အဖြေ- ဘာသာရေးခေါင်းဆောင်တွေဟာ အနန္တတန်ခိုးရှင် ဘုရားသခင်ရဲ့အမှုတော်ကို ပြစ်တင်ရှုတ်ချနေတယ်ဆိုတာက ဒီလောက်ကြီး မထူးဆန်းပါဘူး အမှုတော်လုပ်ဆောင်ဖို့ သခင်ယေရှုကြွလာခဲ့တုန်းက ဘာသာရေးခေါင်းဆောင်တွေဟာ ပြစ်တင်ရှုတ်ချပြီး ကိုယ်တော့်ကို ညှင်းပန်းမနှိပ်စက်ခဲ့ဘူးလား အဆုံးမှာတော့ ကျွန်မတို့ရဲ့သခင်ယေရှုကို ကားတိုင်ပေါ်မှာ သံမှိုစွဲခဲ့တယ်။ အဲဒါက သမိုင်းအချက်အလက်ပဲလေ နောက်ဆုံးသောကာလမှာ အနန္တတန်ခိုးရှင် ဘုရားသခင်ကြွလာပြီး နှုတ်ကပတ်တော်ဟာ သမ္မာတရားဖြစ်တယ်ဆိုတာ လူတွေကို ယုံကြည်စေလိမ့်မယ် ဘုရားသခင်ကို စစ်မှန်စွာယုံကြည်တဲ့လူတိုင်းနဲ့ သမ္မာတရားကို ဆာငတ်တဲ့လူတိုင်းဟာ အနန္တတန်ခိုးရှင်ဘုရားသခင်ရဲ့ နှုတ်ကပတ်တော်ကို တစ်ခါဖတ်လိုက်တာနဲ့ အနန္တတန်ခိုးရှင်ဘုရားသခင်ဘက်ကို လှည့်သွားကြလိမ့်မယ် ဒါပေမဲ့ ဘာသာရေးခေါင်းဆောင်တွေက အဲဒါကို ကြောက်ကြတယ်။ ယုံကြည်သူအားလုံးဟာ အနန္တတန်ခိုးရှင်ဘုရားသခင်ဆီကို လှည့်သွားပြီဆိုရင် သူတို့ရဲ့ ဘာသာရေးယုံကြည်မှုတွေနဲ့ ဗလာဖြစ်နေတဲ့ သူတို့ရဲ့ကျမ်းစာသီအိုရီတွေကို နားထောင်တဲ့လူတစ်ယောက်မှ မရှိတော့ဘူး အဲဒါက သူတို့ရဲ့အခြေအနေနဲ့ သူ့တို့အကျိုးစီးပွားကို ခြိမ်းခြောက်လာတယ်လေ အဲဒါကြောင့် အနန္တတန်ခိုးဘုရားသခင်ကို ဆန့်ကျင်ပြစ်တင်ဖို့ အရာအားလုံးကို သူတို့လုပ်ဆောင်ကြတယ် အနန္တတန်ခိုးရှင်ဘုရားသခင်ရဲ့ နှုတ်ကပတ်တော် တစ်ပိုဒ်ကို ကြည့်ကြရအောင် အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏အမှု၏ ရည်ရွယ်ချက်ကို နားမလည်သောသူ မည်သူမဆိုသည် ဘုရားသခင်ကို ဆန့်ကျင်သောသူဖြစ်ပြီး၊ ဘုရားသခင်၏အမှု၏ ရည်ရွယ်ချက်ကို သိနားလည်လာသော်လည်း၊ ဘုရားသခင်ကို ကျေနပ်စေဖို့ မကြိုးစားကြသေးသူသည် ဘုရားသခင်၏ ရန်ဘက်တစ်ဦးအဖြစ် သာ၍ပင် ယူဆခံရပေသည်။ ခမ်းနားသည့် ဘုရားကျောင်းများထဲတွင် သမ္မာကျမ်းစာကို ဖတ်ရှုပြီး တစ်နေ့လုံး အာဂုံဆောင်သောသူများ ရှိသော်လည်း၊ ၎င်းတို့ထဲတွင် တစ်ဦးမျှ ဘုရားသခင်၏အမှု၏ ရည်ရွယ်ချက်ကို နားမလည်ပေ။ ၎င်းတို့ထဲတွင် တစ်ဦးမျှ ဘုရားသခင်ကို မသိနိုင်ကြပေ။ ၎င်းတို့ထဲမှ တစ်ဦးတစ်ယောက်မျှ ဘုရားသခင်၏ အလိုနှင့် ကိုက်ညီနိုင်ခြင်းမရှိပေ။ ၎င်းတို့အားလုံးသည် အသီးသီး ဘုရားသခင်ကို ဩဝါဒပေးရန် အမြင့်တွင် ရပ်တည်ကြရင်း၊ အသုံးမကျသောသူ၊ ဆိုးယုတ်သော လူများ ဖြစ်ကြသည်။ ၎င်းတို့သည် ဘုရားသခင်၏အောင်လံကို သယ်ဆောင်နေသည့် တစ်ချိန်တည်းမှာပင် ဘုရားသခင်ကို တမင် ဆန့်ကျင်ကြလေသည်။ ဘုရားသခင်၌ ယုံကြည်ခြင်းကို အခိုင်အမာဆိုလျက်၊ ၎င်းတို့သည် လူ့အသားကိုစားပြီး လူ့အသွေးကို သောက်ကြဆဲ ဖြစ်သည်။ ထိုသို့သောလူအားလုံးသည် လူသား၏ ဝိညာဉ်ကို ဝါးမျိုသည့် နတ်ဆိုးများ၊ မှန်ကန်သောလမ်းကြောင်းပေါ်သို့ ခြေလှမ်းရန် ကြိုးစားနေသူတို့၏ လမ်းတွင် တမင်သက်သက် တားဆီးသော မကောင်းဆိုးဝါးများ၏ ဦးသျှောင်နှင့် ဘုရားသခင်ကို ရှာဖွေသောသူတို့ကို ပိတ်ဆို့သော ခလုတ်တံသင်းများဖြစ်ကြ၏။ ၎င်းတို့သည် ‘ကောင်းမွန်သည့် ဖွဲ့စည်းမှု’ ရှိပုံရကြသော်လည်း၊ ၎င်းတို့သည် လူတို့အား ဘုရားသခင်ကို ဆန့်ကျင်ရန် လမ်းပြသည့် အန္တိခရစ်များသာဖြစ်သည်ကို ၎င်းတို့၏ နောက်လိုက်များက မည်သို့ သိကြမည်နည်း။ ၎င်းတို့သည် လူ့ဝိညာဉ်များကို ဝါးမျိုရန် ရည်မှန်းချက်တွင် နှစ်မြှုပ်ထားသော ရှင်သန်နေသည့် နတ်ဆိုးများဖြစ်သည်ကို ၎င်းတို့၏ နောက်လိုက်များက မည်ကဲ့သို့သိမည်နည်း။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ဘုရားသခင်ကို မသိသောသူ အားလုံးသည် ဘုရားသခင်ကို ဆန့်ကျင်သောသူများ ဖြစ်ကြသည်) ဘာသာရေးလောကထဲကလူတွေက ဘုရားသခင်နဲ့သူ့ရဲ့အမှုတော်ကိုဆန့်ကျင်ကြမယ်လို့ ဘယ်သူမှ မယုံခဲ့ကြဘူး ဒါပေမဲ့ ဘာသာရေးအဝန်းအဝိုင်းထဲမှာ အန္တိခရစ်တွေ အများကြီး ရှိနေတယ်ဆိုတာကို သခင်ယေရှု ကြွလာခြင်းက ဖော်ပြနေတယ် သခင်ယေရှုကို ပြစ်တင်ညှင်းဆဲပြီး နောက်ဆုံး အဆုံးသတ်ချိန်မှာ ကားတိုင်တင်ပြီး ရက်ရက်စက်စက်သတ်လိုက်တာက ဘာသာရေးခေါင်းဆောင်တွေပဲဖြစ်တယ် ဒီအချက်က ဘာသာရေးခေါင်းဆောင်တွေဟာ ဘုရားသခင်ကို အစေခံနေတုန်းမှာပဲ ဘုရားကိုဆန့်ကျင်နေနိုင်တယ်ဆိုတာကို ပြနေပါတယ် ဘာသာရေးလောက က သင်းအုပ်ဆရာအများစုဟာ သမ္မာကျမ်းစာကို ရှင်းပြတဲ့အခါမှာ သူတို့ကိုယ်သူတို့ချီးမွမ်းတဲ့ သြဝါဒတချို့ကို အသုံးပြုလိမ့်မယ် ဒါပေမဲ့ တကယ်တော့ သူတို့ဟာ သခင်ယေရှုရဲ့ နှုတ်ကပတ်တော်ကို လက်တွေ့မကျင့်သုံးကြဘူး အထူးသဖြင့် နောက်ဆုံးသောကာလမှာ အနန္တတန်ခိုးရှင်ဘုရားသခင်ရဲ့အမှုတော်ဟာ သူတို့အပေါ်မှာ ကျရောက်လာတဲ့အခါ သူတို့ရဲ့သမ္မတရားကို မုန်းတီးခြင်းတွေနဲ့ စာတန်သဘောသဘာဝတွေဟာ ထင်ရှားလာလိမ့်မယ်။ အဲဒီဖြစ်ရပ်ကနေ သူတို့မလွတ်မြောက်နိုင်ဘူး သူတို့ရဲ့ငွေကြေးနဲ့ ရာထူးဂုဏ်အဆင့်အတန်းတွေကို ကာကွယ်ဖို့အတွက် အနန္တတန်ခိုးရှင်ဘုရားသခင်ကို ပြစ်တင်ဆန့်ကျင်ဖို့ ကောလဟာလ အမျိုးမျိုးတွေကို လွှင့်ကြပြီး သူတို့ရဲ့ယုံကြည်သူတွေကို ထိန်းချုပ်ကြလိမ့်မယ် သိုးစုကိုကာကွယ်ပြီး စစ်မှန်တဲ့လမ်းကို ကာကွယ်ဖို့အကြောင်းပြချက်နဲ့ သူတို့အသင်းတော်တွေကိုတောင် ပိတ်ပင်ခဲ့ကြတယ် အနန္တတန်ခိုးရှင်ဘုရားသခင်ရဲ့ အမှုတော်ကို မလေ့လာအောင် လူတွေကို တားမြစ်ပိတ်ပင်ခဲ့တယ် အဆိုးဆုံးကတော့ သူတို့ရဲ့ဂုဏ်သိက္ခာနဲ့ သူတို့ကိုယ်သူတို့ ဘယ်လိုတိုးတက်မလဲဆိုတာကိုပဲ ဂရုစိုက်တာ ဒီအချက်ကတော့ အခြားလူတွေကို လှောင်ပိတ်ပြီး ထိန်းချုပ်ဖို့ သူတို့ကို ဦးဆောင်စေတဲ့အရာပဲ အနန္တတန်ခိုးရှင်ဘုရားသခင်ရဲ့နှုတ်ကပတ်တော်ကို ခိုးယူဖို့ ကြိုးစားခဲ့ ကြတယ်။ အရှက်မရှိပဲ သူတို့ကိုယ်ပိုင် တရားဟောချက်တွေလိုမျိုး ဟန်ဆောင်ကြတယ် ဒီအချက်က သူတို့ဟာ ဂုဏ်အဆင့်အတန်းအတွက် ဘုရားသခင်နဲ့ယှဉ်ဖို့ မာနထောင်လွှားတဲ့ရည်ရွယ်ချက်တွေနဲ့လုပ်နေတယ်ဆိုတာကို ပြပါတယ် အဲဒီလို သင်းအုပ်ဆရာတွေနဲ့ ဘာသာရေးခေါင်းဆောင်တွေဟာ သခင်ယေရှုမြေကြီးပေါ်မှာရှိနေတုန်းက ကိုယ်တော့်ကို မရပ်မနားဆန့်ကျင်ခဲ့တဲ့ ဖာရိရှဲတွေနဲ့ ဘာမှမခြားဘူး သူတို့အားလုံးဟာ သမ္မာတရားကို မုန်းတီးကြပြီး ဘုရားသခင်ရဲ့ရန်သူ အန္တိခရစ်တွေပဲ သူတို့တွေဟာ နတ်ဆိုးဖြစ်လာပြီး အခြားသူတွေအပေါ်မှာ အထင်သေးစွာဆက်ဆံပြီး လူတွေရဲ့စိတ်ဝိညာဉ်ကို ဝါးမျိုနေတာပဲ ကိုယ်တော့်ရဲ့စိတ်နေသဘောထားကို ပစ်မှားခဲ့တဲ့ သူတို့ဟာ ကိုယ်တော့်ရဲ့ဖြောင့်မတ်တဲ့ အပြစ်ပေးခြင်းကိုခံရမှာ သေချာတယ်

အောင်ပွဲဝင်တေး ၏ ရုပ်ရှင် ဇာတ်ညွှန်း မှ