၄၉။ ဝမ်းမြောက်ဖွယ်ရာ နေထိုင်နည်းတစ်ခု

ဂျပန်နိုင်ငံ၊ ရွှင်းချုံ

ကျွန်မငယ်ငယ်တုန်းက ကျွန်မမိဘတွေက သူများတွေကိုစိတ်ထဲအရှိအတိုင်းမပြောဖို့နဲ့ စိတ်ပျက်အောင်မလုပ်ဖို့သင်ပေးခဲ့ပြီး အဲဒီအတွေးအခေါ်နဲ့ပဲနေထိုင်ခဲ့တယ်။ ဒီတော့ကျွန်မက “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” တို့ အတန်းဖော်တွေ၊ မိတ်ဆွေတွေ၊ အိမ်နီးချင်းတွေနဲ့ ဘယ်သူနဲ့မဆို “သူများတွေရဲ့ အားနည်းချက်ကို ဘယ်တော့မှမပြောနဲ့” တို့လိုမျိုး စာတန်ရဲ့အတွေးအခေါ်တွေနဲ့ပဲ ဘဝကိုဖြတ်သန်းခဲ့တယ်။ တစ်ယောက်ယောက် အမှားလုပ်တာကိုတွေ့ရင် ကျွန်မသူတို့ကိုအရှက်မရစေချင်ဘဲနဲ့ သူတို့ရဲ့အားနည်းချက်ကို မဖော်ထုတ်ချင်ခဲ့ဘူး။ ကျွန်မကနားလည်မှုရှိပြီး သူများတွေအတွက် တွေးပေးတတ်တယ်လို့ လူတွေက ကျွန်မကိုအမြဲတမ်းချီးကျူးကြပြီးတော့ ကျွန်မကလည်း အဲဒါကသူများတွေနဲ့ အဆင်ပြေဖို့အတွက် အခြေခံအကျဆုံးအယူအဆတစ်ခု၊ နည်းလမ်းကောင်းတစ်ခုပဲလို့ထင်ခဲ့တယ်။ ယုံကြည်သက်ဝင်မှုရရှိပြီးတော့ ဘုရားသခင်နှုတ်ကပတ်တော်တွေရဲ့ တရားစီရင်မှုနဲ့ ပြစ်တင်ဆုံးမမှုကို တွေ့ကြုံပြီးတဲ့နောက်မှာတော့ အဲဒါဟာလူကောင်းတစ်ယောက်ရဲ့နေထိုင်နည်းမဟုတ်ဘူးဆိုတာကို သဘောပေါက်လာတယ် ဒါပေမဲ့ ဒါက စာတန်ရဲ့ ဘဝအတွေးအခေါ်တွေအတိုင်း ပြုမူနေတာပဲ။ အဲဒါဟာဘယ်သူအတွက်မှ အထောက်အကူမဖြစ်တဲ့အပြင် သူများတွေကိုတောင် ထိခိုက်နိုင်တယ်။ ကျွန်မရဲ့အမြင်တွေပြောင်းလဲပြီးတော့ ဘုရားသခင်ရဲ့နှုတ်ကပတ်တော်တွေက ပြုမှုနေထိုင်ဖို့ အယူအဆတွေပေးခဲ့ပါတယ်။

၂၀၁၉ ခုနှစ်၊ ဩဂုတ်လမှာ ကျွန်မ အသင်းတော်ခေါင်းဆောင်အဖြစ် အရွေးခံရတော့ အခွင့်အရေးပေးတဲ့အတွက် ဘုရားသခင်ကို အရမ်းကျေးဇူးတင်မိတယ်။ အဲဒီအမှုတော်ရဲ့ တာဝန်ကို ထမ်းရွက်ဖို့ ကျွန်မ တိတ်တဆိတ် စိတ်ပိုင်းဖြတ်ခဲ့ပါတယ်။ အချိန်နည်းနည်းကြာတော့ ညီအစ်ကိုမောင်နှမတွေရဲ့အလုပ်နဲ့ပတ်သက်ပြီး ပြဿနာလေးတွေကို ကျွန်မသတိထားမိခဲ့တယ်။ ဥပမာ တချို့က အမှုတော်ကို ပေါ့ပေါ့တန်တန်လုပ်ကြလို့ သူတို့လုပ်​တဲ့ဗီဒီယိုတွေမှာ သိသိသာသာပြဿနာတွေဖြစ်လာတယ်။ တချို့ကသူများတွေနဲ့အလုပ်ကောင်းကောင်းတွဲမလုပ်လို့ အလုပ်တွေက ကိုက်ညီမှုမရှိဘဲ အလုပ်မပြီးဘူးဖြစ်တယ်။ အဲဒါကိုမြင်တော့ “သူတို့ရဲ့အမှုတော်မှာ အကျင့်ပျက်တာကိုပြနေတာပဲ။ အဲဒါကိုထောက်ပြပြောဆိုတာမျိုးမလုပ်ရင် ဘုရားသခင်အိမ်တော်ရဲ့အလုပ်တွေကို သေချာပေါက်ဆိုးဆိုးရွားရွားထိခိုက်လိမ့်မယ်။ ငါသူတို့နဲ့မိတ်သဟာယဖွဲ့ပြီးတော့ အဲဒါကိုသေချာစိစစ်ရမယ်။ အဲဒါမှသူတို့နားလည်ပြီးတော့ ပြောင်းလဲမှာ” လို့တွေးမိတယ်။ ဒါပေမဲ့ ပြီးတော့ “ငါကဒီအမှုတော်ကိုထမ်းဆောင်ပြီး မကြာခင်မှာပဲ လူတိုင်းရဲ့ပြဿနာတွေကို ဖော်ထုတ်တယ်ဆိုရင် ငါ့ကိုသူတို့ကဘယ်လိုထင်ကြမလဲ ငါကလူသစ်မို့လို့ စည်းကမ်းတင်းကြပ်တယ်၊ အရမ်းကြမ်းတမ်းပြီး လက်ပေါက်ကပ်တယ်လို့များပြောကြမလား။ ငါ့ကိုအဲဒီလိုထင်သွားရင် အားလုံးကငါ့ကိုပိုမစိမ်းသွားဘူးလား။ ထားလိုက်တော့။ အခုတော့မပြောသေးဘူး။ အရင်ဆုံးအားလုံးနဲ့ ဆက်ဆံရေးကောင်းအောင်လုပ်ရမယ်” လို့တွေးမိတယ်။ အဲဒါကြောင့် ညီအစ်ကိုမောင်နှ​မတွေအားလုံးရဲ့ပြဿနာတွေကို ကျွန်မဖော့ပြောခဲ့တယ်။ သူများတွေကိုအရှက်ရစေတာ ဒါမှမဟုတ် ကျဉ်းထဲကျပ်ထဲရောက်အောင်လုပ်ရင် ဆက်ဆံရေးကိုထိခိုက်လို့ အဲဒီလိုလုပ်ရမှာကိုအမြဲကြောက်ခဲ့တယ်။

တစ်ခါက အစ်ကိုဝမ်က သူ့ရဲ့အမှုတော်မှာ အရမ်းခေါင်းမာပြီးတော့ ဘယ်လိုအကြံပြုချက်မျိုးကိုမှလက်မခံလို့ အလုပ်မပြီးဘူးလို့ ညီအစ်မတစ်ယောက်က ကျွန်မကိုပြောတယ်။ ကျွန်မလည်း သူများတွေရဲ့အမြင်ကိုလိုက်မေးကြည့်တော့ သူတို့အကုန်လုံးကလည်း အစ်ကိုဝမ်က မာနကြီး၊ ပိုင်စိုးပိုင်နင်းနိုင်ပြီး တင်စီးတယ်၊ သူနဲ့အလုပ်တွဲလုပ်ရတဲ့လူအများစုက စိတ်ကျဉ်းကျပ်တယ်လို့ပြောကြတယ်။ အဲဒီလိုကြားရတော့ အစ်ကိုဝမ်မှာ တော်တော်လေးဆိုးရွားတဲ့ပြဿနာရှိနေပြီး အဲဒါကိုသာချက်ချင်းမဖြေရှင်းရင် သူ့ရဲ့အသက်ဝင်ရောက်မှု ဒါမှမဟုတ် ဘုရားသခင်အိမ်တော်ရဲ့အလုပ်တွေအတွက် ဘာမှအကျိုးရှိမှာမဟုတ်ဘူးဆိုတာကို သဘောပေါက်လိုက်တယ်။ ဒီပြဿနာက အရေးကြီးတယ်ဆိုတာ သူနားလည်လာအောင်ကူညီဖို့ ကျွန်မသူ့ကိုရှာပြီး မိတ်သဟာယဖွဲ့ရမယ်။ ဒါပေမဲ့ ကျွန်မ အစ်ကိုဝမ်နဲ့စကားပြောတဲ့အချိန်ကျတော့ ကျွန်မထွက်ပြေးချင်စိတ်ပဲပေါက်တယ်။ “သူများတွေက အစ်ကိုဝမ်ရဲ့အဆိုးဆုံးအချက်တွေကိုပဲပြောတာ။ ငါကသာပြဿနာတိုင်းကိုသွားပြောရင် သူကဘာကောင်းကွက်မှမရှိသလိုမျိုးနဲ့ နှိမ်သလိုမဖြစ်သွားဘူးလား။ အဲဒါကအရှက်ခွဲသလိုမဖြစ်ဘူးလား။ ပြီးတော့ ငါကသူ့ကိုပုဂ္ဂိုလ်ရေးအရ ပစ်မှတ်ထားတိုက်ခိုက်တယ်လို့ထင်သွားရင် သူကငါ့ကိုအငြိုးအတေးထားမသွားနိုင်ဘူးလား။ အမှုတော်ကိုထမ်းဆောင်တာတို့ တွေ့ဆုံပွဲတို့မှာ ငါတို့ကအမြဲတွေ့နေရတာ။ တစ်ယောက်နဲ့​တစ်ယောက်ကြားမှာ စိတ်ခုသွားရင် ဘယ်လိုလုပ်အဆင်ပြေပါတော့မလဲ” လို့ တွေးမိတယ်။ ပြီးတော့ သူ့မှာမာနကြီးတဲ့စိတ်သဘောထားရှိတယ်လို့ တွေ့ဆုံပွဲတွေမှာ သူအမြဲပြောလေ့ရှိတာကိုသွားစဉ်းစားမိတယ်။ ဒီတော့ ကျွန်မက ဒါကို နှိုက်နှိုက်ချွတ်ချွတ်မပြောဘဲ၊ စိတ်ဆိုးစေမဲ့ဟာတွေကို မပြောဘဲနဲ့ အရိပ်အမြွက်ပဲ ပြောရင် သူလည်းအရမ်းအရှက်မကွဲဘဲနဲ့ ကျွန်မတို့ဆက်ဆံရေးလည်း ခပ်တန်းတန်းမဖြစ်တော့ဘူးပေါ့။ အဲဒါနဲ့ ကျွန်မတို့မိတ်သဟာယဖွဲ့တော့ သူ့ကမာနကြီးပြီး သူများတွေအပေါ်မှာ တင်စီးတယ်ဆိုတဲ့အကြောင်းကို နည်းနည်းလေးပြောလိုက်တယ်။ သူကနားထောင်ပြီးတော့ သူ့မှာအဲဒီလိုပြဿနာတွေရှိပြီး သူလည်းသိတယ်ဆိုတာကိုဝန်ခံတယ်။ ပြဿနာကဘယ်လောက်ဆိုးလဲဆိုတာကိုတော့ သူသဘောမပေါက်သေးတာကျွန်မသိတယ် ဒါပေမဲ့ ဘာမှဆက်မပြောခဲ့ဘူး။ သူ့ကိုယ်သူသေချာနားမလည်သေးတဲ့အတွက် အမှုတော်မှာအရင်ကအတိုင်းပဲ ခေါင်းမာပြီးတော့ သူများတွေနဲ့တွဲလုပ်လို့အဆင်မပြေဘဲနဲ့ အလုပ်တွေနှောင့်နှေးနေတုန်းပဲ။ နောက်ပိုင်းကျတော့ သူ့ကိုနေရာပြောင်းလိုက်တယ်။ တခြားအမှုတော်ကိုထမ်းဆောင်တယ်။ ဒါပေမဲ့ သူ့ရဲ့အကျင့်ပျက်စိတ်သဘောထားကြောင့် ဝန်ထုပ်ဝန်ပိုး​ဖြစ်နေပြီးတော့ အဲဒီအမှုတော်မှာလည်း သိပ်မထိရောက်ခဲ့ဘူး။ တစ်ရက်ကျတော့ သူ့ရဲ့ကြီးကြပ်ရေးမှုးက “အစ်ကိုဝမ်ရဲ့ပြဿနာတွေကို အစ်မသိလား။ သိရင် ဘာလို့သူနဲ့မိတ်သဟာယမဖွဲ့တာလဲ။ သူ့ကြောင့်ကျွန်မတို့အလုပ်တွေ ဆိုးဆိုးရွားရွားထိခိုက်တယ်” လို့စိတ်တိုပြီး ကျွန်မကိုပြောတယ်။ သူ့ရဲ့ပြင်းထန်တဲ့စကားလုံးတွေက သမ္မာတရားကို လက်တွေ့မလုပ်ဆောင်လို့ သူကနေတစ်ဆင့် ဘုရားသခင်က ကျွန်မကိုအပြစ်ဖော်ဆုံးမသလို ခံစားလိုက်ရတယ်။ ကျွန်မအရမ်းစိတ်ညစ်ပြီးတော့ အပြစ်ရှိသလိုခံစားလိုက်ရတယ်။ ကျွန်မသာသူ့ရဲ့ပြဿနာတွေကို အချိန်မီထောက်ပြခဲ့ပြီး သူလည်းတကယ်သေချာပြန်စဉ်းစားခဲ့မယ်ဆိုရင် သူ အမှုတော်ကိုကောင်းကောင်းထမ်းဆောင်ရင် ထမ်းဆောင်နိုင်လိမ့်မယ်။ ဒါပေမဲ့ တကယ်တမ်း သူ့ရဲ့စာတန်သဘာဝကို သူတကယ်နားမလည်ခဲ့တဲ့အတွက် သူ့ရဲ့အရင် အမှုတော်မှာကျရှုံးခဲ့တဲ့အပြင် ပြောင်းရွှေ့ခံရပြီးတော့လည်း မပြောင်းလဲခဲ့ဘူး။ သူကအသင်းတော်ရဲ့အလုပ်တွေကို နှောင့်နှေးအောင်လုပ်နေတုန်းပဲ။ ကျွန်မကသူများတွေကိုထိခိုက်အောင်လုပ်ပြီး ဘုရားသခင်အိမ်တော်ရဲ့အလုပ်တွေကို နှောင့်နှေးအောင်လုပ်နေတာမဟုတ်ဘူးလား။ ကျွန်မမှာကောင်းမွန်တဲ့လူသားဆန်မှုရှိတယ်လို့ထင်ခဲ့ပေမယ့် အခုကျတော့ ကျွန်မကသူများတွေနဲ့အဆင်ပြေအောင်နေပြီး သူတို့ကိုအရှက်မရစေဘဲနဲ့ ကျွန်မကိုသဘောကောင်းတယ်ထင်အောင် လုပ်နေတာပဲဆိုတာကိုသိလာတယ်။ ဒါပေမဲ့ အဲဒါကသူများတွေရဲ့ အသက်ဝင်ရောက်မှု ဒါမှမဟုတ် ဘုရားသခင်အိမ်တော်ရဲ့အလုပ်တွေအတွက် လုံးဝမကောင်းပါဘူး။ အဲဒါက ကောင်းမွန်တဲ့လူသားဆန်မှုရှိတာ ဟုတ်ပါ့မလား။

ပြီးတော့ ဘုရားသခင်ရဲ့နှုတ်ကပတ်တော်တွေမှာ ကျွန်မဒါကိုဖတ်ရတယ်။ “ကောင်းမွန်သော လူ့သဘာဝ ရှိခြင်းအတွက် စံနှုန်းရှိရမည်။ ယင်းသည် တော်သင့်ရုံ လမ်းကြောင်းကို လျှောက်လမ်းခြင်း၊ အခြေခံသဘောတရားများကို မလိုက်နာခြင်း၊ မည်သူကိုမျှ စိတ်အနှောင့်အယှက်မဖြစ်စေဖို့ ကြိုးပမ်းအားထုတ်မှု၊ သင် သွားသည့် နေရာတိုင်းတွင် မျက်နှာလို မျက်နှာရ လုပ်ခြင်း၊ သင် တွေ့ဆုံသည့် လူတိုင်းကို ပြေပြစ်စွာ ဆက်ဆံခြင်းနှင့် လူတိုင်းကို အားရကျေနပ်စေခြင်းတို့ မပါဝင်ပေ။ ဤသည်မှာ စံနှုန်းမဟုတ်။ ထိုသို့ဆိုလျှင် မည်သည်မှာ စံနှုန်းဖြစ်သနည်း။ ယင်းသည် ဘုရားသခင်၊ အခြားလူများနှင့် အဖြစ်အပျက်တို့ကို စစ်မှန်သော စိတ်နှလုံးဖြင့် သဘောထားဆက်ဆံခြင်း၊ တာဝန်ယူနိုင်ခြင်းနှင့် ဤအရာအားလုံးကို အယောက်တိုင်း မြင်ကာ ခံစားဖို့အတွက် ထင်ရှားမြင်သာသည့် နည်းလမ်းတစ်ခုဖြင့် လုပ်ဆောင်ခြင်းတို့ ပါဝင်ပေသည်။ ထို့အပြင် ဘုရားသခင်သည် လူတို့၏စိတ်နှလုံးကို ရှာဖွေပြီး၊ ၎င်းတို့ အယောက်စီတိုင်းကို သိလေသည်။ အချို့သော လူတို့သည် ဆိုးရွားသည့် မည်သည့်အရာကိုမျှ လုံးဝ မလုပ်ဆောင်ဖူးသကဲ့သို့၊ အခြားသူများ၏ ပိုင်ဆိုင်မှုများကို မခိုးဝှက်ဖူး သို့မဟုတ် အခြားလူတို့၏ ပစ္စည်းများကို မတပ်မက်ဖူးပါဟု အခိုင်အမာဆိုရင်း၊ ကောင်းမွန်သော လူသဘာဝကို ၎င်းတို့ ပိုင်ဆိုင်ကြသည်ဟု အမြဲ ကြွားဝါကြလေသည်။ အကျိုးစီးပွားများ အပေါ် အငြင်းပွားမှု တစ်ခုရှိသောအခါ၊ ဆုံးရှုံးမှု ခံစားဖို့ သာ၍ နှစ်သက်ရင်း ၎င်းတို့ကိုယ်တိုင် အနစ်နာခံခြင်းဖြင့် အခြားသူများကို အကျိုးခံစားခွင့်ပေးကာ ၎င်းတို့က လူကောင်းများဖြစ်သည်ကို အခြားသူတိုင်းက တွေးထင်ဖို့အလို့ငှာသာ မည်သည်မဆိုနှင့်ပတ်သက်၍ ဆိုးသောအရာတစ်ခုတစ်လေကို ၎င်းတို့ လုံးဝ မပြောကြသည်အထိပင် လုပ်ဆောင်ကြလေသည်။ သို့သော် ဘုရားသခင်၏ အိမ်တော်ထဲ၌ ၎င်းတို့၏တာဝန်ကို ထမ်းဆောင်နေချိန်တွင်၊ ၎င်းတို့သည် အစဉ် မိမိတို့ကိုယ်တိုင်အတွက် ကြံစည်လျက်၊ ဉာဏ်များကာ စိတ်မချရပေ။ ၎င်းတို့သည် မည်သည့်အခါတွင်မျှ ဘုရားသခင့်အိမ်တော်၏ အကျိုးကျေးဇူးများကို မတွေးကြ၊ ဘုရားသခင်က အရေးတကြီးဖြစ်သည်ဟု သဘောထားသောအရာကို အရေးတကြီးဖြစ်သည်ဟု ၎င်းတို့ လုံးဝ သဘောမထားကြ သို့မဟုတ် ဘုရားသခင် တွေးသကဲ့သို့ မတွေးကြပေ၊ ပြီးလျှင် ၎င်းတို့၏ တာဝန်များကို ထမ်းဆောင်ရန် ၎င်းတို့၏ ကိုယ်ပိုင် အကျိုးစီးပွားများကို လုံးဝ ဘေးမဖယ်ထားနိုင်ကြပေ။ ၎င်းတို့၏ အကျိုးစီးပွားများကို ၎င်းတို့ လုံးဝ မစွန့်လွှတ်နိုင်ကြချေ။ မကောင်းမှုပြုသူများက မကောင်းမှု ကျူးလွန်နေကြသည်ကို ၎င်းတို့ မြင်သည့်အချိန်တွင်ပင်၊ ထိုသူတို့ကို မဖော်ထုတ်ကြချေ။ ၎င်းတို့သည် မည်သည့်ကိုယ်ကျင့်တရားများ တစ်ခုတစ်လေမျှ မရှိကြပေ။ ဤသည်မှာ ကောင်းသောလူ့သဘာဝ၏ ဥပမာတစ်ခုမဟုတ်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) ဘုရားသခင်ရဲ့နှုတ်ကပတော်တွေက ပြုမှုနေထိုင်ပုံအခြေခံသဘောတရားတွေကို ချပြခဲ့တယ်။ တကယ့်လူကောင်းတစ်ယောက်ဆိုတာက ကြားနေလမ်းစဉ်ကိုလိုက်တာတို့ ဒါမှမဟုတ် သူများတွေရဲ့ပြဿနာတွေကို ဘာမှမပြောဘဲနှုတ်ဆိတ်နေတာတို့မလုပ်ဘူး။ စိတ်သဘောထားချင်း အပြည့်အဝတိုက်ဆိုင်အောင်လည်း လိုက်မလုပ်သလို သူများတွေနဲ့အမြဲတမ်းတည့်နေအောင်လည်း မကြိုးစားဘူး။ တကယ့်လူကောင်းတစ်ယောက်ရဲ့စံနှုန်းက ကိုယ်ကျင့်တရားကောင်းပြီး တရားမျှတမှုကိုချစ်တဲ့စိတ်ရှိတာပဲ။ ဒါဟာ ဘုရားသခင်အိမ်တော်ရဲ့အကျိုးကို ထိပါးလာတဲ့အခါမှာ ကာကွယ်ဖို့ အတွက် သူများတွေမကျေနပ်မှာကိုကြောက်မနေဘဲ စည်းမျဉ်းစည်းကမ်းတွေကို ထိန်းသိမ်းတာပဲ။ ကျွန်မနဲ့ ညီအစ်ကိုမောင်နှမတွေနဲ့ဆက်ဆံရေးမှာ သူတို့ကိုအရှက်မခွဲမိအောင် ဒါမှမဟုတ် သူတို့စိတ်မဆိုးအောင်နေဖို့ပဲအာရုံစိုက်ခဲ့တယ်။ လူတွေနဲ့ဆက်ဆံရေးအဆင်ပြေရင် လူတိုင်းကလည်းကျွန်မကိုအကောင်းမြင်ကြမှာပဲလို့ထင်ခဲ့တယ်။ ဒါပေမဲ့ အဲဒါကသမ္မာတရားရဲ့အခြေခံသဘောတရားနဲ့ လုံးဝမကိုက်ညီပါဘူး။ သူများတွေက အကျင့်ပျက်တဲ့အလုပ်တွေလုပ်ပြီး ဘုရားသခင်အိမ်တော်ရဲ့အလုပ်တွေကို ဖျက်လိုဖျက်ဆီးလုပ်နေတာကို ကျွန်မတွေ့ခဲ့ပေမယ့် ကျွန်မရဲ့ဂုဏ်သိက္ခာကိုပဲကာကွယ်ချင်ခဲ့ပြီးတော့ အသင်းတော်ရဲ့အကျိုးကိုမကာကွယ်ဘဲနဲ့ မျက်ကွယ်ပြုခဲ့တယ်။ ကျွန်မအရှင်းကြီးမြင်နေလျက်နဲ့ ပြဿနာတွေကိုမဖြေရှင်းခဲ့ဘူး။ အထူးသဖြင့် အစ်ကိုဝမ်ပေါ့။ သူ့ရဲ့ပြဿနာတွေက ဘုရားသခင်အိမ်တော်ရဲ့အလုပ်တွေကို ဆိုးဆိုးရွားရွားထိခိုက်တာကို ကျွန်မသိခဲ့တယ်။ ဒါပေမဲ့ ကျွန်မကသူ့ကို ပုဂ္ဂိုလ်ရေးအရတိုက်ခိုက်တယ်လို့ထင်ပြီးတော့ ကျွန်မပြောတာကိုလက်မခံဘဲနဲ့ ကျွန်မအပေါ်မကျေမနပ်ဖြစ်သွားမှာကို စိုးရိမ်ခဲ့တယ်။ အဲဒါကြောင့် သူ့ကိုမိတ်သဟာယဖွဲ့တဲ့အချိန်မှာ ဖော့ပြောပြီးတော့ ပြဿနာကိုသိပ်အရေးမကြီးသလိုပဲလုပ်ခဲ့တယ်။ အဲဒါကြောင့် သူကလည်း သူ့ပြဿနာတွေနဲ့ပတ်သက်ပြီး အလေးအနက်မရှိခဲ့ဘူး။ အပေါ်ယံမှာတော့ ကျွန်မကသဘောကောင်းသလိုပုံစံမျိုးဖြစ်ပေမယ့် တကယ်တမ်းကျတော့ အသင်းတော်ရဲ့အလုပ်တွေနဲ့ ညီအစ်ကိုမောင်နှမတွေရဲ့ အသက်ဝင်ရောက်မှုတွေကို ထိခိုက်အောင်လုပ်နေခဲ့တာပဲ။ ကျွန်မက “လူကောင်း”၊ သူများတွေကျေနပ်အောင်လိုက်နေတဲ့သူ၊ တကယ့်လူလိမ်တစ်ယောက်ပဲဆိုတာသိခဲ့ရတယ်။

အဲဒါပြီးတော့ ကျွန်မဝတ်ပြုဆုတောင်းတဲ့အချိန် ဘုရားသခင်ရဲ့နှုတ်ကပတ်တော်တွေထဲမှာ ဒါကိုဖတ်ခဲ့ရတယ်။ “အချို့ အသင်းတော်ခေါင်းဆောင်များသည် မိမိတို့၏ တာဝန်ကို အရေးမထားဘဲနှင့် ဝတ်ကျေတမ်းကျေ ဆောင်ရွက်နေသည့် ညီအစ်ကိုများ သို့မဟုတ် ညီအစ်များကို ၎င်းတို့မြင်တွေ့ရလျက် ၎င်းတို့ ပြစ်တင်မောင်းမဲခြင်း ပြုသင့်သော်လည်း မပြုကြချေ။ ဘုရားသခင်၏ အိမ်တော် အကျိုးစီးပွားများကို သိသိသာသာ ထိခိုက်နစ်နာစေသည့်အရာတစ်ခုကို ၎င်းတို့ မြင်သည့်အခါ၊ အခြားသူများ ယုတ်စွအဆုံး စိတ်အနှောင့်အယှက်ပင် မဖြစ်စေဖို့အလို့ငှာ၊ ၎င်းတို့သည် မသိကျိုးကျွန်ပြုကြပြီး မည်သည့် မေးမြန်းစုံစမ်းခြင်းများကိုမျှ မပြုကြချေ။ ၎င်းတို့၏ စစ်မှန်သော ရည်ရွယ်ချက်နှင့် ရည်မှန်းချက် ပန်းတိုင်မှာ အခြားသူများ၏ အားနည်းချက်များအတွက် စာနာထောက်ထားမှု ပြရန်မဟုတ်- ၎င်းတို့ မည်သည့်အရာ ရည်ရွယ်သည်ကို ၎င်းတို့ အပြည့်အဝ ကောင်းစွာ သိကြသည်- ‘ဤအရာကို ငါ ဆက်ထိန်းထားပြီး မည်သူကိုမျှ စိတ်အနှောင့်အယှက် မဖြစ်စေပါက၊ ငါသည် ခေါင်းဆောင်ကောင်းတစ်ဦးဖြစ်သည်ဟု ၎င်းတို့ ထင်ကြလိမ့်မည်။ ၎င်းတို့သည် ငါနှင့်သက်ဆိုင်၍ ကောင်းမွန်၊ မြင့်မားသည့် ထင်မြင်ချက်တစ်ခု ရှိကြလိမ့်မည်။ ငါ့ကို ၎င်းတို့ မျက်နှာသာပေးကာ နှစ်သက်ကြလိမ့်မည်။’ ဘုရားသခင်၏ အိမ်တော် အကျိုးစီးပွားများအား မည်မျှ ထိခိုက်နစ်နာစေသည်ဖြစ်စေ၊ ပြီးလျှင် ဘုရားသခင် ရွေးချယ်ထားသော လူများက ၎င်းတို့၏ အသက်ဝင်ရောက်မှုတွင် မည်မျှ ကြီးမားစွာ ကြန့်ကြာစေခြင်းခံရသည်ဖြစ်စေ၊ သို့မဟုတ် ၎င်းတို့၏ အသင်းတော် အသက်တာသည် မည်မျှ ကြီးမားစွာ နှောင့်ယှက်ခံရသည် ဖြစ်စေ၊ ထိုသို့သော လူများသည် မည်သည့် စိတ်အနှောင့်အယှက်မျှ မဖြစ်စေခြင်းနှင့်ဆိုင်သည့် ၎င်းတို့၏ ဆိုးယုတ်သော အတွေးအခေါ်တွင် ရှိမြဲရှိကြလေသည်။ ၎င်းတို့၏ စိတ်နှလုံးများထဲတွင် မည်သည့်အခါတွင်မျှ မိမိကိုယ်ကိုယ် အပြစ်တင်မှု အသိစိတ်တစ်ခု မရှိကြပေ။ အလွန်ဆုံးအနေဖြင့်၊ ၎င်းတို့သည် အလျဉ်းသင့်၍ အချို့ ပြဿနာများကို သာမန်ကာလျှံကာ ပြောဆိုမှုပြုကြပြီးနောက် ထိုအရာနှင့်ပတ်သက်၍ အဆုံးသတ်လိုက်ကြသည်။ ၎င်းတို့သည် လူတို့၏ အခြေအနေများကို စိတ်ဖြာလေ့လာဆွေးနွေးဖို့ မဆိုထားနှင့်၊ သမ္မာတရားကို မိတ်သဟာယ မပြုကြသကဲ့သို့ အခြားသူများ၏ ပြဿနာများနှင့်ဆိုင်သည့် အနှစ်သာရကိုလည်း ထောက်မပြကြချေ။ ၎င်းတို့သည် သမ္မာတရား၏ လက်တွေ့အရှိတရားထဲသို့ ဝင်ရောက်ဖို့ လူတို့ကို ဦးမဆောင်ကြသကဲ့သို့၊ ဘုရားသခင်၏ အလို မည်သည့်အရာဖြစ်သည်၊ သို့မဟုတ် လူတို့ မကြာခဏ ကျူးလွန်ကြသည့် အမှားများ သို့မဟုတ် လူတို့ ထုတ်ဖော်ပြကြသည့် ဖောက်ပြန်ပျက်စီးသော စိတ်သဘောထား အမျိုးအစားများကို မည်သည့်အခါတွင်မျှ ပြောဆိုဆွေးနွေးခြင်း မပြုကြချေ။ ဤလက်တွေ့ကျသော ပြဿနာများကို ၎င်းတို့ မဖြေရှင်းကြပေ။ ယင်းအစား၊ ၎င်းတို့သည် အခြားသူများ၏ အားနည်းချက်များနှင့် အပျက်သဘောဆောင်ခြင်း၊ ပြီးလျှင် ၎င်းတို့၏ အရေးမထားခြင်းနှင့် စိတ်မပါခြင်းတို့ကိုပင် အစဉ် လိုက်လျောကြလေသည်။ ဤလူများ၏ လုပ်ရပ်များနှင့် အပြုအမူများကို ယင်းတို့ အဘယ်အရာ ဖြစ်သည် ဆိုသည်အတွက် အမည်တပ်ခြင်းမရှိဘဲ အသက်ရှင် နေထိုင်ကြသည်ကို တစ်သမတ်တည်း ခွင့်ပြုကြပြီး၊ ၎င်းတို့ ထိုသို့ လုပ်ဆောင်ကြသောကြောင့် အတိအကျပင်၊ လူအများစုက ‘ငါတို့၏ ခေါင်းဆောင်သည် ငါတို့အဖို့ မိခင်တစ်ဦးကဲ့သို့ ဖြစ်သည်။ သူသည် ဘုရားသခင်ထက် ငါတို့၏ အားနည်းချက်များကို သာ၍ပင် သိနားလည်မှုရှိသည်။ ဘုရားသခင်၏ သတ်မှတ်ချက်များနှင့် လျော်ညီအောင်နေဖို့ ငါတို့၏ ဝိညာဉ်ရင့်ကျက်မှုက အလွန်သေးနုပ်ကောင်း သေးနုပ်နိုင်သော်လည်း၊ ငါတို့ ခေါင်းဆောင်၏ သတ်မှတ်ချက်များနှင့် လျော်ညီအောင် ငါတို့ နေနိုင်သည်မှာ လုံလောက်သည်။ သူသည် ငါတို့အတွက် ခေါင်းဆောင်ကောင်းတစ်ဦး ဖြစ်သည်။ ငါတို့၏ ခေါင်းဆောင်ကို အထက်က အစားထိုးသည့် နေရက် ရောက်လာပါက၊ ငါတို့၏ သဘောထားများကို ကြားစေသင့်ပြီး၊ ငါတို့၏ မတူကွဲပြားသော အယူအဆများနှင့် ဆန္ဒများကို အဆိုပြုသင့်သည်။ အထက်နှင့် ငါတို့ ဆွေးနွေးညှိနှိုင်းသင့်သည်။’ ဟု တွေးလာကြလေသည်။ ထိုသို့သော အတွေးများကို လူတို့ သိုထားပါက- ၎င်းတို့သည် ၎င်းတို့၏ ခေါင်းဆောင်နှင့် ဤဆက်ဆံရေးမျိုး ရှိပြီး ၎င်းတို့နှင့် သက်ဆိုင်သည့် ထိုသို့သော ထင်မြင်ချက်တစ်ခု ရှိကာ၊ ၎င်းတို့၏ ခေါင်းဆောင်အပေါ် မှီခိုခြင်း၊ သဘောကျခြင်း၊ လေးစားခြင်းနှင့် ကြည်ညိုခြင်းတို့နှင့်ဆိုင်သည့် ထိုသို့သော ခံစားချက်များ ၎င်းတို့၏ စိတ်နှလုံးများထဲတွင် ဖြစ်ပေါ်ပြီးဖြစ်ပါက- ခေါင်းဆောင်သည် မည်သို့ ခံစားသင့်သနည်း။ ဤကိစ္စရပ်တွင်၊ ၎င်းတို့သည် မိမိတို့ကိုယ်ကိုယ် အပြစ်တင်မှု ခံစားရပြီး စိတ်နှလုံးတွင် ဝန်ထုပ်တစ်ခု သယ်ဆောင်ကာ၊ ဘုရားသခင်ကို အကြွေးတင်ရှိသည်ဟု ခံစားရပါက၊ ၎င်းတို့သည် အခြားသူတို့၏ စိတ်နှလုံးများထဲက ၎င်းတို့၏ အဆင့်အတန်း သို့မဟုတ် ပုံရိပ်အပေါ် အစွဲအလမ်းမကြီး သင့်ကြပေ။ ဘုရားသခင်က လူတို့၏ စိတ်နှလုံးများထဲတွင် နေရာတစ်ခု ရှိဖို့နှင့် ဘုရားသခင်ကို ကြီးမြတ်သောသူအဖြစ် လူတို့ ရိုသေလေးမြတ်ကြဖို့အလို့ငှာ၊ ၎င်းတို့သည် ဘုရားသခင်ကို သက်သေခံကာ သူ့ကို ချီးမြှောက်သင့်ကြပေသည်။ ထိုသို့ဖြင့်သာ ၎င်းတို့၏ စိတ်နှလုံးသည် အမှန်တကယ် ငြိမ်းချမ်းလိမ့်မည် ဖြစ်ပြီး ထိုသို့ လုပ်ဆောင်သူတစ်ဦးသည် သမ္မာတရားကို အားထုတ်သူတစ်ဦး ဖြစ်ပေသည်။ သို့သော် ဤသည်မှာ ၎င်းတို့ လုပ်ရပ်များနောက်ကွယ်က ရည်မှန်းချက် မဟုတ်သကဲ့သို့၊ ထိုအစား လူတို့ကို မှန်ကန်သော လမ်းခရီးမှ လွဲစေရန်နှင့် သမ္မာတရားကို စွန့်လွှတ်ရန် သွေးဆောင်ဖြားယောင်းဖို့ ဤနည်းစနစ်များနှင့် နည်းနိဿယများကို အသုံးပြုပြီး၊ လူတို့၏ စိတ်နှလုံးများတွင် နေရာတစ်ခုခု သိမ်းပိုက်ကာ ၎င်းတို့၏ နာမည်ကောင်းကို ရရှိဖို့ ရည်မှန်းချက်တစ်ခုဖြင့် ၎င်းတို့၏ တာဝန်များနှင့်ပတ်သက်၍ လူတို့၏ အရေးမထား၊ ဝတ်ကျေတမ်းကျေဖြစ်ပြီး တာဝန်မဲ့သော ထမ်းဆောင်ချက်ကို လိုက်လျောဖို့အထိ လုပ်ဆောင်ပါက၊ ဤသည်မှာ လူများကို မိမိဘက်ပါလာအောင် စည်းရုံးသိမ်းသွင်းဖို့ ကြိုးစားအားထုတ်မှု တစ်ခု မဟုတ်သလော။ ပြီးလျှင် ဤသည်မှာ ဆိုးယုတ်သည့်၊ မုန်းတီးစက်ဆုပ်ဖွယ် ကောင်းသော အရာတစ်ခု ဖြစ်သည် မဟုတ်လော။ ယင်းသည် စက်ဆုပ်စရာ ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၁)”) ဘုရားသခင်ရဲ့နှုတ်ကပတ်တော်တွေက ကျွန်မအပြုအမူတွေနောက်ကွယ်က အနှစ်သာရနဲ့ အကြောင်းတရားကိုဖော်ထုတ်လိုက်တယ်။ ကျွန်မခေါင်းဆောင်ဖြစ်လာကတည်းက လူတွေနဲ့အဆင်ပြေအောင်လို့ ဘာမှမပြောဘဲရှောင်နေခဲ့တယ်။ လူတွေရဲ့ပြဿနာတွေကို မဖော်ထုတ်ဘဲနဲ့ သူတို့ဂုဏ်သိက္ခာကိုကာကွယ်ပေးခဲ့တယ်။ အစ်ကိုဝမ်က အသင်းတော်ရဲ့အလုပ်တွေကို ဖျက်လိုဖျက်ဆီးနဲ့နှောင့်နှေးစေတာကိုတွေ့တဲ့အခါမှာတောင် ကျွန်မအရေးတယူမလုပ်ခဲ့ဘူး။ အဲဒီအစား ကျွန်မက လူတွေကို စကားထိန်းပြောပြီး သူတို့ကြားထဲက ကျွန်မရဲ့နေရာကိုတည်မြဲချင်ခဲ့တယ်။ ကျွန်မကအပြင်ပန်းကကြည့်ရင်တော့ နူးညံ့သိမ်မွေ့ပြီး သဘောကောင်းတဲ့ပုံပေါက်ပေမယ့် အဲဒါကညီအစ်ကိုမောင်နှမတွေကို လှည့်စားထားတဲ့ဟန်ပြသက်သက်ပါပဲ။ လူတွေနဲ့ဆက်ဆံရေးပြေလည်အောင် သဘောကောင်းတဲ့ပုံပေါက်မယ့် အပြုအမူနဲ့ စကားလုံးတွေကိုသုံးပြီး သူတို့ကကျွန်မကိုသဘောကျ အထင်ကြီးအောင်လုပ်ခဲ့တာပါ။ အဲဒီအခါကျတော့ ကျွန်မနေရာပိုတည်မြဲတာပေါ့။ ကျွန်မရဲ့လမ်းကြောင်းဖြောင့်ဖြူးဖို့အတွက် ဘုရားသခင်အိမ်​တော်ရဲ့အကျိုးစီးပွားကို အသုံးချခဲ့တယ်။ သမ္မာတရားရဲ့အခြေခံသဘောတရားနဲ့ဆန့်ကျင်ပြီးတော့ ဘုရားသခင်အိမ်တော်ရဲ့အလုပ်တွေကိုထိခိုက်အောင်လုပ်ခဲ့တယ်။ ကျွန်မသွားနေတဲ့လမ်းကြောင်းက အန္တိခရစ်တွေရဲ့လမ်းကြောင်းပါပဲ။ အဲဒီအချိန်မှာ ဘုရားသခင်ရဲ့နှုတ်ကပတ်တော်တွေကို ကျွန်မတွေးမိတယ်။ “သင်သည် သင်၏ဆွေမျိုးများ၊ မိတ်ဆွေများ၊ ဇနီး (သို့မဟုတ် ခင်ပွန်း)၊ သားသမီးများနှင့် မိဘများအပေါ် အထူး ဖော်ရွေရင်းနှီး၍ အစဉ်သစ္စာရှိပြီး၊ သူတစ်ပါးအပေါ် မည်သည့်အခါမျှ အခွင့်အရေးမယူခြင်းတို့ ဖြစ်ကောင်းဖြစ်နိုင်သော်လည်း အကယ်၍ သင်သည် ခရစ်တော်နှင့် သဟဇာတမဖြစ်ပါက၊ သင်သည် သူနှင့် လိုက်လျောညီထွေစွာ အပြန်အလှန်မတုံ့လှယ်နိုင်ပါက၊ သင်သည် သင်၏အိမ်နီးချင်းများ သက်သာရာရစေရန် မိမိပိုင်ဆိုင်သမျှကို သုံးစွဲခြင်း သို့မဟုတ် သင့်အဖ၊ အမိနှင့် အိမ်သူအိမ်သားများကို စေ့စပ်စွာစောင့်ရှောက်ခြင်းတို့ ပြုလုပ်ပေးလျှင်ပင် သင်သည် ဆိုးယုတ်သည့်အပြင် ကောက်ကျစ်စဉ်းလဲသောလှည့်စားမှုနှင့် ပြည့်နေသေးသောသူဟု ငါဆိုမည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရစ်တော်နှင့် သဟဇာတမဖြစ်သောသူများသည် အကယ်စင်စစ် ဘုရားသခင်၏ ရန်ဘက်များဖြစ်ကြသည်”) လူတွေ သမ္မာတရားကို လက်တွေ့လုပ်ဆောင်ပြီး သူတို့ရဲ့အမှုတော်ကို ထမ်းဆောင်အောင် လမ်းပြဖို့၊ ဘုရားအိမ်တော်ရဲ့ အမှုတော်ကို ထိန်းသိမ်းဖို့၊ လူတွေရဲ့ ပြဿနာတွေကို ဖြေရှင်းဖို့အတွက် သမ္မာတရားကို မိတ်သဟာယဖွဲ့ဖို့ ဘုရားအိမ်တော်က ကျွန်မကို ခေါင်းဆောင်တစ်ယောက်ဖြစ်စေခဲ့တာပါ။ ဒါဟာ လူတွေက သူတို့ရဲ့ ဖောက်ပြန်ပျက်စီးမှုကို နားလည်ပြီး သူတို့ရဲ့အမှုတော်ကို စည်းမျဉ်းစည်းကမ်းနဲ့လုပ်ဆောင်တတ်လာဖို့အတွက်ပါ။ အဲဒါကကျွန်မရဲ့တာဝန်ပဲ။ ဒါပေမဲ့ ဘုရားသခင်အလိုရှိသလိုမျိုး ကျွန်မရဲ့အမှုတော်ကိုမထမ်းဆောင်ခဲ့ဘူး။ ကျွန်မက ပေါင်းသင်းဆက်ဆံရေးနဲ့ သူများတွေနဲ့ပတ်သက်တဲ့ကျွန်မရဲ့ဂုဏ်ကိုထိန်းသိမ်းဖို့ပဲအာရုံစိုက်ခဲ့လို့ နောက်ဆုံးမှာတော့ ဘုရားသခင်အိမ်တော်ရဲ့အလုပ်တွေကို ထိခိုက်ခဲ့ပြီးတော့ တခြားလူတွေရဲ့အသက်ဝင်ရောက်မှုကိုလည်း အနှောင့်အယှက်ဖြစ်စေခဲ့တယ်။ ကျွန်မကစာတန့်ဘက်ကနေ လုပ်ဆောင်နေခဲ့တယ်။ ဘုရားသခင်က သူ့ရဲ့နှုတ်ကပတ်တော်တွေထဲမှာ ဖော်ထုတ်ခဲ့တာနဲ့ ကျွန်မက တထေရာထည်းပဲဆိုတာကို တွေ့ခဲ့ရတယ်။ ကျွန်မကလူကောင်းတစ်ယောက်မဟုတ်ရုံတင်မကဘူး ယုံကြည်ချင်စရာမကောင်း၊ အတ္တကြီးပြီး ဆိုးယုတ်တဲ့လူတစ်ယောက်ပါပဲ။ ကျွန်မသာ ဝန်ချတောင်းပန်ပြီး မပြောင်းလဲခဲ့ရင် ညီအစ်ကိုမောင်နှမတွေရဲ့အသက်ဝင်ရောက်မှုအတွက် ကျွန်မက အတားအဆီးဖြစ်လာမှာပါ။ နောက်ဆုံးမှာတော့ တခြားလူတွေနဲ့ ဆက်ဆံခြင်းနဲ့ပတ်သက်ပြီး ကျွန်မရဲ့ ဘဝစည်းမျဉ်းတွေကို ကျွန်မ နားလည်သွားခဲ့ပါတယ်။ “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” “သူများတွေရဲ့ပုဂ္ဂိုလ်ရေးကို ဘယ်တော့မှထိခိုက်အောင်မပြောနဲ့” ဆိုတာတွေဟာ စာတန်ရဲ့အဆိပ်အတောက်တွေဖြစ်ပြီးတော့ စစ်မှန်တဲ့ ပြုမူနေထိုင်နည်းရဲ့အခြေခံသဘောတရားတွေမဟုတ်ဘူးဆိုတာကို ကျွန်မအမှန်တကယ်သိမြင်လာပါတယ်။ ကျွန်မရဲ့မှားနေတဲ့လမ်းကြောင်းကိုပြင်ဆင်ပြီးတော့ ဝန်ချတောင်းပန်ဖို့ ဘုရားသခင်ရှေ့မှောက်မှာဝတ်ပြုဆုတောင်းခဲ့ပါတယ်။

ပြီးတော့ ဘုရားသခင်ရဲ့နှုတ်ကပတ်တော်တွေထဲက ဒါကိုဖတ်ခဲ့တယ်။ “အကယ်၍ သင်သည် ဘုရားသခင်နှင့် ပုံမှန် ဆက်ဆံရေးရှိလိုပါက သင်၏စိတ်နှလုံးသည် ဘုရားသခင်ထံ လှည့်ရမည်။ ယင်းကို အခြေခံအုတ်မြစ်အဖြစ်ထား၍၊ သင်သည် အခြားသူများနှင့်လည်း ပုံမှန် ဆက်ဆံရေးရှိလိမ့်မည်။ သင့်တွင် ဘုရားသခင်နှင့် ပုံမှန် ဆက်ဆံရေးမရှိပါက၊ အခြားသူများနှင့် ဆက်ဆံရေးကို သင်မည်မျှပင် ထိန်းသိမ်းစေကာမူ၊ သင်သည် မည်မျှပင် အလုပ်ကြိုးစားစေကာမူ၊ သင်သည် မည်မျှပင် အားထုတ်စေကာမူ၊ အားလုံးသည် အသက်ရှင်ရေးအတွက် လူသား၏ သဘောတရား ခံယူချက်နှင့်သာ ပတ်သက်ပေမည်။ လူများက သင့်ကို ချီးမွမ်းကြရန် သင်သည် လူ့အမြင်နှင့် လူ့သဘောတရားခံယူချက်တို့အားဖြင့် လူသားများအလယ်တွင် သင်၏အနေအထားကို ထိန်းသိမ်းနေသည်၊ သို့သော် လူများနှင့် ပုံမှန်ဆက်ဆံရေးများကို ထူထောင်ရန် သင်သည် ဘုရားသခင်၏ နှုတ်ကပတ်တော်ကို လိုက်နာခြင်း မရှိပေ။ အကယ်၍ သင်သည် အခြားလူများနှင့် ပုံမှန် ဆက်ဆံရေးကို အာရုံမစိုက်ဘဲ ဘုရားသခင်နှင့် ပုံမှန် ဆက်ဆံရေးကိုသာ ထိန်းသိမ်းလျှင်၊ အကယ်၍ သင်သည် သင့်စိတ်နှလုံးကို ဘုရားသခင်အား ပေးအပ်ပြီး ကိုယ်တော်ကို နာခံရန်လိုလားလျှင်၊ အခြားသူများအားလုံးနှင့် သင်၏ ဆက်ဆံရေးသည် အလိုအလျောက် လျော်ကန်လာပေမည်။ ဤနည်းအားဖြင့် ထိုဆက်ဆံရေးများကို ဇာတိထဲ၌ မဟုတ်ဘဲ ဘုရားသခင်၏ ချစ်ခြင်းမေတ္တာအုတ်မြစ်ပေါ်တွင် တည်ထောင်ထားပေသည်။ ဇာတိကူးလူးဆက်ဆံမှု လုံးဝနီးပါးမရှိသော်လည်း စိတ်ဝိညာဉ်၌ မိတ်သဟာယဖွဲ့မှု၊ အပြန်အလှန်မေတ္တာ၊ အပြန်အလှန်နှစ်သိမ့်မှုနှင့် အချင်းချင်း ထောက်ပံ့ပေးမှုတို့ ရှိသည်။ ၎င်းတို့အလုံးစုံကို ဘုရားသခင်ကို ကျေနပ်စေသောစိတ်နှလုံးကို အခြေခံ၍ လုပ်ဆောင်ခြင်းဖြစ်၏။ ယင်းဆက်ဆံရေးများကို လူသား၏ အသက်ရှင်ရေးအတွက် သဘောတရားခံယူချက်ပေါ်တွင် အားထားခြင်းဖြင့် ထိန်းသိမ်းထားသည် မဟုတ်ဘဲ၊ ၎င်းတို့သည် ဘုရားသခင်အတွက် ဝန်ကိုထမ်းရင်း အလွန်သဘာဝကျစွာ ဖြစ်ထွန်းလာခြင်းဖြစ်သည်။ ၎င်းသည် လူလုပ်အားထုတ်မှုများ မလိုအပ်ပေ။ သင်သည် ဘုရားသခင်၏ နှုတ်ကပတ်တော်၏ အခြေခံစည်းမျဉ်းများနှင့်အညီ လက်တွေ့လုပ်ဆောင်ရန်သာ လိုအပ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် ပုံမှန်ဆက်ဆံရေးတစ်ခုတည်ဆောက်ရန် အလွန်အရေးကြီး၏”) ကောင်းမွန်တဲ့လူမှုဆက်ဆံရေးကို လောကီရှင်သန်ရေးအတွေးအခေါ်တွေသုံးပြီးတော့ တည်ဆောက်လို့မရဘူးဆိုတာကို ဘုရားသခင်ရဲ့နှုတ်ကပတ်တော်တွေက ကျွန်မကိုပြလိုက်ပါတယ်။ တခြားလူတွေရဲ့ဝိညာဉ်ကို ဘုရားသခင်ရဲ့နှုတ်ကပတ်တော်တွေနဲ့အညီ အားဖြည့်ပေးမှသာ အားလုံးအတွက်အကျိုးရှိမှာပါ။ သူများတွေ အကျင့်ပျက်ပြီး သူတို့ရဲ့အမှုတော်ကိုထမ်းဆောင်လို့ သူတို့ရဲ့အလုပ်ကိုထိခိုက်နေတာကို​ကျွန်မတွေ့တဲ့အချိန်မှာ ကျွန်မရဲ့ဂုဏ်သိက္ခာနဲ့ နာမည်ကိုပဲအာရုံမစိုက်ခဲ့သင့်ဘူး။ သူတို့ရဲ့ အကျင့်ပျက် စိတ်သဘောထားတွေကို နားလည်အောင်ကူညီပေးဖို့အတွက် ဒီပြဿနာအပေါ် ဘုရားရဲ့ နှုတ်ကပတ်တော်တွေကို အသုံးချခဲ့သင့်တယ်။ ပြီးတော့ သူတို့ရဲ့အမှုတော်ကို ကောင်းကောင်းထမ်းဆောင်နိုင်အောင် ဘုရားအလိုတော်ကို မိတ်သဟာယဖွဲ့ပေးခဲ့သင့်တယ်။ ဘုရားသခင်ကလည်း ကျေနပ်လက်ခံမှာပဲ။ တွေ့ဆုံပွဲတွေမှာဆိုရင် ဘုရားသခင်ရဲ့နှုတ်ကပတ်တော်တွေကြောင့် အစ်ကိုဝမ်က မကြာခဏ သူ့ကိုယ်သူနားလည်နိုင်တာမျိုးရှိတယ်။ အဲဒါကသူ့ရဲ့ပြဿနာတွေကို သူရင်ဆိုင်ဖြေရှင်းချင်တဲ့သဘောပဲ။ သူပြဿနာရဲ့ဇစ်မြစ်ကို သူနားမလည်ဘဲနဲ့ သူ့ကိုယ်သူတကယ်မမုန်းသေးလို့သာ ပြဿနာတွေပေါ်လာတဲ့အခါမှာ သူ့ရဲ့အကျင့်ပျက်မှုကဆက်ရှိနေသေးတာ။ ကျွန်မကသာ ဘုရားသခင်ရဲ့နှုတ်ကပတ်တော်တွေကို အသုံးပြုပြီးတော့ ပြဿနာရဲ့အနှစ်ချုပ်ကို ခွဲခြမ်းစိတ်ဖြာခဲ့မယ်ဆိုရင် အဲဒီကနေတစ်ဆင့် သူလက်တွေ့လုပ်ဆောင်ရမယ့်လမ်းကြောင်းကိုသူရှာတွေ့ပြီး သူ့ကိုလည်းတကယ်ကူညီရာရောက်လိမ့်မယ်။ အဲဒါကိုသဘောပေါက်သွားတော့ ကျွန်မရဲ့မှားနေတဲ့လမ်းကြောင်းကို ပြောင်းလဲပြီးတော့ ဘုရားသခင်ရဲ့အလိုဆန္ဒအတိုင်း လုပ်ဆောင်ချင်ခဲ့တယ်။ ပြီးတော့ အစ်ကိုဝမ် သူ့ရဲ့အမှုတော်မှာရှိနေတဲ့ ပြဿနာတွေကို ကျွန်မအကျဉ်းချုပ်လုပ်ပြီးတော့ တစ်ခုချင်းကိုစာရင်းလုပ်ခဲ့တယ်။ ကျွန်မသူနဲ့မိတ်သဟာယဖွဲ့ပြီးတော့ သူ့အပြုအမူကိုလေ့လာဆွေးနွေးပြီး ပြဿနာရဲ့ဇစ်မြစ်ကိုခွဲခြမ်းစိတ်ဖြာခဲ့တယ်။ အဲဒါပြီးတော့ ကျွန်မထင်ခဲ့သလိုမျိုး သူကကျွန်မကိုမုန်းသွားတာမျိုး ဒါမှမဟုတ် ရှောင်သွားတာမျိုးမရှိခဲ့ဘဲနဲ့ ကျွန်မရဲ့မိတ်သဟာယကို အမှန်တကယ်လက်ခံခဲ့တယ်။ နောက်ကျတော့ သူကကျွန်မကိုစာပို့ပြီးပြောတယ်။ “အဲဒီကိစ္စကို ကျွန်တော့်ကို ပြောပြတာအ​ရမ်းကောင်းပါတယ်။ မဟုတ်ရင် ပြဿနာကဘယ်လောက်ဆိုးလဲဆိုတာကို ကျွန်တော်သိမှာမဟုတ်ဘူး” တဲ့။ ကျွန်မတကယ်စိတ်လှုပ်ရှားမိတယ်။ ကျွန်မရဲ့ရည်ရွယ်ချက်ကိုပြင်ဆင်ပြီးတော့ သူများတွေကျွန်မကိုဘယ်လိုထင်မလဲဆိုတာကို အာရုံမစိုက်တော့ဘဲနဲ့ ဘုရားသခင်ရဲ့နှုတ်ကပတ်တော်တွေကို လက်တွေ့လုပ်ဆောင်ပြီး အခြေခံသဘောတရားတွေကိုထိန်းသိမ်းလိုက်တဲ့အခါမှာ ကျွန်မအနားကလူတွေကို လက်တွေ့ကျတဲ့ထောက်ပံ့မှုမျိုးပေးနိုင်လာတယ်။ ကျွန်မစိတ်အေးချမ်းပြီးတော့လည်း ပေါ့ပါးသွားတယ်။

နောက်ကျတော့ အစ်မတစ်ယောက်က အချိန်ဆွဲပြီးတော့ သူ့ရဲ့အမှုတော်မှာ တဇွတ်ထိုးလုပ်တတ်လို့ ပြဿနာတွေအများကြီး ဖြစ်တာကိုသတိထားမိတယ်။ သူကအဲဒီပြဿနာတွေကိုတွေ့ပြီးတော့ တော်တော်လေးစိတ်ပျက်နေတယ်။ ပြဿနာတွေအများစုက အမှုတော်အပေါ်ထားတဲ့ သူ့ရဲ့ သဘောထားကြောင့်ဆိုတာ ကျွန်မ တွေခဲ့ရတယ်။ အဲဒါကြောင့် ကျွန်မကအဲဒီကိစ္စကိုပြောချင်ခဲ့တယ် ဒါပေမဲ့ ကျွန်မ စဉ်းစားမိတယ်။ “သူကနဂိုကတည်းက စိတ်ပျက်ပြီး စိတ်ဓာတ်ကျနေတာ။ ငါကသာသူ့ကို ပြဿနာတွေအကြောင်းသွားပြောရင် ရေနစ်သူဝါးကူထိုးသလိုဖြစ်မသွားဘူးလား။ သူပိုပြီးတော့စိတ်ပျက်သွားရင် လူတွေကငါ့ကိုရက်စက်တယ် ခွင့်မလွှတ်တတ်ဘူးလို့ပြောပြီးတော့ ရှောင်သွားကြနိုင်တယ်” ပေါ့။ သူ့ရဲ့အမှုတော်မှာ ပြဿနာတွေကို ဖြေရှင်းနိုင်မယ့်နည်းလမ်းကိုရှာနိုင်ရင်လုံလောက်မယ်လို့ထင်ခဲ့တယ်။ အဲဒါဆိုကျွန်မသူ့ကိုပြောစရာမလိုတော့ဘူးပေါ့။ ပြီးတော့ ကျွန်မကစာတန်ရဲ့အတွေးအခေါ်တွေအတိုင်းပြုမူနေပြန်ပြီဆိုတာကို သဘောပေါက်လိုက်ပြီးတော့ ကျွန်မကသာ ဒီအစ်မကို သူ့ရဲ့ပြဿနာတွေကိုမပြခဲ့ဘူးဆိုရင် သူ့ရဲ့အကျင့်ပျက်မှုကို သူမြင်မှာမဟုတ်ဘဲ သူ့ကိုကူညီရာ​လည်းရောက်မှာမဟုတ်ဘူး။ ကျွန်မဘုရားသခင်ကိုဆုတောင်းပြီးတော့ အဲဒီအခြေအနေမှာထည့်သွင်းရမယ့် သမ္မာတရားတွေကိုတောင်းခံခဲ့တယ်။ ပြီးတော့ ဘုရားသခင်ရဲ့နှုတ်ကပတ်တော်တွေထဲက ဒါကိုဖတ်ခဲ့ရတယ်။ “ဘုရားသခင်သည် သူ၏လုပ်ဆောင်ချက်တို့၌ မပြတ်သားခြင်း၊ သို့မဟုတ် တွန့်ဆုတ်ခြင်းတို့ မည်သည့်အခါမျှမရှိပေ။ သူ၏လုပ်ဆောင်ချက်များနောက်က အခြေခံမူများနှင့် ရည်ရွယ်ချက်များအားလုံးသည် ရှင်းလင်းပြီး ပွင့်လင်းမြင်သာ၏၊ သန့်စင်ပြီး ခြောက်ပြစ်ကင်း၏။ အတွင်း၌ လှည့်ကွက်များ၊ သို့မဟုတ် လျှို့ဝှက်အကြံအစည်များ ရောထွေးနေခြင်း လုံးဝမရှိပေ။ တစ်နည်းပြောရလျှင် ဘုရားသခင်၏အနှစ်သာရထဲ၌ အမှောင်ထုသော်လည်းကောင်း၊ ဆိုးယုတ်ခြင်းသော်လည်းကောင်း မပါဝင်ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၂)”) “ဘုရားသခင်သည် အတော်အသင့် မလုပ်ဆောင်ပေ။ သူသည် လူ၏ စိတ်ကူးများဖြင့် စွန်းထင်းခြင်းမရှိ။ သူ့အတွက်၊ တစ်သည် တစ်ဖြစ်ပြီး နှစ်သည် နှစ်ဖြစ်သည်။ အမှန်သည် အမှန်ဖြစ်ပြီး အမှားသည် အမှားဖြစ်သည်။ မရေရာခြင်း မရှိပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “စစ်မှန်စွာနာခံခြင်းသာလျှင် လက်တွေ့ကျသောယုံကြည်မှုတစ်ခုဖြစ်၏”) ဘုရားသခင်ဟာ သူ့ရဲ့နှုတ်ကပတ်တော်တွေနဲ့ လုပ်ဆောင်​ချက်တွေမှာ မူဝါဒအခိုင်မာရှိပြီး သူဘာကိုကြိုက်တယ် ဘာကိုမကြိုက်ဘူးဆိုတာကို သေချာသိတယ်ဆိုတာ ကျွန်မကိုပြလိုက်တာပါပဲ။ လူတွေကောင်းတာလုပ်ရင် ဘုရားသခင်ကထောက်ခံပြီးတော့ လူတွေကသမ္မာတရားနဲ့ဆန့်ကျင်ပြီး ဘုရားသခင်အိမ်တော်ရဲ့အကျိုးကို ထိခိုက်အောင်လုပ်ရင်တော့ သူကအဲဒါကို ရွံရှာစက်ဆုပ်ပါတယ်။ ဘုရားသခင်ရဲ့လုပ်ဆောင်ချက်တွေက အရမ်းရှင်းလင်းပြီးတော့ မရေမရာဖြစ်နေတာမျိုးမရှိပါဘူး။ ဒီအချက်ကသခင်ယေရှု ကားစင်တင်ခံရတုန်းက ပေတရု ပြောခဲ့တဲ့ “သခင်၊ ကိုယ်တော်၌ ဤသို့မဖြစ်ပါစေနှင့်။ ဤအမှုသည် ကိုယ်တော်၌ မရောက်ရာ။” (ရှင်မဿဲခရစ်ဝင် ၁၆:၂၂) ဆိုတာကိုသွားသတိရတယ်။ ဒါပေမဲ့ သခင်ကပြောတယ် “အချင်းရန်သူ၊ ငါ့နောက်သို့ဆုတ်လော့။” (ရှင်မဿဲခရစ်ဝင် ၁၆:၂၃) အဲဒီလိုပြောတာက ပေတရုက ဘုရားသခင်လုပ်ဆောင်မှုရဲ့လမ်းကြောင်းကို တကယ်ကို ပိတ်ဆို့တာပဲဖြစ်ပြီးတော့ ဒါကြောင့် ဘုရားသခင်ကအဲဒါကို စာတန်ဆီကလို့ဖော်ထုတ်သတ်မှတ်တာပဲဖြစ်တယ်။ သခင်ယေရှုက ပေတရုရဲ့သူ့ကိုယ်သူလေးစားမှုကို ထိခိုက်မှာပဲဖြစ်ဖြစ် သူ့ကိုစိတ်ပျက်အောင်လုပ်မိမှာကိုပဲဖြစ်ဖြစ် ကြောက်မနေခဲ့ဘူး။ ဘုရားသခင်ရဲ့ သဘောထားကရှင်းလင်းတာကိုမြင်ပြီးတော့ သူ့လုပ်ဆောင်မှုတွေရဲ့သဘောသဘာဝကိုသိနိုင်အောင်လို့ ပေတရုရဲ့လုပ်ရပ်တွေအပေါ် အခြေခံပြီးတော့ သူကပြတ်ပြတ်သားသား ဆုံးဖြတ်ခဲ့တယ်။ လူတွေအပေါ်ထားတဲ့ ဘုရားသခင်ရဲ့အပြုအမူက ကျွန်မကို လက်တွေ့လုပ်ဆောင်ရမယ့်အခြေခံသဘောတရားတွေကိုပြလိုက်တယ်။ ညီအစ်ကိုမောင်နှမတွေရဲ့ တချို့ပြဿနာတွေအပေါ်မှာ သည်းခံမှုနဲ့ စိတ်ရှည်မှုထားဖို့လိုအပ်ပေမယ့် တစ်ခုခုက သူတို့ရဲ့အမှုတော်ကိုသက်ရောက်လာတာ ဒါမှမဟုတ် ဘုရားသခင်အိမ်တော်ရဲ့အလုပ်တွေကို အနှောင့်အယှက်ဖြစ်လာတာမျိုးဆိုရင်တော့ မိတ်သဟာယဖွဲ့ပြီးတော့ သမ္မာတရားရဲ့အခြေခံသဘောတရားတွေကို ထိန်းသိမ်းလိုက်နာဖို့လိုအပ်လာပြီ။ ကျွန်မနေနဲ့ ကြားနေပြီး သူများတွေကျေနပ်အောင်လိုက်လုပ်နေလို့မရဘူး။ အဲဒီ အစ်မက စိတ်ပျက်နေတယ်ဆိုတာကိုကျွန်မသိတယ် ဒါပေမဲ့ မှန်ကန်တဲ့ ရည်ရွယ်ချက်ထားပြီး သူ့ကိုအထင်သေးတာမျိုး၊ ပိုင်စိုးပိုင်နင်းနဲ့ ဆူငေါက်တာမျိုးမလုပ်ဘဲ သူ့ရဲ့ပြဿနာတွေကို ကူပြီးခွဲခြမ်းစိတ်ဖြာဖို့ သမ္မာတရားကို ချစ်ချစ်ခင်ခင်နဲ့ မိတ်သဟာယဖွဲ့ပေးရင် သူ့ရဲ့အကျင့်ပျက်မှုကို သူနားလည်နိုင်မယ်။ ပြီးရင် ကျွန်မတို့ လက်တွေ့လုပ်ဆောင်ရမယ့်လမ်းကြောင်းကို ရှာဖွေကြပြီးတော့ ဘုရားသခင်ရဲ့အလိုတော်အတိုင်း ကျွန်မလည်းအမှုတော်ကိုထမ်းဆောင်နိုင်မယ်။ နောက်ကျ​တော့ သူ့ရဲ့ပြဿနာတွေကို ကျွန်မမိတ်သဟာယဖွဲ့ပေးပြီးတော့ သူ့ရဲ့မှားနေတဲ့ရှုထောင့်တွေအကြောင်းကို ဆွေးနွေးခဲ့တယ်။ ကျွန်မရဲ့ကိုယ်ပိုင်အတွေ့အကြုံကိုလည်း သူ့အတွက်အထောက်အပံ့ဖြစ်အောင်မျှဝေခဲ့တယ်။ အစကတော့ အဲဒီလိုမိတ်သဟာယက အရမ်းကြမ်းတမ်းလွန်းပြီး သူလက်မခံနိုင်မှာကို စိုးရိမ်ခဲ့တယ်။ ဒါပေမဲ့ ပြီးသွားတော့ ကျွန်မထင်ခဲ့သလိုမျိုး သူကပိုစိတ်ဓာတ်ကျပြီး ကျွန်မကိုမကျေမနပ်မဖြစ်ဘဲနဲ့ အရင်ကသူ့ရဲ့ပြဿနာတွေကို သူသေချာနားမလည်ခဲ့ဘူးဆိုတာနဲ့ ဒီလိုမျိုးကိုင်တွယ်ဖြေရှင်းပေးတာကို လက်ခံနိုင်ပါတယ်ဆိုတဲ့အကြောင်းကို လှိုက်လှိုက်လှဲလှဲပြောတယ်။ အဲဒါပြီးတော့ အမှုတော်နဲ့ပတ်သက်တဲ့ သူ့ရဲ့ သဘောထားလည်းတိုးတက်လာပြီးတော့ သူ့အသိစိတ်နဲ့သူ သမ္မာတရားရဲ့အခြေခံသဘောတရားတွေကို စပြီးလိုက်စားလာပါတယ်။ အဲဒီလိုမြင်ရတော့ ကျွန်မတကယ်ဝမ်းသာမိတယ်။ သမ္မာတရားကို​လက်​တွေ့လုပ်ဆောင်ပြီး ဘုရားသခင်ရဲ့အလိုဆန္ဒအတိုင်း ကျွန်မရဲ့အမှုတော်ကိုထမ်းဆောင်ရတာ အရမ်းနေလို့ကောင်းပါတယ်။

ကျွန်မသူများတွေနဲ့ဆက်ဆံတဲ့အခါမှာ အရမ်းခက်ထန်သလိုဖြစ်ပြီး လူတွေကိုအရှက်ကွဲအောင်လုပ်မိမှာကို အမြဲတမ်းစိုးရိမ်ခဲ့တာကြောင့် လောကီအတွေးအခေါ်တွေအပေါ်အခြေခံပြီး ပေါင်းသင်းဆက်ဆံခဲ့တယ်။ အဲဒီလိုနေထိုင်ရတာ အရမ်းစိတ်ပင်ပန်းပါတယ်။ အဲဒီအတွေ့အကြုံတွေနဲ့ ဘုရားသခင်နှုတ်ကပတ်တော်တွေရဲ့လမ်းပြမှုတွေကနေတစ်ဆင့် စစ်မှန်တဲ့လူကောင်းတစ်ယောက်ဆိုတာ ဘယ်လိုမျိုးလဲ ကျွန်မသိလာပါတယ်။ သမ္မာတရားရဲ့အခြေခံသဘောတရားကို ထိန်းသိမ်းဖို့နဲ့ ဘုရားသခင်ရဲ့ နှုတ်ကပတ်တော်တွေကို လက်တွေ့လုပ်ဆောင်ဖို့က အရေးကြီးတယ်ဆိုတာကိုလည်း ကျွန်မ တွေ့ကြုံခဲ့ရပါတယ်။ အဲဒါကမှ ကောင်းမွန်တဲ့အပြုအမူရဲ့ စစ်မှန်တဲ့အခြေခံသဘောတရားပါပဲ။

အရှေ့သို့- ၄၈။ လူသားပုံသဏ္ဌာန်အတိုင်း အသက်ရှင်နေထိုင်ရန် သမ္မာတရားကို လက်တွေ့လုပ်ဆောင်ပါ

နောက်တစ်ခုသို့- ၅၀။ “ကောင်းမွန်သည့် ပုံရိပ်”နောက်ကွယ်တွင် မည်သည့်အရာ ရှိသနည်း

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

၇၅။ ကျွန်မ ကြုံခဲ့ရသော စမ်းသပ်မှု

တရုတ်နိုင်ငံ ကျိလင် စီရင်စု၊ ကျုံးရှင်းအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက်...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်