အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၈၂။ စိတ်နှလုံး၏ လွတ်မြောက်ခြင်း

ဂျန်ရှင်း၊ အမေရိကန်ပြည်ထောင်စု

၂၀၁၆ ခုနှစ် အောက်တိုဘာလတွင်၊ ကျွန်မအမျိုးသားနှင့် ကျွန်မသည် နိုင်ငံခြားရောက်နေစဉ် နောက်ဆုံးသော ကာလ အနန္တတန်ခိုးရှင် ဘုရားသခင်၏ ကယ်တင်ခြင်းကို လက်ခံခဲ့ကြပါသည်။ ထို့နောက်တွင်၊ ဘုရားသခင်၏ နှုတ်ကပတ်တော်များကို ဖတ်ရှုဖို့၊ ကိုယ်တော်၏ နှုတ်ကပတ်တော်များနှင့်ဆိုင်သော ကျွန်မတို့၏ အတွေ့အကြုံများနှင့် သိနားလည်မှုတို့ကို ဝေမျှပြီး၊ ဘုရားသခင်ကို ချီးမွမ်းခြင်း ဓမ္မသီချင်းများကို သီဆိုဖို့ ကျွန်မသည် ညီအစ်ကို မောင်နှမများနှင့်အတူ ဝတ်ပြုအစည်းအဝေးများကို မကြာခဏ စတင်တက်ရောက်ခဲ့ပါသည်။ ထိုသို့သော အသင်းတော် အသက်တာမျိုးက ဝမ်းမြောက်ခြင်းနှင့် ပြည့်ဝသည်ဟု ကျွန်မ ခံစားခဲ့ရပြီး၊ တကယ်ကို ပျော်မွေ့ခဲ့ပါသည်။

မျက်စိတစ်မှိတ်အတွင်း လအနည်းငယ် လွန်သွားခဲ့ပြီး ညီအစ်ကို မောင်နှမများအားလုံး အသက်တာထဲတွင် အတိုင်းအတာအမျိုးမျိုးထိ ကြီးထွားခဲ့ကြပြီဖြစ်သည်။ အထူးသဖြင့် ဘုရားသခင်ကို အချိန်အတိုဆုံး ယုံကြည်ခဲ့သည့် အစ်မ ဝမ်က အမြန်ဆုံး ကြီးထွားတိုးတက်မှုကို ကြုံခဲ့ရသည်။ ဆုတောင်းရာတွင်ဖြစ်စေ၊ ဘုရားနှုတ်ကပတ်တော်များနှင့်ဆိုင်သော သူမ၏ အတွေ့အကြုံများနှင့် သိနားလည်မှုများကို ဝေမျှရာတွင်ဖြစ်စေ၊ သူမသည် ပိုမိုလက်တွေ့ကျပြီး၊ ကျန်သည့် ကျွန်မတို့ထက် သိမြင်မှု ပိုမိုပိုင်ဆိုင်လေသည်။ သူမ၏ မိတ်သဟာယကလည်း ရှင်းလင်းပြီး၊ စနစ်ကျသည်။ ညီအစ်ကို မောင်နှမအားလုံးက သူမသည် အစွမ်းအစကောင်းရှိပြီး၊ မြန်မြန်ဆန်ဆန် တိုးတက်ခဲ့သည်ဟု ဆိုကြလေသည်။ ပထမတွင်၊ သူမကို ကျွန်မ တကယ် လေးစားမိပြီး၊ အစည်းအဝေးပြီးသည့်နောက် ညီအစ်ကို မောင်နှမများထံ၊ “အစ်မ ဝမ်ရဲ့ မိတ်သဟာယက ရှင်းလင်းပြီး စနစ်ကျရုံတင်မက၊ သူ့မှာ တကယ်ကို ကောင်းတဲ့ သိနားလည်မှုတစ်ခုလည်း ရှိတယ်။ ပြဿနာတစ်ခုကို သူ ကြုံရတဲ့အခါ ပုံမှန်အားဖြင့် ဘုရားသခင်ရဲ့ အလိုတော်ကိုလည်း သူ ရှာဖွေနိုင်တယ်” ဟု မကြာခဏ ကျွန်မ ပြောဆိုပါသည်။ သို့သော် အချိန်ကာလတစ်ခု ကြာပြီးနောက်တွင်၊ ကျွန်မ စတင်မကျေမချမ်း ဖြစ်ခဲ့ရသည်။ ကျွန်မ - “အယောက်တိုင်းက ငါ့ကို မဟုတ်ဘဲ၊ သူ့ကို ဘာလို့ ချီးမွမ်းကြတာလဲ။ ငါ လုံးဝကို မကြီးထွားမတိုးတက်ခဲ့လို့များ ဖြစ်နိုင်လား။ ငါ့ မိတ်သဟာယမှာ တစ်ခုခုမှားနေတာများလား” ဟု တွေးမိခဲ့သည်။ ကျွန်မမှာ အစ်မဝမ်နှင့် ပတ်သက်၍ မကျေနပ်မှု တဖြည်းဖြည်းဖြစ်ပေါ်ခဲ့ပြီး၊ ကျွန်မ မိမိကိုယ်ကို သူ့ကို တိတ်တဆိတ် ဆန့်ကျင်မိခဲ့သည်။ ကျွန်မ “ဘုရားနှုတ်ကပတ်တော်နဲ့ ပတ်သက်ပြီး ရှင် မိတ်သဟာယပြုနိုင်သလို၊ ကျွန်မလည်း မိတ်သဟာယ ပြုနိုင်ပါတယ်။ ကျွန်မ ရှင့်ထက် သာလွန်တဲ့အချိန် တစ်နေ့လာပါလိမ့်မယ်” ဟု တွေးခဲမိသည်။ အကြံအစည်များကိုပင် ကျွန်မ ကြံဖန်ခဲ့သည်။ “ဘုရားနှုတ်ကပတ်တော်တွေ ကနေ ငါ ယေဘုယျအားဖြင့် ရရှိတဲ့ သိနားလည်မှုနဲ့ သိမြင်မှုတွေကို ငါ သိမ်းထားပြီး၊ အယောက်တိုင်းနဲ့ အစည်းအဝေးလုပ်တဲ့အခါမှပဲ ဝေမျှသင့်တယ်။ ဒီလိုနဲ့ ကိုယ်တော့် အမှုတော်ကို ငါလည်း တွေ့ကြုံခံစားနိုင်တယ်ဆိုတာနဲ့ ငါ ဝေမျှတဲ့ သိနားလည်မှုလည်း အရမ်းလက်တွေ့ကျတယ်ဆိုတာ သူတို့အားလုံး မြင်မယ်” ထို့နောက်မှစ၍၊ အခွင့်အရေးရတိုင်း ဘုရားနှုတ်ကပတ်တော်များကို ကျွန်မ ဖတ်ခဲ့ပြီး၊ ကိုယ်တော့်၏ နှုတ်ကပတ်တော်များမှ ကျွန်မ နားလည်ခဲ့ရသည့်၊ ကျွန်မ ရရှိခဲ့သည့် အရာတစ်ခုတိုင်းကို မှတ်စုစာအုပ်တစ်ခုထဲတွင် ရေးသားခဲ့သည်။ အစည်းအဝေးအတွက် အချိန်ရောက်လာသောအခါ၊ မိတ်သဟာယတွင် အစ်မဝမ်ကဲ့သို့ ရှင်းလင်းပြီး၊ စုစည်းမှုရှိကာ စနစ်တကျ မည်သို့ ဝေမျှနိုင်မည်ကို တွေ့မြင်ဖို့ရန်၊ ကျွန်မအတွင်းရှိ ဤဉာဏ်အလင်းပေးမှုများကို ဂရုတစိုက် ကျွန်မ ရွေးထုတ်ခဲ့သည်။ သို့သော် ကျွန်မ၏ ညီအစ်ကို မောင်နှများရှေ့တွင် ကျွန်မ မိမိကိုယ်ကို ပိုမိုကြွားဝါချင်လေလေ၊ ကျွန်မ မိမိကိုယ်ကို အရူးလုပ်မိလေလေ ဖြစ်ရသည့် အကြောင်းအရင်းကိုမူ ကျွန်မ လုံးဝမသိခဲ့ပါ။ ကျွန်မ၏ မိတ်သဟာယအတွက် အချိန်ကျလာသည်နှင့် တစ်ပြိုင်နက်၊ ကျွန်မခေါင်းကို ရှင်းအောင် မထားနိုင်ခဲ့ပါ။ ယင်းအစား၊ ကျွန်မ၏ စကားလုံးများက ရောထွေးလျက် ထွက်ပေါ်လာခဲ့၏။ ကျွန်မ ဌာန်ကရိုဏ်းကျကျထုတ်ဖော်ပြောဆိုချင်ခဲ့သည့် ရှုထောင့်အမြင် များကို ရှင်းရှင်းလင်းလင်း မဖော်ပြနိုင်ခဲ့ပါ၊ ပြီးလျှင် အစည်းအဝေးတိုင်းက ကျွန်မအတွက် အလွန်စိတ်အနှောင့်အယှက်ဖြစ်စရာ ဖြစ်ခဲ့သည်။ ထိုရက်အနည်းငယ်တွင် ကျွန်မ စိတ်အနှောင့်အယှက်ဖြစ်ခဲ့ရပြီး၊ ကျွန်မ၏ စိတ်ကအလွန် ရှုပ်ထွေးနေခဲ့သည်။ အရင်လောက် ထိုအစ်မကို ကျွန်မ နီးစပ်သည်ဟု မခံစားခဲ့ရပါ။ အစည်းအဝေးက ကျွန်မအတွက် စိတ်ဖိစီးမှုမျိုးတစ်ခုဖြစ်လာခဲ့သည်ဟု ကျွန်မ တဖြည်းဖြည်းနှင့် စတင်ခံစားခဲ့ရပြီး၊ ကျွန်မ၏ စိတ်နှလုံးကို ကျွန်မ မလွတ်လပ်စေနိုင်ခဲ့ပါ။

ထို့နောက် တစ်နေ့တွင်၊ ကျွန်မ ဘာဖြစ်နေသည်ကို ကျွန်မတို့ စကားစမြည်ပြောနေချိန်တွင် ကျွန်မ ယောက်ျားကို ပြောပြခဲ့သည်။ “အစည်းအဝေးမှာ ခုတလော အစ်မဝမ်ရဲ့ မိတ်သဟာယက ကျွန်မထက် ပိုကောင်းတာကို ကျွန်မ တွေ့ခဲ့ရတယ်၊ ကျွန်မ တကယ်ကို ဘဝင်မကျဖြစ်ခဲ့တယ်...” သို့သော် ကျွန်မ စကားပြောသည့်အရာ မပြီးခင်၊ ကျွန်မ၏ အမျိုးသားက သူ့မျက်လုံးများ ပြူးသွားပြီး၊ ကျွန်မကို လေးလေးနက်နက် ပြောခဲ့သည်။ “ အစ်မ ဝမ်ရဲ့ မိတ်သဟာယက ကောင်းတယ်၊ ပြီးတော့ ငါတို့အတွက် စိတ်ဓာတ်မြှင့်တင်ပေး တယ်။ ဒီအတွက် ဘုရားသခင်ကို ငါတို့ ကျေးဇူးတင်သင့်တယ်။ မင်းရဲ့ မသက်မသာခံစားရတာက မနာလိုတာ မဟုတ်လား။” သူ့စကားများက ကျွန်မ မျက်နှာကို ရိုက်လိုက်သကဲ့သို့ ဖြစ်ခဲ့သည်။ ကျွန်မ မြန်မြန်ဆန်ဆန် ခေါင်းခါပြီး ငြင်းခဲ့သည်။ “ဟင့်အင်း၊ အဲဒါ မဟုတ်ပါဘူး။ ကျွန်မ အဲဒီလို မဟုတ်ပါဘူး” ထို့နောက် သူက၊ “ငါတို့ ညီအစ်ကို မောင်နှမတွေအားလုံးက အစ်မ ဝမ်ရဲ့ မိတ်သဟာယကနေ တစ်ခုခု အကျိုးကျေးဇူး ခံစားကြရတယ်။ အဲဒါ ကြားတာကို မင်းက ဘဝင်မကျဘူးဆိုရင်၊ သူက မင်းထက် လုပ်နိုင်စွမ်း ရှိလို့ မနာလိုတာ မဟုတ်လား” ဟု ပြောခဲ့သည်။ ကျွန်မ အမျိုးသား၏ စကားများက ကျွန်မ စိတ်နှလုံးကို တစ်ဖန် ထွင်းဖောက်ကြပြန်သည်။ ကျွန်မ အလွန် စိတ်ပျက်မိခဲ့သည်။ ကျွန်မ အမှန်တကယ်ပင် အလွန်ဆိုးရွားနိုင်လှ သလား။ ကျွန်မ အလွန်အမင်း မတရားသဖြင့်အပြောခံရသည်ဟု ခံစားခဲ့ရပြီး၊ မျက်ရည်ကျလု မတတ် ဖြစ်ခဲ့သည်။ သူကို ကျွန်မ ပြောလိုက်သည်။ “ထပ်ပြီး ဘာတစ်ခုမှ မပြောနဲ့။ ကျွန်မ စိတ်တည်ငြိမ်အောင်ထားပါရစေ၊ ပြီးတော့ ကျွန်မ ကိုယ့်ဘာသာအစအဆုံး ပြန်စဉ်းစားမယ်” ထို့နောက်တွင်၊ အံ့အားသင့်ဖွယ်ရာပင်၊ ကျွန်မ အမျိုးသားက ကျွန်မနှင့်ပတ်သက်ပြီး ဖြစ်နေသည့်အရာကို အသင်းတော်ထဲက ခေါင်းဆောင်တစ်ဦးဖြစ်သည့် အစ်မ လျူကို ပြောပြခဲ့လေသည်။ သူက အစ်မလျူကို ကျွန်မကို ကူညီစေချင်ခဲ့သည်။ ကျွန်မကို အရင်ဆုံး မမေးမြန်းဘဲ သူမကိုသွားပြောသည့်အတွက် သူ့ကို ကျွန်မ အပြစ်တင်ခဲ့သည်။ ကျွန်မက“အဲဒီနောက် ကျွန်မရဲ့ ညီအစ်ကို မောင်နှမတွေကို ဘယ်လိုမျက်နှာပြနိုင်မှာလဲ။ အစ်မဝမ်ကို ကျွန်မ မနာလိုဖြစ်နေတာ သူတို့ သိရင်၊ ကျွန်မကို အထင်သေးကြမှာပဲ မဟုတ်လား” ဟု ခံစားခဲ့ရသည်။ ထိုအကြောင်းကို ကျွန်မ ပိုတွေးလေလေ၊ ကျွန်မ ပိုစိတ်ပျက်လေလေ ဖြစ်လာသော်လည်း၊ လက်တွေ့အရှိတရားကို ရှောင်လွဲခြင်းက အရာရာကို ဖြေရှင်းပေးမည်မဟုတ်ပါ။ “အို ဘုရားရှင်။ ကျွန်မ ဘာလုပ်ရမလဲ” ဟု ကျွန်မ ဆုတောင်းခဲ့ပါသည်။

နောက်နေ့တွင်၊ ထိုအချိန်ကာလတစ်လျှောက် ကျွန်မ ထုတ်ဖော်ပြခဲ့သည့်အရာကို ကျွန်မ ဆန်းစစ်နေခဲ့သည်။ ညီအစ်ကို မောင်နှမများသည် ဘုရားနှုတ်ကပတ်တော်များကို ဖတ်ရှုခြင်းမှာ သူတို့ ရရှိသည့် ဉာဏ်အလင်းပေးခြင်းနှင့် သိနားလည်မှုတို့ကို ထုံးစံအတိုင်း ဘယ်အချိန်မဆို ဝေမျှကြသော်လည်း၊ ကျွန်မတို့၏ အစည်းအဝေများ အတွင်းတွင် ရှင်းချက်ထုတ်ဖို့ ကျွန်မ ရခဲ့သည့် သိမြင်မှုကို ကျွန်မ ထိန်းသိမ်းထားခဲ့သည်။ ကျွန်မ၏ ညီအစ်ကို မောင်နှမများက ကျွန်မကို ကြည်ညိုကြဖို့ရန်အလို့ငှာ၊ အခြားလူများ မသိသည့်အရာများကို ကျွန်မ ဆွေးနွေးချင်ခဲ့သည်။ အခြား ညီအစ်ကို မောင်နှမများက ကျွန်မထက် ပိုမိုကောင်းမွန်စွာ မိတ်သဟာယပြုကြသည်ကို ကျွန်မတွေ့သည့်အခါ၊ ကျွန်မ ဘဝင်မကျဖြစ်ခဲ့ပြီး၊ သူတို့ကို သာလွန်ချင်ခဲ့သည်။ အခြားသူများနှင့် ပတ်သက်လျှင် ကျွန်မ တကယ်ကို အပူအပင်မထားသလို သေးငယ်သည့် အမှုအရာတိုင်းကို ဘယ်သောအခါမှ ရေးကြီးခွင်ကျယ်မလုပ်၊ ကျွန်မသည် စိတ်နှလုံး ကောင်းပြီး၊ ရိုးရှင်းသည့်လူတစ်ဦးဖြစ်သည်ဟု ကျွန်မ တွေးလေ့ရှိခဲ့သည်။ သို့သော် တစ်ဦးတစ်ယောက်ကို ကျွန်မ မနာလိုဝန်တို ဖြစ်နိုင်ပြီး၊ မိမိဘာသာ တစ်ဦးတစ်ယောက်ကို တိတ်တဆိတ်ဆန့်ကျင်ကာ၊ သူတို့နှင့် ပြိုင်ဆိုင်ဖို့ဆိုသည်ကို ကျွန်မ မယုံရဲခဲ့ပါ။ ကျွန်မ ထိုသို့သော လူမျိုး မည်သို့ဖြစ်နိုင်ပါသနည်း။ နေ့လည်ခန့်အချိန်တွင်၊ အစည်းအဝေးများအတွင်းတွင် အခြားညီအစ်ကို မောင်နှမများ၏ မိတ်သဟာယက သူမထက် ပိုကောင်းသည်ကို ကြားရသည့်အခါ သူမ မနာလိုဖြစ်၏၊ မဖြစ်၏ကို မေးဖို့ရန် ညီအစ်မတစ်ယောက်ကို ကျွန်မ ဖုန်းဆက်ခေါ်ခဲ့သည်။ မခံစားခဲ့ပါဟု သူမပြောခဲ့လေသည်။ သူမက၊ “ကျွန်မတို့ ညီအစ်ကို မောင်နှမတွေက ကောင်းကောင်းမွန်မွန် မိတ်သဟာယပြုတယ်ဆိုရင်၊ ဒါက ကျွန်မတို့အတွက် တည်ဆောက်စရာဖြစ်ပြီး အကျိုးရှိတယ်လေ။ အဲဒါကို ကျွန်မ တကယ် ပျော်မွေ့တယ်။ ပြီးတော့ အဲဒါက ကျွန်မကို ပျော်စေတယ်” ဟုလည်း ဆိုလေသည်။ ထိုအရာ သူပြောသည်ကို ကျွန်မ ကြားရသည့်အခါ ကျွန်မကို ပို၍ပင် ဆိုးဆိုးရွားရွား ခံစားစခဲ့ပြီး၊ ထို့နောက်တွင်မှ ကျွန်မ အတွင်းရှိ မနာလိုဝန်တိုမှုက အဘယ်မျှ ပြင်းထန်သည်ကို ကျွန်မ တွေ့ခဲ့ရသည်။ ကျွန်မ ငိုယိုပြီး၊ ဘုရားသခင်ထံ ဆုတောင်းခဲ့ပါသည်။ “အို ဘုရားရှင်။ ကျွန်မ မနာလိုဝန်တိုတဲ့ လူတစ်ဦး မဖြစ်ချင်ပါဘူး ဒါပေမဲ့ ဒီအစ်မရဲ့ သိပ်ကောင်းတဲ့ မိတ်သဟာယကို ကျွန်မ ကြားရတဲ့အခါတိုင်းမှာ၊ သူ့ကို မနာလိုမဖြစ်ပဲ မနေနိုင်ပါဘူး။ ကျွန်မမှာ တစ်နေ့လုံး ဒါကြောင့် စိတ်ပျက်ပြီး၊ ပိတ်မိနေခဲ့ပါတယ်။ ကျွန်မ ဘာလုပ်သင့်လဲဆိုတာ ကျွန်မ တကယ်မသိပါဘူး။ ဘုရားရှင်။ ကျွန်မ မနာလိုဝန်တိုမှုရဲ့ စိတ်နှလုံးကို ချည်နှောင်မှုတွေကို ဖယ်ရှားဖို့ ကိုယ်တော် ကျွန်မကို ကူညီတော်မူပါ....။” နောက်ပိုင်းတွင်၊ အသင်းတော် ခေါင်းဆောင်ဖြစ်သော အစ်မလျူက ကျွန်မကို လာတွေ့ခဲ့ပါသည်။ ကျွန်မအခြေအနေနှင့် ဆီလျော်သော ဘုရားနှုတ်ကပတ်တော် အနည်းငယ်ကို သူမက ဖတ်ရှုခဲ့ပါသည်။ “ရက်စက်ပြီး အကြင်နာတရား ကင်းမဲ့သော လူသားမျိုးနွယ်ပါတကား။ လျှို့ဝှက်ကောက်ကျစ် စဉ်းလဲခြင်း၊ တစ်ယောက်နှင့်တစ်ယောက် တွန်းထိုးတိုက်ခိုက်ကြခြင်း၊ ဂုဏ်ပကာသနနှင့် စည်းစိမ်ဥစ္စာအတွက် ယှဉ်ပြိုင်ကြခြင်း၊ အချင်းချင်း သတ်ဖြတ်နေခြင်းများ၊ ဤအရာများ မည်သည့်အချိန် ပြီးဆုံးမည်နည်း။ ဘုရားသခင်သည် နှုတ်ကပတ်တော်များ သိန်းသန်းချီ မြွက်ဆိုခဲ့သော်ငြားလည်းပဲ မည်သူတစ်ဦးတစ်ယောက်ကမျှ အသိတရား မရကြပါ။...မိမိအဆင့်အတန်းအား ထိန်းသိမ်းထားနိုင်ရန်အလို့ငှာ အခြားသူများကို မဖိနှိပ်သူ၊ ခွဲခြားမဆက်ဆံသူ မည်မျှရှိမည်နည်း။” (နှုတ်ကပတ်တော်သည် လူ့ဇာတိ၌ ပေါ်လာ၏) “လူအချို့သည် သူတို့၏ ထင်ရှားကျော်ကြားမှုကို အခြားသောသူများက ခိုးယူသွားပြီး မိမိတို့ကိုယ်တိုင် မသိကျိုးကျွန်ပြုခံရစဉ်၊ ထိုသူတို့ကအသိအမှတ်ပြုခြင်းကို ရရှိလျက် သူတို့ထက်သာလွန်မည်ကို အမြဲစိုးရိမ်ကြ၏။ ဤအရာက သူတို့ကို အခြားသူများအား တိုက်ခိုက်ပြီး ဖယ်ကြဉ်စေသည်။ ဤသည်မှာ မိမိတို့ကိုယ်တိုင်ထက် တတ်စွမ်းနိုင်သူတို့ကို မနာလိုဝန်တိုခြင်း ကိစ္စရပ်တစ်ခု မဟုတ်လော။ ထိုသို့သော အပြုအမူက တကိုယ်ကောင်းဆန်ပြီး စက်ဆုပ်ဖွယ် ဖြစ်သည် မဟုတ်လော။ ဤသည်မှာ မည်သည့် စိတ်သဘောထားမျိုး ဖြစ်ပါသနည်း။ ယင်းမှာ မလိုတမာစိတ် ဖြစ်၏။ မိမိကိုယ်ကိုယ်ကိုသာ စဉ်းစားခြင်း၊ မိမိ၏ကိုယ်ပိုင် စိတ်ဆန္ဒများကိုသာ ဖြည့်ဆည်းခြင်းနှင့် အခြားသူများ၏ တာဝန်ဝတ္တရားများအတွက် စာနာထောက်ထားမှု လုံးဝမပြဘဲ မိမိ၏ ကိုယ်ပိုင် အကျိုးများအကြောင်းကိုသာ စဉ်းစားပြီး ဘုရားအိမ်တော်၏ အကျိုးများကို မစဉ်းစားခြင်း” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ) သူမက အသက်တာထဲသို့ ဝင်ရောက်မှုဆိုင်ရာ တရားဟောချက်များနှင့် မိတ်သဟာယပြုခြင်းမှ စာတစ်ပိုဒ်ကိုလည်း ဖတ်ခဲ့ပါသည်။ “ဒီတော့ အခြားသူတွေကို မနာလိုတဲ့သူတွေက သဘောထား ကျဉ်းမြောင်းတဲ့ လူတွေလား...။ သဘောထား ကျဉ်းမြောင်းပြီး မနာလိုဖြစ်တာက အကျိုးကျေးဇူး တစ်ခုခုရှိလား။ အကျိုးကျေးဇူးတစ်ခုတစ်လေမှ မရှိပါဘူး။ သူတို့က တော်တော့ကို သေးသိမ်တယ်၊ သဘောထားကျဉ်းမြောင်းပြီး ရက်စက်ကြတယ်၊ ပြီးတော့ လူတွေက သူတို့ကို ရယ်စရာတစ်ခုအဖြစ် မြင်ကြတယ်။ အသက်ရှင်ဖို့ သူတို့ မထိုက်တန်ပါဘူး။ သဘောထားကျဉ်းမြောင်းတာ က မကောင်းဘူး၊ ပြီးတော့ အဲဒါက သေချာပါတယ်။ လူတစ်ချို့က ပြောတယ်။ ‘တစ်ခါတစ်လေ အဲဒါကို ငါတို့ မချိုးနှိမ်နိုင်ဘူးလေ။ ငါတို့ထက် ပိုတော်တဲ့သူ တစ်ယောက်ယောက်နဲ့ ကြုံရတာနဲ့တပြိုင်နက်၊ ငါတို့ မနာလိုဝန်တိုဖြစ်ပြီး ဒေါသထွက်ကြတယ်။ အဲဒီလူကို ငါ တွေ့လိုက်တာနဲ့တပြိုင်နက်၊ ငါ အသက်ဆက်မရှင်နိုင်သလိုတောင် ခံစားရတယ်။ ဒါကို ကြုံရတဲ့အခါ ငါ ဘာလုပ်နိုင်လဲ’ ဘုရားသခင်ကို သင်ဆုတောင်းပြီး၊ ကိုယ့်ကိုယ်ကိုယ် မကျိန်ဆဲနိုင်ဘူးလား။ ပြီးတော့ သင် ဘယ်လိုဆုတောင်းသင့်လဲ။ သင်က ပြောတယ်။ ‘အခြားတစ်ယောက်ယောက် ပိုတော်တာကို ငါမရှုစိမ့်နိုင်ဘူး။ ငါ ဘယ်လို လူမျိုးလဲ။ ငါ့လိုလူတစ်ယောက်က အသက်ရှင်ဖို့ မထိုက်တန်ဘူး။ ငါ့ထက် ပိုတော်တဲ့ တစ်ယောက်ယောက်ကို တွေ့တဲ့အခါတိုင်း ငါ မနာလိုဝန်တိုမိတယ်။ ဒါ ဘယ်လို စိတ်နှလုံးမျိုးလဲ။ ဒါက သာမန်လူ့သဘာဝမဟုတ်ဘူး။ ငါ့ကို ဘုရားသခင် ဆုံးမပဲ့ပြင်ပြီး ပြုပြင်ပါစေ’ ထို့နောက်၊ အောက်ပါဆုတောင်းချက်ကို ပြုပါ။ ‘ဘုရားရှင်။ ကျွန်တော့်ရဲ့ သဘောထားကျဉ်းမြောင်းမှုကနေ လွတ်မြောက်ဖို့၊ စိတ်ဝိညာဉ်မှာ ပိုမိုရက်ရောတတ်စေဖို့၊ ပိုမိုသဘောထားကြီးစေဖို့၊ ကိုယ်တော် ကျွန်တော့်ကို မရှက်မိစေဖို့ လူသားတွေလို အသက်ရှင်ဖို့တို့အတွက် ကျွန်တော့်ကို ကယ်တင်ဖို့ ကိုယ်တော်ကို တောင်းလျှောက်ပါ၏’ ဒါက သင်ဆုတောင်းရမယ့်ပုံစံ ဖြစ်တယ်။ ခဏတာ ဒီလို သင်ဆုတောင်းပြီးတာနဲ့တပြိုင်နက်၊ သင်မသိလိုက်ခင်မှာ သင်ဟာ စိတ်ဝိညာဉ်ထဲမှာ အနည်းငယ်ပိုမို ရက်ရောကောင်း ရက်ရော လာမှာဖြစ်တယ်။ နောက်တစ်ကြိမ် သင့်ထက် ပိုမိုတတ်စွမ်းတဲ့ တစ်စုံတစ်ဦးကို သင် ကြုံတဲ့အခါ၊ မနာလိုမှုများစွာ သင်ခံစားရမှာ မဟုတ်ဘူး။ အဲဒါကို သင်လက်ခံပြီး သူတို့နဲ့ ပုံမှန်အတိုင်း အပြန်အလှန်ဆက်ဆံနိုင်မှာဖြစ်တယ်။ အချိန်ကြာလာတာနှင့်အမျှ ဒါက ကောင်းမွန်လာလိမ့်မယ်။ သင့်မှာ သာမန်လူ့သဘာဝရှိ တာနဲ့တပြိုင်နက်၊ ပျော်ရွှင်ခြင်း၊ အပူအပင်ကင်းခြင်းနဲ့ အေးအေးဆေးဆေး အသက်ရှင်နိုင်မှာဖြစ်တယ်။ သဘောထားကျဉ်းမြောင်းတဲ့ လူကတော့ ကိုးရိုးကားရား၊ နာကျင်မှုနဲ့ ခြေကုန်လက်ပန်းကျပြီး အသက်ရှင်ပါတယ်” (အသက်တာထဲသို့ ဝင်ရောက်မှုဆိုင်ရာ တရားဟောချက်များနှင့် မိတ်သဟာယပြုခြင်း) ဤမိတ်သဟာယကို ကျွန်မ ကြားသည့်အချိန်တွင် ကျွန်မ စိတ်နှလုံး ထိခိုက်နာကျင်ခဲ့သည်။ ယင်းမှာ ကျွန်မ၏ ကိုယ်ပိုင်အခြေအနေ ဖြစ်သည်။ အစ်မ ဝမ်၏ မိတ်သဟာယက ဉာဏ်အလင်းပေးနိုင် သော်လည်း၊ ယင်းမှ လက်တွေ့လုပ်ဆောင်ဖို့ လမ်းကြောင်းကို ကျွန်မ ရှာမတွေ့ခဲ့ပါ။ ဆန့်ကျင့်ဘက်အနေဖြင့်၊ ကျွန်မ၏ ကိုယ်ပိုင် ဝင့်ဝါခြင်းကို ကာကွယ်ဖို့၊ အစ်မဝမ်နှင့် ပြိုင်ဆိုင်နေသည့် ထိုအခြေအနေ၌ ကျွန်မ ဆက်အသက်ရှင်ခဲ့သည်။ ကျွန်မ မိမိဘာသာ တိတ်တဆိတ် သူ့ကို ဆန့်ကျင်ခဲ့ပြီး၊ သူ၏ မိတ်သဟာယထက် ပိုကောင်းသည့် မိတ်သဟာယကို မျှဝေဖို့ နည်းလမ်းကို ဦးနှောက်ခြောက်အောင် စဉ်းစားခဲ့သည်။ သူ့အကြောင်း မည်သူမျှ အကောင်းမပြောဖို့ သို့မဟုတ် သူ့မိတ်သဟာယကို မချီးကျူးကြဖို့ပင် ကျွန်မ အလေးအနက်ကို မျှော်လင့်ခဲ့သည်။ ကျွန်မ၏ ကိုယ်ပိုင် မိတ်သဟာယက မကောင်းသည့်အခါ၊ ကျွန်မ မိမိကိုယ်ကို မကြွားဝါနိုင်ဘဲ၊ မိမိကိုယ်ကို အရှက်တကွဲဖြစ် စေသည့်အခါ၊ ကျွန်မ၏ စိတ်က ရှုပ်ထွေးခဲ့ပြီး နာကျင်မှုနှင့် စိတ်ပျက်မှုထဲတွင် ကျွန်မ ရှိခဲ့ရသည်။ ကျွန်မ၏ စိတ်ပူပန်မှုများ၊ စိုးရိမ်မှုများထဲတွင် တစ်နေ့လုံး ကျွန်မ နေထိုင်ရင်း၊ အချိန်ကုန်ခဲ့ပြီး အခြားသူများက ကျွန်မကို အထင်သေးကြမည်ကို အလွန်အမင်း စိုးရိမ်မိခဲ့သည်။ ကျွန်မ အလွန်သဘောထားကျဉ်းမြောင်းခဲ့ပါသည်။ ကျွန်မ တွေးခဲ့သမျှမှာ ထင်ပေါ်ဖို့ဖြစ်ခဲ့သော်လည်း၊ ကျွန်မထက် တစ်ဦးတစ်ယောက် ပိုတော်သည်ကို ကျွန်မ လုံးဝ မခံနိုင်ခဲ့ပါ။ ယင်းမှာ ကောင်းမွန်စွာလုပ်ဆောင်သောသူတို့ကို ဝန်တိုခြင်း၊ မနာလိုခြင်း မဟုတ်ပါလား။ ယင်းထဲတွင် သာမန်လူ့သဘာဝ မရှိပါ။ ပြန်စဉ်းစားကြည့်သည့်အခါ၊ ဘုရားသခင်ကို ကျွန်မ မယုံကြည်မီတွင် ကျွန်မလည်း ထိုသို့ဖြစ်ခဲ့ပါသည်။ မိတ်ဆွေများနှင့် အမျိုးများ၊ အိမ်နီးချင်းများနှင့် လုပ်ဖော်ကိုင်ဖက်များတိုဖြင့် ကျွန်မ အပြန်အလှန်ဆက်ဆံခဲ့ချိန်တွင်၊ အခြားသူများက ကျွန်မကို အကောင်းပြောစေဖို့ကို စဉ်ဆက်မပြတ် ကျွန်မ စဉ်းစားနေခဲ့သည်။ တစ်ခါတစ်ရံ၊ လုပ်ဖော်ကိုင်ဖက်တစ်ဦးက အခြားတစ်ဦး၏ အလုပ်ကို ကျွန်မ ရှေ့တွင် ချီးမွမ်းသည့်အခါ၊ ကျွန်မ ဘဝင်မကျဖြစ် ပြီး၊ ကျွန်မကို အခြားသူများက ချီးမွမ်းကြစေဖို့ရန်အလို့ငှာ၊ ကျွန်မအလုပ်ကို ကောင်းကောင်းမွန်မွန် ခေါင်းမဖော်ဘဲ လုပ်ခဲ့သည်၊ မည်မျှ ခက်ခဲပါစေ၊ မည်မျှ ခြေကုန်လက်ပန်းကျစရာဖြစ်ပါစေ ကျွန်မ ထိုအရာကို လုပ်ဖို့ ပျော်ရွှင်ခဲ့သည်။ ယခုတွင်မှ၊ ဤသရုပ်သကန်များက ဆိုးယုတ်သော ဖောက်ပြန်ပျက်စီးသည့် စိတ်သဘောထားများ အမြဲဖြစ်ခဲ့သည်ကို ကျွန်မ နားလည်ခဲ့ရသည်။ ယင်းကို ကျွန်မ နားလည်လိုက်သည်နှင့် တပြိုင်နက်၊ အစ်မလျူက တစ်ဖန် ဤအရာကို မိတ်သဟာယ စာပိုဒ်နှင့် ချိတ်ဆက်ခဲ့ပြီး၊ ကျွန်မအတွက် လက်တွေ့လုပ်ဆောင်ဖို့ လမ်းကြောင်းတစ်ခုကို ထောက်ပြခဲ့သည်။ ယင်းမှာ ဘုရားသခင် ရှေ့မှောက်သို့ လာပြီး သူ့ထံဆုတောင်းရန်၊ ကိုယ်တော်က ကျွန်မကို စိတ်ဝိညာဉ်တွင် ရက်ရောသူတစ်ဦးဖြစ်စေဖို့ ကူညီနိုင်ဖို့ရန်အလို့ငှာ၊ ကျွန်မ ထုတ်ဖော်ပြသည့် ကိုယ်ပိုင် အခက်အခဲများနှင့် ကျွန်မ၏ ဖောက်ပြန်ပျက်စီးမှုကို ဘုရားသခင်ထံ ဖွင့်ဟရန် ဖြစ်သည်။ ထို့နောက်တွင် ဘုရားသခင်ရှေ့ ကျွန်မ မကြာခဏ လာခဲ့ပြီး၊ ကျွန်မ၏ အခက်အခဲများနှင့် ပတ်သက်၍ သူ့ထံ ဆုတောင်းခဲ့ပါသည်။ လူသားမျိုးနွယ်၏ ဖောက်ပြန်ပျက်စီးသော စိတ်သဘောထားကို သူ တရားစီရင်ခြင်းနှင့် ဖော်ထုတ်ခြင်းနှင့်ဆိုင်သော ဘုရားနှုတ်ကပတ်တော်များ ကိုလည်း ကျွန်မ သတိရှိရှိ ပိုမို ဖတ်ရှုခဲ့ပါသည်။ ဘုရားနှုတ်ကပတ်တော်များမှ ဉာဏ်အလင်းပေးခြင်းများ နှင့် အလင်းတို့ကို ကျွန်မ ရရှိသည့်အခါ၊ ကျွန်မ ညီအစ်ကို မောင်နှမများကို အချိန်မရွေး ကျွန်မ ဝေမျှခဲ့ပါသည်။ သူတို့လည်း သူတို့ ရရှိပြီး နားလည်ခဲ့သည့်အရာတို့ကို ပြောခဲ့ကြသည်။ ကျွန်မ ဘယ်သောအခါမျှ စိတ်မကူးခဲ့ဖူးသော်လည်း၊ ဘုရား နှုတ်ကပတ်တော်များကို ကျွန်မဘာသာ ဖတ်ရှုခြင်းထက်၊ ဤလက်တွေ့လုပ်ဆောင်မှုမျိုးက အကျိုးကျေးဇူးများကို ပိုမိုပင်ရရှိစေခဲ့ ပါသည်။ ဝတ်ပြုအစည်းအဝေး များတွင်၊ ကျွန်မ မည်မျှနားလည်ခဲ့ သည်ကို အခြေခံ၍ မိတ်သဟာယတွင် ကျွန်မ ဝေမျှခဲ့ပြီး ကျွန်မ စိတ်နှလုံးကို တိတ်ဆိတ်စေပြီး အခြားသူများ၏ မိတ်သဟာယကို နားထောင်ခြင်းအပေါ် ကျွန်မ အာရုံစိုက်ခဲ့သည်။ ကျွန်မ၏ ညီအစ်ကို မောင်နှမများက ဘုရားသခင်၏ နှုတ်ကပတ်တော်များကို လက်တွေ့ လုပ်ဆောင်ခြင်းနှင့်ဆိုင်သည့် သူတို့၏ အတွေ့အကြုံများနှင့် သက်သေခံချက်များအကြောင်း ပြောဆိုနိုင်ကြချိန်တွင်၊ ကျွန်မလည်း ကြီးမားသည့် စိတ်ဓာတ်မြှင့်တင်ခြင်းရရှိခဲ့သည်ကို ကျွန်မတွေ့ရှိခဲ့ ရသည်မှာ ဤလက်တွေ့လုပ်ဆောင်မှုမျိုးမှတဆင့်သာ ဖြစ်ပါသည်။ ဤလက်တွေ့လုပ်ဆောင်မှုမျိုးကို အချိန်ကာလတစ်ခုကြာ လုပ်ဆောင်ပြီးသည့်နောက်၊ အရင်ထက် ကျွန်မ၏ မနာလိုဝန်တိုမှုက အားပျော့လာခဲ့သော်လည်း၊ ဝတ်ပြုအစည်းအဝေးတိုင်းတွင်၊ အခြားညီအစ်ကို မောင်နှမများက အစ်မ ဝမ်၏ မိတ်သဟာယကို အမှန်တကယ် ချီးကျူးကြသည်ကို ကျွန်မ တွေ့ရသည့်အခါ၊ မနာလိုမှုအချို့ ကျွန်မ မခံစားဘဲမနေနိုင်ဆဲသာ ရှိသည်။ ကျွန်မနှင့် သူ့ကြားတွင် ခပ်စိမ်းစိမ်းဖြစ်ခြင်း အနည်းငယ်ကို ကျွန်မ အမြဲခံစားခဲ့ရပြီး၊ သူနှင့် ပုံမှန်အတိုင်း ကျွန်မ မဆက်ဆံနိုင်ခဲ့ပါ။ ထိုအခြေအနေထဲတွင် အသက်ရှင်ရင်း၊ ကျွန်မ၏ ညီအစ်ကို မောင်နှမများထံ ကျွန်မ မဖွင့်ဟဝံ့ခဲ့ပါ။ ကျွန်မ ဖွင့်ဟလျှင်၊ သူတို့ ကျွန်မကို အထင်သေးကြမည်ကို ကျွန်မ ကြောက်ခဲ့သည်။ ထို့ကြောင့်၊ အစည်းအဝေးအချို့အတွင်းတွင်၊ ကျွန်မ စိတ်နှလုံး၌ လွတ်မြောက်မှုကို မရရှိနိုင်ခဲ့ပါ။ ကျွန်မ၏ အခက်အခဲများနှင့်ပတ်သက်၍ ဘုရားသခင်ထံ ၌သာ ကျွန်မ ဆုတောင်းနိုင်ခဲ့သည်။ “အို ဘုရားရှင်။ ဒီနေ့ မမှန်တဲ့ အခြေအနေတစ်ခုမှာ ကျွန်မ တစ်ခါပြန်ပြီးရှိနေပါတယ်။ ကိုယ်တော် ကျွန်မကို ဦးဆောင်တော်မူပါ...”

တစ်ညနေတွင်၊ အစ်မလျူသည် ကျွန်မကို ဖုန်းတစ်ချက်ဆက်ခဲ့သည်။ ခုတစ်လော ကျွန်မ အခက်အခဲများ ကြုံနေခဲ့ခြင်း ရှိမရှိနှင့် ပတ်သက်၍ သူက မေးမြန်းခဲ့သည်။ “ကျွန်မရဲ့ ဖောက်ပြန်ပျက်စီးမှုက အရမ်းနက်ရှိုင်းတယ်။ ကျွန်မလို လူတစ်ယောက်ကို ဘုရားသခင်က မကယ်တင်တာ ဖြစ်နိုင်မလား” ဟု မရေမရာနှင့် ကျွန်မ ပြန်ဖြေခဲ့သည်။ ကျွန်မကို သူ အထင်သေးမည်စိုးသောကြောင့်၊ နောက်ထပ်ဘာမျှ ကျွန်မ မပြောခဲ့ပါ။ အစ်မလျူက ဘုရားနှုတ်ကပတ်တော်များ စာတစ်ပိုဒ်ကို ကျွန်မအတွက် ဖတ်ပေးခဲ့ပါသည်။ “‘အခြားသူများအား ကျွန်ုပ်၏ မကောင်းသော သို့မဟုတ် ဖောက်ပြန်ပျက်စီးသော ဘက်ကို ပြောပြရန်မလိုအပ်ပေ၊ ကျွန်ုပ်ပြောပြရန်လိုသလော’ ဟု ဆိုကြ၏။ အကယ်၍ သင် ဤအရာများကို မပြောပါက၊ သင့်ကိုယ်သင် လေ့လာဆန်းစစ်ခြင်း မပြုပါက သင်သည် သင့်ကိုယ်သင် မည်သည့်အခါမျှ သိလိမ့်မည်မဟုတ်၊ သင်သည် မည်သည့်အရာဖြစ်ကြောင်း မည်သည့်အခါမျှ သိလိမ့်မည်မဟုတ်ဘဲ အခြားသူများ သင့်ကို ယုံကြည်ရန် အခွင့်အရေးရှိလိမ့်မည်မဟုတ်ပေ။ ဤသည်မှာ အမှန်တရားဖြစ်သည်။ အကယ်၍ သင့်အား အခြားသူများ ယုံကြည်စေလိုလျှင် သင်သည် ပထမဦးစွာ ရိုးသားရမည်။ ရိုးသားရန်အတွက် သင်၏ စိတ်နှလုံးကို ပထမဆုံး ဖွင့်ပြရမည်၊ ထိုမှသာ အယောက်တိုင်းသည် သင်၏စိတ်နှလုံးကို မြင်နိုင်မည်၊ သင် တွေးနေသောအရာအားလုံးကို မြင်နိုင်ပြီး သင်၏သရုပ်မှန်ကို မြင်နိုင်မည်ဖြစ်သည်၊ သင်သည် ဟန်ဆောင်ခြင်း သို့မဟုတ် သင့်ကိုယ်သင် ဖုံးကွယ်ရန်ကြိုးစားခြင်း မပြုအပ်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ) ဘုရားထံမှ ဤနှုတ်ကပတ်တော်များကို ဖတ်ရှုပြီးနောက်တွင်၊ သူက မိတ်သဟာယပြုခြင်းအားဖြင့် ဝေမျှခဲ့သည်။ “မိတ်သဟာယမှာ ဖွင့်ဟပြီး၊ ဝေမျှတာက ညီမရဲ့ စိတ်နှလုံးကို လွတ်လပ်စေဖို့ နည်းလမ်းတစ်ခုပဲ။ အစ်မတို့ရဲ့ စိတ်နှလုံးတွေထဲမှာ အခက်အခဲကို သိုဝှက်သိမ်းထားမယ်ဆိုရင်၊ အစ်မတို့က စာတန်ရဲ့ ကစားတာကို အလွယ်တကူပိုခံရပြီး၊ အစ်မတို့ရဲ့ အသက်တာက ဆုံးရှုံးမှု ခံစားရလိမ့်မယ်။ ဖွင့်ဟပြီး အဲဒါကို ထုတ်ပြီးပြောပြပေးတာက သမ္မာတရားကို လက်တွေ့လုပ်ဆောင်တာ ဖြစ်ပြီး၊ ရိုးသားတဲ့လူတစ်ဦးဖြစ်တာပဲ။ အဲဒါဆိုရင် အစ်မတို့ရဲ့ ညီအစ်ကို မောင်နှမတွေဆီကနေ အကူအညီလည်း ရနိုင်တယ်။ ဒါက အစ်မတို့ရဲ့ အခက်အခဲတွေကို ပိုပြီး မြန်မြန်ဆန်ဆန် ပြေလည်ခွင့်ပေးတယ်။ အစ်မတို့ရဲ့ အသက်တာတွေထဲမှာ ကြီးထွားတိုးတက်မှုကို အစ်မတို့ တွေ့ကြုံမှာဖြစ်ပြီး၊ အစ်မတို့ရဲ့ စိတ်နှလုံးတွေက လွတ်မြောက်မှုကို တွေ့ကြုံရမှာဖြစ်တယ်။ အဲဒါ ကောင်းတဲ့အရာတစ်ခု မဟုတ်လား” အစ်မလျူ၏ မိတ်သဟာယကို နားထောင်ပြီးသည့်နောက်၊ ကျွန်မ၏ သတ္တိမွေးခဲ့ပြီး၊ ကျွန်မ ကြုံနေခဲ့ရသည့်အရာကို သူ့ကို ပြောပြခဲ့သည်။ သူ ကျွန်မကို ပြီးအောင်နားထောင်ပြီးနောက်၊ ကျွန်မကို သေးသိမ်စေသည့် အရိပ်အယောင် သို့မဟုတ် ကျွန်မအပေါ် အထင်အသေးသည့် အရိပ်အယောင်မရှိသည်သာမက၊ သူမ၏ ကိုယ်ပိုင်အတွေ့အကြုံကိုလည်း ကျွန်မနှင့်အတူ စိတ်ရှည်ရှည် ဝေမျှခဲ့သည်မှာ ကျွန်မ လုံးဝ ထင်မထားမိခဲ့ပါ။ သူမ မည်သို့ မနာလိုဝန်တိုတတ်သည့် လူတစ်ဦးဖြစ်ခဲ့ပြီး၊ ယင်းမှ သူမည်သို့ ပြောင်းလဲလာခဲ့ပုံတို့ကို ကျွန်မကို သူပြောပြခဲ့ပါသည်။ သူမ၏ မိတ်သဟာယကို ကြားပြီးသည့်နောက်၊ ကျွန်မ အလွန် အံ့အားသင့်ခဲ့ပါသည်။ “ဒီတော့ အစ်မမှာလည်း ဒီဖောက်ပြန် ပျက်စီးခြင်း ဖော်ပြမှုမျိုး ရှိခဲ့တာပေါ့” ဟု ကျွန်မ တွေးခဲ့သည်။ အစ်မလျူက ကျွန်မ၏ အခြေအနေနှင့် ဆက်နွယ်သည့် နောက်ထပ် ဘုရားနှုတ်ကပတ်တော်များ စာပိုဒ်ကို ဖတ်ရှုခဲ့ပါသည်။ “ဘုရားသခင် ကယ်တင်သော လူတို့သည် စာတန်၏ ဖောက်ပြန်ပျက်စီးခြင်းနည်းလမ်းဖြင့် ဖောက်ပြန်ပျက်စီးသော စိတ်သဘောထားများ ရှိကြသူများ ဖြစ်သည်၊ သူတို့သည် အပြစ်အနာအဆာ နည်းနည်းမျှမရှိကြသည့် စုံလင်သော လူများ မဟုတ်ကြသလို၊ လက်တွေ့ဘဝနှင့် ကင်းကွာလျက် အသက်ရှင်ကြသည့် လူများမဟုတ်ကြပါ။ အချို့အတွက်၊ မိမိတို့၏ ဖောက်ပြန်ပျက်စီးခြင်း ဖော်ထုတ်ခံရသည်နှင့်တပြိုင်နက်၊ သူတို့က၊ ‘ထပ်ပြီး ဘုရားသခင်ကို ငါ ခုခံမိပြန်ပြီ၊ ဘုရားသခင်ကို ငါ နှစ်တွေအများကြီး ယုံကြည်ခဲ့တယ်၊ ဒါပေမဲ့ ငါ မပြောင်းလဲသေးဘူး။ ဘုရားသခင် ငါ့ကို မလိုချင်တော့တာ သေချာပါတယ်’ ဟု တွေးကြသည်။ ဤသဘောထားမျိုးသည် အဘယ်သို့နည်း။ ၎င်းတို့သည် မိမိတို့ကိုယ်ကိုယ်အပေါ် လက်လျှော့လိုက်ကြပြီး ဘုရားသခင်က ၎င်းတို့ကို မလိုချင်တော့ဟု တွေးကြသည်။ ဤသည်မှာ ဘုရားသခင်ကို နားလည်မှုလွဲခြင်းကိစ္စတစ်ခု မဟုတ်ပါလော။ အပျက်သဘောဆောင်ခြင်းက သင်၏ ချပ်ဝတ်တန်ဆာတွင် အက်ကြောင်းရာများကို ရှာတွေ့ဖို့ စာတန်ကို အလွယ်ကူဆုံးဖြစ်စေသည်၊ ယင်းက အောင်မြင်သည်နှင့် တစ်ပြိုင်နက်၊ အကျိုးဆက်များမှာ မတွေးတတ်အောင် ဖြစ်သည်။ ထို့ကြောင့်၊ အခက်အခဲမည်မျှတွင် သင်ရှိနေပါစေ၊ သို့မဟုတ် အပျက်သဘောဆောင်မှုကို မည်မျှ သင်ခံစားရပါစေ၊ သင် မည်သည့်အခါမျှ အရှုံးမပေးရ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ) ထို့နောက် မိတ်သဟာယတွင် သူမ ဝေမျှခဲ့ပါသည်။ “အစ်မတို့အားလုံးက စာတန်ရဲ့ နက်နက်ရှိုင်းရှိုင်း ဖောက်ပြန်ပျက်စီး စေတာကို ခံခဲ့ရတဲ့ လူတွေပါ။ မာနထောင်လွှားမှု၊ လှည်ဖြားမှု၊ တစ်ကိုယ်ကောင်းဆန်မှု၊ အခြားသူတွေကို မနာလိုဝန်တိုမှု- ဒီဖောက်ပြန်ပျက်စီးတဲ့ စိတ်သဘောထားတွေအားလုံးက လူတွေထဲမှာ အရမ်းကို နက်နက်ရှိုင်းရှိုင်း ခိုင်မာစွာ အမြစ်တွယ်ခဲ့တယ်။ အစ်မတို့ကို သန့်စင်ပြီး ပြောင်းလဲစေဖို့ တရားစီရင်ခြင်းနဲ့ ပြစ်တင်ဆုံးမခြင်း အမှုတော်ကို လုပ်ဆောင်ဖို့ အခု ဘုရားသခင် ကြွလာပြီဖြစ်တယ်။ အစ်မတို့ ကိုယ့်ကိုယ်ကိုယ် မှန်မှန်ကန်ကန် ဖြေရှင်းရမယ်၊ ပြီးတော့ အပျက်သဘောဆောင်ခြင်းနဲ့ နားလည်မှုလွဲခြင်းတွေထဲမှာ အသက်မရှင်ရဘူး။ သမ္မာတရားကို ရည်ရွယ်ချက်နဲ အစ်မတို့ ရှာဖွေလိုက်စားသရွေ့၊ ဘုရားနှုတ်ကပတ်တော်တွေရဲ့ တရားစီရင်ခြင်းနဲ့ ပြစ်တင်ဆုံးမခြင်းတွေကို လက်ခံသရွေ့၊ ဘုရားနှုတ်ကပတ်တော်တွေ နဲ့အညီ အစ်မတို့ရဲ့ ကိုယ်ပိုင် ဖောက်ပြန်ပျက်စီးတဲ့ အနှစ်သာရတွေအပေါ် ပြန်လည်သုံးသပ် ပြီး နားလည်သရွေ့၊ ပြီးတော့ ဇာတိပကတိကို စွန့်လွှတ်ပြီး သမ္မာတရားကို လက်တွေ့ လုပ်ဆောင်နိုင်သရွေ့၊ အစ်မတို့ရဲ့ အသက်တာ စိတ်သဘောထားက ပြောင်းလဲမှု ကြုံမဲ့တစ်နေ့ ရောက်လာမှာဖြစ်ပြီး၊ စစ်မှန်တဲ့ လူသား ပုံသဏ္ဍာန်ကို အစ်မတို့ အသက်ရှင်နေထိုင်နိုင်မှာဖြစ်တယ်” အစ်မလျူ၏ မိတ်သဟာယကို ကျွန်မ ကြားသည့်နောက်၊ ကျွန်မ၏ စိတ်နှလုံး အလွန်လွတ်လပ်သည်ကို ခံစားခဲ့ရပြီး၊ ဘုရားသခင်၏ အလိုတော်ကိုလည်း ကျွန်မနားလည်ခဲ့ပါသည်။ ကျွန်မ၏ ကိုယ်ပိုင် ဖောက်ပြန်ပျက်စီးခြင်းကို ကျွန်မ မှန်မှန်ကန်ကန် ရင်ဆိုင်ပြီး၊ ကျွန်မ၏ ကိုယ်ပိုင် ဖောက်ပြန်ပျက်စီးခြင်းကို ဖြေရှင်းဖို့ မိမိကိုယ်ကိုယ် သိရှိခြင်းနဲ့ သမ္မာတရားကို ရှာဖွေခြင်းတို့အပေါ် အာရုံစိုက်သင့်ရုံ သာမက၊ ရိုးသားသည့် လူတစ်ဦးဖြစ်ခြင်းကိုလည်း ကျွန်မ လက်တွေ့လုပ်ဆောင်သင့်ပြီး၊ ထိုအချိန်ကာလတစ်လျှောက် ကျွန်မ ထုတ်ဖော်ပြခဲ့သည့် ဖောက်ပြန်ပျက်စီးခြင်းအကြောင်းကို ကျွန်မ၏ ညီအစ်ကို မောင်နှမများထံ ဖွင့်ဟသင့်ပါသည်။ ဤအရာက စာတန်ကို သူ့အလုပ်လုပ်ဖို့ အခွင့်အရေးတစ်ခုကို ပိတ်ပင်လိမ့်မည်ဖြစ်ပြီး၊ သမ္မာတရားကို လက်တွေ့လုပ်ဆောင်ခြင်းမှ တဆင့်လည်း စာတန်ကို အရှက်ရစေလိမ့်မည်ဖြစ်သည်။ နောက်နေ့တွင် ကျွန်မအိမ်သို့ အစ်မလျူ တစ်ဖန်လာခဲ့ပြီး၊ ဘုရားနှုတ်ကပတ်တော်များမှ စာတစ်ပိုဒ်ကို ကျွန်မတို့အတူ ဖတ်ရှုခဲ့ကြပါသည်။ “ရာထူး၊ မျက်နှာ သို့မဟုတ် နာမည်ဂုဏ်သခင်းတို့ကို့ ထိုအရာက ထိတွေ့သည်နှင့်တပြိုင်နက်၊ လူတိုင်း၏ စိတ်နှလုံးများက မျှော်လင့်စောင့်စားချက်ဖြင့် ခုန်တက်သွားကြပြီး သင်တို့အသီးသီးက ထင်ပေါ်ချင်ကြသည်၊ ကျော်ကြားချင်ကြပြီး အသိအမှတ်ပြုခံချင်ကြသည်။ လူတိုင်းက အလျှော့ပေးရန် မလိုလားကြ၊ ယင်းအစား ယှဉ်ပြိုင်ခြင်းက စိတ်ကသိကအောက်ဖြစ်စေပြီး ဘုရားအိမ်တော်ထဲတွင် ခွင့်မပြုထားသော်လည်း အမြဲ ဖက်ပြိုင်ချင်ကြသည်။ သို့သော်၊ ယှဉ်ပြိုင်မှုမရှိဘဲ သင်တို့သည် မရောင့်ရဲနိုင်ကြသေး။ တစ်စုံတစ်ဦးက ထင်ပေါ်သည်ကို သင်မြင်သည့်အခါ၊ မနာလိုဝန်တိုမှုကို သင်ခံစားရသည်၊ မုန်းတီးမှုကို ခံစားရပြီး ယင်းမှာ မျှတခြင်းမရှိဟု သင်ခံစားရသည်။ “ဘာကြောင့် ငါ မထင်ပေါ်နိုင်ရတာလဲ။ အဲဒီလူက ဘာလို့ အမြဲ ထင်ပေါ်ရတဲ့သူဖြစ်ရပြီး ငါ့အလှည့် ဘယ်တော့မှ မရောက်ရတာလဲ။” ထို့နောက် သင်သည် မကျေမချမ်းမှုအနည်းငယ် ခံစားရ၏။ ယင်းကို သင် ချုပ်တည်းရန် ကြိုးစား၏၊ သို့သော် သင် မတတ်နိုင်၊ ထို့ကြောင့် သင် ဆုတောင်းသည်။ ဆုတောင်းခြင်း ပြီးစီးပြီးနောက်၊ တစ်ခဏမျှ သင် သက်သာသလို ခံစားရသော်လည်း နောက်ပိုင်းတွင်၊ ဤကိစ္စရပ်ကို တစ်ဖန် သင် ကြုံရသည့်အခါ၊ ယင်းကို သင် မကျော်လွှားနိုင်ပေ။ ယင်းမှာ ရင့်ကျက်မှုမရှိသည့် ၀ိညာဉ်အသက်တာ အခြေအနေ မဟုတ်သလော။ လူတစ်ဦးက ထိုသို့သော အခြေအနေတွေထဲ ကျဆင်းရခြင်းသည် ထောင်ချောက် တစ်ခုမဟုတ်လော။ ဤသည်တို့မှာ လူသားများကို ချည်နှောင်သော စာတန်၏ ဖောက်ပြန်ပျက်စီးသည့် သဘာဝ၏ အချုပ်အနှောင်များ ဖြစ်ကြသည်။...သင်သည် အခြားသူတို့ကို အလျှော့ပေးဖို့၊ ထောက်ခံဖို့ နှင့် သူတို့ကို ထင်ပေါ်ခွင့်ပေးဖို့ရန် ဤအရာများကို လက်လွှတ်ဖို့နှင့် ဘေးဖယ်ထားဖို့ သင်ယူရမည်။ ထင်ပေါ်ဖို့ သို့မဟုတ် ဂုဏ်အသရေကို ရရှိရန် အခွင့်အရေးတစ်ခုကို သင် ကြုံရသည့်အခိုက်တွင် အခွင့်အရေးယူဖို့ သဲသဲမဲမဲ မကြိုပမ်းနှင့်၊ သို့မဟုတ် လောမကြီးနှင့်။ စွန့်လွှတ်ဖို့ရန် သင် သင်ယူရမည်၊ သို့သော် သင်၏ တာဝန်ကို ဆောင်ရွက်ခြင်းအား နှောင့်နှေးရမည်မဟုတ်။ တိတ်တဆိတ် မထင်ပေါ်ခြင်း၌ အလုပ်လုပ်ပြီး သင်၏ တာဝန်ကို ဆောင်ရွက်ရာတွင် အခြားသူများကို မကြွားဝါသော လူတစ်ဦး ဖြစ်လော့။ သင် လက်လွှတ်ပြီး ဘေးဖယ်ထားလေလေ၊ ပိုငြိမ်းချမ်းမှုရှိလေလေ ဖြစ်လာလိမ့်မည်ဖြစ်ပြီး သင်၏ စိတ်နှလုံးအတွင်း၌ နေရာပိုပွင့်လာလေလေဖြစ်ကာ သင်၏အခြေအနေ ပိုတိုးတက်လာလေလေ ဖြစ်လိမ့်မည်။ သင် ပိုမိုကြိုးပမ်းပြီး ယှဉ်ပြိုင်လေလေ၊ သင်၏ အခြေအနေက ပိုမိုမှောင်မိုက်လေလေ ဖြစ်လိမ့်မည်။ သင်မယုံလျှင် စမ်းကြည့်ပလော့။ ဤအခြေအနေမျိုးကို သင် ပြောင်းလဲလိုပြီး ဤအရာများအားဖြင့် အထိန်းအချုပ်မခံလိုလျှင်၊ ယင်းတို့ကို သင် ဦးစွာ ဘေးဖယ်ထားပြီး စွန့်လွှတ်ရမည်။ သို့မဟုတ်လျှင်၊ သင် ပိုမို ကြိုးပမ်းလေလေ၊ အမှောင်ထုက သင့်ကို ဝိုင်းရံ လေလေ ဖြစ်လိမ့်မည်ဖြစ်ပြီး၊ မနာလို ဝန်တိုမှုနှင့် မုန်းတီးမှုတို့ကို သင်ခံစားရလေလေဖြစ်ကာ သင်၏ ရရှိရန်စိတ်ဆန္ဒက ပို၍သာ သန်မာလာလိမ့်မည်ဖြစ်သည်။ သင်၏ ရရှိရန်ဆန္ဒ ပိုမိုသန်မာလေလေ၊ ထိုသို့လုပ်ဆောင်နိုင်စွမ်း လျော့နည်းလေလေ ဖြစ်လိမ့်မည်ဖြစ်ပြီး ရရှိမှုလျော့နည်းလေလေ၊ သင်၏ မုန်းတီးမှု တိုးပွားလေလေ ဖြစ်လိမ့်မည်။ သင်၏ မုန်းတီးမှု တိုးပွားလေလေ၊ သင်သည် အတွင်း၌ ပိုတိုး၍ မှောင်မိုက်လေလေ ဖြစ်မည်။ အတွင်း၍ သင် မှောင်မိုက်လေလေ၊ သင်၏တာဝန်ကို ပိုမိုညံ့ဖျင်းစွာ သင်ဆောင်ရွက်လေလေဖြစ်ပြီး၊ သင်၏တာဝန်ကို ပိုမိုညံ့ဖျင်းစွာ သင်ဆောင်ရွက်လေလေ၊ သင် အသုံးဝင်မှု လျော့နည်းလေလေ ဖြစ်လိမ့်မည်။ ဤသည်မှာ ချိတ်ဆက်ထားသော ရုန်းမထွက်နိုင်သည့် ဝဲသြဃ ဖြစ်သည်။ ထိုသို့သော အခြေအနေတစ်ခုတွင် သင်သည် သင်၏တာဝန်ကို ကောင်းစွာ မဆောင်ရွက်နိုင်၊ ထို့ကြောင့်၊ တဖြည်းဖြည်း သင်သည် ဖယ်ရှားခံရလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ) ဘုရားနှုတ်ကပတ်တော်များကို ဖတ်ရှုပြီးသည့်နောက်၊ သူက ဤအရာကို သူ၏အတွေ့အကြုံနှင့် ဆက်စပ်ခဲ့ပြီး၊ လူတို့၏ မနာလိုမှု အရင်းအမြစ်နှင့် ပတ်သက်၍ မိတ်သဟာယ ပြုခဲ့ပါသည်။ ထို့နောက်တွင်မှ နာမည်နှင့် အဆင့်အတန်းအတွက် ကျွန်မ၏ ကိုယ်ပိုင် ဆန္ဒက အလွန်ပြင်းထန်ပြီး၊ ကျွန်မ၏ စိတ်သဘောထားက အလွန် မာနထောင်လွှားသောကြောင့် ဤအရာအားလုံး ဖြစ်ရသည်ကို ကျွန်မ နားလည်ခဲ့ရသည်။ ထိုဖောက်ပြန်ပျက်စီးသော စိတ်သဘောထား များဖြင့် စိုးမိုးခံရလျက်၊ ကျွန်မ၏ ရည်မှန်းချက်နှင့် ရန်လိုမှုတို့က အလွန်ကြီးမားခဲ့ပြီး၊ မည်သည့်အရာကို ကျွန်မ လုပ်ဆောင်ပါလေ့စေ၊ အခြားသူများအထက်တွင်သာ ကျွန်မ ရှိချင်ခဲ့သည်။ ကျွန်မ လူမှုအဖွဲ့အစည်း၏ တစ်စိတ်တစ်ပိုင်း ဖြစ်သည့်အချိန်တွင် ထိုသို့ဖြစ်ခဲ့ပြီး၊ အသင်းတော်တွင်လည်း ကျွန်မ ထိုသို့ဖြစ်ခဲ့သည်။ ဝတ်ပြုအစည်းအဝေးများ၊ မိတ်သဟာယနှင့် ဆုတောင်းချိန် အတွင်းတွင်ပင်၊ အခြာလူများထက် ပိုတော်သည့်အဖြစ်ကို ကျွန်မ စဉ်းစားနေဆဲဖြစ်ပြီး၊ အခြားသူများက ကျွန်မကို ချီးမွမ်းမှသာ ကျွန်မ ပျော်ရွှင်ခဲ့သည်။ အခြားတစ်ဦးဦးက ကျွန်မထက် ပိုတော်သည်နှင့်တပြိုင်နက်၊ ယင်းကို ကျွန်မ လက်မခံနိုင်ဘဲ မနာလိုဖြစ်လာခဲ့သည်။ ကျွန်မသည် ထိုအရာကို အာခံပြီး ဆန့်ကျင်လုပ်ဆောင်ခဲ့သည်။ ယင်းကို ကျွန်မ အမှန်တကယ် မသာလွန်နိုင်သည့်အခါ၊ အပျက်သဘောဆောင်ခြင်း အတွင်းတွင်သာ ကျွန်မ အသက်ရှင်ခဲ့ပြီး၊ ကျွန်မကိုယ်ကျွန်မ မှန်မှန်ကန်ကန် မရင်ဆိုင်နိုင်ခဲ့ပါ။ ဘုရားသခင်ကိုပင် ကျွန်မ နားလည်မှုလွဲခဲ့ပြီး၊ ဘုရားသခင်၏ ကယ်တင်ခြင်းအတွက် ကျွန်မသည် ပစ်မှတ်တစ်ခု မဖြစ်နိုင်ဟု ယုံကြည်ခဲ့သည်။ စာတန်၏ ဖောက်ပြန်ပျက်စီးခြင်းက ကျွန်မကို မာနထောင်လွှားစေပြီး၊ ပျက်လွယ်စေခဲ့သည်၊ တစ်ကိုယ်ကောင်းဆန်စေပြီး စက်ဆုပ်စရာဖြစ်စေခဲ့သည်၊ ပြီးလျှင် ကျွန်မ၏ ဘဝမှာ ပြောရက်စရာမရှိအောင် စိတ်မချမ်းမြေ့စရာ ဖြစ်လာခဲ့သည်ကို ကျွန်မ မြင်တွေ့ခဲ့ရသည်။ ဘုရားနှုတ်ကပတ်တော် အတွင်းမှ လက်တွေ့လုပ်ဆောင်ခြင်း နှင့်ဆိုင်သည့် လမ်းကြောင်းတစ်ခုကို ကျွန်မ ရှာတွေ့ခဲ့သည်။ စွန့်လွှတ်ရန်၊ အမှုအရာများကို ဘေးဖယ်ရန်၊ ဘုရားသခင်၏ သတ်မှတ်ချက်များ အတိုင်း ကျွန်မ၏ ဇာတိပကတိကို စွန့်လွှတ်ရန်၊ ကျွန်မ သင်ယူရမည်ဖြစ်ပြီး ကျွန်မ အစ်မ၏ အားသာသော အချက်များမှ ကျွန်မ ပိုမိုသင်ယူပြီး၊ ကျွန်မ၏ အားနည်းချက်များအတွက် အစားထိုးရပါမည်။ ဤသည်သာ ဘုရားသခင်၏ အလိုတော် ဖြစ်သည်။ ဤအရာသည် သမ္မာတရားများကို နားလည်ရန်နှင့် ပိုမိုရရှိရန် တစ်ခုတည်းသော နည်းလမ်းဖြစ်သည်။ ထို့နောက်တွင်၊ အစ်မလျူက ဘုရားနှုတ်ကပတ်တော်များမှ နောက်ထပ်စာပိုဒ်ကို ဖတ်ရှုခဲ့သည်။ “လုပ်ငန်းဆောင်တာများ မတူညီနိုင်ပါ။ ခန္ဓာကိုယ်တစ်ခုတည်းရှိလျက် အစိတ်အပိုင်း တစ်ခုစီသည် ကိုယ်ပိုင်နေရာ၌ ကိုယ်ပိုင်တာဝန်၊ အကောင်းဆုံး လုပ်ဆောင်ကြပြီး (မီးပွားတစ်စစ တွင် မီးတောက်အလင်း ရောင်တစ်ခုပါ ဝင်၏။) အသက်တာတာ၌ရင့်ကျက်မှုကို ရှာဖွေကြသည်။ ဤသို့သောအားဖြင့် ငါသည် ကျေနပ်လိမ့် မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂၁” အစအဦး၌ ခရစ်တော်၏မိန့်မြွက်ချက်များ) ဘုရားသခင်ထံမှ ဤနှုတ်ကပတ်တော်များကို ကျွန်မ ဖတ်ရှုပြီးသည်နှင့်တပြိုင်နက်၊ ဘုရားသခင် ပေးသော အစွမ်းအစနှင့် ဆုကျေးဇူးများသည် လူတစ်ဦးစီအတွက် ကွဲပြားသည်ကို ကျွန်မ နားလည်ခဲ့ရသည်။ သို့သော် ဤအရာများက မည်သည့်အရာဖြစ်ပါလေ့စေ၊ ဘုရားသခင်၏ အဖန်ဆင်းခံ သတ္တဝါတစ်ဦးနှင့်ဆိုင်သော တာဝန်ကို သူတို့ ဆောင်ရွက်ပြီး၊ ဘုရားသခင်အဖို့ သက်သေခံကာ၊ ဘုန်းထင်ရှားစေ သင့်ပါသည်။ အစ်မဝမ်က အစွမ်းအစကောင်းရှိပြီး သမ္မာတရားကို သူမ မြန်မြန်ဆန်ဆန် နားလည်သည်မှာ ဘုရားသခင် စီမံခဲ့သည့်အရာ ဖြစ်သည်။ ဤအရာကို ကျွန်မ မှန်မှန်ကန်ကန် ကိုင်တွယ်သင့်ပြီး၊ ကျွန်မတို့အယောက်စီတိုင်းကို ဘုရားသခင် ပေးခဲ့သည့်အရာသည် အကောင်းဆုံးဖြစ်သောကြောင့် ကျွန်မ၏ ကိုယ်ပိုင် အားသာချက်များနှင့် အားနည်းချက်များကိုလည်း မှန်မှန်ကန်ကန် ကိုင်တွယ်သင့်ပါသည်။ ကိုယ်တော်က ကျွန်မရရှိဖို့အတွက် မည်သည့် အစွမ်းအစမျိုးကို စီမံခဲ့ပါလေ့စေ၊ သူ၏ အုပ်စိုးမှု နှင့် စီမံခန့်ခွဲမှုများကို ကျွန်မ နာခံရမည်ဖြစ်ပြီး၊ ကျွန်မ၏ ရည်ရွယ်ချက်များကို ပြုပြင်ကာ၊ ကျွန်မ၏ စိတ်နှလုံး အကြွင်းမဲ့ဖြင့် သမ္မာတရားကို ရှာဖွေလိုက်စားသင့်ပါသည်။ ကျွန်မ ရှင်းလင်းသည့်အရာကို ပိုခြင်းလျော့ခြင်း မရှိဘဲ ကျွန်မ မိတ်သဟာယ ပြုပါမည်။ ကျွန်မနားလည်သည့်အရာကို ပိုခြင်းလျော့ခြင်း မရှိဘဲ ကျွန်မ လက်တွေ့လုပ်ဆောင်ပါမည်။ ကိုယ်တော် စိတ်သက်သာရာရပြီး ကျေနပ်နုင်ဖို့ရန်အလို့ငှာ ဘုရားသခင်၏ရှေ့မှောက်တွင် ကျွန်မ အစွမ်းကုန် လုပ်ဆောင်ရပါမည်။ ဤအရာသည်သာ အဓိပ္ပါယ်ရှိနိုင်သည်။ ယင်းမှာ ကျွန်မ ရှာဖွေအလိုက်စားသင့်ဆုံးသော အရာလည်း ဖြစ်၏။ ထိုရည်ရွယ်ချက်ဖြင့်၊ ဘုရားသခင့်ရှေ့တွင် အောက်ပါ စိတ်ဆုံးဖြတ်ချက်ကို ကျွန်မ ချလိုက်ပါသည်။ ယခုချိန်မှစ၍၊ သမ္မာတရားကို ရှာဖွေလိုက်စားခြင်းထဲသို့ အားထုတ်မှုထားရှိဖို့ရန်၊ မာနထောင်လွှားခြင်းနှင့် တစ်ကိုယ်ကောင်းဆန်ခြင်းတို့နှင့်ဆိုင်သော ကျွန်မ၏ဆိုးယုတ်သော စိတ်သဘောထားကို အလျင်အမြန် စွန့်ပစ်ပြီး၊ ဘုရားသခင်ကို စိတ်ကျေနပ်စေရန် မှန်ကန်သော လူသားတစ်ဦး၏ ပုံသဏ္ဍာန်ကို အသက်ရှင်နေထိုင်ဖို့ ကျွန်မ လိုလားနေပါသည်။

နောက်ထပ် အသင်းတော် ဝတ်ပြုအစည်းအဝေးက အလွန်လျင်မြန်စွာ ရောက်လာခဲ့သည်။ ထိုအချိန်ကာလတစ်လျှောက် အစ်မဝမ်အပေါ် ကျွန်မ၏ မနာလိုခြင်းနှင့် စပ်လျဉ်း၍ မည်သည့် ဖောက်ပြန်ပျက်စီးမှုမျိုး ကျွန်မ ထုတ်ဖော်ပြခဲ့သည်ကို အစ်မဝမ်ထံ ကျွန်မ ဖွင့်ဟပြီး အလင်းပြချင်ခဲ့သော်လည်း် ဖောက်ပြန်ပျက်စီးမှု အလွန်များစွာ ကျွန်မ ထုတ်ဖော်ပြခဲ့သည်ကို သိရှိပြီးနောက်တွင် သူက ကျွန်မကို မည်သို့မြင်လိမ့်မည်ကို ကျွန်မ တွေးမိသည်နှင့်တပြိုင်နက်၊ ယင်းကို ကျွန်မ တကယ် မရင်ဆိုင်ဝံ့ခဲ့ပါ။ မိမိအတွင်းမှ၊ ဘုရားသခင်ထံ ကျွန်မ ဆုတောင်းခဲ့ပါသည်။ “အို ဘုရားရှင်။ ကျွန်မကို ယုံကြည်ခြင်းနဲ့ သတ္တိ ကိုယ်တော်ပေးတော်မူပါ။ ကျွန်မရဲ့ ဝင့်ဝါခြင်းကို ကျွန်မ ဘေးဖယ်ထားပြီး၊ ကျွန်မတို့ကြားက အတားအဆီးကို ဖျက်ဖို့ ကျွန်မရဲ့ ညီအစ်မနဲ့ ပွင့်ပွင့်လင်းလင်း ကျွန်မ ဝေမျှဖို့ လိုလားပါတယ်။” ဆုတောင်းပြီးနောက်၊ ကျွန်မ စိတ်နှလုံးတွင် ငြိမ်သက်ခြင်း ပိုမိုခံစားခဲ့ရပြီးနောက်၊ ထိုအချိန်ကာလတစ်လျှောက် ကျွန်မ၏ အခြေအနေနှင့် အတွေ့အကြုံများနှင့် ပတ်သက်၍ အရာရာကို ကျွန်မ ပြောပြခဲ့သည်။ အကျိုးဆက်အနေဖြင့်၊ ကျွန်မအပေါ် ကျွန်မ၏ ညီအစ်ကို မောင်နှများက အထင်မသေးခဲ့ကြရုံသာမက၊ ရိုးသားသည့်လူတစ်ဦးဖြစ်ခြင်းကို လက်တွေ့လုပ်ဆောင်ရာတွင် ကျွန်မ၏ သတ္တိကို သူတို့အားလုံး လေးစားခဲ့ကြသည်။ သူတို့က ကျွန်မ၏ အတွေ့အကြုံမှ၊ ဘုရားနှုတ်ကပတ်တော်များအတိုင်း လက်တွေ့လုပ်ဆောင်ခြင်းအားဖြင့်သာ မိမိတို့၏ ဆိုးယုတ်သော ဖောက်ပြန်ပျက်စီးသည့် စိတ်သဘောထားများကို စွန့်ပစ်နိုင်ပြီး လွတ်မြောက်မှုနှင့် လွတ်လပ်မှုတို့ကို ရရှိနိုင်သည်၊ ပြီးနောက်တွင် သူတို့ထိုအရာကို ကြုံရလျှင် ထိုသို့သောကိစ္စမျိုးကို မည်သို့ ရင်ဆိုင်ရမည်ကို သူတို့ သိရှိကြသည်ဟုလည်း ပြောကြလေသည်။ အနာဂတ် ဝတ်ပြုအစည်းအဝေးများတွင်၊ ကျွန်မ အစ်မ၏ မိတ်သဟာယကို ကျွန်မ လေးလေးနက်နက် နားထောင်ခဲ့ပြီး၊ သူ၏ အားသာချက်များစွာကို ကျွန်မ ရှာတွေ့ခဲ့သည်။ ပြဿနာများကို သူ ကြုံရသည့်အခါ ဘုရားသခင်ရှေ့ လာခြင်း၊ သမ္မာတရားကို ရှာဖွေခြင်းနှင့် ဘုရားနှုတ်ကပတ်တော်များအတွင်းမှ လက်တွေ့လုပ်ဆောင်ဖို့ လမ်းကြောင်းတစ်ခုကို ရှာတွေ့ခြင်းတို့အပေါ် အာရုံစိုက်နိုင်ခဲ့သည်ကို ကျွန်မ တွေ့ခဲ့ရသည်။ ဤအရာများသည် ကျွန်မ သင်ယူဖို့လိုအပ်သည့် ရှုထောင့်များအားလုံး ဖြစ်သည်။ ထို့နောက်တွင်မှ အစည်းအဝေးတစ်ခုစီတွင် ညီအစ်ကို မောင်နှမများအားဖြင့် ဝေမျှသော ဘုရားနှုတ်ကပတ်တော်များကို လက်တွေ့လုပ်ဆောင်ခြင်း အတွေ့အကြုံများနှင့် သက်သေခံချက်များကို ကြားနိုင်ခြင်းသည် အသက်တာတွင် ကြီးထွားတိုးတက်မှုအတွက် အလွန်ကောင်းသည့် အခွင့်အရေးတစ်ခုဖြစ်သည်ကို ကျွန်မ တကယ်နားလည်သွားခဲ့သည်။ ဘုရားသခင်က ဤအစ်မ ကျွန်မဆီ နီးလာဖို့ စီစဉ်ခဲ့သည်။ ကျွန်မ မရှင်းခဲ့သည့်အရာများနှင့် ပတ်သက်၍ သူက မိတ်သဟာယဝေမျှခဲ့ပြီး၊ ကျွန်မကိုယ်တိုင် ချို့တဲ့ခဲ့သည့်အရာအတွက် သူက အတိအကျ ဖန်တီးပေးခဲ့သည်။ ဤသည်မှာ ဘုရားသခင်ထံမှ ကောင်းကြီးမင်္ဂလာတစ်ခု ဖြစ်ပါသည်။ ယင်းကို ထိုသို့ ကျွန်မ တွေးလိုက်သည့်အခါ၊ ကျွန်မ စိတ်နှလုံးထဲတွင် ပြည့်စုံသည့် လွတ်မြောက်မှုတစ်ခုကို ကျွန်မ ခံစားခဲ့ရသည်။ အမှန်တရားများဖြင့် ဖော်ထုတ်ခံရခြင်း၊ ဘုရားနှုတ်ကပတ်တော်များ၏ တရားစီရင်ခြင်းနှင့် ပြစ်တင်ဆုံးမခြင်းတို့မှတဆင့်၊ အခြားသူများကို မနာလိုခြင်းနှင့်ဆိုင်သည့် ကျွန်မ၏ ဖောက်ပြန်ပျက်စီးသော စိတ်သဘောထားက ပြောင်းလဲမှုအချို့ ကြုံခဲ့ရပြီး၊ ဘုရားသခင်၏ ဖြောင့်မတ်သော စိတ်သဘောထားနှင့်ဆိုင်သည့် အပေါ်ယံသိနားလည်မှု အနည်းငယ် ကျွန်မ စတင်ရှိလာခဲ့သည်။ ဘုရားသခင်၏ နှုတ်ကပတ်တော်များက လူသားမျိုးနွယ်ကို အမှန်တကယ် သန့်စင်နိုင်သည်၊ ပြောင်းလဲနိုင်ပြီး ကယ်တင်နိုင်ကြောင်းကိုလည်း ကျွန်မ ကိုယ်တိုင်ကိုယ်ကျ တွေ့ကြုံခဲ့ရပါသည်။ ဘုရားသခင်၏ နှုတ်ကပတ်တော်များသည် လူ၏အသက်ဖြစ်နိုင်ပြီး၊ လူသားအနေဖြင့် ကျွန်မတို့၏ အခက်အခဲများနှင့် နာကျင်မှုအားလုံးကို ဖြေရှင်းနိုင်ပါသည်။ ကျွန်မသည် ဘုရားသခင်၏ နှုတ်ကပတ်တော်များကို ပိုမို လက်တွေ့လုပ်ဆောင်ဖို့နှင့် ကိုယ်တော်၏ တရားစီရင်ခြင်းနှင့် ပြစ်တင်ဆုံးမခြင်းတို့ကို နာခံဖို့ လိုလားလျက်ရှိပါသည်။ ကျွန်မ ဘုရားသခင်အားဖြင့် မကြာမီ သန့်စင်ခံရပြီး၊ စစ်မှန်သော လူသားတစ်ဦး၏ သဏ္ဍာန်ကို အသက်ရှင်နေထိုင်ကာ ကိုယ်တော်၏ ချီးမွမ်းခြင်းကို ကျွန်မ ရရှိနိုင်ပါစေ။

ယခင်က:ကြီးစွာသော အတိဒုက္ခများမှတစ်ဆင့် ကြီးမားသောအကျိုးကျေးဇူးများ ကျွန်မခံစားရသည်

နောက်တစ်ခုသို့:နောက်ဆုံးတွင် ကျွန်တော် လူတစ်ဦးကဲ့သို့ အနည်းငယ် အသက်ရှင်နေထိုင်ပြီ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေခံချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ