အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

နှုတ်ကပတ်တော်သည် လူ့ဇာတိ၌ ပေါ်လာ၏

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

အခန်း ၃၆

ပလ္လင်ထက်မှ ရှင်ဘုရင်၊ စစ်မှန်သော အနန္တတန်ခိုးရှင် ဘုရားသခင်သည် တိုင်းနိုင်ငံများ နှင့် လူမျိုးအပေါင်းအား မျက်နှာမူလျက် စကြဝဠာတစ်ခုလုံးကို စိုးစံပြီး၊ ကောင်းကင်အောက်ရှိ ခပ်သိမ်းသောအရာတို့သည် ဘုရားသခင်၏ ဘုန်းဖြင့် ထိန်လင်းလျက်ရှိ၏။ စကြဝဠာ အစွန်းအဖျားရှိ သက်ရှိအပေါင်းတို့သည် မြင်ကြရမည်။ တောင်များ၊ မြစ်များ၊ ရေကန်များ၊ ကုန်းမြေများ၊ သမုဒ္ဒရာများ နှင့် သက်ရှိသတ္တဝါအပေါင်းတို့သည် စစ်မှန်သော ဘုရားသခင်၏ မျက်နှာအလင်းကြောင့် ၎င်းတို့၏ ကန့်လန့်ကာများကို ဖွင့်လှစ်ခဲ့ကြလေပြီ၊ အိပ်မက်မှ နိုးသကဲ့သို့၊ မြေစာကြားမှ အညှောင့်ထွက်သကဲ့သို့ နိုးကြားခဲ့ကြလေပြီ။

အလိုလေး၊ စစ်မှန်၍ တစ်ဆူတည်းဖြစ်သော ဘုရားသခင်သည် ကမ္ဘာလောကရှေ့၌ ပေါ်လာလေပြီ။ မည်သူသည် ကိုယ်တော့်အား အတိုက်အခံပြု၍ ဆက်ဆံဝံ့သနည်း။ အယောက်တိုင်းသည် ကြောက်ရွံ့ခြင်းဖြင့် တုန်လှုပ်ကြလေ၏။ အကြွင်းမဲ့ လက်ခံယုံကြည်ခြင်း မရှိသူ တစ်ဦးမျှမရှိ၊ ကိုယ်တော့်ရှေ့တွင် အားလုံး ဒူးထောက်ကာ ခွင့်လွှတ်ခြင်းကို ထပ်ကာတလဲ တောင်းလျှောက်ကြ၍၊ နှုတ်ရှိသမျှသည် ကိုယ်တော့်ကို ကိုးကွယ်ချီးမွမ်းကြလေသည်။ တိုက်ကြီးများ နှင့် သမုဒ္ဒရာများ၊ တောင်များ၊ မြစ်များ၊ အရာခပ်သိမ်းတို့သည် ကိုယ်တော့်အား အစဉ်မပြတ် ချီးမွမ်းကြလေ။ နွေဦးနှင့်အတူလာသော နွေဦး လေပြည်လေညင်းများသည် ကောင်းသော နွေဦးမိုးကို ဆောင်ယူလာတတ်၏။ စမ်းချောင်းများမှ ရေစီးကြောင်းများသည် လူများကဲ့သို့ပင် ပူဆွေးခြင်း နှင့် ဝမ်းမြောက်ခြင်း ရောယှက်ကာ၊ ကျေးဇူးတင်ရှိခြင်းနှင့် မိမိကိုယ်ကို အပြစ်တင်ခြင်းမျက်ရည်များ ယိုစီးကြ၏။ မြစ်များ၊ ရေကန်များ၊ ကမ်းခတ်လှိုင်းနှင့် လှိုင်းတံပိုးများ အားလုံးသည် စစ်မှန်သော ဘုရားသခင်၏ သန့်ရှင်းသော နာမကို သီဆို ချီးမြှောက်ကြလေပြီ။ ချီးမွမ်းသံများမှာ အလွန် ကြည်လင်ပြတ်သားစွာ မြည်ဟည်းလေပြီ။ စာတန်၏ ဖျက်ဆီးခြင်းကို တစ်ချိန်က ခံခဲ့ရသည့် ဟောင်းသောအရာမှန်သမျှ၊ တစ်ယောက်ချင်းနှင့် အယောက်တိုင်းသည် အသစ်ပြုပြင်ခြင်း၊ ပြောင်းလဲခြင်း ရှိကြလိမ့်မည် ဖြစ်ကာ၊ အသစ်စက်စက် အခြေအနေတစ်ခုထဲသို့ ဝင်ရောက်ရကြလိမ့်မည် …

ဤသည်မှာ သန့်ရှင်းသော တံပိုးမှုတ်သံပေတည်း။ နားစိုက်ထောင်ကြလော့။ အလွန် သာယာနာပျော်ဖွယ်ကောင်းသော ထိုအသံသည် ပလ္လင်မှ ထွက်ပေါ်လာသော အသံ ဖြစ်၍၊ အချိန်ကျရောက်ပြီ ဖြစ်ကြောင်း၊ နောက်ဆုံးသောအဆုံးသတ် ရောက်လာပြီဖြစ်ကြောင်းကို တိုင်းနိုင်ငံနှင့် လူအပေါင်းတို့အား အသိပေးလျက်ရှိ၏။ ငါ၏ စီမံခန့်ခွဲမှုအစီအစဉ်မှာ ပြီးမြောက်ပြီဖြစ်သည်။ ငါ၏ နိုင်ငံတော်သည် ကမ္ဘာမြေကြီးပေါ်တွင် ထင်ရှားစွာ ပေါ်ထွန်းလေပြီ။ မြေကြီးပေါ်မှ နိုင်ငံများသည် ငါ ဘုရားသခင်၏ နိုင်ငံတော် ဖြစ်လာခဲ့လေပြီ။ ငါ၏ တံပိုးခုနှစ်လုံးသည် ပလ္လင်မှ အသံမြည်ကာ၊ အဘယ်နိမိတ်လက္ခဏာတို့ ဖြစ်ပေါ်လာအံ့နည်း။ ကမ္ဘာမြေကြီး၏ အစွန်းအဖျားများရှိ လူအချို့တို့သည် ပင်လယ်များပေါ် ရွက်လွှင့်လျက်၊ အချို့တို့သည် လေယာဉ်ကို စီးလျက်၊ အချို့တို့သည် ပုံသဏ္ဌာန် အရွယ်အစား အမျိုးမျိုးသော မော်တော်ကားများကို စီးလျက်၊ အချို့တို့သည် မြင်းကို စီးလျက်၊ ရေခဲတောင်တစ်ခု ပြိုကျသည့် အရှိန်မျိုး၊ မိုးကြိုးတို့၏ အင်အားမျိုးဖြင့် အရပ်ရပ်မှ တစ်ဟုန်ထိုးပြေးလာကြလိမ့်မည်။ သေချာစွာ ကြည့်လော့။ ဂရုတစိုက် နားထောင်လော့။ စိတ်ဝိညာဉ် နိုးထခြင်း၊ အင်အားကြီးမားခြင်း၊ ခမ်းနားခြင်းတို့ဖြင့် ပြည့်စုံ၍ တိုက်ပွဲမြေပြင်ကို သိမ်းပိုက်သည့်အလား၊ အရောင်အမျိုးမျိုးသော မြင်းများကို စီးနှင်လာသည့် ဤသူများသည် သေခြင်းကို ဂရုမစိုက်ပေ။ မြင်းများ၏ ဟီသံ နှင့် စစ်မှန်သော ဘုရားသခင်အား ဟစ်ခေါ်ကြသော လူတို့၏ အော်ဟစ်သံကြားတွင် ချက်ချင်းပင် ခွာများဖြင့် နင်းခြေခြင်းကို ခံကြရမည့် အမျိုးသမီး၊ အမျိုးသားနှင့် ကလေးများမှာ မည်မျှ များပြားလိမ့်မည်နည်း၊ အချို့တို့သည် သေကျေလျက်၊ အချို့တို့သည် နောက်ဆုံး ထွက်သက်ကို ရှိုက်လျက်၊ အချို့တို့သည် ၎င်းတို့အား စောင့်ရှောက်မည့်သူ တစ်ဦးမျှ မရှိဘဲ ရုပ်ပျက်ဆင်းပျက်ဖြစ်လျက်၊ ကယောင်ချောက်ချား အော်ဟစ်ခြင်း၊ နာကျင်မှုဝေဒနာဖြင့် ငိုကြွေးခြင်း ဖြစ်ကြလေမည်။ ပုန်ကန်ခြင်း၏ သားများပေတကား။ ဤအရာများသည် သင်တို့၏ နောက်ဆုံးဇာတ်သိမ်းများပင် မဟုတ်လော။

အသံကို ကြား၍ တိုင်းနိုင်ငံနှင့် နယ်မြေအားလုံးမှ စုဝေးကြကုန်သော ငါ၏ လူများကို မြင်ရသည့်အတွက် ငါသည် ကျေနပ်၏။ စစ်မှန်သော ဘုရားသခင်ကို မိမိတို့၏ နှုတ်တွင် ထားကြသော လူအပေါင်းတို့သည် ဝမ်းမြောက်သည့်အတွက် အစဉ်မပြတ် ချီးမွမ်းကာ ခုန်ပေါက်ကြလေ၏။ ၎င်းတို့သည် ကမ္ဘာလောကကြီးကို သက်သေခံကြသည်၊ စစ်မှန်သော ဘုရားသခင်အား ရေတို့၏ တဝေါဝေါမြည်သံကဲ့သို့သော အသံဖြင့် သက်သေခံလျက်ရှိကြသည်။ လူအပေါင်းတို့သည် ငါ၏ နိုင်ငံတော်ထဲတွင် စုရုံးကြလိမ့်မည်။

ငါ၏ တံပိုးခုနှစ်လုံးသည် အသံမြည်ကာ၊ အိပ်မောကျနေသူတို့အား နိုးထစေမည်။ အလျင်အမြန် ထကြလော့၊ အချိန် အလွန် မနှောင်းသေးပေ။ သင်တို့၏ အသက်တာကို ကြည့်ကြလော့။ သင်တို့၏ မျက်လုံးများကို ဖွင့်၍၊ ယခု မည်သည့်အချိန် ရောက်ကြောင်း မြင်ကြလော့။ မည်သည်ကို သင်တို့ ရှာဖွေကြသနည်း။ မည်သည့် စဉ်းစားစရာ ရှိသနည်း။ ထို့အပြင် မည်သည့် ဖက်တွယ်စရာ ရှိသနည်း။ ငါ၏ အသက်ကို ရခြင်းနှင့် သင် ချစ်ခင် ဖက်တွယ်ထားသော အရာအားလုံးကြားမှ တန်ဖိုးကွာခြားမှုကို သင် မသုံးသပ်ရသေးခြင်းကြောင့် ဖြစ်နိုင်သလော။ တဇွတ်ထိုးလုပ်ခြင်းနှင့် ကပြက်ကချော်လုပ်ခြင်းကို ရပ်လော့။ ဤ အခွင့်အရေးကို လက်လွှတ်မခံနှင့်။ ဤအချိန်သည် ထပ်မံ၍ ရောက်လာမည် မဟုတ်။ သင်တို့၏ ဘဝ အတွေ့အကြုံ ပို၍ နက်ရှိုင်းစေရန်၊ ငါ၏ စိတ်သဘောထားအတိုင်း အသက်ရှင်ရန်၊ သင်တို့၏ အသက်တာ ရင့်ကျက်စေရန်၊ အတွေ့အကြုံရင့်စေရန်နှင့် ငါ၏ ခြေလှမ်းများနောက်သို့ အမြဲလိုက်ရန်အလို့ငှာ၊ ထ၍ ရပ်လော့၊ သင်တို့၏ စိတ်ဝိညာဉ်ကို လက်တွေ့လေ့ကျင့်လော့၊ စာတန်၏ ကြံစည်မှုနှင့် လှည့်ကွက်အားလုံးကို မြင်အောင်ကြည့်ကာ ဖျက်ဆီးရန်အတွက် အမျိုးမျိုးသော လက်နက်များကို သုံးလော့၊ ထို့နောက် စာတန်ကို အောင်နိုင်ကြလော့။ စိတ်ဓာတ်ကျခြင်း၊ ခွန်အားလျော့ခြင်း မရှိကြနှင့်၊ တစ်လှမ်းပြီး တစ်လှမ်းဖြင့် လမ်းခရီး အဆုံးသို့ အစဉ်တည့်တည့် ရှေ့ဆက်ကြလော့။

တံပိုးခုနှစ်လုံး ထပ်မံ၍ အသံမြည်သည့်အခါ၊ ယင်းသည် တရားစီရင်မှုအတွက် ကြေညာခြင်း ဖြစ်လိမ့်မည်၊ ပုန်ကန်သော သားများကို တရားစီရင်ခြင်း၊ တိုင်းနိုင်ငံနှင့် လူမျိုးအပေါင်းတို့ကို တရားစီရင်ခြင်းဖြစ်၍၊ တိုင်းနိုင်ငံတစ်ခုချင်းသည် ဘုရားသခင်၏ရှေ့တွင် အညံ့ခံကြလိမ့်မည်။ ဘုန်းနှင့်ပြည့်စုံသော ဘုရားသခင်၏ မျက်နှာကို တိုင်းနိုင်ငံနှင့် လူမျိုးအပေါင်းတို့ရှေ့၌ ဧကန် ပြသလိမ့်မည်။ အယောက်တိုင်းသည် အကြွင်းမဲ့ လက်ခံယုံကြည်ကာ၊ စစ်မှန်သော ဘုရားသခင်အား အစဉ်မပြတ် ကြွေးကြော်ကြလိမ့်မည်။ အနန္တတန်ခိုးရှင် ဘုရားသခင်သည် ပို၍ကြီးမားသော ဘုန်းနှင့် ပြည့်စုံလာမည်ဖြစ်၍၊ ငါ၏ သားများသည် ဘုန်းကို မျှဝေခံစားခြင်း၊ ငါ နှင့်အတူ ရှင်ဘုရင် အရိုက်အရာကို မျှဝေခံစားခြင်းရှိကာ၊ တိုင်းနိုင်ငံနှင့် လူမျိုးအပေါင်းတို့အား တရားစီရင်လျက်၊ မတရားသောသူတို့အား ပြစ်ဒဏ်ပေးလျက်၊ ငါနှင့်သက်ဆိုင်သောသူတို့အား ကယ်တင်ခြင်း၊ သနားကရုဏာထားခြင်း ပြုလျက်၊ နိုင်ငံတော်အဖို့ငှာ ခိုင်မာခြင်းနှင့် တည်ငြိမ်ခြင်းတို့ကို ဆောင်ယူလာလျက် ရှိကြလိမ့်မည်။ တံပိုးခုနှစ်လုံး၏ အသံအားဖြင့် လူပေါင်းမြောက်မြားစွာတို့သည် အစဉ် ချီးမွမ်းခြင်းဖြင့် ဒူးထောက်ကိုးကွယ်ရန်အလို့ငှာ ငါ၏ရှေ့သို့ ပြန်လာကြရင်း ကယ်တင်ခြင်း ခံရကြလိမ့်မည်။

တံပိုးခုနှစ်လုံး နောက်တစ်ကြိမ် အသံမြည်သည့်အခါ၊ ယင်းသည် ခေတ်ကာလ၏ အဆုံးမှ နိဂုံးချုပ်အဖြစ်အပျက်၊ စာတန်မာရ်နတ်အား အောင်မြင်သည့်အကြောင်းကြောင့် ကျယ်လောင်စူးရှသော တံပိုးမှုတ်သံ ဖြစ်လတ္တံ၊ ကမ္ဘာမြေကြီးပေါ်ရှိ နိုင်ငံတော်၏ လွတ်လပ်သော အသက်တာ အစအဦး၌ ဂုဏ်ပြုခြင်း ဖြစ်လတ္တံ။ အလွန်မြင့်မြတ်သော ဤအသံ၊ ပလ္လင်ပတ်လည်တွင် ပဲ့တင်ထပ်နေသော ဤအသံ၊ ကောင်းကင်နှင့်မြေကြီးကို တုန်ခါစေသော ကျယ်လောင်စူးရှသည့် ဤတံပိုးမှုတ်သံသည် ငါ၏ စီမံခန့်ခွဲမှုအစီအစဉ် အထမြောက်အောင်မြင်ခြင်း လက္ခဏာဖြစ်၏။ ထို့အပြင် စာတန်အား တရားစီရင်ခြင်းလည်း ဖြစ်ကာ၊ ဟောင်းနွမ်းသော ဤကမ္ဘာကြီးကို အလျှင်းသေဆုံးခြင်းသို့၊ အနက်ဆုံးသောတွင်းထဲသို့ စီရင်ခြင်းဖြစ်ပေသည်။ ကျယ်လောင်စူးရှသော ဤတံပိုးမှုတ်သံသည် ကျေးဇူးတော် တံခါးပေါက် ပိတ်လုခြင်းအကြောင်း၊ ကမ္ဘာမြေကြီးပေါ်၌ နိုင်ငံတော်၏အသက် စတင်မည်ဖြစ်ကာ၊ ယင်းသည် ကောင်းစွာ လျော်ကန်ကြောင်း ညွှန်ပြခြင်းဖြစ်လေသည်။ ဘုရားသခင်သည် သူ့အား ချစ်သောသူများကို ကယ်တင်၏။ ကိုယ်တော်၏ နိုင်ငံတော်ထဲသို့ ၎င်းတို့ ပြန်ရောက်ကြသောအခါ၊ ကမ္ဘာမြေကြီးပေါ်ရှိ လူတို့သည် ငတ်မွတ်ခြင်းဘေး၊ ကပ်ရောဂါဘေးကို ရင်ဆိုင်ကြရလိမ့်မည်ဖြစ်၍၊ ဘုရားသခင်၏ ဖလားခုနှစ်လုံး၊ ဘေးဒဏ်ခုနှစ်ပါးသည် တစ်ခုပြီး တစ်ခု ကျရောက်မည် ဖြစ်သည်။ ကောင်းကင်နှင့် မြေကြီး မတည်သော်လည်း၊ ငါ၏စကား တည်မည်။

ယခင်က:အခန်း ၃၅

နောက်တစ်ခုသို့:အခန်း ၃၇

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မိန့်မြွက်ချက်များ (လက်ရွေးစင်များ) သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ