အနန္တတန်ခိုးရှင် ဘုရားသခင် အသင်းတော် အပလီကေးရှင်း

ဘုရားသခင်၏ အသံတော်ကို နားထောင်၍ သခင်ယေရှု ပြန်ကြွလာတော်မူခြင်းကို ကြိုဆိုလော့။

သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

သခင် ပြန်ကြွလာခြင်းကို ကျွန်တော် ကြိုဆိုပြီးပြီ

ချွမ်းယန်၊ အမေရိကန် ပြည်ထောင်စု

အမေရိကန် ပြည်ထောင်စုတွင် ၂၀၁၀ ခုနှစ်၏ ဆောင်းရာသီက ကျွန်တော့်ကို အလွန် ချမ်းအေးစေခဲ့သည်။ လေနှင့် နှင်းတို့၏ အရိုးခိုက်အောင် အေးမြမှုအပြင်၊ ပို၍ပင် ဆိုးရွားသည့်အရာမှာ ကျွန်တော့်၏ နှလုံးသားက “အအေးလှိုင်း” တစ်မျိုး ဝင်နှောင့်ယှက်ခံရသကဲ့သို့ ခံစားရခြင်းဖြစ်သည်။ ကျွန်တော်တို့ အိမ်တွင်းအလှဆင် လုပ်ငန်းလုပ်သူများအတွက် ဆောင်းရာသီက နှစ်တစ်နှစ်၏ အခက်ခဲဆုံး အချိန်ကာလဖြစ်သည်။ ဆောင်းရာသီ စတင်သည်နှင့်တပြိုင်နက် အလုပ်ပါးသွားသောကြောင့်ဖြစ်သည်။ ကျွန်တော်တို့၏ အလုပ်များ ဆုံးရှုံးရခြင်းကိုပင် ရင်ဆိုင်ရသည်။ ဤနှစ်သည် အမေရိကန် ပြည်ထောင်စုတွင် ကျွန်တော့်၏ ပထမဆုံး နှစ်ဖြစ်သည်၊ ကျွန်တော်က ဤနိုင်ငံသို့ စတင်ရောက်ရှိလာစဖြစ်ပြီး အရာရာက ကျွန်တော့်အတွက် စိမ်းနေခဲ့သည်။ တိုက်ခန်းတစ်ခု ငှားရမ်းခြင်းဖြစ်စေ အလုပ်တစ်ခု ရှာခြင်းဖြစ်စေ မလွတ်ကူပါ- ပြီးလျှင် ကျွန်တော့်၏ နေ့ရက်များက အခက်အခဲများဖြင့် ပြည့်နေခဲ့သည်။ ကျွန်တော် အဖြစ်အလွန်ဆိုးသည်မှာ ကျွန်တော့်တိုက်ခန်း ငှားရမ်းခကို ပေးဖို့ ငွေချေးခဲ့ရလေသည်။ ဤအကျပ်အတည်းနှင့် ရင်ဆိုင်ရလျက်၊ ကျွန်တော် စိတ်အားငယ်လာခဲ့ပြီး ကျွန်တော့်ဘဝက သည်းခံဖို့ တကယ်ခက်ခဲသည်ဟု ခံစားခဲ့ရသည်။ ညတွင် ရေခဲတမျှ အေးစက်သော နံရံကို ကျွန်တော် မျက်နှာမူရသည်၊ အလွန်ဝမ်းနည်းခံစားရသည်မှာ ငိုသာငိုလိုက်ချင်တော့သည်။ တစ်နေ့တွင်၊ ဝမ်းနည်းမှုနှင့် ပူပန်သောကတို့ဖြင့် နုံးချည့်စွာ အနီးအနားတွင် ကျွန်တော် လမ်းလျှောက်နေစဉ်၊ သခင်ယေရှု၏ ဧဝံဂေလိတရားကို ဖြန့်ဝေနေသည့် လူတစ်ယောက်က ကျွန်တော့်ကို ကဒ်တစ်ခု လက်ကမ်းပေးခဲ့ပြီး၊ “သခင်ယေရှုက မင်းကို ချစ်တယ်။ ညီအစ်ကို၊ ငါတို့ရဲ့ ဘုရားကျောင်းကို လာပြီး သခင့်ရဲ့ ဧဝံဂေလိတရားကို နားထောင်ပါ” ဟု ပြောလေသည်။ ကျွန်တော် ကိုယ့်ဘာသာ စဉ်းစားမိခဲ့သည်- “ခုချိန် ငါ့မှာ ဘာမှလုပ်စရာ မရှိဘူး ထင်ပါတယ်လေ၊ ဒီတော့ ဒါကို သွားနားထောင်တာ ငါ့ကို ဘာမှ ထိခိုက်စရာ မရှိပါဘူး။ ငါ သွားလိုက်တာကောင်းပါတယ်။ ဒါ လုပ်စရာတစ်ခုပဲ။” ထိုသို့ဖြင့်ပင်၊ ဘုရားကျောင်းထဲ ကျွန်တော် ဝင်လိုက်သည်။ သင်းအုပ်ဆရာက သခင်ယေရှု ပြောခဲ့သည့်အရာ တစ်ခုကို ကျယ်ကျယ်လောင်လောင် ဖတ်သည်ကို ကျွန်တော် နားထောင်ရသည်- “ဘုရားသခင်၏သားတော်ကို ယုံကြည်သောသူအပေါင်းတို့သည်၊ ပျက်စီးခြင်းသို့မရောက်၊ ထာဝရအသက်ကို ရစေခြင်းငှာ၊ ဘုရားသခင်သည် မိမိ၌ တပါးတည်းသော သားတော်ကို စွန့်တော်မူသည့်တိုင်အောင် လောကီသားကို ချစ်တော်မူ၏။” (ရှင်ယောဟန်ခရစ်ဝင် ၃:၁၆) ဤအရာကို ကျွန်တော် ကြားသည့်အခါ၊ သခင့်၏ မေတ္တာဖြင့် နက်နက်ရှိုင်းရှိုင်း တို့ထိခံခဲ့ရသည်။ ကျွန်တော် မည်သို့ ခံစားခဲ့ရသည်ကို ရှင်းရှင်းလင်းလင်း မရှင်းပြနိုင်သော်လည်း သခင့်၏ ချစ်ခြင်းမေတ္တာက စစ်မှန်သည်ဆိုသည်နှင့် ထိုအချစ်က လောကထဲတွင် ရှာတွေ့နိုင်သမျှ မည်သည့်အချစ်ကိုမဆို ကျော်လွန်သည်ဆိုသည်ကို ကျွန်တော် ခံစားနိုင်ခဲ့သည်။ သောကပြွတ်သိပ်နေသော ကျွန်တော့်၏ စိတ်နှလုံးက ကြီးစွာ ဖြေသိမ့်မှုခံစားခဲ့ရသည်။ အကျိုးဆက်အနေဖြင့်၊ သခင်ယေရှုအပေါ် ကျွန်တော့်၏ ယုံကြည်ကိုးစားမှုကို လေးနက်စွာ ထားရှိရန် ကျွန်တော် ဆုံးဖြတ်ခဲ့သည်။ နောက်ပိုင်းတွင်၊ တနင်္ဂနွေနေ့တိုင်း ဝတ်ပြုအစည်းအဝေးများတွင် ကျွန်တော် စိတ်အားထက်သန်စွာ စတင်ပါဝင်ခဲ့ပြီး ကျွန်တော့်၏ စိတ်ပါဝင်စားသော လေ့လာလိုက်စားမှုကြောင့် အသင်းတော်ထဲတွင် ကျွန်တော် လုပ်ဖော်ဆောင်ဖက်တစ်ဦး အလျင်အမြန် ဖြစ်လာခဲ့သည်။

အသင်းတော်ထဲတွင် နှစ်နှစ်ကြာ အစေခံပြီးနောက်၊ သခင်က ကျွန်တော်နှင့်အတူရှိသည်ဟု ကျွန်တော် ခံစားရခြင်းက လျော့သထက် လျော့လာခဲ့သည်။ သမ္မာကျမ်းစာကို ဖတ်သည့်အခါ ဉာဏ်အလင်းပေးမှုကို ကျွန်တော် မခံစားခဲ့ရပါ၊ ကျွန်တော် ဆုတောင်းသည့်အခါ တို့ထိမခံခဲ့ရသလို၊ ဝတ်ပြုအစည်းအဝေးများ တက်ရောက်ခြင်းမှ မည်သည့်အရာကိုမျှ မရရှိသကဲ့သို့ ကျွန်တော် ခံစားခဲ့ရသည်။ ထို့အပြင်၊ အသင်းတော်ထဲက အယောက်တိုင်းက ညတွင် အပြစ်ဝန်ချဖို့သာ နေ့တွင် အပြစ်ပြုသည့် ဘဝတစ်ခုကို ရှင်သန်နေကြပုံနှင့် သင်းအုပ်ဆရာဖြစ်စေ၊ အကြီးအကဲ သို့မဟုတ် သာမန် ယုံကြည်သူများဖြစ်စေ အယောက်တိုင်းက မနာလိုဝန်တိုသော အငြင်းပွားမှုများတွင် ပါဝင်ပတ်သက်ရင်း၊ အုပ်စုများ ဖွဲ့ဖို့ အချင်းချင်း လိမ်လည်လှည့်ဖြားရန် ပေါင်းကြံကြရင်း၊ ကျော်ကြားမှုနှင့် အကျိုးအမြတ်တို့နှင့်ပတ်သက်၍ ခိုက်ရန်ဖြစ်ပွားကာ လောကီအမှုအရာများကို တပ်မက်ရင်းဖြင့် အပြစ်တရားအားဖြင့် မည်သို့ ချည်နှောင်ခံကြရပုံတို့ကို ကျွန်တော် မြင်ခဲ့ရသည်။ ဥပဒေနှင့်ဆန့်ကျင်သော လုပ်ရပ်မျိုးစုံကို ပို၍ပို၍ ကျူးလွန်လာနေကြသည်။ လူမှုအဖွဲ့အစည်းထဲက လူတို့သည် အများအားဖြင့် တစ်နေ့တာ ကုန်ဆုံးသွားသည်နှင့်အမျှ ပို၍ပို၍ အကျင့်ပျက်ပြားလာကြသည်။ ပို၍ ပို၍ ဆိုးယုတ်ကာ တစ်ကိုယ်ကောင်းဆန်လာကြပြီး၊ ကပ်ဘေးများက ကမ္ဘာတစ်ဝှမ်းလုံး ဖြစ်ပျက်နေလေသည်-မြေငလျင်များ၊ အစာခေါင်းပါးခြင်းများနှင့် ကပ်ရောဂါများက စဉ်ဆက်မပြတ် ဖြစ်ပွားနေသည်။ နိမိတ်မျိုးစုံတို့က နောက်ဆုံးသော ကာလရောက်ရှိခဲ့ပြီဖြစ်ကြောင်းနှင့် မကြာခင် သခင်ယေရှု ပြန်ကြွလာတော့မည်ဖြစ်ကြောင်းတို့ကို ထင်ရှားစေခဲ့သည်။ သင်းအုပ်ဆရာများနှင့် အကြီးအကဲများက မကြာခဏ ဤသမ္မာကျမ်းချက်များအကြောင်း ကျွန်တော်တို့ကို ဟောပြောခဲ့ကြပါသည်- “ထိုအခါ သူတပါးက ဤအရပ်၌ ခရစ်တော်ရှိသည်၊ ထိုအရပ်၌ရှိသည်ဟု ဆိုသော်လည်း မယုံကြနှင့်။ အကြောင်းမူကား၊ ခရစ်တော်၏အယောင်ကိုဆောင်သောသူနှင့် မိစ္ဆာပရောဖက်တို့သည် ပေါ်လာ၍ ရွေးချယ်သောသူတို့ကိုပင် လှည့်ဖြားနိုင်လျှင် လှည့်ဖြားလောက်အောင် ကြီးစွာသောနိမိတ်လက္ခဏာ၊ အံ့ဖွယ်သောအမှုတို့ကို ပြကြလိမ့်မည်။” (ရှင်မဿဲခရစ်ဝင် ၂၄:၂၃-၂၄) သူတို့၏ တရားဒေသနာများထဲတွင်၊ နောက်ဆုံးသော ကာလ၌ ခရစ်တော်၏ အယောင်ကို ဆောင်သောသူများ ပေါ်လာလိမ့်မည်ဟု မဆင်မခြင် အခိုင်အမာဆိုခဲ့ကြပြီး၊ သူစိမ်းများက တရားဟောသည်ကို မည်သည့်နည်းနှင့်မျှ နားမထောင်ရဟု သူတို့က ကျွန်တော်တို့ကို ပြောခဲ့ကြသည်။ သူတို့က ကျွန်တော်တို့ အသင်းတော်ထဲက ယုံကြည်သူများမှလွဲ၍ အခြား ဂိုဏ်ဂဏများမှ ယုံကြည်သူများအားလုံး မှားယွင်းသည်၊ ကျွန်တော်တို့ မိမိဘာသာ အလှည့်စားမခံရစေဖို့နှင့် မှားယွင်းသော လမ်းကြောင်းကို လိုက်လျှောက်ခြင်းဖြင့် အဆုံးမသတ်ရစေဖို့ရန် အခြားလူတို့အကြောင်းကို ခွဲခြားသိမြင်ဖို့ ကျွန်တော်တို့ ဂရုစိုက်ရမည်ဟုပင် သူတို့က ပြောခဲ့ကြသည်။ သင်းအုပ်ဆရာများက ဤပုံစံဖြင့် ဟောပြောသည်ကို ကျွန်တော် မကြာခဏ ကြားရသည့်အတွက်၊ ကျွန်တော် ကိုယ့်ကိုယ်ကိုယ် ပြောမိခဲ့သည်- “သခင့် ကြွရောက်လာခါနီးဖြစ်တဲ့ ဒီအရေးကြီးတဲ့ အခိုက်အတန့်မှာ လမ်းကြောင်းကနေ ငါ မသွေဖည်ရဘူး၊ ပြီးတော့ သခင့်အပေါ် ငါ့ ယုံကြည်ခြင်းကို သေချာထိန်းသိမ်းထားရမယ်။”

၂၀၁၆ ခုနှစ် စက်တင်ဘာ လလယ်ပိုင်း ရက်တစ်ရက်တွင်၊ အစ်မ ကျူထံမှ မမျှော်လင့်သော ဖုန်းခေါ်ဆိုမှုတစ်ခုကို ကျွန်တော် ရရှိခဲ့သည်။ အစ်မကျူသည် ကျွန်တော်တို့အသင်းတော်တွင် အချိန်ကြာပြီဖြစ်သော ယုံကြည်သူတစ်ဦး၊ စိတ်အားထက်သန်သော ရှာဖွေသူတစ်ဦးဖြစ်ပြီး၊ ကျွန်တော်တို့ အမြဲ သင့်မြတ်ကြလေသည်၊ ထို့ကြောင့် သူ့ထံမှ ဖုန်းခေါ်ဆိုမှုတစ်ခု ရ၍ ကျွန်တော် အရမ်းပျော်ခဲ့သည်။ အစ်မ ကျူက ကျွန်တော့်ကို စိတ်လှုပ်ရှားစွာဖြင့်ပြောစဉ်တွင် ကျွန်တော် နားထောင်ခဲ့သည်။ “မောင်လေး၊ နင့်ကို ပြောဖို့ အစ်မမှာ သတင်းကောင်းတစ်ချို့ ရှိတယ်။ သခင်ယေရှုက အနန္တတန်ခိုးရှင် ဘုရားသခင်အဖြစ် ပြန်ကြွလာပြီးပြီ။ ဒီတစ်ခါ လူကို တရားစီရင်ဖို့၊ သန့်စင်စေဖို့နဲ့ ကယ်တင်ဖို့ ဘုရားသခင် လူ့ဇာတိခံလိုက်တာပဲ”။ ဤစကားများကို ကြားရခြင်းကြောင့် ကျွန်တော် အတော်အတန် အံ့အားသင့်သွားရပြီး၊ ကျွန်တော် မိမိဘာသာ တွေးမိခဲ့သည်- “အစ်မကျူက သခင့်ရဲ့ လမ်းစဉ်ကို မထိန်းသိမ်းဘူးလား။ တစ်ခြား ဂိုဏ်းဂဏမှာ သူ ပါဝင်လိုက်ပြီလား။ ဘယ်လိုဖြစ်ပြီး သူ အရမ်း မိုက်မဲရတာလဲ။ သင်းအုပ်ဆရာတွေနဲ့ အကြီးအကဲတွေက နောက်ဆုံးသော ကာလမှာ ခရစ်တော် အယောင်ကိုဆောင်တဲ့သူတွေ ပေါ်လာမယ်လို့ ထပ်တလဲလဲ အလေးပေးပြောဆိုကြပြီးပြီပဲ၊ ဒီတော့ ဘာကြောင့် သူက သူတို့ကို နားမထောင်တာလဲ။ သခင် မကြာခင်ကြွလာတော့မယ့် ဒီလို အရေးကြီးတဲ့ အခိုက်အတန့်မှာ ငါတို့က ငါတို့ရဲ့ ယုံကြည်ခြင်းမှာ လမ်းလွဲသွားရင်၊ ဒီနှစ်တွေအားလုံးမှာ ငါတို့ရဲ့ ယုံကြည်ခြင်းကို အချည်းနှီး လက်တွေ့လုပ်ဆောင်ကြပြီပဲ မဟုတ်လား။” ဤရာကို ကျွန်တော် တွေးသည်နှင့်အမျှ၊ အစ်မကျူကို ကျွန်တော်က စိတ်လှုပ်ရှားစွာဖြင့်၊ “အစ်မ၊ ကျမ်းစာထဲမှာ ပြောထားတာက နောက်ဆုံးသော ကာလမှာ အယောင်ဆောင်...” ၊ သို့သော် ကျွန်တော် စကားပြီးသည်ကို မစောင့်ဘဲ အစ်မကျူက စကားဖြတ်ပြောလိုက်သည်။ “မောင်လေး၊ သခင်ယေရှုက ‘စစ်ကြောမဆုံးဖြတ်ဖို့’ အစ်မတို့ကို သတိပေးခဲ့တယ်၊ ပြီးတော့ အစ်မတို့အနေနဲ့ ဘုရားသခင်ရဲ့ စီရင်တာကို မခံရဖို့ ကိုယ်နှစ်သက်သလို စစ်ကြောစီရင်တာ မလုပ်ရဘူး။” အစ်မ၏ သတိပေးချက်က သခင့်၏ဤစကားများကို ကျွန်တော့်ကို အမှတ်ရစေခဲ့သည်- “သူတပါး၏အမှု၌ စစ်ကြောဆုံးဖြတ်ခြင်းကို မပြုကြနှင့်။ မပြုလျှင်သင်တို့သည် စစ်ကြောဆုံးဖြတ်ခြင်း နှင့် ကင်းလွတ်ကြလိမ့်မည်။ သူအပါးကို အပြစ်မစီရင်ကြနှင့်။ မစီရင်လျှင်သင်တို့သည် အပြစ်စီရင်ခြင်းနှင့် ကင်းလွတ်ကြလိမ့်မည်။” (ရှင်လုကာခရစ်ဝင် ၆: ၃၇) ကျွန်တော် ဘာကိုမျှ ထပ်မံ မပြောရဲတော့ပါ။ သို့သော်၊ သခင့်၏ ပြန်ကြွလာခြင်းကဲ့သို့သော ထိုသို့ အရေးကြီးသည့် အဖြစ်အပျက်တစ်ခုနှင့် ပတ်သက်၍၊ အစ်မကျူနှင့် ကျွန်တော်က မိမိ၏ ကိုယ်ပိုင် အယူအဆများရှိကြပြီး ကျွန်တော်တို့နှစ်ဦးလုံးက အခြားတစ်ဦးကို စည်းရုံးသိမ်းသွင်း ချင်ကြလေသည်။ ထို့ကြောင့် ကျွန်တော်တို့က အလှည့်ကျယူပြီး ကျွန်တော်တို့ ဆိုလိုသည့်အချက်များကို ရှင်းလင်းပြဖို့ ကြိုးစားနေခဲ့ကြသော်လည်း၊ နောက်ဆုံးတွင် ကျွန်တော်တို့ထဲမှ မည်သူမျှ အခြားတစ်ဦးကို မစည်းရုံးနိုင်ခဲ့ကြပါ။

ဤအရာပြီးနောက် တစ်လကျော်အကြာတွင်၊ အစ်မကျူက ကျွန်တော့်ကို အနန္တတန်ခိုးရှင် ဘုရားသခင်၏ နိုင်ငံတော် ဧဝံဂေလိတရားကို ကျွန်တော့်ဆီ ဟောဖို့ ထပ်တလဲလဲ ဖုန်းခေါ်ဆိုမှုများ လုပ်ခဲ့သော်လည်း၊ လက်ခံဖို့ ကျွန်တော် အမြဲငြင်းခဲ့ပြီး၊ ကျွန်တော်တို့ အသင်းတော်ကို ပြန်လာဖို့နှင့် သခင့်ကို ဆက်လက်ယုံကြည်နေဖို့ သူ့ကို တိုက်တွန်းမြဲတိုက်တွန်းခဲ့သည်။ အချိန်ကုန်လွန်သည်နှင့်အမျှ၊ သူသည် အနန္တတန်ခိုးရှင် ဘုရားသခင်၌ သူ၏ ယုံကြည်မှုတွင် အလွန်ခိုင်မာသည်ဆိုသည်နှင့် သူ၏ ယုံကြည်ခြင်းတွင် အနည်းငယ်မျှ ယိမ်းယိုင်လိမ့်မည်မဟုတ်သည်ကို ကျွန်တော် တွေ့ခဲ့ရသည်၊ ထို့ကြောင့် ကျွန်တော့်အနေနှင့် လွှတ်လိုက်ရပြီး သူ့ကို ဖျောင်းဖျဖို့ ကြိုးစားခြင်းကို ရပ်လိုက်သည်။ ကျွန်တော်က၊ “ခုချိန်ကစပြီး၊ သခင်ယေရှုကို ကျွန်တော် ဆက်ယုံကြည်ဦးမှာဖြစ်ပြီး အစ်မရဲ့ အနန္တတန်ခိုးရှင် ဘုရားသခင်ကို အစ်မ ယုံနိုင်တယ်၊ ပြီးတော့ အချင်းချင်းရဲ့ ယုံကြည်မှုကို ကျွန်တော်တို့ ဝင်ရောက်မစွက်ဖက်ဘူး” ဟု ပြောခဲ့သည်။ ထို့နောက်တွင်၊ ဘုရားသခင်၏ နောက်ဆုံးသော ကာလ အမှုတော်ကို သက်သေခံဖို့ အစ်မကျူက ကျွန်တော့်ကို ဖုန်းဆက်သည့်အခါတိုင်း၊ သူ့ကို ရှောင်ရှားဖို့ ကျွန်တော် ဆင်ခြေရှာခဲ့သည်။ ဘုရားသခင်၏ နောက်ဆုံးသော ကာလ အမှုတော်ကို လက်ခံဖို့ ကျွန်တော် ငြင်းမြဲငြင်းနေခဲ့သော်လည်း သူက ကျွန်တော့်ထံ ဧဝံဂေလိတရား ဖြန့်ဝေဖို့ ကြိုးစားခြင်းကို လုံးဝ လက်မလျော့ခဲ့ပါ။

နိုဝင်ဘာလ တစ်မနက် နံနက် ၅ နာရီနောက်ပိုင်း တစ်ခဏအကြာ၊ နေ့အလင်းပင် ရောက်မလာခင်တွင်၊ ကျွန်တော့်အိမ်က တံခါးခေါင်းလောင်းကို တစ်စုံတစ်ဦးက တီးလေသည်။ ကျွန်တော် တံခါးဖွင့်ပြီး အစ်မကျူနှင့် သူနှင့်အတူ အစ်ကိုတစ်ဦးနှင့် အစ်မ တစ်ဦးတို့ကို တွေ့လိုက်ရသည်။ အစ်မကျူကို ကျွန်တော် တွေ့လိုက်ရသည့်အခါ၊ ကျွန်တော် အတော်လေး စိုးရိမ်ကြောင့်ကြမိသွားသည်။ ကျွန်တော် မိမိဘာသာ တွေးမိသည်- “ငါ မင်းနဲ့ ရှင်းသွားပြီ မဟုတ်လား။ ငါ့အိမ်ကို လာဖို့ မင်းက ဘာလို့ ဒီလောက်အဝေးကြီးကို ခရီးနှင်ရသေးတာလဲ။ မင်း ဘာပဲပြောပြော အနန္တတန်ခိုးရှင် ဘုရားသခင်ကို ငါ ယုံမှာမဟုတ်ဘူး။” ကျွန်တော်တို့အချင်းချင်း အသင်းတော်တစ်ခုတည်း၏ အသင်းသားများဖြစ်ခဲ့သည့် နှစ်များအားလုံးကို မမှုဘဲလျက်၊ သူတို့ကို မဖွယ်မရာ စကားအချို့ ကျွန်တော်ပြောပြီး အိမ်ထဲဝင်ခွင့် မပေးခဲ့ပါ။ ကျွန်တော် မည်မျှ စိတ်ပိုင်းဖြတ်ထားသည်ကို အစ်မကျူက မြင်သည့်အခါ၊ စိတ်ညိုးငယ်သည့် အသွင်တစ်ခု သူ၏ မျက်နှာတွင် ပြသပြီး စိတ်ခံစားမှုဖြင့် ဆို့နှင့်သည့်အသံဖြင့် သူက၊ “မောင်လေး၊ မောင်လေးဆီကို နိုင်ငံတော် ဧဝံဂေလိတရား ဖြန့်ဝေဖို့ အစ်မလာရတဲ့အကြောင်းရင်းက အစ်မကို သန့်ရှင်းသော ဝိညာဉ်တော်က တို့ထိခဲ့လို့ပဲ။ ဘုရားသခင်ရဲ့ ချစ်ခြင်းမေတ္တာကြောင့် မဟုတ်ရင်၊ အစ်မရဲ့ မာနကို အစ်မမျိုသိပ်နိုင်မှာမဟုတ်သလို မောင်လေးဆီကို ဧဝံဂေလိတရားကို အကြိမ်ကြိမ် ဖြန့်ဝေဖို့ ကြိုးစားမြဲကြိုးစားနိုင်မှာ မဟုတ်ဘူး။ မောင်လေး၊ သခင်ယေရှုက တကယ်ကို ပြန်ကြွလာပြီးပါပြီ။ ခုချိန်မှာပဲ၊ ဘုရားသခင်ရဲ့ အမှုတော်သစ်ကို လက်ခံပြီးတဲ့ သူတွေအပေါ် သန့်ရှင်းသော ဝိညာဉ်တော်က အလုပ်လုပ်နေတယ်။ သန့်ရှင်းသော ဝိညာဉ်တော်ရဲ့ လုပ်ဆောင်ချက်ကြောင့် မဟုတ်ခဲ့ရင်၊ ဘယ်သူမဆိုက ဒီလောက်ယုံကြည်မှုနဲ့ မောင်လေးဆီကို ဧဝံဂေလိ ဖြန့်ဝေဖို့ စိတ်စွမ်းအား ဘယ်လိုဖြစ်ပြီး ရှိနိုင်မှာလဲ။ မောင်လေးလည်း အစ်မတို့ အသင်းတော်ရဲ့ လက်ရှိအခြေအနေကို မြင်ပြီးသားပဲလေ။ အစ်မတို့ရဲ့ ညီအစ်ကို မောင်နှမတွေအားလုံးက အပြစ်ရဲ့ ချည်နှောင်ခံရလျက် အသက်ရှင်ကြပြီး ထွက်ပြေးလွတ်မြောက်ဖို့ ခွန်အားမရှိကြဘူး။ ဘုရားသခင်က ဒီတစ်ကြိမ်မှာ လူကို တရားစီရင်ဖို့နဲ့ အပြစ်ကနေ အစ်မတို့ကို ဖယ်ရှားပြီး အစ်မတို့ကို သန့်စင်တဲ့ အမှုတော်ကို ဆောင်ရွက်ဖို့ ကြွလာပြီဖြစ်တယ်။ အစ်မတို့က ဘုရားသခင်ရဲ့ နောက်ဆုံးသော ကာလ အမှုတော်ကို လွဲသွားရင်၊ ဘုရားသခင်ရဲ့ ကယ်တင်ခြင်းကို ရရှိဖို့ နောက်ထပ်အခွင့်အရေး အစ်မတို့ ရှိမှာ မဟုတ်ဘူး” ဟု ကျွန်တော့်ကို ပြောလေသည်။ အစ်မ၏ ရိုးသားသော စကားများက ကျွန်တော့်ကို တို့ထိခဲ့ပြီး ကျွန်တော် အနည်းငယ် အလျှော့ပေးလိုက်သည်။ အထူးသဖြင့်၊ ကျွန်တော်တို့ အသင်းတော်ထဲက အခြေအနေအကြောင်း သူ ပြောနေသည့်အချိန်တွင်၊ ကျွန်တော် မြင်ခဲ့သည့် အသင်းတော်ထဲက ဖြစ်ပျက်သည့်အရာအားလုံး ကျွန်တော့် စိတ်ထဲ ရုတ်တရက်ပေါ်လာခဲ့သည်- ကျွန်တော့် အစေခံခဲ့သည့် ပထမဆုံး အသင်းတော်ထဲတွင်၊ သင်းအုပ်ဆရာက ပြောတာတစ်ခြား၊ လုပ်တာတစ်ခြား ဖြစ်ခဲ့ပြီး၊ ငွေအမြောက်အများ ထည့်ဝင်သည့်သူတိုင်းသည် အပြုံးမျက်နှာများဖြင့် သင်းအုပ်ဆရာများ၏ ကြိုဆိုခြင်းကို ခံကြရပြီး အာရုံစိုက်မှုများစွာ ခံရလေသည်။ သို့ရာတွင် ငွေအလွန်များစွာ မထည့်ဝင်သော မည်သူမဆိုက သင်းအုပ်ဆရာများ၏ လျစ်လျူရှုခံရပြီး အထင်သေးခံရလေသည်။ ဤအရာ ဖြစ်ပျက်သည်ကို ကျွန်တော် တကယ် ကြည့်မနေနိုင်သောကြောင့်၊ အခြား အသင်းတော်ကို ကျွန်တော် ပါဝင်ခဲ့သည်။ ဤအသင်းတော်တွင် လုပ်ဖော်ကိုင်ဖက်များက အချင်းချင်း ဖယ်ကြဉ်နေကြသည်၊ မနာလိုဝန်တိုသော အငြင်းပွားမှုများတွင် ပါဝင်ကြနေကြပြီး အုပ်စုများဖွဲ့ဖို့ အချင်းချင်း လိမ်လည်လှည့်ဖြားရန် ပေါင်းကြံနေကြကာ၊ လောကီရေးရာ လောကထဲက လူတို့နှင့် ဘာမျှ မခြားကြသည်ကို ကျွန်တော် မျက်မြင်တွေ့ကြုံခဲ့ရသည်။ ဤအရာက ကျွန်တော့်ကို အလွန်စိတ်ပျက်စေခဲ့သည်။ ပထမတွင်၊ အခြားအသင်းတော်ဆီ ကျွန်တော် ပြောင်းချင်ခဲ့သော်လည်း၊ ညီအစ်ကိုတစ်ဦးက အသင်းတော်များစွာကို သူ သွားနှင့်ပြီးဖြစ်သလို၊ မည်သည့်နေရာသို့ သူသွားပါစေ အလားတူ ပျက်စီးယိုယွင်းခြင်းနှင့် အမှောင်ကို အမြဲရှာတွေ့ခဲ့ရသည်ဟု ကျွန်တော့်ကို ပြောပြခဲ့လေသည်။ အပြစ်ထဲတွင် အသက်ရှင်နေစဉ် ကျွန်တော်ကိုယ်တိုင် ပြသခဲ့သည့် အပြုအမူအမျိုးမျိုးကိုလည်း ကျွန်တော် တွေးမိခဲ့သည်၊ ယင်းက ကျွန်တော့် စိတ်နှလုံးထဲ စတင်ယိမ်းယိုင်စေခဲ့သည်။ ကျွန်တော်က၊ “အပြစ်ကို အမြစ်ဖြတ်ဖယ်ရှားခြင်း အမှုတော်ကို ဆောင်ရွက်ဖို့ သခင်ယေရှု တကယ်ပဲ လူ့ဇာတိမှာ ကြွလာပြီးပြီဆိုတာ ဖြစ်နိုင်မလား” ဟု တွေးမိခဲ့သည်။ ထို့နောက်တွင်ပင်၊ အစ်မကျူက၊ “အနန္တတန်ခိုးရှင် ဘုရားသခင်က ပြန်ကြွလာတဲ့ သခင် ဟုတ် မဟုတ်ဆိုတာအတွက်၊ မောင်လေးလုပ်ဖို့ လိုသမျှက အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေကို ဖတ်ဖို့ပါပဲ၊ ပြီးရင် မောင်လေး သိပါလိမ့်မယ်။ သခင်ယေရှုက သူ့အမှုတော်ကို ဆောင်ရွက်ဖို့ ကြွလာခဲ့တဲ့အချိန်တုန်းက၊ သူဟာ ကြိုတင်ဟောကိန်းထုတ်ထားတဲ့ မေရှိယဖြစ်တယ်ဆိုတာကို သူ့ရဲ့ နှုတ်ကပတ်တော်တွေနဲ့ အမှုတော်တွေကနေတဆင့် သတိပြုမိခဲ့ကြတာကြောင့် သူ့ရဲ့ တပည့်တော်တွေက သူ့နောက်လိုက်ခဲ့ကြတာပါ။ ဒီနေ့မှာ၊ အနန္တတန်ခိုးရှင် ဘုရားသခင်က သူ့အမှုတော်ကို ဆောင်ရွက်ဖို့ ပြန်ကြွလာတဲ့ သခင်ယေရှုရဲ့ ပေါ်ထွန်းခြင်း ဟုတ်မဟုတ်ဆိုတာကို ပိုင်းဖြတ်ဖို့အတွက်၊ အစ်မတို့လည်း အနန္တနတန်ခိုးရှင် ဘုရားသခင်ရဲ့ အမှုတော်နဲ့ နှုတ်ကပတ်တော်တွေကို ကြည့်ခြင်းအားဖြင့် အဲဒီလိုလုပ်ရမယ်။ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေကို မောင်လေး ဖတ်ပြီးတဲ့နောက်၊ သူက ပြန်ကြွလာတဲ့ သခင်မဟုတ်ဘူးလို့ မောင်လေး ယုံကြည်နေသေးရင်၊ မောင်လေးကို အတင်းယုံကြည်ခိုင်းဖို့ အစ်မ ကြိုးစားမှာ မဟုတ်ပါဘူး၊ ပြီးတော့ ဘုရားသခင်က သူ့ရဲ့ ဧဝံဂေလိတရားကို လက်ခံဖို့ ဘယ်သူ့ကိုမှ အတင်းအကျပ် လုံးဝ မလုပ်တာကြောင့် မင်းဆီ ဧဝံဂေလိတရားဟောတာကို အစ်မ ရပ်မှာပါ” ဟု ဆက်ပြောခဲ့သည်။

ဤအရာကို အစ်မ ကျူက ပြောပြီးသည့်နောက်၊ ကျွန်တော် တစ်ခဏ တုန့်ဆိုင်းသွားခဲ့ပြီး မိမိဘာသာ တွေးလိုက်သည်- “ဒါတွေကို ငါလည်း ဖတ်ကြည့်ပြီး အစ်မ ကျူကို အနန္တတန်ခိုးရှင် ဘုရားသခင်အပေါ် ဒီလို စွဲမြဲခိုင်မာတဲ့ ယုံကြည်မှုတစ်ခုပေးတဲ့ ဘယ်လို သမ္မာတရားမျိုးတွေ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်ထဲမှာ ပြောထားလဲဆိုတာကို အတိအကျ ကြည့်ရမယ်။” ထို့နောက်ချက်ချင်း၊ တံခါးကို ကျွန်တော် ဖွင့်လိုက်ပြီး အစ်မကျူနှင့် ကျန်သည့်လူများကို အိမ်ထဲသို့ ဝင်ခွင့်ပေးလိုက်သည်။ အစ်မကျူက အခြားသူများကို မိတ်ဆက်ပေးခဲ့ပြီး သူတို့မှာ အနန္တတန်ခိုးရှင် ဘုရားသခင် အသင်းတော်မှ ညီအစ်မ ကျန်းချင်နှင့် ညီအစ်ကို လျူကိုင်မင်းတို့ ဖြစ်ကြသည်။ အစ်မကျူက၊ “မောင်လေး ချွမ်းယန်၊ အနန္တတန်ခိုးရှင် ဘုရားသခင်ရဲ့ နောက်ဆုံးသော ကာလအမှုတော်ကို အစ်မ လက်ခံတာ လအနည်းငယ်ကြာသွားပြီ။ အစ်မ ကိုယ့်ဘာသာ စစ်ဆေးဖို့ အနန္တတန်ခိုးရှင် ဘုရားသခင် အသင်းတော်ကို သွားခဲ့တယ်၊ ပြီးတော့ သူတို့ရဲ့ အသင်းတော် အသက်တာထဲမှာ အစ်မ ပါဝင်ခဲ့တယ်။ ကိုယ်တိုင်ကိုယ်ကျ အတွေ့အကြုံကနေတဆင့်နဲ့ လေးလေးနက်နက် လေ့လာဆန်းစစ်မှုကနေတဆင့်၊ အနန္တတန်ခိုးရှင် ဘုရားသခင် အသင်းတော်က တကယ်ကိုပဲ သန့်ရှင်းသော ဝိညာဉ်တော်ရဲ့ အလုပ်ရှိတဲ့ အသင်းတော်တစ်ပါးဖြစ်တယ်ဆိုတာ အစ်မ မြင်ရပြီးပြီ။ အဲဒါက စစ်မှန်တဲ့ အသင်းတော်တစ်ပါးဖြစ်ပြီး၊ ဘုရားသခင်ဆီက လုံးဝ ပေါ်ပေါက်ခဲ့တာပဲ။ မောင်လေးနဲ့ အစ်မက အသင်းတော်ရဲ့ အသင်းသားတွေ ဖြစ်တာ နှစ်အတော်ကြာခဲ့ပြီ။ ပြီးတော့ အသင်းတော်ထဲက လုပ်ဖော်ဆောင်ဖက် တစ်ဦးအနေနဲ့ အသင်းတော်ထဲမှာ အခု ဘာဖြစ်နေတယ်ဆိုတဲ့အကြောင်းကို မောင်လေးက အစ်မထက် သိသင့်တယ်။ သန့်ရှင်းသော ဝိညာဉ်တော်က အစ်မတို့အသင်းတော်ထဲမှာ အလုပ်မလုပ်တော့တာ အချိန်ကြာခဲ့ပြီဖြစ်သလို၊ ဒါက လူတိုင်း သိတဲ့အရာတစ်ခုပဲ။ သင်းအုပ်ဆရာတွေက အစ်မတို့ကို အသက်တာနဲ့အတူ ထောက်ပံ့တဲ့ တရားဒေသနာတွေကို မဟောနိုင်ကြဘူး။ သူတို့က သခင့်နာမကို အစ်မတို့ ထိန်းသိမ်းရမယ်၊ ပြီးတော့ အစ်မတို့ရဲ့ အသင်းတော်ကို အစ်မတို့ မစွန့်သရွေ့ အစ်မတို့ ကယ်တင်ခံရလိမ့်မယ်လို့ အစ်မတို့ကို ပြောရင်းနဲ့၊ တခြားဂိုဏ်းဂဏတွေကို ဘယ်လို တိုက်ခိုက်ရမယ် ဒါမှမဟုတ် ဘယ်လို သတိထားရမယ်ဆိုတဲ့အကြောင်းကိုပဲ ဟောကြတယ်။ ဒါပေမယ့် ဒီလိုပြုမူဖို့ သခင့်ရဲ့ နှုတ်ကပတ်တော်ထဲမှာ သူတို့အတွက် အခြေခံအကြောင်းရင်း တကယ်ကို ဘာမှမရှိပါဘူး။ သူတို့ရဲ့ ရာထူးတွေကို ကာကွယ်ဖို့နဲ့ သူတို့ရဲ့ အသက်မွေးမှုကို ထိန်းသိမ်းဖို့ပဲ အဲဒီလို သူတို့ လုပ်ကြတာဖြစ်ပြီး၊ အစ်မတို့ရဲ့ အသက်တာတွေကို သူတို့ မစဉ်းစားပေးကြပါဘူး။ အစ်မတို့ အသက်တာအတွက် တာဝန်ရှိတယ်လို့ သူတို့ တကယ်ခံစားရတယ်ဆိုရင် ငတ်မွတ်ခြင်းအားဖြင့် ဒါမှမဟုတ် သန့်ရှင်းသော ဝိညာဉ်တော်မရှိတဲ့ အသင်းတော်ထဲမှာ ပိတ်မိခြင်းအားဖြင့် အစ်မတို့ရဲ့ သေခြင်းကို စောင့်ဆိုင်းရင်းနဲ့၊ ဟိုးအရင်ကတည်းက သန့်ရှင်းသော ဝိညာဉ်တော် အလုပ်လုပ်တာ ရပ်တန့်ခဲ့တဲ့ ဘာသာရေးတစ်ခုထဲမှာ အစ်မတို့ကို ခေါင်းမာမာနဲ့ ဆက်ရှိနေခိုင်းတာထက်၊ သူတို့အနေနဲ့ အစပြုပြီး သန့်ရှင်းသော ဝိညာဉ်တော် အလုပ်လုပ်တဲ့ အသင်းတော်တစ်ခုကို ရှာဖွေရာမှာ အစ်မတို့ကို ဦးဆောင်သင့်တယ်လေ” ဟု ပြောလေသည်။ ဤအရာကို ကြားပြီးနောက် ကျွန်တော် မိမိဘာသာ တွေးခဲ့သည်- “အစ်မ ကျူက တကယ်ပဲ ဖြစ်နေတဲ့အရာကို ဖော်ပြနေတာပဲ။ ဒီနေ့ခေတ် အသင်းတော်က တကယ်ပဲ သန့်ရှင်းသော ဝိညာဉ်တော်ရဲ့ အလုပ် မရှိကြဘူးပဲ၊ သင်းအုပ်ဆရာတွေနဲ့ အကြီးအကဲတွေ လုပ်ဆောင်တဲ့အရာရာတိုင်းက တကယ်ပဲ ငါတို့ ယုံကြည်သူတွေရဲ့ အသက်တာတွေကို အရေးထားမှုပြီး လုပ်ဆောင်တာမဟုတ်ဘူး၊ ပြီးတော့ ဒီအသင်းတော်မှာ နှစ်တွေအကြာကြီး ငါ ပိတ်မိနေတဲ့အခါမှာ သခင်က ငါတိုနဲ့အတူ မရှိသလို ပိုပိုပြီး ငါ ခံစားခဲ့ရတယ်။ ငါ့ ဝိညာဉ်က လမ်းဆုံးကို ရောက်လာသလိုမျိုး ခြောက်ကပ်ပြီး အလင်းကနေ ဝေးသလို ခံစားခဲ့ရတယ်။” ဤကျိုးကြောင်းဆီလျော်ပြီး ခိုင်လုံသည့် နည်းလမ်းဖြင့် သူ စကားပြောသည်ကို ကြားရသည့်အခါ၊ သူတို့၏ လည်ပတ်မှုကို ကျွန်တော် မကန့်ကွက်တော့ပါ။

ထို့နောက်တွင်ပင်၊ သူနှင့်အတူ လာသည့် ညီအစ်ကို လျူက၊ “အစ်ကိုရေ၊ ဘာသာရေးလောက ဒီလို ပျက်စီးယိုယွင်းရတဲ့အကြောင်းရင်းက ဘာကြောင့်လဲဆိုရင် ဘုရားသခင်က အသစ်သော အမှုတော်ကို ဆောင်ရွက်ဖို့ ကြွလာပြီးပြီဖြစ်သလို သန့်ရှင်းသော ဝိညာဉ်တော်ရဲ့ အမှုတော်က ရွေ့သွားပြီဖြစ်ပေမယ့် လူတွေက ဘုရားသခင်လုပ်ဆောင်နေတဲ့ အသစ်သော အမှုတော်ကို အမှီမလိုက်ကြလို့ဖြစ်တယ်။ ပိုပြီးတောင် ကြီးမားတဲ့ အကြောင်းရင်းက သင်းအုပ်ဆရာတွေနဲ့ အကြီးအကဲတွေက သခင့်ရဲ့ ပညတ်ချက်တွေကို မနာခံဘဲ ဒါမှမဟုတ် သခင့်ရဲ့ နှုတ်ကပတ်တော်တွေကို လက်တွေ့မလုပ်ဆောင်ကြဘဲ အဲဒီအစား ယုံကြည်သူတွေကို လောကရဲ့ ဆိုးယုတ်တဲ့ ရေပန်းစားမှုတွေနောက်လိုက်ဖို့ ဦးဆောင်ကြပြီး ဘုရားသခင်ရဲ့ အသစ်သော အမှုတော်ကိုတောင် အာခံပြီး ရှုတ်ချကြတယ်လေ။ အဲဒါက သခင်ယေရှုက သူ့ရဲ့ အမှုတော်ကို ဆောင်ရွက်ဖို့ ကြွလာခဲ့တုန်းကလိုပါပဲ၊ ဗိမာန်တော်က ကျွဲနားတိရစ္ဆာန်တွေ၊ သိုးတွေနဲ့ ခိုငှက်တွေကို ရောင်းဝယ်ပြီး ငွေလဲလှယ်တဲ့နေရာတစ်ခုအဖြစ်ကို ပြောင်းသွားခဲ့တယ်။ ယဇ်ပရောဟိတ်တွေက ပညတ်တရားတွေကို ချိုးဖောက်ခဲ့ကြပြီး၊ ဘုရားသခင်ကို လှည့်ဖြားဖို့ အပြစ်အနာအဆာတွေရှိတဲ့ တိရစ္ဆာန်တွေကို ယဇ်ကောင်တွေအဖြစ် ပူဇော်ပသခဲ့ကြတယ်၊ ဖာရိရှဲတွေက ချမ်းသာကြွယ်ဝမှုကို တပ်မက်ခဲ့ကြပြီး သူတို့ ရာထူးရဲ့ အမြတ်အစွန်းတွေကို နှစ်သက်ခံစားခဲ့ပြီး အဲဒီလို တခြား အပြစ်တွေကို ကျူးလွန်ခဲ့ကြတယ်။ ဘုရားသခင်ကို အစေခံတဲ့သူတတောင် သူတို့ရဲ့ စိတ်နှလုံးတွေထဲမှာ ဘုရားသခင်အတွက် ကြောက်ရွံ့မှု တစ်စက်မျှမရှိဘဲ အပြစ်ထဲမှာ အသက်ရှင်ခဲ့ကြတယ်။ ဒါက သန့်ရှင်းသော ဝိညာဉ်တော်က ဗိမာန်တော်ထဲမှာ အလုပ်မလုပ်တော့ဘူးဆိုတာ၊ သန့်ရှင်းသော ဝိညာဉ်တော်ရဲ့ အမှုတော်က ရွေ့သွားပြီဆိုတာနဲ့ ပညတ်တော်ခေတ်ထဲက ဘုရားသခင်ရဲ့ အမှုတော်က အဆုံးသတ်ရောက်လာပြီဆိုတာကို ပြဖို့ လုံလောက်ခဲ့တယ်။ သခင်ယေရှုက ပညတ်တော်ခေတ် အမှုတော်ရဲ့ အခြေခံအုတ်မြစ်အပေါ်မှာ ရွေးနုတ်ခြင်း အမှုတော်ကို ဆောင်ရွက်ဖို့ ကြွလာခဲ့ပြီဖြစ်ပြီး သန့်ရှင်းသော ဝိညာဉ်တော်က ယေဟောဝါ ဘုရားသခင်ရဲ့ နာမတော်ကို ထိန်းသိမ်းပြီး ပညတ်တရားတွေကို ခေါင်းမာမာနဲ့ ဖက်တွယ်တဲ့သူတွေအပေါ် အလုပ်မလုပ်တော့ပါဘူး။ အဲဒီအစား၊ သန့်ရှင်းသော ဝိညာဉ်တော်ရဲ့ အမှုတော်က သခင်ယေရှုရဲ့ အသစ်သော အမှုတော်ကို လက်ခံကြတဲ့သူတွေအပေါ် ပြောင်းရွေ့သွားခဲ့တယ်။ ဘုရားသခင်ရဲ့ ပေါ်ထွန်းခြင်းက ဗိမာန်တော်ထဲမှာ မရှိတော့တဲ့အတွက်၊ အဲဒါက နောက်ဆုံးမှာ သူခိုးဓါးပြတွေရဲ့ ခိုအောင်းရာတွင်းဖြစ်တဲ့အထိ ပိုပိုပြီး ပျက်စီးယိုယွင်းလာခဲ့တယ်။ အခြားတစ်ဖက်မှာတော့ သခင်ယေရှုရဲ့ တပည့်တော်တွေက သခင့်ရဲ့ ကယ်တင်ခြင်းကို ရရှိခဲ့ကြတယ်၊ သခင့်ရဲ့ သွန်သင်ချက်တွေကို သူတို့ လက်တွေ့လုပ်ဆောင်ခဲ့ကြတယ်၊ ယုံကြည်ခြင်းနဲ့ ခွန်အားတို့နဲ့ သခင့်နောက်ကို သူတို့ လိုက်ခဲ့ကြတယ်၊ သူတို့က နှိပ်စက်ညှဉ်းပန်းမှု ဒါမှမဟုတ် အန္တရာယ်ကို မကြောက်ဘဲ၊ သခင့်ရဲ့ ဧဝံဂေလိတရားကို သက်သေခံပြီး ဖြန့်ဝေဖို့ သူတို့ရဲ့ အိမ်တွေကို စွန့်ပစ်ပြီး သူ့ရဲ့ အလုပ်တွေကို ပစ်ပယ်ထားခဲ့ကြတယ်။ ဒီအရာအားလုံးက သူတို့အထဲက သန့်ရှင်းသော ဝိညာဉ်တော်ရဲ့ အမှုတော်အားဖြင့် ရရှိတဲ့ အကျိုးဆက် မဟုတ်ဘူးလား။ အလားတူပဲ၊ ဒီနေ့ခေတ်မှာ သခင့်ရဲ့ ပြန်ကြွလာခြင်းက ခေတ်ဟောင်း အဆုံးသတ်ကို ရောက်လာပြီး ခေတ်သစ်အစပြုပြီဆိုတာကို ဖော်ပြတယ်။ သန့်ရှင်းသော ဝိညာဉ်တော်က ဟိုးအရင်ကတည်းက ကျေးဇူးတော်ခေတ်ရဲ့ အသင်းတော်တွေထဲမှာ အလုပ်လုပ်တာ ရပ်တန့်ခဲ့ပါတယ်။ အဲဒါထက် သူက ဘုရားသခင်ရဲ့ အမှုတော်သစ်ကို လက်ခံတဲ့သူတွေအပေါ် စပြီး အလုပ်လုပ်ပြီဖြစ်တယ်၊ အဲဒါက ကျမ်းစာထဲက ဒီပရောဖက်ပြုချက်တွေကို ပြည်စုံစေပါတယ်- ‘စပါးရိတ်ရာကာလမရောက်မှီ သုံးလအထက်က၊ မိုဃ်းမရွာစေခြင်းငှါ မိုဃ်းကိုငါဆီးတားပြီ။ မြို့တမြို့ပေါ်မှာ ရွာစေခြင်းငှါ၎င်း၊ တမြို့ပေါ်မှာ မရွာစေခြင်းငှါ၎င်းပြုလျက်၊ မြေတကွက်သည် မိုဃ်းရေကို ခံရ၍ တကွက်သည် မခံရ၊ သွေ့ခြောက်လျက်နေရ၏။’ (အာမုတ်အနာဂတ္တိကျမ်း ၄:၇) ‘ယေဟောဝါ ထာဝရဘုရား မိန့်တော်မူသည်ကား၊ ကြည့်ရှုလော့၊ မြေပေါ်သို့ ငတ်မွတ်ခြင်းဘေးကြီး ငါစေလွှတ်မည့်ကာလ ရောက်လာပြီ၊ အစာငတ်မွတ်ခြင်းဘေး မဟုတ်သကဲ့သို့ ရေငတ်ခြင်းဘေးလည်း မဟုတ်၊ သို့သော် ယေဟာဝါ၏ နှုတ်ကပတ်တော်များ ကြားရခြင်းကို ငတ်မွတ်သော ဘေးဖြစ်လိမ့်မည်။’ (အာမုတ်အနာဂတ္တိကျမ်း ၈:၁၁) အနန္တတန်ခိုးရှင် ဘုရားသခင်ကလည်း ပြောပါတယ်- ‘ဘုရားသခင်သည် ဤအချက်အား ပြည့်စုံစေမည် ဖြစ်သည်၊ စကြဝဠာ တစ်လျှောက်လုံး၌ ရှိသော လူများကို သူ့ရှေ့မှောက်သို့ ပြန်လာစေမည်။ ပြီးလျှင် ကမ္ဘာကြီးပေါ်၌ ဘုရားသခင်ကို ကိုးကွယ်စေမည်။ အခြားနေရာများ၌ ရှိသော သူ၏ အမှုသည် ရပ်တန့်သွားမည်ဖြစ်ပြီး လူများသည် မှန်ကန်သော လမ်းခရီးကို ရှာဖွေရန် တွန်းအားပေးခြင်း ခံရမည်။ ဤအရာသည် ယောသပ်ကဲ့သို့ပင် ဖြစ်လိမ့်မည်။ လူတိုင်းသည် အစားအစာကိုရဖို့ သူ့ထံလာကြသည်၊ ပြီးလျှင် သူ့ရှေ့၌ ဦးညွှတ်ကြသည်၊ အဘယ့်ကြောင့်ဆိုလျှင် သူ၌ အစားအစာရှိသောကြောင့် ဖြစ်သည်။ ငတ်မွတ်ခေါင်းပါးခြင်းမှ ကင်းလွတ်ဖို့ လူများသည် မှန်သော လမ်းခရီးကို ရှာဖွေရန် တွန်းအားပေးခြင်း ခံရမည်။ ဘာသာရေးအသိုင်းအဝိုင်း တစ်ခုလုံးသည် ပြင်းထန်သော ငတ်မွတ်ခေါင်းပါးခြင်းကို ခံရလိမ့်မည်ဖြစ်ပြီး ယနေ့ကာလ၏ ဘုရားသခင် တစ်ပါးတည်းသာလျှင် အသက်စမ်းရေတွင်း ဖြစ်ကာ လူများကို ဝမ်းမြောက်ခြင်းများ ထောက်ပံ့ပေးနေပြီး ရေမပြတ်သော စမ်းရေတွင်းကိုလည်း ပိုင်ဆိုင်ထားသည်။ လူများသည် သူ့ထံလာပြီး သူ့ကို မှီခိုကြလိမ့်မည်။’ (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နှစ်တစ်ထောင်နိုင်ငံတော် ရောက်ရှိလာခဲ့ပြီ”) ‘စကြဝဠာတစ်ဝှမ်းလုံးရှိ ဘုရားသခင်၏ အမှုအားလုံးသည် ဤလူတစ်စုအပေါ်တွင် အာရုံစူးစိုက်ထားလျက်ရှိခဲ့သည်။ ဘုရားသခင်သည် သူ၏ ကြိုးစားအားထုတ်မှုအားလုံးအား သင်တို့အတွက် ပေးအပ်မြှုပ်နှံထားပြီး၊ သင်တို့အတွက် အရာအားလုံးကို စွန့်လွှတ်ပေးဆပ်ခဲ့၏၊ သူသည် စကြဝဠာတစ်ခွင်လုံးမှ ဝိညာဉ်တော်၏ အမှုများအား ပြန်လည်သိမ်းယူကာ သင့်အားပေးအပ်ခဲ့၏။ ထိုအကြောင်းကြောင့် သင်တို့သည် မင်္ဂလာရှိသူများ ဖြစ်သည်ဟု ငါပြောဆိုရခြင်းဖြစ်သည်။ ထို့အပြင် ဘုရားသခင်သည် သင်တို့ လူစုမှတစ်ဆင့် သူ့အစီအစဉ်၏ ရည်ရွယ်ချက်ကို အပြည့်အဝ ထင်ရှားပြသနိုင်ရန် သူ၏ဘုန်းတော်အား သူ၏ရွေးကောက်ခံ လူမျိုးဖြစ်သည့် ဣသရေလလူမျိုးထံမှ သင်တို့ထံသို့ ပြောင်းရွှေ့ခဲ့ခြင်းဖြစ်သည်။ ထို့ကြောင့် သင်တို့သည် ဘုရားသခင်၏ အမွေအား လက်ခံရရှိမည့်သူများ ဖြစ်ရုံမျှသာမက ဘုရားသခင်၏ ဘုန်းတော်အား ဆက်ခံသော သူများလည်း သာ၍ ဖြစ်နေသည်။ “အကြောင်းမူကား ယခုခဏခံရ၍ ပေါ့ပါးသော ဆင်းရဲခြင်းဒုက္ခသည် အတိုင်းအထက် အလွန်ကြီးမြတ် လေးလံသော နိစ္စထာဝရ ဘုန်းအသရေကို ငါတို့အဖို့ ဖြစ်စေတတ်၏” ဟူသည့် နှုတ်ကပတ်တော်အား သင်တို့အားလုံး မှတ်မိကောင်းမှတ်မိလိမ့်မည်။’ (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူသားတွေးခေါ်သည့်အတိုင်း ဘုရားသခင်၏ အမှုသည် ရိုးရှင်းလွန်းသလော”) ‘အဘယ်ကြောင့်ဆိုသော် ဘာသာရေးအတွင်း ရှိနေသည့် ထိုသူများသည် ဘုရားသခင်၏ အလုပ်သစ်ကို လက်မခံနိုင်ကြဘဲ၊ ယခင်က အလုပ်ဟောင်းကိုသာ စွဲကိုင်ထားကြသောကြောင့် ဖြစ်သည်။ ထို့အတွက်ကြောင့် ဘုရားသခင်က ထိုသူများကို စွန့်ပစ်ခဲ့ပြီး၊ ဤအလုပ်သစ်ကို လက်ခံသည့် သူများအပေါ် သူ၏အလုပ်သစ်ကို လုပ်ဆောင်သည်။ ထိုလူတို့သည် သူ၏အလုပ်သစ်၌ ပူးပေါင်းဆောင်ရွက်သည့်သူများဖြစ်ပြီး၊ ဤနည်းလမ်းအားဖြင့်သာ သူ၏စီမံခန့်ခွဲမှုက အောင်မြင်နိုင်မည် ဖြစ်သည်။’ (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အလုပ်နှင့် လူ၏လက်တွေ့လုပ်ဆောင်မှု”) ဒီဘုရားသခင်ရဲ့နှုတ်ကပတ်တော်တွေကနေ၊ သန့်ရှင်းသော ဝိညာဉ်တော်က ကျေးဇူးတော်ခေတ်ရဲ့ အသင်းတော်တွေထဲမှာ အလုပ်မလုပ်တော့တာကြောင့်၊ လူတွေက ဘယ်လိုပဲ ခက်ခက်ခဲခဲ ကြိုးစားပါစေ ဒါမှမဟုတ် အသင်းတော်တွေကို နိုးထစေဖို့ ဘယ်လို လူသား နည်းစနစ်တွေကို သူတို့ သုံးပါစေ၊ အသုံးမဝင်ဘူး။ ကက်သလစ်အသင်းတော်နဲ့ ပရိုတက်စတင့် ဂိုဏ်းဂဏတွေအားလုံးက အတူတူပဲဖြစ်တယ်။ သူတို့ ယုံကြည်သူတွေရဲ့ စိတ်ဝိညာဉ်တွေက ခြောက်ကပ်ပြီး ငတ်မွတ်နေကြတယ်၊ သူတို့ရဲ့ ယုံကြည်ခြင်းနဲ့ ချစ်ခြင်းမေတ္တာတွေက တဖြည်းဖြည်း တိုးပြီး အေးစက်သွားကြတယ်၊ သခင့်ရဲ့ သွန်သင်မှုတွေကို သူတို့ မထိန်းသိမ်းနိုင်ကြသလို၊ သူတို့ထဲက များစွာဟာ ချမ်းသာကြွယ်ဝနောက်လိုက်ရင်းနဲ့ လောကရဲ့ အမှုအရာတွေကို တပ်မက်ရင်း၊ လောကရဲ့ ရေပန်းစားမှုတွေနောက် လိုက်ကြတယ်။ အသင်းတော်တွေက ပျက်စီးယိုယွင်းတဲ့ နေရာတွေ ဖြစ်လာတယ်။ တခြားဖက်မှာတော့၊ အနန္တတန်ခိုးရှင် ဘုရားသခင် အသင်းတော်ထဲက ညီအစ်ကို မောင်နှမတွေဟာ ဘုရားသခင်ရဲ့ နောက်ဆုံးသော ကာလ အမှုတော်ကို လက်ခံဖို့ ဂိုဏ်းဂဏအမျိုးမျိုးကို စွန့်ခွာခဲ့သူတွေ၊ မတူညီတဲ့ အလုပ်အကိုင်တွေကနေ လာကြသူတွေ ဖြစ်တယ်။ သူတို့က ဘုရားသခင်ရဲ့ အသံတော်ကို ကြားရာက ကိုယ်တော့်ရဲ့ ပလ္လင်တော်ရှေ့မှောက်ကို ပြန်လာကြပြီဖြစ်တဲ့ ပညာသတိရှိတဲ့ သတို့သမီးတွေဖြစ်ကြတယ်။ သူတို့က ဘုရားသခင်ရဲ့ ပလ္လင်တော်ကနေ စီးဆင်းတဲ့ ရှင်သန်တဲ့ အသက်ရေရဲ့ အထောက်အပံ့ကို ရရှိနေကြတယ်၊ ဘုရားသခင် ကိုယ်တော်တိုင်က ထိန်းကျောင်းပြီး ဦးဆောင်တာကို သူတို့ ခံရကြတယ်၊ ပြီးတော့ ဘုရားသခင်ရဲ့ နိုင်ငံတော် ဧဝံဂေလိတရားကို သူတို့ တစ်ညီတစ်ညွှတ်တည်း ဖြန့်ဝေပြီး သက်သေခံနေကြတယ်။ လောကရဲ့ လှောင်တာနဲ့ အသရေဖျက်တာကို သူတို့ ကြံ့ကြံ့ခံကြတယ်၊ ဂိုဏ်းဂဏမျိုးစုံရဲ့ ခေါင်းဆောင်တွေဆီက စော်ကားမှုနဲ့ ရှုတ်ချမှုတွေကို သူတို့ သည်းခံကြပြီး ရိုက်နှက်တာတောင် ခံကြရတယ်။ အဖမ်းခံရတာ၊ သူတို့ရဲ့ အိမ်တွေ ရှာဖွေခံရတာ၊ သူတို့ရဲ့ ပိုင်ဆိုင်မှုတွေ အသိမ်းခံရတာ ပြီးတော့ တရုတ်ကွန်မြူနစ်ပါတီရဲ့ ရက်ရက်စက်စက် ညှဉ်းပန်းတာ နဲ့ ထောင်ချတာတွေအပြင်၊ နောက်ထပ်အမှုအရာတွေကို သူတို့ ကြံ့ကြံ့ခံကြတယ်။ ဒါတောင်မှ သူတို့က ယုံကြည်ခြင်းရှိကြတယ်၊ ခွန်အား ရှိကြတယ်၊ ချစ်ခြင်းမေတ္တာရှိကြတယ်၊ ပြီးတော့ အနန္တတန်ခိုးရှင် ဘုရားသခင်နောက်လိုက်ပြီး ဘုရားသခင်ရဲ့ နောက်ဆုံးသော ကာလ အမှုတော်ကို သူတို့ သက်သေခံတဲ့အခါမှာ သူတို့ဟာ ဇွဲနပဲကြီးပြီး အလျော့မပေးကြဘူး။ အဲဒီလို သူတို့ လုပ်နိုင်တာက သူတို့ရဲ့ ကိုယ်ပိုင်ခွန်အားနဲ့ မဟုတ်ပါဘူး။ ဒါတွေအားလုံးက သန့်ရှင်းသော ဝိညာဉ်တော်ရဲ့ အမှုတော်ကနေတဆင့် ရရှိတဲ့ အကျိုးဆက်ဖြစ်ပါတယ်။ ဒါ့အပြင်၊ ဘာသာရေးလောကထဲကို ကိုယ်တော်က အစာခေါင်းပါးမှု စေလွတ်ရခြင်းထဲမှာ ဘုရားသခင်ရဲ့ အလိုတော်ကို ရှာတွေ့ဖို့ဖြစ်တယ်။ အဲဒီလိုလုပ်ဆောင်ရာမှာ သူ့ရဲ့ ရည်ရွယ်ချက်က ဘုရားသခင်ကို အမှန်တကယ် ယုံကြည်ပြီး သမ္မာတရားကို ဆာငတ်သူတွေကို ဘာသာတရားကနေ ထွက်ပြေးဖို့၊ လှည့်ဖြားမှုနဲ့ ဘာသာရေး အန္တိခရစ်တွေရဲ့ ထိန်းချုပ်မှုကနေ မိမိကိုယ်ကိုယ် ဖယ်ရှားဖို့ နဲ့ ဘာသာရေးကနေ ထွက်သွားဖို့ မဖြစ်မနေလုပ်စေဖို့ဖြစ်တယ်။ အဲဒီလို လုပ်ခြင်းအားဖြင့်၊ ဘုရားသခင်ရဲ့ ခြေလှမ်းတွေနဲ့ ဘုရားသခင်ရဲ့ ပေါ်ထွန်းခြင်းကို သူတို့ ရှာဖွေနိုင်တယ်၊ ဘုရားသခင်ရဲ့ နောက်ဆုံးသော ကာလ တရားစီရင်ခြင်း အမှုတော်ကို သူတို့ လက်ခံနိုင်တယ်၊ ပြီးတော့ ဘုရားသခင်အားဖြင့် သန့်စင်ခံရပြီး စုံလင်ခံရနိုင်တာဖြစ်တယ်။ တစ်ချိန်တည်းမှာပဲ၊ ဘာသာတရားထဲမှာ ဆက်ရှိတဲ့ မယုံကြည်သူတွေ၊ အစာ ဝဝလင်လင် စားရဖို့ ရှာဖွေသူတွေ နဲ့ စစ်မှန်တဲ့ နှလုံးသားနဲ့ ဘုရားသခင်ကို မယုံကြည်ဘဲ အဲဒီအစား လူတွေကို ပုဂ္ဂိုလ်ရေး ကိုးကွယ်ပြီး နောက်လိုက်တဲ့သူတွေဟာ ဖော်ထုတ်ခံရပြီး ဖယ်ရှားသုတ်သင်ခံရမှာပါ။ ဒီလိုနဲ့၊ လူတွေအားလုံးက သူတို့ အမျိုးအစားအလိုက် ခွဲခြားခံရလိမ့်မယ်။ ဒါက ဘုရားသခင်ရဲ့ ဉာဏ်ပညာနဲ့ အနန္တတန်ခိုးပဲ မဟုတ်လား။” ဟူ၍ ပြောခဲ့သည်။

ဘုရားသခင်၏ နှုတ်ကပတ်တော်များနှင့် ဤညီအစ်ကို၏ မိတ်သဟာယကို နားထောင်ပြီးသည့်နောက်တွင်၊ အားလုံးက အလွန်လက်တွေ့ကျပြီး၊ အမှုအရာများ တကယ် ဖြစ်နေသည့်ပုံနှင့် လုံးဝကိုက်ညီပုံရသည်ဟု ကျွန်တော် ခံစားခဲ့ရသည်။ အိပ်မက်တစ်ခုမှ ကျွန်တော် နိုးထရသကဲ့သို့ ခံစားခဲ့ရပြီး အသင်းတော်အမျိုးမျိုး၏ ပျက်စီးယိုယွင်းခြင်း၏ အရင်းအမြစ်ကို ကျွန်တော် နားလည်ခဲ့သည်။ ဤအခိုက်အတန့်တွင်၊ ကျွန်မ မည်မျှမခံစားတတ်ခဲ့သည်ကို နောက်ဆုံးတွင် ကျွန်တော် တွေ့ခဲ့ရသည်။ သင်းအုပ်ဆရာများနှင့် အကြီးအကဲများမှသည် သာမန်ယုံကြည်သူများအထိ၊ အားလုံးက အပြစ်အားဖြင့် ချည်နှောင်ခံထားရပြီး၊ အသင်းတော်က ဥပဒေကင်းမဲ့မှု၊ မတရားမှုတို့ဖြင့် ပြည့်နေခဲ့သည်ကို ကျွန်တော် တွေ့ခဲ့သော်လည်း၊ ဘုရားသခင်၏ အလိုတော်ကို ကျွန်တော် မရှာဖွေခဲ့သေးသလို၊ သန့်ရှင်းသော ဝိညာဉ်တော်၏ အမှုတော်ကိုလည်း မရှာဖွေခဲ့ပါ။ ဘုရားသခင်၏ အသံတော်ကို နားထောင်ဖို့လည်း ကျွန်တော် အာရုံမစိုက်ခဲ့သလို၊ အကျိုးဆက်အနေဖြင့်၊ သတိပင် မထားမိလိုက်ဘဲနှင့် သန့်ရှင်းသော ဝိညာဉ်တော်၏ အမှုတော်အားဖြင့် ကျွန်တော် ဖယ်ရှားခြင်း ခံခဲ့ရပြီးဖြစ်သည်။ အနန္တတန်ခိုးရှင် ဘုရားသခင်၏ နှုတ်ကပတ်တော်များကို ကျွန်တော် ဂရုတစိုက် ဖတ်ဖို့ လိုအပ်သည်ကို ကျွန်တော် နားလည်ခဲ့သည်။ ထိုနေ့တွင်၊ အစ်မကျူနှင့် သူ့အဖော်များက ပြန်ကြဖို့ ပြုလုပ်နေစဉ်တွင်၊နောက်တစ်ခါလာပြီး ကျွန်တော်နှင့်အတူ မိတ်သဟာယပြုဖို့ အချိန်တစ်ခုကို စီစဉ်ခဲ့ကြကာ သိုးသငယ် ဖွင့်သည့် စာစောင် မိတ္ထူတစ်အုပ်ကိုလည်း ကျွန်တော့်ထံ ချန်ထားခဲ့ကြသည်၊ ယင်းကို ကျွန်တော် ပျော်ရွင်စွာ လက်ခံခဲ့ပါသည်။

နောက်ပိုင်းတွင်၊ အနန္တတန်ခိုးရှင် ဘုရားသခင်၏ နှုတ်ကပတ်တော် စာအုပ်တစ်အုပ်ဖြစ်သော သိုးသငယ် ဖွင့်သည့် စာစောင်ကို ကျွန်တော် ဖတ်သည့်အခါ၊ အနန္တတန်ခိုးရှင် ဘုရားသခင်၏ နှုတ်ကပတ်တော်များက လူသားမျိုးနွယ်ကို ကယ်တင်ဖို့ ဘုရားသခင် ဆောင်ရွက်ခဲ့သည့် အမှုတော် အဆင့်သုံးဆင့်၊ နောက်ဆုံးသောကာလထဲက ကိုယ်တော်၏ တရားစီရင်ခြင်း အမှုတော်၊ ကိုယ်တော့် နိုင်ငံတော်၏ အလှတရား၊ စသဖြင့် ဘုရားသခင်၏ အမှုတော်ကို ပိုမိုနက်ရှိုင်းသည့် သိနားလည်မှုတစ်ခု ကျွန်တော့်ကို ပေးသော နက်နဲမှုများစွာ ထုတ်ဖော်ပြသည်ကို ကျွန်တော် တွေ့ခဲ့သည်။ ကျွန်တော့်၏ ခြောက်ကပ်သော ဝိညာဉ်က ရေငတ်ပြေခဲ့ပြီး ဤစာအုပ်ကို ကျွန်တော် ပိုဖတ်လေ ပိုနှစ်သက်လေဖြစ်ခဲ့သည်။ နံနက် ၅:၃၀ နာရီတွင် ကျွန်တော် ထလေ့ရှိခဲ့သော်လည်း ကျွန်တော့်၏ သိုးသငယ် ဖွင့်သည့်စာစောင် မိတ္ထူစာအုပ်ကို ကျွန်တော် ရရှိပြီးနောက်တွင် အနန္တတန်ခိုးရှင် ဘုရားသခင်၏ နှုတ်ကပတ်တော်ကို ဖတ်ရှုပြီး သူ၏ နှုတ်ကပတ်တော်များအပေါ် တစိမ့်စိမ့် ချင့်ချိန်ဖို့ မနက် ၄:၃၀ နာရီတွင် ကျွန်တော် စတင်နိုးထခဲ့ပြီး ကျွန်တော့် ဝိညာဉ်က အင်မတန် အားရကျေနပ်မှုကို ခံစားခဲ့ရသည်။ တစ်မနက်တွင်၊ “သင်သည် ဘုရားသခင်ကို ယုံကြည်သူစစ်စစ် ဖြစ်သလော” ဟူသည့် အခန်းကို ကျွန်တော် ဖတ်နေခဲ့စဉ်၊ ကျွန်တော့်စိတ်နှလုံးထဲတွင် ကြီးမားသော လှုံ့ဆော်မှုတစ်ခုကို ခံစားခဲ့ရသည်။ အနန္တတန်ခိုးရှင် ဘုရားသခင်သည် လူတို့၏ အတွင်းကျကျ စိတ်နှလုံးများကို စေ့စေ့စပ်စပ်ကြည့်ရှုစစ်ဆေးသော ဘုရားသခင်ဖြစ်ပြီး၊ ကျွန်တော်တို့ မိမိဘာသာ လုံးဝ မသိနိုင်ခဲ့သည့် ကျွန်တော်တို့၏ ဖောက်ပြန်ပျက်စီးသော သဘာဝကို သူ ဖော်ထုတ်ပြီးဖြစ်သည်၊ ထိုသို့ဖြင့် စာတန်အားဖြင့် ကျွန်တော့်၏ ဖောက်ပြန်ပျက်စီးခြင်း အမှန်တရားကို ကျွန်တော် မြင်လာနိုင်ခဲ့သည်။ ဤသည်မှာ အနန္တတန်ခိုးရှင် ဘုရားသခင်၏ ဤနှုတ်ကပတ်တော်များကို ဖတ်ရှုသည့်အချိန်တွင် အထူးသဖြင့် မှန်ကန်ပါသည်- “မည်သို့ပင်ဆိုစေ သမ္မာတရားကို တန်ဖိုးမထားသူများအားလုံးသည် မယုံကြည်သူများနှင့် သမ္မာတရားကို သစ္စာဖောက်သူများ ဖြစ်ကြသည်ဟု ငါပြော၏။ ထိုသို့သောသူများသည် ခရစ်တော်၏ သဘောကျမှုကို မည်သည့်အခါမျှ ရမည်မဟုတ်ပေ။.… ဘုရားသခင်သည် လောကကြီးနှင့် မသက်ဆိုင်သကဲ့သို့ လူပုဂ္ဂိုလ်တစ်ဦးတစ်ယောက်နှင့်လည်း သက်ဆိုင်ခြင်းမရှိဘဲ၊ သူ့ကို အမှန်တကယ် ယုံကြည်သောသူအားလုံး၊ သူ့ကို ကိုးကွယ်သူအားလုံး၊ မိမိကိုယ်ကို သူ့အပေါ်ဆည်းကပ်ပြီး သစ္စာရှိသောသူများအားလုံးနှင့်သာ သက်ဆိုင်ကြောင်းကို သင်နားလည်သင့်သည်။” ဤနှုတ်ကပတ်တော်များကို ကျွန်တော် ချင့်ချိန်စဉ်းစားနေစဉ်တွင်၊ မိမိကိုယ်ကိုယ် ဆက်မေးနေခဲ့သည်- ကျွန်တော်သည် ဘုရားသခင်ကို အမှန်တကယ် ယုံကြည်သောသူတစ်ဦး ဖြစ်ပါသလား။ သမ္မာတရားကို ကျွန်တော် မြတ်နိုးပါသလား။ သခင့်ကို ယုံကြည်ခဲ့သည့် ဤနှစ်များတစ်လျှောက်တွင် ကျွန်တော် မည်သည့်အရာကို မြတ်နိုးလေးစားခဲ့ပါသနည်း။ ကျွန်တော်က ညီအစ်ကို မောင်နှမများ အများစုနှင့် အတူတူဖြစ်ခဲ့ပုံကို ကျွန်တော် တွေးမိခဲ့သည်- အပြင်ပန်းအရ၊ သမ္မာကျမ်းစာကို ကျွန်တော် ဖတ်ပြီး အစည်းအဝေးများကို တက်ရောက်ခဲ့သည်၊ သို့သော် သခင့် နှုတ်ကပတ်တော်များကို တွေ့ကြုံခြင်း သို့မဟုတ် လက်တွေ့လုပ်ဆောင်ခြင်းတို့ကို ကျွန်တော် အာရုံမစိုက်ခဲ့ပါ။ ယင်းထက်၊ သင်းအုပ်ဆရာများ ဟောသည့် တရားဒေသနာများနှင့် သမ္မာကျမ်းစာထဲက စာစောင်များ၏ တိုက်ရိုက်အဓိပ္ပါယ်ကို ကျွန်တော် အထင်ကြီးခဲ့သည်။ သင်းအုပ်ဆရာများ ဟောကြားသည့် သမ္မာကျမ်းဆိုင်ရာ အသိပညာနှင့် ဓမ္မပညာဆိုင်ရာ အယူဝါဒများထဲတွင် ယုံမှားသံသယမရှိသော ယုံကြည်မှုကို ကျွန်တော် ထားရှိခဲ့သည်။ သူတို့ ဟောကြားသည့် အရာထဲတွင် သမ္မာတရား ရှိ၊ မရှိ သို့မဟုတ် သခင့် အလိုတော်နှင့် ကိုက်ညီခြင်း ရှိ၊ မရှိကို ကျွန်တော် လုံးဝ မစဉ်းစားခဲ့ပါ၊ ပြီးလျှင် သူတို့ ပြောနေသည့်အရာကို ဆန်းစစ်ဖို့နှင့် တိုင်းတာဖို့ သခင့် နှုတ်ကပတ်တော်များကို ကျွန်တော် လုံးဝ သေချာပေါက် အသုံးမပြုခဲ့ပါ။ သူတို့ ဟောသမျှအရာကို ကျွန်တော်တို့ ယုံကြည်သူများက ယုံသာယုံလိုက်ကြသည်။ ယခု ထိုအရာကို ကျွန်တော် စဉ်းစားကြည့်သည့်အခါ၊ ကျိုးကြောင်းမမြင်ဘဲ လူတို့ကို ပုဂ္ဂိုလ်ရေး ကိုးကွယ်လိုက်ဖို့ ကျွန်တော် မည်မျှ မိုက်မဲပြီး မသိနားမလည်ဖြစ်ခဲ့သည်ကို ကျွန်တော် နားလည်ရသည်။ သင်းအုပ်ဆရာများနှင့် အကြီးအကဲများ ပေးခဲ့သည့် ဒေသနာများအပေါ် ကျွန်တော် ပြန်တွေးခဲ့သည်။ သူတို့က အလှူငွေများ ပေးခြင်းနှင့် ပတ်သက်၍ဖြစ်စေ၊ အခြား ဂိုဏ်းဂဏအဖွဲ့များကို သတိထားခြင်းနှင့် အသင်းတော်ကို ပိတ်ပင်ခြင်းနှင့်ပတ်သက်၍ဖြစ်စေ တရားဒေသနာ ဝေငှကြသည်၊ သို့မဟုတ် နှစ်များစွာ သူတို့ ဟောကြားနေခဲ့ပြီးသည့် အလားတူ အကြောင်းအရာဟောင်းများကိုသာ သူတို့ ဟောကြလေသည်။ အသစ်သော အလင်းပြခြင်းမရှိ၊ အသစ်သော ဉာဏ်အလင်းပေးခြင်း မရှိပါ၊ ကျွန်တော်တို့ကို ထောက်ပံ့ဖို့ မည်သည့်အရာမျှ သူတို့ လုံးဝ မရှိခဲ့ကြပါ၊ ကျွန်တော်တို့၏ စိတ်နှလုံးများထဲက ခြောက်သွေ့ခြင်း ပြဿနာကို သူတို့ မဖြေရှင်းနိုင်ကြသလို၊ အသင်းတော်ထဲက ပျက်စီးယိုယွင်းခြင်းကို သေချာပေါက် သူတို့ မဖြေရှင်းနိုင်ကြပါ။ ဤအရာသည် အစည်းအဝေးများတွင် ညီအစ်ကို မောင်နှမများ ပါဝင်ကြသည့်အခါ ဟန်ဆောင်ပန်ဆောင်သာ လုပ်ပြခြင်းဖြစ်စေခဲ့သည်။ အစည်းအဝေးများအတွင်းတွင် အချို့က စကားစမြည်ပြောဆိုကြသည်၊ အချို့က အိပ်ငိုက်ကြပြီး၊ အချို့က သူတို့ ဖုန်းထဲက ဂိမ်းများ ကစားကြလေသည်။ ဤမှောင်မိုက်ပြီး ပျက်စီးယိုယွင်းသည့် အသင်းတော်ထဲတွင် ကျွန်တော် အသက်ရှင်ခဲ့ပြီးဖြစ်သော်လည်း ဘုရားသခင်၏ အလိုတော် ရှာဖွေဖို့ ကျွန်တော် မသိခဲ့သလို သန့်ရှင်းသော ဝိညာဉ်တော်၏ အမှုတော်ကို ရှာဖွေဖို့လည်း မသိခဲ့ပါ။ သိသိသာသာပင်၊ ကျွန်တော်သည် သမ္မာတရားကို ရှာဖွေသူ သို့မဟုတ် ဘုရားသခင်ကို အမှန်တကယ် ယုံကြည်သူ လုံးဝ မဟုတ်ခဲ့ပါ။ အနန္တတန်ခိုးရှင် ဘုရားသခင်က ပြောပါသည်- “သမ္မာတရားကို တန်ဖိုးမထားသူများအားလုံးသည် မယုံကြည်သူများ...ဖြစ်ကြသည်” “ဘုရားသခင်သည် လောကကြီးနှင့် မသက်ဆိုင်သကဲ့သို့ လူပုဂ္ဂိုလ်တစ်ဦးတစ်ယောက်နှင့်လည်း သက်ဆိုင်ခြင်းမရှိဘဲ၊ သူ့ကို အမှန်တကယ် ယုံကြည်သောသူအားလုံး၊ သူ့ကို ကိုးကွယ်သူအားလုံး...နှင့်သာ သက်ဆိုင်သည်။” ဤနှုတ်ကပတ်တော်များက အလွန် စစ်မှန်ပြီး ၎င်းတို့က သခင်ယေရှု၏ နှုတ်ကပတ်တော်များကို ကျွန်တော့်ကို ရုတ်တရက် တွေးစေခဲ့သည်- “ငါသည် လမ်းခရီးဖြစ်၏။ သမ္မာတရားကိုလည်း ဖြစ်၏။ အသက်သည်လည်း ဖြစ်၏။” (ရှင်ယောဟန်ခရစ်ဝင် ၁၄:၆) ထို့နောက်တွင် ဘုရားသခင်က သမ္မာတရားဖြစ်သည်၊ လူကို သမ္မာတရား၊ လမ်းခရီးနှင့် အသက်ပေးဖို့ ဘုရားသခင်က သူ၏ အမှုတော်ကို ဆောင်ရွက်နေသည်ဆိုသည်နှင့် ဘုရားသခင်ကို အမှန်တကယ် ယုံကြည်သည့် လူတို့က သမ္မာတရားကို ရှာဖွေခြင်းနှင့် ရရှိုခြင်းတို့ကို အာရုံစိုက်သည်ဆိုသည်တို့ကို ကျွန်တော် နားလည်ခဲ့သည်။ ဘုရားသခင်၌ ယုံကြည်သူတစ်ဦးအနေဖြင့်၊ သမ္မာတရားရှာဖွေခြင်းကို ကျွန်တော် အာရုံစိုက်မနေခဲ့ပါ၊ ထို့ကြောင့် ကျွန်တော့်၏ ယုံကြည်ခြင်းတွင် ကျွန်တော် လုံးဝ ကမောက်ကမဖြစ်ခဲ့သည် မဟုတ်ပါလား။ ဤသည်မှာ ဘုရားသခင်ကို ကျွန်တော် ယုံကြည်ခဲ့သည့် နည်းလမ်းဖြစ်ခဲ့လျှင်၊ ဘုရားသခင်၏ လက်ခံမှုကို ကျွန်တော် အဘယ်သို့ ရရှိနိုင်မည်နည်း။ အနန္တတန်ခိုးရှင် ဘုရားသခင်၏ နှုတ်ကပတ်တော်များက ကျွန်တော့်ကို အလွန် အကျိုးပြုခဲ့သည်။ အနန္တတန်ခိုးရှင် ဘုရားသခင်၏ နှုတ်ကပတ်တော်များကို ကျွန်တော် ပိုဖတ်လေ ကျွန်တော် နည်းလမ်းများစွာတွင် လိုအပ်နေခဲ့သည်ကို ပိုခံစားရလေဖြစ်ခဲ့သည်။ ထို့ကြောင့်၊ ကျွန်တော် အလုပ်လုပ်ဖို့ ရှိသည့်အချိန်မှလွဲ၍၊ ကျွန်တော့်၏ အားလပ်သည့်အချိန်အားလုံးကို အနန္တတန်ခိုးရှင် ဘုရားသခင်၏ နှုတ်ကပတ်တော်များကို ဖတ်ရှုရာတွင် ကုန်ဆုံးခဲ့သည်။ ဤသည်မှာ မှန်သော လမ်းခရီးဖြစ်သည်ဟု ကျွန်တော် လှိုက်လှိုက်လဲလဲ ခံစားခဲ့ရသည်။ သို့သော် သခင်ယေရှု ပြောဆိုခဲ့သည့် ဤနှုတ်ကပတ်တော်များအားဖြင့် ကျွန်တော် ဇဝေဇဝါ ဖြစ်နေဆဲဖြစ်သည်- “ထိုအခါ သူတပါးက ဤအရပ်၌ ခရစ်တော်ရှိသည်၊ ထိုအရပ်၌ရှိသည်ဟု ဆိုသော်လည်း မယုံကြနှင့်။ အကြောင်းမူကား၊ ခရစ်တော်၏အယောင်ကိုဆောင်သောသူနှင့် မိစ္ဆာပရောဖက်တို့သည် ပေါ်လာ၍ ရွေးချယ်သောသူတို့ကိုပင် လှည့်ဖြားနိုင်လျှင် လှည့်ဖြားလောက်အောင် ကြီးစွာသောနိမိတ်လက္ခဏာ၊ အံ့ဖွယ်သောအမှုတို့ကို ပြကြလိမ့်မည်။” (ရှင်မဿဲခရစ်ဝင် ၂၄:၂၃-၂၄) ဤနှုတ်ကပတ်တော်များ၏ အတွင်းကျသော အဓိပ္ပါယ်ကို ကျွန်တော် မသိခဲ့ပါ၊ ထို့ကြောင့် အစ်မ ကျူနှင့် အခြားသူများ တစ်ဖန် လာကြသည့်အခါဤအကြောင်းအရာကို ရှာဖွေဖို့ ကျွန်တော် ဆုံးဖြတ်ခဲ့သည်။

ကျွန်တော်တို့ စီစဉ်ခဲ့သည့် အချိန်အတိုင်း ကျွန်တော့်အိမ်ကို အစ်မကျူနှင့် အခြားညီအစ်ကို မောင်နှမများ လာကြပြီး၊ ကျွန်တော်က အစ်မ ကျူကို “ပြီးခဲ့တဲ့ ရက်အနည်းငယ်မှာ ကျွန်တော် အနန္တတန်ခိုးရှင် ဘုရားသခင်ရဲ့ နှုတ်ကပတ်တော်ကို အများကြီး ဖတ်နေခဲ့ပြီး၊ အနန္တတန်ခိုးရှင် ဘုရားသခင် ပြောဆိုတဲ့ နှုတ်ကပတ်တော်တိုင်းက သမ္မာတရားဖြစ်တယ်ဆိုတာနဲ့ အဲဒါက ကျွန်တော် အမှန်တကယ် လိုအပ်တဲ့အရာဖြစ်တယ်ဆိုတာ ကျွန်တော် ခံစားခဲ့ရတယ်။ အရင်က၊ အနန္တတန်ခိုးရှင် ဘုရားသခင်ရဲ့ အမှုတော်ကို လေ့လာဖို့ အစ်မကျူက ကျွန်တော့်ကို အကြိမ်ကြိမ် ဖိတ်ခေါ်ဖို့ ကြိုးစားခဲ့တယ်၊ ဒါပေမယ့် လူတွေကို လှည့်ဖြားဖို့ နောက်ဆုံးသော ကာလမှာ ခရစ်တော် အယောင်ကိုဆောင်တဲ့သူတွေ ဘယ်လို ပေါ်လာမယ်ဆိုတဲ့အကြောင်းကို ကျွန်တော့်ရဲ့ သင်းအုပ်ဆရာတွေက ဟောခဲ့ကြလို့၊ စစ်မှန်တဲ့ လမ်းခရီးကို လေ့လာဖို့ ကျွန်တော် ငြင်းခဲ့ပြီး၊ အခု ကျွန်တော် ဒါကို တကယ် နောင်တရမိပါတယ်။ ဒါပေမယ့်၊ ဒါနဲ့ပတ်သက်ပြီး ကျွန်တော် မရှင်းမလင်း ဖြစ်နေတုန်းပဲ၊ ဒါကြောင့် အစ်မတို့နဲ့ ကျွန်တော် အတူ ရှာဖွေချင်ပါတယ်။ သခင်ယေရှုက မိန့်တော်မူခဲ့တယ်- ‘ထိုအခါ သူတပါးက ဤအရပ်၌ ခရစ်တော်ရှိသည်၊ ထိုအရပ်၌ရှိသည်ဟု ဆိုသော်လည်း မယုံကြနှင့်။ အကြောင်းမူကား၊ ခရစ်တော်၏အယောင်ကိုဆောင်သောသူနှင့် မိစ္ဆာပရောဖက်တို့သည် ပေါ်လာ၍ ရွေးချယ်သောသူတို့ကိုပင် လှည့်ဖြားနိုင်လျှင် လှည့်ဖြားလောက်အောင် ကြီးစွာသောနိမိတ်လက္ခဏာ၊ အံ့ဖွယ်သောအမှုတို့ကို ပြကြလိမ့်မည်။’ (ရှင်မဿဲခရစ်ဝင် ၂၄:၂၃-၂၄) ဒီနှုတ်ကပတ်တော်တွေကို အစ်မတို့အားလုံး ဘယ်လို နားလည်ကြလဲ” ဟု မေးလိုက်သည်။

အစ်မ ကျန်းက၊ “ဘုရားသခင်ရဲ့ ကျေးဇူးတော်ကို ချီးမွမ်းပါတယ်၊ ဒီမိတ်သဟာယမှာ သခင် ကျွန်မတို့ကို ဦးဆောင်ပါစေ။ ရှင် တင်ပြတဲ့ မေးခွန်းအတွက်၊ ဒီစကားတွေကို သခင်ယေရှု ပြောရခြင်းအတွက် ရည်ရွယ်ချက်က ဘာလဲဆိုတာနဲ့ ဒါတွေကို ပြောတဲ့အချိန်မှာ သူဘာကို ဆိုလိုသလဲဆိုတာကို အရင်းဆုံး ကျွန်မတို့ နားလည်ရမယ်။ သခင်ယေရှုက၊ သူ ပြန်ကြွလာတဲ့အခါ၊ သူက ခရစ်တော်အဖြစ်၊ လူသားအဖြစ် တစ်ဖန် လူ့ဇာတိ ခံလာမယ်လို့ ကျွန်မတို့ကို ပြောခဲ့ပါတယ်၊ ပြီးတော့ ဒီကျမ်းပိုဒ်ထဲမှာ သခင်ယေရှုက ခရစ်တော်ရဲ့ အယောင်ကို ဆောင်သူတွေလည်း လူတွေကို လှည့်ဖြားဖို့ နိမိတ်လက္ခဏာတွေနဲ့ အံ့ဖွယ်ရာတွေကို ပြရင်း ပေါ်လာလိမ့်မယ်လို့ ပြောထားတယ်။ အဲဒါက ဘုရားသခင် နောက်တစ်ခါ လူ့ဇာတိမှာ ပေါ်ထွန်းတဲ့အချိန်မှာ ဒီခရစ်တော် အယောင်ကိုဆောင်တဲ့သူတွေလည်း ပေါ်လာမယ်လို့ ဆိုလိုတာပါ။ ဒီအရာကနေ၊ သခင်က ဒီခရစ်တော်ရဲ့အယောင်ကိုဆောင်တဲ့သူတွေရဲ့ လှည့်ဖြားခံရခြင်းကနေ ကျွန်မတို့ကို တားဆီးဖို့ ကျွန်မတို့ဟာ ခွဲခြားသိမြင်မှု ရှိအောင်လုပ်ရမယ်လို့ ပြောဖို့ ဒီစကားတွေ ပြောခဲ့တယ်ဆိုတာ ကျွန်မတို့မြင်နိုင်တယ်။ သခင့်ရဲ့ ကြွရောက်ခြင်း သတင်းကောင်း ဖြန့်ဝေတဲ့သူတိုင်းကို နားမထောင်ဖို့နဲ့ သူတို့ကို ကျွန်မတို့ အမြဲ တံခါးပိတ်ထားဖို့ ဒီစကားတွေကို သူ ပြောခဲ့တာ မဟုတ်ပါဘူး။ ဒီလိုပြုမူဖို့က အမှားတစ်ခု ဖြစ်မှာပဲ၊ ပြီးတော့ ဒါက သခင့်ရဲ့ ရည်ရွယ်ချက်ကို လုံးဝ နားလည်မှုလွဲတာ ဖြစ်လိမ့်မယ်။ သခင်ယေရှုက ပရောဖက်ပြုခဲ့ပါတယ်- ‘သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။’ (ရှင်မဿဲခရစ်ဝင် ၂၅:၆) ‘ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။’ (ဗျာဒိတ်ကျမ်း ၃:၂၀) ‘ငါ့သိုးတို့သည် ငါ့စကားသံကိုနားထောင်၍ ငါ့နောက်သို့လိုက်ကြ၏။ ထိုသိုးတို့ကို ငါသိ၏။’ (ရှင်ယောဟန်ခရစ်ဝင် ၁၀:၂၇) သခင်ပြန်ကြွလာတဲ့အခါ၊ ဘုရားသခင်ရဲ့ သိုးတွေကို ခေါ်ဖို့ သူ့ရဲ့ အသံတော်ကို သူသုံးမှာဖြစ်ပြီး သူ့ရဲ့ အသံတော်ကနေတဆင့် ဘုရားသခင်ရဲ့သိုးတွေက သူ့ကို မှတ်မိပြီး သူ့ဆီ ပြန်လာကြမယ်ဆိုတာ သခင်ယေရှုရဲ့ နှုတ်ကပတ်တော်တွေက ရှင်းလင်းသွားစေပါတယ်။ အဲဒါက၊ သခင့်ရဲ့ ပြန်ကြွလာခြင်းကို ကျွန်မတို့ ကြိုဆိုနိုင်ခြင်း ရှိ၊ မရှိဆိုတာက ဘုရားသခင်ရဲ့ အသံတော်ကို ကျွန်မတို့ သတိထားမိနိုင်ခြင်း ရှိ၊ မရှိဆိုတာအပေါ် အရေးတကြီး မူတည်နေတယ်လို့ ဆိုလိုတာပါ။ ဘုရားသခင်ရဲ့ အသံတော်ကို နားထောင်ဖို့ ကျွန်မတို့ ကြိုးစားအားထုတ်မှု မလုပ်ဘဲ၊ သခင့်ရဲ့ ပြန်ကြွလာခြင်း ဧဝံဂေလိတရားကို ဖြန့်ဝေတဲ့သူတွေကို အမြဲငြင်းမယ်ဆိုရင်၊ သခင့်ကို ကျွန်မတို့ တံခါးပိတ်ပြီး သူ့ကို အပြင်မှာထားမိနေလိမ့်မယ် မဟုတ်လား။ သခင့်ရဲ့ နှုတ်ကပတ်တော်တွေကနေ ခရစ်တော်ရဲ့ အယောင်ကိုဆောင်တဲ့သူတွေရဲ့ ထူးခြားတဲ့လက္ခဏာတွေကို ပိုင်းခြားခြင်းက လူကို လှည့်ဖြားဖို့ အနာရောဂါ ငြိမ်းစေတာနဲ့ နတ်ဆိုးတွေကို နှင်ထုတ်တာတွေလို နိမိတ်လက္ခဏာနဲ့ အံ့ဖွယ်ရာတစ်ချို့ကို လုပ်ဆောင်ရင်းနဲ့ အတိတ်က သခင်ယေရှု ဆောင်ရွက်ပြီးခဲ့တဲ့ အမှုတော်ကို တုပရင်း၊ နိမိတ်လက္ခဏာတွေကို လုပ်ပြီး အံ့ဖွယ်တွေကို ဆောင်ရွက်တဲ့ အစွမ်းသတ္တိဖြစ်တယ်ဆိုတာ ကျွန်မတို့ မြင်ရတယ်။ ဒါပေမယ့်၊ ခရစ်တော် အယောင်ကို ဆောင်တဲ့သူတွေက ဝိညာဉ်ဆိုးတွေရဲ့ ပြယုဂ်ဖြစ်တယ်၊ ဒါကြောင့် ဘယ်လို နိမိတ်လက္ခဏာတွေကို သူတို့ လုပ်ဆောင်ပါစေ၊ သမ္မာတရားကို သူတို့ မဖော်ပြနိုင်ကြပါဘူး။ ဒါက ငြင်းလို့မရနိုင်တဲ့အရာ ဖြစ်တယ်။ အနန္တတန်ခိုးရှင် ဘုရားသခင်ရဲ့နှုတ်ကပတ်တော်တွေက ခရစ်တော် အယောင်ဆောင်တဲ့သူတွေရဲ့ အမူအရာတွေနဲ့ အနှစ်သာရတို့ကို အများကြီးရှင်းလင်းသွားစေတယ်။ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်ကနေ စာပိုဒ်တစ်ချို့ကို ကြည့်လိုက်ရအောင်၊ ပြီးရင် ရှင် နားလည်သွားပါလိမ့်မယ်။ အနန္တတန်ခိုးရှင် ဘုရားသခင်က ပြောပါတယ်- ‘အကယ်၍ နောက်ဆုံးသော ကာလတွင် ယေရှုနှင့် တူသော “ဘုရားသခင်” တစ်ပါး ပေါ်ထွက်လာခဲ့မည် ဆိုပါက၊ နာမကျန်းသောသူကို ကျန်းမာစေပြီး၊ နတ်ဆိုးများကို နှင်ထုတ်ကာ၊ လူသားအတွက် ကားစင်တင်ခံမည့်သူ တစ်ဦးဆိုပါက၊ သမ္မာကျမ်းစာထဲရှိ “ဘုရားသခင်” ၏ ဖော်ပြချက်များနှင့် ကိုက်ညီပြီး လူသားအတွက် လက်ခံရန် လွယ်ကူသော်ငြားလည်း၊ ၎င်း၏ အနှစ်သာရအရ ဘုရားသခင်၏ ဝိညာဉ်တော်က ယူတင်ဝတ်ဆင်ထားသော ဇာတိခန္ဓာ ဖြစ်လိမ့်မည် မဟုတ်ဘဲ၊ ဝိညာဉ်ဆိုးက ယူတင်ဝတ်ဆင်ထားသော ဇာတိခန္ဓာသာသာလျှင် ဖြစ်လိမ့်မည်။ အကြောင်းမှာ သူပြီးပြည့်စုံစေခဲ့ပြီးသော အရာကို မည်သည့်အခါမျှ ထပ်မလုပ်သည်မှာ ဘုရားသခင် အလုပ်၏ နိယာမပင် ဖြစ်သောကြောင့် ဖြစ်သည်။ ထို့ကြောင့်ပင် ဘုရားသခင် ဒုတိယအကြိမ် လူ့ဇာတိခံယူခြင်း၏ အလုပ်သည်လည်း ပထမအကြိမ်၏ အလုပ်နှင့် ကွဲပြားခြားနားသည်။’ (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင် ကိန်းဝပ်သော ဇာတိခန္ဓာ၏ အနှစ်သာရ”) ‘မျက်မှောက်ကာလတွင် နိမိတ်လက္ခဏာများနှင့် အံ့သြဖွယ်အမှုများကို ပြနိုင်သည့်အပြင် နတ်ဆိုးများကိုလည်း နှင်ထုတ်နိုင်ပြီး၊ မကျန်းမာသူများကိုလည်း ကျန်းမာစေနိုင်ကာ၊ တန်ခိုးများကို များစွာပြနိုင်သော လူတစ်ယောက်ပေါ်လာပြီး ထိုလူက သူသည် ကြွလာခဲ့သော ယေရှုဖြစ်သည်ဟုဆိုပါလျှင် ဤသည်မှာ နတ်ဆိုးများ၏ ဟန်ဆောင်တုပမှုနှင့် ယေရှုကို လိုက်လံအတုခိုးခြင်းသာ ဖြစ်လိမ့်မည်။ ဤအချက်ကို အမှတ်ရလော့။ ဘုရားသခင်သည် ပြုပြီးသား အမှုကို ပြန်မပြုပေ။ ယေရှု၏ အမှုအဆင့်သည် ပြီးမြောက်ပြီးသားဖြစ်၍ ဘုရားသခင်သည် ထိုအဆင့်ကို နောက်တစ်ကြိမ် လုံးဝထပ်လုပ်မည်မဟုတ်ပေ။...အကယ်၍ နောက်ဆုံးသောကာလ၌ ဘုရားသခင်သည် နိမိတ်လက္ခဏာများ၊ အံ့သြဖွယ်အမှုများကို ဆက်ပြနေမည်၊ နတ်ဆိုးများကို ဆက်လက်နှင်ထုတ်နေမည်၊ မကျန်းမာသောသူများကို ဆက်ကျန်းမာစေမည်၊ ယေရှုလုပ်ခဲ့သမျှအတိုင်း တစ်ပုံစံတည်း ထပ်လုပ်မည်ဆိုလျှင် ဘုရားသခင်သည် တူညီသော အလုပ်တစ်ခုကို နောက်တစ်ကြိမ် ထပ်လုပ်နေသကဲ့သို့ ဖြစ်နေပေလိမ့်မည်။ ထိုသို့ဖြစ်လျှင် ယေရှုလုပ်ခဲ့သော အမှုသည်လည်း မည်သည့်အရေးပါမှု၊ သို့မဟုတ် မည်သည့်တန်ဖိုးမျှ ရှိတော့မည် မဟုတ်ပေ။ ထို့ကြောင့် ဘုရားသခင်သည် ခေတ်တိုင်းတွင် သူ့အမှု၏ အဆင့်တစ်ခုချင်းစီကို လုပ်ဆောင်လေ့ရှိသည်။ သူ့အမှု၏ အဆင့်တစ်ဆင့်ကို ပြီးမြောက်အောင် ဆောင်ရွက်ပြီးသွားပြီဆိုလျှင် မကြာမီမှာပင် နတ်ဆိုးများက လိုက်တုကြသည်။ စာတန်က ဘုရားသခင် လုပ်ဆောင်သည့်အတိုင်း စလုပ်ပြီဆိုလျှင် ဘုရားသခင်သည် အခြားနည်းလမ်းကို ပြောင်းလိုက်သည်။ ဘုရားသခင်က သူ့အမှု၏ အဆင့်တစ်ဆင့်ကို ပြီးမြောက်အောင် ဆောင်ရွက်ပြီးသွားသည်နှင့် နတ်ဆိုးများက လိုက်တုလေ့ရှိသည်။ ဤအရာကို သင်တို့ ရှင်းရှင်းလင်းလင်း သိဖို့လိုသည်။’ (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ ယနေ့ကာလ အမှုကို သိခြင်း”) ခရစ်တော် အယောင်ကို ဆောင်တဲ့သူတွေအားလုံးက ခရစ်တော်လို ဟန်ဆောင်နေကြတဲ့ ဝိညာဉ်ဆိုးတွေဖြစ်တယ်ဆိုတာကို အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေက အရမ်းကို ရှင်းသွားစေပါတယ်။ သူတို့ကိုယ်သူတို့ ဘုရားလို့ ခေါ်ကြပေမယ့်၊ သမ္မာတရား နည်းနည်းလေးမှ သူတို့ မပိုင်ဆိုင်ကြဘူး၊ ပြီးတော့ ခရစ်တော်ရဲ့ အနှစ်သာရ မရှိကြတဲ့အတွက် ဘုရားသခင်ရဲ့ အမှုတော်ကို သူတို့ သေချာပေါက် မဆောင်ရွက်နိုင်ကြဘူးလေ။ သူတို့ လုပ်နိုင်သမျှက လူတွေကို လှည့်ဖြားဖို့ သခင်ယေရှု ဆောင်ရွက်နှင့်ပြီးပြီဖြစ်တဲ့ အမှုတော်ကို အတုခိုးဖို့ ဘုရားသခင်နောက် ထပ်ကြပ်မကွာလိုက်ဖို့ပါပဲ။ ခရစ်တော်ရဲ့ အယောင်ကို ဆောင်တဲ့သူတွေက လူတွေဆီကို သမ္မာတရား ဒါမှမဟုတ် လက်တွေ့လုပ်ဆောင်ဖို့ အသစ်သော လမ်းကြောင်းကို လုံးဝ ဆောင်ကြဉ်းနိုင်မှာ မဟုတ်ဘူး။ ကမ္ဘာလောကထဲက ကုန်ပစ္စည်းအတုတွေအားလုံးဟာ ကုန်ပစ္စည်းအစစ်တွေကို ပုံတူပွားခြင်းအားဖြင့် လုပ်ထားတယ်ဆိုတာ လူတိုင်းသိပါတယ်။ ခရစ်တော် အယောင်ကို ဆောင်တဲ့သူတွေက အဲဒီအတိုင်းပါပဲ။ သူတို့က လူတွေကို လှည့်စားဖို့ သခင်ယေရှု ဆောင်ရွက်ခဲ့တဲ့ အမှုတော်ကို ပုံတူကူးခြင်းအားဖြင့် နာမကျန်းသူတွေကို ကုသပြီး နတ်ဆိုးတွေကို နှင်ထုတ်ကြတယ်၊ ရိုးရှင်းတဲ့ အံ့ဖွယ်အမှုအချို့ကို လုပ်ဆောင်ကြတယ်။ ဒါပေမယ့် လူသေကို ပြန်ရှင်စေတာနဲ့ လူ ၅၀၀၀ ကို မုန့်ငါးလုံး ငါးနှစ်ကောင်နဲ့ ကျွေးမွေးတာတွေလို နိမိတ်လက္ခဏာတွေကို ခရစ်တော် အယောင်ကိုဆောင်တဲ့သူတွေက လုပ်နိုင်ဖို့ နည်းလမ်းမရှိပါဘူး။ ဒါကြောင့်၊ သူတို့ကိုယ်သူတို့ ခရစ်တော်လို့ ခေါ်တဲ့သူတိုင်း၊ သူတို့က ပြန်ကြွလာတဲ့ သခင်ယေရှုဖြစ်တယ်လို့ ပြောတဲ့သူတွေ၊ ပြီးတော့ နိမိတ်လက္ခဏာတွေနဲ့ အံ့ဖွယ်ရာတွေကို ပြသပြီး၊ နာမကျန်းဖြစ်သူကို ကုသပျောက်ကင်းစေပြီး နတ်ဆိုးတွေကို နှင်ထုတ်တဲ့သူတွေ၊ ဒီလူတွေဟာ လူတွေကို လှည့်ဖြားနေကြတဲ့ ခရစ်တော်အယောင်ကို ဆောင်တဲ့သူတွေဆိုတာ သေချာပါတယ်။ ဒါပေမယ့် ခရစ်တော်က ဘုရားသခင် ကိုယ်တော်တိုင်ရဲ့ လူ့ဇာတိခံယူခြင်း ဖြစ်တယ်၊ သူက ဘုရားသခင်ရဲ့ ဝိညာဉ်တော် လူ့ဇာတိမှာ ပေါ်လာတာဖြစ်တယ်၊ သူ့မှာ သာမန် လူ့သဘာဝ နဲ့ စုံလင်တဲ့ ဘုရားသဘာဝရှိပြီး၊ လုံးဝ ဘုရားသခင် ကိုယ်တော်တိုင် ဖြစ်ပါတယ်။ အနန္တတန်ခိုးရှင် ဘုရားသခင်က ပြောတယ်- ‘လူ့ဇာတိခံယူသော ဘုရားသခင်ကို ခရစ်တော်ဟုခေါ်၏။ ထို့ကြောင့် လူသားတို့အား သမ္မာတရား ပေးနိုင်သော ခရစ်တော်ကို ဘုရားသခင်ဟု ခေါ်၏။ ဤသည်တွင် အလွန်အကျူးဖြစ်ခြင်း တစ်စုံတစ်ရာမျှ မရှိပါ။ အဘယ်ကြောင့်ဆိုသော် သူ့တွင် ဘုရားသခင်၏ အနှစ်သာရရှိ၍ လူသားမှ ရနိုင်စွမ်းမရှိသော ဘုရားသခင်၏ စိတ်နေသဘောထားနှင့် သူ၏အမှုအပေါ် ဉာဏ်ပညာ အမြော်အမြင်တို့ ရှိသောကြောင့်ဖြစ်၏။ မိမိကိုယ်ကို ခရစ်တော်ဟု ခေါ်သော်လည်း ဘုရားသခင်၏အမှုကို ဆောင်ရွက်နိုင်ခြင်း မရှိသူတို့သည် လိမ်ညာသူများ ဖြစ်ကြ၏။ ခရစ်တော်သည် ကမ္ဘာမြေကြီးပေါ်ရှိ ဘုရားသခင်၏ ကိုယ်ထင်ပြခြင်း ဖြစ်ရုံသာမက ဘုရားသခင်က လူသားတို့အကြား သူ၏အမှုကို အကောင်အထည်ဖော်၍ ပြီးဆုံးအောင် ပြုလုပ်စဉ် ခံယူသော အထူးဇာတိခန္ဓာလည်းဖြစ်၏။ ဤဇာတိခန္ဓာသည် မည်သည့်လူသားမဆို အစားထိုးနိုင်သည့်အရာ မဟုတ်ဘဲ ကမ္ဘာမြေကြီးရှိ ဘုရားသခင်၏အမှုကို လုံလောက်စွာ ထမ်းဆောင်နိုင်သည့် ဇာတိခန္ဓာဖြစ်၍ ဘုရားသခင်၏ စိတ်နေသဘောထားကို ဖော်ထုတ်ကာ ဘုရားသခင်ကို ကောင်းစွာကိုယ်စားပြုလျက် လူသားကို အသက်ပေးသော အရာဖြစ်၏။ အနှေးနှင့်အမြန်ပင် ခရစ်တော်၏အယောင်ကိုဆောင်သော ထိုသူအားလုံးတို့သည် ကျရှုံးကြလိမ့်မည်။ အဘယ်ကြောင့်ဆိုသော် ထိုသူတို့သည် ခရစ်တော်ဟု ဆိုကြသော်လည်း ၎င်းတို့တွင် ခရစ်တော်၏ အနှစ်သာရ လုံးဝမရှိသောကြောင့် ဖြစ်သည်။ ထို့ကြောင့် ခရစ်တော်၏ စစ်မှန်မှုကို လူသားက သတ်မှတ်၍ မရသော်လည်း ဘုရားသခင်ကိုယ်တိုင်ဖြေဆို၍ ဆုံးဖြတ်သည်ဟု ငါပြော၏။’ (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်”) ဒါကြောင့်၊ ခရစ်တော်ကပဲ ဘုရားသခင်ရဲ့ ကိုယ်ပိုင် အမှုတော်ကို ဆောင်ရွက်နိုင်တယ်၊ ခရစ်တော်ကပဲ သမ္မာတရားကို ဖော်ပြနိုင်တယ်၊ ပြီးတော့ ခရစ်တော်ကပဲ ဘုရားသခင်ရဲ့ စိတ်သဘောထားကို ဖော်ပြနိုင်ပြီး လူအတွက် ထောက်ပံ့နိုင်သလို လူကို ထိန်းကျောင်းနိုင်ပါတယ်။ ခရစ်တော်တစ်ပါးတည်းကပဲ လူသားမျိုးနွယ်ကို ရွေးနုတ်ခြင်း နဲ့ ကယ်တင်ခြင်း အမှုတော်ကို ဆောင်ရွက်နိုင်တယ်၊ သူတစ်ယောက်တည်းကပဲ ခေတ်ဟောင်းကို အဆုံးသတ်ပြီး ခေတ်သစ်ကို ဖွင့်လှစ်နိုင်တယ်။ ဒါ့အပြင်၊ ဘုရားသခင်ရဲ့ အမှုတော်က အမြဲ ဆန်းသစ်ပြီး ဘယ်တော့မှ မဟောင်းပါဘူး၊ ပြီးတော့ ဘုရားသခင်က တူညီတဲ့ အမှုတော်ကို ထပ်မလုပ်ပါဘူး။ ဒါကြောင့်၊ အမှုပြုဖို့ ခရစ်တော် လာတဲ့အကြိမ်တိုင်းမှာ ဘုရားသခင်ရဲ့ စိတ်သဘောထားနဲ့ သူ့ရဲ့ အရာအားလုံးနဲ့ ဖြစ်ခြင်းတွေကို ဖော်ပြရင်း၊ အမှုသစ်ကို သူ အမြဲ ယူဆောင်လာမှာဖြစ်တယ်။ ဥပမာအနေနဲ့၊ သခင်ယေရှုက အမှုပြုဖို့ ကြွလာခဲ့ချိန်မှာ၊ ပညတ်တော်ခေတ်ကို သူ အဆုံးသတ်ခဲ့ပြီး ကျေးဇူးတော်ခေတ်ကို သူ အစပျိုးခဲ့တယ်၊ လူတွေကို သူတို့ရဲ့ အပြစ်တွေကို ဝန်ချပြီး နောင်တရစေနိုင်တဲ့ တရားဒေသနာတွေကို သူ ဝေငှခဲ့ပြီး သူတို့ရဲ့ ရန်သူတွေကို ချစ်ဖို့၊ နှိမ့်ချဖို့၊ စိတ်ရှည်သည်းခံဖို့နဲ့ အခြားသူတွေကို ခွင့်လွှတ်ဖို့ လူတွေကို သူ သွန်သင်ခဲ့တယ်။ ဒါတွေက သခင်ယေရှုလုပ်ခဲ့တဲ့ အရာတွေထဲက တချို့ပါပဲ။ သခင်ယေရှုက ဘုရားသခင်ရဲ့ ချစ်ဖွယ်ကောင်းပြီး သနားကရုဏာနဲ့ပြည့်စုံတဲ့ စိတ်သဘောထားကို လူတွေဆီ ထုတ်ဖော်ပြခဲ့တယ်။ အလားတူစွာပဲ၊ အနန္တတန်ခိုးရှင် ဘုရားသခင်က နောက်ဆုံးသော ကာလမှာ ကြွလာပြီဖြစ်ပြီး၊ ကျေးဇူးတော်ခေတ်ကို သူ အဆုံးသတ်ခဲ့သလို နိုင်ငံတော်ခေတ်ကို အစပျိုးပေးလိုက်ပြီဖြစ်တယ်။ သူက ကျွန်မတို့ သန့်စင်ခံရပြီး ကယ်တင်ခြင်း ရရှိဖို့ လိုအပ်တဲ့ သမ္မာတရားအားလုံးကို ကျွန်မတို့ကိုပေးရင်း၊ အပြစ်ကနေ ကျွန်မတို့ ကိုယ့်ကိုယ်ကိုယ် ဖယ်ရှားဖို့နဲ့ ကယ်တင်ခြင်း ရရှိဖို့ လမ်းကြောင်းကို ပြသရင်း၊ ပြီးတော့ ဖြောင့်မတ်တဲ့၊ ဘုန်းအာနုဘော်တော်ဖြစ်ပြီး အမျက်ဒေါသနဲ့ပြည့်တဲ့ ဘုရားသခင်ရဲ့ စိတ်သဘောထားကို ဖော်ပြရင်းနဲ့၊ သခင်ယေရှုရဲ့ ရွေးနုတ်ခြင်း အမှုတော်ရဲ့ အခြေခံအုတ်မြစ်အပေါ်မှာ သူ့ရဲ့ နှုတ်ကပတ်တော်တွေနဲ့ လူကို တရားစီရင်ခြင်းနဲ့ သန့်စင်စေခြင်း အမှုတော်ကို ဆောင်ရွက်နေပါတယ်။ အနန္တတန်ခိုးရှင် ဘုရားသခင်ရဲ့ အမှုတော်နဲ့ နှုတ်ကပတ်တော်တွေကနေတဆင့်၊ အနန္တတန်ခိုးရှင် ဘုရားသခင်က လူ့ဇာတိခံ ဘုရားသခင်ဖြစ်တယ်ဆိုတာနဲ့ သူဟာ နောက်ဆုံးသော ကာလမှာ လူသားမျိုးနွယ်ကြားမှာ ပေါ်ထွန်းတဲ့ ဘုရားသခင်ကိုယ်တော်တိုင် ဖြစ်တယ်ဆိုတာကို ကျွန်မတို့ လုံးဝ သတိပြုမိနိုင်ပါတယ်” ဟု ပြောလေသည်။

ဘုရားသခင်၏ နှုတ်ကပတ်တော်များနှင့် ဤညီအစ်မ ပေးသည့် မိတ်သဟာယကို နားထောင်ပြီးသည့်နောက်၊ အိပ်မက်တစ်ခုမှ ကျွန်တော် နိုးထသကဲ့သို့ ခံစားခဲ့ရပြီး၊ စစ်မှန်သော ခရစ်တော်နှင့် ခရစ်တော်၏ အယောင်ကို ဆောင်သောသူတို့ကြား မည်သို့ ခွဲခြားရမည်ကို နောက်ဆုံးတွင် ကျွန်တော် နားလည်သွားခဲ့သည်။ သမ္မာတရားမရှိဘဲနှင့် ကျွန်တော် မည်မျှ သနားစရာကောင်းသည်ကို ကျွန်တော် မြင်ရသည်နှင့်အမျှ၊ ဤအရာက ကျွန်တော့်ကို ပျော်လည်းပျော်စေသလို အရှက်လည်းရစေခဲ့သည်။ ဘုရားသခင်၏ နောက်ဆုံးသော ကာလ အမှုတော်ကို ကျွန်တော် အကြိမ်ကြိမ် ငြင်းပယ်ခဲ့ပုံကို ကျွန်တော် တွေးမိခဲ့ပြီး ထိုအရာက ခရစ်တော် အယောင်ကို ဆောင်သူတို့အားဖြင့် အလှည့်ဖြားခံရမည်စိုးသောကြောင့် ဖြစ်သည်ကို ကျွန်တော် နားလည်ခဲ့သည်၊ ရလဒ်အနေဖြင့် အစာနင်မည်ကို ကြောက်၍ အစာမစားသည့်သူ တစ်ဦးကဲ့သို့ စစ်မှန်သော ခရစ်တော်ကို ကျွန်တော် ငြင်းပယ်မိခဲ့သည်။ သခင်ပြန်ကြွလာပြီး ကျွန်တော့်တံခါးကို ခေါက်သည့်အချိန်တွင်၊ သခင့်ကို အကြိမ်ကြိမ် တံခါးပိတ်မိနေရင်း ဘုရားသခင်၏ အသံတော်ကို နားထောင်ဖို့ ကျွန်တော် ငြင်းမိခဲ့သည်။ သို့သော် ကျွန်တော့်ကို ကယ်တင်ခြင်းနှင့်ပတ်သက်၍ ဘုရားသခင်က လက်မလျော့ခဲ့ဘဲ၊ ယင်းအစား ဧဝံဂေလိ ဖြန့်ဝေဖို့ ကျွန်တော့် အိမ်လာရန် ဤညီအစ်ကို မောင်နှမများကို သူက တို့ထိခဲ့သည်။ ဘုရားသခင်က တကယ်ပင် ကျွန်တော့်ကို လုံးဝ မစွန့်ခွာခဲ့ပါ- ဘုရားသခင်၏ ချစ်ခြင်းမေတ္တာက တကယ်ကို ကြီးမြတ်ပါသည်။ ကျွန်တော်၏ သင်းအုပ်ဆရာများ ပြောခဲ့သည့်အရာကို ကျွန်တော် ယုံကြည်ခဲ့သောကြောင့်၊ ပြန်ကြွလာသည့် သခင့်အတွက် သက်သေခံကြသူတိုင်းက ခရစ်တော် အယောင်ကိုဆောင်သောသူအကြောင်း ဟောပြောနေကြသည်ဟု ကျွန်တော် ဆုံးဖြတ်ခဲ့သည်။ သခင့်၏ နှုတ်ကပတ်တော်ကို ကျွန်တော် နားလည်မှုလွဲခဲ့ပြီး အနန္တတန်ခိုးရှင် ဘုရားသခင်ကို ကျွန်တော် ငြင်းပယ်မိခဲ့သည်၊ ရှုတ်ချမိခဲ့ပြီး အာခံမိခဲ့သည်၊ ပြီးလျှင် ကျွန်တော် ဖက်တွယ်ထားခဲ့သည့် အယူအဆများက မှန်ကန်သည်ဟုလည်း ကျွန်တော် ယုံကြည်ခဲ့သည်- ကျွန်တော် အလွန် အဓိပ္ပါယ်မဲ့ခဲ့ပေသည်။ စစ်မှန်သော ခရစ်တော်နှင့် ခရစ်တော်၏ အယောင်ကိုဆောင်သောသူတို့ကြား ခြားနားမှုများနှင့် ပတ်သက်၍ အနန္တတန်ခိုးရှင် ဘုရားသခင်၏ နှုတ်ကပတ်တော်များကိုဖတ်ပြီး ဤညီအစ်ကို မောင်နှမများ၏ မိတ်သဟာယများကို ကျွန်တော် နားထောင်ခြင်းမပြုခဲ့လျှင်၊ စစ်မှန်သော ခရစ်တော်နှင့် ခရစ်တော်၏ အယောင်ကို ဆောင်သောသူတို့ကြား ကျွန်တော် ဘယ်သောအခါမျှ ခွဲခြားနိုင်လိမ့်မည်မဟုတ်သလို၊ သင်းအုပ်ဆရာများနှင့် အကြီးအကဲများ ပြောသည့်အရာများဖြင့်သာ ကျွန်တော် လှည့်ဖြားခံရလိမ့်မည်ဖြစ်သည်။ ဘုရားသခင်၏ ကြွရောက်ခြင်းအပေါ် သင်းအုပ်ဆရာနှင့် အကြီးအကဲတို့၏ အာခံခြင်းနှင့် ငြင်းပယ်ခြင်းတို့တွင် သူတို့နောက် ကျွန်တော် လိုက်မိခဲ့လိမ့်မည်ဖြစ်ပြီး၊ ထိုသို့ဖြင့် ဘုရားသခင်၏ ကယ်တင်ခြင်းရရှိဖို့ ဤအလွန့်အလွန် ရှားပါးလှသည့် အခွင့်အရေးကို ဆုံးရှုံးရလိမ့်မည်ဖြစ်သည်။ ဤအရာကို ကျွန်တော် တွေးမိသည်နှင့်အမျှ၊ အစ်မကျူနှင့် အခြားသူတို့ကို ကျွန်တော်က၊ “အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေကို ဖတ်ပြီး ခင်ဗျားတို့ရဲ့ မိတ်သဟာယတွေကို နားထောင်ရာကတဆင့်၊ စစ်မှန်တဲ့ ခရစ်တော်နဲ့ ခရစ်တော် အယောင်ကိုဆောင်တဲ့သူတွေကြား ဘယ်လို ခွဲခြားရမယ်ဆိုတာကို ကျွန်တော် အခု သိသွားပါပြီ။ အနန္တတန်ခိုးရှင် ဘုရားသခင်က ပြန်ကြွလာတဲ့ သခင်ယေရှုဖြစ်တယ်လို့ ကျွန်တော် အခု ယုံကြည်လက်ခံပါတယ်၊ ပြီးတော့ နောက်ဆုံးသော ကာလထဲက အနန္တတန်ခိုးရှင် ဘုရားသခင်ရဲ့ အမှုတော်ကို လက်ခံဖို့ ကျွန်တော် ဆန္ဒရှိပါတယ်” ဟု ပြောလိုက်သည်။

အသင်းတော် အသက်တာကို ကျွန်တော် စတင်ပါဝင်ပြီးနောက်တွင်၊ ညီအစ်ကို မောင်နှမများက သမ္မာတရားများစွာကို နားလည်သဘောပေါက်ကြပြီး၊ သူတို့နှင့်နှိုင်းရာတွင် ကျွန်တော်က အလွန်လိုအပ်သည်ကို ကျွန်တော် မြင်ခဲ့သည်။ ကျွန်တော် မိမိဘာသာတွေးမိခဲ့သည်- “အစ်မကျူနဲ့ ကျန်တဲ့သူတွေကို ဘုရားသခင်ရဲ့ နှုတ်ကပတ်တော်အပေါ် ငါ့နဲ့ပိုပြီး မိတ်သဟာယပြုခိုင်းရမယ်၊ ပြီးတော့ ငါ့ကို ကူညီခိုင်းရမယ်၊ ဒါမှ သမ္မာတရားကို ငါ ပိုပြီး မြန်မြန်ဆန်ဆန် နားလည်သဘောပေါက်မှာ။” ကျွန်တော့်အိမ်ကို အစည်းအဝေးနေရာတစ်ခု အဖြစ်သို့ သူ ပြောင်းလဲပေးနိုင်ခြင်း ရှိ၊ မရှိကို မေးရင်း ဤအရာကို အစ်မ ကျူနှင့် ကျွန်တော် ဆွေးနွေးခဲ့ပြီး သူက ချက်ချင်း သဘောတူခဲ့သည်။ ထို့နောက်တွင်၊ ဘုရားသခင်၏ နှုတ်ကပတ်တော်ကို ဖတ်ရှုဖို့နှင့် သမ္မာတရားအကြောင်း မိတ်သဟာယပြုဖို့ အပတ်တိုင်း ကျွန်တော်တို့ အတူတကွ စုဝေးခဲ့ကြသည်။ တဖြည်းဖြည်း ဘုရားသခင်၏ နှုတ်ကပတ်တော်နှင့်ဆိုင်သော အသိပညာ ကျွန်တော် ပိုပိုပြီး ရှိလာခဲ့ကာ သမ္မာတရားများကို ပိုပိုပြီး နားလည်လာခဲ့သည်။ ဤနှုတ်ကပတ်တော်များက သမ္မာတရား၏ ဖော်ပြချက်များဖြစ်သည်ကို ကျွန်တော် လှိုက်လှိုက်လှဲလှဲ ခံစားနိုင်ခဲ့သည်။ ထိုအခိုက်အတန့်တွင်၊ သခင်ယေရှု ပြောခဲ့သည့် နှုတ်ကပတ်တော်များအကြောင်းကို ကျွန်တော် တွေးမိခဲ့သည်- “သင်တို့အား ငါပြောစရာ စကားအများ ရှိသော်လည်း၊ သင်တို့သည် ယခုမခံနိုင်ကြ။ သမ္မာတရားနှင့်ပြည့်စုံသော ထိုဝိညာဉ်တော်သည် ရောက်လာသောအခါ၊ သမ္မာတရားကို သင်တို့အား အကြွင်းမဲ့ သွန်သင်ပြလိမ့်မည်။ ထိုဝိညာဉ်တော်သည် ကိုယ်အလိုအလျောက်ဟောပြောမည်အဟုတ်။ ကြားသမျှတို့ကို ဟောပြောလိမ့်မည်။ နောင်လာလတ္တံ့သောအရာတို့ကိုလည်း သင်တို့အား ဖော်ပြ လိမ့်မည်။” (ရှင်ယောဟန်ခရစ်ဝင် ၁၆:၁၂-၁၃) သာ၍ပင် ကျွန်တော် တို့ထိခံခဲ့ရပြီး ဤနှုတ်ကပတ်တော်များက အားလုံးဖြစ်လာခဲ့ပြီးဖြစ်သည်ကို ကျွန်တော် မြင်ခဲ့သည်။ အနန္တတန်ခိုးရှင် ဘုရားသခင်၏ နှုတ်ကပတ်တော်သည် “ဝိညာဉ်တော်သည် အသင်းတော်တို့အား အဘယ်သို့ မိန့်တော်မူသည်” (ဗျာဒိတ်ကျမ်း ၂:၇) ဆိုသည့်အရာ ဖြစ်သည်။ အနန္တတန်ခိုးရှင် ဘုရားသခင်သည် လူကို သမ္မာတရားအားလုံးကို နားလည်သဘောပေါက်ဖို့နှင့် ဝင်ရောက်ဖို့ရန် လမ်းပြသည့် လုပ်ငန်းစဉ်တွင် ရှိနေပါသည်။ ဘုရားသခင်၏ နောက်ဆုံးသော ကာလ အမှုတော်ကို လက်ခံခြင်းနှင့် ဘုရားသခင် ဖော်ပြသည့် သမ္မာတရားများကို လက်ခံခြင်းအားဖြင့်သာ သန့်စင်ခံရနိုင်သည်၊ ကယ်တင်ခြင်း ရရှိနိုင်ပြီး ဘုရားသခင်၏ စိတ်နှလုံးတော်နှင့် ညီွှညွတ်သော သူတစ်ဦး ဖြစ်လာနိုင်ပါသည်။ ကျွန်တော့်ကို ဘုရားသခင်၏ အိမ်တော်ဆီသို့ ပြန်လည် ပို့ဆောင်ခဲ့ပြီး ဘုရားသခင်၏ ပလ္လင်တော်ရှေ့မှောက်သို့ ကျွန်တော့်ကို ပြန်လည်ပို့ဆောင်ခဲ့သည်မှာ အနန္တတန်ခိုးရှင် ဘုရားသခင်၏ နှုတ်ကပတ်တော် ဖြစ်သည်။ ယခုတွင်၊ နေ့တိုင်း ကျွန်တော့်ကို ထောက်ပံ့ဖို့နှင့် လမ်းပြဖို့အတွက် ဘုရားသခင်၏ နှုတ်ကပတ်တော်များ ကျွန်တော့်တွင် ရှိပြီး ငြိမ်သက်ခြင်းနှင့် ဝမ်းမြောက်ခြင်းကို ကျွန်တော် ခံစားရသည်။ စိတ်အေးသက်သာဖြစ်ကာ သိမြင်မှုဖြင့် ပြည့်လေသည်။ သမ္မာတရားကို လိုက်စားဖို့ရန်နှင့် အနန္တတန်ခိုးရှင် ဘုရားသခင်နောက် တကယ့်အဆုံးထိ လိုက်ဖို့ရန် ကျွန်တော် တတ်နိုင်သမျှ လုပ်ဆောင်ဖို့ ဆန္ဒရှိပါသည်။

ယခင်က:မတူညီသောနည်းလမ်းဖြင့် ကယ်တင်ခံရခြင်း

နောက်တစ်ခုသို့:အိမ်ကို ပြန်လာခြင်း

  • ဘုရားသခင်၏ နှုတ်ကပတ်တော်သည် ကျွန်ုပ်၏ ခွန်အားဖြစ်သည်

    ဂျင်းနီယန် ကနေဒါနိုင်ငံ ကျွန်မသည် ကျွန်မမိသားစု၏ သခင်၌ ယုံကြည်မှုကို ကလေး အရွယ်ကတည်းက လိုက်လျှောက်ခဲ့ပြီး၊ မကြာခဏ ဆိုသကဲ့သို့ သမ္မာကျမ်းစာကို ဖတ်ရှုကာ…

  • အလည်လွန်သည့် နှလုံးသားတစ်ခု အိမ်ပြန်လာသည်

    နိုဗို ဖိလစ်ပိုင် ကျွန်တော့်နာမည်က နိုဗိုဖြစ်ပြီး၊ ကျွန်တော်က ဖိလစ်ပိုင်ကပါ။ ကျွန်တော်ငယ်စဉ်ကတည်းက ကျွန်တော့်အမေ၏ ဘုရားသခင်ကို ယုံကြည်မှုအတိုင်း နောက…

  • ဘုရားသခင်သည် ကျွန်မဘေးတွင် ရှိသည်

    ဂွါဇီး၊ အမေရိကန်နိုင်ငံ ကျွန်မသည် ခရစ်ယာန် မိသားစုတစ်စုတွင် မွေးဖွားလာခဲ့ပြီး၊ ကျွန်မအသက် ၁ နှစ်သား အရွယ်တွင် ကျွန်မ အမေက အနန္တတန်ခိုးရှင်ဘုရားသခင် …

  • သန့်စင်ခြင်းဆီသို့ လမ်း

    သခင်ဟာ သန့်ရှင်းတယ်၊ ဒါ့ကြောင့် သူ့နှုတ်ကပတ်တော်ကို လက်တွေ့မလုပ်ဆောင်နိုင်တဲ့၊ သူ့ကို မကြာခဏ ဆန့်ကျင်နေတဲ့လူတွေဟာ ကောင်းကင် နိုင်ငံတော်ကို ဘယ်လိုလုပ်ပြီး ချီဆောင်ခံရနိုင်မှာလဲ။ ပြောင်းလဲခဲ့ပြီး၊ ဘုရားသခင်ရဲ့ အလိုတော်ကို လုပ်တဲ့ သူတွေသာ ကောင်းကင် နိုင်ငံတော်ကို ဝင်ရောက်နိုင်မှာပါ" ဟု ကျွန်တော့်အမျိုးသမီးကို ပြောလိုက်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလ ခရစ်တော်၏ မြွက်ဆိုချက်များ လက်ရွေးစင်များ သိုးသငယ် ဖွင့်သည့် စာစောင် တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ နိုင်ငံတော်၏ ဧဝံဂေလိတရားအကြောင်း အနန္တတန်ခိုးရှင်ဘုရားသခင်၏ စံနမူနာ နှုတ်ကပတ်တော်များ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေခံချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ အောင်မြင်သောသူများ၏ သက်သေခံချက်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ