၄၈။ လူသားပုံသဏ္ဌာန်အတိုင်း အသက်ရှင်နေထိုင်ရန် သမ္မာတရားကို လက်တွေ့လုပ်ဆောင်ပါ

တရုတ်နိုင်ငံ၊ မြောင်ရှောင်

ကျွန်မက ကိုယ့်တာဝန်ကို ထမ်းဆောင်တယ်၊ ညီအစ်ကို မောင်နှမတွေနဲ့ အဆင်ပြေတယ်၊ သိသာတဲ့ အပြစ်တွေကို မကျူးလွန်ဘူးဆိုရင် လူသားပုံသဏ္ဌာန်အတိုင်း အသက်ရှင်နေထိုင်နေတာပဲလို့ ထင်ခဲ့ဖူးတယ်။ ဒါပေမဲ့ ဘုရားသခင်ရဲ့ နှုတ်ကပတ်တော်အားဖြင့် တရားစီရင်ခြင်း၊ ထပ်ခါထပ်ခါ ဖော်ထုတ်ခြင်းကို ကျွန်မ ခံရပြီးတဲ့နောက်မှာ လူသားပုံသဏ္ဌာန်ရှိတာက အပြင်ပန်း အပြူအမူသက်သက်ပဲ မဟုတ်ဘူးဆိုတာ နောက်ဆုံးမှာ ကျွန်မ မြင်ခဲ့ရတယ်။ အဓိကသော့ချက်က ဘုရားသခင်ရဲ့ နှုတ်ကပတ်တော်တွေကို လက်တွေ့လုပ်ဆောင်ဖို့၊ တစ်ခုခုဖြစ်ပျက်တဲ့အခါမှာ ကျွန်မတို့ရဲ့ ကိုယ်ပိုင် အကျိုးစီးပွားကို စွန့်လွှတ်ပြီး စည်းမျဉ်းတွေကို ထိန်းသိမ်းဖို့၊ ဘုရားသခင်ရဲ့ အမှုတော်ကို ထိန်းသိမ်းဖို့၊ ဘုရားအလိုတော်ကို ဂရုစိုက်ဖို့ပဲ။

၂၀၁၈ ခုနှစ် ဇူလိုင်လမှာ ကျွန်မတို့ အသင်းတော်က အစ်မတစ်ယောက်က ဧဝံဂေလိဖြန့်ဝေနေတုန်းမှာ အဖမ်းခံခဲ့ရတယ်။ သူက ကျွန်မ အိမ်ကို ရောက်ဖူးတယ်ဆိုတော့ ရဲတွေက သူ့ကို နောက်ယောင်ခံလိုက်နေတယ်ဆိုရင် ကျွန်မ ဘယ်မှာနေတယ်ဆိုတာကို သူတို့ သိမှာပဲ။ ကျွန်မတို့ တခြားနေရာကို အမြန် ပြောင်းရွှေ့ခဲ့ကြတယ်။ အခြေချပြီးတဲ့နောက်မှာ supervisor တစ်ယောက် ရောက်လာပြီး ပြောတယ်။ “ညီအစ်ကို မောင်နှမသုံးယောက်က နောက်ယောင်ခံလိုက်ခံရပြီး အဖမ်းခံခဲ့ရတယ်။ ဝတ်ပြုအစည်းအဝေးလုပ်ဖို့ သူတို့သွားတဲ့နေရာမှာရှိတဲ့ လူတိုင်းလည်း နေရာရွှေ့သွားကြပြီ။ နင်တို့ ဂရုစိုက်ကြဦး” တဲ့။ ကျွန်မ စဉ်းစားမိတယ်။ ရဲတွေက ညီအစ်ကို မောင်နှမတချို့ကို ဖမ်းပြီးပြီဆိုတော့ ရဲတွေက သူတို့ကို ခြေရာခံလိုက်နေတာ နည်းနည်းကြာလောက်ပြီ။ ကွန်မြူနစ်ပါတီက ဘုရားသခင်နဲ့ သမ္မာတရားကို မုန်းတီးတယ်။ သူတို့က ဘုရားသခင်ရဲ့ အသင်းတော်ကို ဖျက်ဆီးပြီး ယုံကြည်သူတွေကို ဖမ်းဆီးဖို့အတွက် သဲလွန်စတွေကို ရှာဖွေဖို့၊ အဓိကလူကို ဖမ်းမိဖို့ အခွင့်ကောင်း စောင့်နေကြတာ။ ကျွန်မတို့ရဲ့ စုဝေးတဲ့ နေရာတွေအားလုံးကို စောင့်ကြည့်နေကြလောက်တယ်။ အဲဒီနေရာတွေမှာ နေနေတဲ့သူတိုင်း အမြန်ဆုံး ပြောင်းရွှေ့သင့်တယ် ပေါ့။ ဒါပေမဲ့ supervisor က အဖမ်းခံရတဲ့သူတွေ သွားတဲ့နေရာတွေကိုပဲ သတိပေးခဲ့တာ။ တခြားလူတွေ ဘယ်သူ့ကိုမှ သတိမပေးရသေးဘူး။ ကျွန်မ သူ့ကို တစ်ခုခုပြောသင့်လား တွေးနေမိတယ်။ ကျွန်မက မပြောခဲ့ဘဲ တစ်ခုခုဖြစ်သွားရင် ဘယ်နှစ်ယောက်လောက် အဖမ်းခံရပြီး နှိပ်စက်ခံရမလဲဆိုတာ မသိနိုင်ဘူး။ ဒါဆိုရင် အသင်းတော်ရဲ့ အလုပ်ကိုလည်း ထိခိုက်မှာပဲ။ ဒါပေမဲ့ ကျွန်မက ထုတ်ပြောပြီးတော့မှ သူက နားမထောင်ရင် ဒါမှမဟုတ် ကျွန်မက အရမ်းကြောက်လွန်းတယ်လို့ ပြောရင် ကျွန်မအပေါ် သူ အကောင်းမြင်နေတာက ပျောက်သွားမှာလား။ ဒါနဲ့ပတ်သက်ပြီး စိတ်ပူနေတုန်းမှာ ဒီ ဘုရားနှုတ်ကပတ်တော်တွေကို စဉ်းစားမိတယ်။ “ဘုရားသခင်၏အမှုအတွက် အကျိုးရှိသည့်အရာတိုင်းကို ဆောင်ရွက်ပြီး ဘုရားသခင်၏ အမှုနှင့်ဆိုင်သည့် အကျိုးစီးပွားများကို ထိခိုက်နစ်နာစေသည့် မည်သည့်အရာကိုမျှ မလုပ်ဆောင်နှင့်။ ဘုရားသခင်၏နာမတော်၊ ဘုရားသခင်၏ သက်သေခံချက်နှင့် ဘုရားသခင်၏အမှုတော်တို့ကို ကာကွယ်ရမည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နိုင်ငံတော်ခေတ်၌ ဘုရားသခင် ရွေးချယ်ထားသောသူများ လိုက်နာရမည့် စီမံအုပ်ချုပ်ရေးဆိုင်ရာ အမိန့်တော် ဆယ်ရပ်”) ယုံကြည်သူတစ်ယောက်အနေနဲ့ ဘုရားသခင်ရဲ့ အမှုတော်နဲ့ အသင်းတော်ရဲ့ အကျိုးစီးပွားကို ထိန်းသိမ်းသင့်တယ်ဆိုတာ ဒီ နှုတ်ကပတ်တော်က ကျွန်မကို သတိပေးနေတယ်။ ဒါကြောင့် ကျွန်မရဲ့ အတွေးနဲ့ ထင်မြင်ချက်ကို သူ့ကို ပြောပြခဲ့တယ်။ ကျွန်မ ပြောလို့ မဆုံးခင်မှာပဲ သူက မကြည်တဲ့မျက်နှာနဲ့ ပြောတယ်။ “နေရာပြောင်းမယ် ဟုတ်လား။ နည်းနည်းလေးဖြစ်တာနဲ့ ငါတို့က ထွက်ပြေးရင် ဒါ ဘုရားရဲ့ အုပ်စိုးမှုကို ယုံကြည်တာ ဟုတ်ရဲ့လား။ နင်က ဝိညာဉ်ရင့်ကျက်မှုရှိပြီး အဖွဲ့မှာ ဦးဆောင်နိုင်တယ်လို့ ထင်ခဲ့ဖူးတယ်။ ဒါပေမဲ့ လက်စသတ်တော့ တစ်ခုခုဖြစ်လာတာနဲ့ နင်က တိမ်းရှောင်တာပဲ။” တဲ့။ ဒါကို ကြားရတော့ ကျွန်မ တော်တော်စိတ်ညစ်သွားတယ်။ သူက ကျွန်မကို ဒီလိုပုံစံနဲ့ ကိုင်တွယ်ဖြေရှင်းပြီးတဲ့နောက်မှာ တခြားလူတွေက ဘယ်လိုထင်ကြမလဲ။ ဒီလိုမျိုးဖြစ်ပြီးတော့ ကျွန်မက သူ့ကို ဘယ်လို မျက်နှာချင်းဆိုင်ရမှာလဲ။ ဒါပေမဲ့ အသင်းတော်အလုပ်ကို ထိန်းသိမ်းပြီး ညီအစ်ကို မောင်နှမတွေရဲ့ ဘေးကင်းမှုအတွက် ကာကွယ်ပေးဖို့ကို စဉ်းစားမိတော့ ကျွန်မ ထပ်ပြီးတော့ ပြောချင်ခဲ့တယ်။ ဒါပေမဲ့ သူက တော်တော် စိတ်ခိုင်မာနေတာကို မြင်ရတော့ စိတ်ပူမိတယ်။ ကိုင်တွယ်ဖြေရှင်းခံရပြီးပြီးချင်းကို ကျွန်မက ဆက်ပြီး ထုတ်ပြောနေရင် ကျွန်မက သမ္မာတရားရဲ့ စစ်မှန်မှု မရှိဘူး၊ မာနထောင်လွှားပြီး ခေါင်းမာတယ်လို့ သူက ပြောမှာပဲ။ သူက ကျွန်မကို သမ္မာတရားကို ရှာဖွေသူအဖြစ် မြင်ပါဦးမလား။ သူက ကျွန်မကို အမြဲတမ်း တန်ဖိုးထားခဲ့တယ်။ အရေးကြီးတဲ့ တာဝန်တွေမှာ ကျွန်မကို ထည့်သွင်းပြီး အကြောင်းကိစ္စတွေမှာ ကျွန်မနဲ့ တိုင်ပင်တယ်။ ကျွန်မရဲ့ ကိုယ်ပိုင်အမြင်ကို ဆက်ပြောနေရင် သူ ကျွန်မကို လေ့ကျင့်ပေးနေတာကို ရပ်သွားနိုင်တယ်။ ဒါဆိုရင် သူများတွေက ကျွန်မကို အထင်သေးကြမယ်။ ကျွန်မ ဒီတိုင်းထားလိုက်ဖို့ ဆုံးဖြတ်ခဲ့တယ်။ ကျွန်မ ခေါင်းငုံ့နေပြီး ဘာစကားမှ မပြောတော့ဘူး။

သူ ပြန်သွားတဲ့နောက်မှာ ကျွန်မ တကယ်ကို အနေရခက်နေတယ်။ အဲဒါနဲ့ ကျွန်မ တိတ်တဆိတ် ဆုတောင်းလိုက်တယ်။ ပြီးတဲ့အခါမှာ ဒီ ဘုရားနှုတ်ကပတ်တော်တွေက ကျွန်မ စိတ်ထဲကို ရောက်လာတယ်။ “တစ်ဦးတစ်ယောက်၏ လူ့သဘာဝတွင် အခြေခံအကျဆုံး နှင့် အရေးကြီးဆုံး အစိတ်အပိုင်းများမှာ အသိစိတ်နှင့် ဆင်ခြင်တုံတရားတို့ ဖြစ်သည်။ အသိစိတ် ကင်းမဲ့ပြီး သာမန်လူ့သဘာဝ၏ ဆင်ခြင်တုံတရားမရှိသူသည် မည်သည့် လူစားမျိုး ဖြစ်သနည်း။ ယေဘုယျအားဖြင့် ပြောရလျှင်၊ သူသည် လူ့သဘာဝကင်းမဲ့သူ သို့မဟုတ် ဆိုးသော လူ့သဘာဝကို ပိုင်ဆိုင်သည့်လူတစ်ဦး ဖြစ်သည်။ ဤအရာကို သေချာစွာ စိစစ်ကြစို့။ ဤလူသည် လူ့သဘာဝ မရှိဟု လူတို့ပြောဆိုသည်အထိ သူသည် ဖောက်ပြန်ပျက်စီးသော လူ့သဘာဝကို မည်သို့ ပြသနည်း။ ထိုသို့သော လူများသည် မည်သည့် ထူးခြားသော လက္ခဏာရပ်များ ပိုင်ဆိုင်ကြသနည်း။ ၎င်းတို့သည် မည်သည့် သရုပ်သကန်များ အတိအကျကို ပြကြသနည်း။ ထိုသို့သော လူတို့သည် မိမိတို့၏ လုပ်ဆောင်ချက်များတွင် ဝတ်ကျေတမ်းကျေဖြစ်ကြပြီး ၎င်းတို့ကို ပုဂ္ဂိုလ်ရေးအရ မပတ်သက်သည့် မည်သည့်အရာကိုမဆို အဖက်မလုပ်ဘဲ နေတတ်ကြသည်။ ဘုရားသခင်၏အိမ်တော်၏ အကျိုးများကို ၎င်းတို့ အရေးမထားကြသကဲ့သို့၊ ဘုရားသခင်၏ အလိုတော်ကိုလည်း အရေးထားခြင်း မပြကြပေ။ ဘုရားသခင်အတွက် သက်သေခံခြင်း သို့မဟုတ် ၎င်းတို့၏ တာဝန်များကို ဆောင်ရွက်ခြင်း ဝန်ထုပ်ကို သူတို့ တာဝန်မယူကြသကဲ့သို့၊ တာဝန်သိစိတ် မရှိကြပေ။...၎င်းတို့၏ တာဝန်များကို ဆောင်ရွက်ရာတွင် ပြဿနာကို သိမြင်သောအခါ ဆိတ်ဆိတ်နေသော သူတို့ပင် ရှိကြသည်။ ၎င်းတို့သည် အခြားသောသူတို့က နှောင့်ယှက်ခြင်းများနှင့် အတားအဆီးများ ဖြစ်စေလျက်ရှိကြသည်ကို တွေ့မြင်သော်လည်း၊ ထိုသူတို့ကို တားဆီးရန် မည်သည့်အရာမျှ မလုပ်ဆောင်ကြချေ။ ၎င်းတို့သည် ဘုရားအိမ်တော်၏ အကျိုးတို့ကို အနည်းဆုံး ထည့်သွင်းစဉ်းစားခြင်း မရှိသည်သာမက ၎င်းတို့ကိုယ်တိုင်၏ ဝတ္တရားများနှင့် တာဝန်များနှင့် ပတ်သက်၍လည်း မစဉ်းစားကြချေ။ ၎င်းတို့သည် ၎င်းတို့ ကိုယ်တိုင်၏ ဝင့်ဝါမှု၊ သိက္ခာ၊ ရာထူး၊ အကျိုးများနှင့် ဂုဏ်သရေတို့အတွက်သာ ပြောဆို၊ လုပ်ဆောင်၊ ထင်ပေါ်၊ အားထုတ်ကြိုးပမ်းကာ အားအင်ကို အသုံးပြုကြသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) ဘုရားသခင်ရဲ့ နှုတ်ကပတ်တော်တွေက ကျွန်မရဲ့ တကယ့် အခြေအနေကို ထုတ်ဖော်ပြခဲ့တယ်။ အဲဒီနေရာတွေက အန္တရာယ်ရှိပြီးတော့ အဲဒီမှာရှိတဲ့သူတွေ မပြောင်းရွှေ့ဘူးဆိုရင် အဖမ်းခံရနိုင်တယ်ဆိုတာ ကျွန်မ သိခဲ့တယ်။ ဒါပေမဲ့ ကျွန်မက သတ္တိနည်းပြီး ယုံကြည်ခြင်းမရှိဘူးလို့ supervisor က ပြောပြီး ကျွန်မကို အထင်မကြီးတော့မှာကို စိုးရိမ်ခဲ့တယ်။ စည်းမျဉ်းတွေကို မလိုက်နာရဲခဲ့ဘူး။ အသင်းတော်ရဲ့အလုပ်ကို မထိန်းသိမ်းရဲခဲ့ဘူး။ သမ္မာတရားကို ကျွန်မ သိပေမဲ့ လက်တွေ့မလုပ်ဆောင်ခဲ့ဘူး။ ဘုရားသခင်ကို ကျွန်မ ဆုတောင်းခဲ့တယ်။ “အို ဘုရားသခင် ကျွန်မရဲ့ ယုံကြည်ခြင်းမှာ သမ္မာတရားကို ကျွန်မ လက်တွေ့မလုပ်ဆောင်ဘူးဆိုတာ လက်တွေ့အရှိတရားက ပြသခဲ့ပါတယ်။ ဘုရားသခင်ရဲ့ အမှုတော်ကို ကျွန်မ မထိန်းသိမ်းဘူး။ ကျွန်မရဲ့ ဂုဏ်သိက္ခာ၊ အဆင့်အတန်းနဲ့ အကျိုးစီးပွားတွေကိုပဲ ထည့်စဉ်းစားခဲ့တယ်။ ကျွန်မဟာ အရမ်း တစ်ကိုယ်ကောင်းဆန်ပြီး စက်ဆုပ်ဖွယ်ကောင်းပါတယ်။ ဘုရားသခင် ကျေးဇူးပြုပြီး ကျွန်မကို လမ်းပြတော်မူပါ။ ကျွန်မ အမှန်တကယ် နောင်တရဖို့ ဆန္ဒရှိပါတယ်” ပေါ့။ ပြီးတဲ့အခါမှာ ကျွန်မတို့က ကိုယ့်တာဝန်မှာ ဘေးကင်းလုံခြုံမှုကို အမြဲတမ်း သတိပြုရမယ်လို့ အလုပ်အစီအစဉ်တွေမှာ ပြဌာန်းသတ်မှတ်ထားတာကို ကျွန်မ သတိရမိခဲ့တယ်။ ဘေးကင်းတဲ့ ပတ်ဝန်းကျင်မှာဆိုရင် ညီအစ်ကို မောင်နှမတွေက သူတို့တာဝန်ကို စိတ်အေးလက်အေးနဲ့ ထမ်းဆောင်နိုင်တယ်။ ပြီးတော့ ဘုရားအိမ်တော်ရဲ့ အလုပ်လည်း အလွယ်တကူ မနှောင့်ယှက်ခံရတော့ဘူး။ အဲဒီနောက်မှာ အဖွဲ့မှာရှိတဲ့ တခြားလူတွေနဲ့ ကျွန်မရဲ့ အတွေးတွေကို ဝေမျှခဲ့တယ်။ တခြားနေရာတွေက အန္တရာယ်ရှိပြီး ပြောင်းရွှေ့သင့်တယ်လို့ သူတို့ သဘောတူကြတယ်။ supervisor ကို ကျွန်မ တွေ့တော့ သူ့ကို ထပ်ပြောပြဖို့ ဆုံးဖြတ်လိုက်တယ်။ ကျွန်မ သမ္မာတရားကို လက်တွေ့လုပ်ဆောင်ဖို့အတွက် ဘုရားသခင်ကို ဆုတောင်းပြီး ရဲရင့်မှုကို ပေးဖို့ တောင်းလျှောက်ခဲ့တယ်။

သုံးလေးရက်လောက်ကြာတော့ တခြား supervisor တစ်ယောက်ဖြစ်တဲ့ အစ်မကျန်းက ကျွန်မတို့ အဖွဲ့ကို အလည်အပတ်ရောက်လာတယ်။ အဖမ်းခံရတဲ့ကိစ္စကို ကျွန်မတို့ ကြားလား၊ ဘယ်လိုထင်လဲဆိုတာတွေကို သူက မေးတယ်။ ကျွန်မ အမြန်ပြောလိုက်တယ်။ “တခြား စုဝေးတဲ့နေရာတွေက မလုံခြုံလောက်ဘူးလို့ ထင်တယ်။ ကြိုတင်ပြင်ဆင်တဲ့အနေနဲ့ ကျွန်မတို့ သူတို့တွေကို ချက်ချင်းပြောင်းရွှေ့ဖို့ ပြောသင့်တယ်။” ပေါ့။ ကျွန်မ ပြောလို့ မပြီးသေးခင်မှာဘဲ အစ်မကျန်းက ခပ်ကြမ်းကြမ်းပြောတယ်။ “မလုံခြုံဘူး ဟုတ်လား။ တရုတ်ပြည်မှာ ဘုရားသခင်ကို ယုံကြည်တာက ဘယ်နေရာမှာ လုံခြုံလို့လဲ။ ငါတို့ အန္တရာယ်ကနေ လွတ်ကင်းတာ ဘယ်နေရာရှိလို့လဲ။ အခုအချိန်က ဧဝံဂေလိတရားကို ဖြန့်ဝေဖို့ အရေးကြီးတဲ့အချိန်ပါ။ ငါတို့က တစ်ခုခုဖြစ်တိုင်း ကြောက်နေရင် ကိုယ့်တာဝန်ကို ဘယ်လို လုပ်နိုင်မှာလဲ။ ဘုရားသခင်ရဲ့ အမှုတော်ကပြီးဆုံးပြီးတော့ ကွန်မြူနစ်ပါတီ ကျရှုံးသွားတဲ့အထိ နင်က စောင့်ချင်လို့လား” တဲ့။ ကျွန်မ တွေးမိတယ်။ “ကျွန်မ ပြောတာ အဲဒီလိုမျိုးမဟုတ်ဘူး။ ဘုရားသခင်က ကျွန်မတို့ကို ကျေးဇူးတော်ခေတ်မှာ ပြောခဲ့တယ်။ ‘တောခွေးစုထဲသို့ သိုးတို့ကို စေလွှတ်သကဲ့သို့ သင်တို့ကို ငါစေလွှတ်၏။ ထိုကြောင့် သင်တို့သည် မြွေကဲ့သို့ လိမ္မာလျက်၊ ချိုးငှက်ကဲ့သို့ အဆိပ်ကင်းလျက် ရှိကြလော့။’ (ရှင်မဿဲခရစ်ဝင် ၁ဝ:၁၆) ‘တမြို့၌ သင်တို့ကို ညှဉ်းဆဲလျှင် တမြို့သို့ပြေးကြလော့။’ (ရှင်မဿဲခရစ်ဝင် ၁၀:၂၃) တရုတ်ပြည်မှာ ကျွန်မတို့ တာဝန်ကို ထမ်းဆောင်တာက ဉာဏ်ပညာ လိုအပ်ပါတယ်။ ဒါပေမဲ့ အစ်မကျန်းရဲ့ တုံ့ပြန်ချက်ကနေ ကျွန်မ မြင်နိုင်တယ်။ သူက ဒီ နေရာတွေကနေ မပြောင်းရွှေ့ချင်ဘူး။ ကျွန်မက ဆက်ပြောနေရင် သမ္မာတရားကို ကျွန်မ လက်မခံဘူး၊ ကျွန်မ တစ်ခုခုလွဲနေတယ်ဆိုပြီး သူ ပြောကောင်းပြောနိုင်တယ်။ နောက်တော့ သူက ဆက်ပြောတယ်။ “ကြောက်တဲ့သူတွေက သူတို့ တာဝန်ကို မထမ်းဆောင်နိုင်ဘူး။ အဖမ်းခံရတဲ့အခါမှာ ယုဒတွေ ဖြစ်ကုန်ကြတယ်။” တဲ့။ ကျွန်မ တကယ်ကို ဒွိဟဖြစ်သွားခဲ့တယ်။ အားလုံး ပြောင်းရွှေ့ကြဖို့ ကျွန်မက ဆက်ပြီး အကြံပေးနေရင် supervisor တွေက ကျွန်မကို ငကြောက်လို့ မြင်ကြနိုင်တယ်။ ကျွန်မကို ထုတ်တောင် ထုတ်ပစ်နိုင်တယ်။ အဲဒီလိုဆိုရင် သူများတွေက ကျွန်မကို ဘယ်လိုထင်ကြမလဲ။ ကျွန်မရဲ့ စိတ်အားထက်သန်မှုကြောင့် သူတို့က ကျွန်မကို အကောင်းမြင်လေ့ရှိကြတယ်။ သူတို့ ပြဿနာတွေကို မိတ်သဟာယဖွဲ့ပေးဖို့ ကျွန်မကို တောင်းဆိုလေ့ရှိတယ်။ ကျွန်မက သတ္တိနည်းပြီး သမ္မာတရားကို လက်မခံဘူးလို့ သူတို့ ထင်သွားရင် ကျွန်မကို အရင်ကလို မြင်တော့မှာမဟုတ်ဘူး။ ပြီးတော့ ကျွန်မလည်း သူတို့နဲ့ မျက်နှာချင်းဆိုင်ဖို့ ရှက်နေမှာပဲ။ ကျွန်မ တော်တော် စဉ်းစားတယ်။ ဒါပေမဲ့ မှန်ကန်တဲ့အရာကို လုပ်ဖို့ ကျွန်မ ဆန္ဒက ပျောက်ကွယ်သွားခဲ့တယ်။ ကျွန်မ supervisor နဲ့ အဆင်မပြေ မဖြစ်ချင်ဘူး။ ကျွန်မက “ငါ တွေးမိတာကို ပြောပြတာပါ။ ဘာလုပ်မလဲဆိုတာ နင်တို့အပေါ်မှာ မူတည်ပါတယ်” ဆိုပြီး ပြောလိုက်တယ်။

သုံးလေးရက်လောက်ကြာပြီးတဲ့နောက် တစ်မနက်မှာ အစ်မတစ်ယောက်က ပျာယာခတ်နေရင်းနဲ့ ပြောတယ်။ အဲဒီ အဖမ်းခံရတာတွေ ပြီးတဲ့နောက်မှာ တချို့ စုဝေးတဲ့နေရာတွေက ပြောင်းရွှေ့တာ နှေးနေကြတယ်။ တဲ့ ရဲတွေက သူတို့ကို ခြေရာခံလိုက်နေတာဆိုတော့ supervisor သုံးယောက်နဲ့ စုဝေးပွဲနေရာက တချို့လူတွေ အဖမ်းခံလိုက်ရတယ် တဲ့။ ဒီလိုကြားရတာ ကျွန်မ တော်တော် စိတ်ထိခိုက်သွားတယ်။ ကျွန်မသာ အဲဒီအချိန်တုန်းက စည်းမျဉ်းတွေကို လိုက်နာပြီး အရေးကြီးတာကို ရှင်းပြခဲ့ရင် ဒါမှမဟုတ် အသင်းတော်ခေါင်းဆောင်ကို တိုက်ရိုက် ဆက်သွယ်ခဲ့ရင် ကျွန်မတို့ အဲဒီ အခြေအနေကို ရောက်လာမှာမဟုတ်ဘူး။ လူတွေအများကြီး အဖမ်းခံရပြီးတော့ အသင်းတော်ရဲ့အလုပ်က တော်တော်ကို နှောင့်နှေးသွားတယ်။ ဒါဟာ ကျွန်မ တာဝန်မသိတတ်တာ၊ စည်းမျဉ်းတွေအတိုင်း မလုပ်တာနဲ့ တိုက်ရိုက်သက်ဆိုင်နေပါတယ်။ ဒါပေမဲ့ အရမ်း နောက်ကျသွားပြီ။ လုပ်နိုင်တာတစ်ခုက အန္တရာယ်ရှိနိုင်တဲ့သူတွေအားလုံးကို စီစီပီရဲ့ ဆိုးယုတ်တဲ့ လက်ထဲကို ရောက်မသွားအောင် အမြန်ဆုံး အသိပေးဖို့ပါပဲ။ အဲဒါကို ညီအစ်ကို မောင်နှမတွေကို ကျွန်မ ချက်ချင်းလုပ်ခိုင်းခဲ့တယ်။

နောက်ပိုင်းမှာ ကျွန်မ ပြန်ဆင်ခြင်ကြည့်ခဲ့တယ်။ ဘုရားအိမ်တော်ရဲ့ အကျိုးစီးပွားနဲ့ အသင်းတော်အလုပ်ကို ကာကွယ်သင့်တယ်ဆိုတာ ကျွန်မ သိခဲ့တယ်။ ဒါဆိုရင် ဘာလို့ ကျွန်မ လက်တွေ့မလုပ်ဆောင်ခဲ့တာလဲ။ ကျွန်မ ဘာလို့ အရမ်း တစ်ကိုယ်ကောင်းဆန်ခဲ့တာလဲ။ ကျွန်မ ကိုယ်တိုင်ရဲ့ အကျိုးစီးပွားကိုပဲ ဘာလို့ ကာကွယ်ခဲ့တာလဲ။ နောက်တော့ ဘုရားနှုတ်ကပတ်တော်ထဲက ဒီအပိုဒ်ကို ဖတ်မိတယ်။ “လူတို့သည် ဘုရားသခင်၏ အမှုကို တွေ့ကြုံရပြီး သမ္မာတရားကို ရရှိပြီးသည်အထိ အတွင်း၌ သူတို့ကို ထိန်းချုပ်၍ အုပ်စိုးသည်မှာ စာတန်၏ သဘာဝဗီဇဖြစ်၏။ အတိအကျဆိုရလျှင် ထိုသဘာဝဗီဇကို မည်သည့်အရာက ဖြစ်ပေါ်စေသနည်း။ ဥပမာ၊ သင်သည် အဘယ်ကြောင့် တစ်ကိုယ်ကောင်းဆန်ရသနည်း။ သင်၏ကိုယ်ပိုင် ရာထူးဂုဏ်ဒြပ်ကို အဘယ်ကြောင့် ကာကွယ် သနည်း။ သင်သည် အဘယ်ကြောင့် ထိုသို့သော အားကောင်းသည့် စိတ်ခံစားချက်များ ရှိသနည်း။ ထိုမဖြောင့်မတ်သော အရာများကို သင်သည် အဘယ်ကြောင့် မွေ့လျော်ခံစားသနည်း။ သင်သည် အဘယ်ကြောင့် ထိုမကောင်းမှုများကို နှစ်သက်သနည်း။ ထိုသို့သော အရာများကို သင်၏ ကြိုက်နှစ်သက်ခြင်း၏ အခြေခံအကြောင်းရင်းက အဘယ်နည်း။ ဤအရာတို့သည် အဘယ်အရပ်က လာကြသနည်း။ ၎င်းတို့အား လက်ခံသည်ကို သင် အဘယ်ကြောင့် အလွန်ပျော်ရွှင်နေသနည်း။ ဤအရာများအားလုံး၏ နောက်ကွယ်ရှိ အဓိက အကြောင်းရင်းမှာ သင်တို့အတွင်းတွင် စာတန်၏အဆိပ်ရှိခြင်းကြောင့် ဖြစ်ကြောင်း ယခုတွင် သင်တို့အားလုံး နားလည်လာကြပြီ။ စာတန်၏အဆိပ်မှာ မည်သည့်အရာဖြစ်ကြောင်းနှင့် ပတ်သက်၍၊ ယင်းကို စကားလုံးများဖြင့် အပြည့်အဝ ဖော်ပြနိုင်၏။ ဥပမာအားဖြင့်၊ မကောင်းမှုပြုသူအချို့ကို သူတို့သည် ၎င်းတို့ ပြုခဲ့သည့်ပုံစံ အဘယ်ကြောင့် ပြုကြသည်ကို သင်မေးပါက၊ သူတို့က ‘လူတိုင်း ကိုယ့်အတွက်သာ ကိုယ်ကြည့်ပြီး၊ ဘယ်သူသေသေ ငတေမာပြီးရော ဖြစ်သောကြောင့်’ ဟု ဖြေကြလိမ့်မည်။ ဤတစ်ခုတည်းသောစကားစုက ပြဿနာ၏ တကယ့်အရင်းအမြစ်ကို ဖော်ပြလေသည်။ စာတန်၏ တွေးခေါ်မှုစနစ်သည် လူသားတို့၏ အသက်တာများ ဖြစ်လာပြီဖြစ်သည်။ သူတို့သည် အမှုအရာများကို ဤရည်ရွယ်ချက် သို့မဟုတ် ထိုရည်ရွယ်ချက်အတွက် ပြုလုပ်ကောင်းပြုလုပ်ကြသော်လည်း၊ ထိုသူတို့သည် ယင်းကို မိမိတို့အတွက်သာ ပြုကြခြင်းဖြစ်သည်။ ကိုယ့်အတွက်သာ ကိုယ်ကြည့်၊ ဘယ်သူသေသေ ငတေမာပြီးရော ဖြစ်သောကြောင့်၊ သူတို့သည် မိမိတို့၏ကိုယ်ပိုင် အကျိုးအတွက်သာ အသက်ရှင်သင့်ပြီး၊ အစားအစာနှင့် ကောင်းမွန်သော အဝတ်အစားအတွက် ရာထူးကောင်းတစ်နေရာ ရရှိရန် သူတို့ အရာရာကို အစွမ်းကုန် ကြိုးစားလုပ်ဆောင်သင့်သည်ဟု အယောက်တိုင်းက ထင်မှတ်ကြသည်။ ‘ကိုယ့်အတွက်ပဲ ကိုယ်ကြည့်၊ ဘယ်သူသေသေ ငတေမာပြီးရော’ ဟူသော ဤအရာမှာ လူသား၏အသက်နှင့် ဒဿနအမြင်ဖြစ်ပြီး ၎င်းက လူသား၏ သဘာဝဗီဇကိုလည်း ကိုယ်စားပြုလေသည်။ စာတန်၏ ဤစကားများမှာ အတိအကျဆိုရလျှင် စာတန်၏ အဆိပ်ဖြစ်ပြီး၊ လူတို့က ယင်းကို နှလုံးသွင်းကြသည့်အခါတွင်၊ ယင်းသည် သူတို့၏ သဘာဝဗီဇ ဖြစ်လာသည်။ စာတန်၏ သဘာဝဗီဇမှာ ဤစကားလုံးများအားဖြင့် ထုတ်ဖော်ခြင်းခံရသည်။ ယင်းတို့က ၎င်းကို လုံးလုံး ကိုယ်စားပြု၏။ ဤအဆိပ်သည် လူတို့၏ အသက်များဖြစ်လာသည့်အပြင်၊ သူတို့တည်ရှိမှု၏ အခြေခံအုတ်မြစ်ဖြစ်လာပြီး ဖောက်ပြန်ပျက်စီးသော လူသားမျိုးနွယ်က နှစ်ထောင်ချီ၍ ဤအဆိပ်၏ အုပ်စိုးခြင်းကို မပြောင်းမလဲ ခံလာရပြီဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ပေတရု၏လမ်းကြောင်းအတိုင်း လျှောက်လှမ်းနည်း”) ဘုရားသခင်ရဲ့ နှုတ်ကပတ်တော်က ကျွန်မတို့ရဲ့ တစ်ကိုယ်ကောင်းဆန်မှုရဲ့ အရင်းအမြစ်ကို ထုတ်ဖော်ပြတယ်။ “ကိုယ့်အတွက်ပဲ ကိုယ်ကြည့်။ ဘယ်သူသေသေ ငတေမာပြီးရော” “မိမိကိုယ်ကို ကာကွယ်ရန် ဆိတ်ဆိတ်ငြိမ်နေ၍ အပြစ်တင်ခံရမှုမှ လွတ်မြောက်ရန်သာ ကြိုးစားပါ” ဆိုတဲ့ ဒီ ဆိုးယုတ်တဲ့ အဆိပ်တွေနဲ့ ရှင်သန်နေခဲ့တယ်။ ဒါတွေက ကျွန်မတို့ရဲ့ တကယ့် သဘာဝဖြစ်လာတယ်။ လူတိုင်းက သူတို့ကိုယ်တိုင်အတွက် တိုက်ခိုက် ရှင်သန်ကြတယ်။ သူတို့အကျိုးအတွက် သူများရဲ့ အကျိုးကိုတောင် အသုံးချကြလိမ့်မယ်။ ဖောက်ပြန်ပျက်စီးတဲ့ လူတွေအားလုံးက ဒီလိုမျိုး ရှင်သန်ကြတယ်။ ပိုပြီးတော့ တစ်ကိုယ်ကောင်းဆန်လာပြီး လှည့်စားတတ်လာကြတယ်။ ကမ္ဘာကြီးကလည်း ပိုပြီး မှောင်မိုက်ပြီး ဆိုးယုတ်လာတယ်။ ယုံကြည်သူတစ်ယောက်အနေနဲ့တောင်မှ ဘုရားသခင်ရဲ့ နှုတ်ကပတ်တော်တွေက ကျွန်မရဲ့ ဘဝ ဖြစ်မလာခဲ့ဘူး။ ကျွန်မရဲ့ စဉ်းစားပုံက အဲဒီ ဆိုးယုတ်တဲ့ အဆိပ်တွေရဲ့ တိုက်စားခြင်းကို ခံနေရတုန်းပဲ။ ဒါကြောင့် သမ္မာတရားကို ကျွန်မ သိပေမဲ့ လက်တွေ့မလုပ်ဆောင်ခဲ့တာပါ။ supervisor တွေကို စိတ်ဆိုးအောင်လုပ်မိပြီး ကျွန်မရဲ့ နာမည်ကို ထိခိုက်လာမှာကို ကြောက်ခဲ့တယ်။ အဓိကကျတာက သမ္မာတရားနဲ့ အသင်းတော်ရဲ့အလုပ်မဟုတ်ဘဲ ကျွန်မ ကိုယ်တိုင်ရဲ့ နာမည်နဲ့ ဂုဏ်အဆင့်အတန်းဖြစ်ခဲ့တယ်။ ကျွန်မ တော်တော်ကို တစ်ကိုယ်ကောင်းဆန်ခဲ့ပါတယ်။ ကျွန်မ ထမ်းဆောင်တဲ့ တာဝန်နဲ့ ဘယ်အချိန်မှာ ထမ်းဆောင်ရမယ်ဆိုတာကို ဘုရားသခင်က ကြိုတင်သတ်မှတ်ထားပြီးသားပါ။ ဒါပေမဲ့ ကျွန်မရဲ့ ကံကြမ္မာက supervisor ရဲ့ လက်ထဲမှာ ရှိနေတာကြောင့် သူတို့ကို စိတ်ဆိုးအောင်လုပ်ရင် ကျွန်မ တာဝန်ကို ရပ်ခံရမှာပဲလို့ မိုက်မဲစွာ ထင်ခဲ့မိတယ်။ ဘုရားသခင်ရဲ့ အိမ်တော်မှာ သမ္မာတရားနဲ့ ဖြောင့်မတ်ခြင်းက စိုးမိုးတယ်ဆိုတာကို ကျွန်မ ငြင်းနေတာမဟုတ်ဘူးလား။ အကြောင်းအရာတွေကို ကျွန်မက မယုံကြည်သူအဖြစ်နဲ့ ကြည့်နေတာပါ။ ကျွန်မ ယုံကြည်သူတစ်ယောက် မဖြစ်ခဲ့ဘူး။ နောက်တော့ ဘုရားနှုတ်ကပတ်တော်ထဲက ဒီအပိုဒ်ကို စဉ်းစားမိတယ်။ “ဘုရားသခင်၏ အမှုအဖို့ မည်မျှကြီးမားသည့် ဆုံးရှုံးမှုဖြစ်စေ၊ သင်သည် သင်၏ အသိစိတ်မှ အပြစ်တင်ခြင်း ခံစားရလိမ့်မည်မဟုတ်၊ ယင်းမှာ သင်သည် မိမိ၏ စာတန်သော စိတ်သဘောထားဖြင့် အသက်ရှင်သည့် သူတစ်ဦး ဖြစ်လိမ့်မည်ဟု ဆိုလိုသည်။ စာတန်သည် သင့်ကို ထိန်းချုပ်ပြီး သင့်အား လူသားလည်း အတော်အတန် မဟုတ်သကဲ့သို့ မကောင်းဆိုးဝါးလည်း အတော်အတန် မဟုတ်သည့် တစ်စုံတစ်ရာအဖြစ် အသက်ရှင်စေသည်။ ဘုရားသခင် ပိုင်ဆိုင်သည့်အရာကို သင် စားသည်၊ ဘုရားသခင် ပိုင်ဆိုင်သည့်အရာကို သင် သောက်ပြီး သူ့ထံမှ လာသည့်အရာအားလုံးကို သင် မွေ့လျော်ခံစားသော်လည်း၊ ဘုရားအိမ်တော်၏ အမှုက ဆုံးရှုံးမှု တစ်စုံတစ်ရာ ခံစားရသည့်အခါ၊ ယင်းသည် သင်နှင့် မည်သည့် ပတ်သက်မှုမျှမရှိဟု သင် ထင်ပြီး ထိုအရာ ဖြစ်ပျက်သည်ကို သင် မြင်သည့်အခါ၊ သင်သည် ‘တံတောင်ကိုတွန်းထုတ်’က ခြင်းပင် ပြုပြီး ဘုရားသခင်၏ဘက်တွင် မနေသကဲ့သို့ ဘုရားသခင်၏အမှု သို့မဟုတ် ဘုရားအိမ်တော်၏ အကျိုးစီးပွားများကို မထိန်းသိမ်းကြချေ။ ဤသည်မှာ စာတန်သည် သင့်အပေါ် တန်ခိုးအာဏာရှိသည်ဟု ဆိုလို၏၊ ဟုတ်သည် မဟုတ်လော။ ထိုသို့သော လူများသည် လူသားများကဲ့သို့ အသက်ရှင်ကြသလော။ ၎င်းတို့သည် လူသားများ မဟုတ်၊ မကောင်းဆိုးဝါးများ ဖြစ်သည်မှာ သိသာထင်ရှားပေ၏။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို လက်တွေ့လုပ်ဆောင်သောသူတို့သာ ဘုရားသခင်ကို ကြောက်ရွံ့ကြသော သူများ ဖြစ်သည်”) အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေက ကျွန်မ စိတ်နှလုံးကို ဓားတစ်ချောင်းလို ထိုးဖောက်ခဲ့တယ်။ ဘုရားသခင် ပြုလုပ်ခဲ့တဲ့ လေကို ရှူပြီး အစာကို စားခဲ့တယ်။ သူ့ဆီက အသက်နဲ့ သမ္မာတရားကို ခံစားတယ်။ သူ့ရဲ့ချစ်ခြင်းကို ပြန်ပေးဆပ်ဖို့ မစဉ်းစားခဲ့ဘူး။ ဘုရားအိမ်တော်ရဲ့ အလုပ်က တော်တော်ကို ထိခိုက်ခံရပြီး ညီအစ်ကို မောင်နှမတွေ အန္တရာယ်ရှိနေတာကို ကျွန်မ သိခဲ့ပေမဲ့ ကိုယ်ကျိုးအတွက် စိုးရိမ်ပြီး စည်းမျဉ်းတွေကို မထိန်းသိမ်းရဲခဲ့ဘူး။ အဲဒါကြောင့် လူ ၂၀ ကျော် အဖမ်းခံရပြီး ထောင်ကျ၊ အနှိပ်စက်ခံခဲ့ရတယ်။ ကျွန်မတို့ရဲ့ ဧဝံဂေလိ အလုပ်က တော်တော်ကို နှောင့်နှေးသွားခဲ့တယ်။ ဖောက်ပြန်ပျက်စီးမှုနဲ့ အသက်ရှင်နေထိုင်ခြင်းဟာ ပြောပြလို့ မရနိုင်တဲ့ အကျိုးဆက်တွေကို ဖြစ်ပေါ်စေတယ်။ ကျွန်မက မကောင်းမှုကို လုပ်နေတာ သက်သက်ပဲ။ ဘုရားသခင်က ဘာလို့ တစ်ကိုယ်ကောင်းဆန်တဲ့လူတွေကို မုန်းတီးသလဲဆိုတာ၊ သူတို့မှာ လူသားဆန်မှု ကင်းမဲ့ပြီး စာတန်နဲ့သက်ဆိုင်တယ်လို့ ဘာကြောင့်ပြောသလဲဆိုတာကို ကျွန်မ လုံးဝ နားမလည်ခဲ့ဖူးဘူး။ တစ်ကိုယ်ကောင်းဆန်တဲ့သူတွေဟာ သူတို့အတွက်ပဲ သူတို့စဉ်းစားပြီး တခြားသူတွေအတွက် မစဉ်းစားဘူး၊ အသင်းတော်ရဲ့အလုပ်ကို ထိခိုက်စေပြီးတော့တောင် သူတို့ရဲ့ ကိုယ်ပိုင် အကျိုးစီးပွားကို ကာကွယ်ကြတယ်ဆိုတာကို ကျွန်မ အခု နားလည်ခဲ့တယ်။ အဲဒါက ဘယ်လိုလုပ် လူသားဆန်မှာလဲ။ တိရိစ္ဆာန်တွေကတောင် ပိုသာသေးတယ်။ ခွေးတွေက သူတို့ပိုင်ရှင်ရဲ့အိမ်ကို ဘယ်လို ကာကွယ်ပြီး ဘယ်လို သစ္စာရှိရမယ်ဆိုတာကို သိတယ်။ ဒါပေမဲ့ ဘုရားသခင်က ကျွန်မကို အများကြီး ပေးအပ်ခဲ့ပေမဲ့ အစာကျွေးတဲ့လက်ကို ကျွန်မ ကိုက်နေဆဲပဲ။ ကျွန်မ လုံးဝကို သစ္စာမရှိတာပါ။ ပြီးတော့ လူသားလို့ ခေါ်ဖို့ မထိုက်တန်ဘူး။ ဒီအချိန်မှာ ဘုရားသခင်က တစ်ကိုယ်ကောင်းဆန်တဲ့သူတွေကို အသက်ရှင်နေတဲ့ စာတန်တွေလို့ ခေါ်တာ လုံးဝ မလွန်ဘူးဆိုတာ ကျွန်မ သိခဲ့ရတယ်။ ကျွန်မက နောင်တရ၊ ပြောင်းလဲပြီး သမ္မာတရားကို လက်တွေ့လုပ်ဆောင်တာတွေကို မလုပ်ရင် မကောင်းမှုကို လုပ်ပြီး ဘုရားသခင်ကို အာခံမိမယ်။ ဘုရားသခင်ရဲ့ အပြစ်ဒဏ်ပေးခြင်းကို ခံရမယ်။ သမ္မာတရားကို လိုက်စားပြီး ဆိုးယုတ်တဲ့ စိတ်သဘောထားကို ဖြေရှင်းတာတွေ မလုပ်ရင် သမ္မာတရားကို ကျွန်မတို့ လက်တွေ့မလုပ်ဆောင်နိုင်ဘူး၊ ဘုရားသခင်ကို မနာခံနိုင်ဘူးဆိုတာ ဒီ ကျရှုံးမှုက ကျွန်မကို ပြသခဲ့ပါတယ်။ ဒါဆိုရင် ကျွန်မတို့ ဘယ်လောက်ကြာကြာ ယုံကြည်ပါစေ၊ ဘယ်လောက်ထိ အနစ်နာခံ စွန့်လွှတ်ပြီး ဒုက္ခခံပါစေ၊ ကျွန်မတို့ရဲ့ စိတ်သဘောထားတွေကို ကျွန်မတို့ လုံးဝ ပြောင်းလဲမှာမဟုတ်ဘူး ကယ်တင်ခြင်း ခံရမှာမဟုတ်ဘူး။ နောက်တော့ ကျွန်မ ဘုရားသခင်ဆီကို ဆုတောင်းခဲ့တယ်။ “အနန္တတန်ခိုးရှင်ဘုရားသခင် ကျွန်မ သမ္မာတရားကို လက်တွေ့မလုပ်ဆောင်တာကြောင့်၊ စည်းမျဉ်းမလိုက်နာတာကြောင့် အသင်းတော်အလုပ်နဲ့ ညီအစ်ကို မောင်နှမတွေကို အများကြီး ထိခိုက်နစ်နာစေခဲ့ပါတယ်။ ဘုရားသခင် ကျွန်မ မကောင်းမှုလုပ်ခဲ့ပါတယ်။ နောင်တရဖို့ အသင့်ရှိပြီး ကိုယ်တော်ရဲ့ စစ်ဆေးမှုကို လက်ခံပါတယ်။ ကျွန်မ မပြောင်းလဲသေးဘဲ တစ်ကိုယ်ကောင်းဆန်ပြီး ဘုရားအိမ်တော်ရဲ့ အလုပ်ကို မပံ့ပိုးရင် ကိုယ်တော် ကျွန်မကို တရားစီရင်ပြီး ပြစ်တင်ဆုံးမ နိုင်ပါတယ်”

ကျွန်မ ဆုတောင်းပြီးတဲ့နောက်မှာ ဘုရားနှုတ်ကပတ်တော်တွေထဲက ဒီအပိုဒ်ကို ဖတ်တယ်။ “သင်သည် တစ်ကိုယ်ကောင်းဆန်ပြီး ယုတ်ညံ့သည်ကို သင့်ကိုယ်သင် ထုတ်ဖော်ပြီး ဤသည်ကို သတိထားမိလာသောအခါ သမ္မာတရားကို သင်ရှာဖွေသင့်သည်- ကျွန်ုပ်သည် ဘုရားသခင်၏ အလိုတော်နှင့်ညီအောင် မည်သည့်အရာကို ပြုလုပ်သင့်သနည်း။ လူတိုင်းကို အကျိုးရှိစေရန် ကျွန်ုပ် မည်သို့ပြုမူသင့်သနည်း။ ဆိုလိုသည်မှာ သင်သည် သင်၏ကိုယ်ပိုင် အကျိုးအမြတ်များကို ဘေးဖယ်ထားပြီး သင်၏ဝိညာဉ်အသက်တာအရ ယင်းတို့ကို တစ်ဖြည်းဖြည်း တစ်ကြိမ်တွင် နည်းနည်းချင်းစီ စွန့်လွှတ်ခြင်းဖြင့် အစပြုရပါမည်။ သင်သည် ဤအရာကို အကြိမ်အနည်းငယ် တွေ့ကြုံပြီးသည့်နောက်၊ ယင်းတို့ကို လုံးလုံးလျားလျား ဘေးဖယ်ထားပြီးဖြစ်လိမ့်မည် ဖြစ်ပြီး၊ ထိုသို့ဘေးဖယ်ထားသည်နှင့်အမျှ သင်သည် ပို၍ပို၍ တည်ကြည်ခိုင်မာလာသည်ဟု ခံစားရလိမ့်မည်။ သင်၏ အကျိုးအမြတ်များကို ဘေးဖယ်ထားလေလေ၊ လူသားတစ်ဦးအနေဖြင့် သင်သည် အသိစိတ်နှင့် ဆင်ခြင်တုံတရား ရှိသင့်သည်ဟု ခံစားရလေလေဖြစ်မည်။ တစ်ကိုယ်ကောင်းဆန်သော ရည်ရွယ်ချက်များ မရှိဘဲနှင့် သင်သည် ရိုးဖြောင့်သော၊ တည်ကြည်သော လူတစ်ဦးဖြစ်ပြီး သင်သည် ဘုရားသခင်ကို ကျေနပ်စေရန်အလို့ငှာသာ အမှုအရာများကို ပြုလုပ်နေသည်ဟု သင်ခံစားရလိမ့်မည်ဖြစ်သည်။ ထိုကဲ့သို့သော အပြုအမူက သင့်ကို ‘လူသား’ဟု ခေါ်ထိုက်စေပြီး ကမ္ဘာမြေပေါ် ဤနည်းအတိုင်း အသက်ရှင်ခြင်းဖြင့် သင်သည် ပွင့်လင်းရိုးသားနေကြောင်း၊ သင်သည် စစ်မှန်သောလူတစ်ဦး ဖြစ်နေကြောင်း၊ သင်၌ ရှင်းလင်းသောအသိစိတ်ရှိပြီး သင့်အပေါ် ဘုရားသခင် နှင်းအပ်ထားသော အရာများအားလုံးနှင့် ထိုက်တန်ကြောင်း သင်ခံစားရလိမ့်မည်။ သင်သည် ဤကဲ့သို့ ပို၍အသက်ရှင်လေ၊ ပို၍တည်ကြည်ခိုင်မာပြီး ပို၍ထက်မြက်သည်ဟု သင်ခံစားရလေ ဖြစ်မည်။ ထိုသို့ဆိုသော် သင်သည် မှန်ကန်သောလမ်းကြောင်းပေါ် ခြေချထားပြီးဖြစ်မည် မဟုတ်လော။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) “သင်၏အကျိုးအတွက်သာ အစဉ်မလုပ်ဆောင်နှင့်၊ ပြီးလျှင် သင်၏ ကိုယ်ပိုင် အကျိုးစီးပွားကို စဉ်ဆက်မပြတ် ထည့်သွင်းမစဉ်းစားနှင့်။ သင်၏ ကိုယ်ပိုင်အဆင့်အတန်း၊ သိက္ခာ၊ သို့မဟုတ် ဂုဏ်သတင်းကို မစဉ်းစားနှင့်။ လူ၏ အကျိုးစီးပွားများကိုလည်း ထည့်သွင်းမစဉ်းစားနှင့်။ သင်သည် ပထမဦးစွာ ဘုရားသခင်၏အိမ်တော်၏အကျိုးများကို စဉ်းစားရမည်ဖြစ်ပြီး ယင်းတို့ကို သင်၏ဦးစားပေးချက် ဖြစ်စေရမည်၊ သင်သည် ဘုရားသခင်၏အလိုတော်ကို အရေးထားသင့်ပြီး၊ သင်၏ တာဝန်ကို ဖြည့်ဆည်းရာတွင် သင်သည် မစင်ကြယ်မှု ရှိခဲ့သည် မရှိခဲ့သည်၊ သစ္စာရှိဖို့ သင် အစွမ်းကုန် လုပ်ဆောင်ပြီးခြင်း ရှိမရှိ၊ သင်၏ တာဝန်များကို ဖြည့်ဆည်းရန် အကောင်းဆုံး သင် လုပ်ဆောင်ပြီး သင်၏အရာအားလုံး ပေးပြီးခြင်း ရှိမရှိဆိုသည်အပြင်၊ သင်၏ တာဝန်နှင့် ဘုရားအိမ်တော်၏ အမှုကို စိတ်နှလုံးအကြွင်းမဲ့ဖြင့် ဆင်ခြင်ခဲ့ခြင်း ရှိမရှိ ဆိုသည်တို့ကို ချင့်ချိန်စဉ်းစားခြင်းဖြင့် အစပြုသင့်သည်။ ဤအရာများကို သင် ထည်သွင်းစဉ်းစားရမည်။ ယင်းတို့ကို မကြာခဏ တွေးလော့၊ ပြီးလျှင် သင်၏တာဝန်ကို ကောင်းစွာ ထမ်းဆောင်ရန် သင့်အတွက် သာ၍ လွယ်ကူလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) ခရစ်ယာန်တစ်ယောက်အနေနဲ့ သမာဓိ၊ ဂုဏ်၊ လူသားဆန်မှုတွေနဲ့ ရှင်သန်ဖို့ တစ်ခုတည်းသော နည်းလမ်းက ဘုရားသခင်ရဲ့ နှုတ်ကပတ်တော်တွေနဲ့ သမ္မာတရားအတိုင်း အသက်ရှင်ဖို့၊ ဘုရားအလိုတော်ကို သတိပြုမိဖို့၊ အကြောင်းကိစ္စတိုင်းမှာ ကိုယ့်အကျိုးစီးပွားကို စွန့်လွှတ်ပြီး ဘုရားသခင်ရဲ့ အမှုတော်ကို ကာကွယ်ဖို့ဖြစ်တယ်ဆိုတာ အခုအချိန်မှာ ကျွန်မ နားလည်သွားခဲ့တယ်။ ဒါဆိုရင် ကျွန်မတို့ ငြိမ်သက်ခြင်း ခံစားရမယ်။ ဘုရားသခင်ရဲ့နှုတ်ကပတ်တော်ကို လက်တွေ့လုပ်ဆောင်ပြီး ဖြောင့်မတ်တဲ့သူတစ်ယောက်ဖြစ်ဖို့ အားထုတ်ရမယ်ဆိုတာ ကျွန်မ သိခဲ့တယ်။

နိုဝင်ဘာလ တစ်ညနေမှာ၊ အချိန်က ၁၀ နာရီကျော်ပြီ။ supervisor အသစ်တစ်ယောက်ဖြစ်တဲ့ အစ်မလီက ကျွန်မတို့ အဖွဲ့ဆီကို ရောက်လာခဲ့တယ်။ သူက ပြောတယ်။ သူ့ရဲ့ အလုပ်ဖော် အစ်မလျူက အရင်နှစ်ရက်လောက်က မြို့ပြင်ကလာတဲ့ အစ်မတစ်ယောက်နဲ့တွေ့ဖို့ ထွက်သားတယ်။ ဒါပေမဲ့ လုံးဝ ပြန်မလာဘူးတဲ့။ သူ အဖမ်းခံနေရမှာကို စိုးရိမ်တယ် ပေါ့။ ဒီလိုဆိုရင် တခြားလူတွေကို ချက်ချင်း ပြောင်းရွှေ့ကြဖို့ ပြောရမယ်။ အစ်မလျူက သူ့အိမ်ကို အကြောင်းတစ်ခုခုရှိလို့ ပြန်သွားတာလည်း ဖြစ်နိုင်တယ်၊ လူတိုင်းကို နေရာ ပြောင်းရွှေ့ရင် သူတို့တာဝန်တွေကို ထိခိုက်မယ်လို့ သူ ထင်တယ်။ သူ ဘာလုပ်ရမှန်း မသိဘူး တဲ့။ ဒါကို ကြားရတော့ ကျွန်မ စဉ်းစားမိတယ်။ “အစ်မလျူက ဘုရားသခင်ကို ယုံကြည်လာတာ နှစ်အတော်ကြာပြီ။ သူ့တာဝန်မှာလည်း စိတ်ချရတယ်။ သူ အိမ်ပြန်သွားရင် ငါတို့ကို အသိပေးမှာပဲ။ သူ အဖမ်းခံရတာ ဖြစ်နိုင်တယ်။ ငါ အသင်းတော်ခေါင်းဆောင်ကို ချက်ချင်းပြောသင့်တယ်” ပေါ့။ ဒါပေမဲ့ ထပ် စဉ်းစားမိပြန်တယ်။ “အစ်မလီက supervisor တစ်ယောက်ပဲ။ သူက မသေချာနေဘဲ အသင်းတော်အလုပ်ကို အနှောင့်အယှက်ဖြစ်မှာကို သူ စိုးရိမ်နေတယ်ဆိုရင် ငါက ဘယ်လိုလုပ် သေချာနိုင်မှာလဲ။ ငါတို့က ဒုက္ခခံပြီး လူတိုင်းကို ပြောင်းရွှေ့ခဲ့ပြီးတော့ အစ်မလျူက အဖမ်းမခံရဘူးဆိုရင် ခေါင်းဆောင်က ငါတို့ကို ကိုင်တွယ်ဖြေရှင်းပြီး ငါတို့က အသင်းတော်အလုပ်ကို နှောင့်ယှက်နေတယ်လို့ ပြောကောင်းပြောနိုင်တယ်။ ငါ ထုတ်ပြောသင့်သလား၊ မပြောသင့်ဘူးလား” ပေါ့။

ကျွန်မ အခက်ကြုံနေတုန်းမှာ ဘုရားသခင်ရဲ့ နှုတ်ကပတ်တော်တွေကို ဖတ်ခဲ့တယ်။ “ဘုရားသခင်၏အမှုအတွက် အကျိုးရှိသည့်အရာတိုင်းကို ဆောင်ရွက်ပြီး ဘုရားသခင်၏ အမှုနှင့်ဆိုင်သည့် အကျိုးစီးပွားများကို ထိခိုက်နစ်နာစေသည့် မည်သည့်အရာကိုမျှ မလုပ်ဆောင်နှင့်။ ဘုရားသခင်၏နာမတော်၊ ဘုရားသခင်၏ သက်သေခံချက်နှင့် ဘုရားသခင်၏အမှုတော်တို့ကို ကာကွယ်ရမည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နိုင်ငံတော်ခေတ်၌ ဘုရားသခင် ရွေးချယ်ထားသောသူများ လိုက်နာရမည့် စီမံအုပ်ချုပ်ရေးဆိုင်ရာ အမိန့်တော် ဆယ်ရပ်”) “အခိုက်အတန့်တစ်ခုသည် အရေးပါလေလေ၊ လူတို့သည် ကျိုးနွံနာခံနိုင်လေလေ ဖြစ်ပြီး၊ ၎င်းတို့၏ ကိုယ်ပိုင်အကျိုးများ၊ ဘဝင်မြင့်ခြင်း၊ မာနတို့ကို လက်လွှတ်နိုင်လေလေ ဖြစ်ကာ ၎င်းတို့၏ တာဝန်များကို သင့်တင့်လျောက်ပတ်စွာ ဆောင်ရွက်နိုင်လေလေ ဖြစ်ပါက၊ ထိုအခါတွင်မှသာ ၎င်းတို့ကို ဘုရားသခင် အမှတ်ရမည် ဖြစ်သည်။ ထိုအရာအားလုံးသည် ကောင်းမွန်သော လုပ်ဆောင်ချက်များ ဖြစ်ကြပေသည်။ လူတို့ မည်သည့်အရာကို လုပ်ဆောင်ကြသည်ဖြစ်စေ၊ မည်သည့်အရာသည် သာ၍ အရေးကြီးသနည်း- ၎င်းတို့၏ ဘဝင်မြင့်ခြင်းနှင့် မာနလော၊ သို့မဟုတ် ဘုရားသခင်၏ ဘုန်းအသရေလော။ (ဘုရားသခင်၏ ဘုန်းအသရေဖြစ်ပါသည်။) မည်သည့်အရာသည် သာ၍ အရေးကြီးသနည်း- သင်၏ တာဝန်ဝတ္တရားများလော၊ သို့မဟုတ် သင်၏ ကိုယ်ပိုင်အကျိုးများလော။ သင်၏တာဝန်များကို ဖြည့်ဆည်းခြင်းသည် အရေးအကြီးဆုံးသောအရာ ဖြစ်ပြီး၊ သင်သည် ထိုအရာများအတွက် တာဝန်ရှိပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်နှင့် သမ္မာတရားကို ရရှိခြင်းသည် ပျော်ရွှင်စရာအကောင်းဆုံးအရာဖြစ်၏”) ဘုရားသခင်က သူ့အလုပ်ကို ထိန်းသိမ်းပြီး ကိုယ့်တာဝန်ကို ကောင်းကောင်း ထမ်းဆောင်ဖို့ ကျွန်မတို့ကို ပြောတယ်ဆိုတာ ရှင်းပါတယ်။ အခုအချိန်မှာ ကျွန်မရဲ့ အကျိုးစီးပွားနဲ့ အသင်းတော်ရဲ့ အကျိုးစီးပွားနှစ်ခုကြားက ပြဿနာကို ရင်ဆိုင်နေရတဲ့အခါ ဘုရားသခင်က စောင့်ကြည့်နေပါတယ်။ ကျွန်မ အရင်ကလို တစ်ကိုယ်ကောင်းဆန်နေခဲ့ရင် ဒါ လူသားဆန်မှု ကင်းမဲ့တာပဲ။ အရင်တစ်ခါက ထိခိုက်နာကျင်ရတဲ့ သင်ခန်းစာတစ်ခု၊ ဆိုးဝါးလှတဲ့ ပေးဆပ်မှုတစ်ခုပါ။ အဲဒီအမှားကို ထပ်လုပ်လို့ မဖြစ်ဘူး။ ကျွန်မ အစ်မလီကို ပြောလိုက်တယ်။ “အစ်မလီက အိမ်ပြန်သွားတာလည်း ဖြစ်နိုင်ပါတယ်။ ဒါပေမဲ့ ကျွန်မတို့ သေချာမပြောနိုင်ဘူး။ ကျွန်မတို့ အဆိုးဆုံးအတွက် ကြိုတင်ပြင်ဆင်ထားပြီး အဲဒီ ညီအစ်ကို မောင်နှမတွေကို ပြောင်းရွှေ့သင့်တယ်။ ကျွန်မတို့ မှားခဲ့တယ်ဆိုရင်တောင် ဒါ အသင်းတော်အလုပ်အတွက်ဖြစ်ပြီး အားလုံး ဘေးကင်းလုံခြုံဖို့အတွက်ပါ။ ကျွန်မတို့က အားလုံး ခြုံငုံကြည့်တာပါ။ အန္တရာယ်ကိုမြင်ပြီး အချိန်မီ မလှုပ်ရှားဘဲ လူတွေ အဖမ်းခံရရင် ကျွန်မတို့က ယုဒတွေဖြစ်ကြပြီး နောင်ကျမှ နောင်တရကြလိမ့်မယ်။ အန္တရာယ်က တစ်ရက်ပြီးတစ်ရက် တိုးလာနေတယ်။ ချက်ချင်း ကိုင်တွယ်ကြရအောင်” ဆိုပြီး ပြောလိုက်တယ်။ အရင်ကလည်း တချို့ အသင်းသားတွေ အဖမ်းခံခဲ့ရဖူးတာကို သူ့ကို ကျွန်မ ပြောပြခဲ့ပြီး သူက သဘောတူခဲ့ပါတယ်။ နောက်နေ့မနက်မှာ သူ စလုပ်ခဲ့တယ်။ အဲဒီနေ့ညမှာတော့ အဲဒီနေရာကို ရှင်းလင်းကြတယ်။

လုပ်နေကြရင်းနဲ့ supervisor က ပြောတယ်။ “အစ်မလျူနဲ့ အဲဒီတခြားအစ်မတစ်ယောက် အဖမ်းခံခဲ့ရတယ်။ ပြီးတော့ စုဝေးတဲ့နေရာတစ်ခုကနေ နောက်ထပ် လေးယောက်ကို ရဲတွေ ဖမ်းမိသွားတယ်။ ငါတို့ အချိန်မီလေး ပြောင်းရွှေ့သွားခဲ့တာပဲ။ ငါတို့ စောင့်နေရင် လူတွေ ဒီထက်ပိုပြီးတော့တောင် အဖမ်းခံရမှာ။” တဲ့။ သူပြောတာကို ကြားရတော့ ကျွန်မ တော်တော်ဒေါသထွက်နေခဲ့တာ။ ကွန်မြူနစ်ပါတီက တော်တော်ဆိုးတာပဲ။ တရုတ်ပြည်လို ကြီးတဲ့နိုင်ငံမှာ ခရစ်ယာန်တွေ ပုန်းကွယ်ဖို့ နေရာမရှိဘူး။ အသင်းတော်ရဲ့ အကျိုးစီးပွားကို ကာကွယ်ဖို့ ဘယ်လောက် အရေးကြီးတယ်ဆိုတာကိုလည်း ခံစားခဲ့ရတယ်။ ဒီတစ်ခေါက်မှာ ကျွန်မ သမ္မာတရားကို လက်တွေ့လုပ်ဆောင်နိုင်ခဲ့ပြီးတော့ တာဝန်သိတတ်ခဲ့ပြီး ထိခိုက်မှုတွေ နည်းပါးခဲ့တာကြောင့် ကျွန်မ စိတ်သက်သာရာရခဲ့တယ်။ ဘုရားသခင်ရဲ့ နှုတ်ပတ်တော်တွေအားဖြင့် အသက်ရှင်ခြင်းက လူသားဆန်မှုနဲ့ ရှင်သန်ဖို့ တစ်ခုတည်းသော နည်းလမ်းပဲလို့ ခံစားခဲ့ရတယ်။ ဘုရားနှုတ်ကပတ်တော်တွေရဲ့ တရားစီရင်ခြင်းမပါရင် ဆိုးယုတ်တဲ့ အတွေးအခေါ်တွေ၊ စိတ်သဘောထားတွေရဲ့ ချုပ်နှောင်တာကို ခံရပြီး မကောင်းမှုတွေ လုပ်နေဦးမှာပဲ။ ဘုရားကို အာခံနေဦးမှာပဲဆိုတာ ကျွန်မ ကိုယ်တိုင် တွေ့ကြုံခံစားခဲ့ရပါတယ်။ ကျွန်မရဲ့ ကိုယ်ပိုင်အကျိုးစီးပွားကို စွန့်လွှတ်နိုင်မှာမဟုတ်ဘူး။ စည်းမျဉ်းတွေကို လိုက်နာနိုင်မှာမဟုတ်ဘူး။ လူသားဆန်မှုလည်း လုံးဝ ရှိမှာမဟုတ်ဘူး။ အနန္တတန်ခိုးရှင်ဘုရားသခင်ရဲ့ နှုတ်ကပတ်တော်မှာ ပြောသလိုပဲ။ “သင်၏ တာဝန်များကို သင်ဖြည့်ဆည်းနိုင်လျှင်၊ သင်၏ တာဝန်များနှင့် ဝတ္တရားများကို ဆောင်ရွက်နိုင်လျှင်၊ သင်၏ တစ်ကိုယ်ကောင်းဆန်သော စိတ်ဆန္ဒများကို ဘေးဖယ်ထားနိုင်လျှင်၊ သင်၏ ကိုယ်ပိုင် ရည်ရွယ်ချက်များနှင့် ကြံရွယ်ချက်များကို ဘေးဖယ်ထားနိုင်လျှင်၊ ဘုရားသခင်၏ အလိုတော်ကို အရေးထားနိုင်ပြီး ဘုရားသခင်နှင့် သူ၏အိမ်တော်တို့၏ အကျိုးများကို ဦးစားပေးနိုင်လျှင်၊ ဤအရာကို တစ်ခဏကြာ ကြုံတွေ့ပြီးနောက်တွင်၊ ဤသည်မှာ အသက်ရှင်ရန် ကောင်းမွန်သော နည်းလမ်းတစ်ခု ဖြစ်သည်ဟု သင်ခံစားရလိမ့်မည်။ ယင်းမှာ ယုတ်ညံ့သောလူတစ်ဦး သို့မဟုတ် အသုံးမကျသောလူတစ်ဦး မဖြစ်ဘဲ ရိုးရိုးစင်းစင်းနှင့် ရိုးသားစွာ အသက်ရှင်ခြင်း ဖြစ်ပြီး၊ စိတ်သဘောထားကျဉ်းမြောင်းခြင်း သို့မဟုတ် ခက်ထန်ခြင်းထက် မျှမျှတတ နှင့် သိက္ခာရှိရှိ အသက်ရှင်ခြင်း ဖြစ်သည်၊ ဤသည်မှာ လူတစ်ဦး အသက်ရှင်၊ ပြုမူသင့်သည့်ပုံဖြစ်သည်ဟု သင်ခံစားရလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”)

အောက်ခြေမှတ်စု(များ)-

က။ “မိမိ၏ တံတောင်ကို တွန်းထုတ်သည်” ဆိုသည်မှာ တရုတ် ဥပစာစကားတစ်ခု ဖြစ်သည်၊ ယင်းမှာ လူတစ်ဦးသည် အခြားသူများအား ထိုသူနှင့် ရင်းနှီးသောလူများ၊ ဥပမာအားဖြင့် မိဘများ၊ သားသမီးများ၊ ဆွေမျိုးများ သို့မဟုတ် တစ်အူတုံဆင်း ညီရင်းအစ်ကို မောင်နှမများကို အထိခိုက်ခံလျက် ကူညီနေသည်ဟု ဆိုလိုသည်။

အရှေ့သို့- ၄၇။ လူတွေစိတ်ချမ်းသာအောင်လုပ်ပေးသူတွေက ဘုရားရဲ့ကယ်တင်ခြင်းကို ခံရနိုင်သလား

နောက်တစ်ခုသို့- ၄၉။ ဝမ်းမြောက်ဖွယ်ရာ နေထိုင်နည်းတစ်ခု

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

၇၅။ ကျွန်မ ကြုံခဲ့ရသော စမ်းသပ်မှု

တရုတ်နိုင်ငံ ကျိလင် စီရင်စု၊ ကျုံးရှင်းအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက်...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်