၅၈။ အယောင်ဆောင်ခေါင်းဆောင်အား ဖော်ထုတ်ခြင်း တစ်ကိုယ်ရေ ရုန်းကန်ကြိုးစားခြင်း

ကိုရီးယားနိုင်ငံ၊ ကျန့်ရိ

မနှစ်က မြို့ပြင်က အသင်းတော်တစ်ခုမှာ ကျွန်မရဲ့ တာဝန်ကို ထမ်းဆောင်နေပါတယ်။ ဒါပေမဲ့ လက်တွေ့ကျတဲ့အလုပ်ကို မလုပ်တာကြောင့် လူစားထိုးခံရပြီးနောက် အိမ်ပြန်ခဲ့ရတယ်။ အဲဒီနောက်မှာ ကျွန်မတို့ရဲ့ ခေါင်းဆောင် အစ်မလီက ဘုရားနှုတ်ကပတ်တော်နဲ့ပတ်သက်ပြီး ဉာဏ်အလင်းရစေတဲ့အရာတစ်ခုမှ ပြောစရာမရှိဘဲ တိုက်ရိုက် အယူဝါဒတွေပဲ ဟောတာကို ကျွန်မ သိခဲ့တယ်။ သူ့ကိုယ်သူ သိမြင်တာ ဒါမှမဟုတ် သူကိုယ်တိုင်ရဲ့ အတွေ့အကြုံကို ဝေမျှတာတွေကို တစ်ခါမှ မပြောခဲ့ဘူး။ သူက သူများတွေရဲ့ ပြဿနာကို ကူညီတဲ့အခါမှာ သြဇာလွှမ်းမိုးချင်တယ်။ ဆရာက သူတို့ရဲ့ တပည့်တွေကို သင်ပေးသလိုမျိုးပေါ့။ ပြီးတော့ ဘယ်သူ့ရဲ့ လက်တွေ့ပြဿနာကိုမှ သူ မဖြေရှင်းနိုင်ဘူး။ သူက အထင်ကြီးနှစ်သက်ခံရဖို့အတွက် သူ့တာဝန်မှာ ဘယ်လောက်အလုပ်လုပ်တာ၊ ဒုက္ခခံတာတွေကိုပဲ အမြဲတမ်းပြောတယ်။ တခြားဘာကိုမှ အလေးမထားဘဲ သူ့ကိုယ်သူပဲ အဟုတ်ထင်တယ်။ ယုံကြည်သူအသစ်ဖြစ်တဲ့ အစ်မတစ်ယောက်ရှိတယ်။ သူက ကွန်မြူနစ်ပါတီက ခရစ်ယာန်တွေကို ဖမ်းဆီးတာကို မြင်ရပြီး ကြောက်နေတယ်။ အစ်မလီက သူ့ကို အားပေးဖို့အတွက် သမ္မာတရားကို မိတ်သဟာယပြုမပေးဘဲ သူ့တာဝန်ကနေပဲ သူ့ကို ထုတ်ပယ်ပစ်လိုက်တယ်။ ကျွန်မနဲ့ တချို့ သင်းထောက်တွေက သူ့ကို အကြံပြုချက်တွေ ပေးပါတယ်။ ဒါပေမဲ့ သူက ဆင်ခြေတွေပဲပေးပြီး ကျွန်မတို့နဲ့ ငြင်းခုံတယ်။ စည်းမျဉ်းတွေကို အခြေခံကြည့်ရင် သမ္မာတရားရဲ့ စည်းမျဉ်းတွေနဲ့အညီ မလုပ်တဲ့၊ ညီအစ်ကို မောင်နှမတွေ သတိမထားမိတဲ့ အမှားကို လက်ခံခြင်း၊ ပြုပြင်ခြင်းကို ခံယူခြင်းမရှိတဲ့ ခေါင်းဆောင်က သမ္မာတရားကို လက်ခံပြီး နာခံလိုက်လျှောက်တဲ့သူ မဟုတ်ဘူး။ အစ်မလီက သူ့ကိုယ်သူ မသိဘူး။ သူ့မှာ အသက်ဝင်ရောက်မှု မရှိဘူး။ သူများတွေရဲ့ တကယ့် ပြဿနာတွေကို မဖြေရှင်းပေးနိုင်ဘူး။ အဲဒီလိုမျိုး အသင်းတော်ခေါင်းဆောင်တစ်ယောက်ဟာ အသင်းတော်အလုပ်နဲ့ ညီအစ်ကို မောင်နှမတွေရဲ့ အသက်တာတွေကိုပဲ ထိခိုက်နစ်နာစေနိုင်ပါတယ်။ အစ်မလီက အယောင်ဆောင်ခေါင်းဆောင်တစ်ယောက်ဖြစ်ပြီး အသင်းတော်အလုပ်အတွက် မသင့်တော်ဘူးဆိုတာ ကျွန်မ သေချာနေပြီးတော့ သူ့ကို တိုင်ကြားချင်ခဲ့တယ်။ ဒါပေမဲ့ သူ့ကို တိုင်ဖို့အတွက် စာတစ်စောင်ရေးနေတုန်းမှာ ကျွန်မ ကြောက်နေမိတယ်။ ကျွန်မက ထုတ်ပယ်ခံရတာသိပ်မကြာသေးဘူး။ ကျွန်မရဲ့ တာဝန်ကို ထမ်းဆောင်နေတာမဟုတ်ဘူး။ ကျွန်မက အစ်မလီကို တိုင်ကြားခဲ့ပြီးတော့ သူများတွေက ကျွန်မ မြင်သလို မမြင်နိုင်ရင် ကျွန်မကိုပဲ ပြန်ပြောကြမှာလေ။ “အိုး ကျန်းရီကို ကြည့်စမ်းပါဦး။ သူက ထုတ်ခံရတာ သိပ်မကြာသေးပေမဲ့ ငြိမ်ငြိမ်မနေနိုင်ဘူးနော်။ သူ့ကိုယ်သူ ကြည့်သင့်တယ်။ တခြားလူတွေကို မဟုတ်ဘူးလေ။ ကြည့်ရတာ သူ့ကိုယ်သူ တကယ် သိမြင်တာ၊ နောင်တရတာ မရှိတဲ့ပုံပဲ။” ဆိုပြီးတော့။ သူတို့သာ အဲဒီလိုပြောရင် ကျွန်မ သူတို့နားမှာ တကယ်ကို ခေါင်းဖော်နိုင်မှာမဟုတ်ဘူး။ ထုတ်ခံထားရတဲ့ အယောင်ဆောင် ခေါင်းဆောင်တစ်ယောက်အနေနဲ့ ကျွန်မမှာ ပြောဆိုပိုင်ခွင့် သိပ်မရှိဘူးလို့ ခံစားခဲ့ရတယ်။ အထူးသဖြင့် အဲဒီတိုင်ကြားချက်က အစ်မလီကို ဘယ်လို စိတ်ဆိုးသွားစေနိုင်တယ်ဆိုတာကို ကျွန်မ စဉ်းစားမိတယ်။ ပြီးတော့ အသင်းတော်တစ်ခုတည်းမှာ အတူရှိနေတော့ ကျွန်မတို့က အချင်းချင်း အချိန်ပြည့် မြင်တွေ့နေရတာ။ ဒီလိုလုပ်ပြီးတဲ့နောက်မှာ ကျွန်မတို့က ဘယ်လိုလုပ် အဆင်ပြေဖို့ ဖြစ်နိုင်မှာလဲ။ သူက ရာထူးမပြုတ်ဘဲ ကျွန်မကို အခက်အခဲဖြစ်အောင်လုပ်ရင် ဘယ်လိုလုပ်မလဲ။ ကျွန်မ စဉ်းစားကြည့်လေလေ၊ ချောင်ပိတ်မိလေလေ ဖြစ်နေခဲ့တာ။ တိုင်ကြားချက်က သူ့ကို စိတ်ဆိုးစေနိုင်ပြီး အဲဒီလို အရဲမစွန့်သင့်ဘူးလို့ ကျွန်မ စဉ်းစားမိတယ်။ ကျွန်မ ကိုယ်တိုင်ရဲ့ အခြေအနေအရ ကျွန်မ မလုပ်နိုင်ဘူး။ ပြီးတော့ အသင်းတော်မှာရှိတဲ့ အယောင်ဆောင်ခေါင်းဆောင်က ကျွန်မတစ်ယောက်တည်း တာဝန်ရှိတဲ့ ပြဿနာမဟုတ်ဘူ။ သူ့ကို တခြားတစ်ယောက်ယောက်က တိုင်ကြားပါစေ ပေါ့။ ကျွန်မက အစည်းအဝေးတွေကို ဆက်သွားပြီး ငြိမ်းငြိမ်းချမ်းချမ်းလေးပဲ နေချင်ခဲ့တာပါ။

အဲဒီပြဿနာကို ကျွန်မ စိတ်ထဲက ထုတ်ပစ်ဖို့ ဆုံးဖြတ်လိုက်တယ်။ ဒါပေမဲ့ အမြဲတမ်းဒုက္ခပေးနေတဲ့ စိတ်မသက်မသာဖြစ်တာက ရှိနေတုန်းပဲ။ ညမှာ အိပ်ရာထဲလှဲနေရင်းနဲ့ ကျွန်မခေါင်းထဲမှာ အစ်မလီက အစည်းအဝေးတွေမှာ ကြွားဝါနေတာ၊ တရားတွေကို ကျက်ပြီး ဟောနေတာတွေပဲ စဉ်းစားမိနေတယ်။ အဲဒီလိုသာ ဆက်သွားရင် ညီအစ်ကို မောင်နှမတွေကို ထိခိုက်မှာပဲ။ ထုတ်မပြောတဲ့အတွက် ကျွန်မ အပြစ်ရှိသလို ခံစားခဲ့ရတယ်။ နောက်ပိုင်းမှာ ဘုရားသခင်ရဲ့ ဒီနှုတ်ကပတ်တော်တွေကို ကျွန်မ ဖတ်တယ်။ “ဥပမာအနေဖြင့် ဦးဆောင်နေသည့် လူတစ်ယောက်ဖြင့် လူတစ်ဖွဲ့ ရှိသည်ဟု ဆိုကြပါစို့။ ဤလူကို ‘ခေါင်းဆောင်’ တစ်ယောက် သို့မဟုတ် ‘အမှုတော်ဆောင်’ တစ်ယောက် အဖြစ် ရည်ညွှန်းပါက၊ အဖွဲ့ထဲတွင် ၎င်းတို့၏ တာဝန်မှာ အဘယ်နည်း။ (ခေါင်းဆောင်မှု တာဝန် ဖြစ်ပါသည်။) ဤလူတစ်ယောက်၏ ခေါင်းဆောင်မှုသည် ၎င်းတို့ ဦးဆောင်သည့် လူများနှင့် အဖွဲ့တစ်ခုလုံးအပေါ်တွင် မည်သည့် အကျိုးတရား ရှိသနည်း။ ယင်းက အဖွဲ့၏ ဦးတည်ချက်နှင့် ၎င်း၏ လမ်းကြောင်းကို အကျိုးသက်ရောက်မှုရှိသည်။ ဤအရာက သွယ်ဝိုက်ရည်ညွှန်းသည်မှာ ခေါင်းဆောင်မှု ရာထူးတစ်ခု၌ ဤလူပုဂ္ဂိုလ်သည် မှားယွင်းသော လမ်းကြောင်းကို လျှောက်မိပါက၊ အနည်းဆုံးအနေဖြင့် သူ၏ လက်အောက်မှ လူများနှင့် အဖွဲ့တစ်ဖွဲ့လုံးကို မှန်ကန်သော လမ်းကြောင်းမှ လမ်းလွဲသွားစေလိမ့်မည် ဟုဖြစ်သည်။ ထို့ထက်ပိုပြီးလျှင် ၎င်းတို့ ရှေ့ဆက်သည်နှင့်အညီ အဖွဲ့တစ်ဖွဲ့လုံး၏ ဦးတည်ချက်အပြင်၊ ၎င်းတို့၏ အရှိန်နှင့် ခြေလှမ်းတို့ကိုလည်း နှောင့်ယှက်နိုင်သည် သို့မဟုတ် ဖျက်ဆီးနိုင်သည်။ ထို့ကြောင့် ဤလူတစ်အုပ်နှင့် ပတ်သက်ပါက၊ ၎င်းတို့ လိုက်လျှောက်သည့် လမ်းကြောင်းနှင့် ၎င်းတို့ ရွေးချယ်သည့် လမ်းကြောင်း၏ ဦးတည်ချက်၊ သမ္မာတရားကို ၎င်းတို့ နားလည်သဘောပေါက်သည့် အတိုင်းအတာအပြင်၊ ဘုရားသခင်ကို ၎င်းတို့၏ ယုံကြည်ခြင်းတို့သည် မိမိတို့ကိုယ်ကိုယ်သာမက၊ ၎င်းတို့၏ ခေါင်းဆောင်မှု နယ်ပယ်အတွင်းရှိ ညီအစ်ကိုမောင်နှမများ အားလုံးကိုလည်း သက်ရောက်မှုရှိနိုင်သည်။ ခေါင်းဆောင် တစ်ယောက်သည် သင့်တော်သည့် လူတစ်ယောက် ဖြစ်ကာ၊ မှန်ကန်သော လမ်းကြောင်းကို လျှောက်နေပြီး၊ သမ္မာတရားကို လိုက်စား၍၊ လက်တွေ့လုပ်ဆောင်နေသောသူဖြစ်ပါက၊ ၎င်းတို့ ဦးဆောင်သည့်လူများကလည်း သင့်တင့် လျောက်ပတ်စွာ စားသောက်လိမ့်မည် ဖြစ်ပြီး၊ သင့်တင့်လျောက်ပတ်စွာ ရှာဖွေလိမ့်မည်ဖြစ်သည်၊ ပြီးလျှင် တစ်ချိန်တည်းမှာပင်၊ ခေါင်းဆောင် ကိုယ်တိုင်၏ တိုးတက်မှုသည် အခြားသူများအတွက် အစဉ် ထင်ရှားသိသာလိမ့်မည်။ ထို့ကြောင့် ခေါင်းဆောင် တစ်ယောက် လျှောက်သင့်သည့် မှန်ကန်သည့် လမ်းကြောင်းမှာ အဘယ်နည်း။ ယင်းသည် အခြားသူများကို သမ္မာတရားနှင့် သက်ဆိုင်သည့် နားလည်မှု တစ်ခုဆီသို့၊ သမ္မာတရားထဲသို့ ဝင်ရောက်မှု တစ်ခုဆီသို့ ဦးဆောင်နိုင်ခြင်းနှင့် အခြားသူများကို ဘုရားသခင်ထံသို့ ဦးဆောင်နိုင်ခြင်းတို့ ဖြစ်ပေသည်။ မှားယွင်းသည့် လမ်းကြောင်းတစ်ခုမှာ အဘယ်နည်း။ ယင်းက မိမိကိုယ်ကိုယ် မကြာခဏ ချီးမြှောက်ခြင်း၊ မိမိကိုယ်ကိုယ် သက်သေခံခြင်း၊ ဂုဏ်ဒြပ်၊ ကျော်ကြားမှုနှင့် အကျိုးအမြတ်တို့ကို လိုက်စားခြင်း အပြင်၊ ဘုရားသခင်ကို မည်သည့်အခါမျှ သက်သေမခံခြင်းတို့ ဖြစ်သည်။ ဤအရာက ၎င်းတို့၏ လက်အောက်မှ လူများအပေါ် မည်သည့် အကျိုးသက်ရောက်မှု ရှိစေသနည်း။ (ယင်းက ထိုလူများကို ၎င်းတို့ ရှေ့သို့ ခေါ်ဆောင်သည်။) လူများသည် ဘုရားသခင်ထံမှ ဝေးရာသို့ လမ်းလွဲကြပြီး၊ ဤခေါင်းဆောင်၏ ထိန်းချုပ်မှု အောက်သို့ လာကြလိမ့်မည် ဖြစ်သည်။ ၎င်းတို့၏ ခေါင်းဆောင်ရှေ့သို့ ခေါ်ဆောင်ခြင်းခံရသည့် လူများသည် ထိုခေါင်းဆောင်၏ ထိန်းချုပ်ခြင်း ခံရလိမ့်မည် ဖြစ်သည်မှာ မသိသာပါလော။ ပြီးလျှင် ဤအရာက ၎င်းတို့ကို ဘုရားသခင်ထံမှ ဝေးရာသို့ ခေါ်သွားသည်မှာ မှန်ပေ၏။ သင်သည် လူများကို သင်၏ရှေ့သို့ လာဖို့ ဦးဆောင်ပါက၊ သင်သည် ၎င်းတို့ကို ဖောက်ပြန်ပျက်စီးသော လူသားမျိုးနွယ် ရှေ့သို့ လာဖို့ ဦးဆောင်လမ်းပြနေခြင်းဖြစ်သည်၊ ပြီးလျှင် သင်သည် ၎င်းတို့ကို ဘုရားသခင်၏ ရှေ့မှောက်သို့ မဟုတ်ဘဲ၊ စာတန်၏ရှေ့သို့ လာဖို့ ဦးဆောင်လမ်းပြနေခြင်း ဖြစ်သည်။ လူများကို သမ္မာတရား၏ ရှေ့မှောက်သို့ လာဖို့ ဦးဆောင်လမ်းပြခြင်းသည်သာလျှင် ၎င်းတို့ကို ဘုရားသခင်၏ ရှေ့မှောက်သို့ လာဖို့ ဦးဆောင်လမ်းပြနေခြင်း ဖြစ်သည်။ ဤသည်တို့မှာ ဤလူမျိုးနှစ်မျိုးက- မှန်ကန်သောလမ်းကြောင်းကို လျှောက်သည့်သူများနှင့် မမှန်ကန်သော လမ်းကြောင်းကို လျှောက်သည့်သူများ- ၎င်းတို့ ဦးဆောင်သည့် လူများအပေါ် ဖြစ်ပေါ်စေသည့် အကျိုးတရားများဖြစ်ပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၁)”) ခေါင်းဆောင်တစ်ယောက်ရဲ့ လမ်းကြောင်းက သူများတွေကို ပုဂ္ဂိုလ်ရေးအထိ ထိခိုက်စေရုံတင်မကဘဲ သူတို့ရဲ့ အသက်ဝင်ရောက်မှုအပေါ်၊ အသင်းတော်အလုပ်တစ်ခုလုံးအပေါ် တိုက်ရိုက် သက်ရောက်မှုရှိတယ်ဆိုတာ ဘုရားနှုတ်ကပတ်တော်တွေကနေ ကျွန်မ သိလိုက်ရတယ်။ အစ်မလီက အနှစ်မရှိတဲ့ စကားတွေကိုပဲ အမြဲတမ်း ဟောပြောခဲ့ပြီး ညီအစ်ကို မောင်နှမတွေရဲ့ တကယ့်ဘဝ ပြဿနာတွေကို မဖြေရှင်းပေးနိုင်ဘူး။ သူက အမြဲတမ်းပဲ ကြွားဝါနေပြီး လူတွေကို လမ်းမှားရောက်စေတယ်။ ညီအစ်ကို မောင်နှမတွေက သူ့ကို အထင်ကြီးလေးစားကြတယ်။ ဒါ့အပြင် သူက မာနထောင်လွှားပြီး အာဏာရှင်ဆန်တယ်။ အသင်းတော်အလုပ်ရဲ့ တော်တော်များများမှာ သူတစ်ယောက်တည်းပဲ ဆုံးဖြတ်တယ်။ သမ္မာတရားရဲ့ စည်းမျဉ်းတွေကို သူ မရှာဖွေဘူး၊ သူများတွေရဲ့ အကြံဉာဏ်ကို လက်မခံဘူး။ သူကိုယ်တိုင်ရဲ့ အယူအဆတွေကိုပဲ အခြေခံပြီး အကြောင်းအရာတွေကို ကိုင်တွယ်ခဲ့တယ်။ သူက အသင်းတော်ရဲ့အလုပ်ကို ထိန်းသိမ်းဖို့ အခွင့်အလမ်း လုံးဝမရှိပါဘူး။ အသင်းတော်အလုပ်ကို လုံးဝ အဟန့်အတားဖြစ်စေနေတာပါ။ အသင်းတော်မှာ အဲဒီလို အယောင်ဆောင်ခေါင်းဆောင်တစ်ယောက်နဲ့ဆိုရင် ညီအစ်ကို မောင်နှမတွေလည်း သူနဲ့အတူ ဆုတ်ယုတ်သွားမှာပဲ။ ယုံကြည်သူတွေ အများကြီးက အယောင်ဆောင်ခေါင်းဆောင်တစ်ယောက်ရဲ့ လှည့်စားတာကို ခံရပြီး ဒါကြောင့် သူတို့ရဲ့အသက်တာတွေက ဒုက္ခခံနေရတာကို မြင်ရတာဟာ ဘုရားသခင်အတွက် အရမ်းဝမ်းနည်းစရာကောင်းပါတယ်။ အစ်မလီက အယောင်ဆောင်ခေါင်းဆောင်တစ်ယောက်ဆိုတာကို ကျွန်မ ပိုင်းခြားသိမြင်နေခဲ့ပြီး အယောင်ဆောင်ခေါင်းဆောင်တစ်ယောက်ကို ဦးဆောင်စေခြင်းအားဖြင့် ညီအစ်ကို မောင်နှမတွေနဲ့ အသင်းတော်အသက်တာအပေါ် သက်ရောက်တဲ့ ထိခိုက်နစ်နာမှုကို ကျွန်မ မြင်ခဲ့ပြီးပြီ။ ဒါပေမဲ့ သူ့ကို စိတ်ဆိုးအောင်လုပ်မိမှာ ကြောက်တာနဲ့ အသင်းတော်အလုပ်နဲ့ သူများတွေရဲ့ အသက်ဝင်ရောက်မှု နှောင့်နှေးခံရတာကို ကျွန်မ သိသိကြီးနဲ့ ကြည့်နေခဲ့တယ်။ သူ့ကို ဖော်ထုတ်ပြီး တိုင်ကြားဖို့ ကျွန်မ မရပ်တည်ခဲ့ဘူး။ ကျွန်မက လုံးဝ မဖြောင့်မတ်ခဲ့တာပါ။ ပြီးတော့ ဘုရားအလိုတော်ကို ထည့်မစဉ်းစားဘူး။ ကျွန်မက တော်တော်ကို စာနာစိတ်မရှိခဲ့တာပါ။ ကျွန်မရဲ့ အရင်က တာဝန်မှာ တကယ့်အလုပ်ကို မလုပ်လို့ အသင်းတော် အလုပ်ကို ထိခိုက်စေခဲ့ပြီးပြီ။ အခု အယောင်ဆောင်ခေါင်းဆောင်တစ်ယောက်က ဘုရားသခင် ရွေးချယ်ထားသူတွေကို လှည့်စားနေတာကို မြင်ပေမဲ့ သူ့ကို တိုင်ကြားဖို့ ဒါမှမဟုတ် အသင်းတော်ရဲ့ အကျိုးစီးပွားကို ထိန်းသိမ်းဖို့အတွက် မရပ်တည်တာဟာ ကျွန်မ တော်တော်လွန်သွားတာပဲ။ ကျွန်မ ဘုရားသခင်အပေါ် အကြွေးတင်တယ်၊ ဖန်ဆင်းခံတစ်ယောက်အနေနဲ့ ကျွန်မ ရပ်တည်သင့်တယ်၊ ဘုရားအလိုတော်ကို အလေးထားပြီး အသင်းတော်အလုပ်ကို ထိန်းသိမ်းသင့်တယ်လို့ ကျွန်မ ပိုပိုပြီး ခံစားခဲ့ရတယ်။ ဒါက ကျွန်မရဲ့ တာဝန်ပါ။ ကျွန်မ ဖြည့်ဆည်းရမယ့် တာဝန်ဝတ္တရားတစ်ခုပဲ။ ဒီလို တွေးမိတော့ ကျွန်မ အင်အားနည်းနည်းရှိလာပြီး ကိုယ့်ကိုယ်ကိုယ် ပြောလိုက်တယ်။ “အသင်းတော်ရဲ့ အကျိုးစီးပွားအတွက်နဲ့ ဘုရားသခင် ရွေးချယ်ထားတဲ့သူတွေ စစ်မှန်တဲ့ အသင်းတော်အသက်တာကို ရှင်သန်နေထိုင်နိုင်ဖို့အတွက် ကျွန်မ သမ္မာတရားကို လက်တွေ့လုပ်ဆောင်ပြီး အစ်မလီရဲ့ ပြဿနာကို ထုတ်ပြောရမယ်။ အယောင်ဆောင်ခေါင်းဆောင်တစ်ယောက်က ညီအစ်ကို မောင်နှမတွေကို ဆက်ပြီး လမ်းလွဲအောင် ဦးဆောင်ဖို့ ငါ ခွင့်မပြုနိုင်တော့ဘူး” ဆိုပြီးတော့။ ကျွန်မ တိုင်ကြားစာတစ်စောင် ရေးဖို့ ပြင်ဆင်နေတုန်းမှာပဲ အခုရက်ပိုင်းမှာ အစ်မကြီးတစ်ယောက်က အစ်မလီရဲ့ ပြဿနာတချို့ကို သူ့ကို ထောက်ပြပြီးတဲ့နောက်မှာ အစ်မလီက သူနဲ့ အစည်းအဝေးလုပ်တာကို ရပ်လိုက်တယ်လို့ ကြားခဲ့ရတယ်။ ဒါကို ကြားရတော့ ကျွန်မ တော်တော် စိတ်ဆိုးခဲ့ပါတယ်။ သူက တကယ်ကို သမ္မာတရားကို လက်ခံဖို့ ငြင်းဆန်တာပဲလို့ ကျွန်မ ခံစားခဲ့ရတယ်။ ဒါပေမဲ့ တစ်ချိန်တည်းမှာပဲ ကျွန်မရဲ့ စိုးရိမ်မှုက ပေါ်လာပြန်တယ်။ အမြင်နည်းနည်းလောက် ဖော်ပြတာနဲ့ပဲ သူက အဲဒီအစ်မကို ဖယ်ပစ်လိုက်တယ်။ ငါ သူ့ကို တိုင်တာကို သူ သိသွားရင် ငါ့ကို အငြိုးထားပြီး အဆင်မပြေဖြစ်အောင် လုပ်မှာလား ပေါ့။ သူက ကျွန်မကို စပြီး ဝေဖန်လာပြီး ခေါင်းဆောင်တွေနဲ့ အမှုဆောင်တွေကို တိုက်ခိုက်တယ်လို့ စွပ်စွဲရင် သူများတွေက ဘယ်လို ထင်ကြမလဲ။ သူက ကျွန်မကို ဖိနှိပ်နေရင် ကျွန်မရဲ့ တာဝန်ကို ထမ်းဆောင်ဖို့ အခွင့်အရေးရှိမှာမဟုတ်ဘူး။ အဲဒါဆိုရင် ပိုပြီးတော့တောင် အခံရခက်မှာပဲ။ ဒါပေမဲ့ ကျွန်မ သူ့ကို မတိုင်ရင် တကယ်ကို အပြစ်ရှိသလို ခံစားရတယ်။ ကျွန်မ စိတ်ထဲမှာ လွန်ဆွဲနေပြီး ဗြောင်းဆန်နေတယ်။

အဲဒါနဲ့ ဘုရားသခင်ရှေ့ကို ယူဆောင်လာပြီး ဆုတောင်း ရှာဖွေခဲ့ပါတယ်။ အဲဒီနောက်မှာ ဘုရားနှုတ်ကပတ်တော်ထဲက ဒီအပိုဒ်ကို ကျွန်မ ဖတ်ပါတယ်။ “သင်တို့အားလုံးက ဘုရားသခင်၏ ဝန်ထုပ်ဝန်ပိုးကို အရေးထားကာ၊ အသင်းတော်၏ သက်သေခံချက်ကို ကာကွယ်ပြောဆိုမည်ဟု ပြောကြသော်လည်း၊ သင်တို့ထဲမှ မည်သူသည် ဘုရားသခင်၏ ဝန်ထုပ်ဝန်ပိုးကို အမှန်တကယ် အရေးထားခဲ့ကြပြီနည်း။ သင့်ကိုယ်သင် မေးလော့- သင်သည် ဘုရားသခင်၏ ဝန်ထုပ် ဝန်ပိုးကို ထည့်သွင်းစဉ်းစားမှု ပြသပြီးသော သူတစ်စုံတစ်ဦးလော။ ဘုရားသခင်အတွက် ဖြောင့်မတ်ခြင်းတရားကို သင်လက်တွေ့ လုပ်ဆောင်နိုင်သလော။ ငါ့အတွက် သင်ထရပ်ကာ ပြောဆိုနိုင်သလော။ သင်သည် သမ္မာတရားကို တည်ကြည်ခိုင်မာစွာ လက်တွေ့လုပ်ဆောင် နိုင်သလော။ စာတန်၏ လုပ်ရပ်အားလုံးကို ဆန့်ကျင်တိုက်ခိုက်ရလောက်အောင် သင်သည် ရဲရင့်သလော။ သင်သည် သင်၏ စိတ်ခံစားမှုများကို ဘေးဖယ်ကာ၊ ငါ၏ သမ္မာတရားအတွက် စာတန်ကို ဖော်ထုတ်ပေးနိုင်မည်လော။ သင့်အထဲတွင် ငါ၏ ရည်ရွယ်ချက်များ ပြည့်စုံစေခွင့် သင် ပေးနိုင်သလော။ အရေးအပါဆုံးသော အခိုက်အတန့်များတွင် သင်၏နှလုံးသားကို သင် ဆက်ကပ်ပြီးပြီလော။ သင်သည် ငါ၏အလိုကို လုပ်ဆောင်သောသူ တစ်စုံတစ်ဦးလော။ ဤမေးခွန်းများကို သင့်ကိုယ်သင် မေးပြီး ၎င်းတို့နှင့်ပတ်သက်၍ မကြာခဏ စဉ်းစားလော့။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၃” အစအဦး၌ ခရစ်တော်၏မိန့်မြွက်ချက်များ) စကားလုံးတိုင်းက ကျွန်မရဲ့ အသိစိတ်တံခါးကို လာခေါက်နေသလို ခံစားခဲ့ရတယ်။ အထူးသဖြင့် “သင်တို့အားလုံးက ဘုရားသခင်၏ ဝန်ထုပ်ဝန်ပိုးကို အရေးထားကာ၊ အသင်းတော်၏ သက်သေခံချက်ကို ကာကွယ်ပြောဆိုမည်ဟု ပြောကြသော်လည်း၊ သင်တို့ထဲမှ မည်သူသည် ဘုရားသခင်၏ ဝန်ထုပ်ဝန်ပိုးကို အမှန်တကယ် အရေးထားခဲ့ကြပြီနည်း။” ဘုရားသခင်က ကျွန်မရဲ့ ဘေးနားမှာရပ်နေပြီး ဒီ မေးခွန်းကို မေးနေသလို ခံစားခဲ့ရတယ်။ အစ်မလီက အယောင်ဆောင်ခေါင်းဆောင်တစ်ယောက်ဆိုတာ ကျွန်မ သိခဲ့တယ်။ အချိန်မီ မဖြေရှင်းရင် ဘုရားသခင် ရွေးချယ်ခြင်းခံထားရသူတွေရဲ့ အသက်ဝင်ရောက်မှုကို ထိခိုက်စေမှာပဲဆိုတာ ကျွန်မ သိခဲ့တယ်။ ဒါပေမဲ့ သူက စိတ်ဆိုးပြီး ကျွန်မကို အငြိုးထားမှာ၊ ကျွန်မကို သီးသန့်ခွဲထားပြီး အသင်းတော်ကနေ ထုတ်ပယ်မှာကို ကြောက်နေခဲ့တယ်။ ကိစ္စတိုင်းမှာ ကျွန်မရဲ့ ကိုယ်ပိုင် အကျိုးစီးပွားကိုပဲ ထိန်းထားပြီး စည်းမျဉ်းတွေကို မထိန်းသိမ်းရဲဘူး။ သူ့ကိုမတိုင်ရဲခဲ့ဘူး။ ဒီ ဝိညာဉ်ရေးရာတိုက်ပွဲက တကယ့်အရေးကြီးတဲ့အချိန်မှာ ကျွန်မကို သက်သေခံဖို့ လိုအပ်ခဲ့တယ်။ ဒါပေမဲ့ ကျွန်မက ကိုယ့်အကျိုးစီးပွားကို ကာကွယ်ခဲ့ပြီး လူ့အကြိုက်လိုက်သူတစ်ယောက်ဖြစ်ခဲ့တယ်။ ဘုရားသခင်ကို စက်ဆုပ်ရွံရှာစေခဲ့တယ်။ ကျွန်မ ကိုယ့်ကိုယ်ကိုယ် တကယ်ကို မုန်းတီးခဲ့ပါတယ်။ လူ့အကြိုက်လိုက်သူတစ်ယောက် ဆက်မဖြစ်ချင်တော့ဘူး။ အဲဒီနောက်မှာတော့ ကျွန်မ စိတ်လျှော့လိုက်ပြီး ကိုယ့်ကိုယ်ကိုယ် ဆင်ခြင်သုံးသပ်ခဲ့တယ်။ သူက အယောင်ဆောင်ခေါင်းဆောင်တစ်ယောက်ဆိုတာကို ကျွန်မ ကောင်းကောင်း သိတယ်။ စည်းမျဉ်းတွေနဲ့အညီ သူ့ကို တိုင်ကြားဖို့ ကျွန်မ ဆန္ဒရှိခဲ့ပါတယ်။ ဒါပေမဲ့ သူ့ကို အကြံနည်းနည်းပေးလို့ လူတစ်ယောက်ကို သူက ထုတ်လိုက်တာကို ကျွန်မ ကြားတဲ့အခါမှာ အသင်းတော်အလုပ်အတွက် ရပ်တည်ရမယ့်အစား ဘာကြောင့် ကိုယ့်ကိုယ်ကိုယ် ကာကွယ်ဖို့ကို ကျွန်မ ရွေးချယ်လိုက်တာလဲ။ ကိုယ့်အကျိုးစီးပွားကိုပဲ ဘာကြောင့် အမြဲတမ်း ကာကွယ်နေရတာလဲ။ ဒီ ပြဿနာနဲ့ပတ်သက်ပြီး ကျွန်မ ဆုတောင်း ရှာဖွေခဲ့ပါတယ်။

ကျွန်မ ဘုရားရှိခိုးဝတ်ပြုတဲ့အချိန်တစ်ချိန်မှာ ဖတ်ခဲ့တဲ့ ဘုရားနှုတ်ကပတ်တော်တချို့ရှိတယ်။ “လူအများစုသည် သမ္မာတရားကို လိုက်စားပြီး လက်တွေ့လုပ်ဆောင်ရန် ဆန္ဒရှိကြသော်လည်း၊ များသောအားဖြင့် ၎င်းတို့သည် ထိုသို့ လုပ်ဆောင်ရန် ဆုံးဖြတ်ချက်နှင့် စိတ်ဆန္ဒ ရှိရုံမျှရှိကြလေသည်။ ၎င်းတို့အတွင်းတွင် သမ္မာတရားနှင့်ဆိုင်သော အသက် မပိုင်ဆိုင်ကြ။ အကျိုးဆက်အနေဖြင့်၊ ဆိုးယုတ်သော အင်အားစုများကို ၎င်းတို့ အမှတ်မထင်တွေ့ရသည့်အခါ သို့မဟုတ် ကောက်ကျစ်စဉ်းလဲပြီး ဆိုးသွမ်းသော လူတို့က ဒုစရိုက်မှုများ ကျူးလွန်နေသည် သို့မဟုတ် ခေါင်းဆောင် အတုအယောင်များနှင့် အန္တိခရစ်တို့က အခြေခံသဘောတရားများကို ချိုးဖောက်သည့် နည်းလမ်းဖြင့် အမှုအရာများ လုပ်ဆောင်နေကြ၍ ထိုသို့ဖြင့် ဘုရားသခင်၏အိမ်တော်၏ အမှုကို ဆုံးရှုံးမှုများဖြစ်စေပြီး ဘုရားသခင်ရွေးကောက်ထားသူတို့ကို အန္တရာယ်ဖြစ်စေသည်ကို ကြုံရသည့်အခါ၊ ၎င်းတို့သည် ထရပ်ပြီး ထုတ်ပြောဖို့သတ္တိ မရှိတော့ပေ။ သင်တို့ သတ္တိမရှိသည့်အချိန်ဆိုသည်မှာ မည်သည့်အရာကို ဆိုလိုသနည်း။ သင်တို့ ကြောက်တတ်သည် သို့မဟုတ် စိတ်ထဲရှိသမျှ မဖော်ပြတတ်ဟု ဆိုလိုသလော။ သို့မဟုတ် သင်က စေ့စေ့စပ်စပ် နားလည်ခြင်းမရှိသောကြောင့် ဖြစ်သလော။ ဤအရာများထဲမှ မည်သည့်အရာမျှ မဟုတ်ပေ။ ယင်းမှာ သင်သည် ဖောက်ပြန်ပျက်စီးသော စိတ်သဘောထား အမျိုးအစား အချို့၏ ထိန်းချုပ်ခြင်းကို ခံရနေခြင်း ဖြစ်သည်။ ဤစိတ်သဘောထားများထဲမှ တစ်ခုမှာ ကလိမ်ကကျစ်အပြုအမူ ဖြစ်သည်။ သင်က၊ ‘ကျွန်ုပ် ထုတ်ပြောလိုက်လျှင်၊ ကျွန်ုပ်ကို မည်သို့ အကျိုးပြုမည်နည်း။ ကျွန်ုပ် ထုတ်ပြောလိုက်ပြီး တစ်စုံတစ်ဦးကို သဘောမကျဖြစ်စေပါက၊ အနာဂတ်တွင် ကျွန်ုပ်တို့ မည်သို့ အဆင်ပြေမည်နည်း’ ဟု တွေးရင်း၊ သင့်ကိုယ်သင် ဦးစွာပထမ စဉ်းစားလေသည်။ ဤသည်မှာ ကလိမ်ကကျစ် စိတ်နေစိတ်ထားဖြစ်၏၊ မှန်သည်လော။ ဤသည်မှာ ကလိမ်ကကျစ် စိတ်သဘောထား၏ အကျိုးဆက်မဟုတ်လော။ နောက်ထပ်တစ်ခုမှာ တစ်ကိုယ်ကောင်းဆန်ပြီး ခက်ထန်သော စိတ်သဘောထားတစ်ခု ဖြစ်သည်။ သင်က၊ ‘ဘုရားအိမ်တော်၏ အကျိုးစီးပွားများ ဆုံးရှုံးခြင်းတစ်ခုသည် ငါနှင့် အဘယ်ပတ်သက်စရာ ရှိသနည်း။ အဘယ်ကြောင့် ငါ ဂရုစိုက်သင့်သနည်း။ ထိုအရာသည် ငါနှင့် မည်သို့မျှ မပတ်သက်ပါ။ ယင်းကို ငါမြင်ကာ ဖြစ်ပျက်နေသည်ကို ကြားလျှင်ပင်၊ မည်သည့်အရာကိုမျှ လုပ်ဆောင်ဖို့ မလိုအပ်ပါ။ ယင်းသည် ငါ၏ တာဝန် မဟုတ်- ငါသည် ခေါင်းဆောင်တစ်ဦး မဟုတ်’ဟု တွေးသည်။ ထိုသို့သော အရာများသည် သင်၏ မသိစိတ်မှ ပေါက်ဖွားသည့်အလား၊ ပြီးလျှင် သင်၏ စိတ်နှလုံးတွင် ယင်းတို့က အမြဲတမ်းနေရာများ ယူထားကြသည့်အလား- သင်၏ အတွင်းတွင် ရှိကြလေသည်၊ ယင်းတို့သည် လူသား၏ ဖောက်ပြန်ပျက်စီးသည့် စာတန်ဆန်သော စိတ်သဘောထားများ ဖြစ်သည်။ ဤဖောက်ပြန်ပျက်စီးသည့် စိတ်သဘောထားများက သင်၏ အတွေးများကို ထိန်းချုပ်ပြီး သင်၏ လက်များနှင့် ခြေများကို ချည်နှောင်ကာ သင်၏ နှုတ်ကို ထိန်းချုပ်လေသည်။ သင်၏ စိတ်နှလုံးထဲရှိ တစ်စုံတစ်ရာကို သင် ပြောလိုသည့်အခါတွင်၊ စကားလုံးများက သင်၏ နှုတ်ခမ်းများဆီသို့ ရောက်ရှိသော်လည်း သင် မပြောပေ၊ သို့မဟုတ် သင် ပြောဆိုပါက၊ သင်၏ စကားများသည် သင်လှည့်ပတ်လမ်းကြောင်းစရာ နေရာပေးလျက် ဝေ့လည်ကြောင်ပတ် ဖြစ်လေသည်- သင်သည် လုံးဝ ရှင်းရှင်းလင်းလင်း မပြောဆိုပေ။ သင့်ကို ကြားပြီးသည့်နောက်တွင် အခြားသူများသည် မည်သည့်အရာမျှ မခံစားရကြသကဲ့သို့၊ သင် ပြောပြီးသည့် အရာက ပြဿနာကို မဖြေရှင်းသေးပေ။ သင်က၊ ‘ကောင်းပြီ၊ ငါ ထုတ်ပြောခဲ့သည်။ ငါ၏ အသိစိတ်က အေးချမ်းသည်။ ငါ၏ တာဝန်ကို ငါ ဖြည့်ဆည်းပြီးပြီ’ ဟု မိမိကိုယ်ကိုယ် တွေးလေသည်။ အမှန်တွင်၊ သင်ပြောသင့်သည့် အရာအားလုံး သင် မပြောသေးသည်ကို၊ သင် ပြောပြီးသည့်အရာသည် အကျိုးသက်ရောက်မှုရှိသကဲ့သို့၊ ဘုရားအိမ်တော်၏ အမှုအပေါ် ထိခိုက်နစ်နာစေခြင်း ရှိနေသေးသည်ကို သင်၏ စိတ်နှလုံးထဲတွင် သင် သိပေသည်။ သင်၏ တာဝန်ကို သင် မဖြည့်ဆည်းသေးပေ၊ သို့သော် သင်က သင်၏ တာဝန်ကို သင် ဖြည့်ဆည်းပြီးဖြစ်သည်၊ သို့မဟုတ် ဖြစ်ပျက်နေခဲ့သည့်အရာသည် သင့်အဖို့ မရှင်းလင်းခဲ့ပါဟု ပေါ်ပေါ်ထင်ထင် ဆိုသည်။ ထိုသို့ဆိုလျှင် သင်သည် သင်၏ ဖောက်ပြန်ပျက်စီးသည့် စာတန်ဆန်သော စိတ်သဘောထားများ၏ ထိန်းချုပ်မှုအောက်တွင် လုံးဝ ရှိနေသည် မဟုတ်လော။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သမ္မာတရားကို လက်တွေ့လုပ်ဆောင်သောသူတို့သာ ဘုရားသခင်ကို ကြောက်ရွံ့ကြသော သူများ ဖြစ်သည်”) ခရစ်တော်၏ပြောဆိုချက် မှတ်တမ်းများ မှ ပြဿနာတစ်ခုကို ရင်ဆိုင်ရတဲ့အခါမှာ ကျွန်မက ကိုယ့်အတွက်ပဲ ကိုယ်တွေးတယ်ဆိုတာ ဘုရားနှုတ်ကပတ်တော်တွေကနေတစ်ဆင့် ကျွန်မ နားလည်သဘောပေါက်ခဲ့ပါတယ်။ ကျွန်မက တစ်ကိုယ်ကောင်းဆန်ပြီး လှည့်စားခဲ့တယ်။ ဆိုးယုတ်တဲ့ အတွေးအခေါ်တွေကို ကျွန်မ လိုက်နာခဲ့တယ်။ ဥပမာ “မိမိကိုယ်သာ ကိုးကွယ်ရာဖြစ်၏” “မိမိကိုယ်ကို ကာကွယ်ရန် ဆိတ်ဆိတ်ငြိမ်နေ၍ အပြစ်တင်ခံရမှုမှ လွတ်မြောက်ရန်သာ ကြိုးစားပါ”၊ “တစ်စုံတစ်ရာ မှားယွင်းသည်ကို သိသည့်အခါ၊ နည်းနည်းပြောသည်က ပိုကောင်း၏။” ပြီးတော့ “အခကြေးငွေမယူဘဲ အလုပ်မလုပ်နှင့်” ဆိုတာမျိုးတွေပေါ့။ ကျွန်မရဲ့ တကယ့် သဘာဝထဲမှာ ဒါတွေက အမြစ်တွယ်နေခဲ့တယ်။ သမ္မာတရားကို လက်တွေ့လုပ်ဆောင်ရတာ အရမ်းကို ခက်ခဲအောင် ကျွန်မကို ခိုင်မာစွာ ချုပ်နှောင်ထားခဲ့တယ်။ အသင်းတော်အလုပ်ရဲ့ အကျိုးအတွက် သူ့ကို စည်းမျဉ်းတွေနဲ့အညီ တိုင်ကြားသင့်တယ်ဆိုတာ ကျွန်မ သိခဲ့တယ်။ ဒါပေမဲ့ တိုင်တော့မယ်လုပ်တဲ့အခါမှာ သူ စိတ်ဆိုးမှာ၊ သူ ဝေဖန်တာ ခံရပြီး ကောင်းကောင်းအဆက်ဆံမခံရမှာကို ကြောက်ခဲ့တယ်။ အဲဒီလို တွေးမိပြီး ဝတ္တရား၊ တာဝန်သိခြင်း နဲ့ တာဝန်အပေါ် ကျွန်မရဲ့ အသိစိတ်က ပျောက်ကွယ်သွားတယ်။ ပြီးတော့ အသင်းတော်မှာရှိတဲ့ အယောင်ဆောင်ခေါင်းဆောင်က ကျွန်မတစ်ယောက်တည်းရဲ့ ပြဿနာမဟုတ်ဘူးဆိုပြီး ခံစားခဲ့မိတယ်။ သူ့ကို စိတ်ဆိုးအောင်မလုပ်ဘဲ ကိုယ့်ကိုယ်ကိုယ် ကာကွယ်နိုင်ဖို့အတွက် ကျွန်မ ဘာပြဿနာမှ မတက်ချင်ခဲ့ဘူး။ ကျွန်မ အပြစ်ရှိတယ်လို့တောင် မခံစားရတော့တဲ့အထိ သန့်ရှင်းသောဝိညာဉ်တော်ရဲ့ ဉာဏ်အလင်းပြမှုကို ခဏခဏ တွေ့ကြုံခဲ့ရတယ်။ ကျွန်မရဲ့ ဆိုးယုတ်တဲ့ ဖောက်ပြန်ပျက်စီးမှုရဲ့ ချုပ်နှောင်တာကို လုံးဝ ခံနေခဲ့ရတာပါ။ အရင်တုန်းက ကျွန်မရဲ့ တာဝန်မှာ ဒီလိုမျိုး ပြစ်မှားမှုတစ်ခုကို ကျူးလွန်ခဲ့ပါတယ်။ ဆိုးယုတ်တဲ့ ဘဝ အတွေးအခေါ်တွေနဲ့ ရှင်သန်ခဲ့တယ်။ သမ္မာတရားအပေါ်မှာ နားလည်မှုလွဲချော်နေတဲ့၊ ထုတ်ပယ်သင့်တဲ့ မာနထောင်လွှားတဲ့ ခေါင်းဆောင်တစ်ယောက်ကို ကျွန်မ တွေ့ခဲ့တယ်။ ဒါပေမဲ့ နောက်တော့ သူက အရည်အချင်း နည်းနည်းရှိတယ်၊ တိုက်ရိုက် အယူဝါဒတွေဟောပြီး လူတွေကို လှည့်စားတဲ့နေရာမှာ တော်တယ်ဆိုတာကို ကျွန်မ တွေ့ခဲ့တယ်။ သူ့အကြောင်းကို ညီအစ်ကို မောင်နှမတွေအများကြီးက မသိမြင်ကြတာကို ကျွန်မ တွေ့တော့ သူ လူစားထိုးခံရရင် သူတို့က ကျွန်မကို ဝေဖန်ပြီး အကြင်နာမဲ့တယ်လို့ပြောမှာကို ကြောက်ခဲ့မိတယ်။ အဲဒါကြောင့် သူ့ကို မထုတ်ပယ်ခင် နှစ်လကျော်လောက် ကျွန်မ အချိန်ဆွဲထားခဲ့တယ်။ ဒါ အသင်းတော်အလုပ်အတွက် တော်တော်ကို အနှောင့်အယှက်ဖြစ်ခဲ့ပါတယ်။ အသင်းတော်မှာ အယောင်ဆောင်ခေါင်းဆောင်တစ်ယောက်ကို ကျွန်မ တွေ့ခဲ့ပေမဲ့ အရင်တုန်းက အမှားကိုပဲ ထပ်လုပ်ခဲ့တယ်။ ကျွန်မ ရှောင်နေချင်ခဲ့တယ်။ ကျွန်မ တာဝန်ကို ထမ်းဆောင်တဲ့ပုံစံက ကျွန်မက တကယ်ကို တစ်ကိုယ်ကောင်းဆန်ပြီး လှည့်စားတတ်တယ်၊ ကျွန်မ ကိုယ်တိုင်ရဲ့ အကျိုးစီးပွားအပေါ် သက်ရောက်မှုရှိလာတဲ့အခါမှာ သမ္မာတရားကို လက်တွေ့မလုပ်ဆောင်နိုင်ဘူးဆိုတာ ပြနေပါတယ်။ သမ္မာတရားကို ကျွန်မ ထပ်ခါထပ်ခါ ချိုးဖောက်ခဲ့ပြီး ကျွန်မရဲ့ သက်သေခံခြင်း ပျောက်ဆုံးခဲ့တယ်။ ရှက်စရာ အမှတ်အသားတစ်ခုပါပဲ။ ဒါကို နားလည်သဘောပေါက်ပြီးတော့ ဘုရားသခင်ရှေ့မှာ ကျွန်မ ပျပ်ဝတ်ပြီး ဆုတောင်းခဲ့တယ်။ “အဖ ဘုရားသခင် စာတန်က ကျွန်မကို ဘယ်လောက် နက်နက်နဲနဲ ဖျက်ဆီးထားသလဲဆိုတာ ကျွန်မ မြင်တွေ့ခဲ့ပါပြီ။ ကျွန်မက တစ်ကိုယ်ကောင်းဆန်ပြီး စက်ဆုပ်ဖွယ်ကောင်းတဲ့ လူ့အကြိုက်လိုက်သူတစ်ယောက်ပါ။ ကျွန်မက နိမ့်ကျပြီး ညစ်ညမ်းပါတယ်။ ဘုရားသခင် ကျေးဇူးပြုပြီး ကျွန်မရဲ့ ဖောက်ပြန်ပျက်စီးတဲ့ စိတ်သဘောထားရဲ့ ချည်နှောင်မှုကနေ ကယ်တင်တော်မူပါ” ဆိုပြီးတော့။

နောက်ပိုင်းမှာ ကျွန်မ မိတ်သဟာယတစ်ခုမှာ ဖတ်ရတာက စာတန်က ကမ္ဘာမှာ အုပ်စိုးတယ်။ ဒါပေမဲ့ အသင်းတော်မှာ ဘုရားသခင်နဲ့ သမ္မာတရားက အုပ်စိုးတယ်။ ဒါတွေက မတူညီတဲ့ ကမ္ဘာနှစ်ခုပါ။ ပြီးတော့ ဘုရားအိမ်တော်မှာ မကောင်းတဲ့လူ ဒါမှမဟုတ် လူသားဆန်မှုနည်းတဲ့သူတစ်ယောက်ကို ခေါင်းဆောင်အဖြစ် ရွေးချယ်ခံရရင်တောင်မှ သမ္မာတရားရဲ့ စစ်မှန်မှုမရှိဘဲ သူတို့ ရေရှည်မခံပါဘူး။ ဘုရားအိမ်တော်မှာ သမ္မာတရားက ကြီးစိုးတယ်ဆိုတာ ဒါက သက်သေပြပါတယ်။ စာတန်က ကမ္ဘာကို မှောင်မိုက်ထဲမှာ ကိုင်ဆောင်ထားတယ်။ လူတွေက စာတန်ရဲ့ အတွေးအခေါ်တွေအပေါ် အခြေခံပြီး လုပ်ဆောင်ပြောဆိုရတယ်။ မြှောက်ပင့်ခြင်းကသာ ရှေ့ရောက်ဖို့အတွက် တစ်ခုတည်းသော နည်းလမ်းပဲ။ ရိုးသားပြီး လူတစ်ယောက်ကို စိတ်ဆိုးအောင်လုပ်တာက အပြစ်ပေးခံရစေတယ်။ သာမန်လူတွေကြားထဲဖြစ်စေ၊ အာဏာရှိတဲ့သူတွေ ကြားထဲဖြစ်စေ ရိုးသားတာက အနိုင်ကျင့်ခံရပြီး အပယ်ခံရတယ်။ ဒီအတွက်နဲ့ လူတွေအများကြီး သူတို့ရဲ့ ဘဝတွေတောင် ဆုံးရှုံးခဲ့ရတယ်။ ဒါပေမဲ့ ဘုရားအိမ်တော်မှာ သမ္မာတရားနဲ့ ဖြောင့်မတ်ခြင်းက အုပ်စိုးတယ်။ သမ္မာတရားကို လိုက်စားတဲ့သူတွေ၊ တရားမျှတမှု အသိစိတ်ရှိတဲ့ ရိုးသားသူတွေကို ဘုရားသခင်က ကောင်းချီးပေးပြီး နှစ်သက်ပါတယ်။ အသင်းတော်ရဲ့ အကျိုးစီးပွားနဲ့ ဘုရားသခင် ရွေးချယ်ခြင်းခံရတဲ့သူတွေကို ကာကွယ်တဲ့သူတွေ၊ အယောင်ဆောင်ခေါင်းဆောင်တွေနဲ့ အန္တိခရစ်တွေကို ဖော်ထုတ်ရဲသူတွေဟာ ဘုရားသခင်ရဲ့ လက်ခံခြင်း၊ ကယ်တင်ခြင်းနဲ့ စုံလင်စေခြင်း ခံရနိုင်ပါတယ်။ သူများတွေရဲ့လက်ခံခြင်း၊ အားပေးခြင်းကိုလည်း ရပါတယ်။ သမ္မာတရားကို မနာခံဘဲ ဆန့်ကျင်သူတွေဟာ သူတို့ရဲ့ နာမည်၊ ဂုဏ်အဆင့်အတန်းက ဘယ်လောက် မြင့်မားပါစေ သန့်ရှင်းသောဝိညာဉ်တော်ရဲ့ စွန့်လွှတ်ခြင်း၊ ဖယ်ရှားခြင်းကို ခံရခြင်းနဲ့ အဆုံးသတ်လိမ့်မယ်။ မနှစ်တုန်းက အသင်းတော်က ထုတ်ခံရတဲ့ အန္တိခရစ် ရန် လိုမျိုးပေါ့။ သူ ခေါင်းဆောင်ဖြစ်တုန်းက သဘောထားကွဲလွဲတဲ့လူတိုင်းကို သူက ဖိနှိပ်ပြီး ပယ်ထားတယ်။ ပြီးတော့ သူ့မိသားစုနဲ့ မိတ်ဆွေတွေကို အရေးပါတဲ့နေရာတွေမှာ ထားထားတယ်။ ဘုရားသခင်ကို ဆန့်ကျင်ပြီး သူ့ရဲ့ ကိုယ်ပိုင်အင်ပါယာထူထောင်ဖို့ ကြိုးစားပြီး လှူဖွယ်ပစ္စည်းတွေကိုတောင် ခိုးယူခဲ့တယ်။ သူက မိသားစုနဲ့ မိတ်ဆွေတွေနဲ့ပဲ ဝန်းရံထားတော့ သူ့ရဲ့ မကောင်းမှုတွေက ပေါ်မှာမဟုတ်ဘူးလို့ ထင်ခဲ့တာ။ ဒါပေမဲ့ ဘုရားသခင်က အရာအားလုံးကို မြင်တယ်။ သူ့ရဲ့ ဉာဏ်ပညာမှာ သူ့ရဲ့ အကျိုးအမြတ်အတွက် စာတန်ရဲ့ လှည့်ကွက်တွေကို အသုံးပြုတယ်။ ဘုရားသခင်ဟာ သူ့ရဲ့ မကောင်းမှုတွေကို တိုင်ကြား ဖော်ထုတ်ဖို့အတွက် တရားမျှတမှု အသိစိတ်ရှိတဲ့သူတွေကိုရဖို့ ပတ်ဝန်းကျင်တစ်ခုကို ပြင်ဆင်ခဲ့တယ်။ အသင်းတော်ရဲ့ စူးစမ်းစစ်ဆေးမှုနဲ့ အတည်ပြုမှုပြီးတဲ့နောက်မှာ သူ ခိုးထားသမျှအရာအားလုံးကို ပြန်ပေးရရုံတင်မကဘဲ အသင်းတော်ကနေ ထာဝရ ထုတ်ပယ်ခံခဲ့ရတယ်။ လူတစ်ယောက်ရဲ့ တာဝန် ဒါမှမဟုတ် ဂုဏ်အဆင့်အတန်းက ဘာပဲဖြစ်ပါစေ၊ မကောင်းမှုလုပ်တဲ့သူ ဒါမှမဟုတ် သမ္မာတရားကို မလိုက်စားတဲ့သူ ဘယ်သူမှ ဘုရားသခင်ရဲ့ ဖြောင့်မတ်တဲ့ တရားစီရင်မှုကို မလွတ်မြောက်နိုင်ပါဘူး။ ဘုရားသခင်ရဲ့ အိမ်တော်က ကမ္ဘာလိုမျိုး မဟုတ်ဘူး။ သမ္မာတရားနဲ့ ဆန့်ကျင်တဲ့ ဘယ်အရာကမှ ဘုရားအိမ်တော်မှာ မရှင်သန်နိုင်ဘူး။ သမ္မာတရားနဲ့ဆန့်ကျင်တဲ့အရာတစ်ခုခုကို တွေ့တဲ့ ဘယ်သူမဆို အဲဒါကို ဖော်ထုတ်ပြီး တားမြစ်ဖို့ ရပ်တည်နိုင်ပါတယ်။ ဒါဟာ ဘုရားအိမ်တော်မှာ သမ္မာတရားက ကြီးစိုးတယ်ဆိုတာကို ပြပါတယ်။ အစ်မလီကို တိုင်ကြားတာနဲ့ပတ်သက်ပြီး ဘုရားသခင်ရဲ့ ဖြောင့်မတ်ခြင်းကို ကျွန်မ နားမလည်ခဲ့ဘူး။ ဘုရားသခင်က အရာအားလုံးကို မြင်ပြီး အုပ်စိုးတယ်ဆိုတာကို သဘောမပေါက်ခဲ့ဘူး။ အယောင်ဆောင်တဲ့ ခေါင်းဆောင်တွေနဲ့ အန္တိခရစ်တွေဟာ ဘုရားအိမ်တော်မှာ ခြေကုပ်မယူနိုင်ပါဘူး။ ကျွန်မမှာ ထမ်းဆောင်ဖို့ တာဝန်ရှိခြင်း၊ မရှိခြင်းက ကျွန်မရဲ့ကံကြမ္မာနဲ့ ရလဒ်က ဘယ်လိုဖြစ်မယ် မဖြစ်ဘူးဆိုတာတွေ အားလုံးက ဘုရားလက်ထဲမှာရှိပါတယ်။ ဘယ်ခေါင်းဆောင်ရဲ့ လက်ထဲမှာမှ မရှိဘူး။ သူ့ကြောင့် ကျွန်မ နှောင့်နှေးနေလို့ မဖြစ်တော့ဘူး။ အဲဒါနဲ့ အစ်မလီရဲ့ ပြဿနာနဲ့ပတ်သက်ပြီး မှန်ကန်မှုရှိတဲ့ တိုင်ကြားစာတစ်ခု လုပ်ခဲ့တယ်။ သိပ်မကြာခင်မှာ အခြေအနေကို စုံစမ်းဖို့အတွက် ခေါင်းဆောင်တစ်ယောက်က ကျွန်မတို့ အသင်းတော်ဆီ ရောက်လာခဲ့တယ်။ စည်းမျဉ်းတွေကို အခြေခံပြီး အစ်မလီဟာ အယောင်ဆောင်ခေါင်းဆောင်တစ်ယောက်ဖြစ်တယ်လို့ သတ်မှတ်ဆုံးဖြတ်ခဲ့ပြီး သူ့ကို ထုတ်ပယ်ခဲ့ပါတယ်။ အဲဒီနောက်မှာ အစ်မလီက ဘုရားရှိခိုးဝတ်ပြုခြင်း၊ ဆင်ခြင်သုံးသပ်ခြင်းကနေတစ်ဆင့် ကိုယ့်ကိုယ့်ကိုယ် သိမြင်မှု တချို့ရှိလာပြီး နောင်တရပြီး ပြောင်းလဲချင်ခဲ့ပါတယ်။ နောက်ထပ် ရွေးချယ်ခံရတဲ့ အစ်မတစ်ယောက်က သမ္မာတရားကို လိုက်စားတဲ့သူဖြစ်ပြီး အသင်းတော်အလုပ်အားလုံးက တဖြည်းဖြည်းနဲ့ တိုးတက်လာခဲ့တယ်။ ဘုရားသခင်ရဲ့ ဖြောင့်မတ်ခြင်းကို ကျွန်မ မြင်ခဲ့ပြီး ဘုရားအိမ်တော်မှာ သမ္မာတရားက အုပ်စိုးတယ်ဆိုတာကိုလည်း သိမြင်ခဲ့ပါတယ်။ ကျွန်မတို့တွေ အယောင်ဆောင်ခေါင်းဆောင်တွေကို တိုင်ကြားခြင်းကနေတစ်ဆင့် ဘုရားသခင်က ကျွန်မတို့ရဲ့ တစ်ကိုယ်ကောင်းဆန်မှု၊ လှည့်စားမှုကို ဖော်ထုတ်ပြီး ကျွန်မတို့ရဲ့ ဖောက်ပြန်ပျက်စီးမှုကို သန့်စင်ပေးပါတယ်။ ဒါ တကယ်ပဲ ဘုရားသခင်က ကျွန်မတို့ကို ကယ်တင်ပြီး စုံလင်စေတာပါပဲ။

အရှေ့သို့- ၅၇။ တိုင်ရမလား မတိုင်ရဘူးလား

နောက်တစ်ခုသို့- ၅၉။ ရိုးသားသောတင်ပြချက်တစ်ခုရဲ့ အသီးအပွင့်

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၇၅။ ကျွန်မ ကြုံခဲ့ရသော စမ်းသပ်မှု

တရုတ်နိုင်ငံ ကျိလင် စီရင်စု၊ ကျုံးရှင်းအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက်...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်