၇၉။ နေမကောင်းသူ၏အိပ်ရာမှ အသိတရားဝင်လာခြင်း

ယန်ဖန်း တရုတ်နိုင်ငံ

ကျွန်မ နောက်ဆုံးသောကာလ အနန္တတန်ခိုးရှင်ဘုရားသခင်၏ အလုပ်ကို လက်ခံပြီးသည့်နောက်၊ နေ့တိုင်း ဘုရားသခင်၏ နှုတ်ကပတ်တော်များဖတ်ပြီး မိမိကိုယ်ကိုယ် ဧဝံဂေလိတရား ဟောခြင်းနှင့် တာဝန်ကို လုပ်ဆောင်ခြင်းမှာသာ နစ်မြှုပ် ထားခဲ့ပါသည်။ မည်သည့်အရာ ဖြစ်နေပါစေ မည်သည့်အခါမျှ ကျွန်မ မရပ်တန့်ခဲ့ပါ။ ကျွန်မ ယခင်က အနုစား သိုင်းရွိုက်များသည့် ရောဂါရှိသည်ဟု ရောဂါဖော်ထုတ်ခံရပြီး ဆရာဝန်ကလည်း များများ အနားယူဖို့ ပြောခဲ့ပါသည်။ သို့ရာတွင် ကျွန်မက “သခင်ပြန်လာဖို့ကို ကြိုဆိုရတာ လွယ်တာတော့မဟုတ်ဘဲ၊ ဒီလိုဝေဒနာလေးတစ်ခုက ငါ့တာဝန်ကို နှောင့်ယှက်တာမျိုး အဖြစ်မခံနိုင်ဘူး။ ငါတာဝန် ထမ်းဆောင်နေသမျှ ဘုရားသခင်က ငါ့ကိုစောင့်ကြည့်ပြီး ကာကွယ်ပေးမှာပဲ။” ဟု တွေးမိသည်။

တစ်နှစ်ကျော် ကြာပြီးသည့်နောက်မှာ ကျွန်မ၏ဝေဒနာက ဆိုးပြီးရင်း ဆိုးလာခဲ့ပါသည်။ မျိုချရသည်ပင် ခက်ခဲလာသောကြောင့်၊ စစ်ဆေးဖို့အတွက် ဆေးရုံကိုသွားခဲ့ပါသည်။ ဆရာဝန်က ထိုအချိန်မှာ ကျွန်မ၏အခြေအနေက ပြင်းထန်နေပြီး ချက်ချင်းခွဲစိတ်ရမည်ဟု ပြောခဲ့သည်။ သို့မဟုတ်ပါက ကျွန်မ၏အခြေအနေက အသက်အန္တရာယ်ပင် ရှိလာနိုင်သည်ဟု သူက ပြောပါသည်။ ကျွန်မ မှင်တက်သွားရပါသည်။ မည်သည့်အရာလုပ်ရမှန်း မသိခဲ့ပါ။ ဤကဲ့သို့ ဝေဒနာက သည်လောက်ထိ ဆိုးသွားလိမ့်မည်ဟု တစ်ခါမှ မတွေးခဲ့ဖူးပါ။ ကျွန်မ ထိုအချိန်ကအသက် ၂၀ ကျော်ပဲရှိသေးတော့၊ “ငါအရမ်းငယ်သေးတာပဲ။ ဒီအခြေအနေကို မကုသနိုင်ရင် ငါ ဘယ်လိုဖြစ်သွားမလဲ။ ငါ ဘုရားသခင်ကို စပြီးယုံကြည်ကတည်းက တာဝန်ကို စိတ်ပါလက်ပါနဲ့ အမြဲပြီးမြောက်ခဲ့တာပဲ။ ငါ့အလုပ်တောင် ထွက်ခဲ့ရတာ။ ဘုရားသခင်က ဘာလို့ ငါ့ကို မကာကွယ်ပေးရတာလဲ။ ဒီဝေဒနာက ဘယ်လိုကြောင့်များ ပိုဆိုးလာရတာလဲ။” ဟု ကျွန်မဘာသာ တွေးမိပါသည်။ ကျွန်မ မခွဲစိတ်မီ နေ့လည်တွင် ဆေးရုံ၏ နောက်ထပ်လူနာဆောင်တစ်ခုကို ဖြတ်သွားခဲ့ရပါသည်။ ထိုနေရာက လူနာတစ်ယောက်က ဆုံးပါးသွားသည့်အခါ၊ သူတို့ မိသားစုဝင်များ အားလုံးလည်း ငိုနေကြသည်။ ဤသည်က ကျွန်မ တကယ် ကြောက်သွားစေသည်။ ကျွန်မလည်း သေခြင်းတရားက ကျွန်မနှင့် နီးကပ်နေပြီဟု ခံစားခဲ့ရပြီး၊ နောက်နေ့ မနက် ခွဲစိတ်ရတော့မည်။ ဆရာဝန်က စွန့်စားရနိုင်ခြေ ကြီးကြောင်းနှင့် ခွဲစိတ်မှုရလဒ်ကို ခန့်မှန်းဖို့ ခက်ကြောင်း ပြောခဲ့ပါသည်။ ကျွန်မက “ခွဲစိတ်မှု မအောင်မြင်ရင် ဘယ်လိုလုပ်မလဲ။ ငါ့ယုံကြည်မှုအတွက် အများကြီး စတေးခဲ့တယ်- အဲဒါတွေက အလကားဖြစ်သွားပြီလား။” ဟု ကျွန်မ တွေးခဲ့မိပါသည်။ ကျွန်မ၏ လူနာဆောင်ကိုရောက်တော့၊ အိပ်ယာထဲမှာ လှဲနေရင်းနှင့်၊ ထိုအကြောင်းတွေးလေလေ ပိုပြီး ဗျာများလေလေ ဖြစ်ခဲ့ရပါသည်။ ကျွန်မကို ကာကွယ်ဖို့၊ ဘုရားရှေ့မှောက်မှာ ငြိမ်းချမ်းစွာထားဖို့နှင့် ဖြစ်ခဲ့သည့် အရာများအားဖြင့် နောက်တွန့်မနေစေရန် ကူညီဖို့ တောင်းဆိုလျက်၊ ကျွန်မ ဘုရားကို ဆက်တိုက်ခေါ်နေခဲ့သည်။ ကျွန်မ၏ ဆုတောင်းချက်နောက်တွင် ဘုရားသခင်၏ နှုတ်ကပတ်တော်များ ဤအပိုဒ်ကို သတိရခဲ့မိပါသည်၊ “လူသားမျိုးနွယ်တစ်ရပ်လုံးထဲမှ အနန္တတန်ခိုးရှင်၏ မျက်လုံးထဲ၌ ဂရုစိုက်မခံရသူဟူ၍ မည်သူရှိသနည်း။ အနန္တတန်ခိုးရှင်၏ ကြိုတင်ပြဋ္ဌာန်းထားခြင်း အလယ်၌ မနေထိုင်သူ မည်သူရှိသနည်း။ လူသား၏ အသက်ရှင်ခြင်းနှင့် သေခြင်းသည် သူကိုယ်တိုင်၏ ရွေးချယ်ချက်ဖြင့် ဖြစ်ပျက်သလော။ လူသားသည် သူကိုယ်တိုင်၏ ကံကြမ္မာကို ထိန်းချုပ်ထား သလော။ များစွာသောလူတို့သည် သေခြင်းတရားကို အော်ခေါ်ကြ သော်လည်း၊ ၎င်းသည် သူတို့ထံမှ ဝေးကွာနေ၏။ များစွာသောလူတို့သည် ဘဝတွင် ကြံ့ခိုင်၍ သေခြင်းတရားကို ကြောက်ရွံ့သောသူများ ဖြစ်လိုကြသော်လည်း၊ ၎င်းတို့အား သေခြင်းတရား၏ အသူတစ်ရာ နက်သောချောက်ထဲသို့ ထိုးဆင်းနေရင်း ၎င်းတို့၏သေဆုံးခြင်း နေ့ရက်သည် ၎င်းတို့သတိမထားမိခင် ချဉ်းကပ်လာနေ၏။ များစွာသောလူတို့သည် ကောင်းကင်သို့ ကြည့်၍ လေးလေးပင်ပင် သက်ပြင်းချကြ၏။ များစွာသောလူတို့သည် သည်းထန်စွာငိုကြွေး၍ အော်မြည် ရှိုက်ငိုကြ၏။ များစွာသောလူတို့သည် စမ်းသပ်မှုများအကြား လဲပြိုကြပြီး များစွာသောလူတို့သည် စုံစမ်းသွေးဆောင်ခြင်း၏ အကျဉ်းသားများ ဖြစ်သွားကြ၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၁” စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ) ဘုရားသခင်၏ နှုတ်ကပတ်တော်များက ကျွန်မကို ယုံကြည်မှုပေးခဲ့ပါသည်။ ဘုရားသခင်က လူသားအားလုံး၏ကံကြမ္မာကို သူ၏လက်ထဲတွင် ကိုင်ထားပြီး လူများက သူတို့ကံကြမ္မာကို သူတို့ဘာသာ မဆုံးဖြတ်နိုင်ကြပါ။ ခွဲစိတ်မှု အောင်မြင်သည် ဖြစ်စေ၊ မအောင်မြင်သည်ဖြစ်စေ၊ အသက်ရှင်သည်ဖြစ်စေ၊ မရှင်သည်ဖြစ်စေ၊ အားလုံးက ဘုရားသခင်၏ လက်တော်ထဲမှာသာ ရှိပါသည်။ ဘုရားသခင်၏ နှုတ်ကပတ်တော်များ၏ လမ်းညွှန်ပေးခဲ့မှုကြောင့်၊ ကျွန်မ စိတ်ပူခြင်း ကြောက်ခြင်းများ မရှိတော့ပါ။ ကျွန်မ ဘုရားသခင်ကို ကိုးစားပြီး ခွဲစိတ်မှုကို ယုံကြည်စွာ ဘုရားသခင်ထံ အပ်နှံပြီး ဘုရားသခင်၏အုပ်စိုးမှုကို နာခံချင်ခဲ့ပါသည်။

ထိုညနေတွင် အခြားအဆောင်က လူနာများ အားလုံး အိပ်ပျော်နေကြသော်လည်း၊ ကျွန်မက ထိုနေရာမှာ တစ်မှေးပင် အိပ်မပျော်ဘဲ ဤအတိုင်း လှဲနေခဲ့ပါသည်။ ဘုရားသခင်၏ မည်သည့်အလိုတော်ကများ ကျွန်မမှာ ဤကဲ့သို့ ဝေဒနာဖြစ်လာဖို့ ခွင့်ပြုခဲ့သည်ကိုလည်းကောင်း၊ မည်သို့သင်ခန်းစာကို သင်ယူသင့်သည်ကိုလည်းကောင်း ဆက်တိုက် စဉ်စားနေခဲ့ပါသည်။ နောက်တော့ ဘုရားသခင်၏နှုတ်ကပတ်တော်များ ကျမ်းပိုဒ် တစ်ပိုဒ်က ခေါင်းထဲရောက်လာခဲ့ပါသည်၊ “၎င်းတို့ကို ငါ အနာငြိမ်းစေနိုင်၍သာ ငါ့ကို များစွာသောသူတို့က ယုံကြည်ကြသည်။ ၎င်းတို့၏ခန္ဓာကိုယ်များမှ မသန့်ရှင်းသော ဝိညာဉ်များကို နှင်ထုတ်ရန် ငါ၏တန်ခိုးများကို အသုံးပြုနိုင်၍သာ ငါ့ကို များစွာသောသူတို့က ယုံကြည်ကြပြီး၊ ငါ့ထံမှ ငြိမ်သက်ခြင်းနှင့် ဝမ်းမြောက်ခြင်းတို့ကို ၎င်းတို့ ရကောင်းရလိမ့်မည် ဖြစ်သောကြောင့်သာ ငါ့ကို များစွာသော သူတို့က ယုံကြည်ကြပေသည်။ သာ၍ကြီးမားသော ရုပ်ဝတ္ထုဆိုင်ရာ ကြွယ်ဝမှုကို ငါ့ထံမှ တောင်းခံရန်သာ များစွာသောသူတို့က ငါ့ကို ယုံကြည်ကြသည်။ ဤဘဝကို အေးအေးချမ်းချမ်း ကုန်ဆုံးပြီး၊ နောင်ဘဝတွင် ဘေးကင်းလုံခြုံမှုရှိဖို့ရန်သာ များစွာသောသူတို့က ငါ့ကို ယုံကြည်ကြသည်။ ငရဲ၏ဒုက္ခဆင်းရဲကို ရှောင်ရှားပြီး၊ ကောင်းကင်၏ကောင်းချီးမင်္ဂလာများ ရရှိရန် များစွာသောသူတို့က ငါ့ကို ယုံကြည်ကြသည်။ များစွာသောသူတို့က ယာယီ ကိုယ်စိတ်ချမ်းသာခြင်းအတွက်သာ ငါ့ကို ယုံကြည်သော်လည်း၊ နောင်ဘဝ၌ မည်သည့်အရာမျှ ရရှိရန် မကြိုးစားကြပေ။ လူသားအပေါ် ငါ၏ အမျက်ဒေါသကို ဆောင်ကြဉ်းခဲ့ပြီး တစ်ချိန်က သူ ပိုင်ဆိုင်ခဲ့သည့် ဝမ်းမြောက်ခြင်းနှင့် ငြိမ်သက်ခြင်းတို့ကို ငါ သိမ်းပိုက်ခဲ့ချိန်တွင်၊ လူသားသည် သံသယရှိလာခဲ့၏။ ငါသည် လူသားကို ငရဲ၏ ဆင်းရဲဒုက္ခကို ပေးပြီး ကောင်းကင်၏ ကောင်းချီးမင်္ဂလာတို့ကို ပြန်လည် သိမ်းယူသည့်အခါ၊ လူသား၏အရှက်သည် ဒေါသအဖြစ်သို့ ပြောင်းသွား၏။ သူ့ကို ရောဂါငြိမ်းစေရန် ငါ့အား သူတောင်းဆိုသည့်အခါ၊ ငါသည် သူ့ကို အလေးဂရုမပြုသကဲ့သို့ သူ့အပေါ် စက်ဆုပ်ရွံ့ရှာမှု ခံစားခဲ့ရသည်။ လူသားသည် အောက်လမ်းဆေးဝါးနှင့် မှော်အတတ်တို့၏ နည်းလမ်းကိုသာ ရှာရန် ငါ့ထံမှ ထွက်ခွာသွားခဲ့သည်။ ငါ့ထံမှ လူသားတောင်းဆိုခဲ့ပြီးသမျှအားလုံးကို ငါသိမ်းယူလိုက်ချိန်တွင်၊ အယောက်တိုင်းက အစအနရှာ၍မရအောင် ပျောက်သွားကြ၏။ ထို့ကြောင့် ငါသည် အလွန်များလှစွာသော ကျေးဇူးတော်ပေးပြီး ရရန် များလွန်းသောကြောင့်၊ လူသားသည် ငါ၌ ယုံကြည်ခြင်း ရှိသည်ဟု ငါဆို၏။” (သိုးသငယ်နောက်လိုက်ပြီး သီချင်းအသစ်များကိုသီဆိုပါ “ဘုရားကို လူယုံကြည်မှု၏ နောက်ကွယ်မှ စက်ဆုပ်ဖွယ် ရည်ရွယ်ချက်များကျူး”)

ဘုရားသခင်၏နှုတ်ကပတ်တော်များက ကျွန်မ အခြေအနေကို အတိအကျ ဖော်ညွှန်ထားပါသည်။ ကျွန်မသည် အပြန်အလှန်အားဖြင့် ဘုရားသခင်ထံမှ ကျေးဇူးတော်နှင့် ကောင်းချီးကိုရဖို့ ဘုရားသခင်ကို ယုံကြည်ခဲ့ပါသည်။ ကျွန်မကိုယ်ကျိုးအတွက်သာ ဘုရားသခင်ကို ယုံကြည်ခဲ့မိခြင်း ဖြစ်ပေသည်။ ဆရာဝန်က ကျွန်မဝေဒနာ ဆိုးနေပြီဟု ပြောကတည်းက၊ ကျွန်မ နှလုံးသားထဲမှာ၊ ဘုရားသခင်နှင့် ငြင်းခုန်နေခဲ့ပြီး၊ ကျွန်မ ဘုရားသခင်အတွက် စွန့်လွှတ်ပြီး မိမိကိုယ်ကိုယ် အသုံးတော်ခဲ့သောကြောင့်၊ ဘုရားသခင်က ကျွန်မကို ကြည့်ရှုစောင့်ရှောက်ပေးသင့်ကာ၊ ဤကဲ့သို့ ပြင်းထန်သည့် ဝေဒနာမျိုး မရသင့်ပါဟု ထင်ခဲ့မိသည်ကို သတိပြု မိပါသည်။ ကျွန်မ ဘုရားသခင်နှင့်ပတ်သက်ပြီး နားလည်မှု အလွဲများနှင့် စောဒကများ ပြည့်နှက်နေခဲ့ခြင်း ဖြစ်ပါသည်။ ထို့နောက် အခြားအဆောင်က ဆုံးသွားသည့်လူနာ မြင်ကွင်းကို မြင်လိုက်ရသည့်အခါ၊ ကျွန်မခွဲစိတ်မှု မအောင်မြင်မည်ကို ပို၍ စိုးရိမ်ခဲ့ပါသည်။ ကျွန်မ ယုံကြည်မှု၌ စွန့်လွှတ်ခဲ့သမျှနှင့် အသုံးခံခဲ့သမျှက ကျွန်မကို မကယ်တင်နိုင်သကဲ့သို့၊ ဘုရားသခင်၏ နိုင်ငံတော်ကိုလည်း ရောက်အောင် မလုပ်ပေးနိုင်ဘဲ၊ မည်သည့်အရာမျှ မရခဲ့သကဲ့သို့ ခံစားခဲ့ရပါသည်။ ဘုရားသခင်၏ နှုတ်ကပတ်တော်များ၏ ဖော်ပြမှုကို လက်ရှိနှင့် ဆန့်ကျင်ပြီး ဆုပ်ကိုင်တွယ်ထားရင်းနှင့် ယခု ကျွန်မ၏ တာဝန်ထမ်းဆောင်မှု အပေါ် အမြင်က ကောင်းချီးနှင့် အကျိုးအမြတ်ရဖို့သာ ဖြစ်သည်ကို သိခဲ့ရပါသည်။ ဘုရားသခင်က လတ်ဆတ်သည့် ငြိမ်းချမ်းမှုနှင့် ပျော်ရွှင်မှုကို ကျွန်မကို ပေးမသနားသည့်အခါ၊ အထင်လွဲပြီး ဘုရားသခင်ကို အပြစ်တင်ခဲ့မိပါသည်။ ဤသည်မှာ ဘုရားသခင်အပေါ် ယုံကြည်ခြင်း မဟုတ်တော့ပါ။ ကျွန်မက ဘုရားသခင်နှင့် အပေးအယူ လုပ်နေခဲ့ခြင်း ဖြစ်ပါသည်။ ကျွန်မက အရမ်းကို တစ်ကိုယ်ကောင်းဆန်ပြီး ရွံစရာကောင်းခဲ့ပါသည်။ ဤကဲ့သို့ ယုံကြည်မှုမျိုးက မည်သို့များ ဘုရားသခင်၏အလိုတော်နှင့် ကိုက်ညီနိုင်မည်နည်း။ ကျွန်မတို့ကို စာတန်၏ အုပ်စိုးမှုမှ အပြီးအပိုင် ကယ်ဖို့အလို့ငှာ၊ ကျွန်မတို့ စာတန်၏ စွမ်းအားအောက်ကနေ လွတ်မြောက်နိုင်မည် ဖြစ်သကဲ့သို့၊ အသက် စိတ်သဘောထားများလည်း ပြောင်းလဲပြီး ကယ်တင်ခြင်း ခံရနိုင်စေရန်၊ လူသားများကို သန့်စင်ပြီး ကယ်တင်ဖို့ သမ္မာတရားကို ဖော်ပြရန်ဖြစ်သည့် သူ၏အမှုတော်အတွက် ဘုရားသခင် ကိုယ်တိုင် လူ့ဇာတိခံယူခဲ့သည်။ ကျွန်မက ဘုရားသခင်၏နှုတ်ကပတ်တော် များစွာ၏ ထောက်ပံ့မှုနှင့် ရေလောင်းမှုကို ခံစားခဲ့ရပါသည်။ သို့ရာတွင် ကျွန်မ နေမကောင်းသည့်အချိန်က၊ ဘုရားသခင်၏အလိုတော်ကို နားလည်ဖို့ မကြိုးစားခဲ့သကဲ့သို့၊ ဘုရားသခင်ကို စိတ်ကျေနပ်စေဖို့ မည်သို့ သက်သေရပ်တည်ရမည်ကိုလည်း မစဉ်းစားခဲ့ဘဲ၊ ဘုရားသခင်၏ ကောင်းချီးနှင့် ကျေးဇူးတော်ကို လိုချင်နေဆဲ ဖြစ်ပေသည်။ ကျွန်မ ဖျားနာသည့်အချိန်မှာ စပြီး စောဒက တက်ခဲ့ပါသည်။ ကျွန်မက အရမ်းကို ခုခံလိုစိတ်ရှိပြီး၊ ဆင်ခြင်တုံတရား သို့မဟုတ် အသိစိတ်နည်းနည်းပင် မရှိခဲ့ပါ။ ကျွန်မက ဘုရားသခင် ရှေ့မှောက်မှာနေဖို့ မသင့်တော်ပါ။ သို့ရာတွင် ဘုရားသခင်က ကျွန်မအပေါ် လက်မလျှော့ခဲ့ဘဲ၊ ထိုအစား ကျွန်မက ဘုရားသခင်၏ အလိုတော်ကိုနားလည်ပြီး ကျွန်မ၏ ဖောက်ပြန်ပျက်စီးမှုနှင့် လိုအပ်ချက်များကို သိနိုင်ဖို့အလို့ငှာ၊ ကျွန်မကို အလင်းပြဖို့နှင့် လမ်းညွှန်ဖို့ နှုတ်ကပတ်တော်များကို အသုံးပြုခဲ့ပါသည်။ ကျွန်မအပေါ် ဘုရားသခင်၏အချစ်ကို ခံစားခဲ့ရပြီး၊ တကယ်ကို စိတ်တက်ကြွခဲ့ရပါသည်။ ထို့ကြောင့် ကျွန်မနောက်နေ့မှာ နာခံတတ်သည့်နှလုံးသားနှင့် ခွဲစိတ်မှုကို ရင်ဆိုင် လက်ခံချင်သည်ကိုသာ ပြောလျက်၊ ရင်ထဲမှ ဘုရားသခင်ကို အသံတိတ် ဆုတောင်းခဲ့သည်။ နောက်နေ့ မနက်တွင် ကျွန်မကို ခွဲစိတ်ခန်းထဲ တွန်းသွားကြပြီးတော့၊ အရမ်းကို စိတ်အေး နေခဲ့ရပါသည်။ ၉ နာရီလောက် ကြာပြီးသည့်နောက်တွင် ခွဲစိတ်မှုက ပြီးသွားခဲ့ပါသည်။ ကျွန်မ နိုးလာသည့်အခါ ဆရာဝန်က ခွဲစိတ်မှု အောင်မြင်ခဲ့သည်ဟု ပြောလာပါသည်။ ကျွန်မ နှလုံးသားထဲမှ ဘုရားသခင်ကို တိတ်တဆိတ် ကျေးဇူးတင်ခဲ့ပါသည်။ ဘုရားသခင်က တစ်ချိန်လုံး ကျွန်မကို ကြည့်ရှုစောင့်ရှောက်ပေးနေသည်ကို သိခဲ့ပါသည်။ ကျွန်မ ဆေးရုံက ဆင်းပြီးသည့်နောက် အလျင်အမြန် ပြန်ကောင်း လာခဲ့ပြီး၊ သိပ်မကြာမီမှာ အသင်းတော်တွင် တာဝန် ပြန်လည်ထမ်းဆောင်နိုင်ခဲ့ပါသည်။

၂ နှစ်ကြာပြီးသည့်နောက်တွင်၊ ကျွန်မ အလုပ် အနည်းငယ် လုပ်ပြီးသည်နှင့် နှလုံးခုန် မမှန်ခြင်းမျိုး စတင် ခံစားခဲ့ရသောကြောင့်၊ ဆေးစစ်ဖို့အတွက် ဆေးရုံကို ထပ်သွားခဲ့ပါသည်။ ကျွန်မ၏ သိုင်းရွိုက်ရောဂါ ပြန်ပေါ်လာပြီး၊ ခန့်မှန်းခြေဖြင့် ကုသရမည် ဖြစ်ကြောင်း၊ ယင်းကသာလျှင် ထိန်းချုပ်နိုင်မည့် တစ်ခုတည်းသော နည်းလမ်းဖြစ်ကြောင်း ဆရာဝန်က ပြောပါသည်။ “ရောဂါက ဘုရားသခင်ရဲ့ ခွင့်ပြုချက်နဲ့ ဖြစ်နေတာ။ အဲဒါနဲ့ ပတ်သက်ပြီး ဘာပဲဖြစ်ဖြစ်၊ ငါဟာ ဘုရားသခင်ကို နာခံဖို့ လိုတယ်၊ ပြီးတော့ ဘုရားသခင်ကို ငါ အပြစ်တင်လို့မရဘူး။” ဟု ကျွန်မ မိမိဘာသာ တွေးမိသည်။ ထိုကာလအတွင်းတွင် ကျွန်မဆေးကုသမှုခံနေရင်းနှင့် တာဝန်ကို ဆက်လုပ်နေခဲ့ပါသည်။ သို့သော် နှစ်များကြာ လာသည်နှင့်အမျှ ကျွန်မ၏ ကျန်းမာရေးကလည်း ဆက်ပြီးဆိုးလာခဲ့သည်။ ကျွန်မမှာ လုံးဝ အားအင်မရှိတော့ပါ၊ ခြေထောက်များ ယောင်ပြီး ထုံနေခဲ့သည်၊ ပြီးလျှင် ကျောကုန်းက နာလွန်း၍ ကျွန်မ မတ်မတ်ပင် မရပ်နိုင်ခဲ့ပါ။ လှေကားထစ် အနည်းငယ် တက်ပြီးသည်နှင့် အသက်ရှူနှုန်း ပြင်းလာပြီး၊ နှလုံးခုန်ခြင်းက ကြမ်းလွန်း၍ ရင်ဘတ်ထဲကပါ ပေါက်ထွက်တော့မည့်အတိုင်း ခံစားခဲ့ရပါသည်။ ကျွန်မ အချိန်မရွေး လဲကျသွားနိုင်သည်ဟု ခံစားခဲ့ရသည်။ “ဆက်ပြီးဆိုးလာပြီဆိုရင် ငါတာဝန်ကို ဘယ်လိုထမ်းဆောင်ရပါ့မလဲ။ ငါသာ ငါ့တာဝန်ကို မလုပ်ဆောင်နိုင်ဘူးဆိုရင်၊ ဘုရားသခင်ရဲ့ ချီးကျူးခြင်းနဲ့ ကောင်းမွန်တဲ့ အဆုံးသတ်ပန်းတိုင်ကို ရပါ့မလား။ ငါ့ယုံကြည်မှုတွေ အားလုံးက အလကား ဖြစ်ခဲ့ပြီလား။” ဟု ကျွန်မ စပြီး စိတ်ပူလာခဲ့သည်။ သို့ရာတွင် ထို့နောက် “ငါ့ကိုယ်ငါ ဘုရားသခင်အတွက် ဆက်အသုံးခံဖို့ လိုတယ်၊ ပြီးတော့ ဘုရားသခင်က ငါ့ကို စောင့်ကြည့်ကာကွယ်ပေးမှာပဲ။ ငါ့တာဝန်ကို ဆက်လုပ်ပြီး နောက်ဆုံးထွက်သက်အထိ ကောင်းမှုတွေလုပ်ဖို့ ပြင်ဆင်မယ်။ ဒါဆို ငါ့မှာ ပန်းတိုင်ကောင်းတစ်ခု ရမှာပါ။” ဟု တွေးမိခဲ့ပါသည်။ နောက်တော့ ထိုကဲ့သို့ ဝေဒနာ၏ နာကျင်မှုကို ကြံ့ကြံ့ခံပြီး တာဝန်ကိုဆက်ပြီး ထမ်းဆောင်ခဲ့သည်။

တစ်ရက်မှာတော့ မနက်စာစားပြီးသည့်အချိန်တွင်၊ အကြောင်းရင်းမရှိဘဲ ကျွန်မ၏သွားဖုံးများ သွေးများ ထွက်လာခဲ့သည်။ ထိုနေ့ ညနေအထိ သွေးမတိတ်ခဲ့သောကြောင့်၊ စစ်ဆေးဖို့အတွက် ဆေးရုံကို အမြန်ဆုံး သွားခဲ့ပါသည်။ ဆရာဝန်က အရေပြားလေးဘက်နာနှင့် ကျောက်ကပ်ရောင်ရောဂါ ရှိနေပြီဟု ပြောခဲ့ပါသည်။ ဤကဲ့သို့ အခြေအနေများက ကုသဖို့ခက်ခဲပြီး သေဆုံးနိုင်ခြေများသည်ဟု ပြောခဲ့ပါသည်။ ဆေးပညာ အသိုင်းအဝိုင်းမှာ ယင်းကို ကောင်းအောင်ကုနိုင်မည့် နည်းလမ်း မရှိကြောင်း၊ ကျွန်မအခြေအနေက အရမ်းဆိုးဝါးနေကြောင်းနှင့်၊ နောက်လအထိပင် အသက်မရှင်နိုင်ကြောင်း သူက ပြောသည်။ ကျွန်မ လုံးဝ မှင်တက်သွားခဲ့သည်။ ကျွန်မက “ငါနေမကောင်းတာတောင် တာဝန်ကို ဆက်ပြီး ထမ်းဆောင်ခဲ့ပြီး၊ တာဝန်ကိုလည်း ရှေ့ဆက် လုပ်ဆောင်ခဲ့တာပဲ။ ငါဘယ်လိုလုပ် နောက်လအထိတောင် မနေရတော့မဲ့ ကုသရခက်တဲ့ ဒီရောဂါကြီး ဖြစ်လာရတာလဲ။ ငါ ဘုရားသခင်ကို နှစ်ပေါင်းများစွာယုံကြည်ခဲ့တယ်။ ဘုရားသခင်ထံမှာ အသုံးခံဖို့အတွက်နဲ့ မိသားစုနဲ့ အလုပ်ကို စွန့်လွှတ်ခဲ့တယ်။ ငါ အဲဒါတွေကို ဘုရားသခင်ရဲ့ချီးမွမ်းမှုကိုခံပြီး ဘုရားသခင်ရဲ့ နိုင်ငံတော်ထဲဝင်ဖို့နဲ့ ကောင်းချီးကိုရဖို့ လုပ်ခဲ့တာ မဟုတ်လား။ ဒါပေမဲ့ အခုတော့ ဘုရားသခင်ဆီက ကောင်းချီးမရရုံတင် မဟုတ်ဘဲ မကြာခင်သေရတော့မယ်။ ငါအခု အရမ်းနာကျင်နေရပြီ။” ဟု တွေးမိခဲ့သည်။

ထိုညနေ ကျွန်မအိပ်ယာထဲမှာ ဟိုလှည့်သည်လှည့်နှင့် အိပ်မပျော်နိုင်ခဲ့ပါ။ နောက်လအထိတောင် မနေရတော့မည့် အကြောင်းကို မတွေးဘဲ မနေနိုင်ခဲ့ပါ။ ကျွန်မက ငယ်သေးပြီး ဘဝခရီးလမ်းက အဆုံးသတ်ရတော့မည်။ ဘုရားသခင်ကို အချိန်အကြာကြီး ယုံကြည်ပြီးသည့်နောက်တွင် ကောင်းကင်နိုင်ငံ၏ လှပမှုကိုတောင် မမြင်ရဘဲ သေလိမ့်မည်ဟု တစ်ခါမှ မတွေးခဲ့ဖူးပါ။ ကျွန်မ လက်ကို မခံနိုင်ခဲ့ပါ။ မျက်ရည်တောင် မဆည်နိုင်ခဲ့ပါ။ အရမ်းကို နာကျင်ပြီး အားမရှိသကဲ့သို့ ခံစားခဲ့ရပါသည်။ ကျွန်မ ဘုရားသခင်ထံမှာ “ဘုရားသခင်၊ ကျွန်မ နေမကောင်းထပ်ဖြစ်ဖို့ ဘုရားသခင်ရဲ့ အလိုတော် ရှိတာကို ကျွန်မ သိသလို၊ ကျွန်မ ကိုယ်တော့်ကို စိတ်ကျေနပ်စေဖို့ သက်သေခံသင့်တယ်ဆိုတာကို သိပေမဲ့လည်း၊ အခု အရမ်းအားနည်းနေပြီးတော့ ကျွန်မ လက်မခံ၊ မနာခံနိုင်သေးပါဘူး။ ကျေးဇူးပြုပြီး ကိုယ်တော်ရဲ့အလိုတော်ကို နားလည်အောင် လမ်းညွှန်ပေးပါ။” ဟု ဆုတောင်းခဲ့သည်။

ကျွန်မ ဆုတောင်းပြီးသည့်နောက် ဘုရားသခင်၏ နှုတ်ကပတ်တော်များထဲက ဤအပိုဒ်ကို ဖတ်ခဲ့ရပါသည်။ “ဘုရားသခင်၌ သူတို့၏ ယုံကြည်ခြင်းတွင် လူတို့ ရှာဖွေကြသည့်အရာမှာ အနာဂတ်အတွက် ကောင်းချီးမင်္ဂလာများကို ရရှိရန်ဖြစ်သည်၊ ဤသည်မှာ သူတို့၏ ယုံကြည်ခြင်းထဲက သူတို့၏ ရည်ရွယ်ချက်ဖြစ်သည်။ လူအပေါင်း၌ ဤရည်ရွယ်ချက်နှင့် မျှော်လင့်ချက် ရှိကြသည်။ သို့သော်လည်း သူတို့၏ သဘာဝဗီဇအတွင်းမှ ဖောက်ပြန်ပျက်စီးခြင်းကို စမ်းသပ်မှုများအားဖြင့် ဖြေရှင်းရမည်ဖြစ်သည်။ သင်တို့အနေဖြင့် သန့်စင်စေခြင်း မခံရသေးသော မည်သည့်ကဏ္ဍများတွင်မဆို ယင်းကဏ္ဍများ၌ စစ်ဆေးခြင်းကို သင်ခံရမည်၊ ဤသည်မှာ ဘုရားသခင်၏ အစီအစဉ်ဖြစ်သည်။ ဘုရားသခင်သည် သင့်အတွက် ပတ်ဝန်းကျင်တစ်ခုကို ဖန်တီးပေးသည်၊ သင်၏ဖောက်ပြန်ပျက်စီးခြင်းကို သင်သိနိုင်ရန် ထိုနေရာတွင် သင့်ကို မဖြစ်မနေ အစစ်ဆေးခံစေသည်။ အဆုံးတွင် သင်သည် သေလိုပြီး သင်၏အကြံအစည်များနှင့် အလိုဆန္ဒများကို စွန့်လွှတ်လိုသည့် အနေအထားအထိရောက်ကာ ဘုရားသခင်၏ အချုပ်အခြာအာဏာနှင့် အစီအစဉ်ကို ကျိုးနွံနာခံမည်ဖြစ်သည်။ ထို့ကြောင့် အကယ်၍ လူတို့သည် နှစ်အနည်းငယ် စစ်ဆေးခံရခြင်း မရှိပါက၊ အကယ်၍ ၎င်းတို့သည် အတိုင်းအတာတစ်ခုအထိ ဒုက္ခဆင်းရဲခြင်းကို မခံရပါက ၎င်းတို့သည် ၎င်းတို့၏အတွေးများနှင့် စိတ်နှလုံးများထဲမှ ဇာတိပကတိဖောက်ပြန်ပျက်စီးခြင်း၏ ချုပ်နှောင်မှုကို ဖယ်ရှားနိုင်မည် မဟုတ်ပေ။ သင်သည် စာတန်၏ ချုပ်နှောင်ခြင်းကို ခံနေရသေးသော မည်သည့်ကဏ္ဍများတွင်မဆို၊ သင်၏ ကိုယ်ပိုင် အလိုဆန္ဒများ၊ သင်၏လိုအင်များ ရှိနေသေးသော မည်သည့်ကဏ္ဍများတွင်မဆို သင်သည် ယင်းကဏ္ဍများတွင် ဒုက္ခဆင်းရဲခံသင့်သည်။ ဒုက္ခဆင်းရဲထဲ၌သာ သင်ခန်းစာများကို သင်ယူနိုင်ပြီး၊ ယင်းမှာ သမ္မာတရားကို ရနိုင်စွမ်းနှင့် ဘုရားသခင်၏ အလိုတော်ကို နားလည်နိုင်စွမ်းရှိခြင်းကို ဆိုလိုသည်။ အမှန်အားဖြင့် သမ္မာတရားများစွာကို နာကျင်သော စမ်းသပ်မှုများအား တွေ့ကြုံခြင်းဖြင့် နားလည်ကြခြင်း ဖြစ်သည်။ သက်သောင့်သက်သာရှိပြီး လွယ်ကူသော ပတ်ဝန်းကျင်တစ်ခု၌ ရှိသောအခါ၊ သို့မဟုတ် အခြေအနေများ ကောင်းမွန်နေသောအခါ၌ မည်သူမျှ ဘုရားသခင်၏ အလိုတော်ကို နားလည်နိုင်ခြင်း၊ ဘုရားသခင်၏ အနန္တတန်ခိုးနှင့် ဉာဏ်ပညာကို အသိအမှတ်ပြုနိုင်ခြင်း၊ သို့မဟုတ် ဘုရားသခင်၏ ဖြောင့်မတ်သော စိတ်သဘောထားကို နားလည်သဘောပေါက်ခြင်း ရှိနိုင်မည် မဟုတ်ပေ။ ထိုအရာမှာ ဖြစ်နိုင်လိမ့်မည် မဟုတ်ပေ။” (နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “စမ်းသပ်မှုများအလယ်၌ ဘုရားသခင်ကို ကျေနပ်စေသင့်သည့် နည်းလမ်း”) “လူတို့သည် ယခင်က မည်သည့်အရာအပေါ် အခြေခံ၍ အသက်ရှင်နေထိုင်ခဲ့ကြသနည်း။ လူတို့အားလုံး ၎င်းတို့ကိုယ်တိုင်အတွက် အသက်ရှင်နေထိုင်ကြ၏။ မိမိကိုယ်သာ ကိုးကွယ်ရာ၊ ဤသည်မှာ လူ့သဘာဝ၏ အနှစ်ချုပ်ဖြစ်သည်။ ဘုရားသခင်ကို ယုံကြည်ခြင်းသည် မိမိအတွက် လုပ်ဆောင်ခြင်းဖြစ်ပြီး၊ ကောင်းချီးမင်္ဂလာများ ရယူခြင်းသည် ထိုသို့ပင် သာ၍ဖြစ်၏။ အမှုအရာများကို စွန့်လွှတ်ခြင်း၊ မိမိကိုယ်ကို ဘုရားသခင်အတွက် အသုံးခံခြင်းနှင့် ဘုရားသခင်အပေါ် သစ္စာရှိခြင်း၊ ဤအရာအားလုံးကို မိမိအတွက် လုပ်ဆောင်ခြင်းသာဖြစ်၏။ အတိုချုပ်အားဖြင့် ယင်းမှာ မိမိအတွက် ကောင်းချီးမင်္ဂလာများ ရရှိရန် ရည်ရွယ်ချက်အတွက်ချည်းသာ ဖြစ်၏။ လောကတွင် အရာခပ်သိမ်းသည် ကိုယ်ကျိုးအတွက်သာ ဖြစ်၏။ ဘုရားသခင်ကို ယုံကြည်ခြင်းသည် ကောင်းချီးမင်္ဂလာများ ရရှိရန်ဖြစ်ပြီး၊ ကောင်းချီးမင်္ဂလာများ ရယူရန်အတွက် လူတစ်ဦးအနေဖြင့် အရာခပ်သိမ်းကို စွန့်ပယ်ခြင်းဖြစ်ကာ၊ ကောင်းချီးမင်္ဂလာများရယူရန်အတွက် လူတစ်ဦးသည် များစွာသော ဒုက္ခကို ကြံ့ကြံ့ခံနိုင်ခြင်းဖြစ်သည်။ ဤအရာအားလုံးမှာ လူသား၏ ဖောက်ပြန်ပျက်စီးသော သဘောသဘာဝအပေါ် လက်တွေ့ကို အခြေခံသော အထောက်အထားဖြစ်၏။” (နောက်ဆုံးသောကာလ ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “အပြင်ပန်းပြောင်းလဲမှုများနှင့် စိတ်နေသဘောထားပြောင်းလဲမှုများကြားက ခြားနားချက်”) ဘုရားသခင်၏နှုတ်ကပတ်တော်များကို ဖတ်ပြီးသည့်နောက်၊ ကျွန်မတို့သည် စာတန်၏ ဖျက်ဆီးခြင်းကို အလွန်နက်ရှိုင်းစွာ ခံရပြီးဖြစ်သည်မှာ၊ ကျွန်မက ကျွန်မ၏ ဖောက်ပြန်ပျက်စီးသည့် စိတ်သဘောထားကို ထုတ်ဖော်ရင်း၊ မကြာခဏ နေမကောင်းမဖြစ်ခဲ့ပါက၊ ကျွန်မက မိမိကိုယ်ကိုယ် သိဖို့၊ ရှာဖွေလိုက်စားခြင်းနှင့်ပတ်သက်သည့် ကျွန်မ၏ အမြင်မှားများကို ပြောင်းဖို့နှင့် ဘုရားသခင်ကို အမှန်တကယ် နာခံဖို့ ကျွန်မ ရုန်းကန်ခဲ့ရလိမ့်မည် ဖြစ်သည်။ ကျွန်မ ဘုရားသခင်ကို ယုံကြည်ခါစက အချိန်ကို ပြန်တွေးမိသည့်အခါ၊ ကျွန်မက ဘုရားသခင်ကို ပေါကြွယ်ဝခြင်းပြယုဂ်နှင့် အဆုံးမရှိသည့် လိုတရရေတွင်းတစ်ခုဟု ယူဆခဲ့ပါသည်။ အရာရာ စွန့်လွှတ်ပြီး မိမိကိုယ်ကို ဘုရားသခင်အတွက်နှစ်မြှုပ်ထားပါက ဘုရားသခင်က ကျွန်မ ဖျားနာသည့်အခါ၊ ကြည့်ရှုစောင့်ရှောက်ပေးမည်ဟု ထင်ခဲ့မိသည်။ ကျွန်မမှာ နောက်တစ်လပင် မခံတော့မည့် အရေးပြားနှင့်သွေး လေးဘက်နာရောဂါ ရှိသည်ဟု သိခဲ့ရသည့်အခါတွင်၊ ကျွန်မ၏ ကောင်းချီးလိုချင်မှုက လုံးဝ ပျက်စီးသွားပြီး၊ ဘုရားသခင်နှင့် စတင်ငြင်းခုန်ကာ တရားမမျှတခြင်းအတွက် သူ့ကို အပြစ်တင်ခဲ့ပါသည်။ ကျွန်မက ရောဂါတစ်ခုကို ခံစားနေရပြီး၊ ဘုရားသခင်အပေါ် ယုံကြည်မှုသည် လိုအင်ဆန္ဒနှင့် ကောင်းချီးကြောင့် မထက်သန်စေသင့်တာ သိခဲ့သော်လည်း၊ ကျွန်မ၏ အနာဂတ်နှင့် ကံကြမ္မာတို့ ပါဝင်ပတ်သက် လာသည့်အခါမှာမူ၊ ဘုရားသခင်ကို အပြစ်မတင်ဘဲ၊ နားလည်မှု မလွဲဘဲ မနေနိုင်ခဲ့ပါ။ ကျွန်မ၏ ကောင်းချီးကို လိုချင်မှုက အရမ်းကို အားကောင်းခဲ့ခြင်း ဖြစ်သည်။ ကျွန်မက စာတန်၏ “မိမိကိုယ်သာ ကိုးကွယ်ရာဖြစ်၏” ဆိုသည့် အဆိပ်တရားနှင့် ရှင်သန်နေခဲ့ပါသည်။ ကျွန်မလုပ်ခဲ့သမျှက မိမိအကျိုးအတွက် လုပ်ခဲ့ခြင်းဖြစ်ပြီး၊ ဘုရားသခင်နှင့် အပေးအယူပင် လုပ်ခဲ့ပြီး တာဝန် ထမ်းဆောင်သည့်အခါ၊ ဘုရားသခင်ကိုအသုံးချဖို့ပါ ကြိုးစားခဲ့ခြင်း ဖြစ်သည်။ ယင်းမှာ မည်သို့များ မိမိ၏တာဝန် ထမ်းဆောင်နေခြင်း ဖြစ်မည်နည်း။ ကျွန်မသည် ဘုရားသခင်ကို ဆန့်ကျင်ပုန်ကန်ပြီး ခုခံနေခြင်းသာ မဟုတ်ပါလား။ ပေါလုက သခင့်အတွက် မည်သို့အလုပ်လုပ်ခဲ့သည်နှင့် မည်မျှ ဒုက္ခခံစားပြီး အသုံးခံခဲ့သည်ကို တွေးမိခဲ့ပါသည်။ အချိန်အတော်ကြာ အလုပ်လုပ်ပြီးသည့်အခါမှာ၊ သူက သူ့အလုပ်ကို သူ၏အရင်းအနှီးအဖြစ် စတင် ထုတ်သုံးပြီး ဘုရားသခင်က အပြန်အလှန်အားဖြင့် သူ့ကို ဆုချဖို့နှင့် ဖြောင့်မတ်မှု သရဖူပေးဖို့ မိုက်မဲစွာ လိုချင်ခဲ့သည်။ သူက “ကောင်းစွာသော တိုက်လှန်ခြင်းကို ငါပြုပြီ။ ပြေးရသောလမ်းကို အဆုံးတိုင်အောင်ပြေးပြီ။ ယုံကြည်ခြင်းတရားကို စောင့်ရှောက်ပြီ။ ယခုမှစ၍ ဓမ္မသရဖူသည် ငါ့အဘို့သိုထားလျက်ရှိ၏။” (တိမောသေ ဩဝါဒစာ ဒုတိယစောင် ၄:၇-၈) ဟု မိုက်မဲစွာပင် အခိုင်အမာ ပြောခဲ့လေသည်။ ပေါလုက သမ္မာတရားနှင့်အညီမနေခဲ့ဘဲ၊ ကောင်းချီးရဖို့ကိုသာ လုပ်ခဲ့ခြင်း ဖြစ်သည်။ သူလျှောက်ခဲ့သည့်လမ်းက ဘုရားသခင်ကို ခုခံမှုလမ်းကြောင်း ဖြစ်ပြီး နောက်ဆုံးမှာ ဘုရားသခင်က သူ့ကို အပြစ်ဒဏ်ပေးခဲ့ပါသည်။ ကျွန်မက အကျိုးဆက်အနေဖြင့် ကောင်းချီးနှင့် ကျေးဇူးတော် ရဖို့အတွက် နှစ်ပေါင်းများစွာ ဘုရားသခင်ကို ယုံကြည်ခဲ့မိသည်။ ကျွန်မအသက်ကို ခြိမ်းခြောက်နေသည့် ပြင်းထန်သော ရောဂါကို ကျွန်မ ကြုံလာရသည့်အခါ၊ အရှက်မဲ့စွာ စောဒကတက်ပြီး ဘုရားသခင်ကို ဆန့်ကျင်ခဲ့ပါသည်။ ယင်းက ကျွန်မကို ပေါလုနှင့် တူမသွားစေပါလား။ ဘုရားသခင်၏ အနှစ်သာရက ဖြောင့်မတ်ပြီး သန့်ရှင်းပါသည်၊ ပြီးလျှင် ကောင်းကင်နိုင်ငံတော်က မသန့်စင်သည့်လူများ ဝင်ရောက် လာမည်ကို သည်းမခံပါ။ ကျွန်မကဲ့သို့ စာတန်၏ ဖောက်ပြန်ပျက်စီးသည့် စိတ်သဘောထားများနှင့် ပြည့်နေသည့် လူတစ်ယောက်က ဘုရားသခင်၏ နိုင်ငံတော်ကို မည်သို့များ ဝင်ရောက်နိုင်မည်နည်း။ ကျွန်မ ထိုနည်းလမ်းတွင် ဆက် လုပ်ဆောင်နေမည်ဆိုပါက၊ နောက်ဆုံးတွင် ပေါလုကဲ့သို့ ငရဲမှာ အပြစ်ဒဏ် ပေးခံရမည်ကို သိခဲ့ပါသည်။ ထို့နောက် ဘုရားသခင်၏ နှုတ်ကပတ်တော်များထဲက တစ်ပိုဒ်ကို ကျွန်မ ဖတ်ခဲ့ပါသည်။ “လူသား၏ အခြေအနေနှင့် ဘုရားသခင်အပေါ် လူသား၏ သဘောထားတို့နှင့် ရင်ဆိုင်ရလျက်၊ ဘုရားသခင်သည် သူနှင့် သက်ဆိုင်သည့် အသိပညာနှင့် သူ့အပေါ် နာခံခြင်း၊ ချစ်ခြင်းမေတ္တာနှင့် သက်သေခံခြင်း နှစ်ခုစလုံးတို့ကို လူသားအား ပိုင်ဆိုင်ခွင့်ပေးရင်း၊ အမှုသစ်ကို လုပ်ဆောင်ပြီးဖြစ်သည်။ ထို့ကြောင့်၊ လူသားသည် သူ့အပေါ် ဘုရားသခင်၏ စစ်ဆေးခြင်းအပြင်၊ သူ၏ တရားစီရင်ခြင်း၊ သူ့ကို ကိုင်တွယ်ခြင်းနှင့် ပြုပြင်ခြင်းတို့ကို ကြုံတွေ့ရမည်ဖြစ်သည်၊ ထိုအရာများမရှိဘဲ လူသားသည် ဘုရားသခင်ကို ဘယ်သောအခါမျှ သိမည်မဟုတ်သကဲ့သို့၊ ဘုရားသခင်ကို အမှန်တကယ် ချစ်ခြင်းနှင့် သက်သေခံခြင်းတို့ ဘယ်သောအခါမျှ တတ်စွမ်းနိုင်လိမ့်မည် မဟုတ်ပေ။ လူသားအပေါ် ဘုရားသခင်၏ စစ်ဆေးခြင်းသည် တစ်ဖက်သတ် အကျိုးသက်ရောက်မှုအတွက်သာ မဟုတ်ဘဲ ရှုထောင့်များစွာ အကျိုးသက်ရောက်မှုအတွက် ဖြစ်သည်။ ဤနည်းအားဖြင့်သာ သမ္မာတရားကို ရှာဖွေရန် ဆန္ဒရှိသူများတွင် ဘုရားသခင်သည် ၎င်းတို့၏ သန္နိဋ္ဌာန်နှင့် ချစ်ခြင်းကို သူ့အားဖြင့် စုံလင်စေဖို့အလို့ငှာ စစ်ဆေးခြင်းအမှုကို လုပ်ဆောင်လေသည်။ သမ္မာတရားကို ရှာဖွေရန် လိုလားနေသူများနှင့် ဘုရားသခင်ကို တမ်းတသူများအဖို့ ဤသို့သော စစ်ဆေးခြင်းထက် မည်သည့်အရာမျှ ပို၍အဓိပ္ပာယ်မရှိ၊ သို့မဟုတ် ပို၍ကြီးမားသော အထောက်အပံ့မဖြစ်ပေ။ အဆုံးတွင် ဘုရားသခင်သည် ဘုရားသခင် ဖြစ်သည့်အတွက်၊ ဘုရားသခင်၏ စိတ်သဘောထားကို လူသားက အလွန်လွယ်လင့်တကူ မသိ၊ သို့မဟုတ် နားမလည်ပေ။ အခြေခံအားဖြင့်၊ ဘုရားသခင်အတွက် လူသားကဲ့သို့ အလားတူ စိတ်သဘောထားရှိရန် မဖြစ်နိုင်သောကြောင့် လူသားအတွက် ဘုရားသခင်၏ စိတ်သဘောထားကို သိရှိရန် မလွယ်ကူပေ။ သမ္မာတရားကို လူသားက ပင်ကိုအားဖြင့် မပိုင်ဆိုင်သကဲ့သို့၊ စာတန်၏ ဖျက်ဆီးခြင်းခံရသော လူများက အလွယ်တကူ နားမလည်ပေ။ လူသားသည် သမ္မာတရား လုံးဝမရှိသကဲ့သို့၊ သမ္မာတရားကို လက်တွေ့လုပ်ဆောင်ရန် သန္နိဋ္ဌာန် လုံးဝမရှိပေ။ ပြီးလျှင် သူသည် ဆင်းရဲဒုက္ခမခံစားရဘဲ အစစ်ဆေးမခံရသကဲ့သို့ တရားစီရင်ခြင်း မခံရပါက၊ သူ၏သန္နိဋ္ဌာန်သည် မည်သည့်အခါတွင်မျှ စုံလင်စေခြင်း ခံရမည်မဟုတ်ပေ။ လူများအားလုံးအတွက်၊ စစ်ဆေးခြင်းသည် ဝေဒနာပြင်းထန်ပြီး၊ လက်ခံရန် အင်မတန် ခက်ခဲသည်- သို့သော်လည်း ဘုရားသခင်သည် လူသားထံ သူ၏ဖြောင့်မတ်သည့် စိတ်သဘောထားကို ပေါ်လွင်စေပြီး၊ လူသားအတွက် သူ၏သတ်မှတ်ချက်များကို လူသိရှင်ကြား ဖြစ်စေကာ၊ သာ၍ ဉာဏ်အလင်းပွင့်ခြင်းကို ပေးပြီး၊ သာ၍ စစ်မှန်သော ပြုပြင်ခြင်းနှင့် ကိုင်တွယ်ဖြေရှင်းခြင်းတို့ကို ပေးသည်မှာ စစ်ဆေးခြင်း အတောအတွင်းတွင် ဖြစ်သည်။ အမှန်တရားများနှင့် သမ္မာတရားကြား နှိုင်းယှဉ်ခြင်းမှတစ်ဆင့်၊ သူသည် လူသားကို သူကိုယ်တိုင်နှင့်ဆိုင်သည့် သာ၍ ကြီးမားသော အသိပညာနှင့် သမ္မာတရားကို ပေးပြီး၊ ဘုရားသခင်၏ အလိုတော်နှင့်သက်ဆိုင်သော သာ၍ကြီးမားသည့် သိနားလည်ခြင်းကို လူသားအား ပေး၏၊ ထိုသို့ဖြင့် ဘုရားသခင်အပေါ် သာ၍စစ်မှန်ပြီး သာ၍ဖြူစင်သော ချစ်ခြင်းမေတ္တာရှိစေရန် လူသားကို အခွင့်ပေးလေသည်။ ယင်းမှာ စစ်ဆေးခြင်းကို ဆောင်ရွက်ရာတွင် ဘုရားသခင်၏ ရည်မှန်းချက်များ ဖြစ်သည်။ လူသား၌ ဘုရားသခင် လုပ်ဆောင်သည့် အမှုအားလုံးသည် ကိုယ်ပိုင်ရည်ရွယ်ချက်များနှင့် အရေးပါမှုတို့ရှိသည်။ ဘုရားသခင်သည် အဓိပ္ပာယ်မရှိသောအမှုကို မလုပ်ဆောင်သကဲ့သို့၊ လူသားအဖို့ အကျိုးမရှိသည့် အမှုကိုလည်း မလုပ်ဆောင်ပေ။ စစ်ဆေးခြင်းဟူသည်မှာ ဘုရားသခင် ရှေ့မှောက်မှ လူတို့အား ဖယ်ရှားခြင်းကို မဆိုလိုသကဲ့သို့၊ ၎င်းတို့ကို ငရဲတွင် ဖျက်ဆီးခြင်းကိုလည်း မဆိုလိုပေ။ ယင်းထက်၊ စစ်ဆေးခြင်း အတောအတွင်းတွင် လူသား၏ စိတ်သဘောထားကို ပြောင်းလဲခြင်း၊ သူ၏ ရည်ရွယ်ချက်များ၊ သူ၏ အမြင်ဟောင်းများကို ပြောင်းလဲခြင်း၊ ဘုရားသခင် အတွက် သူ၏ချစ်ခြင်းကို ပြောင်းလဲပေးခြင်းနှင့် သူ၏ဘဝတစ်ခုလုံး ပြောင်းလဲပေးခြင်းတို့ကို ဆိုလိုသည်။ စစ်ဆေးခြင်းသည် လူသားအား စစ်မှန်သော စစ်ဆေးမှုတစ်ခု ဖြစ်ပြီး၊ စစ်မှန်သော လေ့ကျင့်မှုပုံစံတစ်ခု ဖြစ်ကာ၊ စစ်ဆေးခြင်း အတောအတွင်းတွင်သာ သူ၏ချစ်ခြင်းမေတ္တာသည် ၎င်း၏ ပင်ကိုလုပ်ငန်းတာဝန်ကို ထမ်းဆောင်နိုင်ပေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စစ်ဆေးခြင်းကိုကြုံတွေ့ခြင်းအားဖြင့်သာ လူသားသည် စစ်မှန်သော ချစ်ခြင်းမေတ္တာကို ပိုင်ဆိုင်နိုင်သည်”) ကျွန်မ ဘုရားသခင်၏နှုတ်ကပတ်တော်များကို တွေးဆသည်နှင့်အညီ၊ ဘုရားသခင်သည် ကျွန်မတို့ မိမိတို့ကိုယ်ကိုယ် သိလာနိုင်ရန်၊ ဖောက်ပြန်ပျက်စီးခြင်းကို ဖယ်ရှားနိုင်ရန်နှင့် သန့်စင်စေရန်အလို့ငှာ၊ လူများ၏ ဖောက်ပြန်ပျက်စီးသည့် စိတ်သဘောထားများကို ဖော်ထုတ်ဖို့ အမျိုးမျိုးသော အခြေအနေများကို သတ်မှတ်ပေးသည်ကို ကျွန်မ နားလည်သဘောပေါက်ခဲ့သည်။ ထို့နောက်တွင် ကျွန်မတို့ ဘုရားသခင်ကို အမှန်တကယ် ကျိုးနွံနာခံနိုင်ပေမည်။ ကျွန်မ၏ အခြေအနေဆိုးရွားလာသည်မှာ ဘုရားသခင်က ခွင့်ပြုထားသည့် အရာတစ်ခုဖြစ်သောကြောင့်၊ ကျွန်မက ထိုအခြေအနေကို ကျိုးနွံနာခံပြီး သင်ခန်းစာယူသင့်သည်။ ကျွန်မက ဘုရားသခင်၏လက်တော်ထဲ၌ မိမိကိုယ်ကိုယ် လုံးလုံး ထားရှိဖို့ ဆန္ဒရှိလျက်၊ ဘုရားသခင်ထံ တိတ်တဆိတ် ဆုတောင်းခဲ့သည်။ ကျွန်မ၏အခြေအနေ မည်မျှ ဆိုးရွားလာပါစေ၊ ကျွန်မ သေဆုံးသွားလျှင်ပင်၊ ဘုရားသခင်၏အုပ်စိုးမှုနှင့် စီစဉ်မှုများကို နာခံဖို့သာ ဆန္ဒရှိခဲ့ပါတော့သည်။

တစ်မနက်တွင် ဘုရားသခင်၏နှုတ်ကပတ်တော်များ ဤကျမ်းပိုဒ်ကို ကျွန်မ ဖတ်ခဲ့ရပါသည်။ “စစ်ဆေးခြင်း အတောအတွင်းတွင် လူသားသည် ဘုရားသခင်ကို မည်သို့ ချစ်သင့်သနည်း။ ဘုရားသခင်၏ စစ်ဆေးခြင်းကို လက်ခံဖို့ ကိုယ်တော်ကို ချစ်ရန်သန္နိဌာန်ကို အသုံးပြုခြင်းဖြင့်- စစ်ဆေးခြင်းအတောအတွင်းတွင် သင်သည် ဓားတစ်လက်က သင်၏ နှလုံးသားကို မွှေနှောက်လျက်ရှိသကဲ့သို့ အတွင်းပိုင်း၌ ညှဉ်းဆဲ ခံရသော်လည်း၊ သင်သည် ဘုရားသခင်ကို ချစ်သည့် သင်၏နှလုံးသားကို အသုံးပြုလျက် ဘုရားသခင်ကို စိတ်ကျေနပ်စေရန် လိုလိုလားလားရှိနေပြီး၊ ဇာတိပကတိကို ဂရုစိုက်ရန် လိုလိုလားလား ရှိမနေပေ။ ဤသည်မှာ ဘုရားသခင်ကို ချစ်ခြင်းအား လက်တွေ့လုပ်ဆောင်ခြင်းကို ဆိုလိုသည့်အရာ ဖြစ်သည်။ သင်သည် အတွင်းပိုင်းကို နာကျင်နေပြီး သင်၏ ဆင်းရဲဒုက္ခခံစားမှုသည် အတိုင်းအတာတစ်ခုထိ ရောက်ရှိပြီး ဖြစ်သော်လည်း၊ သင်သည် ဘုရားသခင်၏ ရှေ့မှောက်သို့ လာရန် ဆန္ဒရှိဆဲဖြစ်ကာ၊ ‘အိုး ဘုရားသခင်။ ကျွန်ုပ်သည် ကိုယ်တော်ကို မစွန့်ခွာနိုင်ပါ။ ကျွန်ုပ်အတွင်းတွင် မှောင်မိုက်သော်လည်း ကိုယ်တော်ကို ကျေနပ်စေရန် ဆန္ဒရှိပါသည်။ ကိုယ်တော်သည် ကျွန်ုပ်၏ နှလုံးသားကို သိပြီး၊ ကိုယ်တော်၏ ချစ်ခြင်းမေတ္တာကို ကျွန်ုပ်အထဲတွင် ပို၍မြှုပ်နှံစေလိုပါ၏’ ဟု ဆိုလျက်၊ ဆုတောင်းသည်။ ဤအရာကို စစ်ဆေးခြင်း အတောအတွင်းတွင် လက်တွေ့လုပ်ဆောင်မှု ဖြစ်လေသည်။ သင်သည် ဘုရားသခင်ကို ချစ်ခြင်းအား အခြေခံအုတ်မြစ်အဖြစ် အသုံးပြုလျှင် စစ်ဆေးခြင်းသည် သင့်ကို ဘုရားသခင်နှင့် ပိုနီးစပ်အောင် ဆောင်ကြဉ်း သွားနိုင်ပြီး ဘုရားသခင်နှင့် သာ၍ ရင်းနှီးစေနိုင်၏။ ဘုရားသခင်ကို သင် ယုံကြည်သည့်အတွက်၊ သင်၏နှလုံးသားကို ဘုရားသခင်ထံ သင် လွှဲပြောင်းပေးအပ်ရမည်။ အကယ်၍ သင်သည် သင်၏နှလုံးသားကို ဘုရားသခင် ရှေ့မှောက်တွင် ဆက်ကပ်ပြီး ချခင်းထားပါက၊ စစ်ဆေးခြင်း အတောအတွင်းတွင် ဘုရားသခင်ကို ငြင်းပယ်ရန် သို့မဟုတ် ဘုရားသခင်ကို စွန့်ခွာရန်မှာ သင့်အတွက် မဖြစ်နိုင်ပေ။ ဤနည်းဖြင့်၊ ဘုရားသခင်နှင့် သင်၏ ဆက်ဆံရေးသည် ယခင်ထက် သာ၍ နီးကပ်လာမည် ဖြစ်ပြီး၊ ယခင်ထက် သာ၍ ပုံမှန်ဖြစ်လာလိမ့်မည် ဖြစ်ကာ၊ ဘုရားသခင်နှင့် သင်၏ မိတ်သဟာယဖွဲ့ခြင်းသည် ယခင်ထက်သာ၍ ကြိမ်ဖန် များလာလိမ့်မည် ဖြစ်သည်။ သင်သည် ဤနည်းလမ်းဖြင့် အမြဲ လက်တွေ့လုပ်ဆောင်ပါက၊ ဘုရားသခင်၏အလင်း၌ ပို၍ အချိန်ကုန်ဆုံးလိမ့်မည် ဖြစ်ပြီး၊ သူ၏နှုတ်ကပတ်တော်၏ လမ်းပြမူအောက်တွင် ပို၍ အချိန်ကုန်ဆုံး လိမ့်မည် ဖြစ်သည်။ သင်၏ စိတ်သဘောထားတွင်လည်း ပို၍ ပို၍ အပြောင်းအလဲများ ရှိလိမ့်မည်ဖြစ်ပြီး၊ သင်၏ အသိပညာသည် တစ်နေ့ထက် တစ်နေ့ တိုးပွားလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စစ်ဆေးခြင်းကိုကြုံတွေ့ခြင်းအားဖြင့်သာ လူသားသည် စစ်မှန်သော ချစ်ခြင်းမေတ္တာကို ပိုင်ဆိုင်နိုင်သည်”) ဘုရားသခင်၏ နှုတ်ကပတ်တော်များက ကျွန်မကို လက်တွေ့လုပ်ဆောင်မှု လမ်းကြောင်း တစ်ခုကို ပေးခဲ့ပါသည်။ အနာရောဂါအားဖြင့် ကျွန်မတို့၏ ဇာတိက ဒုက္ခ ခံစားရနိုင်သော်လည်း၊ ကျွန်မတို့သာ ဇာတိပကတိကို စွန့်လွှတ်နိုင်ပြီး ဘုရားသခင်၏ အစီအစဉ်နှင့် စီစဉ်မှုကို နာခံကာ၊ ဘုရားသခင်ကို ဆုတောင်းပြီး သူ၏အလိုတော်ကို ရှာနိုင်မည်ဆိုပါက၊ ဘုရားသခင်၏ လမ်းညွှန်မှုကို ရရှိနိုင်သည်၊ သမ္မာတရားကို နားလည်နိုင်သည်၊ နောက်ဆုံးမှာ ကျွန်မတို့၏ဆိုးယုတ်သည့် ဖောက်ပြန်ပျက်စီးသည့် စိတ်သဘောထားများ ပြောင်းလဲသွားပြီး ဘုရားသခင်ကို သိလာနိုင်မည် ဖြစ်ပါသည်။ ကျွန်မ ဘုရားသခင်၏ စစ်ဆေးမှု ခံနေရစဉ်ကာလအတွင်းတွင် ပေတရု၏ ဘုရားသခင်ကို ဆုတောင်းစာကို သတိရမိပါသည်။ “ကိုယ်တော့်ကို သိကျွမ်းလာပြီးနောက်တွင် သေရမည်ဆိုလျှင်ပင်၊ ကျွန်ုပ်သည် အဘယ်သို့များ အလွန်ဝမ်းမြောက်စွာနှင့် ပျော်ရွှင်စွာ မသေဘဲ နေနိုင်မည်နည်း။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၆” စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ) ကျွန်မမှာ ပေတရုကဲ့သို့ ဝိညာဉ်ရင့်ကျက်မှု ရှိကောင်း ရှိနိုင်မည် မဟုတ်ပါ၊ ကျွန်မက “ဒါပေမဲ့ သူ့လိုဖြစ်ဖို့ ငါကြိုးစားလို့ရသေးတာပဲ၊ ဘယ်အခြေအနေပဲဖြစ်ပါစေ ငါ သမ္မာတရားကို အားထုတ်နိုင်တာပဲ၊ ငါ့ကိုယ်ငါ ဘုရားသခင်ရဲ့လက်တော်ထဲ အလုံးစုံ ပေးအပ်ပြီး၊ ဘုရားရဲ့ အုပ်စိုးမှုနဲ့ စီစဉ်မှုကို နာခံလို့ရသေးပါတယ်။” ဟု တွေးခဲ့မိပါသည်။ ကျွန်မ ထိုကိစ္စကို ဤကဲ့သို့တွေးမိလိုက်တော့ ဝေဒနာနှင့် သေခြင်းတရားကို တွန့်ဆုတ်နေခြင်းမျိုး မခံစားရတော့ပါ။ ထိုနောက်ပိုင်း ကျွန်မ၏ ကုသမှုကို ပုံမှန်အတိုင်း ဆက်လုပ်နေခဲ့ပါသည်။ နေ့တိုင်း ဘုရားသခင်ကို ဆုတောင်းပြီး သူ၏နှုတ်ကပတ်တော်များ ဖတ်ခဲ့ကာ၊ ကျွန်မ၏နှလုံးသားကလည်း ဘုရားသခင်နှင့် ပိုပြီး နီးစပ်လာသကဲ့သို့ ခံစားခဲ့ရပါသည်။ ကြီးမားသည့် ငြိမ်းချမ်းမှုအသိစိတ်က ကျွန်မရင်ထဲမှာ ပွင့်လန်းလာခဲ့ပါသည်။ နှစ်ပတ်လောက် ကြာပြီးသည့်နောက်တွင် ကျွန်မ၏ အခြေအနေကို ထိန်းချုပ်နိုင်သွားပြီး၊ ကျန်းမာရေးကလည်း ဖြည်းဖြည်းချင်း စတင် ပြန်လည်ကောင်းမွန်လာခဲ့ပါသည်။ ကျွန်မ၏ သွင်ပြင်လက္ခဏာကလည်း ယခင်ကထက် ပို၍ ကြည့်ကောင်း လာခဲ့ပါသည်။ ထိုနောက်ပိုင်း အသင်းတော်မှာ ကျွန်မ၏ တာဝန်ကို စပြီး ထမ်းဆောင်ခဲ့ပြီး၊ နေ့တိုင်း စိတ်သက်သာရာ ရခဲ့ပါသည်။

၆ လ လောက်ကြာပြီးသည့်နောက်မှာ ကျွန်မ ဆေးရုံကို ဆေးစစ်ဖို့သွားခဲ့ပြီး၊ ကျွန်မ ကျန်းမာရေးအခြေအနေကို ပြသသည့် အညွှန်းတိုင်းက ပုံမှန်ဖြစ်နေပြီကို သိခဲ့ရပါသည်။ ဆရာဝန်က “အဲဒီလောက်ဖျားနာပြီးမှ ခင်ဗျားကျန်းမာရေးက ၆ လအတွင်း တော်တော်မြန်မြန်ပဲ ကောင်းလာလိမ့်မယ်လို့ တစ်ခါမှ မမျှော်လင့်ခဲ့ဖူးဘူး။ ခင်ဗျားပုံက အခုဆို လုံးဝဖျားနေတဲ့ပုံ မပေါ်တော့ဘူး။ မယုံနိုင်စရာပဲ။” ဟု အံ့ဩစွာနှင့် ပြောခဲ့ပါသည်။ ဆရာဝန် ဤကဲ့သို့ပြောသည်ကို ကြားလျက်၊ ဘုရားသခင်ကို ကျွန်မ လှိုက်လှိုက်လှဲလှဲ ကျေးဇူးတင်ပြီး‌ ချီးမွမ်းခဲ့ပါသည်။ ဤသည်မှာ ဘုရားသခင်၏ အနန္တတန်ခိုးနှင့် အုပ်စိုးမှု အလုပ်လုပ်နေခြင်းသာ ဖြစ်သည်ကို သိခဲ့ရပြီး၊ ကျွန်မအပေါ် ဘုရားသခင်၏ ချစ်ခြင်းမေတ္တာနှင့် ကယ်တင်ခြင်းကို ခံစားခဲ့ရပါသည်။

ယခု ထိုနည်းဖြင့် မကြာခဏ ဖျားနာလာရင်း၊ နာကျင်မှုနှင့် အားနည်းမှုများ ခံစားခဲ့ရသော်လည်း၊ ဘုရားသခင်၏နှုတ်ကပတ်တော်များ၏ လမ်းညွှန်မှုဖြင့်၊ ဘုရားသခင်၏ စမ်းသပ်မှု၊ စစ်ဆေးမှုနောက်ကွယ်က အဓိပ္ပာယ်ကို နားလည်လာခဲ့ပါသည်။ လူများကို ကယ်တင်ဖို့ ဘုရားသခင်၏ အလိုတော်ကိုလည်း နည်းနည်းပါးပါး နားလည်လာခဲ့ပြီး၊ ကျွန်မ၏ယုံကြည်မှုမှာ စွဲကိုင်ထားမိသည့် မှားယွင်းသည့် ကြံရွယ်ချက်များနှင့် အမြင်များလည်း ကုစားခံခဲ့ရပါပြီ။ ဘဝတွင် ဤကဲ့သို့ တန်ဖိုးကြီးသည့် ရတနာများကို ပေးသည့်အတွက် ဘုရားသခင်ကို ကျွန်မ လှိုက်လှိုက်လှဲလှဲ ကျေးဇူးတင်ပါသည်။

အရှေ့သို့- ၇၈။ အသည်းကင်ဆာရရှိခြင်းမှ သင်ယူရရှိခဲ့သည့် သင်ခန်းစာများ

နောက်တစ်ခုသို့- ၈၀။ လူငယ်ဘဝ၏ အရွယ်ကောင်းချိန်ကို အကျဉ်းထောင်၌ ကုန်ဆုံးခြင်း

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

၈။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

ရှင့်ရှင်း အမေရိကန်နိုင်ငံ အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

၇၅။ ရောဂါနှင့်ဆိုင်သော တုန်လှုပ်ဖွယ် အတွေ့အကြုံတစ်ခု

ကျုံးရှင်း တရုတ်နိုင်ငံအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက် အရေအတွက်သာ၍...

၁၉။ လူများကို မည်သို့ မှန်ကန်စွာ ဆက်ဆံရမည်ကို ကျွန်မ သိခဲ့ရပြီ

ဆီယွမ် ပြင်သစ်နိုင်ငံလွန်ခဲ့သည့်နှစ်နှစ်သုံးနှစ်က ကျွန်မ အသင်းတော် ခေါင်းဆောင် တာဝန်ကို ထမ်းဆောင်နေခဲ့သည်။ ထိုအသင်းတော်မှာ...

၆၇။ လူသားပုံသဏ္ဌာန် အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ထားရှီ ကနေဒါနိုင်ငံအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ ဘုရားသခင် ကြွလာပြီဖြစ်သည်၊ သူသည် ဘုရင်ဖြစ်၏ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည်ဘုရားသခင်၏ အသံတော်ကို ကြားကြ၏ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်