၅၀။ “ကောင်းမွန်သည့် ပုံရိပ်”နောက်ကွယ်တွင် မည်သည့်အရာ ရှိသနည်း

ကိုရီးယားနိုင်ငံ၊ ဝေ့ချန်

အရင်နှစ် ဒီဇင်ဘာတုန်းက ကျွန်မက အသင်းတော်မှာ ဧဝံဂေလိ သင်းထောက်တစ်ယောက်အနေနဲ့ လုပ်ခဲ့ပါတယ်။ အချိန်ခဏလောက်ကြာတော့ ခေါင်းဆောင်တွေက ညီအစ်ကို မောင်နှမတွေ သူတို့တာဝန်တွေကို ထမ်းဆောင်ပုံနဲ့ပတ်သက်ပြီး ပြဿနာတွေကို သတိပြုမိတဲ့အခါမှာ အဲဒီ ပြဿနာတွေကို တိုက်ရိုက် ထောက်ပြကြတယ်၊ တစ်ခါတလေဆိုရင် တော်တော် ကြမ်းတဲ့လေသံနဲ့ပြောတယ်ဆိုတာ ကျွန်မ တွေ့ရတယ်။ ဒါတွေကို ထောက်ပြတာ သူတို့မှန်ပေမဲ့ သူ့တို့ နည်းလမ်းက ရှက်စရာကောင်းပြီး လူတွေကို အလွယ်တကူ စိတ်ဆိုးစေနိုင်တယ်ဆိုပြီး ကျွန်မ တွေးမိတယ်။ ကျွန်မ သူတို့လို မဖြစ်ချင်ဘူး။ လူတွေအပေါ် အကောင်းမြင်အောင်လို့ ဒါမျိုးတွေကို ပိုပြီးတော့ ပါးပါးနပ်နပ်နဲ့ ပြောဖို့လိုတယ်။ ဒါဆိုရင် လူတိုင်းရဲ့ ထောက်ပံ့မှုကို ကျွန်မ ရနိုင်ပြီး ကျွန်မအလုပ်ကို လုပ်ရတာ ပိုလွယ်တယ်။ ဒါဆိုရင် နောက်တစ်ခါ ရွေးကောက်ပွဲမှာ ခေါင်းဆောင်တစ်ယောက်အဖြစ် ကျွန်မ အရွေးခံရဖို့ အခွင့်အလမ်းရှိနိုင်တယ်။ စိတ်ထဲမှာ အဲဒီလိုထားပြီး ညီအစ်ကို မောင်နှမတွေအပေါ် ကျွန်မရဲ့ ဆက်ဆံပုံနဲ့ပတ်သက်ပြီး တော်တော်ဂရုစိုက်ခဲ့တယ်။ အားလုံးကို လက်ခံချင်စဖွယ်ဖြစ်အောင် ကျွန်မက ပါးပါးနပ်နပ်လုပ်ပြီး ဘယ်သူ့ကိုမှ စိတ်မထိခိုက်စေဖို့ ကြိုးစားခဲ့တယ်။

တစ်ခါတော့ အစ်မချန်းက လွယ်တဲ့တာဝန်တွေကို ရွေးထုတ်ယူပြီး ခက်တဲ့အရာမှန်သမျှကို ခေါင်းရှောင်တယ်၊ အယူအဆတွေ အများကြီးရှိတဲ့သူ၊ စိတ်ထားမကောင်းတဲ့သူနဲ့ ဧဝံဂေလိ မျှဝေရတဲ့အချိန်တိုင်းမှာ သူက နောက်ဆုတ်သွားတယ်ဆိုတာကို ကျွန်မ သတိထားမိတယ်။ နောက်ကျရင် သူက သူတို့ရဲ့ အယူအဆတွေကို ဖြေရှင်းဖို့အတွက် သက်ဆိုင်တဲ့ သမ္မာတရားနဲ့ သူ့ကိုယ်သူ မပြင်ဆင်ဘူး။ သူ့မှာ သူ့တာဝန်အပေါ် မှန်ကန်တဲ့ သဘောထားမရှိဘူး၊ ဒီလိုသာ ဆက်သွားရင် သူ့တာဝန်ကို ကောင်းကောင်းလုပ်ဖို့ မဖြစ်နိုင်ဘူးဆိုတာကို ကျွန်မ သိခဲ့တယ်။ ဒါကို သူ့ကိုပြောပြပြီး မိတ်သဟာယဖွဲ့ဖို့ ကျွန်မ လုပ်ခဲ့တယ်။ ဒါပေမဲ့ ကျွန်မ သူ့ကို စာတစ်စောင်ပို့မလို့လုပ်နေတုန်းမှာ သူက အခက်အခဲတွေကို ရင်ဆိုင်ရတဲ့အခါမှာ နောက်ဆုတ်သွားပေမဲ့ ယေဘူယျအားဖြင့် သူ့တာဝန်မှာ အောင်မြင်မှုတွေရှိတယ်လို့ ကျွန်မ စိတ်ထဲမှာ စဉ်းစားမိတယ်။ ကျွန်မက သူ့ပြဿနာကို ထုတ်ပြောရင် ကျွန်မက အရမ်းတောင်းဆိုလွန်းတယ်လို့ သူ ပြောကောင်းပြောနိုင်ပြီး ကျွန်မကို ဆန့်ကျင်သွားနိုင်တယ်။ ဒါဆို နောက်ကျရင် ကျွန်မလုပ်တဲ့ ဘယ်အလုပ်အစီအစဉ်ကိုမှ သူက လက်မခံရင် ကျွန်မ ဘယ်လိုလုပ်မလဲ။ ကိုယ့်တာဝန်မှာ ကောင်းကောင်းမလုပ်ရင် ကျွန်မက အလုပ်အပေါ်မှာ ကျွမ်းကျင်မှုမရှိဘူးလို့ ခေါင်းဆောင်တွေက ပြောမှာမဟုတ်ဘူးလား။ အဲဒါနဲ့ သူ့ကို စိတ်ဆိုးအောင်မလုပ်မိဖို့အတွက် သူ့ပြဿနာနဲ့ပတ်သက်ပြီး စကားတစ်လုံးမှ မပြောလိုက်ဘဲ သူ့ကို အားပေးတိုက်တွန်းတဲ့ စာတစ်စောင်ပဲ ပို့လိုက်တယ်။ “ကျွန်မတို့ ဧဝံဂေလိ ဖြန့်ဝေတဲ့သူ တချို့မှာ အယူအဆတွေ အများကြီးရှိကြတယ်။ ဒါပေမဲ့ သူတို့က စစ်မှန်တဲ့ ယုံကြည်သူတွေပါ။ ကျွန်မတို့ ချစ်ခြင်းနဲ့ စိတ်ရှည်ခြင်းရှိရမယ်။ ဘုရားသခင်အပေါ် ဆုတောင်းပြီး မှီခိုရမယ်။ ကျွန်မတို့ ရင်ဆိုင်ရတဲ့ အခက်အခဲတွေ များလေလေ၊ ကျွန်မတို့ရဲ့ ယုံကြည်ခြင်းက စုံလင်ခြင်းခံရလေလေပဲ။ ကျွန်မတို့ လုံးဝ နောက်တွန့်လို့မဖြစ်ဘူး။” ဆိုပြီးတော့။ အဲဒီအချိန်တုန်းကတော့ သူ သဘောတူခဲ့တယ်။ ဒါပေမဲ့ သူ့ပြဿနာကို လုံးဝ နားမလည်ဘဲ ခက်ခဲတဲ့အရာမှန်သမျှကနေ ဆက်ပြီး လှည့်ပြန်ပြေးနေခဲ့တယ်။ လုံးဝ မပြောင်းလဲဘူး။ ဒါပေမဲ့ အဲဒီအချိန်တုန်းက ပြဿနာကို ကျွန်မက သတိမပြုမိဘူး။ ကျွန်မ လုပ်တာကောင်းတယ်လို့ ထင်နေခဲ့တာ။ ဒီလိုပုံစံနဲ့ဆင်တူတာတစ်ခုခုကို ကျွန်မ ကြုံတွေ့ရတဲ့အခါတိုင်းမှာ ဒီလိုမျိုးပဲ ကိုင်တွယ်ခဲ့တယ်။ ကျွန်မက လူတွေကို လုံးဝ ကိုင်တွယ်ဖြေရှင်းခြင်း မရှိဘူး။ သူတို့ရဲ့ ဖောက်ပြန်ပျက်စီးမှု ဒါမှမဟုတ် ချို့ယွင်းချက်တွေကို လုံးဝ မဖော်ထုတ်ခဲ့ဘူး။ ဒါကြောင့် ညီအစ်ကို မောင်နှမတွေအားလုံးက ကျွန်မနဲ့အတူ အလုပ်လုပ်ဖို့ ပျော်ရွှင်ကြတယ်။ သူတို့ အခြေအနေတွေအကြောင်းပြောဖို့ ကျွန်မကို ရှာကြတယ်။ ဒါကြောင့် ကျွန်မရဲ့ နည်းလမ်းကို ကျွန်မ ပိုပြီးတော့တောင် ယုံကြည်မှုရှိလာတယ်။ ညီအစ်ကို မောင်နှမတွေက ကျွန်မကို အထင်ကြီးကြတယ်၊ လူတိုင်းက ကျွန်မကို တကယ်ကို ပံ့ပိုးကြတယ်လို့ တွေးမိခဲ့တယ်။

နောက်ပိုင်းမှာ အစ်မရှားက တော်တော် မာနထောင်လွှားပြီး ကိုယ်လုပ်တာအားလုံးအမှန်လို့ မှတ်ယူနေတာကို ကျွန်မ သတိပြုမိတယ်။ သူက တော်တော်ခေါင်းမာပြီး သူများတွေနဲ့ ကောင်းကောင်း အလုပ်မလုပ်ဘူး။ ဒါက ကျွန်မတို့ ဧဝံဂေလိအလုပ်ကို ထိခိုက်လာတယ်။ အစ်မရှားက တကယ်ကို မာနထောင်လွှားပြီး သူများတွေရဲ့ အကြံတွေကို လက်မခံပုံ၊ ဒါကြောင့်မို့ သူ့တာဝန်မှာ ထိခိုက်မှုတွေရှိလာပုံကို ကျွန်မ တွေးမိတယ်။ သူ ပြောင်းလဲနိုင်ဖို့အတွက် ဒီကိစ္စကို သူ့ကို ပြောပြသင့်တယ်လို့ ကျွန်မ စဉ်းစားမိတယ်။ ဒါပေမဲ့ နောက်တော့ ကျွန်မ တွေးမိတယ်။ ကျွန်မက ထောက်ပြပြီးတော့ သူက လက်မခံဘဲ စိတ်ကောက်သွားရင် ဘယ်လိုလုပ်မလဲ ပေါ့။ တစ်ခါတုန်းက အစည်းအဝေးတစ်ခုမှာ သူက ကျွန်မနဲ့ပတ်သက်ပြီး တော်တော်လေး အပြုသဘောဆောင်တဲ့ အကဲဖြတ်မှုမျိုးပေးတာကို ကျွန်မ ကြားခဲ့ရတယ်။ ဒါကြောင့် ကျွန်မ သူ့ကို စိတ်ဆိုးအောင်လုပ်မိခဲ့ရင် သူ ကျွန်မအပေါ် အကောင်းမြင်နေတာ ပျက်သွားနိုင်တယ်ဆိုပြီး စိတ်ပူမိတယ်။ ကျွန်မအပေါ် သူ့ထင်မြင်ချက်က ပြောင်းသွားရင် ခေါင်းဆောင်တစ်ယောက်ဖြစ်ဖို့ ကျွန်မ အခွင့်အရေးကို ထိခိုက်နိုင်တယ်။ အားလုံးကို သေချာစဉ်းစားပြီးတဲ့နောက်မှာ အစ်မရှားရဲ့ ဖောက်ပြန်ပျက်စီးမှုနဲ့ ချို့ယွင်းချက်တွေကို ထုတ်မပြောဖို့ ဖြစ်သွားခဲ့တယ်။ အဲဒီအစား ကျွန်မက “နင့်ရဲ့တာဝန်မှာ ကောင်းတဲ့ ရလဒ်မရတာ၊ အခက်အခဲတွေကို ရင်မဆိုင်တာ ငါ နားလည်ပါတယ်။ ဒါပေမဲ့ နင် ကိုယ့်ကိုယ်ကိုယ် ဆင်ခြင်သုံးသပ်ပြီး ဘာကြောင့်လဲဆိုတာ စဉ်းစားမှ ဖြစ်မယ်။ ငါတို့က ညီအစ်ကို မောင်နှမတွေနဲ့လည်း ကောင်းကောင်းအလုပ်လုပ်ဖို့ လိုတယ်” ဆိုပြီး ပြောလိုက်တယ်။ အကြံဉာဏ်နဲ့ အားပေးတဲ့ စကားပဲ နည်းနည်းပြောလိုက်ပြီး အဓိက ပြဿနာကို ရှောင်လိုက်တယ်။ သုံးလေးရက်လောက်ကြာတော့ ကျွန်မတို့အလုပ်နဲ့ပတ်သက်ပြီး ခေါင်းဆောင်တွေထဲက တစ်ယောက်က ကျွန်မဆီလာပြီး စစ်ဆေးခဲ့တယ်။ အစ်မရှားက မာနထောင်လွှားပြီး ကိုယ်လုပ်တာအားလုံးအမှန်လို့ မှတ်ယူတယ်၊ သူများတွေနဲ့ ကောင်းကောင်းအလုပ်မလုပ်ဘူးလို့ သူ့ကို ကျွန်မ ပြောပြခဲ့တယ်။ အဲဒီနောက်တော့ အစ်မရှားက ကျွန်မကို နောက်တစ်ခါ တွေ့တဲ့အခါမှာ ပြောတယ်။ “အရင် သုံးလေးရက်တုန်းက ငါတို့အလုပ်နဲ့ပတ်သက်ပြီး ခေါင်းဆောင်က နင့်ကို မေးတုန်းက ငါက လမ်းလျှောက်လာနေပြီး ငါက မာနထောင်လွှားပြီး ကိုယ်လုပ်တာအကုန် အမှန်လို့ မှတ်ယူတယ်၊ သူများတွေနဲ့ ကောင်းကောင်းအလုပ်မလုပ်ဘူးလို့ နင် ပြောလိုက်တာကို နားစွန်နားဖျားကြားလိုက်ရတယ်။ ငါ့မှာ အရေးကြီးတဲ့ ပြဿနာရှိတာကို နင်က ကောင်းကောင်း သတိထားမိတယ်။ ဒါပေမဲ့ ငါ့ကို အဲဒါနဲ့ပတ်သက်ပြီး ဘာမှပြောဘူး။ နင်က အလိုက်သင့်နေနေတာပဲ။ အရင်တုန်းက နင်က တစ်ခါမှ စိတ်မတိုဖူးဘူး၊ လူတွေကို အပြစ်မတင်ဘဲ အဲဒီအစား နှစ်သိမ့်ပေးတာကို ငါ သတိထားမိတယ်။ နင်က တကယ်ကို ကောင်းတဲ့သူလို့ ငါ ထင်ခဲ့တာ။ အခုတော့ နင်က တော်တော် ကျွမ်းကျင် တာပဲ၊ နင့်မှာ လှည့်ကွက်တွေရှိတာပဲဆိုတာ ငါ သဘောပေါက်သွားတယ်။ တဲ့တိုးပြောရရင် နင်က ကြောင်သူတော်တစ်ယောက်ပဲ” တဲ့။ သူက အဲဒီလို တိုက်ရိုက် ဖော်ထုတ်လိုက်တော့ ခဏလောက် ကျွန်မ မျက်နှာက နီရဲသွားတာကို ခံစားမိတယ်။ ကျွန်မ ဦးနှောက်ထဲမှာ “ကြောင်သူတော်”၊ “လှည့်ကွက်” ဆိုတဲ့စကားတွေက လောင်မြိုက်နေတယ်။ ကျွန်မ တော်တော်ကို ဝမ်းနည်းသွားပြီး ဘုရားရှေ့ကိုလာပြီး ဆုတောင်းတယ်။ ကျွန်မ ကိုယ်တိုင်ရဲ့ ဖောက်ပြန်ပျက်စီးတဲ့ စိတ်သဘောထားကို နားလည်အောင် လမ်းပြဖို့ သူ့ကို တောင်းလျှောက်ခဲ့တယ်။

နောက်နေ့မှာ ကျွန်မ ဘုရားရှိခိုးဝတ်ပြုရင်းနဲ့ ဘုရားနှုတ်ကပတ်တော် ဖတ်ရွတ်တဲ့ ဗီဒီယိုတစ်ခုကို ကြည့်ခဲ့ပါတယ်။ အနန္တတန်ခိုးရှင် ဘုရားသခင် ပြောသည်မှာ- “လှည့်စားတတ်ခြင်းသည် အပြင်ပန်း၌ မကြာခဏ သိသာထင်ရှားသည်။ တစ်စုံတစ်ဦးသည် စကားပြောရာတွင် အလွန်ကောက်ကျစ်ပြီး လိမ္မာပါးနပ်ပါက၊ ယင်းမှာ လှည့်စားတတ်ခြင်း ဖြစ်သည်။ ကောက်ကျစ်စဉ်းလဲခြင်း၏ အဓိက ဝိသေသလက္ခဏာမှာ အဘယ်နည်း။ ကောက်ကျစ်စဉ်းလဲခြင်းသည် လူများ ပြောသည့်အရာသည် အထူးသဖြင့် နားဝင်ချိုသည့်အရာ ဖြစ်သည့်အခါ၊ ယင်းတို့အားလုံးက မှန်ကန်ပြီး အပြစ်ကင်းသည်ဟု ထင်ရပြီး၊ သင်မည်သည့်ဘက်က ကြည့်ပါစေ၊ ကောင်းသည်ဟု ထင်ရသော်လည်း၊ ၎င်းတို့၏ အပြုအမူများသည် အထူးတလည် ကောက်ကျစ်စဉ်းလဲပြီး၊ အလွန်အမင်း ခိုးကြောင်ခိုးဝှက်နိုင်ပြီး အလွယ်တကူ ထိုးထွင်းသိမြင်နိုင်ခြင်း မရှိသည့်အချိန် ဖြစ်သည်။ ၎င်းတို့သည် လူများကို မမှန်ကန်သောအရာများဖြင့် လှည့်စားဖို့ လူတို့၏ ခံစားချက်များနှင့် ကိုက်ညီသည့် မှန်ကန်သော စကားအချို့နှင့် နားဝင်ချိုသော စကားရပ် အချို့၊ အချို့သော အယူဝါဒများ၊ ငြင်းခုံမှုများနှင့် နည်းစနစ်များကို မကြာခဏ အသုံးပြုကြသည်။ ၎င်းတို့သည် အမြင်အားဖြင့် ကောင်းပြီး မှန်ကန်ပုံရသော၊ လူများ၏ခံစားချက်များနှင့် ကိုက်ညီပြီး ၎င်းတို့၏ လျှို့ဝှက်သော ရည်မှန်းချက်များကို အောင်မြင်ရရှိဖို့ ကိုယ်ကျင့်တရားကောင်းသော လုပ်ဆောင်ချက်များကို အသုံးပြုလျက်၊ လမ်းတစ်ခုကို သွားဟန်ဆောင်ကြသော်လည်း၊ အမှန်တွင် အခြားလမ်းတစ်ခုကို သွားကြသည်။ ဤသည်မှာ ကောက်ကျစ်စဉ်းလဲခြင်း ဖြစ်သည်။ လူများက ဤသည်ကို လှည့်စားတတ်ခြင်းဟု ပုံမှန်အားဖြင့် ယုံကြည်ကြသည်။ ၎င်းတို့၌ ကောက်ကျစ်စဉ်းလဲခြင်းနှင့်သက်ဆိုင်သည့် အသိပညာလည်း နည်းပါးကြပြီး ယင်းကို အသေးစိတ် စိစစ်လေ့လာမှုလည်း နည်းကြသည်။ ကောက်ကျစ် စဉ်းလဲခြင်းသည် ဖုံးကွယ်နေပြီး ပါဝင်သည့် နည်းစနစ်များနှင့် နည်းနိဿယများသည် သာ၍ ‘ပါးနပ်’ သောကြောင့်၊ လှည့်စားတတ်ခြင်းထက် သာ၍ ဖော်ထုတ်ဖို့ ခက်ခဲသည်။ လူများသည် ၎င်းတို့အတွင်း၌ လှည့်စားတတ်သော စိတ်သဘောထားတစ်ခု ရှိသည့်အခါ၊ ၎င်းတို့သည် လှည့်စားတတ်သည်ကိုဖြစ်စေ၊ ၎င်းတို့၏ လုပ်ဆောင်ချက်များနှင့် ၎င်းတို့ပြောသည့် အရာမျိုးများသည် လှည့်စားသည့် စိတ်သဘောထား တစ်ခုကို ညွှန်ပြနေသည်ကို သင်မြင်နိုင်ဖို့ နှစ်ရက် သုံးရက်ခန့်သာကြာတတ်သည်။ သို့ရာတွင် တစ်စုံတစ်ဦးက ကောက်ကျစ်စဉ်းလဲသည်ဟု ဆိုသည့်အခါ၊ ဤသည်မှာ တစ်ရက် နှစ်ရက်ဖြင့် ထိုးထွင်းသိမြင်နိုင်သည့် အရာတစ်ခု မဟုတ်ပေ။ အချိန်တိုအတွင်း၌ အရေးပါသည့်အရာ သို့မဟုတ် ထူးခြားသည့်အရာ တစ်ခုမျှ မဖြစ်လျှင်၊ ၎င်းတို့၏စကားများကို နားထောင်ရုံဖြင့်ပင် ၎င်းတို့သည် လူကောင်းဖြစ်ကြောင်း၊ ၎င်းတို့သည် အမှုအရာများကို စွန့်လွှတ်နိုင်ပြီး မိမိတို့ကိုယ်ကိုယ် အသုံးခံနိုင်ကြောင်း၊ ၎င်းတို့သည် ဝိညာဉ်ရေးရာ အမှုအရာများကို နားလည်ပြီး ၎င်းတို့ပြောသမျှ မှန်ကန်ကြောင်း သင်တွေးမည် ဖြစ်ပြီး၊ ၎င်းတို့သည် အမှန်တကယ်တွင် မည်သို့သောသူများဖြစ်သည်ဆိုသည်ကို ၎င်းတို့ကို သင်ပြောဖို့ အခက်ကြုံလိမ့်မည်။ မှန်သည့်အရာကို ပြောသည့်သူ၊ မှန်သည့်အရာကို လုပ်ဆောင်သည့်သူ များစွာရှိပြီး၊ အယူဝါဒတစ်ခုပြီးတစ်ခု ခရားရေလွှတ် တတွတ်တွတ် ပြောနိုင်သူများစွာရှိကြသည်။ ထိုသို့သောသူများနှင့် နှစ်နှစ် သို့မဟုတ် သုံးနှစ်ရှိပြီးသည့်နောက်တွင် သင်သည် ၎င်းတို့ကို ဝိညာဉ်ရေးရာ အမှုအရာများကို နားလည်သည့်သူများ၊ ဘုရားသခင်ကို ချစ်သည့်စိတ်နှလုံး ရှိသည့်သူများ၊ အသိစိတ်နှင့် ဆင်ခြင်တုံတရားတို့ဖြင့် ပြုမူသည့်သူများဟု တွေးထင်သည်။ သို့ရာတွင် သင်သည် ၎င်းတို့အား လုပ်ဆောင်ချက် တာဝန်များဖြင့် စတင် ယုံကြည်အပ်နှံပြီး ၎င်းတို့သည် မရိုးသားကြောင်း၊ လှည့်စားတတ်သော လူများထက် သာ၍ပင် တဖြည်းဖြည်းချင်း စိမ့်ဝင် အန္တရာယ်ပြုတတ်ကြောင်း၊ ၎င်းတို့သည် အတော်အတန် ကောက်ကျစ်စဉ်းလဲကြောင်း သင်မကြာမီ သဘောပေါက်လာသည်။ ၎င်းတို့က သင့်တော်သည့် စကားများ၊ သမ္မာတရားနှင့် အံကိုက်ဖြစ်သည့် စကားများ၊ လူများ၏ခံစားချက်များနှင့် လူ့သဘာဝတို့ဖြင့် ကိုက်ညီသည့် စကားများ၊ နားဝင်ချိုသည့် စကားများ၊ လူများနှင့် စကားစမြည်ပြောဖို့ လူနားယောင်စေသည့် စကားများကို ရွေးချယ်တတ်ကြသည်။ တစ်ဖက်တွင် မိမိတို့ကိုယ်ကိုယ် အခိုင်အမာ သက်သေပြဖို့၊ ပြီးလျှင် အခြားတစ်ဖက်တွင် သူတစ်ပါးကို လှည့်စားဖို့ ပြုလုပ်ကြခြင်းဖြစ်ပြီး၊ လူများအလယ်တွင် ၎င်းတို့သည် ဂုဏ်ဒြပ်နှင့် ဩဇာတိက္ကမတို့ကို ရယူကြလေသည်။ ယင်းတို့ အားလုံးသည် မသိနားမလည်သည့် သူများ၊ သမ္မာတရားကို အပေါ်ယံနားလည်သူများ၊ ဝိညာဉ်ရေးရာ အမှုအရာများကို နားမလည်သည့်သူများနှင့် ဘုရားသခင်အပေါ် ၎င်းတို့၏ ယုံကြည်ခြင်းတွင် အခြေအမြစ်မရှိသူများကို အလွယ်တကူ ဖမ်းစားပေသည်။ ဤသည်မှာ ကောက်ကျစ်စဉ်းလဲသော စိတ်သဘောထား တစ်ခုရှိသော လူများ လုပ်ဆောင်သည့်အရာ ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၃)”) ဘုရားနှုတ်ကပတ်တော်တွေကို ဆန့်ကျင်ပြီး ကျွန်မကိုယ်တိုင်ရဲ့ အပြုအမူကို ထိန်းသိမ်းထားခြင်းအားဖြင့် ကျွန်မရဲ့ ဆိုးယုတ်တဲ့ စိတ်သဘောထားက ကျွန်မ လုပ်ရပ်တွေကို ဖြစ်ပေါ်စေနေတာပဲဆိုတာ ကျွန်မ နားလည်သဘောပေါက်ခဲ့ပါတယ်။ ညီအစ်ကို မောင်နှမတွေရဲ့ တာဝန်မှာ သူတို့အလုပ်အပေါ် သက်ရောက်မှုရှိနေတဲ့ ပြဿနာတွေကို ကျွန်မ မြင်တဲ့အခါမှာ သူတို့တွေအားလုံးက ကျွန်မက သဘောကောင်းတဲ့သူလို့ပြောပြီး ကျွန်မအကြောင်းကို အကောင်းပြောအောင် သူတို့ကို မဖော်ထုတ်ဘူး၊ သူတို့ပြဿနာတွေကို ထုတ်မပြောခဲ့ဘူး။ အစ်မချန်းက သူ့တာဝန်မှာ မှန်ကန်တဲ့ သဘောထားမရှိဘူးဆိုတာ၊ လွယ်တာကိုပဲ လုပ်ပြီး ခက်တဲ့အရာမှန်သမျှကို ရှောင်တယ်ဆိုတာ ကျွန်မ ရှင်းရှင်းလင်းလင်း မြင်ခဲ့တယ်။ အစ်မရှားက မာနထောင်လွှားပြီး ကိုယ်လုပ်တာအားလုံးအမှန်လို့ မှတ်ယူတယ်၊ အဲဒါက အသင်းတော်ရဲ့ ဧဝံဂေလိအလုပ်ကို အပျက်သဘောဆောင်စွာ ထိခိုက်မှုရှိနေတယ်ဆိုတာကိုလည်း ကျွန်မ မြင်ခဲ့တယ်။ ဒါတွေကို ကျွန်မ သူတို့ကို ထုတ်ပြောသင့်ပြီး သူတို့ကို ကူညီဖို့ မိတ်သဟာယ ဝေမျှခဲ့သင့်ပါတယ်။ ဒါပေမဲ့ ကျွန်မက သူတို့ ကျွန်မအပေါ် ဘယ်လိုထင်မလဲ၊ ကျွန်မအလုပ်ကို ပံ့ပိုးပေးမှာမဟုတ်ဘူး၊ ဒါဆိုရင် ကျွန်မရဲ့ လုပ်ဆောင်ချက်က ထိခိုက်မှုရှိနေတယ်ဆိုရင် ခေါင်းဆောင်တွေက ကျွန်မကို အထင်သေးမှာပဲဆိုပြီး စိတ်ပူနေခဲ့တယ်။ အဲဒါနဲ့ ကျွန်မက သူတို့ကို အားပေးဖို့အတွက် ကြားလို့ကောင်းတဲ့။ မရိုးသားတဲ့ စကားတွေကိုပဲ ပြောခဲ့တယ်။ ဒီလိုဆိုရင် သူတို့နဲ့ ကျွန်မရဲ့ ဆက်ဆံရေးကို ကာကွယ်နိုင်မယ်။ ကျွန်မရဲ့ ပုံရိပ်ကို ထိန်းထားနိုင်မယ်။ ကျွန်မရဲ့ အလုပ်ကို သူတို့ ဆက်ပြီး ကြိုက်နှစ်သက်နေမယ်။ တစ်ချက်ခုတ် နှစ်ချက်ပြတ်ပဲ ပေါ့။ ကျွန်မက တော်တော်ကို ဉာဏ်များပြီး မသိကျိုးကျွန်ပြုတတ်တယ်။ ကျွန်မက လူတွေကို လှည့်စားနေခဲ့တာပဲ။ ကျွန်မက တကယ်ကို ဂရုစိုက်ပြီး နားလည်တတ်တယ်လို့ သူတို့ထင်အောင်လုပ်ပြီး လှည့်စားခဲ့တယ်။ သူတို့က ကျွန်မကို တကယ်ကို အထင်ကြီးလေးစားပြီး ကိုးကွယ်ခဲ့ကြတယ်။ အဲဒီအခါကျမှသာ ကျွန်မက ဉာဏ်များပြီး ဆိုးယုတ်တဲ့ စိတ်သဘောထားရှိတယ်ဆိုတာကို ကျွန်မ သိခဲ့ပါတယ်။ အစ်မရှားကသာ ကျွန်မကို မဖော်ထုတ်ရင်၊ ဘုရားနှုတ်ကပတ်တော်ကသာ မဖွင့်ပြရင် ကျွန်မရဲ့ ဆိုးယုတ်တဲ့ စိတ်သဘောထားအပေါ် ဘာနားလည်မှုမှရှိမှာမဟုတ်ဘူး။ ဒါက ဘယ်လောက် အရေးကြီးတယ်ဆိုတာ လုံးဝ သိမှာမဟုတ်ဘူး။ ကျွန်မရဲ့ လုပ်ရပ်တွေက ဘယ်လောက်ဆိုးပြီး မုန်းတီးစရာကောင်းတယ်ဆိုတာ၊ ဘုရားသခင်အတွက် ရွံရှာမုန်းတီးဖွယ်ရာဖြစ်ပြီး သူများတွေအတွက် ရွံစရာကောင်းတယ်ဆိုတာ ကျွန်မ မြင်ခဲ့တယ်။

အဲဒီနောက်မှာတော့ ဘုရားနှုတ်ကပတ်တော်ထဲက ဒါကို ကျွန်မဖတ်ပါတယ်။ အနန္တတန်ခိုးရှင် ဘုရားသခင် ပြောသည်မှာ- “အချို့ အသင်းတော်ခေါင်းဆောင်များသည် မိမိတို့၏ တာဝန်ကို အရေးမထားဘဲနှင့် ဝတ်ကျေတမ်းကျေ ဆောင်ရွက်နေသည့် ညီအစ်ကိုများ သို့မဟုတ် ညီအစ်များကို ၎င်းတို့မြင်တွေ့ရလျက် ၎င်းတို့ ပြစ်တင်မောင်းမဲခြင်း ပြုသင့်သော်လည်း မပြုကြချေ။ ဘုရားသခင်၏ အိမ်တော် အကျိုးစီးပွားများကို သိသိသာသာ ထိခိုက်နစ်နာစေသည့်အရာတစ်ခုကို ၎င်းတို့ မြင်သည့်အခါ၊ အခြားသူများ ယုတ်စွအဆုံး စိတ်အနှောင့်အယှက်ပင် မဖြစ်စေဖို့အလို့ငှာ၊ ၎င်းတို့သည် မသိကျိုးကျွန်ပြုကြပြီး မည်သည့် မေးမြန်းစုံစမ်းခြင်းများကိုမျှ မပြုကြချေ။ ၎င်းတို့၏ စစ်မှန်သော ရည်ရွယ်ချက်နှင့် ရည်မှန်းချက် ပန်းတိုင်မှာ အခြားသူများ၏ အားနည်းချက်များအတွက် စာနာထောက်ထားမှု ပြရန်မဟုတ်- ၎င်းတို့ မည်သည့်အရာ ရည်ရွယ်သည်ကို ၎င်းတို့ အပြည့်အဝ ကောင်းစွာ သိကြသည်- ‘ဤအရာကို ငါ ဆက်ထိန်းထားပြီး မည်သူကိုမျှ စိတ်အနှောင့်အယှက် မဖြစ်စေပါက၊ ငါသည် ခေါင်းဆောင်ကောင်းတစ်ဦးဖြစ်သည်ဟု ၎င်းတို့ ထင်ကြလိမ့်မည်။ ၎င်းတို့သည် ငါနှင့်သက်ဆိုင်၍ ကောင်းမွန်၊ မြင့်မားသည့် ထင်မြင်ချက်တစ်ခု ရှိကြလိမ့်မည်။ ငါ့ကို ၎င်းတို့ မျက်နှာသာပေးကာ နှစ်သက်ကြလိမ့်မည်။’ ဘုရားသခင်၏ အိမ်တော် အကျိုးစီးပွားများအား မည်မျှ ထိခိုက်နစ်နာစေသည်ဖြစ်စေ၊ ပြီးလျှင် ဘုရားသခင် ရွေးချယ်ထားသော လူများက ၎င်းတို့၏ အသက်ဝင်ရောက်မှုတွင် မည်မျှ ကြီးမားစွာ ကြန့်ကြာစေခြင်းခံရသည်ဖြစ်စေ၊ သို့မဟုတ် ၎င်းတို့၏ အသင်းတော် အသက်တာသည် မည်မျှ ကြီးမားစွာ နှောင့်ယှက်ခံရသည် ဖြစ်စေ၊ ထိုသို့သော လူများသည် မည်သည့် စိတ်အနှောင့်အယှက်မျှ မဖြစ်စေခြင်းနှင့်ဆိုင်သည့် ၎င်းတို့၏ ဆိုးယုတ်သော အတွေးအခေါ်တွင် ရှိမြဲရှိကြလေသည်။ ၎င်းတို့၏ စိတ်နှလုံးများထဲတွင် မည်သည့်အခါတွင်မျှ မိမိကိုယ်ကိုယ် အပြစ်တင်မှု အသိစိတ်တစ်ခု မရှိကြပေ။ အလွန်ဆုံးအနေဖြင့်၊ ၎င်းတို့သည် အလျဉ်းသင့်၍ အချို့ ပြဿနာများကို သာမန်ကာလျှံကာ ပြောဆိုမှုပြုကြပြီးနောက် ထိုအရာနှင့်ပတ်သက်၍ အဆုံးသတ်လိုက်ကြသည်။ ၎င်းတို့သည် လူတို့၏ အခြေအနေများကို စိတ်ဖြာလေ့လာဆွေးနွေးဖို့ မဆိုထားနှင့်၊ သမ္မာတရားကို မိတ်သဟာယ မပြုကြသကဲ့သို့ အခြားသူများ၏ ပြဿနာများနှင့်ဆိုင်သည့် အနှစ်သာရကိုလည်း ထောက်မပြကြချေ။ ၎င်းတို့သည် သမ္မာတရား၏ လက်တွေ့အရှိတရားထဲသို့ ဝင်ရောက်ဖို့ လူတို့ကို ဦးမဆောင်ကြသကဲ့သို့၊ ဘုရားသခင်၏ အလို မည်သည့်အရာဖြစ်သည်၊ သို့မဟုတ် လူတို့ မကြာခဏ ကျူးလွန်ကြသည့် အမှားများ သို့မဟုတ် လူတို့ ထုတ်ဖော်ပြကြသည့် ဖောက်ပြန်ပျက်စီးသော စိတ်သဘောထား အမျိုးအစားများကို မည်သည့်အခါတွင်မျှ ပြောဆိုဆွေးနွေးခြင်း မပြုကြချေ။ ဤလက်တွေ့ကျသော ပြဿနာများကို ၎င်းတို့ မဖြေရှင်းကြပေ။ ယင်းအစား၊ ၎င်းတို့သည် အခြားသူများ၏ အားနည်းချက်များနှင့် အပျက်သဘောဆောင်ခြင်း၊ ပြီးလျှင် ၎င်းတို့၏ အရေးမထားခြင်းနှင့် စိတ်မပါခြင်းတို့ကိုပင် အစဉ် လိုက်လျောကြလေသည်။ ဤလူများ၏ လုပ်ရပ်များနှင့် အပြုအမူများကို ယင်းတို့ အဘယ်အရာ ဖြစ်သည် ဆိုသည်အတွက် အမည်တပ်ခြင်းမရှိဘဲ အသက်ရှင် နေထိုင်ကြသည်ကို တစ်သမတ်တည်း ခွင့်ပြုကြပြီး၊ ၎င်းတို့ ထိုသို့ လုပ်ဆောင်ကြသောကြောင့် အတိအကျပင်၊ လူအများစုက ‘ငါတို့၏ ခေါင်းဆောင်သည် ငါတို့အဖို့ မိခင်တစ်ဦးကဲ့သို့ ဖြစ်သည်။ သူသည် ဘုရားသခင်ထက် ငါတို့၏ အားနည်းချက်များကို သာ၍ပင် သိနားလည်မှုရှိသည်။ ဘုရားသခင်၏ သတ်မှတ်ချက်များနှင့် လျော်ညီအောင်နေဖို့ ငါတို့၏ ဝိညာဉ်ရင့်ကျက်မှုက အလွန်သေးနုပ်ကောင်း သေးနုပ်နိုင်သော်လည်း၊ ငါတို့ ခေါင်းဆောင်၏ သတ်မှတ်ချက်များနှင့် လျော်ညီအောင် ငါတို့ နေနိုင်သည်မှာ လုံလောက်သည်။ သူသည် ငါတို့အတွက် ခေါင်းဆောင်ကောင်းတစ်ဦး ဖြစ်သည်။...’ ဟု တွေးလာကြလေသည်။ ထိုသို့သော အတွေးများကို လူတို့ သိုထားပါက- ၎င်းတို့သည် ၎င်းတို့၏ ခေါင်းဆောင်နှင့် ဤဆက်ဆံရေးမျိုး ရှိပြီး ၎င်းတို့နှင့် သက်ဆိုင်သည့် ထိုသို့သော ထင်မြင်ချက်တစ်ခု ရှိကာ၊ ၎င်းတို့၏ ခေါင်းဆောင်အပေါ် မှီခိုခြင်း၊ သဘောကျခြင်း၊ လေးစားခြင်းနှင့် ကြည်ညိုခြင်းတို့နှင့်ဆိုင်သည့် ထိုသို့သော ခံစားချက်များ ၎င်းတို့၏ စိတ်နှလုံးများထဲတွင် ဖြစ်ပေါ်ပြီးဖြစ်ပါက- ခေါင်းဆောင်သည် မည်သို့ ခံစားသင့်သနည်း။ ဤကိစ္စရပ်တွင်၊ ၎င်းတို့သည် မိမိတို့ကိုယ်ကိုယ် အပြစ်တင်မှု ခံစားရပြီး စိတ်နှလုံးတွင် ဝန်ထုပ်တစ်ခု သယ်ဆောင်ကာ၊ ဘုရားသခင်ကို အကြွေးတင်ရှိသည်ဟု ခံစားရပါက၊ ၎င်းတို့သည် အခြားသူတို့၏ စိတ်နှလုံးများထဲက ၎င်းတို့၏ အဆင့်အတန်း သို့မဟုတ် ပုံရိပ်အပေါ် အစွဲအလမ်းမကြီး သင့်ကြပေ။ ဘုရားသခင်က လူတို့၏ စိတ်နှလုံးများထဲတွင် နေရာတစ်ခု ရှိဖို့နှင့် ဘုရားသခင်ကို ကြီးမြတ်သောသူအဖြစ် လူတို့ ရိုသေလေးမြတ်ကြဖို့အလို့ငှာ၊ ၎င်းတို့သည် ဘုရားသခင်ကို သက်သေခံကာ သူ့ကို ချီးမြှောက်သင့်ကြပေသည်။ ထိုသို့ဖြင့်သာ ၎င်းတို့၏ စိတ်နှလုံးသည် အမှန်တကယ် ငြိမ်းချမ်းလိမ့်မည် ဖြစ်ပြီး ထိုသို့ လုပ်ဆောင်သူတစ်ဦးသည် သမ္မာတရားကို အားထုတ်သူတစ်ဦး ဖြစ်ပေသည်။ သို့သော် ဤသည်မှာ ၎င်းတို့ လုပ်ရပ်များနောက်ကွယ်က ရည်မှန်းချက် မဟုတ်သကဲ့သို့၊ ထိုအစား လူတို့ကို မှန်ကန်သော လမ်းခရီးမှ လွဲစေရန်နှင့် သမ္မာတရားကို စွန့်လွှတ်ရန် သွေးဆောင်ဖြားယောင်းဖို့ ဤနည်းစနစ်များနှင့် နည်းနိဿယများကို အသုံးပြုပြီး၊ လူတို့၏ စိတ်နှလုံးများတွင် နေရာတစ်ခုခု သိမ်းပိုက်ကာ ၎င်းတို့၏ နာမည်ကောင်းကို ရရှိဖို့ ရည်မှန်းချက်တစ်ခုဖြင့် ၎င်းတို့၏ တာဝန်များနှင့်ပတ်သက်၍ လူတို့၏ အရေးမထား၊ ဝတ်ကျေတမ်းကျေဖြစ်ပြီး တာဝန်မဲ့သော ထမ်းဆောင်ချက်ကို လိုက်လျောဖို့အထိ လုပ်ဆောင်ပါက၊ ဤသည်မှာ လူများကို မိမိဘက်ပါလာအောင် စည်းရုံးသိမ်းသွင်းဖို့ ကြိုးစားအားထုတ်မှု တစ်ခု မဟုတ်သလော။ ပြီးလျှင် ဤသည်မှာ ဆိုးယုတ်သည့်၊ မုန်းတီးစက်ဆုပ်ဖွယ် ကောင်းသော အရာတစ်ခု ဖြစ်သည် မဟုတ်လော။ ယင်းသည် စက်ဆုပ်စရာ ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၁)”) ဘုရားနှုတ်ကပတ်တော်က ဖွင့်ပြတဲ့အရာကို မြင်တော့ ကျွန်မရဲ့ ဆိုးယုတ်တဲ့ စိတ်သဘောထားကို အခြေခံပြီး ပြုမူတာဟာ သူတို့ကို ပိုင်ဆိုင်အောင်၊ ထိန်းချုပ်နိုင်အောင် ကြိုးစားဖို့အတွက် အခြေခံအားဖြင့် လူတွေကို လှည့်စားပြီး စည်းရုံးနေတာပဲ။ ဒါက ဘုရားသခင်နဲ့ ဆန့်ကျင်ဘက်ဖြစ်ပြီး အန္တိခရစ်တစ်ယောက်က ပြုမူတဲ့ပုံစံ အတိအကျပါပဲ။ ဒီလို တွေးမိပြီး ကျွန်မ မနေနိုင်ဘဲ ကြောက်လာခဲ့တယ်။ သူများတွေရဲ့ စိတ်နှလုံးမှာ ကျွန်မ ယူထားတဲ့ နေရာနဲ့ ခေါင်းဆောင်အနေနဲ့ အရွေးခံရဖို့ ကျွန်မရဲ့ အခွင့်အလမ်းကို ကာကွယ်ဖို့အတွက် ညီအစ်ကို မောင်နှမတွေရဲ့ တာဝန်တွေမှာ ပြဿနာတွေကို ကျွန်မ မြင်တဲ့အခါမှာ အဲဒီပြဿနာတွေကို ဖြေရှင်းဖို့အတွက် ကျွန်မ တစ်ခါမှ တိုက်ရိုက်ထောက်မပြခဲ့ဘူး။ သမ္မာတရားကို မိတ်သဟာယမဖွဲ့ခဲ့ဘူး။ အဲဒီအစား သူများတွေက ကျွန်မကို ကြိုက်နှစ်သက်ပြီး ကျွန်မက အလေးထားတတ်တယ်၊ ချစ်ခင်တတ်တယ်လို့ မြင်ဖို့အတွက် ကြားကောင်းတဲ့စကားတွေပဲ ပြောခဲ့တယ်။ ကျွန်မ ကိုယ်တိုင် သတိမထားမိလိုက်ဘဲ ကျွန်မက နောက်လိုက်တွေကို စုဆောင်းနေမိတယ်။ ကျွန်မ လှည့်စားခဲ့တဲ့လူတွေက သူတို့ရဲ့ ပြဿနာတွေကို မမြင်နိုင်၊ မပြုပြင်နိုင်ရုံတင်မကဘဲ သူတို့ရဲ့ အသက်ဝင်ရောက်မှုက ထိခိုက်ပျက်စီးပြီး ကျွန်မကို အထင်ကြီးလေးစား၊ ကိုးကွယ်တာတွေတောင် လုပ်တဲ့ အဖြစ်ကို ရောက်သွားခဲ့တယ်။ ကျွန်မက တော်တော်ဆိုးဝါးပြီး မုန်းတီးစရာကောင်းတာပဲ။ ညီအစ်ကို မောင်နှမတွေရဲ့ ဘဝတွေအပေါ် ကျွန်မ လုံးဝ အရေးမစိုက်မှု၊ သူတို့ရဲ့ ဖောက်ပြန်ပျက်စီးတဲ့ စိတ်သဘောထားတွေအပေါ် အမှီပြုပြီး သူတို့တာဝန်တွေကို ထမ်းဆောင်တဲ့အခါမှာ သူတို့ကို အလိုလိုက်မှုတွေက ကျွန်မတို့အလုပ်အပေါ်မှာ အပျက်သဘောဆောင်တဲ့ သက်ရောက်မှုတစ်ခု ရရှိခဲ့ပါတယ်။ ကျွန်မက စာတန်ရဲ့ လက်ပါးစေတစ်ယောက်အဖြစ် အပြည့်အဝ ပြုမူပြီး ဘုရားအိမ်တော်ရဲ့အလုပ်ကို နှောင့်ယှက်ခဲ့တယ်။ ယုတ်လျော့စေခဲ့ပါတယ်။ ဒီလို နားလည်တဲ့အခါမှာ ကျွန်မရဲ့ ဖောက်ပြန်ပျက်စီးမှုကို စိတ်နှလုံးအတွင်းထဲကနေကို မုန်းတီးလာခဲ့တယ်။ ဆုတောင်းပြီး နောင်တရဖို့အတွက် ဘုရားရှေ့ကို လာခဲ့ပါတယ်။ “ဘုရားသခင် ကျွန်မရဲ့ ဆိုးယုတ်တဲ့ စိတ်သဘောထားက ဘယ်လောက်ဆိုးတယ်ဆိုတာ၊ ကျွန်မက အန္တိခရစ်တစ်ယောက်ရဲ့ လမ်းကြောင်းကို လျှောက်နေတယ်ဆိုတာကို ကိုယ်တော့်နှုတ်ကပတ်တော်တွေက ကျွန်မကို မြင်စေခဲ့ပါတယ်။ ကျွန်မ နောင်တရပြီး ကျွန်မရဲ့ ပုဂ္ဂိုလ်ရေး ရည်ရွယ်ချက်တွေကို စွန့်လွှတ်ချင်ပါတယ်။ ကျွန်မရဲ့ဆိုးယုတ်တဲ့ စိတ်သဘောထားအတိုင်း ပြုမူတာတွေကို ရပ်ချင်ပါတယ်” ဆိုပြီး ပြောခဲ့တယ်။

ဆုတောင်းပြီးတော့ ဘုရားသခင်ရဲ့ ဒီ နှုတ်ကပတ်တော်တွေကို ကျွန်မ တွေးမိတယ်။ “‘ယေဟောဝါ ဘုရားသခင်က ဥယျာဉ်ထဲရှိသည့် ခပ်သိမ်းသောအပင်တို့ကို သင်သည် လွတ်လပ်စွာ စားသုံးနိုင်၏။ သို့သော် အကောင်း၊ အဆိုး သိကျွမ်းရာအပင်ကို သင်သည် မစားရ။ သင်စားသောနေ့တွင် ဧကန်မုချ သေရမည်ဟု လူကို အမိန့်ပေးတော်မူ၏။’...ဘုရားသခင်ပြောခဲ့သည့် ဤနှုတ်ကပတ်တော် အကျဉ်းချုပ်ထဲတွင် ဘုရားသခင်၏ စိတ်သဘောထားနှင့်သက်ဆိုင်သည့်အရာ တစ်ခုတလေကို သင်တွေ့နိုင်ပါသလော။ ဘုရားသခင်၏ ဤနှုတ်ကပတ်တော်များသည် မှန်ကန်ပါသလော။ လှည့်ဖြားမှု တစ်ခုတစ်လေ ရှိသလော။ မမှန်ကန်မှုတစ်ခုတစ်လေ ရှိသလော။ ခြိမ်းခြောက်မှု တစ်ခုတလေ ရှိပါ၏လော။ (မရှိပါ။) လူသားက မည်သည့်အရာစား၍ရသည်ဆိုသည်နှင့် မည်သည့်အရာကို စား၍မရဆိုသည်တို့ကို ဘုရားသခင်သည် ရိုးရိုးသားသား၊ မှန်မှန်ကန်ကန်၊ စိတ်ရင်းအမှန်နှင့် လူကို ပြောပြခဲ့သည်။ ဘုရားသခင်သည် ရှင်းရှင်းလင်းလင်းနှင့် ထင်ထင်ရှားရှား ပြောဆိုခဲ့သည်။ ဤနှုတ်ကပတ်တော်များထဲတွင် ဖုံးကွယ်ထားသည့် အဓိပ္ပာယ်တစ်ခုတလေ ရှိသလော။ ဤနှုတ်ကပတ်တော်များသည် တိကျပြတ်သားသည် မဟုတ်လော။ ထင်ကြေးပေးစရာ တစ်ခုတစ်လေ လိုအပ်သလော။ (မလိုအပ်ပါ။) မှန်းဆချက် မလိုပေ။ ၎င်းတို့၏ အဓိပ္ပာယ်သည် တစ်ချက်ကြည့်ရုံမျှဖြင့် သိသာပေသည်။ ၎င်းတို့ကို ဖတ်ရှုရာတွင်၊ ၎င်းတို့၏ အဓိပ္ပါယ်နှင့် ပတ်သက်၍ လုံးဝ ရှင်းလင်းပေသည်။ ဆိုလိုသည်မှာ၊ ဘုရားသခင် ပြောလိုသောအရာနှင့် သူဖော်ပြလိုသော အရာများသည် သူ၏ စိတ်နှလုံးမှ လာပေသည်။ ဘုရားသခင် ဖော်ပြသည့် အရာများသည် ရှင်းလင်း၏၊ ရိုးစင်းပြီး ပြတ်သားလေသည်။ ခိုးကြောင်ခိုးဝှက် ရည်ရွယ်ချက်များ မရှိသကဲ့သို့ ကွယ်ဝှက်ထားသော မည်သည့် အဓိပ္ပာယ်မျှလည်း မရှိပေ။ လူသားအနေဖြင့် မည်သည့်အရာကို စား၍ရသည်၊ မည်သည့်အရာကို စား၍မရဆိုသည်ကို ပြောပြရင်း သူသည် လူသားကို တိုက်ရိုက် ပြောဆိုခဲ့၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အတုမရှိ ဘုရားသခင်ကိုယ်တော်တိုင် (၄)”) ဒါကို ဖတ်ပြီး ဘုရားသခင်က ကျွန်မတို့နဲ့အတူ ဘယ်လောက် စစ်မှန်စွာ ရှိနေတယ်ဆိုတာကို ခံစားခဲ့ရတယ်။ ဘုရားသခင်က အာဒံကို အမိန့်ပေးခဲ့တုန်းက လူသားက ဘာကိုလုပ်ရမယ်ဆိုတာ ရှင်းရှင်းလင်းလင်း သိဖို့အတွက် ဘာကို စားနိုင်ပြီး ဘာကိုမစားရဘူးလဲဆိုတာကို ဘုရားသခင်က တော်တော်ကို ရှင်းရှင်းလင်းလင်း ပြောခဲ့တယ်။ ဘုရားနှုတ်ကပတ်တော်တွေထဲမှာ ရှုပ်ထွေးတာ၊ အထင်မှားစေတာ ဘာမှ မရှိဘူး။ မာယာများတာ၊ လှည့်စားတာ ဘာမှ မရှိဘူး။ ဘုရားသခင်က လူသားမျိုးနွယ်ကို အကောင်းဆုံး ဖြစ်စေချင်တာပါ။ သူက ကျွန်မတို့အတွက် အမှန်တကယ်ကို စဉ်းစားပေးနေတာ။ သူက လူသားကို လုံးဝ ရိုးရိုးသားသား ပြောတယ်။ ဘုရားသခင်ရဲ့ အနှစ်သာရဟာ ရိုးသားစစ်မှန်တယ်။ သန့်ရှင်းတယ်။ အကျိုးပြုတတ်တယ်။ ချစ်ခင်ဖွယ်ဖြစ်တယ်ဆိုတာ ကျွန်မ သိခဲ့ပါတယ်။ ကျွန်မတို့ရဲ့ ယုံကြည်မှုနဲ့ လေးစားကြည်ညိုမှုကို ရဖို့ ဘုရားသခင်က တကယ်ပဲ ထိုက်တန်ပါတယ်။ ဒါပေမဲ့ ကျွန်မကကျတော့ ညီအစ်ကို မောင်နှမတွေအပေါ် လုံးဝ ရိုးသားစစ်မှန်မှု မရှိခဲ့ဘူး။ ကျွန်မ ပြောသမျှ၊ လုပ်သမျှတိုင်းက ကျွန်မရဲ့ ပုဂ္ဂိုလ်ရေး ရည်ရွယ်ချက်တွေနဲ့ စွန်းထင်းနေခဲ့တာ။ ကျွန်မက လိမ်ညာမှု။ လှည့်စားမှုတွေနဲ့ ပြည့်နေခဲ့တယ်။ ကျွန်မက လူတွေကို လှည့်စားပြီး အသုံးပြုနေတာပါ။ နောက်ဆုံးကျတော့ ညီအစ်ကို မောင်နှမတွေကို ထိခိုက်နစ်နာစေခဲ့တယ်။ တော်တော်ဆိုးတဲ့ ကျွန်မ ပါပဲ။ ဒီလို စဉ်းစားမိပြီး တော်တော်ကို အပြစ်ရှိသလို ခံစားရပြီး နောင်တတွေနဲ့ ပြည့်နေခဲ့ပါတယ်။ အဲဒီနောက်မှာ အစ်မရှားနဲ့ အစ်မချန်းကို ထွက်ရှာခဲ့ပြီး ကျွန်မရဲ့ ဖောက်ပြန်ပျက်စီးတဲ့ စိတ်သဘောထားကို သူတို့ကို ဖွင့်ပြောခဲ့ပါတယ်။ သူတို့ရဲ့ တာဝန်တွေထဲမှာ ကျွန်မမြင်တဲ့ ပြဿနာတွေအကြောင်းကိုလည်း ပြောခဲ့တယ်။ သူတို့ ကျွန်မကို လုံးဝ အထင်မသေးကြဘဲ သူတို့ပြဿနာတွေကို ကျွန်မက တော်တော် ရှင်းရှင်းလင်းလင်း ထောက်ပြတာဟာ ဒါတွေကို သူတို့ အလေးအနက်ထားစေပြီး ဒီလိုမဟုတ်ရင် သူတို့ပြဿနာတွေက ဘယ်လောက်အရေးကြီးသလဲဆိုတာ သူတို့ သဘောပေါက်မှာမဟုတ်ဘူးဆိုပြီး ပြောခဲ့တယ်။ နောက်ကျရင် ပြဿနာတွေကို ကျွန်မ မြင်ရင် သူတို့ကို လွတ်လွတ်လပ်လပ် အသိပေးလို့ရတယ်လို့လည်း ပြောကြတယ်။ အဲဒီနောက်မှာ သူတို့တွေ နည်းနည်းပြောင်းလဲလာပြီး သူတို့တာဝန်တွေမှာ ပိုပြီးကောင်းအောင်လုပ်လာတာကို ကျွန်မ တွေ့ခဲ့ရတယ်။ အဲဒါနဲ့ ကျွန်မ တော်တော်ပျော်ခဲ့ရတယ်။

အဲဒီနောက်မှာ ကျွန်မ ဘုရားရှိခိုးဝတ်ပြုတဲ့အခါမှာ ဘုရားနှုတ်ကပတ်တော်တွေထဲမှာ ကျွန်မရဲ့ ဖောက်ပြန်ပျက်စီးတဲ့ စိတ်သဘောထားအတွက် ဖြေရှင်းချက်တွေ ရှာတဲ့နေရာမှာ အာရုံစိုက်ခဲ့ပါတယ်။ ဘုရားနှုတ်ကပတ်တော် သုံးလေးပိုဒ်ကို ဖတ်ပြတဲ့ ဗီဒီယိုတစ်ခုကို ကျွန်မ ကြည့်ခဲ့တယ်။ အနန္တတန်ခိုးရှင် ဘုရားသခင် ပြောသည်မှာ- “သင်သည် သင်၏တာဝန်ကို ယခု ထမ်းဆောင်သည် ဖြစ်စေ၊ စိတ်သဘောထားဆိုင်ရာ ပြောင်းလဲမှု အစဦးအဆင့်များကို လိုက်စားသည်ဖြစ်စေ၊ သင်သည် မည်သည့် ဖောက်ပြန်ပျက်စီးသော စိတ်သဘောထားများကို ထုတ်ဖော်ပြသည် ဖြစ်စေ- သင်သည် ယင်းတို့ကို ဖြေရှင်းဖို့ သမ္မာတရားကို ရှာဖွေရမည်။...ဥပမာအားဖြင့် သင်သည် သင့်ကိုယ်သင် သာယာဖွယ်စကားများဖြင့် အမြဲဖုံးကွယ်ဖို့ ကြိုးစားပါက၊ အခြားသူများ၏စိတ်နှလုံးများ၌ နေရာတစ်ခုယူပြီး အခြားသူများက သင့်ကို ကြည်ညိုဖို့ အမြဲ လိုအင်ဆန္ဒရှိပါက၊ သင်၌ ဤရည်ရွယ်ချက်များရှိပါက၊ ယင်းက သင်သည် သင်၏စိတ်သဘောထား၏ ထိန်းချုပ်ခြင်းကိုခံနေရသည်ဟု ဆိုလိုသည်။ သင်သည် ဤသာယာဖွယ် စကားများကို ပြောသင့်သလော။ (မပြောသင့်ပါ။) သင်သည် ယင်းတို့ကို မပြောပါက၊ ယင်းတို့ကို သင်ချုပ်တည်း ထားသလော။ သင်သည် ပါးနပ်သော စကား အထားအသိုတစ်ခု၊ အခြားသူများက သင်၏ ရည်ရွယ်ချက်များကို သတိမပြုမိနိုင်သည့် ကွဲပြားခြားနားသော စကားအထားအသိုတစ်ခုကို ရှာပါက၊ ဤသည်မှာ သင်၏စိတ်သဘောထား၌ ပြဿနာတစ်ခု ရှိသေးသည်။ မည်သည့် စိတ်သဘောထားနည်း။ မကောင်းမှုနှင့်သက်ဆိုင်သည့် စိတ်သဘောထားဖြစ်သည်။ ဖောက်ပြန်ပျက်စီးသော စိတ်သဘောထားများသည် ဖြေရှင်းဖို့ လွယ်ကူသလော။ ဤသည်မှာ တစ်စုံတစ်ဦး၏ သဘာဝအနှစ်သာရ ပါရှိသည်။ လူများ၌ ဤအနှစ်သာရ၊ ဤအရင်းအမြစ် ရှိပြီး ယင်းကို နည်းနည်းချင်း ရှာဖွေဖော်ထုတ်ရမည် ဖြစ်သည်။ ယင်းကို အခြေအနေတိုင်းမှ၊ သင်ပြောသည့် စကားလုံးတိုင်း၏ နောက်ကွယ်ရှိ ရည်ရွယ်ချက်များမှ ရှာဖွေဖော်ထုတ်ရမည်။ ယင်းကို သင်ပြောသည့် စကားများမှ စိစစ်ပြီး နားလည်သဘောပေါက်ရမည်။ ထိုသို့သော နားလည်သဘောပေါက်မှုသည် ယခင်ကထက် သာ၍ ရှင်းလင်းလာပြီး သင်၏ဝိညာဉ်သည် ယခင်ထက်သာ၍ ပါးနပ်ချက်ချာလာသောအခါ၊ သင်သည် ပြောင်းလဲမှုကို စွမ်းဆောင်ရရှိနိုင်ပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင့်ကိုယ်သင် သိရှိသည့်အခါမှသာ သမ္မာတရားကို သင်ရှာဖွေလိုက်စားနိုင်သည်”) “သင်ပြုသမျှအားလုံး၊ လုပ်ရပ်များအားလုံး၊ ရည်ရွယ်ချက် အားလုံးနှင့် တုံ့ပြန်မှုများအားလုံးကို ဘုရားသခင်ရှေ့သို့ ယူဆောင် လာရမည်။ သင်၏ နေ့စဉ် ဝိညာဉ်ရေးရာအသက်တာတွင်ပင်- သင်၏ ဆုတောင်းခြင်းများ၊ ဘုရားသခင်နှင့်နီးကပ်မှုများ၊ ဘုရားသခင်၏ နှုတ်ကပတ်တော်များကို စားသောက်ခြင်း၊ သင်၏ ညီအစ်ကိုမောင်နှမများနှင့် မိတ်သဟာယပြုခြင်း၊ ထို့ပြင် အသင်းတော်အတွင်းရှိ သင်၏အသက်တာနှင့် သင်၏ တွဲဖက်ဆောင်ရွက်၍ အစေခံခြင်းတို့ကို ဘုရားသခင်၏ စေ့စေ့စပ်စပ်စစ်ဆေးခြင်းကို ခံရန်အတွက် သူ၏ ရှေ့တော်သို့ ယူဆောင်လာနိုင်သည်။ သင့်အား ဘဝတွင် ရင့်ကျက်သူတစ်ဦး ဖြစ်လာစေရန် ကူညီမည့် အရာသည် ထိုကဲ့သို့သော လက်တွေ့လုပ်ဆောင်မှု ဖြစ်သည်။ ဘုရားသခင်၏ စေ့စေ့စပ်စပ်စစ်ဆေးခြင်းကို လက်ခံခြင်းဖြစ်စဉ်သည် သန့်စင်ခြင်းဖြစ်စဉ် ဖြစ်သည်။ ဘုရားသခင်၏ စေ့စေ့စပ်စပ် စစ်ဆေးခြင်းကို လက်ခံနိုင်လေလေ၊ သင်စင်ကြယ်ခြင်း ခံရလေလေ ဖြစ်ပြီး ဘုရားသခင်၏ အလိုတော်နှင့် ကိုက်ညီလေလေ ဖြစ်သဖြင့် ကာမဂုဏ်လွန်ကြူးခြင်းနှင့် အပျော်အပါးလိုက်စားခြင်း၏ ဆွဲဆောင်ခြင်းနောက် မလိုက်ဘဲ၊ သင်၏ စိတ်နှလုံးသည်လည်း ကိုယ်တော်၏မျက်မှောက်တွင် နေထိုင်ပေလိမ့်မည်။ ဘုရားသခင်၏ စေ့စေ့စပ်စပ် စစ်ဆေးခြင်းကို သင်လက်ခံလေလေ၊ စာတန် အရှက်ရလေလေဖြစ်ပြီး သင်သည် ဇာတိပကတိကို ပစ်ပယ်နိုင်လေလေ ဖြစ်သည်။ ထို့ကြောင့် ဘုရားသခင်၏ အကဲခတ်ခြင်းကို လက်ခံခြင်းသည် လူတို့ လက်တွေ့လုပ်ဆောင်ရမည့် လမ်းကြောင်းတစ်ခု ဖြစ်သည်။ မည်ကဲ့သို့သော အမှုအရာများကို သင်ပြုလုပ်နေပါစေ၊ သင်၏ညီအစ်ကိုမောင်နှမများနှင့် မိတ်သဟာယပြုသည့် အခါ၌ပင်လျှင်၊ သင်သည် သင်၏လုပ်ရပ်များကို ဘုရားသခင်ရှေ့သို့ ယူဆောင်လာ၍၊ ဘုရားသခင်၏ စေ့စေ့စပ်စပ် စစ်ဆေးခြင်းကို တောင်းခံကာ၊ ဘုရားသခင် ကိုယ်တော်တိုင်ကို နာခံရန် ရည်မှန်းနိုင်သည်၊ ယင်းသည် သင်လက်တွေ့လုပ်ဆောင်သည့် အရာကို ပိုမိုမှန်ကန်စေ ပေလိမ့်မည်။ သင်ဆောင်ရွက်သမျှကို ဘုရားသခင်ရှေ့သို့ ယူဆောင်လာ၍ ဘုရားသခင်၏ စေ့စေ့စပ်စပ် စစ်ဆေးခြင်းကို လက်ခံမှသာလျှင် သင်သည် ဘုရားသခင်၏ မျက်မှောက်တော်၌ အသက်ရှင်နေသူတစ်ဦး ဖြစ်နိုင်ပေလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်သည် သူ၏စိတ်တော်နှင့် ထိတွေ့သောသူတို့ကို စုံလင်စေသည်”) ဘုရားသခင်ရဲ့ နှုတ်ကပတ်တော်တွေကို ကျွန်မ ဆင်ခြင်စဉ်းစားကြည့်တဲ့အခါမှာ ပြဿနာတစ်ခုကို ရင်ဆိုင်ရတဲ့အခါ ကျွန်မကိုယ်တိုင်ရဲ့ အတွေးတွေကို သေချာ ကြည့်ရှုစစ်ဆေးရမယ်၊ ကျွန်မရဲ့ စကားတွေ၊ လုပ်ရပ်တွေရဲ့နောက်ကွယ်က ရည်ရွယ်ချက်ကို ဆင်ခြင်သုံးသပ်ရမယ်၊ ကျွန်မရဲ့ စကားနဲ့ လုပ်ရပ်တွေကို ဘုရားရှေ့ကို ယူလာပြီး ဘုရားသခင်ရဲ့ စိစစ်ခြင်းကို လက်ခံရမယ်၊ ကျွန်မက ဆိုးယုတ်တဲ့ စိတ်သဘောထားကို ထုတ်ဖော်နေတာကို ကိုယ့်ဘာသာသိတဲ့အခါမှာ ကိုယ့်ကိုယ်ကိုယ် ပိုင်းခြားစိစစ်ပြီး သိရမယ်၊ နှောင့်နှေးခြင်းမရှိဘဲ ဆုတောင်းပြီး ကိုယ့်ကိုယ်ကိုယ် စွန့်လွှတ်ရမယ်ဆိုတာကို ရှင်းရှင်းလင်းလင်း သိလာခဲ့ပါတယ်။ ဒါဆိုရင် ကျွန်မရဲ့ ဆိုးယုတ်တဲ့ စိတ်သဘောထားအတိုင်း ပြုမူနိုင်ခြေ နည်းသွားပြီး ကျွန်မရဲ့ အဲဒီ ဖောက်ပြန်ပျက်စီးတဲ့ အပိုင်းက တဖြည်းဖြည်းချင်း သန့်စင်သွားမယ်။

နောက်ပိုင်းမှာ အားနည်းတဲ့ ပုံစံရှိပြီး ဘာဆင်းရဲဒုက္ခကိုမှ မကြုံချင်တဲ့ အစ်မတစ်ယောက်ကို ကျွန်မ သတိထားမိတယ်။ သူ့ရဲ့ ဧဝံဂေလိအလုပ်မှာ ပြဿနာတွေကို သူ မထင်မှတ်ဘဲ ကြုံရတိုင်း နောက်ပြန်လှည့်တယ်။ သူက သူ့တာဝန်မှာ တာဝန်ခံယူမှုမရှိဘူး၊ အခြေအနေတွေကို ပြောင်းလဲဖို့ ကျွန်မ သူနဲ့ ချက်ချင်း မိတ်သဟာယဖွဲ့ဖို့လိုတယ်လို့ ကျွန်မ စိတ်ထဲမှာ တွေးမိတယ်။ ဒါပေမဲ့ ကျွန်မ ပြဿနာက မထင်မှတ်ဘဲ ပေါ်လာပြန်တယ်။ သူ့ပြဿနာကို ကျွန်မက ထုတ်ပြောရင် ကျွန်မက ကြမ်းလွန်းတယ်လို့ သူက ထင်နိုင်တယ်၊ ကျွန်မအပေါ် အတိုက်အခံလုပ်ပြီး ဆန့်ကျင်နိုင်တယ်ဆိုပြီး ကျွန်မ တွေးမိတယ်။ သူ လက်ခံနိုင်စရာဖြစ်ပြီး ကျွန်မကို အကောင်းမမြင်တာမျိုး မဖြစ်အောင်လို့ ဘယ်လို အကွက်ဆင်ရမလဲ တွေးတောမိတယ်။ ဒီလို စဉ်းစားမိတော့ ကျွန်မက ညီအစ်ကို မောင်နှမတွေကြားမှာ ကျွန်မရဲ့ ဂုဏ်အဆင့်အတန်းနဲ့ ပုံရိပ်ကို ထပ်ပြီး ကာကွယ်နေပြန်ပြီဆိုတာကို သတိပြုမိခဲ့တယ်။ ကျွန်မ စိတ်နှလုံးထဲကနေ ဘုရားသခင်ကို ဒီလို ဆုတောင်းခဲ့ပါတယ်။ “ဘုရားသခင် ကိုယ်တော်ရဲ့ စိစစ်မှုကို လက်ခံပြီး ကျွန်မရဲ့ ပုဂ္ဂိုလ်ရေး ရည်ရွယ်ချက်တွေကို စွန့်လွှတ်ဖို့ အသင့်ရှိပါတယ်။ ကျွန်မရဲ့ အစ်မကို ကူညီပြီး ကျွန်မ တာဝန်ကို ထမ်းဆောင်ဖို့အတွက် သမ္မာတရားကို မိတ်သဟာယဖွဲ့ချင်ပါတယ်။” ဆိုပြီးတော့။ အဲဒီနောက်မှာ သူ့ရဲ့ ပြဿနာကို ခွဲခြမ်းစိစစ်ရင်းနဲ့ ဒီအစ်မနဲ့ မိတ်သဟာယ ဝေမျှခဲ့ပါတယ်။ ဒါကို လက်တွေ့လုပ်ဆောင်ပြီးတဲ့နောက်မှာ ကျွန်မ စိတ်အတွင်းထဲမှာ ငြိမ်းချမ်းမှုတွေ အများကြီး ရခဲ့တယ်။ အခုဆိုရင် ကျွန်မရဲ့ ဆိုးယုတ်တဲ့ စိတ်သဘောထားအပေါ် ထိုးထွင်းသိမြင်မှု နည်းနည်းရှိခဲ့ပါတယ်။ ပြဿနာတစ်ခုကို ကြုံရတဲ့အခါမှာ သမ္မာတရားကို ကျွန်မ သတိရှိရှိနဲ့ ရှာဖွေပြီး ကျွန်မရဲ့ တစ်ကိုယ်ကောင်းဆန်တဲ့ ရည်ရွယ်ချက်တွေကို စွန့်လွှတ်ပါတယ်။ ဘုရားသခင်ရဲ့ နှုတ်ကပတ်တော်တွေကို အခြေခံပြီး ကျွန်မ ပြုမူနိုင်ပါတယ်။ ကျွန်မ အတိုင်းအတာတစ်ခုအထိ ပြောင်းလဲအောင် လုပ်နိုင်ခဲ့တာက ဘုရားနှုတ်ကပတ်တော်တွေရဲ့ တရားစီရင်မှုကတစ်ဆင့်သာ အောင်မြင်ရရှိခဲ့တာပါ။ ဘုရားသခင်ရဲ့ ကယ်တင်ခြင်းအတွက် ကျွန်မ အရမ်းကျေးဇူးတင်တယ်။

အရှေ့သို့- ၄၉။ ဝမ်းမြောက်ဖွယ်ရာ နေထိုင်နည်းတစ်ခု

နောက်တစ်ခုသို့- ၅၁။ လူတွေပျော်စေတဲ့သူဖြစ်ရခြင်းရဲ့ အမှန်တရားကို ကျွန်တော်သိမြင်ခဲ့ပါပြီ။

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်