အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၉၁

ငါ့ဝိညာဉ်သည် ငါ့အသံအား စကားပြော၍ အဆက်မပြတ် ဖော်ပြလျက်ရှိရာ သင်တို့ထဲမှ ဘယ်နှစ်ဦးသည် ငါ့ကိုသိနိုင်သနည်း။ ငါသည်လူ့ဇာတိခံယူပြီး သင်တို့ဆီသို့ အဘယ့်ကြောင့် လာရသနည်း။ ဤအရာသည် အလွန်နက်နဲလှသည်။ သင်တို့သည် ငါ့ကိုတွေးတောလျက်၊ တစ်နေကုန် ငါ့ကိုတောင့်တလျက်၊ ငါ့ကို ချီးမွမ်းလျက်၊ ငါ့ကိုနေ့စဉ် စားသုံးလျက်၊ သောက်သုံးလျက်နှင့် ယနေ့ထိတိုင် သင်တို့သည် ငါ့ကို မသိကြသေး။ အဘယ်မျှလောက် အသိဉာဏ်ကင်းမဲ့၍ မျက်စိကန်းလိုက်သနည်း။ သင်တို့ငါ့ကို စိုးစဉ်းမျှသာသိကြသည်တကား။ သင်တို့ထဲမှဘယ်နှစ်ဦးသည် ငါ၏အလိုကို အရေးထားကြသနည်း။ ဆိုလိုသည်မှာ၊ သင်တို့ထဲမှဘယ်နှစ်ဦးသည် ငါ့ကိုသိကြသနည်း။ သင်တို့အားလုံးသည် ဉာဏ်များသော၊ ဆိုးယုတ်သောသူအချင်းချင်းဖြစ်ကြလျက်နှင့် ငါ၏အလိုကို ဖြည့်ဆည်းလိုကြသေးသည်လော။ မေ့ထားလိုက်ပါ။ သင်တို့အားငါပြောရသော်၊ စာတန်၏ လုပ်ရပ်များသည် မည်မျှပင်ကောင်းနေစေကာမူ၊ ထိုအရာအားလုံးသည် ငါ၏တည်ဆောင်ခြင်းကိုဖျက်ဆီးရန်နှင့် ငါ၏စီမံခန့်ခွဲမှုကို နှောင့်ယှက်ရန်သာဖြစ်သည်။ သူသည် အဘယ်မျှလောက်ကောင်းအောင် ပြုမူစေကာမူ၊ သူ၏အနှစ်သာရ မပြောင်းလဲပေ— သူသည်ငါ့ကိုအာခံဖီဆန်သည်။ ထို့ကြောင့်၊ လူအများကို ငါ၏လက်ဖြင့် အမှတ်တမဲ့ဒဏ်ခတ်ခဲ့ရာ၊ သူတို့သည် မရည်ရွယ်ပါဘဲနှင့် ငါ၏မိသားစုအတွင်းမှ ထွက်ခွာသွားကြသည်။ ယနေ့၊ ဘယ်အရာတစ်ခုမျှ (ကြီးသည်ဖြစ်စေ၊ ငယ်သည်ဖြစ်စေ) လူ၏စီစဉ်ညွှန်ကြားခြင်းကို ခံရသည်မဟုတ်ဘဲ အရာအားလုံးသည် ငါ၏လက်ထဲ၌ရှိ၏။ တစ်စုံတစ်ယောက်က အရာအားလုံးသည် လူတို့၏ထိန်းချုပ်မှုအောက်တွင်ရှိသည်ဟု ပြောခဲ့သော်၊ သင်သည် ငါ့ကိုအာခံခြင်းဖြစ်ပြီး၊ ငါသည်သင့်ကို မုချပြင်းပြင်းထန်ထန် ပြစ်တင်ဆုံးမပြီး၊ ခေါင်းချစရာနေရာမရှိအောင် သင့်ကိုထားမည်။ အရာခပ်သိမ်းအနက်မှ ငါ့လက်၌မရှိသောအရာ အဘယ်အရာရှိသနည်း။ ငါမဖြစ်ပွားစေသောအရာ၊ သို့မဟုတ် ငါ၏သတ်မှတ်ပိုင်းခြားခြင်း မခံရသောအရာ အဘယ်အရာရှိသနည်း။ သို့နှင့်ပင်သင်တို့သည် ငါ့ကိုသိကျွမ်းခြင်းအကြောင်း ပြောဆိုနေကြဆဲပင်ဖြစ်သည်တကား။ ၎င်းသည် မုချ မုသာစကားပင်ဖြစ်သည်။ သင်တို့သည် အခြားသူများကို လှည့်စားခဲ့သည်နှင့်ငါ့ကိုလှည့်စား၍ရမည်ဟု ထင်ကြသလော။ သင်လုပ်ခဲ့သည့်အရာကို အခြားမည်သူမျှမသိရုံဖြင့် ပြဿနာ ပြီးဆုံးသွားမည်ဟု သင်ထင်သလော။ သက်သက်သာသာနှင့် လွတ်သွားမည်ဟု မထင်လေနှင့်။ သင့်ကို ငါ့ရှေ့၌ ဒူးထောက်၍ ဝန်ခံစေမည်။ ဝန်မခံခြင်းကို ခွင့်မပြုနိုင်၊ ဤသည်မှာ ငါ၏စီမံအုပ်ချုပ်ရေးအမိန့်ပင်တည်း။

သင်တို့သည် ငါ၏ဝိညာဉ်၊ ငါ၏ဖြစ်ခြင်းကို အမှန်နားလည်သလော။ ငါ၏လူ့ဇာတိခံယူခြင်း၏ ထူးခြားချက်မှာ အဘယ်အရာနည်း။ သင်တို့တွင် အဘယ်သူက ဤအရေးကြီးသောအချက်ကို သတိပြုဆင်ခြင်၍ ငါ့ထံမှ ဗျာဒိတ်တော်အချို့ကို လက်ခံရရှိခဲ့ဖူးသနည်း။ သင်တို့အားလုံးသည် ကိုယ့်ကိုယ်ကိုယ် လှည့်ဖျားနေကြခြင်းပင်တည်း။ သင်သည် အဆင်းနီသောနဂါးကြီး၏ သားသမီးဖြစ်သည်ဟု အဘယ်ကြောင့် ငါပြောသနည်း။ ယနေ့ ငါ၏လူ့ဇာတိခံယူခြင်း၏ နက်နဲမှုကို သင်တို့ဆီသို့ ငါထုတ်ဖော်ခဲ့ပြီ၊ လောကကိုဖန်ဆင်းခဲ့စဉ်ကတည်းက လူတို့မဖော်ထုတ်နိုင်ခဲ့သော၊ ဖျက်ဆီးပစ်ရန် ငါမုန်းတီးရလောက်သည့် အချက်များစွာယူဆောင်လာခဲ့သော နက်နဲမှုတစ်ရပ်ဖြစ်သည်။ ထိုနေ့သည် ယနေ့ပင်ဖြစ်သည်။ ငါ၏လူ့ဇာတိကြောင့်၊ ငါချစ်သောသူအများ စုံလင်စေခြင်းခံရသည်။ အတိအကျအားဖြင့် အဘယ့်ကြောင့် ငါလူ့ဇာတိခံယူလာရသနည်း။ ထို့ပြင် ငါ၌ အဘယ့်ကြောင့် လက်ရှိပုံသဏ္ဌာန် ရှိနေသနည်း (ငါ၏အရပ်အမြင့်၊ ပုံပန်းသဏ္ဌာန်နှင့် ဝိညာဉ်အသက်တာ အားလုံး အစရှိသည်ဖြင့်)။ ဤအရာနှင့်ပတ်သက်၍ တစ်စုံတစ်ခုကို အဘယ်သူပြောနိုင်သနည်း။ အကယ်ပင် အားလုံးပြော၍မရနိုင်သော ငါ၏လူ့ဇာတိခံယူရခြင်း၏ ရည်ရွယ်ချက်များစွာရှိ၏။ ထိုအရာ၏ အစိတ်အပိုင်းတစ်ခုကိုသာ သင်တို့ကို ယခုငါပြောမည် (ဤအတိုင်းအတာအထိ ငါ၏အမှုအဆင့်များ ရောက်ရှိလာပြီဖြစ်သောကြောင့်၊ ဤအရာကို ငါပြုရခြင်း၊ ငါပြောရခြင်းဖြစ်သည်)။ ငါ၏လူ့ဇာတိခံယူခြင်းသည် အဓိကအားဖြင့် ငါ၏သားဦးများအားဆီသို့ ရှေးရှုထားသည်၊ ထိုသို့အားဖြင့် သူတို့အားငါဦးဆောင်ရန်၊ ငါနှင့်မျက်နှာချင်းဆိုင် စကားပြောရန် ဖြစ်သည်။ ထို့အပြင်၊ ငါနှင့်ငါ၏သားဦးများသည် တစ်ဦးနှင့်တစ်ဦးကျွမ်းဝင်ကြောင်းကို ထင်ရှားစေသည်၊ (ငါတို့သည်အတူစား၊ အတူနေထိုင်လျက်၊ အတူအသက်ရှင်လျက်၊ အတူတူအလုပ်လုပ်ဆောင်ကြသည်ဟု ဆိုလိုသည်)။ ထိုသို့အားဖြင့် လက်တွေ့ဘဝတွင် ငါသည်သူတို့အား ကျွေးမွေးရန်ဖြစ်သည်။ ဤသည်တို့မှာ အချည်းနှီးသောစကားများမဟုတ်၊ လက်တွေ့အရှိတရားဖြစ်သည်။ ယခင်က၊ လူတို့သည် ငါ့ကိုယုံကြည်ကြ၏၊ သို့သော် အမှန်တရားကို နားမလည်နိုင်ခဲ့ကြပေ၊ ဤသည်မှာ ငါသည် လူ့ဇာတိမခံယူရသေးသောကြောင့်ဖြစ်သည်။ ယနေ့တွင်မူ၊ ငါ၏လူ့ဇာတိခံယူခြင်းသည် သင်တို့အားလုံးကို အမှန်တရားကို နားလည်နိုင်စေပြီး ဉာဏ်ပညာရှိသည့် ဘုရားသခင် ကိုယ်တော်တိုင်ဖြစ်သော ငါ့ကို ရိုးသားစွာချစ်သောသူတို့ကို ငါ၏စကားများ၊ အပြုအမူနှင့် ကိစ္စရပ်များကို ငါကိုင်တွယ်သည့်နည်းလမ်းနောက်ကွယ်ရှိ ဥပဒေသများအားဖြင့် ငါ့ကိုသိစေ၏။ ငါ့အားရိုးဖြောင့်စွာ မရှာသောသူများကိုလည်း ငါ၏မမြင်နိုင်သောလုပ်ဆောင်မှုများထဲမှ ငါ၏လူ့သဘာဝဖြစ်သည့် ငါ၏လက္ခဏာသွင်ပြင်ကို မြင်စေသည်၊ ထိုသို့ဖြင့် ငါ့ကိုအာခံလျှင်၊ ငါ၏ဒဏ်ခတ်ခံရခြင်းကြောင့် “အကြောင်းပြချက်မရှိဘဲ” သေဆုံးရမည်။ စာတန်ကို အရှက်ရစေရာတွင်၊ လူ့ဇာတိခံယူခြင်းသည် ငါ့အတွက် အထူးကဲဆုံးသော သက်သေကိုခံပေးသည်၊ ငါသည်လူ့ဇာတိမှ ပေါ်ထွန်းလာနိုင်ရုံမျှမက လူ့ဇာတိအတွင်း၌လည်း နေထိုင်နိုင်သည်။ ငါသည် မည်သည့် အကွာအဝေး သို့မဟုတ်၊ ရေမြေဒေသ ကန့်သတ်ချက်ကိုမျှ မခံရ ငါ၌ မည်သည့်အတားအဆီးမျှမရှိဘဲ အရာအားလုံးသည် ချောမောစွာ လည်ပတ်၏။ ဤအချက်ပေါ် စာတန်သည်အရှက်အရဆုံးဖြစ်၍ လူ့ဇာတိမှ ငါထွက်ပေါ်သည့်အခါ၊ လူ့ဇာတိအားဖြင့် ငါအမှုဆောင်ဆဲရှိပြီး ငါသည်လုံးဝထိခိုက်ခြင်းမခံရပေ။ ငါသည်တောင်များအပေါ်၊ မြစ်များအပေါ်၊ ရေကန်များအပေါ်နှင့် စကြဝဠာထဲ၌ ရှိရှိသမျှနေရာတိုင်းသို့ ငါနင်းလျှောက်သွားဆဲရှိသည်။ ငါ့အားဖြင့်မွေးဖွားခဲ့ကြသော်လည်း ငါ့ကိုအာခံရန် ထကြွကြကုန်ရှသောသူအားလုံးကို ဖော်ထုတ်ရန် ငါသည်လူ့ဇာတိခံယူခဲ့ခြင်းဖြစ်သည်။ အကယ်၍ ငါသည် လူ့ဇာတိမခံမယူခဲ့လျှင်၊ ထိုသူတို့ကို ဖော်ထုတ်နိုင်မည့်နည်းလမ်းရှိမည်မဟုတ်ပေ၊ (ငါ၏ရှေ့တွင်တစ်မျိုး၊ ကွယ်ရာတွင်တစ်မျိုး လုပ်ဆောင်သူများကို ဆိုလိုသည်)။ အကယ်၍ ငါသည် ဝိညာဉ်တော်အဖြစ်သာ ဆက်လက်တည်ရှိနေခဲ့လျှင် လူတို့သည် ငါ့ကိုသူတို့၏အယူအဆများဖြင့်သာ ကိုးကွယ်ကြမည်ဖြစ်ပြီး ငါသည် ပုံသဏ္ဌာန်မရှိသော၊ အလှမ်းမမသောဘုရားသခင်ဖြစ်သည်ဟု တွေးထင်ကြပေမည်။ သာမာန်လူအဖြစ်၊ အရပ်အလွန်မရှည်ဘဲ (ငါ၏အရပ်အမောင်းနှင့် အသွင်အပြင်နှင့်ပတ်သက်၍) လူတို့၏အယူအဆများနှင့်ဆန့်ကျင်လျက် ယနေ့ငါလူ့ဇာတိခံယူခဲ့ပြီ။ ဤအချက်သည် စာတန်အား အရှက်အရဆုံး ဖြစ်စေလျက်၊ လူတို့၏အယူအဆများအတွက် (စာတန်၏ပြစ်မှားပြောဆိုခြင်း) အစွမ်းထက်ဆုံးသော ဆန့်ကျင်တုံ့ပြန်ချက်ဖြစ်သည်။ အကယ်၍ ငါ၏သွင်ပြင်သည် အခြားသူများနှင့် ကွဲပြားခဲ့သော် ဒုက္ခဖြစ်နိုင်ဖွယ်ရာရှိသည်—လူအများသည် ငါ့ကိုလာရောက်ကိုးကွယ်ပြီး သူတို့၏ကိုယ်ပိုင် အယူအဆများနှင့် ငါ့ကိုနားလည်ကြမည်ဖြစ်ကာ ငါ့အတွက် လှပသောသက်သေကို ခံနိုင်ကြမည်မဟုတ်ပေ။ ထို့ကြောင့် ယနေ့ ငါ၌ရှိသောပုံသဏ္ဌာန်ကို ငါကိုယ်တိုင်လက်ခံခဲ့သောကြောင့် သိနားလည်ရန် လုံးဝမခက်ခဲပေ။ လူအားလုံးတို့သည် သူတို့၏အယူအဆများမှ တိုးထွက်လာသင့်ပြီး စာတန်၏ကောက်ကျစ်သော လှည့်ကွက်များ၏အလှည့်စားမခံသင့်ပေ။ လာလတ္တံ့သောကာလတွင်၊ ငါ့အမှု၏လိုအပ်ချက်များအရ သင်တို့ကို အဆင့်ဆင့်ဖြင့် သာ၍ ဖော်ပြဦးမည်။

ယနေ့တွင် ငါ၏စီမံကိန်းသည် အောင်မြင်လျက် ငါ၏အကြံအစည်သည် အထမြောက်ခဲ့ပြီ။ ငါနှင့်တစ်ညီတစ်ညွတ်တည်း ပူးပေါင်းသောလူတစ်စုကို ငါရရှိခဲ့ပြီး၊ ဤအချိန်သည် ငါ၏ဘုန်းအထင်ရှားဆုံးသော အချိန်လည်း ဖြစ်၏။ ငါ၏ချစ်သားတို့သည် (ငါ့ကိုချစ်သောသူအားလုံး) ငါလုပ်ဆောင်ရမည့်အရာအားလုံးကို ငါနှင့်အတူတူ ပြီးစီးစေရာ၌ ငါနှင့်တစ်စိတ်တစ်ဝမ်းတည်းဖြစ်ကြသည်။ ဤအရာသည် အံ့သြဖွယ်ရာဖြစ်သည်။ ယနေ့ပြီးလျှင်၊ ငါစိတ်တိုင်းမကျသောသူတို့တွင် သန့်ရှင်းသောဝိညာဉ်တော်၏အမှု ရှိမည်မဟုတ်ပေ။ ဆိုလိုသည်မှာ၊ လွန်ခဲ့သောအချိန်တွင် ငါပြောခဲ့သည်များနှင့် မကိုက်ညီသောသူများကို ငါဖယ်ထုတ်မည်။ ငါပြောသောစကားများနှင့် လူတို့သည် ပကတိကိုက်ညီရမည်။ ဤအချက်ကို ခေါင်းထဲစွဲစေပါ။ ပကတိကိုက်ညီရန်ဖြစ်သည်။ အလွဲမယူနှင့်။ အရာအားလုံးသည် ငါ၏သဘောအတိုင်းဖြစ်၏။ လူသားတို့၊ ငါနှင့် ညှိနှိုင်းပြောဆိုခြင်းမပြုနှင့်။ ငါသည်သင်တို့ကို အရည်အချင်းပြည့်သည်ဟု ပြောလျှင်၊ ထိုအကြောင်းကို ကျောက်၌ရေးမှတ်ထားပြီ၊ ငါသည်သင်တို့ကို အရည်အချင်းမမီပါဟု ပြောလျှင်၊ ကျွဲမြီးတို၍ ကောင်းကင်နှင့်မြေကြီးကို အပြစ်မတင်နှင့်။ ထိုအရာအားလုံးသည် ငါ၏အစီအမံများပင်ဖြစ်၏။ အဘယ်သူသည် သင့်အား မိမိကိုယ်မိမိမထီမဲ့မြင်ပြုစေသနည်း။ အဘယ်သူသည် သင့်အား ထိုရှက်ဖွယ်သောမိုက်မဲမှုကို ပြုစေသနည်း။ သင်ဘာမျှမပြောသော်လည်း ငါ့ထံမှ အမှန်တရားကိုဖုံးကွယ်၍မရနိုင်။ ငါသည် လူ၏အတွင်းစိတ်နှလုံးကိုစစ်ဆေးသော ဘုရားသခင်ကိုယ်တော်တိုင်ဖြစ်သည်ဟု ပြောဆိုသောအခါ အဘယ်သူ့ကို ငါရည်ညွှန်းခြင်းဖြစ်သနည်း။ ငါသည် မရိုးသားသောသူများကို ပြောခြင်းဖြစ်၏။ ငါ၏နောက်ကွယ်တွင် ထိုအရာများကိုလုပ်ခြင်းသည် အလွန်ရှက်ဖွယ်ကောင်း၏။ မမှန်သောစကားဖြင့် ငါ့အားလှည့်ဖျားချင်သလော။ ထိုမျှလောက် မလွယ်ကူပေ။ ဤအရပ်မှ ချက်ချင်းထွက်သွားလော့။ ပုန်ကန်သူတို့။ သင်တို့ကိုယ်ကို သင်တို့မချစ်၊ သင်တို့ကိုယ်ကို သင်တို့မလေးစား။ သင်တို့ကိုယ်ကို သင်တို့ဂရုမစိုက်ပါဘဲ ငါ့အားသင်တို့ကို ချစ်စေချင်သလော။ မေ့ထားလိုက်ပါတော့။ ထိုသို့သော ကံဆိုးသူတစ်ယောက်ကိုပင်ငါမလိုချင်။ အားလုံး ဤအရပ်မှ ထွက်သွားကြလော့။ ဤသည်မှာ ငါ့နာမအတွက် ကြီးစွာသော အရှက်ရစေပြီး ရှင်းရှင်းလင်းလင်းမမြင်ရခြင်းမှာ သင်တို့အတွက် အလုပ်ဖြစ်မည်မဟုတ်။ ဤသို့သော ဆိုးယုတ်၍ လိင်မှုကိစ္စရှုပ်ပွေသော ဤခေတ်ဟောင်းကြီးထဲတွင် သင်တို့ကိုယ်ကို မည်သည့်အညစ်အကြေးဖြင့်မျှ ညစ်ညူးမသွားအောင် မိမိတို့ကိုယ်မိမိ သင်တို့စောင့်ရှောက်ရမည်။ သင်တို့သည် အလျှင်းသန့်ရှင်းပြီး ပြစ်မျိုးမှဲ့မထင်ဖြစ်ရမည်။ ယနေ့တွင်၊ ငါနှင့်အတူ ဘုရင်များကဲ့သို့အုပ်ချုပ်ရန် အရည်အချင်းပြည့်ဝသောသူတို့သည် မည်သည့်အညစ်အကြေးနှင့်မျှ မစွန်းထင်းသောသူမျိုးဖြစ်သည်၊ အဘယ်ကြောင့်ဆိုသော် ငါသည် သန့်ရှင်းသော ဘုရားသခင်ကိုယ်တော်တိုင်ဖြစ်၍ ငါ၏နာမကို အရှက်ရစေမည့်သူ တစ်ဦးကိုမျှ အလိုမရှိ။ ဤလူများသည် ငါ့ကိုစုံစမ်းရန် စာတန်စေလွှတ်လိုက်သောသူများဖြစ်ပြီး၊ ထိုသူအပေါင်းတို့သည် မောင်းထုတ်ရမည်ဖြစသော (အနက်ဆုံးသောတွင်းအောက်ခြေသို့ ပစ်ချရမည်ဖြစ်သော) စာတန်၏ စင်စစ်လက်ပါးစေများသာဖြစ်သည်။

ငါ၏မိသားစုသည် သန့်ရှင်း၍ အပြစ်နှင့်ကင်းလွတ်၏။ ငါ၏ဗိမာန်တော်သည် ခမ်းနား၍ ခံ့ညားထည်ဝါသည် (ငါ၏ဖြစ်ခြင်းနှင့် ငါ၏အရာအားလုံးကို ပိုင်ဆိုင်သောသူများကို ဆိုလိုသည်)။ အဘယ်သူသည် ဝင်ရောက်၍ ကြုံရာကျပန်းနှင့် အုတ်အောသောင်းတင်းဖြစ်စေဝံ့သနည်း။ သူတို့ကို ငါလုံးဝခွင့်လွှတ်မည် မဟုတ်။ သူတို့သည် အကုန်အစင်ဖျက်ဆီးခံရ၍ ကြီးစွာအရှက်ရလိမ့်မည်။ ငါသည် ဉာဏ်ပညာရှိစွာပြု၏။ ဓားမပါဘဲ၊ သေနတ်မပါဘဲနှင့် လက်တစ်ချောင်းမရွေ့ပါဘဲလျက်၊ ငါ့ကိုအာခံသူများနှင့် ငါ၏နာမအား အရှက်စေရသူများကို ငါအကုန်အစင်နှိမ်နှင်းမည်။ ငါသည် စိတ်သဘောထားကြီးသောသူဖြစ်ပြီး၊ ဤမျှလောက် စာတန်နှောင့်ယှက်နေပါသော်လည်း၊ အရှိန်မှန်မှန်နှင့် ငါ၏အမှုကို ငါလုပ်ဆောင်လျက်ရှိသည်။ သူ့ကို ငါအမှုမထား၊ ငါ၏စီမံခန့်ခွဲမှုအစီအစဉ်ကို အဆုံးသတ်ခြင်းနှင့်အတူ သူ့ကိုငါအနိုင်ယူမည်။ ဤသည်မှာ ငါ၏တန်ခိုး၊ ငါ၏ဉာဏ်ပညာနှင့် ထို့ထက်မက မဆုံးနိုင်သော ငါ့ဘုန်း၏ သေးငယ်သောအပိုင်းအစသာဖြစ်၏။ ငါ၏မျက်စိတွင် ငါ့ကိုအာခံသောသူများသည် အညစ်အကြေးထဲတွင် တွားသွားနေသော ပိုးကောင်များနှင့်တူ၏၊ ငါ၏ဆန္ဒရှိသည့်အတိုင်း၊ ၎င်းတို့ကို ငါ၏ခြေဖဝါးအောက်၌ အချိန်မရွေး နင်းချေပစ်နိုင်၏။ မည်သို့ပင်ဖြစ်စေ၊ ငါသည်ပညာရှိစွာ အလုပ်လုပ်၏။ ငါ၏သားဦးများကို ၎င်းတို့အား သွား၍နှိပ်ကွပ်စေလိုသည်၊ ငါသည်အလျင်မလို။ ငါသည် နည်းမှန်လမ်းမှန်၊ အစီအစဉ်တကျနှင့် အမှားအယွင်းမရှိ တိကျသေချာစွာ လုပ်ဆောင်သည်။ ငါမွေးဖွားသော ငါ၏သားဦးတို့သည် ငါ၏ဖြစ်ခြင်းကိုပိုင်ဆိုင်ကြ၍ ငါ၏လုပ်ဆောင်ချက်များထဲမှ ငါ၏အဆုံးမရှိသောဉာဏ်ပညာကို မြင်တွေ့နိုင်သည်။

ယခင်က:အခန်း ၉၀

နောက်တစ်ခုသို့:အခန်း ၉၂