၆၅။ မာနထောင်လွှားခြင်းကို ဖြေရှင်းခြင်းဖြင့် လူသားပုံသဏ္ဌာန်တစ်ခုကို ရယူနိုင်သည်

အမေရိကန်နိုင်ငံ၊ ကျိန်းရှင်း

ကျွန်မရဲ့ ဇာတ်လမ်းက ၂၀၁၇ခုနှစ် မတ်လမှာ စပါတယ်။ အသင်းတော်အတွက် ဂရပ်ဖစ်ဒီဇိုင်းအလုပ်ကို စလုပ်ခဲ့တယ်။ ဗီဒီယိုပိုစတာတွေနဲ့ ပုံတွေအတွက် အဓိက လုပ်ရတာပါ။ အစကတော့ ပညာပိုင်းနဲ့ပတ်သက်တာတွေကို သိပ်မသိခဲ့ဘူး။ အဲဒါကြောင့် စည်းမျဉ်းတွေနဲ့ ပညာပိုင်းကျွမ်းကျင်မှုတွေကို အမြဲတမ်း လေ့လာသင်ယူနေခဲ့ပါတယ်။ ကျွန်မ နှိမ့်နှိမ့်ချချနဲ့ ညီအစ်ကို မောင်နှမတွေရဲ့ အကူအညီကို တောင်းတယ်။ ကျွန်မရဲ့ ဒီဇိုင်းတွေမှာ သူများတွေရဲ့ အကြံဉာဏ်ကို ဂရုစိုက်တယ်။ အချိန်နည်းနည်းလောက်ကြာတော့ တာဝန်အတွက် ကျွန်မလိုအပ်တဲ့ ပညာပိုင်းဆိုင်ရာကျွမ်းကျင်မှုကို စပြီး ကိုင်တွယ်လာနိုင်ခဲ့တယ်။ ကျွန်မရဲ့ ဗီဒီယိုအတွက် ပုံတွေကို အွန်လိုင်းမှာ တင်ပြီး လာပြီးနှိပ်ကြည့်တဲ့ နှုန်းကလည်း ကောင်းတယ်။ ညီအစ်ကို မောင်နှမတွေ အများကြီး ချီးမွမ်းကြတဲ့ မှတ်တမ်းဆိုင်ရာ ဗီဒီယိုတစ်ခုအတွက် သီးသန့် ပိုစတာတစ်ခုရှိတယ်။ သူများတွေက သူတို့ ကြုံတွေ့ရတဲ့ ပညာရပ်ဆိုင်ရာ ပြဿနာတွေကို ကျွန်မနဲ့ အများကြီး ဆွေးနွေးတိုင်ပင်ကြတယ်။ အဲဒါကြောင့် ဂရပ်ဖစ်ဒီဇိုင်းပညာမှာ ကျွန်မက အရည်အချင်း နည်းနည်းရှိတယ်လို့ ခံစားခဲ့ရတယ်။ ကျွန်မ ကိုယ်တိုင် သတိမထားမိဘဲ ကျွန်မ မာနထောင်လွှားလာခဲ့တယ်။

နောက်ပိုင်းမှာ ကျွန်မက ဗီဒီယိုပိုစတာတွေထက် ပိုပြီးလွယ်တဲ့ ပုံတွေကို ဒီဇိုင်းဆွဲတဲ့အခါမှာ ဒါတွေကို တကယ်ကို အမြန်ပြီးအောင်လုပ်ဖို့အတွက် အခုဆိုရင် လုံလုံလောက်လောက် ကျွမ်းကျင်မှုရှိသွားပြီလို့ ခံစားခဲ့မိတယ်။ အဲဒါနဲ့ သေချာ မစဉ်းစားဘဲ၊ စည်းမျဉ်းတွေကို မရှာဖွေဘဲ ကျွန်မမှာရှိတဲ့ ကျွမ်းကျင်မှုအပေါ် အခြေခံပြီး လုပ်ခဲ့တယ်။ ဒီနည်းလမ်းရဲ့ အကျိုးရလဒ်အနေနဲ့ အလင်းအမှောင်နဲ့ ကာလာက အကြောင်းအရာနဲ့ မကိုက်ဘူးဆိုတဲ့ တုံ့ပြန်ချက်တွေကို ကျွန်မ ရခဲ့တယ်။ သူတို့ရဲ့ တုံ့ပြန်ချက်တွေကို မစဉ်းစားဘဲ၊ လက်ခံဖို့တောင် မကြိုးစားဘဲနဲ့ စိတ်ထဲမှာ “နင်တို့က ဘာ ခံစားမှုမှ မရှိကြဘူးလား။ ဒါက ရဲရင့်တဲ့ တီထွင်ဆန်းသစ်မှုပဲ။ ဒါတွေအားလုံးကို ငါ စဉ်းစားပြီးပြီ။ ပြဿနာမဟုတ်ပါဘူး။ နင်တို့က မသိဘဲနဲ့ အကြံတွေ ပေးနေကြတယ်” ဆိုပြီး စဉ်းစားမိတယ်။ ကျွန်မက တကယ်ကို စိတ်ဓာတ်ခိုင်မာနေပြီး ဒေါသတောင် ထွက်လာတယ်။ တည်းဖြတ်ပြင်ဆင်တာတွေလုပ်ဖို့ ငြင်းဆန်ခဲ့ပါတယ်။ ရလဒ်အနေနဲ့ ဗီဒီယိုအတွက် ပုံတွေမှာ ပြဿနာရှိတာကြောင့် ငြင်းပယ်ခံခဲ့ရတယ်။ နောက်ပိုင်းမှာ အစ်မတစ်ယောက်က ကျွန်မကြောင့် စိတ်ကျဉ်းကျပ်နေပြီး ကျွန်မကို အကြံပြုချက်တွေ ပေးဖို့ ကြောက်နေတယ်လို့ ကြားရတယ်။ ကျွန်မ ဒီလိုကြားရတော့ နည်းနည်း စိတ်မကောင်းဖြစ်မိတယ်။ ဒါပေမဲ့ ဖြစ်ပျက်ခဲ့တာနဲ့ပတ်သက်ပြီး ကိုယ့်ကိုယ်ကိုယ် ဆင်ခြင်သုံးသပ်ခြင်း မရှိခဲ့ဘူး။

သိပ်မကြာခင်မှာ နောက်ထပ် ဗီဒီယိုတစ်ခုအတွက် ဒီဇိုင်းတစ်ခု ဆွဲရတယ်။ ဗီဒီယိုက သင်းအုပ်ဆရာတွေ၊ အကြီးအကဲတွေရဲ့ လှည့်စားတာ၊ ထိန်းချုပ်တာခံရပြီး ဘာသာရေး အယူအဆတွေရဲ့ ကန့်သတ်တာကို ခံရတာကြောင့် ဘုရားသခင်ရဲ့ အမှုတော်အသစ်ကို လက်မခံတဲ့ ယုံကြည်သူတစ်ယောက်အကြောင်းပါ။ တဖြည်းဖြည်းနဲ့ သမ္မာတရားကို ရှာဖွေပြီးတဲ့နောက်မှာ အနန္တတန်ခိုးရှင်ဘုရားသခင်ရဲ့ နောက်ဆုံးသောကာလ အမှုတော်ကို သူ လက်ခံသွားခဲ့ပြီး ဘုရားသခင်ရဲ့ အလင်းထဲမှာ အသက်ရှင်ဖို့ လာရောက်ခဲ့တယ်။ ီဒီ အကြောင်းအရာကို ကျွန်မ စဉ်းစားပြီး ကိုယ့်ဘာသာ တွေးလိုက်တယ်။ “ပိုစတာမှာ ပုံစံတစ်မျိုးမျိုးနဲ့ အမှောင်ထဲမှာ အရောင်မှိန်နေပြီး လင်းသွားတာမျိုး သေချာပေါက် ဖြစ်သင့်တယ်။ ဒီထက်ကောင်းတဲ့ စိတ်ကူးမရှိဘူး။” ပေါ့။ အကိုးအကားအနေနဲ့သုံးဖို့အတွက် ဆင်တူတဲ့ ဗီဒီယိုပိုစတာတွေကို ကျွန်မ အကြာကြီး ရှာနေခဲ့တယ်။ ပိုစတာလုပ်တာ ပြီးသွားတော့ တော်တော်ကောင်းတယ်၊ နာမည်ကြီးတဲ့ ရုပ်ရှင်ပိုစတာတစ်ခုနဲ့တူတယ်လို့ ထင်ခဲ့တယ်။ ကျွန်မက တကယ်ကို ကိုယ့်ကိုယ်ကိုယ် ချီးကျူးနေတာပဲ။ အဲဒီမှာ အစ်မတစ်ယောက်က ကျွန်မ ပိုစတာကို မြင်ပြီး ပြောတယ်။ “ဒီနားမှာ အရမ်းမှောင်နေတယ်။ ဘာမှမရှိဘဲ တော်တော် အရောင်မွဲနေတယ်” တဲ့။ နောက်တော့ အစ်မတစ်ယောက်က အကြံပေးတယ်။ “ခြုံကြည့်ရင် မှောင်လွန်းနေတယ်။ မရှင်းဘူး။ မည်းမှောင်နေသလို ဖြစ်နေတယ်။ ဒီ ဗီဒီယိုက ဘုရားကို သက်သေခံတာဆိုတော့ ပုံရိပ်က အရမ်း မမှောင်သင့်ဘူး” တဲ့။ သူတို့ရဲ့ စိတ်ကူးတွေ၊ သူတို့ပြောခဲ့တာတွေကို ကျွန်မ တကယ်ကို အတိုက်အခံပြန်လုပ်ချင်တယ်။ စိတ်ထဲမှာ “ငါတော့ ဒါ တော်တော် ကြည့်ကောင်းတယ်လို့ ထင်တယ်။ နင်က အရောင် အနုအရင့်အကြောင်း မသိဘဲနဲ့ ဒါကို ဘယ်လိုလုပ်ရမယ်ဆိုတာ ငါ့ကို ပြောပြနေတယ်။ နင်က ကြေးများနေတာ သက်သက်မဟုတ်ဘူးလား” ဆိုပြီး တွေးမိတယ်။ ကျွန်မ ပြောလိုက်တယ်။ “ဒါက သင့်တော်တဲ့ အရောင်မဟုတ်ဘူးလား။ အလင်းနဲ့ အမှောင်မှာ ကွဲပြားမှု ရှိရမယ်လေ။ ပြီးတော့ ဒါက ဗီဒီယိုပိုစတာအတွက်လေ။ အဲဒီတော့ အဓိကက အရောင်အနုအရင့်ကို လုပ်ရမှာ။ တခြား ဗီဒီယိုပိုစတာတွေကိုလည်း ဒီလိုလုပ်ရတာပဲ။ ဒါ ဘာမှ မမှားပါဘူး” ပေါ့။ ပြီးတော့ ကျွန်မ ကိုးကားထားတဲ့ ဗီဒီယိုပိုစတာ ကော်ပီကို သူတို့ဆီ ပို့လိုက်တယ်။ အဲဒီမှာ ကျွန်မ အံ့သြသွားရတယ်။ ကျွန်မ ပိုစတာမှာ မှောင်နေတဲ့နေရာလပ်တွေ အများကြီးရှိပြီး တခြားတစ်ခုလိုမျိုး ကြည့်မကောင်းဘူးဆိုပြီး ပြောကြတယ်။ သူတို့က ဒီလိုပြောတော့ ကျွန်မ စိတ်ဆိုးဒေါသထွက်သွားပြီး တွေးမိတယ်။ “နင်တို့က အရောင်အနုအရင့်နဲ့ပတ်သက်ပြီး ငါ့ဆီကို အမြဲတမ်း အကြံဉာဏ်တောင်းနေရတာကို မမေ့နဲ့။ ဒါနဲ့ပတ်သက်ပြီး အခြေခံ ကိုင်တွယ်နိုင်တာတောင် မရှိဘဲနဲ့ ဒါကို ဘယ်လိုလုပ်ရမယ်ဆိုတာ ငါ့ကို ပြောနေတယ်။ ဘာလို့ ငါးကို ရေကူးတတ်ဖို့ သင်ပေးနေတာလဲ” ပေါ့။ ကျွန်မ မှန်တယ်ဆိုတာကို သူတို့ကို သက်သေပြဖို့အတွက် ကျွန်မ ဒီဇိုင်းဆွဲထားတဲ့ ပုံကို တခြား ညီအစ်ကိုမောင်နှမတွေဆီ ပို့လိုက်တယ်။ ဒါပေမဲ့ သူတို့ကလည်း အရမ်း မှောင်တယ်လို့ ပြောကြတယ်။ ကျွန်မ သည်းခံပြီးတော့ပဲ ပြောင်းလိုက်ရတယ်။ ဒါပေမဲ့ ကျွန်မ စိတ်ကူးက မှန်တယ်၊ ပိုစတာကို ကျွန်မလုပ်တာ မှန်တယ်လို့ ထင်နေတုန်းဆိုတော့ နည်းနည်းပဲ ပြောင်းလိုက်တယ်။ ဒါပေမဲ့ လက်မခံကြသေးဘူး။ ရလဒ်အနေနဲ့ တစ်ပတ်လောက်ပဲ ကြာမယ့် ပုံတစ်ခုကို တစ်လနီးပါးလောက်ကြာအောင် လုပ်နေခဲ့ရတယ်။ နောက်ဆုံးတော့ ပြဿနာတွေရှိလို့ အဲဒီပုံကို ပစ်လိုက်ရတယ်။ အဲဒါက ကျွန်မမျက်နှာကို ဖြတ်ရိုက်လိုက်သလိုပဲ။ ကျွန်မ တကယ်ကို စိတ်ပျက်အားလျော့ပြီး စိတ်ဓာတ်ကျသွားတယ်။ မိတ်သဟာယမှာ သူများတွေနဲ့ ပွင့်ပွင့်လင်းလင်း မပြောချင်ခဲ့ဘူး။ မှောင်မိုက်တဲ့၊ နာကျင်ရတဲ့ နေရာတစ်ခုမှာ ကျွန်မ ရောက်နေခဲ့တယ်။ အဲဒီနောက် ခေါင်းဆောင်က ကျွန်မကို အခုတလော ကျွန်မရဲ့ ဒီဇိုင်းတွေက တစ်ခုမှ မအောင်မြင်ဘူး၊ ဘုရားသခင်ရှေ့မှာ ချက်ချင်းပဲ ကိုယ့်ကိုယ်ကိုယ် ဆင်ခြင်သုံးသပ်ဖို့ လိုတယ်ဆိုပြီး သတိပေးတယ်။ အဲဒီအချိန်ကျမှ ကျွန်မ ဘုရားသခင်ရှေ့မှောက်မှာ ကိုယ့်ကိုယ်ကိုယ် ဆင်ခြင်သုံးသပ်ပြီး ဆက်စပ်မှုရှိတဲ့ ဘုရားနှုတ်ကပတ်တော်တချို့ကို တွေ့တယ်။

တစ်နေ့မှာ ကျွန်မ ဘုရားရှိခိုး ဝတ်ပြုနေရင်းနဲ့ ဒီအပိုဒ်ကို ဖတ်ပါတယ်- “ပြဿနာများ သင့်အပေါ် ကျ‌ရောက်သောအခါတွင်၊ သင်သည်၊ ‘အခြေခံသဘောတရားများကို ငါ သိပြီး၊ ငါ ဆုံးဖြတ်ပိုင်ခွင့်ရှိသည်။ သင်တို့သည် စကားပြောဆိုဖို့ အရည်အချင်း မပြည့်မီကြပါ။ သင်တို့ မည်သည့်အရာကို သိကြသနည်း။ သင်တို့ နားမလည်ကြ၊ ငါနားလည်သည်’ ဟု တွေးရင်း မိမိကိုယ်ကိုယ် ဖြောင့်မတ်သည်ဟု မှတ်ယူရမည်မဟုတ်။ ဤသည်မှာ မိမိကိုယ်ကိုယ် ဖြောင့်မတ်သည်ဟု မှတ်ယူခြင်း ဖြစ်သည်။ မိမိကိုယ်ကိုယ် ဖြောင့်မတ်သည်ဟု မှတ်ယူခြင်းသည် ဖောက်ပြန်ပျက်စီးသည့် စာတန်ဆန်သော စိတ်သဘောထားတစ်ခုဖြစ်သည်။ ယင်းသည် ပုံမှန် လူ့သဘာဝအတွင်းရှိ အရာတစ်ခု မဟုတ်ပေ။” “သင့်အနေဖြင့်၊ ‘မည်သူ့ကိုမျှ ကျွန်ုပ် နားထောင်မည် မဟုတ်ပါ။ ကျွန်ုပ် နားထောင်လျှင်ပင်၊ နားထောင်သည်ဟု ယူဆရန်အတွက်သာ ဖြစ်လိမ့်မည်- ကျွန်ုပ် ပြောင်းလဲမည် မဟုတ်ပါ။ အမှုအရာများကို ကျွန်ုပ် သဘောအတိုင်း ကျွန်ုပ် လုပ်ဆောင်မည်။ ကျွန်ုပ်သည် မှန်ကန်ပြီး လုံးဝ လျော်ကန်သည်ဟု ခံစားရပါသည်’ဟု ပြောရင်း၊ မိမိကိုယ်ကိုယ် မှန်ကန်သည်ဟု အမြဲမှတ်ယူကာ မိမိသဘောအတိုင်း မရမကလုပ်ဆောင်ပါက၊ မည်သည့်အရာ ဖြစ်လိမ့်မည်နည်း။ သင်သည် မှန်ကန်ကြောင်း ပြကောင်းပြနိုင်မည်ဖြစ်ပြီး သင်လုပ်ဆောင်သည့်အရာတွင် အမှား ရှိကောင်းရှိနိုင်မည်မဟုတ်။ မည်သည့်အမှားများကိုမျှ သင် မပြုလုပ်ခဲ့ကောင်း မပြုလုပ်နိုင်သကဲ့သို့၊ ပြဿနာတစ်ခု၏ လုပ်ထုံးလုပ်နည်းဆိုင်ရာ ရှုထောင့်တစ်ခုကို အခြားသူများထက် သာ၍ကောင်းစွာ နားလည်ကောင်း နားလည်နိုင်သည်၊ သို့သော် သင်သည် ဤနည်းဖြင့် ပြုမူကာ လက်တွေ့လုပ်ဆောင်သည်နှင့် တစ်ပြိုင်နက်၊ အခြားသူများက မြင်ကြလိမ့်မည်ဖြစ်ပြီး၊ ၎င်းတို့က၊ ‘ဤလူ၏ စိတ်သဘောထားသည် မကောင်းပါ။ ၎င်းအပေါ် ပြဿနာများ ကျရောက်သည့်အခါတွင်၊ အခြားမည်သူမဆို ပြောဆိုမည့် မည်သည့်အရာကိုမျှ မှန်သည်ဖြစ်စေ မှားသည်ဖြစ်စေ ၎င်း လက်မခံပါ။ အားလုံးသည် ခုခံမှုသာ ဖြစ်သည်။ ဤလူသည် သမ္မာတရားကို လက်မခံပါ’ ဟု ပြောကြလိမ့်မည်။ သင်က သမ္မာတရားကို လက်ခံခြင်းမရှိဟု လူတို့ ပြောပါက၊ ဘုရားသခင်က အဘယ်အရာကို တွေးထင်ရမည်နည်း။ သင်၏ ဤထုတ်ဖော်ပြချက်များကို ဘုရားသခင် မြင်နိုင်သလော။ ထိုအရာများအားလုံးကို အလွန်ရှင်းလင်းစွာ ဘုရားသခင် မြင်နိုင်ပေသည်။ ဘုရားသခင်သည် လူသား၏ အတွင်းကျကျ စိတ်နှလုံးကို စိစစ်သည်သာမက၊ အချိန်တိုင်း၊ နေရာအနှံ့တွင် သင် ပြောဆိုပြီး လုပ်ဆောင်သည့် အရာရာတိုင်းကိုလည်း စောင့်ကြည့်ပေသည်။ ပြီးလျှင် ဤအရာများကို သူ တွေ့ရှိသည့်အခါတွင်၊ သူ မည်သည့်အရာကို လုပ်ဆောင်သနည်း။ သူက၊ ‘သင်သည် ခက်ထန်ပေသည်။ သင်သည် ကိစ္စရပ်များတွင် မှန်သည့်နေရာတွင် ရှိသည့်အခါ ထိုသို့ဖြစ်ပြီး ကိစ္စရပ်များတွင် မှားသည့်နေရာတွင် ရှိသည့်အခါလည်း ထိုသို့ဖြစ်သည်။ ကိစ္စရပ်အားလုံးတွင်၊ သင်၏ ဖွင့်ပြချက်များနှင့် ဖော်ပြချက်များ အားလုံးသည် သဘောကွဲလွဲဖို့ကြိုးစားနေပြီး အတိုက်အခံ ဖြစ်နေသည်။ အခြားသူများ၏ စိတ်ကူးများ သို့မဟုတ် အကြံပေးချက်များထဲမှ မည်သည့်အရာကိုမျှ သင် လက်မခံပေ။ သင့်စိတ်နှလုံးအတွင်းရှိ အရာအားလုံးမှာ ကွဲလွဲဆန့်ကျင်ခြင်း၊ ပိတ်လှောင်ခြင်းနှင့် ငြင်းဆန်ခြင်းသာ ဖြစ်သည်။ သင်သည် အလွန်ဆက်ဆံရခက်သည်’ ဟု ဆိုပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်၏ ရှေ့မှောက် အမြဲအသက်မရှင်နိုင်သူတို့မှာ မယုံကြည်သူများဖြစ်သည်”) ဘုရားသခင်က ကျွန်မတို့ စိတ်ထဲ၊ နှလုံးသားထဲကို မြင်ပါတယ်။ ဒါက ကျွန်မရဲ့ အခြေအနေကို လုံးဝ ဖော်ထုတ်ခဲ့ပါတယ်။ ကျွန်မက ဆိုးယုတ်တဲ့ မာနထောင်လွှားခြင်း စိတ်သဘောထားကို ထုတ်ဖော်ပြနေတာပါ။ အရင်တုန်းက ကျွန်မရဲ့ ပိုစတာတွေကို ညီအစ်ကို မောင်နှမတွေက လက်ခံပြီး ချီးမွမ်းကြတုန်းက ဒါ ကျွန်မ ကိုယ်တိုင်ရဲ့ ကျွမ်းကျင်မှုကြောင့်၊ ကျွန်မရဲ့ ဒီဇိုင်းနဲ့ အသိပညာကို ဘယ်သူမှ မယှဉ်နိုင်ဘူးဆိုပြီး ထင်ခဲ့တာ။ သူများတွေက ကျွန်မကို အကြံပြုချက်တွေ ပေးတော့ သူတို့က နားမလည်ဘူးလို့ တွေးပြီး လက်ခံဖို့ ငြင်းဆန်ခဲ့တယ်။ လူတွေ အများကြီးက ဒီ အကြံပြုချက်ကိုပဲ ပေးနေတာတောင်မှ ကျွန်မက တော်တော် ခေါင်းမာခဲ့တယ်။ သူတို့ပြောတဲ့အခါမှာ ကျွန်မ လက်ခံသလိုမျိုး ဟန်ဆောင်ခဲ့ပြီး ကိုယ်ပိုင် ထင်မြင်ချက်ကိုပဲ ဖက်တွယ်ထားခဲ့တယ်။ ကျွန်မရဲ့ စိတ်ကူးနဲ့ သင့်တော်တာကိုပဲ ပြောင်းလဲခဲ့ပြီး ကျွန်မ သဘောမတူတာကို ပြောင်းလဲဖို့ ငြင်းဆန်ခဲ့တယ်။ လူတွေနဲ့ ငြင်းခုန်ဖို့ ဆင်ခြေတွေအမျိုးမျိုး ရှာခဲ့တယ်။ ဒီအတွက်နဲ့ အစ်မတစ်ယောက်ကို ကျွန်မ ဖိနှိပ်ချုပ်ချယ်ခဲ့တယ်။ ကျွန်မက အသိစိတ်လုံးဝမရှိတော့ဘဲ မာနထောင်လွှားခဲ့တယ်ဆိုတာကို နားလည်သဘောပေါက်ခဲ့ပါတယ်။ ကျွန်မက လုံးဝကို ကျိုးကြောင်းမသင့်လျော်ခဲ့တာပါ။ အကြံပြုချက်တွေကို လျစ်လျူရှုပြီး မာနထောင်လွှားခဲ့ပြီး ကိုယ့်ကိုယ်ကိုယ်ပဲ အမှန်ထင်ခဲ့တယ်။ ကျွန်မ အဆက်မပြတ် တည်းဖြတ်ပြုပြင်ခံရပြီး အလုပ်ကို နှောင့်နှေးစေခဲ့ရုံတင်မကဘဲ ကျွန်မ ကိုယ်တိုင်ရဲ့ အခြေအနေကလည်း ယိုယွင်းသွားခဲ့တယ်။ ဒီ ကျရှုံးမှုတွေကို ရင်မဆိုင်ရရင် ကျွန်မ ကိုယ့်ကိုယ်ကိုယ် ဆင်ခြင်ပြီး သိဖို့အတွက် ဘုရားသခင်ရှေ့မှောက်ကို လုံးဝ လာဖြစ်မှာမဟုတ်ဘူး။ ကျွန်မက နောက်ပြန်မလှည့်ဘဲ ကျွန်မရဲ့ မာနထောင်လွှားတဲ့ စိတ်သဘောထားအတိုင်း ဆက်ပြီးနေထိုင်နေမယ်ဆိုရင် သူများတွေက ကျွန်မကို ငြင်းပယ်ကြပြီး ဘုရားသခင်က စက်ဆုပ်ရွံရှာမှာပဲ။ ဒီနောင်တနဲ့ ပြည့်နေပြီး ကျွန်မ ကြောက်ရွံ့မိခဲ့တယ်။ နောင်တရဖို့အတွက် ဘုရားသခင်ရှေ့ကိုလာပြီး ကျွန်မ ချက်ချင်း ဆုတောင်းခဲ့ပါတယ်။

အဲဒီနောက်မှာ ကျွန်မ ထုတ်ဖော်ပြခဲ့တဲ့ ဖောက်ပြန်ပျက်စီးမှုကို အဖွဲ့ထဲမှာရှိတဲ့ အစ်မတွေကို ဖွင့်ချပြခဲ့ပြီး ဘယ်အကြံမျိုးကိုမဆို လက်ခံပြီး ကိုင်တွယ်ဖြေရှင်းခံရဖို့ ဆန္ဒရှိပါတယ်ဆိုပြီး သူတို့ကို ပြောခဲ့ပါတယ်။ အဲဒီကစပြီး ကျွန်မ တာဝန်မှာ ညီအစ်ကို မောင်နှမတွေက အကြံပြုချက်တွေ ပေးခဲ့တယ်။ အစတော့ အဲဒီ အကြံပြုချက်တွေကို လက်ခံဖို့ ကျွန်မအတွက် တော်တော်ခက်တယ်။ ဒါပေမဲ့ ကျွန်မရဲ့ လတ်တလော ကျရှုံးမှုတွေကို ဘယ်လိုခံစားခဲ့ရတယ်ဆိုတာကို သတိရတဲ့အခါမှာ ဆင်ခြင်ဖို့အတွက် ဆုတောင်းပြီး ကိုယ့်ကိုယ်ကိုယ် ဘေးဖယ်ထားခဲ့ပါတယ်။ အဲဒီ အကြံပြုချက်ကို သူတို့ ဘာကြောင့်လုပ်ရတယ်၊ အဲဒါကို လိုက်နာရင် ဘာတွေရနိုင်တယ်၊ ပြဿနာက ဘယ်မှာရှိတယ်ဆိုတာတွေကို ကျွန်မ စဉ်းစားခဲ့တယ်။ ပြီးရင် စည်းမျဉ်းတွေကို အခြေခံပြီး ကျွန်မ စဉ်းစားတယ်။ ဒီ နည်းလမ်းအသစ်နဲ့က သူများတွေရဲ့ အကြံဉာဏ်တွေကို နားလည်လက်ခံဖို့ ပိုလွယ်ကူပြီး ကျွန်မရဲ့ ပြုပြင်တည်းဖြတ်မှုတွေကို လူတိုင်းက ပိုပြီးတော့ လက်ခံကြတယ်။ သမ္မာတရားကို လက်တွေ့လုပ်ဆောင်ရတာက ဘယ်လောက်ကောင်းသလဲဆိုတာကိုလည်း ကျွန်မ မြင်ခဲ့ရပါတယ်။ ဒါပေမဲ့ ကျွန်မရဲ့ မာနထောင်လွှားတဲ့ စိတ်သဘောထားက ကျွန်မ အထဲမှာ တော်တော်ကို အမြစ်တွယ်နေတော့ ကျရှုံးမှုတစ်ခုကို ကြုံတွေ့ရတာနဲ့ပဲ ကျွန်မ အမြစ်ဖြတ်နိုင်ခဲ့ဘူး။

အချိန်နည်းနည်းလောက်ကြာတော့ မာနထောင်လွှားမှုထဲကို ကျွန်မ ပြန်ပြီး နှစ်မြုပ်သွားတယ်။ တစ်ခါမှာ အသင်းတော် ဓမ္မတေးသီချင်းတွေအားလုံးအတွက် ပုံတစ်ခုကို ကျွန်မ ဒီဇိုင်းဆွဲရတယ်။ ညီအစ်ကို မောင်နှမတွေက ဘုရားသခင်ရဲ့ အမှုတော်ကို ကြုံတွေ့ပြီးနောက်မှာ ဘုရားသခင်ကို ချီးမွမ်းခြင်း ဖော်ပြကြတဲ့သူတွေ ဖြစ်တဲ့အတွက် နွေးထွေးတဲ့၊ ချစ်ကြည်နူးဖွယ်ရာဖြစ်တဲ့၊ လှပတဲ့ ခံစားချက်ဖြစ်သင့်တယ်လို့ ကျွန်မ တကယ်ကို ထင်မြင်ခဲ့တယ်။ ခရမ်းရောင်က အဲဒီလို ခံစားချက်မျိုးကို ပေါ်လွင်စေပြီး ဂုဏ်ရှိစေတဲ့ အဓိပ္ပာယ်ရှိတယ်လို့ဆိုထားတဲ့ ကျွန်မ လေ့လာခဲ့ရတဲ့ အရောင်သီအိုရီတချို့ကို ကျွန်မ စဉ်းစားမိတယ်။ ခရမ်းရောင်ကို အဓိက အရောင်အဖြစ်သုံးရင် မမှားနိုင်ဘူးလို့ ကျွန်မ မြင်မိတယ်။ ကျွန်မရဲ့ ပရောဂျက် ပြီးသွားတဲ့အခါမှာ ညီအစ်ကို မောင်နှမတချို့က ကျွန်မ စဉ်းစားတာကို သူတို့ကြိုက်တယ်၊ အရောင်တွေက လှတယ်လို့ ပြောကြတယ်။ ကျွန်မ လုပ်ခဲ့တဲ့အပေါ်မှာ ကျွန်မ တော်တော်ကျေနပ်မိပြီး ကျွန်မက တကယ်ကို အရည်အချင်းရှိတယ်။ ဒီဇိုင်းဆွဲနိုင်တဲ့ အစွမ်းအစတွေရှိတယ်လို့ ထင်ခဲ့တယ်။ ကျွန်မ အံ့သြခဲ့ရတာက ဒီဇိုင်းကို အခုမှစလုပ်တဲ့ အစ်မတစ်ယောက်က ကျွန်မကို အကြံပြုချက်တစ်ခုပို့တယ်။ သူကပြောတယ်။ “အသင်းတော် ဓမ္မတေးသီချင်းတွေက အဖွဲ့သားတွေရဲ့ တကယ့်အတွေ့အကြုံတွေ၊ သင်ယူခဲ့ရတဲ့ သင်ခန်းစာတွေပါ။ ခရမ်းရောင်ကို သုံးတာက စိတ်ကူးယဉ်ဆန်လွန်းပြီး လုံးဝ မကိုက်ညီဘူး။ နည်းနည်း ကြည့်လို့မကောင်းဘူး။ ပြောင်းဖို့ အကြံပေးချင်တယ်” တဲ့။ သူ့ အကြံပြုချက်ကို ကျွန်မ ဖတ်ပေမဲ့ စိတ်ထဲကနေ အတိုက်အခံလုပ်ချင်တယ်။ “ခရမ်းရောင်က နွေးထွေးတဲ့ ခံစားချက်ကို သယ်ဆောင်တယ်လို့ ပြောတဲ့ သင်တန်း အကြောင်းအရာတွေ အများကြီးကို ငါ ဖတ်ခဲ့ရတာပဲ။ ပြီးတော့ ခရမ်းရောင်ကို ဒီလို အသုံးပြုတဲ့ ဒီဇိုင်းတွေ အများကြီးရှိတယ်။ ကြည့်လို့မကောင်းဘူးလို့ ဘာကြောင့် ပြောရတာလဲ။ နောက်ပြီးတော့ နင်က ဒါနဲ့ပတ်သက်ပြီး အခုမှ စတာ။ ကိုယ့်ဘာသာ ဒီဇိုင်းဆွဲရတာ ဘာမှ သိပ်မရှိသေးဘူး။ ဒါပေမဲ့ နင်က ငါ့ကို အကြံပြုချက်တွေ ပေးနေတယ်။ ကိုယ့်အဆင့်ကို ကိုယ်မသိဘူးပဲ” ဆိုပြီး စဉ်းစားမိတယ်။ ဒါပေမဲ့ သူ့ကို ပွင့်ပွင့်လင်းလင်း ငြင်းပစ်ဖို့ကို ကျွန်မ သိပ်မနေတတ်ဘူး။ ကျွန်မ သူ့ကို အချိန်ဆွဲလိုက်ပြီး တခြားလူတွေရဲ့ အကြံပြုချက်ကို မေးလိုက်ဦးမယ်လို့ ပြောလိုက်တယ်။ နောက်ကျတော့ ဘယ်သူ့ရဲ့ ထင်မြင်ချက်ကိုမှ သွားမမေးခဲ့ဘူး။ ဒီတိုင်းပဲ ထားလိုက်ခဲ့တယ်။

သုံးလေးရက်လောက်ကြာတော့ နောက်ထပ် အစ်မတစ်ယောက်က ဒီ တုံ့ပြန်ချက်မျိုးကိုပဲ ပေးတယ်။ ကျွန်မ သုံးတဲ့ အရောင်က တော်တော် စိတ်ဓာတ်ကျစရာကောင်းတယ်လို့ပြောပြီး ပြောင်းဖို့ အကြံပေးတယ်။ အဲဒီအချိန်မှာပဲ အဖွဲ့ခေါင်းဆောင်က ကျွန်မကို လုံးဝ ခေါင်းမမာဖို့ ထပ်ပြီး ဆန်းစစ်ဖို့အတွက် အပြောင်းအလဲတွေလုပ်ဖို့ သတိပေးတယ်။ ဒီတိုင်းပဲ ဆက်ပြီး မထားရဲတာနဲ့ ကျွန်မ အပြောင်းအလဲ နည်းနည်းလုပ်ဖို့ ကြိုးစားခဲ့တယ်။ ဒါပေမဲ့ ကျွန်မက အဲဒီ ခရမ်းရောင် ဒီဇိုင်းကို မသုံးတော့ဖို့ကို တကယ်တမ်း ဆန္ဒမရှိနေဘူး။ အဲဒီမှာ ကျွန်မ စဉ်းစားတယ်။ “ဒီ အရောင်နဲ့ ငါ့ရဲ့ ဒီဇိုင်းက အဲဒီလောက် မဆိုးနိုင်ပါဘူး။ သူများတွေထဲက တချို့က တကယ် ကြိုက်ကြတာပဲ။ ဒါဆို ဘာလို့ ပြောင်းရမှာလဲ” ပေါ့။ ဒါပေမဲ့ ဒီလို စဉ်းစားလိုက်တော့ ပြောင်းဖို့ကို အခက်တွေ့နေခဲ့တယ်။ နည်းနည်းလောက် ကြိုးစားပြီးတဲ့နောက်မှာ ကြည့်လို့မကောင်းနေဘူး။ ပြီးတော့ ကျွန်မ အကြာကြီးလုပ်ထားတဲ့ ပြင်ဆင်မှုတွေထဲက တစ်ခုမှာ အမှားတစ်ခုပေါ်လာပြီး ပြင်ဖို့ နည်းလမ်း ရှာမတွေ့ခဲ့ဘူး။ ကျွန်မ တော်တော်ကို မချင့်မရဲဖြစ်နေပြီး အကြံကုန်နေပြီ။ လက်တောင် လျှော့ချင်လာပြီ။ ဒီ ပုံတစ်ခုကို ခြောက်ကြိမ် တည်းဖြတ်ပြင်ဆင်ပြီး တစ်လ ကြာခဲ့တာ၊ သူများတွေက အကြံပြုချက်တွေ အများကြီးပေးခဲ့တာတွေကို ကျွန်မ တွေးမိတယ်။ ကျွန်မ မပြီးသေးဘဲနဲ့ ကျွန်မတို့ အလုပ်က နှောင့်နှေးနေတယ်။ ကျွန်မ တော်တော်ကို စိတ်ညစ်မိတယ်။ ကျွန်မက မာနထောင်လွှားပြီး တုံ့ပြန်ချက်တွေကို လက်မခံနိုင်တာကြောင့် ကျွန်မတို့အလုပ်ကို နှောင့်နှေးစေခဲ့တာကို သတိရမိတယ်။ အခု ကျွန်မက ထပ်ပြီး မာနထောင်လွှားနေပြီးတော့ အကြံပြုချက်တွေကို ငြင်းပယ်နေတယ်။ ဒါ အရင်က ဖြစ်ခဲ့တဲ့ ပြဿနာအတိုင်းပဲမဟုတ်ဘူးလား။ ကျွန်မ ဘုရားသခင်ရှေ့ကို အမြန်လာပြီး ဆုတောင်းတယ်။ “အဖ ဘုရားသခင် ကျွန်မရဲ့ မာနထောင်လွှားတဲ့ စိတ်သဘောထားက တကယ်ကို ဆိုးရွားပါတယ်။ ဒီ အခြေအနေမှာ ကျွန်မ နာခံလို့မရပါဘူး။ ကိုယ်တော်ရဲ့ အလိုတော်ကို နားလည်ဖို့၊ ကိုယ့်ကိုယ်ကိုယ် အမှန်တကယ်သိပြီး ဒီ အခြေအနေကနေ ထွက်လာနိုင်ဖို့ ကျေးဇူးပြုပြီး ကျွန်မကို အသိဉာဏ်ပွင့်လင်းစေပြီး လမ်းပြတော်မူပါ” ဆိုပြီး ဆုတောင်းခဲ့တယ်။

နောက်တော့ ဘုရားနှုတ်ကပတ်တော်ထဲက ဒီ အပိုဒ်ကို ကျွန်မ ဖတ်ပါတယ်- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏ အရင်းအမြစ်ဖြစ်သည်။ လူတို့သည် ပို၍ မာနထောင်လွှားလေ သူတို့သည် ဘုရားသခင်ကို ပို၍ဆန့်ကျင်လေ ဖြစ်တတ်သည်။ ဤပြဿနာက အဘယ်မျှ ဆိုးရွားလိုက်သနည်း။ မာနထောင်လွှားသော စိတ်သဘောထားနှင့် လူတို့သည် အခြားလူတိုင်းကို သူတို့၏အောက်၌ ရှိသည်ဟု ယူဆကြသည့်အပြင်၊ အဆိုးဆုံးမှာ သူတို့သည် ဘုရားကိုပင် တင်စီးနေကြလေသည်။ အချို့လူတို့သည် အပြင်ပန်းတွင် ဘုရားသခင်၌ ယုံကြည်သက်ဝင်ပြီး သူ့ကို လိုက်လျှောက်ကြသည့်ပုံ ပေါ်သော်လည်း၊ သူတို့သည် သူ့ကို ဘုရားသခင်အဖြစ် လုံးဝမဆက်ဆံကြချေ။ သူတို့သည် သမ္မာတရားကို ပိုင်ဆိုင်ထားသည်ဟု အမြဲထင်မြင်ကြပြီး မိမိကိုယ်ကိုယ် အလွန်အထင်ကြီးတတ်ကြသည်။ ဤသည်မှာ မာနထောင်လွှားသော စိတ်သဘောထား၏ အနှစ်သာရနှင့် အရင်းအမြစ်ဖြစ်ပြီး၊ ယင်းက စာတန်ထံမှ လာလေသည်။ ထို့ကြောင့် မာနထောင်လွှားခြင်း ပြဿနာကို ဖြေရှင်းရမည်။ လူတစ်ဦးသည် အခြားလူများထက် ပိုသာသည်ဟူသော ထင်မြင်ချက်မှာ အသေးအဖွဲကိစ္စ ဖြစ်သည်။ အရေးပါသောအချက်မှာ လူတစ်ဦး၏ မာနထောင်လွှားသော စိတ်သဘောထားက ဘုရားသခင်၊ သူ၏အုပ်ချုပ်မှုနှင့် သူ၏စီမံချက်များအပေါ် နာခံခြင်းမှ သူ့ကို ဟန့်တားနေခြင်းပင် ဖြစ်သည်၊ ထိုကဲ့သို့သောသူသည် အခြားသူများအပေါ် အာဏာရှိရေးအတွက် ဘုရားသခင်နှင့်ယှဉ်ပြိုင်လိုစိတ် အမြဲရှိနေသည်။ ထိုကဲ့သို့သောလူက ဘုရားသခင်အားချစ်ခြင်း သို့မဟုတ် သူ့အားနာခံခြင်းကို မဆိုထားနှင့်၊ ဘုရားသခင်အားကြောက်ရွံ့ခြင်း စိုးစဉ်းမျှ မရှိပေ။ ထောင်လွှားကာ စိတ်ကြီးဝင်သူများ၊ အထူးသဖြင့် အင်မတန် ထောင်လွှားလွန်းသဖြင့် အသိဉာဏ်ပျောက်သွားသူများသည် ဘုရားသခင်၌ ယုံကြည်ခြင်းတွင် ကိုယ်တော်ကို မနာခံနိုင်ရုံမက မိမိတို့ကိုယ်ကိုယ် ဂုဏ်တင်ကာ သက်သေပင် ခံလိုက်သေးသည်။ ထိုသို့သောလူများသည် ဘုရားသခင်ကို အဆန့်ကျင်ဆုံးဖြစ်သည်။ အကယ်၍ လူတို့သည် ဘုရားသခင်ကို ကြည်ညိုသောအဆင့်ဆီ ရောက်လိုလျှင် သူတို့သည် သူတို့၏ ထောင်လွှားသော စိတ်သဘောထားများကို ပထမဦးစွာ ဖြေရှင်းရမည်။ သင်၏ ထောင်လွှားသောစိတ်သဘောထားကို စေ့စပ်သေချာစွာ ဖြေရှင်းလေလေ၊ ဘုရားသခင်ကို ကြည်ညိုကိုင်းရှိုင်းလေလေ ဖြစ်သည်။ ထိုအခါမှသာ သင်သည် ကိုယ်တော်ကိုနာခံနိုင်ကာ သမ္မာတရားကို ရနိုင်ပြီး ကိုယ်တော်ကို သိနိုင်မည်။” (ဘုရားသခင်၏ မိတ်သဟာယဖွဲ့ခြင်း) ဘုရားသခင်၏ မိတ်သဟာယဖွဲ့ခြင်း မှ မာနထောင်လွှားခြင်းဆိုတာ ဘုရားသခင်ကို အာခံတဲ့ အရင်းအမြစ်ပဲဆိုတာကို ဒါက ကျွန်မကို နားလည်အောင် ကူညီပေးခဲ့ပါတယ်။ ကျွန်မရဲ့ မာနထောင်လွှားတဲ့ စိတ်သဘောထားရဲ့ ထိန်းချုပ်တာကို ခံရပြီး ကျွန်မက အမြဲတမ်း မှန်တယ်လို့ ထင်ခဲ့တယ်။ ကျွန်မရဲ့ အမြင်ရှုထောင့်တွေကသာ အမှန်တရားလိုမျိုး၊ သြဇာအာဏာရဲ့ အရင်းအမြစ်တစ်ခုလိုမျိုးပေါ့။ သမ္မာတရားကို ရှာဖွေဖို့၊ ဘုရားသခင်ကို နာခံဖို့ ဆန္ဒ လုံးဝ မရှိခဲ့ဘူး။ ဘယ်သူ့ရဲ့ အကြံပြုချက်ကိုမှ ကျွန်မ မယူခဲ့တာပါ။ အထူးသဖြင့် ကျွန်မလောက် မကျွမ်းကျင်တဲ့အခါ၊ ပညာပိုင်းဆိုင်ရာ ကဏ္ဍတချို့ကို နားမလည်ဘဲ သူတို့ရဲ့ အကြံပြုချက်တွေကို ပေးတဲ့အခါမှာပေါ့။ ကျွန်မက တကယ်ကို အတိုက်အခံလုပ်ခဲ့တယ်။ လက်ခံသလိုလိုနဲ့ ကျွန်မ ပြုမူခဲ့တယ်။ ဒါပေမဲ့ တကယ်တမ်းမှာတော့ သူတို့ရဲ့ အကြံပြုချက်တွေကို အလေးမထားခဲ့ဘူး။ ဘုရားသခင်က ကျွန်မကို ကိုယ့်စိတ်ဆန္ဒကို ဘေးမှာထားဖို့၊ အသင်းတော်အလုပ်ကို အာရုံစိုက်ဖို့ ရှာဖွေဖို့၊ ကြိုးစားဖို့၊ အကောင်းဆုံး ပုံစံကို ချပေးဖို့ သူများတွေကနေတစ်ဆင့် အကြိမ်ပေါင်းများစွာ သတိပေးခဲ့ပါတယ်။ ဒါပေမဲ့ ကျွန်မက မယုံနိုင်လောက်အောင် ခေါင်းမာပြီး စိတ်ကြီးဝင်ခဲ့တယ်။ ကျွန်မရဲ့ ကိုယ်ပိုင် စိတ်ကူးတွေနဲ့ အတွေ့အကြုံကို သမ္မာတရားအဖြစ် မှတ်ယူပြီး သူများတွေရဲ့ အကြံပြုချက်တွေက ကျွန်မအတွက် အဓိပ္ပာယ်မရှိရင် လက်မခံခဲ့ဘူး။ ဒါတွေ အားလုံးက ဘုရားအိမ်တော်ရဲ့ အလုပ်ကို အနှောင့်အယှက်ဖြစ်စေခဲ့တယ်။ အဲဒီအချိန်မှာ ဒီ ဘုရားနှုတ်ကပတ်တော်တွေကို ကျွန်မ နောက်ဆုံးမှာ နားလည်လာခဲ့တယ်။ “မာနထောင်လွှားသော စိတ်သဘောထားနှင့် လူတို့သည် အခြားလူတိုင်းကို သူတို့၏အောက်၌ ရှိသည်ဟု ယူဆကြသည့်အပြင်၊ အဆိုးဆုံးမှာ သူတို့သည် ဘုရားကိုပင် တင်စီးနေကြလေသည်။” “လူတို့သည် ပို၍ မာနထောင်လွှားလေ သူတို့သည် ဘုရားသခင်ကို ပို၍ဆန့်ကျင်လေ ဖြစ်တတ်သည်။” ဒီ ဘုရားနှုတ်ကပတ်တော်တွေကနေတစ်ဆင့် ကျွန်မ လုံးဝ လက်ခံယုံကြည်သွားခဲ့တယ်။ ကျွန်မ နည်းနည်းလည်း ကြောက်မိတယ်။ ဒါက အသင်းတော်ထဲမှာရှိတဲ့ အန္တိခရစ်တွေကို သတိရမိစေတယ်။ ူသူတို့က တကယ်ကို မာနထောင်လွှားပြီး အာဏာရှင်ဆန်တယ်။ သူများတွေရဲ့ အကြံပြုချက်တွေကို လုံးဝ နားမထောင်ဘူး။ သူတို့က လူတွေကို ပုတ်ခတ်ပြောဆိုပြီး ရှောင်ဖယ်တာတွေတောင် လုပ်ကြတယ်။ ဒါတွေက ဘုရားအိမ်တော်ကို နှောင့်ယှက်ပြီး ဘုရားသခင်ရဲ့ စိတ်သဘောထားကို ပုန်ကန်ပြစ်မှားပါတယ်။ သူတို့အားလုံးက ဘုရားသခင်ရဲ့ ဖယ်ရှားခြင်းကို ခံခဲ့ရတယ်။ ကျွန်မက အန္တိခရစ်တွေလုပ်ခဲ့တဲ့ မကောင်းမှုမျိုးကို မလုပ်ထားသေးဘူး။ ဒါပေမဲ့ ကျွန်မရဲ့ စိတ်သဘောထားက သူတို့နဲ့ ဘယ်လိုလုပ် ကွဲမှာလဲ။ အဲဒီအချိန်မှာပဲ ကျွန်မ ဒါကို မပြုပြင်ရင် အကျိုးဆက်တွေက ဘယ်လောက်ဆိုးမလဲဆိုတာကို သဘောပေါက်ခဲ့ပါတယ်။ နောင်တရဖို့ ဆန္ဒရှိနေရင်းနဲ့ ဘုရားသခင်ရှေ့လာပြီး ကျွန်မ ချက်ချင်း ဆုတောင်းခဲ့တယ်။

နောက်တော့ ဒီ ဘုရားနှုတ်ကပတ်တော် ကျမ်းပိုဒ်ကို ဖတ်ပါတယ်။ “ယင်းကို ယခုကြည့်ရှုရာတွင်၊ မိမိ၏ တာဝန်ကို ပြည့်ပြည့်ဝဝ ဖြည့်ဆည်းဖို့ ခက်ခဲသလော။ အမှန်တွင်၊ မခက်ခဲပေ။ လူတို့အနေဖြင့် နှိမ့်ချခြင်းသဘောတစ်ခုသာ ခံယူနိုင်ရမည်၊ အသိစိတ်အနည်းငယ် ပိုင်ဆိုင်နိုင်ရမည်ဖြစ်ပြီး သင့်တော်သော အနေအထားတစ်ခု ခံယူနိုင်ရမည်ဖြစ်သည်။ သင် မည်မျှ ပညာတတ်သည်ဟု သင် ထင်ပါစေ၊ မည်သည့် ဆုများကို သင် ရရှိပြီးဖြစ်ပါစေ၊ သို့မဟုတ် သင် မည်မျှ စွမ်းဆောင်ရရှိပြီးဖြစ်ပါစေ၊ ပြီးလျှင် သင်၏ အရည်အချင်းနှင့် အဆင့်အတန်း မည်မျှမြင့်မားသည်ဟု သင် ယုံကြည်ပါစေ၊ ဤအရာအားလုံးကို လက်လွှတ်ခြင်းအားဖြင့် သင် စတင်ရမည်၊ အဘယ့်‌ကြောင့်ဆိုသော် ၎င်းတို့သည် မည်သို့မျှ အရေးမပါသောကြောင့် ဖြစ်သည်။ ဘုရားသခင်၏ အိမ်တော်တွင် ထိုအရာများသည် မည်သို့ ကြီးမြတ်ကာ ကောင်းမြတ်ကြပါစေ၊ သမ္မာတရားထက် မမြင့်မားနိုင်ကြပေ။ ထိုအရာများသည် သမ္မာတရား မဟုတ်သကဲ့သို့ သမ္မာတရား၏ နေရာကို မယူနိုင်ပေ။ ဤသည်မှာ သင့်အနေဖြင့် အသိစိတ်ဟု ခေါ်သော အရာကို ပိုင်ဆိုင်ရမည်ဟု ငါ ပြောရသည့် အကြောင်းရင်း ဖြစ်သည်။ သင်က ‘ကျွန်ုပ်သည် အလွန်ပါရမီရှိသည်၊ ကျွန်ုပ်၌ အလွန်ထက်မြက်သည့်ဉာဏ် ရှိသည်၊ ကျွန်ုပ်၏ တုန့်ပြန်မှုသည် အလွန်မြန်သည်၊ ကျွန်ုပ်သည် မြန်မြန်ဆန်ဆန် သင်ယူနိုင်သူတစ်ဦး ဖြစ်ပြီး အလွန့်အလွန် ကောင်းမွန်သော မှတ်ဉာဏ်ရှိသည်’ ဟုဆိုပြီး ဤအရာများကို အရင်းအနှီးအဖြစ် သင် အမြဲ အသုံးပြုပါက၊ ဤအရာက ပြဿနာဖြစ်စေလိမ့်မည်။ ဤအရာများကို သမ္မတရားအဖြစ် သို့မဟုတ် သမ္မာတရားထက် မြင့်မားသကဲ့သို့ သင် မြင်ပါက၊ သင့်အတွက် သမ္မာတရားကို လက်ခံဖို့နှင့် ယင်းကို လက်တွေ့လုပ်ဆောင်ဖို့ ခက်ခဲလိမ့်မည်ဖြစ်သည်။ သူတစ်ပါးထက် သာလွန်သကဲ့သို့ အမြဲပြုမူသည့် မာန်တက်ပြီး မာနထောင်လွှားသော လူတို့သည် သမ္မာတရားကို လက်ခံဖို့ အခက်ခဲဆုံးဖြစ်ပြီး၊ လဲကျတတ်လေ့ အရှိဆုံး ဖြစ်သည်။ လူတစ်ဦးသည် မိမိ၏ မာနထောင်လွှားမှု ပြဿနာကို ဖြေရှင်းနိုင်ပါက၊ သမ္မာတရားကို လက်တွေ့လုပ်ဆောင်ဖို့ လွယ်ကူလာလေသည်။ ထို့ကြောင့်၊ သင်သည် အပေါ်ယံတွင် ကောင်းမွန်ကာ မြင့်မြတ်ပုံရပြီး၊ အခြားသူများ၏ မနာလိုမှုကို လှုံ့ဆော်သော အရာများကို ဦးစွာပစ်ချကာ ငြင်းပယ်ရမည်ဖြစ်သည်။ ထိုအရာများသည် သမ္မာတရား မဟုတ်ပေ။ ယင်းထက်၊ ၎င်းတို့သည် သမ္မာတရားထဲသို့ ဝင်ရောက်ခြင်းမှ သင့်ကို ပိတ်ဆို့နိုင်ပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ပြည့်မီသော တာဝန်ထမ်းဆောင်မှုဆိုသည်မှာ အဘယ်နည်း။”) အဲဒီနောက်မှာ ကျွန်မဟာ ကိုယ့်ရဲ့ မာနထောင်လွှားတဲ့ စိတ်သဘောထားကို ဖြေရှင်းဖို့အတွက် ကိုယ့်ကိုယ်ကိုယ် ဘေးဖယ်ထားပြီး ကိုယ့်ကိုယ်ကိုယ် ငြင်းပယ်ရမယ်ဆိုတာကို နားလည်ခဲ့တယ်။ လူသားရဲ့ ကျွမ်းကျင်မှုတွေ၊ အရည်အချင်းတွေ၊ အတွေ့အကြုံ နဲ့ ဆုကျေးဇူးတွေက ဘယ်လောက်ပဲ အံ့သြစရာကောင်းပါစေ သမ္မာတရား မဟုတ်ပါဘူး။ ဒါတွေက ကျွန်မတို့ တာဝန်ကို ထမ်းဆောင်အောင် ကူညီပေးဖို့အတွက် အသုံးချပစ္စည်းတွေပါ။ ဒါတွေကို ကျွန်မတို့ အရင်းအနှီးမပြုသင့်ဘူး။ သမ္မာတရားကို ရှာဖွေဖို့ ကြိုးစားတာ၊ အမှုအရာတွေကို စည်းမျဉ်းအတိုင်းလုပ်တာ၊ သူများတွေနဲ့ ကောင်းကောင်း အလုပ်လုပ်တာ၊ သူများတွေဆီကနေသင်ယူတာတွေအားလုံးက အရမ်း အရေးကြီးပါတယ်။ ဒါက ကျွန်မတို့ တာဝန်ကို ကောင်းကောင်းလုပ်ဖို့ တစ်ခုတည်းသော နည်းလမ်းပါ။ အဲဒီနောက်မှာ ကျွန်မ အရင်က ဒီဇိုင်းဆွဲခဲ့တဲ့ ပိုကောင်းတဲ့ ပိုစတာတချို့ကို ကြည့်ပြီး သိသာတဲ့ ပြဿနာတွေကို တွေ့ခဲ့ရတယ်။ ဥပမာ အယူအဆ၊ အလင်းအမှောင်၊ အရောင်အနုအရင့်၊ ဖွဲ့စည်းပုံလိုမျိုးတွေပေါ့။ အားလုံးကို ကျွန်မရဲ့ အော်ရီရဂျင်နယ် ပုံတွေမှာ တွေ့ရတယ်။ ဒါပေမဲ့ ညီအစ်ကို မောင်နှမတွေပေးတဲ့ တုံ့ပြန်ချက်တွေကို အခြေခံပြီး တည်းဖြတ်ပြင်ဆင်ပြီးတဲ့နောက်မှာ အများကြီး တိုးတက်သွားတယ်။ တချို့ဆိုရင် လုံးဝ အားလုံး ပြောင်းလဲသွားတယ်။ ဒါကို မြင်ရတော့ ကျွန်မ တော်တော် ရှက်မိတယ်။ ကျွန်မက ကိုယ့်အလုပ်မှာ အောင်မြင်မှုတချို့ရခဲ့ပြီး သူများတွေဆီက ချီမွမ်းမှုတချို့ ရခဲ့တာက သူတို့ထက်ပိုပြီး ပညာပိုင်းဆိုင်ရာ ကျွမ်းကျင်မှုနဲ့ အတွေ့အကြုံ ရှိတာကြောင့်လို့ ထင်ခဲ့တာ။ ဘယ်သူပြောတာကိုမှ နားမထောင်ဘဲ ဒီအပေါ်မှာ အရင်းအနှီးပြုခဲ့တာပါ။ ဒါပေမဲ့ တကယ်တမ်းက ကျွန်မက သမ္မာတရားရဲ့ စည်းမျဉ်းတွေကို လိုက်နာခဲ့ပြီး တခြားလူတွေရဲ့ အကြံပြုချက်တွေကို လက်ခံခဲ့တာကြောင့် ကျွန်မရဲ့ ဒီဇိုင်းတွေက အောင်မြင်တာပါ။ ဒါတွေက ဘုရားသခင်ရဲ့ လမ်းပြမှုနဲ့ ဉာဏ်အလင်းဖွင့်ပြမှုကြောင့်၊ ညီအစ်ကို မောင်နှမတွေနဲ့ လိုက်ဖက်ညီစွာ၊ နှိမ့်ချစွာ အလုပ်လုပ်ခြင်းကြောင့် ဖြစ်လာတာပါ။ ကျွန်မလုပ်တာတွေအားလုံးက သမ္မာတရားရဲ့ စည်းမျဉ်းကို မရှာဖွေဘဲ၊ သူများတွေရဲ့ တုံ့ပြန်ချက်တွေကို မယူဘဲ ကိုယ့် ပညာပိုင်းဆိုင်ရာ ကျွမ်းကျင်မှုကို အားကိုးနေတဲ့အခါမှာ ကျွန်မရဲ့ ပုံတွေက လုံးဝ မကောင်းဘဲ အသင်းတော်အလုပ်ကို တော်တော် နှောင့်နှေးစေခဲ့တယ်။ ကျွန်မ မာနထောင်လွှားနေခဲ့တဲ့၊ ကိုယ့်နည်းလမ်းကို ကိုယ့်ဘာသာ မှန်တယ်လို့ထင်နေခဲ့တဲ့ အချိန်တွေကို ပြန်စဉ်းစားမိတဲ့အခါ တော်တော် ရှက်ခဲ့မိတယ်။ ကျွန်မက သူများထက်ပိုပြီး ဘာမှ ထူးခြားမှုမရှိတာ ရှင်းပါတယ်။ ကျွန်မက ဒီဇိုင်းနဲ့ပတ်သက်ပြီး အပေါ်ယံလေးသာ သိထားပြီး တကယ့် ပညာရှင်ဖြစ်ဖို့ အရမ်းဝေးနေပါသေးတယ်။ ဒါပေမဲ့ ကျွန်မက ကိုယ့်ကိုယ်ကိုယ် အရမ်းသေချာနေပြီး အရမ်းကို မာနထောင်လွှားနေတုန်းပဲ။ ကျွန်မက တော်တော် မာန်တက်နေခဲ့တာ။ ဒီလိုမျိုး နားလည်သဘောပေါက်ပြီးတော့ ကျွန်မ ဆုတောင်းပြီး ကျွန်မရဲ့ အမြင်တွေကို စွန့်လွှတ်လိုက်တယ်။ သူများတွေရဲ့ တုံ့ပြန်ချက်တွေကို လိုက်နာခဲ့တယ်။ ပိုကောင်းတဲ့ ရလဒ်တွေရဖို့ တည်းဖြတ်ပြင်ဆင်မှုတွေကို ဘယ်လိုလုပ်ရမယ်ဆိုတာ သေချာ စဉ်းစားခဲ့တယ်။ အဓိကပြဿနာက ပြေလည်သွားရုံတင်မကဘဲ အသုံးပြုဖို့ ပိုကောင်းတဲ့ အရောင်ကိုပါ တွေ့ခဲ့တယ်။ ပုံကို ကျွန်မ အမြန် တည်းဖြတ်ပြင်ဆင်နိုင်ခဲ့ပြီး ဒီ အပြောင်းအလဲတွေလုပ်ပြီးတဲ့နောက်မှာ တော်တော်ကို ပိုကောင်းသွားတယ်လို့ ညီအစ်ကို မောင်နှမတွေက ပြောကြတယ်။ ဒါကို သိမြင်ပြီး သဘောပေါက်သွားတဲ့အခါမှာ ကျွန်မ တော်တော် ရှက်မိတယ်။ ကျွန်မရဲ့ ကိုယ်ပိုင် မာနထောင်လွှားမှုကြောင့် သက်သက်နဲ့ အဲဒီပုံကို အများကြီး ပြန်လည်ပြင်ဆင်မှုတွေ လုပ်ခဲ့ရတယ်။ တန်ဖိုးရှိတဲ့အချိန်တွေ အများကြီး ဖြုန်းတီးခဲ့ပြီး သူများတွေကို အဆင်မပြေဖြစ်စေခဲ့တယ်။ ဘုရားအိမ်တော်ရဲ့အလုပ်ကို တော်တော်ကို အနှောင့်အယှက်ဖြစ်စေခဲ့တယ်။ ကျွန်မရဲ့ ကျွမ်းကျင်မှုက ရပ်တန့်သွားရုံမကဘဲ ကျွန်မရဲ့ အသက်ဝင်ရောက်မှုကိုလည်း အဟန့်အတားဖြစ်စေခဲ့တယ်။ ကျွန်မရဲ့ မာနထောင်လွှားတဲ့ စိတ်သဘောထားနဲ့ နေထိုင်ခြင်းက ထိခိုက်နစ်နာမှုတွေပဲ ဖြစ်စေတာကို တွေ့ခဲ့ရပါတယ်။ နောင်တတွေ အများကြီးရပြီး တိတ်တဆိတ်နဲ့ စိတ်ပိုင်းဖြတ်ခဲ့တယ်။ “ဘယ်လို တုံ့ပြန်မှုမျိုးကိုပဲ ကျွန်မ ရပါစေ ကိုယ့်ကိုယ်ကိုယ် ဘေးဖယ်ထားဖို့၊ သမ္မာတရားကို ရှာဖွေဖို့ ဘုရားအိမ်တော်ရဲ့ အကျိုးစီးပွားကို ဦးစားပေးဖို့ သင်ယူမယ်။ မာနထောင်လွှားမှုနဲ့ ဆက်ပြီးနေထိုင်နေလို့ မဖြစ်ဘူး” ဆိုပြီးတော့။

မကြာသေးခင်တုန်းက ဘုရားနှုတ်ကပတ်တော် ရွတ်ဖတ်ခြင်း ဗီဒီယိုတစ်ခုအတွက် ပုံတစ်ခုကို ကျွန်မ ဒီဇိုင်းဆွဲရတယ်။ ညီအစ်ကို မောင်နှမတွေကို ကျွန်မရဲ့ ပထမဆုံး ပုံကြမ်းကို ပြတဲ့အခါမှာ ကမ္ဘာလုံးပုံက အရမ်းကြီးလွန်းပြီး အလယ်မှာ ပြည့်ကျပ်နေသလို ထင်ရတော့ မြင်ကွင်းက သိပ် မပွင့်လင်းဘူး ဆိုပြီး သူတို့ကပြောတယ်။ ကျွန်မကို တိုးတက်မှုရှိလာအောင် ကူညီပေးဖို့အတွက် ကိုးကားဖို့ ပုံတွေကို ကျွန်မဆီ ပို့ပေးကြတယ်။ ကျွန်မက စပြီး တွေးမိတယ်။ “သင့်တော်တဲ့ ထိရောက်မှုရှိဖို့အတွက် ကမ္ဘာလုံးက အဲဒီလောက် ကြီးမှဖြစ်မယ်။ နင်တို့က ပညာပိုင်းဆိုင်ရာ ဂရပ်ဖစ်ဒီဇိုင်း အတွေ့အကြုံ ဒါမှမဟုတ် လက်တွေ့သင်တန်းတစ်ခုမှ မရှိပါဘူး။ ဒီအပိုင်းမှာ ငါက ပိုပြီး ကျွမ်းကျင်မှုရှိတယ်။ နင်တို့ရဲ့ တုံ့ပြန်ချက်ကနေ ငါ ဘာမှ ရစရာမရှိဘူး” ပေါ့။ အဲဒါနဲ့ သူတို့ရဲ့ တုံ့ပြန်ချက်တွေကို ကျွန်မ ဖြစ်သလိုပဲ အကြမ်းဖျင်းဖတ်ပြီး ကိုယ်ပိုင် ထင်မြင်ချက်ကိုပဲ ထည့်စဉ်းစားခဲ့တယ်။ ဒီအချိန်မှာ ကျွန်မက မာနထောင်လွှားမှုကို ထပ်ပြနေပြီ၊ တုံ့ပြန်ချက်တွေ ဒါမှမဟုတ် အဆုံးသတ်ရလဒ်ကို စိတ်အေးအေးထားပြီး မစဉ်းစားဘူးဆိုတာကို ကျွန်မ သတိပြုမိလိုက်တယ်။ ကျွန်မက ရမ်းသန်းပြီး အကဲဖြတ်တာတွေ လုပ်နေတာပါ။ ဒါက ဘုရားအလိုတော်နဲ့ ကွဲလွဲနေတယ်။ ကျွန်မ ချက်ချင်းပဲ ဆုတောင်းလိုက်တယ်။ သမ္မာတရားကို လက်တွေ့လုပ်ဆောင်နိုင်ပြီး ကျွန်မရဲ့ ဇာတိပကတိကို စွန့်လွှတ်နိုင်ဖို့အတွက် ကျွန်မ စိတ်နှလုံးကို ငြိမ်သက်စေဖို့ ဘုရားသခင်ကို တောင်းလျှောက်ခဲ့တယ်။ အဲဒီနောက်မှာ ဘုရားနှုတ်ကပတ်တော်ထဲက ဒီ အပိုဒ်ကို ဖတ်ခဲ့ပါတယ်။ “သင်သည် ဦးစွာ နှိမ့်ချခြင်းသဘောထား ရှိရမည်၊ သင်က မှန်ကန်သည်ဟု ယုံကြည်သောအရာကို ဘေးဖယ်ထားရမည်ဖြစ်ပြီး လူတိုင်းကို မိတ်သဟာယပြုရန် အခွင့်ပေးရမည် ဖြစ်သည်။ သင်၏နည်းလမ်းက မှန်ကန်သည်ဟု သင်ယုံကြည်လျှင်ပင်၊ ယင်းကို ထပ်တလဲလဲ မလျှော့တမ်း မပြောသင့်ပေ။ ပထမအနေဖြင့် ၎င်းသည် ရှေ့တစ်လှမ်းတက်ခြင်းမျိုး ဖြစ်သည်။ ယင်းက သမ္မာတရားကို ရှာဖွေခြင်း၊ သင့်ကိုယ်သင် ငြင်းပယ်ခြင်းနှင့် ဘုရားသခင်၏အလိုတော်ကို ဖြည့်ဆည်းခြင်းဟူသော သဘောထားကို ပြသသည်။ သင့်တွင် ဤသဘောထား ရှိသောအခါ၊ သင်သည် သင့်ကိုယ်ပိုင်ခံယူချက်ကို မစောင့်ထိန်းတော့သည်နှင့် တစ်ပြိုင်နက်၊ ဆုတောင်းတော့သည်။ သင်သည် အမှားနှင့်အမှန်ကို မသိသောကြောင့် အကောင်းဆုံး၊ အသင့်တော်ဆုံး ပြုလုပ်ရမည့်အရာကို ထုတ်ဖော်ရန်နှင့် ပြောပြရန် သင်က ဘုရားသခင်ကို အခွင့်ပေးသည်။ အယောက်တိုင်းက မိတ်သဟာယတွင် ပါဝင်လာကြသောအခါ သန့်ရှင်းသော ဝိညာဉ်တော်က သင့်အား ဉာဏ်အလင်း အားလုံးကို ယူဆောင်လာပေးသည်။ဘုရားသခင်သည် တစ်ခါတစ်ရံ သင်၏ သဘောထားကို ဆင်ခြင်သုံးသပ်ရုံသက်သက်ဖြစ်သည့် ဖြစ်စဉ်တစ်ခုနှင့်အညီ လူတို့ကို ဉာဏ်အလင်းပေးလေသည်။ သင်၏ သဘောထားသည် မိမိဆန္ဒအမြင်ကို ထုတ်ပြောရန် ဝန်မလေးသည့် မာကျောသော သဘောထားတစ်ခုဖြစ်ပါက၊ ဘုရားသခင်သည် သူ၏ မျက်နှာကို သင့်ထံမှ ကွယ်ဝှက်လိမ့်မည်ဖြစ်ပြီး သူ့ကိုယ်သူ သင့်ထံမှ ပိတ်ပင်ထားလိမ့်မည်ဖြစ်သည်။ သူသည် သင့်ကို ဖော်ထုတ်လိမ့်မည်ဖြစ်ပြီး၊ သင် တားဆီးခံရသည်ကို သေချာစေမည် ဖြစ်သည်။ အခြားတစ်ဘက်တွင်၊ သင်၏ သဘောထားသည် မှန်ကန်ပါက၊ သင်ကိုယ်တိုင်၏ နည်းလမ်းအတွက် မရမကပြောဆိုခြင်း မရှိသည်သာမက၊ မိမိကိုယ်ကိုယ် ဖြောင့်မတ်သည်ဟု မယူမှတ်သကဲ့သို့ ထင်ရာမြင်ရာနှင့် မဆင်မခြင်မလုပ်ဘဲ သမ္မာတရားကို ရှာဖွေခြင်းနှင့် လက်ခံခြင်း သဘောထားတစ်ခု ရှိပါက၊ အဖွဲ့နှင့် သင် မိတ်သဟာယပြုပြီး၊ သန့်ရှင်းသော ဝိညာဉ်တော်က သင်တို့အလယ် အမှုပြုဖို့ အဆင်သင့်ရှိသည့်အခါတွင်၊ သူသည် တစ်စုံတစ်ဦး၏ စကားများအားဖြင့် သင့်ကို သိနားလည်မှုဆီသို့ ဦးဆောင်လမ်းပြကောင်း လမ်းပြလိမ့်မည်ဖြစ်သည်။” (ဘုရားသခင်၏ မိတ်သဟာယဖွဲ့ခြင်း) ဘုရားသခင်၏ မိတ်သဟာယဖွဲ့ခြင်း မှ အဲဒီနောက်မှာ ကျွန်မ တာဝန်မှာ သူများတွေဆီက မတူညီတဲ့ အယူအဆတွေကို ကြုံရတဲ့အခါ ဒါက ဘုရားသခင်က ခွင့်ပြုတဲ့အရာတစ်ခုပဲဆိုတာကို ကျွန်မ နားလည်ခဲ့ပါတယ်။ ဘုရားသခင်က ကျွန်မတို့ရဲ့ အတွေးတိုင်းနဲ့ လုပ်ရပ်တိုင်းကို စောင့်ကြည့်နေတယ်။ ဒါကြောင့် သမ္မာတရားကို ကျွန်မ လက်တွေ့လုပ်ဆောင်သင့်ပြီး ဘုရားသခင်ရဲ့ စစ်ဆေးခြင်းကို လက်ခံသင့်တယ်။ အမှုအရာတွေကို အပေါ်ယံ အမြင်အတိုင်း ကြည့်ပြီး တခြားလူတွေရဲ့ ပညာရပ်ပိုင်းဆိုင်ရာ အသိစိတ်ကို အကဲဖြတ်လို့မရပါဘူး။ ကျွန်မက ပိုပြီး တတ်သိခဲ့ရင်တောင်၊ ကျွန်မရဲ့ စိတ်ကူးက ဘယ်လောက် ကျိုးကြောင်းသင့်လျော်တယ်ပဲဖြစ်ဖြစ် ဘဝင်မြင့်မနေဘဲ ကိုယ့်ကိုယ်ပိုင် အတွေးတွေကို ဘေးဖယ်ထားပြီး သမ္မာတရားရဲ့ စည်းမျဉ်းတွေကို ရှာဖွေသင့်တယ်။ ထိရောက်မှုအရှိဆုံးအရာတိုင်းကို လုပ်ဆောင်သင့်ပါတယ်။ အဆုံးမှာ ကျွန်မက မှန်နေခဲ့ရင်တောင်မှ အနည်းဆုံးတော့ ဘုရားသခင်က လိုအပ်တဲ့အတိုင်း သမ္မာတရားကို ရှာဖွေပြီး လက်တွေ့လုပ်ဆောင်မိမှာပဲ။ ဒါက တန်ဖိုးဖြတ်လို့မရပါဘူး။ ဘုရားသခင်က သူ့ကို ရန်လိုမှုရှိတဲ့ ကျွန်မရဲ့ ဆိုးယုတ်တဲ့ စိတ်သဘောထားကို ရွံ့မုန်းတယ်။ ဒါကြောင့် ကျွန်မရဲ့ မာနထောင်လွှားမှုကို ပြသတာက အမှားတစ်ခုလုပ်မိတာထက် ပိုဆိုးတယ်။ ကျွန်မရဲ့ မာနထောင်လွှားမှုက ဘုရားအိမ်တော်ကို တကယ်ကို နှောင့်ယှက်ခဲ့တာကို စဉ်းစားမိပြီး ဒါကို မကြိုက်နှစ်သက်ခဲ့ဘူး။ ပြီးတော့ ကျွန်မ အရမ်းကြီးခေါင်းမမာသင့်ဘူးလို့ တကယ်ကို ခံစားခဲ့ရတယ်။ ပြန်လည်ပြင်ဆင်ဖို့အတွက် အကြံပြုချက်တွေကို ကျွန်မ စိတ်အေးအေးနဲ့ ချဉ်းကပ်သင့်ပြီး ပုံကို ပိုကောင်းအောင် ကြိုးပမ်းသင့်တယ်။ အဲဒီနောက်မှာ သူများတွေရဲ့ အကြံပြုချက်တွေကို အလေးအနက် ခံယူခဲ့ပြီး ကျွန်မ သင်ယူလေ့လာနိုင်တဲ့ တကယ်ကို စတိုင်ကျတဲ့ ကိုးကားဖို့ ပုံတစ်ခုကို တွေ့ခဲ့တယ်။ ဒီတစ်ခါမှာ တခြားအဖွဲ့ဝင်တွေနဲ့ ကျွန်မ ဆွေးနွေးတိုင်ပင်ခဲ့ပြီး တည်းဖြတ်ပြင်ဆင်တာတွေကို အကြံပြုချက်အတိုင်းလုပ်ဖို့ လူတိုင်းက သဘောတူခဲ့တယ်။ အပြင်အဆင်နဲ့ တခြားအချက်အလက်တွေကို ကျွန်မ ပြန်လုပ်ခဲ့ပြီး မျက်စိတစ်မှိတ်အတွင်းမှာတင် ပြီးသွားတယ်။ ဒါတွေအားလုံးက ဘုရားသခင်ရဲ့ ဉာဏ်အလင်းဖွင့်ပြမှုနဲ့ လမ်းညွှန်မှုကနေတစ်ဆင့် အောင်မြင်ခဲ့တယ်လို့ ခံစားခဲ့ရပါတယ်။ နောက်ထပ် အကြံပြုချက်တွေ နည်းနည်း ထပ်ရခဲ့ပေမဲ့ ကျွန်မ သင့်တော်သလို ကိုင်တွယ်ခဲ့ပြီး အရမ်း အတိုက်အခံလုပ်ချင်သလို မခံစားခဲ့ရဘူး။ ဘုရားသခင်ကို သက်သေခံဖို့အတွက် အကြိမ်ရေ လိုအပ်သလောက် ပြောင်းလဲဖို့အတွက် ပျော်ရွှင်နေခဲ့ပါတယ်။ နည်းနည်းလောက် ပြန်စစ်ဆေးပြီးတဲ့နောက်မှာ လူတိုင်းက ကောင်းတယ်လို့ပြောကြပြီး ဘာ အကြံပြုချက်မှ မရှိခဲ့ဘူး။ ကျွန်မရဲ့ တာဝန်ကို အဲဒီလိုလုပ်ရတာ ဘယ်လောက်ကောင်းတယ်ဆိုတာကို ကျွန်မ မြင်ခဲ့ရပါတယ်။

ဆုံးမပဲ့ပြင်ခံရပြီးတဲ့နောက်မှာ၊ ဘုရားနှုတ်ကပတ်တော်တွေကို ဖတ်ပြီး ကျွန်မရဲ့ မာနထောင်လွှားတဲ့ ဆိုးယုတ်တဲ့ စိတ်သဘောထားကို နောက်ဆုံးမှာ နားလည်သွားခဲ့ပြီး မုန်းတီးခဲ့ပါတယ်။ သမ္မာတရားကို ရှာဖွေပြီး လက်ခံဖို့က ဘယ်လောက် အရေးပါတယ်ဆိုတာကို ကျွန်မ မြင်တွေ့ခဲ့တယ်။ ကျွန်မ အရင်ကလိုမျိုး မာနမထောင်လွှားတော့ဘူး။ ပြီးတော့ သူများတွေဆီကနေ အကြံပြုချက်တွေကို ကျွန်မ ယူနိုင်ပါတယ်။ ကျွန်မ ဒီလိုမျိုး ပြောင်းလဲသွားတာက ဘုရားသခင်ရဲ့ တရားစီရင်မှု၊ ပြစ်တင်ဆုံးမမှုနဲ့ ဆုံးမပဲ့ပြင်မှုကြောင့် သက်သက်ပါပဲ။

အရှေ့သို့- ၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

နောက်တစ်ခုသို့- ၆၆။ ကျွန်မရဲ့ မောက်မာမှုကို ပြောင်းလဲပစ်ခဲ့ပုံ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်