အမှုတော်နှင့် ဝင်ရောက်ခြင်း (၄)

လူသားသည် သန့်ရှင်းသောဝိညာဉ်တော်၏အလုပ်နှင့်အညီ စစ်မှန်စွာဝင်ရောက်နိုင်ပါက သူ၏ဘဝသည် နွေဦးမိုးရွာပြီးနောက် မျှစ်ပေါက်လာသကဲ့သို့ လျင်မြန်စွာ ပေါက်လာလိမ့်မည်။ လူအများစု၏ လက်ရှိဝိညာဉ်ရေးရာ အသက်တာများကို အကဲဖြတ်ခြင်းအရ မည်သူမျှဘဝကို အရေးကြီးသည်ဟု သဘောမထားပေ။ ယင်းအစား လူတို့သည် အရေးမပါသော အပေါ်ယံကိစ္စအချို့ကိုသာ အလေးပေးကြ၏။ သို့မဟုတ် ထိုသူတို့သည် ဟိုဟိုသည်သည် ပြေးလွှားနေကြလျက် အာရုံစိုက်ခြင်းမရှိဘဲ ရည်ရွယ်ချက်ကင်းမဲ့စွာနှင့် ရောက်တတ်ရာရာ လုပ်ကိုင်နေကြကာ မည်သည့်ဦးတည်ရာဘက်သို့ သွားရမည်မှန်းမသိဘဲ မည်သူ့အတွက်ဆိုသည်ကို သာ၍ပင် မသိကြချေ။ ထိုသူတို့သည် “၎င်းတို့ကိုယ်ကို နှိမ့်ချစွာ ဖုံးကွယ်နေကြခြင်း” မျှသာဖြစ်သည်။ အမှန်မှာ သင်တို့အကြား အနည်းငယ်သာ နောက်ဆုံးသောကာလအတွက် ဘုရားသခင်၏ ရည်ရွယ်ချက်များကို သိကြ၏။ သင်တို့အထဲမှ ဘုရားသခင်၏ ခြေရာကိုသိသူ ရှားပါးသည်၊ သို့သော် ပို၍ပင်ဆိုးသည်မှာ ဘုရားသခင်၏ နောက်ဆုံးပြီးမြောက်အောင်မြင်ခြင်းသည် မည်သည့်အရာဖြစ်မည်ကို မည်သူမျှ မသိပေ။ သို့သော် ၎င်းတို့၏ အောင်ပွဲခံမည့် အချိန်နာရီကို စောင့်မျှော်လျက်၊ အကြောအချဉ်များကို ဆန့်ပြီး၊ တိုက်ပွဲတစ်ခု အတွက် အဆင်သင့်ပြင်နေသည့်အလား ရှိနေကြ၏။ လူတို့အကြားရှိ ဤ “အံ့သြဖွယ်ရာများ” အပေါ် ငါသည် ရှင်းလင်းဝေဖန်ချက်များ ပြုလုပ်မည် မဟုတ်သော်လည်း သင်တို့အားလုံး နားလည်ရမည့် အချက်တစ်ချက် ရှိ၏။ ယခုအချိန်တွင် လူအများစုသည် မူမမှန်မှု ဘက်သို့ တိုး၍သွားနေကြ၏။ ၎င်းတို့၏ ဝင်ရောက်မှုခြေလှမ်းများသည် လမ်းဆုံးဘက် သို့ ချီတက်နေကြပြီဖြစ်၏။ ၎င်းကို လွတ်လပ်သည့်အရပ်ဟု ယုံကြည်လျက် လူသားတောင့်တနေသည့် လူ့လောက အပြင်ဖက်မှ စိတ်ကူးယဉ်လောကတစ်ခု ဖြစ်သည်ဟု ထင်သောသူများစွာ ရှိနိုင်သည်။ အကယ်စင်စစ် ဤသို့မဟုတ်ပေ။ သို့မဟုတ် လူတို့သည် လမ်းလွဲသွားနှင့်ပြီးဖြစ်သည်ဟု ဆိုနိုင်သည်။ သို့ရာတွင် လူတို့မည်သည်ကို လုပ်ဆောင်နေသည်ဖြစ်စေ လူသားအနေဖြင့် မည်သည့်အရာအတွင်း ဝင်ရောက်သင့်သည့် အကြောင်းကို ငါပြောလိုသေး၏။ လူအမြောက်အမြားတို့၏ ကောင်းကျိုးများနှင့် အားနည်းချက်များသည် ဤအကျယ်တဝင့် ဟောပြောချက်၏ အဓိကအကြောင်းအရာ မဟုတ်ပေ။ ညီအစ်ကိုမောင်နှမ အားလုံးသည် ငါ၏နှုတ်ကပတ်တော်များ သက်သက်ကို အတိအကျ လက်ခံ ရရှိနိုင်ကာ ငါ၏ရည်ရွယ်ချက်အပေါ် နားလည်မှုမလွဲရန် ငါမျှော်လင့်၏။

ဘုရားသခင်သည် ဟောင်ကောင်နှင့် ထိုင်ဝမ်ရှိ တစ်နယ်တည်းသားများက ကုန်းတွင်းပိုင်းဟုခေါ်သော တရုတ် ပြည်မကြီးတွင် လူ့ဇာတိခံယူ၏။ ဘုရားသခင်သည် ကောင်းကင်မှ မြေကြီးသို့ ကြွလာခဲ့စဉ်က ကောင်းကင်နှင့် မြေကြီးမှ မည်သူမျှ မသိခဲ့ပေ။ အဘယ်ကြောင့်ဆိုသော် ဤသည်မှာ ဘုရားသခင်သည် ဖုံးကွယ်ထားသော ပုံစံဖြင့် ပြန်ကြွလာခြင်း၏ စစ်မှန်သော အဓိပ္ပာယ်ဖြစ်၍ဖြစ်သည်။ သူသည် ကာလကြာမြင့်စွာ ဇာတိပကတိ၏သဏ္ဌာန်ဖြင့် အလုပ်လုပ်ကာ အသက်ရှင်လျက် ရှိခဲ့သော်လည်း ဤအကြောင်းကို မည်သူမျှ မသိခဲ့ပေ။ ယနေ့ထိတိုင်အောင် မည်သူမျှ မသိပေ။ ဤသည်မှာ ထာဝရပုစ္ဆာတစ်ရပ်အဖြစ် ဆက်လက်တည်ရှိကောင်း တည်ရှိ လိမ့်မည်။ ယခုအကြိမ်၌ ဘုရားသခင်၏ ဇာတိအတွင်း လာရောက်ခြင်းသည် မည်သူမဆို သိရှိနိုင်သည့်အရာတစ်ခု မဟုတ်ပေ။ ဝိညာဉ်တော်၏ အလုပ်သည် မည်မျှပင် ကြီးကျယ်ကာ သြဇာတိက္ကမကြီးမားသည်ဖြစ်စေ ဘုရားသခင်သည် အစဉ် တည်ငြိမ်အေးဆေးနေကာ မည်သည့်အခါမျှ သူ့ကိုယ်သူ ဖော်ပြခြင်း မရှိပေ။ သူ့အမှု၏ ဤအဆင့်သည် ကောင်းကင်လောက၌ ဖြစ်ပေါ်နေသည့်အလားဖြစ်သည်ဟု ဆိုနိုင်၏။ ၎င်းသည် လူတိုင်းအတွက် အလွန်ပင် သိသာထင်ရှားသော်လည်း ၎င်းကို မည်သူမျှမသိပေ။ ဘုရားသခင်သည် သူ့အမှု၏ ဤအဆင့်ကို ပြီးဆုံးစေပြီးသည့်အခါ လူတိုင်းသည် ၎င်းတို့၏ ရှည်လျားသော အိပ်မက်မှ နိုးထကြကာ ၎င်းတို့၏ အတိတ်က သဘောထားကို ပြောင်းပြန်လှန်ကြလိမ့်မည်။ ဘုရားသခင်သည် တစ်ချိန်က “ဇာတိအတွင်း ဤတစ်ကြိမ်လာရသည်မှာ ကျား၏ သားရဲတွင်း အတွင်းသို့ ကျခြင်းနှင့်အလားတူသည်” ဟုပြောသည်ကို ငါမှတ်မိသည်။ ဤသည်မှာ ဘုရားသခင်၏အမှုသည် ဤအချီတွင် ဘုရားသခင် လူ့ဇာတိခံယူ၍ အဆင်းနီသော နဂါးကြီး၏ နေထိုင်ရာအရပ်တွင် မွေးဖွားခြင်းပါရှိသဖြင့် ဤအကြိမ် သူကမ္ဘာမြေကြီးသို့ လာခြင်းသည် ပြင်းထန်သောအန္တရာယ်များ သာ၍လိုက်ပါလာသည်ဟု ဆိုလိုခြင်း ဖြစ်သည်။ သူရင်ဆိုင်ရသည့် အရာများမှာ ဓားများ၊ သေနတ်များနှင့် တင်းပုတ်များဖြစ်၏၊ သူရင်ဆိုင်ရသည့် အရာမှာ စုံစမ်းနှောင့်ယှက်ခြင်း ဖြစ်၏၊ သူရင်ဆိုင် ရသည့်အရာမှာ သတ်ဖြတ်တော့မည့်ပုံပေါက်နေသော လူအုပ်များ ဖြစ်ကြ၏။ သူ့တွင် အချိန်မရွေး အသတ်ခံရမည့် အန္တရာယ် ရှိနေသည်။ ဘုရားသခင်သည် အမျက်ဒေါသနှင့် လာခဲ့၏။ သို့ရာတွင် သူသည် ရွေးနှုတ်ခြင်းအမှုပြီးနောက် ဆက်လက်တည်ရှိသည့် သူ့အမှု၏ ဒုတိယအပိုင်းကို ဆောင်ရွက်ရန်ရည်ရွယ်၍ စုံလင်စေခြင်းအမှုကိုပြုရန် ရောက်လာခဲ့၏။ သူ့အမှု၏ ဤအဆင့်အတွက် ဘုရားသခင်သည် အစွမ်းကုန်တွေးခေါ်မှုနှင့် ဂရုစိုက်ခြင်းတို့ကို ပေးအပ်မြှုပ်နှံကာ နှိမ့်ချစွာ သူ့ကိုယ်သူ ကွယ်ဝှက်ထားလျက် သူ၏ပင်ကိုလက္ခဏာကို မည်သည့် အခါမျှ ကြွားလုံးထုတ်ခြင်း မရှိဘဲ စုံစမ်းနှောင့်ယှက်ခြင်း၏ တိုက်ခိုက်မှုများကို ရှောင်ရှားရန် တွေးတောနိုင်သမျှ နည်းလမ်းတိုင်း ကို အသုံးပြုနေ၏။ လူသားကို လက်ဝါးကပ်တိုင်ပေါ်မှ ဖယ်ရှား ကယ်တင်ရာတွင် ယေရှုသည် ရွေးနှုတ်ခြင်းအမှုကို ပြီးဆုံးရန်သာ ပြုလုပ်နေခြင်းဖြစ်၏။ သူသည် စုံလင်စေခြင်းအမှုကို ပြုလုပ်နေခြင်း မဟုတ်ပေ။ ထို့ကြောင့် ဘုရားသခင်၏အမှု တစ်ဝက်သာ လုပ်ကိုင်နေခြင်း ဖြစ်၍ ရွေးနှုတ်ခြင်းအမှုကို ပြီးဆုံးအောင်ပြုလုပ်ခြင်းသည် သူ၏ အစီအစဉ်တစ်ရပ်လုံး၏ တစ်ဝက်သာဖြစ်သည်။ ခေတ်သစ်စလာခါနီး၍ ခေတ်ဟောင်းသည် နောက်ဆုတ်ခါနီးတွင် ဘုရားသခင်တည်းဟူသော ခမည်းတော်သည် သူ့အမှု၏ ဒုတိယအပိုင်းကို စတင်ချင့်ချိန်သုံးသပ်၍ ၎င်းအတွက် စတင်ပြင်ဆင်၏။ နောက်ဆုံးသောကာလ၏ ဤလူ့ဇာတိခံယူခြင်းကို အတိတ်တွင် ရှင်းလင်းစွာ ပရောဖက်ပြုခဲ့ခြင်း မရှိခဲ့ဘဲ ထိုသို့ဖြင့် ၎င်းသည် ယခုအကြိမ် ဘုရားသခင်၏ လူ့ဇာတိ၌ကြွလာခြင်းအပေါ် တိုး၍လျှို့ဝှက်ထားခြင်းအတွက် အခြေခံအုတ်မြစ်ချခဲ့၏။ မိုးလင်းသည့်အခါ မည်သူမျှမသိဘဲ ဘုရားသခင်သည် မြေကြီးပေါ်သို့လာ၍ သူ၏ဘဝကို လူ့ဇာတိ၌ စတင်ခဲ့၏။ လူတို့သည် ဤအချိန်ကို မသိခဲ့ပေ။ ၎င်းတို့အားလုံး အိပ်မောကျချင် ကျနေခဲ့မည်၊ စောင့်ကြည့်လျက် နိုးနေသောသူ အများအပြား စောင့်နေချင် စောင့်နေနိုင်ပြီး အများအပြားမှာ ကောင်းကင်ဘုံရှိ ဘုရားသခင်ကို တိတ်ဆိတ်စွာ ဆုတောင်းလျက် ရှိချင်ရှိနိုင်သည်။ သို့ရာတွင် ဘုရားသခင် ကမ္ဘာမြေကြီးပေါ်သို့ ရောက်နှင့်ပြီးဖြစ်ကြောင်း ဤလူအများအပြား ကြား၌ တစ်ဦးမျှ မသိပေ။ ဘုရားသခင်သည် သူ၏အမှုကို သာ၍ ချောမွေ့စွာ ဆောင်ရွက်နိုင်ရေးအတွက်နှင့် သာ၍ ကောင်းမွန်သော ရလဒ်များကို ရရှိရန်အပြင် သာ၍များပြားသော စုံစမ်းနှောင့်ယှက်ခြင်းများ ကိုလည်း ရှောင်ရှားရန် ဤသို့ ဆောင်ရွက်ခြင်းဖြစ်၏။ နွေဦးကာလ လူသားတို့အိပ်ပျော်နေရာမှ နိုးလာသည်နှင့် ဘုရားသခင်၏ အမှုပြီးဆုံးခဲ့သည်မှာ ကြာမြင့်ခဲ့လိမ့်မည်ဖြစ်ကာ သူသည် ကမ္ဘာမြေကြီးပေါ် ခြေဦးတည့်ရာသွားခြင်းနှင့် တည်းခိုနေခြင်းတို့ကို အဆုံးသတ်လျက် ထွက်ခွာသွားလိမ့်မည်။ ဘုရားသခင်၏အမှုသည် ဘုရားသခင် ကိုယ်တိုင် ပြုမူလုပ်ကိုင်ရန်နှင့် ပြောဆိုရန် လိုအပ်သောကြောင့်နှင့် လူသားမှ မည်သည့်နည်းနှင့်မျှ ကြားမဝင်နိုင်သည့်အတွက် ဘုရားသခင်သည် ဤအမှုကို သူကိုယ်တိုင် လုပ်ဆောင်ရေးအတွက် မြေကြီးပေါ်သို့ကြွလာရန် ပြင်းထန်သော နာကျင်မှုကို ခံစားခဲ့၏။ ဘုရားသခင်၏ အမှုအတွက် လူသားက အစားထိုး၍မရပေ။ ထို့ကြောင့် ဘုရားသခင်သည် သူ၏ကိုယ်ပိုင်အလုပ်ကို လုပ်ကိုင်ရေးအတွက် အဆင်းနီသောနဂါးကြီး ရှိရာသို့ လာရန်၊ သူ၏စဉ်းစားတွေးခေါ်မှု အားလုံးနှင့် စောင့်ရှောက်မှုအားလုံးကို ဤဆင်းရဲသောလူတစ်စု၊ နွားချေးပုံတွင် နစ်နေသော ဤလူတစ်စုကို ရွေးနှုတ်ရေးတွင် မြှုပ်နှံရန် ကျေးဇူးတော်ခေတ်အတွင်းမှ အန္တရာယ်များထက် ထောင်ပေါင်းများစွာ သာ၍ကြီးမားသော အန္တရာယ်များကို စွန့်စားခဲ့သည်။ ဘုရားသခင်ရှိကြောင်းကို မည်သူမျှမသိသော်လည်း ဤသည်မှာ ဘုရားသခင်၏အမှုအတွက် ကြီးမားသော အကျိုးကျေးဇူးများရှိသဖြင့် ဘုရားသခင်သည် စိတ်ဒုက္ခမဖြစ်ပေ။ လူတိုင်းသည် အလွန်ကြမ်းကြုတ်စွာ ဆိုးယုတ်သဖြင့် တစ်စုံတစ်ဦးသည် ဘုရားသခင်တည်ရှိခြင်းကို မည်သို့သည်းခံနိုင် မည်နည်း။ ထို့ကြောင့် မြေကြီးပေါ်တွင် ဘုရားသခင်သည် အစဉ်တိတ်ဆိတ်နေခြင်းဖြစ်သည်။ လူသားသည် မည်သို့ပင် လွန်ကဲစွာရက်စက်သော်လည်း ဘုရားသခင်သည် ၎င်းတစ်စုံတစ်ရာကို အလေးအနက်မထားဘဲ ကောင်းကင်ဘုံရှိ ခမည်းတော်မှပေးခဲ့သည့် သာ၍ကြီးမားသော တာဝန်ကို ဖြည့်ဆည်းရေးအတွက် သူလုပ်ရန် လိုအပ်သည့် အလုပ်ကို ဆက်လက်ဆောင်ရွက်နေ၏။ သင်တို့အကြား အဘယ်သူသည် ဘုရားသခင်၏ ချစ်ခင်နှစ်လိုဖွယ်ကောင်းခြင်းကို သိခဲ့သနည်း။ ဘုရားသခင်တည်းဟူသော ခမည်းတော်အတွက် သူ၏သားထက် သာ၍ကြီးမားသောငဲ့ညှာမှုကို အဘယ်သူပြသနည်း။ ဘုရားသခင် တည်းဟူသော ခမည်းတော်၏အလိုတော်ကို မည်သူနားလည် နိုင်သနည်း။ ဘုရားသခင်တည်းဟူသော ခမည်းတော်၏ ကောင်းကင်ဘုံ၌ရှိသော ဝိညာဉ်တော်သည် မကြာခဏ စိတ်ဒုက္ခရောက်ကာ မြေကြီးပေါ်ရှိ သူ့သားသည် သူ့နှလုံးသားများ အစိတ်စိတ်အမွှာမွှာကွဲသည်အထိ ပူပင်သောကရောက်လျက် ဘုရားသခင်တည်းဟူသော ခမည်းတော်၏ အလိုတော်အတွက် မကြာခဏ ဆုတောင်း၏။ သူ၏သားအပေါ် ဘုရားသခင်တည်းဟူသော ခမည်းတော်၏ ချစ်ခြင်းမေတ္တာကို သိသောသူ တစ်စုံတစ်ဦး ရှိသလော။ ချစ်သားသည် ဘုရားသခင်တည်းဟူသော ခမည်းတော်ကို မည်သို့ လွမ်းဆွတ်သည်ကို သိသူတစ်စုံတစ်ဦးရှိသလော။ ကောင်းကင်နှင့်မြေကြီး နှစ်ခုအကြား ခွဲခွာနေရလျက် နှစ်ဦးသားသည် ဝိညာဉ်၌ ဘေးချင်းယှဉ်ကာ အဝေးမှနေ၍ တစ်ဦးကိုတစ်ဦး စဉ်ဆက်မပြတ် ငေးစိုက်ကြည့်နေ ကြသည်။ အို လူသားမျိုးနွယ်။ သင်မည်သည့်အခါ ဘုရားသခင်၏ နှလုံးသားကို ငဲ့ညှာမည်နည်း။ သင်မည်သည့်အခါ ဘုရားသခင်၏ ရည်ရွယ်ချက်ကို နားလည်မည်နည်း။ ခမည်းတော် နှင့်သားတော်တို့သည် တစ်ဦးနှင့်တစ်ဦး အစဉ်မှီခိုလာခဲ့သည်။ ထိုသို့ဖြစ်လျှင် ၎င်းတို့ကို အထက်ကောင်းကင်၌တစ်ဦး၊ အောက်အရပ်မြေကြီး၌တစ်ဦး အဘယ်ကြောင့် ခွဲခွာရမည်နည်း။ ခမည်းတော်သည် သူ့သားတော်ကို ချစ်သကဲ့သို့ သားတော် သည်လည်း ခမည်းတော်ကို ချစ်၏။ ထိုသို့ဖြစ်လျှင် သူသည် ဤကဲ့သို့သော တောင့်တမှုနှင့် ဤကဲ့သို့သော စိုးရိမ်မှုဖြင့် ကြာရှည်စွာ အဘယ်ကြောင့် စောင့်ရမည်နည်း။ ၎င်းတို့တစ်သီးတစ်ခြားနေသည်မှာ မကြာသေးသော်လည်း ခမည်းတော်သည် နေ့ပေါင်းညပေါင်းများစွာ စိုးရိမ်တကြီး တောင့်တလျက် သူ၏သားတော် လျင်မြန်စွာ ပြန်လာခြင်းကို မျှော်နေသည်ကို သိသူတစ်စုံတစ်ဦး ရှိသလော။ သူသည် စောင့်ကြည့်သည်၊ တိတ်ဆိတ်စွာ ထိုင်သည်၊ စောင့်သည်။ ဤသည်အားလုံးမှာ သူ၏ချစ်သား အလျင်အမြန် ပြန်လာရေး အတွက် ဖြစ်သည်။ မြေကြီးပေါ်တွင် လှည့်လည်သွားလာနေသော သားတော်နှင့် သူသည် မည်သည့်အခါတွင် တစ်ဖန်အတူရှိမည်နည်း။ တစ်ချိန်က အတူရှိခဲ့သော်လည်း ၎င်းတို့သည် ထာဝရ အတူရှိကြမည် ဖြစ်သော်လည်း အထက်ကောင်းကင်ဘုံတွင် တစ်ဦးနှင့် အောက်အရပ်မြေကြီးပေါ်တွင် တစ်ဦးရှိနေကာ ထောင်ပေါင်းများစွာသော သီးခြားစီနေရသည့် နေ့ညများကို သူအဘယ်သို့ ခံနိုင်မည်နည်း။ မြေကြီးပေါ်ရှိ အနှစ်ဆယ်ပေါင်း များစွာသည် ကောင်းကင်ဘုံ၌ အနှစ်ထောင်ပေါင်းများစွာ ကဲ့သို့ဖြစ်၏။ ဘုရားသခင်တည်းဟူသော ခမည်းတော်သည် မစိုးရိမ်ဘဲ အဘယ်သို့ ရှိနိုင်မည်နည်း။ ဘုရားသခင်သည် မြေကြီးသို့ကြွလာစဉ် လူသားကဲ့သို့ပင် လူ့လောက၏ များစွာသော လောကဓံတရားတို့ကို ကြုံတွေ့ခံစားရသည်။ ဘုရားသခင် ကိုယ်တော်တိုင်သည် အပြစ်ကင်းသောကြောင့် ဘုရားသခင်အား လူသားကဲ့သို့ တူညီသောနာကျင်မှုကို အဘယ်ကြောင့် ခံစားစေသနည်း။ ဘုရားသခင်တည်းဟူသော ခမည်းတော်သည် သူ၏သားတော်ကို လွန်စွာအရေးတကြီးတောင့်တသည်မှာ အံ့သြဖွယ် မဟုတ်ပေ။ ဘုရားသခင်၏ နှလုံးသားကို အဘယ်သူ နားလည်နိုင်သနည်း။ ဘုရားသခင်သည် လူသားကို ပေးသည်မှာ များလွန်း၏။ လူသားသည် ဘုရားသခင်၏နှလုံးသားကို အဘယ်သို့ အပြည့်အဝ ပြန်ပေးနိုင်မည်နည်း။ သို့သော် လူသားသည် ဘုရားသခင်ကိုပေးသည်မှာ နည်းလွန်း၏။ ထို့ကြောင့် ဘုရားသခင် သည် မစိုးရိမ်ဘဲ အဘယ်သို့နေနိုင်မည်နည်း။

လူသားများ၏အရည်အသွေးသည် ညံ့ဖျင်းလွန်း၍ ၎င်းတို့၏ ဝိညာဉ်သည် အတော်ထုံထိုင်းနေကာ ၎င်းတို့ အားလုံးသည် ဘုရားသခင်လုပ်ဆောင်နေသည့်အရာကို သတိပြုခြင်း လည်းမရှိ၊ ဂရုစိုက်ခြင်းလည်း မရှိသောကြောင့် ဘုရားသခင်၏ အရေးတကြီးနှလုံးသားကို လူသားတို့အကြား နားလည်သူ တစ်ဦးမျှပင် မရှိပေ။ ထို့ကြောင့် လူသား၏ သားရဲသဘာဝသည် အချိန်မရွေး ပေါ်ပေါက်လာနိုင်ဘိသည့်အလား ဘုရားသခင်သည် လူသားအတွက် ဆက်၍စိုးရိမ်နေ၏။ ဤသည်မှာ ဘုရားသခင် မြေကြီးသို့ကြွလာခြင်း နှင့်အတူ ကြီးမားသော စုံစမ်းနှောင့်ယှက်ခြင်းများ လိုက်ပါလာခြင်းကို ဆက်လက်ပြသ၏။ သို့သော် လူတစ်စုအား စုံလင်စေခြင်းအတွက် ဘုန်းတော်နှင့် ပြည့်ဝနေသောဘုရားသခင်သည် မည်သည့်အရာကိုမျှ ဖုံးကွယ်ခြင်း မရှိဘဲ လူသားအား သူ၏ရည်မှန်းချက်တိုင်းကို ပြောပြခဲ့၏။ ဤလူတစ်စုကို စုံလင်စေရန် သူသည် ခိုင်မာစွာ စိတ်ပိုင်းဖြတ်ခဲ့၏။ ထို့ကြောင့် အခက်အခဲဖြစ်စေ၊ စုံစမ်းနှောင့်ယှက်ခြင်းဖြစ်စေ လာသောအခါ သူသည် မျက်နှာလွှဲကာ အားလုံးကို လျစ်လျူရှု၏။ တစ်နေ့တွင် ဘုရားသခင်ဘုန်းပွင့်သည့်အခါ လူသားသည် ဘုရားသခင်ကို သိမည်ဟု ခိုင်မာစွာ ယုံကြည်လျက်၊ လူသားသည် ဘုရားသခင်အားဖြင့် စုံလင်စေခြင်း ခံရသည့်အခါ ဘုရားသခင်၏ နှလုံးသားကို အပြည့်အဝနားလည်မည်ဟု ယုံကြည်လျက် သူသည် သူ၏အလုပ်ကိုသာ တိတ်ဆိတ်စွာ လုပ်ကိုင်၏။ ယခု ဘုရားသခင်အား စုံစမ်း နှောင့်ယှက်နေသော သို့မဟုတ် ဘုရားသခင်အပေါ် နားလည်မှုလွဲနေသော သို့မဟုတ် ဘုရားသခင်အား အပြစ်တင် နေသောသူများစွာ ရှိနိုင်သည်။ ဘုရားသခင်သည် ဤအရာ တစ်ခုကိုမျှ အလေးအနက်မထားပေ။ ဘုရားသခင်သည် ဘုန်းတော် ထဲသို့ဆင်းသက်သည့်အခါ ဘုရားသခင် ပြုသည့်အရာတိုင်းသည် လူသားမျိုးနွယ်ကောင်းကျိုး အတွက် ဖြစ်ကြောင်းကို လူတို့အားလုံး နားလည်ကြမည်ဖြစ်ကာ၊ ဘုရားသခင် ပြုသည့်အရာတိုင်းသည် လူသားမျိုးနွယ်မှ သာ၍ကောင်းမွန်စွာ အသက်ရှင်သန်နိုင်ရန် ဖြစ်ကြောင်းကို လူတို့အားလုံးနားလည်ကြမည် ဖြစ်သည်။ ဘုရားသခင် ကြွလာခြင်းနှင့်အတူ စုံစမ်းနှောင့်ယှက်ခြင်းများ လိုက်ပါလာကာ၊ ဘုရားသခင်သည် ဘုန်းအာနုဘော်၊ ဒေါသအမျက် တို့နှင့်လည်း ကြွလာ၏။ လူသားကို ဘုရားသခင် စွန့်ခွာချိန်တွင် ဘုရားသခင်သည် ဘုန်းပွင့်ပြီးနှင့်ပြီးဖြစ်ကာ ဘုန်းတော်နှင့်ပြည့်ဝလျက် ပြန်ကြွသွားခြင်း၏ ဝမ်းမြောက်မှုတို့နှင့် ထွက်ခွာလိမ့်မည်။ လူတို့သည် သူ့အား မည်သို့ပင်ငြင်းပယ်စေကာမူ မြေကြီးပေါ်၌ လုပ်ကိုင်နေသည့် ဘုရားသခင်သည် အမှုအရာများကို အလေးအနက်မထားပေ။ သူသည် သူ၏အလုပ်ကိုသာ လုပ်နေခြင်း ဖြစ်သည်။ ဘုရားသခင် ကမ္ဘာမြေကြီးကို ဖန်ဆင်းခြင်းမှာ နှစ်ထောင်ပေါင်းများစွာ ကြာမြင့်ခဲ့ပြီးဖြစ်သည်၊ သူသည် အတိုင်းမသိပမာဏရှိသည့် အမှုကိုလုပ်ရန် မြေကြီးသို့ကြွလာကာ လူ့လောက၏ငြင်းပယ်မှုနှင့် အသရေဖျက်မှုတို့ကို အပြည့်အဝ တွေ့ကြုံခံစားခဲ့ရသည်။ ဘုရားသခင်ရောက်ရှိလာခြင်းကို မည်သူမျှ မကြိုဆိုပေ၊ လူတိုင်း သူ့အား စိမ်းကားသောမျက်လုံးများဖြင့်ကြည့်ရုံ ကြည့်ကြ၏။ နှစ်ထောင်ပေါင်းများစွာကြာသည့် အခက်အခဲများ ကာလအတွင်း လူသား၏အမူအကျင့်များသည် ဘုရားသခင်၏ နှလုံးသားကို ကွဲအက်စေခဲ့သည်မှာ ကာလကြာမြင့်ပြီးကတည်းက ဖြစ်သည်။ သူသည် လူတို့၏ပုန်ကန်မှုအပေါ် ဂရုမစိုက်တော့ပေ၊ ယင်းအစား လူသားအား ပြောင်းလဲရန်နှင့် သန့်စင်ရန် သီးခြား အစီအစဉ်တစ်ရပ် ပြုလုပ်လျက်ရှိ၏။ လှောင်ပြောင်ခြင်း၊ အသရေဖျက်ခြင်း၊ ညှဉ်းပန်းနှိပ်စက်ခြင်း၊ ကြီးစွာသောဆင်းရဲဒုက္ခ ခံရခြင်း၊ ကားစင်တင်သတ်ခံရသည့် ဒုက္ခခံရခြင်း၊ လူသား၏ အပယ်ခံရခြင်း စသည်ဖြင့် လူ့ဇာတိ၌ဘုရားသခင် ကြုံတွေ့ခံစားခဲ့ရ သည့်အရာများ၊ ထိုအရာများကို ဘုရားသခင် အလုံအလောက် မြည်းစမ်းခဲ့ပြီးဖြစ်သည်။ ဇာတိပကတိ၏ သဏ္ဌာန်ကိုဆောင်သော ဘုရားသခင်သည် လူ့လောက၏ ဒုက္ခဝေဒနာများကို လုံးလုံး လျားလျား ခံစားခဲ့ရပြီးဖြစ်သည်။ ကောင်းကင်ဘုံရှိ ဘုရားသခင် တည်းဟူသော ခမည်းတော်၏ဝိညာဉ်သည် ဤမြင်ကွင်းများကို မခံမရပ်နိုင်ဖြစ်ရင်း ခေါင်းမော့၍ မျက်လုံးမှိတ်လိုက်ကာ သူ၏ချစ်သား ပြန်လာရန်စောင့်နေ၏။ သူလိုလားသမျှသည် လူတို့အားလုံးနားထောင်၍ နာခံရန်၊ သူ၏ဇာတိရှေ့မှောက်၌ ကြီးစွာရှက်နိုင်ခြင်းနှင့် သူ့အား ဆန့်ကျင်ပုန်ကန်မှု မပြုရန်သာ ဖြစ်၏။ သူလိုလားသမျှသည် လူတို့အားလုံးမှ ဘုရားသခင် တည်ရှိကြောင်း ယုံကြည်ရန်သာဖြစ်၏။ ကာလကြာမြင့်သည့် အချိန်ကတည်းက သူသည် လူသားအပေါ် သာ၍ကြီးမားသော တောင်းဆိုမှုများပြုလုပ်မှုကို ရပ်တန့်ခဲ့၏။ အဘယ်ကြောင့်ဆိုသော် ဘုရားသခင်သည် ကြီးမားသောအဖိုးအခကို ပေးခဲ့သော်လည်း လူသားသည် စိတ်အေးသက်သာနေလျက် ဘုရားသခင်၏အမှုကို လုံးဝအလေးအနက်မထားပေ။

ဘုရားသခင်၏အမှုအကြောင်း ငါယနေ့ဆွေးနွေးသည့်အရာသည် “အခြေအမြစ်မရှိသော စကားများ” များစွာနှင့်ပြည့်နှက်နေ သော်လည်း ၎င်းသည် လူသား၏ဝင်ရောက်ခြင်းနှင့် ကြီးစွာဆက်စပ် နေ၏။ ငါသည် အလုပ်အကြောင်း အချို့ပြောပြီးနောက် ဝင်ရောက်ခြင်းအကြောင်း အချို့ပြောခြင်းသာပြုသော်လည်း မည်သည့်ရှုထောင့်ကမျှ မရှိမဖြစ် မဟုတ်ဘဲ ၎င်းတို့နှစ်ခု ပေါင်းစပ်လိုက်သောအခါ ဤရှုထောင့်နှစ်မျိုးသည် လူသား၏ အသက်တာအတွက် သာ၍အကျိုးအမြတ်ရှိပေသည်။ ဤရှုထောင့် နှစ်မျိုးသည် တစ်ခုနှင့်တစ်ခု ပြည့်စုံစေပြီး ကြီးစွာအကျိုးပြုကာ လူတို့အား ဘုရားသခင်၏အလိုတော်ကို ပိုမိုကောင်းမွန်စွာ နားလည်ခွင့်ပြုလျက် ဘုရားသခင်နှင့် လူတို့၏ အကြား ဆက်ဆံရေးကို ထောက်ကူလေသည်။ အလုပ်အကြောင်း ယနေ့ပြောဆိုဆွေးနွေးမှုအားဖြင့် လူတို့၏ ဘုရားသခင်နှင့် ဆက်ဆံရေးသည် သာ၍ပိုမိုကောင်းမွန်ကာ နှစ်ဦးနှစ်ဘက် နားလည်မှုသည် နက်ရှိုင်း၍ လူသားသည် ဘုရားသခင်၏ဝန်ကို သာ၍ကြီးစွာသော စာနာထောက်ထားမှုနှင့် ဂရုစိုက်မှုပေးနိုင်ကြ၏၊ လူသားသည် ဘုရားသခင် ခံစားရသည့်အရာကို ခံစားနိုင်ကာ ဘုရားသခင်အားဖြင့် ပြောင်းလဲခံရရန် သာ၍ယုံကြည်စိတ်ချမှုရှိပြီး ဘုရားသခင် တဖန်ပြန်ကြွလာခြင်းကို စောင့်၏။ ဘုရားသခင်၏ ဉာဏ်အမြော်အမြင်ပုံဆောင်မှု၏ အလင်းသည် အမှောင်ခေတ်တွင် ပြိုးပြိုးပြက်ပြက် ထွန်းတောက်ရန်နှင့် လူသား၏အသက်ရှင်နေထိုင်မှုသည် ကမ္ဘာလောက၏ အရှေ့အရပ်တွင် ထာဝစဉ်ထွန်းလင်းလျက် ကမ္ဘာ၏ဂရုပြုခြင်းနှင့် အရာခပ်သိမ်း၏ နှစ်ထောင်းအားရဖြစ်မှုကို ရရှိကာ ဘုရားသခင်၏အမှုတွင် တောက်ပသော စာမျက်နှာတစ်ခု ချန်ထားရေးအတွက် ဘုရားသခင်ကို ချစ်သောသူတစ်ဦး၏ ပုံရိပ်ကို နေထိုင်အသက်ရှင်ရန်၊ ဤသည်မှာ ယနေ့လူသားအပေါ် ဘုရားသခင်၏ တစ်ခုတည်းသော တောင်းဆိုမှု ဖြစ်၏။ ဤသည်မှာ ယနေ့ ဘုရားသခင်ကို ချစ်သောသူတို့အတွက် သာ၍ကောင်းမွန်သော ဝင်ရောက်ခြင်းဖြစ်သည်မှာ သာ၍သေချာ၏။

အောက်ခြေမှတ်စု(များ)-

၁။ “အကြောအချဉ်များကို ဆန့်ပြီး၊ တိုက်ပွဲတစ်ခု အတွက် အဆင်သင့်ပြင်နေ” သည် ပျက်ရယ်ပြုသည့်သဘောဖြင့် ပြောဆိုခြင်း ဖြစ်သည်။

၂။ “မူမမှန်မှု” သည် လူတို့၏ဝင်ရောက်ခြင်းသည် စံသွေ၍ ၎င်းတို့၏ အတွေ့အကြုံများသည် တစ်ဖက်သတ်ဖြစ်သည်ကို ညွှန်ပြ၏။

၃။ “လမ်းဆုံး” သည် လူတို့သည် ဘုရားသခင်၏အလိုတော်နှင့် ဖြောင့်ဖြောင့်ကြီး ဆန့်ကျင်သော လမ်းကြောင်းပေါ်တွင် လမ်းလျှောက်နေသည်ကို ညွှန်ပြ၏။

၄။ “၎င်းတို့၏ အတိတ်က သဘောထားကို ပြောင်းပြန်လှန်” သည် လူတို့၏ ဘုရားသခင်အပေါ် အယူအဆများနှင့် အမြင်များသည် ၎င်းတို့ဘုရားသခင်ကို သိလိုက်သည်နှင့်ပြောင်းလဲသွားပုံအကြောင်းကို ရည်ညွှန်း၏။

၅။ “စိတ်အေးသက်သာနေလျက်” သည် လူတို့သည် ဘုရားသခင်၏အမှုအကြောင်း ဂရုမစိုက်ဘဲ ၎င်းကို အရေးကြီးသည်ဟု မမြင်ကြောင်း ညွှန်ပြ၏။

၆။ “အခြေအမြစ်မရှိသော စကားများ” သည် ပြောစကားတို့၏အရင်းမြစ်ကို လူတို့သည် အခြေခံအားဖြင့် နားလည်နိုင်စွမ်း မရှိကြောင်း ညွှန်ပြသည်။ ဘာပြောနေမှန်း ၎င်းတို့မသိကြပေ။ ဤပုဒ်စုကို ရွဲ့ပြောရန် အသုံးပြုထား၏။

၇။ “တစ်ခုနှင့်တစ်ခု ပြည့်စုံစေသည်” သည် “အလုပ်” နှင့် “ဝင်ရောက်ခြင်း” တို့၏ လက္ခဏာသွင်ပြင်နှစ်ရပ်သည် မိတ်သဟာရ၌ ပေါင်းစပ်ပါက ၎င်းသည် ငါတို့၏ ဘုရားသခင်ကို သိခြင်းအပေါ် အကျိုးကျေးဇူး သာ၍ကြီးမားသည်ဟု ညွှန်ပြ၏။

အရှေ့သို့- အမှုတော်နှင့် ဝင်ရောက်ခြင်း (၃)

နောက်တစ်ခုသို့- အမှုတော်နှင့် ဝင်ရောက်ခြင်း (၅)

သင်သည် သခင် ပြန်ကြွလာခြင်းကို ကြိုဆိုသည့်နည်းလမ်း၊ ဘုရားသခင်နှင့် သာ၍ နီးစပ်သော ပေါင်းသင်းဆက်ဆံရေးတစ်ခုကို တည်ထောင်သည့်နည်းလမ်း၊ ဘုရားသခင်ထံ ဆုတောင်းသည့်နည်းလမ်း စသည်တို့ကို သင်ယူလေ့လာ လိုပါသလား။ ကျွန်ုပ်တို့ကို ဆက်သွယ်လိုက်ဖို့ အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

အမှုတော်နှင့် ဝင်ရောက်ခြင်း (၄)

လူသားသည် သန့်ရှင်းသောဝိညာဉ်တော်၏အလုပ်နှင့်အညီ စစ်မှန်စွာဝင်ရောက်နိုင်ပါက သူ၏ဘဝသည် နွေဦးမိုးရွာပြီးနောက် မျှစ်ပေါက်လာသကဲ့သို့ လျင်မြန်စွာ...

နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်

အသက်၏ လမ်းခရီးသည် မည်သူမဆို ပိုင်ဆိုင်နိုင်သည့် အရာတစ်ခု မဟုတ်သကဲ့သို့၊ မည်သူမဆို အလွယ်တကူ ရယူနိုင်သောအရာ တစ်ခုလည်း မဟုတ်ပေ။ ဤသည်မှာ...

စစ်မှန်သောလူဆိုသည်မှာ အဘယ်နည်း

လူသားကို စီမံခန့်ခွဲခြင်းသည် ငါ၏အလုပ်ဖြစ်သည်။ ထို့အပြင် ငါ့အားဖြင့် သူသိမ်းပိုက်ခံရခြင်းသည် ကမ္ဘာကို ငါဖန်ဆင်းစဉ်က သာ၍ပင် အပ်နှင်းပေးခဲ့သော...

လူဇာတိခံယူသော ဘုရားသခင်၏အမှုတော်နှင့် လူ၏တာဝန် ကွဲပြားခြားနားမှု

သင်တို့သည် ဘုရားသခင်ပြုသောအမှု၏ ရူပါရုံကို သိလာရမည်ဖြစ်ပြီး သူပြုသောအမှု၏ အထွေထွေ ဦးတည်ချက်ကို နားလည်သဘောပေါက် လာရမည်။ ဤသည်မှာ...

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလခရစ်တော်၏ မိန့်မြွက်ချက်များ (လက်ရွေးစင်များ) နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်