အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နောက်ဆုံးသောကာလ ခရစ်တော်၏ မြွက်ဆိုချက်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၂၆

ငါ၏ အိမ်ထဲတွင် မည်သူကျိန်းဝပ်ခဲ့သနည်း။ ငါ့အတွက်နှင့် မည်သူသည် ရပ်တည်ပေးခဲ့သနည်း။ ငါ့ကိုယ်စား မည်သူသည် ဝေဒနာခံပေးခဲ့သနည်း။ ငါ့ရှေ့တွင် မည်သူသည် သူ၏စကားလုံးနှင့် ကတိသစ္စာ ထားခဲ့သနည်း။ ယနေ့ထိတိုင် ငါ့နောက်သို့ လိုက်လာခဲ့သော်လည်း လျစ်လျူရှုခြင်း မရှိလာသေးသည်မှာ မည်သူနည်း။ အဘယ့်ကြောင့်နှင့် သက်ရှိလူသား အားလုံးသည် အေးတိအေးစက်နိုင်ပြီး စာနာစိတ် ကင်းမဲ့ရသနည်း။ အဘယ့်ကြောင့်နှင့် လူသားမျိုးနွယ်သည် ငါ့ကို စွန့်ခွာရသနည်း။ အဘယ့်ကြောင့်နှင့် လူသားမျိုးနွယ်သည် ငါ့ကို ငြီးငွေ့လာရသနည်း။ အဘယ့်ကြောင့်နှင့် လူ့လောကကြီးထဲတွင် နွေးထွေးမှု မရှိရသနည်း။ ဇိအုန်၌ ရှိစဉ်အခါ၊ ကောင်းကင်ဘုံ၌ရှိသည့် နွေးထွေးမှုကို ငါမြည်းစမ်းခဲ့ရပြီး၊ ဇိအုန်၌ ရှိစဉ်အခါ၊ ကောင်းကင်ဘုံ၌ရှိသည့် ကောင်းချီးများကို ငါပျော်မွေ့ခံစားခဲ့ရသည်။ တစ်ဖန်၊ ငါသည် လူသားမျိုးနွယ်၏အလယ်၌ နေထိုင်ခဲ့သည်၊ ငါသည် လူ့လောက၏ခါးသီးမှုကို မြည်းစမ်းခဲ့ရပြီး၊ လူများအကြားတွင် တည်ရှိနေသော ကွဲပြားခြားနားသည့် အခြေအနေများကို ငါသည် ငါ၏ပကတိမျက်စိနှင့် တွေ့မြင်ခဲ့ရပြီး ဖြစ်သည်။ သတိမမူမိဘဲနှင့် လူသည် ငါ၏ပြောင်းလဲမှုများနှင့်အတူ လိုက်၍ပြောင်းလဲခဲ့ပြီး၊ ဤနည်းလမ်းကြောင့်သာလျှင် သူသည် လက်ရှိနေ့ရက်သို့ ရောက်လာရခြင်းဖြစ်သည်။ လူသည် ငါ့အတွက် မည်သည့်အရာကိုမဆို လုပ်ဆောင်နိုင်ရန် ငါမတောင်းဆိုသကဲ့သို့၊ ငါ့အကြောင်းကိစ္စ၌ တိုးတက်မှုများရှိလာစေရန် သူပြုဖို့လည်း ငါမတောင်းဆိုပါ။ ငါ့ကို မနာခံခြင်းလည်းမရှိ၊ ငါ့အတွက် အရှက်ရခြင်း၏ အမှတ်အသားလည်း မဖြစ်လာဘဲ ငါ့အစီအစဉ်နှင့် ကိုက်ညီနိုင်ရန်သာ သူ့ကို ငါအလိုရှိသည်၊ ငါ့အား ထူးကဲသာလွန်သော သက်သေကို ထမ်းရန်သာ ငါအလိုရှိသည်။ လူများအကြားတွင်၊ ငါ့အား ကောင်းမွန်သော သက်သေကိုခံခဲ့ပြီး ငါ၏နာမကို ဘုန်းကြီးစေသော ထိုသူတို့ ရှိခဲ့ပေသည်၊ သို့သော်လည်း လူ၏ ဓလေ့ထုံးတမ်းများနှင့် အကျင့်အကြံများသည် ငါ၏နှလုံးကို မည်သို့ကျေနပ်စေနိုင်လိမ့်မည်နည်း။ အဘယ်သို့လျှင် သူသည် ငါ၏လိုအင်ဆန္ဒနှင့် အလျဉ်မီရန် သို့မဟုတ် ငါ၏အလိုကို ဖြည့်ဆည်းနိုင်ရန် တတ်နိုင်မည်နည်း။ ကမ္ဘာမြေကြီးပေါ်ရှိ တောင်တန်းများနှင့် ရေများ၊ ကမ္ဘာမြေကြီးပေါ်ရှိ သစ်ပင်များ၊ မြက်ပင်များနှင့် ပန်းမန်များ အားလုံးတို့သည် ငါ့လက်များ၏ လုပ်ဆောင်ချက်မှလွဲ၍ မည်သည့်အရာကိုမျှ မပြသ၊ အားလုံးတို့သည် ငါ့နာမမှလွဲ၍ မည်သည့်အတွက်မျှ တည်ရှိမနေ။ သို့သော်ငြားလည်း ဘယ့်အတွက်ကြောင့်နှင့် လူသည် ငါတောင်းဆိုသော စံသတ်မှတ်ချက်များကို မရရှိနိုင်ကြသနည်း။ ဤသည်မှာ သူ၏ကမ်းကုန်သော နိမ့်ကျမှုကြောင့်များလော။ ဤသည်မှာ သူ့ကို ငါ၏ မြှင့်တင်ပေးခြင်းကြောင့်များလော။ ဤသည်မှာ ငါသည် သူ့ကို လွန်ကျူးစွာ ရက်စက်၍များလော။ အဘယ့်သို့နှင့် လူသည် ငါ၏တောင်းဆိုချက်များကို အမြဲပင် ကြောက်ရွံ့နေရသနည်း။ ယနေ့၊ နိုင်ငံတော်ထဲရှိ လူအမြောက်အမြားတွင်၊ အဘယ့်ကြောင့်နှင့် သင်တို့သည် ငါ၏အသံကိုသာ နားထောင်လိုကြပြီး ငါ၏မျက်နှာကို ဖူးမြင်ရန် ဆန္ဒမရှိကြသနည်း။ သင်တို့သည် ငါ၏နှုတ်ကပတ်တော်များကို ငါ၏ဝိညာဉ်တော်နှင့် တိုက်ဆိုင်ကြည့်ခြင်းမရှိဘဲ အဘယ့်ကြောင့်နှင့် ငါ၏နှုတ်ကပတ်တော်များကို ကြည့်ကြသနည်း။ သင်တို့သည် အဘယ့်ကြောင့် ငါ့ကို အထက်ကောင်းကင်ဘုံနှင့် အောက်အရပ်ကမ္ဘာမြေကြီးဟူ၍ ခွဲထားချင်ကြသနည်း။ ဤသည်မှာ ငါသည် ကမ္ဘာမြေကြီးပေါ်၌ ရှိစဉ်က၊ ကောင်းကင်ဘုံမှ ငါနှင့် မတူခြင်းကြောင့်များပင်လော။ ဤသည်မှာ ငါသည် ကောင်းကင်ဘုံ၌ရှိစဉ်က၊ ကမ္ဘာမြေကြီးသို့ မဆင်းကြွနိုင်ခဲ့ခြင်းကြောင့်များပင်လော။ ဤသည်မှာ ငါသည် ကမ္ဘာမြေကြီးပေါ်၌ ရှိစဉ်က၊ ကောင်းကင်ဘုံကို ယူတင်ရန် မထိုက်တန်ခြင်းကြောင့်များပင်လော။ ယင်းမှာ ငါသည် ကမ္ဘာမြေကြီးပေါ်၌ ရှိစဉ်က၊ နိမ့်ကျသည့် ဖန်ဆင်းခံ သတ္တဝါတစ်ဦးလေအလားဖြစ်ပြီး၊ ငါသည် ကောင်းကင်ဘုံ၌ရှိစဉ်တွင်မူ ချီးမြှောက်ခံပုဂ္ဂိုလ်လေအလားဖြစ်ကာ၊ ကောင်းကင်ဘုံနှင့် ကမ္ဘာမြေကြီးအကြားတွင် တံတားထိုး၍မရနိုင်သော ချောက်ကြီးတည်ရှိနေသည့် အလားပင်ဖြစ်သည်။ သို့သော် လူ့လောကတွင်မူ သူတို့သည် ဤအရာများ၏ မူလရင်းမြစ်ကို ဘာမျှသိကြသည့်ပုံမပေါ်၊ သို့သော်လည်း ငါ၏ နှုတ်ကပတ်တော်များသည် အသံသာမြည်ပြီး အဓိပ္ပာယ်မရှိသည့်အလား သူတို့သည် တစ်လျှောက်လုံးတွင် ငါနှင့် ဆန့်ကျင်ရာကိုသာ သွားနေခဲ့ကြသည်။ လူအားလုံးသည် ငါ၏နှုတ်ကပတ်တော်များတွင် လုံ့လစိုက်ထုတ်ခဲ့ကြသည်၊ ငါ၏အပြင်ပန်းသဏ္ဌာန်ကို သူတို့ကိုယ်တိုင် စုံစမ်းစစ်ဆေးခြင်းများ လုပ်ဆောင်ကြသည်၊ သို့သော်ငြားလည်း သူတို့အားလုံးသည် ပြသစရာ မည်သည့်ရလဒ်များမျှ မရှိဘဲ အရှုံးနှင့်ရင်ဆိုင်ကြရသည်၊ ထိုအစား ငါ့နှုတ်ကပတ်တော်များ၏ ထိုးနှက်ခြင်းကို ခံကြရပြီး နောက်တစ်ဖန် ပြန်၍ထရန် မဝံ့ရဲကြ။

လူသားမျိုးနွယ်၏ ယုံကြည်ခြင်းကို ငါသည် စမ်းသပ်စစ်ဆေးသောအခါ၊ မည်သည့်သက်ရှိလူသား တစ်ဦးတစ်ယောက်ကမျှ စစ်မှန်သောသက်သေကို ခံနိုင်ရန် အစွမ်းအစမရှိကြ၊ မည်သူတစ်ဦးတစ်ယောက်ကမျှ သူ၏ရှိသမျှ အားလုံးကို ငါ့ကို ဆက်သရန် မတတ်စွမ်းနိုင်ကြပေ။ ထိုအစား သူ၏နှလုံးသားကို ငါသည် အဓမ္မ လုယူသွားလေမည့်အလားပင်၊ လူသည်ပုန်းကွယ်၍သာ နေနေပြီး သူ့ကိုယ်သူ ငါ့ကို ဖွင့်ပြရန် ငြင်းဆိုလျက်ရှိသည်။ ယောဘပင်လျှင် စမ်းသပ်မှုအောက်တွင် မည်သည့်အခါမျှ အမှန်တကယ် မှတ်ကျောက်အတင်ခံနိုင်စွမ်း မရှိခဲ့သကဲ့သို့ ဒုက္ခဝေဒနာခံရမှု အလယ်၌လည်း သူသည် ချိုမြိန်ခြင်းကို ထုတ်မယူနိုင်ခဲ့ပေ။ လူသားမျိုးနွယ် လုပ်ဆောင်နိုင်စွမ်းရှိသည့် အရာခပ်သိမ်းမှာ နွေဦးရာသီ၏ နွေးထွေးမှုထဲတွင် ဖျော့တော့သော အစိမ်းရောင်၏ အရိပ်အယောင်မျှကို ထုတ်လုပ်ခြင်းသာဖြစ်သည်။ သူသည် ဆောင်းရာသီ၏ ချမ်းအေးသော လေပြင်းများအောက်တွင် ဘယ်သောအခါမျှ အစဉ်အမြဲ စိမ်းစို၍ မနေခဲ့ပေ။ ဝိညာဉ်အသက်တာ၌ အရိုးပေါ်အရေတင်ကာ ကြုံလှီနေသော လူသည် ငါ၏ရည်ရွယ်ချက်ကို မဖြည့်ဆည်းနိုင်။ လူသားမျိုးနွယ်အားလုံးတွင် အခြားသူများအတွက် စံနမူနာအနေနှင့် အစေခံနိုင်သောသူ တစ်ယောက်မျှ မရှိ၊ အဘယ့်ကြောင့်ဆိုလျှင် လူများသည် အခြေခံအားဖြင့် အတူတူပင်ဖြစ်ကြ၍ တစ်ယောက်နှင့်တစ်ယောက် ကွဲပြားခြားနားခြင်းမရှိ၊ တစ်ယောက်နှင့်တစ်ယောက် ခွဲခြားသိမြင်ရန် မဆိုစလောက်မျှသာ ရှိသောကြောင့်ဖြစ်သည်။ ဤအချက်ကြောင့်၊ လူများသည် ယနေ့တွင်ပင်လျှင် ငါ၏အလုပ်ကို အပြည့်အဝသိကျွမ်းရန်အလို့ငှာ မတတ်နိုင်ဘဲ ရှိကြသေးသည်။ ငါ၏ပြစ်တင်ဆုံးမခြင်းသည် လူသားမျိုးနွယ်အားလုံးအပေါ်သို့ ကျရောက်လာသောအခါမှသာလျှင် လူများသည် မိမိတို့ကိုယ်မိမိ မသိလိုက်ဘဲနှင့် ငါ၏အလုပ်များကို သတိပြုမိလာကြကာ၊ ငါ၏လုပ်ဆောင်ချက်မပါဘဲ သို့မဟုတ် မည်သူ့ကိုမျှ အတင်းအကျပ် မစေခိုင်းရဘဲနှင့်၊ လူများသည် ငါ့ကို သိကျွမ်းလာကြလိမ့်မည်ဖြစ်ပြီး၊ ထိုသို့အားဖြင့် ငါ၏အလုပ်ကို မြင်လာကြမည်ဖြစ်သည်။ ဤသည်မှာ ငါ၏အစီအစဉ်ပင် ဖြစ်ပြီး၊ ယင်းမှာ ထင်ရှားပြသသော ငါ့အလုပ်၏ ရှုထောင့်ပင်ဖြစ်ကာ၊ ယင်းသည် လူမှ သိကျွမ်းသင့်သောအရာလည်း ဖြစ်သည်။ နိုင်ငံတော်ထဲတွင် ဖန်ဆင်းခြင်း၏ အသင်္ချေများလှသော အရာများသည် စတင်နှိုးထလာကြပြီး ၎င်းတို့၏ အသက်စွမ်းအားကို ပြန်လည်တစ်ဖန် ရရှိကြသည်။ ကမ္ဘာမြေကြီး၏ အခြေအနေ၌ ပြောင်းလဲခြင်းများကြောင့်၊ ကုန်းမြေတစ်ခုနှင့် နောက်တစ်ခုကြားရှိ နယ်နိမိတ်များသည် စတင်ရွေ့လာကြသည်။ ယခင်က ငါသည် ပရောဖက်ပြုခဲ့ပြီးဖြစ်သည်။ ကုန်းမြေမှ ကုန်းမြေသည် ပိုင်းခြားသွားပြီး၊ ကုန်းမြေနှင့် ကုန်းမြေသည် ပေါင်းစည်းသောအခါ၊ ယင်းမှာ ငါသည် တိုင်းနိုင်ငံများကို အပိုင်းအစများအဖြစ်သို့ ထုချေပစ်မည့် အချိန်လည်းဖြစ်သည်။ ဤအချိန်တွင်၊ ငါသည် ဖန်ဆင်းခြင်း အလုံးစုံကို အသစ်ပြုပြင်ပြီး စကြဝဠာတစ်ခုလုံးကို ပြန်လည်တစ်ဖန် ပိုင်းကန့်မည်ဖြစ်သည်၊ ထိုသို့ဖြင့် စကြဝဠာကို စနစ်တကျ စီစဉ်မည်ဖြစ်ပြီး၊ ၎င်း၏ ဟောင်းသောအခြေအနေကို အသစ်သို့ ပြောင်းလဲစေမည်ဖြစ်သည်။ ဤသည်မှာ ငါ၏အစီအစဉ်ပင်ဖြစ်သည်။ ဤအရာများမှာ ငါ၏အလုပ်များပင် ဖြစ်သည်။ လောကကြီး၏ လူများနှင့် တိုင်းနိုင်ငံများအားလုံးသည် ငါ၏ပလ္လင်ရှေ့မှောက်သို့ လှည့်ပြန်လာသောအခါ၊ ငါသည် ကောင်းကင်ဘုံ၏ ကြွယ်ဝမှုအားလုံးကို ယူငင်လျက် ယင်းအရာများကို လူ့လောကအပေါ်သို့ အပ်နှင်းပေးမည်၊ ထိုသို့အားဖြင့် ငါ၏ကျေးဇူးကြောင့်လျှင်၊ လူ့လောကသည် တုနှိုင်းမဲ့သော ကြွယ်ဝမှုနှင့် ပြည့်လျှံနေလိမ့်မည်။ သို့သော်လည်း ဟောင်းသောလောကကြီး ဆက်လက်တည်ရှိနေသရွေ့ ငါသည် ငါ၏ဒေါသကို ၎င်း၏တိုင်းနိုင်ငံများအပေါ်သို့ စေလွှတ်မည်ဖြစ်ပြီး၊ ငါ၏စီမံအုပ်ချုပ်ရေးဆိုင်ရာ အမိန့်များကို စကြဝဠာတစ်လျှောက်တွင် ပွင့်လင်းစွာ ထုတ်ပြန်ကြေညာမည်ဖြစ်ကာ၊ ယင်းတို့ကို ချိုးဖောက်သည့် မည်သူမဆို ပြစ်တင်ဆုံးမခြင်း ခံရမည်ဖြစ်သည်။

ငါသည် ပြောဆိုရန် စကြဝဠာံသို့ ငါ၏မျက်နှာကို လှည့်လေသောအခါ၊ လူသားမျိုးနွယ် အားလုံးသည် ငါ၏အသံကို ကြားပြီးနောက် ချက်ချင်း စကြဝဠာတစ်လျှောက်တွင် ငါပြုထားသည့် အလုပ်များ အားလုံးကို မြင်လေသည်။ ငါ၏အလိုနှင့် ဆန့်ကျင်သော သူတို့သည်၊ ဆိုလိုသည်မှာ၊ ငါ့ကို လူသား၏အပြုအမူများဖြင့် ဆန့်ကျင်သောသူများသည်၊ ငါ၏ပြစ်တင်ဆုံးမမှုအောက်သို့ ကျရောက်လိမ့်မည် ဖြစ်သည်။ ငါသည် ကောင်းကင်တစ်ခွင်ရှိသည့် မြောက်မြားလှစွာသောကြယ်များကို ယူငင်လျက် ၎င်းတို့ကို အသစ်ပြုပြင်မည်ဖြစ်ပြီး၊ ငါ့ကျေးဇူးကြောင့် နေနှင့် လသည်လည်း အသစ်ပြုပြင်ခြင်း ခံရလိမ့်မည်ဖြစ်ပြီး၊ မိုးကောင်းကင်သည် ယခင်ကဲ့သို့ ရှိတော့မည်မဟုတ်၊ ကမ္ဘာမြေကြီးပေါ်ရှိ အသင်္ချေများလှသော အရာများသည် အသစ်ပြုပြင်ခြင်း ခံရလိမ့်မည်။ ငါ၏နှုတ်ကပတ်တော်များမှတစ်ဆင့် ခပ်သိမ်းသောအရာတို့သည် ပြီးပြည့်စုံလင်လာကြလိမ့်မည်။ စကြဝဠာအတွင်းရှိ တိုင်းနိုင်ငံများစွာတို့သည် အသစ်တဖန် ပိုင်းကန့်ခံရလိမ့်မည်ဖြစ်ပြီး ငါ၏တိုင်းနိုင်ငံနှင့် အစားထိုးခြင်း ခံရပေလိမ့်မည်၊ ထိုသို့အားဖြင့် ကမ္ဘာမြေကြီးအပေါ်ရှိ တိုင်းနိုင်ငံများသည် ထာဝရ ပျောက်ကွယ်သွားလိမ့်မည်ဖြစ်ပြီး၊ ငါ့ကို ဝတ်ပြုကိုးကွယ်သော တိုင်းနိုင်ငံတစ်ခု ဖြစ်လာပေလိမ့်မည်။ ကမ္ဘာမြေကြီး၏ တိုင်းနိုင်ငံများအားလုံးသည် ဖျက်ဆီးခံရလိမ့်မည်ဖြစ်ပြီး၊ တည်ရှိတော့မည် မဟုတ်ချေ။ စကြဝဠာအတွင်းရှိ သက်ရှိလူသားများတွင် မာရ်နတ်နှင့် သက်ဆိုင်သော ုသူအားလုံးတို့သည် ရှင်းရှင်းသုတ်သင်ခြင်းကို ခံရလိမ့်မည်၊ စာတန်ကို ဝတ်ပြုကိုးကွယ်သော သူအားလုံးတို့သည် ငါ၏လောင်သောမီးဖြင့် အောက်သို့ချထားခြင်းကို ခံရလိမ့်မည်။ ဆိုလိုသည်မှာ ယခုတွင် စမ်းရေအတွင်း၌ရှိသော သူများမှလွဲ၍၊ ကျန်သောသူတို့သည် ပြာအဖြစ်သို့ ပြောင်းလဲခြင်းခံရလိမ့်မည်။ နိုင်ငံများစွာတို့ကို ငါသည် ပြစ်တင်ဆုံးမသောအခါ၊ ဘာသာရေးလောက၌ရှိသော သူတို့သည် ကွဲပြားခြားနားသော အတိုင်းအတာများအထိ ငါ၏နိုင်ငံတော်သို့ ပြန်လာကြပြီး ငါ့အလုပ်များ၏ သိမ်းပိုက်အောင်နိုင်ခြင်းကို ခံကြရမည်၊ အဘယ်ကြောင့်ဆိုသော် သန့်ရှင်းးသောသူမှာ ဖြူသော မိုးတိမ်ကိုစီးလျက် ရောက်ရှိလာသည်ကို ထိုသူတို့ မြင်ခဲ့ပြီးဖြစ်သောကြောင့်ပင်တည်း။ လူသားမျိုးနွယ်အားလုံးသည် မိမိတို့၏ တူရာအမျိုးအစားနောက်သို့ လိုက်ကြလိမ့်မည်ဖြစ်ပြီး၊ သူတို့ပြုခဲ့သော အရာများအလိုက် ကွဲပြားသော ပြစ်တင်ဆုံးမခြင်းများကို ခံယူကြရမည် ဖြစ်သည်။ ငါ့တဘက်တွင် ရပ်တည်ခဲ့ကြသော သူများအားလုံးတို့သည် ပျက်စီးကြလိမ့်မည်ဖြစ်သည်။ ကမ္ဘာမြေကြီးပေါ်မှ ၎င်းတို့၏ အပြုအမူများတွင် ငါမပါဝင်ခဲ့သော ုသူများကမူ၊ သူတို့၏ မိမိတို့ကိုယ်ုမိမိ ကင်းလွတ်စေခဲ့ပုံကြောင့် ထိုသူတို့သည် ကမ္ဘာမြေကြီးပေါ်၌ ငါ၏သားများနှင့် ငါ့လူများ၏ အုပ်စိုးမှုအောက်တွင် ဆက်လက်တည်ရှိကြလိမ့်မည်။ ငါသည် လူအသင်္ချေထံသို့နှင့် တိုင်းနိုင်ငံအသင်္ချေထံသို့ ငါ့ကိုယ်ိငါ ထုတ်ဖော်ပြသမည်၊ လူသားမျိုးနွယ်အားလုံးအတွက် ငါ၏ကြီးမြတ်သောအလုပ် စုံလင်သွားခြင်းကို သူတို့၏ိကိုယ်ပိုင်မျက်စိနှင့် မြင်နိုင်ကြရန် ကြွေးကြော်ဖို့ အလို့ငှာ ကမ္ဘာမြေကြီးအပေါ်တွင် ငါ၏ကိုယ်ပိုင်အသံနှင့် မြွက်ဆိုမည်။

ငါ၏အသံသည် ပြင်းပြထက်သန်ခြင်း၌ နက်ရှိုင်းလာသည်နှင့်၊ စကြဝဠာ၏ အခြေအနေကိုလည်း ငါသည် အကဲခတ်နေသည်။ ငါ၏နှုတ်ကပတ်တော်များမှတစ်ဆင့် ဖန်ဆင်းခြင်း၏ အသင်္ချေများလှသောအရာများ အားလုံးသည် အသစ်ပြုပြင်ခြင်းကိုခံရမည်။ ကောင်းကင်သည် ပြောင်းလဲပြီး၊ ကမ္ဘာမြေကြီးသည်လည်း ပြောင်းလဲမည်။ လူသားမျိုးနွယ်သည် တဖြည်းဖြည်းနှင့် အသီးသီး ၎င်းတို့၏ အမျိုးအစားအလိုက် ၎င်းတို့၏ မူလပုံသဏ္ဌာန်အတိုင်း ထုတ်ဖော်ခြင်းခံရပြီး၊ လူများသည် သတိမပြုမိဘဲ ၎င်းတို့မိသားစုများ၏ ရင်ခွင်အောက်သို့ ပြန်ရာလမ်းကို ရှာတွေ့ကြမည်။ ဤအချိန်တွင် ငါသည် ကြီးစွာကျေနပ်မည်။ ငါသည် ပြိုကွဲပျက်စီးခြင်းနှင့် ကင်းလွတ်ပြီး၊ မည်သူမျှ သတိမပြုမိဘဲ ငါ၏ ကြီးမြတ်သော အလုပ်သည် ပြီးပြည့် စုံလင်လာကာ၊ မည်သူမျှ သတိမပြုမိလိုက်ဘဲနှင့် ဖန်ဆင်းခြင်း၏ အသင်္ချေများလှသော အရာများသည် အသွင်ပြောင်းခြင်း ခံကြရသည်။ လောကကြီးကို ငါဖန်ဆင်းခဲ့သောအခါ၊ အရာခပ်သိမ်းတို့ကို ၎င်းတို့၏ အမျိုးစားအလိုက် အတူတကွစုစည်း၍ မြင်တွေ့နိုင်သော ပုံသဏ္ဌာန်တစ်ခုနှင့် ပြုပြင်ရင်း၊ အရာအားလုံးကို ငါသည် ၎င်းတို့၏ အမျိုးစားအလိုက် ပုံသွင်းခဲ့သည်။ ငါ့စီမံခန့်ခွဲမှုအစီအစဉ်၏ နိဂုံးအဆုံးသည် နီးကပ်လာသည်နှင့်၊ ငါသည် ဖန်ဆင်းခြင်း၏ ယခင်အခြေအနေကို ပြန်လည်တည်ထောင်မည်၊ ငါသည် အရာခပ်သိမ်းကို ယင်းတို့၏ မူလအခြေအနေများဆီသို့ ပြန်လည်ထူထောင်မည်၊ အရာခပ်သိမ်းကို ထူးကဲသာလွန်စွာ ပြောင်းလဲခြင်းအားဖြင့်၊ အရာခပ်သိမ်းသည် ငါ့အစီအစဉ်၏ ရင်ခွင်အောက်သို့ ပြန်လာကြလိမ့်မည်။ အချိန်ကျလာလေပြီ။ ငါ၏အစီအစဉ်ထဲမှ နောက်ဆုံးအဆင့်သည် ပြီးမြောက်အောင်မြင်လုနီးပြီဖြစ်သည်။ အို … ဟောင်းနွမ်း၍ မသန့်စင်သော လောကကြီး၊ သင်သည် ငါ့နှုတ်ကပတ်တော်များအောက်တွင် ဧကန်အမှန်ပင် ကျရှုံးလိမ့်မည်။ ငါ၏အစီအစဉ်အားဖြင့် သင်သည် ဗလာနတ္ထိအဖြစ်သို့ လျှော့ချခြင်း ဧကန်အမှန်ပင် ခံရလိမ့်မည်။ အိုး … ဖန်ဆင်းခြင်း၏ အသင်္ချေများလှသော အရာများတို့၊ သင်တို့အားလုံးသည် ငါ့နှုတ်ကပတ်တော်များအထဲ၌ အသစ်သောအသက်ကို ရကြလိမ့်မည်၊ သင့်တွင် ယခု၌ အကြွင်းမဲ့ ပိုင်သအုပ်စိုးသော သခင်ရှိပေပြီ။ အိုး … သန့်စင်၍ အပြစ်အနာအဆာမဲ့သော လောကသစ်ကြီး၊ သင်သည် ငါ့ဘုန်းအထဲတွင် ဧကန်အမှန်ပင် နှိုးထလိမ့်မည်။ အိုး … ဇိအုန်တောင်၊ ထပ်၍ တိတ်ဆိတ်မနေနှင့်။ ငါသည် အောင်မြင်ခြင်းနှင့် ပြန်ကြွလာပြီ။ ဖန်ဆင်းခြင်း၏အလယ်မှ၊ ကမ္ဘာမြေကြီးတစ်ခုလုံးကို ငါသည် စေ့စေ့စပ်စပ် စစ်ဆေး၏။ ကမ္ဘာမြေကြီးပေါ်တွင် လူသားမျိုးနွယ်သည် အသစ်သောအသက်ကို စတင်ခဲ့ပြီး၊ မျှော်လင့်ခြင်းအသစ်ကို အောင်နိုင်လေပြီ။ အိုး … ငါ၏လူများတို့၊ အဘယ်သို့လျှင် သင်တို့သည် ငါ၏ အလင်းရောင်အထဲ၌ အသက်ထံသို့ လှမ်းမလာနိုင်ရသနည်း။ အဘယ်သို့လျှင် သင်တို့သည် ငါ၏လမ်းပြပို့ဆောင်မှုအောက်၌ ရွှင်လန်းခြင်းနှင့် မကခုန်နိုင်ရသနည်း။ ကုန်းမြေတို့သည် ဝမ်းသာရွှင်လန်းခြင်းနှင့် အော်ဟစ်ကြ၏၊ ရေတို့သည်လည်း အားရရွှင်လန်းသော ရယ်မောခြင်းနှင့် ကျွတ်ကျွတ်ညံနေကြသည်။ အိုး … ရှင်ပြန်ထမြောက်သော ဣသရေလ၊ အဘယ်သို့နှင့် သင်သည် ငါ၏ ရှေးမဆွက ခွဲခန့်မှတ်သားခြင်းအကြောင်းကို ဂုဏ်မယူနိုင်ရသနည်း။ မည်သူသည် ရှိုက်ကြီးတငင် ငိုကြွေးခဲ့ပြီးသနည်း။ မည်သူသည် ငိုကြွေးမြည်တမ်းခဲ့ပြီးသနည်း။ ဟောင်းနွမ်းသော ဣသရေလသည် မတည်ရှိတော့ဘဲ၊ ယနေ့ကာလ၏ ဣသရေလသည် ထမြောက်လေပြီ၊ လောကကြီးတွင် ယင်းသည် မားမားမတ်မတ်နှင့် မြင့်မြင့်မားမားပင် လူသားမျိုးနွယ်အားလုံးတို့၏ နှလုံးသားများထဲတွင် တည်ထားလျက်ရှိသည်။ ယနေ့ကာလ၏ ဣသရေလသည် ငါ၏လူများမှတစ်ဆင့် တည်ရှိဖြစ်တည်မှု၏ ရင်းမြစ်ကို ဧကန်အမှန်ပင် ရရှိလိမ့်မည်။ အိုး … မုန်းတီးခြင်းနှင့်ပြည့်သော အဲဂုတ္တု၊ သင်သည် ဧကန်အမှန်ပင် ငါ့တဘက်၌ ထ၍မနေတော့သည် မဟုတ်လော။ သင်သည် ငါ၏ကရုဏာကို အခွင့်ကောင်းယူလျက် ငါ၏ပြစ်တင်ဆုံးမခြင်းမှ လွတ်မြောက်ရန် အဘယ်သို့လျှင် ကြိုးစားသနည်း။ သင်သည် ငါ၏ပြစ်တင်ဆုံးမခြင်းအတွင်း၌ အဘယ်သို့လျှင် တည်ရှိမနေနိင်ရသနည်း။ ငါချစ်သော ထိုသူအားလုံးသည် ထာဝရကာလတိုင် ဧကန်အမှန် ရှင်သန်ကြလိမ့်မည်ဖြစ်ပြီး၊ ငါ့တဘက်၌ထကြသော ထိုသူအားလုံးတို့သည်ကား ဧကန်အမှန်ပင် ငါ၏ပြစ်တင်ဆုံးမခြင်းကို ထာဝရကာလတိုင် ခံကြရပေလိမ့်မည်။ အကြောင်းမူကား၊ ငါသည် သတိနှင့်စောင့်ရှောက်ကာကွယ်လျက်ရှိသော ဘုရားသခင်ဖြစ်၏၊ ငါသည် လူအားလုံးကို သူတို့ပြုခဲ့သောအရာများကြောင့် ပေါ့တန်စွာ ချမ်းသာပေးလိမ့်မည်မဟုတ်။ ငါသည် ကမ္ဘာမြေကြီးတစ်ခုလုံးအပေါ်သို့ စောင့်ကြည့်မည်ဖြစ်ပြီး၊ လောကကြီး၏ အရှေ့အရပ်တွင် ဖြောင့်မတ်ခြင်း၊ ဘုန်းအာနုဘော်၊ အမျက်ဒေါသ၊ ပြစ်တင်ဆုံးမခြင်းတို့နှင့် ပေါ်လာလျက်၊ လူသားမျိုးနွယ် အသင်္ချေထံသို့ ငါ့ကိုယ်ငါ ထုတ်ဖော်ပြမည်။

၁၉၉၂ ခုနှစ်၊ မတ်လ ၂၉ ရက်

ယခင်က:အခန်း ၂၅

နောက်တစ်ခုသို့:အခန်း ၂၇

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ