၅၁။ လူတွေပျော်စေတဲ့သူဖြစ်ရခြင်းရဲ့ အမှန်တရားကို ကျွန်တော်သိမြင်ခဲ့ပါပြီ။

တရုတ်နိုင်ငံ ဟူပေ စီရင်စု၊ နူလိ

မှတ်မိပါသေးတယ်၊ ကျွန်တော် ယုံကြည်မှုရပြီးတဲ့နောက် သိပ်မကြာခင်မှာပဲ ကျွန်တော်တို့ တွေ့ဆုံပွဲတွေရဲ့ တာဝန်ခံတစ်ယောက်ဖြစ်တဲ့ အစ်ကိုကျန်းက၊ အမြဲတမ်း စကားပြောရင် သိမ်မွေ့ပြီး၊ သူ့ရဲ့ ဘုရားနှုတ်ကပတ်တော်တွေနဲ့ မိတ်သဟာယဖွဲ့တာတွေက အလင်းရစေတာ သတိထားခဲ့မိပါတယ်။ ကျွန်တော်တစ်ခုခုဖြစ်တိုင်း ဒါမှမဟုတ် အခက်အခဲတစ်ခုကြုံတိုင်း သူ ကျွန်တော့်ကိုကူညီပေးတာကို ကြည့်ရတာ သဘောကျပါတယ်၊ ပြီးတော့ သူက ကျွန်တော်နဲ့ မိတ်သဟာယဖွဲ့တဲ့အချိန်မှာ အမြဲတမ်း တကယ်ကို စိတ်ရှည်ခဲ့ပါတယ်။ ကျွန်တော်တို့ တော်တော်ကို အဆင်ပြေခဲ့ကြတယ်။ နောက်နှစ်အနည်းငယ်လောက်ကြာတော့၊ ကျွန်တော်တို့နှစ်ယောက်လုံး အသင်းတော် ခေါင်းဆောင်အဖြစ် အရွေးခံခဲ့ရပြီးတော့၊ ကျွန်တော်လည်း သူနဲ့အတူ တာဝန်လုပ်ဆောင်ခွင့်ရမယ့်အခွင့်အရေးကို ပျော်ရွှင်နေမိခဲ့ပါတယ်။ ဒါပေမဲ့ သိပ်မကြာခင်မှာပဲ ကျွန်တော်သတိထားမိလိုက်တာက၊ အစ်ကိုကျန်းက တကယ်တမ်း တာဝန်ကို တကယ်ထမ်းဆောင်ခဲ့တာ မဟုတ်ဘဲနဲ့ ညီအစ်ကိုမောင်နှမတွေ အဆိုးဘက်ရောက်ပြီး အားနည်းနေတဲ့အချိန်ဆိုရင်၊ သူက ဟန်ဆောင်ပန်ဆောင်နဲ့ ရိုးရှင်းတဲ့ မိတ်သဟာယမျိုးကိုပဲ မျှဝေခဲ့တယ်လေ။ တစ်ခုခု အကျိုးရှိ၊ မရှိ ကို သူတကယ်ဂရုမစိုက်ခဲ့ပါဘူး။ ကျွန်တော်တွေးမိတာပေါ့ “သူက တာဝန်မှာ တကယ်ဂရုမစိုက်တာပဲ မဟုတ်လား။ ဒါက သေချာပေါက် ညီအစ်ကိုမောင်နှမတွေရဲ့ အသက်ဝင်ရောက်မှုကို နှောင့်နှေးစေလိမ့်မယ်။ ငါသူနဲ့ မိတ်သဟာယဖွဲ့မှရတော့မယ်။ ဒါပေမဲ့လည်း ပြီးတော့၊ သူက ငါ့ထက်တာဝန်ကိုထမ်းဆောင်တာ အချိန်ပိုကြာခဲ့ပြီးတော့ သူက ဒီအလုပ်မှာ အတွေ့အကြုံအချို့ ရှိပြီးသားလေ။ ငါက အခုမှ ခေါင်းဆောင်အဖြစ် တာဝန်လုပ်ဆောင်တာ။ ငါကသာ သူ့ကို တာဝန်မှာ သေချာမဆောင်ရွက်ပါဘူးလို့ ပြောရင်၊ သူငါ့ကိုဘယ်လိုထင်သွားမလဲ” ပေါ့လေ။ လူတွေပြောကြသလိုပေါ့ “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” တဲ့လေ။ ဒါကြောင့် ကျွန်တော်တို့ဆက်ဆံရေး တည်မြဲဖို့အတွက် ကျွန်တော်သူ့ကိုဒီအတိုင်း စကားပြောခဲ့ပြီးတော့ သူ့ပြဿနာတွေကို လျှော့ပြောခဲ့တာပေါ့။

ကျွန်တော်တို့ တွေ့ဆုံပွဲတစ်ခုမှာတော့၊ ညီအစ်ကိုမောင်နှမတချို့က သူတို့ ဧဝံဂေလိတရား ဟောတဲ့အခါ ကြုံရတဲ့ အခက်အခဲတွေကို ပြောပြပြီးတော့၊ ကျွန်တော်တို့ကို အဲဒီကိစ္စကို ကူညီပေးနိုင်မယ်လို့ မျှော်လင့်ခဲ့ကြတာပေါ့။ ကျွန်တော်တို့ အတူတူလုပ်ဖို့ အစ်ကိုကျန်းကို ပြောခဲ့ပေမယ့်၊ သူက ဧဝံဂေလိတရားဟောတာက သူမကျွမ်းကျင်လို့ မသွားချင်ဘူးဆိုတဲ့ ဆင်ခြေမျိုး ပေးလာပါတယ်။ ကျွန်တော်ကလည်း ညီအစ်ကိုမောင်နှမတွေ တာဝန်မှာ အခက်အခဲကြုံနေရမှတော့၊ ကျွန်တော်တို့လည်း အစွမ်းရှိသလောက် အားလုံးလုပ်ပေးသင့်ပြီးတော့ တာဝန်ကို ထမ်းဆောင်ရာမှာ ကိုယ်ကျွမ်းကျင်ရာကို အခြေခံပြီး လုပ်လို့မရဘူးလို့ပြောပြီး၊ သူနဲ့ မိတ်သဟာယဖွဲ့ခဲ့ပါတယ်။ သူက ဘာမှပြန်မပြောတော့ ကျွန်တော်လည်း ဒါက သူဝန်ခံသဘောတူတာပဲလို့ ထင်ခဲ့မိတာပေါ့။ အံ့ဩစရာကောင်းလောက်အောင်ပဲ နောက်နေ့ကျတော့ သူပေါ်တောင်မလာတော့ဘူးလေ။ ကျွန်တော်လည်း သူ့ရဲ့ တာဝန်မသိမှု၊ အသင်းတော်ခေါင်းဆောင်အနေနဲ့ ညီအစ်ကိုမောင်နှမတွေရဲ့ ပြဿနာတွေကို ကူညီဖို့မကြိုးစားဘူးဆိုပြီးတော့ သူ့ကို နည်းနည်းတော့ စိတ်ပျက်သွားခဲ့ပါတယ်။ ကျွန်တော် သူနဲ့ အဲဒီကိစ္စ ပြောဖို့လိုပြီဆိုတာ သိခဲ့ပါတယ်။

ကျွန်တော်လည်း တွေ့ဆုံပွဲပြီးတော့ ချက်ချင်းပဲ အစ်ကိုကျန်းဆီ စကားပြောဖို့ သွားခဲ့ပြီးတော့၊ လမ်းတစ်လျှောက်လုံး သူနဲ့ ဘယ်လိုမိတ်သဟာယဖွဲ့မလဲဆိုတာပဲ စဉ်းစားနေခဲ့မိတယ်။ ဒါပေမဲ့လည်း ကျွန်တော်သူ့အိမ်ရောက်တော့ သူက အရမ်းနွေးထွေးပြီး ဖော်ရွေနေတော့၊ ကျွန်တော်လည်း နည်းနည်းတော့ စပြီးသွေးအေးသွားတော့တာပေါ့။ ကျွန်တော်တွေးမိတယ်၊ “အစ်ကိုကျန်းက ပြုံးရွှင်ပြီး ငါ့ကိုတောင် လက်ဖက်ရည်တိုက်နေတာပဲ။ ငါသူ့ကို ဘယ်လိုလုပ် ဒီစကားပြောရက်မှာလဲ။ သူက အလုပ်မှာ တာဝန်မသိဘဲ၊ သူလည်း အန္တရာယ်များတဲ့ အနေအထားဖြစ်နေပြီလို့ ပြောလိုက်ရင် သူ့အတွက် တကယ့်ကို အရှက်ကွဲစရာများဖြစ်နေမလား လူတွေပြောသလိုမျိုး ပြုံးနေတဲ့သူကို လက်ထောင်ပြီး မဆန့်ကျင်ပါနဲ့ ဆိုတာမျိုး။ ငါတို့ အမြဲတမ်း သင့်မြတ်နေခဲ့ကြတယ်။ ငါတို့ ဆက်ဆံရေးကို ဖျက်ဆီးမိလိုက်ရင် ငါတို့ဘယ်လိုလုပ် အလုပ်အတူဆက်လုပ်လို့ရမလဲ။ တစ်ချိန်လုံး တွေ့နေမြင်နေရမှတော့ အဲဒီလိုဆို တကယ့်ကြောင်တောင်တောင်ကြီး ဖြစ်သွားမှာ” ဆိုပြီးတော့လေ။ ဒါကြောင့် သူ့ကို ညင်ညင်သာသာပဲပြောခဲ့ပါတယ်။ “ကျွန်တော်တို့ တာဝန်မှာ ပြဿနာတွေနဲ့ ပတ်သက်ပြီး အမြင်တွေ တိုးတက်ဖို့လိုနေပြီနော်။ ကျွန်တော်တို့ရဲ့ တစ်ကိုယ်ရည်စိတ်ဆန္ဒကို အခြေခံပြီးတော့ လုပ်လို့မရဘူး” လို့လေ။ သူခေါင်းငိုက်စိုက်ပြီး ဘာတစ်ခုမှ မပြောတဲ့အခါကျတော့ ကျွန်တော် ဆက်ပြောဖို့ စိတ်မကောင်းဖြစ်ခဲ့ရတယ်။ ကျွန်တော်အသင်းတော်ခေါင်းဆောင်အဖြစ် စလုပ်ဖြစ်တာ သိပ်မကြာသေးဘူးဆိုတာနဲ့၊ အသင်းတော်အလုပ်ကို ကောင်းကောင်းမသိသေးဘူးဆိုတာကို တွေးမိလိုက်တယ်။ ကျွန်တော် သူ့အကူအညီလိုတဲ့ ကိစ္စတွေ အများကြီးရှိသေးပြီးတော့၊ ရှေးစကားတစ်ခုလိုပေါ့ “လူတစ်ယောက်ရဲ့ တံတားကို မီးမရှို့မိစေနဲ့” ဆိုတာမျိုး၊ ကျွန်တော် သူ့အပေါ် အရမ်းကြမ်းကြမ်းတမ်းတမ်း ပြောလို့မဖြစ်ဘူးလို့ ခံစားခဲ့ရတော့၊ ဘာမှထပ်မပြောဖြစ်ခဲ့ဘူး။

နောက်တော့ ကျွန်တော်တို့ရဲ့ခေါင်းဆောင်တွေဆီက တွေ့ဆုံပွဲတစ်ခုနဲ့ ပတ်သက်ပြီး အသိပေးစာတစ်စောင်ရောက်လာပြီးတော့၊ အစ်ကိုကျန်းနဲ့ ကျွန်တော်လည်း ညီအစ်ကိုမောင်နှမတိုင်းကို အသိပေးဖို့ ဆုံးဖြတ်ခဲ့ကြပါတယ်။ နောက်နေ့ သူနဲ့တွေ့တော့ သူ့ကို လိုက်ပြောပြီးပြီလားလို့မေးတော့၊ လုံး၀ကို အပူအပင်မရှိ သူပြောခဲ့တာက သူက တခြားကိစ္စတွေနဲ့ အလုပ်ရှုပ်နေလို့ မေ့သွားခဲ့တယ်တဲ့လေ။ သူ အဲဒီလိုစိတ်မဝင်စားတဲ့ပုံကိုမြင်ရတော့ သူ့ကိုဝေဖန်ရုံကလွဲပြီး မတတ်နိုင်ခဲ့ပါဘူး။ ကျွန်တော်ပြောခဲ့ပါတယ် “ခင်ဗျားအလုပ်ကို ဒီလိုလုပ်နေတာက တာဝန်မဲ့ရာကျပြီးတော့ အသင်းတော်ရဲ့အလုပ်ကို နှောင့်နှေးစေနိုင်တယ်” ဆိုပြီးတော့လေ။ သူ့မျက်နှာမှာ ဒေါသထွက်သွားတာကိုမြင်လိုက်ရပြီးတော့၊ သော့ကိုယူပြီး ဒီအတိုင်းထွက်သွားတော့ ကျွန်တော် အံ့ဩခဲ့ရတယ်။ သူသဘောမကျတဲ့ပုံကိုတွေ့လိုက်ရတော့ ဘာမှမဆက်မပြောရဲခဲ့ပါဘူး။ ဆက်ဆံရေး လုံး၀ ပျက်စီးသွားမှာ စိုးရိမ်လို့ပါ။

အစ်ကိုကျန်းက အလုပ်ကို တစ်ခုမှမလုပ်တာတွေ၊ ဂရုမစိုက်ဘဲ တစ်ခါတလေ နှောင့်နှေးစေခဲ့တာတွေနဲ့၊ ပြဿနာကြုံတိုင်း သူ့အကြောင်းသူမသိတာတွေကို တွေ့ခဲ့ရပါတယ်။ သူများတွေက သူ့ပြဿနာကို ထောက်ပြ မိတ်သဟာယ ဖွဲ့ပြတဲ့အခါ လက်မခံခဲ့ဘူးလေ။ အဲဒါတွေအားလုံးက သမ္မာတရားကို လက်မခံနိုင်တဲ့ ဒါမှမဟုတ် လက်တွေ့လုပ်ဆောင်မှုမရှိတဲ့ မှားယွင်းတဲ့ခေါင်းဆောင်ဖြစ်နေပြီဆိုတာတွေကို ပြနေတာပဲ မဟုတ်ဘူးလား။ သူသာ ခေါင်းဆောင်အဖြစ်ဆက်လုပ်နေမယ်ဆိုရင် အဲဒါက အသင်းတော်ရဲ့ အလုပ်ကို နှောင့်နှေးစေမှာပါ။ ခေါင်းဆောင်တွေကို သူ့ပြဿနာတွေနဲ့ ပတ်သက်ပြီး သိအောင်ပြောပြသင့်တယ်ဆိုတာ သိခဲ့ပါတယ်။ ဒါပေမဲ့နောက်တော့ ခေါင်းဆောင်တွေက အားလုံးကို သိသွားတဲ့အခါ သေချာပေါက် သူ့ကို၊ ပြုပြင်ပြီး ကိုင်တွယ်ဖြေရှင်းပြီးတော့ သူ့ရာထူးကိုလည်း ဆုံးရှုံးရနိုင်တာကို တွေးမိခဲ့ပါတယ်။ တိုင်တဲ့သူက ကျွန်တော်ဆိုတာကို အစ်ကိုကျန်းသာ သိသွားခဲ့ရင်၊ ကျွန်တော့်ကို နှလုံးသားမရှိတဲ့ သူငယ်ချင်းအရင်းကြီးကို သစ္စာဖောက်တဲ့လူလို့ ပြောမှာပါပဲ။ အဲဒီနောက်ပိုင်း သူ့ကိုဘယ်လိုမျက်နှာချင်းဆိုင်ရမလဲ။ အဲဒီအတွေးကပဲ ကျွန်တော်ဘာလုပ်ရမလဲဆိုတာကို မသေမချာဖြစ်စေခဲ့ပါတယ်။ တော်တော်များများ တွေးပြီးတဲ့နောက်ဆုံးမှာတော့ သူ့ကိုတိုင်ဖို့ကိစ္စကို ခဏနောက်ဆုတ်ထားဖို့ ဆုံးဖြတ်ခဲ့ပါတယ်။ သူ့ပြဿနာတွေကို ပြောပြလိုက်မယ်၊ ဒါဆို သူလည်း ပြန်သုံးသပ်ပြီး သူ့ပြဿနာတွေကို နားလည်ပြီးတော့ နောင်တရသွားမယ်ပေါ့။ သူက ယုံကြည်သူဖြစ်လာတာ နှစ်ပေါင်းများစွာကြာခဲ့ပြီးတော့ သူလည်း အရင်က အလုပ်မှာ တကယ့်ကို တာဝန်သိခဲ့တာပဲလေ။ ဒါကြောင့် ရက်ပိုင်းလောက် သေချာစောင့်ကြည့်ဖို့ ဆုံးဖြတ်ခဲ့ပြီးတော့ သူမပြောင်းလဲသေးဘူးဆိုရင်တော့ တိုင်လိုက်လို့ရပြီလေ။

နောက်တော့ ကျွန်တော်တို့ဆီမှာ လူသားဆန်မှုကောင်းကောင်းနဲ့ နောက်ဆုံးသောကာလ ဘုရားအမှုတော်ကို စိတ်ဝင်စားရှာဖွေနေတဲ့ လူတစ်ယောက် ရှိလာခဲ့တယ်၊ ဒါပေမဲ့လည်း သူကရက်ပိုင်းလောက်အထိ အလုပ်ကိစ္စနဲ့ မြို့အပြင်သွားစရာရှိနေတယ်လေ။ ကျွန်တော်တို့ တတ်နိုင်သမျှ အမြန်ဆုံး သူ့ကို ဧဝံဂေလိတရားဟောဖို့လူ ရှာဖို့လိုခဲ့ပါတယ်။ ဆွေးနွေးခဲ့ပြီးတဲ့နောက်မှာတော့ အစ်ကိုကျန်းကိုသွားခိုင်းဖို့ ဆုံးဖြတ်ခဲ့ပါတယ်။ မမျှော်လင့်စွာနဲ့ပဲ၊ သူက အချိန်ကိုက်လွဲပြီး သွားရမယ့်နေ့မှာ မသွားခဲ့ဘူးလေ။ ကျွန်တော် ဒီကိစ္စသိသွားတော့ တကယ်စိတ်ဆိုးခဲ့ပါတယ်။ သူ့ကို အကြိမ်များစွာ သတိပေးခဲ့ပေမယ့် သူမပြောင်းလဲခဲ့ဘူး၊ ပြီးတော့ အဲဒီအချိန်က သူအရေးကြီးကိစ္စတစ်ခုကို တကယ်တလွဲလုပ်ပစ်တဲ့ အချိန်ပေါ့။ ကျွန်တော့်ဆီမှာဖြစ်လာခဲ့တာလေ၊ အစ်ကိုကျန်းက တာဝန်ကို အချိန်တစ်ခုအထိ လျော့တိလျော့ရဲ လုပ်ခဲ့ပြီးတော့ တာဝန်သိစိတ်မရှိခဲ့ပေမယ့်၊ ကျွန်တော်က ဆက်ဆံရေးနဲ့ ချည်နှောင်ထားခံခဲ့ရတာလေ။ သူစိတ်ဆိုးအောင်လုပ်မိမှာ စိုးရိမ်မိလို့၊ သူ့ပြဿနာတွေအကြောင်း ခေါင်းဆောင်တွေကို မပြောခဲ့ရဘူးပေါ့။ အဲဒါကပဲ အသင်းတော်ရဲ့ အမှုတော်ကို တစ်ကြိမ်ပြီးတစ်ကြိမ် နှောင့်နှေးစေခဲ့ပါတယ်။ ကျွန်တော်က ဆိုးယုတ်မှုကိုလုပ်နေမိတာ မဟုတ်ဘူးလား။ ကျွန်တော် အဲဒီအတွေးနဲ့ စိတ်ပျက်ပြီး နောင်တတွေအပြည့်နဲ့ ဖြစ်နေခဲ့ရပါတယ်။

အဲဒီညနေမှာပဲ၊ ကျွန်တော် ဘုရားကိုဆုတောင်းပြီး ကျွန်တော့်ပြဿနာကို နားလည်အောင် လမ်းညွှန်ပေးဖို့ တောင်းဆိုခဲ့ပါတယ်။ နောက်တော့ ဘုရားနှုတ်ကပတ်တော်ထဲက ဒါလေးကို ဖတ်ခဲ့ပါတယ်။ အနန္တတန်ခိုးရှင် ဘုရားသခင် ပြောသည်မှာ- “လူအများစုသည် သမ္မာတရားကို လိုက်စားပြီး လက်တွေ့လုပ်ဆောင်ရန် ဆန္ဒရှိကြသော်လည်း၊ များသောအားဖြင့် ၎င်းတို့သည် ထိုသို့ လုပ်ဆောင်ရန် ဆုံးဖြတ်ချက်နှင့် စိတ်ဆန္ဒ ရှိရုံမျှရှိကြလေသည်။ ၎င်းတို့အတွင်းတွင် သမ္မာတရားနှင့်ဆိုင်သော အသက် မပိုင်ဆိုင်ကြ။ အကျိုးဆက်အနေဖြင့်၊ ဆိုးယုတ်သော အင်အားစုများကို ၎င်းတို့ အမှတ်မထင်တွေ့ရသည့်အခါ သို့မဟုတ် ကောက်ကျစ်စဉ်းလဲပြီး ဆိုးသွမ်းသော လူတို့က ဒုစရိုက်မှုများ ကျူးလွန်နေသည် သို့မဟုတ် ခေါင်းဆောင် အတုအယောင်များနှင့် အန္တိခရစ်တို့က အခြေခံသဘောတရားများကို ချိုးဖောက်သည့် နည်းလမ်းဖြင့် အမှုအရာများ လုပ်ဆောင်နေကြ၍ ထိုသို့ဖြင့် ဘုရားသခင်၏အိမ်တော်၏ အမှုကို ဆုံးရှုံးမှုများဖြစ်စေပြီး ဘုရားသခင်ရွေးကောက်ထားသူတို့ကို အန္တရာယ်ဖြစ်စေသည်ကို ကြုံရသည့်အခါ၊ ၎င်းတို့သည် ထရပ်ပြီး ထုတ်ပြောဖို့သတ္တိ မရှိတော့ပေ။ သင်တို့ သတ္တိမရှိသည့်အချိန်ဆိုသည်မှာ မည်သည့်အရာကို ဆိုလိုသနည်း။ သင်တို့ ကြောက်တတ်သည် သို့မဟုတ် စိတ်ထဲရှိသမျှ မဖော်ပြတတ်ဟု ဆိုလိုသလော။ သို့မဟုတ် သင်က စေ့စေ့စပ်စပ် နားလည်ခြင်းမရှိသောကြောင့် ဖြစ်သလော။ ဤအရာများထဲမှ မည်သည့်အရာမျှ မဟုတ်ပေ။ ယင်းမှာ သင်သည် ဖောက်ပြန်ပျက်စီးသော စိတ်သဘောထား အမျိုးအစား အချို့၏ ထိန်းချုပ်ခြင်းကို ခံရနေခြင်း ဖြစ်သည်။ ဤစိတ်သဘောထားများထဲမှ တစ်ခုမှာ ကလိမ်ကကျစ်အပြုအမူ ဖြစ်သည်။ သင်က၊ ‘ကျွန်ုပ် ထုတ်ပြောလိုက်လျှင်၊ ကျွန်ုပ်ကို မည်သို့ အကျိုးပြုမည်နည်း။ ကျွန်ုပ် ထုတ်ပြောလိုက်ပြီး တစ်စုံတစ်ဦးကို သဘောမကျဖြစ်စေပါက၊ အနာဂတ်တွင် ကျွန်ုပ်တို့ မည်သို့ အဆင်ပြေမည်နည်း’ ဟု တွေးရင်း၊ သင့်ကိုယ်သင် ဦးစွာပထမ စဉ်းစားလေသည်။ ဤသည်မှာ ကလိမ်ကကျစ် စိတ်နေစိတ်ထားဖြစ်၏၊ မှန်သည်လော။ ဤသည်မှာ ကလိမ်ကကျစ် စိတ်သဘောထား၏ အကျိုးဆက်မဟုတ်လော။ နောက်ထပ်တစ်ခုမှာ တစ်ကိုယ်ကောင်းဆန်ပြီး ခက်ထန်သော စိတ်သဘောထားတစ်ခု ဖြစ်သည်။ သင်က၊ ‘ဘုရားအိမ်တော်၏ အကျိုးစီးပွားများ ဆုံးရှုံးခြင်းတစ်ခုသည် ငါနှင့် အဘယ်ပတ်သက်စရာ ရှိသနည်း။ အဘယ်ကြောင့် ငါ ဂရုစိုက်သင့်သနည်း။ ထိုအရာသည် ငါနှင့် မည်သို့မျှ မပတ်သက်ပါ။ ယင်းကို ငါမြင်ကာ ဖြစ်ပျက်နေသည်ကို ကြားလျှင်ပင်၊ မည်သည့်အရာကိုမျှ လုပ်ဆောင်ဖို့ မလိုအပ်ပါ။ ယင်းသည် ငါ၏ တာဝန် မဟုတ်- ငါသည် ခေါင်းဆောင်တစ်ဦး မဟုတ်’ဟု တွေးသည်။ ထိုသို့သော အရာများသည် သင်၏ မသိစိတ်မှ ပေါက်ဖွားသည့်အလား၊ ပြီးလျှင် သင်၏ စိတ်နှလုံးတွင် ယင်းတို့က အမြဲတမ်းနေရာများ ယူထားကြသည့်အလား- သင်၏ အတွင်းတွင် ရှိကြလေသည်၊ ယင်းတို့သည် လူသား၏ ဖောက်ပြန်ပျက်စီးသည့် စာတန်ဆန်သော စိတ်သဘောထားများ ဖြစ်သည်။ ဤဖောက်ပြန်ပျက်စီးသည့် စိတ်သဘောထားများက သင်၏ အတွေးများကို ထိန်းချုပ်ပြီး သင်၏ လက်များနှင့် ခြေများကို ချည်နှောင်ကာ သင်၏ နှုတ်ကို ထိန်းချုပ်လေသည်။ သင်၏ စိတ်နှလုံးထဲရှိ တစ်စုံတစ်ရာကို သင် ပြောလိုသည့်အခါတွင်၊ စကားလုံးများက သင်၏ နှုတ်ခမ်းများဆီသို့ ရောက်ရှိသော်လည်း သင် မပြောပေ၊ သို့မဟုတ် သင် ပြောဆိုပါက၊ သင်၏ စကားများသည် သင်လှည့်ပတ်လမ်းကြောင်းစရာ နေရာပေးလျက် ဝေ့လည်ကြောင်ပတ် ဖြစ်လေသည်- သင်သည် လုံးဝ ရှင်းရှင်းလင်းလင်း မပြောဆိုပေ။ သင့်ကို ကြားပြီးသည့်နောက်တွင် အခြားသူများသည် မည်သည့်အရာမျှ မခံစားရကြသကဲ့သို့၊ သင် ပြောပြီးသည့် အရာက ပြဿနာကို မဖြေရှင်းသေးပေ။ သင်က၊ ‘ကောင်းပြီ၊ ငါ ထုတ်ပြောခဲ့သည်။ ငါ၏ အသိစိတ်က အေးချမ်းသည်။ ငါ၏ တာဝန်ကို ငါ ဖြည့်ဆည်းပြီးပြီ’ ဟု မိမိကိုယ်ကိုယ် တွေးလေသည်။ အမှန်တွင်၊ သင်ပြောသင့်သည့် အရာအားလုံး သင် မပြောသေးသည်ကို၊ သင် ပြောပြီးသည့်အရာသည် အကျိုးသက်ရောက်မှုရှိသကဲ့သို့၊ ဘုရားအိမ်တော်၏ အမှုအပေါ် ထိခိုက်နစ်နာစေခြင်း ရှိနေသေးသည်ကို သင်၏ စိတ်နှလုံးထဲတွင် သင် သိပေသည်။ သင်၏ တာဝန်ကို သင် မဖြည့်ဆည်းသေးပေ၊ သို့သော် သင်က သင်၏ တာဝန်ကို သင် ဖြည့်ဆည်းပြီးဖြစ်သည်၊ သို့မဟုတ် ဖြစ်ပျက်နေခဲ့သည့်အရာသည် သင့်အဖို့ မရှင်းလင်းခဲ့ပါဟု ပေါ်ပေါ်ထင်ထင် ဆိုသည်။ ထိုသို့ဆိုလျှင် သင်သည် သင်၏ ဖောက်ပြန်ပျက်စီးသည့် စာတန်ဆန်သော စိတ်သဘောထားများ၏ ထိန်းချုပ်မှုအောက်တွင် လုံးဝ ရှိနေသည် မဟုတ်လော။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို လက်တွေ့လုပ်ဆောင်သောသူတို့သာ ဘုရားသခင်ကို ကြောက်ရွံ့ကြသော သူများ ဖြစ်သည်”) ဘုရားနှုတ်ကပတ်တော် တစ်လုံးချင်းစီတိုင်းက ကျွန်တော့်ကို မိုးကြိုးသွားလို ပစ်ချခဲ့ပါတယ်၊ ဘုရားက ကျွန်တော်နဲ့ မျက်နှာချင်းဆိုင် တရားစီရင်ပြီး ဖော်ထုတ်နေသလိုပါပဲ။ အရမ်းအပြစ်ရှိသလို ခံစားခဲ့ရပါတယ်။ အစ်ကိုကျန်းက တာဝန်ကို တစ်ခုမှ မလုပ်ဆောင်တာတွေနဲ့ အသင်းတော်အလုပ်ကို နှောင့်နှေးစေခဲ့တာ ရှင်းရှင်းလင်းလင်း သိခဲ့ရပေမယ့်၊ သူနဲ့ ဆက်ဆံရေးကို ကာကွယ်နိုင်ဖို့အတွက် သဘောကောင်းတဲ့လူတစ်ယောက်လို နေခဲ့ပြီးတော့၊ မျက်ကွယ်ပြုထားခဲ့မိပါတယ်။ ကျွန်တော်လည်း သူ့ပြဿနာတွေကိုထောက်ပြဖို့ သတ္တိတွေစုခဲ့ပေမယ့် နောက်တွန့်ခဲ့ရပြီးတော့၊ ဖြစ်နေတဲ့အဓိကအကြောင်းနဲ့ သူ့အပြုအမူတွေကြောင့် ထိခိုက်စေတဲ့ အကျိုးဆက်တွေအကြောင်း မပြောရဲခဲ့ပါဘူး။ ကိုယ့်ကိုယ်ကိုလည်း သမ္မာတရားကို လက်တွေ့လုပ်ဆောင်နေတယ်လို့ တွေးပြီး အရူးလုပ်နေခဲ့မိပါတယ်။ မှားယွင်းတဲ့ခေါင်းဆောင်က ဘုရားအိမ်တော်ရဲ့ အမှုတော်ကို ဘယ်လိုထိခိုက်အောင်လုပ်နိုင်လဲဆိုတာ မြင်ခဲ့ရပေမယ့်၊ ကိုယ့်ကိုယ်ကို ကာကွယ်ဖို့အတွက် မဖော်ပြ၊ မတိုင်ကြားခဲ့မိပါဘူး။ ကျွန်တော်က လူတစ်ယောက်ကို စိတ်ဆိုးအောင် လုပ်မိဖို့ထက် ဘုရားကို ခုခံဖို့ ပိုပြီး ဆန္ဒရှိနေခဲ့မိတာပါ။ အဲဒီလိုလုပ်နေတာက ကျွန်တော့်ကို စာတန်ရဲ့ အစေအပါးဖြစ်စေခဲ့ပြီးတော့၊ မှားယွင်းတဲ့ခေါင်းဆောင်ဘေးမှာ ရပ်ပြီး သူနဲ့အတူ အညစ်အကြေးနွံထဲလူးပြီး အသင်းတော်ရဲ့အလုပ်ကို နှောင့်နှေးစေခဲ့တာပါ။ ဒါက ဘုရားအတွက် ရွံစရာနဲ့ စိတ်ဆိုးစရာဖြစ်ခဲ့ပါတယ်။ ဘုရားက ကျွန်တော့်ကိုမြှင့်တင်ပေးခဲ့တယ်၊ အသင်းတော်ခေါင်းဆောင်အဖြစ် သမ္မာတရားနဲ့ မိတ်သဟာယဖွဲ့မယ်၊ ညီအစ်ကိုမောင်နှမတွေရဲ့ ကိစ္စတွေကို ဖြေရှင်းပေးပြီးတော့ အသင်းတော်အမှုကို ထမ်းရွက်မယ်ဆိုတဲ့ မျှော်လင့်ချက်နဲ့ တာဝန်ထမ်းဆောင်ခွင့်ပေးခဲ့တယ်။ ဒါပေမဲ့လည်း အဲဒီအစား ကျွန်တော်က ကိုယ်ရေးကိုယ်တာ ဆက်ဆံရေးကိုကာကွယ်ပြီး၊ မှားယွင်းတဲ့ခေါင်းဆောင်က အသင်းတော်အလုပ်ကို နှောင့်ယှက်နေတဲ့အချိန် သူ့ကိုမျက်နှာသာပေးခဲ့မိတယ်လေ။ ကျွန်တော်တာဝန်မှာ စိတ်အားထက်သန်မှု လုံး၀မရှိဘူးဆိုတာ သိခဲ့ရပါတယ်။ သမ္မာတရားကို လက်တွေ့လုပ်ဆောင်ဖို့ ကျရှုံးခဲ့ရုံတင်မဟုတ်ဘဲ ပြစ်မှားခြင်းကိုပါ ကျူးလွန်ခဲ့တာပါ။ ကျွန်တော်က ဘုရားရဲ့ အနစ်နာခံအားထုတ်မှုတွေကို တကယ့်ကို ကျရှုံးစေခဲ့တာပါ။ နောက်ဆုံးမှာတော့ ကျွန်တော်သိခဲ့ရတာက၊ လူတွေပျော်အောင်လုပ်ပေးတဲ့သူတွေက တကယ်တော့ လူကောင်းတွေမဟုတ်ဘဲ၊ တစ်ကိုယ်ကောင်းဆန်ပြီး ကောက်ကျစ်တယ်ဆိုတာပါပဲ။ ဒါကို သိလိုက်ရတော့ ကျွန်တော့်အတွက် တကယ်ကို စိတ်ပျက်စရာဖြစ်ခဲ့ပြီးတော့ ကိုယ့်ကိုယ်ကို အရမ်းဆိုးတယ်လို့ ခံစားခဲ့ရပါတယ်။ ကျွန်တော် လူတွေပျော်အောင်လုပ်ပေးတဲ့သူအဖြစ် ဆက်နေလို့မရတော့ဘဲ၊ သမ္မာတရားကို လက်တွေ့လုပ်ဆောင်ပြီး အစ်ကိုကျန်းရဲ့ လက်တွေ့လုပ်ဆောင်မှုမရှိတာကို ဖော်ထုတ်ရမယ်ဆိုတာ သိခဲ့ပါတယ်။ သူ့ပြဿနာတွေနဲ့ ပတ်သက်ပြီး ခေါင်းဆောင်တွေကို အမှန်အတိုင်းပြောပြီး ဆက်ဖုံးကွယ်ပေးလို့ မရတော့ပါဘူး။

အဲဒီညမှာပဲ အစ်ကိုကျန်းရဲ့ လုပ်ဆောင်မှုတွေအကြောင်း ခေါင်းဆောင်တွေဆီကို စာရေးခဲ့ပါတယ်။ စာရေးပြီးတဲ့နောက်မှာ အရမ်းစိတ်သက်သာပြီး ငြိမ်းချမ်းသွားခဲ့ပြီးတော့၊ နောက်ဆုံးမှာ အရင်လို ရွံစရာကောင်းပြီး နိမ့်ကျမှု မရှိတော့ဘဲ၊ တရားမျှတမှုအသိလေး စပြီးရလာပြီလို့ ခံစားခဲ့ရပါတယ်။ ဘုရားပြောသလိုပါပဲ၊ “သင်၏ တာဝန်များကို သင်ဖြည့်ဆည်းနိုင်လျှင်၊ သင်၏ တာဝန်များနှင့် ဝတ္တရားများကို ဆောင်ရွက်နိုင်လျှင်၊ သင်၏ တစ်ကိုယ်ကောင်းဆန်သော စိတ်ဆန္ဒများကို ဘေးဖယ်ထားနိုင်လျှင်၊ သင်၏ ကိုယ်ပိုင် ရည်ရွယ်ချက်များနှင့် ကြံရွယ်ချက်များကို ဘေးဖယ်ထားနိုင်လျှင်၊ ဘုရားသခင်၏ အလိုတော်ကို အရေးထားနိုင်ပြီး ဘုရားသခင်နှင့် သူ၏အိမ်တော်တို့၏ အကျိုးများကို ဦးစားပေးနိုင်လျှင်၊ ဤအရာကို တစ်ခဏကြာ ကြုံတွေ့ပြီးနောက်တွင်၊ ဤသည်မှာ အသက်ရှင်ရန် ကောင်းမွန်သော နည်းလမ်းတစ်ခု ဖြစ်သည်ဟု သင်ခံစားရလိမ့်မည်။ ယင်းမှာ ယုတ်ညံ့သောလူတစ်ဦး သို့မဟုတ် အသုံးမကျသောလူတစ်ဦး မဖြစ်ဘဲ ရိုးရိုးစင်းစင်းနှင့် ရိုးသားစွာ အသက်ရှင်ခြင်း ဖြစ်ပြီး၊ စိတ်သဘောထားကျဉ်းမြောင်းခြင်း သို့မဟုတ် ခက်ထန်ခြင်းထက် မျှမျှတတ နှင့် သိက္ခာရှိရှိ အသက်ရှင်ခြင်း ဖြစ်သည်၊ ဤသည်မှာ လူတစ်ဦး အသက်ရှင်၊ ပြုမူသင့်သည့်ပုံဖြစ်သည်ဟု သင်ခံစားရလိမ့်မည်။ တဖြည်းဖြည်းနှင့်၊ သင်၏ ကိုယ်ပိုင်အကျိုးစီးပွားများကို အလိုဖြည့်ဖို့ သင်၏ စိတ်နှလုံးအတွင်းရှိ လိုအင်ဆန္ဒသည် သာ၍ လျော့ပါးသွားပေလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) နောက်နေ့ အစ်ကိုကျန်းကိုတွေ့တော့၊ သူနဲ့ မိတ်သဟာယဖွဲ့ခဲ့ပြီးတော့ သူ့တာဝန်ရဲ့ ပြဿနာတွေကို ပွင့်ပွင့်လင်းလင်းပြောခဲ့ပြီးတော့၊ အရမ်း အလျင်စလို ဂရုမစိုက်လုပ်ခြင်းရဲ့ အကျိုးဆက်နဲ့ သဘာ၀အကြောင်း ပြောခဲ့ပါတယ်။ ကျွန်တော်ပြောတာကို နားထောင်ပြီးတော့ သူ့မှာ ပြဿနာရှိတယ်ဆိုတာကို သူသိခဲ့ပါတယ်။ တခြားခေါင်းဆောင်တွေကလည်း သူ့ရဲ့ လုပ်ဆောင်မှုကိုယေဘုယျသဘော ဆုံးဖြတ်ပြီးတော့၊ သူက မှားယွင်းတဲ့ခေါင်းဆောင်ဖြစ်ပြီး လက်တွေ့လုပ်ဆောင်မှု တစ်ခုမှမလုပ်ခဲ့တဲ့အတွက် ရာထူးက ဖယ်ရှားခံခဲ့ရပါတယ်။ သူ့ရာထူးကို ဆုံးရှုံးခဲ့ရပေမယ့်၊ ကျွန်တော့်မှာ သူ့ကြောင့်ထိခိုက်ခဲ့ရတဲ့ အသင်းတော်ရဲ့အလုပ်အတွက် ငြင်းမရနိုင်တဲ့ တာဝန်ရှိနေပါသေးတယ်။ ကျွန်တော့်ကိုယ်ကျွန်တော် ကျိန်ဆိုခဲ့ပါတယ်၊ အသင်းတော်ရဲ့အလုပ်မှာ အတားအဆီးမဖြစ်တော့အောင်လို့ ဘယ်တော့မှ လူတွေစိတ်ကျေနပ်အောင် လုပ်ပေးတဲ့သူ မဖြစ်စေရဘူးဆိုပြီးတော့ပါ။

သိပ်မကြာလိုက်ပါဘူး၊ ကျွန်တော် အသင်းတော်ခေါင်းဆောင်ဖြစ်လာတဲ့ အစ်ကိုလီနဲ့ စပြီးအလုပ်လုပ်ခဲ့ရတယ်။ အလုပ်မှာကြုံရတဲ့ ဘယ်လိုအခက်အခဲအကြောင်းမဆို ဆွေးနွေးပြီး မိတ်သဟာယ ဖွဲ့ခဲ့ပါတယ်။ ကျွန်တော် မကောင်းတဲ့စိတ်အခြေအနေဖြစ်တုန်းက သူက မိတ်သဟာယနဲ့ ကူညီပေးခဲ့ပါတယ်။ ကျွန်တော်တို့ တကယ်ကို သင့်မြတ်ခဲ့ကြတယ်လေ။ ဒါပေမယ့် သိပ်မကြာခင်မှာ အစ်ကိုလီက တာဝန်မှာ လက်တွေ့လုပ်ဆောင်မှု မရှိဘူးဆိုတာ ပိုပြီးရှင်းလာခဲ့တယ်။ သူက တွေ့ဆုံပွဲတွေမှာ ဟန်ဆောင်ပန်ဆောင်နဲ့ ညီအစ်ကိုမောင်နှမတွေရဲ့ လက်တွေ့ဘ၀အခက်အခဲတွေကို မဖြေရှင်းပေးခဲ့ဘူးလေ။ အစ်ကိုလီက သိပ်ပြီးတာဝန်မသိတော့ ကျွန်တော်သူ့ကို မိတ်သဟာယဖွဲ့ပေးဖို့ ဖြစ်လာခဲ့တယ်လေ။ သိပ်မကြာခင်မှာပဲ ဒီကိစ္စကို သူနဲ့ပြောဆိုခဲ့ပြီးတော့၊ သူတာဝန်ကို လုပ်တဲ့နည်းလမ်းရဲ့ အကျိုးဆက်နဲ့ သဘောသဘာ၀ကို ဖော်ထုတ်ခဲ့ပါတယ်။

အချိန်တချို့ ကုန်သွားခဲ့ပေမယ့်လည်း၊ အစ်ကိုလီက သူ့တာဝန်နဲ့ပတ်သက်တဲ့ စိတ်ထားကို မချိန်ညှိနိုင်သေးတာ သတိထားခဲ့မိပါတယ်။ အဲဒါတွေအပြင် သူက အမြဲတမ်း ဂုဏ်သိက္ခာနဲ့ နာမည်ကို ပဲ ရှေ့တန်းတင်နေခဲ့တာပါ။ သူတာဝန်မှာ ဘာမှမဆောင်ရွက်နိုင်ဘဲ သူများတွေရဲ့ လေးစားမှုကို မရတဲ့အခါကျတော့ အဆိုးမြင်လာပြီး၊ အသင်းတော်ရဲ့အလုပ်ကို စိတ်မဝင်စားတော့ဘူးလေ။ ကျွန်တော်လည်း သူနဲ့ မိတ်သဟာယဖွဲ့ဖို့ ထပ်သွားခဲ့ပြီးတော့ သူ့ကို၊ ပြန်သုံးသပ်ဖို့နဲ့ တာဝန်အပေါ် သူ့စိတ်ထားကို နားလည်အောင်ကြိုးစားဖို့ ပြောခဲ့ပါတယ်။ အဲဒီအချိန်မှာပဲ သူ့စိတ်အလိုရဲ့ ရှုထောင့်က လမ်းလွဲနေပြီဆိုတာကို သိခဲ့ပေမယ့်၊ ရှေ့လျှောက်လည်း သူ့စိတ်က မပြောင်းလဲခဲ့ပါဘူး။ ကျွန်တော်သိလိုက်ပါတယ်၊ သူသာ တာဝန်မှာ ဒီလိုဆက်လုပ်နေမယ်ဆိုရင် အသင်းတော်ရဲ့အလုပ်ကို ထိခိုက်စေမှာပဲလေ။ ဒါကြောင့် ခေါင်းဆောင်တွေသိအောင်ပြောဖို့ ဆုံးဖြတ်ခဲ့ပါတယ်။ ဒါပေမဲ့လည်း ကျွန်တော် ဘောပင်ကောက်ကိုင်ပြီး စာရေးဖို့အဆင်သင့်ဖြစ်နေတဲ့အချိန်မှာပဲ တွေးမိလိုက်တာက၊ “တကယ်လို့များ ခေါင်းဆောင်တွေက အစ်ကိုလီရဲ့ အပြုအမူတွေအကြောင်း သိသွားပြီဆိုရင်၊ သူတို့က စည်းမျဉ်းနဲ့အညီလုပ်ပြီး သူ့ကို ရာထူးက ဖြုတ်ပစ်မှာ သေချာတယ်။ အစ်ကိုလီက သူ့ဂုဏ်သိက္ခာကို အရမ်းတန်ဖိုးထားတော့၊ သူသာ အဖြုတ်ခံရရင် ငါ့ကို စိတ်ဆိုးမှာပဲမလား။ ငါ တာဝန်ကိုစလုပ်တဲ့အချိန်က သူကအမြဲတမ်း မိတ်သဟာယဖွဲ့ပြီး ကူညီခဲ့တော့၊ အခုသူ့ပြဿနာကို တိုင်လိုက်ပြီဆိုရင် ငါ့ကို နှလုံးသားမရှိဘူးလို့များထင်သွားမလား။ အဲဒီနောက်ပိုင်း သူ့ကိုဘယ်လိုမျက်နှာချင်းဆိုင်ရမလဲ” ပေါ့လေ။ နောက်တော့ ကျွန်တော်သိလိုက်တာက၊ ကျွန်တော် လူတွေပျော်အောင်လုပ်ပေးတဲ့လူ ထပ်ဖြစ်တော့မှာ၊ ပြီးတော့ ဘုရားအိမ်တော်ရဲ့ အမှုတော်ကို ထိန်းသိမ်းနေတာ မဟုတ်တော့ဘူးဆိုတာပါပဲ။ ဒီအချိန်မှာပဲ တစ်ခုခု အပြစ်ရှိသလိုခံစားခဲ့ရတော့၊ ခပ်မြန်မြန်ပဲ ဆုတောင်းခဲ့ပါတယ်။ “ဘုရားသခင်၊ ကျွန်တော်က အစ်ကိုလီရဲ့ပြဿနာကိုမြင်ခဲ့ပြီးတော့ တိုင်ကြားချင်ပေမယ့် သူစိတ်မကျေနပ်သွားမှာကို ကြောက်နေပါတယ်။ သမ္မာတရားကို ကောင်းကောင်းသိပေမယ့် လက်တွေ့မလုပ်ဆောင်နိုင်ဘဲဖြစ်နေပါတယ်။ ဒါက ဘုရားအိမ်တော်ရဲ့ အလုပ်ကို ထိန်းသိမ်းနေတာ မဟုတ်တော့ပါဘူး။ ဘုရားသခင်၊ ကျေးဇူးပြုပြီး ကျွန်တော် နောင်တရပြီးပြောင်းလဲသွားအောင် ကိုယ့်ကိုယ်ကို သိဖို့ လမ်းညွှန်ပေးပါ” လို့လေ။

ဆုတောင်းပြီးတဲ့နောက်မှာ ဘုရားနှုတ်ကပတ်တော်ထဲက ဒါလေးကို ဖတ်ခဲ့ပါတယ်။ အနန္တတန်ခိုးရှင် ဘုရားသခင် ပြောသည်မှာ- “စာတန်သည် နိုင်ငံတော်အစိုးရများ၊ ကျော်ကြားသူများနှင့် ကြီးမြတ်သူများ၏ ပညာရေးနှင့် လွှမ်းမိုးမှုမှတစ်ဆင့် လူတို့ကို ဖျက်ဆီးသည်။ သူတို့၏ ဆိုးယုတ်သော စကားများသည် လူသား၏ ဘဝနှင့် သဘာဝဗီဇ ဖြစ်လာပြီးဖြစ်သည်။ ‘လူတိုင်းက ကိုယ့်အတွက်ပဲ၊ ဘယ်သူသေသေ ငတေမာရင်ပြီးရော’ ဆိုသည်မှာ လူတိုင်းအထဲသို့ သွတ်သွင်းပေးထားသကဲ့သို့ လူသား၏ဘဝ ဖြစ်လာခဲ့သည့် လူသိများသော စာတန်နှင့်ဆိုင်သည့် ဆိုရိုးတစ်ခုဖြစ်သည်။ ဤကဲ့သို့သော ရှင်သန်ခြင်းအတွက် အခြားသော ဒဿနများနှင့်ဆိုင်သည့် စကားလုံးများလည်း ရှိသည်။ စာတန်သည် လူတို့ကို ပညာပေးဖို့ နိုင်ငံတစ်နိုင်ငံစီ၏ နှစ်လိုဖွယ်ကောင်းသော ရိုးရာယဉ်ကျေးမှုကို အသုံးပြုလျက် လူသားမျိုးနွယ်ကို အတိုင်းမသိ ပျက်စီးခြင်း၏ ချောက်နက်ထဲသို့ ကျဆင်းကာ ဝါးမျိုခံရစေပြီး အဆုံးတွင် လူတို့သည် စာတန်ကိုအစေခံ၍ ဘုရားသခင်ကို ခုခံသောကြောင့် ဘုရားသခင်၏ ဖျက်ဆီးခြင်းကို ခံကြရသည်။၊ လူတို့၏ အသက်တာ၌၊ သူတို့၏ အမူအကျင့်နှင့် အပြုအမူထဲတွင် စာတန်၏ အဆိပ်များစွာ ရှိနေသေးသည်။ ၎င်းတို့သည် သမ္မာတရားကို လုံးဝနီးပါး ပိုင်ဆိုင်ခြင်းမရှိကြချေ။ ဥပမာအားဖြင့် သူတို့၏ အသက်ရှင်သန်ခြင်း အတွက် သဘောတရားခံယူချက်များ၊ သူတို့၏ အမှုအရာများကို ဆောင်ရွက်သည့် နည်းလမ်းများနှင့် သူတို့၏နီတိများ၊ အားလုံးတို့သည် အဆင်းနီသော နဂါးကြီး၏ အဆိပ်များနှင့် ပြည့်နှက်နေပြီး၊ ၎င်းတို့အားလုံးသည် စာတန်ထံမှ လာကြသည်။ ထို့ကြောင့် လူတို့၏ အရိုးများနှင့် အသွေးတို့၌ စီးဆင်းကြသော အရာအားလုံးသည် စာတန်၏ အရာများ အားလုံး ဖြစ်ပေသည်။၊ လူသားသည် စာတန်၏ နက်ရှိုင်းစွာ ဖျက်ဆီးခြင်း ခံခဲ့ရသည်။ စာတန်၏ အဆိပ်သည် ခပ်သိမ်းသော လူပုဂ္ဂိုလ်တိုင်း၏ အသွေးထဲ၌ စီးဆင်းနေပြီး လူသား၏ သဘာဝဗီဇသည် ဖောက်ပြန်ကာ ဆိုးယုတ်၍ ခေတ်နောက်ပြန်ဆွဲတတ်ပြီး စာတန်၏ ဒဿနများနှင့် ပြည့်နှက်နေ၍ ထိုဒဿနများထဲ၌ နစ်မြုပ်နေ၏၊ ၎င်းတစ်ရပ်လုံးသည် ဘုရားသခင်ကို ဆန့်ကျင်ပုန်ကန်သော သဘာဝဗီဇတစ်ခုပင် ဖြစ်သည်။ ထို့ကြောင့်ပင် လူတို့သည် ဘုရားသခင်ကို ခုခံကြပြီး ဆန့်ကျင်ကြခြင်း ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူ့သဘာဝကို သိရှိရန် နည်းလမ်း”)

ဘုရားနှုတ်ကပတ်တော်တွေကတစ်ဆင့် ကျွန်တော့်ရဲ့ လူတွေပျော်အောင်လုပ်ပေးတဲ့သူဖြစ်ရခြင်းက၊ တစ်ကိုယ်ကောင်းဆန်၊ ရွံရှာစရာ ကောက်ကျစ်လှည့်ဖြားမှုတွေက စတယ်ဆိုတာ နားလည်နိုင်ခဲ့ပါတယ်။ ကျွန်တော်က ကိစ္စတိုင်းမှာ ကျွန်တော့်စိတ်ဆန္ဒကိုပဲ အမြဲရှေ့တန်းတင်နေခဲ့တာပါ။ ကျွန်တော်က အသက်ရှင်ဖို့အတွက် “မိမိကိုယ်သာ ကိုးကွယ်ရာဖြစ်၏” “မိတ်ဆွေကောင်းများ၏အပြစ်များအပေါ် နှုတ်ဆိတ်နေပေးခြင်းသည် ကြာရှည်၍ ကောင်းမွန်သော ခင်မင်မှုဖြစ်စေ၏” “မပြောမီ ကြိုစဉ်းစားပါ၊ ထို့နောက် ထိန်းထိန်းသိမ်းသိမ်း ပြောဆိုပါ” “လူတွေရဲ့အားနည်းချက်ကို ဘယ်တော့မှ မထိုးနှက်ပါနဲ့” ဆိုတဲ့ စာတန်ရဲ့ စည်းမျဉ်းတွေ အမြင်တွေနဲ့ နေခဲ့တာပါ။ သူများတွေရဲ့ ပြဿနာနဲ့ပတ်သက်ပြီး ဘယ်သူနဲ့ပဲ ရင်ဆိုင်ရပါစေ၊ ပါးစက်ကို ပိတ်ပြီးနေခဲ့မိတာပါ။ သူများအမြင်မှာ နှစ်လိုဖွယ်ကောင်းပြီး သူများသဘောကျမယ်လို့ ထင်ခဲ့ပြီးတော့ပေါ့။ အခွင့်အရေးရတိုင်း ကျွန်တော့်ရဲ့ ကိုယ်ရေးကိုယ်တာ ဆက်ဆံရေးကို ကာကွယ်ခဲ့တယ်၊ သူများအမြင်မှာ ကိုယ့်ရဲ့ပုံရိပ်ကို ကာကွယ်ခဲ့တယ်။ စာတန်ရဲ့ လှည့်ဖြားအကွက်ချမှုတွေ ဖြစ်နေတဲ့အတွက် ကျွန်တော့်ရဲ့ ကိုယ်ပိုင်အတွေးနဲ့ လုပ်ဆောင်မှုတွေက ဘာပဲလုပ်လုပ် ရောထွေးနေတော့တာပါပဲ။ ကျွန်တော်သိခဲ့တာက၊ အစ်ကိုကျန်းက အလုပ်နဲ့ပတ်သက်ပြီး တာဝန်ရှိတယ်လို့ မခံစားရဘဲ၊ အသင်းတော်ရဲ့အလုပ်ကို ခဏခဏ နှောင့်ယှက်နှောင့်နှေးစေခဲ့ပေမယ့်၊ သူ့ပြဿနာကို အသေးစိတ်မပြောခဲ့တဲ့အပြင် သူကျွန်တော့်ကို စိတ်ဆိုးမှာ စိုးရိမ်ပြီးတော့ သူကျွန်တော့်အပေါ်မြင်ထားတဲ့ ပုံရိပ်ကို ထိန်းသိမ်းဖို့အတွက် ခေါင်းဆောင်တွေဆီကို မတိုင်ခဲ့ပါဘူး။ ဒါက အသင်းတော်ရဲ့အလုပ်ကို ထိခိုက်စေခဲ့ပါတယ်။ ပြီးတော့ လတ်တလောတင်ပဲ၊ အစ်ကိုလီက တာဝန်မှာ ဂုဏ်ပကာသနကိုပဲ အာရုံစိုက်ပြီး အသင်းတော်ရဲ့အလုပ်အတွက် တာဝန်ယူမှု မရှိခဲ့ဘူးဆိုတာ မြင်ခဲ့ရပါတယ်။ သူ့မှာ ဒီရာထူးနဲ့ မကိုက်ညီတဲ့၊ သူ့ကိုယ်သူ သေချာနားလည်မှုမရှိတဲ့အပြင် ဘုရားအိမ်တော်ရဲ့ အလုပ်ကို ကာကွယ်ဖို့ ခေါင်းဆောင်တွေကို ချက်ချင်းပြောသင့်ခဲ့တယ်ဆိုတာ သိခဲ့ရပါတယ်။ ဒါပေမဲ့လည်း သူကျွန်တော့်ကိုစိတ်ဆိုးပြီး ကျွန်တော့်ရဲ့စိတ်အလိုနဲ့ ဂုဏ်သိက္ခာထိခိုက်မှာ စိုးရိမ်တဲ့အတွက်၊ လူတွေကျေနပ်အောင်လုပ်ဖို့ ဆိုတဲ့ အရာကို ထပ်ပြီးလုပ်ဆောင်ချင်ခဲ့ပါတယ်။ ကျွန်တော်က အခွင့်ရတိုင်း စာတန်ရဲ့ အသက်ရှင်ဖို့အတွေးအခေါ်တွေနဲ့ နေခဲ့ပြီးတော့၊ ကိုယ့်ဆန္ဒနဲ့ ဂုဏ်သိက္ခာကိုပဲ အားလုံးထက်ရှေ့တန်းတင်ပြီး၊ အသင်းတော်ရဲ့အလုပ်ကို လုံး၀ထည့်မတွက်ခဲ့ဘူးဆိုတာ သိခဲ့ရပါတယ်။ ကျွန်တော်က တကယ့်ကို တစ်ကိုယ်ကောင်းဆန်ပြီး ရွံစရာကောင်းခဲ့ပါတယ်။ ဒါတွေအားလုံးဖြစ်ရတဲ့ အကြောင်းရင်းက၊ ကျွန်တော်က စာတန်ရဲ့အသက်ရှင်မှု အတွေးအခေါ်တွေကို အခြေခံပြီး လူတွေကျေနပ်အောင် နေခဲ့လို့ပဲဆိုတာ သိခဲ့ရတယ်။

ကျွန်တော်က လူတိုင်းနဲ့ အတွဲညီညီအဆင်ပြေပြီး ဘယ်သူ့ခံစားချက်ကိုမှ မထိခိုက်စေရင်၊ လူကောင်းတစ်ယောက်ဖြစ်ပြီလို့ အရင်က တွေးခဲ့မိပါတယ်။ ဒါပေမဲ့ အမှန်တရားက၊ လူတွေကျေနပ်အောင်လုပ်ပေးတဲ့သူတွေက သူများကို မထိခိုက်စေဘူးဆိုပေမယ့်၊ သူတို့က လူတစ်ယောက်ဟာ သူတို့ရဲ့ ဖောက်ပြန်ပျက်စီးတဲ့သဘောထား၊ စာတန်ရဲ့ ထိခိုက်စေမှုနဲ့၊ အသင်းတော်ရဲ့အကျိုးစီးပွားကို ထိခိုက်စေတာတွေ မြင်ရတဲ့အခါ၊ သူတို့ဂရုစိုက်တာက သူတို့ရဲ့ကိုယ်ပိုင်အကျိုးစီးပွားနဲ့ ကိုယ်ရေးကိုယ်တာ ဆက်ဆံရေးတွေကို ကာကွယ်ဖို့ပဲ ဂရုစိုက်တယ်ဆိုတာ ပြသခဲ့ပါတယ်။ သူတို့က ညီအစ်ကိုမောင်နှမတွေကို ကူညီထောက်ပံ့ဖို့ သမ္မာတရားဘက်မှာ မရပ်တည်ဘဲ အသင်းတော်ရဲ့အလုပ်ကို မလုပ်ဆောင်နိုင်ကြပါဘူး။ လူတွေကျေနပ်အောင်လုပ်ပေးတဲ့သူတွေက မျှတပြီး နားလည်မှုရှိတဲ့ လူကောင်းတွေလို့ထင်ရပေမယ့် အားလုံးက ဟန်ပြသက်သက်ပါပဲ။ သူတို့ရဲ့ စိတ်အနက်ရှိုင်းဆုံးမှာတော့ သူတို့ရဲ့ ကိုယ်ပိုင်အကျိုးအတွက်ပဲ တွေးတတ်ကြတာပါ။ သူတို့က နောက်တစ်ကြိမ်မတွေးဘဲ တဇွတ်ထိုးရှုမြင်တတ်ကြပြီးတော့၊ အသင်းတော်ရဲ့အလုပ်လည်း ထိခိုက်ပြီး ညီအစ်ကိုမောင်နှမတွေရဲ့ ဘ၀တိုးတက်ရေးကို နှောင့်နှေးစေတာပါပဲ။ သူတို့က သူများကိုစတေးပြီး ကိုယ်ကျိုးကိုပဲ ရှာဖွေကြတယ်လေ။ အဲဒီမှာ လူသားဆန်မှုဆိုတာက ဘယ်မှာလဲ။ အဲဒါတွေက မယုံကြည်ရတဲ့၊ လှည့်ဖြားထိခိုက်စေပြီး ရွံစရာကောင်းတဲ့ ကြောင်သူတော်လုပ်ရပ်ဆိုတာ အရမ်းကိုရှင်းလင်းပါတယ်။ ကျွန်တော် ဒါကို သဘောပေါက်သွားတဲ့အချိန်မှာ အရမ်းကို ရှက်မိပါတယ်။ ကျွန်တော်က ဘုရားဆီကရတဲ့ အရာတိုင်းကို ခံစားနေခဲ့ပေမယ့်၊ ပြဿနာနဲ့ ရင်ဆိုင်ရတဲ့အခါမှာတော့ လူတွေကိုကျေနပ်စေသူအဖြစ် စာတန်ဘက်မှာ ရပ်တည်ခဲ့တာပါ။ အဲဒါက ဘယ်လိုလုပ် တာဝန်ထမ်းဆောင်နေတာ ဖြစ်မလဲ။ ကျွန်တော်က ရန်သူကို မျက်နှာသာပေးပြီး ကျွေးတဲ့လက်ကို ပြန်ကိုက်နေတာပါပဲ။ ကျွန်တော်က စာတန်ရဲ့အစေအပါးတစ်ယောက်ဖြစ်ပြီး ဆိုးယုတ်မှုတွေလုပ်ဆောင်ပြီးတော့ ဘုရားကိုခုခံပြီး၊ အသင်းတော်ရဲ့အလုပ်ကို နှောင့်ယှက်နေခဲ့တာပါ။

ဒီလိုသဘောပေါက်သွားတာက ကျွန်တော့်အတွက် တကယ်ကိုကြောက်စရာကောင်းခဲ့ပါတယ်။ ကျွန်တော်ဘုရားရှေ့မှောက်ကိုလာပြီး ချက်ချင်းဆုတောင်းခဲ့တာက၊ “ဘုရားသခင်၊ ကျွန်တော် ဆိုးယုတ်မှုတွေအများကြီးလုပ်ခဲ့မိပါပြီ။ ကိုယ်တော်ရဲ့ အပြစ်ပေးမှုနဲ့ အရမ်းကိုထိုက်တန်ပေမယ့် ကိုယ်တော်က အခုထိ တာဝန်ထမ်းဆောင်ခွင့် ပေးထားတုန်းပါပဲ။ ညှာတာမှုအတွက် အရမ်းကိုကျေးဇူးတင်ပါတယ်။ ဘုရားသခင်၊ ကျွန်တော် နောင်တရချင်ပါတယ်။ ကျေးဇူးပြုပြီး လက်တွေ့လုပ်ဆောင်မှုလမ်းကြောင်းကို ရှာဖွေနိုင်အောင် လမ်းညွှန်ဦးဆောင်ပေးပါ” လို့လေ။

နောက်တော့ ဘုရားနှုတ်ကပတ်တော်ထဲက ဒါလေးကို ဖတ်ခဲ့ပါတယ်။ “သမ္မာတရားသည် သင်၏ စိတ်နှလုံးတွင် ဩဇာလွမ်းမိုးပြီး သင်၏အသက် ဖြစ်လာသည့်အခါ၊ မတုန်မလှုပ်၊ အပျက်သဘောဆောင်သည့် သို့မဟုတ် ဆိုးယုတ်သည့် တစ်စုံတစ်ရာ ထွက်ပေါ်ခြင်းကို သင် မြင်သည့်အခါ သင့်စိတ်နှလုံးထဲက တုန့်‌ပြန်မှုသည် လုံးဝ ကွဲပြား၏။ ပထမဦးစွာ၊ သင်သည် အပြစ်တင်မှုနှင့် စိုးရိမ်ပူပန်မှု အသိစိတ်တစ်ခု ခံစားရပြီးနောက် ‘ကျွန်ုပ်အနေဖြင့် အလဟဿနေမြဲနေပြီး မသိကျိုးကျွန် မပြုနိုင်။ ကျွန်ုပ် ထရပ်ပြီး စကားပြောရမည်၊ ကျွန်ုပ် ထရပ်ပြီး တာဝန်ယူရမည်’ ဟူသည့် ခံစားချက်က ချက်ချင်း လိုက်လာသည်။ ထိုအခါ သင်သည် ထရပ်ပြီး ယင်းတို့ကို ဖော်ထုတ်ရင်း၊ ဘုရားသခင်၏ အိမ်တော်၏ အကျိုးစီးပွားများကို ကာကွယ်ပေးရန်နှင့် ဘုရားသခင်၏ အလုပ်ကို အနှောင့်အယှက် ပေးခံရခြင်းမှ တားဆီးရန် ကြိုးပမ်းရင်း ဤဆိုးယုတ်သော လုပ်ရပ်များကို သင် ရပ်တန့်နိုင်သည်။ သင်သည် ဤသတ္တိနှင့် စိတ်ဆုံးဖြတ်ချက် ရှိပြီး ကိစ္စရပ်ကို လုံးဝ သိနားလည်နိုင်စွမ်း ရှိလိမ့်မည်သာမက၊ ဘုရားသခင်၏အမှုနှင့် သူ၏အိမ်တော် အကျိုးစီးပွားများအတွက် ယူသင့်သည့် တာဝန်ကိုလည်း သင် ဖြည့်ဆည်းလိမ့်မည် ဖြစ်ပြီး ထိုသို့ဖြင့် သင်၏ တာဝန်သည် ကျေပွန်လိမ့်မည်။ ယင်းကို မည်သို့ ဖြည့်ဆည်းမည်နည်း။ သမ္မာတရားက ယင်း၏ အကျိုးသက်ရောက်မှုကို သင့်အပေါ် အသုံးပြုခြင်းနှင့် သင်၏ အသက်ဖြစ်လာခြင်းမှတစ်ဆင့် ယင်းကို ဖြည့်ဆည်းလိမ့်မည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို လက်တွေ့လုပ်ဆောင်သောသူတို့သာ ဘုရားသခင်ကို ကြောက်ရွံ့ကြသော သူများ ဖြစ်သည်”) “အသင်းတော်တွင်၊ ငါ့အတွက် သင်၏ သက်သေခံချက်၌ ခိုင်မာစွာ ရပ်တည်လော့၊ သမ္မာတရားကို ထိန်းသိမ်းလော့။ အမှန်သည် အမှန်၊ အမှားသည် အမှား ဖြစ်၏။ အဖြူနှင့် အမည်းကို ရောထွေးခြင်း မရှိနှင့်။ သင်သည် စာတန်နှင့် တိုက်ပွဲဖြစ်လိမ့်မည် ဖြစ်ပြီး ၎င်းကို အဘယ်သောအခါမျှ တစ်ဖန် မထကြွစေဖို့အလို့ငှာ အလျှင်း နှိမ်နင်းရမည်။ ငါ၏ သက်သေခံချက်ကို ကာကွယ်ရန်အတွက် သင်၌ ရှိသမျှအရာရာကို ပေးရမည်။ ဤအရာသည် သင်တို့ အပြုအမူများ၏ ရည်မှန်းချက် ပန်းတိုင်ဖြစ်ရလိမ့်မည်- ဤအရာကို မမေ့လျော့နှင့်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၄၁” အစအဦး၌ ခရစ်တော်၏မိန့်မြွက်ချက်များ) ဘုရားနှုတ်ကပတ်တော်တွေဖတ်ပြီး ကျွန်တော့်ကိုနားလည်အောင် ကူညီပေးခဲ့တာက၊ တာဝန်မှာ ကျွန်တော်က ဘုရားရဲ့အလိုကို ထည့်သွင်းစဉ်းစားဖို့လိုပြီးတော့ အမြဲတမ်း အသင်းတော်ရဲ့အကျိုးစီးပွားကို ရှေ့တန်းတင်ရမယ်ဆိုတာပါပဲ။ တကယ်လို့ သမ္မာတရားရဲ့ အခြေခံအချက်တွေကို ချိုးဖောက်နေတာတစ်ခုခု တွေ့ခဲ့ပြီဆိုရင်၊ မှားယွင်းတဲ့စိတ်ခံစားချက်နဲ့ ကိုယ်ကျိုးကိုကြည့်ပြီး ဆက်ဆံရေးကို ကာကွယ်လို့မရပါဘူး။ အဲဒီအစား အဆိုးဘက်ရောက်တဲ့အရာတွေကို အလင်းဘက်ကို ခေါ်လာရဲဖို့နဲ့ စည်းမျဉ်းနဲ့အညီ လုပ်ဆောင်ရဲဖို့၊ ဘုရားအိမ်တော်ရဲ့ အမှုတော်ကို ထိန်းသိမ်းရဲဖို့လိုပါတယ်။ ဒါကပဲ ကျွန်တော့်တာဝန်နဲ့ ဝတ္တရားကို ပြည့်စုံစေမယ့်နည်းလမ်းဖြစ်ပါတယ်။ အစ်ကိုလီက အသင်းတော်ခေါင်းဆောင်ဆိုတော့ ကျွန်တော်ကသာ သူတာဝန်ကိုလုပ်ဆောင်တဲ့နေရာမှာ ပြဿနာတွေကို မြင်ပြီး မတိုင်ခဲ့ဘူးဆိုရင်၊ အဲဒါက ဘုရားအိမ်တော်ရဲ့အလုပ်ကို ထိခိုက်စေမှာတင်မဟုတ်ဘဲ အစ်ကိုလီအတွက်လည်း ထိခိုက်စေမှာပေါ့။ သူဘယ်လိုထင်ထင်၊ ဒါမှမဟုတ် နောက်ပိုင်း သူဘယ်လိုဆက်ဆံဆက်ဆံ၊ ကျွန်တော် သမ္မာတရားနဲ့အညီလုပ်ဆောင်ပြီး သူ့ပြဿနာကို တိုင်ရမယ်ဆိုတာ သိခဲ့ပါတယ်။ ကျွန်တော် စာရေးဖို့ အဆင်သင့်လုပ်နေတုန်းမှာပဲ ခေါင်းဆောင်တွေက ကျွန်တော်တို့အတွက် တွေ့ဆုံပွဲတစ်ခု စီစဉ်ခဲ့ပါတယ်။ အဲဒီတွေ့ဆုံပွဲမှာ အစ်ကိုလီရဲ့လုပ်ဆောင်မှုတွေနဲ့ ပတ်သက်ပြီး အားလုံးကိုပြောပြခဲ့ပါတယ်။ နောက်နေ့မှာ ခေါင်းဆောင်တွေက အားလုံးကို စစ်ဆေးပြီးတဲ့နောက်မှာတော့၊ အစ်ကိုလီက လက်တွေ့မလုပ်ဆောင်နိုင်ဘူးဆိုတာ အတည်ပြုခဲ့ပြီးတော့ သူ့ကို တာဝန်ကနေ ရုတ်သိမ်းခဲ့ပါတယ်။ ဒီလိုလုပ်ရတော့ ကျွန်တော်တကယ့်ကို စိတ်အေးပြီး ငြိမ်းချမ်းခဲ့ရပါတယ်။

အရင်က ကျွန်တော့်အကြောင်းကျွန်တော် မသိခဲ့ပါဘူး။ ကိစ္စတိုင်းမှာ စာတန်ရဲ့အတွေးအခေါ်တွေနဲ့နေတဲ့ လူတွေကိုကျေနပ်စေသူပဲ အမြဲဖြစ်ခဲ့တာပေါ့။ ကိုယ့်အကျိုးကို ကာကွယ်တယ်၊ အမှားတစ်ခုခုဖြစ်သွားမှာ နဲ့ သူများတွေနဲ့ ဆက်ဆံရေးကို ဖျက်ဆီးမိမှာ ကြောက်ခဲ့တယ်လေ။ သူများတွေမှားနေမှန်းသိရင်တောင်မှ ပါးစပ်ပိတ်ပြီးနေခဲ့တယ်။ ကျွန်တော်က သမ္မာတရားရဲ့ စည်းမျဉ်းတွေကို မလိုက်နာနိုင်ခဲ့ဘဲ ဘုရားအိမ်တော်ရဲ့အကျိုးစီးပွားကို မကာကွယ်ခဲ့ပါဘူး။ ဂုဏ်သိက္ခာနဲ့ ကျင့်ဝတ်မရှိဘဲ နေခဲ့တာပါ။ တစ်ကိုယ်ကောင်းဆန်တဲ့ စိတ်ဆန္ဒတွေကို စွန့်လွှတ်ခြင်း၊ တာဝန်မှာ ဘုရားအပေါ် လေးစားတဲ့ နှလုံးသားရှိခြင်း၊ စည်းမျဉ်းတွေကိုလိုက်နာပြီး ဘုရားအိမ်တော်ရဲ့ အလုပ်ကို ကာကွယ်ပေးခြင်းနဲ့ပဲ ကျွန်တော်အခုတော့ ငြိမ်းချမ်းခြင်းကို လုံး၀ခံစားရပါပြီ။ ဒါကပဲ လူသားနဲ့တူအောင်နေနိုင်ဖို့ တစ်ခုတည်းသောနည်းလမ်းလို့ ခံစားရပါတယ်။ ဘုရားရဲ့ ကယ်တင်ခြင်းအတွက် အရမ်းကိုကျေးဇူးတင်ပါတယ်။

အရှေ့သို့- ၅၀။ “ကောင်းမွန်သည့် ပုံရိပ်”နောက်ကွယ်တွင် မည်သည့်အရာ ရှိသနည်း

နောက်တစ်ခုသို့- ၅၂။ နှုတ်ဆက်လိုက်ပါတယ်၊ လူမုန်းမခံချင်သူကြီးရေ

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

၇၅။ ကျွန်မ ကြုံခဲ့ရသော စမ်းသပ်မှု

တရုတ်နိုင်ငံ ကျိလင် စီရင်စု၊ ကျုံးရှင်းအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက်...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်