အဖြေ- လူဟာ သခင်ယေရှုကိုယုံကြည်သရွေ့ သူဟာ ယေရှုခရစ်တော်မှာတည်တယ်လို့ အစ်ကိုတို့ ယုံကြည်ကြတယ်။ ဒါ လူ့အယူအဆဖြစ်ပါတယ်။ ယေရှုခရစ်တော်မှာတည်သူတွေဟာ သခင်ယေရှုကို ယုံကြည်သူတိုင်းကို မရည်ညွှန်းပါဘူး။ သခင်ယေရှုကို ယုံကြည်တဲ့လူအများစုဟာ ဘုရားသခင် ချီးမြှောက်ခြင်းကို မရရှိနိုင်ပါဘူး။ သခင်ယေရှု ပြောသလိုပါပဲ။ “ထိုသို့ ခေါ်တော်မူသောသူ အများရှိသော်လည်း၊ ရွေးကောက်တော်မူသော သူနည်းသည်ဟု မိန့်တော် မူ၏။” ရွေးချယ်ခြင်းမခံရသူတွေထဲမှာ တချို့က သူတို့ယုံကြည်မှုကနေ အကျိုးအမြတ်ရဖို့အတွက်သာ သခင့်ကို ယုံကြည်ကြတယ်။ တချို့က သမ္မာတရားကို လုံးဝ မချစ်သလို သမ္မာတရားကို လက်တွေ့လုပ်ဆောင်ခြင်းလည်း မရှိဘူး။ တချို့က ဘုရားသခင်ကို ဆန့်ကျင်ပြီး မကောင်းမှုတွေကိုတောင် လုပ်ကြတယ်။ အထူးသဖြင့် ဘာသာရေးခေါင်းဆောင်တွေပေါ့။ အများစုက ဖာရိရှဲတွေရဲ့လမ်းကို လျှောက်ကြတယ်။ သူတို့အားလုံးက အန်တိခရစ်တွေပဲ။ တချို့က ဘုရားသခင်ကို အမည်ခံသက်သက်သာ ယုံကြည်ကြတယ်။ သူတို့တွေက မယုံကြည်သူတွေပဲ။ သခင်ယေရှုကို ယုံကြည်သူတွေအားလုံးဟာ ယေရှုခရစ်တော်မှာတည်နှင့်ပြီးဖြစ်တယ်လို့ အစ်ကိုတို့ပြောတယ်။ ဒီစကားတွေက အဓိပ္ပါယ်မရှိပါဘူး။ “ယေရှုခရစ်၌တည်၍၊ ဇာတိပကတိအတိုင်းမကျင့်၊ ဝိညာဉ် ပကတိအတိုင်း ကျင့်သောသူတို့သည် အပြစ်စီရင်ခြင်း နှင့် လွတ်ကြ၏။” ဒါက ဘယ်လူအုပ်စုကို ရည်ညွှန်းတာလဲ။ ဘုရားသခင်ရဲ့ ပညတ်တော်တွေကို ထိန်းသိမ်းနိုင်သူတွေ၊ သမ္မာတရားကို လက်တွေ့လုပ်ဆောင်နိုင်သူတွေ၊ ဘုရားသခင်ကို နာခံသူတွေ၊ ဆိုလိုတာကတော့၊ သမ္မာတရားနောက်ကိုလိုက်ပြီး အသက်တာကို ရရှိသူတွေ၊ ခရစ်တော်ကို နာခံနိုင်သူတွေ၊ ဘုရားသခင်ကို ဆန့်ကျင်ပြီး မကောင်းမှုတွေပြုလုပ်ခြင်းကနေ ရှောင်ကြဉ်နိုင်ပြီး ခရစ်တော်နဲ့လိုက်လျောညီထွေမှု အပြည့်အဝရှိသူတွေကို ရည်ညွှန်းပါတယ်။ ဒီလူတွေက ခရစ်တော်မှာရှိတဲ့သူတွေပါ။ သခင်ယေရှုကိုယုံကြည်တဲ့သူတိုင်းက ယေရှုခရစ်တော်မှာတည်တယ်ဆိုတာ မဟုတ်တာ သေချာပါတယ်။ သူတို့ရဲ့ယုံကြည်မှုကို ဘုရားသခင် အသိအမှတ်မပြုတဲ့ ယုံကြည်သူတချို့ရှိပါတယ်။ ဥပမာ၊ သခင်ယေရှုက တစ်ခါကပြောခဲ့ဖူးတယ်။ “ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် ဆုံးမဩဝါဒပေးပါပြီ မဟုတ် လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီ မဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီမဟုတ်လောဟု အများသော သူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျင်းမသိ၊ အဓမ္မအမှုကို ပြုသောသူတို့၊ ငါ့ထံမှ ဖယ်ကြဟု ထိုသူတို့အား အတိအလင်း ငါပြောမည်။” (ရှင်မဿဲခရစ်ဝင် ၇:၂၂-၂၃) ဒီမှာ ပြောခဲ့တဲ့ ပရောဖက်ပြုတဲ့၊ နတ်ဆိုးတွေ နှင်ထုတ်ပြီး သခင့်အမည်နာမနဲ့ အံ့ဖွယ်အမှုတွေအများကြီးပြုခဲ့တဲ့သူတွေအားလုံးဟာ ခရစ်တော်မှာ တည်တယ်လို့ ပြောနိုင်မလား။ ဒီလူတွေအားလုံးက ဘုရားသခင် ရှုတ်ချခြင်းခံရတဲ့သူတွေ မဟုတ်ဘူးလား။ ဒါကြောင့် “ယေရှုခရစ်တော်ကို ယုံကြည်ခြင်း” နဲ့ “ခရစ်တော်၌တည်ခြင်း” နှစ်ခုက မတူညီပါဘူး။ သခင်ကို ယုံကြည်ပြီး ကိုယ်တော်ရဲ့ချီးမြှောက်ခြင်းကိုမခံရသူတွေဟာ ခရစ်တော်မှာတည်သူတွေ မဟုတ်ကြဘူး။ ဘာကြောင့်လဲဆိုရင် ဘုရားသခင်ရဲ့ ကယ်တင်ခြင်းအမှုက လူတိုင်းကထင်သလို ဖြစ်ပေါ်ခြင်း မဟုတ်လို့ပါ။ ဘုရားသခင်ကို ယုံကြည်သူတိုင်းက ကယ်တင်ခြင်းခံရတာမျိုး မဟုတ်ဘူးလေ။ အများစုက ဖယ်ထုတ်ခြင်းခံရမယ်။ အထူးသဖြင့် သမ္မာတရားကိုသိမြင်ပြီး အပြစ်ကို တမင်တကာပြုလုပ်သူတွေပေါ့။ ဒီအပြစ်တွေမှာ ပူဇော်ရာယဇ်တွေကိုခိုးယူခြင်း၊ ဘုရားသခင်ကို ငြင်းပယ်ခြင်း၊ ဘုရားသခင်ကို သစ္စာဖောက်ခြင်း၊ သမ္မာတရားကို လက်တွေ့လုပ်ဆောင်နိုင်ခြင်းမရှိခြင်း၊ ကြောက်ရွံ့ခြင်း သို့မဟုတ် မတရားမေဒုန်ပြုခြင်း စသဖြင့် ပါဝင်ပါတယ်။ ဒီလူတွေဟာ ဘုရားသခင်ရဲ့ ပြစ်ဒဏ်ခတ်ခြင်းနဲ့ စွန့်ပစ်ခြင်းကို ခံရဦးမှာပါ။ ကြီးမားတဲ့ မကောင်းမှု ကျူးလွန်သူတွေဟာ အပြစ်ဒဏ်ပေးခံရမယ်။ ဟေဗြဲသြဝါဒစာ ၁၀:၂၆ မှာ ပြောထားသလိုပါပဲ။ “အကြောင်းမူကား၊ သမ္မာတရားကို သိပြီးမှ ကိုယ်အလိုသို့ လိုက်၍ပြစ်မှားပြန်လျှင်၊ နောက်တဖန် အပြစ်ဖြေသောယဇ်ကို ပူဇော်ရာအခွင့် မရှိဘဲ။” ဒါကြောင့် သခင်ကို ယုံကြည်သူတွေအားလုံးဟာ ခရစ်တော်မှာတည်ခြင်းမရှိဘူးဆိုတာ မြင်နိုင်တယ်။ သမ္မာတရားကို ချစ်တဲ့ ယုံကြည်သူတွေသာ သမ္မာတရားနောက်ကို လိုက်နိုင်ပါတယ်။ ဒါကြောင့် ခရစ်တော်ကို နာခံပြီး ခရစ်တော်ကို တကယ်သိမြင်တဲ့သူ၊ ခရစ်တော်နဲ့ပတ်သက်ပြီး ယူဆချက်တွေမရှိသူ၊ ခရစ်တော်ကို ပုန်ကန်ခြင်း သို့မဟုတ် ဆန့်ကျင်ခြင်း မရှိသူ၊ ခရစ်တော်ရဲ့နှလုံးသားကို သူတို့နှလုံသားအဖြစ်ခံယူပြီး ဘုရားသခင်ရဲ့အလိုတော်ကို လိုက်လျှောက်နိုင်သူတွေသာ ခရစ်တော်၌တည်သူတွေဖြစ်ပါတယ်။ ဒီလူတွေကသာ ဘုရားသခင်ရဲ့ ချီးမြှောက်ခြင်းကို ရရှိပြီး ဘုရားရဲ့ နိုင်ငံတော်ကို ရရှိနိုင်တယ်။

နာကြည်းဖွယ်ရာ အမှတ်တရများ ၏ ရုပ်ရှင် ဇာတ်ညွှန်း မှ