၄၇။ လူတွေစိတ်ချမ်းသာအောင်လုပ်ပေးသူတွေက ဘုရားရဲ့ကယ်တင်ခြင်းကို ခံရနိုင်သလား

တရုတ်နိုင်ငံ ရှန်းတုန်း စီရင်စု၊ ဟောင်ကျန့်

ကျွန်တော်က ကံကြွေးချစနစ်နဲ့ ရှုပ်ထွေးတဲ့ လူမှုဆက်ဆံရေးတွေရှိတဲ့၊ ဆင်းရဲပြီး ခေတ်နောက်ကျနေတဲ့ ရွာတစ်ရွာက လာတာပါ။ ကျွန်တော်က အဲဒီပတ်ဝန်းကျင်နဲ့ ကျွန်တော့်မိဘတွေပြောတဲ့၊ “မပြောမီ ကြိုစဉ်းစားပါ၊ ထို့နောက် ထိန်းထိန်းသိမ်းသိမ်း ပြောဆိုပါ” “ဆိတ်ဆိတ်နေခြင်းသည် ရွှေဖြစ်၏၊ ပြောစကားသည် ငွေဖြစ်၍ စကားများစွာပြောသူသည် အမှားများစွာပြု၏” “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” “ပွင့်လင်းခြင်းသည် အခြားသူများကို စိတ်အနှောင့်အယှက်ဖြစ်စေသဖြင့် အခြားသူများ၏ခံစားချက်များ၊ ဆင်ခြင်တုံတရားများနှင့် သဟဇာတဖြစ်ရန် ကောင်းသောစကားများကို ပြောပါ” ဆိုတဲ့စကားတွေရဲ့ လွှမ်းမိုးမှုကို တကယ်ခံခဲ့ရတာပါ။ အဲဒီအတွေးအခေါ်တွေက ကျွန်တော့်အတွက် ဘ၀မှာ အသိပေးစကားတွေဖြစ်လာခဲ့ပါတယ်။ ညီရင်းအစ်မ တွေနဲ့တောင်မှ အမြဲတမ်း သူတို့ကို သတိကြီးကြီးနဲ့ လေ့လာတယ်၊ အကောင်းပြောဖို့ကြိုးစားတယ်၊ သူတို့ပျော်အောင်လုပ်ဖို့ ချီးကျူးစကားတွေပဲ ပြောခဲ့ပါတယ်။ တစ်ယောက်က အမှားတစ်ခုလုပ်မိလို့ မိဘတွေက ဘယ်သူလုပ်တာလဲဆိုပြီး လာမေးတဲ့အခါ၊ ကျွန်တော် အမြဲတမ်း မသိဘူးလို့ဖြေခဲ့ပါတယ်။ ဒါမှ ကျွန်တော့်ရဲ့ ညီရင်းအစ်မတွေလည်း ကျွန်တော့်ကို နည်းနည်းသဘောကျသွားတာပေါ့။ ကျွန်တော်အမေကလည်း ကျွန်တော်ဟာ တော်တဲ့ကလေးတစ်ယောက်လို့ အမြဲပြောခဲ့ပါတယ်။ ကျွန်တော် လူ့ဘောင်ထဲကို စပြီးဝင်လာတဲ့အချိန်မှာ၊ သူငယ်ချင်းတွေနဲ့ဖြစ်ဖြစ်၊ အပြင်က တခြား ပုံစံမျိုးစုံနဲ့ လူတွေနဲ့ပဲဖြစ်ဖြစ် ကျွန်တော့်ရဲ့ ဆက်ဆံရေးကို ကာကွယ်ဖို့အတွက် အမြဲတမ်း သူများသဘောကျအောင်နေခဲ့ပါတယ်။ ဘယ်သူနဲ့ပဲဖြစ်ဖြစ်၊ စကားများရမယ့်၊ သူတို့ကိုစိတ်ဆိုးစေမယ့် ကိစ္စမျိုး တစ်ခုမှမလုပ်ခဲ့ဖူးပါဘူး။ လူတစ်ယောက်က ကျွန်တော့်ကို စိတ်ဆိုးအောင်လုပ်ပြီဆိုရင်လည်း၊ ကျွန်တော်က တကယ်ပဲ ခွင့်လွှတ်ပြီးတော့ စကားကြမ်းကြမ်းတွေ မပြောခဲ့ပါဘူး။ ကျွန်တော်လည်းတော်တော်ကို မကောင်းတဲ့အကျိုးဆက်တွေ ခံစားခဲ့ရပြီးတော့ မျိုသိပ်ပြီး ဒေါသထွက်ခဲ့ရတယ်၊ ဒါပေမဲ့လည်း ကျွန်တော်က “တိတ်တိတ်နေခြင်းသည်ရွှေ၊ စကားများပါက အမှားများတတ်သည်။” ဆိုတဲ့စကားအတိုင်း ဆက်နေပြီးတော့၊ ခံစားချက်တွေကို မျိုသိပ်ခဲ့ပါတယ်။ မိသားစုနဲ့ သူငယ်ချင်းတွေကြားမှာ ကျွန်တော့်ကို သဘောကောင်းတယ်ဆိုပြီး သိလာကြတယ်လေ။ အဲဒီလိုနေလို့ လူတိုင်းက ချီးကျူး၊ချီးမွမ်းကြပေမယ့်၊ အမြဲတမ်း ဒီဖိအားကြီးခံစားခဲ့ရပြီးတော့ စကားနဲ့တောင်ဖော်ပြလို့မရအောင် ရင်ထဲမှာ နာကျင်ခဲ့ရတယ်။ ကျွန်တော်ဘယ်သူ့ကိုမှ ဒေါသထွက်အောင်မလုပ်မိဖို့ လူတိုင်းကို သတိနဲ့ဆက်ဆံပြီးတော့၊ တကယ်ကို ဘယ်သူ့ကိုမှ တစ်ခါမှ ရင်မဖွင့်ခဲ့ဖူးပါဘူး။ အမြံတမ်း အဖြည့်ခံအဖြစ်နေပြီးတော့ ကျွန်တော့်ကိုယ်ကျိုးကို ကာကွယ်ဖို့အတွက် အပြင်ပန်းမှာပုံစံအမှားကြီးနဲ့ နေခဲ့တယ်။ အဲဒါက နာကျင် ပင်ပန်းပြီး အသက်ရှင်ရတာ ဖိစီးတဲ့နည်းလမ်းတစ်ခုပါပဲ။ ကျွန်တော်အမြဲတမ်း တွေးဖူးတယ်၊ “ဘယ်တော့မှ ဒီလိုဒုက္ခတွေ ချုပ်ငြိမ်းမှာလဲ။ ပိုလွယ်ကူတဲ့ဘ၀ရဖို့ ဘယ်လိုလုပ်လို့ရမလဲ” လို့လေ။ ကျွန်တော် လမ်းပျောက်ပြီးနာကျင်နေခဲ့တုန်းက၊ အနန္တတန်ခိုးရှင်ဘုရားက ကယ်တင်ခြင်းလက်တော်ကို ကျွန်တော့်ဆီ ဆန့်တန်းခဲ့ပါတယ်။

၁၉၉၈ ခုနှစ်တုန်းက ကျွန်တော် နောက်ဆုံးသောကာလ အနန္တတန်ခိုးရှင်ဘုရားရဲ့ အမှုတော်ကို လက်ခံရဖို့ ကံကောင်းခဲ့ပါတယ်။ အနန္တတန်ခိုးရှင်ဘုရား နှုတ်ကပတ်တော်တွေထဲက သင်ခဲ့ရတာက၊ ဘုရားက လူ့ဇာတိခံယူခဲ့ပြီးတော့ လူသားမျိုးနွယ်ကို အဓိကအားဖြင့်၊ ဖောက်ပြန်ပျက်စီးတဲ့သဘောထားကို ဖြေရှင်းဖို့ နဲ့ လူသားဆန်မှုအစစ်အမှန်နဲ့ အသက်ရှင်နေထိုင်ခွင့်ရအောင် လာရောက်ကယ်တင်ပြီတဲ့လေ။ အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်က ရိုးသားသူကို နှစ်သက်မှန်း သင်တို့သိထားသင့်သည်။ ဘုရားသခင်၌ သစ္စာရှိခြင်း၏ အနှစ်သာရ ရှိသဖြင့် သူ၏နှုတ်ကပတ်တော်များကို အမြဲ ယုံကြည်စိတ်ချနိုင်သည်။ ထို့အပြင် သူ၏ လုပ်ဆောင်ချက်များမှာ အမှားကင်းပြီး သံသယ ရှိရန်မလိုပေ၊ ထိုအကြောင်းကြောင့် သူ့အပေါ် ပကတိ ရိုးသားဖြောင့်မတ်သူများကို ဘုရားသခင်က နှစ်သက်ခြင်း ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သတိပေးချက် သုံးချက်”) “ငါ၏နိုင်ငံတော်သည် ရိုးသားသူများ၊ သူတော်ကောင်း အယောင်မဆောင်သောသူများ သို့မဟုတ် မလှည့်ဖြားသောသူများကို လိုအပ်ပေသည်။ စိတ်ရင်းမှန်ပြီး ရိုးသားသောသူတို့သည် ကမ္ဘာလောကတွင် လူကြိုက်နည်းသည် မဟုတ်လော။ ငါသည် တကယ့်ကို ဆန့်ကျင်ဘက် ဖြစ်၏။ ရိုးသားသူများ ငါ့ထံသို့လာရန်မှာ လက်ခံနိုင်ဖွယ် ဖြစ်သည်။ ငါသည် ဤလူစားမျိုးကို အထူးနှစ်သက်သကဲ့သို့ ဤလူစားမျိုးကို ငါသည် လိုလည်းလိုအပ်၏။ ဤသည်မှာ ငါ၏ဖြောင့်မတ်ခြင်း အတိအကျ ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃၃” အစအဦး၌ ခရစ်တော်၏မိန့်မြွက်ချက်များ) ဘုရားက ကျွန်တော်တို့ကို ရိုးသားဖို့၊ ရိုးရှင်းပြီး ပွင့်လင်းစွာနေဖို့နဲ့ အဲဒါကပဲ ကောင်းကင်နိုင်ငံတော်ကို ဝင်ရောက်ဖို့ တစ်ခုတည်းသောနည်းလမ်းဆိုတာကို ပြောပါတယ်။ ကျွန်တော် ဒါလေးကိုဖတ်လိုက်ရတော့၊ အဲဒါက ပိုလွယ်ကူပြီး ပိုပျော်စရာကောင်းတဲ့ ဘ၀နေနည်းတစ်ခုမှန်း နက်နက်ရှိုင်းရှိုင်း ခံစားခဲ့ရပြီးတော့၊ ဘုရားအလိုတော်အတိုင်း ရိုးသားစွာနေဖို့ ဆုံးဖြတ်ခဲ့ပါတယ်။ ညီအစ်ကိုမောင်နှမတွေနဲ့ ထိတွေ့ဆွေးနွေးပွဲတွေမှာဆိုရင်၊ အားလုံးက ရိုးသားပြီး လွတ်လပ်စွာပြောဆိုနေကြတာကို သတိထားမိခဲ့တယ်။ သူတို့က ရိုးသားပြီး စစ်မှန်ကြတယ်။ သူတို့မှာ လူတစ်ယောက်နဲ့ပတ်သက်ပြီး အမြင်တွေရှိလာတဲ့အခါ၊ ဒါမှမဟုတ် ဖောက်ပြန်ပျက်စီးမှုကို ဖော်ပြနေတဲ့ တစ်ယောက်ယောက်ကို မြင်တဲ့အခါ ကူညီဖို့အတွက် ထောက်ပြနိုင်ကြပြီးတော့၊ သူတို့ရဲ့ အသိပညာတွေနဲ့ပတ်သက်ပြီး ပွင့်ပွင့်လင်းလင်း ပြောဆိုနိုင်ကြတယ်လေ။ အဲဒါက ကျွန်တော့်အတွက် တကယ်အံ့ဩစရာဖြစ်ခဲ့ပါတယ်၊ ဘာလို့လဲဆိုတော့ ကျွန်တော့်မှာ အမြဲတမ်းရှိနေတဲ့ အတွေးတစ်ခုက လူတွေနဲ့ပတ်သက်ပြီး ကိုယ့်အမြင်ဆိုတာ လုံး၀ ရိုးရိုးသားသား ပြောလို့မရတဲ့အရာဖြစ်ပြီးတော့၊ သူများကို စိတ်ဆိုးအောင်လုပ်မိသလိုဖြစ်ပြီးတော့ကိုယ့်ကိုယ်ကို ထိခိုက်မိနိုင်တယ်ဆိုတာပါပဲ။ ဒါပေမဲ့ ကျွန်တော်အဲဒီမှာတော့ အဲဒါတွေကို စိတ်ပူစရာမလိုခဲ့ပါဘူး။ သူတို့က လောကကြီးထဲကလူတွေလို ဖုံးကွယ်မထားတတ်ဘဲနဲ့၊ သူတို့ကြောင့် သူများနာကျင်သွားတဲ့အခါဆို တောင်းပန်ကြတယ်လေ။ သူတို့က အမြဲတမ်း သူများဘက်ကို ထည့်တွေးပေးတယ်။ အနန္တတန်ခိုးရှင်ဘုရား အမှုတော်နဲ့ နှုတ်ကပတ်တော်တွေကြောင့်၊ သူတို့က အဲဒါကို လုံး၀ လက်တွေ့လုပ်ဆောင်ပြီး အသက်ရှင်နေထိုင်ကြတာ သိခဲ့ရပါတယ်။ အနန္တတန်ခိုးရှင်ဘုရားနှုတ်ကပတ်တော်တွေက လူတွေကို သန့်စင်ပြီး ပြောင်းလဲပေးတဲ့ သမ္မာတရားနဲ့ စစ်မှန်တဲ့နည်းလမ်းဖြစ်တယ်ဆိုတာကို ကျွန်တော်အဲဒါကြောင့် ပိုသေချာသွားပြီးတော့၊ ကျွန်တော်တကယ်ပဲ ရိုးသားတဲ့လူတစ်ယောက် ဖြစ်ချင်ခဲ့တာပေါ့။ ဒါပေမဲ့ စာတန်ရဲ့ အသက်ရှင်မှုနဲ့ပတ်သက်တဲ့ အတွေးအခေါ်တွေက ကျွန်တော်ဆီမှာ အရင်ကတည်းက ရှိနေခဲ့ပြီးတော့ အသက်ရှင်ဖို့အတွက် ကျွန်တော်ရဲ့ ကိုယ်ပိုင်စည်းမျဉ်းတွေ ဖြစ်လာခဲ့တယ်လေ။ ကျွန်တော် မသိလိုက်ဘဲနဲ့၊ ညီအစ်ကိုမောင်နှမတွေနဲ့ ထိတွေ့ဆွေးနွေးပွဲတွေမှာဆိုရင်၊ အဲဒီ စာတန်ရဲ့ အတွေးအခေါ်တွေအပေါ် မှီခိုနေမိတုန်းပါပဲ.။ ပွင့်ပွင့်လင်းလင်းနဲ့ ရင်ထဲကအတိုင်းပြောဖို့ကို ကြောက်နေပြီးတော့၊ သူများကို စိတ်ဆိုးအောင်လုပ်မိမှာ၊ ဒါမှမဟုတ် ကျွန်တော့်ဂုဏ်သိက္ခာထိခိုက်မှာကြောက်နေခဲ့ပါတယ်။ ကျွန်တော် လူတွေနဲ့ဆက်ဆံရေးကို ကာကွယ်ဖို့ ဆက်ပြီး ဂရုစိုက်နေခဲ့ပြီးတော့၊ ရိုးသားရတာက တကယ့်ကိုခက်ခဲတဲ့အလုပ်ပဲလို့ ခံစားခဲ့ရတယ်။ နောက်တော့ ကျွန်တော့်ကို သန့်စင်ပြီး ပြောင်းလဲဖို့အတွက်၊ ဘုရားက ကျွန်တော့်ရဲ့ ဖောက်ပြန်ပျက်စီးမှုနဲ့ လိုအပ်ချက်တွေကို ဖော်ပြဖို့ သင့်တော်တဲ့ပတ်ဝန်းကျင်ကို သတိကြီးကြီးနဲ့ စီစဉ်ပေးခဲ့ပြီးတော့၊ ရိုးသားတဲ့လူဖြစ်ရခြင်းရဲ့ အစစ်အမှန်တရားဆီကို ဦးဆောင်ပေးခဲ့ပါတယ်။

နောက်တော့၊ ကျွန်တော်လည်း အစ်ကိုလီနဲ့အတူ အဖွဲ့ခေါင်းဆောင်အဖြစ် စပြီး အလုပ်လုပ်ခဲ့တယ်။ ကျွန်တော်တို့ တော်တော်ကို သင့်မြတ်ခဲ့ကြပြီးတော့ သူကလည်း ကျွန်တော့်ကို တော်တော်များများ ကူညီပေးခဲ့ပါတယ်။ ဒါပေမဲ့ အမှုတော်မှာတော့ သူက မောက်မာတယ်၊ တစ်ယူသန်ပြီးတော့ စည်းမျဉ်းအတိုင်း မသွားတာ သိခဲ့ရတယ်။ ကျွန်တော် တစ်ခုခုပြောချင်လာတိုင်း၊ ကျွန်တော် ပါးစပ်ဟမလို့ပဲရှိသေးတယ် နောက်ဆုံးမှာ စကားလုံးတွေကို မျိုသိပ်ပစ်ခဲ့ရတယ်။ ကျွန်တော်တွေးမိတာက၊ “ငါသာ သူ့ကိုဝေဖန်လိုက်ရင်၊ သူက ငါ့အပေါ် ကြင်နာရဲ့သားနဲ့ ငါကအမြဲတမ်း သူ့ပြဿနာတွေကို ထောက်ပြနေတော့ ငါ့ကို အသိစိတ်မရှိဘူးလို့ ပြောမှာပဲ။ သူသာ ငါ့အပေါ် မမျှမတ ဆက်ဆံလာပြီဆိုရင်၊ ငါတို့ အမှုတော်မှာ အတူတူလုပ်လို့ရပါဦးမလား” လို့လေ။ ကျွန်တော်လည်း ကျွန်တော်တို့ဆက်ဆံရေးကို ကာကွယ်နိုင်အောင်လို့၊ ဒီအကြောင်း သူ့ကို ဘယ်တော့မှ မပြောခဲ့ပါဘူး။ နောက်တော့ အစ်ကိုလီလည်း မောက်မာပြီး သူ့အမှုတော်ကို လျစ်လျူရှုထားခဲ့တော့၊ အသင်းတော်ရဲ့ အလုပ်ကို ကြီးကြီးကျယ်ကျယ် ထိခိုက်စေခဲ့တဲ့အခါ သူ့နေရာမှာ အစားထိုးခံခဲ့ရပါတယ်။ ဒါပေမဲ့လည်း ကျွန်တော့်ကိုယ်ကျွန်တော် မသုံးသပ်မိသေးပါဘူး။ ဒါပေမဲ့ တစ်ရက်မှာတော့ အစ်ကိုလီရဲ့ အိမ်ကို ကိစ္စတစ်ခုနဲ့ သွားတော့ သူ့အမျိုးသမီးက၊ “ကျွန်မအမျိုးသား အစားထိုးခံရတာ ရှင့်မှာလည်း တာဝန်ရှိတယ်။ ရှင်သာ သူ့ကို သတိပေးပြီး ကူညီပေးနိုင်ခဲ့မယ်ဆိုရင် သူလည်း အမှုတော်ကို အမှုမဲ့အမှတ်မဲ့ ထင်ရာစိုင်းပြီးတော့ အသင်းတော်အလုပ်ကို နှောင့်ယှက်မိခဲ့မှာ မဟုတ်လောက်ဘူး။ ရှင်ကဘာလို့များ အသင်းတော်ရဲ့အမှုကို မထိန်းသိမ်းနိုင်ရတာလဲ။ ရှင်က လူတွေကို ပျော်အောင်လုပ်ပေးတဲ့လူပဲ။ သမ္မာတရားကို လက်တွေ့လုပ်ဆောင်တဲ့သူမှ မဟုတ်တာ” လို့ ပြောလာပါတယ်။ သူဒီလိုပြောတာကြားရတော့၊ ကျွန်တော့်ကို ထိခိုက်စေခဲ့ပြီးတော့ အရှက်ကြီးရှက်ခဲ့ရပါတယ်။ ပြန်သွားပြီးတဲ့နောက်မှာတော့ ကျွန်တော်လည်း မျက်ရည်မဆည်နိုင်တော့ပါဘူး။ နာကျင်မှုတွေနဲ့ ဘုရားကိုဆုတောင်းခဲ့ပါတယ်၊ “ဘုရားသခင်၊ ဒီနေ့ အရှင်က အဲဒီအစ်မကို ကျွန်တော့်ကို ကိုင်တွယ်ဖြေရှင်းခွင့်ပေးခဲ့ပြီးတော့ ဝေဖန်ပြစ်တင်ခဲ့ပေမယ့်၊ ကျွန်တော့်ကိုယ်ကျွန်တော် တကယ်မသိသေးပါဘူး။ ကျေးဇူးပြုပြီး အလင်းပြလမ်းညွှန်ပေးပါ” လို့လေ ဆုတောင်းပြီးတဲ့နောက်မှာတော့ တဖြည်းဖြည်းချင်း စိတ်အေးအေးထားခဲ့ပြီးတော့၊ အစ်ကိုလီနဲ့ အလုပ်လုပ်ခဲ့ရတဲ့အချိန်ကို စပြီး ပြန်တွေးခဲ့မိပါတယ်။ ကျွန်တော်က အသက်ရှင်ဖို့အတွက် စာတန်ရဲ့အတွေးအခေါ်တွေနဲ့ နေခဲ့တယ်ဆိုတာ သိခဲ့ရပါတယ်။ သူက စည်းမျဉ်းတွေနဲ့သွေဖယ်နေတာကို ရှင်းရှင်းလင်းလင်း မြင်ခဲ့ရပေမယ့်၊ သူ့ကို မတားခဲ့သလို မကူညီခဲ့ပါဘူး။ သူ့ကိုစိတ်ဆိုးအောင်လုပ်မိမှာနဲ့ လုပ်ငန်းခွင်ဆက်ဆံရေးကို ထိခိုက်မှာ အရမ်းကြောက်ခဲ့တာပါ။ အစ်ကိုလီအဲဒီလိုဖြစ်သွားတဲ့ကိစ္စမှာ ရှောင်လွှဲလို့မရနိုင်တဲ့ တာဝန်တစ်ခု ကျွန်တော့်မှာ ရှိခဲ့ပါတယ်။ ကျွန်တော်ပိုပိုပြီး နောင်တရ အပြစ်ရှိသလိုခံစားခဲ့ရပါတယ်။

နောက်တော့ အနန္တတန်ခိုးရှင်ဘုရားရဲ့ နှုတ်ကပတ်တော်တစ်ပိုဒ်ကို ဖတ်ခဲ့ပါတယ်။ “ကောင်းမွန်သော လူ့သဘာဝ ရှိခြင်းအတွက် စံနှုန်းရှိရမည်။ ယင်းသည် တော်သင့်ရုံ လမ်းကြောင်းကို လျှောက်လမ်းခြင်း၊ အခြေခံသဘောတရားများကို မလိုက်နာခြင်း၊ မည်သူကိုမျှ စိတ်အနှောင့်အယှက်မဖြစ်စေဖို့ ကြိုးပမ်းအားထုတ်မှု၊ သင် သွားသည့် နေရာတိုင်းတွင် မျက်နှာလို မျက်နှာရ လုပ်ခြင်း၊ သင် တွေ့ဆုံသည့် လူတိုင်းကို ပြေပြစ်စွာ ဆက်ဆံခြင်းနှင့် လူတိုင်းကို အားရကျေနပ်စေခြင်းတို့ မပါဝင်ပေ။ ဤသည်မှာ စံနှုန်းမဟုတ်။ ထိုသို့ဆိုလျှင် မည်သည်မှာ စံနှုန်းဖြစ်သနည်း။ ယင်းသည် ဘုရားသခင်၊ အခြားလူများနှင့် အဖြစ်အပျက်တို့ကို စစ်မှန်သော စိတ်နှလုံးဖြင့် သဘောထားဆက်ဆံခြင်း၊ တာဝန်ယူနိုင်ခြင်းနှင့် ဤအရာအားလုံးကို အယောက်တိုင်း မြင်ကာ ခံစားဖို့အတွက် ထင်ရှားမြင်သာသည့် နည်းလမ်းတစ်ခုဖြင့် လုပ်ဆောင်ခြင်းတို့ ပါဝင်ပေသည်။ ထို့အပြင် ဘုရားသခင်သည် လူတို့၏စိတ်နှလုံးကို ရှာဖွေပြီး၊ ၎င်းတို့ အယောက်စီတိုင်းကို သိလေသည်။ အချို့သော လူတို့သည် ဆိုးရွားသည့် မည်သည့်အရာကိုမျှ လုံးဝ မလုပ်ဆောင်ဖူးသကဲ့သို့၊ အခြားသူများ၏ ပိုင်ဆိုင်မှုများကို မခိုးဝှက်ဖူး သို့မဟုတ် အခြားလူတို့၏ ပစ္စည်းများကို မတပ်မက်ဖူးပါဟု အခိုင်အမာဆိုရင်း၊ ကောင်းမွန်သော လူသဘာဝကို ၎င်းတို့ ပိုင်ဆိုင်ကြသည်ဟု အမြဲ ကြွားဝါကြလေသည်။ အကျိုးစီးပွားများ အပေါ် အငြင်းပွားမှု တစ်ခုရှိသောအခါ၊ ဆုံးရှုံးမှု ခံစားဖို့ သာ၍ နှစ်သက်ရင်း ၎င်းတို့ကိုယ်တိုင် အနစ်နာခံခြင်းဖြင့် အခြားသူများကို အကျိုးခံစားခွင့်ပေးကာ ၎င်းတို့က လူကောင်းများဖြစ်သည်ကို အခြားသူတိုင်းက တွေးထင်ဖို့အလို့ငှာသာ မည်သည်မဆိုနှင့်ပတ်သက်၍ ဆိုးသောအရာတစ်ခုတစ်လေကို ၎င်းတို့ လုံးဝ မပြောကြသည်အထိပင် လုပ်ဆောင်ကြလေသည်။ သို့သော် ဘုရားသခင်၏ အိမ်တော်ထဲ၌ ၎င်းတို့၏တာဝန်ကို ထမ်းဆောင်နေချိန်တွင်၊ ၎င်းတို့သည် အစဉ် မိမိတို့ကိုယ်တိုင်အတွက် ကြံစည်လျက်၊ ဉာဏ်များကာ စိတ်မချရပေ။ ၎င်းတို့သည် မည်သည့်အခါတွင်မျှ ဘုရားသခင့်အိမ်တော်၏ အကျိုးကျေးဇူးများကို မတွေးကြ၊ ဘုရားသခင်က အရေးတကြီးဖြစ်သည်ဟု သဘောထားသောအရာကို အရေးတကြီးဖြစ်သည်ဟု ၎င်းတို့ လုံးဝ သဘောမထားကြ သို့မဟုတ် ဘုရားသခင် တွေးသကဲ့သို့ မတွေးကြပေ၊ ပြီးလျှင် ၎င်းတို့၏ တာဝန်များကို ထမ်းဆောင်ရန် ၎င်းတို့၏ ကိုယ်ပိုင် အကျိုးစီးပွားများကို လုံးဝ ဘေးမဖယ်ထားနိုင်ကြပေ။ ၎င်းတို့၏ အကျိုးစီးပွားများကို ၎င်းတို့ လုံးဝ မစွန့်လွှတ်နိုင်ကြချေ။ မကောင်းမှုပြုသူများက မကောင်းမှု ကျူးလွန်နေကြသည်ကို ၎င်းတို့ မြင်သည့်အချိန်တွင်ပင်၊ ထိုသူတို့ကို မဖော်ထုတ်ကြချေ။ ၎င်းတို့သည် မည်သည့်ကိုယ်ကျင့်တရားများ တစ်ခုတစ်လေမျှ မရှိကြပေ။ ဤသည်မှာ ကောင်းသောလူ့သဘာဝ၏ ဥပမာတစ်ခုမဟုတ်ပေ။ ထိုသို့သော လူတစ်ဦး ပြောသည့်အရာကို အာရုံမစိုက်လေနှင့်။ သူအသက်ရှင် နေထိုင်သည့်အရာ၊ သူ ထုတ်ဖော်ပြသည့်အရာနှင့် သူ၏ တာဝန်များကို ဆောင်ရွက်ချိန်တွင် သူ၏သဘောထား မည်သည့်အရာ ဖြစ်သည် ဆိုသည့်အပြင် သူ၏ အတွင်းပိုင်းအခြေအနေ မည်သည့်အရာ ဖြစ်ပြီး သူ မည်သည့်အရာ ချစ်သည်ကို သင် မြင်ရမည်။ သူ၏ ကိုယ်ပိုင်ကျော်ကြားမှုနှင့် အခွင့်အလမ်းများကို ချစ်ခြင်းသည် ဘုရားသခင်ကို သူ၏ ဆက်ကပ်ခြင်းထက် ပိုလွန်ပါက၊ သူ၏ ကိုယ်ပိုင် ကျော်ကြားမှုနှင့် အခွင့်အလမ်းကို ချစ်ခြင်းသည် ဘုရားသခင်၏ အကျိုးစီးပွားများထက် သာလွန်ပါက၊ သို့မဟုတ် သူ၏ ကိုယ်ပိုင် ကျော်ကြားမှုနှင့် အခွင့်အလမ်းများကို ချစ်ခြင်းသည် ဘုရားသခင်ကို သူပြသည့် အရေးထားမှုထက် သာလွန်ပါက၊ သူသည် လူ့သဘာဝရှိသည့် လူတစ်ဦး မဟုတ်ပေ။ သူ၏ အပြုအမူကို အခြားသူများနှင့် ဘုရားသခင်က မြင်နိုင်ပေသည်။ ထို့ကြောင့်၊ ထိုသို့သော လူတစ်ဦးအတွက် သမ္မာတရားကို ရရှိဖို့ အလွန်ခက်ခဲပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) လူကောင်းတစ်ယောက်ဖြစ်ဖို့ဆိုတာ၊ သဘောကောင်းပြဖို့မဟုတ်ဘူးဆိုတာကို ဘုရားနှုတ်ကပတ်တော်တွေက ကျွန်တော့်ကို ပြသခဲ့ပါတယ်။ အဲဒါက လူတွေနဲ့ အဆင်ပြေတာ ဒါမှမဟုတ် သူတို့ရဲ့ အသိအမှတ်ပြုမှု ရတာမျိုး မဟုတ်ပါဘူး။ နှလုံးသားကို ဘုရားဘက်လှည့်ပြီး သစ္စာရှိတာ၊ ဘုရားအိမ်တော်ရဲ့ အလုပ်ကို အဓွန့်ရှည်အောင် သမ္မာတရားကို လက်တွေ့လုပ်ဆောင်တာ၊ သမ္မာတရားရဲ့ အခြေခံအချက်တွေကို လိုက်နာတာ နဲ့၊ လူတွေကို ယုံကြည်မှုနဲ့ပတ်သက်ပြီး ဘ၀မှာ ကူညီထောက်ပံ့ပေးတာတွေပဲဖြစ်ပါတယ်။ ဒါပေမဲ့လည်း၊ အစ်ကိုလီက တစ်ယူသန်တယ်၊ ပြီးတော့ သမ္မာတရားနဲ့ ဆန့်ကျင်တာ အကြိမ်ကြိမ်နဲ့၊ အရမ်း မောက်မာပြီး သူများတွေရဲ့ အကြံပေးချက်တွေကို လက်မခံတာတွေ၊ ဒါတွေက သူ့အတွက်ရော ဘုရားအိမ်တော်အတွက် မကောင်းမှန်းသိခဲ့ပေမယ့်၊ စာတန်ရဲ့ အတွေးအခေါ်ဖြစ်တဲ့ “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” ဆိုတဲ့အတိုင်း နေခဲ့မိပါတယ်။ ကျွန်တော် မသိကျိုးကျွံနေခဲ့တယ်။ သူ့ကိုမကူညီခဲ့သလို အသင်းတော်ခေါင်းဆောင်ကိုလည်း မပြောခဲ့ဘူး။ ဒီအတိုင်းကြည့်နေခဲ့မိတော့ အသင်းတော်ရဲ့အလုပ်လည်း ထိခိုက်ရတယ်။ ကျွန်တော့်ရဲ့ အနေအထားကို သမ္မာတရားကိုလက်တွေ့လုပ်ဆောင်ဖို့နဲ့ တာဝန်သိမှုတို့အတွက် မစတေးနိုင်ခဲ့ဘူး။ ကျွန်တော်က အရမ်းကို တစ်ကိုယ်ကောင်းဆန်၊ ရွံစရာကောင်းပြီး လှည့်ဖြားတတ်ခဲ့တာပါ။ ကျွန်တော်က သူ့ရဲ့ အပြစ်တရားကို ခွင့်ပြုပေးခဲ့တာပဲမဟုတ်လား။ စာတန်ဘက်မှာ ရပ်တည်ခဲ့တာပဲမဟုတ်လား။ ကျွန်တော်လည်း၊ စက်ဆုပ်စရာကောင်းပြီးတော့ သူများစိတ်ဆိုးမှာကြောက်တဲ့ တစ်ဖို့တည်းသမား ဖြစ်လာခဲ့တယ်။ ကျွန်တော့်မှာ ဖြောင့်မတ်မှု မရှိတော့ဘူး။ လုံး၀ကို လူကောင်းတစ်ယောက် မဟုတ်ခဲ့ဘူး။ ကျွန်တော်လိုချင်တဲ့ “လူကောင်း” တစ်ယောက်ဖြစ်ဖို့ရာမှာ၊ ဘုရားရွံရှာတဲ့ လူတွေကိုကျေနပ်အောင်ပြောပြီး လှည့်ဖြားတတ်တဲ့လူဖြစ်လာခဲ့တယ်။ အပြင်လောကမှာတော့ အဲဒီလိုနေတာ အဆင်ပြေပေမယ့်၊ ဘုရားအိမ်တော်မှာကျတော့ ဘုရားကို ရွံရှာစေပါတယ်။ နောက်တော့ ကျွန်တော်သဘောပေါက်သွားတာက၊ သမ္မာတရားကို လက်တွေ့လုပ်ဆောင်တာမျိုးမရှိဘဲ ဆက်ဆံရေးကို ကာကွယ်ဖို့ သဘောကောင်းပြတာက၊ တကယ်တမ်း လူတွေကို ထိခိုက်စေတယ်ဆိုတာပါပဲ။ ပထမဆုံးအကြိမ်အဖြစ် ကျွန်တော့်ရဲ့ လူကောင်းတစ်ယောက်ဖြစ်ခြင်း အပေါ် အမြင်က လှုပ်ခါသွားခဲ့ပါတယ်။ ဆက်ဆံရေးတွေမှာ စာတန်ရဲ့ အတွေးအခေါ်အတိုင်း လုပ်တာက လုံး၀မှားတယ်ဆိုတာ သိခဲ့ရပါတယ်။ ပြီးတော့ ဒီလိုအချိန်နဲ့ ကိုင်တွယ်ဖြေရှင်းရတာက ကျွန်တော်ဘယ်တော့မှ မမေ့နိုင်မယ့် နက်နဲတဲ့ ဖော်ပြချက်တစ်ခု ပေးခဲ့ပါတယ်။ ကျွန်တော်အစ်ကိုက ပြစ်မှားခြင်း ကို ကျူးလွန်ခဲ့ပေမယ့်၊ ကျွန်တော်ကျတော့ အဆုံးမရှိတဲ့ အကြွေးတွေနဲ့ ကျန်ခဲ့ရပြီလို့ ခံစားရပါတယ်။ ဘုရားရဲ့ တရားစီရင်ခြင်းနဲ့ ပြစ်တင်ဆုံးမခြင်းတွေကြောင့်ပဲ၊ ကျွန်တော့်ရဲ့ နှစ်ပေါင်းများစွာ လမ်းလွဲနေတဲ့ အစွဲတစ်ခုအပေါ် နားလည်မှုရခဲ့ပါတယ်။ ပြီးတော့ အဲဒီအတိုင်းလည်း မနေချင်ခဲ့တော့ပါဘူး။ ကျွန်တော် ဘုရားရဲ့အလိုတော်အတိုင်း ဖြောင့်မတ်ရိုးသားတဲ့လူတစ်ယောက် ဖြစ်ချင်ခဲ့ပါတယ်။ ကျွန်တော် ရိုးသားတဲ့လူတစ်ယောက်ဖြစ်ဖို့ လုပ်ချင်တဲ့ဆန္ဒရှိခဲ့ပေမယ့်၊ ကျွန်တော့်ရဲ့ ဖောက်ပြန်ပျက်စီးမှုနဲ့ စာတန်ရဲ့စိတ်သဘောထား က အရမ်းနက်ရှိုင်းနေခဲ့တော့၊ ကျွန်တော်အပြည့်အ၀နားမလည်၊ ကျွန်တော့်ရဲ့ သဘာ၀နဲ့ လူတွေပျော်အောင်လုပ်ပေးတဲ့ စရိုက်ကို အပြည့်အ၀မမုန်းနိုင်ခဲ့ပါဘူး။ ကျွန်တော် အမှန်တကယ် မပြောင်းလဲခဲ့ပါဘူး။ သိပ်မကြာခင်မှာပဲ အရင်အတိုင်း ပြန်လုပ်နေခဲ့မိပါတယ်။

ဒီနားရွာက အစ်မကျန်းရဲ့ အမျိုးသားက အဲဒီအစ်မရဲ့ ယုံကြည်မှုလမ်းကြောင်းမှာ ပိတ်နေတဲ့ တကယ့်ကိုဆိုးယုတ်တဲ့ ဒေသလူမိုက်တစ်ယောက်ပါ။ အဲဒီလူက သူ့ဇနီး တွေ့ဆုံပွဲသွားတာတွေ့တိုင်း၊ တခြား ညီအစ်ကိုမောင်နှမတွေကို ပြဿနာရှာနေတတ်တော့၊ သူတို့လည်း ငြိမ်းချမ်းမှု မရနိုင်ခဲ့ပါဘူး။ တစ်ခါမှာတော့၊ သူ တွေ့ဆုံပွဲသွားတဲ့အချိန်မှာ၊ သူ့အမျိုးသားက အစ်ကိုတစ်ယောက် အိမ်ဆောက်ဖို့လုပ်ထားတဲ့ သစ်သားချောင်းတွေ ယူပြီးတော့၊ မီးရှို့ခဲ့တယ်လေ။ အသင်းတော်ခေါင်းဆောင်က အစ်မကျန်းကို ပြောတာပေါ့၊ “တွေ့ဆုံပွဲတွေကို မလာပါနဲ့တော့၊ ကျွန်တော်တို့ လူတိုင်းကို လုံခြုံအောင်ထားရမှာမို့လို့ပါ အိမ်မှာပဲ ဘုရားနှုတ်ကပတ်တော်တွေဖတ်ပြီး ဝတ်ပြုဆုတောင်းပါ” လို့လေ။ ဒါပေမဲ့ သိပ်မကြာခင်မှာပဲ သူကလည်း တကယ့်ကို တွေ့ဆုံပွဲတွေ တက်ချင်ခဲ့ပြီးတော့၊ အစ်မဝမ်နဲ့ တွေ့ဖို့ ကျွန်တော်တို့ရွာဆီကို မလာရ မနေနိုင်ခဲ့ဘူးလေ။ ဘာလုပ်ရမှန်းမသိတာနဲ့ပဲ အစ်မဝမ်က ကျွန်တော့်ကို စကားလာပြောပါတယ်။ အသင်းတော်ရဲ့ အကျိုးစီး​ပွားက အဓိကဖြစ်ပြီးတော့ အစ်မကျန်း အိမ်ပြန်သင့်တယ်ဆိုတာကို၊ ကျွန်တော်ကောင်းကောင်းသိပါတယ်။ ဒါပေမဲ့လည်း နောက်တော့ တွေးမိတာက၊ “ငါက အသင်းတော်ခေါင်းဆောင်မှ မဟုတ်တာ။ ဒါသာမှားနေတယ်ဆိုရင် သူများတွေ ဘယ်လိုထင်ကြမလဲ။ ပြီးတော့ အစ်မကျန်းက ငါသူ့ကို တွေ့ဆုံပွဲမသွားခိုင်းတာ သိသွားရင်ရော၊ သူငါ့ကိုဘယ်လိုထင်မလဲ။” လို့လေ ဒီအတွေးနဲ့ပဲ၊ ကျွန်တော်လည်း ယဉ်ယဉ်ကျေးကျေးပဲ လှည့်ပြီးတော့၊ “အစ်မ တကယ်တော့ ဒီကိစ္စကို အသင်းတော်ခေါင်းဆောင်တစ်ယောက်နဲ့ ပြောသင့်တာ၊ တစ်ယောက်လောက် သွားရှာကြည့်ပါလား” လို့လေ။ သူလည်းနောက်ဆုံးတော့ တစ်ယောက်မှ ရှာမတွေ့တာကြောင့်၊ အစ်မကျန်းကို နေခွင့်ပြုလိုက်ရတယ်။

နောက်နေ့ ညနေကျတော့ ကျွန်တော်အိမ်မှာဝတ်ပြုပြီး ဘုရားနှုတ်ကပတ်တော်တွေရဲ့ ဓမ္မတေးတွေ နားထောင်နေတုန်းမှာ၊ တစ်ယောက်ယောက်က တံခါးကို ခပ်ကြမ်းကြမ်းထုနေတာ ကြားလိုက်ရတယ်။ ကျွန်တော့်သား တံခါးဖွင့်လိုက်တဲ့အချိန်မှာပဲ သစ်သားတုတ်တွေနဲ့ လူ ၃၊ ၄ ယောက်လောက် ဝင်လာပြီးတော့၊ နောက်ထပ် ၄၊ ၅ ယောက်လောက်က အိမ်ခေါင်မိုးပေါ် ခုန်ချခုန်ကြတာပေါ့။ သူတို့က ကျွန်တော့်ကို စကားတစ်ခွန်းတောင်မပြောဘဲ အိပ်ယာပေါ်တွန်းပြီး အသားကုန်ရိုက်ကြတာဗျာ။ ကျွန်တော် တကယ်ကြောက်သွားတာပေါ့။ ကျွန်တော် ဘုရားကိုဆက်တိုက် ခေါ်ပြီးဆုတောင်းနေခဲ့တယ်။ နာကျင်မှုတွေက တော်တော်ဆိုးလာတဲ့အချိန်မှာပဲ၊ အိပ်ယာဘောင်က ကျွံသွားပြီးတော့ ကျွန်တော် ကြမ်းပြင်ပေါ်ကျသွားတာပေါ့။ အဲဒီလူရမ်းကားတွေက ကျွန်တော် တော်တော်နာသွားပြီလို့ ထင်သွားကြပြီးတော့ ပြေးသွားခဲ့ကြပါတယ်။ အဲဒီလိုအရိုက်ခံရပြီးတော့ ကျွန်တော့်အရိုးတွေ သေချာပေါက် ကျိုးသွားပြီလို့ ထင်ခဲ့ပေမယ့်၊ အံ့ဩစရာကောင်းလောက်အောင်ပဲ အပေါ်ယံလောက်ပဲဖြစ်ပြီး အရိုးကို ထိခိုက်တာတွေမရှိခဲ့ပါဘူး။ အဲဒါက ဘုရားရဲ့ ဂရုစိုက်ကာကွယ်ပေးခြင်းပဲဆိုတာ သိခဲ့ပါတယ်။ နောက်နေ့ကျမှ သိလိုက်ရတာက၊ အစ်မကျန်းရဲ့ အမျိုးသားက အစ်မကျန်း တွေ့ဆုံပွဲသွားတာသိသွားပြီးတော့၊ ကျွန်တော်စီစဉ်ပေးခဲ့တာလို့ထင်ပြီး အဲဒီလူတွေနဲ့ ရိုက်ခိုင်းတာပါပဲ။ ကျွန်တော်က အခြေခံစည်းမျဉ်းတွေကို မလိုက်နာခဲ့လို့ အဲဒီလိုဖြစ်ရမှန်း သိခဲ့ပါတယ်။ ကျွန်တော်သာ လိုက်နာခဲ့ရင်၊ အစ်မကျန်းကို အဲဒီစုဝေးပွဲမသွားဖို့ တားခဲ့မှာပဲလေ။ အဲဒါဆို ဘယ်တော့မှ အဲဒီလိုဖြစ်မှာမဟုတ်ဘူး။ အဲဒီ လူမိုက်တွေရိုက်တာခံခဲ့ရတာက၊ လုံး၀ကို ကျွန်တော်က တစ်ကိုယ်ကောင်းဆန်ပြီး ရွံစရာကောင်းလို့ပါ။ ကျွန်တော့်ကိစ္စကိုပဲ စိတ်ဝင်စားခဲ့ပြီးတော့ သမ္မာတရားကို လက်တွေ့လုပ်ဆောင်တာမျိုးမရှိတဲ့ “သဘောကောင်းတဲ့လူ” ဖြစ်ခဲ့တာပါ။ ဒီလိုဖြစ်လာအောင် ကျွန်တော်ကိုယ်တိုင်လုပ်ခဲ့တာပါ။

နောက်တော့ ဘုရားရှေ့ကို ရှာဖွေလိုစိတ်နဲ့ ပြန်သုံးသပ်ပြီး ရောက်လာခဲ့ပါတယ်။ ကျွန်တော်က ကျွန်တော့် ဆန္ဒကိုကာကွယ်ပြီး လူတွေကျေနပ်အောင်ပြောတဲ့ လူအဖြစ်ကနေ ဘာလို့မရပ်နိုင်သေးတာလဲ။ သမ္မာတရားကိုသိတဲ့အချိန်မှာ ဘာလို့များ လက်တွေ့မလုပ်ဆောင်နိုင်ခဲ့ရတာလဲ။ တစ်ခါမှာတော့ ကျွန်တော်ဘုရားနှုတ်ကပတ်တော်ထဲက ဒါလေးတွေ ဖတ်ခဲ့ပါတယ်။ “စာတန်သည် နိုင်ငံတော်အစိုးရများ၊ ကျော်ကြားသူများနှင့် ကြီးမြတ်သူများ၏ ပညာရေးနှင့် လွှမ်းမိုးမှုမှတစ်ဆင့် လူတို့ကို ဖျက်ဆီးသည်။ သူတို့၏ ဆိုးယုတ်သော စကားများသည် လူသား၏ ဘဝနှင့် သဘာဝဗီဇ ဖြစ်လာပြီးဖြစ်သည်။ ‘လူတိုင်းက ကိုယ့်အတွက်ပဲ၊ ဘယ်သူသေသေ ငတေမာရင်ပြီးရော’ ဆိုသည်မှာ လူတိုင်းအထဲသို့ သွတ်သွင်းပေးထားသကဲ့သို့ လူသား၏ဘဝ ဖြစ်လာခဲ့သည့် လူသိများသော စာတန်နှင့်ဆိုင်သည့် ဆိုရိုးတစ်ခုဖြစ်သည်။ ဤကဲ့သို့သော ရှင်သန်ခြင်းအတွက် အခြားသော ဒဿနများနှင့်ဆိုင်သည့် စကားလုံးများလည်း ရှိသည်။ စာတန်သည် လူတို့ကို ပညာပေးဖို့ နိုင်ငံတစ်နိုင်ငံစီ၏ နှစ်လိုဖွယ်ကောင်းသော ရိုးရာယဉ်ကျေးမှုကို အသုံးပြုလျက် လူသားမျိုးနွယ်ကို အတိုင်းမသိ ပျက်စီးခြင်း၏ ချောက်နက်ထဲသို့ ကျဆင်းကာ ဝါးမျိုခံရစေပြီး အဆုံးတွင် လူတို့သည် စာတန်ကိုအစေခံ၍ ဘုရားသခင်ကို ခုခံသောကြောင့် ဘုရားသခင်၏ ဖျက်ဆီးခြင်းကို ခံကြရသည်။၊ လူတို့၏ အသက်တာ၌၊ သူတို့၏ အမူအကျင့်နှင့် အပြုအမူထဲတွင် စာတန်၏ အဆိပ်များစွာ ရှိနေသေးသည်။ ၎င်းတို့သည် သမ္မာတရားကို လုံးဝနီးပါး ပိုင်ဆိုင်ခြင်းမရှိကြချေ။ ဥပမာအားဖြင့် သူတို့၏ အသက်ရှင်သန်ခြင်း အတွက် သဘောတရားခံယူချက်များ၊ သူတို့၏ အမှုအရာများကို ဆောင်ရွက်သည့် နည်းလမ်းများနှင့် သူတို့၏နီတိများ၊ အားလုံးတို့သည် အဆင်းနီသော နဂါးကြီး၏ အဆိပ်များနှင့် ပြည့်နှက်နေပြီး၊ ၎င်းတို့အားလုံးသည် စာတန်ထံမှ လာကြသည်။ ထို့ကြောင့် လူတို့၏ အရိုးများနှင့် အသွေးတို့၌ စီးဆင်းကြသော အရာအားလုံးသည် စာတန်၏ အရာများ အားလုံး ဖြစ်ပေသည်။ ထိုအရာရှိများ၊ သြဇာအာဏာရှိသူများနှင့် ပြောင်မြောက်သော သူများ အားလုံးတို့တွင် မိမိ၏ကိုယ်ပိုင် လမ်းကြောင်းများနှင့် အောင်မြင်မှုအတွက် လျှို့ဝှက်ချက်များ ရှိပေသည်။ ထိုကဲ့သို့သော လျှို့ဝှက်ချက်များသည် သူတို့သဘာဝဗီဇကို ပြည့်စုံစွာ ကိုယ်စားပြုသည် မဟုတ်လော။ သူတို့သည် လောကထဲ၌ ထိုသို့သော ကြီးမားသည့်အရာများကို လုပ်ဆောင်ထားကြပြီး၊ ၎င်းတို့၏ နောက်ကွယ်တွင်ရှိသည့် အကြံအစည်များနှင့် ခြေပုန်းခုတ်ခြင်းများကို မည်သူကမျှ မရိပ်စားမိနိုင်ကြပေ။ ဤအရာက ထိုသူတို့၏သဘာဝဗီဇမှာ အဘယ်မျှပင် စဉ်းလဲဉာဏ်များပြီး အငြိုးထားတတ်ကြောင်းကို ပြသသည်။ လူသားသည် စာတန်၏ နက်ရှိုင်းစွာ ဖျက်ဆီးခြင်း ခံခဲ့ရသည်။ စာတန်၏ အဆိပ်သည် ခပ်သိမ်းသော လူပုဂ္ဂိုလ်တိုင်း၏ အသွေးထဲ၌ စီးဆင်းနေပြီး လူသား၏ သဘာဝဗီဇသည် ဖောက်ပြန်ကာ ဆိုးယုတ်၍ ခေတ်နောက်ပြန်ဆွဲတတ်ပြီး စာတန်၏ ဒဿနများနှင့် ပြည့်နှက်နေ၍ ထိုဒဿနများထဲ၌ နစ်မြုပ်နေ၏၊ ၎င်းတစ်ရပ်လုံးသည် ဘုရားသခင်ကို ဆန့်ကျင်ပုန်ကန်သော သဘာဝဗီဇတစ်ခုပင် ဖြစ်သည်။ ထို့ကြောင့်ပင် လူတို့သည် ဘုရားသခင်ကို ခုခံကြပြီး ဆန့်ကျင်ကြခြင်း ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူ့သဘာဝကို သိရှိရန် နည်းလမ်း”) ကျွန်တော် ဒီကိစ္စကိုသေချာပြန်တွေးကြည့်တော့မှ ပြဿနာရဲ့ ရင်းမြစ်ကိုရှာတွေ့ခဲ့တယ်။ ကျွ်တော်က စာတန်ရဲ့ အတွေးအခေါ်နဲ့ အဆိပ်တရားတွေဖြစ်တဲ့၊ “ဆိတ်ဆိတ်နေခြင်းသည် ရွှေဖြစ်၏၊ ပြောစကားသည် ငွေဖြစ်၍ စကားများစွာပြောသူသည် အမှားများစွာပြု၏” “တစ်စုံတစ်ရာ မှားယွင်းသည်ကို သိသည့်အခါ၊ နည်းနည်းပြောသည်က ပိုကောင်း၏။” “မိမိကိုယ်ကို ကာကွယ်ရန် ဆိတ်ဆိတ်ငြိမ်နေ၍ အပြစ်တင်ခံရမှုမှ လွတ်မြောက်ရန်သာ ကြိုးစားပါ” “မပြောမီ ကြိုစဉ်းစားပါ၊ ထို့နောက် ထိန်းထိန်းသိမ်းသိမ်း ပြောဆိုပါ” “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” ဆိုတာတွေ ပြည့်နှက်နေခဲ့တဲ့အတွက်၊ သမ္မာတရားကို လက်တွေ့မလုပ်ဆောင်နိုင်တဲ့၊ လူတွေကို ကျေနပ်အောင်လုပ်ပေးတဲ့သူ အမြဲတမ်းဖြစ်နေခဲ့တာပါ။ အဲဒီစကားတွေကို ကျွန်တော့်ရဲ့ ဆက်ဆံရေးစည်းမျဉ်းတွေအဖြစ် သတ်မှတ်ပြီး နေခဲ့တယ်၊ ပြီးတော့ အဲဒါတွေကိုအခြေခံပြီး သဘောကောင်းတဲ့လူတစ်ယောက်ဖြစ်ဖို့ အားလုံးလုပ်ခဲ့တယ်။ ကျွန်တော်လုပ်ခဲ့သမျှအရာတိုင်းမှာ၊ လူတွေကို စိတ်မဆိုးအောင်လုပ်ဖို့၊ လူတွေကျွန်တော့်ကို ဘယ်လိုချီးမွမ်းပြီး လေးစားအောင်လုပ်ရမလဲဆိုတာပဲ စဉ်းစားခဲ့တာ။ ကျွန်တော်လည်း စာတန်ရဲ့ မယုံကြည်ရတဲ့ လှည့်ဖြားတဲ့ အတွေးအခေါ်တွေကို အကောင်းဆုံးဖြစ်အောင်နေခဲ့ပြီးတော့၊ အဲဒါတွေကပဲ ကျွန်တော်သဘာ၀အတိုင်း ဖော်ပြမိတဲ့အရာတွေဖြစ်လာခဲ့တယ်။ ကမ္ဘာကြီးမှာ ကျွန်တော်က လူကောင်းတစ်ယောက်လို့ ထင်ရပြီး၊ လူတွေက သဘောကောင်းတဲ့လူလို့ ချီးမွမ်းကြပေမယ့်လည်း၊ ကျွန်တော်က တကယ့်စစ်မှန်တဲ့လူကောင်းတစ်ယောက်ဖြစ်ဖို့ အများကြီးလိုနေသေးတာပါ။ စာတန်ရဲ့ အဲဒီအဆိပ်တရားတွေအတိုင်း လိုက်နေခဲ့လို့ ကျွန်တော်ဘာများ ရခဲ့လို့လဲ။ ကျွန်တော့်ငယ်စဉ်တုန်းက ကလေးတစ်ယောက်မှာရှိသင့်တဲ့ အပြစ်ကင်းမှု ပျောက်ဆုံးခဲ့ပြီးတော့၊ လူတိုင်းရှေ့မှာ ပုံစံအမှားကြီးနဲ့ လုံး၀ကို ဟန်ဆောင်ပြီးနေခဲ့တာပေါ့။ ကျွန်တော် ပြောဆိုဆက်ဆံတဲ့အခါ သူများတွေကို အရမ်း လိုက်ကြည့်ဂရုစိုက်ခဲ့တာပါ။ လူတိုင်းကို ပွင့်ပွင့်လင်းလင်း မဆက်ဆံခဲ့ပါဘူး။ ဘယ်သူ့ကိုမှ ရင်ထဲကအတိုင်း ထုတ်ပြောရင်ဖွင့်တာမျိုး မရှိခဲ့ပါဘူး။ ကျွန်တော့် မိသားစုအပေါ်မှာတောင် လှည့်ဖြားတတ်ခဲ့တာပါ။ ကျွန်တော့်ရဲ့ ဆင်ခြင်တုံတရားနဲ့ တော်တော်လေးဆန့်ကျင်ခဲ့ပြီးတော့ ကိုယ့်ဂုဏ်သိက္ခာကို ရောင်းစားခဲ့ပါတယ်။ သူများတွေ စိတ်ဆိုးသွားမှာ ကြောက်မိလို့ပေါ့။ ကျွန်တော်က အမှန်အတိုင်းတစ်ခါမှ မရပ်တည်ရဲခဲ့သလို၊ ကျွန်တော့်ရဲ့ ပုံရိပ်ကိုကာကွယ်ဖို့အတွက် ကျွန်တော့်ရဲ့ ဂုဏ်သိက္ခာကို ရင်းနှီးခဲ့တာပါ။ စိတ်ဆိုးနေရင်တောင် ပြုံးထားဖို့ ဖိအားတွေပေးခဲ့ပါတယ်။ အဲဒီအရာတွေကပဲ ကျွန်တော့်ကို လူသားဆန်မှုနဲ့ အသက်ရှင်နေထိုင်နိုင်ဖို့ တားဆီးခဲ့တာမဟုတ်ဘဲ၊ ကျွန်တော့် တစ်ကိုယ်ကောင်းဆန်၊ ရွံစရာကောင်း၊ လှည့်ဖြားတတ်ပြီး အမှားအမှန် မသိတာကြောင့်လည်း ပါပါတယ်။ အဲဒီ စာတန်ရဲ့ အတွေးအခေါ်တွေနဲ့ နေခဲ့ရတာက၊ ခဏတာ သူများဆီက ချီးကျူးမှုကို ရခဲ့ပေမယ့်၊ မမြင်ရတဲ့ နှောင်ကြိုးတွေနဲ့ တော်တော့်ကို တင်းတင်းကျပ်ကျပ် ချုပ်နှောင်ခံထားရသလိုပါပဲ။ လွတ်လွတ်လပ်လပ် ပြောဆိုဆက်ဆံလို့မရဘူး။ ဘာပဲဖြစ်ဖြစ် လွတ်လပ်မှုမရှိတော့ဘဲနဲ့၊ တကယ့်ကိုစိတ်ဓာတ်ကျပြီး နာကျင်ခဲ့ရပါတယ်။ အခုတော့ ကျွန်တော်အရင်က လုပ်ချင်ခဲ့သလို၊ လူတွေကျေနပ်အောင်လုပ်ပေးတဲ့သူဖြစ်ရတာက တကယ်တမ်း လူကောင်းတစ်ယောက်မဟုတ်ဘဲ၊ သမ္မာတရားနဲ့အညီမနေတဲ့၊ လှည့်ဖြား၊ မရိုးသားတဲ့ နှလုံးသားနဲ့ လူပဲဖြစ်တယ်ဆိုတာကို သိနိုင်ခဲ့ပါပြီ။ ကျွန်တော်က ဘုရားကိုဆန့်ကျင်ပြီး သစ္စာဖောက်နေခဲ့တာပါ။ ဘုရားရဲ့ တရားစီရင်ခြင်းနဲ့ သန့်စင်ခြင်းကို မခံရဘဲနဲ့တော့ ကယ်တင်ခြင်းကို ဘယ်တော့မှ ခံရမှာမဟုတ်ပါဘူး။ နောက်တော့ ကျွန်တော်သဘောပေါက်သွားတာက ဘုရားကအဲဒီလူတွေကို ကျွန်တော့်ကိုရိုက်ဖို့ ခွင့်ပြုပေးခဲ့တာပဲဆိုတာပါပဲ။ ဘုရားက ကျွန်တော့်ကို သတိပေးနေခဲ့တာပါ။ ဒါမှ ကျွန်တော်လည်း ဘုရားရှေ့မှောက်ကိုလာပြီး ကိုယ့်ကိုယ်ကို သုံးသပ်နိုင်ပြီးတော့၊ လူသဘောကျတဲ့လူအဖြစ်နေရတဲ့ အနှစ်သာရနဲ့ အကျိုးဆက်ကို သိပြီး နောင်တရနိုင်မှာမို့လို့ပါပဲ။

ဘုရားနှုတ်ကပတ်တော်တွေအပေါ်မှာ မိတ်သဟာယဖွဲ့တာကနေပြီးတော့၊ အဲဒီလိုနေရတဲ့ သဘာ၀နဲ့ အနှစ်သာရကို မြင်ခဲ့ပြီးတော့ အန္တရာယ်နဲ့ အကျိုးဆက်တွေကိုလည်း မြင်ခဲ့ရပါတယ်။ ကျွန်တော် တကယ့်ကို သမ္မာတရားနဲ့ အညီ နေလိုစိတ်၊ စာတန်ရဲ့ ချုပ်နှောင်မှုကနေ လွတ်မြောက်ဖို့နဲ့၊ နှုတ်ကပတ်တော်တွေနဲ့အညီ ရိုးသားစွာနေဖို့အတွက် ဘုရားကိုဆုတောင်းခဲ့ပါတယ်။ တစ်ခါတုန်းကဆိုရင်၊ အစ်မလင်းက တခြားအသင်းတော်ကို ပြောင်းရွှေ့ခံရပြီးတော့၊ အမျိုးသမီးဝတ်ပြုဆရာအဖြစ် ရွေးခံခဲ့ရတာကို ကျွန်တော်သိခဲ့ရတယ်။ သူကတကယ့်ကို လှည့်ဖြားတတ်ပြီးတော့၊ အရင်ကဆို အသင်းတော်မှာ အမှုတော်ကို အမြဲတမ်း ေါ့ပေါ့လျော့လျော့လုပ်ခဲ့တာကိုလည်း ကျွန်တော်သိထားခဲ့တယ်။ အပြောတစ်မျိုးအလုပ်တစ်မျိုးပေါ့ဗျာ။ အဲဒီလို အရမ်းလှည့်ဖြားတတ်တဲ့လူက အသင်းတော်ရဲ့ အမျိုးသမီးဝတ်ပြုဆရာ မဖြစ်သင့်ဘူးဆိုတာနဲ့၊ ကျွန်တော်လည်း အသင်းတော်ရဲ့အလုပ်ကို ထိန်းသိမ်းသင့်တယ်ဆိုတာ သိခဲ့ရပါတယ်။ အခြေအနေကိုရှင်းပြတဲ့စာတစ်စောင်ရေးပြီး အဲဒီ အသင်းတော်ခေါင်းဆောင်ဆီပို့ဖို့ ဆုံးဖြတ်ခဲ့ပါတယ်။ ဒါပေမဲ့လည်း ကျွန်တော် ဘောပင်ကိုင်လိုက်တဲ့အချိန်မှာပဲ တွန့်ဆုတ်ပြီး စဉ်းစားမိတာက၊ “ဒါက သူတို့အသင်းတော်ရဲ့ကိစ္စပဲ။ သူတို့အသင်းတော်ခေါင်းဆောင်က ငါ့ကို ကိုယ့်ကိစ္စကိုယ်မလုပ်ဘဲ စည်းကျော်နေပြီလို့များ ပြောမလား” လို့လေ။ နောက်တော့ ကျွန်တော် ဘုရားနှုတ်ကပတ်တော်ထဲက တချို့ကို စဉ်းစားမိခဲ့ပါတယ်။ “သင်တို့အားလုံးက ဘုရားသခင်၏ ဝန်ထုပ်ဝန်ပိုးကို အရေးထားကာ၊ အသင်းတော်၏ သက်သေခံချက်ကို ကာကွယ်ပြောဆိုမည်ဟု ပြောကြသော်လည်း၊ သင်တို့ထဲမှ မည်သူသည် ဘုရားသခင်၏ ဝန်ထုပ်ဝန်ပိုးကို အမှန်တကယ် အရေးထားခဲ့ကြပြီနည်း။ သင့်ကိုယ်သင် မေးလော့- သင်သည် ဘုရားသခင်၏ ဝန်ထုပ် ဝန်ပိုးကို ထည့်သွင်းစဉ်းစားမှု ပြသပြီးသော သူတစ်စုံတစ်ဦးလော။ ဘုရားသခင်အတွက် ဖြောင့်မတ်ခြင်းတရားကို သင်လက်တွေ့ လုပ်ဆောင်နိုင်သလော။ ငါ့အတွက် သင်ထရပ်ကာ ပြောဆိုနိုင်သလော။ သင်သည် သမ္မာတရားကို တည်ကြည်ခိုင်မာစွာ လက်တွေ့လုပ်ဆောင် နိုင်သလော။ စာတန်၏ လုပ်ရပ်အားလုံးကို ဆန့်ကျင်တိုက်ခိုက်ရလောက်အောင် သင်သည် ရဲရင့်သလော။ သင်သည် သင်၏ စိတ်ခံစားမှုများကို ဘေးဖယ်ကာ၊ ငါ၏ သမ္မာတရားအတွက် စာတန်ကို ဖော်ထုတ်ပေးနိုင်မည်လော။ သင့်အထဲတွင် ငါ၏ ရည်ရွယ်ချက်များ ပြည့်စုံစေခွင့် သင် ပေးနိုင်သလော။ အရေးအပါဆုံးသော အခိုက်အတန့်များတွင် သင်၏နှလုံးသားကို သင် ဆက်ကပ်ပြီးပြီလော။ သင်သည် ငါ၏အလိုကို လုပ်ဆောင်သောသူ တစ်စုံတစ်ဦးလော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၃” အစအဦး၌ ခရစ်တော်၏မိန့်မြွက်ချက်များ) ဘုရားနှုတ်ကပတ်တော် တစ်ခုချင်းစီက ကျွန်တော့်နှလုံးသားကို စကားပြောပြီးတော့၊ လူတွေ သမ္မာတရားကို လက်တွေ့လုပ်ဆောင်လာဖို့၊ ဖြောင့်မတ်စွာနေဖို့၊ စာတန်ရဲ့ ဖိအားတွေကို “မယူဘူး” လို့ပြောရဲဖို့နဲ့ ဘုရားအမှုတော်ကို ထိန်းသိမ်းဖို့တာဝန်ယူဖို့၊ ဆိုပြီး မျှော်လင့်ထားတဲ့ ဘုရားရဲ့ အရေးတကြီးလိုနေတဲ့ အလိုတော်ကို ခံစားခဲ့ရပါတယ်။ ဘုရားက ကျွန်တော်တို့ကို အသင်းတော်ကိုဦးစားပေးဖို့ကလွဲပြီး အရှုံးအမြတ် မတွက်စေချင်ပါဘူး။ ကျွန်တော် ဘုရားရဲ့အလိုတော်ကို နားလည်သွားတာနဲ့တစ်ပြိုင်နက် သမ္မာတရားကို လက်တွေ့လုပ်ဆောင်ဖို့ ယုံကြည်ချက်ကို ရှာတွေ့ခဲ့တာကြောင့်၊ တခြားအသင်းတော်ခေါင်းဆောင်ကို အစ်မလင်းအကြောင်း စာတစ်စောင်ရေးခဲ့ပါတယ်။ ရက်ပိုင်းလောက်ကြာပြီးတဲ့နောက်မှာတော့၊ သူတို့ ဒီကိစ္စကို စုံစမ်းပြီးပြီဖြစ်ပြီးတော့ အစ်မလင်းကလည်း လှည့်ဖြားတတ်တဲ့ လူဆိုတာ အတည်ပြုနိုင်ခဲ့တဲ့အတွက်၊ သူတို့ အမှုတော်ကို ပြောင်းလိုက်ပါပြီလို့ အဲဒီအသင်းတော်ခေါင်းဆောင်က ပြောလာပါတယ်။ ကိစ္စတွေ အဲဒီလိုဖြစ်သွားတာမြင်ရတော့ စိတ်သက်သာရာရပြီး စိတ်အေးရစေပါတယ်။ ရိုးသားရတာက အရမ်းကိုအံ့ဩစရာကောင်းတာသိခဲ့ရပြီးတော့၊ အဓိပ္ပာယ်ရှိတဲ့ တစ်ခုခုကို လုပ်ခဲ့ရတာပါပဲ။ တချို့ ညီအစ်ကိုမောင်နှမတွေက နောက်ပိုင်းမှာ၊ အသင်းတော်ရဲ့အဖွဲ့အစည်းကိုကာကွယ်ဖို့ အဲဒီလိုစာရေးခဲ့တာက၊ ဖြောင့်မတ်မှုအသိ ရသွားပြီးတော့ ကျွန်တော်တကယ် ပြောင်းလဲသွားပြီဆိုတာကို ပြလိုက်တာပဲလို့ ပြောလာပါတယ်။ သူတို့ဒီက အဲဒီလိုစကားကြားရတာ ကျွန်တော့်အတွက် အရမ်းစိတ်လှုပ်ရှားစေပါတယ်။ ကျွန်တော် သမ္မာတရားကို လက်တွေ့လုပ်ဆောင်တာ၊ အဲဒီလို နည်းနည်းလေးပြောင်းလဲလာတာတွေ၊ အားလုံးက ဘုရားရဲ့ တရားစီရင်ခြင်းနဲ့ ပြစ်တင်ဆုံးမခြင်းတွေကြောင့် ရခဲ့တယ်ဆိုတာကို ရင်ထဲကနေ သိခဲ့ရပါတယ်။ ကယ်တင်ခြင်းအတွက် အနန္တတန်ခိုးရှင်ဘုရားကို ကျေးဇူးတင်ပါတယ်။

အရှေ့သို့- ၄၆။ လူ့အကြိုက်လိုက်သူများသည် ဘုရားသခင်၏ ချီးမြှောက်မှုကို ရယူနိုင်ပါသလား

နောက်တစ်ခုသို့- ၄၈။ လူသားပုံသဏ္ဌာန်အတိုင်း အသက်ရှင်နေထိုင်ရန် သမ္မာတရားကို လက်တွေ့လုပ်ဆောင်ပါ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၇၅။ ကျွန်မ ကြုံခဲ့ရသော စမ်းသပ်မှု

တရုတ်နိုင်ငံ ကျိလင် စီရင်စု၊ ကျုံးရှင်းအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက်...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်