မေးခွန်း (၇) သူတို့က တော်လှန်ရေးသမားတွေ။ သူတို့ယုံကြည်တာ အကြမ်းဖက်မယ်၊ မုသားသုံးမယ်၊ အာဏာကို အကြမ်းနည်းနဲ့ရယူမယ်။ “မုသားတစ်ခွန်းကို အကြိမ်တစ်သောင်း လောက် ထပ်တလဲလဲဆိုလိုက်ရင် အမှန်ဖြစ်လာတယ်” လို့ ယူဆထားကြတာ။ လူတွေက သူတို့စကားတွေကို ဘယ်လိုပဲ မယုံမယုံ၊ ငြင်းပဲ ငြင်းငြင်း ပါတီက ဂရုမစိုက်ဘူး။ ဆက်ပြီးလိမ်မြဲ လိမ်နေမှာပဲ။ လက်ငင်းမှာ ထိရောက်မှုတွေ ရှိနေသရွေ့ သူတို့ ဂရုမစိုက်ဘူး။ လူတွေ ဆန့်ကျင်ဆန္ဒပြပြီဆိုရင်၊ တင့်ကားတွေ စက်သေနတ်တွေ သုံးပြီး ဖြေရှင်းလိုက်မှာပဲ။ သူတို့ လိုအပ်တာတွေ ရဖို့ လိုအပ်ရင် အဏုမြူဗုံးတောင် သုံးကြမယ့်သူတွေ၊ အာဏာ တည်မြဲဖို့ ပါတီကတော့ ဘာမဆိုလုပ်မှာပဲ။ အဲဒီအမှုကို ထုတ်ပြန် လိုက်ပြီးတာနဲ့ ဘယ်လို အခြေအနေမျိုးပဲဖြစ်ဖြစ် ခရစ်ယာန်တွေကို ဖမ်းဆီး၊ နှိပ်ကွပ်ဖို့အတွက် ရဲတပ်ဖွဲ့ဝင်တွေ အများကြီးတပ်ဖြန့် လိုက်ကြတယ်လေ။ သူတို့ကို ဘယ်သူက တားနိုင်ခဲ့လို့လဲ။ ဘယ်သူ အာခံရဲခဲ့လဲ။ ပါတီကလိမ်ကကျစ်လုပ်တာတွေကို နိုင်ငံခြားသားတွေ မြင်တော့ သူတို့ဘာလုပ်နိုင်ခဲ့လဲ။ အနောက်တိုင်း ဒီမိုကရေစီ အင်အားစုတွေကို တန်ပြန်တဲ့နည်းတွေ ပါတီမှာ အများကြီးပဲ။ အားလုံးကို ပိုက်ဆံသုံးပြီး ဖြေရှင်းလိုက်တာပဲ။ လူဟာ လက်ဆောင် ပဏ္ဏာကို လွတ်လပ်မှုနဲ့ လဲကြတာပဲ။ ဒီနေ့ခေတ်မှာ တရုတ် ကွန်မြူနစ်ပါတီကို ဆန့်ကျင်တဲ့နိုင်ငံ ပိုနည်းသွားပြီ။ အင်အားစုတွေ ကလည်း ခုဆို သူတို့ကို ရန်လိုရမှာတောင် ကြောက်နေပြီ။ ဘယ်လိုပဲဖြစ်ဖြစ် စီစီပီက အာဏာကို ထိန်းထားနိုင်တုန်းပဲလေ။ အာဏာရှိနေသရွေ့ မင်းတို့လို ဘုရားသခင် ယုံကြည်တဲ့သူတွေ လွတ်လပ်မှာမဟုတ်ဘူး။ တရုတ်ပြည်ထဲက ဘုရားသခင်ရဲ့ ပေါ်ထွန်းခြင်းနဲ့ အမှုတော်ကို စီစီပီက မုန်းတီးပြီး ပိတ်ပင်နေဦး မှာပဲ။ ဘုရားမဲ့ အုပ်စိုးမှုတစ်ခုကို ဖန်တီးဖို့ဆိုတဲ့ သူတို့ရဲ့ ပန်းတိုင်ကို သူတို့မရရင်တောင်၊ မင်းတို့ကိုဖမ်းဆီးနှိပ်ကွပ်တာတွေ လုံးဝ ရပ်မှာ မဟုတ်ဘူး။ ငါ ဒါတွေကို မြင်တွေ့နေတာကြာခဲ့ပြီ။ အဲဒါကြောင့် လည်း မင်းတို့ရဲ့ အနန္တတန်ခိုးရှင် ဘုရားသခင် ယုံကြည်မှုကို ငါ ဆန့်ကျင်နေရတာပေါ့။ အားလုံးက မင်းတို့ရဲ့ လုံခြံမှုအတွက်ပါ နားမလည်ဘူးလား။
အဖြေ- သူတို့က အရမ်းယုတ်မာပေမဲ့ ရှင်သန်နေတုန်းပဲ၊ ဘယ်သူမှလည်း သူတို့ကို မတားရဲကြဘူး။ ဒီတော့ သူတို့ အာဏာက ဆက်ပြီးမြဲနေနိုင်တယ်ဆိုတဲ့ သဘောလား။ သခင် ယေရှု အမှုပြုဖို့ ပေါ်ထွန်းလာတော့၊ ရောမအစိုးရက သူ့ကို ဆန့်ကျင်ရှုတ်ချဖို့ ကြိုးစားခဲ့တာပဲလေ။ ဒီလောက် အားကောင်းတဲ့ အစိုးရလည်း ဘုရားသခင်ရဲ့ကပ်ဆိုးကြောင့် ပျက်စီးရတာပဲ မဟုတ်လား။ အပြင်မှာ ဘယ်လိုအင်အားစုတွေပဲ ရှိရှိပါ၊ ဘုရားသခင်ကို အာခံပြီး ဆန့်ကျင်ပြုမူရင်၊ ဘုရားသခင်အားဖြင့် သူတို့တွေ ပျက်စီးရမှာပဲ။ ဒီလို ယုတ်ညံ့တဲ့အာဏာကို ထားဦး ဘယ်လိုအဆင့်အတန်းနဲ့ အာဏာကိုမှ ကျွန်တော်တို့ အားမပေး နိုင်ဘူး။ ဘုရားသခင်က အရာရာတိုင်းကို အုပ်စိုးတာပါ။ သူ့ကို အာခံသူတိုင်း ပျက်စီးရမှာပဲ။ စီစီပီကို မကောင်းမှန်း သိနေပေမဲ့၊ သူတို့ရဲ့ယုတ်ညံ့တဲ့ သဘာဝကို သေချာပေါက် မမြင်နိုင်ဘူး။ သူတို့က ဘာလို့ဘုရားသခင်ကို ဆန့်ကျင်ရှုတ်ချပြီး ဘုရားက ရွေးချယ်ထားသူတွေကို အန္တရာယ်ပေးနေတာလဲ။ သမ္မာကျမ်းစာ ထဲမှာ သခင်ယေရှုက ပြောထားတယ်- “ဤလူမျိုးသည် ဆိုးညစ် သောအမျိုး ဖြစ်၏။” (ရှင်လုကာ ၁၁:၂၉) “အပြစ်စီရင်ခြင်းကို ခံရကြောင်းကား အလင်းသည် ဤလောကသို့ဝင်၍၊ လူတို့သည် မကောင်းသော အကျင့်ကို ကျင့်သောကြောင့်၊ အလင်းထက် မှောင်မိုက်ကို သာ၍နှစ်သက်ကြ၏။ ဆိုးယုတ်သောအကျင့်ကို ကျင့်သောသူအပေါင်းတို့သည် အလင်းကိုမြင်ပျင်း၍ “မိမိတို့ အကျင့်၌ အပြစ်ပါမည်ကိုမထင်ရှားစေခြင်းငှါ အလင်းသို့ မချဉ်းကပ် ကြ။” (ရှင်ယောဟန်ခရစ်ဝင် ၃:၁၉-၂၀) ကျမ်းစာမှာ ပြောထား သေးတယ်- “လောကီသားအပေါင်းတို့သည် မာရ်နတ်၏လက်၌ ရှိကြသည်ကို၎င်း။” (၁ ယော ၅:၁၉) အနန္တတန်ခိုးရှင် ဘုရားသခင် အသင်းတော်ကို စီစီပီက ဘာလို့ဆန့်ကျင်ရှုတ်ချတာလဲ။ တရုတ် ပြည်သူတွေ အနန္တတန်ခိုးရှင် ဘုရားသခင်ကို လက်ခံယုံကြည်သွား မှာကြောက်လို့ပဲလေ။ နောက်ဆုံးသောကာလ အနန္တတန်ခိုးရှင် ဘုရားသခင်ရဲ့အမှုကို လူတွေ လက်ခံသွားမှာ သူတို့အကြောက်ဆုံး ပဲ။ အနန္တတန်ခိုးရှင်ဘုရားသခင် ဖော်ပြတဲ့ သမ္မာတရားတွေ အားလုံး ကမ္ဘာအနှံ့ ထုတ်ဖော်ခံရမှာကို ကြောက်ကြတယ်၊ ကမ္ဘာမြေပေါ် ဘုရားသခင်ရဲ့အလိုတော် ပြည့်စုံမှာကို သူတို့ ကြောက်နေကြတယ်။ စီစီပီဟာ သမ္မာတရားအပြင် ဘုရားသခင်ရဲ့ ပေါ်ထွန်းခြင်းနဲ့ အမှုတော်ကိုပါ ကြောက်မှန်း ဒါက သက်သေပြ ပါတယ်၊ အမှောင်ဖုံးနေတဲ့ လူသားတွေကို အလင်းပြပေးတဲ့ အလင်းရောင်စစ်ကို ကြောက်နေကြတယ်၊ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်ကို ထုတ်ဖော်လိုက်ပြီဆိုတာနဲ့ နောက်ဆုံးသောကာလ အနန္တတန်ခိုးရှင်ဘုရားသခင်ရဲ့ အမှုတော် ကို လူအများကြီးက လက်ခံမယ်ဆိုတာ စီစီပီက သိနေလို့ပဲ။ အဲဒါကြောင့်လည်း အနန္တတန်ခိုးရှင် ဘုရားသခင်ရဲ့ နောက်လိုက် အားလုံးကို သူတို့ နှိပ်ကွပ်နေတာပေါ့။ သူတို့လုပ်ရပ်တွေက ကောင်းကင်ဘုံနဲ့ လုံးဝဆန့်ကျင်နေပြီ၊ သူတို့တွေက ဘုရားသခင်ရဲ့ ရန်သူ၊ သမ္မာတရားရဲ့ရန်သူ၊ တရားမျှတမှုရဲ့ရန်သူပဲ။ သူတို့ဘက်က ကာကွယ်နေတယ်ဆိုတာ ဘုရားသခင်ကို ဆန့်ကျင်ပြီး၊ သူ ရွေးချယ်ထားသူတွေကို ဖိနှိပ်နေတာမျိုးပဲ။ အဲဒါက ဘုရားသခင်ရဲ့ စိတ်သဘောထားကို ပုန်ကန်ပြစ်မှားတဲ့ အပြစ်ပဲ။ အပြစ်ဒဏ်ပေး ခံရလိမ့်မယ်။ ဘုရားသခင်ကို အာခံပြီး ဆန့်ကျင်ပြုမူသူတိုင်း ဖျက်ဆီးခံရပြီး ငရဲကျမှာပဲ။
အိမ်တွင်းမှ လက်ဝဲပညာပေးဇာတ်လမ်းတစ်ပုဒ် ၏ ရုပ်ရှင် ဇာတ်ညွှန်း မှ
