ယုံကြည်ခြင်းရဲ့ အဓိပ္ပာယ်ဟာ ဘုရားအပေါ် အားကိုးခြင်းပါပဲ

အနန္တတန်ခိုးရှင် ဘုရားသခင် ပြောသည်မှာ- “သင်၏ယုံကြည်ခြင်းအတွင်း၌သာ ဘုရားသခင်ကို သင်မြင်တွေ့နိုင်မည် ဖြစ်ပြီး သင်၌ ယုံကြည်ခြင်းရှိသည့်အခါ၊ ဘုရားသခင်သည် သင့်ကို စုံလင်စေမည်ဖြစ်သည်။ ယုံကြည်ခြင်းမရှိလျှင် သူက ဤအရာကို လုပ်မပေးနိုင်ပါ။ ဘုရားသခင်သည် သင်ရယူရန်မျှော်လင့်သည့် မည်သည့်အရာကိုမဆို သင့်အပေါ် အပ်နှင်းလိမ့်မည်။ အကယ်၍ သင်၌ ယုံကြည်ခြင်းမရှိပါက သင်သည် စုံလင်အောင်ပြုခြင်း မခံရနိုင်သည့်အပြင် ဘုရားသခင်၏အနန္တတန်ခိုးကို မဆိုထားဘိ၊ သူ၏လုပ်ရပ်များကို သင်မြင်နိုင်စွမ်း ရှိမည်မဟုတ်ပါ။ သင်၏ လက်တွေ့ အတွေ့အကြုံတွင် သူ၏ လုပ်ရပ်များကို သင်မြင်ရမည်ဟု သင် ယုံကြည်သောအခါ၊ ဘုရားသခင်သည် သင့်ထံပေါ်လာကာ သင့်ကို ဉာဏ်အလင်းရစေပြီး အတွင်းမှနေ၍ လမ်းပြပေးမည်။ ထိုယုံကြည်ခြင်းမရှိဘဲ ဘုရားသခင်သည် ထိုအရာကို ပြုနိုင်မည်မဟုတ်ပါ။ အကယ်၍ သင်သည် ဘုရားသခင်၌ မျှော်လင့်ချက်ပျောက်ဆုံးသွားပါက သူ၏အမှုကို သင် မည်ကဲ့သို့ တွေ့ကြုံနိုင်မည်နည်း။ ထို့ကြောင့် သင်၌ ယုံကြည်ခြင်းရှိပြီး ဘုရားသခင်အပေါ် သံသယများ မသိုထားသည့်အခါမှသာ၊ သူမည်သည့်အရာပြုသည်ဖြစ်စေ သူ့အပေါ် သင် စစ်မှန်သော ယုံကြည်ခြင်း ရှိသည့်အခါမှသာ သူသည် သင်၏ အတွေ့အကြုံများမှတစ်ဆင့် သင့်ကို ဉာဏ်အလင်းပေးပြီး ဖွင့်ပြမည်ဖြစ်ပြီး၊ ထိုမှသာ သင်သည် သူ၏လုပ်ရပ်များကို မြင်နိုင်မည်ဖြစ်သည်။ ထိုအရာများ အားလုံးကို ယုံကြည်ခြင်းအားဖြင့်သာ ရရှိတတ်သည်။ ယုံကြည်ခြင်းသည် စစ်ဆေးခြင်းအားဖြင့်သာ လာပြီး၊ စစ်ဆေးခြင်းမရှိဘဲနှင့် ယုံကြည်ခြင်း မတိုးပွားနိုင်ပေ။ ‘ယုံကြည်ခြင်း’ ဟူသည့် ဤစကားလုံးက မည်သည်ကို ရည်ညွှန်းသနည်း။ ယုံကြည်ခြင်းဆိုသည်မှာ တစ်စုံတစ်ရာကို လူသားတို့ မမြင်နိုင် သို့မဟုတ် မထိတွေ့နိုင်သည့် အခါတွင်လည်းကောင်း၊ ဘုရားသခင်၏ အမှုက လူသား၏ အယူအဆများနှင့် မကိုက်ညီသည့် အခါတွင်လည်းကောင်း၊ ၎င်းကို လူသားတို့ လက်လှမ်းမမီသည့် အခါတွင်လည်းကောင်း သူတို့၌ရှိသင့်သော စစ်မှန်သည့် ယုံကြည်ချက်နှင့် ရိုးသားမှန်ကန်သည့် စိတ်နှလုံးပင်ဖြစ်သည်။ ဤသည်မှာ ငါပြောပြသော ယုံကြည်ခြင်းဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်ခြင်းသို့ ရောက်မည့်သူများသည် စစ်ဆေးခြင်းကို ခံကြရမည်”) ဘုရားအပေါ် စစ်မှန်တဲ့ယုံကြည်မှုရှိဖို့က လုံး၀လိုအပ်တယ်ဆိုတာ ဘုရားရဲ့ နှုတ်ကပတ်တော်တွေက ကျွန်မတို့ကိုသင်ပေးပါတယ်။ ဘယ်လိုစမ်းသပ်မှုမျိုး ကြုံနေပါစေ.. ဒါမှမဟုတ် အခက်အခဲတွေ ဘယ်လောက်ကြီးနေပါစေ ဘုရားက လူတိုင်းကို နှုတ်ကပတ်တော်တွေအပေါ် ယုံပြီး သူ့ကိုလည်း ယုံကြည်စေချင်တယ်။ သူ့ကို စစ်မှန်စွာအားကိုးပြီး သူနဲ့အတူ ပူးပေါင်းလုပ်ဆောင်စေချင်တယ်။ ဘုရားရဲ့ အနန္တတန်ခိုးရှိတဲ့အာဏာနဲ့ လုပ်ဆောင်မှုကို ဒီလိုနည်းနဲ့ပဲ သက်သေခံနိုင်မှာပါ။ ဘုရားရဲ့လမ်းညွှန်မှု ကျေးဇူးကြောင့်ပဲ ကျွန်မဒါကို နည်းနည်းတော့ ကြုံခဲ့ဖူးပါတယ်။

၂၀၁၆ ခုနှစ် နိုဝင်ဘာလ ၁၈ ရက်နေ့မှာ အနန္တတန်ခိုးရှင်ဘုရားသခင်အသင်းတော် အကြောင်း ပိုသိချင်နေတဲ့ အီတလီက အစ်ကိုတစ်ယောက်ဆီကနေ အွန်လိုင်းမက်ဆေ့ချ် တစ်စောင်ကို ရခဲ့တယ် ကျွန်မ ဖတ်ကြည့်လိုက်တော့... သခင်ပြန်လာတာကို သူ အလောတကြီး စောင့်မျှော်နေတာကို ကျွန်မ ခံစားမိတယ်။ ကျွန်မတို့ ဘာသာပြန် အက်ပလီကေးရှင်းကတစ်ဆင့် ဆွေးနွေးဖြစ်ခဲ့ကြပါတယ် ကက်သလစ် အသင်းတော်မှာ ဆုတ်ယုတ်ပြီး ဖောက်ပြန်ပျက်စီးနေတာတွေကို သူက စိတ်ကုန်နေခဲ့တာဆိုတော့ ၁၉၉၁ ခုနှစ်ကတည်းက စစ်မှန်တဲ့အသင်းတော်တစ်ခုကို ရှာဖွေနေတော့တာပါပဲ သူက ဝက်ချ်မန်း နီးရဲ့ စာအုပ်ကိုဖတ်ခဲ့ပေမဲ့လည်း တစ်ခါမှ ဝိညာဉ်အာဟာရ မရရှိခဲ့ဘူးလေ။ သူက...သခင်မရှိဘဲနေရတာ နာကျင်စရာအပြည့်၊ မျှော်လင့်ချက်မဲ့ပြီး အဓိပ္ပာယ်မရှိပါဘူးလို့ ပြောခဲ့ပါတယ်။ သူက အနန္တတန်ခိုးရှင်ဘုရားသခင်အသင်းတော်ရဲ့ အွန်လိုင်းမီဒီယာတစ်ခုကို တွေ့သွားတော့ စိတ်ဝင်စားသွားတယ်လေ အဲဒါက စစ်မှန်တဲ့ အသင်းတော်တစ်ခုနဲ့ တူပြီးတော့ သူလည်းပိုပြီး သိချင်လာတယ်လို့ပြောတယ်။ သူက သမ္မာတရားကို စိတ်ထက်သန်စွာ ရှာဖွေနေတာကို မြင်ရတော့... အရေးကြီးတယ်ဆိုတဲ့ စိတ်က ကျွန်မမှာ ပိုပြီးဖြစ်လာတယ်။ ကျွန်မ သူ့ကိုပြောချင်တာတွေကြောင့် စိတ်လှုပ်ရှားနေခဲ့ပေမဲ့ ကျွန်မက အီတလီလို မပြောပြတတ်ပါဘူး အနန္တတန်ခိုးရှင်ဘုရားရဲ့ နှုတ်ကပတ်တော်တွေကို အီတလီဘာသာနဲ့ မထုတ်ဝေရသေးဘူးလေ ဧဝံဂေလိတရားဟောတဲ့ ရုပ်ရှင်တွေ သူ့ကိုကြည့်စေချင်ခဲ့ပေမဲ့... အီတလီစကားနဲ့လည်း မထွက်လာသေးခဲ့ပါဘူး သူကလည်း တခြားဘယ်ဘာသာစကားမှ မသိဘူးလေ သူ့ကို သီချင်းဗီဒီယိုလေးတစ်ခု ပို့ပေးရုံပဲ ကျွန်မလုပ်နိုင်ခဲ့ပါတယ်။ ဂီတနဲ့ အကဆိုတာ အားလုံးသိတဲ့ ဘာသာစကားပဲလေ ဒါပေမဲ့ အဲဒါကိုကြည့်ပြီးတဲ့နောက်မှာ သူက စိတ်လောကြီးပြီး တောင်းဆိုတဲ့ပုံစံမျိုးနဲ့ ပြောတယ်... “အသင်းတော်မှာ အီတလီဘာသာနဲ့ ဝက်ဘ်ဆိုက် ရှိလာတာနဲ့ ကျွန်တော့်ကိုပြောပါဗျာ” တဲ့ သူ့ကို အခုလိုမျိုးတွေ့လိုက်ရတော့ အနန္တတန်ခိုးရှင်ဘုရားရဲ့ နှုတ်ကပတ်တော် တချို့ကို သတိရမိပါတယ်။ “ဖြောင့်မတ်ခြင်းတရားကို ဆာလောင်ကာ ငတ်မွတ်ပြီး ၎င်းတို့အား ထိန်းကျောင်းဖို့ သင့်ကို စောင့်မျှော်နေသည့် သနားစရာကောင်းပြီး၊ ဆင်းရဲမွဲတေကာ ဘုရားတရားရိုသေကိုင်းရှိုင်းသော ဘာသာရေး ယုံကြည်သူများကို သင် မြင်ဖူး ကြုံဖူးထားသည့်အရာကို မည်သို့ လက်ဆင့်ကမ်းမည်နည်း။ မည်သို့သော လူစားမျိုးများက ၎င်းတို့အား ထိန်းကျောင်းပေးရန်အတွက် သင့်ကို စောင့်မျှော်နေကြသနည်း။ သင် စိတ်ကူးကြည့်နိုင်သလော။ သင် ထမ်းထားရသည့် ဝန်ထုပ်ဝန်ပိုးများ၊ သင်၏ စေခိုင်းချက်တာဝန်နှင့် သင်၏ တာဝန်ဝတ္တရားများကို သင်သိရှိသလော။ သမိုင်းတွင်သည့် တာဝန်နှင့်သက်ဆိုင်သော သင်၏အသိစိတ် ဘယ်မှာနည်း။ နောင်လာမည့်ခေတ်တွင် သခင်အဖြစ် သင် မည်သို့ ပြည့်ပြည့်ဝဝ အစေခံမည်နည်း။ သခင်ဘဝနှင့်သက်ဆိုင်၍ အားကောင်းသော အသိစိတ်တစ်ခု သင်၌ ရှိသလော။ အရာခပ်သိမ်းတို့၏ သခင်ကို သင် မည်သို့ ရှင်းပြမည်နည်း။ ယင်းသည် အသက်ရှင်သော သတ္တဝါအားလုံးနှင့် ကမ္ဘာလောကထဲရှိ ရုပ်ဝတ္ထုအရာအားလုံး၏ သခင် အမှန်တကယ် ဟုတ်သလော။ အမှု၏ နောက်တစ်ဆင့် တိုးတက်မှုအတွက် သင်၌ မည်သည့်အစီအစဉ်များ ရှိသနည်း။ သင့်ကို ၎င်းတို့၏ သိုးထိန်းအဖြစ် လူမည်မျှက စောင့်မျှော်နေကြပါသနည်း။ သင်၏အလုပ်တာဝန်သည် ကြီးလေးသောအရာတစ်ခုလော။ ၎င်းတို့သည်- လမ်း အဘယ်မှာ ရှိသနည်းဟု အမှောင်ထဲတွင် မြည်တမ်းလျက်- ဆင်းရဲ မွဲတေကြသည်၊ သနားဖွယ် ဖြစ်ကြသည်၊ မျက်စိကန်းကြပြီး ဘာလုပ်ရမှန်းမသိ ဖြစ်နေကြပေသည်။ ဥက္ကာပျံကဲ့သို့ ရုတ်တရက် သက်ဆင်းပြီး လူကို နှစ်ပေါင်းများစွာ ဖိနှိပ်ထားသည့် အမှောင်ထု၏အင်အားများကို ဖြိုခွင်းဖို့ အလင်းကို ၎င်းတို့ တမ်းတလေစွ။ ၎င်းတို့ စိုးရိမ်တကြီး မျှော်လင့်သည့် အရာနှင့် ဤအရာအတွက် နေ့ရောညပါ ၎င်းတို့ အောက်မေ့တမ်းတကြပုံ အဆုံးစွန်အတိုင်းအတာကို မည်သူသိနိုင်သနည်း။ အလင်းရောင် ဖြတ်သန်းလင်းလက်သည့် နေ့တွင်ပင်၊ အလွန်အမင်း ဆင်းရဲဒုက္ခ ခံစားနေရသော ဤလူတို့သည် လွတ်မြောက်ရန် မျှော်လင့်ချက်မရှိဘဲ၊ မှောင်မိုက်သော အကျဉ်းတိုက်တစ်ခုထဲတွင် အကျဉ်းကျခံရလျက် ရှိနေကြ၏။ မည်သည့်အခါတွင် ၎င်းတို့ မငိုတော့ဘဲနေမည်နည်း။ မည်သည့်အခါတွင်မျှ အနားပေးခြင်းမခံခဲ့ရသော ဤနုနယ်သော ဝိညာဉ်များ၏ ကံအကြောင်းမလှသည့်ဖြစ်ရပ်မှာ ဆိုးရွားလှပြီး ရက်စက်သော အနှောင်အဖွဲ့များနှင့် အေးစက်သော သမိုင်းတို့ဖြင့် ဤအခြေအနေတွင် ၎င်းတို့ ချည်နှောင်ခံထားရသည်မှာ ကြာမြင့်ပြီဖြစ်သည်။ ၎င်းတို့၏ မြည်တမ်းခြင်းအသံကို မည်သူ ကြားဖူးသနည်း။ ၎င်းတို့၏ စိတ်မချမ်းမြေ့သော အခြေအနေကို မည်သူ မျက်မြင်တွေ့ဖူးသနည်း။ ဘုရားသခင်၏ စိတ်နှလုံးသည် မည်မျှ ဝမ်းနည်းကြေကွဲပြီး စိုးရိမ်ပူပန်သည်ကို သင်တွေးမိဖူးသလော။ သူကိုယ်တိုင်၏ လက်ဖြင့် ဖန်ဆင်းခဲ့သော အပြစ်မဲ့လူသားမျိုးနွယ်သည် ထိုသို့သော ညှဉ်းဆဲမှု ခံစားနေရသည်ကို သူ မည်သို့ မြင်ရက်နိုင်မည်နည်း။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်၏အနာဂတ်တာဝန်ကို မည်သို့ အာရုံစိုက်၍ လုပ်ဆောင်သင့်သနည်း”) ဒါကိုဖတ်ပြီးတဲ့နောက်မှာ... ဘုရားက ဧဝံဂေလိတရားကို ပြန့်ပွားအောင်လုပ်ဖို့နဲ့ သက်သေခံပေးဖို့ ကျွန်မတို့ကို ယုံကြည်စွာအပ်နှံထားပေမဲ့... ဘုရားက အရေးတကြီးလိုအပ်နေတာတောင် ကျွန်မက ဘာမှမတတ်နိုင်သလိုဖြစ်နေတယ်ဆိုတာ ကျွန်မ သိလိုက်ရတယ်။ ဘုရားရဲ့အလုပ်အတွက် ကျွန်မသက်သေမခံနိုင်ခဲ့ဘူးလေ အမှောင်ထုထဲမှာ လမ်းပျောက်နေခဲ့တဲ့ အဲဒီအစ်ကိုကိုလည်း ဘုရားနှုတ်ကပတ်တော်တွေရဲ့ အာဟာရကိုရအောင် မကူညီပေးနိုင်ခဲ့ဘူး။ ကျွန်မ အရမ်းစိတ်မကောင်းဖြစ်ခဲ့ရပါတယ်။ သူ့စာကိုဖတ်ရင်း ငိုချင်လာခဲ့ပြီးတော့... ကျွန်မကိုယ်ကျွန်မ ကျဉ်းထဲကျပ်ထဲ ရောက်နေသလို ခံစားခဲ့ရပါတယ်။ ကျွန်မ နောက်ဆုတ်လိုက်ပြန်ရင်လည်း သူလိုချင်ပြီး ရှာဖွေနေတဲ့ စစ်မှန်တဲ့လမ်းကို စူးစမ်းရာမှာ နှောင့်နှေးအောင် လုပ်မိသွားနိုင်တယ် ရှေ့ကိုတိုးပြန်ရင်လည်း... တိကျမှုမရှိတဲ့ ဘာသာပြန်ဆော့ဖ်ဝဲတွေကိုပဲ အားကိုးရတော့မယ်။ အဲဒါတွေက တစ်ခါတလေဆို ဘာသာရေးအသုံးအနှုန်းတွေမပြောနဲ့ ... သာမန်စကားလုံးတွေကိုတောင် မှန်အောင်မပြန်ပေးနိုင်ဘူးလေ ကျွန်မတို့ ဘယ်လိုလုပ် ဆွေးနွေးကြမလဲ။ ကျွန်မ ဆွံ့အသွားသလို ခံစားခဲ့ရတယ်။ မျက်လုံးတွေပွင့်နေပေမဲ့ ဘာတစ်ခုမှ မလုပ်နိုင်ခဲ့ပါဘူး အီတလီလိုပြောတတ်တဲ့ အစ်ကိုဒါမှမဟုတ် အစ်မတစ်ယောက်ကို ရှာဖို့လည်း စဉ်းစားခဲ့မိပေမဲ့... ပြောတတ်တဲ့သူ တစ်ယောက်မှရှာမတွေ့ခဲ့ဘူးလေ အဲဒီအချိန်မှာ ကျွန်မတကယ်ကို လမ်းပျောက်နေခဲ့တာပါ။ စဉ်းစားမိတာပေါ့ “အီတလီလို ကျွန်မသိတာဆိုလို့ မင်္ဂလာပါ နဲ့ နှုတ်ဆက်ပါတယ် လောက်ပဲသိတာ' ဒီတော့ ဘာပဲဖြစ်ဖြစ်၊ ငါကတော့ နောက်ဆုံးသောကာလရဲ့ ဘုရားရဲ့အလုပ်ကို ဘယ်တော့မှသက်သေခံနိုင်မှာ မဟုတ်တော့ဘူး” လို့လေ ကျွန်မ စိတ်ဓာတ်ကျခဲ့တယ်။

နောက်နေ့မနက်ကျတော့ သူကျွန်မကို စာပို့တယ် သူနိုးလာတိုင်း ပထမဆုံးတွေးမိတာက... အနန္တတန်ခိုးရှင်ဘုရားအသင်းတော် အကြောင်း မေးချင်တာပါပဲလို့ စာထဲမှာပြောထားပါတယ် သူကျွန်မကို ဆက်တိုက်စာတွေပို့နေတာကြောင့် ကျွန်မတကယ် စိတ်သောကရောက်ခဲ့ရတယ်။ ကျွန်မလည်း အမြန်ဆုံးဆုတောင်းခဲ့ပါတယ်... “အဖဘုရားသခင်၊ ကျွန်မဟာ အီတလီဘာသာကို မသင်ခဲ့ဖူးပါဘူး ပြီးတော့ ဒီအစ်ကိုကို ဘယ်လိုမျိုး ဧဝံဂေလိတရား မျှဝေပေးရမလဲဆိုတာမသိပါဘူး ဘုရားသခင်..ကျေးဇူးပြုပြီး ကျွန်မကို လမ်းပြပေးပါ” ပေါ့ ကျွန်မ ဆုတောင်းပြီးတဲ့နောက်မှာ... ဘုရားရဲ့ နှုတ်ကပတ်တော်တချို့ကို သတိရမိပါတယ် “အရာရာသည် ဘုရားသခင်၏ လက်၌ရှိပြီး လူသားများသည် သူနှင့်အတူ ပူးပေါင်းလုပ်ဆောင်ရုံမျှ လုပ်ဆောင်နေကြခြင်း ဖြစ်သည်ကို သင် ယုံကြည်ခြင်း ရှိရမည်။ သင်၏ စိတ်နှလုံး စစ်မှန်ရိုးသားပါက၊ ဘုရားသခင်သည် မြင်လိမ့်မည်ဖြစ်ပြီး အခက်အခဲများကို မခက်ခဲစေတော့ဘဲလျက်၊ သင့်အတွက် လမ်းကြောင်းများအားလုံး ဖွင့်ပေးလိမ့်မည်။ ဤသည်မှာ သင် ရှိရမည့် ယုံကြည်ခြင်း ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်ကို ယုံကြည်ခြင်းတွင် အသက်တာထဲ ဝင်ရောက်ခြင်းက အရေးကြီးဆုံးဖြစ်သည်”) “သင်၏ အစွမ်းအစအားလုံးကို သင် အသုံးပြုပြီး အင်တိုက်အားတိုက် ကြိုးစားဆောင်ရွက်သရွေ့ သင်၏ တာဝန်ကို ထမ်းဆောင်နေစဉ်တွင် သင်တို့သည် မည်သည့်အရာနှင့် ပတ်သက်၍မျှ စိုးရိမ်ဖို့ မလိုအပ်ပေ။ ဘုရားသခင်သည် အမှုအရာများကို သင့်အတွက် ခက်ခဲစေလိမ့်မည် မဟုတ် သို့မဟုတ် သင် မတတ်စွမ်းနိုင်သည့်အရာကို သင့်အား အတင်းအကျပ် လုပ်ဆောင်စေလိမ့်မည် မဟုတ်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်ကို ယုံကြည်ခြင်းတွင် အသက်တာထဲ ဝင်ရောက်ခြင်းက အရေးကြီးဆုံးဖြစ်သည်”) ဒါကိုဖတ်ပြီး ကျွန်မလည်း ယုံကြည်မှုအားကောင်းလာပြီး ခွန်အားတွေလည်းရှိလာတယ်။ အရာအားလုံးဟာ ဘုရားရဲ့လက်တော်ထဲမှာပဲ ရှိတယ်ဆိုတာ အမှန်ပါပဲ။ ကိုယ်တော်နဲ့သာဆိုရင် ဘာမဆို ဖြစ်နိုင်ပါတယ်။ ကျွန်မတို့အခက်အခဲကြုံနေရချိန်မှာ ဘုရားသခင်ကျွန်မတို့ဆီက လိုချင်တာဆိုလို့ ကျွန်မတို့ရဲ့ ရိုးသားမှုနဲ့ ပူးပေါင်းဆောင်ရွက်မှု၊ စစ်မှန်သောယုံကြည်ခြင်းနဲ့ ကိုယ်တော်အပေါ် အားကိုးမှု၊ ကိုယ်တော်နဲ့ အလုပ်အတူလုပ်ဖို့ အကောင်းဆုံးကြိုးစားမှုတွေပါပဲ ဒါဆို ဘုရားက ကျွန်မတို့ကို ကူညီမှာပါ ဒါပေမဲ့ ကျွန်မအဲဒီလိုပြဿနာမျိုး ရင်ဆိုင်ရတဲ့အခါ ကျွန်မနားလည်လိုက်တာက... ဘုရားက ကျွန်မနှလုံးသားထဲမှာ မရှိဘူးဆိုတာပါပဲ ကျွန်မက အီတလီလိုမပြောတတ်လို့ အဲဒီအစ်ကိုနဲ့ ဆွေးနွေးလို့ရမှာ မဟုတ်ဘူးလို့ထင်ပြီး ကျွန်မကိုယ်ပိုင် အတွေးအခေါ်၊ အယူအဆတွေနဲ့နေထိုင်ခဲ့တယ်။ ဒါကြောင့်ပဲ ကျွန်မက ဘုရားရဲ့အလုပ်ကို သက်သေမခံနိုင်ခဲ့တာပါ။ အနှုတ်သဘောဆောင်လာခဲ့ပြီး တွန့်ဆုတ်လာခဲ့တယ်။ ဒီလိုပုံစံနဲ့တော့ ဘယ်လိုလုပ် ဘုရားရဲ့လမ်းညွှန်မှုရပြီး ဘုရားရဲ့လုပ်ဆောင်မှုကို မြင်ရပါ့မလဲ။ ဘုရားအပေါ်တကယ် အားကိုးပြီး၊ ဘုရားနဲ့အတူအလုပ်လုပ်ဖို့ ဘုရားက လမ်းပြပေးမယ်လို့ယုံကြည်ဖို့ လိုအပ်နေခဲ့တာပါ။ အဲဒီစိတ်နဲ့ပဲ... ဘုရားရဲ့ နောက်ဆုံးသောကာလ အမှုတော်နဲ့ ပတ်သက်ပြီး ကျွန်မ စုစည်းထားတဲ့ အီတလီဘာသာ ကျမ်းပိုဒ်တွေကို စဉ်းစားမိတယ်။ အဲဒါတွေကိုအသုံးချပြီး အဲဒီအစ်ကိုနဲ့ ဆွေးနွေးနိုင်မယ်ဆိုတာ သိခဲ့ရတယ်။ ဒီတော့... တစ်မနက်မှာ ကျွန်မတို့ စကားဝိုင်းကိုအကူအညီဖြစ်အောင်လို့ သူ့ဆီ ကျမ်းစာပိုဒ်တွေ ပို့ပေးခဲ့တယ်။ နောက်တော့ မှန်ကန်သော ကိုးကွယ်ခြင်း၏နက်နဲသောအရာ ဇာတ်လမ်းအတွက်... အီတလီဘာသာနဲ့ ဇာတ်လမ်းအမြည်း ထွက်လာတာ တွေ့လိုက်ရတော့ ပျော်ရွှင်အံ့ဩခဲ့ရပါတယ်။ ကျွန်မ သူ့ဆီ အမြန်ပဲပို့ပေးလိုက်ပါတယ်။ နောက်တော့ အဲဒီဇာတ်လမ်းက သခင်ပြန်လာခြင်းနဲ့ပတ်သက်တဲ့... ကျမ်းစာလာ ပရောဖက်ပြုချက်တွေအကြောင်း ဖော်ပြပေးထားတာကို နားလည်သွားမှန်း သူ့ဘက်က ပြောလာပါတယ်။ သူက စိတ်လှုပ်ရှားစွာပဲ ကျွန်မကို မေးခဲ့ပါတယ်။ “သခင်က ပြန်ရောက်နေပြီလား။ သူက တရုတ်ပြည်မှာတဲ့လား အခု သူ့နာမတော်ကရော ဘာလဲ” ဆိုတာတွေပေါ့ အဲဒီအချိန်မှာ ကျွန်မ ခံစားလိုက်ရတာက သူဟာ သူ့ရဲ့သိုးထိန်းက ခေါ်တဲ့အသံကို ရုတ်တရက်ကြားလိုက်ပြီး သိုးထိန်းကို နေရာအနှံ့လိုက်ရှာနေတဲ့ ပျောက်ဆုံးနေတဲ့ သိုးတစ်ကောင်ပါလား ပေါ့။ မျက်ရည်မကျအောင်ထိန်းရင်း ကျွန်မလည်း... “နာမတော်က အနန္တတန်ခိုးရှင်ဘုရား ဖြစ်ပြီးတော့ ဗျာဒိတ်ကျမ်းမှာလည်း ဗျာဒိတ်ပေးခံထားရတဲ့ အနန္တတန်ခိုးနှင့်ပြည့်စုံတော်မူ၍၊ ပစ္စုပ္ပန်၊ အတိတ်၊ အနာဂတ်ကာလအစဉ် ရှိတော်မူသော ထာဝရ အရှင် ဘုရားသခင် မိန့်တော်မူ၏(ဗျာဒိတ်ကျမ်း ၁:၈) ဆိုတာပဲဖြစ်တယ်” လို့ ပြန်ရေးခဲ့ပါတယ်။ အဲဒီအချိန်မှာ... ဘုရားရဲ့ အုပ်စိုးမှုအဆင့်တိုင်းက နောက်တစ်ခုအတွက် ဘယ်လောက်တောင် သေသပ်စွာ ကိုက်ညီမှုရှိနေလဲဆိုတာ တွေ့ခဲ့ရပါတယ်။ သာမန်တွေ့ဆုံပွဲတွေကလွဲပြီး ဘယ် အီတလီလူမျိုးနဲ့မှ မသိတဲ့ကျွန်မက... ဒီအတွေ့အကြုံကနေပြီးတော့ အတွင်းကျကျသိလိုက်ရတာက... ဘုရားရဲ့ လမ်းညွှန်မှုနဲ့ ကျွန်မ အောင်မြင်စွာ ဆွေးနွေးနိုင်ခဲ့ပြီး အကျိုးရလဒ်တွေကိုလည်း တွေ့ခဲ့ရတယ်ဆိုတာပဲ။ အရာရာဟာ ဘုရားရဲ့လက်တော်ထဲမှာရှိပြီးတော့ ကျွန်မတို့လည်း ဘုရားအပေါ် စစ်မှန်စွာယုံကြည် အားကိုးပြီး... ဘုရားနဲ့အတူ အကောင်းဆုံးအလုပ်လုပ်သင့်မှန်း သိခဲ့ပါတယ်။

အဲဒါပြီးတော့ နောက်ထပ်စမ်းသပ်မှုတစ်ခု ကြုံခဲ့ရပါသေးတယ်။ အဲဒီအစ်ကိုက မေးတာပေါ့... သူက ဘယ်တော့လောက် ဘုရားရဲ့ နောက်ဆုံးသောကာလ အမှုတော်အတွက် သက်သေခံချက်ကိုရမလဲ ပေါ့။ ကျွန်မက ဒါကို အရမ်းလုပ်ချင်ခဲ့ပေမဲ့... ဘာသာစကားအတားအဆီးက ရှိနေသေးတာဆိုတော့ အကူအညီရှာလို့ မတွေ့သေးခဲ့ဘူးလေ။ ယုံကြည်သူမဟုတ်တဲ့သူက ဘာသာပြန်ပေးရင်လည်း... ဘာသာရေးအခေါ်အဝေါ်တွေကို နားလည်မှာမဟုတ်တဲ့အပြင် အလုပ်ကိုလည်း မှားပြီးကိုင်တွယ်မိနိုင်တယ်လေ။ အဲဒီပြဿနာတွေ တွေးပြီးတော့... စိတ်ဓာတ်ကျပြီး ဘာလုပ်ရမှန်း မသိခဲ့ဘူး။ မျောက် မီးခဲကိုင်မိသလိုဖြစ်နေခဲ့တာပါ။ ကျွန်မလည်း ဘုရားကိုတိုင်တည်မိခဲ့ပါတယ် “ဘုရားသခင်..ကျွန်မ ဘာမှ မတတ်နိုင်ပါဘူး။ ဘာလုပ်ရမှန်းမသိတော့သလို ဒီကနေ... ဘာသင်ခန်းစာယူရမလဲဆိုတာလည်း မသိတော့ပါဘူး ကျေးဇူးပြုပြီး လမ်းဖွင့်ပေးပြီး လမ်းပြပေးပါ” လို့ပေါ့။ ဆုတောင်းပြီးနောက်မှာ မောရှေ ပင်လယ်နီကို ဖြတ်တုန်းကအကြောင်း စဉ်းစားမိတယ်။ မောရှက အစ္စရေးလူမျိုးတွေကို အီဂျစ်ကနေ ဦးဆောင်ခေါ်သွားတုန်းက အခက်အခဲတွေအများကြီး ရင်ဆိုင်ခဲ့ရပေမဲ့... ဘုရားအပေါ် ဘယ်တုန်းကမှ ယုံကြည်မှု မပျက်ခဲ့ဘူးလေ။ ဘုရားကိုဆုတောင်းပြီး အတူအလုပ်လုပ်ခဲ့ပြီးတော့ ဘုရားရဲ့ အံ့သြဖွယ် များစွာကို မြင်တွေ့ခဲ့ရတယ်။ ပင်လယ်နီနဲ့ သူတို့နောက်ကိုလိုက်တဲ့ စစ်တပ်အပြင် သူ့ရဲ့ နှစ် ၄၀ ကန္တာရခရီး မရှိခဲ့ဘူးဆိုရင်... ဘယ်လိုလုပ် မောရှေမှာ ဒီလိုယုံကြည်မှုမျိုးနဲ့ သက်သေခံချက်မျိုး ရှိလာနိုင်မှာလဲ။ ကျွန်မရဲ့ အမှုတော်မှာ ဒီလိုအခက်အခဲတွေ မကြုံတွေ့ရဘူးဆိုရင် ဘယ်လိုလုပ် ဘုရားအပေါ်မှာ စစ်မှန်တဲ့ယုံကြည်မှုမျိုး ရလာနိုင်ပါ့မလဲ။ ကျွန်မက ပင်လယ်နီကို ဖြတ်နေရတာမျိုးတောင် မဟုတ်သေးဘူးလေ။ ကျွန်မ အဲဒီအစ်ကိုနဲ့ အွန်လိုင်းမှာဆုံပြီးကတည်းက... ဘုရားက ကျွန်မအတွက် လမ်းဖွင့်ပေးခဲ့ပြီးတော့... ကျွန်မလည်း ကိုယ်တော်ရဲ့ဆန်းကြယ်တဲ့ အမှုတွေကို သက်သေခံခဲ့ပါတယ်။ ကျွန်မ ဘုရားအပေါ် ပိုယုံကြည်ပြီးတော့ အားကိုးသင့်တယ်ဆိုတာကို သိခဲ့ရပါတယ်။ အဲဒီအချိန်မှာ ကျွန်မသိလိုက်တာက... ဘုရားသခင်က ဒီအခက်အခဲတွေအားဖြင့် သူ့အပေါ် ကျွန်မရဲ့ ယုံကြည်အားကိုးမှုကို ပြည့်စုံစေချင်ခဲ့တယ်။ ကျွန်မရဲ့ တကယ့် အတွေ့အကြုံတွေကနေတစ်ဆင့် ဘုရားရဲ့ အနန္တတန်ခိုးနဲ့ပြည့်စုံတဲ့ အုပ်စိုးမှုကို လက်တွေ့နားလည်လာဖို့အတွက်ပါ။ ဘုရားရဲ့ အလိုတော်ကို ကျွန်မသဘောပေါက်သွားတာနဲ့ တစ်ပြိုင်နက် ဘုရားက ကျွန်မအတွက် လမ်းဖွင့်ပေးမယ်ဆိုတာကို သံသယမရှိတော့ပါဘူး ကျွန်မတို့ အွန်လိုင်းမှာတွေ့ဆုံဖို့ ဆုံးဖြတ်ခဲ့ပြီးတော့... သူများတွေကလည်း စကားပြန်လုပ်ဖို့ အီတလီဘာသာ သင်ထားခဲ့တဲ့ ၁၅ နှစ်အရွယ် ညီမလေးတစ်ယောက်ကို စီစဉ်ပေးခဲ့ပါတယ်။ ၁၅ နှစ်အရွယ်က စကားပြန်လုပ်ပေးမယ်လို့ ကြားလိုက်ရတော့... ကျွန်မကိုယ်ကျွန်မနဲ့ အဲဒီညီမငယ်လေးအကြောင်း တွေးမိတယ် ကျွန်မက ငယ်သေးတယ်။ ယုံကြည်တာ မကြာသေးဘူး။ ပြီးတော့ တစ်ခါမှ တရားမဟောဖူးဘူး။ ဒီလိုညီမငယ်လေးတစ်ယောက် ရှိတာက ဧဝံဂေလိ အမှုတော်ကို ဟောပြောဖို့ အကူအညီဖြစ်ပါ့မလားပေါ့ ကျွန်မ တကယ်ကို မသေချာမရေရာ ဖြစ်ခဲ့ရပါတယ်။ ဒါပေမဲ့ သူက ဘုရားရဲ့နှုတ်ကပတ်တော်တွေကို အီတလီလို ချောချောမွေ့မွေ့ ဖတ်နေတာ ကြားလိုက်ရပြီး... သူက စကားလုံးအသစ်တွေကို အမြန်မှတ်မိတယ်လို့ ပြောလာတော့... ကျွန်မ အံ့ဩပြီး ရှက်ရွံ့မိခဲ့ပါတယ်။ ဘုရားက ဧဝံဂေလိတရား ပြန့်ပွားအောင်လုပ်ဖို့အမှုအတွက် အသင့်တော်ဆုံးလူတိုင်းကို စုစည်းပေးထားခဲ့တာလေ ဘုရားရဲ့ နှုတ်ကပတ်တော်တွေကို မှတ်မိပါသေးတယ်... “ဘုရားသခင်၏နှုတ်မှ ကတိပေးပြီးသော အမှု သို့မဟုတ် ကတိတစ်ခု မိန့်မြွက်လိုက်သည့်အခါတွင်၊ အရာအားလုံးက ယင်း၏ ပြီးပြည့်စုံခြင်းအတွက် အသုံးတော်ခံကြပြီး၊ ယင်း၏ ပြီးပြည့်စုံခြင်းအတွက် ခိုင်းစေခြင်းခံကြရသည်။ ဖန်ဆင်းခံ အားလုံးသည် ၎င်းတို့၏ သက်ဆိုင်ရာ အခန်းကဏ္ဍကို ဆောင်ရွက်ရင်းနှင့် ၎င်းတို့၏ သက်ဆိုင်ရာ လုပ်ငန်းတာဝန်ကို အစေခံရင်း၊ ဖန်ဆင်းရှင်၏ အုပ်စိုးမှုအောက်တွင် စီစဉ်ညွှန်ကြားကာ စီမံခံရသည်။ ဤသည်မှာ ဖန်ဆင်းရှင်၏ သြဇာအာဏာ ထင်ရှားပြသခြင်းဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၁)”) အဲဒီအတွေ့အကြုံတွေကနေ ကျွန်မသိလိုက်ရတာက... ဘုရားက ကျွန်မသူ့အပေါ် အရိုးသားဆုံး အားကိုးနေသမျှ လမ်းပြပေးမှာဖြစ်ပြီးတော့... ကိုယ်တော်ရဲ့အမှုကိုလည်း မြင်ရဦးမှာ​ဖြစ်တယ် ဆိုတာပါပဲ။

ဘာသာပြန်ပေးဖို့ အဲဒီညီမလေးကို ရှာပြီးတဲ့နောက်မှာတော့... နောက်ဆုံးမှာ အဲဒီအစ်ကိုနဲ့ ကျွန်မ ဆွေးနွေးလို့ရနိုင်ခဲ့တယ်လေ။ ဝန်ထုပ်ဝန်ပိုးကြီးတစ်ခု လျော့သွားတာပေါ့။ နောက်တော့ သိပ်မကြာခင်မှာပဲ.. ဘုရားကို အားကိုးဖို့ အဲဒီလိုဆန္ဒတွေ မရှိတော့ပြန်ဘူး အဲဒီညီမလေးကလည်း ကိစ္စတစ်ခုပေါ်လာတာကြောင့် ဘာသာမပြန်ပေးနိုင်တော့ဘူးလေ အဲဒီသတင်းကြားရတော့ ကျွန်မလဲကျသွားတော့မလိုတောင် ခံစားခဲ့ရပါတယ်။ အဲဒီအစ်ကို စစ်မှန်တဲ့လမ်းကြောင်းကို တည်ဆောက်နိုင်ဖို့အတွက်... ကျွန်မ သူ့ကိုပြောချင်တာတွေ အများကြီးရှိသေးတယ်။ ဒါပေမဲ့ ကျွန်မရဲ့ စကားပြန်မရှိဘူးဆိုရင် ကျွန်မလုပ်နိုင်တာ ဘာမှမရှိဘူးလေ နောက်တော့ လမ်းမှန်ကို ရှာနေတဲ့သူတစ်ယောက်အကြောင်း ကျွန်မ ကြားမိတယ်။ သူက တရုတ်ကွန်မြူနစ်ပါတီနဲ့ ဘာသာရေးအသိုင်းအဝိုင်းရဲ့ လှည့်စားတာကို ခံရတာကြောင့် ရှေ့ဆက်မတိုးရဲတော့ဘူး။ အီတလီအစ်ကိုလည်း မကြာခင် ရေလောင်းခြင်းမခံရတဲ့အခါ ဆက်မရှာတော့မှာကို စိုးရိမ်မိခဲ့ပါတယ်။ ကျွန်မ စွမ်းရည်မဲ့ပြီး ဘာလုပ်ရမလဲဆိုတာ တကယ်မသိခဲ့တော့ပါဘူး။ နောက်တော့ တစ်ရက်မှာ... အဲဒီအစ်ကိုက သူ့အင်တာနက်စာမျက်နှာမှာ တင်ထားတာကို တွေ့လိုက်ရပါတယ်။ “သူငယ်ချင်းတို့၊ ညီအစ်ကို မောင်နှမ တို့ သခင်ယေရှု ပြန်ရောက်လာခဲ့ပြီ။ ဝမ်းမြောက်ကြပါ” တဲ့လေ အဲဒီစာမြင်လိုက်ရတော့ ကျွန်မချွေးစေးတွေပါ ပြန်သွားတယ်။ သူ့မှာ ဘာသာရေးယုံကြည်တဲ့ သူငယ်ချင်း ၃၀၀၀ ကျော်တောင် ရှိတာလေ။ တကယ်လို့ အဲဒီထဲမှာ သူ့ကိုလမ်းလွဲစေမယ့် အန္တိခရစ် တချို့ပါလာခဲ့ရင် သူဘယ်လိုဆက်လုပ်မလဲ ကျွန်မ အရမ်းကြောက်သွားခဲ့တော့ ဘုရားရှေ့မှောက်မှာ သွားပြီးဆုတောင်းခဲ့ပါတယ် “ဘုရားသခင်.. စကားပြန်မရှိဘူးဆိုရင် ဒီအစ်ကိုလည်း ရေလောင်းခြင်းခံရမှာမဟုတ်တော့တဲ့အပြင် သူများခေါ်တဲ့ လမ်းမှားကိုရောက်သွားပြီး နောက်ဆုတ်သွားမှာ ကြောက်မိပါတယ် ကိုယ်တော်ရဲ့ နှုတ်ကပတ်တော်တွေကို ဘယ်လိုကြုံတွေ့ခံစားပြီး ဒီအခြေအနေကနေ ဘယ်လိုသင်ယူသင့်ပါသလဲ ကျေးဇူးပြုပြီး ကျွန်မကို လမ်းဖွင့်ပေးပါ” ပေါ့ ဆုတောင်းပြီးတဲ့နောက်မှာ ကျွန်မ ဘုရားရဲ့နှုတ်ကပတ်တော်ထဲက ဒါလေးကိုဖတ်ခဲ့ပါတယ်... “လူတို့သည် ၎င်းတို့၏ အချိန်အများစုကို သတိလစ်နေခြင်း အခြေအနေတစ်ခုတွင် အသက်ရှင်ရင်း ကုန်ဆုံးကြသည်။ ၎င်းတို့အနေဖြင့် ဘုရားသခင်အပေါ် မှီခိုသင့်သည် သို့မဟုတ် မိမိတို့ကိုယ်ကိုယ်အပေါ် မှီခိုသင့်သည်ကို မသိကြချေ။ ထို့နောက် ၎င်းတို့သည် မိမိတို့ကိုယ်ကိုယ်နှင့် မိမိတို့၏ အနီးအနားက အကျိုးရှိသည့် အခြေအနေများနှင့် ပတ်ဝန်းကျင်များအပြင် မည်သည့်လူများမဆို၊ အဖြစ်အပျက်များနှင့် ၎င်းတို့၏ အကျိုးအဖို့ဖြစ်သည့် အမှုအရာများအပေါ် မှီခိုဖို့ ရွေးချယ်လေ့ရှိကြသည်။ ဤသည်မှာ လူတို့ အကျွမ်းကျင်ဆုံးသောအရာ ဖြစ်သည်။ ၎င်းတို့ အညံ့ဆုံးသောအရာမှာ ဘုရားသခင်အပေါ် မှီခိုခြင်းနှင့် သူ့ကို ကြည်ညိုခြင်း ဖြစ်သည်၊ အဘယ်ကြောင့်ဆိုသော် ထိုသို့လုပ်ဆောင်ခြင်းသည် အလွန် စိတ်အနှောင့်အယှက် ဖြစ်ရလွန်းသည်ဟု ခံစားကြရသောကြောင့် ဖြစ်သည်။ ၎င်းတို့က ဘုရားသခင်ကို ကြည်ညိုခြင်းသည် မြင်၍မရနိုင်သကဲ့သို့ ထိတွေ့၍မရနိုင်၊ ထိုသို့လုပ်ဆောင်ခြင်းသည် မရေရာသကဲ့သို့ လက်တွေ့မကျဟု ခံစားကြရလေသည်။ ထို့ကြောင့် ၎င်းတို့ သင်ခန်းစာများ၏ ဤကဏ္ဍတွင်၊ လူတို့ စွမ်းဆောင်သည်မှာ အညံ့ဆုံးဖြစ်ပြီး၊ ယင်းထဲသို့ ၎င်းတို့၏ ဝင်ရောက်မှုသည် အပေါ့တန်ဆုံး ဖြစ်သည်။ သင်သည် ဘုရားသခင်ကို မည်သို့ ကြည်ညိုပြီး မှီခိုဖို့ကို မသင်ယူပါက၊ ဘုရားသခင်က သင့်အထဲ၍ အမှုပြုသည်၊ သင့်ကို လမ်းပြသည် သို့မဟုတ် သင့်ကို အသိဉာဏ်ပွင့်လင်းစေသည်ကို သင် လုံးဝ မြင်ရလိမ့်မည် မဟုတ်။ ဤအရာများကို သင် မမြင်နိုင်ပါက၊ ‘ဘုရားသခင် တည်ရှိခြင်း ရှိ မရှိဆိုသည်နှင့် လူသားမျိုးနွယ်၏ အသက်တာတွင် သူသည် အရာရာကို လမ်းပြခြင်း ရှိ မရှိ’ ဆိုသကဲ့သို့သော မေးခွန်းများသည် သင်၏ စိတ်နှလုံး အတွင်းနက်နက် နေရာများ၌ ဝါကျအဆုံးပြ သင်္ကေတတစ်ခု သို့မဟုတ် အာမေဍိတ် သင်္ကေတတစ်ခုထက် မေးခွန်းသင်္ကေတတစ်ခုဖြင့် အဆုံးသတ်လိမ့်မည် ဖြစ်သည်။ ‘ဘုရားသခင်သည် လူသားမျိုးနွယ်၏ အသက်တာ၌ အရာရာကို လမ်းပြပါသလော။’ ‘လူ့စိတ်နှလုံး၏ အတွင်းနက်နက်နေရာများကို ဘုရားသခင် လေ့လာပါသလော။’ မည်သည့် အကြောင်းရင်းအတွက် ဤအရာများကို မေးခွန်းများအဖြစ်သို့ သင် ဖန်တီးသနည်း။ သင်သည် ဘုရားသခင်အပေါ် အမှန်တကယ် မမှီခိုပါက သို့မဟုတ် မကြည်ညိုပါက၊ သင်သည် သူ၌ စစ်မှန်သော ယုံကြည်ခြင်းကို ဖြစ်ပေါ်စေနိုင်လိမ့်မည် မဟုတ်ပေ။ သူ့၌ စစ်မှန်သော ယုံကြည်ခြင်းကို သင် မဖြစ်ပေါ်စေနိုင်ပါက၊ ဘုရားသခင် လုပ်ဆောင်သည့် အရာရာတိုင်းနှင့်အတူ ပါရှိလျက်၊ ထိုမေးခွန်း သင်္ကေတများသည် သင့်အတွက် အစဉ်ထာဝရ ရှိလိမ့်မည် ဖြစ်ပြီး၊ ဝါကျအဆုံးပြ သင်္ကေတတစ်ခု ရှိလိမ့်မည် မဟုတ်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ယုံကြည်သူများသည် လောကကြီး၏ မကောင်းသောရေစီးကြောင်းများကို ဦးစွာပထမ မြင်ရန်လိုအပ်သည်”) ဘုရားရဲ့ နှုတ်ကပတ်တော်တွေက ကျွန်မကို အသိဉာဏ်ပွင့်အောင် လုပ်ပေးပြီးတော့... ကျွန်မလည်း ဘုရားကိုမေ့ထားခဲ့မိတယ်ဆိုတာ သိခဲ့ရပါတယ်။ ​ကျွန်မ အကူအညီမဲ့နေပြီလို့ ခံစားခဲ့ရတဲ့နေရာ... ကျွန်မ မဆွေးနွေးနိုင်ဘဲ ဘာလုပ်ရမှန်းမသိတဲ့နေရာမှာ ဘုရားကျွန်မကို ထားလိုက်တော့... ဘုရားက ကျွန်မရဲ့ အသက်အထောက်အပံ့ဖြစ်လာခဲ့တယ်။ ဒါပေမဲ့ အခြေအနေမှန် နဲ့ လူမှန်ရှိနေပြီဆိုရင်... တခြားလူတွေကို အားကိုးခဲ့မိတယ်။ ပိုပြီးလက်တွေ့ကျတယ်လို့ ခံစားရတာကြောင့်ပါ။ ကျွန်မ လိုအပ်နေချိန်မှာ အဲဒီညီမလေး လာကူညီတဲ့အချိန် အဲဒါက ဘုရားလုပ်ဆောင်ပေးနေတာပဲဆိုတာ သိခဲ့တယ်။ ဒါပေမဲ့ နောက်ပိုင်းမှာတော့... အဲဒီအစ်ကို ဘုရားရဲ့ နောက်ဆုံးသောကာလအမှုတော်ကို လက်ခံပါ့မလားဆိုတာ အဲဒီ စကားပြန်ပေါ်ပဲ လုံး၀မူတည်တယ်လို့ ထင်နေခဲ့တုန်းပါပဲ။ ဘုရားအပေါ် စစ်မှန်တဲ့ယုံကြည်မှု မရှိခဲ့ပါဘူး။ သခင်ယေရှု ပြောခဲ့တာကို မှတ်မိပါသေးတယ်။ “ထိုသိုးတို့ကို ငါ့၌အပ်ပေးတော်မူသော ငါ့ခမည်းတော်သည် ခပ်သိမ်းသောသူတို့ထက် ကြီးမြတ်တော်မူ သည်ဖြစ်၍၊ အဘယ်သူမျှထိုသိုးတို့ကို ငါ့ခမည်းတော်၏ လက်မှမနှုတ်မယူနိုင်ရာ။” (ရှင်ယောဟန်ခရစ်ဝင် ၁၀ : ၂၉) ဘုရားရဲ့ သိုးဟာ ဘုရားရဲ့အသံကိုကြားပါတယ်။ ဘယ်လိုကောလာဟလ၊ အလိမ်အညာ ဒါမှမဟုတ် အခက်အခဲတွေကမှ ဘုရားရဲ့လက်တော်ကနေ သူတို့ကို မနှုတ်ယူနိုင်ပါဘူး။ ဒါက ဘုရားရဲ့ ဩဇာအာဏာပါပဲ။ ဘုရားရဲ့ အလုပ်ကိုယုံကြည်ပြီး ကျွန်မအလုပ် ကျွန်မလုပ်ပြီးတော့ အဲဒီအစ်ကိုနဲ့ မိတ်သဟာယဖွဲ့ဖို့ လမ်းကြောင်းမှန်သမျှကို စူးစမ်းခဲ့သင့်တာပါ။ သူ ကောလာဟလတွေ အလိမ်အညာတွေနောက် လမ်းမှားရောက်သွားတာ မရောက်သွားတာက... ကျွန်မဆုံးဖြတ်ရမယ့် ကိစ္စမဟုတ်ပါဘူး။

နောက်တော့...ကျွန်မ အနန္တတန်ခိုးရှင်ဘုရားရဲ့ နှုတ်ကပတ်တော်ကို ဖတ်ခဲ့ပါတယ်။ “စာတန်သည် လူသားမျိုးနွယ်ကို နှစ်ထောင်ပေါင်းများစွာ ကြာအောင် ဖျက်ဆီးနေသည်။ စာတန်သည် ပြောပြ၍မရနိုင်သည့် မကောင်းမှုများကို ဖြစ်ပေါ်စေခဲ့သည်။ မျိုးဆက်တစ်ဆက်ပြီး တစ်ဆက်ကို လှည့်စားခဲ့သည်။ ဆိုးယုတ်သည့် ပြစ်မှုများကို ကမ္ဘာတွင် ကျူးလွန်ခဲ့သည်။ လူသားကို နှိပ်စက်ခဲ့သည်။ လှည့်စားခဲ့သည်။ ဘုရားသခင်ကို ဆန့်ကျင်ရန် သွေးဆောင် ခဲ့သည်။ ဘုရားသခင်၏စီမံခန့်ခွဲမှု အစီအစဉ်တို့ကို ထိခိုက်ပျက်ပြားစေသည့် ဆိုးယုတ်သည့် အပြုအမူများကို ထပ်ခါတလဲလဲ ကျူးလွန်ခဲ့သည်။ သို့ရာတွင် ဘုရားသခင်၏ သြဇာအာဏာအောက်တွင် အရာအားလုံးနှင့် သက်ရှိတို့သည် ဘုရားသခင် ချမှတ်ထားသည့် စည်းမျဉ်းနှင့် နိယာမများကို ဆက်လက်လိုက်နာစောင့်ထိန်းကြသည်။ ဘုရားသခင်၏ သြဇာအာဏာနှင့် နှိုင်းယှဉ်လိုက်လျှင် စာတန်၏ ဆိုးဝါးသည့် သဘောနှင့် သောင်းကျန်းမှုတို့က အလွန်အကျည်းတန်သည်။ အလွန် ရွံစရာကောင်းပြီး စက်ဆုပ်ဖွယ်ကောင်းသည်။ အလွန် သေးငယ်ပြီး အားနွဲ့သည်။ ဘုရားသခင်ဖန်ဆင်းခဲ့သည့် အရာအားလုံးကြားတွင် စာတန်သည် လျှောက်လှမ်းသော်လည်း ဘုရားသခင်အုပ်ချုပ်သည့် လူများ၊ အရာဝတ္ထုများ၊ ပစ္စည်းများတွင် ပြောင်းလဲမှု အနည်းငယ်ကိုပင် မပြဌာန်းနိုင်ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၁)”) ဘုရားနှုတ်ကပတ်တော်တွေက ကျွန်မကို သက်သာရာရစေခဲ့တယ်။ အရာရာဟာ ဘုရားရဲ့အုပ်စိုးမှု​အောက်မှာပဲ ရှိပြီးတော့ ဘယ်သူကမှ ဘုရားရဲ့အလိုကို တားဆီးနိုင်မှာမဟုတ်တာက အမှန်ပါပဲ။ ဘုရားရဲ့ သိုးတွေကို ဘယ်သူကမှ မယူဆောင်သွားနိုင်ပါဘူး။ လူလိမ်တစ်ယောက် ဘုရားရဲ့အိမ်တော်ထဲ ဝင်လာပြီဆိုရင် အဲဒီလူဟာ ဖော်ထုတ်ပယ်ရှားခြင်း ခံရမှာပါ။ ဒါက ဘုရားရဲ့တန်ခိုးပါပဲ။ ကျွန်မက ဘုရားကိုနားမလည်ခဲ့ဘူးဆိုတာ သိခဲ့ရပါတယ်။ ကျွန်မက တကယ့်သက်ရှိ သာဓကတစ်ခုပါ။ အနန္တတန်ခိုးရှင်ဘုရားရဲ့ အမှုတော်ကို လက်မခံမီ... ကျွန်မလည်း တရုတ်ပြည်ကွန်မြူနစ်ပါတီနဲ့ ဘာသာရေးအသိုင်းအဝိုင်းက အလိမ်အညာတွေကို နားယောင်ခဲ့မိပါတယ်။ ကျွန်မရဲ့ လမ်းကြောင်းမှာ အနှောင့်အယှက်တွေ အများကြီး ရှိခဲ့ပေမဲ့လည်း... ဘုရားရဲ့ နှုတ်ကပတ်တော်တွေက ကျွန်မနောက်ဆုံးသောကာလ ဘုရားရဲ့အမှုတော်ကို လက်ခံအောင် သိမ်းသွင်းခဲ့ပါတယ်။ ပြီးတော့ အခုဆိုရင်.. ဘယ်လောက်များတဲ့ အယူမှားတွေ အလိမ်အညာတွေပဲဖြစ်ပါစေ... ကျွန်မ အနန္တတန်ခိုးရှင်ဘုရား ဦးဆောင်မှုနောက် လိုက်တဲ့လမ်းကို မတားဆီးနိုင်တော့ပါဘူး။ အဲဒါတွေက စာတန်ရဲ့ မျက်နှာကို ပိုပြီးရှင်းရှင်းလင်းလင်း မြင်ရအောင် ကူညီပေးခဲ့ပြီးတော့... ဘုရားနောက်လိုက်ဖို့ ကျွန်မရဲ့ယုံကြည်မှုကို ခွန်အားဖြစ်စေခဲ့တာပါပဲ။ ဒါတွေအားလုံးက ဘုရားရဲ့နှုတ်ကပတ်တော်တွေကြောင့် အောင်မြင်မှုရခဲ့တာပါ။ အဲဒီအစ်ကိုနဲ့ တစ်လနီးပါး ဆွေးနွေးဖြစ်ခဲ့တဲ့အကြောင်းကို ပြန်စဉ်းစားခဲ့ပါတယ်။ ဘာသာစကားမတူ၊ ပြီးတော့ မဆွေးနွေးနိုင်ပေမဲ့... နောက်ဆုံးသောကာလ ဘုရားရဲ့အမှုတော်ကို သူလက်ခံတဲ့အထိ ဆက်ကြိုးစားခဲ့ကြပါတယ်။ သူက အီတလီမှာ အသင်းတော်တစ်ခုထောင်ပြီး ဧဝံဂေလိတရား ဖြန့်ဝေဖို့အထိတောင် ပြောခဲ့ပါတယ်။ ဘုရားရဲ့လမ်းညွှန်မှု၊ ဘုရားရဲ့နှုတ်ကပတ်တော်က လူတွေကို အောင်နိုင်ခြင်းတွေသာ မရှိရင် ဘယ်လိုလုပ် အဲဒါတွေ လုပ်ဆောင်နိုင်ခဲ့ပါ့မလဲ။ ကျွန်မ ဘုရားအပေါ်နားလည်မှု မရှိခဲ့ပါဘူး ကျွန်မ ဧဝံဂေလိတရားဖြန့်ဝေတဲ့အချိန်... ဘုရားရဲ့ ဩဇာအာဏာဟာ ပြိုင်ဘက်မရှိဘဲ ဘယ်လိုအင်အားမျိုးကမှ ဘုရားရဲ့အလုပ်ကို မဟန့်တားနိုင်ဘူးလို့ ပြောနေပေမဲ့... အမြဲတမ်း ကိစ္စတွေကို လက်တွေ့ကျကျ သုံးသပ်နေခဲ့မိပါတယ်။ ဘာသာစကား အတားအဆီးနဲ့လည်း ရင်ဆိုင်ရတဲ့အခါ... ကောလာဟလတွေ အန္တိခရစ်တွေရဲ့ အလိမ်အညာတွေကြောင့်... အဲဒီအစ်ကို လမ်းလွဲသွားမှာကို ကြောက်ခဲ့ပါတယ်။ ကျွန်မ ကြောက်ရွံ့မှုနဲ့ နေထိုင်ခဲ့ရတယ်။ ဒါပေမဲ့ စစ်မှန်တဲ့လမ်းကို သူလက်ခံမခံဆိုတာ ဘုရားလက်ထဲမှာရှိပြီး ဘုရားက ဆုံးဖြတ်ပြီးသားပါ။ စိတ်ပူနေမယ့်အစား.. ကျွန်မအလုပ်ကို တာဝန်သိသိနဲ့ ကောင်းကောင်းလုပ်သင့်တာပေါ့။ အဲဒီစိတ်နဲ့ပဲ... ဘုရားထံမှာ ဘုရားရဲ့ စီမံမှုနဲ့ အုပ်စိုးမှုကိုနာခံလိုစိတ်နဲ့ ဆုတောင်းခဲ့ပါတယ်။ အံ့ဩစရာကောင်းလောက်အောင်ပဲ အဲဒီ ညီမငယ်လေးက သူအားလပ်တဲ့အတွက် ပြန်ပြီး စကားပြန်လုပ်ပေးနိုင်မယ့်အကြောင်း... စာပို့လာခဲ့ပါတယ်။ ဟုတ်တယ်..နောက်ဆုံးတော့ ကျွန်မလည်း အဲဒီအစ်ကိုနဲ့ ကောင်းကောင်း ဆွေးနွေးနိုင်တော့မယ်လေ

တစ်ခါတလေ မျှော်လင့်ချက်ဆုတ်ယုတ်သွားသလို ခံစားခဲ့ရပြီး တစ်ခါတလေ အဲဒီအစ်ကိုနဲ့ ဧဝံဂေလိတရား မျှဝေတဲ့နေရာမှာ အရမ်းစိုးရိမ်ခဲ့တာမျိုး ရှိခဲ့ပေမဲ့... ကျွန်မ ဘုရားအပေါ် အားကိုးခဲ့တဲ့အချိန်မှာတော့.. ဘုရားရဲ့ လမ်းညွှန်မှုနဲ့ အရမ်းကောင်းမွန်တဲ့လုပ်ဆောင်မှုတွေကို ကြုံတွေ့ခဲ့ရပါတယ်။ ဘုရားရဲ့အလုပ်ကို ဘုရားကိုယ်တိုင် ပြီးမြောက်အောင်လုပ်ခဲ့ကြောင်း သိခဲ့ရပြီးတော့. ဘုရားအပေါ် ကျွန်မရဲ့ယုံကြည်မှုကလည်း ကြီးမားလာခဲ့ပါတယ်။ ဒါက ဘုရားရဲ့ ကျေးဇူးတော်နဲ့ ကြင်နာမှုပါပဲ။ ဧဝံဂေလိတရား မျှဝေခြင်းဟာ သူများတွေကို ကယ်တင်ခြင်းလို့ ထင်ခဲ့ပါတယ်။ ဒါပေမဲ့ နောက်တော့ ကျွန်မ နားလည်သွားတာက... အဲဒီလိုလုပ်ဆောင်ရာမှာ ကျွန်မက ဘုရားရဲ့အလုပ်နဲ့ နှုတ်ကပတ်တော်တွေကို ကြုံတွေ့နေရတယ် ဆိုတာပါပဲ။ ဒီ အတွေ့အကြုံတွေကနေပြီးတော့... မကြုံဖူးလို့မယုံသေးတဲ့ ကျွန်မလို လူတစ်ယောက်က... ဘုရားရဲ့ ဩဇာအာဏာနဲ့ ယုံကြည်မှုပြည့်၀ခြင်းကို အမှန်ကြုံတွေ့ခဲ့ရပါတယ်။ ဘုရားပြောခဲ့သလိုပါပဲ... “တစ်စုံတစ်ဦးသည် အထူးဖြင့် ဆူးညှောင့်ပေါသော အခက်အခဲတစ်ခုကို တွေ့ကြုံရသောအခါ၊ ၎င်းတို့၌ အားထားရန်တစ်စုံတစ်ဦးမျှ မရှိသောအခါနှင့် ၎င်းတို့သည် အထူးသဖြင့် ခိုကိုးရာမဲ့သည်ဟု ခံစားရသောအခါ၊ ၎င်းတို့၏ တစ်ခုတည်းသော မျှော်လင့်ခြင်းကို ဘုရားသခင်အပေါ်၌ ထားကြ၏။ ၎င်းတို့၏ ဆုတောင်းသံများမှာ မည်သို့နည်း။ ၎င်းတို့၏ စိတ်အခြေအနေမှာ အဘယ်နည်း။ ၎င်းတို့ ရိုးသားကြသလော။ ထိုအချိန်က ရောနှောခြင်းတစ်စုံတစ်ရာ ရှိသလော။ ဘုရားက သင့်ကို ကူညီမည်ဟု မျှော်လင့်ရင်း သူ့ကို သင့်အသက်အား ကယ်တင်မည့် နောက်ဆုံး ကောက်ရိုးတစ်မျှင်အလား သင် ယုံကြည်သည့်အခါတွင်သာ သင့်နှလုံးသား စစ်မှန်ပေသည်။ သင်သည် များစွာပြောခဲ့ပြီးခြင်း ရှိချင်းမှရှိမည် ဖြစ်သော်လည်း သင်၏စိတ်နှလုံးမှာ နိုးကြားနှင့်ပြီဖြစ်၏။ တစ်နည်းဆိုသော် သင်သည် သင်၏စစ်မှန်သော စိတ်နှလုံးကို ဘုရားသခင်အား ပေးပြီး၊ ဘုရားသခင်သည် နားထောင်တော်မူ၏။ ဘုရားသခင်သည် နားထောင်သည့်အခါ သင်၏ အခက်အခဲများကို သူမြင်သည်ဖြစ်၍ သူသည် သင့်ကို ဉာဏ်အလင်းပေးမည်၊ လမ်းပြပြီး၊ ကူညီမည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ယုံကြည်သူများသည် လောကကြီး၏ မကောင်းသောရေစီးကြောင်းများကို ဦးစွာပထမ မြင်ရန်လိုအပ်သည်”) ဘုရားကို သိဖို့ဆိုရင် ကျွန်မတို့နေ့စဉ် ကြုံတွေ့နေရတာတွေနဲ့ အမှုတော်ကို ထမ်းရွက်နေစဉ်မှာ... ဘုရားရဲ့နှုတ်ကပတ်တော်တွေကို တွေ့ကြုံခံစားပြီး လက်တွေ့လုပ်ဆောင်ဖို့ လိုအပ်ပါတယ်။ ဒါကပဲ ဘုရားကိုသိပြီး ကြောက်ရွံ့ဖို့ တစ်ခုတည်းသောနည်းလမ်း ဖြစ်ပါတယ်။ ဒါကို ကျွန်မအတွေ့အကြုံက သင်ပေးခဲ့တာပါ။ ဘုရားကျေးဇူးပဲပေါ့။

အရှေ့သို့- ဘုရားနှုတ်ကပတ်တော်တွေက အိမ်ထောင်ရေးဒုက္ခတွေကနေ ကျွန်မကို လမ်းပြပေးခဲ့တယ်

နောက်တစ်ခုသို့- လူပီသအောင် နေထိုင်ဖို့ တစ်ခုတည်းသောနည်းလမ်း

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ အနှစ် ၆၀ဝ၀ စီမံခန့်ခွဲမှုအစီအစဉ် အဆုံးမသတ်မီ၊ လူသားတစ်မျိုးစီ၏ အဆုံးသတ်ကို...

မာနထောင်လွှားခြင်းသည် ကျရှုံးခြင်းမတိုင်မီ လာ၏

အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏ အရင်းအမြစ်ဖြစ်သည်။ လူတို့သည် ပို၍...

လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်