အဖြေ- ဘယ်လိုလူမျိုးတွေ ကောင်းကင်နိုင်ငံတော်ကိုဝင်ရောက်နိုင်သလဲဆိုတဲ့ မေးခွန်းနဲ့ပတ်သက်လို့၊ “ကောင်းကင်ဘုံ၌ ရှိတော်မူသော ငါ့ခမည်းတော်၏အလိုကို ဆောင်သောသူသာလျှင် ဝင်ရလိမ့်မည်။” လို့ ဟိုးအရင်တုန်းက သခင်ယေရှုကဆိုခဲ့တယ်။ ဒါက ဘုရားသခင်ရဲ့ဖြောင့်မတ်ခြင်း၊ သန့်ရှင်းခြင်းဂုဏ်ဒြပ်ကို ပြပါတယ် ဆိုးယုတ်ပြီး အကျင့်ပျက်တဲ့ စာတန်ရဲ့လူတွေဟာ ကောင်းကင်နိုင်ငံတော်ကို မဝင်ရောက်နိုင်ပါဘူး ဒါပေမယ့် ကောင်းစွာသော တိုက်လှန်ခြင်းကို ပြုခြင်း၊ ပြေးရသောလမ်းကို အဆုံးတိုင်အောင်ပြေးခြင်းနဲ့ ယုံကြည်ခြင်းတရားကို စောင့်ရှောက်ခြင်းဆိုတာတွေက သူ့ကို ကောင်းကင်နိုင်ငံတော်ဆီ ဝင်ရောက်စေပြီး၊ ဆုလာဘ် ရစေလိမ့်မယ်လို့ ပေါလုက ပြောခဲ့တာပါ ပေါလုစကားအရဆိုရင် လူတွေဟာ သခင့်အတွက် အမှုထမ်းနေသရွေ့ သူတို့အနေနဲ့ ဘုရားသခင်ရဲ့နှုတ်ကပတ်တော်တွေကို မလိုက်နာဘူး၊ မွန်မြတ်သန့်စင်မှုကို မရသေးဘူးဆိုရင်တောင်၊ ကောင်းကင်နိုင်ငံတော်ဆီ ဝင်ရောက်နိုင်တယ်ပေါ့ ဒါဆိုရင် ဘုရားသခင်ရဲ့ဖြောင့်မတ်ခြင်းနဲ့ သန့်ရှင်းခြင်းကို ဘယ်လိုလုပ် ထင်ဟပ်တော့မှာလဲ ပေါလုဒါကိုပြောတုန်းက သူဟာ ဘုရားသခင်ကိုဆန့်ကျင်နေခဲ့တာပဲ။ သူဟာ သခင်ယေရှုရဲ့နှုတ်ကပတ်တော်တွေကို ပြောင်ပြောင်တင်းတင်း ငြင်းဆန်ပြီးတော့ ဘုရားသခင်ရဲ့အမှုတော်ကို ကြားဝင်နှောင့်ယှက်ခဲ့တာပဲ။ ကောင်းစွာသော တိုက်လှန်မှုကို ပြုခြင်း၊ လူတွေ ပြေးရမယ့်လမ်းကို အဆုံးတိုင်အောင် ပြေးခြင်းဆိုတာတွေက ကောင်းကင်ဘုံက အဖရဲ့အလိုတော်ကို ဆောင်ရွက်တာ ဖြစ်နိုင်ပါ့မလား သခင့်ကို သစ္စာမဖောက်ဘဲ၊ သခင်ယေရှုရဲ့နာမတော်ကို ထိန်းသိမ်းခြင်းဆိုတာကကော ကောင်းကင်ဘုံက အဖရဲ့အလိုတော်ကို ဆောင်ရွက်နေတာလား ကောင်းကင်ဘုံက အဖရဲ့အလိုတော်ကို ဆောင်ခြင်းဆိုတာ ဘုရားသခင်ရဲ့နှုတ်ကပတ်တော်တွေ၊ ပညတ်တော်တွေနဲ့ ညွှန်ကြားချက်တွေကို လိုက်နာခြင်းပါပဲ လူတွေအနေနဲ့ သခင့်နှုတ်ကပတ်တော်တွေနဲ့အညီ မကျင့်သုံးဘူးဆိုရင် သူတို့ ဘာတွေပဲလုပ်လုပ်၊ ဘယ်လောက်ပဲ ဒုက္ခခံခံ၊ ကောင်းကင်ဘုံက အဖရဲ့အလိုတော်ကို ဆောင်ရွက်နေတာ မဟုတ်နိုင်ဘူး ပေါလုပြောခဲ့တာက သူ့ရဲ့ကိုယ်ပိုင်အယူအဆနဲ့ စိတ်ကူးစိတ်သန်းတွေကိုပဲ လုံးဝအခြေခံထားခဲ့ပြီး သူ့ကိုယ်ပိုင်ရည်မှန်းချက်တွေ၊ ထင်မြင်ချက်တွေနဲ့ ရောထွေးနေခဲ့တာပါ ဒါက ပေါလုဟာ ကောင်းကင်ဘုံက အဖရဲ့အလိုတော်ကို ဆောင်သူတစ်ယောက် မဟုတ်ခဲ့မှန်း လုံလောက်တဲ့ သက်သေပါပဲ သူသာ ဘုရားသခင်ရဲ့အလိုတော်ကို ဆောင်ရွက်ခဲ့တာဆိုရင် သခင်ယေရှုရဲ့နှုတ်ကပတ်တော်တွေကို နာခံဖို့အတွက် နောက်လိုက်တွေကို ဘာလို့ ဦးဆောင်ခြင်း မရှိခဲ့တာလဲ သခင်ယေရှုရဲ့နှုတ်ကပတ်တော်တွေကိုလုံးဝဆန့်ကျင်တဲ့ ထင်မြင်ချက်တစ်ခုကို သူကဘာလို့ဒီလိုမျိုးလွယ်လွယ်နဲ့ပေးပစ်ခဲ့ရတာလဲ။ သူက ဘာကြောင့် သခင်ယေရှုကို ဆန့်ကျင်ပြီး လုပ်ဆောင်ခဲ့တာလဲ သူ့ရဲ့ အဓိပ္ပာယ်မရှိတဲ့ကိုယ်ပိုင်အယူအဆတွေနဲ့ အခြားသူတွေကို လှည့်စားပြီးလမ်းလွဲစေခဲ့တယ်၊ တခြားလူတွေကို သခင်ယေရှုရဲ့လမ်းခရီးမှာ မလျှောက်ဖို့ တားဆီးခဲ့သလို၊ သခင်ယေရှုရဲ့နှုတ်ကပတ်တော်တွေကို အဓိပ္ပာယ်မရှိ၊ တန်ဖိုးမဲ့အောင် လုပ်ခဲ့တယ် ယုံကြည်သူတွေကို သူ့စကားနားထောင်အောင်လုပ်ခဲ့ပြီး သခင့်ကို သစ္စာဖောက်စေခဲ့တယ်။ ဒါက ပေါလုဟာ သမ္မာတရားကို လိုက်ရှာတဲ့လူ၊ ဘုရားသခင်ရဲ့အလိုတော်ကို လိုက်နာတဲ့လူတစ်ယောက်မဟုတ်ခဲ့ဘူးဆိုတာကို သက်သေပြတယ်။ ညီအစ်ကိုမောင်နှမတို့၊ ကျွန်တော်တို့ ကောင်းကင်နိုင်ငံတော်ထဲဝင်ဖို့ လိုက်လံရှာဖွေတဲ့အခါ သခင်ယေရှုရဲ့နှုတ်ကပတ်တော်တွေကို စံနှုန်းအဖြစ် အသုံးပြုရမှာဖြစ်တယ် ဘာကြောင့်လဲဆိုရင် သခင်ယေရှုကသာ ကောင်းကင်နိုင်ငံတော်ရဲ့ရှင်ဘုရင်ပါ။ သူ့နှုတ်ကပတ်တော်တွေကသာ သမ္မာတရားဖြစ်သလို၊ အဲဒါတွေကသာ ဩဇာအာဏာ ရှိပါတယ် ဘယ်လိုလူမျိုးတွေ ကောင်းကင်နိုင်ငံတော်ကို ဝင်ရောက်နိုင်တယ်ဆိုတာကို သခင်ယေရှုကပဲအဆုံးအဖြတ်ပေးလိမ့်မယ်၊ ပြီးတော့ ပေါလုဟာ ဧဝံဂေလိဝေငှပေးတဲ့ တမန်တော်တစ်ဉီးသာ ဖြစ်ခဲ့တယ်။ သူဟာ ခရစ်တော်မဟုတ်ခဲ့ဘူး။ သူ့ရဲ့စကားတွေကသမ္မာတရားမဟုတ်ဘူး။ ဒါ့ကြောင့် သူ့စကားတွေက အရေးပါအရာရောက်ခြင်းမရှိဘူး။ ပေါလုအနေနဲ့ ကောင်းကင်နိုင်ငံတော်ဆီ ဝင်ရောက်နိုင်ခြင်းရှိမရှိကို သခင်ယေရှုကပဲ အဆုံးအဖြတ်ပေးတဲ့အတွက် အခြားလူတွေ ဝင်ရောက်နိုင်ခြင်းရှိမရှိကို ပေါလုက အဆုံးအဖြတ်ပေးဖို့ ဘယ်လိုအရည်အချင်းရှိနိုင်မှာလဲ။

နာကြည်းဖွယ်ရာ အမှတ်တရများ ၏ ရုပ်ရှင် ဇာတ်ညွှန်း မှ