ခရစ်စ်တိုဖာ ဖိလစ်ပိုင်

ကျွန်တော့်အမည်ကတော့ ခရစ်စ်တိုဖာ ဖြစ်ပါသည်၊ ကျွန်တော်သည် ဖိလစ်ပိုင်ရှိ အိမ်အသင်းတော် တစ်ခု၏ သင်းအုပ်ဆရာတစ်ယောက် ဖြစ်ပါသည်။ ၁၉၈၇ ခုနှစ်မှာ ကျွန်တော်က ဗိတ္တိဇံကို ခံယူပြီး၊ သခင်ယေရှုဆီကို ပြန်လာခဲ့ကာ၊ ထို့နောက် သခင့်ကျေးဇူးတော်အားဖြင့် ၁၉၉၆ ခုနှစ်၌ ကျွန်တော်သည် ဒေသန္တရ အသင်းတော် တစ်ခု၏ သင်းအုပ်ဆရာတစ်ယောက် ဖြစ်လာခဲ့သည်။ ထိုအချိန်က ကျွန်တော်သည် ဖိလစ်ပိုင် နိုင်ငံတဝိုက်မှ နေရာများစွာ၌ အလုပ်လုပ်ပြီး၊ တရား ဟောကြားနေခဲ့ရုံ သာမကပဲ၊ ဟောင်ကောင်နှင့် မလေးရှား တို့ကဲ့သို့ နေရာမျိုး များတွင်လည်း တရားဟောကြားခဲ့သည်။ သန့်ရှင်းသော ဝိညာဉ်တော်၏ အလုပ် နှင့် လမ်းပြမှုတို့မှတစ်ဆင့် ကျွန်တော်သည် သခင့်အတွက် ကျွန်တော့်အလုပ်တွင် မကုန်ခန်းနိုင်သော အင်အားများ ရှိခဲ့ပြီး၊ ကျွန်တော့် တရားဒေသနာများအတွက် မဆုံးနိုင် သည့် လှုံ့ဆော် အားပေးမှုရှိသည်ဟု ခံစားခဲ့ရသည်။ ကျွန်တော်က အပျက် သဘောဆောင်ပြီး အားနည်း နေသည့် ညီအစ်ကို မောင်နှမများကို ထောက်ပံ့မှုများ မကြာခဏ ပေးခဲ့သည်။ တစ်ခါတစ်ရံတွင် ၎င်းတို့၏ မယုံကြည်သူ မိသားစုဝင်များ က ကျွန်တော့်ကို ဖော်ရွေမှု မရှိသည့်အခါတွင်၊ ကျွန်တော်သည် သည်းခံစိတ်ရှည်နိုင်စွမ်း ရှိဆဲဖြစ်သည့် အပြင်၊ သခင့်ကို ယုံကြည်မှု မပျောက်ဆုံးသွား ပဲနှင့် သခင်က သူတို့ကို ပြောင်းလဲနိုင်သည်ဟု ယုံကြည်ခဲ့သည်။ ထို့ကြောင့် ကျွန်တော်က ယုံကြည်သူ တစ်ယောက် ဖြစ်လာပြီးကတည်းက ကြီးမားစွာ ပြောင်းလဲခဲ့သည်ဟု ခံစားခဲ့ရသည်။ သို့သော်လည်း ၂၀၁၁ ခုနှစ်မှ စတင်ကာ၊ ကျွန်တော်သည် ယခင်ကလောက် သန့်ရှင်းသော ဝိညာဉ်တော်၏ အလုပ်ကို ခံစားနိုင်စွမ်း မရှိတော့ပါ။ ကျွန်တော့် ဒေသနာများအတွက် ဉာဏ် အလင်းရခြင်း အသစ်ကို တဖြည်းဖြည်း ဆုံးရှုံးလာကာ၊ အပြစ်၌ အသက်ရှင်နေထိုင်ခြင်းမှ လွတ်မြောက်ရန် ခွန်အားလည်း ချို့တဲ့ခဲ့ရသည်။ ကျွန်တော့် ဇနီးနှင့် သမီးတို့ ကျွန်တော် မနှစ်သက်သည့် အရာများ ပြုလုပ်နေသည်ကို မြင်သည့် အခါတွင် ကျွန်တော့်မှာ စိတ်မဆိုးပဲ မနေနိုင်သည့် အပြင်၊ သူတို့ကို ဒေါသဖြင့် ဆူပူမိခဲ့သည်။ ဤသည်မှာ သခင့်အလိုတော်ကို စောင့်ထိန်းနေခြင်းမဟုတ်သည်ကို သိခဲ့သော်လည်း မကြာခဏဆိုသလို ကျွန်တော် ကိုယ့်ကိုယ်ကို မထိန်းနိုင်ခဲ့ပါ။ ဤသည်မှာ အထူးသဖြင့် ကျွန်တော့်အတွက် စိတ်သောကရောက်စေခဲ့သည်။ အပြစ် ကျူးလွန်ခြင်း နှင့် ပြီးနောက် ဝန်ခံခြင်း အသက်တာမှ မိမိကိုယ်ကို ရုန်းထွက်လွတ်မြောက်နိုင်ရန်၊ ကျွန်တော်က သမ္မာကျမ်းစာဖတ်ခြင်း၊ အစာရှောင်ခြင်း နှင့် ဆုတောင်း ခြင်းတို့တွင် ပို၍ အားထုတ်ကြိုးပမ်းခဲ့ပြီး၊ ဤအရာကို အတူတကွ ရှာဖွေပြီး လေ့လာစုံစမ်းနိုင်ရန် ဝိညာဉ်ရေးရာ သင်းအုပ်ဆရာများကို နေရာတိုင်းတွင် ရှာခဲ့သည်။ သို့သော်လည်း ကျွန်တော့် အားထုတ် ကြိုးပမ်းမှုများ အားလုံးသည် အရာမထင်ဖြစ်ခဲ့သည်၊ ကျွန်တော့်၏ အပြစ်ရှိသော အသက်တာနှင့် ကျွန်တော့် ဝိညာဉ်ထဲမှ အမှောင်ထုသည် မည်သည့်ပြောင်းလဲခြင်းမျှ မရှိခဲ့ပါ။

ထို့နောက် ၂၀၁၆ ခုနှစ် နွေဦးရာသီ တစ်ညနေတွင် ကျွန်တော့် ဇနီးက ကျွန်တော့်ကို “ခရစ်စ်တိုဖာ၊ ရှင် လတ်တလောမှာ တကယ့်ကို စိတ်ညစ်နေတာကို ကျွန်မ သတိပြုမိတယ်။ ရှင်ဘာတွေ တွေးနေတာလဲ” ဟု မေးခဲ့သည်။ ကျွန်တော် စိတ်ညစ်နေခဲ့သည့်အရာကို သူမကို ပြောပြခဲ့သည်၊ “ငါ့မှာ သင်းအုပ်ဆရာတစ်ယောက် ဖြစ်ပြီး သခင့်ကို ယုံကြည်ခဲ့တာလည်း နှစ်ပေါင်းများစွာ ကြာခဲ့ ရက်သားနဲ့ အပြစ်မှာ အသက်ရှင်နေထိုင်တာကနေ လွတ်မြောက်နိုင်စွမ်း မရှိရတဲ့ အကြောင်းအရင်းကို ဒီပြီးခဲ့တဲ့ နှစ် အနည်းငယ်ထဲမှာ တွေးနေခဲ့တာပါ။ ငါ သခင့်ကို ခံစားရနိုင်စွမ်း မရှိတော့ဘူး၊ အဲဒီလို မခံစားရ တာက ကိုယ်တော်က ငါ့ကို စွန့်ပယ်လိုက်သလိုပဲ။ ငါတရားဟောဖို့ နေရာအနှံ့ကို သွားခဲ့ ပေမဲ့လည်း၊ ကိုယ့်ဘာသာ အချိန်လေး နည်းနည်း ရတာနဲ့ အထူးသဖြင့် ညသန်းခေါင်မှာဆိုရင်၊ ငါဟာ လစ်ဟာခြင်းနဲ့ စိုးရိမ် ကြောင့်ကျမှုမျိုးကို အမြဲတမ်း ခံစားရပြီး၊ ဒီခံစားချက်က ပိုပြီးသာ ကြီးထွားလာတယ်။ ငါက ဒီနှစ်တွေမှာ သခင့်ကို ဘယ်လောက်ပဲ ယုံကြည်ပြီး၊ သမ္မာကျမ်းစာကို အများကြီး ဖတ်၊ သခင့် ဒေသနာတွေ အများကြီးကို နားထောင်တဲ့ အပြင် ကားတိုင်ကို ထမ်းပြီး၊ ကိုယ့်ကိုကိုယ် သိမ်းပိုက်ဖို့ အတွက် မကြာခဏ စိတ်ပိုင်းဖြတ်ခဲ့ပေမဲ့လည်း၊ အပြစ်ရဲ့ ချည်နှောင်ခြင်းကို ငါအမြဲတမ်း ခံနေရတဲ့အကြောင်းကို တွေးမိတယ်။ ငါက ကိုယ့်ကိုယ်ပိုင် အကျိုးစီးပွားနဲ့ ဂုဏ်ကို ကာကွယ်ဖို့ မုသားတွေ ပြောနိုင် စွမ်း ရှိတဲ့အပြင် ‘သူတို့ နှုတ်၌ မုသားမရှိ။' (ဗျာဒိတ်ကျမ်း ၁၄:၅) အတိုင်း လျော်ညီအောင် အသက် မရှင်နိုင်ခဲ့ဘူး။ ဆင်းရဲဒုက္ခ တွေနဲ့ စစ်ဆေးခြင်းတွေကို ရင်ဆိုင်ရတဲ့အချိန်မှာ၊ ဒါတွေဟာ သခင့် လိုက်လျောမှုကြောင့် ဖြစ်တယ်ဆိုတာကို ငါသိပေ မဲ့လည်း၊ သခင့်အကြောင်း ညဉ်းတွားတာနဲ့ သူ့ကို အထင်လွဲမှားတာတွေကနေ ကိုယ့်ကိုကိုယ် မရပ်နိုင် သေးဘူး။ ငါဟာ ကိုယ့်ကိုကိုယ် လိုလိုလားလားနဲ့ စွန့်လွှတ်ခြင်းမှာ လုံးလုံးလျားလျား အရေးနိမ့်ရတယ်။ ဒီလိုနည်းနဲ့ အပြစ်မှာ အသက်ရှင်နေထိုင်နေလို့ကတော့ သခင်ပြန်ကြွလာတဲ့အချိန်မှာ ငါဟာ ကောင်းကင် နိုင်ငံတော်ကို ဝင်ရောက်နိုင်မှာ မဟုတ်ဘူး ဆိုတာကို ကြောက်နေမိတယ်”

ဤအချက်ကို ကြားပြီး၊ ကျွန်တော့်ဇနီးက “ခရစ်စ်တိုဖာ၊ ရှင်ဘယ်လိုဖြစ်လို့ ဒါမျိုးတွေးနိုင်တာလဲ။ ရှင့်မှာ ယုံကြည်မှု ရှိရမယ်လေ။ ရှင်က သင်းအုပ်ဆရာ တစ်ယောက်လေ။ ကျွန်မတို့ဟာ အပြစ်မှာ အသက်ရှင် နေထိုင်ပြီး၊ အပြစ်ရဲ့ ချည်နှောင်မှုက မလွတ်မြောက်သည့် တိုင်အောင် သမ္မာကျမ်းစာက 'သင်သည် သခင် ယေရှုကိုနှုတ်ဖြင့် ဝန်ခံ၍၊ ဘုရားသခင်သည် သူ့ကို သေခြင်းမှ ထမြောက်စေတော်မူပြီဟု စိတ်နှလုံးထဲ၌ ယုံကြည်လျှင်၊ ကယ်တင်ခြင်းသို့ရောက်လိမ့်မည်။' (ရောမ ၁၀:၉) ‘အကြောင်းမူကား၊ ထာဝရဘုရားကို ပဌနာပြုသောသူရှိသမျှတို့သည် ကယ်တင်တော်မူခြင်းသို့ ရောက်ရကြလတံ့။’ (ရောမ ၁၀:၁၃) လို့ပြောထားပါတယ်။ ကျွန်မတို့တွေက သမ္မာကျမ်းစာကို ဆက်ဖတ်ပြီး၊ စုဝေးပွဲ တွေကိုတက်၊ သခင့်ကို ဆုတောင်းတဲ့အပြင်၊ ကားတိုင် ကိုထမ်း၊ သခင့်ဒုတိယအကြိမ် ပြန်ကြွလာတဲ့အထိ သူ့ နောက် တန်းတန်းမတ်မတ် လိုက်နေသမျှ ကာလပတ်လုံး၊ ကျွန်မတို့တွေဟာ ကောင်းကင်နိုင်ငံတော်ကို ဝင်ရောက်ပြီး၊ သခင့်ကောင်းကြီးမင်္ဂလာကို လက်ခံရရှိမှာပဲ”ဟု ပြောခဲ့ သည်။

ထို့နောက် ကျွန်တော်က “ငါလည်း အရင်က ဒီလိုပဲ တွေးခဲ့တာပဲ၊ ဒါပေမဲ့ ၁ ရှင်ပေတရု ၁:၁၆ မှာက ‘အကြောင်းမူကား၊ ငါသည်သန့်ရှင်းတော်မူသောကြောင့်၊ သင်တို့သည်လည်း သန့်ရှင်းခြင်းရှိကြလော့’ ဟု ကျမ်းစာလာသတည်း။’ လို့ပြောထားတယ်။ ငါ့မှာ သခင့်ကို ယုံကြည်ခဲ့တာ နှစ်ပေါင်း ၃၀ ကြာခဲ့ပေမဲ့ သခင့်လမ်းခရီးကို မထိန်းသိမ်းနိုင်တဲ့အပြင်၊ အပြစ်မှာ အသက်ရှင်နေထိုင်ပြီး၊ သခင့်ကို မကြာခဏ ခုခံနိုင်စွမ်းရှိနေဆဲ ဖြစ်တယ်။ သခင့် သတ်မှတ်ချက်တွေကို နည်းနည်းမှ မဖြည့်ဆည်းခဲ့ပါဘူး။ အား။ ငါက သခင့်သွန်သင်ချက်တွေကို နာခံဖို့ စိတ်ပိုင်းဖြတ် ပေမဲ့လည်း သူ့နှုတ်ကပတ်တော်ကို လက်တွေ့လုပ်ဆောင် နိုင်စွမ်း မရှိခဲ့တာ ဘယ်နှစ်ခါရှိပြီလဲ။ ဒီလိုနည်းနဲ့ ငါက ဘယ်လိုလုပ်ပြီး ကောင်းကင် နိုင်ငံတော်ကို ဝင်ရောက်ဖို့ ထိုက်တန်နိုင်မှာတဲ့လဲ။ သခင်ယေရှုက ‘သခင်၊ သခင်ဟု ငါ့ကိုလျှောက်သောသူတိုင်း ကောင်းကင်နိုင်ငံတော်သို့ ဝင်ရလိမ့်မည်မဟုတ်။ ကောင်းကင်ဘုံ၌ ရှိတော်မူသော ငါ့ခမည်းတော်၏အလိုကို ဆောင်သောသူသာလျှင် ဝင်ရလိမ့်မည်။’ (ရှင်မဿဲ ၇:၂၁) လို့ မိန့်တော်မူခဲ့တယ်။ သခင့် နှုတ်ကပတ်တော်တွေ အတိုင်းသာဆိုရင်၊ ကောင်းကင် နိုင်ငံတော်ကို ဝင်ရောက် ခြင်းဟာ ငါတို့ ထင်ထား သလောက် မရိုးရှင်းဘူး။ သခင်ဟာ သန့်ရှင်းတယ်၊ ဒါ့ကြောင့် သူ့နှုတ်ကပတ်တော်ကို လက်တွေ့ မလုပ်ဆောင်နိုင်တဲ့၊ သူ့ကို မကြာခဏ ဆန့်ကျင်နေတဲ့ လူတွေဟာ ကောင်းကင် နိုင်ငံတော်ကို ဘယ်လိုလုပ်ပြီး ချီဆောင်ခံရနိုင်မှာလဲ။ ပြောင်းလဲခဲ့ပြီး၊ ဘုရားသခင်ရဲ့ အလိုတော်ကို လုပ်တဲ့ သူတွေသာ ကောင်းကင် နိုင်ငံတော်ကို ဝင်ရောက်နိုင်မှာပါ” ဟု ကျွန်တော့် အမျိုးသမီးကို ပြောလိုက်သည်။

ကျွန်တော့်ဇနီးက ခဏတာ တွေးလိုက်ပြီး “ရှင်ပြောတာ အဓိပ္ပါယ်ရှိပါတယ်။ သခင်က သန့်ရှင်းပြီး၊ ကျွန်မတို့က အပြစ်ရှိနေဆဲပဲ။ ကျွန်မတို့က ဘုရားသခင်ရဲ့ နိုင်ငံတော်ကို ဝင်ရောက်ဖို့ မထိုက်တန်ဘူး။ အဲဒါက...ကျွန်မ ရုတ်တရက် သတိရသွားလို့...သင်းအုပ်ဆရာ လျူက ကိုးရီးယား သင်းအုပ်ဆရာကင်မ်ကို အသင်းတော် ကို ဖိတ်ခဲ့တယ် မဟုတ်လား။ ကျွန်မတို့ ဒီအကြောင်းအရာနဲ့ ပတ်သက်ပြီး ကြိုးစား ရှာဖွေမှုလေး တစ်ချို့လောက် လုပ်ရင်ရော” ဟု ပြောခဲ့သည်။ ကျွန်တော် က “ဟုတ်တယ်။ အဲဒါ ကောင်းတဲ့ အကြံဉာဏ်ပဲ။ သခင်ယေရှုက ‘တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကိုခေါက်ကြလော့။ ခေါက်လျှင်ဖွင့်မည်။’ (ရှင်မဿဲ ၇:၇) လို့မိန့်တော်မူခဲ့တာပဲ။ ငါတို့ ရှာဖွေသမျှကာလပတ်လုံး၊ သခင်က ငါတို့ကို ဦးဆောင်မယ်ဆိုတာ ငါယုံကြည်တယ်။ သင်းအုပ်ဆရာ တစ်ယောက်အနေနဲ့ ငါတို့ရဲ့ ညီအစ်ကိုမောင်နှမတွေရဲ့ အသက်တာတွေကို ငါထည့်စဉ်းစားရမယ်။ ငါက ငါ့ယုံကြည်မှုမှာ သူတစ်ပါးကို ဂရုမစိုက်ရင်၊ သူတို့ကိုရော၊ ကိုယ့်ကိုကိုယ်ပါ အကျိုးမဲ့စေတဲ့လုပ်ရပ်ကို လုပ်နေတာ ပဲဖြစ်မယ်။ သင်းအုပ်ဆရာ ကင်မ် လာတဲ့အထိ စောင့်ပြီး၊ သူ့ဆီက ဒီအကြောင်းအရာအတွက် ရှာဖွေကြရအောင်”ဟု ပြောလိုက်သည်။

ကျွန်တော်က သင်းအုပ်ဆရာကင်မ်ကို မေးမြန်းရန် ကြံစည်နေသည့် အားလျော်စွာ၊ သူ့ နောက်ခံအကြောင်း အနည်းငယ်ကို သိလိုခဲ့သည်။ ကျွန်တော်က သူတက်ရောက် နေသည့် ကိုးရီးယား အသင်းတော်ကို ရှာဖွေရန် အွန်လိုင်း တက်လိုက်သည်။ ပေါ်လာသည့် စာမျက်နှာများတွင် ကျွန်တော်က ဆိုသည့် ဝဘ်ဆိုက် ကို တွေ့ခဲ့သည်။ ၎င်းကို ဖွင့်ကြည့် ရင်းဖြင့် ဤစာလုံးများက ကျွန်တော့်ကို စွဲဆောင်သွားသည်၊ “လူသည် ဇာတိပကတိ၏ ငြိမ်သက်ခြင်းနှင့် ပျော်ရွှင်မှု၊ မိသားစုဝင်တစ်ဦး၏ ယုံကြည်ခြင်းက မိသားစုတစ်ခုလုံးအပေါ် ကောင်းချီးမင်္ဂလာဆောင်ကြဉ်းခြင်း၊ နာမကျန်းမှုကို ပျောက်ကင်းစေခြင်း စသည်တို့ကဲ့သို့သော ကျေးဇူးတော်များစွာကို ရရှိခဲ့သည်။ ကျန်သည့်အရာများမှာ လူ၏ကောင်းသော လုပ်ဆောင်ချက်များနှင့် သူ၏ ဘုရားတရား ကိုင်းရှိုင်းသော အသွင်အပြင်ဖြစ်သည်။ အကယ်၍ တစ်စုံတစ်ဦးသည် ဤအရာများကို အခြေခံ၍ အသက်ရှင်နိုင်ပါက၊ ၎င်းတို့ကို လက်သင့်ခံ၍ရနိုင်သော ယုံကြည်သူအဖြစ် သတ်မှတ်ခဲ့ကြသည်။ ဤယုံကြည်သူမျိုးများသာ သေဆုံးပြီးနောက် ကောင်းကင်ဘုံသို့ ဝင်ရောက်နိုင်ပေသည်၊ ယင်းမှာ ၎င်းတို့ ကယ်တင်ခြင်းခံခဲ့ရသည်ဟု ဆိုလိုခဲ့ပေသည်။ သို့ရာတွင် ဤလူများက ၎င်းတို့၏ တစ်သက်တာတွင် အသက်၏လမ်းခရီးကို လုံးဝ နားမလည်ခဲ့ကြပေ။ ၎င်းတို့ လုပ်ဆောင်ခဲ့သမျှအားလုံးမှာ အပြစ်များကို ကျူးလွန်ပြီးနောက် ၎င်းတို့၏ စိတ်သဘောထား ပြောင်းလဲရန် မည်သည့်လမ်းကြောင်းမျှ မရှိဘဲ၊ အတောမသတ်သော သံသရာစက်ဝိုင်းတစ်ခုထဲတွင် ၎င်းတို့၏ အပြစ်များကို ဝန်ချရန် ဖြစ်ခဲ့သည်။ ယင်းမှာ ကျေးဇူးတော်ခေတ်တွင် ရှိသော လူ၏အခြေအနေဖြစ်ခဲ့သည်။ လူသည် ပြည့်စုံသော ကယ်တင်ခြင်းကို ရရှိပြီးဖြစ်ပါသလော။ မရရှိပေ။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ လူ့ဇာတိခံယူခြင်း၏ နက်နဲရာအချက် (၄)) ဤစကား များသည် အလွန် ကောင်းမွန်စွာ ရေးသားဖော်ပြထား သည်မှာ ကျွန်တော့်မှာ အသေအချာကို ဆက်လက်ဖတ်ရှု ခဲ့ရသည်၊ “ထို့ကြောင့် အမှု၏ ထိုအဆင့် ပြီးဆုံးခဲ့သည့်နောက်တွင်၊ တရားစီရင်ခြင်းနှင့် ပြစ်တင်ဆုံးမခြင်း အမှု ကျန်ရှိခဲ့သေးသည်။ ဤအဆင့်သည် လူကို နှုတ်ကပတ်တော်အားဖြင့် ဖြူစင်စေရန်ဖြစ်ပြီး ထိုသို့ဖြင့် လိုက်လျှောက်ရမည့် လမ်းကြောင်းကို သူ့အား ပေးရန် ဖြစ်သည်။ လူသား၏ အပြစ်နှင့်ပြည့်သော သဘာဝကို ပပျောက်စေနိုင်ခဲ့မည် မဟုတ်သကဲ့သို့၊ လူသားသည် သူ့အပြစ်များ ခွင့်လွှတ်ခံရခြင်းတွင်သာ လုံးဝဥဿုံရပ်တန့်လာမည် ဖြစ်သည့်အတွက်၊ အကယ်၍ နတ်ဆိုးများကို နှင်ထုတ်ခြင်းကိုဆက်လက် လုပ်ဆောင်ခဲ့ပါက၊ ဤအဆင့်သည် အကျိုးဖြစ်ထွန်းမည် မဟုတ်သကဲ့သို့ အဓိပ္ပာယ်လည်းရှိမည် မဟုတ်ပေ။ ကားစင်တင်ခံရခြင်း အမှုသည် အဆုံးသို့ ရောက်ရှိလာပြီးဖြစ်သကဲ့သို့၊ ဘုရားသခင်သည် စာတန်အပေါ် အောင်နိုင်ပြီးဖြစ်သည့်အတွက်၊ အပြစ်ဖြေရာယဇ်မှတစ်ဆင့် လူသည် သူ၏အပြစ်များ ခွင့်လွှတ်ခြင်း ခံခဲ့ရသည်။ သို့ရာတွင် လူ၏ဖောက်ပြန်ပျက်စီးသော စိတ်သဘောထားသည် သူ့အတွင်းတွင် ကျန်ရှိနေဆဲဖြစ်သည်၊ လူသည် အပြစ်ပြုနိုင်ဆဲဖြစ်ပြီး ဘုရားသခင်ကို ဆန့်ကျင်နိုင်ဆဲဖြစ်ကာ၊ ဘုရားသခင်သည် လူသားမျိုးနွယ်ကို မရယူသေးပေ။ ယင်းမှာ အမှု၏ ဤအဆင့်တွင် ဘုရားသခင်သည် လူသားကို မှန်ကန်သော လမ်းကြောင်းနှင့်အညီ လက်တွေ့လုပ်ဆောင်စေလျက်၊ လူ၏ ဖောက်ပြန်ပျက်စီးသော စိတ်သဘောထားကို ဖော်ထုတ်ရန် နှုတ်ကပတ်တော်ကို အသုံးပြုရသည့် အကြောင်းရင်း ဖြစ်သည်။ ယခုတွင် လူ၏အသက်တာကို တိုက်ရိုက်ပံ့ပိုးပြီး လူ၏ စိတ်သဘောထားကို လုံးဝ အသစ်ပြုပြင်စေနိုင်သည်မှာ နှုတ်ကပတ်တော် ဖြစ်သည့်အတွက်၊ ဤအဆင့်သည် ယခင်အဆင့်ထက် ပိုမို အဓိပ္ပာယ်ရှိသည့်အပြင် အကျိုးလည်း ပိုမို ဖြစ်ထွန်းလေသည်။ ယင်းသည် များစွာ သာ၍ စေ့စပ်သေချာသော အမှု၏ အဆင့်တစ်ခု ဖြစ်သည်။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ လူ့ဇာတိခံယူခြင်း၏ နက်နဲရာအချက် (၄)) ဤစာများကို ဖတ်ရှုရခြင်းသည် ကျွန်တော့် အတွက် မယုံနိုင်လောက်အောင် စိတ်လှုပ်ရှားဖွယ် ကောင်းလှပါသည်။ ကျွန်တော်က ၎င်းကို လုံးလုံးလျားလျား နားမလည်နိုင်သည့်အပြင်၊ အချို့သောစာများသည် ကျွန်တော့် အတွက် ပဟေဠိပင် ဖြစ်ရသော်လည်း၊ ဤစာများ သည် ကျွန်တော့်ကို မျှော်လင့်ချက်အချို့ကို မြင်တွေ့ ခွင့်ပေးခဲ့သည်။ ဤအရာအတွင်းတွင် ကျွန်တော့် ကိုယ်ကျွန်တော် သန့်စင်ဖို့နဲ့ ပြောင်းလဲဖို့ လမ်းကြောင်း တစ်ခု ရှာတွေ့နိုင်မည်ဟု ခံစားခဲ့ရသည်။ကျွန်တော့် ဆုတောင်းကို နားညောင်းပေးသည့်အတွက် ဘုရားသခင်ကို လှိုက်လှိုက်လှဲလှဲ ကျေးဇူးတော် ချီးမွမ်းခဲ့ပါသည်။ ကျွန်တော် ဆက်ဖတ်နေရင်းဖြင့် ဤစာများသည် ကျွန်တော့်၏ ဆာငတ်နေသည့် ဝိညာဉ်ကို ရေလောင်းပြီး ထိန်းကျောင်းပေးခဲ့သည့် အမှန်တကယ် အံ့သြဖွယ်ကောင်း သော စကားများဖြစ်သည်ဟု ကျွန်တော် ခံစားရပါသည်။ ကျွန်တော်က “သင့်နိုင်ငံ သို့မဟုတ် ဒေသတွင်း၌ ဧဝံဂေလိ အတွက် ဆက်သွယ်ရန် ဖုန်းနံပါတ်ကို ရှာမတွေ့ပါက၊ ကျွန်ုပ်တို့ကို စာတိုပို့ထားခဲ့ပါ။ ကျွန်ုပ်တို့မှ တတ်နိုင်သမျှ အစောဆုံး သင့်ကို ဆက်သွယ်ပါမည်” ဆိုသည့် ဤစာကို ဝဘ်ဆိုက်တွင် တွေ့ရသည်။ ကျွန်တော် တစ်ချက် အမြန်ကြည့်လိုက်ရာ၊ ဖိလစ်ပိုင် နိုင်ငံအတွက် ဆက်သွယ် ရန် ဖုန်းနံပါတ်ကို မတွေ့ရသောကြောင့်၊ ကျွန်တော် ချက်ခြင်း စာတိုတစ်ခု ပေးပို့ထားခဲ့ပြီး၊ ကျွန်တော့် ဆက်သွယ်ရန် ဖုန်းနံပါတ် နှင့် အီးမေးလ် လိပ်စာ တို့ကို တွေဝေတွန့်ဆုတ်ခြင်းမရှိပဲ နှင့် ချရေးပေးခဲ့ပါသည်။

ထိုညနေတွင် ကျွန်တော် အိမ်ပြန်ရောက်ပြီးနောက်၊ ထိုအကြောင်းကို ကျွန်တော့်ဇနီးကို ပြောပြရာ၊ ကျွန်တော် ပြောစရာရှိသည်ကို ကြားပြီးနောက်တွင် သူမကလည်း ရှာဖွေရန် လိုလားနေခဲ့ပါသည်။ သူတို့က ကျွန်တော့်စာကို နောက်တစ်ရက်တွင် အကြောင်းပြန်ကာ၊ ထိုနေ့လည်ခင်း တွင်ပင် အွန်လိုင်းတွင် ကျွန်တော်တို့နှင့် ဆက်သွယ်ဖို့ စီစဉ်ခဲ့သည့်အတွက် သခင့်ကို ကျွန်တော် အမှန်တကယ်ပင် ကျေးဇူးတင်မိပါသည်။ ထိုနေ့လည်တွင် ကျွန်တော်တို့က အစ်မလျူနှင့် အစ်မဆုတို့ကို စကားပြောခဲ့သည်။ ထိုစကားပြောဆိုခြင်းမှ သူတို့သည် ရိုးရှင်းစွာ၊ ကျင်လည်စွာ နှင့် ထိုးထွင်သိမြင်နိုင်သောဉာဏ်တို့ဖြင့် စကားပြောဆိုခဲ့ သည်ဟု ကျွန်တော်ခံစားခဲ့ရသည်။ ကျွန်တော့်ဇနီးက ကျွန်တော့်ထက်ပင် ပို၍ ဆန္ဒစောနေခဲ့ကာ “ကျွန်မ မေးခွန်း တစ်ခု မေးလို့ရမလား” ဟု ပြောလိုက်သည်။ သူတို့က စိတ်ပါလက်ပါဖြင့် “ရတာပေါ့”ဟု ပြောခဲ့ပါသည်။ ကျွန်တော့် ဇနီးက “အစ်မအသင်းတော်ရဲ့ ဝဘ်ဆိုက်မှာ ‘နောက်ဆုံး သောကာလက ဘုရားသခင်သည် တရားစီရင် ခြင်းနှင့် ပြစ်တင်ဆုံးမခြင်းအမှုတော် အဆင့်တစ်ခုကို ပြုပြီးပြီ’ လို့ပြောထားတယ်။ ကျွန်မ ခင်ပွန်းနဲ့ ကျွန်မတို့ကလည်း ကိုယ်တော်ဟာ သန့်ရှင်းလို့ ဘယ် မသန့်ရှင်းတဲ့ လူတစ်ယောက်ကမှ သခင့်ကို မြင်မှာ မဟုတ်ဘူးလို့ သိထားကြပေမဲ့ ရောမ သြဝါဒ စာစောင်မှာက 'သင်သည် သခင် ယေရှုကိုနှုတ်ဖြင့် ဝန်ခံ၍၊ ဘုရားသခင်သည် သူ့ကို သေခြင်းမှ ထမြောက် စေတော်မူပြီဟု စိတ်နှလုံးထဲ၌ ယုံကြည်လျှင်၊ ကယ်တင်ခြင်းသို့ရောက်လိမ့်မည်။' (ရောမ ၁၀:၉) 'အကြောင်းမူ ကား၊ ထာဝရဘုရားကို ပဌနာပြုသော သူရှိသမျှတို့သည် ကယ်တင် တော်မူခြင်းသို့ ရောက်ရကြ လတံ့။' (ရောမ ၁၀:၁၃) လို့ပြောထားတယ်။ ကျွန်မတို့က သခင်ယေရှုကို ယုံကြည်တယ်ဆိုရင် ကျွန်မတို့က ကယ်တင်ခံရပြီးဖြစ်တဲ့အပြင်၊ ကောင်းကင်နိုင်ငံတော်ကို ဝင်ရောက်နိုင်ရမှာဖြစ်တယ်၊ ဒီတော့ နောက်ဆုံးသော ကာလက ဘုရားသခင်က ဘာကြောင့် တရားစီရင်ခြင်းနဲ့ ပြစ်တင်ဆုံးမခြင်း အမှုတော် အဆင့်တစ်ခုကို ပြုနေတာလဲ။ ဒါနဲ့ ပတ်သက်ပြီး ကျွန်မ သိပ်မရှင်းဘူး၊ ပြီးတော့ အစ်မတို့ အတွေးတွေကိုလည်း ကြားဖို့ မျှော်လင့်ပါတယ်”ဟု ပြန်ပြောခဲ့သည်။

အစ်မလျူက “ဘုရားသခင်ကို ကျေးဇူးတော် ချီးမွမ်း ပါတယ်။ အတူတူ ဆွေးနွေးပြီးတော့ ဘုရားသခင်က ကျွန်မ တို့ကို လမ်းပြခွင့်ပေးရအောင်။ ဒီမှာ ကယ်တင်ခံရခြင်း ဆိုတာ ဘာကိုဆိုလိုတယ်ဆိုတာကို တစ်ချက်ကြည့် ရအောင်။ ပညတ်တော်ခေတ်ရဲ့ နှောင်းပိုင်း ကာလမှာ လူတွေအားလုံးက ဘုရားသခင်နဲ့ ဝေးကွာသွားခဲ့ကြပြီး ဘုရားသခင်ကို ကြောက်တဲ့ နှလုံးသားတွေလည်း လုံးဝမရှိကြတော့ဘူး။ သူတို့က ပိုပိုပြီး အပြစ်ရှိလာကြ တဲ့အပြင်၊ မျက်မမြင်တဲ့၊ ခြေလက်မသန်တဲ့၊ ရောဂါရှိတဲ့ ခြံမွေးတိရစ္ဆာန်တွေနဲ့ ငှက်တွေကိုပါ ယဇ်တွေ အနေနဲ့ ပူဇော်လာကြတဲ့အထိ ဖြစ်လာကြတယ်။ အဲဒီအချိန်က လူတွေဟာ ပညတ်တော်ကို လုံးဝ မထိန်းသိမ်းတော့ပဲနဲ့၊ သူတို့အားလုံးဟာ ပညတ်တော်ကို ချိုးဖောက်တဲ့အတွက် သေဒဏ်စီရင်ခံရဖို့ ဘေးထဲကျရောက်ခဲ့တယ်။ အဲဒီ အခြေအနေ ကြောင့် ပညတ်တော်အောက်က အဲဒီသက်ရှိ တွေကို သေခြင်းတရားကနေပြီး ကယ်ဖို့၊ ဘုရားသခင် ကိုယ်တော်တိုင် ဇာတိပကတိ ဖြစ်လာပြီး၊ ရွေးနှုတ်ခြင်းအမှုတော်ကို တာဝန်ယူဆောင်ရွက်တော်မူ တဲ့အပြင်၊ လူသားမျိုးနွယ် တစ်ခုလုံးကို အပြစ်ကနေ ရွေးနှုတ်ဖို့ နောက်ဆုံးမှာ ကားတိုင် တင်ခံခဲ့ရတယ်။ လူတွေ သခင်ယေရှုကို ယုံကြည်ခြင်းအားဖြင့် သူတို့အပြစ်တွေက လွှတ်တာခံရနိုင်တာကြောင့်၊ ဆုတောင်း ခြင်းမှာ ဘုရားသခင်ရဲ့ ရှေ့တော်မှောက်ကို လာရောက်ဖို့နဲ့ ဘုရားသခင်ရဲ့ ကျေးဇူးတော်ဆိုင်ရာ ကောင်းကြီးမင်္ဂလာကို ပျော်မွေ့ဖို့ အရည်အချင်း ပြည့်မီလာကြတယ်။ ဒါက ကျေးဇူးတော်ခေတ်မှာ 'ကယ်တင်ခံ ရခြင်း' ရဲ့ စစ်မှန်တဲ့ အဓိပ္ပါယ်ဖြစ်ပါတယ်။ တခြားနည်းနဲ့ ပြောမယ်ဆိုရင်တော့ 'ကယ်တင်ခံရခြင်း' ဆိုတာ လူတစ်ယောက်ရဲ့ အပြစ်လွှတ်ခံ ရတယ်ဆိုတာထက် မပိုပါဘူး။ အဲဒါက ဘုရားသခင်က လူတွေကို အပြစ်နဲ့ စွန်းထင်းနေတယ်လို့ နောက်ထပ် မသတ်မှတ်တော့ပေမဲ့ ကျွန်မတို့က ပင်ကိုအားဖြင့် အပြစ်မရှိဘူးလို့ ဆိုလိုတာတော့ မဟုတ် ပါဘူး။ ဒါ့ကြောင့် ကယ်တင်ခံရခြင်းဆိုတာက ကျွန်မတို့က လုံးလုံး သန့်စင်ခံရပြီး၊ ပြည့်စုံတဲ့ ကယ်တင်ခြင်းကို ရရှိပြီလို့ ဆိုလိုတာမဟုတ်ပါဘူး။ ကျွန်မတို့ သန့်စင်ခံချင်တယ်ဆိုရင်၊ ကျွန်မတို့က ဘုရားသခင်ရဲ့ နောက်ဆုံးသော ကာလ တရားစီရင်ခြင်း အမှုတော်ကို လက်ခံရပါမယ်”ဟု ပြန်ပြောခဲ့သည်။

သူတို့ ဆွေးနွေးသွားသည်ကို ကြားပြီး နောက်မှသာလျှင်၊ ကျွန်တော်က “ကယ်တင်ခံရခြင်း” ဆိုသည်မှာ ရောမသြဝါဒစာစောင်တွင် ပြောခဲ့သည့်အတိုင်း၊ သခင်ယေရှု၏ ကယ်တင်ခြင်းကို လက်ခံခြင်း နှင့် ပညတ်တော်ကို ချိုးဖောက်သည့်အတွက် သေဒဏ်စီရင် မခံရတော့ခြင်းကို ညွှန်းဆိုကြောင်း ကျွန်တော့် ဇနီးနှင့် ကျွန်တော် နားလည်သဘောပေါက်ခဲ့ရသည်။ ယင်းမှာ ကျွန်တော်တို့ စိတ်ကူးထားခဲ့သကဲ့သို့ “ကယ်တင်ခံရခြင်း၊” လုံးလုံးလျားလျား သန့်စင်ခံရခြင်း မဟုတ်ပါ။ သူတို့ပြောခဲ့ သည့်အရာမှာ အဓိပ္ပါယ်ရှိပါသည်။ ထို “ကယ်တင်ခံရခြင်း” ရှင်းလင်းချက်သည် ကျွန်တော်တို့၏ အပြစ်ကျူးလွန်ခြင်း နှင့် ထို့နောက်တွင် ထိုအပြစ်များကို ဝန်ခံခြင်း အခြေအနေတွင် အသက်ရှင်နေထိုင်ခြင်း အနေအထားနှင့် ကိုက်ညီနေပါသည်။ ထို့ကြောင့် သခင်ယေရှု ပြုခဲ့သည်မှာ ရွေးနှုတ်ခြင်းအမှုတော်သာ ဖြစ်ပြီး၊ လူသားကို လုံးလုံးလျားလျား သန့်စင်ခြင်းနှင့် ကယ်တင်ခြင်းအမှုတော် မဟုတ်ပါ။ လူများသည် သခင့်ကို ယုံကြည်သည် နှင့်တပြိုင်နက် သူတို့သည် ကယ်တင်ခံရ သော်လည်း၊ ဤအချက်က သူတို့သည် လုံးလုံးလျားလျား သန့်စင်ခံရ သည်ဟု မဆိုလိုပါ။ သူတို့၏ မိတ်သဟာယကို နားထောင်ပြီး ထိုအထဲတွင် ရှာဖွေရန် သမ္မာတရား ရှိနေသည်ဟု ကျွန်တော် ခံစားခဲ့ရသောကြောင့်၊ ဆက်ပြော ရန် ကျွန်တော့် လိုလားမှုကို ဖော်ပြခဲ့ပါသည်။ ကျွန်တော်က “သခင့်ကို ကျေးဇူးတော်ချီးမွမ်းပါတယ်။ အစ်မပြောတာ တွေက အရမ်းကို အံ့သြဖို့ကောင်းတာပဲ။ အစ်မနဲ့ ဒီမိတ်သဟာယပြုရာကနေ အခု ကျွန်တော် 'ကယ်တင် ခံရခြင်း' ရဲ့ စစ်မှန်တဲ့ အဓိပ္ပါယ်ကို နားလည်ပါပြီ။ ကျေးဇူးပြုပြီးတော့ အစ်မ မိတ်သဟာယပြုတာကို ဆက်ပါ၊ ပြီးတော့ သခင်က ကျွန်တော်တို့ကို လမ်းပြပါစေ”ဟု ပြောလိုက်သည်။ အစ်မဆုက ဆက်ပြီးတော့ “ကောင်း တယ်။ အနန္တတန်ခိုးရှင် ဘုရားသခင်ရဲ့ နှုတ်ကပတ်တော် ကျမ်းပိုဒ်တစ်ချို့ကို ဖတ်ကြ ရအောင်၊ ပြီးတော့ အဲဒါအားလုံးက ရှင်းလင်းလာလိမ့်မယ်၊ အနန္တတန်ခိုးရှင် ဘုရားသခင်က- ‘ထိုအချိန်က ယေရှု၏ အမှုမှာ လူသားမျိုးနွယ်တစ်ရပ်လုံးကို ရွေးနှုတ်ရန် ဖြစ်သည်။ သူ့ကို ယုံကြည်သူအားလုံးတို့၏ အပြစ်များသည် ခွင့်လွှတ်ခြင်း ခံခဲ့ရသည်၊ သူ့ကို ယုံကြည်နေသရွေ့ သူက သင့်ကို ရွေးနှုတ်မည်၊ သင်သည် သူ့ကို ယုံကြည်ပါက သင်သည် အပြစ်သားတစ်ယောက် မဟုတ်တော့ဘဲ၊ သင်၏အပြစ်များ အားလုံး ဖြေလွှတ်ခြင်းခံရသည်။ ဤသည်မှာ ကယ်တင်ခံရခြင်းနှင့် ယုံကြည်ခြင်းအားဖြင့် လျော်ကန်စေခြင်းဟူသည့် အဓိပ္ပာယ်ဖြစ်သည်။ သို့သော် ယုံကြည်ခဲ့ကြသည့် သူများအတွင်း၌ ဘုရားသခင်ကို ပုန်ကန်၍ ဆန့်ကျင်သည့်အရာ ကျန်နေသေးပြီး၊ ၎င်းကို တဖြည်းဖြည်းချင်း ဖယ်ရှားပစ်ရန် လိုခဲ့ပါသေးသည်။ ကယ်တင်ခြင်းဟူသည်မှာ လူသားသည် ယေရှု၏ ရယူခြင်းကို အပြည့်အဝ ခံခဲ့ပြီးပြီဟု ဆိုလိုခြင်းမဟုတ်ဘဲ၊ လူသားသည် သူသည်အပြစ်တရားနှင့် မသက်ဆိုင်တော့ဘဲ၊ သူ၏ အပြစ်များခွင့်လွှတ်ခံရခြင်းကို ဆိုလိုသည်။ သင်ယုံကြည်ပြီဆိုပါက အပြစ်တရားနှင့် နောက်တစ်ဖန် မည်သည့်အခါမျှ သက်ဆိုင်တော့မည် မဟုတ်ချေ။’ (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ဘုရားသခင့်အမှုတော်၏ ရူပါရုံ (၂)) ‘လူသည် သူ၏အနာရောဂါမှ ကုသပျောက်ကင်းခဲ့ပြီး သူ၏အပြစ်များ ခွင့်လွှတ်ခြင်း ခံခဲ့ရသော်လည်း၊ ၎င်းအတွင်းရှိ ဖောက်ပြန်ပျက်စီးသော ဆိုးယုတ်သော စိတ်သဘောထားများကို မည်သို့ ဖယ်ရှားရမည်ဆိုသည်အတွက်မူ၊ ဤအမှုကို လုပ်ဆောင်ဖို့ ရှိသေး၏။ လူသည် သူ၏ယုံကြည်ခြင်းအတွက် ကယ်တင်ခံရပြီး သူ့အပြစ်များ ခွင့်လွှတ်ခြင်းခံခဲ့ရသော်လည်း၊ လူ၏အပြစ်နှင့်ပြည့်သော သဘာဝသည် ပပျောက်စေခြင်း မရှိခဲ့သကဲ့သို့၊ ၎င်းအတွင်းရှိ ကျန်ရှိနေဆဲ ဖြစ်သည်။ လူ့ဇာတိခံ ဘုရားသခင်၏ ဆောင်ကြဉ်းပေးမှုအားဖြင့် လူ၏အပြစ်များသည် ခွင့်လွှတ်ခြင်း ခံခဲ့ရသော်လည်း၊ ဤအရာက လူသည် သူ၏အတွင်း၌ အပြစ်မရှိတော့ဟု မဆိုလိုပေ။ လူ၏အပြစ်များကို အပြစ်ဖြေရာယဇ်မှတစ်ဆင့် ခွင့်လွှတ်ခံရနိုင်သော်လည်း၊ လူသားကို နောက်ထပ် အပြစ်မပြုနိုင်တော့ရန် မည်သို့ ပြုလုပ်ရမည်ဆိုသည်နှင့် သူ၏ အပြစ်နှင့်ပြည့်သော သဘာဝကို မည်သို့ လုံးဝ ပပျောက်စေပြီး ပြောင်းလဲစေရမည်ဆိုသည်တို့အတွက်မူ၊ သူသည် ဤပြဿနာကို ဖြေရှင်းရန် မဖြစ်နိုင်ပေ။ လူသား၏ အပြစ်များ ခွင့်လွှတ်ခံခဲ့ရပြီး ဤသည်မှာ ဘုရားသခင်၏ ကားစင်တင်ခံရခြင်း အမှုကြောင့် ဖြစ်သော်လည်း၊ လူသည် သူ၏ အိုဟောင်းသည့် ဖောက်ပြန် ပျက်စီးသော ဆိုးယုတ်သည့် စိတ်သဘောထား အတွင်းတွင် ဆက်လက် အသက်ရှင်ခဲ့သည်။ ဤသို့ဖြစ်ရာ၊ လူ၏အပြစ်နှင့်ပြည့်သော သဘာဝကို တစ်ဖန် လုံးဝ ထွက်ပေါ်မလာဖို့ လုံးဝ ပပျောက်စေရန်၊ ထိုသို့ဖြင့် လူသား၏ စိတ်သဘောထားကို ပြောင်းလဲနိုင်စေရန်အလို့ငှာ၊ လူကို သူ၏ ဖောက်ပြန်ပျက်စီးသော ဆိုးယုတ်သော စိတ်သဘောထားမှ လုံးဝ ကယ်တင်ရမည် ဖြစ်သည်။ ဤအရာက လူသည် အသက်တာတွင် ကြီးထွားမှု လမ်းကြောင်းကို သဘောပေါက်ရန်၊ အသက်၏ လမ်းခရီးကို သဘောပေါက်ရန်နှင့် သူ၏ စိတ်သဘောထားကို ပြောင်းလဲဖို့ နည်းလမ်းကို သဘောပေါက်ရန် လိုအပ်ပေသည်။ ထို့အပြင် လူ၏စိတ်သဘောထားကို တဖြည်းဖြည်း ပြောင်းလဲ စေနိုင်စေရန်နှင့် သူသည် အလင်း၏ ထွန်းလင်းမှုအောက်တွင် အသက်ရှင်နိုင်ရန်အလို့ငှာ၊ သူ လုပ်ဆောင်သမျှအားလုံး ဘုရားသခင်၏ အလိုနှင့် ကိုက်ညီနိုင်ဖို့အလို့ငှာ၊ သူ၏ဖောက်ပြန်ပျက်စီးသော ဆိုးယုတ်သည့် စိတ်သဘောထားကို ဖယ်ရှားပစ်နိုင်ရန်နှင့် စာတန်၏ အမှောင်စွမ်းအားမှ ချိုးဖောက်လွန်မြောက်နိုင်ရန်၊ ထိုသို့ဖြင့် အပြစ်မှ အပြည့်အဝ လွတ်လာနိုင်ရန်အလို့ငှာ၊ လူသည် ဤလမ်းကြောင်းနှင့်အညီ ဆောင်ရွက်ဖို့ လိုအပ်ပေသည်။ ထိုအခါမှသာ လူသည် ပြီးပြည့်စုံသည့် ကယ်တင်ခြင်း ရရှိလိမ့်မည်။’ (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ လူ့ဇာတိခံယူခြင်း၏ နက်နဲရာအချက် (၄)) ‘ယေရှုသည် လူသားအလယ်တွင် အမှုများစွာ လုပ်ဆောင်ခဲ့သော်လည်း၊ သူသည် လူသားမျိုးနွယ် အားလုံး၏ ရွေးနုတ်ခြင်းကိုသာ ပြီးစီးစေခဲ့ပြီး လူသားတို့၏ အပြစ်ဖြေရာယဇ် ဖြစ်လာခဲ့သည်။ သူသည် လူသားထံမှ သူ၏ ဖောက်ပြန်ပျက်စီးသော စိတ်သဘောထားအားလုံး ဖယ်ရှားမပေးခဲ့ပေ။ စာတန်၏စွမ်းအားမှ လူသားကို အပြည့်အဝ ကယ်တင်ခြင်းသည် ယေရှုအနေဖြင့် အပြစ်ဖြေရာယဇ် ဖြစ်လာပြီး လူသား၏ အပြစ်များကို သယ်ဆောင်ရန် လိုအပ်သည်သာမက၊ ဘုရားသခင်အနေဖြင့် လူသားထံမှ သူ၏ ဆိုးယုတ်စွာ ဖောက်ပြန်ပျက်စီးသော စိတ်သဘောထားအား လုံးဝဖယ်ရှားပေးရန် သာ၍ပင် ကြီးမားသော အမှုကို လုပ်ဆောင်ရန်လည်း လိုအပ်ပေသည်။ ထို့ကြောင့် လူသားသည် သူ၏အပြစ်များမှ ခွင့်လွှတ်ခံရပြီး ဖြစ်သဖြင့်၊ ဘုရားသခင်သည် လူသားကို ခေတ်သစ်ထဲသို့ ဦးဆောင်ရန် လူ့ဇာတိ ပြန်လည်ခံယူပြီဖြစ်ပြီး၊ ပြစ်တင်ဆုံးမခြင်းနှင့် တရားစီရင်ခြင်းအမှုကို စတင်ပြီဖြစ်သည်။ ဤအမှုသည် လူသားကို သာ၍မြင့်မားသည့် လောကတစ်ခုထဲသို့ ဆောင်ကြဉ်းပြီးဖြစ်သည်။ သူ၏အုပ်စိုးမှုအောက်တွင် ကျိုးနွံနာခံသူအားလုံးသည် သာ၍မြင့်မားသော သမ္မာတရားကို မွေ့လျော်ပြီး သာ၍ကြီးမြတ်သော ကောင်းချီးမင်္ဂလာများကို ရရှိရပေမည်။ ၎င်းတို့သည် အလင်းတွင် အမှန်တကယ် အသက်ရှင်ကြရမည် ဖြစ်ပြီး သမ္မာတရား၊ လမ်းခရီးနှင့် အသက်တို့ကို ရရှိကြရလိမ့်မည်။’ (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ကျမ်းဦးစကား) လို့ မိန့်တော်မူခဲ့တယ်။ ကျွန်မတို့က ကျေးဇူးတော်ခေတ်က ဘုရားသခင်ရဲ့ ရွေးနှုတ်ခြင်းအမှုတော်ကို စောင့်ထိန်းပြီး၊ နောက်ဆုံးသာ ကာလက သူ့တရားစီရင်ခြင်းအမှုတော်ကို လက်မခံဘူးဆိုရင်၊ ကျွန်မတို့ရဲ့ အပြစ်ရှိခြင်း ဇစ်မြစ်ဟာ မဖြေရှင်းနိုင်ဘူး ဆိုတာကို အနန္တတန်ခိုးရှင်ဘုရားသခင်ရဲ့ နှုတ်ကပတ်တော်ကနေ ကျွန်မတို့ တွေ့နိုင်ပါတယ်။ နောက်ဆုံးသောကာလ ရဲ့အနန္တတန်ခိုးရှင် ဘုရားသခင် က ကြွရောက်ခဲ့ပြီး၊ ရွေးနှုတ်ခြင်း အမှုတော်ရဲ့ အခြေခံ အုတ်မြစ်ပေါ်မှာ လူတွေကို တရားစီရင်ခြင်းနဲ့ သန့်စင်ခြင်း အမှုတော်အဆင့်ကို ဆောင်ရွက်လျက်ရှိပါတယ်။ ကိုယ်တော်ဟာ လူရဲ့ ဖောက်ပြန်ပျက်စီးမှုဆိုင်ရာ အမှန်တရားကို ထုတ်ဖော်ဖို့ သမ္မာတရားတွေကို မိန့်မြွက်နေပြီး၊ လူသားရဲ့ ဆိုးယုတ်တဲ့ သဘာဝကို တရားစီရင်နေတယ်။ ကိုယ်တော်ဟာ လူတွေရဲ့ ဆိုးယုတ်တဲ့ စိတ်သဘောထားတွေကို ပြောင်းလဲဖို့၊ သူတို့ ကယ်တင်ခြင်းအပြည့်အဝ ရရှိနိုင်ဖို့အတွက် သူတို့ကို စာတန်ရဲ့ စွမ်းအားကနေ လုံးလုံး လွတ်မြောက်စေဖို့ အတွက် ကြွတော်မူခဲ့တယ်။ အဲဒါက နောက်ဆုံးသော ကာလက အနန္တ တန်ခိုးရှင်ဘုရားသခင်ရဲ့ တရားစီရင်ခြင်း အမှုတော်ဟာ လူတွေကို သန့်စင်ခြင်း၊ ကယ်တင်ခြင်းနဲ့ စုံလင်ခြင်းတို့အတွက် အရေးအကြီးဆုံးနဲ့ အခြေခံအကျဆုံး အမှုတော်ဖြစ်တယ် ဆိုတာကို ထင်ရှားစေပါတယ်။ ဒါ့ကြောင့် အနန္တတန်ခိုးရှင်ဘုရားသခင်ရဲ့ အမှုတော်ကို လက်ခံခြင်း အားဖြင့်သာလျှင် ကျွန်မတို့က ကိုယ့်ကိုယ်ပိုင် ဖောက်ပြန် ပျက်စီးတဲ့ အနှစ်သာရနဲ့ ဘုရားသခင်ရဲ့ ဖြောင့်မတ်တဲ့ စိတ်သဘောထားတို့ကို စစ်မှန်တဲ့ နားလည် သဘောပေါက်မှု တစ်ခုကို ရရှိပြီး၊ စာတန်ရဲ့ စွမ်းအားက နေလုံးလုံး လွတ်မြောက်တဲ့အပြင်၊ ဘုရားသခင်ရဲ့ အပြည့်အဝ ကယ်တင်ခံရပြီး၊ ဘုရားသခင်ကို နာခံပြီး ဝတ်ပြုကိုးကွယ်တဲ့၊ ဘုရားသခင်နဲ့ သဟဇာတဖြစ်တဲ့ လူတွေဖြစ်လာမှာ ဖြစ်တယ်”ဟု ပြောခဲ့သည်။

ဤဆွေးနွေးချက်များအားလုံးကို ကြားခြင်း နောက်ပိုင်းမှာ ကျွန်တော့်နှလုံးသားက အမှန်တကယ်ပင် အားတက်ခဲ့ပြီး၊ ကျွန်တော်၏ ကြာမြင့်ပြီဖြစ်သည့် စိတ်ရှုပ် ထွေးဖွယ်များက နောက်ဆုံးတွင် ဖြေရှင်းခဲ့ပြီဟု ခံစားခဲ့ ရသည်။ အမှန်မှာမူ ဘုရားသခင်သည် ကျေးဇူးတော်ခေတ် တွင် လူများကို သူတို့၏ ဖောက်ပြန်ပျက်စီးသည့် ဆိုးယုတ်သော စိတ်သဘောထားများအား ဖယ်ရှားပေးခြင်း အမှုတော်ကို မဟုတ်ပဲ ရွေးနှုတ်ခြင်း အမှုတော်ကို ဆောင်ရွက်ခဲ့ခြင်းသာ ဖြစ်ပေသည်။ နောက်ဆုံးသော ကာလ၌ သူ၏ လူ့ဇာတိခံယူခြင်းမှတစ်ဆင့် သမ္မာတရားကို ထုတ်ဖော်ခြင်းဖြစ်သည့် ဘုရားသခင်၏ တရားစီရင်ခြင်း အမှုတော်သည် လူသားမျိုးနွယ်ကို နှံ့စပ်စွာ သန့်စင်ခြင်းနှင့် ကယ်တင်ခြင်း အမှုတော်ပင် ဖြစ်သည်။ ထို့ကြောင့် ဘုရားသခင်သည် လူများကို မည်သို့ အမှန်တကယ်ကို သန့်စင်၊ ပြောင်းလဲစေကာ၊ လုံးလုံး ကယ်တင်သနည်း။ ကျွန်တော်က ဤမေးခွန်းအတွက် အဖြေကို သိလို စိတ်ထက်သန်သောကြောင့် “အစ်မအခုပဲ ပြောသွားတာကို ကျွန်တော် နားလည်ပါတယ်၊ ပြီးတော့ ကျွန်တော်တို့က ပြန်ကြွလာတဲ့ သခင်က တရားစီရင်ခြင်း အမှုတော်အဆင့် ကို ဆက်လက်ဆောင်ရွက်ခြင်းကတစ်ဆင့်သာလျှင် သန့်စင်ခြင်းကို ရရှိနိုင်မယ်ဆိုတာလည်း ကျွန်တော် သိပါတယ်။ ဒါက ကျွန်တော် အချိန်အတော်အကြာ တောင့်တခဲ့ရတဲ့ အရာလည်း ဖြစ်တယ်။ ကျွန်တော် တကယ်သိချင်တာကတော့ အနန္တတန်ခိုးရှင်ဘုရားသခင်က လူတွေကို သန့်စင်ပြီး ကယ်တင်ဖို့ သူ့တရားစီရင်ခြင်း အမှုတော်ကို ဘယ်လိုပြုတာလဲ။ ကျေးဇူးပြုပြီးတော့ အစ်မရဲ့ ဆွေးနွေးချက်ကို ဝေငှပါဗျာ”ဟု မမေးပဲ မနေ နိုင်ပါ။

အစ်မဆုက ဆက်ပြီး “အနန္တတန်ခိုးရှင်ဘုရားသခင်က လူတွေကို သန့်စင်ဖို့နဲ့ ကယ်တင်ဖို့ သူ့တရားစီရင်ခြင်း အမှုတော်ကို ဘယ်လိုပြုမယ်ဆိုတာနဲ့ ပတ်သက်တဲ့ မေးခွန်းက ပြောင်းလဲခြင်းနဲ့ သန့်စင်ခြင်းတို့ကို ရရှိလိုတဲ့ လူတိုင်းအတွက် အထူးသဖြင့် အရေးကြီးတဲ့ မေးခွန်းပဲ ဖြစ်ပါတယ်။ အနန္တတန်ခိုးရှင် ဘုရားသခင်ရဲ့ နှုတ်ကပတ်တော် က ဒီရှုထောင့်ရဲ့ သမ္မာတရားအပေါ် အထူး ရှင်းလင်းချက် ပေးထားပါတယ်။ အဲဒါတွေကို ကျွန်မ အစ်ကို့ကို ပို့ပေးပါမယ်။ အစ်ကို ကျေးဇူးပြုပြီး အဲဒါတွေကို ဖတ်လိုက်ပါ”ဟု ပြောခဲ့သည်။

စိတ်လှုပ်ရှားစွာဖြင့် ကျွန်တော်က အနန္တတန်ခိုးရှင် ဘုရားသခင်၏ နှုတ်ကပတ်တော်များကို ဖတ်ပြခဲ့သည်။ “နောက်ဆုံးသောကာလတွင် ခရစ်တော်သည် လူသားကို သွန်သင်ရန်၊ လူသား၏အနှစ်သာရကို ဖော်ထုတ်ရန်နှင့် လူသား၏ အပြုအမူများနှင့် စကားလုံးများကို စိတ်ဖြာလေ့လာရန် အမျိုးမျိုးသော သမ္မာတရားများကို အသုံးပြု၏။ ဤနှုတ်ကပတ်တော်များသည် လူသား၏တာဝန်၊ လူသားသည် ဘုရားသခင်ကို မည်သို့နာခံသင့်ပုံ၊ လူသားသည် ဘုရားသခင်ကို မည်သို့သစ္စာရှိသင့်ပုံ၊ လူသားသည် သာမန်လူ့သဘာဝကို မည်သို့ အသက်ရှင်နေထိုင်သင့်ပုံအပြင်၊ ဘုရားသခင်၏ ဉာဏ်ပညာနှင့် စိတ်သဘောထား စသည်တို့ကဲ့သို့သော အမျိုးမျိုးသော သမ္မာတရားများ ပါဝင်သည်။ ဤနှုတ်ကပတ်တော်များ အားလုံးသည် လူသား၏အနှစ်သာရနှင့် သူ၏ဖောက်ပြန်ပျက်စီးနေသော စိတ်သဘောထားတို့ကို ဦးတည်ထား ပေသည်။ အထူးသဖြင့်၊ ဘုရားသခင်ကို လူသားက မည်သို့ ပစ်ပယ်သည်ကို ဖော်ထုတ်ပြသည့် နှုတ်ကပတ်တော်များမှာ လူသားသည် စာတန်၏ပြယုဂ်နှင့် ဘုရားသခင်ကိုဆန့်ကျင်သည့်ရန်သူအင်အား တစ်ခု မည်သို့ဖြစ်သည်နှင့် စပ်လျဉ်း၍ ပြောဆိုထားပေသည်။ သူ၏တရားစီရင်ခြင်းအမှုကို ဆောင်ရွက်ရာတွင်၊ ဘုရားသခင်သည် လူသား၏သဘာဝကို စကားလုံးအနည်းငယ်မျှဖြင့် ရှင်းလင်းရုံမျှ ရှင်းလင်းစေသည် မဟုတ်။ သူသည် ရေရှည်နှင့်ပတ်သက်၍ ဖော်ထုတ်သည်၊ ကိုင်တွယ်ဖြေရှင်းပြီး၊ ပြုပြင်လေသည်။ ဤဖော်ထုတ်ခြင်း၊ ကိုင်တွယ်ဖြေရှင်းခြင်းနှင့် ပြုပြင်ပေးခြင်း နည်းလမ်းများကို သာမန်စကားလုံးများဖြင့် အစားထိုး၍မရနိုင်ဘဲ၊ လူသားတွင် လုံးဝကင်းမဲ့နေသော သမ္မာတရားဖြင့် အစားထိုးနိုင်ပေသည်။ ဤသို့သော နည်းလမ်းများကိုသာ တရားစီရင်မှုဟု ခေါ်ဆိုနိုင်သည်။ ဤတရားစီရင်မှုမျိုးမှတစ်ဆင့်သာ လူသားသည် ထိန်းချုပ်ခံရနိုင်ပြီး၊ ဘုရားသခင်ထံ ကျိုးနွံနာခံခြင်းအဖြစ်သို့ လုံးလုံးလျားလျား သိမ်းသွင်းစည်းရုံးခံရနိုင်သည့်အပြင်၊ ဘုရားသခင်နှင့် ပတ်သက်သည့် စစ်မှန်သော အသိပညာကို ရရှိနိုင်ပေသည်။ တရားစီရင်ခြင်းက ဖြစ်ပေါ်စေသည့်အရာမှာ ဘုရားသခင်၏မျက်နှာအစစ်အမှန်နှင့် သူကိုယ်တိုင်၏ ပုန်ကန်မှုနှင့်ပတ်သက်သည့် အမှန်တရားကို လူသားက သိနားလည်ခြင်း ဖြစ်သည်။ တရားစီရင်ခြင်းအမှုသည် ဘုရားသခင်၏ အလို၊ ဘုရားသခင်အမှု၏ ရည်ရွယ်ချက်နှင့် လူသား နားမလည်နိုင်သော နက်နဲမှုများတို့နှင့် ပတ်သက်သည့် များပြားလှသော သိနားလည်မှုကို လူသားအား ရရှိခွင့်ပေးသည်။ ယင်းသည် လူသားကို သူ၏ ဖောက်ပြန်ပျက်စီးသော အနှစ်သာရနှင့် သူ၏ ဖောက်ပြန်ပျက်စီးမှု အရင်းအမြစ်များကို သတိပြုကာ သိရှိခွင့်ပေးသည့်အပြင် လူသား၏ အကျည်းတန်မှုကို သိရခွင့် ပေးလေသည်။ ဤအကျိုးသက်ရောက်မှုအားလုံးတို့ကို တရားစီရင်ခြင်း အမှုက ဖြစ်ပေါ်စေခြင်းဖြစ်သည်၊ အကြောင်းမှာ ဤအမှု၏ အနှစ်သာရသည် ဘုရားသခင်၌ ယုံကြည်ခြင်းရှိသူများ အားလုံးထံသို့ ဘုရားသခင်၏သမ္မာတရား၊ လမ်းခရီးနှင့် အသက်တို့ကို အမှန်တကယ် ဖွင့်ပြပေးသည့် အမှု ဖြစ်သောကြောင့် ဖြစ်သည်။ ဤအမှုသည် ဘုရားသခင် လုပ်ဆောင်သော တရားစီရင်ခြင်းအမှု ဖြစ်၏။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ခရစ်တော်သည် တရားစီရင်ခြင်း အမှုကို သမ္မာတရားဖြင့် ဆောင်ရွက်၏)

ဘုရားသခင်၏ နှုတ်ကပတ်တော်များကို ကျွန်တော် ဖတ်ရှုပြီးနောက်တွင် အစ်မဆုက သူမဆွေးနွေးချက်ကို ဆက်ခဲ့သည်၊ “အနန္တတန်ခိုးရှင်ဘုရားသခင်ရဲ့ နှုတ်ကပတ်တော် တွေက ဘုရားသခင်က လူတွေကို ဘယ်လို တရားစီရင်ပုံ နဲ့ သန့်စင်ပုံတို့ကို အရမ်းကို ပြတ်သားစွာ ရှင်းပြထားတယ်။ နောက်ဆုံးသောကာလက ဘုရားသခင်က လူသားမျိုးနွယ်ကို တရားစီရင်ဖို့၊ သန့်စင်ဖို့နဲ့ ကယ်တင်ဖို့တို့အတွက် ဘုရားသခင်ကို ခုခံတဲ့ လူသားရဲ့ ဖောက်ပြန်ပျက်စီးတဲ့ စိတ်သဘောထားနဲ့ ဆိုးယုတ်တဲ့ သဘာဝ တို့ကို ပစ်မှတ်ထားဖို့ သမ္မာ တရားတွေကို အဓိကအားဖြင့် မိန့်မြွက်တော်မူတယ်၊ စာတန်က လူတွေကို ဘယ်လို ဖောက်ပြန်ပျက်စီးစေပုံ၊ ဘုရားသခင်က လူတွေကို ဘယ်လိုကယ်တင်ပုံ၊ လူနောက် ကိုပဲလိုက်ဖို့ဆိုတာ ဘာလဲဆိုတာနဲ့ ဘုရားသခင်ကို နာခံဖို့ဆိုတာ ဘာလဲဆိုတာတွေ၊ ကျွန်မတို့ယုံကြည်မှုမှာ ကျွန်မတို့ ထားသင့်တဲ့ ရှုထောင့်တွေက ဘာတွေ ဖြစ်ကြောင်း၊ စိတ်သဘောထားဆိုင်ရာပြောင်းလဲမှုဟာ ဘာဖြစ်ကြောင်း၊ ဘုရားသခင်ကို ကြောက်ရွံ့ရိုသေပြီး၊ မကောင်းမှုကို ု ရှောင်ကြဉ်ခြင်းဆိုတာ ဘာဖြစ်ကြောင်း၊ ဘုရားသခင်ရဲ့ စိတ်သဘောထားကို ပြစ်မှားစော်ကားတာ ဟာ ဘာဖြစ်ကြောင်း၊ ရိုးသားတဲ့လူတစ်ယောက် အဖြစ် ဘယ်လိုနေရပုံ စတဲ့ သမ္မာတရားရဲ့ ရှုထောင့်တွေ အများကြီးကို အနန္တတန်ခိုးရှင် ဘုရားသခင်က မိန့်မြွက်ခဲ့ တယ်။ ဒီသမ္မာတရားအားလုံးက သြဇာအာဏာနဲ့ တန်ခိုးတို့ ပိုင်ဆိုင်ပြီး၊ လူတွေကို သူတို့အသက်တာတွေအတွက် အထောက်အပံ့ပေးနိုင်ပါတယ်။ အဲဒါတွေက ဘုရားသခင်က လူသားမျိုးနွယ်အပေါ်ကို ပေးအပ်နှင်းခဲ့တဲ့ ထာဝရအသက် ကို သွားရာလမ်းကြောင်း ဖြစ်တယ်။ လူတွေက ဘုရားသခင် ရဲ့ နှုတ်ကပတ်တော်ကို လက်ခံပြီး၊ လက်တွေ့လုပ်ဆောင်သမျှ ကာလပတ်လုံး၊ သူတို့တွေက သန့်စင်ခြင်းနဲ့ ကယ်တင်ခြင်းတို့ကို ရရှိနိုင်မှာ ဖြစ်တယ်။ အနန္တတန်ခိုးရှင်ဘုရားသခင်ရဲ့ တရားစီရင်ခြင်း အမှုတော် ကို နှစ်ပေါင်းများစွာ တွေ့ကြုံခံစားပြီးနောက်မှာ၊ ကျွန်မ တို့က ဒါတွေအားလုံးကို ကိုယ်တိုင်တွေ့ကြုံခံစားပြီး ဖြစ်တယ်။ ကျွန်မတို့က လူသားကို အနန္တတန်ခိုးရှင် ဘုရားသခင်ရဲ့ တရားစီရင်ခြင်း၊ ပြစ်တင်ဆုံးမခြင်းနဲ့ ဖော်ထုတ်ခြင်း နှုတ်ကပတ်တော်တွေကို ဖတ်ရှုတဲ့အခါမှာ အဲဒါတွေက အသွားနှစ်ဖက်ပါတဲ့ ဓါးတစ်ချာင်းလိုမျိုးပဲ၊ ကျွန်မတို့ရဲ့ ပုန်ကန်လိုခြင်းနဲ့ ဖောက်ပြန်ပျက်စီးခြင်း၊ ခုခံခြင်း၊ မှားယွင်းတဲ့ ရည်ရွယ်ချက်တွေ၊ အယူအဆတွေနဲ့ စိတ်ကူးထင်မြင်ချက်တွေအပြင်၊ ကျွန်မတို့နှလုံးသားရဲ့ နက်ရှိုင်းတဲ့နေရာတွေမှာ ဖုံးကွယ်နေတဲ့ စာတန်ရဲ့ အဆိပ်တွေ ကိုတောင် ထုတ်ဖော်နေတယ်လို့ ခံစားရ ပါတယ်။ အဲဒါက ကျွန်မတို့တွေဟာ မာနထောင်လွှားပြီး၊ ကိုယ့်ကိုကိုယ် မှန်ကန်တယ်လို့ယူဆတဲ့အပြင်၊ ကောက်ကျစ်ပြီး စဉ်းလဲတယ်၊ အတ္တကြီးပြီး ယုတ်မာတဲ့ အပြင် ကျွန်မတို့ အကျိုးစီးပွားတွေ ကလွဲရင် အားလုံးကို မျက်ကွယ်ပြုထားကြောင်း၊ ဘုရားသခင် ကိုလည်း ကြောက်ရွံ့ခြင်း လုံးဝမရှိကြောင်း တို့ကို ကျွန်မတို့ကို တွေ့မြင်စေတယ်။ ကျွန်မတို့ဟာ ဘာလူသားပုံသဏ္ဌာန်မှ မရှိဘဲ၊ ကျွန်မတို့လုပ်ရပ် တွေ၊ နှလုံးသားတွေနဲ့ စိတ်တွေမှာ အညစ်အကြေးတွေ နဲ့ ဖောက်ပြန်ပျက်စီးခြင်းတို့နဲ့ ပြည့်နှက်နေတယ်ဆိုတာ ကျွန်မတို့ မြင်ရတယ်။ ကျွန်မတို့က ကိုယ့်မျက်နှာကိုပြဖို့ အရမ်းကို အရှက်ရတယ်လို့ ခံစားရပြီး၊ ကျွန်မတို့ရဲ့ ဖောက်ပြန်ပျက်စီး ပြီး ဆိုးယုတ်တဲ့ စိတ်သဘောထားတွေနဲ့သာ ဆက်ပြီး အသက်ရှင်နေထိုင် နေမယ်ဆိုရင်၊ ကျွန်မတွေဟာ ဘုရားသခင်ကို ရွံရှာစေတဲ့လူတွေသာ အမြဲတမ်း ဖြစ်မှာဖြစ်ပြီး၊ ဘုရားသခင်ရဲ့ ချီးမွမ်းခြင်းကိုလည်း လုံးဝ ရရှိမှာ မဟုတ်တဲ့အပြင်၊ သုတ်သင်ဖယ်ရှင်းခြင်းနဲ့ အပြစ်ဒဏ်တို့အတွက်သာ ကံဇာတာပါလာတယ်ဆိုတာကို ကျွန်မတို့ နားလည်သဘောပေါက်ပါတယ်။ အနန္တတန်ခိုးရှင် ဘုရားသခင်ရဲ့ တရားစီရင်ခြင်းနဲ့ ထုတ်ဖော်ခြင်းတို့က ဘုရားသခင် ရှေ့တော်မှောက်မှာ မျက်နှာချင်းဆိုင် တရားစီရင်ခြင်း ခံလိုက်ရသလိုပဲ၊ ကျွန်မတို့ကို ဘုရားသခင်ရဲ့ ဘုန်းအာနုဘော်၊ အမျက်ဒေါသ နဲ့ ဖြောင့်မတ်တဲ့ စိတ်သဘောထားတွေကို သတိပြုမိ စေပြီးတော့၊ တဖြည်းဖြည်းချင်းဆိုသလို ဘုရားသခင်ကို ကြောက်ရွံ့တဲ့ နှလုံးသားတစ်စုံအပြင်၊ စစ်မှန်တဲ့ နောင်တနဲ့ ပြောင်းလဲမှုကို ရရှိစေပါတယ်။ ကျွန်မတို့က အခုဆိုရင် လူသားပုံသဏ္ထာန်ကို အနည်းငယ် အသက်ရှင်နေထိုင် နေပြီလို့ ခံစားရပြီး၊ ကျွန်မတို့ဟာ ဘုရားသခင်ရဲ့ ကြီးမြတ်တဲ့ ကယ်တင်ခြင်းကို အမှန်တကယ် ရရှိခဲ့ပြီဆိုတာ ကိုလည်း တွေ့မြင်ရပါတယ်။ ဘုရားသခင်ရဲ့ တရား စီရင်ခြင်းသာ ကျွန်မတို့အပေါ်ကို မကျရောက်ခဲ့ဘူးဆိုရင်၊ ကျွန်မတို့က လူသားရဲ့ ပြစ်မှားခြင်းတွေကို သည်းမခံတဲ့ ဘုရားသခင်ရဲ့ ဖြောင့်မတ်တဲ့ စိတ်သဘောထားနဲ့ ကိုယ်တော်ရဲ့ သန့်ရှင်းပြီး အကျိုးပြုတဲ့ အနှစ်သာရ တို့ကိုလည်း သိခွင့်ရှိခဲ့မှာ မဟုတ်ပါဘူး။ ကျွန်မတို့က ကိုယ့်ရဲ့ကိုယ်ပိုင် ပုန်ကန်ခြင်းနဲ့ ဖောက်ပြန်ပျက်စီးခြင်း ကိုလည်း မုန်းလာမှာ မဟုတ်သလို၊ ကျွန်မတို့ကိုယ်ပိုင် ဖောက်ပြန်ပျက်စီးခြင်းကို ဖယ်ရှားနိုင်ပြီး သန့်စင်ခံရမှာ လည်း မဟုတ်ပါဘူး။ ဒါ့ကြောင့် ကျွန်မတို့က ဘုရားသခင်ရဲ့ တရားစီရင်ခြင်းနဲ့ ပြစ်တင်ဆုံးမခြင်းကို တွေ့ကြုံရလေလေ၊ ဘုရားသခင်ရဲ့ တရားစီရင်ခြင်းနဲ့ ပြစ်တင်ဆုံးမ ခြင်းတို့ဟာ ကျွန်မတို့အတွက် အကောင်းဆုံးသော ဂရုစိုက်စောင့်ရှောက်မှု၊ ကျွန်မတို့ရဲ့ အကြီးမြတ်ဆုံးသော ကောင်းကြီးမင်္ဂလာ နဲ့ အစစ်မှန်ဆုံးသာ ကယ်တင်ခြင်း ဖြစ်တယ်ဆိုတာကို ကျွန်မတို့ပိုပြီး တွေ့မြင် ရပါတယ်။”

အစ်မလျူကလည်း ဤအရာကို မိတ်သဟာယထဲတွင် ဝေငှခဲ့သည်၊ “နောက်ဆုံးသောကာလ အနန္တတန်ခိုးရှင် ဘုရားသခင်ရဲ့ တရားစီရင်ခြင်းနဲ့ ပြစ်တင်ဆုံးမခြင်း အမှုတော်က လူတွေကို နှံ့စပ်အောင် သန့်စင်ခြင်း၊ ကယ်တင်ခြင်းနှင့် စုံလင်စေခြင်း အမှုတော်ပဲ ဖြစ်ပါတယ်။ ကျွန်မတို့က နောက်ဆုံးသောကာလ ရဲ့ ခရစ်တော် ပလ္လင်တော်ရှေ့တော်မှောက်မှာ တရားစီရင်ခြင်းကို လက်မခံဘူးဆိုရင်၊ ကျွန်မတို့ရဲ့ အသက်တာ စိတ်သဘောထားမှာ သန့်စင်ခြင်းနဲ့ ပြောင်းလဲခြင်းတွေကို ရရှိနိုင်မှာ မဟုတ်ဘူး။ ကျွန်မတို့ရဲ့ အဆုံးသတ် က ဘုရားသခင်ရဲ့ ငြင်းပယ်ခြင်းနဲ့ သုတ်သင်ဖယ်ရှင်းခြင်းသာ ဧကန်မုချဖြစ်မှာပါ၊ ကျွန်မတို့က သေပြီးနောက် ထာဝရ ခံရတဲ့ အပြစ်ဒဏ်ကို ခံစားရပြီး၊ သေဆုံးရမှာပဲ။ ကျွန်မတို့က ကယ်တင်ခြင်း နှင့် ကောင်းကင်နိုင်ငံတော်ကို ဝင်ရောက်ခြင်းအခွင့်တစ်ခုကို လုံးဝရမှာ မဟုတ်ဘူး။ ဒါကတော့ မလွဲမသွေပါပဲ။”

ကျွန်တော်က “ဘုရားသခင်ကို ကျေးဇူးတော် ချီးမွမ်း ပါတယ်။ ကျွန်တော့် နှလုံးသားက အစ်မတို့ ဆွေးနွေးချက် အားဖြင့် အရမ်းကို အားတက်ရပါတယ်။ ကျွန်တော်က သခင့်ကို နှစ်ပေါင်းများစွာ ယုံကြည်ခဲ့ပေမဲ့လည်း၊ အမှန်မှာ တော့ ကျွန်တော်ဟာ အပြစ်မှာ အသက်ရှင်နေထိုင်ခဲ့ပြီး၊ လွတ်မြောက်ဖို့ အင်အား မရှိခဲ့ပါဘူး။ အခုတော့ ကျွန်တော်က နောက်ဆုံးသော ကာလ ဘုရားသခင်ရဲ့ တရားစီရင်ခြင်း နဲ့ ပြစ်တင်ဆုံးမခြင်းတို့ကို တွေ့ကြုံမခံစား ဘူးဆိုရင်၊ အပြစ်ရဲ့ ချည်နှောင်ခြင်းနဲ့ ကန့်သတ်ချက်တွေ ကနေ လွတ်မြောက်နိုင်မှာ မဟုတ်ဘူးဆိုတာကို နားလည်ရပါပြီ။ ကျွန်တော်က အခု သန့်စင်ခြင်းနဲ့ ပြည့်စုံတဲ့ကယ်တင်ခြင်း လမ်းကြောင်းကို ရှာဖွေတွေ့ရှိ ခဲ့ပြီ”ဟု ပျော်ရွှင်စွာဖြင့် ပြောခဲ့ပါသည်။ ဆွေးနွေးပြီး ရက်အနည်းအငယ်အကြာတွင် ကျွန်တော့် ဇနီးနှင့် ကျွန်တော်တို့က သမ္မာတရားအချို့ကို နားလည် သဘောပေါက် လာခဲ့ပြီး၊ နောက်ဆုံးသော ကာလ အနန္တတန်ခိုးရှင် ဘုရားသခင်ရဲ့ အမှုတော်ကို လက်ခံခဲ့ ကြပါသည်။

ကျွန်တော့် အတွက် သူ၏ချစ်ခြင်းမေတ္တာနှင့် ကယ်တင်ခြင်း တို့အတွက် အနန္တတန်ခိုးရှင်ဘုရားသခင်ကို ကျွန်တော် ကျေးဇူးတင်မိပါသည်။ သင်းအုပ်ဆရာ တစ်ယောက်အနေဖြင့် ကျွန်တော်သိကျွမ်းသည့် အခြားသော သင်းအုပ်ဆရာများနှင့် ညီအစ်ကိုမောင်နှမများ အားလုံးတို့ကို ဘုရားသခင် ရှေ့ဆောင်မှောက်သို့ ယူဆောင်လာရန် တာဝန် နှင့် ဝတ္တရားရှိ နေပါသည်။ ဤညီအစ်ကိုမောင်နှမများနှင့် အချိန်ကာလ တစ်ခုတန် သည် အလုပ်လုပ်ပြီးနောက်၊ စုဝေးပွဲမကြာခဏ တက်ရောက်ကြသည့် အသင်းတော်မှ ညီအစ်ကိုမောင်နှမ ဒါဇင်များစွာက အနန္တတန်ခိုးရှင်ဘုရားသခင်ကို လက်ခံခဲ့ ကြရုံမျှမက၊ ကျွန်တော် တို့က တခြား အိမ်အသင်းတော်မှ သင်းအုပ်ဆရာ တစ်ယောက်ကိုပါ ဘုရားသခင်၏ မိသားစု ထဲသို့ခေါ်ဆောင် လာခဲ့ပြီး၊ သူ့အသင်းတော်မှ ညီအစ်ကို မောင်နှမ အများစုကလည်း ဘုရားသခင်ထံသို့ ပြန်လာခဲ့ ကြပါသည်။ ကျွန်တော့်မှာ ထိုညီအစ်ကို မောင်နှမများက နောက်ဆုံးသော ကာလမှ ဘုရားသခင်၏ ကယ်တင်ခြင်းကို လက်ခံပြီး၊ ဘုရားသခင်၏ ပလ္လင်တော်ရှေ့တော်မှောက်သို့ ချီမခံရခြင်း တို့ကို တွေ့မြင်ရ၍ သာယာကြည်နူးမိပါသည်။ ဤအရာအားလုံးသည် အနန္တတန်ခိုးရှင်ဘုရားသခင် အမှုတော် ၏ အသီးအပွင့်များပင် ဖြစ်ပါသည်။ ခပ်သိမ်းသော အမှုကိစ္စတွင် အနန္တတန်ခိုးရှင်ဘုရားသခင် ဘုန်းတော်ထင်ရှားပါစေ။