၄၅။ ကျေးကျွန်ဘဝ၏ အချုပ်အနှောင်များမှ ထွက်ပြေးလွတ်မြောက်ခြင်း

အနန္တတန်ခိုးရှင် ဘုရားသခင် ပြောသည်မှာ- “ယခုအချိန်သည် လူတစ်ဦးစီအတွက် အဆုံးသတ်ချိန်ဟု ငါဆုံးဖြတ်ပြီး ဤသည်မှာ လူသားအပေါ် ငါစတင်လုပ်ကိုင်သည့် အဆင့် မဟုတ်။ ငါ၏မှတ်တမ်းစာအုပ်ထဲတွင် လူတစ်ဦးစီ၏ စကားများနှင့် လုပ်ဆောင်ချက်များအပြင် ငါ့နောက်သို့ လိုက်ရာတွင် ထိုသူတို့၏လမ်းများ၊ အရင်းခံ လက္ခဏာများနှင့် သူတို့၏နောက်ဆုံး လုပ်ဆောင်ချက်ကို တစ်ခုပြီးတစ်ခု ငါချရေးသည်။ ဤနည်းအားဖြင့် မည်သို့သောလူသားမျှ ငါ၏လက်မှ မလွတ်မြောက်နိုင်။ ထို့အပြင် ခပ်သိမ်းသောလူတို့ သည် ငါ ချမှတ်ပေးသည်အတိုင်း မိမိတို့ကဲ့သို့သော သူများနှင့် နေရမည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်တို့၏ လမ်းဆုံးပန်းတိုင်အတွက် လုံလောက်သော ကောင်းမှုများကို ပြင်ဆင်လော့”) “လူတိုင်း၏ ရလဒ်သည် သူတို့ လုပ်ဆောင်မှုမှလာသော အနှစ်သာရနှင့်အညီ ဆုံးဖြတ်ပြီး၊ ယင်းကို အစဉ်အမြဲ သင့်တင့်လျောက်ပတ်စွာ ဆုံးဖြတ်သည်။ မည်သူမျှ အခြားသူတစ်ဦး၏ အပြစ်ကို မသယ်ပိုးနိုင်၊ ထို့ထက်မက မည်သူတစ်ဦးတစ်ယောက်မျှ အခြားသူတစ်ဦးအတွက် အပြစ် ဒဏ်ပေးခြင်းကို မခံရနိုင်။ ယင်းမှာ မလွဲဧကန်ဖြစ်သည်။ မိဘတစ်ဦး၏ မိမိတို့သားသမီးများအပေါ် မေတ္တာဖြင့် စောင့်ရှောက်မှုသည် မိမိတို့၏ သားသမီးများကိုယ်စား ဖြောင့်မတ်သော လုပ်ဆောင်မှုများ လုပ်ဆောင်နိုင်သည်ဟု မဆိုလိုသကဲ့သို့ ကလေးတစ်ဦး၏ သူ့မိဘများ အပေါ် ဝတ္တရားကျေသော ခင်တွယ်မှုသည် သူတို့အနေဖြင့် သူတို့၏ မိဘများကိုယ်စား ဖြောင့်မတ်သော လုပ်ဆောင်မှုများကို လုပ်ဆောင်နိုင်သည်ဟု မဆိုလိုပေ။ ယင်းမှာ ‘ထိုအခါလယ်၌ရှိသော လူနှစ်ယောက်တို့တွင် တယောက်ကိုသိမ်းယူ၍ တစ်ယောက်မူကား နေရစ်ရလတံ့။ ကြိတ်ဆုံကြိတ်သောသူနှစ်ယောက်တို့တွင် တယောက်ကို သိမ်းယူ၍ တယောက်မူကား နေရစ်ရလတံ့’ ဟူသော နှုတ်ကပတ်တော်များ၏ နောက်ကွယ်ရှိ စစ်မှန်သော အဓိပ္ပာယ်ဖြစ်သည်။ မိမိတို့၏ သားသမီးများအပေါ်ထားသည့် နက်ရှိုင်းသော ချစ်ခြင်းမေတ္တာပေါ် အခြေခံ၍ မိမိတို့၏ မကောင်းမှုပြုသော သားသမီးများကို အနားယူခြင်းထဲသို့ မဆောင်ယူနိုင်သကဲ့သို့၊ မည်သူတစ်ဦးတစ်ယောက်မျှ သူတို့၏ဇနီး (သို့မဟုတ် ခင်ပွန်း) ကို သူတို့ကိုယ်တိုင်၏ ဖြောင့်မတ်သော လုပ်ဆောင်မှုပေါ်အခြေခံ၍ အနားယူခြင်းထဲသို့ မဆောင်ယူနိုင်ပေ။ ယင်းသည် စီမံခန့်ခွဲမှုဆိုင်ရာ စည်းမျဉ်းဖြစ်သည်၊ မည်သူတစ်ဦး တစ်ယောက်အတွက်မျှ ခြွင်းချက်များမရှိပေ။ ဖြောင့်မတ်ခြင်းကို လုပ်ဆောင်သူများမှာ ဖြောင့်မတ်ခြင်းကို လုပ်ဆောင်သူများဖြစ်ပြီး မကောင်းမှုကို လုပ်ဆောင်သူများသည် မကောင်းမှုကို လုပ်ဆောင်သူများဖြစ်ကြသည်။ ဖြောင့်မတ်ခြင်းကို လုပ်ဆောင်သူတို့ သည် ရှင်သန်နိုင်ကြလိမ့်မည်ဖြစ်ပြီး မကောင်းမှုကို လုပ်ဆောင်သူများသည် ဖျက်ဆီးခြင်း ခံကြရမည်။ သန့်ရှင်းသူများသည် သန့်ရှင်းသူများ ဖြစ်သည်၊ သူတို့သည် မညစ်ညမ်းကြပေ။ ညစ်ညမ်းသောသူတို့သည် ညစ်ညမ်းသူများဖြစ်ကြပြီး သူတို့တွင် သန့်ရှင်းသောအစိတ်အပိုင်း တစ်ခုမျှမပါရှိပေ။ မကောင်းမှုလုပ်သူတစ်ဦး၏ ကလေးများသည် ဖြောင့်မတ်သော လုပ်ဆောင်ချက်များကို ပြုသည့်တိုင်အောင်၊ ထို့ပြင် ဖြောင့်မတ်သောပုဂ္ဂိုလ်တစ်ဦး၏ မိဘများက စဉ်းလဲသော လုပ်ဆောင်ချက်များ ကျူးလွန်သည့်တိုင်အောင်၊ စဉ်းလဲသော လူအားလုံးတို့သည် ဖျက်ဆီးခံရမည်ဖြစ်ပြီး၊ ဖြောင့်မတ်သူအားလုံးတို့ သည် ရှင်သန်ကြလိမ့်မည်။ ယုံကြည်သော ခင်ပွန်းသည်တစ်ဦးနှင့် မယုံကြည်သော ဇနီးတစ်ဦးအကြားတွင် မည်သည့်ဆက်နွှယ်မှုမျှမရှိဘဲ၊ ယုံကြည်သော သားသမီးများနှင့် မယုံကြည်သော မိဘများကြား တွင်လည်း မည်သည့်ဆက်နွှယ်မှုမျှ မရှိပေ။ သူတို့သည် သဟဇာတ မဖြစ်သော အမျိုးအစားနှစ်မျိုး ဖြစ်သည်။ အနားယူခြင်းထဲသို့ ဝင်ရောက်ခြင်းမပြုမီတွင် တစ်စုံတစ်ဦးသည် ရုပ်ခန္ဓာပိုင်းဆိုင်ရာ ဆွေမျိုးများ ရှိသော်လည်း ထိုသူသည် အနားယူခြင်းထဲသို့ ဝင်ရောက်သွားသည်နှင့် ထိုသူတွင် ပြောဆိုစရာ ရုပ်ခန္ဓာပိုင်းဆိုင်ရာ ဆွေမျိုးများ မရှိတော့ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် လူသားသည် အနားယူခြင်းထဲသို့ အတူတကွ ဝင်ရောက်ကြလိမ့်မည်”) နောက်ဆုံးသော ကာလမှာ ဘုရားရဲ့ အမှုတော်ဟာ လူတွေကို သူတို့အမျိုးအစားအလိုက် ခွဲခြားဖို့ဖြစ်တယ်လို့ ဘုရားရဲ့နှုတ်ကပတ်တော်တွေက ပြောတယ်။ လူတိုင်းရဲ့ အဆုံးသတ်နဲ့ ခရီးပန်းတိုင်ကို သူတို့ရဲ့အပြုအမူ၊ သူတို့ရဲ့ သဘာဝနဲ့ အနှစ်သာတွေပေါ် အခြေခံပြီး ဘုရားသခင် ဆုံးဖြတ်တယ်။ အဲဒါက ဘယ်သူမှ ပြောင်းလဲလို့မရတဲ့ အရာတစ်ခုပဲ၊ ပြီးတော့ ဘုရားသခင်ရဲ့ ဖြောင့်မတ်တဲ့ စိတ်သဘောထားက ဆုံးဖြတ်တဲ့အရာဖြစ်တယ်။ သူတပါးကို သူ့ရဲ့ နှုတ်ကပတ်တော်တွေ၊ သမ္မာတရားရဲ့ စည်းမျဉ်းတွေနဲ့အညီ ဆက်ဆံဖို့ ဘုရားက ကျွန်မတို့ကို တောင်းဆိုတယ်။ ဘယ်သူ့ကိုမှ ခံစားချက်ပေါ် အခြေခံပြီး ကာကွယ်ပေးလို့၊ မျက်နှာသာပေးလို့ မရဘူး၊ ကျွန်မတို့ ချစ်ရတဲ့သူတွေကိုတောင်မှပေါ့။ အဲဒါက သမ္မာတရားနဲ့ ဆန့်ကျင်သလို ဘုရားသခင်ရဲ့ စိတ်သဘောထားကို ပုန်ကန်ပြစ်မှားမှုတစ်ခု ဖြစ်မှာပဲ။

တစ်ချိန်တုန်းက၊ လွန်ခဲ့တဲ့ သုံးနှစ်လောက်ကပေါ့၊ ဝတ်ပြုအစည်းအဝေးကို အပြီးသတ်ရင်းနဲ့ ခေါင်းဆောင်က ကျွန်မကို၊ “ခင်ဗျားအဖေက အသင်းတော်အသက်တာကို နှောင့်ယှက်ပြီး ညီအစ်ကို မောင်နှမတွေကြားမှာ သဘောထားကွဲလွဲမှု အမြဲ ဖန်တီးနေတယ်။ သူနဲ့ ကျွန်တော်တို့ မိတ်သဟာယပြုပြီးပြီ၊ ဒါကို ဆွေးနွေးပြီး သူ့ကို သတိပေးပြီးပြီ၊ ဒါပေမဲ့ သူက နောင်တမရဘူး။ အရင်တခြားနေရာတုန်းက သူ့တာဝန်မှာ ဒီလိုပဲ သူလုပ်ခဲ့တယ်လို့ ညီအစ်ကို မောင်နှမတွေက သတင်းပို့ကြတယ်။ သူ့ရဲ့ မကောင်းတဲ့လုပ်ရပ်တွေနဲ့ ပတ်သက်တဲ့အချက်တွေကို ကျွန်တော်တို့ စုစည်းဖို့ လုပ်တော့မှာပါ” လို့ ပြောခဲ့တယ်။ ဒါကို ကြားတဲ့အခါ ကျွန်မ ရင်တုန်သွားခဲ့ပြီး၊ “တကယ်ပဲ အဲဒီလောက်ဆိုးတာလား” လို့ တွေးမိခဲ့တယ်။ ဒါပေမဲ့ ကျွန်မအဖေနဲ့လုပ်တဲ့ စုဝေးပွဲတွေမှာ သူက အသင်းတော်အသက်တာကို ဘယ်လိုတကယ်နှောင့်ယှက်ပြီး သမ္မာတရားကို လက်မခံခဲ့လဲဆိုတာနဲ့ ပတ်သက်လို့ ကျွန်မ တွေးမိခဲ့တယ်။ စုဝေးပွဲတွေမှာ သူက ဘုရားနှုတ်ကပတ်တော်တွေနဲ့ပတ်သက်လို့ မိတ်သဟာယမပြုခဲ့ဘဲ၊ ဘုရားနှုတ်ကပတ်တော်တွေကို လူတွေ ငြိမ်ငြိမ်သက်သက် မစဉ်းစားနိုင်အောင် လှုံ့ဆော်ပြီး သမ္မာတရားနဲ့ မဆိုင်တာတွေကို အမြဲ ပြောခဲ့တယ်။ ဒါကို သူ့ကို ကျွန်မ ပြောခဲ့ပေမဲ့ သူက လုံးဝ နားမထောင်ခဲ့ဘူး။ သူ့မှာ ကျွန်မကို ပြန်ပြောဖို့ တောင်လိုပုံနေတဲ့ ဆင်ခြေတွေပဲ ရှိခဲ့တယ်။ အသင်းတော်ခေါင်းဆောင်ကို အခြေအနေ ကျွန်မ ပြောပြခဲ့တယ်၊ သူက ကျွန်မ အဖေနဲ့ မိတ်သဟာယပြုပြီး၊ အကြိမ်များစွာ ကူညီခဲ့သလို၊ သူ့ အပြုအမူရဲ့ အနှစ်သာရနဲ့ အကျိုးဆက်တွေကို ရှင်းပြခဲ့တယ်။ ဒါပေမဲ့ ကျွန်မ အဖေက လက်မခံခဲ့ဘူး။ သူက ဆင်ခြေတွေနဲ့ ငြင်းခုံတာတွေပဲ ဆက်လုပ်နေခဲ့တယ်။ လုံဝ နောင်တမရခဲ့ဘူး။ အခု ညီအစ်ကို မောင်နှမတွေက အကြောင်းကြားတယ်ဆိုတော့ ပိုဆိုးလာလို့ဖြစ်ရမယ်။ အသင်းတော်မှာ ဆိုးတယ်လို့ သတ်မှတ်လို့ရတဲ့ လူတချို့ရှိခဲ့တာကို ကျွန်မ သတိရမိတယ်။ သူတို့က သမ္မာတရားကို လက်တွေ့မလုပ်ဆောင်ဘဲ အသင်းတော်အသက်တာကို အမြဲတမ်းနှောင့်ယှက်ပြီး နောင်တမရလို့ ထုတ်ခံခဲ့ရတယ်။ ကျွန်မ အဖေက တကယ်အဲဒီလိုဖြစ်ခဲ့ရင်၊ သူလည်း အထုတ်ခံရမှာပဲ မဟုတ်လား။ အဲဒါ တကယ်ဖြစ်ခဲ့ရင်၊ သူ့ရဲ့ ယုံကြည်ခြင်း လမ်းကြောင်းက အဆုံးသတ်သွားမှာပါ။ ကယ်တင်ခံရဖို့ အခွင့်အရေး သူ့မှာ ရှိပါဦးမလား။ ကျွန်မ အဲဒါကို တွေးတာနဲ့အမျှ ပိုထိတ်လန့်လာခဲ့သလို ကျွန်မ စိတ်နှလုံးက ကြံရာမရဖြစ်သွားခဲ့တယ်။

ကျွန်မ အဖေအကြောင်း တခြားသူတွေ ပြောခဲ့တာနဲ့ပတ်သက်လို့ တွေးရင်းနဲ့ အဲဒီညမှာ ကျွန်မ ဟိုလှိမ့် ဒီလှိမ့်နဲ့ အိပ်မရနိုင်ခဲ့ဘူး။ သူတို့က ညီအစ်ကို မောင်နှမတွေရဲ့ အသက်တာ ဝင်ရောက်မှုကို ထည့်တွက်ပြီး အသင်းတော် အသက်တာ နှောင့်ယှက်မခံရအောင် ကြိုးစားနေကြပြီး အဲဒါက ဘုရားသခင်ရဲ့ အလိုတော်နဲ့ ကိုက်ညီမှန်း ကျွန်မ သိခဲ့တယ်လေ။ ကျွန်မ အ‌ဖေရဲ့ အပြုအမူကို ကျွန်မ သိခဲ့သလို အဲဒီအကြောင်းကို ခေါင်းဆောင်ဆီ ကျွန်မ ပြောသင့် မပြောသင့် တွေးခဲ့တယ်။ ကျွန်မ ငယ်ငယ်က ကျွန်မရဲ့ အဖေ ဘယ်လို ချစ်ခင်ကြင်နာခဲ့တယ်ဆိုတာ ကျွန်မ တွေးမိခဲ့တယ်။ ကျွန်မ အစ်ကိုနဲ့ ကျွန်မ ရန်ဖြစ်တိုင်းမှာ၊ ကျွန်မ မှားသည်ဖြစ်စေ၊ မှန်သည်ဖြစ်စေ သူ ကျွန်မကို ကာကွယ်ပေးခဲ့တယ်။ ရာသီဥတုက အေးပြီး ကျွန်မ ကျောင်းမှာ နွေးတဲ့အိပ်ရာမရှိတဲ့အချိန်မှာ ဂွမ်းစောင် ယူလာပေးဖို့ သူ မိုင် ၆၀ ကျော် စက်ဘီးစီးခဲ့တယ်။ ကျွန်မ အမေက သူ့ရဲ့ တာဝန်များလို့ အိမ်မှာမရှိခဲ့ဘူး၊ ဒါကြောင့် ကျွန်မအတွက် ချက်ပြုတ်ပေးပြီး ဂရုစိုက်တာတွေကို ကျွန်မ အဖေက လုပ်လေ့ရှိပါတယ်။ ကျွန်မ ဆက်တွေးရင်းနဲ့ မျက်ရည်တွေကို မထိန်းနိုင်ခဲ့ဘူး။ ကျွန်မ တွေးခဲ့တယ်။ “ငါ့ကို ပျိုးထောင်ပေးခဲ့သူက အဖေပဲ။ သူ့ကို ငါဖော်လိုက်ပြီး အဲဒါကို သူ သိသွားရင်၊ ငါ အသိစိတ်မရှိဘူး၊ ရက်စက်တယ်လို့ သူ ပြောမှာပဲမဟုတ်လား။ အဲဒါပြီးရင် အိမ်မှာ သူ့ကို ငါ ဘယ်လို ရင်ဆိုင်ရမှာလဲ” လို့ပေါ့။ ကျွန်မအဖေရဲ့ အပြုအမူအကြောင်း တစ်ခုခုရေးဖို့ အင်တင်တင်နဲ့ စခဲ့ပေမဲ့ ဆက်မရေးနိုင်ခဲ့ဘူး။ ကျွန်မ တွေးနေမိခဲ့တယ်။ “ငါ သိသမျှကို ရေးလိုက်ပြီး သူ အထုတ်ခံရရင် ဘယ်လိုလုပ်မလဲ။ ထားလိုက်ပါတော့။ ဒါကို ငါ မရေးသင့်ပါဘူး” ပေါ့။ လက်တွေ့ဘဝကနေ အဝေးကို ထွက်သွားဖို့အတွက် ကျွန်မ နှစ်နှစ်ခြိုက်ခြိုက်အိပ်ပစ်လိုက်ချင်ပေမဲ့ တစ်မှေးမှ အိပ်မရခဲ့ဘူး။ ကျွန်မ စိုးရိမ်ပြီး အပြစ်ရှိသလို ခံစားခဲ့ရတယ်။ ခုတလော သူ့ရဲ့ အပြုအမူတွေ တကယ်ကို မကောင်းခဲ့သလို သူ့ရဲ့ အတိတ်က လုပ်ရပ်တွေကို ကျွန်မ နည်းနည်း သိခဲ့တယ်လေ။ အဲဒါကို ကျွန်မ ကိုယ့်ဘာသာ သိမ်းထားလိုက်ရင်၊ အမှန်တရားကို ဖုံးကွယ်နေတာ ဖြစ်မယ်မဟုတ်လား။ ကျွန်မ စိတ်ထဲမှာ တကယ်ကို ဝေခွဲမရဖြစ်နေတယ်။ ဘုရားရှေ့ကိုလာပြီး ကျွန်မ ဆုတောင်းလိုက်ပါတယ်။ “ဘုရားသခင်၊ ကျွန်မ အဖေလုပ်ခဲ့တဲ့ ဆိုးယုတ်မှုတစ်ချို့ကို ကျွန်မ သိပါတယ်၊ ပြီးတော့ အသင်းတော်ရဲ့ အလုပ်ကို ကျွန်မ ထိန်းသိမ်းရမှာဖြစ်ပြီး ကျွန်မ သိတဲ့အရာနဲ့ပတ်သက်လို့ မှန်ကန်ရမယ်ဆိုတာ သိပါတယ်၊ ဒါပေမဲ့ သူ အထုတ်ခံရမှာ စိုးလို့ ကျွန်မ အဲဒါ မလုပ်ချင်ပါဘူး. ဘုရားသခင်၊ သမ္မာတရားကို လက်တွေ့လုပ်ဆောင်နိုင်ဖို့၊ ရိုးသားတဲ့လူတစ်ယောက်ဖြစ်ဖို့နဲ့ အသင်းတော်ရဲ့ အလုပ်ကို ထိန်းသိမ်းနိုင်ဖို့ ကျွန်မကို လမ်းပြတော်မူပါ” လို့ ဆုတောင်းခဲ့တယ်။ ဒီဆုတောင်းချက် ပြီးတဲ့နောက် ကျွန်မ နည်းနည်း တည်ငြိမ်လာခဲ့တယ်။ အဲဒီနောက် ဒီဘုရားနှုတ်ကပတ်တော်တွေကို ကျွန်မ ဖတ်ခဲ့ရတယ်- “ဘုရားသခင်၏ ဝန်ထုပ်ဝန်ပိုးကို ထည့်သွင်းစဉ်းစားကာ၊ အသင်းတော်ဘက်မှ ကာကွယ် သက်သေခံရပ်တည်မည်ဟု၊ အားလုံးပြောခဲ့ကြပြီး ဖြစ်သည်။ မည်သူသည် ဘုရားသခင်၏ ဝန်ထုပ်ဝန်ပိုးကို အမှန်တကယ် ထည့်သွင်းစဉ်းစားပေးခဲ့ကြသနည်း။ သင့်ကိုယ်သင် ဤအရာများ မေးလော့- သင်သည် ဘုရားသခင်၏ ဝန်ထုပ်ဝန်ပိုးကို ထည့်သွင်းစဉ်းစားပေးမှု ပြသပြီးခဲ့သော သူတစ်ယောက် ဖြစ်သလော၊ ဘုရားသခင်အတွက် ဖြောင့်မတ်ခြင်းကို သင်လက်တွေ့ကျင့်သုံးနိုင်သလော။ ငါ့အတွက် သင်ရပ်တည်လျက်၊ ပြောဆိုနိုင်သလော။ သင်သည် တည်ကြည်ခိုင်မာစွာ သမ္မာတရားကို လက်တွေ့လုပ်ဆောင်နိုင်သလော။ စာတန်၏ လုပ်ရပ်အားလုံးကို တွန်းလှန်တိုက်ခိုက်ရန် သင်သည် ရဲရင့်ခြင်း အလုံအလောက်ရှိသလော။ သင်၏ စိတ်ခံစားမှုများကို ဘေးဖယ်ကာ၊ ငါ၏ သမ္မာတရားအတွက် စာတန်ကို ဖော်ထုတ်ပေးနိုင်သလော။ သင့်အထဲတွင် ငါ၏ အလိုကို ပြည့်စုံစေခွင့် ပေးနိုင်သလော။ အရေးပါသောအချိန်တွင် သင်၏ နှလုံးသားကို သင်သည် ပေးရန်ကမ်းလှမ်းခဲ့ပြီးသလော။ သင်သည် ငါ၏အလိုကို ဆောင်ရွက်သော သူတစ်စုံတစ်ဦးလော။ ဤအရာအကြောင်း သင့်ကိုယ်သင် မကြာခဏမေး၍ စဉ်းစားလော့။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၃” အစအဦး၌ ခရစ်တော်၏မိန့်မြွက်ချက်များ) “၎င်းတို့အားလုံးမှာ စိတ်ခံစားချက်ဖြင့် အသက်ရှင်ကြသည်၊ ထို့ကြောင့် ဘုရားသခင်သည် ၎င်းတို့ တစ်ဦးတစ်ယောက်ကိုမျှ မရှောင်ဘဲ လူသားမျိုးနွယ်အားလုံး၏ စိတ်နှလုံးထဲ၌ ဝှက်ထားသော လျှို့ဝှက်ချက်များကို ဖော်ထုတ်သည်။ လူတို့သည် ၎င်းတို့ကိုယ်ကိုယ် စိတ်ခံစားချက်မှ သီးခြားခွဲရန် အဘယ်ကြောင့် အလွန်ခက်ခဲသနည်း။ ၎င်းသည် အသိစိတ်၏ စံနှုန်းများထက် ပို၍ မြင့်သလော။ အသိစိတ်သည် ဘုရားသခင်၏ အလိုကို ပြီးမြောက်စေနိုင်သလော။ စိတ်ခံစားချက်သည် ဘေးအန္တရာယ်အတွင်း လူတို့ကို ကူမနိုင်သလော။ ဘုရားသခင်၏ အမြင်တွင် စိတ်ခံစားချက်သည် သူ၏ ရန်သူ ဖြစ်သည်၊ ဤအရာကို ဘုရားသခင်၏ နှုတ်ကပတ်တော်များထဲ၌ ရှင်းလင်းစွာ မဖော်ပြခဲ့သလော။” (နှုတ်ကပတ်တော်သည် လူ့ဇာတိ၌ ပေါ်လာ၏စာအုပ်ထဲရှိ “အခန်း ၂၈” စကြဝဠာ တစ်ခုလုံးအတွက် ဘုရားသခင်၏ နှုတ်ကပတ်တော်များနှင့်သက်ဆိုင်သော နက်နဲမှုများ၏ အနက်ဖွင့်ဆိုချက်) ဘုရားနှုတ်ကပတ်တော်တွေထဲက ဒီမေးခွန်းတွေအတွက် ကျွန်မမှာ အဖြေ မရှိခဲ့ဘူး။ ကျွန်မအဖေက သမ္မာတရား မလိုက်စားခဲ့တာ၊ စုဝေးပွဲတွေနဲ့ ဘုရားနှုတ်ကပတ်တော်တွေ သူတပါး စားသောက်နေတာကို သူ နှောင့်ယှက်ခဲ့တာ ကျွန်မ ကောင်းကောင်းသိခဲ့တယ်။ ဘယ်တစ်ဦးတစ်ယောက်မှရဲ့ မိတ်သဟာယကိုမှ သူ နားမထောင်ခဲ့ဘူး၊ သူတစ်ပါးအပေါ် မလိုမုန်းထားခဲ့တယ်၊ သူတို့နောက်ကွယ်မှာ ဝေဖန်ခဲ့ပြီး သဘောကွဲလွဲမှု ဖြစ်စေခဲ့တယ်။ ဒါပေမဲ့ စိတ်ခံစားချက်ရဲ့ ထိန်းချုပ်မှုကို ခံရပြီး ကျွန်မရဲ့ ညီအစ်ကို မောင်နှမတွေရဲ့ အသက်တာ ဝင်ရောက်မှု ဘယ်လိုနှောင့်ယှက်ခံရတယ်ဆိုတာကို ကျွန်မ အာရုံမစိုက်မိခဲ့ဘူး။ သူ့ကို ကာကွယ်ဖို့ ခေါင်းဆောင်တွေနဲ့ ကျွန်မ ထိပ်တိုက်မတွေ့ချင်တာပါ။ ကျွန်မက သမ္မာတရားကို လက်တွေ့လုပ်ဆောင်မနေခဲ့သလို ဘုရားသခင်ရဲ့ အလိုတော်ကို မထောက်ထားခဲ့ဘူး။ အရင်က ဆိုးယုတ်တဲ့ လူနှစ်ဦးကို အသင်းတော်က ဘယ်လိုနှင်ထုတ်ခဲ့တယ်ဆိုတာကို တွေးမိခဲ့တယ်။ သမ္မာတရား လက်တွေ့လုပ်ဆောင်ဖို့ သူတို့ ငြင်းပယ်ပြီး အသင်းတော် အသက်တာကို နှောင့်ယှက်နေတာကို မြင်ရတာက၊ ကျွန်မကို ဒေါသအမျက်နဲ့ပြည့်စေခဲ့ပြီး သူတို့ကို ကျွန်မ တရားမျှတစွာနဲ့ ပြင်းထန်စွာ ဖော်ထုတ်ခဲ့တယ်။ ဒါကြောင့် ကျွန်မ အဖေရဲ့ အပြုအမူအကြောင်း ရေးဖို့ဖြစ်လာတဲ့အခါ ကျွန်မ ဘာလို့ မမှန်ကန်နိုင်ရမှာလဲ။ ကျွန်မ ရိုးသားတဲ့ လူတစ်ဦးမဟုတ်ခဲ့ဘူး၊ တရားမျှတတဲ့ စိတ် ကင်းမဲ့နေခဲ့တယ်ဆိုတာ ကျွန်မ မြင်ခဲ့ရတယ်။ သမ္မာတရားကို ကျွန်မ လက်တွေ့မလုပ်ဆောင်နေခဲ့သလို၊ ဒီလို အရေးကြီးတဲ့အချိန်မှာ အသင်းတော် အလုပ်ကို ထိန်းသိမ်းမနေခဲ့ပါဘူး။ အဲဒီအစား ကျွန်မက စိတ်ခံစားချက်ကြောင့် ကျွန်မအဖေကို ကာပေးနေခဲ့ပြီး၊ သူ့ရဲ့ ဆိုးယုတ်မှုကို ဖုံးပေးနေခဲ့သလို သမ္မာတရားစည်းမျဉ်းတွေကို ဆန့်ကျင်နေခဲ့တာပါ။ အဲဒါက စာတန်ဘက်မှာ ရပ်ပြီး ဘုရားသခင်ရဲ့ ရန်သူတစ်ယောက် ဖြစ်နေခဲ့တာ မဟုတ်လား။ ဒါကို နားလည်တော့၊ ဘုရားသခင်ကို ကျွန်မ ဆုတောင်းပြီး နောင်တရခဲ့တယ်။ “စိတ်ခံစားချက်အတိုင်း ကျွန်မ နောက်ထပ် မပြုမူချင်တော့ပါဘူး။ ကျွန်မအဖေနဲ့ပတ်သက်ပြီး ရိုးသားချင်ပါတယ်။”

ကျွန်မရဲ့ ဆုတောင်းချက်ပြီးတဲ့နောက်မှာ၊ သူ မကောင်းမှုကို ဖော်ပြတာတွေတချို့ကို ကျွန်မ ပြန်တွေးခဲ့ပြီး၊ တစ်ခုပြီးတစ်ခု အားလုံးကို ရေးမှတ်လိုက်တယ်။ ဧဝံဂေလိ လက်ထောက်အနေနဲ့ ထမ်းဆောင်နေတဲ့အချိန်မှာ၊ သူဟာ သူ့ရဲ့ လုပ်ဖော်ဆောင်ဖက် ညီအစ်ကို ကျန်းအပေါ် မလိုမုန်းထားလာခဲ့တယ်။ ကျွန်မ အဖေက တခြား ညီအစ်ကို မောင်နှမတွေရှေ့မှာ အစ်ကိုကျန်းကို ဝေဖန်ပြီး ခွဲခြားဆက်ဆံတော့ အစ်ကိုကျန်းက စိတ်ဖိစီးပြီး အပျက်သဘောဆောင်တဲ့ အခြေအနေကို ရောက်လာတယ်။ ခေါင်းဆောင်က ကျွန်မ အဖေကို ပြုပြင်ပြီး ကိုင်တွယ်ဖြေရှင်းခဲ့ပေမဲ့၊ သူ နားမထောင်ခဲ့ဘူး။ သူ့ရဲ့ ပြဿနာကို ညီအစ်ကို မောင်နှမတွေက ထောက်ပြတဲ့အခါ၊ ဘာကိုမှ လက်မခံခဲ့ဘူး။ သူတပါးရဲ့ ကျရှုံးမှုတွေကိုပဲ သူ အမြဲ အာရုံစိုက်ခဲ့ပြီး သူတို့ရဲ့ အားနည်းချက်တွေကို အသုံးချခဲ့တယ်၊ “ဒီနှစ်တွေအားလုံးမှာ ငါ ယုံကြည်သူတစ်ဦးဖြစ်ခဲ့တယ်။ အားလုံးကို ငါသိတယ်” လို့ သူ အမြဲပြောခဲ့တယ်။ ကျွန်မရဲ့ တာဝန်မှာ ကျွန်မ တက်တက်ကြွကြွ ပါဝင်တာကို သူ မြင်တော့ ငွေနဲ့ လောကီအရာတွေကို ရှာဖွေဖို့ တိုက်တွန်းတယ်၊ ပြီးတော့ ကျွန်မတာဝန်အတွက် စိတ်အားထက်သန်မှုကို လျော့ဖို့ အပျက်သဘောဆောင်တဲ့အရာတွေကို အမြဲပြောခဲ့တယ်။ တစ်ကြိမ်မှာ သူကားအက်ဆီးဒင့်ဖြစ်ပြီးတဲ့နောက်၊ သူ့ကို ကြည့်ဖို့ အသင်းတော်မှာရှိတဲ့ အစ်ကို လင်းက သွားခဲ့ပြီး သမ္မာတရားနဲ့ပတ်သက်လို့ မိတ်သဟာယပြုခဲ့တယ်။ သူ့ကိုယ်သူ ဆန်းစစ်ဖို့နဲ့ သင်ခန်းစာယူဖို့ ပြောခဲ့ပေမဲ့၊ သူက ဘာကိုမှ မခံယူခဲ့ဘူး။ အချက်အလက်တွေကို မဟုတ်မမှန်ပြောပြီး အစ်ကိုလင်းက သူ့ကို လှောင်ဖို့ လာခဲ့တယ်လို့ ကောလဟလ ဖြန့်ခဲ့တယ်။ အဲဒါက တစ်ချို့သော ညီအစ်ကို မောင်နှမတွေ အစ်ကိုလင်းအပေါ် မလိုမုန်းထားမှု ဖြစ်စေခဲ့တယ်။ ဒါတွေ အားလုံးကို စဉ်းစားကြည့်တော့ ကျွန်မ တကယ်ကို အံသြပြီး စိတ်ဆိုးခဲ့တယ် “ဒါတကယ် ငါ့အဖေလား။ ဒါ ဆိုးယုတ်တဲ့ လူတစ်ယောက် မဟုတ်ဘူးလား” လို့ ကျွန်မ တွေးမိတယ်။ သူ့ရဲ့ ဧဝံဂေလိအလုပ်တာဝန်ကို လုပ်နေခဲ့ပြီး၊ ဆင်းရဲဒုက္ခခံ၊ အဖိုးအခပေးနိုင်ခဲ့တဲ့ သူ့ရဲ့ ယုံကြည်ခြင်းနှစ်တွေအားလုံးကို ကျွန်မ အမြဲ သေချာတွေးခဲ့တယ်။ သူဟာ စစ်မှန်တဲ့ ယုံကြည်သူတစ်ဦးဖြစ်တယ်လို့ ထင်ပြီး အပြင်ပန်း သူရဲ့ ပုံစံကြောင့် ကျွန်မ လှည့်စားခံခဲ့ရတာပဲ။ သူ့ရဲ့ အပြုအမူတွေကို ဆန်းစစ်ဖို့ ကျွန်မ လုံးဝ မကြိုးစားခဲ့ဘူး။ ကျွန်မ အရမ်းကို မိုက်မဲပြီး မျက်ကန်းဖြစ်ခဲ့တာပါ။ စိတ်ခံစားချက်ရဲ့ လွှမ်းမိုးခြင်းကို ခံရပြီးသူ့ကို တယုတယထားပြီး ကာကွယ်ပေးမိတာအတွက် ကျွန်မ ကိုယ့်ကိုယ်ကိုယ် အခုအပြစ်တင်မိပါတယ်။ အဲဒီနောက် ဘုရားနှုတ်ကပတ်တော်တွေထဲမှာ ဒါကို ကျွန်မ ဖတ်ခဲ့တယ်- “မိမိတို့၏ အဆိပ်ရှိ၍ မလိုမုန်းထားရှိသော အပြောအဆိုများကို အသင်းတော်အတွင်း ဖွင့်ပြောတတ်သူများ၊ ညီအစ်ကိုမောင်နှမများကြား ကောလာဟလများ ဖြန့်ကာ၊ စိတ်သဘောမတိုက်ဆိုင်ခြင်းကို ဆွပေးသောသူများနှင့် အုပ်စုများဖွဲ့သောသူတို့သည် အသင်းတော်မှ နှင်ထုတ်ခြင်း ခံခဲ့သင့်သည်။ သို့သော် ယခုသည် ဘုရားသခင်အမှု၏ ခြားနားသော ခေတ်ကာလဖြစ်သောကြောင့်၊ ၎င်းတို့သည် ဖယ်ရှားခြင်းအချို့ကို ရင်ဆိုင်ရသည့်အတွက် ဤလူများသည် ထိန်းချုပ်ခြင်း ခံရပေသည်။ စာတန်၏ ဖျက်ဆီးခြင်း ခံထားရသော လူအားလုံး၌ ဖောက်ပြန်ပျက်စီးသော စိတ်သဘောထားများ ရှိသည်။ အချို့၌ ဖောက်ပြန်ပျက်စီးသော စိတ်သဘောထားသာရှိသော်လည်း အခြားသူများ၌မူ ထိုကဲ့သို့ မဟုတ်ကြပေ။ ၎င်းတို့၏ စိတ်သဘောထားများက စာတန်၏ ဖျက်ဆီးခြင်း ခံရပြီးသည်သာမက၊ သူတို့၏ သဘာဝဗီဇများသည်လည်း အလွန်အမင်း မလိုမုန်းထားတတ်ကြသည်။ ၎င်းတို့၏ အပြောအဆိုနှင့် အပြုအမူများက ၎င်းတို့၏ ဖောက်ပြန်ပျက်စီးကာ စာတန်ဆန်သော စိတ်သဘောထားကို ဖော်ပြသည်သာမက ဤလူများသည် နတ်ဆိုးစာတန် စစ်စစ် ဖြစ်သည်။ သူတို့၏အပြုအမူသည် ဘုရားသခင်၏အလုပ်ကို ကြားဖြတ်ခြင်းနှင့် နှောင့်ယှက်ခြင်း၊ ညီအစ်ကို မောင်နှမများ၏ အသက်တာဝင်ရောက်မှုကို နှောင့်ယှက်ခြင်းနှင့် အသင်းတော်၏ သာမန်အသက်တာကို ဖျက်ဆီးခြင်းတို့ပင် ဖြစ်သည်။ သိုးရေခြုံထားသည့် ဤဝံပုလွေများသည် အနှေးနှင့်အမြန် ရှင်းလင်းခံရမည်ဖြစ်ပြီး စာတန်၏ ဤအစေအပါးများအပေါ် မညှာတာသည့် သဘောထား၊ ငြင်းပယ်သည့် သဘောထားကို ထားရှိရမည်။ ဤသည်သာ ဘုရားသခင်ဘက်၌ ရပ်တည်ခြင်းဖြစ်ပြီး ထိုသို့လုပ်ရန် ပျက်ကွက်သော သူများသည် စာတန်နှင့် မကောင်းမှု၌ နွံနစ်နေသူများ ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သမ္မာတရားကို လက်တွေ့မလုပ်ဆောင်သောသူများကို သတိပေးချက်”) ကျွန်မ အဖေရဲ့ အပြုအမူတွေကို ဘုရားနှုတ်ကပတ်တော်နဲ့ ချိန်ထိုးကြည့်ရင်း သူ ပြသနေတာဟာ သာမန် ဖောက်ပြန်ပျက်စီးတဲ့ စိတ်သဘောထားမဟုတ်ဘဲ၊ မလိုမုန်းထားတဲ့ သဘာဝဖြစ်မှန်း ကျွန်မ မြင်ခဲ့ရတယ်။ အပေါ်ယံမှာ သူက စိတ်ထက်သန်ပြီး သူ့တာဝန်အတွက် ဒုက္ခခံနိုင်ခဲ့သလို၊ စီစီပီရဲ့ နှိပ်စက်ညှဉ်းပန်းမှုကို ရင်ဆိုင်ရာမှာ ဧဝံဂေလိတရားကို ဆက်ဖြန့်နိုင်ခဲ့ပေမဲ့၊ သမ္မာတရားကို သူ လက်မခံနိုင်ခဲ့ဘူး။ မုန်းတောင်မုန်းခဲ့တယ်။ သူ့ရဲ့ လုပ်ရပ်တွေက သူ့ရဲ့ ကောက်ကျစ်ပြီး မလိုမုန်းထားတဲ့ သဘာဝကို ဖော်ပြခဲ့တယ်။ သူဟာ အနှစ်သာရအနေနဲ့ စာတန်နဲ့ဆိုင်တဲ့ ဆိုးယုတ်တဲ့လူဖြစ်ပြီး ထုတ်ပယ်ခံရသင့်တယ်။ ကျွန်မက သူ့သမီးဆိုပေမဲ့ ကျွန်မရဲ့ ကိုယ်ပိုင်ခံစားချက်အတိုင်း သွားလို့မရဘူး ကျွန်မရဲ့ ယုံကြည်ခြင်းမှာ ဘုရားဘက်မှာ ကျွန်မ ရပ်တည်ပြီး စာတန်ကို ဖော်ထုတ်၊ စွန့်ပစ်ရမှာပါ။ သူနဲ့ပတ်သက်ပြီး သိမြင်မှုမရှိတဲ့ ကျွန်မ စီမံတဲ့အဖွဲ့ထဲက ညီအစ်ကို မောင်နှမတွေကို ကျွန်မ တွေးမိခဲ့တယ်။ ကျွန်မ အဖေရဲ့လှည့်စားတာကို သူတို့ နောက်ထပ်မခံရဖို့ သူတို့ကို ကျွန်မ မိတ်သဟာယပြုပေးပြီး ကျွန်မအဖေရဲ့ ဆိုးယုတ်မှုကို ဖော်ထုတ်ရမယ်။ ဒါပေမဲ့ အဲဒီနောက် ကျွန်မ စိုးရိမ်လာခဲ့တယ်။ “သူတို့ထဲက တစ်ချို့က အဖေကြောင့် ယုံကြည်လာခဲ့ကြပြီး အဖေနဲ့ အဆင်ပြေကြတယ်။ အဖေ့ကို ငါ ဖော်လိုက်ရင်၊ ငါ့မှာ အသိစိတ်မရှိဘူး၊ ရက်စက်တယ်လို့ သူတို့ ပြောကြမှာမဟုတ်လား။ သူ နှင်ထုတ်ခံရပြီး ကယ်တင်ခံရမဲ့ အခွင့်အရေး ဆုံးရှုံးသွားရင်၊ အဲဒါ သူ့အတွက် နာကျင်စရာဖြစ်မှာပဲ။” ပေါ့ ဒီအတွေးက တကယ်ကို စိတ်ပျက်စရာဖြစ်ခဲ့ပြီး၊ အဲဒီမိတ်သဟာယ ဝေမျှဖို့ ကျွန်မရဲ့ ဆန္ဒက မရှိတော့ဘူး။ တကယ်လို့ ကျွန်မအဖေရဲ့ ဆိုးယုတ်မှုကို ကျွန်မ မဖော်ထုတ်ဘဲ ညီအစ်ကို မောင်နှမတွေက အလှည့်ဖြားခံရပြီး သူ့ဖက်မှာ ရပ်တည်ခဲ့ရင်၊ သူတို့က အဖေ့ရဲ့ ဆိုးယုတ်မှုကို မျှဝေခံစားကြရမှာပဲ လို့ တွေးရင်းနဲ့ အဲဒီညမှာ ကျွန်မ အိပ်ရာထဲ မအိပ်ဘဲ လှဲနေခဲ့တယ်။ သူတို့ လှည့်စားခံရတာကို ကျွန်မ မြင်ခဲ့ပေမဲ့ သူတို့ကို မိတ်သဟာယမပြုခဲ့ရင်၊ ကျွန်မက သူတို့ကို အန္တရာယ်ပေးတာ ဖြစ်နေမှာမဟုတ်လား။ အဲဒီအတွေးနဲ့ ကျွန်မ ကိုယ့်ကိုယ်ကိုယ် ပြစ်တင်မိခဲ့တယ်၊ ဒါကြောင့် ဘုရားသခင်ဆီ ကျွန်မ ဆုတောင်းခဲ့တယ်၊ “ဘုရားသခင်၊ ကျွန်မ အခု သိပ်စိုးရိမ်မိပါတယ်။ ကျေးဇူးပြုပြီး ကျွန်မကို ယုံကြည်ခြင်းနဲ့ ခွန်အားပေးတော်မူပါ၊ သမ္မာတရားကို လက်တွေ့လုပ်ဆောင်ပြီး ဆိုးယုတ်တဲ့လူကို ဖော်ထုတ်ဖို့ ကျွန်မကို လမ်းပြဦးဆောင်တော်မူပါ။” လို့ပေါ့။

ကျွန်မ ဆုတောင်းပြီးတဲ့နောက်၊ ဒီဘုရားနှုတ်ကပတ်တော် ကျမ်းပိုဒ်ကို ကျွန်မ ဖတ်ရတယ်- “ဘုရားသခင်၏ နှုတ်ကပတ်တော်များထဲတွင် လူတို့သည် တစ်ဦးနှင့်တစ်ဦး မည်သို့ဆက်ဆံသင့်ကြောင်းနှင့် ပတ်သက်၍ မည်သည့် အခြေခံသဘောတရားကို ဖော်ပြထားသနည်း။ ဘုရားသခင် ချစ်သောအရာကို ချစ်၍ ဘုရားသခင် မုန်းသောအရာကို မုန်းလော့။ တစ်နည်းဆိုသော် သမ္မာတရားကို အမှန်တကယ် လေ့လာလိုက်စားပြီး ဘုရားသခင်၏အလိုတော်ကို လုပ်ဆောင်သည့် ဘုရားသခင်ချစ်သော လူများသည် သင်ချစ်သင့်သောသူများ စင်စစ်ဖြစ်သည်။ ဘုရားသခင်၏ အလိုတော်ကို မဆောင်သောသူ၊ ဘုရားသခင်ကို မုန်းတီးသောသူ၊ သူ့ကို မနာခံသောသူနှင့် ဘုရားသခင်က ရွံမုန်းသောသူများမှာ ငါတို့လည်း ရွံမုန်းပြီး ငြင်းပယ်သင့်သောသူများ ဖြစ်သည်။ ဤသည်မှာ ဘုရားသခင်၏ နှုတ်ကပတ်တော်က တောင်းဆိုသော အရာဖြစ်သည်။... ကျေးဇူးတော်ခေတ်အတွင်း တစ်ချိန်က သခင်ယေရှု ပြောခဲ့သည်မှာ၊ ‘ကိုယ်တော်က ငါ့အမိ၊ ငါ့ညီကား အဘယ်သူနည်းဟု မေးတော်မူ၏။...ကောင်းကင်ဘုံ၌ ရှိတော်မူသော ငါ့အဘ၏အလိုတော်ကို ဆောင်သောသူသည် ငါ့ညီ၊ ငါ့နှမ၊ ငါ့အမိ ဖြစ်သတည်းဟု မိန့်တော်မူ၏’ ထိုမြွက်ဟချက်သည် ယခင်ကျေးဇူးတော်ခေတ်အတွင်း၌ ရှိနှင့်ပြီးဖြစ်ကာ ယခုဆိုလျှင် ဘုရားသခင်၏ နှုတ်ကပတ်တော်များသည် ပို၍ပင် ဆီလျော်နေသည်။ ‘ဘုရားသခင် ချစ်မြတ်နိုးရာများကို ချစ်မြတ်နိုးပြီး၊ ကိုယ်တော် ရွံမုန်းသောအရာများကို ရွံမုန်းလော့။’ ယင်းနှုတ်ကပတ်တော်များသည် တိုတိုနှင့်လိုရင်းကိုပြောခြင်း ဖြစ်သော်လည်း လူများသည် ၎င်း၏စစ်မှန်သော အဓိပ္ပါယ်ကို နားလည်နိုင်စွမ်း မရှိတတ်ကြပေ။ အကယ်၍ လူတစ်ယောက်သည် ဘုရားသခင်၏ကျိန်ဆဲခြင်းကို ခံရသော်လည်း၊ ထိုသူသည် အပြင်ပန်းတွင် အင်မတန်ကောင်းမည့်ဟန်ရှိနေလျှင်၊ သို့မဟုတ် ထိုသူသည် သင်၏မိဘ သို့မဟုတ် ဆွေမျိုးဖြစ်နေလျှင်၊ သင်သည် ထိုသူကို မရွံမုန်းနိုင်ဘဲ ဖြစ်နေသည်ကို သင်တွေ့ရမည်။ ထို့အပြင် သင်တို့နှစ်ဦးကြားတွင် များစွာသောရင်းနှီးကျွမ်းဝင်မှုနှင့် အနီးကပ်ဆက်ဆံရေးပင် ရှိနိုင်သည်။ ဘုရားသခင်ထံမှ ထိုကဲ့သို့သောစကားကို သင်ကြားရသောအခါ သင်ဝမ်းနည်းလာပြီး ထိုသို့သောသူအပေါ် သင့်နှလုံးသား မာကျောလာရန် မတတ်သာ၊ သို့မဟုတ် ထိုသို့သောလူကို စွန့်ခွာရန် မတတ်သာဘဲရှိနေသည်။ ဤသည်မှာ သင့်ကို နှောင်ဖွဲ့ထားသော အစဉ်အလာအယူအဆတစ်ရပ် ရှိနေသောကြောင့် ဖြစ်သည်။ သင်ထိုသို့လုပ်ပါက သင်သည် ကောင်းကင်၏အမျက်သင့်ကာ ကောင်းကင်၏ ဒဏ်ခတ်ခြင်းကိုခံရရုံမျှမက လူ့အဖွဲ့အစည်း၏ ရှောင်သွေခြင်းကိုပင်ခံရကာ လူထုသဘောထားဖြင့် ရှုတ်ချခံရမည်ဟု သင်တွေးသည်။ ထို့အပြင် ပိုပြီးလက်တွေ့ကျသော ပြဿနာမှာ ၎င်းကြောင့် သင်သည် အပြစ်ရှိသည်ဟု ထပ်တလဲလဲ ခံစားရလိမ့်မည်။ ယင်းအသိတရားသည် သင့်ငယ်ဘဝက သင့်မိဘများ သင်ကြားခဲ့သည်များမှ၊ သို့မဟုတ် လူမှုရေးယဉ်ကျေးမှု၏ လွှမ်းမိုးမှုနှင့် ကူးစက်မှုများမှ လာသည်။ နှစ်ခုစလုံးသည် ဤမျှအမြစ်တွယ်နေကြပြီး သင့်အထဲ၌ စဉ်းစားပုံစဉ်းစားနည်း ဖြစ်နေသောကြောင့် ဘုရားသခင်၏ နှုတ်ကပတ်တော်ကို သင်လက်တွေ့မကျင့်သုံးနိုင်တော့ပေ။ ကိုယ်တော် ချစ်မြတ်နိုးရာများကို မချစ်မြတ်နိုး၊ ကိုယ်တော် ရွံမုန်းသည်ကို မရွံမုန်းပေ။ သို့သော် ၎င်းကိုရွံမုန်းရမည်၊ ငြင်းပယ်ရမည်ဟု သင့်စိတ်ထဲသိနေသည်။ အကြောင်းမှာ သင်၏အသက်တာသည် ဘုရားသခင်ထံမှလာခဲ့ပြီး သင်၏မိဘများက ပေးခဲ့ခြင်းမဟုတ်ပေ။ လူသားသည် ဘုရားသခင်ကို ဝတ်ပြုပြီး မိမိကိုယ်ကိုယ် ကိုယ်တော်ထံ ပြန်အပ်နှံသင့်သည်။ သင်သည်ပြန်မလှည့်လာနိုင်ကြောင်း၊ လက်တွေ့ကျင့်သုံးရန်မတတ်နိုင်ကြောင်း ပြောလည်းပြော၊ တွေးလည်းတွေးနေသော်လည်း သင်သည် ပြန်အပ်နှံသင့်သည်။ ဤနေရာတွင် ဘာဖြစ်နေသည်ကို သင်တို့သိသလော။ ယင်းအရာများက သင့်ကိုတင်းကျပ်စွာ၊ အကြီးအကျယ် ချုပ်နှောင်ထားခြင်း အကြောင်းဖြစ်သည်။ သင်သည် ဘုရားသခင်၏ နှုတ်ကပတ်တော်များကို လက်မခံနိုင်စေရန် စာတန်သည် သင်၏အတွေးအခေါ်များ၊ သင်၏စိတ်နှင့် သင်၏နှလုံးသားကို ချုပ်နှောင်ရန် ယင်းအရာများကို အသုံးပြု၏။ သင်၌ ဘုရားသခင်၏နှုတ်ကပတ်တော်များအတွက် နေရာမရှိတော့သည်အထိ ယင်းအရာများက သင့်တွင် ပြည့်လျှံသွားပေပြီ။ ထို့အပြင် ကိုယ်တော်၏ နှုတ်ကပတ်တော်များကို လက်တွေ့ကျင့်သုံးရန် သင်ကြိုးစားလျှင် ယင်းအရာများက သင့်အထဲ၌ စတင်အကျိုးသက်ရောက်ပြီး ကိုယ်တော်၏ နှုတ်ကပတ်တော်များ၊ တောင်းဆိုချက်များနှင့် သင့်ကိုပဋိပက္ခဖြစ်စေမည်။ ဤသို့ဖြင့် သင့်အား ထိုအနှောင်အဖွဲ့မှ ရုန်းမထွက်သာအောင်နှင့် ဤအချုပ်အနှောင်မှ လွတ်အောင်မရုန်းနိုင်အောင် ပြုပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏လွဲမှားသောအယူအဆကြောင့်ပေါ်ပေါက်သည့်အမြင်များကို သိခြင်းဖြင့်သာ သင့်ကိုယ်သင် သိနိုင်မည်”)အဲဒီနောက် တခြားသူတွေနဲ့ ဆက်ဆံရာမှာ ကျွန်မတို့ကို ဘုရားသခင် တောင်းဆိုတဲ့ စည်းမျဉ်းက သူချစ်တာကို ချစ်ပြီး သူမုန်းတာကို မုန်းဖို့ပဲဖြစ်ရမယ်လို့ ကျွန်မ နားလည်သွားခဲ့တယ်။ သမ္မာတရားကို ချစ်ပြီး ဘုရားအလိုတော်ကို လုပ်ဆောင်နိုင်သူတွေဟာ ချစ်ခြင်းမေတ္တာနဲ့ ကျွန်မတို့ ဆက်ဆံသင့်တဲ့လူတွေဖြစ်ပေမဲ့၊ သမ္မာတရားကို မုန်းပြီး ဘုရားသခင်ကို အာခံတဲ့ ဆိုးယုတ်တဲ့လူတွေက ကျွန်မတို့ မုန်းသင့်တဲ့ သူတွေ ဖြစ်တယ်။ ဒီလက်တွေ့လုပ်ဆောင်ခြင်းကပဲ ဘုရားအလိုတော်နဲ့ညီပါတယ်။ ဒါပေမဲ့ ကျွန်မ အဖေနဲ့ ပတ်သက်လာတဲ့အခါ စိတ်ခံစားမှုရဲ့ ထိန်းချုပ်တာကို ကျွန်မ အမြဲခံရတယ်။ သူ့ကို ကျွန်မ ကာကွယ်ပြီး ဖုံးဖိပေးနေမိခဲ့တယ်။ ဘုရားသခင် ချစ်တဲ့ဟာကို ကျွန်မ မချစ်နိုင်သလို ဘုရားမုန်းတဲ့ဟာကို မမုန်းနိုင်ခဲ့ဘူး။ အဲဒါဟာ “အရေးကြီးတော့ သွေးနီးသည်” ဆိုတာနဲ့ “လူသားသည် သက်မဲ့မဟုတ်ပါ။ သူသည် စိတ်ခံစားမှုများနှင့် မည်သို့ကင်းနိုင်မည်နည်း။” ဆိုတဲ့ စာတန်ရဲ့ အယူအဆဟောင်းတွေက ကျွန်မ စိတ်နှလုံးကို ထိန်းချုပ်ပြီးဖြစ်လို့ပါပဲ။ ကျွန်မအ‌ဖေရဲ့ ဆိုးယုတ်တဲ့ အပြုအမူကို ဖော်ထုတ်တာက လက်ခံနိုင်စရာမဟုတ်သလို လွန်ကဲတဲ့အရာဖြစ်တယ်လို့ တွေးရင်းနဲ့ အဆိုးနဲ့အကောင်းကို ကျွန်မ မခွဲနိုင်ခဲ့ဘူး။ တခြားသူတွေ ဝေဖန်ပြီး ရှုတ်ချမှာကို ကျွန်မ ကြောက်ခဲ့တယ်။ ဇာတိပကတိရဲ့ မိသားစု ဆက်ဆံရေးကို ကာကွယ်ဖို့၊ သမ္မာတရားကို ထိန်းသိမ်းပြီး ဆိုးယုတ်တဲ့ လူကို မဖော်ထုတ်နိုင်ခဲ့ဘူး၊ ဘုရားအိမ်တော်ရဲ့ အမှုတော်နဲ့ ညီအစ်ကို မောင်နှမတွေရဲ့ အသက်တာဝင်ရောက်မှုကို အရေးမထားနိုင်ခဲ့ဘူး။ အဲဒါက တကယ်ကို လွန်ကဲပြီး လူ့သဘာဝ ကင်းမဲ့ခဲ့တာပါပဲ။ ဒီဆိုးယုတ်တဲ့ အယူအဆဟောင်းတွေက စာတန်ဘက်မှာ ကျွန်မကို ရပ်တည်စေရင်း၊ မရည်ရွယ်ဘဲနဲ့ ဘုရားသခင်ကို အာခံစေရင်းနဲ့ သမ္မာတရားကို လက်တွေ့လုပ်ဆောင်ရာကနေ ကျွန်မကို တားဆီးနေမှန်း ကျွန်မ မြင်ခဲ့ရတယ် အမှန်တော့၊ နတ်ဆိုးတွေနဲ့ ဆိုးယုတ်တဲ့ လူတွေကို ဆက်ဆံရာမှာ ကျွန်မတို့ သိတတ်သင့်တယ်လို့ ဘုရားသခင်က ဘယ်တော့မှ မပြောခဲ့သလို၊ စာတန်နဲ့သက်ဆိုင်တဲ့ ချစ်ခင်ရင်းနီးသူတွေကို ငြင်းပယ်တာက အကျင့်ပျက်တာဖြစ်တယ်လို့ မပြောခဲ့ပါဘူး။ ပညတ်တော်ခေတ်မှာ၊ ယောဘရဲ့ မယုံကြည်တဲ့ သားသမီးတွေဟာ ကပ်ဘေးထဲမှာ သေဆုံးခဲ့ကြပေမဲ့၊ ယောဘက စိတ်ခံစားချက်နဲ့ သူ့သားသမီးတွေနဲ့ပတ်သက်ပြီး ဘုရားသခင်ကို မပြောဆို၊ မညည်းညူခဲ့ပါဘူး။ အဲဒီလိုမဟုတ်ဘဲ ဘုရားသခင်ရဲ့ နာမကို သူ ချီးမွမ်းခဲ့တယ်။ ကျေးဇူးတော်ခေတ်မှာ၊ ပေတရုရဲ့ မိဘတွေက သူ့ရဲ့ ယုံကြည်ခြင်းလမ်းမှာ သူ့ကို နှိမ်ပြီး တားဆီးခဲ့တယ်၊ ဒါကြောင့် သူက ဘုရားသခင်နောက်လိုက်ဖို့ အရာရာကို စွန့်ရင်းနဲ့ သူ့မိဘတွေကို စွန့်လွတ်ပြီး အိမ်ကိုစွန့်ခွာခဲ့တယ်၊ ဒီလိုနဲ့ ဘုရားသခင်ရဲ့ ချီးမွမ်းခြင်းကို ရရှိခဲ့တယ်။ ယောဘနဲ့ ပေတရုတို့ရဲ့ အတွေ့အကြုံတွေကို အချိန်ယူစဉ်းစားတဲ့အခါ၊ ဘုရားသခင် ချစ်မြတ်နိုးရာများကို ချစ်မြတ်နိုးပြီး၊ ကိုယ်တော် ရွံမုန်းသောအရာများကို ရွံမုန်းလော့။ ဆိုတဲ့ ဘုရားသခင်ရဲ့ သတ်မှတ်ချက်နဲ့ပတ်သက်ပြီး ကျွန်မ နည်းလည်မှုတစ်ချို့ ရခဲ့တယ်။

အဲဒီနောက် ဘုရားသခင်ရဲ့ နှုတ်ကပတ်တော်တွေကို ကျွန်မ ပိုပြီးဖတ်ခဲ့တယ်။ “စာတန်မှာ မည်သူဖြစ်သနည်း၊ နတ်ဆိုးများမှာ မည်သူတို့ဖြစ်သနည်း၊ ထို့ပြင် ဘုရားသခင်၏ ရန်သူများမှာ မည်သူတို့ဖြစ်သနည်း။ ထိုသူတို့သည် ဘုရားသခင်ကို မနာခံသောသူများ မဟုတ်သလော။ သူတို့သည် နှုတ်အားဖြင့် ယုံကြည်သည်ဟု အခိုင်အမာဆိုကြသော်လည်း သမ္မာတရား ကင်းမဲ့သောသူများ မဟုတ်သလော။ သူတို့သည် ကောင်းချီးမင်္ဂလာများ ရရန်သာ ကြိုးပမ်းကြပြီး ဘုရားသခင်ကို သက်သေမခံနိုင်သူများ မဟုတ်သလော။ သင်သည် ထိုမကောင်းဆိုးဝါးများနှင့် ယနေ့တွင် ရောနှော နေနိုင်ဆဲဖြစ်ပြီး သူတို့အပေါ် အသိစိတ်နှင့် ချစ်ခြင်းမေတ္တာ ထားရှိနေနိုင်ဆဲဖြစ်သည်၊ သို့သော် ဤအခြေအနေတွင် သင်သည် စာတန်အား ကောင်းသောရည်ရွယ်ချက်များကို လက်ကမ်းပေးနေခြင်း မဟုတ်လော။ သင်သည် မကောင်းဆိုးဝါးများနှင့် ပေါင်းဖော်ခြင်း နေသည်မဟုတ်လော။... ငါစက်ဆုပ်ရွံရှာပြီး ငါနှင့်သဘောမတူသူတို့နှင့် သင်သည် သဟဇာတဖြစ်နေပြီး ထိုသူတို့အပေါ် ချစ်ခြင်းမေတ္တာနှင့် ပုဂ္ဂိုလ်ရေး ခံစားချက်များကို ထားရှိပေးနေသေးပါက သင်သည် မနာခံသူဖြစ်သည် မဟုတ်လော။ သင်သည် တမင်တကာ ဘုရားသခင်ကို ဆန့်ကျင်နေခြင်း မဟုတ်လော။ ထိုသို့သော ပုဂ္ဂိုလ်သည် သမ္မာတရားကို ပိုင်ဆိုင်သလော။ လူများသည် ရန်သူများအပေါ် အသိစိတ်၊ မကောင်းဆိုးဝါးများအတွက် ချစ်ခြင်းမေတ္တာ၊ စာတန်အတွက် သနားဂရုဏာ ထားရှိပါက သူတို့သည် ဘုရားသခင်၏အမှုကို တမင်တကာ ဖျက်ဆီးနေကြသည်ပင် မဟုတ်လော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်နှင့် လူသားသည် အနားယူခြင်းထဲသို့ အတူတကွ ဝင်ရောက်ကြလိမ့်မည်”) ဒါကို ဖတ်တာက ကျွန်မကို အရမ်း သောကရောက်စေခဲ့ပြီး အပြစ်ရှိသလို ခံစားစေခဲ့တယ်။ ကျွန်မအဖေက သမ္မာတရားကို မုန်းတီးခဲ့ပြီး အသင်းတော် အသက်တာကို အမြဲ အနှောင့်အယှက်ပေးခဲ့သလို၊ သူ့ရဲ့ သဘာဝနဲ့ အနှစ်သာရက ဆိုးယုတ်တယ်ဆိုတာ ကျွန်မ သိခဲ့ပေမဲ့၊ သူ့အတွက် ဖုံးတောင် ဖုံးကွယ်ပေးပြီး ကာဆီးပေးရင်းနဲ့ သူ့အပေါ် ကျွန်မ ဆက်ပြီး သိတတ်ခဲ့သလို ချစ်ခင်ခဲ့တယ်။ အဲဒါက၊ “စာတန်အား ကောင်းသောရည်ရွယ်ချက်များကို လက်ကမ်းပေးနေခြင်း” နဲ့ “မကောင်းဆိုးဝါးများနှင့် ပေါင်းဖော်ခြင်း” ဆိုတဲ့ ဘုရားသခင် ဆိုလိုတဲ့အရာ အတိအကျပဲမဟုတ်လား။ ကျွန်မက ဘုရားသခင်ကို အရှက်မရှိ ဆန့်ကျင်ပြီး အသင်းတော်ရဲ့အလုပ်ကို နှောင့်ယှက်နေတာ မဟုတ်ဘူးလား။ ဘုရားသခင်ရဲ့ အိမ်တော်မှာ၊ သမ္မာတရားနဲ့ ဖြောင့်မတ်ခြင်း အုပ်စိုးပါတယ်။ ဆိုးယုတ်တဲ့ လူတွေနဲ့ အန္တိခရစ်တွေအပါအဝင် စာတန်ရဲ့ ဆိုးယုတ်တဲ့ အင်အားစုတွေအားလုံးဟာ မကျန်ရှိနိုင်ပါဘူး။ သူတို့တွေက ဖော်ထုတ်ခံရမှာဖြစ်ပြီး ဘုရားသခင်ရဲ့ ပယ်ရှင်းတာ ခံရကြမှာဖြစ်သလို အသင်းတော်ကနေ နုတ်ပယ်ခံရကြမှာပါ။ ဒါကို ဘုရားသခင်ရဲ့ ဖြောင့်မတ်တဲ့ စိတ်သဘောထားက ဆုံးဖြတ်တာဖြစ်ပါတယ်။ ဒါပေမဲ့ ကျွန်မက ဆိုးယုတ်တဲ့ လူတစ်ဦးကို ဖုံးကွယ်ပေးမိနေခဲ့ပြီး ဘုရားရဲ့အိမ်တော်မှာ နေခွင့်ပေးဖို့ ကြိုးစားနေခဲ့မိတယ်။ အသင်းတော် အသက်တာကို ဆိုးယုတ်တဲ့ လူ နှောင့်ယှက်တာကို ကျွန်မက သည်းခံနေခဲ့တာ မဟုတ်လား။ ဆိုးယုတ်တဲ့ ရန်သူကို ကျွန်မက ကူညီနေပြီး ဘုရားသခင်ကို ဆန့်ကျင်နေခဲ့တာ မဟုတ်လား။ ဒီလို ဆက်လုပ်နေတာက ဆိုးယုတ်တဲ့လူနဲ့အတူ ဘုရားသခင်ရဲ့ အပြစ်ပေးတာကို ခံရဖို့ ဖြစ်စေမှာပဲ။ ဒီနားလည်မှုက ကျွန်မကို နည်းနည်း လန့်သွားစေခဲ့တယ်။ ဘုရားသခင်ရဲ့ ဖြောင့်မတ်တဲ့ စိတ်သဘောထားက ဘယ်ပုန်ကန်ပြစ်မှားမှုကိုမှ သည်းမခံသလို မကောင်းမှုပြုသူကို ပုဂ္ဂိုလ်ရေး ခံစားချက်နဲ့ ဖုံးကွယ်ပေးနေမိတာက အရမ်းအန္တရာယ်ရှိမှန်း ကျွန်မ မြင်ခဲ့တယ်။ ကျွန်မရဲ့ ခံစားချက်ပေါ်အခြေခံပြီး ပြောဆို ပြုမူလို့ မရတော့ပါဘူး။ သူက ကျွန်မအဖေဖြစ်ပေမဲ့လည်း၊ သမ္မာတရားကို ကျွန်မ လက်တွေ့လုပ်ဆောင်ရမှာဖြစ်တယ်၊ ဘုရားသခင် ချစ်တာကို ချစ်ပြီး မုန်းတာကို မုန်းရမှာဖြစ်သလို၊ ဘုရားအိမ်တော်ရဲ့ အကျိုးကို ထိန်းသိမ်းရမှာဖြစ်တယ်။

နောက်တော့ ကျွန်မ အဖွဲ့နဲ့ စုဝေးပွဲကို ကျွန်မ သွားခဲ့ပြီး ကျွန်မ အ‌ဖေရဲ့ အပြုအမူ၊ ဆိုးယုတ်တဲ့ လုပ်ရပ်တွေအားလုံးနဲ့ဆိုင်တဲ့ အမှန်တရားကို ထုတ်ပြောခဲ့တယ်။ သူလှည့်စားတာ ခံခဲ့ရတဲ့ ညီအစ်ကို မောင်နှမတွေက သူ့ရဲ့ အနှစ်သာရကို စပြီး သိမြင်ခဲ့ကြတယ်။ နောက်တော့ အသင်းတော်က ကျွန်မအဖေကို ထုတ်ပယ်ကြောင်း အသိပေးစာကို ထုတ်ပြန်ခဲ့တယ်။ ကျွန်မ အိမ်ပြန်ပြီး သူ့ကို ဖတ်ပြခဲ့တယ်၊ ပြီးတော့ သူ့ရဲ့ ဆိုးယုတ်တဲ့ အပြုအမူအကြောင်း ပြောပြခဲ့တယ်။ သူက၊ “ခုချိန် အဖေ အထုတ်ခံရမယ်ဆိုတာ သိပြီးသားပါ။ ကောင်းချီးမင်္ဂလာအတွက်ပဲ ဘုရားသခင်ကို ဒီနှစ်တွေအားလုံးမှာ အဖေ ယုံကြည်ခဲ့တယ်၊ အဲဒီလိုမှမဟုတ်ရင် ယုံကြည်မှုကို အဖေရပ်ခဲ့တာ ကြာပြီ။” လို့ မထီမဲ့မြင်ပြုပြီး ပြောတဲ့အခါ ကျွန်မ အံ့အားသင့်မိတယ်။ နောင်တရဖို့ သူရည်ရွယ်ချက်မရှိတာကို မြင်တဲ့အခါ၊ သူ့ရဲ့ ဆိုးယုတ်တဲ့ သဘာဝက အပြည့်အဝ ထုတ်ဖော်ပြခံခဲ့ရပြီဖြစ်မှန်း ကျွန်မ စိတ်နှလုံးထဲမှာ ရှင်းရှင်းလင်းလင်း သိသွားခဲ့တယ်။ ကျွန်မ အဖေအထုတ်ခံရပြီးတဲ့နောက် အသင်းတော်ထဲက ကိစ္စတွေကို နှောင့်ယှက်တဲ့ မကောင်းမှုပြုသူတွေ မရှိတော့ဘူး။ စုဝေးပွဲတွေမှာ၊ ညီအစ်ကို မောင်နှမတွေအားလုံးက ဘုရားနှုတ်ကပတ်တော်တွေကို ဖတ်ပြီး အနှောင့်အယှက်မရှိဘဲ သမ္မာတရားအပေါ် မိတ်သဟာယပြုနိုင်ခဲ့ကြတယ်။ လုပ်သင့်တဲ့အတိုင်း သူတို့တာဝန်တွေကို လုပ်ခဲ့ကြပြီး၊ အသင်းတော် အသက်တာက အကျိုးဖြစ်ထွန်းခဲ့တယ်။ ဘုရားအိမ်တော်ထဲမှာ သမ္မာတရားနဲ့ ဖြောင့်မတ်ခြင်း အုပ်စိုးပြီး ဘုရားနှုတ်ကပတ်တော်အတိုင်း သမ္မာတရားကို လက်တွေ့လုပ်ဆောင်တဲ့အခါ၊ ဘုရားရဲ့ လမ်းပြမှုနဲ့ ကောင်းကြီးမင်္ဂလာတွေကို မျက်မြင်တွေ့ကြုံကြရတယ် ဆိုတာကို ကျွန်မ တွေ့ခဲ့ရတယ်။ ကျွန်မအဖေနဲ့ ပတ်သက်လို့၊ ကိုယ်ပိုင်ခံစားချက်တွေကနေ တဖြည်းဖြည်း ကျွန်မ လွတ်မြောက်ခဲ့ပြီး နောက်ဆုံးမှာ သမ္မာတရား အနည်းငယ်ကို လက်တွေ့လုပ်ဆောင်လာနိုင်ခဲ့သလို အသင်းတော်ရဲ့ အလုပ်ကို ထောက်ပံ့နိုင်ခဲ့တယ်။ ဒီအရာအားလုံးကို ဘုရားနှုတ်ကပတ်တော်တွေရဲ့ တရားစီရင်ခြင်းနဲ့ ပြစ်တင်ဆုံးမခြင်းတွေကနေတစ်ဆင့် ရရှိခဲ့တာပါ။

အရှေ့သို့- ၄၄။ ချည်နှောင်ထားသည့် သံယောဇဉ်များကို ဖြေလွှတ်ခြင်း

နောက်တစ်ခုသို့- ၄၆။ ဘုရားသခင်၏ ကွယ်ကာခြင်း

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

ခုနှစ်နှစ် စမ်းသပ်ခြင်းများက ကျွန်တော့်၏ စရိုက်မှန်များကို ထုတ်ဖော်ပြသည်

ချင်ဟွေး၊ ဟေလုံကျန်းစီရင်စု ၁၉၉၄ ခုနှစ်တွင်၊ ကျွန်တော့် အမေနှင့်အတူ နောက်ဆုံးသော ကာလ ဘုရားသခင်၏ အမှုတော်ကို ကျွန်တော် လက်ခံခဲ့ပါသည်။...

ကျွန်မ၏ ညံ့ဖျင်းသော အရည်အချင်းကို ဆင်ခြေတစ်ခုအဖြစ် ကျွန်မ မသုံးတော့ပါ

လင်းရန်၊ ဟေနန်စီရင်စု ယခင်က ကျွန်မ၏ တာဝန်ကို ဆောင်ရွက်သည့်အချိန်တွင် အခက်အခဲအချို့ကို ကျွန်မ ရင်ဆိုင်ရသည့်အခါတိုင်း သို့မဟုတ် ကျွန်မ၏...

အဘယ်ကြောင့် ကျွန်မသည် ဖာရိရှဲတို့၏လမ်းကို လိုက်ခဲ့မိသနည်း

ဆူရှင်း၊ ရှန်ဇီစီရင်စု ကျွန်မသည် ရာထူးဂုဏ်သိမ်ကိုသာ အလွန်အရေးစိုက်လွန်းသော မာနထောင်လွှား၍ စိတ်ကြီးဝင်နေသော သဘာဝရှိသူ တစ်ယောက်ဖြစ်ပါသည်။...

ကျရှုံးနေသည့် ယောက်ျားတစ်ယောက်၏ အသွင်ကူးပြောင်းခြင်း

တုံရှင်း၊ ဖူချန်စီရင်စု ကျွန်တော့်ကို ကျေးလက်ဒေသမှာ မွေးဖွားခဲ့ပါသည်။ နိမ့်ကျသည့် လယ်သမားမျိုးရိုး မှနေလာပြီး ထို့ထက်ဆိုးသည်မှာ...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်