက်ခြင်းပင်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃၄” အစအဦး၌ ခရစ်တော်၏မိန့်မြွက်ချက်များ မှ

အောက်ခြေမှတ်စု(များ)-

က။ မူရင်းစာတွင် “ဘုရားသခင်” ဟူသည့် စကားရပ်မပါရှိပါ။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၅)

ပလ္လင်မှ ထွက်ပေါ်လာသော မိုးချုန်းသံ ခုနှစ်ချက်သည် စကြဝဠာကို တုန်ခါစေ၍၊ ကောင်းကင် နှင့် မြေကြီးကို မှောက်လှန်စေကာ၊ မိုးကောင်းကင်တစ်ခုလုံး ပဲ့တင်ထပ်လေ၏။ အလွန် စူးရှသော အသံ ဖြစ်ခြင်းကြောင့် လူတို့သည် ယင်းအသံမှ လွတ်မြောက်နိုင်ခြင်း၊ ပုန်းကွယ်နိုင်ခြင်း မရှိ။ လျှပ်ပြက်ခြင်း အလင်းရောင်များ နှင့် တအုန်းအုန်းမြည်သော မိုးချုန်းသံတို့ကို စေလွှတ်သည်ဖြစ်၍၊ ကောင်းကင် နှင့် မြေကြီးနှစ်ခုလုံးကို ချက်ချင်းပင် ပြောင်းလဲသွားစေသည်။ လူတို့သည်လည်း သေလုမြောပါး ဖြစ်ကြလေ၏။ ထို့နောက် ပြင်းထန်သော မိုးသက်မုန်တိုင်း တစ်ခုသည် စကြဝဠာတစ်ခုလုံးကို လျှပ်တစ်ပြက်အတွင်း ရိုက်ခတ်ကာ၊ မိုးကောင်းကင်မှ ပြိုကျလာလေသည်။ အကြိုအကြားမကျန် သည်းထန်စွာ ရွာသွန်းသော မိုးကဲ့သို့ဖြစ်၍၊ ကမ္ဘာမြေကြီး၏ အစွန်ဆုံးသော နေရာများတွင် အစွန်းအထင်း တစ်စုံတစ်ခုမှ မကျန်စေဘဲရှိ၏။ ယင်းသည် ဦးခေါင်းမှ ခြေဖျားအထိ အလုံးစုံ ဆေးကြောခြင်း ဖြစ်သောကြောင့်၊ ယင်းထံမှ မည်သည့်အရာမျှ ပုန်းကွယ်၍မရသကဲ့သို့၊ မည်သူမျှ လွတ်မြောက်အောင် မကာကွယ်နိုင်ပေ။ ဝင်းခနဲလက်ခနဲဖြင့် ကြောက်မက်ဖွယ် လျှပ်ပြက်ရောင်များကဲ့သို့သော တအုန်းအုန်း မိုးချုန်းသံတို့သည် လူတို့အား ကြောက်ရွံ့ခြင်းဖြင့် တုန်လှုပ်စေ၏။ အသွားနှစ်ဖက်ပါသည့် ထက်သော သန်လျက်သည် ပုန်ကန်ခြင်း၏ သားများကို အဆုံးစီရင်လေသည်။ ရန်သူသည် ပြေး၍ ခိုလှုံစရာ လုံးလုံး မရှိဘဲ၊ ကပ်ဘေးကို ရင်ဆိုင်ရကာ၊ ၎င်းတို့၏ ဦးခေါင်းများသည် ပြင်းထန်သော မုန်တိုင်းထဲတွင် ချာချာလည်ကြ၏။ ထို့နောက် မေ့မြောကုန်သော ၎င်းတို့သည် စီးဆင်းနေသော ရေထဲသို့ ချက်ချင်း လဲကျသေဆုံးကာ၊ ရေစီး၌ မျောပါသွားကြလေသည်။ ၎င်းတို့သည် ၎င်းတို့၏ အသက်များကို ကယ်ရန် မည်သည့် နည်းလမ်းမျှ မရှိဘဲ သေဆုံးကြရ၏။ မိုးချုန်းသံ ခုနှစ်ချက်သည် ငါ့ထံမှ ထွက်လာပြီး၊ ယင်းတို့သည် အဲဂုတ္တုပြည်၏ အကြီးဆုံးသားများကို အဆုံးစီရင်ရန်၊ မတရားသောသူတို့အား အပြစ်ဒဏ်ပေးရန်နှင့် ငါ၏ အသင်းတော်များကို သန့်ရှင်းစေရန်ဟူသော ငါ၏ ရည်ရွယ်ချက်ကို သိရှိစေ၏။ သို့မှသာ အယောက်တိုင်းသည် တစ်ဦးနှင့် တစ်ဦး နီးကပ်စွာ ဆက်နွယ်မှု ရှိကြ၍၊ ၎င်းတို့သည် တူညီစွာ စဉ်းစား ပြုမူကြပြီး၊ ငါနှင့် စိတ်နှလုံး တစ်ခုတည်း ဖြစ်ကြမည်။ သို့မှသာ စကြဝဠာထဲရှိ အသင်းတော်အားလုံးကို တစ်ခုတည်း တည်ဆောက်နိုင်မည် ဖြစ်သည်။ ဤသည်မှာ ငါ၏ ရည်ရွယ်ချက် ဖြစ်၏။

မိုးချုန်းသံ မြည်သည့်အခါ၊ လှိုင်းလုံးတို့၏ အဆက်မပြတ် မြည်ဟည်းသံများ ဖြစ်ပေါ်လေ၏။ အချို့တို့သည် ၎င်းတို့၏ အိပ်စက်ခြင်းမှ နိုးထ၍၊ ၎င်းတို့၏ စိတ်ဝိညာဉ်များထဲ၌ ကြီးစွာသော ထိတ်လန့်မှုဖြင့် နက်နက်နဲနဲ ရှာဖွေလျက်၊ ပလ္လင်ရှေ့သို့ အပြေးအလွှား ပြန်လာကြလေသည်။ ၎င်းတို့သည် လှည့်စားခြင်း၊ လိမ်လည်ခြင်းနှင့် ဒုစရိုက်များ ကျူးလွန်ခြင်းကို ရပ်တန့်ပစ်ကြရာ၊ ယင်းကဲ့သို့သော လူတို့အတွက် နိုးထရန် အလွန် နောက်မကျသေးချေ။ ငါသည် ပလ္လင်ထက်မှ စောင့်ကြည့်လျက်နေသည်။ ငါသည် လူတို့၏ စိတ်နှလုံးများထဲသို့ အတွင်းကျကျ ကြည့်၏။ ငါ့အား လေးလေးနက်နက်ဖြင့် ပြင်းပြစွာ တောင့်တသောသူတို့ကို ငါသည် ကယ်တင်ပြီး၊ ၎င်းတို့ကို ငါသည် သနား၏။ အခြားသောအရာအားလုံးထက် မိမိတို့၏ စိတ်နှလုံးထဲ၌ ငါ့ကို ပို၍ချစ်သောသူများ၊ ငါ၏ အလိုကို နားလည်ကာ၊ ငါ၏နောက်သို့ လမ်းဆုံးတိုင်အောင် လိုက်သောသူများကို ငါသည် ထာဝရကာလထဲသို့ ကယ်တင်ပေမည်။ ငါ၏လက်သည် ၎င်းတို့အား ဘေးကင်းလုံခြုံစွာ ဆုပ်ကိုင်ထားမည်ဖြစ်၍၊ ၎င်းတို့သည် ဤ အဖြစ်အပျက်ကို မရင်ဆိုင်ကြရဘဲ၊ ၎င်းတို့အပေါ် ဘေးအန္တရာယ် ကျရောက်ခြင်းလည်း ရှိမည်မဟုတ်။ အချို့တို့သည် ဤသို့ ပြိုးပြက်သော လျှပ်ပြက်ခြင်း မြင်ကွင်းကို မြင်သည့်အခါ၊ ၎င်းတို့အနေဖြင့် ခံစားမိသည်ကို ထုတ်ပြောရန် ခက်ခဲတော့မည်ဟူ၍ ၎င်းတို့၏ စိတ်နှလုံးများထဲတွင် ဝမ်းနည်းမိကြ၏။ ၎င်းတို့၏ နောင်တများသည် လွန်စွာ အချိန်နှောင်းမှ ရောက်လာခြင်း ဖြစ်လေသည်။ အကယ်၍ ၎င်းတို့သည် ဤနည်းဖြင့် ပြုမူခြင်းကို မလျှော့တမ်းဆက်လုပ်လျှင်၊ ၎င်းတို့အတွက် အလွန်ပင် နောက်ကျပေမည်။ အို၊ ခပ်သိမ်းသောအရာ၊ ခပ်သိမ်းသော အရာတို့ပင်ဖြစ်၏။ အားလုံးတို့သည် ပြီးမြောက်ပေလိမ့်မည်။ ဤသည်မှာ ငါ၏ ကယ်တင်ခြင်း နည်းလမ်းများထဲမှ တစ်ခု ဖြစ်၏။ ငါ့ကို ချစ်သောသူများကို ငါသည် ကယ်တင်၍၊ ဆိုးယုတ်သောသူများကို ငါသည် အဆုံးစီရင်မည်။ ဤသို့လျှင် ငါ၏ နိုင်ငံတော်သည် ကမ္ဘာမြေကြီးပေါ်၌ မြဲမြံ ခိုင်ခံ့လိမ့်မည်ဖြစ်ကာ၊ ငါသည် ဘုန်းအာနုဘော် ဖြစ်ကြောင်း၊ တောက်လောင်သော မီး ဖြစ်ကြောင်း၊ လူအယောက်တိုင်း၏ အတွင်းဆုံး စိတ်နှလုံးကို ရှာဖွေသော ဘုရားသခင် ဖြစ်ကြောင်းကို၊ စကြဝဠာအစွန်းရှိ တိုင်းနိုင်ငံများနှင့် လူမျိုးအပေါင်းတို့သည် သိကြလိမ့်မည်။ ဤအချိန်မှစတင်၍ ဖြူသောပလ္လင်ကြီး၏ တရားစီရင်ခြင်းအား လူအပေါင်းတို့ သိစေရန် လူရှေ့ဘုရားရှေ့တွင် ထုတ်ဖော်ပြလိုက်သည်၊ ထို့အပြင် တရားစီရင်ခြင်း အစပြုပြီ ဖြစ်ကြောင်း လူမျိုးအပေါင်းတို့ထံသို့ ကြေညာလိုက်သည်။ မိမိတို့၏ စကားများက စိတ်ရင်းအတိုင်းမဖြစ်သောသူအပေါင်း၊၊ သံသယဖြစ်ကာ သေချာရန် မဝံ့ရဲသောသူများ၊ အချိန်ကို အလဟဿ ဖြုန်းတီးသောသူများ၊ ငါ၏ ဆန္ဒများကို နားလည်သော်လည်း ယင်းတို့အား လက်တွေ့ကျင့်ဆောင်ရန် အလိုမရှိသောသူများသည် တရားစီရင်ခြင်းကို ခံကြရမည်မှာ သံသယဖြစ်ဖွယ် မရှိချေ။ သင်တို့သည် သင်တို့၏ ကိုယ်ပိုင်ရည်ရွယ်ချက်များနှင့် စေ့ဆော်မှုများကို သေချာစွာ စစ်ဆေးရမည်၊ သင်တို့အတွက် ဆီလျော်သောနေရာကို ယူကာ ငါ ပြောသောအရာတို့ကို စေ့စပ်စွာ လက်တွေ့ကျင့်ဆောင်၍၊ သင်တို့၏ အသက်တာ အတွေ့အကြုံများအပေါ် အလေးထားခြင်း ရှိရမည်၊ အပြင်ပန်းတွင် တက်တက်ကြွကြွရှိသကဲ့သို့ ဟန်မဆောင်ဘဲ၊ သင်တို့၏ အသက်တာများ ကြီးထွားစေရန်၊ ရင့်ကျက်စေရန်၊ တည်ငြိမ်စေရန်နှင့် အတွေ့အကြုံရင့်စေရန် ပြုရမည်၊ ထိုမှသာ ငါ၏စိတ်နှလုံးအလိုကို လိုက်သောသူ ဖြစ်လိမ့်မည်။

၎င်းတို့ အကျိုးရှိသည့်အရာများအပေါ် အမြတ်ထုတ်ရန်အတွက် ငါ တည်ဆောက်နေသော အခွင့်အလမ်း တစ်စုံတစ်ရာကို နှောင့်ယှက် ဖျက်ဆီးသည့် စာတန်၏ အစေအပါးများနှင့် ဝိညာဉ်ဆိုးများကို ငြင်းပယ်ကြလော့။ ၎င်းတို့အား အပြင်းအထန် ကန့်သတ်၍ ထိန်းချုပ်ရမည်ဖြစ်ကာ၊ ၎င်းတို့အား ထက်သော သန်လျက်များကို အသုံးပြု၍သာ ဆုံးမနိုင်၏။ အဆိုးဆုံးသော အကောင်များကို အနာဂတ်တွင် မည်သည့်အန္တရာယ်မျှ မပြုတော့စေရန်အလို့ငှာ၊ မဆိုင်းမတွ အမြစ်ဖြတ် ဖယ်ရှားပစ်ရမည်။ ထိုအခါ အသင်းတော်သည် စုံလင်ခြင်းသို့ ရောက်ကာ၊ မည်သည့် ချို့ယွင်းမှုမျှ မရှိဘဲ ကောင်းမွန်နေမည်ဖြစ်သကဲ့သို့၊ တက်ကြွမှု၊ အားထုတ်မှု အပြည့်ဖြင့် ရှိပေမည်။ ပြိုးပြက်သော လျှပ်ပြက်ခြင်းနောက်တွင်မူ မိုးချုန်းသံများ မြည်ဟည်း၏။ သင်သည် လျစ်လျူမရှုရ၊ ထို့ပြင် သင်သည် အမီလိုက်ရန် အစွမ်းကုန် လုပ်ဆောင်သည်မှတစ်ပါး လက်မလျှော့ရ။ ထိုအခါ ငါ၏လက်သည် မည်သည်တို့ကို လုပ်ဆောင်ကြောင်း၊ မည်သည်တို့ကို ငါ ရကြောင်း၊ မည်သည်တို့ကို ငါ စွန့်ပစ်ကြောင်း၊ မည်သည်တို့ကို ငါ စုံလင်စေကြောင်း၊ မည်သည်တို့ကို ငါ အမြစ်ဖြတ် ဖယ်ရှားကြောင်း၊ မည်သည်တို့ကို ငါ အဆုံးစီရင်ကြောင်းကို သင့်အနေဖြင့် ဧကန် မြင်နိုင်စွမ်းရှိလာလိမ့်မည်။ ဤအရာအားလုံးကို သင်တို့၏ ရှေ့တွင်ပင် ဖွင့်ဟပြမည် ဖြစ်သဖြင့်၊ သင်တို့သည် ငါ၏ အနန္တတန်ခိုးကို ရှင်းလင်းစွာ မြင်နိုင်ကြလိမ့်မည်။

ပလ္လင်ထက်မှသည် စကြဝဠာတစ်ခုလုံး၏ အဆုံးစွန်များအထိ မိုးချုန်းသံ ခုနှစ်ချက်သည် ပဲ့တင်ထပ်လေ၏။ မြောက်မြားစွာသော လူစုကြီးတစ်စုသည် ကယ်တင်ခြင်း ခံရမည်ဖြစ်ပြီး၊ ငါ၏ ပလ္လင်ရှေ့တွင် ခစားကြလိမ့်မည်။ ဤအသက်တာ အလင်း၏နောက်တွင်မူ၊ လူတို့သည် ဆက်လက်ရှင်သန်ရန် နည်းလမ်းတစ်ခုကို ရှာဖွေကြလျက်၊ ငါ့ထံသို့ ဒူးထောက် ကိုးကွယ်ရန် ရောက်လာကြကာ၊ ၎င်းတို့၏ နှုတ်များမှ စစ်မှန်သော အနန္တတန်ခိုးရှင် ဘုရားသခင်၏ နာမကို ခေါ်ဆိုခြင်း၊ အသနားခံခြင်းများကို မပြုဘဲ နေနိုင်ကြမည် မဟုတ်ချေ။ သို့သော်လည်း ငါ့အား အတိုက်အခံပြုသောသူများ၊ မိမိတို့၏ စိတ်နှလုံးများကို မာကျောစေသော လူများအတွက်မူ၊ မိုးချုန်းသံသည် ၎င်းတို့၏ နားများထဲ၌ ပဲ့တင်ထပ်၍၊ ၎င်းတို့သည် ပျက်စီးခြင်းသို့ ရောက်ကြရမည်မှာ ဧကန်ပင်ဖြစ်၏။ ဤသည်မှာ ၎င်းတို့အတွက် နောက်ဆုံးသော အကျိုးရလဒ်သာ ဖြစ်သည်။ အောင်မြင်သော ငါ၏ ချစ်သားများသည် ဇိအုန်တွင် နေကြရလိမ့်မည် ဖြစ်ပြီး၊ ၎င်းတို့ ရရှိမည့်အရာတို့ကို လူအပေါင်းတို့သည် မြင်ကြလိမ့်မည်၊ ထို့အပြင် သင်တို့၏ရှေ့၌ အလွန်ကြီးစွာသော ဘုန်းသည် ပေါ်ထွန်းလာလိမ့်မည်။ ဤသည်မှာ အမှန်ပင် တစ်မူထူးခြားသော ကောင်းချီးမင်္ဂလာတစ်ခု ဖြစ်၍၊ ယင်း၏ ချိုမြိန်မှုကို စကားလုံးဖြင့် ဖော်ပြရန် ခက်ခဲလှပေသည်။

မိုးချုန်းသံခုနှစ်ချက် ထွက်ပေါ်လာသည့်အခါ၊ ငါ့အား ချစ်သောသူများ၊ ငါ့အား စစ်မှန်သော စိတ်နှလုံးတို့ဖြင့် တောင့်တသောသူများအပေါ် ကယ်တင်ခြင်းသည် ရှိ၏။ ငါ နှင့်သက်ဆိုင်သောသူများ၊ ငါ ကြိုတင်ခွဲခန့်မှတ်သားထားသောသူများ နှင့် ရွေးချယ်ထားသောသူများ အားလုံးသည် ငါ၏နာမအောက်သို့ ရောက်လာနိုင်ကြ၏။ ၎င်းတို့သည် ဘုရားသခင်၏ ခေါ်ဆိုခြင်းဖြစ်သော ငါ၏အသံကို ကြားနိုင်လေသည်။ ကမ္ဘာမြေကြီး၏ အဆုံးစွန်တို့၌ ရှိသောသူတို့အား ငါသည် ဖြောင့်မတ်ကြောင်း၊ သစ္စာနှင့်ပြည့်စုံကြောင်း၊ ငါသည် ချစ်ခြင်းမေတ္တာ၊ သနားခြင်းကရုဏာ၊ ဘုန်းအာနုဘော်နှင့် တောက်လောင်သောမီး ဖြစ်ကြောင်း အဆုံး၌ ရက်စက်သော တရားစီရင်ခြင်း ဖြစ်ကြောင်းကို မြင်စေကြလော့။

ငါသည် စစ်မှန်၍ စုံလင်သော ဘုရားသခင်ကိုယ်တိုင် ဖြစ်ကြောင်းကို ကမ္ဘာလောကကြီးထဲရှိ လူအပေါင်းတို့ မြင်စေကြလော့။ လူအပေါင်းတို့သည် စိတ်ရောကိုယ်ပါ ယုံကြည်လက်ခံကြလျက်၊ ငါ့အား မည်သူကမျှ နောက်တစ်ဖန် အတိုက်အခံပြုရန်၊ ငါ့အား တရားစီရင်ရန် သို့တည်းမဟုတ် နောက်တစ်ဖန် မဟုတ်မမှန် ပြောဆိုရန် ပြုဝံ့သည်မဟုတ်။ ထိုသို့မဟုတ်လျှင် ၎င်းတို့သည် ကျိန်ဆိုခြင်းကို ချက်ချင်း ရင်ဆိုင်ရမည်ဖြစ်ကာ၊ ဘေးဒုက္ခသည် ၎င်းတို့အပေါ် ကျရောက်လိမ့်မည်။ ၎င်းတို့သည် ငိုကြွေးခြင်းနှင့် အံကြိတ်ခြင်းတို့ကိုသာ ပြု၍၊ ၎င်းတို့၏ပျက်စီးခြင်းထဲသို့ ၎င်းတို့ကိုယ်တိုင် ကျရောက်စေလိမ့်မည် ဖြစ်၏။

လူမျိုးအပေါင်းတို့အား သိစေကြလော့၊ စကြဝဠာ အဆုံးစွန်များအထိ သိစေကြလော့၊ပြီးလျှင် လူ အယောက်တိုင်း သိနိုင်စေလော့။ အနန္တတန်ခိုးရှင် ဘုရားသခင်သည် တစ်ပါးတည်းသော စစ်မှန်သည့် ဘုရားသခင် ဖြစ်၏၊ လူအပေါင်းသည် တစ်ယောက်ပြီး တစ်ယောက် သူ့အား ဒူးထောက်ကိုးကွယ်ကြလိမ့်မည် ဖြစ်ကာ၊ စကားပြောတတ်စ ကလေးငယ်များပင်လျှင် “အနန္တတန်ခိုးရှင် ဘုရားသခင်” ဟူ၍ ကြွေးကြော်ကြလိမ့်မည်။ အာဏာကို စွဲကိုင်ထားသည့် အရာရှိများသည်လည်း ၎င်းတို့ ရှေ့တွင် ပေါ်ထွန်းလာသည့် စစ်မှန်သော ဘုရားသခင်ကို ၎င်းတို့ မျက်မြင် မြင်တွေ့ကြရလိမ့်မည်။ ၎င်းတို့သည် သနားကရုဏာနှင့် ခွင့်လွှတ်ခြင်းကို တောင်းခံကြလျက်၊ ကိုးကွယ်ခြင်းအားဖြင့် ၎င်းတို့ကိုယ်ကိုယ် ဝမ်းလျားမှောက်၍လည်း ကိုးကွယ်ကြသော်လည်း ၎င်းတို့၏ ပျက်စီးခြင်းအချိန်သည် ရောက်လာခဲ့ပြီဖြစ်သောကြောင့်၊ လွန်စွာ နောက်ကျလေပြီဖြစ်သည်။ ၎င်းတို့အား အတိုင်းမသိ တွင်းနက်ထဲသို့ စီရင်ခြင်းသည် ၎င်းတို့အပေါ် ပြုကိုပြုရမည့် အရာ ဖြစ်၏။ ငါသည် ခေတ်ကာလ တစ်ခုလုံးကို အဆုံးသတ်သို့ ပို့ဆောင်မည်ဖြစ်ကာ၊ ငါ၏ နိုင်ငံတော်ကို ယခင်ကထက် ပို၍ပင် အားကောင်းစေလိမ့်မည်။ တိုင်းနိုင်ငံများနှင့် လူမျိုးအပေါင်းတို့သည် ငါ၏ရှေ့၌ ထာဝရကာလပတ်လုံး ကျိုးနွံနာခံကြလိမ့်မည် ဖြစ်လေ၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃၅” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၆)

အနန္တတန်ခိုးရှင် စစ်မှန်သော ဘုရားသခင်၊ နန်းတက် ရှင်ဘုရင်သည် တိုင်းနိုင်ငံအားလုံးနှင့် လူမျိုးအပေါင်းတို့အား မျက်နှာမူလျက် စကြဝဠာတစ်ခုလုံးကို စိုးစံပြီး၊ ကောင်းကင်အောက်ရှိ အရာခပ်သိမ်းတို့သည် ဘုရားသခင်၏ ဘုန်းဖြင့် ထိန်လင်းလျက်ရှိ၏။ စကြဝဠာနှင့် ကမ္ဘာ့အစွန်အဖျားတိုင်အောင်ရှိ သက်ရှိအပေါင်းတို့သည် မြင်ကြရမည်။ တောင်များ၊ မြစ်များ၊ ရေကန်များ၊ ကုန်းမြေများ၊ သမုဒ္ဒရာများနှင့် သက်ရှိသတ္တဝါအပေါင်းတို့သည် စစ်မှန်သော ဘုရားသခင်၏ မျက်နှာအလင်းတွင် အိပ်မက်မှ နိုးထလျက်ရှိကြသည့်အလား၊ မြေကို ထိုးဖောက်၍ အညှောင့်ထွက်သည့်အလား ၎င်းတို့၏ ကန့်လန့်ကာများကို ဖွင့်လှစ်ခဲ့ကြလေပြီ။

အဲ၊ တစ်ဆူတည်းသော စစ်မှန်သည့် ဘုရားသခင်သည် ကမ္ဘာလောကရှေ့၌ ပေါ်ထွန်းလေသည်။ မည်သူသည် ကိုယ်တော့်အား ခုခံမှုဖြင့် ချဉ်းကပ်ဝံ့သနည်း။ အားလုံးသည် ကြောက်ရွံ့ခြင်းဖြင့် တုန်လှုပ်ကြ၏။ အားလုံး လုံးဝ ယုံကြည်လက်ခံကြပြီး၊ ခွင့်လွှတ်ခြင်းကို ထပ်ကာတလဲ တောင်းခံကြ၏။ လူအားလုံး သူ၏ရှေ့တွင် ဒူးထောက်ကာ နှုတ်ရှိသမျှသည် သူ့ကို ရှိခိုးကြလေသည်။ တိုက်ကြီးများနှင့် သမုဒ္ဒရာများ၊ တောင်များ၊ မြစ်များ- အရာခပ်သိမ်းတို့သည် ကိုယ်တော့်အား အတောမသတ် ချီးမွမ်းကြသည်။ နွေဦးသမယသည် ၎င်း၏ နွေးထွေးသော လေညင်းများနှင့်အတူ သန့်စင်သော နွေဦးမိုးကို ယူဆောင်လျက် ရောက်လာသည်။ လူအားလုံးကဲ့သို့၊ စမ်းချောင်းများ၏ ရေစီးကြောင်းများသည် ကျေးဇူးတင်ရှိခြင်းနှင့် မိမိကိုယ်ကိုယ် အပြစ်တင်ခြင်း မျက်ရည်များ ယိုစီးလျက် ပူဆွေးခြင်းနှင့် ဝမ်းမြောက်ခြင်းတို့ဖြင့် စီးဆင်းကြသည်။ မြစ်များ၊ ရေကန်များ၊ ကမ်းခတ်လှိုင်းနှင့် လှိုင်းတံပိုးထခြင်းများ အားလုံးသည် စစ်မှန်သော ဘုရားသခင်၏ သန့်ရှင်းသောနာမကို သီဆိုလျက်၊ ချီးမွမ်းထောပနာပြုလျက် ရှိနေကြသည်။ ချီးမွမ်းခြင်းအသံများမှာ အင်မတန် ကြည်လင်ပြတ်သားမှုဖြင့် မြည်ဟည်းထွက်သွား၏။ တစ်ချိန်က စာတန်၏ ဖောက်ပြန်ပျက်စီးစေခြင်းခံခဲ့ရသည့် ဟောင်းသောအရာများ - တစ်ခုစီတိုင်းသည် အသစ်ပြုပြင်ခံရကာ ပြောင်းလဲကြလိမ့်မည်ဖြစ်ပြီး၊ လုံးဝ သစ်လွင်သော နယ်ပယ် တစ်ခုထဲသို့ ဝင်ရောက်ကြလိမ့်မည်...

ဤသည်မှာ သန့်ရှင်းသော တံပိုးဖြစ်ပြီး စတင်အသံမြည်လေပြီ။ နားစိုက်ထောင် ကြလော့။ အချိန်ကျရောက်ပြီ ဖြစ်ကြောင်း၊ နောက်ဆုံးသောနိဂုံး ရောက်လာပြီ ဖြစ်ကြောင်းကို တိုင်းနိုင်ငံတိုင်းနှင့် လူတိုင်းအား အသိပေးလျက် အလွန် သာယာနာပျော်ဖွယ်ကောင်းသော ထိုအသံသည် ပလ္လင်၏ မိန့်မြွက်ချက်ဖြစ်သည်။ ငါ၏ စီမံခန့်ခွဲမှုအစီအစဉ်မှာ ပြီးမြောက်ပြီဖြစ်သည်။ ငါ၏ နိုင်ငံတော်သည် ကမ္ဘာမြေကြီးပေါ်တွင် လူပုံအလယ် ပေါ်ထွန်းလေပြီ။ လောက၏ နိုင်ငံများသည် ဘုရားသခင်ဖြစ်သော ငါ၏ နိုင်ငံတော် ဖြစ်လာကြပေပြီ။ ငါ၏ တံပိုးခုနှစ်လုံးသည် ပလ္လင်မှ အသံမြည်ကာ၊ အင်မတန် အံ့ဩဖွယ် အရာများ ဖြစ်ပေါ်လိမ့်မည်။ ကမ္ဘာမြေကြီး အစွန်းရှိ လူတို့သည် အချို့က ပင်လယ်များတွင် ရွက်လွှင့်လျက်၊ အချို့တို့သည် လေယာဉ်ဖြင့် ပျံသန်းလျက်၊ အချို့တို့သည် ပုံသဏ္ဌာန် အရွယ်အစား အမျိုးမျိုးရှိသော မော်တော်ယာဉ်များကို စီးလျက်၊ အချို့တို့သည် မြင်းစီးလျက်၊ ရေခဲတောင်တစ်ခု ပြိုကျသည့် အရှိန်မျိုး၊ မိုးကြိုးတို့၏ အင်အားမျိုးဖြင့် အရပ်ရပ်မှ တစ်ဟုန်ထိုး ပြေးလာကြလိမ့်မည်။...

ငါ၏အသံကို ကြားပြီး တိုင်းနိုင်ငံနှင့် နယ်မြေအားလုံးမှ စုဝေးကြကုန်သော ငါ၏ လူများအပေါ် ငါသည် ဝမ်းမြောက်စွာကြည့်၏။ စစ်မှန်သော ဘုရားသခင်ကို မိမိတို့၏ နှုတ်တွင် ထားရှိကြသော လူအပေါင်းတို့သည် ဝမ်းမြောက်သည့်အတွက် အတောမသတ် ချီးမွမ်းကာ ခုန်ပေါက်ကြလေ၏။ ၎င်းတို့သည် ကမ္ဘာလောကကို သက်သေခံကြပြီး၊ စစ်မှန်သော ဘုရားသခင်အား ၎င်းတို့၏ သက်သေခံချက်အသံသည် ရေထု၏ မြည်ဟည်းနေသော အသံကဲ့သို့ဖြစ်သည်။ လူအပေါင်းတို့သည် ငါ၏ နိုင်ငံတော်ထဲသို့ စုရုံးကြလိမ့်မည်။

ငါ၏ တံပိုးခုနှစ်လုံးသည် အိပ်မောကျနေသူတို့အား နိုးထစေလျက် အသံမြည်ကြ၏။ အလျင်အမြန် ထကြလော့၊ အချိန် သိပ်မနှောင်းသေးပေ။ သင်တို့၏ အသက်တာကို ကြည့်ကြလော့။ သင်တို့၏ မျက်လုံးများကို ဖွင့်၍၊ ယခု မည်သည့်အချိန် ရှိပြီဖြစ်သည်ကို မြင်ကြလော့။ ရှာဖွေစရာ မည်သည့်အရာ ရှိသနည်း။ စဉ်းစားစရာ မည်သည့်အရာ ရှိသနည်း။ ဖက်တွယ်စရာ မည်သည့်အရာ ရှိသနည်း။ ငါ၏ အသက်ကို ရခြင်းနှင့် သင် ချစ်ခင်ကာ ဖက်တွယ်ထားသော အရာအားလုံးကို ရရှိခြင်းကြား တန်ဖိုးကွာခြားမှုကို သင် ဆင်ခြင်စဉ်းစားဖူးပါသလော။ တဇွတ်ထိုးမလုပ်သကဲ့သို့ ကပြက်ကချော် မလုပ်ကြနှင့်တော့။ ဤ အခွင့်အရေးကို လက်လွှတ်မခံလေနှင့်။ ဤအချိန်သည် တစ်ဖန် ရောက်လာလိမ့်မည် မဟုတ်။ သင်တို့၏ ဘဝအတွေ့အကြုံ ပို၍ နက်ရှိုင်းစေရန်နှင့် ငါ၏ စိတ်သဘောထားအတိုင်း သင်တို့ အသက်ရှင်ရန်အလို့ငှာ၊ ပြီးလျှင် သင်တို့၏ အသက်တာ ရင့်ကျက်ပြီး အတွေ့အကြုံရင့်စေရန်နှင့် ငါ၏ ခြေလှမ်းများနောက်သို့ သင်တို့ အမြဲလိုက်နိုင်ပြီး စာတန်ကို အောင်နိုင်ကြစေဖို့အလို့ငှာ၊ ချက်ချင်း ထရပ်လော့၊ သင်တို့၏ စိတ်ဝိညာဉ်ကို လက်တွေ့လေ့ကျင့်လော့၊ စာတန်၏ ကြံစည်မှုနှင့် လှည့်ကွက်တိုင်းကို ရိပ်မိပြီး ဖျက်ဆီးရန် အမျိုးမျိုးသော လက်နက်များကို အသုံးပြုလော့။ စိတ်ဓာတ်ကျခြင်း၊ အားနည်းခြင်း မရှိဘဲ၊ ရှေ့သို့ အမြဲရွှေ့ရင်း၊ တစ်လှမ်းချင်း လမ်းဆုံးထိ တည့်တည့် သွားကြလော့။

တံပိုးခုနှစ်လုံး တစ်ဖန် အသံမြည်သည့်အခါ၊ ယင်းသည် တရားစီရင်ခြင်း၊ ပုန်ကန်သော သားများကို တရားစီရင်ခြင်း၊ တိုင်းနိုင်ငံအပေါင်းနှင့် လူမျိုးအပေါင်းတို့ကို တရားစီရင်ခြင်းအဖို့ ကြေညာခြင်း ဖြစ်လိမ့်မည်ဖြစ်ပြီး တိုင်းနိုင်ငံအသီးသီးသည် ဘုရားသခင်၏ရှေ့တွင် အညံ့ခံကြလိမ့်မည်။ ဘုရားသခင်၏ ကျက်သရေရှိသော မျက်နှာသည် တိုင်းနိုင်ငံအပေါင်းနှင့် လူမျိုးအပေါင်းတို့ရှေ့၌ ဧကန်အမှန် ပေါ်ထွန်းလိမ့်မည်။ အယောက်တိုင်းသည် လုံးဝ လက်ခံယုံကြည်ကြလိမ့်မည်ဖြစ်ပြီး စစ်မှန်သော ဘုရားသခင်အား အတောမသတ် ကြွေးကြော်ကြလိမ့်မည်။ အနန္တတန်ခိုးရှင် ဘုရားသခင်သည် ပို၍ကြီးမားသော ကျက်သရေရှိလိမ့်မည်ဖြစ်ပြီး၊ ငါ၏ သားများသည် တိုင်းနိုင်ငံအပေါင်းနှင့် လူမျိုးအပေါင်းတို့အား တရားစီရင်လျက်၊ မတရားသောသူတို့အား ပြစ်ဒဏ်ပေးလျက်၊ ငါနှင့်သက်ဆိုင်သောသူတို့အား ကယ်တင်ကာ သနား ကရုဏာထားလျက်၊ နိုင်ငံတော်ကို ခိုင်မာပြီး တည်ငြိမ်စေလျက် ငါနှင့်အတူ ဘုန်းအသရေနှင့် ရှင်ဘုရင် အရိုက်အရာကို မျှဝေခံစားကြလိမ့်မည်။ တံပိုးခုနှစ်လုံး၏ အသံမှတစ်ဆင့်၊ လူပေါင်းမြောက်မြားစွာတို့သည် အစဉ် ချီးမွမ်းခြင်းဖြင့် ဒူးထောက်ကိုးကွယ်ရန် ငါ၏ရှေ့သို့ ပြန်လာကြရင်း ကယ်တင်ခြင်း ခံရကြလိမ့်မည်။

တံပိုးခုနှစ်လုံး နောက်တစ်ဖန် အသံမြည်သည့်အခါ၊ ယင်းသည် ခေတ်ကာလ၏ အဆုံးမှ နိဂုံးချုပ်အဖြစ်အပျက်၊ စာတန်မာရ်နတ်အပေါ် အောင်မြင်မှုနှင့်ဆိုင်သော ကျယ်လောင်စူးရှသည့် တံပိုးမှုတ်သံ၊ ကမ္ဘာမြေကြီးပေါ်ရှိ နိုင်ငံတော်ထဲတွင် လူပုံအလယ် အသက်ရှင်ခြင်း၏ အစအဦးကို ကြေညာသည့် ဂုဏ်ပြုခြင်း ဖြစ်လတ္တံ။ အလွန်မြင့်မြတ်သည့် အသံပေတကား၊ ပလ္လင်ပတ်လည်တွင် ပဲ့တင်ထပ်နေသော ဤအသံ၊ ကောင်းကင်နှင့်မြေကြီးကို တုန်ခါစေသော ဤကျယ်လောင်စူးရှသည့် တံပိုးမှုတ်သံသည် ငါ၏ စီမံခန့်ခွဲမှုအစီအစဉ် အထမြောက်အောင်မြင်ခြင်း လက္ခဏာဖြစ်၏။ ယင်းသည် စာတန်နှင့်ဆိုင်သော တရားစီရင်ခြင်း ဖြစ်သည်။ ၎င်းက ဟောင်းနွမ်းသော ဤကမ္ဘာလောကကြီး တစ်ခုလုံးကို သေဆုံးခြင်းသို့၊ အနက်ဆုံးသောတွင်းထဲသို့ ပြန်သွားဖို့ စီရင်လေသည်။ ကျယ်လောင်စူးရှသော ဤတံပိုးမှုတ်သံသည် ကျေးဇူးတော်တံခါး ပိတ်တော့မည်၊ နိုင်ငံတော်၏အသက်တာသည် ကမ္ဘာမြေကြီးပေါ်၌ စတင်လိမ့်မည်ဟူသည့် မှန်ကန်ပြီး လျော်ကန်သောအချက်တို့ကို ညွှန်ပြပေသည်။ ဘုရားသခင်သည် သူ့အား ချစ်သောသူများကို ကယ်တင်၏။ သူ၏ နိုင်ငံတော်ဆီသို့ ၎င်းတို့ ပြန်သွားကြသည်နှင့် တစ်ပြိုင်နက်၊ ကမ္ဘာမြေကြီးပေါ်ရှိ လူတို့သည် ငတ်မွတ်ခြင်းဘေးနှင့် ကပ်ရောဂါဘေးကို ရင်ဆိုင်ကြရလိမ့်မည် ဖြစ်ပြီး၊ ဘုရားသခင်၏ ဖလားခုနှစ်လုံးနှင့် ဘေးဒဏ်ခုနှစ်ပါးသည် တစ်ခုပြီး တစ်ခု သက်ရောက်မည် ဖြစ်သည်။ ကောင်းကင်နှင့် မြေကြီး မတည်သော်လည်း၊ ငါ၏စကား တည်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃၆” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၇)

အနန္တတန်ခိုးရှင် ဘုရားသခင်၏ လုပ်ဆောင်မှုများသည် ကြီးမြတ်ပေတကား။ အံ့ဩဖွယ် ဖြစ်ပေတကား။ ထူးကဲလှပေတကား။ တံပိုးခရာခုနစ်ခုတို့သည် အသံမြည်ကြ၏၊ မိုးကြိုးသံ ခုနစ်ချက်မြည်ကာ ဖလားခုနစ်လုံးအား သွန်းလောင်း၏- ဤအရာများသည် လူပုံအလယ်၌ ချက်ခြင်း ထုတ်ဖော်ပြခံရမည်ဖြစ်ပြီး သံသယမရှိနိုင်ပေ။ ဘုရားသခင်၏ ချစ်ခြင်းမေတ္တာသည် ငါတို့ထံ နေ့စဉ်လာ၏။ အနန္တတန်ခိုးရှင် ဘုရားသခင်သည်သာ ငါတို့ကို ကယ်တင်နိုင်၏၊ ငါတို့သည် ကံဆိုးခြင်းနှင့် တွေ့ကြုံရသည်ဖြစ်စေ၊ ကောင်းချီးကို ခံစားရသည်ဖြစ်စေ သူ့အပေါ် လုံးလုံးလျားလျား တည်မှီပြီး၊ ငါတို့လူသားများသည် ဤအရာကို ဆုံးဖြတ်နိုင်ခြင်း မရှိပေ။ စိတ်နှလုံးတစ်ခုလုံးဖြင့် မိမိတို့ကိုယ်ကိုယ် ဘုရားသခင်အား ဆက်ကပ်ပူဇော်သော သူတို့သည် ကြီးစွာသော ကောင်းချီးများကို ဧကန်မုချ ရရှိကြလိမ့်မည် ဖြစ်သော်လည်း မိမိတို့၏ အသက်များကို ထိန်းသိမ်းရန် ကြိုးပမ်းသောသူတို့သည် ၎င်းတို့၏ အသက်များကို ဆုံးရှုံးခြင်းသာ ဖြစ်လိမ့်မည်။ အရာအားလုံးနှင့် ကိစ္စရပ်အားလုံးသည် အနန္တတန်ခိုးရှင် ဘုရားသခင်၏ လက်ထဲ၌သာ ရှိသည်။ သင်၏ခြေလှမ်းများကို ရပ်တန့်မထားပါနှင့်တော့။ ဧရာမပြောင်းလဲမှုကြီးသည် ကောင်းကင်နှင့် မြေကြီးဆီသို့ ရောက်ရှိလာပြီး၊ လူသားသည် ယင်းမှ ပုန်းကွယ်ရန် မည်သို့မျှ မဖြစ်နိုင်ပေ။ သူ့အတွက် ခါးသီးသော ငိုကြွေးမြည်တမ်းခြင်းကလွဲ၍ အခြား ရွေးချယ်စရာရှိလိမ့်မည် မဟုတ်။ ယနေ့ သန့်ရှင်းသော ဝိညာဉ်တော် လုပ်နေသည့် အလုပ်နောက်သို့ လိုက်လော့။ သူ၏ အမှုတော် မည်သည့်အဆင့်သို့ တိုးတက်ပြီးသည်နှင့်ပတ်သက်၍ အခြားမည်သူကမျှ အသိပေးစရာမလိုဘဲ၊ မိမိစိတ်ထဲတွင် ရှင်းလင်းသင့်ပေသည်။ ယခု အနန္တတန်ခိုးရှင် ဘုရားသခင်၏ မျက်မှောက်ထဲသို့ သင်တတ်နိုင်သရွေ့ မကြာခဏ ပြန်လာလော့။ အရာရာတိုင်းအတွက် သူ့ကို တောင်းလျှောက်လော့။ သူသည် သင့်အား အတွင်း၌ ဧကန်မုချ အသိဉာဏ် ပွင့်လင်းစေလိမ့်မည်ဖြစ်ပြီး၊ သေရေးရှင်ရေးဖြစ်သော အခိုက်အတန့်များ၌ သူသည် သင့်ကို ကာကွယ်လိမ့်မည်။ ကြောက်ရွံ့ခြင်း မရှိနှင့်။ သူသည် သင်၏ ဖြစ်တည်မှုတစ်ခုလုံးအား ပိုင်ဆိုင်ထားနှင့်ပြီဖြစ်၏။ သူ၏ ကာကွယ်ခြင်းနှင့် သူ၏ စောင့်ရှောက်ခြင်းရှိလျှင်၊ သင့်အတွက် အဘယ်အရာ ကြောက်ဖို့ရှိသနည်း။ ယနေ့တွင် ဘုရားသခင်၏အလိုတော် ဖြစ်မြောက်အောင်မြင်မှုသည် လက်တစ်ကမ်းတွင်ရှိပြီး ကြောက်ရွံ့သော မည်သူမဆို ဆုံးရှုံးနိုင်ခြေသာ မြင့်မားပေသည်။ သင့်ကို ငါပြောနေသည်မှာ သမ္မာတရားဖြစ်၏။ သင်၏ ဝိညာဉ်ရေးမျက်စိများကို ဖွင့်လော့- ကောင်းကင်သည် ချက်ချင်း ပြောင်းလဲနိုင်၏၊ သို့သော် သင့်အတွက် ကြောက်ရမည့်အရာ မည်သည့်အရာရှိသနည်း။ သူ၏ လက်ကို အနည်းငယ်မျှ လှုပ်ရှားခြင်းဖြင့်၊ ကောင်းကင်နှင့် မြေကြီးသည် ချက်ချင်း ပျက်သုဉ်းသွားကြ၏။ ထို့ကြောင့် လူသားသည် စိုးရိမ်ပူပန်ခြင်းဖြင့် အဘယ်အရာ ရရှိနိုင်သနည်း။ အရာခပ်သိမ်းသည် ဘုရားသခင်၏ လက်ထဲ၌ ရှိသည် မဟုတ်သလော။ အကယ်၍ ကောင်းကင်နှင့်မြေကြီးကို ပြောင်းလဲဖို့ သူ အမိန့်ပေးပါက၊ ၎င်းတို့သည် ပြောင်းလဲကြလိမ့်မည်။ အကယ်၍ ငါတို့သည် စုံလင်ခံရဖို့ဖြစ်သည်ဟု သူဆိုပါက၊ ငါတို့ စုံလင်ခြင်းခံရကြလိမ့်မည် ဖြစ်သည်။ လူသားအနေဖြင့် စိုးရိမ်ပူပန်ရန် မလိုအပ်ပေ၊ သို့သော် တည်ငြိမ်စွာ ရှေ့ဆက်သင့်၏။ မည်သို့ပင်ဆိုစေ၊ သင်သည် တတ်နိုင်သမျှ အလေးဂရုပြုကာ နိုးနိုးကြားကြား ရှိရမည်။ ကောင်းကင်သည် ချက်ချင်း ပြောင်းလဲသွားနိုင်သည်။ လူသည် မိမိ၏ ပကတိမျက်စိများကို မည်မျှကျယ်ဝန်းစွာ ဖွင့်ထားပါစေ မည်သည့်အရာကိုမျှ သိပ်မြင်နိုင်လိမ့်မည်မဟုတ်။ ယခု ဂရုစိုက်ကြည့်လော့။ ဘုရားသခင်၏ အလိုတော်သည် ပြီးမြောက်ပြီးဖြစ်သည်၊ သူ၏ စီမံကိန်းသည် ပြည့်စုံပြီးဖြစ်သည်၊ သူ၏ အစီအစဉ်သည် အောင်မြင်ပြီး ဖြစ်ကာ သူ၏ သားတို့သည် သူ၏ပလ္လင်ဆီသို့ အားလုံးရောက်ရှိပြီးဖြစ်သည်။ ၎င်းတို့သည် တိုင်းနိုင်ငံတိုင်းနှင့် လူမျိုးအားလုံးကို အနန္တတန်ခိုးရှင် ဘုရားသခင်နှင့်အတူ တရားစီရင်ဖို့ အတူတကွ လာကြလေသည်။ အသင်းတော်ကို နှိပ်စက်ညှဉ်းပန်းနေခဲ့ပြီး ဘုရားသခင်၏ သားတို့ကို ထိခိုက်နစ်နာစေခဲ့သော သူတို့သည် ပြင်းထန်သော ပြစ်ဒဏ်ပေးခြင်းနှင့် ကြုံရကြလိမ့်မည်- ဤသည်မှာ ဧကန်မလွဲဖြစ်၏။ ဘုရားသခင်အား မိမိတို့ကိုယ်ကိုယ် စစ်မှန်ရိုးသားစွာ ပေးအပ်သူ၊ အရာရာတိုင်းကို ထိန်းသိမ်းသောသူတို့ကို၊ ဘုရားသခင်သည် မည်သည့်အခါမျှ ပြောင်းလဲခြင်းမရှိဘဲ၊ ထာဝရကာလပတ်လုံး ဧကန်မုချ ချစ်လိမ့်မည် ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၄၂” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၈)

ငါ၏ နက်နဲမှုများ ထုတ်ဖော်ပြခံရပြီး ပွင့်ပွင့်လင်းလင်း ထင်ရှားကာ မကွယ်ဝှက်တော့သည်မှာ ငါ၏ ကျေးဇူးနှင့် ကရုဏာကြောင့် လုံးလုံးလျားလျား ဖြစ်၏။ ထို့အပြင်၊ လူသားတို့ကြား ငါ၏ နှုတ်ကပတ်တော် ပေါ်ထွန်းပြီး ဖုံးကွယ်မထားတော့သည်မှာလည်း ငါ၏ ကျေးဇူးနှင့် ကရုဏာတို့ကြောင့် ဖြစ်သည်။ ငါ့အတွက် ရိုးသားစစ်မှန်စွာ အသုံးခံကြပြီး မိမိတို့ကိုယ်ကိုယ် ငါ့အဖို့ ဆက်ကပ်အပ်နှံသူအားလုံးကို ငါ ချစ်၏။ ငါ့ထံမှ မွေးဖွားသော်လည်း ငါ့ကို မသိဘဲ အာခံခြင်းပင် ပြုသောသူအားလုံးကို ငါ မုန်း၏။ ငါ့အတွက် ရိုးသားစစ်မှန်သောသူ မည်သူကိုမဆို ငါ စွန့်လိမ့်မည်မဟုတ်။ ယင်းထက်၊ ထိုလူ၏ ကောင်းကြီးမင်္ဂလာများကို ငါ နှစ်ဆဖြစ်စေမည်။ ကျေးဇူးကန်းပြီး ငါ၏ ကြင်နာမှုကို ချိုးဖောက်သူများကို ငါသည် နှစ်ဆ ပြစ်ဒဏ်ပေးမည်ဖြစ်ပြီး ၎င်းတို့ကို လွယ်လွယ် သက်ညှာမည်မဟုတ်။ ငါ၏ နိုင်ငံတော်တွင် ကောက်ကျစ်ခြင်း သို့မဟုတ် လှည့်စားခြင်း မရှိသကဲ့သို့ လောကီဆန်ခြင်းမရှိ။ ယင်းမှာ လူသေအနံ့မရှိဟု ဆိုလိုသည်။ ယင်းထက်၊ အားလုံးသည် ရိုးသားခြင်းနှင့် ဖြောင့်မတ်ခြင်းတို့ ရှိလေသည်။ မည်သည့်အရာမျှ ကွယ်ဝှက်ခြင်း သို့မဟုတ် ဖုံးကွယ်ခြင်း မရှိဘဲနှင့် အရာအားလုံး ဖြူစင်ခြင်းနှင့် ပွင့်လင်းခြင်း ရှိလေသည်။ အရာရာသည် လတ်ဆတ်၏၊ အရာရာမှာ ပျော်မွေ့စရာဖြစ်ပြီး၊ အရာရာသည် တည်ဆောက်စရာဖြစ်လေသည်။ လူသေ အနံ့ထွက်နေသေးသူ မည်သူမဆိုသည် ငါ၏ နိုင်ငံတော်ထဲတွင် မကျန်ရှိနိုင်သကဲ့သို့ ယင်းအစား ငါ၏ သံမဏိတောင်ဝှေးဖြင့် အုပ်စိုးခြင်း ခံရမည်။ မမှတ်မိနိုင်သည့် အချိန်ကာလမှ မျက်မှောက်ခေတ်အထိ၊ မကုန်ဆုံးနိုင်သော နက်နဲမှုများအားလုံးသည် နောက်ဆုံးသောကာလတွင် ငါ့အားဖြင့် ရယူခြင်းခံရသည့် လူစု ဖြစ်သော သင်တို့အား အပြည့်အဝ ထုတ်ဖော်ပြလေပြီ။ သင်တို့ ကောင်းချီးခံစားရသည်ဟု မထင်သလော။ ထို့အပြင်၊ အရာအားလုံး ပွင့်ပွင့်လင်းလင်း ထုတ်ဖော်ပြခံရသည့်‌ နေ့ရက်များသည်၊ ငါ၏ အုပ်စိုးခြင်းကို သင်တို့ မျှဝေခံစားရသည့် နေ့ရက်များ ဖြစ်သည်။

ရှင်ဘုရင်များကဲ့သို့ အမှန်တကယ် အုပ်စိုးသည့် လူစုသည် ငါ၏ ကြိုတင်ခွဲခန့်မှတ်သားထားခြင်းနှင့် ရွေးချယ်မှုတို့အပေါ် မှီခိုကြပြီး ထိုအတွင်းတွင် လူသားအလို လုံးဝ မရှိပေ။ ဤအရာတွင် ပါဝင်ဝံ့သူ မည်သူမဆိုသည် ငါ၏ လက်မှ ရိုက်နှက်မှုတစ်ခုကို ခံရမည်ဖြစ်ပြီး ထိုသို့သော လူတို့သည် ငါ၏ ပြင်းပြသောမီးကို ခံရမည့်သူများ ဖြစ်လိမ့်မည်။ ဤသည်မှာ ငါ၏ ဖြောင့်မတ်ခြင်းနှင့် ဘုန်းအာနုဘော်၏ အခြားတစ်ဖက် ဖြစ်သည်။ အရာခပ်သိမ်းကို ငါ အုပ်စိုးသည်ဟု ငါ ပြောပြီးဖြစ်သည်၊ ငါသည် ဩဇာအာဏာအပြည့်အဝကို ကိုင်စွဲသည့် ဉာဏ်ပညာရှိသော ဘုရားသခင်ဖြစ်ပြီး ငါသည် မည်သူ့ကိုမျှ သက်ညှာခြင်းမရှိ။ ငါသည် လုံးဝ ရက်စက်၏၊ ပုဂ္ဂိုလ်ရေး ခံစားချက်များ လုံးဝ ကင်းမဲ့၏။ ငါသည် မည်သူကိုမဆို (သူမည်မျှ အပြောကောင်းသည်ဖြစ်စေ၊ ငါသည် သူ့ကို သက်ညှာမည်မဟုတ်) ငါ၏ ဖြောင့်မတ်ခြင်း၊ ရိုးသားခြင်းနှင့် ဘုန်းအာနုဘော်တို့ဖြင့် ဆက်ဆံ၏၊ ထိုအတောအတွင်း ငါ့လုပ်ဆောင်ချက်များ၏ အံ့ဖွယ်ရာအပြင် ငါ၏ လုပ်ဆောင်ချက်များ မည်သည့်အရာ ဆိုလိုသည်တို့ကို အယောက်တိုင်းအား ပိုမိုကောင်းမွန်စွာ မြင်နိုင်စေသည်။ ငါသည် နတ်ဆိုးများကို အနက်ဆုံးသော တွင်းထဲသို့ အသီးသီး ပစ်ချရင်း၊ ၎င်းတို့ ကျူးလွန်သည့် လုပ်ရပ်မျိုးစုံတို့အတွက် တစ်ဦးပြီးတစ်ဦး အပြစ်ပေးခဲ့သည်။ ၎င်းတို့ကို ရာထူးမရှိ ဖြစ်ကျန်ရစ်စေလျက်၊ ၎င်းတို့အား အလုပ်လုပ်ရန် နေရာမရှိ ဖြစ်ကျန်ရစ်စေလျက်၊ အချိန်ကာလမစတင်မီ ဤအမှုကို ငါ ပြီးစီးခဲ့သည်။ ငါ၏ ကြိုတင်ခွဲခန့်မှတ်သားခြင်း ခံရပြီး ရွေးချယ်ခံရသည့် သူများဖြစ်သော ငါ၏ ရွေးချယ်ထားသောလူများထဲမှ မည်သူမျှ နတ်ဆိုးများ၏ ဝင်ပူးခြင်းကို မခံရနိုင်ဘဲ၊ ယင်းအစား အစဉ်အမြဲ သန့်ရှင်းကြပေလိမ့်မည်။ ငါ ကြိုတင်ခွဲခန့်မှတ်သားခြင်း မရှိသကဲ့သို့ ရွေးချယ်မခံရသူတို့အတွက်မူ၊ ငါသည် ၎င်းတို့ကို စာတန်ထံ လွှဲပြောင်းပေးမည်ဖြစ်ပြီး ၎င်းတို့ကို ဆက်လက်တည်ရှိရန် အခွင့်ပေးတော့မည် မဟုတ်။ အားလုံးကို ကြည့်လျှင်၊ ငါ၏ စီမံခန့်ခွဲမှုအမိန့်များသည် ငါ၏ ဖြောင့်မတ်ခြင်းနှင့် ငါ၏ ဘုန်းအာနုဘော်တို့ ပါဝင်သည်။ စာတန်အမှုပြုသည့်သူတို့ထဲမှ မည်သူတစ်ဦးတစ်ယောက်ကိုမျှပင် ငါသည် သက်ညှာမည်မဟုတ်ဘဲ၊ စာတန်ကို ငါ မုန်းတီးသည့်အတွက် ၎င်းတို့ကို ၎င်းတို့၏ ခန္ဓာများနှင့်အတူ မရဏနိုင်ငံထဲသို့ ပစ်ချမည်။ ယင်းကို ငါသည် လုံးဝ အလွယ်တကူ ချမ်းသာပေးမည်မဟုတ်ဘဲ သူ၏ အလုပ်ကို လုပ်ဆောင်ရန် နည်းနည်းမျှ အခွင့်အရေးမပေးဘဲလျက်၊ ငါလုံးဝ ဖျက်စီးမည်။ အတိုင်းအတာတစ်ခုအထိ စာတန် ဖျက်ဆီးထားသည့် သူတို့သည် (ယင်းမှာ ကပ်ဘေးခံရမည့်သူများကို ဆိုလိုသည်) ငါကိုယ်တိုင်၏ လက်၏ အမြော်အမြင်ရှိသော စီမံခန့်ခွဲမှုအောက်တွင် ရှိကြ၏။ ဤသည်မှာ စာတန်၏ ကြမ်းကြုတ်ရက်စက်ခြင်း ရလဒ်တစ်ခုအဖြစ် ဖြစ်ပျက်လေပြီဟု မထင်နှင့်။ ငါသည် စကြဝဠာနှင့် အရာခပ်သိမ်းတို့ကို အုပ်စိုးသည့် အနန္တတန်ခိုးရှင် ဘုရားသခင်ဖြစ်သည်ကို သိလော့။ ငါ့အတွက်၊ ဖြေရှင်းမရသည့် ပြဿနာများ မရှိသကဲ့သို့၊ မပြီးမြောက်နိုင်သည့်အရာ တစ်ခုခု သို့မဟုတ် မိန့်မြွက်မရသည့် နှုတ်ကပတ်တော် တစ်ခွန်းတစ်လေမျှ သာ၍မရှိပေ။ လူသားများသည် ငါ၏ အကြံပေးပုဂ္ဂိုလ်များအဖြစ် ပြုမူရမည်မဟုတ်။ ငါ၏ လက်ဖြင့် ရိုက်ချခံရပြီး မရဏနိုင်ငံထဲသို့ ပစ်ချခံရမည့်အဖြစ်ကို သတိပြုလော့။ ဤအရာကို သင့်အား ငါ ပြော၏။ ယနေ့ ငါနှင့်အတူ ကြိုတင်၍ ပူးပေါင်းလုပ်ဆောင်သော သူများသည် အတော်ဆုံးသောသူများဖြစ်ပြီး ၎င်းတို့အားလုံး ဆုံးရှုံးမှုများကို ရှောင်ရှားကာ တရားစီရင်ခြင်း၏ နာကျင်မှုမှ လွတ်မြောက်ကြလေသည်။ ဤအရာအားလုံးသည် ငါ၏ စီမံခန့်ခွဲမှုများဖြစ်ပြီး၊ ငါ၏ ကြိုတင်ခွဲခန့်မှတ်သားခြင်း ဖြစ်သည်။ အဆင်ခြင်မဲ့သော မှတ်ချက်များကို မပြုနှင့်၊ ပြီးလျှင် သင် အလွန်ကြီးမြတ်သည်ဟု တွေးထင်လျက် အရည်မရအဖတ်မရ မပြောဆိုနှင့်။ ဤအရာအားလုံးသည် ငါ၏ ကြိုတင်ခွဲခန့်မှတ်သားခြင်းမှတစ်ဆင့် ဖြစ်သည် မဟုတ်လော။ ငါ၏ အကြံပေးများဖြစ်မည့် သင်တို့သည် အရှက်မသိကြလေတကား။ သင်တို့၏ ကိုယ်ပိုင် ဝိညာဉ်အသက်တာကို သင်တို့ မသိကြ။ ယင်းမှာ သနားစဖွယ် သေးနုတ်လိုက်ပါဘိ။ ထိုသို့ဖြစ်သော်လည်း၊ ဤအရာသည် ကြီးမားသော ကိစ္စရပ်တစ်ခုမဟုတ်ဟု သင်တို့ ထင်ပြီး မိမိတို့ကိုယ်ကိုယ် မိမိတို့မသိပေ။ တစ်ကြိမ်ပြီးတစ်ကြိမ်၊ ငါ၏ ဆင်းရဲဒုက္ခကြီးမားသော အားထုတ်မှုများကို အချည်းနှီးဖြစ်စေလျက်၊ ပြီးလျှင် ၎င်းတို့သည် ငါ၏ ကျေးဇူးတော်နှင့် ကရုဏာတော်တို့၏ သရုပ်သကန်များဖြစ်သည်ကို လုံးဝ နားလည်ခြင်းမရှိဘဲလျက် ငါ၏ နှုတ်ကပတ်တော်များကို သင်တို့ ဂရုမစိုက်ချေ။ ယင်းထက်၊ သင်၏ ကိုယ်ပိုင် လိမ္မာပါးနပ်မှုကို အကြိမ်ကြိမ် ကြွားဖို့ သင် ကြိုးစားလေသည်။ ဤအရာကို သင် မှတ်မိပါသလော။ ၎င်းတို့ အလွန်တော်သည်ဟု ထင်သော လူတို့သည် မည်သည့် ပြစ်တင်ဆုံးမှုကို ရရှိရမည်နည်း။ ငါ၏ နှုတ်ကပတ်တော်များကို စိတ်မဝင်စားသကဲ့သို့ သစ္စာမရှိဘဲလျက်၊ ပြီးလျှင် ၎င်းတို့ကို သင်တို့၏ စိတ်နှလုံးများထဲတွင် စွဲမြဲခြင်းမရှိဘဲလျက်၊ သင်တို့သည် ဤအရာ၊ ထိုအရာတို့ကို လုပ်ဆောင်ဖို့ ငါ့ကို ဟန်ဆောင်မှုတစ်ခုအဖြစ် အသုံးပြုကြသည်။ မကောင်းမှုပြုသူတို့။ သင်တို့သည် မည်သည့်အချိန်တွင် ငါ၏ စိတ်နှလုံးကို အပြည့်အဝ ထည့်သွင်းစဉ်းစားနိုင်မည်နည်း။ သင်တို့သည် ထိုအရာကို အရေးထားခြင်းမရှိ၊ ထို့ကြောင့် သင်တို့ကို “မကောင်းမှုပြုသူများ” ဟု ခေါ်ဆိုခြင်းသည် သင်တို့ကို နှိပ်စက်ခြင်းတစ်ခု မဟုတ်ချေ။ ယင်းသည် သင်တို့နှင့် လုံးဝ သင့်တော်ပေသည်။

ယနေ့ တစ်ချိန်က ကွယ်ဝှက်ထားသည့် အရာများကို ငါသည် သင်တို့ကို တစ်ခုပြီးတစ်ခု ပြသနေ၏။ အဆင်းနီသော နဂါးကြီးသည် အနက်ဆုံးသော တွင်းထဲသို့ ပစ်ချခံရပြီး လုံးဝ ဖျက်ဆီးခံရလေသည်၊ အဘယ်ကြောင့်ဆိုသော် ယင်းကို ထိန်းသိမ်းထားခြင်းက လုံးဝ အသုံးဝင်မည် မဟုတ်သည့်အတွက် ဖြစ်သည်။ ယင်းသည် ခရစ်တော်အတွက် အစေခံမှု မလုပ်ဆောင်နိုင်ဟု ဆိုလိုခြင်း ဖြစ်သည်။ နောက်နောင်တွင်၊ နီသောအရာများသည် တည်ရှိတော့မည်မဟုတ်။ တဖြည်းဖြည်း၊ ၎င်းတို့သည် ဘာမျှမရှိခြင်းသို့ ချုံးကျသွားရပေမည်။ ငါပြောသည့်အရာကို ငါ လုပ်၏။ ဤသည်မှာ ငါ့အမှု၏ စုံလင်ခြင်း ဖြစ်သည်။ လူသား အယူအဆများကို ဖယ်ရှားလော့။ ငါ ပြောပြီးသမျှအရာရာကို ငါ လုပ်ဆောင်ပြီးလေပြီ။ လိမ္မာပါးနပ်ဖို့ ကြိုးစားသူ မည်သူမဆိုသည် မိမိတို့ကိုယ်ကိုယ်အပေါ် ပျက်စီးခြင်းနှင့် အထင်သေးခြင်းတို့ ဆောင်ယူလာနေခြင်းသာ ဖြစ်ပြီး၊ အသက်မရှင်ချင်ပေ။ ထို့ကြောင့်၊ ငါသည် သင့်ကို စိတ်ကျေနပ်စေမည်ဖြစ်ပြီး ထိုသို့သော လူတို့ကို ထိန်းသိမ်းမည်မဟုတ်သည်ကား သေချာပေသည်။ နောက်နောင်တွင်၊ လူဦးရေသည် ထူးချွန်မှု တိုးပွားလိမ့်မည်၊ ငါနှင့်အတူ ကြိုတင်၍ ပူးပေါင်းလုပ်ဆောင်ခြင်း မရှိသူအားလုံးမှာမူ ဘာမျှမရှိခြင်းသို့ တွန်းပို့ခံရကြလိမ့်မည်။ ငါ လက်ခံပြီးဖြစ်သည့် သူတို့သည် ငါ စုံလင်စေမည့်သူများဖြစ်ပြီး တစ်ဦးတစ်ယောက်ကိုမျှ ငါ စွန့်ပစ်မည်မဟုတ်။ ငါပြောသည့်အရာတွင် ရှေ့နောက်မညီခြင်းများ မရှိ။ ငါနှင့်အတူ ကြိုတင်၍ ပူးပေါင်းလုပ်ဆောင်ခြင်း မရှိသူများသည် ပြစ်တင်ဆုံးမခြင်းကို သာ၍ ခံစားရမည်ဖြစ်သော်လည်း၊ နောက်ဆုံးတွင် ၎င်းတို့ကို ငါဧကန်မုချ ကယ်တင်မည်ဖြစ်သည်။ သို့သော်၊ ထိုအချိန်အရောက်တွင် ၎င်းတို့ အသက်တာများ၏ အတိုင်းအတာသည် အတော်အတန် ကွာခြားလိမ့်မည်။ သင်သည် ထိုသို့သော လူတစ်ဦး ဖြစ်ချင်သလော။ ထကာ ငါနှင့်အတူ ပူးပေါင်းလုပ်ဆောင်လော့။ ငါ့အတွက် ရိုးသားစစ်မှန်စွာ အသုံးခံသူ မည်သူကိုမဆို ငါသည် ဧကန်မုချ ကပေကရေ ဆက်ဆံမည် မဟုတ်။ ငါ့ထံ မိမိတို့ကိုယ်ကိုယ် လေးလေးနက်နက် ဆက်ကပ်သောသူတို့အတွက်မူ၊ သင့်အပေါ် ငါ၏ ကောင်းချီးမင်္ဂလာများအားလုံးကို ငါ အပ်နှင်းမည်။ ငါ့ထံ သင်ကိုယ်သင် အပြည့်အဝ ဆက်ကပ်လော့။ သင် စားသည့်အရာ၊ ဝတ်သည့်အရာနှင့် သင်၏ အနာဂတ် အားလုံးသည် ငါ၏ လက်ထဲတွင် ရှိ၏။ ဘယ်သောအခါမျှ သုံးကုန်မည်မဟုတ်သည့် မဆုံးနိုင်သော ပျော်မွေ့မှုကို သင် ရရှိဖို့အလို့ငှာ အရာရာကို သင့်တင့်လျောက်ပတ်စွာ ငါ စီစဉ်မည်။ ဤသည်မှာ အဘယ့်ကြောင့်ဆိုသော်၊ ငါက၊ “ငါ့အတွက် ရိုးသားစွာ အသုံးခံသော သူတို့အဖို့၊ ငါသည် သင့်ကို ဧကန်အမှန်ပင် ကြီးစွာသော ကောင်းချီးပေးမည်။” ဟု ဆိုလေပြီးဖြစ်သောကြောင့် ဖြစ်သည်။ ကောင်းချီးမင်္ဂလာများအားလုံးသည် ငါ့အတွက် ရိုးသားစစ်မှန်စွာ အသုံးခံသည့် လူတိုင်းထံ ရောက်လာလိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၇၀” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၅၉)

လူထုအပေါင်းတို့သည် ငါ့ကို သြဘာပေးကြ၏။ လူထုအပေါင်းတို့သည် ငါ့ကို ချီးမွမ်းကြ၏။ နှုတ်ခပ်သိမ်းတို့သည် တစ်ဆူတည်းသော စစ်မှန်သည့် ဘုရားသခင်၏ နာမတော်ကို မြွက်ဆိုကြ၏။ လူခပ်သိမ်းတို့သည် ငါ၏ဆောင်ရွက်ချက်တို့ကို မော်ကြည့်ကြ၏။ နိုင်ငံတော်သည် လူ့လောကသို့ ဆင်းသက်၏၊ ငါ၏ ဇာတိအဖြစ်တော်သည် ချမ်းသာကြွယ်ဝ၏။ အဘယ်သူသည် ဤအရာအတွက် မဝမ်းမြောက်ဘဲ ရှိမည်နည်း။ အဘယ်သူသည် ပျော်ရွှင်မှုကြောင့် မကဘဲနေမည်နည်း။ အို...ဇိအုန်၊ ငါ့ကို ချီးကျူးဂုဏ်ပြုရန် သင်၏အောင်လံကို လွှင့်ထူလော့။ ငါ၏ သန့်ရှင်းသောနာမကို ဖြန့်ကျက်ရန် သင်၏အောင်ပွဲခံသီချင်းကို ဆိုလော့။ မြေကြီးစွန်းတိုင်ရှိသော ဖန်ဆင်းခြင်းအပေါင်းတို့၊ သင်တို့သည် ငါ့အတွက် ပူဇော်သက္ကာများ ဖြစ်စေနိုင်ရန် မိမိကိုယ်ကိုယ် အလျင်အမြန် သန့်စင်ကြလော့။ ကောင်းကင်ထက်က ကြယ်တာရာတို့၊ မိုးမျက်နှာကြက်၌ ငါ၏ အားကြီးသောတန်ခိုးကို ပြသရန် သင်တို့၏နေရာသို့ အလျင်အမြန် ပြန်ကြလော့။ ငါသည် မိမိတို့၏ အသင်္ချေချစ်ခြင်းနှင့် ကြောက်ရွံ့ခြင်းကို သီချင်းအားဖြင့် ငါ့အပေါ်သွန်းလောင်းသော မြေကြီးပေါ်ရှိ လူတို့၏ အသံများကို နားစိုက်ထောင်၏။ ဤနေ့ရက်တွင် ဖန်ဆင်းခြင်းခပ်သိမ်း ပြန်လည်အသက်ဝင်လာစဉ် လူ့လောကထဲသို့ ငါဆင်းကြွလာ၏။ ဤအချိန်၊ ဤအခါသမယတွင်ပင် ပန်းများအပေါင်းတို့ ဝေဝေဆာဆာ ပွင့်လန်းကုန်၍၊ ငှက်များအပေါင်းတို့ သံပြိုင်သီချင်းဆိုကာ၊ အရာခပ်သိမ်းတို့ ပျော်ရွှင်မှုဖြင့် တုန်လှုပ်လျက်ရှိကြ၏။ နိုင်ငံတော်၏ ဂုဏ်ပြုသံအားဖြင့် စာတန်၏နိုင်ငံတော် ပြိုလဲကာ ကောင်းကင်နိုင်ငံတော်သီချင်း၏ မြည်ဟည်းသံကြောင့် ပျက်စီးလျက်၊ နောက်တဖန် လုံးဝ မပေါ်ထွန်းတော့ချေ။

ကမ္ဘာပေါ်မှ မည်သူသည် ထ၍ဆန့်ကျင်ဝံ့သနည်း။ မြေကြီးပေါ်သို့ ငါဆင်းသက်စဉ်တွင် ငါသည် လောင်ကျွမ်းခြင်းကို ယူဆောင်ခဲ့၏။ အမျက်ဒေါသကို ယူဆောင်ခဲ့၏။ ကပ်ဘေးအမျိုးမျိုးကို ယူဆောင်ခဲ့၏။ လောကီနိုင်ငံတို့သည် ယခုတွင် ငါ၏ နိုင်ငံတော်ဖြစ်၏။ ကောင်းကင်ထက်တွင် တိမ်များလူးလှိမ့်ပြီး တလိပ်လိပ် ထကြွကြ၏။ ကောင်းကင်အောက်တွင် အိုင်များနှင့်မြစ်များ တစ်ဟုန်ထိုး မြင့်တက်၍ နိုးကြားစေသော တေးသွားတစ်ပုဒ်ကို ဝမ်းသာအားရ ထုတ်ဆိုကြ၏။ နားနေသည့်တိရစ္ဆာန်များ ၎င်းတို့၏သားရဲတွင်းများမှ ပေါ်ထွက်လာကာ လူအပေါင်းတို့ အိပ်စက်ခြင်းမှ ငါ့ကြောင့် နိုးထကြ၏။ နောက်ဆုံးတွင် များလှစွာသောလူမျိုးတို့ စောင့်စားခဲ့သည့်နေ့ရက် ရောက်လာပေပြီ။ သူတို့သည် ငါ့အား အသာယာဆုံး သီချင်းများ ပူဇော်ကြ၏။

ဤသာယာလှပသောအချိန်တွင်၊ ဤစိတ်လှုပ်ရှားဖွယ်အချိန်တွင်၊

အထက်တွင်ရှိကောင်းကင်တို့နှင့် ကောင်းကင်အောက်ရှိ အရာခပ်သိမ်းတို့ ယခု ချီးမွမ်းကြ၏။ အဘယ်သူသည် ဤအတွက် စိတ်မလှုပ်ရှားဘဲနေမည်နည်း။

အဘယ်သူသည် ဤအတွက် မပျော်ဘဲနေမည်နည်း။ အဘယ်သူသည် ဤအခါသမယတွင် မငိုဘဲနေမည်နည်း။

ကောင်းကင်သည် ယခင်ကောင်းကင်နှင့် မတူပေ။ ယခု ကောင်းကင်သည် နိုင်ငံတော်၏ကောင်းကင်ဖြစ်၏။

ယခုမြေကြီးသည် ယခင်မြေကြီး မဟုတ်တော့ဘဲ ယခု သန့်ရှင်းသောမြေကြီးဖြစ်၏။

မိုးသည်းထန်စွာရွာပြီးနောက် ညစ်ညမ်းသောကမ္ဘာဟောင်းသည် လုံးဝပြောင်းလဲသွားလေသည်။

တောင်များ ပြောင်းလဲနေသည်...ရေများ ပြောင်းလဲနေသည်...

လူတို့သည်လည်း ပြောင်းလဲနေသည်...အရာခပ်သိမ်း ပြောင်းလဲနေသည်...

တိတ်သောတောင်တို့၊ ငါ့အတွက် ကကြလော့။

ရေသေတို့၊ လွတ်လပ်စွာ စီးဆင်းလော့။

အိပ်နေသောအမျိုးသားတို့။ နိုးထ၍လိုက်ကြလာ့။

ငါရောက်လာပြီ...နောက် ငါစိုးစံ၏...

လူခပ်သိမ်းသည် ၎င်းတို့မျက်လုံးများဖြင့် ငါ့မျက်နှာကို မြင်ကြမည်။ ခပ်သိမ်းတို့သည် ၎င်းတို့နားများဖြင့် ငါ့အသံကြားမည်။

နိုင်ငံတော်ရှိဘဝကို ၎င်းတို့ကိုယ်တိုင် ခံစားမည်...

ချစ်ဖွယ်ကောင်းလှ၏...လှလွန်း၏...

မေ့မရနိုင်...မေ့မရနိုင်...

လောင်နေသောငါ့ဒေါသတွင် အဆင်းနီသောနဂါးကြီး ရုန်းကန်၏။

ငါ၏ဘုန်းအာနုဘော်ဖြစ်သော စီရင်ချက်တွင် နတ်ဆိုးတို့ သူတို့၏ သဏ္ဍာန်အစစ်တို့ကို ပြကြ၏။

ခက်ထန်သောငါ၏နှုတ်ကပတ်တော်တို့တွင် ခပ်သိမ်းတို့ ရှက်ကြ၏၊ ၎င်းတို့၏မျက်နှာများ မပြရဲကြ။

အတိတ်ကိုပြန်သတိရလျက်၊ ငါ့ကိုသူတို့လှောင်ပြောင်ပုံ၊

၎င်းတို့ မိမိကိုယ်ကိုယ် အစဉ်ဝါကြွားနေလျက်၊ ငါ့ကိုအစဉ် အာခံနေလျက်။

ယနေ့ အဘယ်သူမငိုဘဲနေမည်နည်း။ နောင်တမရဘဲ နေမည်နည်း။

စကြဝဠာကမ္ဘာတစ်ခုလုံး မျက်ရည်များပြည့်နေ၏...

ပျော်ရွှင်နေသည့်အသံများပြည့်လျက်...ရယ်သံများပြည့်လျက်...

နှိုင်းမရသောပျော်ရွှင်မှု...နှိုင်းမရသောပျော်ရွှင်မှု...

မိုးဖွဲသံလေး...နှင်းထူထူ တောင်ပံခတ်လျက်ကျနေသည်...

လူတို့ဝမ်းနည်းခြင်းနှင့်ပျော်ရွှင်မှု ရောနေလျက်...အချို့ရယ်နေသည်...

အချို့ရှိုက်ငိုနေသည်...နောက် အချို့သြဘာပေးနေသည်...

လူတို့ မေ့လျော့သွားသည်အလား...တိမ်ဖုံးနေလား၊ မိုးရွာနေသောနွေဦးလား၊

ပန်းများပွင့်နေသောနွေလား၊ အလျှံပယ်ရိတ်သိမ်းသည့် ဆောင်းဦးလား၊

ရေခဲနှင့်ဆီးနှင်းခဲလောက် အေးသည့်ဆောင်းလား၊ မည်သူမျှမသိ...

ကောင်းကင်တွင်တိမ်များလွင့်မျောသည်၊ မြေကြီးတွင်ပင်လယ်များ ဆူကြ၏။

သားတို့လက်ဝှေ့ယမ်းကြ၏...လူတို့ ကလျက် ခြေထောက်များ လှုပ်ကြ၏...

ကောင်းကင်တမန်တို့ အမှုထမ်းနေကြ၏...ကောင်းကင်တမန်တို့ သိုးထိန်းနေကြ၏...

မြေပြင်ရှိလူတို့ ပျားပန်းခပ်မျှ လှုပ်ရှားနေကြ၏၊ မြေပြင်ပေါ်ရှိ အရာခပ်သိမ်း ပွားများကြ၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ကောင်းကင်နိုင်ငံတော်သီချင်း” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၀)

လူသားမျိုးနွယ်တွင်ရှိသည့်လူတိုင်းသည် ငါ့ဝိညာဉ်၏လေ့လာခြင်းကို လက်ခံသင့်သည်၊ ၎င်းတို့၏ စကားလုံးတိုင်းနှင့် လုပ်ဆောင်ချက်တိုင်းကို အနီးကပ်စိစစ်သင့်သည်၊ ထို့အပြင် ငါ၏အံ့သြဖွယ်ရာ လုပ်ဆောင်ချက်များကို ကြည့်ရှုသင့်သည်။ ကမ္ဘာမြေကြီးပေါ်တွင် နိုင်ငံတော်တည်ထောင်သည့်အခါ သင်တို့ မည်သို့ခံစားရသနည်း။ ငါ့သားများနှင့် ငါ့လူများ ငါ့ပလ္လင်သို့ တသီတတန်းလာကြသောအခါ၊ ငါသည် ဖြူသောပလ္လင်ကြီး ရှေ့မှောက်တွင် တရားစီရင်ခြင်းကို တရားဝင်စတင်သည်။ ဆိုလိုသည်မှာ ကမ္ဘာမြေကြီးပေါ်၌ ငါ၏အမှုကို ငါကိုယ်တိုင်စတင်သည့်အခါနှင့် တရားစီရင်ခြင်းခေတ် အဆုံးသတ်ချိန်နီးသည့် အခါတို့တွင် ငါသည် ငါ၏နှုတ်ကပတ်တော်တို့ကို စကြဝဠာတစ်ခုလုံးသို့ စတင်၍ညွှန်ကြားကာ ငါ့ဝိညာဉ်၏ အသံကို စကြဝဠာတစ်ခုလုံးသို့ ထုတ်လွှတ်သည်။ မြေကြီးသည် ညစ်ပေခြင်းနှင့် လိင်ကိစ္စများတွင် ကိုယ်ကျင့်သိက္ခာ ကင်းမဲ့ခြင်းတို့ မရှိတော့ဘဲ သန့်ရှင်းသောနိုင်ငံတော်တစ်ခုဖြစ်စေရန်၊ ငါ၏ နှုတ်ကပတ်တော်တို့အားဖြင့် ကောင်းကင်ဘုံနှင့် ကမ္ဘာမြေကြီးရှိ လူခပ်သိမ်းနှင့် အရာခပ်သိမ်းကို သန့်စင်စေရန် ငါဆေးကြောမည်။ ၎င်းတို့ကိုငါအသုံးပြုရေးအတွက် ထောက်ပံ့ပေးစေရန်အလို့ငှာ၊ ၎င်းတို့၏ မြေကြီးနှင့်စပ်ဆိုင်သော ထွက်သက်ဝင်သက် မရှိတော့စေခြင်းအလို့ငှာနှင့် ၎င်းတို့သည် မြေကြီး၏အရသာနှင့် စွန်းထင်း မနေစေတော့ရန် ငါသည် အရာခပ်သိမ်းကို အသစ်ဖြစ်စေမည်။ မြေကြီးပေါ်တွင် လူသားသည် ငါ့နှုတ်ကပတ်တော်များ၏ ရည်မှန်းချက်ပန်းတိုင်နှင့် မူလအစများကို စမ်းတဝါးဝါးရှာလျက် ငါ့လုပ်ဆောင်ချက်တို့ကို ကြည့်ရှုခဲ့ပြီးဖြစ်သော်လည်း မည်သူမျှ ငါ့နှုတ်ကပတ်တော်များ၏ မူလအစများကို စစ်မှန်စွာသိခဲ့ဖူးခြင်း မရှိပေ။ ထို့အပြင် မည်သူမျှ ငါ၏လုပ်ဆောင်ချက်များတွင် အံ့သြဖွယ်ရာကောင်းခြင်းကို စစ်မှန်စွာ တွေ့မြင်ခဲ့ဖူးခြင်းမရှိပေ။ ယနေ့တွင်သာ ငါကိုယ်တိုင်လူသားအကြားလာ၍ ငါ့နှုတ်ကပတ်တော်များကို ပြောဆိုသည့်အခါ လူသားသည် ၎င်းတို့၏ အတွေးများထဲ “ငါ့” အတွက် ပေးထားသည့်နေရာကို ဖယ်ရှားလျက်၊ ၎င်းအစား ၎င်းတို့၏အသိဉာဏ်တွင် လက်တွေ့ကျသော ဘုရားသခင်အတွက် နေရာတစ်နေရာဖန်တီးကာ ငါ့ကို အနည်းငယ်သိကြ၏။ လူသားတွင် အယူအဆများရှိကာ သိလိုစိတ်နှင့် ပြည့်နှက်နေ၏။ ဘုရားသခင်ကို မြင်လိုသည့် ဆန္ဒမရှိသူ မည်သူရှိမည်နည်း။ ဘုရားသခင်နှင့် ကြုံတွေ့လိုသည့် ဆန္ဒမရှိသူ မည်သူရှိမည်နည်း။ သို့သော် ဝိုးတဝါးနှင့် စိတ်ကူးသက်သက်ဟု လူသားမှခံစားရသော ဘုရားသခင်သာလျှင် လူသား၏နှလုံးသားတွင် သေချာသည့် နေရာတစ်ခုယူထားသော တစ်ခုတည်းသောအရာ ဖြစ်၏။ ငါမှရိုးရှင်းစွာမပြောလျှင် မည်သူက ဤသည်ကို သိမည်နည်း။ ငါအမှန်ပင် တည်ရှိကြောင်းကို မည်သူက စစ်မှန်စွာယုံကြည်မည်နည်း။ အကယ်စင်စစ် သံသယအရိပ်အမြွက်တစ်ခုမျှ မရှိဘဲ မည်သူယုံကြည်မည်နည်း။ လူသား၏နှလုံးသားတွင်ရှိသည့် “ငါ” နှင့် လက်တွေ့ဘဝတွင်ရှိသည့် “ငါ” တို့အကြား ကြီးမားသည့်ကွာခြားမှုရှိ၍ ၎င်းတို့နှစ်ခုအကြား မည်သူမျှ နှိုင်းယှဉ်နိုင်စွမ်း မရှိပေ။ ငါသည် လူ့ဇာတိ မခံယူခဲ့ပါက လူသားသည် ငါ့ကို မည်သည့်အခါမျှ သိမည်မဟုတ်ဘဲ၊ ငါ့အား သူသိလာသော်မှ ဤကဲ့သို့သော အသိသည် အယူအဆတစ်ခုမျှသာ ဖြစ်နေဦးမည် မဟုတ်လော။ အဆက်မပြတ်စီးဆင်းနေသည့် လူတို့အကြား ငါသည် နေ့စဉ် လျှောက်လှမ်း၍ လူတစ်ဦးစီ၏အတွင်းတွင် ငါသည် နေ့စဉ် ဆောင်ရွက်၏။ လူသားသည် ငါ့ကို အမှန်စင်စစ်တွေ့သည့်အခါ၊ သူသည် ငါ၏နှုတ်ကပတ်တော်များ၌ ငါ့ကိုသိနိုင်မည်ဖြစ်ကာ ငါပြောဆိုသည့် နည်းလမ်းများအပြင် ငါ၏ရည်ရွယ်ချက်များအား နားလည်လိမ့်မည်ဖြစ်သည်။

ကမ္ဘာမြေကြီးပေါ်တွင် နိုင်ငံတော် တရားဝင်တည်ထောင်သည့်အခါ အရာခပ်သိမ်းအကြား မည်သည့်အရာသည် ဆိတ်ငြိမ်လျက် မနေသနည်း။ လူခပ်သိမ်းအကြား မည်သူသည် မကြောက်ရွံ့ဘဲ နေသနည်း။ စကြဝဠာ လောကတစ်ခွင်ငါသည် နေရာတိုင်း လျှောက်လှမ်း၍ အရာခပ်သိမ်းကို ငါကိုယ်တိုင် စီမံ၏။ ဤအချိန်တွင် ငါ၏လုပ်ဆောင်ချက်များသည် အံ့သြဖွယ်ကောင်းသည်ကို မည်သူမသိသနည်း။ ငါ၏လက်များသည် အရာခပ်သိမ်းကို ထောက်ပင့်ထားသော်လည်း ငါသည် အရာခပ်သိမ်း၏ အထက်တွင်လည်း ရှိ၏။ ယနေ့ ငါ၏လူ့ဇာတိခံယူခြင်းနှင့် လူသားအကြား ငါကိုယ်တိုင်ရှိနေခြင်းသည် ငါ၏နှိမ့်ချခြင်းနှင့် ဖုံးကွယ်နေခြင်း၏ စစ်မှန်သောအဓိပ္ပာယ် မဟုတ်ပေဘူးလော။ အပြင်ပန်းတွင် များစွာသော လူတို့သည် ငါ့အား ကောင်းသည်ဟု ချီးမွမ်းလျက် လှသည်ဟု ချီးကျူးကြသော်လည်း မည်သူသည် ငါ့အား စစ်မှန်စွာသိသနည်း။ ယနေ့ ငါသည် သင်တို့ကို ငါ့အားသိရန် အဘယ်ကြောင့် တောင်းဆိုသနည်း။ ငါ၏ရည်မှန်းချက်မှာ အဆင်းနီသောနဂါးကြီးကို အရှက်ရစေရန် မဟုတ်သလော။ ငါသည် လူသားအား ငါ့ကို ချီးကျူးရန် အတင်းအကျပ်မပြုလိုသော်လည်း သူ့အား ငါ့ကိုသိစေလိုကာ ထိုသို့သိခြင်းအားဖြင့် သူသည် ငါ့ကို ချစ်လာကာ၊ ဤသို့ဖြင့် ငါ့ကို ချီးမွမ်းစေလိုသည်။ ထိုကဲ့သို့သော ချီးမွမ်းခြင်းသည် ၎င်း၏အမည်နှင့် ထိုက်တန်၍ အချည်းနှီးပြောဆိုခြင်း မဟုတ်ပေ။ ဤသို့သောချီးမွမ်းခြင်းသည်သာ ငါ၏ပလ္လင်သို့ရောက်နိုင်၍ မိုးကောင်းကင်သို့ တက်နိုင်မည်ဖြစ်သည်။ လူသားသည် စာတန်၏ သွေးဆောင်ခြင်းနှင့် ဖျက်ဆီးခြင်းခံရသဖြင့်၊ သူသည် အယူအဆများနှင့်သဘောထားတို့၏ လွှမ်းမိုခြင်းခံရခဲ့သဖြင့်၊ လူသားမျိုးနွယ်တစ်ရပ်လုံးကို ကိုယ်တိုင် သိမ်းပိုက်ရန်၊ လူသား၏အယူအဆအားလုံးကို ဖော်ထုတ်ရန်နှင့် လူသား၏စဉ်းစားခြင်းကို အစိတ်စိတ်အမွှာမွှာ ဆုတ်ဖြဲပစ်ရန်အလို့ငှာ ငါသည် လူ့ဇာတိခံယူခဲ့ပြီးဖြစ်၏။ ရလဒ်အနေဖြင့် လူသားသည် ငါ၏ရှေ့မှောက်တွင် ဝင့်ဝါစွာလျှောက်ပြခြင်း မပြုတော့ဘဲ၊ သူ၏ကိုယ်ပိုင်အယူအဆများကို အသုံးပြု၍ ငါ့အားအစေခံခြင်းလည်း မပြုတော့ပေ။ ထို့ကြောင့် လူသားတို့၏အယူအဆများတွင်ရှိသည့် “ငါ” ကို လုံးဝ ပပျောက်စေသည်။ နိုင်ငံတော် တည်ထောင်သည့်အခါ၊ ငါသည် အမှု၏ဤအဆင့်ကို အရင်ဆုံးစတင်ကာ ငါ၏လူတို့အကြား၌လည်း ငါသည် ဤသို့ပြု၏။ အဆင်းနီသောနဂါးကြီး၏နိုင်ငံတွင် မွေးဖွားသောငါ၏လူတို့ဖြစ်သဖြင့်၊ အကယ်စင်စစ် သင်တို့၏အတွင်းတွင် အဆင်းနီသောနဂါးကြီး၏ အဆိပ် အနည်းငယ်သာပင် သို့မဟုတ် တစ်စိတ်တစ်ပိုင်းပင် မရှိပေ။ ထို့ကြောင့် ငါ့အမှု၏ဤအဆင့်သည် အဓိကအားဖြင့် သင်တို့အပေါ် အာရုံစူးစိုက်ထားခြင်းဖြစ်ကာ၊ ဤသည်မှာ တရုတ်နိုင်ငံတွင် ငါလူ့ဇာတိခံယူခြင်းအဓိပ္ပာယ်၏ ကဏ္ဍတစ်ရပ်ဖြစ်သည်။ လူအများစုသည် ငါပြောသည့် နှုတ်ကပတ်တော်များ၏ အပိုင်းအစတစ်ခုကိုမျှပင် နားလည်နိုင်ခြင်းမရှိဘဲ၊ ၎င်းတို့ နားလည်သည့်အခါတွင်လည်း ၎င်းတို့၏နားလည်ခြင်းသည် ဝိုးတိုးဝါးတားနှင့် မရှင်းမလင်းဖြစ်၏။ ဤသည်မှာ ငါ့ပြောဆိုသည့်နည်းနာ၏ အလှည့်အပြောင်း တစ်ခုဖြစ်၏။ လူအားလုံးသည် ငါ၏နှုတ်ကပတ်တော်များကို ဖတ်၍ ၎င်းတို့၏အဓိပ္ပာယ်များကို နားလည်နိုင်ပါက၊ လူသားအကြား မည်သူသည် ကယ်တင်ခြင်းခံရကာ မရဏနိုင်ငံသို့ ပစ်ချမခံဘဲ နေရနိုင်မည်နည်း။ လူသားသည် ငါ့ကိုသိ၍နာခံသည့်အခါသည် ငါနားသည့်အခါ ဖြစ်လိမ့်မည်။ ထို့အပြင် လူသားသည် ငါ့နှုတ်ကပတ်တော်များ၏အဓိပ္ပာယ်ကို နားလည်နိုင်သည့် အချိန်ပင်ဖြစ်လိမ့်မည်။ ယနေ့ သင်ငါ့ကိုသိခြင်းအကြောင်းကို မဆိုနှင့်၊ သင်၏ ဝိညာဉ်အသက်တာသည် သေးငယ်လွန်း၏။ သနားစဖွယ်ကောင်းလောက်အောင်ပင် သေးငယ်၏။ ချီးမြှောက်ရန်ပင်မထိုက်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၁” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၁)

ငါစတင်ပြောဆိုသော အခိုက်အတန့် အတိအကျလည်းဖြစ်သည့် အရှေ့အရပ်မှ လျှပ်ပြက်သောအခါ၊ လျှပ်ပြက်သည့် အခိုက်အတန့်တွင် အမြင့်ဆုံးကောင်းကင်ဘုံတစ်ခုလုံး ထွန်းလင်းသွားပြီး ကြယ်များအားလုံး စတင်ကာ သဏ္ဌာန်ပြောင်းလဲကြလေသည်။ ၎င်းမှာ လူသားမျိုးနွယ် တစ်ရပ်လုံး သင့်တော်သော သန့်ရှင်းစင်ကြယ်စေခြင်းနှင့် အမျိုးအစား ခွဲခြင်းကို ခံရသည့်အလား ထင်ရပေသည်။ အရှေ့အရပ်မှ ဤအလင်းရောင်ခြည်မျှင်တန်း၏ ထိန်လင်းမှုအောက်တွင် လူသားမျိုးနွယ် အားလုံးသည် ၎င်းတို့၏ မူလသဏ္ဌာန်အတိုင်း ထုတ်ဖော်ခြင်းကို ခံကြရသည်၊ မျက်လုံးများ ပြာသွားကြသည်၊ ရှုပ်ထွေးခြင်းထဲတွင် ပိတ်ဆို့သွားကြ လေသည်၊ သို့ဖြစ်စေကာမူ လူအနည်းငယ်တို့သည် ၎င်းတို့၏ အကျည်းတန်သော ရုပ်များကို ဖုံးကွယ်နိုင်ကြသေးသည်။ ထို့အတူ ၎င်းတို့သည် ငါ၏အလင်းမှ တောင်ပေါ်ဂူများတွင် ခိုလှုံရန် ထွက်ပြေးကြ ကုန်သော တိရစ္ဆာန်များကဲ့သို့ ဖြစ်ကြသည်၊ သို့သော်လည်း ၎င်းတို့ထဲမှ တစ်ဦးမျှ ငါ၏ အလင်းရောင်အတွင်း မှေးမှိန်ပျောက်ကွယ်သွားနိုင်ခြင်း မရှိကြပေ။ လူသားအားလုံးသည် အလွန်အံ့အားသင့်ကြသည်၊ အားလုံးသည် စောင့်ဆိုင်းနေကြသည်၊ အားလုံးသည် စောင့်ကြည့်နေကြသည်၊ ငါ၏ အလင်းရောင် ပေါ်ထွန်းခြင်းနှင့်အတူ အားလုံးသည် ၎င်းတို့ မွေးဖွားခဲ့သော နေ့ရက်၌ ဝမ်းမြောက်ကြသကဲ့သို့ အားလုံးသည် ၎င်းတို့ မွေးဖွားခဲ့သော နေ့ရက်အား ကျိန်ဆဲကြလေသည်။ ကွဲလွဲလျက်နေသော စိတ်ခံစားချက်များကို ရှင်းလင်းစွာပြောဆိုရန် မဖြစ်နိုင်ပေ၊ မိမိကိုယ်ကို အပြစ်ပေးသော မျက်ရည်များမှ မြစ်များ ဖြစ်ပေါ်လာပြီး ရိုက်ပုတ်သော ရေစီးပေါ်တွင် သယ်ဆောင်သွားခြင်းကို ခံရပြီး လျှက်တစ်ပြက်အတွင်း အစအနမရှိဘဲ ပျောက်ကွယ်ကြလေသည်။ ငါ၏ နေ့ရက်သည် လူသားမျိုးနွယ်အပေါ် နောက်တစ်ကြိမ် အပူတပြင်း နီးကပ်လာပြီး၊ လူသားမျိုးနွယ်အား နောက်တစ်ကြိမ် နှိုးဆော်ကာ အသစ်သော အစအဦးတစ်ခုကို ဖန်တီးရန် လူ့လောကကြီးအား အမှတ်တစ်ခုကို ပေးလျက်နေသည်။ ငါ၏နှလုံးသည် ခုန်လျက်ရှိပြီး ငါ၏ နှလုံးခုန်သံ စည်းချက်များအတိုင်း တောင်များသည် ဝမ်းမြောက်ခြင်းဖြင့် ခုန်ပေါက် ကြသည်၊ ရေတို့သည် ဝမ်းမြောက်ခြင်းဖြင့် ကခုန်ကြပြီး ရေလှိုင်းများသည် စည်းဝါးအတိုင်း သန္တာကျောက်တန်းများပေါ်တွင် ရိုက်ခတ်ကြလေသည်။ ငါ၏ စိတ်နှလုံးထဲ၌ ရှိသော အရာကို ဖော်ပြရန် ခက်ခဲလှသည်။ မသန့်ရှင်းသော အရာမှန်သမျှကို ငါ၏ အကြည့်အောက်တွင် ပြာမှုန့်များအဖြစ်သို့ မီးရှို့ပစ်ရန် ငါအလိုရှိသည်၊ မနာခံခြင်း၏ သားများအားလုံးကို နောက်ထပ် မည်သည့်အခါမျှ တဝဲလည်လည် မကျန်ရစ်စေရန် သို့မဟုတ် မတည်ရှိခြင်းငှာ ငါ၏မျက်စိရှေ့မှ ကွယ်ပျောက်စေရန် ငါအလိုရှိသည်။ ငါသည် အဆင်းနီသော နဂါးကြီး ကျက်စားသောနေရာတွင် အသစ်သော အစအဦးတစ်ခုကို ဖြစ်စေခဲ့သည် သာမက စကြဝဠာတွင် အသစ်သော အလုပ်ကိုလည်း စတင်လုပ်ဆောင်ခဲ့ပြီ ဖြစ်သည်။ မကြာမီ မြေကြီးပေါ်မှ တိုင်းနိုင်ငံများသည် ငါ၏ နိုင်ငံတော် ဖြစ်လာကြလိမ့်မည် ဖြစ်သည်၊ ငါ၏ နိုင်ငံတော်ကြောင့် မကြာမီ မြေကြီးပေါ်မှ တိုင်းနိုင်ငံများမှာ တည်ရှိမှု အစဉ်အမြဲ ရပ်တန့်သွားမည် ဖြစ်သည်၊ အဘယ်ကြောင့်ဆိုသော် ငါသည် အောင်မြင်ခဲ့နှင့်ပြီး ဖြစ်သည်၊ အဘယ်ကြောင့်ဆိုသော် ငါသည် အောင်ပွဲဖြင့် တစ်ဖန်ပြန်လာခဲ့ခြင်းကြောင့် ဖြစ်သည်။ မြေကြီးပေါ်မှ ငါ၏ အလုပ်ကို ဖျောက်ဖျက်ပစ်ရန် မျှော်လင့်ချက်ဖြင့် ငါ၏ အစီအစဉ်ကို နှောင့်ယှက်ရန်အတွက် အဆင်းနီသော နဂါးကြီးထံတွင် ကြံစည်၍ရနိုင်သမျှ နည်းလမ်းများ ကုန်ခန်းသွားပြီ ဖြစ်သည်၊ သို့သော်လည်း ငါသည် ၎င်း၏ လိမ်လည်လှည့်ဖြားသော ပရိယာယ်ကြောင့် စိတ်ပျက်အားလျော့လာနိုင်သလော။ ၎င်း၏ ခြိမ်းခြောက်မှုများအားဖြင့် ငါသည် စိတ်ချယုံကြည်မှု ပျက်ကာ စိုးရိမ်ပူပန်နိုင်သလော။ ငါ၏ လက်ဖဝါးထဲတွင် ငါဆုပ်ကိုင်ထားခြင်းမရှိသော သတ္တဝါတစ်ကောင်မျှ ကောင်းကင် သို့မဟုတ် မြေကြီးပေါ်တွင် ရှိခဲ့ခြင်း မရှိ၊ ဤသည်မှာ ငါ့အား အဖြည့်ခံတစ်ခုအဖြစ် အစေခံသည့် ဤတန်ဆာပလာ၊ အဆင်းနီသော နဂါးကြီးအတွက် မည်မျှပို၍ပင် မှန်သနည်း။ ၎င်းသည် ငါ၏လက်ဖြင့် ကြိုးကိုင်ထားသော အရာတစ်ခုလည်း ဖြစ်သည်မဟုတ်လော။

လူ့လောကထဲတွင် ငါလူ့ဇာတိခံယူစဉ် အချိန်တွင် လူသားမျိုးနွယ်သည် ငါ၏ဦးဆောင်လမ်းပြသော လက်၏ အကူအညီအားဖြင့် ဤနေ့ရက်သို့ အမှတ်တမဲ့ ရောက်ရှိလာခဲ့ကြပြီး ငါ့အား အမှတ်တမဲ့ သိလာခဲ့ကြသည်။ သို့သော်လည်း ရှေ့တွင်ရှိသည့်လမ်းပေါ် မည်ကဲ့သို့ လျှောက်လှမ်းရမည် နှင့်စပ်လျဉ်း၍ မည်သူ့ထံတွင်မျှ အရိပ်အမြွက် မရှိ၊ မည်သူမျှ မသိကြသည့်အပြင် ထိုလမ်းသည် မိမိအား ခေါ်ဆောင်သွားမည့် ဦးတည်ရာနှင့်ပတ်သက်၍ မည်သူ တစ်ဦးတစ်ယောက်ထံတွင်မျှ သဲလွန်စတစ်ခု မရှိကြပေ။ အနန္တတန်ခိုးရှင်၏ ဂရုစိုက်ကြည့်ရှုခြင်းဖြင့်သာ မည်သူမဆို ထိုလမ်းကို အဆုံးတိုင် လျှောက်လှမ်းနိုင်မည် ဖြစ်သည်၊ အရှေ့အရပ်မှ လျှပ်ပြက်ခြင်း၏ ဦးဆောင်လမ်းပြခြင်းအားဖြင့်သာ မည်သူမဆို ငါ၏နိုင်ငံတော်သို့ ဦးတည့်ပေးသော တံခါးခုံကို ဖြတ်ကျော်နိုင်မည် ဖြစ်သည်။ လူသားများအကြားတွင် ငါ၏မျက်နှာကို တွေ့မြင်ဖူးသောသူ၊ အရှေ့အရပ်မှ လျှပ်ပြက်ခြင်းကို တွေ့မြင်ဖူးသော သူတစ်ဦး မည်သည့်အခါကမျှ မရှိခဲ့ပေ၊ ငါ၏ပလ္လင်မှ ပေါ်ထွက်လာသော အသံကို ကြားဖူးသောသူတစ်ဦးဆိုပါက ဖော်ပြရန်ပင် အကြောင်းမရှိ တော့ပေ။ အမှန်မှာ ခေတ်ဟောင်း နေ့ရက်များကတည်းက ငါ၏ ဇာတိအဖြစ်တော်နှင့် တိုက်ရိုက် ထိတွေ့ဆက်သွယ်ဖူးသော လူသား တစ်ဦးမျှ မရှိခဲ့ပေ၊ ငါလောကကြီးထဲသို့ ရောက်လာခဲ့သည့်အချိန် ယနေ့တွင်သာ လူသားတို့သည် ငါ့အား တွေ့မြင်ရန် အခွင့်အရေးတစ်ခု အမှန်တကယ် ရှိလာကြသည်။ သို့သော်လည်း ယခုတွင်ပင်လျှင် လူတို့သည် ငါ့အား မသိကြသေးပေ၊ ၎င်းတို့သည် ငါ၏ မျက်နှာကိုသာ ကြည့်ရုံမျှသာ ကြည့်ကြသကဲ့သို့ ငါ၏ အသံကိုသာ ကြားရုံသာ ကြားကြသော်လည်း ငါဆိုလိုသောအရာကို နားလည်ခြင်း မရှိကြပေ။ လူသားအားလုံးမှာ ဤကဲ့သို့ ဖြစ်ကြသည်။ ငါ၏လူများထဲမှ တစ်ဦးအနေဖြင့် သင်တို့သည် ငါ၏မျက်နှာကို တွေ့မြင်ရသည့်အခါ သင်တို့သည် လှိုက်လှဲသော ဂုဏ်ယူပီတိဖြစ်ခြင်းကို မခံစားရသလော။ ထို့အပြင် သင်တို့သည် ငါ့အား မသိကြသည့်အတွက် အလွန့်အလွန် အရှက်ရခြင်းကို မခံစားရသလော။ ငါသည် လူ့ဇာတိခံယူခဲ့ပြီး ငါသည် လူ့လောကထဲသို့ ကြွလာခဲ့ခြင်းကြောင့် ငါသည် လူသားများ အကြားတွင် လျှောက်လှမ်းပြီး လူသားများအကြားတွင် နေထိုင်သည်။ ငါ၏ ရည်မှန်းချက်မှာ လူသားများသည် ငါ၏ လူ့ဇာတိကို မျှော်ကြည့်စေရုံမျှသာ ကူညီပေးရန် မဟုတ်ပေ၊ ပို၍ အရေးကြီးသည်မှာ လူသားများ ငါ့အား သိလာစေဖို့ ကူညီပေးရန် ဖြစ်သည်။ ထိုမျှမက ငါသည် ငါ၏ လူ့ဇာတိခံယူသော လူ့ဇာတိအားဖြင့် လူသားတို့အား ၎င်းတို့၏ အပြစ်များကို စီရင်ချက်ချမည်၊ ငါသည် ငါ၏ လူ့ဇာတိခံယူသော လူ့ဇာတိအားဖြင့် အဆင်းနီသော နဂါးကြီးကို နှိမ်နင်းကာ ၎င်း၏ သားရဲတွင်းကို နင်းခြေမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၂” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၂)

စကြဝဠာတစ်လျှောက်လုံးမှ လူများသည် ငါ၏နေ့ရက်ရောက်လာခြင်းအပေါ် ပွဲလမ်းသဘင် ကျင်းပကြပြီး၊ ကောင်းကင်တမန်များသည် လူထုအလယ်တွင် လျှောက်သွားကြသည်။ စာတန်သည် ဒုက္ခပေးသောအခါ၊ ကောင်းကင်တမန်များသည် ကောင်းကင်ဘုံရှိ ၎င်းတို့၏ အစေခံမှုကြောင့် ငါ၏လူများကို အမြဲတစေပင် ကူညီကြသည်။ သူတို့သည် လူသား၏ အားနည်းချက်ကြောင့် မာရ်နတ်၏ လှည့်ဖြားခြင်းကို မခံရသော်လည်း၊ အမှောင်စွမ်းအားများ၏ အပြင်းအထန်တိုက်ခိုက်မှု၏အကျိုးဆက်အနေဖြင့် မြူထူကို ဖောက်ထွင်း၍ လူသား၏အသက်တာကို ရင်ဆိုင်ရန် သာ၍ပင် ကြိုးစားကြ၏။ လူများအားလုံးသည် ငါ၏နာမအောက်တွင် ဆက်ကပ်အပ်နှံကြပြီး၊ မည်သည့်အခါမျှပင် မည်သူတစ်ဦးတစ်ယောက်ကမျှ ငါ့ကို ပွင့်လင်းစွာ ဆန့်ကျင်ရန် ထကြွခြင်း မရှိကြ။ ကောင်းကင်တမန်များ၏ ကြိုးစားလုပ်ဆောင်မှုကြောင့်၊ လူသားသည် ငါ၏နာမကို လက်ခံပြီး အားလုံးတို့မှာ ငါ့အလုပ်၏ ရေစီးကြောင်းထဲတွင် ရှိကြသည်။ ကမ္ဘာကြီးသည် ဆုတ်ယုတ်လာလေပြီတကား။ ဗာဗုလုန်သည် မလှုပ်မယှက်နိုင် ဖြစ်နေပြီတကား။ ဘာသာရေး လောက၊ အဘယ်သို့လျှင် ယင်းသည် ကမ္ဘာမြေကြီးပေါ်ရှိ ငါ၏သြဇာအာဏာအားဖြင့် ဖျက်ဆီးခြင်းကို မခံရဘဲနေနိုင်သနည်း။ မည်သူသည် ငါ့ကို မနာခံ၍ ဆန့်ကျင်ရန် ဝံ့ရဲသေးသနည်း။ ကျမ်းတတ် ပုဂ္ဂိုလ်များလော။ ဘာသာရေး အာဏာပိုင်များလော။ ကမ္ဘာမြေကြီးပေါ်ရှိ အုပ်ချုပ်သူများနှင့် အခွင့်အာဏာရှိသူများလော။ ကောင်းကင်တမန်များလော။ မည်သူသည် ငါ့ခန္ဓာကိုယ်၏ ပြည့်ဝခြင်းနှင့် ပြီးပြည့်စုံခြင်းကို ချီးကျူးဂုဏ်ပြုခြင်း မပြုသနည်း။ လူများအားလုံးအကြားတွင်၊ မည်သူသည် မရပ်မနား ငါ့ကို ချီးမွမ်းထောမနာသီချင်း မဆိုသနည်း၊ မည်သူသည် အစဉ်မပျော်ရွှင်သနည်း။ ငါသည် အဆင်းနီသော နဂါးကြီး၏ သားရဲတွင်းဖြစ်သည့် နိုင်ငံတွင်နေထိုင်သည်၊ သို့သော်ငြားလည်း ဤအရာသည် ငါ့ကို ကြောက်ရွံ့ခြင်းနှင့် ဖိမ့်ဖိမ့်တုန်ခြင်း မဖြစ်စေ၊ သို့မဟုတ် အဝေးသို့ ထွက်ပြေးသွားခြင်းလည်း မဖြစ်စေပါ။ အဘယ်ကြောင့်ဆိုသော် ၎င်း၏လူတို့အားလုံးသည် ၎င်းကို စတင်၍ မုန်းတီးကြပြီဖြစ်သောကြောင့် ဖြစ်သည်။ မည်သည့်အခါမျှပင် တစ်စုံတစ်ရာ၏ “တာဝန်” ကို နဂါး၏ရှေ့တွင် မထမ်းဆောင်ခဲ့ဖူးပေ။ ထိုအစား၊ အရာခပ်သိမ်းသည် သူတို့ သင့်တော်သည်ဟု ထင်သည့်အတိုင်း လုပ်ဆောင်ကြပြီး၊ သူတို့နှင့် အလိုက်ဖက်ဆုံးဖြစ်မည့် လမ်းကြောင်းကို ရွေးချယ်ကြသည်။ ကမ္ဘာမြေကြီးပေါ်ရှိ နိုင်ငံများသည် အဘယ်သို့လျှင် မပျက်စီးနိုင်မည်နည်း။ ကမ္ဘာမြေကြီးပေါ်ရှိ နိုင်ငံများသည် အဘယ်သို့လျှင် မကျဆင်းနိုင်မည်နည်း။ အဘယ်သို့လျှင် ငါ၏လူများသည် အားမတက်ဘဲ နေနိုင်ကြသနည်း။ အဘယ်သို့လျှင် သူတို့သည် ရွှင်လန်းခြင်းနှင့် မကျူးဧနိုင်ရသနည်း။ ဤသည်မှာ လူသား၏အလုပ်လော။ ဤသည်မှာ လူသား၏လက်များ၏ လုပ်ဆောင်ချက်ပင်လော။ ငါသည် လူသားအား သူ့တည်ရှိမှု၏ ရင်းမြစ်ကို ပေးခဲ့ပြီး၊ သူ့ကို ရုပ်ဝတ္ထုပစ္စည်းများနှင့် ထောက်ပံ့ပေးခဲ့သည်၊ သို့သော်ငြားလည်း လူသားသည် သူ၏လက်ရှိအခြေအနေများနှင့်ပတ်သက်၍ မကျေမနပ်ဖြစ်လျက် ငါ၏နိုင်ငံတော်သို့ သူဝင်ရောက်ခြင်းငှာ တောင်းဆို၏။ သို့သော်လည်း အဖိုးအခပေးဆပ်ခြင်း မရှိဘဲနှင့်၊ သူ၏ ကိုယ်ကျိုးမငဲ့သော ဆည်းကပ်ခြင်းကို ဆက်သရန် ဆန္ဒမရှိဘဲနှင့်၊ အဘယ်သို့လျှင် သူသည် ငါ၏နိုင်ငံတော်ထဲသို့ အလွန်လွယ်ကူစွာ ဝင်ရောက်နိုင်မည်နည်း။ လူသားထံမှ တစ်စုံတစ်ရာကို ကြီးစွာတောင်းဆိုမည့်အစား၊ ငါသည် သူ့အပေါ် သတ်မှတ်ချက်များကို ပြုလုပ်သည်၊ ထိုသို့အားဖြင့် ကမ္ဘာမြေကြီးပေါ်ရှိ ငါ၏နိုင်ငံတော်သည် ဘုန်းကျက်သရေနှင့် ပြည့်ဝမည်ဖြစ်သည်။ လူသားသည် လက်ရှိခေတ်ထဲသို့ ငါ့အားဖြင့် လမ်းပြခြင်းကို ခံခဲ့ရသည်၊ သူသည် ဤအခြေအနေ၌ တည်ရှိနေပြီး၊ သူသည် ငါ့အလင်း၏ လမ်းပြမှုအလယ်တွင် နေထိုင်၏။ အကယ်၍ ယင်းသည် ထိုကဲ့သို့မဖြစ်ခဲ့ပါက၊ ကမ္ဘာမြေကြီးပေါ်ရှိ လူသားများထဲမှ မည်သူသည် ၎င်းတို့၏ အလားအလာများကို သိလိမ့်မည်နည်း။ မည်သူသည် ငါ၏အလိုကို နားလည်လိမ့်မည်နည်း။ လူသားအပေါ် သတ်မှတ်ချက်များသို့ ငါ၏ထောက်ပံ့မှုများကို ငါပေါင်းထည့်သည်၊ ဤသည်မှာ သဘာဝနိယာမများနှင့် ကိုက်ညီသည် မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၂” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၃)

နိုင်ငံတော်ထဲတွင် ဖန်ဆင်းခြင်း၏ အသင်္ချေများလှသော အရာများသည် စတင်နှိုးထလာကြပြီး ၎င်းတို့၏ အသက်စွမ်းအားကို ပြန်လည်တစ်ဖန် ရရှိကြသည်။ ကမ္ဘာမြေကြီး၏ အခြေအနေ၌ ပြောင်းလဲခြင်းများကြောင့်၊ ကုန်းမြေတစ်ခုနှင့် နောက်တစ်ခုကြားရှိ နယ်နိမိတ်များသည် စတင်ရွေ့လာကြသည်။ ယခင်က ငါသည် ပရောဖက်ပြုခဲ့ပြီးဖြစ်သည်။ ကုန်းမြေမှ ကုန်းမြေသည် ပိုင်းခြားသွားပြီး၊ ကုန်းမြေနှင့် ကုန်းမြေသည် ပေါင်းစည်းသောအခါ၊ ယင်းမှာ ငါသည် တိုင်းနိုင်ငံများကို အပိုင်းအစများအဖြစ်သို့ ထုချေပစ်မည့် အချိန်လည်းဖြစ်သည်။ ဤအချိန်တွင်၊ ငါသည် ဖန်ဆင်းခြင်း အလုံးစုံကို အသစ်ပြုပြင်ပြီး စကြဝဠာတစ်ခုလုံးကို ပြန်လည်တစ်ဖန် ပိုင်းကန့်မည်ဖြစ်သည်၊ ထိုသို့ဖြင့် စကြဝဠာကို စနစ်တကျ စီစဉ်မည်ဖြစ်ပြီး၊ ၎င်း၏ ဟောင်းသောအခြေအနေကို အသစ်သို့ ပြောင်းလဲစေမည်ဖြစ်သည်။ ဤသည်မှာ ငါ၏အစီအစဉ်ပင်ဖြစ်သည်။ ဤအရာများမှာ ငါ၏အလုပ်များပင် ဖြစ်သည်။ လောကကြီး၏ လူများနှင့် တိုင်းနိုင်ငံများအားလုံးသည် ငါ၏ပလ္လင်ရှေ့မှောက်သို့ လှည့်ပြန်လာသောအခါ၊ ငါသည် ကောင်းကင်ဘုံ၏ ကြွယ်ဝမှုအားလုံးကို ယူငင်လျက် ယင်းအရာများကို လူ့လောကအပေါ်သို့ အပ်နှင်းပေးမည်၊ ထိုသို့အားဖြင့် ငါ၏ကျေးဇူးကြောင့်လျှင်၊ လူ့လောကသည် တုနှိုင်းမဲ့သော ကြွယ်ဝမှုနှင့် ပြည့်လျှံနေလိမ့်မည်။ သို့သော်လည်း လောကဟောင်း ဆက်လက်တည်ရှိနေသရွေ့ ငါ၏ဒေါသကို ၎င်း၏တိုင်းနိုင်ငံများအပေါ်သို့ ငါစေလွှတ်မည်ဖြစ်ပြီး၊ ငါ၏ စီမံအုပ်ချုပ်ရေးဆိုင်ရာ အမိန့်များကို စကြဝဠာ တစ်လျှောက်တွင် ပွင့်လင်းစွာ ထုတ်ပြန်ကြေညာမည် ဖြစ်ကာ၊ ၎င်းတို့ကို ချိုးဖောက်သည့် မည်သူမဆို ပြစ်တင်ဆုံးမခြင်း ခံရမည်ဖြစ်သည်။

ငါသည် ပြောဆိုရန် စကြဝဠာထံသို့ ငါ၏မျက်နှာကို လှည့်လေသောအခါ၊ လူသားမျိုးနွယ် အားလုံးသည် ငါ၏အသံကို ကြားပြီးနောက် ချက်ချင်း စကြဝဠာတစ်လျှောက်တွင် ငါပြုထားသည့် အလုပ်များ အားလုံးကို မြင်လေသည်။ ငါ၏အလိုနှင့် ဆန့်ကျင်သော သူတို့သည်၊ ဆိုလိုသည်မှာ၊ ငါ့ကို လူသား၏အပြုအမူများဖြင့် ဆန့်ကျင်သောသူများသည်၊ ငါ၏ပြစ်တင်ဆုံးမမှုအောက်သို့ ကျရောက်လိမ့်မည် ဖြစ်သည်။ ငါသည် ကောင်းကင်တစ်ခွင်ရှိသည့် မြောက်မြားလှစွာသော ကြယ်များကို ယူငင်လျက် ၎င်းတို့ကို အသစ်ပြုပြင်မည်ဖြစ်ပြီး၊ ငါ့ကျေးဇူးကြောင့် နေနှင့် လသည်လည်း အသစ်ပြုပြင်ခြင်း ခံရလိမ့်မည်ဖြစ်ပြီး၊ မိုးကောင်းကင်သည် ယခင်ကဲ့သို့ ရှိတော့မည်မဟုတ်၊ ကမ္ဘာမြေကြီးပေါ်ရှိ အသင်္ချေများလှသော အရာများသည် အသစ်ပြုပြင်ခြင်း ခံရလိမ့်မည်။ ငါ၏နှုတ်ကပတ်တော်များမှတစ်ဆင့် ခပ်သိမ်းသောအရာတို့သည် ပြီးပြည့်စုံလင်လာကြလိမ့်မည်။ စကြဝဠာအတွင်းရှိ တိုင်းနိုင်ငံများစွာတို့သည် အသစ်တဖန် ပိုင်းကန့်ခံရလိမ့်မည်ဖြစ်ပြီး ငါ၏တိုင်းနိုင်ငံနှင့် အစားထိုးခြင်း ခံရပေလိမ့်မည်၊ ထိုသို့အားဖြင့် ကမ္ဘာမြေကြီးအပေါ်ရှိ တိုင်းနိုင်ငံများသည် ထာဝရ ပျောက်ကွယ်သွားလိမ့်မည်ဖြစ်ပြီး၊ ငါ့ကို ဝတ်ပြုကိုးကွယ်သော တိုင်းနိုင်ငံတစ်ခု ဖြစ်လာပေလိမ့်မည်။ ကမ္ဘာမြေကြီး၏ တိုင်းနိုင်ငံများအားလုံးသည် ဖျက်ဆီးခံရလိမ့်မည်ဖြစ်ပြီး၊ တည်ရှိတော့မည် မဟုတ်ချေ။ စကြဝဠာအတွင်းရှိ သက်ရှိလူသားများတွင် မာရ်နတ်နှင့် သက်ဆိုင်သော သူအားလုံးတို့သည် ရှင်းလင်းသုတ်သင်ခြင်းကို ခံရလိမ့်မည်၊ စာတန်ကို ဝတ်ပြုကိုးကွယ်သော သူအားလုံးတို့သည် ငါ၏လောင်သောမီးဖြင့် အောက်သို့ချထားခြင်းကို ခံရလိမ့်မည်။ ဆိုလိုသည်မှာ ယခုတွင် စမ်းရေအတွင်း၌ရှိသော သူများမှလွဲ၍၊ ကျန်သောသူတို့သည် ပြာအဖြစ်သို့ ပြောင်းလဲခြင်းခံရလိမ့်မည်။ လူမျိုးများစွာတို့ကို ငါပြစ်တင်ဆုံးမသောအခါ ဘာသာရေးလောက၌ရှိသော သူတို့သည် ကွဲပြားခြားနားသော အတိုင်းအတာများဖြင့် ငါ၏နိုင်ငံတော်သို့ ပြန်လာကြမည်ဖြစ်ပြီး ငါ့အလုပ်များ၏ သိမ်းပိုက်ခြင်းကို ခံကြရလိမ့်မည်၊ အဘယ်ကြောင့်ဆိုသော် သန့်ရှင်းသောသူမှာ ဖြူသောမိုးတိမ်ကို စီးလျက် ရောက်ရှိလာသည်ကို ထိုသူတို့ မြင်ခဲ့ပြီးဖြစ်လိမ့်မည် ဖြစ်သောကြောင့်ပင်တည်း။ လူသားမျိုးနွယ်အားလုံးသည် မိမိတို့၏ တူရာအမျိုးအစားနောက်သို့ လိုက်ကြလိမ့်မည်ဖြစ်ပြီး၊ သူတို့ပြုခဲ့သော အရာများအလိုက် ကွဲပြားသော ပြစ်တင် ဆုံးမခြင်းများကို ခံယူကြရမည် ဖြစ်သည်။ ငါ့တစ်ဘက်တွင် ရပ်တည်ခဲ့ကြသော သူများအားလုံးတို့သည် ပျက်စီးကြလိမ့်မည် ဖြစ်သည်။ ကမ္ဘာမြေကြီးပေါ်မှ ၎င်းတို့၏ အပြုအမူများတွင် ငါမပါဝင်ခဲ့သော သူများကမူ၊ သူတို့၏ မိမိတို့ကိုယ်မိမိ ကင်းလွတ်စေခဲ့ပုံကြောင့် ထိုသူတို့သည် ကမ္ဘာမြေကြီးပေါ်၌ ငါ၏သားများနှင့် ငါ့လူများ၏ အုပ်စိုးမှုအောက်တွင် ဆက်လက်တည်ရှိကြလိမ့်မည်။ ငါသည် လူအသင်္ချေထံသို့နှင့် တိုင်းနိုင်ငံအသင်္ချေထံသို့ ငါ့ကိုယ်ငါ ထုတ်ဖော်ပြသမည်၊ လူသားမျိုးနွယ်အားလုံးအတွက် ငါ၏ကြီးမြတ်သောအလုပ် စုံလင်သွားခြင်းကို သူတို့၏ကိုယ်ပိုင်မျက်စိနှင့် မြင်နိုင်ကြရန် ကြွေးကြော်ဖို့ အလို့ငှာ ကမ္ဘာမြေကြီးအပေါ်တွင် ငါ၏ကိုယ်ပိုင်အသံနှင့် မြွက်ဆိုမည်။

ငါ၏အသံသည် ပြင်းပြထက်သန်ခြင်း၌ နက်ရှိုင်းလာသည်နှင့်၊ စကြဝဠာ၏ အခြေအနေကိုလည်း ငါသည် အကဲခတ်နေသည်။ ငါ၏နှုတ်ကပတ်တော်များမှတစ်ဆင့် ဖန်ဆင်းခြင်း၏ အသင်္ချေ များလှသောအရာများ အားလုံးသည် အသစ်ပြုပြင်ခြင်းကိုခံရမည်။ ကောင်းကင်သည် ပြောင်းလဲပြီး၊ ကမ္ဘာမြေကြီးသည်လည်း ပြောင်းလဲမည်။ လူသားမျိုးနွယ်သည် တဖြည်းဖြည်းနှင့် အသီးသီး ၎င်းတို့၏ အမျိုးအစားအလိုက် ၎င်းတို့၏ မူလပုံသဏ္ဌာန်အတိုင်း ထုတ်ဖော်ခြင်းခံရပြီး၊ လူများသည် သတိမပြုမိဘဲ ၎င်းတို့မိသားစုများ၏ ရင်ခွင်အောက်သို့ ပြန်ရာလမ်းကို ရှာတွေ့ကြမည်။ ဤအချိန်တွင် ငါသည် ကြီးစွာကျေနပ်မည်။ ငါသည် ပြိုကွဲပျက်စီးခြင်းနှင့် ကင်းလွတ်ပြီး၊ မည်သူမျှ သတိမပြုမိဘဲ ငါ၏ ကြီးမြတ်သော အလုပ်သည် ပြီးပြည့် စုံလင်လာကာ၊ မည်သူမျှ သတိမပြုမိလိုက်ဘဲနှင့် ဖန်ဆင်းခြင်း၏ အသင်္ချေများလှသော အရာများသည် အသွင်ပြောင်းခြင်း ခံကြရသည်။ ကမ္ဘာလောကကြီးကို ငါဖန်ဆင်းခဲ့သောအခါ၊ အရာခပ်သိမ်းတို့ကို ၎င်းတို့၏ အမျိုးအစားအလိုက် ပုံသဏ္ဌာန်များနှင့် သတ်မှတ်လျက်၊ အရာခပ်သိမ်းတို့ကို ငါသည် ၎င်းတို့၏ အမျိုးအစားအလိုက် ပုံသွင်းခဲ့သည်။ ငါ့စီမံခန့်ခွဲမှုအစီအစဉ်၏ နိဂုံးအဆုံးသည် နီးကပ်လာသည်နှင့်၊ ငါသည် ဖန်ဆင်းခြင်း၏ ယခင်အခြေအနေကို ပြန်လည်တည်ထောင်မည်၊ ငါသည် အရာခပ်သိမ်းကို ယင်းတို့၏ မူလအခြေအနေများဆီသို့ ပြန်လည်ထူထောင်မည်၊ အရာခပ်သိမ်းကို ထူးကဲသာလွန်စွာ ပြောင်းလဲခြင်းအားဖြင့်၊ အရာခပ်သိမ်းသည် ငါ့အစီအစဉ်၏ ရင်ခွင်အောက်သို့ ပြန်လာကြလိမ့်မည်။ အချိန်ကျလာလေပြီ။ ငါ၏အစီအစဉ်ထဲမှ နောက်ဆုံးအဆင့်သည် ပြီးမြောက်အောင်မြင်လုနီးပြီဖြစ်သည်။ အို...ဟောင်းနွမ်း၍ မသန့်စင်သော လောကကြီး၊ သင်သည် ငါ့နှုတ်ကပတ်တော်များအောက်တွင် ဧကန်အမှန်ပင် ကျရှုံးလိမ့်မည်။ ငါ၏အစီအစဉ်အားဖြင့် သင်သည် ဗလာနတ္ထိအဖြစ်သို့ လျှော့ချခြင်း ဧကန်အမှန်ပင် ခံရလိမ့်မည်။ အိုး...ဖန်ဆင်းခြင်း၏ အသင်္ချေများလှသော အရာများတို့၊ သင်တို့အားလုံးသည် ငါ့နှုတ်ကပတ်တော်များအထဲ၌ အသစ်သောအသက်ကို ရကြလိမ့်မည်၊ သင်တို့သည် သင်တို့၏ အကြွင်းမဲ့ပိုင်သအုပ်စိုးသော သခင်ရှိလိမ့်မည်။ အိုး...သန့်စင်၍ အပြစ်အနာအဆာမဲ့သော လောကသစ်ကြီး၊ သင်သည် ငါ့ဘုန်းအထဲတွင် ဧကန်အမှန်ပင် နှိုးထလိမ့်မည်။ အိုး...ဇိအုန်တောင်၊ ထပ်၍ တိတ်ဆိတ်မနေနှင့်။ ငါသည် အောင်မြင်ခြင်းနှင့် ပြန်ကြွလာပြီ။ ဖန်ဆင်းခြင်း၏အလယ်မှ၊ ကမ္ဘာမြေကြီးတစ်ခုလုံးကို ငါသည် စေ့စေ့စပ်စပ် စစ်ဆေး၏။ ကမ္ဘာမြေကြီးပေါ်တွင် လူသားမျိုးနွယ်သည် အသစ်သောအသက်ကို စတင်ခဲ့ပြီး၊ မျှော်လင့်ခြင်းအသစ်ကို အောင်နိုင်လေပြီ။ အိုး...ငါ၏လူများတို့၊ အဘယ်သို့လျှင် သင်တို့သည် ငါ၏ အလင်းရောင်အထဲ၌ အသက်ထံသို့ လှမ်းမလာနိုင်ရသနည်း။ အဘယ်သို့လျှင် သင်တို့သည် ငါ၏လမ်းပြပို့ဆောင်မှုအောက်၌ ရွှင်လန်းခြင်းနှင့် မကခုန်နိုင်ရသနည်း။ ကုန်းမြေတို့သည် ဝမ်းသာရွှင်လန်းခြင်းနှင့် အော်ဟစ်ကြ၏၊ ရေတို့သည်လည်း အားရရွှင်လန်းသော ရယ်မောခြင်းနှင့် ရုန့်ကြမ်းကျယ်လောင်နေကြပါတကား။ အိုး...ရှင်ပြန်ထမြောက်သော ဣသရေလ၊ အဘယ်သို့နှင့် သင်သည် ငါ၏ ရှေးမဆွက ခွဲခန့်မှတ်သားခြင်းအကြောင်းကို ဂုဏ်မယူနိုင် ရသနည်း။ မည်သူသည် ရှိုက်ကြီးတငင် ငိုကြွေးခဲ့ပြီးသနည်း။ မည်သူသည် ငိုကြွေးမြည်တမ်းခဲ့ပြီးသနည်း။ ဟောင်းနွမ်းသော ဣသရေလသည် မတည်ရှိတော့ဘဲ၊ ယနေ့ကာလ၏ ဣသရေလသည် ထမြောက်လေပြီ၊ လောကကြီးတွင် ယင်းသည် မားမားမတ်မတ်နှင့် မြင့်မြင့်မားမားပင် လူသားမျိုးနွယ် အားလုံးတို့၏ နှလုံးသားများထဲတွင် တည်ထားလျက်ရှိသည်။ ယနေ့ကာလ၏ ဣသရေလသည် ငါ၏လူများမှတစ်ဆင့် တည်ရှိဖြစ်တည်မှု၏ ရင်းမြစ်ကို ဧကန်အမှန်ပင် ရရှိလိမ့်မည်။ အိုး...မုန်းတီးခြင်းနှင့်ပြည့်သော အဲဂုတ္တု၊ သင်သည် ဧကန်အမှန်ပင် ငါ့တဘက်၌ ထ၍မနေတော့သည် မဟုတ်လော။ သင်သည် ငါ၏ကရုဏာကို အခွင့်ကောင်းယူလျက် ငါ၏ပြစ်တင်ဆုံးမခြင်းမှ လွတ်မြောက်ရန် အဘယ်သို့လျှင် ကြိုးစားသနည်း။ သင်သည် ငါ၏ပြစ်တင်ဆုံးမခြင်းအတွင်း၌ အဘယ်သို့လျှင် တည်ရှိမနေနိင် ရသနည်း။ ငါချစ်သော ထိုသူအားလုံးသည် ထာဝရကာလတိုင် ဧကန်အမှန် ရှင်သန်ကြလိမ့်မည်ဖြစ်ပြီး၊ ငါ့တစ်ဘက်၌ထကြသော ထိုသူအားလုံးတို့သည်ကား ဧကန်အမှန်ပင် ငါ၏ ပြစ်တင်ဆုံးမခြင်းကို ထာဝရကာလတိုင် ခံကြရပေလိမ့်မည်။ အကြောင်းမူကား၊ ငါသည် အပြစ်ရှိသည်ဟု ယုံလွယ်သော ဘုရားသခင်ဖြစ်တော်မူ၏။ ငါသည် လူအားလုံးကို သူတို့ပြုခဲ့သောအရာများကြောင့် ပေါ့တန်စွာ ချမ်းသာပေးလိမ့်မည် မဟုတ်။ ငါသည် ကမ္ဘာမြေကြီးတစ်ခုလုံးအပေါ်သို့ စောင့်ကြည့်မည်ဖြစ်ပြီး၊ လောကကြီး၏ အရှေ့အရပ်တွင် ဖြောင့်မတ်ခြင်း၊ ဘုန်းအာနုဘော်၊ အမျက်ဒေါသ၊ ပြစ်တင်ဆုံးမခြင်းတို့နှင့် ပေါ်လာလျက်၊ လူသားမျိုးနွယ် အသင်္ချေထံသို့ ငါ့ကိုယ်ငါ ထုတ်ဖော်ပြမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၆” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၄)

ငါ့ကို ချီးမွမ်းရာ၌ ကောင်းကင်တမန်များသည် တေးဂီတကို တီးမှုတ်လေသောအခါ ဤသီချင်းသံသည် လူသားအတွက် ငါ၏ စာနာခြင်းကို မလှုံ့ဆော်ဘဲ မနေနိုင်။ ချက်ချင်းဆိုသလိုပင် ငါ၏ နှလုံးသားသည် ဝမ်းနည်းခြင်းနှင့် ပြည့်လာပြီး ဤစိတ်မချမ်းမြေ့စရာ စိတ်ခံစားချက်မှ ငါ့ကိုယ်ငါ ဖယ်ရှားပစ်ရန် မဖြစ်နိုင်ချေ။ လူသားနှင့် ခွဲခွာခဲ့ရပြီးနောက် ပြန်လည်ပေါင်းစည်း ခဲ့ရသည့် ပူဆွေးခြင်းများနှင့် ဝမ်းမြောက်ခြင်းများ၌ ငါတို့သည် ခံစားချက်များကို ဖလှယ်ရန် မတတ်နိုင်။ အထက်အရပ် ကောင်းကင်ဘုံထဲနှင့် အောက်အရပ် ကမ္ဘာမြေကြီးအပေါ် ကွဲနေခဲ့ပြီး လူသားနှင့် ငါသည် ပုံမှန်တွေ့ဆုံရန် မတတ်နိုင်ကြ။ ယခင်ခံစားချက်များကို တသလွမ်းဆွတ်ခြင်းမှ မည်သူသည် ချိုးဖောက်လွန်မြောက် နိုင်သနည်း။ အတိတ်အကြောင်းကို ပြန်လည် စားမြုံ့ပြန်ခြင်းကို မည်သူသည် ရပ်တန့်နိုင်သနည်း။ မည်သူသည် အတိတ်ခံစားချက်များ၏ ဆက်လက်၍ ဖြစ်ပေါ်တည်ရှိခြင်းကို မမျှော်လင့်လိမ့်မည်နည်း။ မည်သူသည် ငါ၏ ပြန်လာခြင်းကို မအောက်မေ့ဘဲ ရှိလိမ့်မည်နည်း။ လူသားနှင့် ငါ၏ ပြန်လည်ပေါင်းစည်းခြင်းကို မည်သူသည် မတောင့်တဘဲ ရှိလိမ့်မည်နည်း။ ငါ၏ စိတ်နှလုံးသည် အလွန်အမင်း သောကရောက်လျက်ရှိပြီး လူသား၏ ဝိညာဉ်သည် အလွန်အမင်း စိတ်ပူပန်လျက်ရှိသည်။ ဝိညာဉ်သဘောအရ ထပ်တူညီသော်လည်း ငါတို့သည် မကြာခဏပင် အတူတကွ မရှိနိုင်ကြ၊ မကြာခဏပင် အချင်းချင်း မြင်တွေ့၍ မရနိုင်ကြ။ ထို့ကြောင့် လူသားမျိုးနွယ် အားလုံး၏ အသက်တာသည် ပူဆွေးသောကနှင့် တင်းကျမ်းပြည့်နှက်နေပြီး ရှင်သန်မှုစွမ်းအားလည်း ကင်းမဲ့နေသည်၊ အကြောင်းမှာ လူသားသည် ငါ့ကို အစဉ်အမြဲ တမ်းတနေခဲ့သောကြောင့် ဖြစ်သည်။ ဤသည်မှာ လူသတ္တဝါများသည် ကောင်းကင်ဘုံမှ တိုက်ချခံလိုက်ရသော အရာဝတ္ထုများ ဖြစ်သည့်အလား၊ ငါ့ကို မြေပြင်ပေါ်မှ စူးစိုက် မော်ကြည့်လျက် ၎င်းတို့သည် ကမ္ဘာမြေကြီးပေါ်တွင် ငါ၏ အမည်ကို ဟစ်ခေါ်ကြသည်၊ သို့သော်လည်း ၎င်းတို့သည် ငမ်းငမ်းတက် ဆာလောင်နေသော ဝံပုလွေ၏ အန္တရာယ်မှ အဘယ်သို့လျှင် ၎င်းတို့ ကိုယ်ကိုယ် လွတ်မြောက်အောင် လုပ်ဆောင်နိုင်မည်နည်း။ ၎င်းတို့သည် ထိုဝံပုလွေ၏ ခြိမ်းခြောက်ခြင်းများနှင့် ဖြားယောင်းသွေးဆောင်မှုများမှ အဘယ်သို့လျှင် မိမိတို့ကိုယ်မိမိတို့ ကင်းဝေးစေနိုင်မည်နည်း။ ငါ့အစီအစဉ်၏ စီစဉ်ခြင်းကို နာခံခြင်းကြောင့် လူသတ္တဝါများသည် မိမိတို့ကိုယ်မိမိတို့ အဘယ်သို့လျှင် မဆက်ကပ်နိုင်ဘဲ ရှိမည်နည်း။ ထိုသူတို့သည် ကျယ်ကျယ် လောင်လောင် တောင်းပန်တိုးလျှိုးသောအခါ ငါသည် ၎င်းတို့ထံမှ ငါ၏မျက်နှာကို လွှဲလိုက်သည်၊ ဆက်လက်၍ ကြည့်ရန် ငါမခံရပ်နိုင်တော့၊ သို့သော်လည်း အဘယ်သို့လျှင် ငါသည် ၎င်းတို့၏ မျက်ရည်ပြည့်လျှမ်းသော အော်ဟစ်သံများကို မကြားနိုင်ဘဲနှင့် ရှိမည်နည်း။ လူ့လောကကြီး၏ မတရားခြင်းများကို ငါပြင်မည်။ ငါ၏ လူများကို နောက်တစ်ဖန် ဘေးပြုခြင်းမှ စာတန်ကို တားမြစ်လျက်၊ ရန်သူများကို ၎င်းတို့စိတ်ကြိုက် နောက်တစ်ဖန် လုပ်နေခြင်းမှ တားမြစ်လျက် လောကတစ်လွှားတွင် ငါ၏ အလုပ်ကို ငါကိုယ်တိုင်၏ လက်များနှင့် ဆောင်ရွက်မည်။ ငါ၏ ရန်သူများ အားလုံးကို မြေပေါ်သို့ လဲကျစေလျက် ၎င်းတို့၏ ပြစ်မှုများကို ငါ့ရှေ့မှောက် ဝန်ခံလာရန် ပြုလျက် ငါသည် ကမ္ဘာမြေကြီးပေါ်၌ ရှင်ဘုရင် ဖြစ်လာမည်ဖြစ်ပြီး ငါ၏ပလ္လင်ကို ထိုနေရာသို့ ရွှေ့မည်။ ငါ၏ ဝမ်းနည်းမှုထဲတွင် အမျက်ဒေါသသည် ရောထွေးစပ်ယှက်နေသည်၊ မည်သူ့ကိုမျှ ချမ်းသာမပေးဘဲ ငါ့ရန်သူများ၏ နှလုံးသားများ အတွင်းသို့ ထိတ်လန့်ကြောက်ရွံ့ခြင်းကို ထည့်သွင်းလျက် စကြဝဠာ တစ်ခုလုံးကို ပြားချပ်သွားအောင် ငါနင်းခြေမည်။ ကမ္ဘာမြေကြီးတစ်ခုလုံးကို အပျက်အစီးများအဖြစ်သို့ ယုတ်လျော့စေ၍ ငါ၏ ရန်သူများကို ထိုအပျက်အစီးများအထဲသို့ လဲကျစေမည်၊ ထိုသို့အားဖြင့် ထိုအချိန်မှစ၍ ၎င်းတို့သည် လူသားမျိုးနွယ်ကို နောက်ထပ် ယိုယွင်းဖျက်ဆီးခြင်း မပြုနိုင်ရန် ဖြစ်သည်။ ငါ၏ အစီအစဉ်သည် သတ်မှတ်ထားပြီး ဖြစ်သည်၊ မည်သို့သောသူပင် ဖြစ်နေပါစေ မည်သူကမျှ ထိုအစီအစဉ်ကို ပြောင်းလဲနိုင်မည် မဟုတ်။ စကြဝဠာအထက်တွင် ငါသည် ဘုန်းအာနုဘော်နှင့် ပြည့်စုံသော ခမ်းနားထည်ဝါမှုနှင့် လှည့်လည် သွားလာသည့်အခါ လူသားမျိုးနွယ် အားလုံးသည် အသစ်ပြုပြင်ခြင်း ခံရလိမ့်မည် ဖြစ်ပြီး အရာခပ်သိမ်းသည် ပြန်လည်နှိုးထလာကြ လိမ့်မည်။ လူသားသည် ထပ်၍ငိုကြွေးတော့မည် မဟုတ်ဘဲ အကူအညီရရန် ငါ့ထံသို့ ထပ်၍ဟစ်ခေါ်ကြမည် မဟုတ်တော့။ ထို့နောက် ငါ၏ နှလုံးသားသည် ရွှင်လန်းလိမ့်မည် ဖြစ်ပြီး လူတို့သည် အောင်ပွဲခံရန် ငါ့ထံသို့ ပြန်လာကြ လိမ့်မည်။ ထိပ်ဆုံးမှ အောက်ခြေအထိ စကြဝဠာ တစ်ခုလုံးသည် ဝမ်းမြောက်ခြင်း၌ လှုပ်ရှားကြလိမ့်မည်...

ယနေ့ လောကကြီး၏ တိုင်းနိုင်ငံများအကြား အထမြောက်ရန် ငါစတင်ခဲ့သော အလုပ်ကို ငါသည် လုပ်ဆောင်နေသည်။ ငါ၏ အစီအစဉ်အတွင်း အလုပ်အားလုံးကို လုပ်ဆောင်လျက် ငါသည် လူသားမျိုးနွယ်၏ အလယ်တွင် လှုပ်ရှားသွားလာပြီး လူသားမျိုးနွယ် အားလုံးသည် ငါ၏ အလိုတော်နှင့်အညီ လောကကြီး၏ အမျိုးမျိုးအစားစားသော တိုင်းနိုင်ငံများကို ဖြိုခွဲနေကြသည်။ ကမ္ဘာမြေကြီးပေါ်ရှိ လူတို့သည် မိမိတို့၏ အာရုံကို မိမိတို့ကိုယ်တိုင်၏ ခရီးဆုံးပန်းတိုင်ပေါ် စူးစိုက်ထားသည်၊ အကြောင်းမှာ နေ့ရက်အချိန်သည် နီးကပ်လာနေပြီး ကောင်းကင်တမန်များသည် ၎င်းတို့၏ တံပိုးများကို မှုတ်နေကြပြီ ဖြစ်သည့်အတွက် ဖြစ်သည်။ အချိန်ထပ်ဆွဲခြင်းတို့ ရှိလိမ့်မည် မဟုတ်တော့၊ ဖန်ဆင်းခြင်း အရာခပ်သိမ်းတို့သည် ထို့နောက် ချက်ချင်းပင် ၀မ်းမြောက်ခြင်း၌ စတင်ကခုန်ကြလိမ့်မည်။ မည်သူသည် ၎င်းတို့သဘောရှိ ငါ၏ နေ့ရက်ကို ရှည်စေနိုင်သနည်း။ ကမ္ဘာမြေသားလော။ သို့မဟုတ် မိုးကောင်းကင်မှ ကြယ်များလော။ သို့တည်းမဟုတ် ကောင်းကင်တမန်များလော။ ဣသရေလလူများ၏ ကယ်တင်ခြင်းကို စတင်ရန်အလို့ငှာ ငါသည် မိန့်မြွက်ချက်ကို ပြုသောအခါ ငါ၏ နေ့ရက်သည် လူသားမျိုးနွယ် အားလုံးအပေါ်သို့ ဖိနှိပ်လေသည်။ လူသားတိုင်းသည် ဣသရေလ ပြန်လာမည်ကို ကြောက်ရွံ့ကြ၏။ ဣသရေလ ပြန်လာသောအခါ ယင်းသည် ငါ့ဘုန်းတော်၏ နေ့ရက်ဖြစ်လိမ့်မည် ဖြစ်ပြီး ထိုအချိန်သည် အရာခပ်သိမ်းတို့ ပြောင်းလဲပြီး အသစ်ပြုပြင်ခြင်းကို ခံလာရသော နေ့ရက်လည်းဖြစ်လိမ့်မည်။ ဖြောင့်မတ်သော တရားစီရင်ခြင်းသည် စကြဝဠာတစ်ခွင်လုံးသို့ ကျရောက်အံ့ဆဲဆဲ ချဉ်းကပ်လာသည်နှင့် လူသားအားလုံးမှာ ကြောက်ရွံ့ခြင်းနှင့် စိုးရိမ်မှုတို့ ကြီးထွား လာသည်၊ အဘယ်ကြောင့် ဆိုသော် လူ့လောကထဲ၌ ဖြောင့်မတ်ခြင်း ဟူသည်မှာ မရှိစဖူး၍ ဖြစ်သည်။ ဖြောင့်မတ်ခြင်း၏နေသည် ထွက်ပေါ်လာသောအခါ အရှေ့အရပ်သည် ထွန်းလင်းလိမ့်မည် ဖြစ်ပြီး ထို့နောက်တွင် ၎င်းမှတစ်လှည့် လူတိုင်းဆီသို့ ရောက်ရှိရင်းနှင့် စကြဝဠာ တစ်ခွင်လုံးသို့ အလင်းပေးလိမ့်မည်။ အကယ်၍ လူသားသည် ငါ၏ ဖြောင့်မတ်ခြင်းကို ဧကန်စင်စစ်ပင် ပြည့်စုံစေနိုင်ပါက အဘယ်အရာကို ကြောက်စရာရှိသနည်း။ ငါ၏ လူများ အားလုံးသည် ငါ၏နေ့ရက် ဆိုက်ရောက်ခြင်းကို စောင့်မျှော်နေကြသည်၊ ၎င်းတို့အားလုံးသည် ငါ့နေရက်၏ ရောက်လာခြင်းကို တောင့်တကြသည်။ လူသားမျိုးနွယ် အားလုံးအပေါ်သို့ အပြစ်ဒဏ်ကို ယူဆောင်လာရန်နှင့် ဖြောင့်မတ်ခြင်း၏နေဖြစ်သော ငါ၏ အခန်းကဏ္ဍအားဖြင့် လူသားမျိုးနွယ်၏ ခရီးဆုံးပန်းတိုင်ကို စီစဉ်ရန် အလို့ငှာ ၎င်းတို့သည် ငါ့ကို စောင့်မျှော်နေကြသည်။ ငါ၏နိုင်ငံတော်သည် စကြဝဠာတစ်ခွင် အထက်တွင် ပုံသဏ္ဌာန်ပေါ်လာနေပြီ ဖြစ်ပြီး ငါ၏ ပလ္လင်သည် သန်းပေါင်းရာပေါင်းများစွာသော လူတို့၏ နှလုံးသားများထဲ၌ သြဇာ လွှမ်းမိုး၏။ ငါ၏ ကြီးမြတ်သော ပြီးမြောက်အောင်မြင်ခြင်းသည် ကောင်းကင်တမန်များ၏ အကူအညီနှင့် မကြာမီတွင် အသီးသီး လိမ့်မည် ဖြစ်သည်။ ငါ၏ သားများနှင့် ငါ၏ လူများအားလုံးတို့သည် ငါ၏ ပြန်လာခြင်း ကို အသက်ပင် ရဲရဲမရှုရဲဘဲ စောင့်မျှော်နေကြသည်၊ ၎င်းတို့နှင့် ပြန်လည်ပေါင်းစည်းရန်၊ မည်သည့်အခါမျှ နောက်တစ်ဖန် ထပ်၍ မခွဲခွာတော့ရန် ငါ့ကို တောင့်တနေကြသည်။ ငါသည် ၎င်းတို့နှင့် အတူရှိခြင်းကြောင့် ငါ့နိုင်ငံတော်၏ အသင်္ချေ များလှသော လူထုသည် ရွှင်လန်းဝမ်းမြောက်သော အောင်ပွဲခံခြင်းဖြင့် အချင်းချင်းဆီသို့ အဘယ်သို့လျှင် မပြေးကြဘဲ နေနိုင်လိမ့်မည်နည်း။ ဤပေါင်းစည်းခြင်းမှာ မည်သည့် အဖိုးအခမှ ပေးရန်မလိုအပ်သော ပြန်လည်ပေါင်းစည်းခြင်းမျိုး ဖြစ်နိုင်သလော။ လူသားအားလုံးတို့၏ မျက်လုံးများထဲတွင် ငါသည် ဂုဏ်သိက္ခာ ရှိသည်၊ အားလုံးတို့၏ စကားများတွင် ငါသည် ကြွေးကြော်ခြင်း ခံရသည်။ ငါပြန်လာသည့်အခါ ရန်သူ၏ အင်အားစု အားလုံးတို့ကို သာ၍များစွာပင် သိမ်းပိုက်မည်။ အချိန်ရောက်လာလေပြီ။ ငါ၏အလုပ်ကို ငါသည် စတင် လည်ပတ်စေမည်၊ လူသားတို့အလယ်တွင် ငါသည် ရှင်ဘုရင်အဖြစ် စိုးစံမည်။ ငါသည် ပြန်လာမည့်ဆဲဆဲ ရှိပြီး၊ ငါသည် ထွက်ခွာသွားလုဆဲဆဲ ရှိသည်။ ဤသည်မှာ လူတိုင်း မျှော်လင့်နေသော အရာဖြစ်ပြီး ဤသည်မှာ ၎င်းတို့ လိုလားသော အရာဖြစ်သည်။ လူသားမျိုးနွယ် တစ်ရပ်လုံးကို ငါ့နေ့ရက်၏ ဆိုက်ရောက်ခြင်းကို ငါမြင်စေမည်ဖြစ်ပြီး ၎င်းတို့အား ငါ၏နေ့ရက် ရောက်လာခြင်းကို ဝမ်းမြောက်ခြင်းနှင့် ကြိုဆိုစေမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၇” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၅)

အရာခပ်သိမ်း ထမြောက်သည့်နေ့တွင် ငါသည် လူတို့အကြားလာ၍၊ အံ့သြဖွယ်ကောင်းသော နေ့များနှင့်ညများတွင် ငါသည် သူနှင့်အတူရှိခဲ့၏။ ဤအခါမှသာ လူသားသည် ငါ့ထံချဉ်းကပ်နိုင်ခြင်းကို အနည်းငယ် သတိပြုမိ၏၊ သူနှင့်ငါ မကြာခဏ အပြန်အလှန် ပိုမိုဆက်ဆံသည်နှင့်အမျှ၊ သူသည် ငါ၏အရာအားလုံးနှင့် ဖြစ်ခြင်းအချို့ကို မြင်၏— ရလဒ်အနေဖြင့်၊ သူသည် ငါ့အကြောင်း အနည်းငယ်သိရှိ၏။ လူသားအားလုံး အကြား၊ ငါသည် ငါ၏ဦးခေါင်းကိုမြှင့်၍ ကြည့်၍၊ သူတို့အားလုံး ငါ့ကိုမြင်၏။ သို့ရာတွင် ကမ္ဘာမြေကြီးပေါ်သို့ ဘေးအန္တရာယ် ကျရောက်သည့်အခါ၊ သူတို့သည် ချက်ချင်းကြောင့်ကြလာ၍၊ ငါ၏ပုံရိပ်သည် သူတို့၏နှလုံးသားများမှ ပျောက်ကွယ်သွား၏။ ဘေးအန္တရာယ်ကျရောက်မှုကြောင့် ကြောက်စိတ်မွှန်လျက်၊ သူတို့သည် ငါ၏တိုက်တွန်းချက်များကို ဂရုမစိုက်ပေ။ ငါသည် လူသားများအကြား နှစ်ပေါင်းများစွာ ဖြတ်သန်းခဲ့သော်လည်း၊ သူသည် အမြဲပင် သတိမမူမိဘဲ ငါ့ကို မည်သည့်အခါမျှ မသိခဲ့ပေ။ ယနေ့ ငါကိုယ်တိုင်၏နှုတ်ဖြင့် ငါပြော၍၊ လူအားလုံးကို ငါ့ထံမှ တစ်စုံတစ်ရာလက်ခံရန် ငါ့ရှေ့မှောက်လာစေသော်လည်း သူတို့သည် ငါနှင့်ဝေးရာတွင် နေလျက်ရှိသေးသဖြင့် သူတို့သည် ငါ့ကို မသိပေ။ စကြဝဠာအစွန်းတစ်လျှောက် ငါ၏ခြေလှမ်းများ နင်းလျှောက်သည့်အခါ လူသားသည် သူ့ကိုယ်သူ စတင်၍ ပြန်လည်စဉ်းစားမည်ဖြစ်ကာ၊ လူအားလုံးတို့သည် ငါ့ထံသို့လာ၍ ငါ့ရှေ့တွင် ပျပ်ဝပ်လျက် ငါ့ကို ဝတ်ပြုလိမ့်မည်။ ဤနေ့သည် ငါ၏ဘုန်းတော် ထင်ရှားသည့်နေ့၊ ငါတစ်ဖန် ပြန်လာသောနေ့အပြင် ငါထွက်ခွာသည့်နေ့လည်း ဖြစ်လိမ့်မည်။ ငါ၏စီမံခန့်ခွဲမှု အစီအစဉ်အဆုံး၌ စကြဝဠာတစ်ခုလုံး တစ်လျှောက် ငါ၏အမှုကို လူသားအားလုံးအကြား ငါတရားဝင်စတင်ခဲ့ပြီးဖြစ်၏။ ယခုအချိန်မှစ၍ သတိမပြုသူ မည်သူမဆိုသည် မည်သည့်အချိန်၌မဆို ကရုဏာကင်းမဲ့သော ပြစ်တင်ဆုံးမမှုအကြား ထိုးချခံသွားဖွယ်ရှိ၏။ ဤသည်မှာ ငါသည် နှလုံးသားကင်းမဲ့၍မဟုတ်ဘဲ ငါ့စီမံခန့်ခွဲမှုအစီအစဉ်၏ အဆင့်တစ်ဆင့်သာ ဖြစ်၏။ အရာခပ်သိမ်းသည် ငါ့အစီအစဉ်၏ အဆင့်များအတိုင်း ရှေ့ဆက်လုပ်ဆောင်ရမည်ဖြစ်ကာ၊ မည်သည့်လူသားမျှ ဤသည်ကို မပြောင်းလဲနိုင်ပါ။ ငါသည် ငါ၏အမှုကို တရားဝင်စတင်သည့်အခါ လူအားလုံးသည် ငါလှုပ်ရှားသည်အတိုင်း လှုပ်ရှားသဖြင့်၊ စကြဝဠာတစ်လျှောက်လုံးရှိ လူတို့သည် ငါနှင့်တူညီသောခြေလှမ်းလှမ်းရန် လုပ်ဆောင်ကြ၏၊ စကြဝဠာ တစ်လျှောက်လုံး “ကြီးစွာဝမ်းမြောက်” ကြကာ၊ ငါသည် လူသားအား ရှေ့သို့တက်လှမ်းရန် စေ့ဆော်၏။ အကျိုးသက်ရောက်မှုအနေဖြင့်၊ ငါသည် အဆင်းနီသောနဂါးကြီး ကိုယ်တိုင်အား သွေးရူးသွေးတန်း ဖြစ်ကာ မွှန်ထူသွားစေ၍၊ ၎င်းသည် ငါ၏အမှုအတွက် အစေခံကာ၊ လိုလားသည့်ဆန္ဒ မရှိသော်လည်း ၎င်း၏ကိုယ်ပိုင်ဆန္ဒများနောက်သို့ မလိုက်နိုင်ဘဲ ငါ၏ချုပ်ကိုင်မှုကို နာခံရန်မှလွဲ၍ အခြားဘာမျှ မတတ်နိုင်တော့ပေ။ ငါ၏အစီအစဉ်အားလုံးတွင်၊ အဆင်းနီသော နဂါးကြီးသည် ငါ၏အဖြည့်ခံ၊ ငါ၏ရန်သူနှင့် ငါ၏အစေခံကျွန်လည်း ဖြစ်၏။ ထို့ကြောင့် ငါသည် ၎င်းအပေါ် ငါ၏ “သတ်မှတ်ချက်များ” ကို မည်သည့်အခါမျှ လျှော့ပေးခြင်း မရှိပေ။ ထို့ကြောင့် ငါ၏လူ့ဇာတိခံယူသောအမှု၏ နောက်ဆုံးအဆင့်သည် ၎င်း၏အိမ်ထောင်စု အတွင်းတွင် အပြီးသတ်ခဲ့၏။ ဤနည်းအားဖြင့်၊ အဆင်းနီသောနဂါးကြီးသည် ငါ့အတွက် သင့်တော်စွာအစေခံခြင်းကို သာ၍ လုပ်ဆောင်နိုင်၏။ ဤနည်းအားဖြင့် ငါသည် သူ့အားသိမ်းပိုက်၍ ငါ၏အစီအစဉ်ကို အဆုံးသတ်မည်။ ငါသည် အမှုဆောင်စဉ် ကောင်းကင်တမန်အားလုံးသည် ငါနှင့် အဆုံးအဖြတ်ပေးသည့် တိုက်ပွဲစတင်၍ နောက်ဆုံးအဆင့်တွင် ငါ၏ဆန္ဒများကို ဖြည့်ဆည်းရန် ဆုံးဖြတ်၏။ ဤသည်မှာ ကမ္ဘာမြေကြီးပေါ်ရှိလူသားတို့ ငါ့ရှေ့မှောက်တွင် ကောင်းကင်တမန်တို့ကဲ့သို့ အရှုံးပေး၍ ငါ့ကိုဆန့်ကျင်လိုသည့်ဆန္ဒ မရှိရန်နှင့် ငါ့ကိုပုန်ကန်သည့်အရာ တစ်ခုမျှမလုပ်ရန်ဖြစ်၏။ ဤသည်တို့မှာ စကြဝဠာတစ်ခွင်လုံး ငါ့အမှု၏ ပြောင်းလဲစေသော အင်အားများ ဖြစ်ကြ၏။

လူသားများအကြား ငါရောက်လာခြင်း၏ ရည်ရွယ်ချက်နှင့် အဓိပ္ပာယ်တို့မှာ လူသားအားလုံးကို ကယ်တင်ရန်၊ လူသားမျိုးနွယ် အားလုံးကို ငါ၏အိမ်ထောင်စုသို့ ပြန်လည်ခေါ်ဆောင်လာရန်၊ ကောင်းကင်နှင့်မြေကြီးကို ပြန်လည် ပေါင်းစပ်ပေးရန်နှင့် ကောင်းကင်နှင့်မြေကြီးအကြား “အချက်ပြချက်များ” ကို လူသားမှပေးစေရန်ဖြစ်သည်။ ဤသည်မှာ လူသား၏ ပင်ကိုယ်အရင်းခံ အလုပ်တာဝန်ဖြစ်သည့်အတွက် ဖြစ်၏။ လူသားကို ငါဖန်ဆင်းခဲ့ချိန်၌ လူသားမျိုးနွယ်အတွက် အရာခပ်သိမ်းအဆင်သင့်ရှိရန် ငါလုပ်ဆောင် ခဲ့ကာ၊ နောင်တွင် ငါသတ်မှတ်ထားသည့်အတိုင်း သူ့ကိုငါပေးသည့် ကြွယ်ဝချမ်းသာမှုများကို လူသားမျိုးနွယ်အား လက်ခံခွင့်ကို ငါပေး၏။ ထို့ကြောင့် ငါ၏လမ်းညွှန်မှုဖြင့် လူသားမျိုးနွယ်အားလုံး ယနေ့ကို ရောက်ရှိလာခဲ့သည်ဟု ငါဆို၏။ ထို့အပြင် ဤသည်အားလုံးမှာ ငါ၏အစီအစဉ်ဖြစ်၏။ လူသားမျိုးနွယ်အားလုံးအကြား၊ မရေမတွက် နိုင်သော လူတို့သည် ငါ၏ချစ်ခြင်းမေတ္တာ၏ အကာအကွယ်အောက်တွင် တည်ရှိကြကာ၊ မရေမတွက်နိုင်သော လူတို့သည် ငါ၏မုန်းတီးမှု၏ ပြစ်တင်ဆုံးမမှုအောက်တွင် နေကြ၏။ လူတို့အားလုံး ငါ့ထံဆုတောင်းကြ သော်လည်း သူတို့သည် သူတို့၏လက်ရှိအခြေအနေများကို ပြောင်းလဲနိုင်စွမ်း မရှိပေ။ သူတို့သည် မျှော်လင့်ချက်ဆုံးရှုံးသွားသည်နှင့် သဘာဝအတိုင်းသာ ခွင့်ပြုရန်သာ တတ်စွမ်းနိုင်၍ ငါ့အပေါ်မနာခံခြင်းကို ရပ်လိုက်၏။ အဘယ်ကြောင့်ဆိုသော် ဤသည်မှာ လူသားမှ အောင်မြင်ရရှိနိုင်သည်အားလုံး ဖြစ်၍ဖြစ်သည်။ လူသား၏ဘဝ အခြေအနေနှင့် ပတ်သက်၍မူ၊ လူသားသည် စစ်မှန်သောအသက်ကို ရှာမတွေ့သေးပေ၊ သူသည် မတရားမှု၊ အနိဋ္ဌာရုံမြင်ကွင်းနှင့် ကမ္ဘာမြေကြီး၏ စိတ်မချမ်းမြေ့ဖွယ်ရာ အခြေအနေများကို မရိပ်စားမိသေးပေ— ထို့ကြောင့် ဘေးအန္တရာယ်ကျရောက်သည့် အဖြစ်အပျက်သာမရှိခဲ့လျှင် လူအများစုသည် မိခင်သဘာဝတရားကို လက်ခံဆဲဖြစ်မည်ဖြစ်ကာ၊ “ဘဝ” အရသာတွင် အာရုံ နစ်မြုပ်နေလျက် ရှိနေဦးမည် ဖြစ်သည်။ ဤသည်မှာ ကမ္ဘာမြေကြီး၏ အဖြစ်မှန်မဟုတ်ပေလော။ ဤသည်မှာ လူသားအပေါ် ငါထုတ်ပြောသည့် ကယ်တင်ခြင်း၏အသံ မဟုတ်ပေလော။ လူသားမျိုးနွယ်အကြား မည်သူမျှ ငါ့ကို စစ်မှန်စွာမချစ်ခဲ့သည်မှာ အဘယ်ကြောင့်နည်း။ ပြစ်တင်ဆုံးမမှုနှင့် စစ်ဆေးခံရသည့် အချိန်များအကြားသာ လူသားသည် ငါ့ကို ချစ်သော်လည်း ငါ၏အကာအကွယ်အောက်တွင် မည်သူမျှ ငါ့ကို မချစ်သည်မှာ အဘယ်ကြောင့်နည်း။ ငါသည် လူသားတို့အပေါ် ငါ၏ပြစ်တင်ဆုံးမမှု ကြိမ်ဖန်များစွာ ချပေးပြီးခဲ့ပြီဖြစ်သည်။ သူတို့သည် ၎င်းကိုကြည့်သော်လည်း လျစ်လျူရှုကာ ယခုအချိန်တွင် ၎င်းကိုလေ့လာလျက် စဉ်းစားချင့်ချိန်ခြင်း မရှိပေ။ ထို့ကြောင့် လူသားအပေါ်ကျရောက်သည့် အရာအားလုံးသည် ကရုဏာကင်းမဲ့သည့် တရားစီရင်ခြင်းသာဖြစ်၏။ ဤသည်မှာ ငါအမှုဆောင်သော နည်းလမ်းများအနက် တစ်ရပ်သာ ဖြစ်သော်လည်း ဤသည်မှာ လူသားအား ပြောင်းလဲစေရန်နှင့် ငါ့အပေါ်ချစ်စေရန်ဖြစ်၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၉” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၆)

ငါသည် နိုင်ငံတော်တွင်အုပ်စိုးသည့်အပြင် စကြဝဠာ တစ်ခွင်လုံးတွင်လည်း ငါအုပ်စိုး၏။ ငါသည် နိုင်ငံတော်၏ ရှင်ဘုရင်ရော စကြာဝဠာ၏အကြီးအကဲပါ ဖြစ်၏။ ဤအချိန်မှစ၍ ငါသည် ရွေးချယ်မခံရသူအားလုံးကို စုရုံး၍ ငါ၏အမှုကို တစ်ပါးအမျိုးသားတို့ အကြားတွင် စတင်မည်။ ထို့အပြင် ငါ့အမှုနောက်အဆင့်ကို အောင်မြင်စွာစတင်နိုင်ရန် ငါသည် စကြဝဠာ တစ်ခွင်လုံးသို့ ငါ၏စီမံခန့်ခွဲမှုအမိန့်များကို ကြေညာမည်။ တစ်ပါးအမျိုးသားတို့အကြား ငါ့အမှု ပျံ့နှံ့စေခြင်းငှာ ငါသည် ပြစ်တင်ဆုံးမခြင်းကို အသုံးပြုမည်။ ဆိုလိုသည်မှာ ငါသည် တစ်ပါးအမျိုးသားအားလုံးအပေါ် အင်အားသုံး မည်။ ဤအမှုကို ရွေးကောက်ခံရသူတို့အကြား ငါ့အမှုနှင့် တစ်ချိန်တည်းတွင် အကောင်အထည်ဖော်မည်မှာ သဘာဝကျ၏။ ငါ၏လူတို့ ကမ္ဘာမြေကြီးကိုအုပ်စိုး၍ အာဏာစွဲကိုင်သည့်အခါသည် ကမ္ဘာမြေကြီးပေါ်ရှိ လူတို့အားလုံး သိမ်းပိုက်ခံရချိန်လည်း ဖြစ်သည့်အပြင် ငါနားသည့်အချိန်လည်း ဖြစ်လိမ့်မည်— ထိုအခါကျမှ ငါသည် သိမ်းပိုက်ခံရသူတို့ထံ ပေါ်ထွန်းလာမည်။ ငါသည် သန့်ရှင်းသော နိုင်ငံတော်သို့ ပေါ်ထွန်းလာ၍ ညစ်ပေသောနိုင်ငံမှ ငါ့ကိုယ်ငါ ကွယ်ဝှက်ထား၏။ သိမ်းပိုက်ခံရသူအားလုံးနှင့် ငါ့ရှေ့မှောက်တွင် နာခံလာသူအားလုံးတို့သည် သူတို့၏ကိုယ်ပိုင်မျက်လုံးများဖြင့် ငါ၏မျက်နှာကို မြင်နိုင်ကြကာ သူတို့၏ ကိုယ်ပိုင်နားများဖြင့် ငါ၏အသံကို ကြားနိုင်ကြ၏။ ဤသည်မှာ နောက်ဆုံးသောကာလတွင် မွေးဖွားသူများ၏ ကောင်းချီးမင်္ဂလာ ဖြစ်၏။ ဤသည်မှာ ငါမှကြိုတင် ပြဋ္ဌာန်းထားသော ကောင်းချီးမင်္ဂလာဖြစ်ကာ မည်သည့်လူသားမျှ ဤသည်ကို ပြောင်းလဲ၍မရပေ။ ယနေ့ ငါဤသို့ဆောင်ရွက်သည်မှာ အနာဂတ်၏အမှုအတွက်ဖြစ်၏။ ငါ၏အမှုအားလုံးသည် တစ်ခုနှင့်တစ်ခု အပြန်အလှန် ဆက်စပ်လျက်ရှိ၍၊ ဤအရာအားလုံးတွင် ခေါ်ဆိုချက်တစ်ခုနှင့် တုံ့ပြန်ချက်တို့ ရှိ၏- မည်သည့်အဆင့်မျှ မည်သည့်အခါမျှ ရုတ်တရက် ရပ်တန့်သွားခြင်းမရှိ၊ မည်သည့်အဆင့်ကိုမျှ မည်သည့်အခါမျှ အခြားအဆင့်မှ သီးခြား အကောင်အထည်ဖော်ခဲ့ခြင်း မရှိ။ ဤကဲ့သို့ မဟုတ်ပေဘူးလော။ အတိတ်ကအမှုသည် ယနေ့အမှု၏ အခြေခံအုတ်မြစ် မဟုတ်ပေဘူးလော။ အတိတ်မှ နှုတ်ကပတ်တော်များသည် ယနေ့နှုတ်ကပတ်တော်များ၏ ရှေ့ပြေး မဟုတ်ပေဘူးလော။ အတိတ်မှခြေလှမ်းများသည် ယနေ့ခြေလှမ်းများ အစပြုရာ မဟုတ်သလော။ ငါသည် စာစောင်ကို တရားဝင်ဖွင့် သည့်အခါသည် စကြဝဠာတစ်ခွင်လုံးရှိ လူတို့ ပြစ်တင်ဆုံးမခံရ သည့်အချိန်၊ ကမ္ဘာတစ်ဝှမ်းလုံးရှိလူတို့ စမ်းသပ်ခံရသည့် အချိန်များ ဖြစ်ပြီး ငါ၏အမှု အထွတ်အထိပ်ရောက်ချိန် ဖြစ်သည်၊ လူတို့အားလုံးသည် အလင်းမဲ့နိုင်ငံ၌နေကြပြီး လူတို့အားလုံး ၎င်းတို့၏ပတ်ဝန်းကျင်၏ ခြိမ်းခြောက်မှုအကြား နေကြ၏။ တစ်နည်းအားဖြင့်ဆိုလျှင်၊ ဤသည်မှာ ဖန်ဆင်းချိန်မှ လက်ရှိ နေ့ရက်အထိ လူသား မည်သည့်အခါကမျှ မတွေ့ကြုံဖူးသည့် ဘဝဖြစ်၍ ခေတ်ကာလများတစ်လျှောက် မည်သူကမျှ ဤသို့သောဘဝမျိုးကို မ “ခံစား” ခဲ့ရဖူးချေ။ ထို့ကြောင့် ငါဆောင်ရွက်သည့်အမှုသည် ယခင် တစ်ခါမျှ မလုပ်ဆောင်ဖူးဟု ငါပြော၏။ ဤသည်မှာ အဖြစ်အပျက်တို့၏အခြေအနေမှန်ဖြစ်၍၊ ဤသည်မှာ အတွင်းအဓိပ္ပာယ် ဖြစ်၏။ ငါ၏နေ့ရက်သည် လူသားအားလုံးနှင့် နီးကပ်လာသည်ဖြစ်၍၊ ဤသည်မှာ ဝေးကွာပုံမရဘဲ လူသား၏မျက်လုံးများအရှေ့တွင်သာ ရှိ၏။ ရလဒ်အနေနှင့် မည်သူသည် မကြောက်ရွံ့ဘဲ နေနိုင်မည်နည်း။ မည်သူသည် ဤသည်ကို ဝမ်းမြောက်ခြင်း မရှိဘဲ နေနိုင်မည်နည်း။ ညစ်ပေသောဗာဗုလုန်မြို့သည် အဆုံးတွင် အဆုံးသတ်ခဲ့၏။ လူသားသည် အသစ်စက်စက် ကမ္ဘာနှင့် တွေ့ခဲ့ကာ ကောင်းကင်နှင့် မြေကြီးတို့သည် ပြောင်းလဲ၍ အသစ်ပြုလုပ်ခြင်း ခံကြရ၏။

ငါသည် တိုင်းနိုင်ငံအားလုံးနှင့် လူမျိုးအားလုံးသို့ထံ ပေါ်ထွန်းလာသည့်အခါ ကောင်းကင်တွင် တိမ်ဖြူများ ရိုက်ခတ်လှုပ်ရှား၍ ငါ့ကို လွှမ်းခြုံထား၏။ ထိုနည်းတူပင်၊ ကမ္ဘာမြေကြီးပေါ်ရှိ အခြေအနေကို မီးမောင်းထိုးပြခြင်းဖြင့် ကမ္ဘာမြေကြီးပေါ်ရှိငှက်များသည် ငါ့အတွက် ဝမ်းမြောက်ခြင်းဖြင့် သီချင်းအော်ဆိုကာ ကကြ၏။ ထို့ကြောင့် ကမ္ဘာမြေကြီးပေါ်ရှိ အရာခပ်သိမ်းကို အသက်ဝင်စေလျက် “အနယ်” ထိုင်မနေတော့ဘဲ တက်ကြွသည့်အခြေအနေတွင် အသက်ရှင်ကြ၏။ ငါသည် တိမ်ကြားတွင် ရှိနေသည့်အခါ လူသားသည် ငါ၏မျက်နှာနှင့် ငါ၏မျက်လုံးများကို ရေးရေးသာမြင်ကာ၊ ယခုအချိန်တွင် သူသည် အနည်းငယ် ကြောက်ရွံ့၏။ အတိတ်က သူသည် ဒဏ္ဍာရီများတွင် ငါ့အကြောင်း သမိုင်းမှတ်တမ်းများကို ကြားခဲ့ဖူး၏။ ထို့ကြောင့် သူသည် ငါ့အပေါ် ယုံတစ်ဝက်၊ မယုံတစ်ဝက်သာ ဖြစ်နေ၏။ ငါမည်သည့်နေရာတွင် ရှိနေသည် သို့မဟုတ် ငါ၏မျက်နှာ မည်မျှကြီးသည်ကို သူမသိ— ပင်လယ်တမျှ ကျယ်ဝန်းသလော၊ စိမ်းလန်းသောကျက်စားရာများကဲ့သို့ အကန့်အသတ် မရှိသလော။ ဤအရာများကို မည်သူမျှ မသိပေ။ လူသားသည် ငါ၏မျက်နှာကို တိမ်များအထဲ ယနေ့မြင်သည့်အခါမှသာ ဒဏ္ဍာရီထဲမှ ငါသည် စစ်မှန်သည်ဟု ခံစားရသဖြင့် ငါ့အပေါ် အနည်းငယ်သာ၍ အလေးပေးလာ၏။ ထို့အပြင် ငါ၏ လုပ်ဆောင်ချက်များကြောင့်သာ ငါ့အပေါ် သူ၏ မြတ်နိုးလေးစားမှု သည် အနည်းငယ် သာ၍ကြီးမားလာ၏။ သို့ရာတွင် လူသားသည် ငါ့ကို မသိဆဲဖြစ်၍ တိမ်ထဲတွင် ငါ၏တစ်စိတ်တစ်ပိုင်းကိုသာ မြင်၏။ ၎င်းနောက် ငါသည် ငါ၏လက်များကို ဆန့်တန်းလျက် လူသားကို ပြ၏။ လူသားသည် အံ့သြကာ၊ သူ၏ပါးစပ်ပေါ်ပုတ်လိုက်၏။ ငါ့လက်ဖြင့် အရိုက်ခံရမည်ကို အလွန်အမင်းစိုးရိမ်သဖြင့် သူ၏မြတ်နိုးလေးစားမှုတွင် ရိုသေလေးမြတ်မှုအနည်းငယ် ထည့်လိုက်၏။ သူဂရုမပြုသည့်အခါ ငါ၏ရိုက်နှက်ခြင်း ခံရမည်ကို အလွန်အမင်း ကြောက်ရွံ့သဖြင့် လူသားသည် ငါ၏လှုပ်ရှားမှုတိုင်းကို မျက်ခြေမပြတ် ကြည့်၏— သို့ရာတွင် လူသား၏ အကြည့်ခံရခြင်းသည် ငါ့ကို ကန့်သတ်ထားခြင်းမရှိဘဲ ငါသည် ငါ့လက်များပေါ်တွင် အမှုကို ဆက်လက် ဆောင်ရွက်၏။ ငါ၏လုပ်ဆောင်ချက် အားလုံး၌သာ လူသားသည် ငါ့ကို မျက်နှာသာ အနည်းငယ်ပေးကာ၊ ရလဒ်အနေဖြင့် ငါနှင့်ပေါင်းသင်းဆက်ဆံရန် ငါ့ရှေ့မှောက်သို့ တဖြည်းဖြည်းလာ၏။ လူသားကို ငါ၏တစ်ရပ်လုံးကို ဖော်ပြသည့်အခါ၊ လူသားသည် ငါ၏မျက်နှာကို မြင်မည်ဖြစ်၍၊ ထိုအချိန်မှစ၍ ငါသည် လူသားထံမှ ငါ့ကိုယ်ငါ ကွယ်ဝှက်ခြင်း သို့မဟုတ် ဖုံးကာခြင်း ပြုတော့မည် မဟုတ်ပေ။ စကြဝဠာတစ်ခွင်လုံးတွင် ငါသည် လူသားအားလုံးထံ လူသိရှင်ကြား ပေါ်ထွန်းလာမည်ဖြစ်၍၊ အသွေးအသားနှင့် လူအားလုံးသည် ငါ၏လုပ်ဆောင်ချက်အားလုံးကို တွေ့ကြလိမ့်မည်။ ဝိညာဉ်ပကတိ ဖြစ်သူအားလုံးသည် ငါ၏အိမ်ထောင်စုတွင် ငြိမ်းချမ်းစွာနေ၍ ငါနှင့်အတူ အံ့သြဖွယ်ကောင်းသော ကောင်းချီးမင်္ဂလာတို့ကို သေချာစွာ ခံစားရလိမ့်မည်။ ငါအလွန်ချစ်ခင်သူ အားလုံးသည် ပြစ်တင်ဆုံးမခြင်းမှ ကင်းလွတ်ရန် သေချာ၍ ဝိညာဉ်၏နာကျင်မှုနှင့် ဇာတိပကတိ၏ ဝေဒနာတို့ကို ရှောင်ရှားမည်မှာ သေချာ၏။ လူမျိုးအားလုံးထံ ငါသည် လူသိရှင်ကြား ပေါ်ထွန်းလာ၍ အုပ်စိုးကာ အာဏာစွဲကိုင်လိမ့်မည်။ စကြဝဠာတွင် အလောင်းကောင်များ၏ အပုပ်နံ့လှိုင်မနေစေရန် ဖြစ်၏။ ထိုသို့ဖြစ်မည့်အစား၊ ငါ၏ လန်းဆန်းသော မွှေးရနံ့သည် ကမ္ဘာတစ်ဝှမ်းလုံးသို့ ပျံ့နှံ့သွားလိမ့်မည်။ ငါ၏နေ့ရက်သည် နီးလာပြီဖြစ်သောကြောင့် လူသားသည် နိုးထလာနေ၏။ ကမ္ဘာမြေကြီးပေါ်ရှိ အရာခပ်သိမ်းတို့သည် စနစ်တကျရှိလျက်၊ ကမ္ဘာမြေကြီး၏ ဘေးအန္တရာယ်မှ လွတ်မြောက်ရသည့် နေ့ရက်များ ရှိတော့မည် မဟုတ်ပေ။ ငါရောက်လာပြီဖြစ်၍ ဖြစ်၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၉” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၇)

ကမ္ဘာပေါ်ရှိအရာအားလုံး ငါ့အာဏာအောက်တွင် ပျပ်ဝပ်ကြစေရန်အလို့ငှာ ငါသည် အမြင့်ဆုံး ကောင်းကင်ဘုံကို ငါ့လုပ်ဆောင်ပုံ သရုပ်သကန်များနှင့်အတူ ဖြည့်ဆည်းမည်၊ “ကမ္ဘာလုံးဆိုင်ရာ စည်းလုံးညီညွတ်မှု” အတွက် ငါ့အစီအစဉ်ကို အကောင်ထည်ဖော်ပြီး ငါ၏ ဤဆန္ဒတစ်ခုကို အသီးအပွင့် ဖြစ်ထွန်းစေမည်ဖြစ်ပြီး ထိုသို့အားဖြင့် လူသားတို့သည် ကမ္ဘာမြေပေါ်တွင် “ခြေဦးတည့်ရာ သဝေထိုးခြင်း” ထပ်မရှိတော့ဘဲ သင့်လျော်သော ပန်းတိုင်တစ်ခုကို ဆိုင်းငံ့ခြင်းမရှိ ရှာတွေ့ရန်ဖြစ်သည်။ ငါသည် လူသားမျိုးနွယ်အတွက် နည်းလမ်းမျိုးစုံ စဉ်းစားတွေးတော ပေးပြီး ၎င်းကို ပြုလုပ်ရခြင်းမှာ လူသားအားလုံး ငြိမ်းချမ်း ပျော်ရွှင်ရာ နယ်မြေတွင် မကြာခင် နေလာစေနိုင်ရန်၊ ထိုသူတို့၏ အသက်တာ နေ့ရက်များတွင် ဝမ်းနည်းခြင်းနှင့် ညှိုးငယ်ခြင်းများ မရှိတော့စေရန်နှင့် ငါ့အစီအစဉ်သည် ကမ္ဘာမြေပေါ်တွင် အချည်းနှီးသက်သက် ဖြစ်မလာစေရန် အလို့ငှာဖြစ်သည်။ လူသည် ထိုနေရာတွင် တည်ရှိသောကြောင့် ငါသည် ငါ၏နိုင်ငံကို ကမ္ဘာမြေပေါ်တွင် တည်ဆောက်မည်။ အကြောင်းမှာ ငါ့ဘုန်း၏ သရုပ်သကန် အစိတ်ပိုင်းတစ်ခုသည် ကမ္ဘာမြေပေါ်တွင် ရှိသောကြောင့်ဖြစ်သည်။ အထက်ကောင်းကင်တွင် ငါသည် ငါ၏ မြို့များကို တည့်မတ်စေမည်ဖြစ်ပြီး အထက်နှင့် အောက်အရပ် နှစ်မျိုးလုံးရှိ အရာအားလုံးကို အသစ်ဖြစ်စေသည်။ ကမ္ဘာပေါ်ရှိ အရာအားလုံးသည် ကောင်းကင်ပေါ်ရှိ အရာအားလုံးနှင့် တစ်စုတစ်စည်းတည်း ဖြစ်စေရန်အလို့ငှာ ငါသည် ကောင်းကင် နှင့် ကောင်းကင်အောက်တွင် ရှိသော အရာအားလုံးကို တစ်စုတစ်စည်းတည်း ဖြစ်စေလိမ့်မည်။ ဤသည်မှာ ငါ၏ အစီအစဉ်ဖြစ်ပြီး ၎င်းသည် နောက်ဆုံးခေတ်တွင် ငါပြီးမြောက်စေမည့် အရာဖြစ်သည်။ မည်သူမျှ ငါ့အလုပ်၏ ဤအပိုင်းကို ဝင်မစွက်ဖက်စေနှင့်။ တစ်ပါးအမျိုးသားများ၏ နိုင်ငံများဆီသို့ ငါ့အလုပ်ကို ချဲ့ထွင်ခြင်းသည် ကမ္ဘာပေါ်ရှိ ငါ့အလုပ်၏ နောက်ဆုံးသော အပိုင်းဖြစ်သည်။ မည်သူ တစ်ဦးတစ်ယောက်မျှ ငါလုပ်ဆောင်မည့် အလုပ်ကို နားလည်သဘောပေါက်နိုင်ခြင်း မရှိနိုင်သောကြောင့် လူတို့သည် လုံးဝ စိတ်ရှုပ်ထွေးကြသည်။ ထို့ပြင် ငါသည် ကမ္ဘာပေါ်ရှိ ငါ့အလုပ်ဖြင့် အလုပ်ရှုပ်ပြီး မအားလပ် သောကြောင့် လူတို့သည် “ပြက်တီးပြက်ချော်လုပ်ရန်” အခွင့်အရေး ယူကြသည်။ လွန်စွာထိန်းမနိုင်သိမ်းမရ ဖြစ်ခြင်းမှ ၎င်းတို့ကို ထိန်းရန် ငါသည် ၎င်းတို့အား မီးအိုင်၏ ဆုံးမပဲ့ပြင်ခြင်းကို ကြံ့ကြံ့ခံနိုင်ရန် အတွက် ငါ၏ ပြစ်တင်ဆုံးမခြင်းအောက်တွင် ဦးစွာ နေရာချထားသည်။ ဤသည်မှာ ငါ့အလုပ်ရှိ အဆင့်တစ်ခုဖြစ်ပြီး ငါသည် မီးအိုင်ကို ငါ၏ အလုပ်ကို ပြီးမြောက်စေရန် အသုံးချမည်။ ထိုသို့မဟုတ်လျှင် ငါ့အလုပ်ကို လုပ်ဆောင်ရန် ဖြစ်နိုင်လိမ့်မည် မဟုတ်ပေ။ ငါသည် စကြဝဠာတစ်ဝန်းရှိ လူသတ္တဝါတို့ကို ငါ့ပလ္လင်ရှေ့မှောက်တွင် နာခံစေမည်။ ငါ၏ တရားစီရင်ခြင်းအရ သူတို့ကို မတူညီသော အမျိုးအစားများအဖြစ် ခွဲခြားပြီး ၎င်းတို့ကို ထိုအမျိုးအစားများအရ အဆင့်သတ်မှတ်ကာ ထို့နောက်တွင် ၎င်းတို့ကို မိသားစုများအဖြစ် အမျိုးတူစုမည်။ ထိုသို့အားဖြင့် လူသားအားလုံးတို့သည် ငါ့အား မနာခံခြင်းကို ရပ်တန့်စေရန်အလို့ငှာဖြစ်သည်။ ငါအမည်ပေးထားသော အမျိုးအစားများအရ သေသပ်ပြီး စနစ်တကျဖြစ်သော အစီအစဉ်ထဲသို့ ကျရောက်ကြလိမ့်မည်။ မည်သူမျှ ကြုံသလို လှုပ်ရှားခြင်း မရှိစေရ။ စကြဝဠာအနှံ့အပြားတွင် ငါသည် အသစ်သော အလုပ်ကို ပြုခဲ့သည်။ စကြဝဠာအနှံ့အပြားတွင် လူသားအားလုံးသည် ငါ၏ ရုတ်တရက် ပေါ်ထွန်းခြင်းကြောင့် မိန်းမော ဆွံ့အကြသည်။ ငါ၏ မြင်သာစွာ ပေါ်ထွန်းခြင်းကြောင့် သူတို့၏ မိုးကုတ်စက်ဝိုင်းများသည် တစ်ခါမျှ မကြုံစဖူး ပေါက်ကွဲသည်။ ယနေ့အချိန်သည် ထိုကဲ့သို့ တိကျစွာ တူညီနေသည် မဟုတ်ပါလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၄၃” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များ မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၈)

တပါးအမျိုးသား နိုင်ငံများအကြား ငါသည် ငါ၏အမှုကို ပျံ့နှံ့အောင် လုပ်ဆောင်နေသည်။ ငါ၏ဘုန်းတန်ခိုးသည် စကြဝဠာတစ်ခွင်လုံး တောက်ပလျက်ရှိသည်။ ကြယ်အစက်အစက် လူသားများအတွင်း ငါ၏ ဆန္ဒသည် သရုပ်ပေါ်နေပြီး ၎င်းတို့အားလုံးကို ငါ၏လက်ဖြင့် ဦးတည်ပေးနေကာ ၎င်းတို့သည် ငါခိုင်းရာ အမှုကို ဆောင်ရွက်နေကြသည်။ ယခုအချိန်မှစ၍ လူသားအားလုံးကို အခြားကမ္ဘာတစ်ခုအတွင်း ခေါ်ဆောင်လျက် ငါသည် ခေတ်သစ်တစ်ခုအတွင်း ဝင်ရောက်ခဲ့ပြီး ဖြစ်သည်။ ငါဇာတိမြေသို့ ပြန်သည့်အခါ လူသားသည် ငါ့ကို ပိုမိုလေးနက်စွာ သိကျွမ်းစေခြင်းငှာ ငါ၏မူလအစီအစဉ်ရှိ အမှု၏ နောက်အစိတ်အပိုင်းတစ်ခုကို စတင်ခဲ့သည်။ ငါသည် စကြဝဠာ တစ်ခုလုံးကို ကြည့်လျက်ငါ၏အမှုဆောင်ရွက်ရန် အချိန်ကောင်း ဖြစ်ကြောင်းတွေ့က သဖြင့် ငါသည် လူသားအပေါ် ငါ၏အမှုသစ်ကို ခေါက်တုံ့ခေါက်ပြန် လျင်မြန်စွာ ဆောင်ရွက်နေသည်။ အကယ်စင်စစ် ဤသည်မှာ ခေတ်သစ်ဖြစ်ပြီး ဤခေတ်သစ်အတွင်း လူသစ်များကို ပို၍ ခေါ်လာနိုင်ကာ ငါဖယ်ရှားရမည့် လူများကို ပို၍ဖယ်ရှားရန်အလို့ငှာ ငါသည် အမှုသစ်ယူလာခဲ့သည်။ အဆင်းနီသော နဂါးကြီး၏ နိုင်ငံတွင် ငါသည် လူသားများ မတွေးတတ်အောင် ခက်ခဲနက်နဲသော အမှုအဆင့် တစ်ရပ်ကို ထမ်းဆောင်ခဲ့ပြီး ၎င်းတို့အား လေတွင်ယိမ်းစေပြီးနောက် ၎င်းတို့အများအပြား လေတိုက်သည့် အထဲ တိတ်ဆိတ်စွာ လွင့်မျော သွားသည်။ အကယ်စင်စစ် ဤသည်မှာ ငါရှင်းလိုက်တော့မည့် တလင်းပြင် ဖြစ်ပြီး ငါတောင့်တရာနှင့် ငါ၏အစီအစဉ်လည်း ဖြစ်သည်။ အဘယ်ကြောင့်ဆိုသော် ဆိုးသွမ်းသူ အများအပြားမှာ ငါအမှုထမ်းနေစဉ် တိတ်တဆိတ် ဝင်ရောက်လာခဲ့သော်လည်း ငါသည် ၎င်းတို့ကို အလျင်စလို မောင်းနှင်ထုတ်ရန် မလို သောကြောင့်ဖြစ်၏။ ထိုသို့မောင်းနှင်မည့်အစား အချိန်တန်သည့်အခါ ငါသည် ၎င်းတို့အား တကွဲတပြား ပျံ့နှံ့သွားစေမည်။ ၎င်းနောက်မှ ငါသည် အသက်စမ်းရေဖြစ်ပြီး ငါ့ကို အမှန်တကယ် ချစ်မြတ်နိုးသူတို့အား ငါ့ထံမှ သင်္ဘော သဖန်းသီးနှင့် ကြာ၏ မွှေးကြိုင်သည့်ရနံ့တို့ကို ရယူခွင့်ပေးမည်။ စာတန် ကျင်လည်ရာ ဖုန်တောနယ်တွင် ရွှေစင်မရှိ၊ သဲသာရှိသဖြင့် ၎င်းအခြေအနေများကို ရင်ဆိုင်လျက်ငါသည် ဤအမှု၏အဆင့်ကို ထမ်းဆောင်သည်။ ငါရရှိသည်မှာ အညစ်အကြေးကင်းသည့် ရွှေစင်ဖြစ်ပြီး သဲမဟုတ်ကြောင်းကို သင်သိသင့်သည်။ နတ်ဆိုးများသည် ငါ၏အိမ်တွင် အဘယ်သို့ ကျန်ရှိနိုင်မည်နည်း။ ငါ၏ပရဒိသုဘုံတွင် ကပ်ပါးကောင်များအဖြစ် မြေခွေးတို့ကို ငါအဘယ်သို့ ခွင့်ပြုနိုင်မည်နည်း။ ၎င်းတို့အားနှင်ထုတ်ရန် ကြံစည်၍ရသော နည်းတိုင်းကို ငါသည် အသုံးပြု၏။ ငါ၏အလိုကို ဖော်ထုတ်ခြင်းမပြုမီ ငါပြုလုပ်တော့ မည့်အရာကို မည်သူမျှ မသိ။ ဤအခွင့်အရေးကို အရယူလျက်ငါသည် ထိုစဉ်းလဲသူတို့အား မောင်းထုတ်ပြီး ထိုသူတို့သည် ငါ၏ မျက်မှောက်မှ အတင်းအကျပ် နှင်ထုတ်ခံကြရသည်။ ငါသည် စဉ်းလဲသူတို့ကို ဤသို့ပြု၏။ သို့သော်လည်း ငါ့ဝန်ထမ်းရန်နေ့ ၎င်းတို့အတွက် ရှိပါဦးမည်။ လူသားတို့၏ ကောင်းချီးမင်္ဂလာ ခံစားလိုစိတ်မှာ ပြင်းပြ လွန်းသည်။ ထို့ကြောင့် ငါသည် ပြောဆိုထိုက်သည့် စကားများကို ပြောဆိုကာ လူသားတို့အား ၎င်းတို့ လိုအပ်သည်များကို ထောက်ပံ့ပေးစဉ်၊ လူသားတို့သည် ၎င်းတို့၏ လောကအတွင်း နေထိုင်လျက်ကိုယ့်ကိုယ် စီရင်နိုင်ခြင်းအလို့ငှာ၊ ငါသည် ကိုယ်ကိုလှည့်၍ ဘုန်းတန်ခိုးကြီးသော မျက်နှာကို တပါးအမျိုးသားတို့အားပြ၏။ လူသားတို့ အသိတရား ဝင်လာသောအခါ ငါသည် ငါ၏အမှုကို ပျံ့နှံ့စေ ပြီးသည်မှာ ကြာပြီ ဖြစ်လိမ့်မည်။ ထိုအခါ ငါသည် ငါ၏ဆန္ဒကို လူသားတို့အား ထုတ်ဖော်ပြပြီး လူသားတို့အပေါ် ငါ၏အမှု ဒုတိယအပိုင်းကို စတင် ဆောင်ရွက်မည်။ လူသားအားလုံးတို့အား ငါ၏အမှုနှင့် ညှိနှိုင်းဆောင်ရွက်ရန် ငါ့နောက် အနီးကပ် လိုက်စေလျက် ငါဆောင်ရွက်ရမည့်အမှုကို ၎င်းတို့တတ်စွမ်းသမျှ ငါနှင့်အတူ ဆောင်ရွက် စေမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ကောင်းကင်နိုင်ငံတော်၏ ဧဝံဂေလိတရားများ စကြဝဠာတစ်ခွင်လုံး ပျံ့နှံ့သွားမည်ဟု နိမိတ်ပြနေသည့် မိုးချုန်းသံ ခုနစ်ချက်” မှ

အောက်ခြေမှတ်စု(များ)-

က။ မူရင်းစာသားတွင် “ဖြစ်ကြောင်းတွေ့” ဆိုသည့် စကားစု မပါဝင်ပါ။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၆၉)

ငါ၏ ဘုန်းတန်ခိုးကို တွေ့လိမ့်မည်ဟု ၎င်းတို့ တစ်စုံတစ်ယောက်တွင်မျှ ယုံကြည်ခြင်းမရှိ၊ ငါသည် လည်း ၎င်းတို့အား အတင်းအကျပ် ခိုင်းမည့်အစား ငါ၏ဘုန်းတန်ခိုးကို လူသားအလယ်မှ ဖယ်ရှားလျက် အခြားကမ္ဘာသို့ ယူဆောင် သွားသည်။ လူသားတို့ နောင်တစ်ကြိမ် နောင်တရသည့်အခါ ငါ၏ဘုန်းတန်ခိုးကို ယူဆောင်ကာ ယုံကြည်သူတို့အား ပို၍ပြမည်။ ဤသည်မှာ ငါအမှုထမ်းဆောင်ရာ နိယာမဖြစ်သည်။ ငါ၏ ဘုန်းတန်ခိုးသည် ခါနာန်ပြည်မှ စွန့်ခွာချိန်ရှိပြီး ရွေးချယ်ထားသူတို့ထံမှလည်း စွန့်ခွာချိန်ရှိသောကြောင့်ဖြစ်၏။ ထို့အပြင် တစ်ကမ္ဘာလုံး မှိန်သွားပြီး အမှောင်ထုအတွင်း သက်ဆင်းသွားစေသည့် တစ်ကမ္ဘာလုံးကို ငါ၏ဘုန်းတန်ခိုး စွန့်ခွာချိန်ရှိသည်။ ခါနာန်ပြည်ပင်လျှင် နေရောင်ကို မမြင်စေရ။ လူသားအားလုံး ယုံကြည်မှု ပျောက်ဆုံး သော်လည်း မည်သူမျှ မွှေးကြိုင်သည့် ခါနာန်ပြည်ကို စွန့်ခွာနိုင်ခြင်းငှာ မစွမ်းပါ။ ငါသည် ကောင်းကင်ဘုံအသစ်နှင့် မြေကြီးအသစ်သို့ ရောက်သွားသည့် အခါမှ ငါ့ဘုန်းတန်ခိုး၏ အခြားဘက်ကို ယူဆောင်ပြီး ၎င်းကို ခါနာန်ပြည်တွင် ဦးစွာဧကန်ဖော်ပြသည်။ ည၏ ပိန်းပိတ်အောင် မှောင်သော အမှောင်ထုအတွင်း နစ်မြုပ်နေသည့် တစ်ကမ္ဘာလုံး အလင်းသို့ရောက်ရှိခွင့် ရစေရန်အတွက် အလင်းရောင် အနည်းငယ်ဖြင့် တစ်ကမ္ဘာလုံး ထွန်းလင်းသွားစေမည်။ တစ်ကမ္ဘာလုံးရှိ လူသားများအား အလင်းမှ ခွန်အားရယူရန် လာရောက်စေပြီး နိုင်ငံတိုင်းတွင် ငါ၏ဘုန်းတန်ခိုး တိုးပွား စေလျက် အသစ်ပေါ်ထွန်းစေမည်။ ငါသည် လူ့ကမ္ဘာကို လွန်လေပြီးသော ကာလများစွာက လာရောက်ခဲ့ပြီး ငါ၏ဘုန်းကို ဣသရေလပြည်မှ အရှေ့အရပ်သို့ ယူဆောင်လာခဲ့ကြောင်း လူသားအားလုံးကို သိစေမည်။ အကြောင်းမူကား ငါ၏ ဘုန်းတန်ခိုးသည် ကျေးဇူးတော်ခေတ်မှ ယနေ့တိုင် ယူဆောင် လာခဲ့သော အရှေ့အရပ်မှ ထွန်းလင်းသည်။ သို့သော် ငါသည် ဣသရေလပြည်မှ ထွက်ခွာလာသည် ဖြစ်ပြီး ထိုနေရာမှ အရှေ့အရပ်သို့ ရောက်ရှိခဲ့ခြင်းဖြစ်သည်။ အရှေ့အရပ်၏ အလင်း တဖြည်းဖြည်း ဖြူသွားသည့်အခါမှ ကမ္ဘာတဝန်းရှိအမှောင်သည် အလင်းသို့ စတင်ပြောင်းလဲကာ ငါသည်လွန်ခဲ့သော ကာလများစွာတွင် ဣသရေလပြည်မှ ထွက်သွား၍ အရှေ့အရပ်တွင် အသစ်တစ်ဖန် ပေါ်ထွက်လာနေသည်ကို တွေ့ရှိကြမည် ဖြစ်သည်။ ဣသရေလပြည်သို့ တစ်ချိန်ကဆင်းသက်ပြီး နောင်တွင် ၎င်းမှထွက်ခွာလာခဲ့ခြင်းကြောင့် ငါသည် ဣသရေလပြည်တွင် ထပ်မံမွေးဖွားခြင်း မပြုနိုင်ပါ။ အကြောင်းမူကား ငါ၏အမှုသည် စကြဝဠာတစ်ခုလုံးကို လမ်းပြခြင်း ဖြစ်သည့်အပြင် အရှေ့အရပ်မှ အနောက်အရပ်သို့ ဖြောင့်တန်းလျက် လျှပ်ပြက်သောကြောင့် ဖြစ်သည်။ ၎င်းအကြောင်းရင်းကြောင့် ငါသည် အရှေ့အရပ်သို့ ဆင်းသက်ခဲ့ကာ ခါနာန်ပြည်ကို အရှေ့အရပ် သားများထံ ယူဆောင်ခဲ့ခြင်းဖြစ်သည်။ ငါသည် တစ်ကမ္ဘာလုံးရှိ လူသားများကို ခါနာန်ပြည်သို့ ခေါ်ဆောင် လိုသဖြင့် စကြဝဠာ တစ်ခုလုံးကို ထိန်းချုပ်နိုင်ခြင်းငှာ ခါနာန်ပြည်တွင် ငါသည် ဖွင့်ဟခြင်းများ ဆက်လက် ပြုလုပ်သည်။ ယခုအချိန်တွင် ခါနာန်ပြည်မှလွဲ၍ မြေပြင်တစ်ခုလုံး အလင်းမရှိပါ။ ထို့အပြင် လူသားအားလုံး ဆာလောင်မှုနှင့် အအေးတို့ကြောင့် ပျက်စီးနေ၏။ ငါသည် ငါ၏ဘုန်းတန်ခိုးကို ဣသရေလတို့ကို ပေးပြီးနောက် ပြန်ယူလိုက်၏။ ထို့နောက် ဣသရေလအမျိုးတို့အား အရှေ့အရပ်သို့ ခေါ်ဆောင်ခဲ့ပြီး လူသား အားလုံးကို အရှေ့အရပ်သို့ ခေါ်ဆောင်ခဲ့၏။ ၎င်းတို့အားလုံး အလင်းနှင့် ပြန်လည်ပူးပေါင်း၍ ပေါင်းသင်းကာ၊ ရှာဖွေခြင်း မပြုတော့ရန်အလို့ငှာ ငါသည် အလင်းထံ ခေါ်ဆောင်လာခဲ့သည်။ ရှာဖွေနေသူ အားလုံးအား အလင်းတစ်ဖန် ပြန်မြင်စေပြီး ဣသရေလတွင် ငါရှိခဲ့သော ဘုန်းတန်ခိုးကို မြင်စေမည်။ လွန်လေပြီးသော ကာလများစွာက လူသားမျိုးနွယ်အကြား မိုးတိမ်ဖြူပေါ်မှ ငါကြွဆင်းခဲ့ကြောင်း သူတို့အားမြင်စေမည်။ မရေတွက်နိုင်သော မိုးတိမ်ဖြူများ၊ ပြွတ်သိပ်လျက်ရှိသည့် အသီးများကို မြင်စေမည့်အပြင် ဣသရေလ၏ ယေဟောဝါ ဘုရားသခင်ကို တွေ့စေမည်။ ယုဒလူမျိုးတို့၏အရှင်၊ တောင့်တနေသည့် မေရှိယနှင့် ခေတ်အဆက်ဆက် ရှင်ဘုရင်များမှ ညှဉ်းပန်းခဲ့သည့် ငါ၏ရုပ်သွင် အပြည့်အဝကို ကြည့်စေမည်။ ငါသည် စကြဝဠာတစ်ခုလုံး အပေါ် အမှုထမ်းပြီး အမှုကြီးကို ဆောင်ရွက်မည်။ နောက်ဆုံးသော ကာလတွင် ငါ၏ဘုန်းတန်ခိုးနှင့် ငါ၏ ဆောင်ရွက်ချက် အားလုံးကို လူသားအား ဖော်ပြမည်။ ယုဒပြည်တွင် ငါ၏ဘုန်းတန်ခိုး မရှိစေတော့ရန် ငါသည် ဘုန်းတန်ခိုးကို လွန်ခဲ့သောကာလ များစွာက ယူလိုက်ကာ အရှေ့အရပ်သို့ ယူဆောင်ခဲ့ကြောင်း အားလုံး သိစေခြင်းအလို့ငှာ ငါ့ကို နှစ်ပေါင်းများစွာ စောင့်ခဲ့သူများ၊ မိုးတိမ်ဖြူပေါ်မှ ငါကြွလာရန် တောင့်တခဲ့သူများ၊ ငါတစ်ဖန် ပေါ်ထွက်ရန် တောင့်တခဲ့သည့် ဣသရေလနှင့် ငါ့ကိုညှဉ်းပန်းသူ လူသားမျိုးနွယ် အားလုံးအား ဘုန်းထင်ရှားသည့် ငါ၏မျက်နှာ တစ်ခုလုံး ပြမည်။ နောက်ဆုံးသောကာလ ရောက်ပြီ ဖြစ်သောကြောင့် ဖြစ်သည်။

စကြဝဠာတစ်ခွင်တွင် ငါသည် ငါ၏အမှု ထမ်းဆောင်လျက် ရှိပြီး အရှေ့အရပ်တွင် စဉ်ဆက်မပြတ် မိုးပျက်ကျနေလျက် တိုင်းနိုင်ငံ အားလုံးနှင့် ဂိုဏ်းဂဏအားလုံးကို တုန်လှုပ်နေစေသည်။ လူသား အားလုံးကို ပစ္စုပ္ပန်သို့ လမ်းပြခဲ့သည်မှာ ငါ၏အသံ ဖြစ်သည်။ ငါ၏အသံဖြင့် လူသားအားလုံးကို အနိုင်ယူမည်။ လူသားအားလုံးကို ဤစမ်းချောင်းအတွင်း ကျစေပြီး ငါ၏ ရှေ့မှောက် နာခံစေမည်။ အကြောင်းမူကား ကြာမြင့်စွာကတည်းက ငါ၏ဘုန်းတန်ခိုးကို ကမ္ဘာတစ်ခုလုံးထံမှ ငါပြန်လည်ရယူခဲ့ပြီး အရှေ့အရပ်တွင် အသစ်တစ်ဖန် ထုတ်ဝေခဲ့ပြီ ဖြစ်သည်။ အဘယ်သူသည် ငါ၏ဘုန်းကိုမြင်ရရန် မတောင့်တသနည်း။ အဘယ်သူသည် ငါပြန်လာမည့် အချိန်ကို စိုးရိမ်ကြီးစွာ စောင့်၍ မနေသနည်း။ အဘယ်သူသည် ငါတစ်ဖန် ပြန်ပေါ်လာမည်ကို မတောင့်တသနည်း။ အဘယ်သူသည် ငါ၏ ချစ်ခင်နှစ်လိုဖွယ် ကောင်းခြင်းကို အောက်မေ့တမ်းတခြင်း မရှိသနည်း။ အဘယ်သူသည် အလင်းသို့ မလာဘဲနေမည်နည်း။ အဘယ်သူသည် ခါနာန်ပြည်၏ ကြွယ်ဝမှုအကြောင်း မမျှော်ကြည့်ဘဲ နေမည်နည်း။ အဘယ်သူသည် ရွေးနှုတ်မည့်သူ ပြန်လာမည်ကို မတောင့်တဘဲ နေသနည်း။ ကြီးမြတ်သည့် အနန္တတန်ခိုးရှင်အား မမြတ်နိုးသူ အဘယ်သူနည်း။ ငါ၏အသံသည် ကမ္ဘာတစ်ဝန်း ပျံ့နှံ့သွားမည်။ ငါရွေးကောက်ထားသူများအား မျက်နှာချင်းဆိုင်လျက် နှုတ်ကပတ်တော်ကို ပိုမိုပြောကြားရန် ငါအလိုရှိသည်။ တောင်များနှင့် မြစ်များကို တုန်လှုပ်စေသည့် အစွမ်းကြီးသော မိုးချုန်းသံများကဲ့သို့ စကြဝဠာတစ်ခုလုံးနှင့် လူသားမျိုးနွယ်တို့အား ငါ၏ နှုတ်ကပတ်တော်ကို ငါပြောကြားသည်။ ထို့ကြောင့် ငါ၏နှုတ် အတွင်းရှိ နှုတ်ကပတ်တော်သည် လူသား၏ ရတနာဖြစ်ပြီး လူသားအားလုံး ငါ၏ နှုတ်ကပတ်တော်ကို ချစ်ခင် မြတ်နိုးသည်။ အရှေ့အရပ်မှသည် အနောက်အရပ်အထိ တစ်လျှောက်လုံး လျှပ်ပြက်သည်။ လူသားသည် ငါ၏ နှုတ်ကပတ်တော်ကို စွန့်လွှတ်ရန် ရွံမုန်းပြီး တစ်ချိန်တည်းတွင် မတွေးတတ်အောင် နက်နဲသည်ဟု မြင်သည်။ သို့သော် နှုတ်ကပတ်တော်တွင် ပျော်ပိုက်ခြင်းမှာ ပို၍များပါသည်။ မွေးကင်းစ ကလေးငယ် တစ်ဦးကဲ့သို့ လူသားအားလုံးသည် ဝမ်းမြောက် ပျော်ရွှင်လျက် ငါကြွလာမည့် အချိန်အတွက် ပျော်ပွဲရွှင်ပွဲများ ကျင်းပ နေကြပါသည်။ ငါ၏အသံအားဖြင့် ငါသည် လူသားအားလုံးကို ငါ၏ ရှေ့မှောက်သို့ ခေါ်ယူမည်။ ထိုအချိန်မှစ၍ လူသားတို့သည် ငါ့ကိုလာရောက် ဝတ်ပြုရန်အလို့ငှာ ငါသည် လူသားအမျိုးအနွယ် အကြား တရားဝင် ဝင်ရောက်မည်။ ဖြာထွက်လျက်ရှိသော ငါ၏ဘုန်းတန်ခိုးနှင့် ငါ၏ နှုတ်ထဲရှိ နှုတ်ကပတ်တော် အားဖြင့် လူသားအားလုံးကို ငါ၏ ရှေ့မှောက်လာစေပြီး အရှေ့အရပ်မှ လျှပ်ပြက်ခြင်းများကို မြင်စေကာ ငါသည်လည်း အရှေ့အရပ်၏ “သံလွင်တောင်” ပေါ်သို့ ဆင်းသက်ပြီဖြစ်ကြောင်း မြင်စေမည်။ ငါသည် ယုဒ လူမျိုးများ၏ သားအဖြစ် မဟုတ်တော့ဘဲ အရှေ့အရပ်၏ လျှပ်ပြက်ခြင်းကဲ့သို့ မြေကြီးပေါ်သို့ ရောက်နေသည်မှာ ကြာပြီဖြစ်ကြောင်းကို ထိုသူတို့ တွေ့လိမ့်မည်။ အကြောင်းမူကား ငါသည် ကြာမြင့်စွာ ကတည်းက ရှင်ပြန်ထမြောက်ပြီးဖြစ်ပြီး လူသားမျိုးနွယ်အကြားမှ ထွက်ခွာ လာပြီးနောက်၊ ဘုန်းတန်ခိုးဖြင့် လူသားတို့ အကြား ပြန်လည် ပေါ်ပေါက်လာခဲ့၏။ ငါသည် ယခုမတိုင်မီ မရေမတွက်နိုင်သော နှစ်ပေါင်းများစွာ ကတည်းက ဝတ်ပြုခံခဲ့ရသူဖြစ်ပြီး ယခုမတိုင်မီ နှစ်ပေါင်းများစွာက ဣသရေလအမျိုးတို့ စွန့်ပစ်ခဲ့သူ မွေးကင်းစလည်း ဖြစ်သည်။ ၎င်းအပြင် ငါသည် မျက်မှောက်ခေတ်၏ ဘုန်းကြီးသော အနန္တတန်ခိုးရှင် ဘုရားသခင်လည်းဖြစ်သည်။ ငါ၏ပလ္လင်ရှေ့မှောက် အားလုံးကို လာစေလျက် ဘုန်းတန်ခိုးရှိသော ငါ၏ မျက်နှာကို ဖူးမျှော်ပါစေ။ ငါ့အသံကို ကြား၍ ငါ၏လုပ်ဆောင်ချက်တို့ကို ကြည့်ပါစေ။ ဤသည်မှာ ငါ၏အလိုဆန္ဒ တစ်ခုလုံးဖြစ်သည်။ ဤသည်မှာ ငါ့အစီအစဉ်၏ အဆုံးနှင့် အထွတ်အထိပ်ဖြစ်ပြီး ငါ့စီမံခန့်ခွဲမှု၏ ရည်ရွယ်ချက်လည်းဖြစ်သည်။ နိုင်ငံတိုင်း ငါ့ကို ဝတ်ပြုပါစေ။ ဘာသာစကားတိုင်း ငါ့ကို အသိအမှတ် ပြုပါစေ။ လူတိုင်း ငါ့ကိုယုံကြည်ပြီး လူမျိုးတိုင်း ငါ့ကို နာခံပါစေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ကောင်းကင်နိုင်ငံတော်၏ ဧဝံဂေလိတရားများ စကြဝဠာတစ်ခွင်လုံး ပျံ့နှံ့သွားမည်ဟု နိမိတ်ပြနေသည့် မိုးချုန်းသံ ခုနစ်ချက်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၇၀)

လူသားတို့သည် ကယ်တင်ရှင်ကြွလာခြင်းကို တွေ့မြင်နိုင်ရန်အတွက် နှစ်ထောင်ပေါင်းများစွာ တောင့်တခဲ့ကြသည်။ ကယ်တင်ရှင် ယေရှုကို နှစ်ထောင်ပေါင်းများစွာတိုင် တမ်းတ စောင့်မျှော်နေကြသူများ အကြားတွင် လူသားတို့သည် ယေရှု ဖြူသောမိုးတိမ်စီးလျက် ဆင်းသက် လာသည်ကို ကိုယ်တိုင်ရှုမြင်ရန် တောင့်တခဲ့ကြသည်။ လူသားတို့သည် ကယ်တင်ရှင် ပြန်လာပြီး လူတို့နှင့် ပြန်လည် ပေါင်းစည်းနိုင်ရန် တောင့်တခဲ့ကြသည်၊ ဆိုလိုသည်မှာ နှစ်ထောင်ပေါင်း များစွာကြာအောင် လူတို့နှင့် ကွဲကွာနေခဲ့သည့် ကယ်တင်ရှင် ယေရှုကို လူသားထံသို့ ပြန်လာစေရန်ဖြစ်သည်။ ထို့နောက် ယုဒလူမျိုးများ အကြားတွင် သူပြုလုပ်ခဲ့သည့် ရွေးနှုတ် ကယ်တင်ခြင်းအမှုကို ပြန်လည်၍ ဆောင်ရွက်မည်၊ လူသားတို့အပေါ် မေတ္တာကရုဏာ ကြီးမားစွာဖြင့် ချစ်မြတ်နိုးမည်၊ လူသားတို့၏ အပြစ်များကို ခွင့်လွှတ်မည်၊ လူသား၏အပြစ်များကိုခံမည့်အပြင် လူသား၏အကျင့်သီလ ပျက်ပြားမှု အားလုံးကို ခေါင်းခံတာဝန်ယူ၍ လူသားအား ထိုအပြစ်များမှ လွတ်မြောက်စေမည်ဟု လူသားကမျှော်လင့်သည်။ ၎င်းတို့က ကယ်တင်ရှင် ယေရှုအား ယခင်အတိုင်း ချစ်မြတ်နိုးဖွယ်၊ နှစ်သက်ဖွယ်၊ ကြည်ညို လေးစားဖွယ်ကောင်းသော၊ လူသားအပေါ် မည်သည့်အခါမျှ အမျက်ဒေါသမရှိ၊ အပြစ်ဆိုခြင်း မရှိသော ကယ်တင်ရှင်အဖြစ် ရှိနေစေလိုကြသည်။ ဤကယ်တင်ရှင်သည် လူသား၏ အပြစ်အားလုံးကို ခါးဆီးခံပေးပြီး ခွင့်လွှတ်ပေးသူဖြစ်ကာ လူသားအတွက် လက်ဝါး ကပ်တိုင်ပေါ်တွင် နောက်တစ်ကြိမ် အသက်ပင် ပေးခဲ့သူဖြစ်သည်။ ယေရှု ခွဲခွာသွားပြီးနောက် သူ၏ နောက်လိုက် တပည့် များနှင့် သူ၏အမည် နာမကြောင့် ကယ်တင်ခြင်းခံရသည့် သန့်ရှင်းသူအားလုံးတို့က သူ့အား အလွန့်အလွန် အောက်မေ့တမ်းတပြီး စောင့်မျှော်နေကြသည်။ ကျေးဇူးတော်ခေတ်၌ ယေရှုခရစ်တော်၏ ကျေးဇူးကြောင့် ကယ်တင်ခြင်းခံခဲ့ရသော သူအပေါင်းတို့သည် နောက်ဆုံးသောကာလ၏ ဝမ်းမြောက်ဖွယ်ရာ နေ့ဖြစ်သော၊ ကယ်တင်ရှင်ယေရှု ဖြူသော မိုးတိမ်စီးလျက် လူသားများအကြား ပေါ်ပေါက်လာမည့်အချိန်အား တမ်းတလျက် ရှိနေကြသည်။ မှန်ပါ၏၊ ဤသည်မှာ ယနေ့ ကယ်တင်ရှင် ယေရှု၏ နာမကို လက်ခံသူအားလုံး၏ စုပေါင်းဆန္ဒလည်းဖြစ်ပါသည်။ စကြဝဠာ တစ်လျှောက်လုံးရှိ ကယ်တင်ရှင်ယေရှု၏ ကယ်တင်ခြင်း အကြောင်းကို သိသူအားလုံးတို့သည် ယေရှုကမ္ဘာမြေပေါ်တွင် ရှိစဉ်အခါက “ငါထွက်ခွာသွားသကဲ့သို့ပင် တဖန်ပြန်လည် ရောက်ရှိလာလိမ့်မည်” ဟု ပြောဆိုခဲ့သည့်စကားကို ဖြည့်ဆည်းပေးရန်အတွက် ယေရှုခရစ်တော် ရုတ်တရက် ကြွလာဖို့ အလွန့်အလွန် တမ်းတလျက်ရှိကြသည်။ လက်ဝါးကပ်တိုင်တွင် အဆုံးစီရင်ခံရကာ ရှင်ပြန်ထမြောက်ခဲ့ပြီး နောက်ပိုင်းတွင် ယေရှုသည် ဖြူသော မိုးတိမ်စီးလျက် ကောင်းကင်ဘုံသို့ ပြန်သွားခဲ့ပြီး အမြင့်ဆုံးသော ဘုရား၏ လက်ယာလက် နေရာကို ယူခဲ့သည်ဟု လူသားက ယုံကြည်သည်။ လူသားက ယင်းကို အလားတူပင် ထင်မြင်သည်၊ ယေရှုသည် နှစ်ထောင်ပေါင်းများစွာတိုင် သူ့အား အလွန့်အလွန် တောင့်တနေခဲ့ကြသူများအကြား ဖြူသောမိုးတိမ် (ဤမိုးတိမ်မှာ ယေရှု ကောင်းကင်ဘုံသို့ ပြန်စဉ်အခါက စီးနင်းသွားခဲ့သည့် မိုးတိမ်ကိုဆိုလိုပါသည်) စီးလျက် တဖန်ပြန်လည် ဆင်းသက်လာလိမ့်မည်၊ ယုဒလူမျိုးများ၏ ပုံသဏ္ဌာန်နှင့် အဝတ်အစားများကို ဝတ်စားထား လိမ့်မည်။ လူသားများအရှေ့တွင် ပေါ်လာပြီးနောက် သူသည် လူသားများကို အစားအစာများ ပေးသနားမည်၊ လူသားများအတွက် အသက်ရေများ တသွင်သွင်စီးဆင်းစေလိမ့်မည်၊ ကျေးဇူးတော်နှင့် ချစ်ခြင်းမေတ္တာ အပြည့်အဝဖြင့် လူသားတို့အကြားတွင် အမှန်တကယ် နေထိုင်သွားလိမ့်မည်၊ အစရှိသဖြင့် ဖြစ်၏။ သို့သော်လည်း ကယ်တင်ရှင် ယေရှုက ယင်းသို့ မပြုလုပ်ခဲ့ပါ၊ လူသားများ ထင်မြင်ထားခဲ့သည်နှင့် ဆန့်ကျင်ဘက်ကို သူပြုလုပ်ခဲ့သည်။ သူ၏ပြန်အလာကို တောင့်တ နေခဲ့ကြသူများအကြားတွင် သူပေါ်မလာခဲ့ပါ၊ ဖြူသော မိုးတိမ်ကို စီးနင်းလျက် လူသားအားလုံးထံသို့လည်း သူပေါ်လာခဲ့ခြင်း မရှိခဲ့ပါ။ ဘုရားသခင်သည် ရောက်ရှိနေခဲ့ပြီး ဖြစ်သော်လည်း လူသားမှာ သူ့အားမသိရှိဘဲ သူ့ကို ဆက်လက်၍ မသိဘဲနေဆဲပင်ဖြစ်သည်။ လူသားမှာ ရည်ရွယ်ချက် ကင်းမဲ့စွာဖြင့်သာ သူ့ကို စောင့်မျှော်နေသည်၊ “ဖြူသောမိုးတိမ်” ပေါ် (သူ၏ ဝိညာဉ်၊ နှုတ်ကပတ်တော်များနှင့် သူ၏ပင်ကိုစိတ်သဘောထားနှင့် ဖြစ်တည်မှုအားလုံးဖြစ်သော ထိုမိုးတိမ်) မှ ဘုရားသခင် ဆင်းသက်လာခဲ့ပြီးဖြစ်သည်ကို မသိရှိပေ၊ နောက်ဆုံးသောကာလတွင် သူပြုမည့် အောင်နိုင်သူများအုပ်စုထဲတွင် ယခုရှိနေပါသည်။ ဤသည်ကို လူသား မသိရှိပေ။ သန့်ရှင်းသော ကယ်တင်ရှင် ယေရှုသည် လူသားတို့အပေါ် ချစ်ခြင်းမေတ္တာတရားတို့နှင့် ပြည့်နှက်နေ သော်လည်း အညစ်အကြေးများနှင့် မသန့်စင်သော ဝိညာဉ်များ နေရာယူထားသည့် “ဗိမာန်တော်များ” တွင် သူအဘယ်သို့ အမှုပြုနိုင်မည်နည်း။ လူသားတို့က သူ၏ကြွလာခြင်းကို စောင့်စားလျက် ရှိနေသော်လည်း မတရားသော သူ၏အသားကိုစားသူ၊ မတရားသောသူ၏ သွေးကိုသောက်သူ၊ မတရားသောသူ၏ အဝတ် အစားများကို ဝတ်ဆင်သူ၊ သူ့အားယုံကြည်သော်လည်း သူ့အားမသိသောသူ၊ ဘုရားသခင်အား အမြဲတစေ ခြိမ်းခြောက် အကျပ်ကိုင် သူများရှေ့တွင် အဘယ်သို့ ပေါ်လာနိုင်မည်နည်း။ ကယ်တင်ရှင် ယေရှုသည် ချစ်ခြင်းမေတ္တာ၊ ကရုဏာတော်များဖြင့် ပြည့်နှက်လျက်ရှိပြီး ရွေးနှုတ်ခြင်းနှင့် ပြည့်စုံသည့် အပြစ်ဖြေရာယဇ် အဖြစ်သာ လူသားတို့ သိရှိထားသည်။ သို့ရာတွင် ထိုသူသည် ဖြောင့်မတ်မှု၊ ဘုန်းအာနုဘော်၊ အမျက်ဒေါသ၊ တရားစီရင်မှု၊ အခွင့်အာဏာနှင့် ဂုဏ်သိက္ခာ ပြည့်ဝခြင်းတို့ဖြင့် ပြည့်လျှံနေသော ဘုရားသခင်ကိုယ်တိုင် ဖြစ်ကြောင်းကိုမူ လူသားတို့ တွေးတောမိခြင်း မရှိပေ။ ထို့ကြောင့်ပင် ရွေးနှုတ်သူပြန်အလာကို လူသား စိတ်အား ထက်သန်စွာ တောင့်တ စောင့်မျှော်နေသော်လည်း၊ ထိုလူသား၏ ဆုတောင်းချက်များကို ကောင်းကင်မှပင် တုန်လှုပ်သွားသော်လည်း ကယ်တင်ရှင်ယေရှုသည် သူ့အားယုံကြည်သော်လည်း သူ့အား မသိကျွမ်းသူများ ထံတွင် ပေါ်လာမည် မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ကယ်တင်ရှင်သည် ‘ဖြူသောမိုးတိမ်’ အားစီးလျက် ကြွလာခဲ့ပြီးဖြစ်သည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၇၁)

ဘုရားသခင်၏ နှစ်ခြောက်ထောင် စီမံခန့်ခွဲမှု အစီအစဉ်က အဆုံးသို့ ရောက်လုနီးပြီ ဖြစ်သည်။ ထို့ပြင် ဘုရားသခင်၏ ပေါ်ထွန်းခြင်းကို ရှာဖွေသူများအားလုံးအတွက် နိုင်ငံတော်၏ တံခါးသည်လည်း ဖွင့်ထားပြီးဖြစ်သည်။ ချစ်သော ညီအစ်ကို မောင်နှမတို့၊ သင်တို့ မည်သည့်အရာကို စောင့်မျှော်နေကြသနည်း။ မည်သည့်အရာကို ရှာဖွေနေကြသနည်း။ ဘုရားသခင် ပေါ်ထွန်းခြင်းကို သင်တို့စောင့်မျှော်နေသလော။ ဘုရားသခင်၏ ခြေရာများကို သင်တို့ရှာဖွေနေကြသလော။ ဘုရားသခင်၏ ပေါ်ထွန်းခြင်းကို မြင်တွေ့နိုင်ရန် လူများ အလွန်ပင်တောင့်တကြသည်တကား။ ထို့ပြင် ဘုရားသခင်၏ ခြေရာများကို တွေ့ရန်မှာလည်း အလွန်ပင် ခက်ခဲလှသည်တကား။ ဤကဲ့သို့သောခေတ် ဤကဲ့သို့သောအချိန်၊ ဤကဲ့သို့သောလောကမှာ ဘုရားသခင် ပေါ်ထွန်းသည့်နေ့ကို တွေ့ကြုံနိုင်ဖို့အတွက် မည်သည့်အရာကို ငါတို့လုပ်ဆောင်ရမည်နည်း။ ဘုရားသခင်၏ ခြေလှမ်းများကို အမီလိုက်ရန် ငါတို့အနေဖြင့် မည်သို့လုပ်ဆောင်ရမည်နည်း။ ဘုရားသခင် ပေါ်ထွန်းရန် စောင့်မျှော်နေသည့် သူများအားလုံး ဤမေးခွန်းများနှင့် ရင်ဆိုင်ကြရသည်။ သင်တို့အားလုံးလည်း ဤမေးခွန်းများကို တစ်ခါထက်မက စဉ်းစားဖူးကြသည်။ သို့သော် မည်သည့်ရလဒ်ကို ရရှိကြသနည်း။ ဘုရားသခင်သည် မည်သည့်အရပ်၌ ပေါ်ထွန်းသနည်း။ ဘုရားသခင်၏ခြေရာများ မည်သည့်နေရာ၌ ရှိသနည်း။ သင်တို့၌ အဖြေရှိပြီလော။ လူတော်တော်များများက “ဘုရားသခင်က သူ့နောက်လိုက်သောသူ အားလုံးအကြား၌ ပေါ်ထွန်းပြီး ကိုယ်တော်၏ ခြေရာများသည်လည်း ကျွန်ုပ်တို့အကြား၌ ရှိသည်၊ ထိုမျှပင် ရိုးစင်းလှသည်” ဟု ဖြေကြမည် ဖြစ်သည်။ မည်သူမဆို ပုံသေနည်းထဲထည့်ပြီး ထွက်လာသည့် အဖြေမျိုးကို ပေးနိုင်ပါသည်။ သို့သော် ဘုရားသခင်၏ ပေါ်ထွန်းခြင်း သို့မဟုတ် သူ၏ခြေရာများဟုဆိုရာ၌ အဘယ်အရာအား ဆိုလိုသည်ကို သင်တို့နားလည်ကြသလော။ ဘုရားသခင်၏ ပေါ်ထွန်းခြင်းဟူသည်မှာ ဘုရားသခင်က သူ၏အလုပ်ကို ကိုယ်တိုင်ကိုယ်ကျလုပ်ရန်အတွက် လောကသို့ ဆိုက်ရောက်လာခြင်းကို ရည်ညွှန်းသည်။ ခေတ်တစ်ခေတ်ကို အစပြုသည့်အမှုနှင့် ခေတ်တစ်ခေတ်ကို အဆုံးသတ်သည့်အမှုတို့ကို လုပ်ဆောင်ရန် သူ၏ကိုယ်ပိုင်လက္ခဏာနှင့် စိတ်သဘောထား၊ ထို့ပြင် သူ့နည်းသူ့ဟန်နှင့် လူသားများထဲသို့ သူဆင်းကြွလာသည်။ ဤပေါ်ထွန်းခြင်းမျိုးသည် အခမ်းအနားအသွင် တစ်ခု မဟုတ်ပါ။ ယင်းမှာ သင်္ကေတတစ်ခုလည်းမဟုတ်၊ ပုံဆောင်မှု တစ်ခု၊ အံ့သြဖွယ်တစ်ခု၊ သို့မဟုတ် ခမ်းနားသည့် မြင်ကွင်းတစ်ခုလည်း မဟုတ်ပေ။ ထို့အပြင် ဘာသာရေးဖြစ်စဉ်မျိုး သာ၍ပင် မဟုတ်ပေ။ ၎င်းသည် စစ်မှန်သည့် အချက်အလက်တစ်ခုဖြစ်ပြီး ကိုင်တွယ်တို့ထိနိုင်သော၊ မည်သူမဆို မြင်နိုင်သောအရာဖြစ်သည်။ ဤပေါ်ထွန်းခြင်းမျိုးသည် ဟန်ဆောင်လုပ်ပြခြင်းအလို့ငှာ မဟုတ်ပေ၊ သို့မဟုတ် ရေတိုလုပ်ဆောင်မှုအလို့ငှာ မဟုတ်ပေ၊ စင်စစ်အားဖြင့် သူ၏စီမံခန့်ခွဲမှုအစီအစဉ်အတွင်းရှိ အလုပ်အဆင့်တစ်ဆင့်အလို့ငှာ ဖြစ်သည်။ ဘုရားသခင်၏ ပေါ်ထွန်းခြင်းသည် အမြဲအဓိပ္ပာယ်ရှိသည့်အပြင် သူ၏စီမံခန့်ခွဲမှု အစီအစဉ်နှင့်လည်း ဆက်စပ်မှုအချို့ အမြဲရှိသည်။ ဤနေရာ၌ပြောသည့် “ပေါ်ထွန်းခြင်း” ဆိုသည်မှာ လူသားကို ဘုရားသခင် လမ်းပြ၊ ဦးဆောင်ပြီး ဉာဏ်အလင်းပေးသည့် “ပေါ်ထွန်းခြင်း” နှင့် လုံးဝမတူပါ။ ဘုရားသခင်သည် မိမိကိုယ်မိမိ ထုတ်ဖော်ပြသည့် အကြိမ်တိုင်း၌ ကြီးမြတ်သော သူ့အလုပ်၏ အဆင့်တစ်ဆင့်ကို လုပ်ဆောင် လေ့ရှိသည်။ ထိုအလုပ်သည် အခြားမည်သည့်ခေတ်၏ အလုပ်နှင့်မဆို ကွဲပြားခြားနားသည်။ လူသားအနေဖြင့် မစဉ်းစားတတ်သည့်အလုပ်၊ မည်သည့်အခါကမျှ မကြုံတွေ့ဖူးသော အလုပ်ဖြစ်သည်။ ၎င်းသည် ခေတ်ဟောင်းကို အဆုံးသတ်ပြီး ခေတ်သစ်တစ်ခေတ်ကို အစပြုသော အလုပ်ဖြစ်သည်။ လူတို့ ကယ်တင်ခြင်းရဖို့အတွက် အသစ်သော အလုပ်ပုံစံတစ်ခု၊ သာ၍ကောင်းသော အလုပ်ပုံစံတစ်ခု ဖြစ်သည်။ ထို့အပြင် လူသားများကို အသစ်သောခေတ်ထဲသို့ ပို့ဆောင်ပေးသည့် အလုပ်လည်း ဖြစ်သည်။ ဘုရားသခင်၏ ပေါ်ထွန်းခြင်းမှာ ထိုသဘောကိုဆောင်သည်။

ဘုရားသခင်၏ ပေါ်ထွန်းခြင်းမှာ အဘယ်အရာအား ဆိုလိုသည်ကို သင်တို့နားလည်သွားသောအခါ ဘုရားသခင်၏ ခြေရာများကို သင်တို့မည်သို့ရှာဖွေသင့်သနည်း။ ဤမေးခွန်းမှာ ဖြေရှင်းရန် မခက်ပါ။ ဘုရားသခင် ပေါ်ထွန်းသော နေရာတိုင်း၌ ဘုရားသခင်၏ ခြေလှမ်းများကို တွေ့ရမည်ဖြစ်သည်။ ထိုသို့သောအဖြေက ရိုးစင်းသည်ဟု ထင်ရသည်၊ သို့သော် လက်တွေ့လုပ်ဆောင်ဖို့ရန် လွယ်လှသည်ကား မဟုတ်ချေ။ အဘယ်ကြောင့်ဆိုသော် များစွာသော လူတို့သည် ဘုရားသခင်က သူ့ကိုယ်သူ မည်သည့်အရပ်၌ ထုတ်ဖော်လိုကြောင်း၊ သို့မဟုတ် မည်သည့်အရပ်၌ သူထုတ်ဖော် သင့်ကြောင်းကို သိရန်မဆိုထားနှင့် ဘုရားသခင်သည် သူ့ကိုယ်သူ မည်သည့်အရပ်၌ ထုတ်ဖော်သည်ကိုပင် မသိကြသောကြောင့်ဖြစ်သည်။ အချို့ကလည်း သန့်ရှင်းသောဝိညာဉ်တော် အမှုပြုသော နေရာတိုင်း၌ ဘုရားသခင် ပေါ်ထွန်းသည်ဟု စိတ်ကူးပေါက်ရာ ယုံကြည်ကြသည်။ သို့မဟုတ်ပါက ဝိညာဉ်ရေးရာ၌ ထင်ရှားသောပုဂ္ဂိုလ်များ ရှိသည့်နေရာတိုင်း၌ ဘုရားသခင် ပေါ်ထွန်းသည်ဟု ယုံကြည်ကြသည်။ သို့မဟုတ်ပါက လူသိများသော လူများရှိသည့်နေရာတိုင်း၌ ဘုရားသခင် ပေါ်ထွန်းသည်ဟု ယုံကြည်ကြသည်။ လတ်တလောတွင်မူ ထိုသို့သော ယုံကြည်မှုများသည် မှန်သလော သို့မဟုတ် မှားသလော ဟူသည့် အချက်ကို အသာထားကြဦးစို့။ ထိုသို့သောမေးခွန်းကို ဖြေရှင်းရန်အတွက် ပထမဦးဆုံးအနေနှင့် ငါတို့၌ ရှင်းလင်းသော ရည်ရွယ်ချက် ရှိရပေမည်၊ ငါတို့သည် ဘုရားသခင်၏ ခြေရာများကို ရှာဖွေနေကြခြင်း ဖြစ်သည်။ ဝိညာဉ်ရေးရာ၌ ထင်ရှားသော ပုဂ္ဂိုလ်များကို ငါတို့ရှာဖွေနေခြင်း မဟုတ်၊ ထင်ရှားကျော်ကြားသော ပုဂ္ဂိုလ်များ၏နောက်သို့ လိုက်နေကြခြင်း သာ၍ပင် မဟုတ်ပါ၊ ငါတို့သည် ဘုရားသခင်၏ ခြေရာများနောက်သို့ လိုက်နေကြခြင်း ဖြစ်သည်။ ဤအကြောင်းကြောင့်၊ ငါတို့သည် ဘုရားသခင်၏ ခြေရာများကို ရှာဖွေနေကြသည်နှင့်အညီ ဘုရားသခင်၏အလို၊ ဘုရားသခင်၏ နှုတ်ကပတ်တော်များနှင့် သူ၏မိန့်မြွက်ချက်များကို ငါတို့ရှာဖွေအပ်သည်၊ အဘယ်ကြောင့်ဆိုသော် ဘုရားသခင် မိန့်ကြားသည့် အသစ်သော နှုတ်ကပတ်တော်များရှိသော မည်သည့် နေရာ၌မဆို ဘုရားသခင်၏ အသံရှိပြီး၊ ဘုရားသခင်၏ ခြေလှမ်းများ ရှိသော မည်သည့်နေရာ၌မဆိုလည်း ဘုရားသခင်၏ လုပ်ဆောင်မှုများ ရှိသောကြောင့်ဖြစ်သည်။ ဘုရားသခင်၏ ဖော်ပြချက်ရှိသော နေရာတိုင်း၌ ဘုရားသခင်ပေါ်ထွန်းပြီး၊ ဘုရားသခင်ပေါ်ထွန်းသော နေရာတိုင်း၌ လမ်းခရီး၊ သမ္မာတရားနှင့် အသက်တို့ တည်ရှိသည်။ ဘုရားသခင်၏ ခြေရာများကို ရှာသောအခါ၌ “ဘုရားသခင်သည် လမ်းခရီးဖြစ်၏။ သမ္မာတရားလည်းဖြစ်၏။ အသက်လည်းဖြစ်၏” ဟူသည့် နှုတ်ကပတ်တော်များကို သင်တို့ လျစ်လျူရှုခဲ့ကြသည်။ ထို့ကြောင့် များစွာသောလူတို့သည် သမ္မာတရားကို ရရှိသောအခါ၌ ပင်လျှင်၊ ဘုရားသခင်၏ ခြေရာများကို သူတို့ရှာတွေ့ပြီဟု မယုံကြည်ကြသည့်အပြင်၊ ဘုရားသခင်၏ ပေါ်ထွန်းခြင်းကို သာ၍ပင် အသိအမှတ် မပြုကြပေ။ စိုးရိမ်ဖွယ်ကောင်းလှသော အမှားပေတကား။ ဘုရားသခင်၏ ပေါ်ထွန်းခြင်းသည် လူတို့၏ အယူအဆများနှင့် ဆက်စပ်ညီညွတ်မှု မရှိနိုင်ပါ၊ လူသား၏ စေခိုင်းချက်ကြောင့် ပေါ်ထွန်းသည့် ဘုရားသခင် လုံးဝမဟုတ်ပါ။ ဘုရားသခင်သည် မိမိ၏အလုပ်ကို လုပ်သောအခါ၌ မိမိကိုယ်ပိုင် ရွေးချယ်ချက်များနှင့် မိမိကိုယ်ပိုင်အစီအစဉ်များကို ချမှတ်သည်။ ထို့အပြင် သူ၌ မိမိကိုယ်ပိုင် ရည်ရွယ်ချက်များနှင့် မိမိကိုယ်ပိုင်နည်းစနစ်များ ရှိသည်။ မည်သည့်အလုပ်ကို သူလုပ်သည်ဖြစ်စေ၊ လူနှင့်တိုင်ပင်ဖို့ သို့မဟုတ် လူ့ထံမှ အကြံဉာဏ်တောင်းဖို့ မလိုအပ်ပေ၊ အယောက်စီတိုင်းကို သူ၏အလုပ်အကြောင်း အသိပေးဖို့လည်း သာ၍ပင် မလိုအပ်ပေ။ ဤသည်မှာ ဘုရားသခင်၏ စိတ်သဘောထားဖြစ်သည့်အပြင် လူတိုင်း အသိအမှတ်ပြုသင့်သည့် အချက်ဖြစ်သည်။ ဘုရားသခင်၏ ပေါ်ထွန်းခြင်းကို သင်တို့မြင်တွေ့လိုလျှင်၊ ဘုရားသခင်၏ ခြေလှမ်းများနောက်သို့ လိုက်လိုလျှင်၊ ရှေးဦးစွာ သင်တို့၏ ကိုယ်ပိုင်အယူအဆများကို ရှောင်ခွာရမည်ဖြစ်သည်။ ဘုရားသခင်ကို သင်၏ကိုယ်ပိုင်အကန့်အသတ်ထဲတွင် ဘောင်ခတ်ထားရန်နှင့် သင်၏ကိုယ်ပိုင်အယူအဆများအတွင်း ကန့်သတ်ထားရန်တို့ကို မဆိုထားနှင့်၊ ဘုရားသခင်ကို ဟိုအရာလုပ်၊ သည်အရာလုပ်ဟုပင် မတောင်းဆိုရပေ။ ထိုအစား ဘုရားသခင်၏ ခြေရာများကို သင်တို့ မည်သို့ရှာဖွေသင့်ပုံ၊ ဘုရားသခင်၏ ပေါ်ထွန်းခြင်းကို မည်သို့ လက်ခံသင့်ပုံ၊ ထို့ပြင် ဘုရားသခင်၏ အသစ်သော အလုပ်ကို မည်သို့ နာခံသင့်ပုံတို့ကို မေးသင့်သည်၊ ဤသည်မှာ လူတို့ လုပ်ဆောင်သင့် သည့်အရာ ဖြစ်သည်။ လူသည် သမ္မာတရား မဟုတ်သည့်အပြင် သမ္မာတရားကိုလည်း မပိုင်ဆိုင်သောကြောင့် သူ့အနေဖြင့် ရှာဖွေကာ လက်ခံပြီး နာခံသင့်ပေသည်။

သင်သည် အမေရိကန်လူမျိုး ဖြစ်သည်ဖြစ်စေ၊ ဗြိတိသျှလူမျိုး ဖြစ်သည်ဖြစ်စေ သို့မဟုတ် အခြားမည်သည့်လူမျိုးပင် ဖြစ်နေပါစေ သင်၏ကိုယ်ပိုင်လူမျိုး အကန့်အသတ်ဘောင်ထဲက ထွက်လာသင့်သည်၊ သင်၏အတ္တကိုယ်ကို ကျော်လွန်လျက် ဖန်ဆင်းခံ သတ္တဝါတစ်ဦး၏ ရှုထောင့်မှနေ၍ ဘုရားသခင်၏ အလုပ်ကို ရှုမြင်သင့်သည်။ ဤနည်းဖြင့် သင်သည် ဘုရားသခင်၏ ခြေရာများအပေါ် ကန့်သတ်ချက်များ မထားလိမ့်မည်ဖြစ်သည်။ ဤသို့ဖြစ်ရခြင်းမှာ ယနေ့ခေတ်၌ ဘုရားသခင်သည် တစ်စုံတစ်ရာသော နိုင်ငံတစ်နိုင်ငံ သို့မဟုတ် တစ်စုံတစ်ရာသော လူမျိုးအကြား၌ ပေါ်ထွန်းလာမည်ကို များစွာသောလူတို့က မဖြစ်နိုင်ဟု ထင်မြင်ကြသောကြောင့်ဖြစ်သည်။ ဘုရားသခင်၏ အလုပ်သည် အလွန်ပင် လေးနက်လှသည်တကား၊ ဘုရားသခင်၏ ပေါ်ထွန်းခြင်းသည်လည်း အလွန်ပင် အရေးပါလှသည် တကား။ လူ၏ အယူအဆများနှင့် အတွေးအခေါ်တို့ဖြင့် ၎င်းတို့ကို မည်သို့လျှင် ချင့်တွက်နိုင်မည်နည်း။ ထို့ကြောင့် ဘုရားသခင်၏ ပေါ်ထွန်းခြင်းကို ရှာဖွေရန်အလို့ငှာ သင့်အနေဖြင့် မိမိ၏လူမျိုး သို့မဟုတ် မိမိလူမျိုးစု၏ အယူအဆများမှ ထိုးဖောက်ထွက်သင့်သည်ဟု ငါပြောသည်။ ထိုသို့အားဖြင့်သာ သင်သည် သင့်အယူအဆများ၏ ဘောင်ခတ်ခြင်းကို မခံရဘဲ ရှိလိမ့်မည်၊ ထိုသို့အားဖြင့်သာ ဘုရားသခင်၏ ပေါ်ထွန်းခြင်းကို ကြိုဆိုဖို့ရန် သင်သည် အရည်အချင်းပြည့်မီလိမ့်မည်။ သို့မဟုတ်ပါက သင်သည် ထာဝရအမှောင်ထုထဲ၌ ကျန်ရစ်နေမည်ဖြစ်ပြီး ဘုရားသခင်၏ ထောက်ခံခြင်းကို ဘယ်သောအခါမျှ ရရှိမည် မဟုတ်ပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ ပေါ်ထွန်းခြင်းသည် ခေတ်သစ်တစ်ခေတ်ကို အစပြုခဲ့၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၇၂)

ဘုရားသခင်သည် လူသားမျိုးနွယ်တစ်ရပ်လုံး၏ ဘုရားဖြစ်သည်။ နိုင်ငံတစ်နိုင်ငံ၊ လူမျိုးတစ်မျိုးကသာ သီးသန့်ပိုင်သည့် ဘုရားအဖြစ် ဘုရားသခင်က သူ့ကိုယ်သူ မသတ်မှတ်ထားဘဲ၊ မည်သည့်ပုံစံ၊ မည်သည့်တိုင်းနိုင်ငံ၊ သို့မဟုတ် မည်သည့်လူမျိုးမျှ၏ ဘောင်ခတ်ခြင်းကို မခံဘဲ သူကြံစည်ထားသည့်အတိုင်း အလုပ်ကို လုပ်နေသည်။ သင့်အနေဖြင့် ထိုပုံစံကို တစ်ခါမျှ စိတ်မကူးမိခဲ့ဖူးခြင်း ဖြစ်ကောင်းဖြစ်နိုင်သည်။ သို့မဟုတ် ထိုပုံစံနှင့်ပတ်သက်သော သင့်သဘောထားသည် ငြင်းဆန်သောသဘောထား ဖြစ်ကောင်းဖြစ် နိုင်သည်။ သို့မဟုတ် ဘုရားသခင်အနေဖြင့် မိမိကိုယ်မိမိ ဖော်ထုတ် ပြသည့် အရပ်ဖြစ်သော တိုင်းနိုင်ငံနှင့် လူမျိုးတို့သည် တိုက်တိုက် ဆိုင်ဆိုင်ပင် လူအားလုံးတို့၏ ခွဲခြားဆက်ဆံမှု ခံနေရပြီး ကမ္ဘာပေါ်၌ ခေတ်နောက်အကျန်ဆုံး ဖြစ်ကောင်းဖြစ်နိုင်သည်။ သို့သော် ဘုရားသခင်၌ သူ၏ဉာဏ်ပညာရှိသည်။ သူ၏ ကြီးမြတ်သောတန်ခိုး၊ သူ၏ သမ္မာတရားနှင့် သူ၏စိတ်သဘောထားအားဖြင့် ဘုရားသခင်သည် သူနှင့် တစ်စိတ်တဝမ်းတည်းဖြစ်သည့် လူတစ်စုကို အမှန်ရရှိခဲ့သည်။ အမျိုးမျိုးသော စမ်းသပ်မှုများနှင့် ဒုက္ခဆင်းရဲများ၊ အမျိုးမျိုးသော နှိပ်စက်မှုများကို ကြံ့ကြံ့ခံပြီး သူ့နောက်သို့ အဆုံးတိုင် လိုက်နိုင်သည့် သူသိမ်းပိုက်ထားသော လူစုဖြစ်သည့် စုံလင်အောင် သူပြုလိုသော လူတစ်စုကို အမှန်ပင် သူရရှိခဲ့သည်။ မည်သည့်ပုံစံ၊ သို့မဟုတ် တိုင်းနိုင်ငံ၏ ကန့်သတ်ခြင်းများ မရှိသည့် ဘုရားသခင့်ပေါ်ထွန်းခြင်း၏ ရည်ရွယ်ချက်မှာ သူကြံစည်ထားသည့် အတိုင်း အလုပ်ကို ပြီးမြောက်အောင် လုပ်ဆောင်နိုင်ဖို့ဖြစ်သည်။ ဤသည်မှာ ယုဒပြည်၌ ဘုရားသခင် လူ့ဇာတိခံယူခဲ့သောအခါက ကဲ့သို့ပင် ဖြစ်သည်၊ ထိုအခါက သူ၏ရည်ရွယ်ချက်မှာ လူသားမျိုးနွယ်တစ်ရပ်လုံးကို ရွေးနှုတ်ရန်အတွက် ကားတိုင်၌ အသေခံဖို့ ဖြစ်သည်။ သို့သော်လည်း ဂျူးလူမျိုးများက ဘုရားသခင်အနေဖြင့် ထိုသို့ပြုရန်မှာ မဖြစ်နိုင်ဟု ယုံကြည်ခဲ့ကြသည်။ ထို့ပြင် ဘုရားသခင်က လူ့ဇာတိခံယူပြီး သခင်ယေရှု၏အသွင်ကို ဆောင်ယူရန်မှာ မဖြစ်နိုင်ဟု ထင်ခဲ့ကြသည်။ သူတို့၏ “မဖြစ်နိုင်” ဟူသည့်အချက်မှာ သူတို့အနေဖြင့် ဘုရားသခင်ကို ပြစ်တင်ရှုတ်ချကာ ဆန့်ကျင်ခဲ့ကြခြင်း၏ အခြေခံအကြောင်းရင်း ဖြစ်လာခဲ့ပြီး နောက်ဆုံးတွင် ဣသရေလနိုင်ငံ ပျက်စီးခြင်းသို့ ဦးတည်သွားစေခဲ့သည်။ ယနေ့ခေတ်၌လည်း များစွာသောလူတို့သည် အလားတူ အမှားမျိုးကို ကျူးလွန်ခဲ့ကြသည်။ ဘုရားသခင် ပေါ်ထွန်းမည့်အချိန် နီးပြီဖြစ်ကြောင်းကို အစွမ်းကုန် ကြေညာကြသော်လည်း တစ်ချိန်တည်းတွင် ဘုရားသခင်၏ ပေါ်ထွန်းခြင်းကို ပြစ်တင်ရှုတ်ချကြသည်။ သူတို့၏ “မဖြစ်နိုင်” ဟူသည့်အချက်က သူတို့စိတ်ကူးနိုင်စွမ်း၏ အကန့်အသတ်များအတွင်း ဘုရားသခင်၏ ပေါ်ထွန်းခြင်းကို ထပ်မံ၍ ဘောင်ခတ်ထားကြသည်။ ထို့ကြောင့်ပင် ဘုရားသခင်၏ နှုတ်ကပတ်တော်များကို အမှတ်မထင် တွေ့သွားပြီးသည့်နောက် ရုန့်ကြမ်းကျယ်လောင်စွာနှင့် အတောမသတ် ရယ်မောတတ်ကြသော လူများစွာကို ငါတွေ့ဖူးခဲ့ပြီ။ သို့သော် ထိုရယ်မောခြင်းသည် ဘုရားသခင်ကို ပြစ်တင်ရှုတ်ချပြီး စော်ကားခဲ့ကြသည့် ဂျူးလူမျိုးများ၏ လုပ်ရပ်နှင့် ဘာမျှမခြားနားပါ။ သမ္မာတရား၏ မျက်မှောက်၌ သင်တို့သည် ရိုသေလေးမြတ်ခြင်း မရှိကြပေ၊ ထို့ထက်မက သင်တို့၏သဘောထားမှာလည်း သမ္မာတရားကို တောင့်တသည့် သဘောထားမျိုး သာ၍ပင် မဟုတ်ပေ။ သင်တို့သည် မစဉ်းစား မဆင်ခြင်ဘဲ လေ့လာရုံသက်သက် လေ့လာကြပြီး အပူအပင်အကြောင့်အကြမရှိ စောင့်နေကြသည်။ ထိုကဲ့သို့သော လေ့လာခြင်းနှင့် စောင့်မျှော်ခြင်းမှ သင့်အနေဖြင့် အဘယ်အရာကို ရနိုင်မည်နည်း။ ဘုရားသခင်၏ ကိုယ်တိုင်ကိုယ်ကျ လမ်းပြခြင်းကို သင်ရရှိခြင်း ဖြစ်မည်လော။ ဘုရားသခင်၏ မိန့်မြွက်ချက်များကို သင်ပိုင်းခြားမသိနိုင်ပါက ဘုရားသခင်၏ ပေါ်ထွန်းခြင်းကို ကိုယ်တိုင် မြင်တွေ့နိုင်ဖို့အတွက် သင်သည် မည်သည့်နည်းဖြင့် အရည်အချင်း ပြည့်မီမည်နည်း။ ဘုရားသခင် ပေါ်ထွန်းသော နေရာတိုင်းသည် သမ္မာတရားဖော်ပြခြင်းခံရသောနေရာ၊ ဘုရားသခင်၏အသံ ရှိမည်ဖြစ်သောနေရာ ဖြစ်သည်။ သမ္မာတရားကို လက်ခံနိုင်သောသူများသာ ဘုရားသခင်၏ အသံကို ကြားနိုင်လိမ့်မည် ဖြစ်ပြီး ထိုသို့သော သူများသည်သာ ဘုရားသခင်၏ ပေါ်ထွန်းခြင်းကို ကိုယ်တိုင်မြင်တွေ့နိုင်ဖို့အတွက် အရည်အချင်း ပြည့်မီသူများ ဖြစ်သည်။ သင်၏ အယူအဆများကို ဘေးဖယ်ထားလော့။ တိတ်တိတ်နေကာ ဤနှုတ်ကပတ်တော်များကို သေသေချာချာ ဖတ်လော့။ သင့်အနေဖြင့် သမ္မာတရားကို တောင့်တလျှင် ဘုရားသခင်သည် သင့်ကို ဉာဏ်အလင်းပေးလိမ့်မည်ဖြစ်ပြီး သူ၏အလိုနှင့် သူ၏ နှုတ်ကပတ်တော်များကို သင်နားလည်လိမ့်မည်။ “မဖြစ်နိုင်” ဟူသည့် သင့်အမြင်များကို ဘေးဖယ်ထားလော့။ လူများအနေဖြင့် တစ်စုံတစ်ခုကို မဖြစ်နိုင်ဟု ယုံကြည်လေလေ၊ ယင်းမှာ ဖြစ်နိုင်ခြေ များလေလေဖြစ်သည်။ အဘယ်ကြောင့်ဆိုသော် ဘုရားသခင်၏ ဉာဏ်ပညာသည် ကောင်းကင်ထက် မြင့်မားပေ၏၊ ဘုရားသခင်၏ အကြံအစည်များသည်လည်း လူ၏အကြံအစည်များထက် သာ၍မြင့်မားကာ ဘုရားသခင်၏ အလုပ်သည် လူ့အတွေးအခေါ်နှင့် အယူအဆတို့၏ အကန့်အသတ်များကို သာလွန်သောကြောင့် ဖြစ်သည်။ တစ်စုံတစ်ခုသည် မဖြစ်နိုင်ဟု ထင်ရလေလေ၊ ယင်း၌ ရှာဖွေနိုင်သည့် သမ္မာတရား သာ၍များလေလေ ဖြစ်သည်။ တစ်စုံတစ်ခုသည် လူတို့၏ အယူအဆနှင့် စိတ်ကူးနိုင်စွမ်းထက် ကျော်လွန်သော အရာဖြစ်လေလေ၊ ယင်း၌ ဘုရားသခင်၏ အလိုဆန္ဒ သာ၍ပါလေလေဖြစ်သည်။ အဘယ်ကြောင့်ဆိုသော် မည်သည့်နေရာ၌ ဘုရားသခင်က သူ့ကိုယ်သူ ထုတ်ဖော်သည်ဖြစ်စေ ဘုရားသခင်သည် ဘုရားသခင်ပင် ဖြစ်သည်။ ထို့ပြင် ဘုရားသခင် ပေါ်ထွန်းသည့် နည်းဟန်နှင့် တည်နေရာကြောင့် သူ၏အနှစ်သာရမှာ ဘယ်သောအခါမျှ ပြောင်းလဲမည် မဟုတ်ပေ။ ဘုရားသခင်၏ ခြေရာများ မည်သည့်နေရာ၌ ရှိသည်ဖြစ်စေ ဘုရားသခင်၏ စိတ်သဘောထားက ပြောင်းလဲခြင်း မရှိပါ။ ထို့ပြင် ဘုရားသခင်၏ ခြေရာများ မည်သည့်နေရာ၌ ရှိသည်ဖြစ်စေ ဘုရားသခင်သည် လူသားအားလုံး၏ ဘုရားသခင်ဖြစ်သည်။ ယင်းအချက်မှာ သခင်ယေရှုသည် ဣသရေလလူမျိုးတို့၏ ဘုရားသာမဟုတ်ဘဲ အာရှ၊ ဥရောပနှင့် အမေရိကတိုက်ရှိ လူအားလုံး၏ ဘုရားဖြစ်သည်သာမက စကြဝဠာတစ်ခုလုံး၌ တစ်ဆူတည်းသော ဘုရားဖြစ်သကဲ့သို့ပင် ဖြစ်သည်။ ထို့ကြောင့် ဘုရားသခင်၏ အလိုကို ငါတို့ ရှာဖွေကြပါစို့။ ဘုရားသခင်၏ ပေါ်ထွန်းခြင်းကို သူ၏မိန့်မြွက်ခြင်းများထဲတွင် ရှာဖွေကြပါစို့။ ထို့ပြင် သူ၏ခြေလှမ်းများကို အမီလိုက်ကြပါစို့။ ဘုရားသခင်သည် လမ်းခရီးဖြစ်သည်၊ သမ္မာတရားလည်း ဖြစ်သည်၊ အသက်လည်း ဖြစ်သည်။ သူ၏နှုတ်ကပတ်တော်များနှင့် သူ၏ပေါ်ထွန်းခြင်းတို့သည် တစ်ပြိုင်တည်း တည်ရှိကြသည်။ သူ၏ စိတ်သဘောထားနှင့် ခြေရာများသည်လည်း လူသားများအဖို့ အစဉ် လမ်းဖွင့်ပေးထားသည်။ ချစ်သော ညီအစ်ကို မောင်နှမတို့၊ ဤနှုတ်ကပတ်တော်များထဲ၌ ဘုရားသခင်၏ ပေါ်ထွန်းခြင်းကို သင်တို့မြင်နိုင်မည်ဟု ငါမျှော်လင့်သည်။ ခေတ်သစ်တစ်ခေတ်ထဲသို့ သင်တို့ရှေ့တိုးလျက် လှမ်းသွားသည်နှင့် ဘုရားသခင်၏ ခြေလှမ်းများ နောက်သို့ စတင်လျှောက်လှမ်းပြီး ဘုရားသခင်၏ ပေါ်ထွန်းခြင်းကို စောင့်မျှော်နေကြသူများအတွက် ဘုရားသခင် ပြင်ဆင်ပေးထားသည့် လှပသော ကောင်းကင်သစ်နှင့် မြေကြီးသစ်ဆီသို့ ဝင်ရောက်ကြ လိမ့်မည်ဟု ငါမျှော်လင့်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ ပေါ်ထွန်းခြင်းသည် ခေတ်သစ်တစ်ခေတ်ကို အစပြုခဲ့၏” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၇၃)

ဘုရားသခင်သည် တိတ်ဆိတ်နေပြီး ငါတို့ထံ မည်သည့်အခါမျှ မပေါ်ထွန်းခဲ့ပေ၊ သို့သော် သူ့အလုပ်မှာမူ မည်သည့်အခါမျှ မရပ်တန့်ခဲ့ချေ။ ဘုရားသခင်သည် မြေကြီးတစ်ပြင်လုံးကို ကြည့်ရှုစစ်ဆေးသည်၊ အရာအားလုံးကို အမိန့်ပေးသည်၊ ထို့ပြင် လူသား၏ စကားအားလုံးနှင့် လုပ်ဆောင်ချက်အားလုံးကို ရှုမြင်သည်။ သူသည် မိမိ၏ စီမံခန့်ခွဲမှုကို ဖြည်းဖြည်းမှန်မှန် အဆင့်များနှင့် သူ၏အစီအစဉ်နှင့်အညီ ရင်ဖိုစရာကောင်းသည့် အကျိုးဆက်များ မရှိဘဲ တိတ်တဆိတ် ပြုလုပ်သည်၊ သို့တိုင်အောင် သူ၏ခြေလှမ်းများသည် တစ်လှမ်းပြီးတစ်လှမ်း လူသားတို့နှင့် ပို၍ နီးကပ်လာလျက်ရှိပြီး သူ၏တရားစီရင်ရာပလ္လင်ကိုလည်း အလင်း၏မြန်နှုန်းဖြင့် စကြဝဠာ၌ နေရာချထားသည်၊ ယင်းနောက်တွင် သူ၏ပလ္လင်သည် ငါတို့အလယ်သို့ ချက်ချင်း ဆင်းသက်လာမည် ဖြစ်သည်။ ထိုမြင်ကွင်းသည် ကြီးကျယ်ခမ်းနားသော မြင်ကွင်းပါတကား၊ ခန့်ညားပြီး လေးနက်သော ရင်ဖိုဖွယ် မြင်ကွင်းပါတကား။ ချိုးငှက်ကဲ့သို့သာမက ဟောက်သော ခြင်္သေ့ကဲ့သို့ ဝိညာဉ်တော်သည် ငါတို့အလယ်သို့ ကြွလာသည်။ ဝိညာဉ်တော်သည် ဉာဏ်ပညာဖြစ်၏၊ သူသည် ဖြောင့်မတ်ခြင်းဖြစ်ပြီး ဘုန်းတန်ခိုးကြီးခြင်းဖြစ်၏၊ ထို့ပြင် သြဇာအာဏာကို စွဲကိုင်လျက်၊ ချစ်ခြင်းမေတ္တာ၊ ကရုဏာတို့နှင့်ပြည့်လျက် ငါတို့အလယ်သို့ တိတ်ဆိတ်စွာ ကြွလာသည်။ ဝိညာဉ်တော် ရောက်လာသည်ကို မည်သူမျှ သတိမထားမိကြ၊ မည်သူကမျှလည်း ဝိညာဉ်တော်ကို မကြိုဆိုကြ၊ ထို့အပြင် ဝိညာဉ်တော်လုပ်ဆောင်မည့် အရာအားလုံးကို မည်သူမျှ မသိကြပေ။ လူ၏အသက်တာသည် ပြောင်းလဲခြင်း မရှိပေ၊ သူ့နှလုံးသားသည်လည်း မပြောင်းလဲဘဲ နေ့ရက်များသည် ထုံးစံအတိုင်း ကုန်လွန်သွားသည်။ ဘုရားသခင်သည် ငါတို့အကြား၌ အခြားလူများကဲ့သို့သော လူသားတစ်ဦးအနေနှင့်၊ ထင်ရှားမှုမရှိဆုံး နောက်လိုက်တစ်ဦးအနေနှင့်သာမက သာမန်ယုံကြည်သူတစ်ဦးအနေနှင့် နေထိုင်လျက်ရှိသည်။ သူ၌ ကိုယ်ပိုင်ရှာဖွေနေသည့်အရာများ၊ ကိုယ်ပိုင်ပန်းတိုင်များ ရှိသည့်အပြင် သာမန်လူများ၌ မရှိသည့် ဘုရားသဘောသဘာဝလည်း ရှိသည်။ သူ့မှာ ဘုရားသဘောသဘာဝများ ရှိကြောင်းကို မည်သူမျှ သတိမပြုမိပေ၊ ထို့ပြင် သူ၏ အနှစ်သာရနှင့် လူသား၏ အနှစ်သာရတို့အကြားရှိ ခြားနားမှုကိုလည်း မည်သူကမျှ မသိမြင်ပေ။ ငါတို့၏အမြင်၌ သူသည် မထင်ရှားသည့် ယုံကြည်သူတစ်ဦးသာ ဖြစ်သောကြောင့် ငါတို့သည် ချုပ်တည်းခြင်းမရှိ၊ ကြောက်ရွံ့ခြင်းမရှိဘဲ သူနှင့်အတူ နေထိုင်လျက်ရှိသည်။ သူသည် ငါတို့၏ လှုပ်ရှားမှုတိုင်းကို စောင့်ကြည့်နေသည်၊ ငါတို့၏ အတွေးများနှင့် စိတ်ကူးများသည်လည်း သူ့ရှေ့တွင် လှစ်ဟထုတ်ဖော်ခြင်း ခံထားရသည်။ သူ၏တည်ရှိမှုကို မည်သူမျှစိတ်မဝင်စားကြ၊ သူ၏အလုပ်အကြောင်းကို မည်သူမျှ စိတ်မကူးကြည့်ကြပေ၊ ထို့အပြင် သူမည်သူမည်ဝါဖြစ်ကြောင်းကိုလည်း မည်သူမျှ လုံးဝသံသယ မဝင်ကြပေ။ သူသည် ငါတို့နှင့် ဘာမျှမပတ်သက်သည့်အလား ငါတို့သည် ကိုယ်တိုင်ရှာဖွေနေသည့် အရာများနောက်သို့ ဆက်လိုက်၍သာ နေကြသည်...

မရည်ရွယ်ပါဘဲလျက် သန့်ရှင်းသော ဝိညာဉ်တော်သည် သူ “မှတစ်ဆင့်” စာတစ်ပိုဒ်ကို ဖော်ပြသည်၊ လုံးဝမျှော်လင့်မထားဟု ခံစားရသော်လည်း ၎င်းသည် ဘုရားသခင်ထံမှလာသော မိန့်မြွက်ချက်ဖြစ်ကြောင်းကို ငါတို့ အသိအမှတ်ပြုကြပြီး ဘုရားသခင်ထံမှ ထိုအရာကို အဆင်သင့်လက်ခံကြသည်။ အဘယ်ကြောင့်ဆိုသော် ထိုနှုတ်ကပတ်တော်များကို မည်သူက ဖော်ပြသည်ဖြစ်စေ၊ သန့်ရှင်းသော ဝိညာဉ်တော်ထံမှလာသော နှုတ်ကပတ်တော်များဖြစ်နေသရွေ့ ငါတို့အနေဖြင့် လက်ခံသင့်ပြီး မငြင်းပယ်သင့်သောကြောင့် ဖြစ်သည်။ နောက်လာမည့် မိန့်မြွက်ချက်သည် ငါမှတစ်ဆင့်ဖြစ်နိုင်သကဲ့သို့ သင်မှတစ်ဆင့် သော်လည်းကောင်း ထိုသူမှတစ်ဆင့်သော်လည်းကောင်း ဖြစ်နိုင်သည်။ မည်သူမှတစ်ဆင့် ပြောသည်ဖြစ်စေ၊ အရာအားလုံးသည် ဘုရားသခင်၏ ကျေးဇူးတော်ဖြစ်သည်။ သို့သော်လည်း ထိုသူမှာ မည်သူဖြစ်နေပါစေ၊ ထိုပုဂ္ဂိုလ်ကို ငါတို့အနေဖြင့် မကိုးကွယ်သင့်ပေ၊ အကြောင်းမှာ မည်သို့ပင်ဖြစ်နေပါစေ ထိုပုဂ္ဂိုလ်သည် ဘုရားသခင်မဖြစ်နိုင်သကဲ့သို့ ငါတို့သည်လည်း ဤကဲ့သို့သော သာမန်ပုဂ္ဂိုလ်တစ်ယောက်ကို ငါတို့၏ဘုရားသခင်အဖြစ် မည်သည့်နည်းနှင့်မျှ ရွေးချယ်လိမ့်မည် မဟုတ်သောကြောင့်ဖြစ်သည်။ ငါတို့၏ ဘုရားသခင်သည် အလွန်ကြီးမြတ်ပြီး အလွန်ရိုသေအပ်သူဖြစ်သည်၊ ထိုကဲ့သို့ အလွန်မထင်ရှားသောသူတစ်ဦးက ဘုရားသခင်ကို မည်သို့ ကိုယ်စားပြုနိုင်မည်နည်း။ ထို့အပြင် ဘုရားသခင် ပြန်ရောက်လာပြီး ကောင်းကင်နိုင်ငံသို့ ငါတို့အား ပြန်ခေါ်သွားမည်ကို ငါတို့အားလုံး စောင့်မျှော်နေကြသည်၊ ထို့ကြောင့် အလွန်မထင်ရှားသောသူတစ်ဦးက ထိုသို့အရေးကြီးပြီး ခက်ခဲကြမ်းတမ်းသော လုပ်ငန်းတာဝန်ကို မည်သို့လျှင် ထမ်းဆောင်နိုင်မည်နည်း။ အကယ်၍ နောက်တစ်ကြိမ် သခင်ပြန်လာလျှင် လူအားလုံးမြင်ရသည့် ဖြူသောမိုးတိမ်ပေါ်၌ ဖြစ်ရပေမည်။ ဘုန်းအသရေနှင့် ပြည့်စုံလိုက်မည့်ဖြစ်ခြင်း။ သာမန်လူတစ်စုအကြားတွင် သူသည် တိတ်ဆိတ်စွာ ပုန်းနေနိုင်သည်ဆိုခြင်းမှာ မည်သို့ဖြစ်နိုင်သနည်း။

သို့ဖြစ်စေကာမူ ငါတို့အား ကယ်တင်သည့် အလုပ်သစ်ကို လုပ်ဆောင်နေသူသည် လူများအကြား၌ ပုန်းနေသော ထိုသာမန်လူပင် ဖြစ်သည်။ သူသည် ငါတို့အတွက် ဘာကိုမျှ မရှင်းပြပါ၊ အဘယ်ကြောင့် ငါတို့ထံ သူလာခဲ့ကြောင်းကိုလည်း မပြောပြပါ၊ ထိုအစား သူ၏အစီအစဉ်အတိုင်း သူလုပ်ရန်ရည်ရွယ်ထားသည့် အလုပ်ကိုသာ ဖြည်းဖြည်းမှန်မှန် အဆင့်များနှင့် လုပ်နေသည်။ သူ၏ နှုတ်ကပတ်တော်များနှင့် မိန့်မြွက်ချက်များမှာ ပို၍ပင် အကြိမ်ရေစိပ်သည်ထက်စိပ်လာသည်။ နှစ်သိမ့်ခြင်း၊ တိုက်တွန်းခြင်း၊ သတိရစေခြင်း၊ သတိပေးခြင်းမှသည် အပြစ်တင်ခြင်းနှင့် ဆုံးမပဲ့ပြင်ခြင်းတို့အထိ၊ သိမ်မွေ့၍ သာယာညင်းပျောင်းသော လေသံမှသည် ခက်ထန်၍ ဘုန်းတန်ခိုးရှိသော နှုတ်ကပတ်တော်များအထိ အားလုံးသည် လူ့အပေါ် ကရုဏာတရားကို ပေးအပ်ပြီး လူ့အထဲ၌ စိုးရိမ်ပူပန်ခြင်းကို သွတ်သွင်းပေးသည်။ သူပြောသမျှအားလုံးသည် ငါတို့အထဲရှိ နက်ရှိုင်းသောနေရာ၌ ဖွက်ထားသော လျှို့ဝှက်ချက်များအထိ ရောက်သည်၊ သူ၏နှုတ်ကပတ်တော်များသည် ငါတို့၏ နှလုံးသားများနှင့် ဝိညာဉ်တို့ကို စူးရှစေသည့်အပြင် ငါတို့အနေဖြင့် မည်သည့်နေရာတွင် ပုန်းရမည်ကို မသိလောက်အောင်ပင် မခံမရပ်နိုင်သော အရှက်ကွဲမှုနှင့် ငါတို့ကို ပြည့်စေသည်။ ထိုသူ၏နှလုံးသားထဲ၌ရှိသော ဘုရားသခင်သည် အမှန်တကယ် ငါတို့ကို ချစ်မချစ်ကိုသာမက အတိအကျအားဖြင့် အဘယ်အရာအား သူလုပ်နေသည်ကိုလည်း ငါတို့စတင်တွေးတောလာ ကြသည်။ ထိုဆင်းရဲဒုက္ခများကို ကြံ့ကြံ့ခံပြီးမှသာလျှင် ငါတို့အနေဖြင့် ချီဆောင်ခြင်းခံရနိုင်ခြင်း ဖြစ်ကောင်း ဖြစ်မည်လော။ ငါတို့၏ဦးခေါင်းများထဲ၌ ငါတို့သည် လာမည့်ပန်းတိုင်နှင့် ငါတို့၏ အနာဂတ်ကံကြမ္မာအကြောင်းကို တွက်ချက်နေကြသည်။ သို့ဖြစ်စေကာမူ ယခင်အတိုင်းပင် ငါတို့အလယ်၌ အလုပ်လုပ်ရန် ဘုရားသခင်သည် လူ့ဇာတိကို အသွင်ဆောင်ခဲ့ပြီးသည်ကို ငါတို့အထဲတွင် မည်သူကမျှ မယုံကြည်ကြသေးပေ။ သူသည် ငါတို့နှင့်အတူရှိနေသည်မှာ အချိန်အတော်ကြာပြီ ဖြစ်သည်သာမက ငါတို့နှင့် မျက်နှာချင်းဆိုင်ပြီး စကားများစွာကို ပြောဆိုပြီးဖြစ်သော်လည်း ငါတို့သည် ထိုသို့သော သာမန်လူတစ်ယောက်ကို ငါတို့အနာဂတ်၏ ဘုရားသခင်အဖြစ် လက်ခံလိုခြင်း မရှိသေးပေ၊ ထို့ပြင် အလွန်ပင် မထင်ရှားသော ဤပုဂ္ဂိုလ်ထံ၌ ငါတို့၏ အနာဂတ်နှင့် ကံကြမ္မာအပေါ် အခွင့်အာဏာကို အပ်နှံလိုစိတ် သာ၍ပင် မရှိကြပေ။ ငါတို့သည် သူ့ထံမှ အသက်ရေကို အဆုံးမရှိသော အထောက်အပံ့အဖြစ်ရပြီး သူ့အားဖြင့် ငါတို့သည် ဘုရားသခင်နှင့် မျက်နှာချင်းဆိုင် အသက်ရှင်ရသည်။ သို့သော် ငါတို့သည် ကောင်းကင်ဘုံ၌ရှိသော သခင်ယေရှု၏ ကျေးဇူးတော်ကိုသာ ကျေးဇူးတင်နေကြသည်၊ ဘုရား သဘောသဘာဝကို ပိုင်ဆိုင်သည့် ဤသာမန်ပုဂ္ဂိုလ်၏ ခံစားချက်များ ကိုမူ တစ်ခါမျှ အရေးမစိုက်ကြပေ။ သို့ဖြစ်စေကာမူ သူသည် လူသားတို့၏ သူ့အား ပစ်ပယ်မှုကို မခံစားတတ်သည့်အလား၊ လူသား၏ ကလေးဆန်မှုနှင့် မသိနားမလည်မှုကို ထာဝရခွင့်လွှတ်ပေးပြီး လူသား၏ သူ့အပေါ် မလေးစားသည့် သဘောထားကို သူသည် အစဉ်အမြဲပင် သည်းခံသည့်အလား၊ နှိမ့်ချစွာဖြင့် လူ့ဇာတိထဲ၌ ပုန်းကွယ်လျက်နေပြီး၊ သူ၏အတွင်းနှလုံးသားကို ဖော်ပြလျက်နေကာ ယခင်အတိုင်းပင် သူသည် သူ့အလုပ်ကို ဆက်လုပ်နေ၏။

ငါတို့ သတိမထားမိလိုက်ဘဲနှင့် မထင်ရှားသော ထိုသူသည် ငါတို့ကို ဘုရားသခင်၏ အမှုတော်ထဲသို့ တစ်လှမ်းပြီးတစ်လှမ်း ဦးဆောင်ကာ ခေါ်သွားပြီးဖြစ်သည်။ ငါတို့သည် မရေတွက်နိုင်သော စမ်းသပ်မှုများကို ရင်ဆိုင်ဖြတ်သန်းရသည်၊ မရေတွက်နိုင်သော ဆုံးမမှုများကို ခံရသည်၊ သေခြင်းတရားနှင့် စမ်းသပ်ခြင်းကိုလည်း ခံရသည်။ ဘုရားသခင်၏ ဖြောင့်မတ်ခြင်းနှင့် ဘုန်းကြီးသော စိတ်သဘောထားကို ငါတို့ သင်ယူသိရှိကြသည်၊ သူ၏ချစ်ခြင်းမေတ္တာနှင့် ကရုဏာ၌လည်း မွေ့လျော်ကြသည်၊ ဘုရားသခင်၏ တန်ခိုးကြီးမှုနှင့် ဉာဏ်ပညာကိုလည်း အသိအမှတ်ပြုလာကြသည်၊ ဘုရားသခင်၏ ချစ်ဖွယ်ကောင်းမှုကိုလည်း မျက်မြင်တွေ့ကြရသည်၊ လူသားကို ကယ်တင်လိုသော ဘုရားသခင်၏ ထက်သန်သည့် ဆန္ဒကိုလည်း မြင်တွေ့ကြသည်။ ထိုသာမန်လူ၏ နှုတ်ကပတ်တော်များအားဖြင့် ငါတို့သည် ဘုရားသခင်၏ စိတ်သဘောထားနှင့် အနှစ်သာရကို သိလာကြသည်၊ ဘုရားသခင်၏ အလိုကို နားလည်လာကြသည်၊ လူ၏ သဘာဝနှင့် အနှစ်သာရကို သိလာကြသည်၊ ထို့ပြင် ကယ်တင်ခြင်းနှင့် စုံလင်ခြင်းကို ရရှိမည့်လမ်းကိုလည်း မြင်လာကြသည်။ သူ၏နှုတ်ကပတ်တော်များက ငါတို့ကို “သေ” စေပြီး ထိုမှတစ်ဖန် ငါတို့ကို “အသစ်တစ်ဖန်ပြန်မွေးဖွား” စေသည်၊ သူ၏နှုတ်ကပတ်တော်များက ငါတို့ကို နှစ်သိမ့်မှုပေးသည်၊ သည့်အပြင် အပြစ်ရှိကြောင်း ခံစားချက်နှင့် သူ့အပေါ် အကြွေးတင်သည့် ခံစားချက်တို့ဖြင့်လည်း ငါတို့ကို ဖိစီးနှိပ်စက်၏၊ သူ၏နှုတ်ကပတ်တော်များက ငါတို့အား ဝမ်းမြောက်ခြင်းနှင့် ငြိမ်သက်ခြင်းကို ပေးသည့်အပြင် အဆုံးမရှိသော နာကျင်မှုကိုလည်း ပေးသည်။ တစ်ခါတစ်ရံတွင် ငါတို့သည် သူ့လက်ထဲ၌ သတ်ဖို့ရာထားသော သိုးများကဲ့သို့ ဖြစ်၏၊ တစ်ခါတစ်ရံတွင် ငါတို့သည် သူမြတ်နိုးရာ မျက်ရှုပမာများကဲ့သို့ဖြစ်ပြီး သူ၏ ယုယသော ချစ်ခြင်းမေတ္တာ၌ ပျော်မွေ့ကြသည်၊ တစ်ခါတစ်ရံတွင်မူ ငါတို့သည် သူ၏ရန်သူကဲ့သို့ ဖြစ်ပြီး သူ၏စူးစိုက်ကြည့်မှုအောက်တွင် သူ၏အမျက်ဒေါသကြောင့် ပြာမှုန့်ဖြစ်သွားကြ၏။ ငါတို့သည် သူ၏ကယ်တင်ခြင်းကို ခံရသည့် လူသားမျိုးနွယ်ဖြစ်သည်၊ သူ၏အမြင်၌ ငါတို့သည် လောက်ကောင်များ ဖြစ်ကြသည်၊ နေ့ရောညပါ စိတ်ထက်သန်စွာ သူရှာဖွေနေသည့် ပျောက်သောသိုးသငယ်များ ဖြစ်ကြသည်။ သူသည် ငါတို့အပေါ်၌ ကရုဏာထားသည်၊ ငါတို့ကို စက်ဆုပ်ရွံရှာသည်၊ ငါတို့ကို ချီးမြှောက်ပေးသည်၊ နှစ်သိမ့်ပေးသည်၊ တိုက်တွန်းသည်၊ လမ်းပြသည်၊ ဉာဏ်အလင်းရစေသည်၊ ဆုံးမသည်၊ ပဲ့ပြင်သည်၊ ထို့အပြင် ငါတို့ကို ကျိန်ဆဲခြင်းပင် ပြုသည်။ သူသည် နေ့ရောညပါ ငါတို့အတွက် စိုးရိမ်သည်၊ နေ့ရောညပါ ငါတို့ကို ကာကွယ်စောင့်ရှောက်သည်၊ မည်သည့်အခါမျှ ငါတို့အနားမှ မခွာဘဲ ငါတို့အဖို့အလို့ငှာ အလွန်အမင်း ကြိုးစားပြီး ငါတို့အတွက် မည်သည့်အဖိုးအခကိုမဆို ပေးဆပ်သည်။ သေးငယ်ပြီး သာမန်ဖြစ်သော ထိုဇာတိခန္ဓာ၏ မိန့်မြွက်ချက်များအတွင်း၌ ငါတို့သည် ဘုရားသခင်၏ အလုံးစုံကို မွေ့လျော်ကြရပြီး ဘုရားသခင်က ငါတို့ကို ပေးအပ်ထားသော ပန်းတိုင်ကို မြင်ကြရသည်။ ထိုသို့ဖြစ်သော်လည်း ဝင့်ဝါခြင်းသည် ငါတို့၏ စိတ်နှလုံးများအထဲ၌ ပြဿနာပေးဆဲဖြစ်ပြီး ထိုသို့သောပုဂ္ဂိုလ်ကို ငါတို့၏ ဘုရားသခင်အဖြစ် လိုလိုလားလား လက်ခံလိုစိတ် ငါတို့၌ မရှိသေးပေ။ သူသည် ငါတို့စားဖို့အတွက် မန္နမုန့် အမြောက်အမြား ပေးခဲ့ပြီးဖြစ်သော်လည်း မည်သည့်အရာကမျှ ငါတို့၏ နှလုံးသားများထဲရှိ သခင်၏နေရာကို မယူနိုင်ပါ။ ငါတို့သည် ထိုသူ၏ ထူးခြားသော ဖြစ်တည်မှုနှင့် အဆင့်အတန်းကို အလွန်ဝန်လေးစွာ ဖြင့်သာ လက်ခံကြသည်။ သူသည် ဘုရားသခင်ဖြစ်ကြောင်း ငါတို့အနေဖြင့် အသိအမှတ်ပြုပါရန် သူ၏နှုတ်မှ ထုတ်မပြောသရွေ့ ငါတို့အလယ်တွင် အချိန်အကြာကြီး အလုပ်လုပ်လျက်နေပြီး မကြာမီ ရောက်လာမည့် ဘုရားသခင်အဖြစ် သူ့ကို ငါတို့သည် မိမိတို့သဘောနှင့်မိမိ မည်သည့်အခါမျှ အသိအမှတ်ပြုမည် မဟုတ်ပေ။

ဘုရားသခင်သည် သူ၏မိန့်မြွက်ချက်များကို ဆက်ပြောလျက် နေသည်၊ သူသည် ငါတို့အား အဘယ်အရာလုပ်သင့်သည်ဆိုခြင်းကို တိုက်တွန်းဖို့နှင့် တစ်ချိန်တည်းတွင် သူ့နှလုံးသားထဲမှ အသံကို ဖော်ပြဖို့အတွက် နည်းလမ်းမျိုးစုံနှင့် ရှုထောင့်မျိုးစုံကို အသုံးပြုသည်။ သူ၏နှုတ်ကပတ်တော်များ၌ အသက်နှင့်ဆိုင်သော စွမ်းအားရှိသည်၊ သူ၏နှုတ်ကပတ်တော်များသည် ငါတို့လျှောက်လှမ်းသင့်သည့် လမ်းကို ပြသည်၊ သမ္မာတရားဆိုသည်မှာ အဘယ်အရာဖြစ်ကြောင်း ငါတို့ကို နားလည်စေသည်။ သူ၏နှုတ်ကပတ်တော်များက ငါတို့ကို စတင်ဆွဲဆောင်လာသည်၊ သူ၏ ပြောဆိုဟန်နှင့် လေသံတို့အပေါ် ငါတို့သည် စတင်အာရုံစိုက်လာပြီး ငါတို့၏မသိစိတ်ကလည်း သာမညောင်ညဖြစ်သော ထိုသူ၏ အတွင်းနှလုံးသားထဲက ခံစားချက်များကို စတင်စိတ်ဝင်စားလာသည်။ သူသည် ငါတို့အတွက် အပင်ပန်းခံကြိုးစားသည်၊ အအိပ်ပျက်ခံသည်၊ အစားပျက်ခံသည်၊ ငါတို့အတွက် ငိုကြွေးသည်၊ သက်ပြင်းချသည်၊ ငါတို့အတွက် နာမကျန်းဖြစ်ပြီး ညည်းညူသည်၊ ငါတို့၏ ပန်းတိုင်နှင့် ငါတို့၏ ကယ်တင်ခြင်းအတွက် အရှက်ကွဲခြင်းကိုခံသည်၊ ငါတို့၏ ထုံထိုင်းခြင်းနှင့် ပုန်ကန်ခြင်းကြောင့် သူ့နှလုံးသား သွေးထွက်သည်၊ မျက်ရည်ကျသည်။ ထိုသို့သော ဖြစ်ခြင်းနှင့် ရှိခြင်းသည် သာမန်လူနှင့် မသက်ဆိုင်သော အရာများ ဖြစ်သကဲ့သို့ ဖောက်ပြန်သော မည်သည့်လူသားတစ်ဦးမျှ ပိုင်ဆိုင်နိုင်စွမ်း သို့မဟုတ် ရရှိနိုင်စွမ်း မရှိသောအရာများ ဖြစ်သည်။ သာမန်လူများ မပိုင်ဆိုင်သည့် သည်းခံခြင်းနှင့် စိတ်ရှည်ခြင်းကို သူပြသပြီး သူ့မေတ္တာသည် ဖန်ဆင်းခံသတ္တဝါ တစ်ဦးတစ်ယောက်၌မျှ မရှိသည့် မေတ္တာဖြစ်သည်။ သူမှအပ မည်သူကမျှ ငါတို့၏ အတွေးများအားလုံးကို မသိနိုင်ပါ၊ သို့မဟုတ် ငါတို့၏ သဘာဝနှင့် အနှစ်သာရကို ရှင်းလင်းပြည့်စုံစွာ သဘောမပေါက်နိုင်ပါ၊ သို့မဟုတ် လူသားတို့၏ ပုန်ကန်မှုနှင့် ဖောက်ပြန်ပျက်စီးမှုကို တရားစီရင်နိုင်ခြင်း မရှိပါ၊ သို့မဟုတ် ကောင်းကင်ဘုံမှ ဘုရားသခင်၏ကိုယ်စား ငါတို့ကို စကားပြောပြီး ငါတို့၏အကြား၌ ယခုကဲ့သို့ အလုပ်မလုပ်နိုင်ပါ။ သူမှအပ မည်သူကမျှ ဘုရားသခင်၏ အာဏာ၊ ဉာဏ်ပညာနှင့် ဂုဏ်သိက္ခာကို မပိုင်ဆိုင်ပါ၊ ဘုရားသခင်၏ စိတ်သဘောထား၊ ဘုရားသခင်၏ အရာအားလုံးနှင့် ဖြစ်ခြင်းတို့၏ အလုံးစုံသည် သူ့အထဲ၌ ပေါ်ထွက်လာသည်။ သူမှအပ မည်သူကမျှ ငါတို့အား လမ်းခရီးကို မပြနိုင်၊ ငါတို့ထံ အလင်းကို မယူဆောင်လာနိုင်ပါ။ သူမှအပ မည်သူကမျှ ဖန်ဆင်းခြင်းကို အစပြုသည့် အချိန်မှ ယနေ့အထိ ဘုရားသခင်က ဖွင့်ပြခြင်း မရှိသော နက်နဲသည့်အရာများကို ငါတို့အား ထုတ်ဖော်ပြသ နိုင်စွမ်း မရှိပါ။ သူမှအပ မည်သူကမျှ ငါတို့ကို စာတန်၏ချည်နှောင်မှုနှင့် ငါတို့၏ဖောက်ပြန်သော စိတ်သဘောထားမှ မကယ်တင်နိုင်ပါ။ သူသည် ဘုရားသခင်ကို ကိုယ်စားပြုသည်။ ဘုရားသခင်၏ အတွင်းနှလုံးသား၊ ဘုရားသခင်၏ တိုက်တွန်းမှုများနှင့် လူသားအားလုံးကို တရားစီရင်သည့် ဘုရားသခင်၏ နှုတ်ကပတ်တော်များကို သူဖော်ပြသည်။ သူသည် ခေတ်သစ်တစ်ခေတ်၊ ကာလသစ်တစ်ခုကို အစပြုခဲ့ပြီး ကောင်းကင်သစ် နှင့် မြေကြီးသစ်ကိုသာမက အလုပ်အသစ်ကိုလည်း ယူဆောင်လာသည်၊ ထို့ပြင် မရေရာမှုထဲ၌ ရှင်သန်နေသော ငါတို့၏ဘဝကို အဆုံးသတ်ပေးပြီး ကယ်တင်ခြင်းလမ်းကို အပြည့်အဝ ရှင်းရှင်းလင်းလင်း မြင်နိုင်စေလျက် ငါတို့ထံသို့ မျှော်လင့်ခြင်းကို ယူဆောင်လာခဲ့သည်။ သူသည် ငါတို့၏ ဖြစ်တည်မှု အလုံးစုံကို သိမ်းပိုက်ပြီး ဖြစ်သည်၊ ငါတို့၏ နှလုံးသားများကို ရရှိပြီးဖြစ်သည်။ ထိုအချိန်မှ အစပြု၍ ငါတို့၏စိတ်များသည် သတိရှိလာသည်၊ ငါတို့၏ဝိညာဉ်သည် ပြန်လည် အသက်ဝင်လာသည်ဟု ထင်ရသည်။ ငါတို့အကြား၌ နေပြီး ငါတို့၏ ငြင်းပယ်ခြင်းကို အချိန်အကြာကြီး ခံနေခဲ့ရသူဖြစ်သည့် သာမန်ဖြစ်ပြီး မထင်ရှားသော ဤပုဂ္ဂိုလ်သည် နိုးနေသည်ဖြစ်စေ အိပ်မက်မက်နေသည်ဖြစ်စေ ငါတို့၏အတွေးများထဲ၌ အမြဲရှိနေသော၊ နေ့ရောညပါ ငါတို့တောင့်တ နေသော သခင်ယေရှု မဟုတ်လော။ သူပင်ဖြစ်ပေသည်။ အကယ်စင်စစ် သူပင်ဖြစ်ပေ၏။ သူသည် ငါတို့၏ ဘုရားသခင်ဖြစ်သည်။ သူသည် သမ္မာတရားဖြစ်သည်၊ လမ်းခရီးဖြစ်သည်၊ အသက်လည်းဖြစ်သည်။ သူသည် ငါတို့ကို နောက်တစ်ဖန် အသက်ရှင်ခွင့်ပေးသည်၊ အလင်းကို တွေ့ခွင့်ပေးသည်၊ ငါတို့၏ နှလုံးသားများ ခြေဦးတည့်ရာ လျှောက်သွားမနေအောင် တားပေးသည်။ ငါတို့သည် ဘုရားသခင်၏ အိမ်တော်သို့ ပြန်လည်ရောက်ရှိနေပြီဖြစ်သည်၊ ငါတို့သည် သူ၏ပလ္လင် ရှေ့သို့ ပြန်လည်ရောက်ရှိနေပြီ ဖြစ်သည်၊ သူနှင့် မျက်နှာချင်းဆိုင် တွေ့နေရပြီဖြစ်သည်၊ သူ၏မျက်နှာတော်ကို ငါတို့ မြင်တွေ့ပြီးဖြစ်သည်၊ ငါတို့၏ ရှေ့၌ရှိသောလမ်းကိုလည်း မြင်တွေ့ပြီးဖြစ်သည်။ ထိုအချိန်၌ သူက ငါတို့၏နှလုံးသားကို အပြည့်အဝ သိမ်းပိုက်ခဲ့သည်၊ သူမည်သူ ဖြစ်ကြောင်းကို ငါတို့အနေဖြင့် သံသယမဝင်တော့ပါ၊ သူ့အလုပ်နှင့် သူ၏ နှုတ်ကပတ်တော်ကိုလည်း ငါတို့မဆန့်ကျင်တော့ပါ၊ သူ့ရှေ့၌ ငါတို့သည် ပျပ်ဝပ်နေ၏။ ငါတို့၏ ကျန်ရှိနေသော အသက်တာ၌ ဘုရားသခင်၏ ခြေရာများနောက်သို့ လိုက်လိုသည့်ဆန္ဒ၊ ဘုရားသခင်က စုံလင်အောင် ပြုလုပ်ပေးသည်ကို ခံလိုသည့်ဆန္ဒ၊ ဘုရားသခင်၏ ကျေးဇူးတော် အတွက် ပြန်လည်ပေးဆပ်လိုသည့်ဆန္ဒ၊ ငါတို့အပေါ်၌ ထားသော သူ၏ချစ်ခြင်းမေတ္တာအတွက် ပြန်လည်ပေးဆပ်လိုသည့်ဆန္ဒ၊ သူ၏ စီစဉ်ညွှန်ကြားမှုနှင့် စီစဉ်မှုများကို နာခံလိုသည့်ဆန္ဒ၊ သူ့အလုပ်၌ ပူးပေါင်းလုပ်ဆောင်လိုသည့်ဆန္ဒ၊ ထို့ပြင် ငါတို့အား သူတာဝန်ပေး စေခိုင်းထားသည့် အရာကို ပြီးမြောက်စေရန် ငါတို့လုပ်နိုင်သည့်အရာ မှန်သမျှကို လုပ်လိုသည့် ဆန္ဒတို့မှလွဲ၍ ငါတို့၌ အခြားဘာဆန္ဒမျှ မရှိပါ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ တရားစီရင်မှုနှင့် ပြစ်တင်ဆုံးမမှု၌ ဘုရားသခင်၏ ပုံသဏ္ဌာန်ကို မြင်ခြင်း” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၇၄)

ဘုရားသခင်နှင့် လူတို့ကို တန်းတူပြော၍မရပါ။ ဘုရားသခင်၏ အနှစ်သာရနှင့် ဘုရားသခင်၏ အမှုသည် အလွန်နက်နဲပြီး လူတို့နားမလည်နိုင်ပါ။ အကယ်၍ ဘုရားသခင်သည် လူ့လောကတွင် သူ၏အမှုကို ကိုယ်တိုင်မဆောင်ရွက်ဘဲ သူ၏နှုတ်ကပတ်တော်တို့ ကိုလည်း မပြောကြားပါက လူတို့သည် ဘုရားသခင်၏ အလိုကို ဘယ်သောအခါမျှ နားလည်နိုင်လိမ့်မည်မဟုတ်ပါ၊ ထို့ကြောင့် ဘုရားသခင်ကို ဘဝတစ်လျှောက်လုံး ဆက်ကပ်အပ်နှံခဲ့ကြသည့် သူတို့သည်ပင်လျှင် ဘုရားသခင်၏ အတည်ပြုခြင်းကို ရရှိနိုင်လိမ့်မည် မဟုတ်ပေ။ လူသားတို့၏ ဆောင်ရွက်ချက်သည် မည်မျှပင် ကောင်းမွန်စေကာမူ ဘုရားသခင်၏အမှု မပါဝင်ပါက အရာမရောက်ပါ။ အကြောင်းမှာ ဘုရားသခင်၏ အကြံအစည်များသည် လူတို့၏ စိတ်ကူးအကြံများထက် အမြဲမြင့်မားနေမည်ဖြစ်ပြီး ဘုရားသခင်၏ ဉာဏ်ပညာကို လူတို့ နားမလည်နိုင်သောကြောင့် ဖြစ်သည်။ ထို့ကြောင့် ဘုရားသခင်နှင့် ဘုရားသခင်၏အမှုကို “ရှင်းလင်းစွာသိသည်” ဆိုသူများမှာ အရည်အချင်းမရှိ၊ သူတို့အားလုံးသည် စိတ်ကြီးဝင်၍ ပညာမဲ့သူများဖြစ်သည်ဟု ငါဆိုသည်။ လူသားတို့သည် ဘုရားသခင်၏ အမှုကို ကောက်ချက်မချသင့်ပါ၊ ထို့အပြင် လူသားတို့သည် ဘုရားသခင်၏ အမှုကို ကောက်ချက်ချနိုင်စွမ်းမရှိပါ။ ဘုရားသခင်၏ အမြင်တွင် လူသားတို့သည် ပုရွက်ဆိတ်ထက်ပင် သေးငယ်ပေ သေးသည်။ သို့ဖြစ်လျှင် လူသားတို့သည် ဘုရားသခင်၏အမှုကို မည်သို့ နားလည်သဘောပေါက်နိုင်မည်နည်း။ “ဘုရားသခင်က ဒီလိုမလုပ်ဘူး ဒါမှမဟုတ် ဟိုလိုမလုပ်ဘူး” သို့မဟုတ် “ဘုရားသခင်က ဒီလိုပဲ ဒါမှမဟုတ် ဟိုလိုပဲ” ဟု စဉ်ဆက်မပြတ် ပြောဆိုနေကြသူများ ရှိသည်။ သူတို့အားလုံး စိတ်ကြီးဝင်နေကြခြင်း မဟုတ်ပါလော။ အသွေးအသားဖြင့် တည်ဆောက်ထားသော လူများအားလုံးကို စာတန်ဖျက်ဆီးထားကြောင်း ငါတို့အားလုံး သိသင့်သည်။ ဘုရားသခင်ကို ဆန့်ကျင်ရန်မှာ သူတို့၏သဘာဝဖြစ်ပြီး သူတို့သည် ဘုရားသခင်နှင့် တန်းတူရည်တူ မဟုတ်ရုံမျှမက ဘုရားသခင်၏ အမှုအား သူတို့က လမ်းညွှန်အကြံပြုနိုင်ရန် ပို၍ပင် မဖြစ်နိုင်ပါ။ လူသားတို့ကို ဘုရားသခင်က မည်သို့ဦးဆောင်လမ်းပြသည် ဆိုသည်မှာ ဘုရားသခင်ကိုယ်တိုင်၏ အလုပ်ဖြစ်ပါသည်။ လူသားဆိုသည်မှာ ဖုန်မှုန့်သာ ဖြစ်သည့်အတွက် လူသားတို့သည် ထိုကဲ့သို့သောအမြင်ကို ကိုင်စွဲမထားသင့်ဘဲ ကျိုးနွံနာခံသင့်ပါသည်။ ဘုရားသခင်ကို ရှာဖွေရန် ငါတို့ကြိုးစားသောကြောင့် ဘုရားသခင်၏ ဆင်ခြင်သုံးသပ်မှုအတွက် ဘုရားသခင်၏ အမှုအပေါ် ငါတို့၏ အယူအဆများကို ထည့်သွင်းခြင်း မပြုသင့်ပါ။ အနည်းဆုံး ဘုရားသခင်၏အမှုကို ဆန့်ကျင်ရန် ရည်ရွယ်ကြိုးစားသည့် ငါတို့၏ ဖောက်ပြန်သော စိတ်သဘောထားကို ငါတို့ အသုံးမပြုသင့်ပါ။ ယင်းက ငါတို့ကို အန္တိခရစ်များ မဖြစ်စေ ဘူးလား။ ထိုသို့သောသူများက ဘုရားသခင်ကို ယုံကြည်ပါသည်ဟု အဘယ်ကဲ့သို့များ ပြောနိုင်ပါလိမ့်။ ဘုရားသခင်တစ်ပါးရှိသည်ဟု ငါတို့ယုံကြည်ပြီး ဘုရားသခင်၏အလိုကို ဖြည့်ဆည်းလျက် ဘုရားသခင်ကို တွေ့မြင်လိုသည့်အတွက် ငါတို့သည် သမ္မာတရား လမ်းကို ရှာဖွေသင့်ပြီး ဘုရားသခင်နှင့် သဟဇာတဖြစ်မည့် နည်းလမ်း တစ်ခုကို ရှာဖွေသင့်သည်။ ငါတို့သည် ဘုရားသခင်ကို ခေါင်းမာစွာဖြင့် မဆန့်ကျင်သင့်ပါ။ ထိုသို့ပြုလုပ်ခြင်းဖြင့် မည်သည့်ကောင်းကျိုးများ ရရှိနိုင်မည်နည်း။

ယနေ့ ဘုရားသခင်ထံတွင် အမှုသစ်ရှိပါသည်။ ဤစကားများကို သင်လက်ခံချင်မှ လက်ခံပေလိမ့်မည်၊ သင့်အတွက် ထူးဆန်းသည်ဟု ခံစားရနိုင်သည်၊ သို့သော် သင်၏သဘာဝကို ထုတ်ဖော်ပြသခြင်း မပြုရန် ငါအကြံပြုသည်။ အကြောင်းမှာ ဘုရားသခင်ရှေ့တွင် ဖြောင့်မတ်မှုကို အမှန်တကယ် ဆာငတ်သောသူများသာလျှင် သမ္မာတရားကို ရရှိနိုင်မည်ဖြစ်သည်။ အမှန်တကယ် ရိုသေကိုင်းရှိုင်းသူများသာ ဘုရားသခင်ထံမှ ဉာဏ်အလင်းပေးခြင်းနှင့် လမ်းပြပို့ဆောင်ခြင်းကို ရရှိနိုင်ပါသည်။ အငြင်းအခုံများမှတစ်ဆင့် သမ္မာတရားကို ရှာဖွေခြင်းအားဖြင့် မည်သည့်အရာမျှ ရရှိလာမည်မဟုတ်ပါ။ တည်ငြိမ်စွာ ရှာဖွေမှသာလျှင် ရလဒ်များကို တွေ့ရှိပါလိမ့်မည်။ “ယနေ့ ဘုရားသခင်ထံတွင် အမှုသစ်ရှိသည်” ဟု ငါပြောသောအခါ ဘုရားသခင် လူသားအဖြစ်သို့ ပြန်လည်ကြွရောက်ခြင်းကို ငါရည်ညွှန်းသည်။ ဤစကားများကို သင်အလေးမထားခြင်း၊ စက်ဆုပ်ရွံရှာခြင်း၊ သို့မဟုတ် အလွန်စိတ်ဝင်စားခြင်းတို့ ဖြစ်ကောင်းဖြစ်မည်။ မည်သို့ပင်ဖြစ်စေ ဘုရားသခင် ကြွရောက်ခြင်းကို အမှန်တကယ် တောင့်တသူတို့အားလုံး ဤအချက်ကို ရင်ဆိုင်နိုင်ပြီး သေသေချာချာ စဉ်းစားရန် ငါမျှော်လင့်သည်။ ချက်ချင်းအမြန် ဆုံးဖြတ်ချက်မချလိုက်ဖို့ အကောင်းဆုံး ဖြစ်ပါလိမ့်မည်။ ဤသည်မှာ ပညာရှိသူတို့ လုပ်ဆောင်သင့်သည့် နည်းလမ်းဖြစ်ပါသည်။

ထိုသို့သောအရာကို လေ့လာရန် မခက်ခဲပါ။ သို့သော် ငါတို့ တစ်ဦးချင်းစီသည် ဤသမ္မာတရားကို သိရန်လိုအပ်သည်၊ ဘုရားသခင်၏ လူ့ဇာတိခံယူခြင်းဖြစ်သော သူသည် ဘုရားသခင်၏ အနှစ်သာရ ရှိမည်ဖြစ်ပြီး ဘုရားသခင်၏ လူ့ဇာတိခံယူခြင်းဖြစ်သော သူသည် ဘုရားသခင်၏ ဖော်ပြခြင်းကိုလည်း စွဲကိုင်ထားမည်ဖြစ်သည်။ ဘုရားသခင်သည် လူ့ဇာတိခံယူသည့်အတွက် သူပြုရမည့်အမှုကို လုပ်ဆောင်မည်ဖြစ်ပြီး၊ ဘုရားသခင်သည် လူ့ဇာတိခံယူသည့်အတွက် သူ၏ဖြစ်ခြင်းကို ဖော်ပြမည်ဖြစ်ကာ လူသားတို့ဆီသို့ သမ္မာတရားကို သယ်ဆောင်လာမည်၊ လူသားတို့အပေါ် အသက်တာကို အပ်နှင်းမည်၊ လူသားတို့အား လမ်းခရီးကို ပြမည်ဖြစ်သည်။ ဘုရားသခင်၏ အနှစ်သာရ မပါဝင်သော ဇာတိပကတိသည် လူ့ဇာတိခံယူသော ဘုရားသခင် မဟုတ်သည်မှာ မုချဖြစ်၏၊ ဤသည်ကို သံသယဖြစ်ဖွယ် မရှိချေ။ ဘုရားသခင် ခံယူထားသော လူ့ဇာတိ ဟုတ်မဟုတ် စစ်ဆေးရန်အတွက် လူသားတို့သည် သူဖော်ပြသော စိတ်နေသဘောထားနှင့် သူပြောဆိုသော နှုတ်ကပတ်တော်များမှ စိစစ်ဆုံးဖြတ်ရပေမည်။ ဆိုလိုသည်မှာ ဘုရားသခင် ခံယူထားသော လူ့ဇာတိဟုတ်မဟုတ်၊ မှန်ကန်သော လမ်းခရီး ဟုတ်မဟုတ်ကို သူ၏အနှစ်သာရကိုကြည့်၍ ဆုံးဖြတ်ရမည်။ ထို့အတွက်ကြောင့် လူ့ဇာတိခံယူသော ဘုရားသခင်၏ ဇာတိပကတိ ဟုတ်မဟုတ် ဆုံးဖြတ်ရာ၌က သူ၏အပြင်ပန်းပုံသဏ္ဌာန်ထက် သူ၏အနှစ်သာရ (သူ၏အမှု၊ သူ၏နှုတ်ကပတ်တော်များ၊ သူ၏စိတ်နေသဘောထားနှင့် အခြားသောအရာများစွာ) ကို ဂရုပြုရမည်မှာ အဓိကဖြစ်သည်။ အကယ်၍ လူတို့သည် ဘုရားသခင်၏ အပြင်ပန်းပုံသဏ္ဌာန်ကိုသာမြင်ပြီး ဘုရားသခင်၏ အနှစ်သာရကို သတိမမူမိပါက ယင်းသည် လူသားတို့၏ မသိနားမလည်ခြင်းနှင့် နုံအခြင်းကို ပြနေသည်။ အပြင်ပန်း ပုံသဏ္ဌာန်သည် အနှစ်သာရကို အဆုံးအဖြတ်မပေးနိုင်ပါ၊ ထို့ပြင် ဘုရားသခင်၏ အမှုသည် လူတို့၏ အယူအဆများနှင့် ဘယ်သောအခါမျှ သဘောချင်း ကိုက်ညီနိုင်မည် မဟုတ်ပါ။ ယေရှု၏ အပြင်ပန်းပုံသဏ္ဌာန်သည် လူတို့၏ အယူအဆများနှင့် ကွဲပြားခဲ့သည် မဟုတ်ပါလား။ ယေရှု၏သွင်ပြင်နှင့် အဝတ်အစားက သူသည် အမှန်တကယ် မည်သူမည်ဝါ ဖြစ်ကြောင်းကို သဲလွန်စပေးနိုင်ခြင်း မရှိခဲ့ဘူး မဟုတ်လား။ အစောပိုင်းက ဖာရိရှဲများအနေဖြင့် ယေရှုကို ဆန့်ကျင်ခဲ့ကြခြင်း အကြောင်းရင်းမှာ သူ၏ အပြင်ပန်းသွင်ပြင်ကိုသာ ကြည့်ပြီး သူပြောသော စကားများကိုမူ နှလုံးမသွင်းခဲ့ကြခြင်းကြောင့် မဟုတ်ပါလား။ ဘုရားသခင်၏ ကြွလာခြင်းကို ရှာဖွေကြသော ညီအစ်ကို မောင်နှမများသည် သမိုင်းထဲက အဖြစ်ဆိုးကို ထပ်ကျော့မပြန်ကြရန် ငါမျှော်လင့်သည်။ သင်တို့သည် ခေတ်သစ်ဖာရိရှဲများအဖြစ် ဘုရားသခင်ကို ကားတိုင်တွင် ရိုက်ထားသူများ ထပ်မံမဖြစ်ပါစေနှင့်။ သင်တို့သည် ဘုရားသခင် ပြန်လည်ကြွလာခြင်းကို မည်သို့ကြိုဆိုရန် သေသေချာချာ စဉ်းစားထားသင့်ပြီး သမ္မာတရားကို ကျိုးနွံအပ်နှံထားသည့်သူတစ်ဦး မည်သို့ဖြစ်ရန် ကြည်လင်သောစိတ်ထား ရှိသင့်ပါသည်။ ဤသည်မှာ သခင်ယေရှုသည် မိုးတိမ်များနှင့်အတူ ပြန်လည်ကြွမြန်းလာမည်ကို စောင့်ကြိုနေသည့် လူတိုင်း၏ တာဝန်ဖြစ်ပါသည်။ ငါတို့၏ ဝိညာဉ်မျက်စိများကို ပွတ်သပ်ကြည့်သင့်ပြီး စိတ်ကူးယဉ် စကားလုံးများ၏ သားကောင်ဘဝသို့ မကျရောက်သင့်ပါ။ ငါတို့သည် ဘုရားသခင်၏ လက်တွေ့လုပ်ဆောင်မှုအကြောင်းကို စဉ်းစားသင့်ပြီး ဘုရားသခင်၏ စစ်မှန်သည့်ဘက်ကို ကြည့်သင့်သည်။ စိတ်ကူးယဉ်မှုများတွင် သင်တို့ကိုယ်သင်တို့ ပျောက်ဆုံး ဝေးလွင့်မသွား ပါစေနှင့်၊ သူ့ကို ဘယ်သောအခါကမျှ မသိခဲ့ဖူး သို့မဟုတ် မမြင်ဖူးရုံမျှမက သူ၏အလိုကို မည်သို့ဆောင်ရွက်ရမည်ကို မသိသော သင်တို့အား ဆောင်ယူရန် သခင်ယေရှုသည် သင်တို့အကြားသို့ မိုးတိမ်ပေါ်မှ ရုတ်တရက် ကြွရောက်ဆင်းသက်လာမည့်နေ့ကို အမြဲတမ်း စောင့်စားမနေပါနှင့်။ လက်တွေ့ကျသော ကိစ္စများအကြောင်း တွေးတော ကြည့်ရသည်မှာ ပိုကောင်းသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ ကျမ်းဦးစကား မှ

အောက်ခြေမှတ်စု(များ)-

က။ မူရင်းစာသားတွင် “အနေနှင့်”။

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၇၅)

ဖာရိရှဲတို့ ယေရှုကို ဆန့်ကျင်ခဲ့ကြခြင်း၏ အကြောင်းရင်းကို သင်တို့သိလိုသလော။ ဖာရိရှဲတို့၏ အနှစ်သာရကို သင်တို့သိလိုသလော။ သူတို့သည် မေရှိယအကြောင်း စိတ်ကူးယဉ်မှုများနှင့် ပြည့်နှက်နေခဲ့ ကြသည်။ ထို့အပြင် မေရှိယလာမည်ဟုသာ သူတို့ယုံကြည်ခဲ့ပြီး အသက်တာ၏ သမ္မာတရားကို မရှာခဲ့ကြ။ ထို့ကြောင့် သူတို့သည် ယနေ့တိုင် မေရှိယကို စောင့်နေဆဲဖြစ်၏။ ထိုသူတို့သည် အသက်လမ်းကို မသိ၊ သမ္မာတရားလမ်းကိုလည်း မသိသောကြောင့် ဖြစ်၏။ ဤသို့ မိုက်မဲ၊ ခေါင်းမာ၍ အသိဉာဏ်ကင်းမဲ့သူတို့သည် ဘုရားသခင်၏ ကောင်းချီး မင်္ဂလာကို ခံစားရမည်ဟု သင်တို့ မည်သို့ဆိုနိုင်မည်နည်း။ မေရှိယကို သူတို့သည် မည်သို့မြင်နိုင်ကြမည်နည်း။ ထိုသူတို့သည် သန့်ရှင်းသော ဝိညာဉ်တော်၏ အမှုဦးတည်ရာကို မသိသဖြင့် ယေရှုကို ဆန့်ကျင်ခဲ့ကြသည်။ ဤသည်မှာ ယေရှုပြောသည့် သမ္မာတရားလမ်းကို သူတို့မသိသောကြောင့်ဖြစ်၏။ ထို့အပြင် ထိုသူတို့သည် မေရှိယကို နားမလည်ခဲ့သောကြောင့်လည်း ဖြစ်၏။ ထို့အပြင် ထိုသူတို့သည် မေရှိယကို မည်သည့်အခါမျှ မြင်ဖူးခြင်းမရှိ၊ မေရှိယနှင့်အတူ မည်သည့်အခါမျှ အဖော်ပြုခြင်း မရှိခြင်းတို့ကြောင့် မေရှိယ၏ အနှစ်သာရကို ဖြစ်နိုင်သမျှ နည်းမျိုးစုံဖြင့် ဆန့်ကျင်နေစဉ်အခါပင် မေရှိယ၏ နာမအပေါ် အချည်းနှီး ဖက်တွယ်နေခြင်းဟူသည့် အမှားကို ပြုခဲ့ကြ၏။ ဤဖာရိရှဲတို့သည် အနှစ်သာရအားဖြင့် ခေါင်းမာ၍ ဝင့်ဝါပြီး သမ္မာတရားကို နာခံခြင်းမရှိကြ။ ထိုသူတို့ ဘုရားသခင်ကို ယုံကြည်ခြင်း၏ အခြေခံသဘောတရားမှာ ကိုယ်တော်၏တရားတော် မည်မျှပင် လေးနက်သည်ဖြစ်စေ၊ ကိုယ်တော်၏သြဇာအာဏာ မည်မျှပင် မြင့်မားသည်ဖြစ်စေ၊ မေရှိယဟု သတ်မှတ်မခံရလျှင် ကိုယ်တော်သည် ခရစ်တော်မဟုတ် ဟူ၍ဖြစ်သည်။ ဤအမြင်များသည် ကြီးကျယ်လွန်း၍ ရယ်ဖွယ်ကောင်းသည် မဟုတ်လော။ သင်တို့သည် ယေရှုကို အနည်းငယ်မျှပင် နားမလည်သည့်အတွက် ရှေးအကျဆုံးသော ဖာရိရှဲတို့၏ အမှားများကို သင်တို့ ကျူးလွန်ရန် အလွန် မလွယ်ကူပေသလောဟု ငါသင်တို့ကို တစ်ဖန်ပြန်မေး၏။ သင်သည် သမ္မာတရားလမ်းကို သိမြင်နိုင်သလော။ သင်သည် ခရစ်တော်ကို ဆန့်ကျင်မည်မဟုတ်ဟု အမှန်တကယ် အာမခံနိုင်သလော။ သင်သည် သန့်ရှင်းသောဝိညာဉ်တော်၏ အမှုတော်နောက် လိုက်နိုင်မည်လော။ သင်သည် ခရစ်တော်ကို ဆန့်ကျင်မည်၊ မဆန့်ကျင်မည်ကို မသိပါက သင်သည် သေခြင်း၏ချောက်ကမ်းပါးတွင် နေလျက်ရှိနေပြီဟု ငါဆိုသည်။ မေရှိယကို မသိခဲ့သောသူခပ်သိမ်းသည် ယေရှုကိုဆန့်ကျင်ခြင်း၊ ယေရှုကိုငြင်းပယ်ခြင်း၊ သူ့ကို အသရေဖျက်ခြင်းများ လုပ်နိုင်စွမ်းရှိခဲ့သည်။ ယေရှုကို နားမလည်သူခပ်သိမ်းသည် သူ့ကို ငြင်းပယ်ခြင်းနှင့် သူ့ကို ဝေဖန်ပုတ်ခတ်ခြင်းများ ပြုနိုင်စွမ်းရှိသည်။ ထို့အပြင် သူတို့အားလုံးသည် ယေရှုတစ်ဖန်ကြွလာခြင်းကို စာတန်၏ လှည့်ဖြားမှုဟု မြင်နိုင်စွမ်းရှိကြပြီး ယေရှုခရစ် လူ့ဇာတိတစ်ဖန်ခံယူ၍ ပြန်လာခဲ့သည်ကို သာ၍များသော လူတို့က ရှုတ်ချလိမ့်မည်။ ဤအရာအားလုံးက သင်တို့ကို ကြောက်ရွံ့စိတ် မပေါ်စေသလော။ သန့်ရှင်းသောဝိညာဉ်တော်ကို ပြစ်မှားခြင်း၊ သန့်ရှင်းသောဝိညာဉ်တော်မှ အသင်းတော်တို့ကို ပြောသည့် နှုတ်ကပတ်တော်များကို ယိုယွင်းပျက်စီးစေခြင်းနှင့် ယေရှုထုတ်ဖော် ပြောဆိုခဲ့သည့် အရာခပ်သိမ်းကို ပစ်ပယ်ခြင်းတို့နှင့် သင်တို့ရင်ဆိုင်ရမည်။ အကယ်၍ သင်တို့သည် ဤမျှစိတ်ရှုပ်ထွေးနေပါက ယေရှုထံမှ မည်သည့်အရာ ရယူနိုင်မည်နည်း။ သင်တို့၏အမှားများကို အသိအမှတ်ပြုရန် ခေါင်းမာစွာ ငြင်းဆိုပါက ဖြူသောမိုးတိမ်ပေါ်မှ လူ့ဇာတိသို့ ယေရှုပြန်ကြွလာချိန်တွင် သူ၏ အမှုတော်ကို သင်တို့သည် မည်သို့နားလည်နိုင်မည်နည်း။ သမ္မာတရားကို လက်မခံသော်လည်း ဖြူသောမိုးတိမ်ပေါ်မှ ယေရှုကြွလာသည်ကို ကြောင်းကျိုးမမြင် စောင့်သူတို့သည် သန့်ရှင်းသောဝိညာဉ်တော်ကို ပြစ်မှားမည်မှာသေချာပြီး ထိုသူတို့သည် ပျက်စီးခြင်းသို့ရောက်မည့် အမျိုးအစားဖြစ်ကြောင်း ငါသင်တို့ကိုပြော၏။ သင်တို့သည် ယေရှု၏ကျေးဇူးတော်ကိုသာ လိုလား၍ ပျော်ရွှင်ဖွယ်ရာ ကောင်းကင်ဘုံကိုသာ ခံစားလိုကြသော်လည်း ယေရှုပြောသော နှုတ်ကပတ်တော်များကို မည်သည့်အခါကမျှ နာခံခဲ့ခြင်းမရှိဘဲ သူလူ့ဇာတိသို့ တစ်ဖန်ကြွလာချိန်တွင် သူထုတ်ဖော် ပြောခဲ့သည့် သမ္မာတရားကို မည်သည့်အခါမျှ လက်ခံရရှိခြင်း မရှိခဲ့ပေ။ ဖြူသောမိုးတိမ်ပေါ်မှ ယေရှုတစ်ဖန်ကြွလာသည့်အချက်အတွက် အလဲအလှယ်အဖြစ် သင်တို့ မည်သည့်အရာကို ခိုင်မြဲစွာ ကိုင်ဆွဲထားမည်နည်း။ အပြစ်များ ကြိမ်ဖန်များစွာကျူးလွန်၍ ထပ်တလဲလဲ အပြစ်ဝန်ခံသည့် သင်တို့၏ ရိုးဖြောင့်မှုလော။ ဖြူသောမိုးတိမ်ပေါ်မှ တစ်ဖန်ကြွလာသည့်ယေရှုအတွက် သင်တို့ မည်သည့်အရာကို ဆက်ကပ်ပူဇော်မည်နည်း။ သင်တို့ကိုယ်သင်တို့ ချီးမြှောက်သည့် နှစ်ပေါင်းများစွာသော အလုပ်ကိုလော။ တစ်ဖန်ပြန်ကြွ လာသည့် ယေရှုအနေဖြင့် သင်တို့အပေါ် ယုံကြည်စိတ်ချစေရန် သင်တို့မည်သည့်အရာကို ကိုင်ဆွဲထားမည်နည်း။ မည်သည့်သမ္မာတရား ကိုမျှ လိုက်နာခြင်းမရှိသည့် သင်တို့၏ ဝင့်ဝါသောသဘာဝလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယေရှု၏ဝိညာဉ်ခန္ဓာကို သင်တွေ့မြင်သည့်အချိန်တွင် ဘုရားသခင်သည် ကောင်းကင်နှင့်မြေကြီးကို အသစ်တစ်ဖန် ပြုလုပ်ပြီးဖြစ်လိမ့်မည်” မှ

ဘုရားသခင်၏ နေ့စဉ် နှုတ်ကပတ်တော်များ ကောက်နုတ်ချက် (၇၆)

သင်တို့သည် စကားဖြင့်သာ သစ္စာရှိကြ၏။ သင်တို့၏အသိသည် ပညာဉာဏ်၊ အယူအဆတို့နှင့်သာဆိုင်၏။ သင်တို့၏ဝါယမစိုက်ထုတ်မှာ ကောင်းကင်မှကောင်းချီးမင်္ဂလာများ ရရှိရေးအတွက်ဖြစ်၏။ ထို့ကြောင့် သင်တို့၏ယုံကြည်ခြင်းသည် မည်သည့်ပုံစံဖြစ်ရမည်နည်း။ ယနေ့တိုင်အောင် သင်တို့သည် သမ္မာတရားအကြောင်း စကား တစ်လုံး စီတိုင်းကို နားမထောင်ကြ။ ဘုရားသခင်မှာ မည်သည့်အရာဖြစ်သည်ကို သင်တို့မသိ၊ ခရစ်တော်မှာ မည်သည့်အရာဖြစ်သည်ကို သင်တို့မသိ၊ ယေဟောဝါကို မည်သို့ရိုသေလေးမြတ်ရမည်ကို သင်တို့မသိ၊ သန့်ရှင်းသောဝိညာဉ်တော်၏ အမှုတော်အတွင်း မည်သို့ဝင်ရောက် ရမည်ကို သင်တို့မသိ၊ ဘုရားသခင်ကိုယ်တိုင်၏ အမှုတော်နှင့် လူသား၏လှည့်ဖြားမှုများအကြား မည်သို့ခွဲခြားရမည်ကို သင်တို့ မသိကြချေ။ သင့်အတွေးအခေါ်နှင့် မကိုက်ညီသော ဘုရားသခင် ထုတ်ဖော်ပြောကြားသည့် သမ္မာတရား၏ နှုတ်ကပတ်တော်ကို ရှုတ်ချရန်သာ သင်သိသည်။ သင်၏ နှိမ့်ချမှုသည် အဘယ်မှာနည်း။ သင်၏ နာခံမှုသည် အဘယ်မှာနည်း။ သင်၏သစ္စာရှိမှုသည် အဘယ်မှာနည်း။ သင်၏ သမ္မာတရားရှာလိုစိတ်သည် အဘယ်မှာနည်း။ ဘုရားသခင်အပေါ် သင်၏ရိုသေလေးမြတ်စိတ်သည် အဘယ်မှာနည်း။ နိမိတ် လက္ခဏာများကြောင့် ဘုရားသခင်ကို ယုံကြည်သောသူများသည် ပျက်စီးခြင်းသို့ ဧကန်အမှန် ရောက်မည့်အမျိုးအစားဖြစ်ကြောင်း သင်တို့ကို ငါပြော၏။ လူ့ဇာတိသို့ တစ်ဖန်ပြန်၍ ကြွလာသော ယေရှု၏နှုတ်ကပတ်တော်များကို လက်မခံနိုင်သူများသည် ငရဲ၏သားသမီးများ၊ ကောင်းကင်တမန်မင်း၏ သားစဉ်မြေးဆက်များ ဖြစ်သည်မှာ သေချာပြီး ၎င်းတို့သည် ထာဝရပျက်စီးခြင်းသို့ ရောက်မည့်အမျိုးအစားဖြစ်သည်။ ငါပြောသည့်အရာများကို များစွာသော လူတို့သည် ဂရုမစိုက်ဘဲနေကောင်းနေနိုင်သည်။ သို့သော် ဖြူသောမိုးတိမ်ပေါ်မှနေ၍ ယေရှုသည် ကောင်းကင်ဘုံမှ ဆင်းသက်လာသည်ကို သင်တို့မျက်စိဖြင့်တွေ့သည့်အခါ ဤသည်မှာ ဖြောင့်မတ်ခြင်း၏နေမင်း လူသိရှင်ကြားပေါ်ထွက်လာခြင်းဖြစ်၏ဟု သန့်ရှင်းသူများဟုဆိုသော ယေရှု၏နောက်သို့ လိုက်သူတိုင်းကို ငါပြောလိုသေး၏။ သင့်အတွက် ထိုအချိန်သည် အလွန်စိတ်လှုပ်ရှားဖွယ် ကောင်းသည့်အချိန် ဖြစ်ကောင်းဖြစ်နိုင်သည်။ သို့သော် ယေရှု ကောင်းကင်ဘုံမှ ဆင်းသက်သည်ကို သင်တွေ့ချိန်သည် အပြစ်ဒဏ် ပေးခံရရန် သင်ငရဲသို့ဆင်းချိန်ဖြစ်ကြောင်းကိုလည်း သင်သိသင့်သည်။ ယင်းသည် ဘုရားသခင်၏ စီမံခန့်ခွဲမှုအစီအစဉ် အဆုံးသတ်ချိန် ဖြစ်မည်ဖြစ်ပြီး ဘုရားသခင်မှ ကောင်းသောသူများကို ဆုချ၍ စဉ်းလဲသူများကို အပြစ်ပေးသည့်အချိန် ဖြစ်လိမ့်မည်။ အကြောင်းမှာ သမ္မာတရားကို ဖော်ပြချက်သာရှိသည့် အချိန်ဖြစ်သော၊ လူသားသည် နိမိတ်လက္ခဏာများကို မမြင်မီတွင် ဘုရားသခင်၏ တရားစီရင်ခြင်း အမှုသည် ပြီးဆုံးခဲ့ပြီးဖြစ်လိမ့်မည် ဖြစ်သောကြောင့်တည်း။ သမ္မာတရားကိုလက်ခံ၍ နိမိတ်လက္ခဏာများကို ရှာဖွေခြင်းမရှိသဖြင့် သန့်စင်ခြင်းခံရပြီးသူများသည် ဘုရားသခင်၏ပလ္လင်တော်ရှေ့သို့ တစ်ဖန် ပြန်ရောက်ပြီး ဖန်ဆင်းရှင်၏ ထွေးပိုက်မှုသို့ ဝင်ရောက်ရမည်။ “ဖြူသောမိုးတိမ်မစီးသည့် ယေရှုသည် မှားယွင်းသော ယေရှုဖြစ်သည်” ဟု မလျှော့တမ်းယုံကြည်သူများသည်သာ ထာဝရအပြစ်ဒဏ်ပေးခြင်း ခံရမည်ဖြစ်သည်။ အဘယ်ကြောင့်ဆိုသော် ထိုသူတို့သည် နိမိတ် လက္ခဏာများပြသော ယေရှုကိုသာယုံကြည်ကြကာ ပြင်းထန်သည့် တရားစီရင်မှုကို ကြွေးကြော်၍ စစ်မှန်သော အသက်လမ်းကို ထုတ်ပေးသော ယေရှုကိုကား အသိအမှတ်မပြုကြသောကြောင့်ဖြစ်သည်။ ထို့ကြောင့် ယေရှုသည် ဖြူသောမိုးတိမ်ပေါ်မှ ပွင့်လင်းစွာ တစ်ဖန်ကြွလာချိန်မှ ထိုသူတို့ကို ကိုင်တွယ်ဖြေရှင်းနိုင်မည် ဖြစ်သည်။ ထိုသူတို့သည် ခေါင်းမာလွန်း၏။ မိမိကိုယ်ကိုယုံကြည်စိတ်များလွန်းပြီး ဝင့်ဝါလွန်းကြသည်။ ဤမျှကိုယ်ကျင့်တရားပျက်ယွင်းနေသူများကို ယေရှုအနေဖြင့် မည်သို့ဆုချနိုင်မည်နည်း။ သမ္မာတရားကို လက်ခံနိုင်စွမ်းရှိသူများအတွက် ယေရှုတစ်ဖန်ပြန်ကြွလာခြင်းသည် ကြီးမားသည့် ကယ်တင်ခြင်းတစ်ရပ်ဖြစ်သော်လည်း သမ္မာတရားကို လက်ခံနိုင်စွမ်းမရှိသူများအတွက် ဤသည်မှာ ပြစ်ဒဏ်စီရင်ခြင်း၏ လက္ခဏာတစ်ရပ်ဖြစ်သည်။ သင်တို့သည် မိမိလမ်းကြောင်း မိမိရွေးချယ်ရမည်ဖြစ်ပြီး သန့်ရှင်းသော ဝိညာဉ်တော်ကို ပြစ်မှားပြောဆိုခြင်းနှင့် သမ္မာတရားကို ငြင်းပယ်ခြင်းတို့ မပြုရ။ သင်တို့သည် အသိဉာဏ်ကင်းမဲ့သူနှင့် ဝင့်ဝါသူများ မဖြစ်ရ။ သို့သော် သန့်ရှင်းသောဝိညာဉ်တော်၏ လမ်းပြမှုကို လိုက်နာ၍ သမ္မာတရားကို တမ်းတကာ ရှာဖွေသူများ ဖြစ်ရမည်။ ဤနည်းဖြင့်သာ သင့်အတွက် အကျိုးရှိမည်။ ဘုရားသခင်အား ယုံကြည်သည့်လမ်းကြောင်းကို သတိဖြင့်လျှောက်လှမ်းရန် သင်တို့ကို ငါအကြံပြု၏။ အလွယ်တကူ ကောက်ချက်ချခြင်း မပြုနှင့်။ ထို့အပြင် ဘုရားသခင်အပေါ် သင်တို့ယုံကြည်ခြင်းအရာတွင် သာမန်ကာလျှံကာဖြစ်ခြင်းနှင့် စာနာ ထောက်ထားမှု ကင်းမဲ့ခြင်းတို့ မဖြစ်စေနှင့်။ ဘုရားသခင်ကို ယုံကြည်သောသူတို့သည် အနည်းဆုံးအနေဖြင့် စိတ်နှလုံးနှိမ့်ချ၍ ရိုသေလေးမြတ်မှု ရှိရမည်ဖြစ်ကြောင်း သင်တို့သိသင့်သည်။ သမ္မာတရားကို ကြားဖူးသော်လည်း ၎င်းတို့အတွက် သေးသိမ်သဖြင့် လက်မခံသောသူတို့သည် မိုက်မဲ၍ အသိဉာဏ်ကင်းမဲ့ကြ၏။ သမ္မာတရားကို ကြားဖူးသော်လည်း သတိမပြုဘဲ အလွယ်တကူ ကောက်ချက်ချသူများ သို့မဟုတ် ရှုတ်ချသူများသည် ဝင့်ဝါခြင်းဖြင့် ဒုက္ခ ခံစားနေကြ၏။ ယေရှုကိုယုံကြည်သူ မည်သူမျှ တစ်ပါးသူအား ကျိန်ဆဲခြင်း၊ ရှုတ်ချခြင်းများပြုရန် မသင့်တော်ပေ။ သင်တို့အားလုံးသည် ဆင်ခြင်တုံတရားရှိ၍ သမ္မာတရားကို လက်ခံသူများ ဖြစ်ရမည်။ သင်သည် သမ္မာတရားလမ်းအကြောင်းကို ကြားခဲ့ပြီး အသက်နှင့်ဆိုင်သော နှုတ်ကပတ်တော်ကို ဖတ်ပြီးသည့်နောက် ဤစကားလုံး ၁၀,၀၀၀ အနက် စကားတစ်လုံးသာလျှင် သင်၏ခံယူချက်များနှင့် သမ္မာကျမ်းစာတို့နှင့် ကိုက်ညီသည်ဟု သင်ယူဆကောင်းယူဆနိုင်သည်။ ထို့နောက် သင်သည် ဤ ၁၀,၀၀၀ မြောက်သောစကားလုံးကို ဆက်လက်ရှာဖွေရမည်။ သင်သည် နှိမ့်ချမှုရှိရန်၊ မိမိကိုယ်ကိုယုံကြည်စိတ် မလွန်ကဲရန်နှင့် မိမိကိုယ်ကို လွန်ကဲစွာ မချီးကျူးရန် ငါအကြံပြုသေး၏။ သင်၏နှလုံးသားတွင် ဘုရားသခင်ကို ထိုသို့အနည်းငယ် ရိုသေလေးမြတ်မှု ရှိလျှင်ပင် သင်သည် ပို၍ကြီးမားသော အလင်းကိုရလိမ့်မည်။ သင်သည် ဤနှုတ်ကပတ်တော်များကို သေချာစွာစစ်ဆေး၍ ကြိမ်ဖန်များစွာ ဆင်ခြင်ပါက ၎င်းတို့သည် သမ္မာတရား ဟုတ်မဟုတ်နှင့် ၎င်းတို့သည် အသက်ဟုတ်မဟုတ်ကို သင်နားလည်လိမ့်မည်။ အချို့သူများသည် ဝါကျတစ်ကြောင်း နှစ်ကြောင်းကိုသာ ဖတ်ပြီး “ဤသည်မှာ သန့်ရှင်းသော ဝိညာဉ်တော်၏ ဉာဏ်အလင်းရစေခြင်းပင်ဖြစ်သည်” ဟူ၍ဖြစ်စေ၊ “ဤသည်မှာ လူသားတို့အားလှည့်ဖြားရန် ရောက်လာသည့် ခရစ်တော်၏ အယောင်ကိုဆောင်သောသူဖြစ်၏” ဟူ၍ဖြစ်စေ ပြောဆိုလျက် ဤနှုတ်ကပတ်တော်များကို ကြောင်းကျိုးမမြင်ဘဲ ရှုတ်ချနိုင်သည်။ ထိုကဲ့သို့သောအရာများကို ပြောသူတို့သည် အသိဉာဏ်ကင်းမဲ့မှုဖြင့် မျက်ကန်းနေကြသည်တကား။ ဘုရားသခင်၏အမှုတော်နှင့် ဉာဏ်အမြော်အမြင်ကို သင်နားလည်သည်မှာ နည်းပါးလွန်း၏။ ထို့ကြောင့် အစမှပြန်စရန် သင့်ကိုငါအကြံပြု၏။ နောက်ဆုံးကာလတွင် ခရစ်တော်၏အယောင်ကိုဆောင်သောသူများ ပေါ်ထွက်လာခြင်းကြောင့် သင်တို့သည် ဘုရားသခင် ထုတ်ဖော်ပြောဆိုသော နှုတ်ကပတ်တော်များကို ဆင်ကန်းတောတိုး ရှုတ်ချခြင်း မပြုရ။ သင်တို့သည် လှည့်ဖြားမှုကို ကြောက်ရွံ့သဖြင့် သန့်ရှင်းသော ဝိညာဉ်တော်ကို ပြစ်မှားပြောဆိုခြင်း ပြုသူတစ်ဦး မဖြစ်ရ။ ဤသို့ဖြစ်ပါက လွန်စွာ သနားဖွယ်မကောင်းပေဘူးလော။ များစွာစစ်ဆေးပြီးသည့်နောက် ဤနှုတ်ကပတ်တော်များသည် သမ္မာတရားမဟုတ်၊ လမ်းခရီးမဟုတ်၊ ဘုရားသခင်၏ ထုတ်ဖော်ပြောဆိုချက် မဟုတ်ဟု သင်ယုံကြည်ဆဲ ဖြစ်ပါက သင်သည် အဆုံးတွင် အပြစ်ဒဏ်ပေးခြင်းခံရမည်ဖြစ်ပြီး သင်သည် ကောင်းချီးမင်္ဂလာများ ကင်းမဲ့လိမ့်မည်။ ထိုသို့သော သိသာထင်ရှားလှစွာ ပြောဆိုထားသည့် သမ္မာတရားကို သင်လက်မခံ နိုင်ပါက သင်သည် ဘုရားသခင်၏ကယ်တင်ခြင်းနှင့် မထိုက်တန်ပေ။ သင်သည် ဘုရားသခင်၏ပလ္လင်တော်ရှေ့ တစ်ဖန်ပြန်ရောက်ရန် အခွင့်မသာသောသူတစ်ဦး ဖြစ်နေမည် မဟုတ်ပေသလော။ စဉ်းစားကြည့်စမ်းလော့။ အလျင်မလိုနှင့်၊ စိတ်မြန်လက်မြန် မလုပ်နှင့်။ ထို့အပြင် ဘုရားသခင်အပေါ် ယုံကြည်ခြင်းအရာကို ကစားပွဲတစ်ခုအဖြစ် မမှတ်ယူနှင့်။ သင်၏ခရီးဆုံးပန်းတိုင်အတွက်၊ သင်၏ အလားအလာများ အတွက်၊ သင်၏အသက်တာအတွက် စဉ်းစားလော့၊ မိမိကိုယ်ကို ပြက်တီးပြက်ချော်မပြုနှင့်။ ဤနှုတ်ကပတ်တော်များကို သင်လက်ခံနိုင် သလော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယေရှု၏ဝိညာဉ်ခန္ဓာကို သင်တွေ့မြင်သည့်အချိန်တွင် ဘုရားသခင်သည် ကောင်းကင်နှင့်မြေကြီးကို အသစ်တစ်ဖန် ပြုလုပ်ပြီးဖြစ်လိမ့်မည်” မှ

ယခင်က:၁။ အမှုတော် အဆင့်သုံးဆင့်

နောက်တစ်ခုသို့:၃။ နောက်ဆုံးသောကာလတွင် တရားစီရင်ခြင်း

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလခရစ်တော်၏ မိန့်မြွက်ချက်များ (လက်ရွေးစင်များ) နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ ဘုရားသခင်၏ နေ့စဉ် နှုတ်ကပတ်တော်များ