သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၄၃။ ဝိညာဉ်ရေးရာ တိုက်ပွဲ

အနန္တတန်ခိုးရှင် ဘုရားသခင် ပြောသည်မှာ- “လူတို့သည် ဘုရားသခင်ကို စတင်ယုံကြည်ကတည်းက၊ မမှန်ကန်သော ရည်ရွယ်ချက်များစွာ သိုထားကြပြီးဖြစ်သည်။ သင်သည် သမ္မာတရားကို လက်တွေ့လုပ်ဆောင်နေခြင်း မရှိသည့်အခါ၊ သင်၏ ရည်ရွယ်ချက်များအားလုံး မှန်ကန်သည်ဟု သင်ခံစားရသော်လည်း သင့်အား တစ်ခုခုဖြစ်သည့်အခါ သင့်အထဲ၌ မမှန်ကန်သည့် ရည်ရွယ်ချက်များစွာ ရှိသည်ကို မြင်ရလိမ့်မည်။ ထို့ကြောင့် ဘုရားသခင်က လူတို့ကို စုံလင်စေသည့်အခါ၊ ဘုရားသခင်နှင့်ဆိုင်သော ၎င်းတို့၏ အသိပညာကို တားဆီးနေသည့် အယူအဆများစွာ ၎င်းတို့အတွင်း၌ ရှိသည်ကို နားလည်စေသည်။ သင်၏ ရည်ရွယ်ချက်များ မှားနေသည်ကို သင်သတိပြုမိသည့်အခါ သင့်အယူအဆနှင့် ရည်ရွယ်ချက်များအတိုင်း လက်တွေ့ လုပ်ဆောင်နေခြင်းကို သင်ရပ်တန့်နိုင်ပြီး ဘုရားသခင်ကို သက်သေခံနိုင်ကာ သင့်ထံ ဖြစ်ပျက်နေသည့် အရာအားလုံး၌ သင်၏ရပ်တည်ချက်၌ ခိုင်မြဲစွာနေနိုင်ပါက၊ သင်သည် ဇာတိပကတိကို ဆန့်ကျင်တွန်းလှန်ခဲ့ပြီဟု ဤအရာက သက်သေပြပေသည်။ ဇာတိပကတိကို သင်တွန်းလှန်သည့်အခါ၊ သင့်အတွင်း၌ ရှောင်လွှဲ၍မရသည့် တိုက်ပွဲတစ်ခု ရှိလိမ့်မည်။ စာတန်က လူတို့ကို သူ့နောက်သို့ လိုက်စေဖို့ ကြိုးစားလိမ့်မည်၊ ဇာတိပကတိ၏ အယူအဆများနောက် လိုက်စေဖို့နှင့် ဇာတိပကတိအပေါ် စိတ်ဝင်စားမှုများကို ထိန်းသိမ်းစေဖို့ ကြိုးစားလုပ်ဆောင်လိမ့်မည်— သို့သော်လည်း ဘုရားသခင်၏ နှုတ်ကပတ်တော်များသည် လူတို့အတွင်း၌ ဉာဏ်အလင်းပေးကာ အလင်းပြလိမ့်မည်ဖြစ်ပြီး ဤအချိန်၌ သင် ဘုရားနောက်လိုက်မည် သို့မဟုတ် စာတန်နောက် လိုက်မည် ဆိုသည်မှာ သင့်အပေါ်မှာ မူတည်ပေသည်။ အဓိကအားဖြင့် လူတို့အတွင်း၌ရှိသော အရာများကို ကိုင်တွယ်ဖြေရှင်းရန်အတွက်၊ ဘုရားသခင်၏ စိတ်နှလုံးနှင့် မညီညွတ်သော သူတို့၏အတွေးများနှင့် အယူအဆများကို ကိုင်တွယ်ဖြေရှင်းရန်အတွက် ဘုရားသခင်သည် လူတို့အား သမ္မာတရားကို လက်တွေ့လုပ်ဆောင်ဖို့ စေခိုင်းလေသည်။ သန့်ရှင်းသော ဝိညာဉ်တော်သည် လူတို့ကို ၎င်းတို့၏ စိတ်နှလုံးများထဲတွင် တို့ထိပြီး သူတို့ကို အသိဉာဏ် ပွင့်လင်းစေကာ အလင်းပေးသည်။ ထို့ကြောင့် ဖြစ်ပျက်သည့် အရာအားလုံး၏ နောက်ကွယ်တွင် တိုက်ပွဲတစ်ခုရှိ၏။ လူတို့အနေဖြင့် သမ္မာတရားကို လက်တွေ့လုပ်ဆောင်သည့် အချိန်တိုင်း၌၊ သို့မဟုတ် ဘုရားသခင်အား ချစ်ခြင်းကို လက်တွေ့လုပ်ဆောင်သည့် အချိန်တိုင်း၌ ကြီးမားသည့် တိုက်ပွဲတစ်ခုရှိပြီး၊ သူတို့၏ဇာတိပကတိနှင့်ပတ်သက်၍ အားလုံးက အဆင်ပြေပုံပေါက်နေနိုင်သော်လည်း စင်စစ်အားဖြင့် သူတို့၏ နှလုံးသား၏ နက်ရှိုင်းသောနေရာများ၌မူ သေရေးရှင်ရေး တိုက်ပွဲတစ်ခု ဆက်ဖြစ်ပေါ်နေလိမ့်မည် ဖြစ်ကာ ဤပြင်းထန်သောတိုက်ပွဲ နောက်တွင်သာ ကြီးမားစွာ ဆင်ခြင်သုံးသပ်ခြင်း ပမာဏတစ်ခုနောက်တွင်၊ အနိုင် အရှုံးကို ဆုံးဖြတ်နိုင်ပေသည်။ ငိုရမည်လော၊ ရယ်ရမည်လောဆိုသည်ကို မသိပေ။ အဘယ့်ကြောင့်ဆိုသော် လူတို့၏အတွင်း၌ရှိသော ရည်ရွယ်ချက် အများအပြားသည် မှားယွင်းနေသောကြောင့်၊ သို့မဟုတ်ပါက ဘုရားသခင်၏ အမှုများစွာတို့သည် သူတို့၏အယူအဆများနှင့် ဆန့်ကျင်နေသောကြောင့် လူတို့သည် သမ္မာတရားကို လက်တွေ့လုပ်ဆောင်သည့် အချိန်တွင် နောက်ကွယ်၌ ကြီးမားသည့် တိုက်ပွဲကြီးတစ်ခုကို ဆင်နွှဲနေပေသည်။ ဤသမ္မာတရားကို လက်တွေ့လုပ်ဆောင် ပြီးသည့်နောက်၊ လူတို့အနေဖြင့် ဘုရားသခင်ကို စိတ်ကျေနပ်စေမည်ဟု နောက်ဆုံး၌ ဆုံးဖြတ်ချက်မချမီတွင် နောက်ကွယ်၌ မရေတွက်နိုင်သည့် ဝမ်းနည်းခြင်း မျက်ရည်များ ကျခဲ့ကြပြီးဖြစ်လိမ့်မည်။ ဤတိုက်ပွဲကြောင့်ပင် လူတို့သည် ဆင်းရဲဒုက္ခနှင့် စစ်ဆေးခြင်းတို့ကို တောင့်ခံရခြင်းဖြစ်သည်။ ဤသည်မှာ စစ်မှန်သည့် ဒုက္ခခံစားရခြင်း ဖြစ်သည်။ သင့်အပေါ်ကို တိုက်ပွဲ ကျရောက်လာသည့်အခါ သင်သည် ဘုရားသခင်ဘက်၌ အမှန်တကယ် ရပ်တည်နိုင်ပါက၊ ဘုရားသခင်ကို စိတ်ကျေနပ်စေနိုင်မည်ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်”) နှုတ်ကပတ်တော်တွေကို ဖတ်ပြီးတဲ့နောက်၊ သမ္မာတရားကို လက်တွေ့လုပ်ဆောင်တာက ရိုးရှင်းတဲ့ ကိစ္စလုံးဝ မဟုတ်သလို ဝိညာဉ်ရေးရာ တိုက်ပွဲက တကယ်လိုအပ်တယ်လို့ နက်နက်ရှိုင်းရှိုင်း ခံစားရတယ်။ ပြီးခဲ့တဲ့ နှစ်အနည်းငယ်က၊ ကျွန်တော့် ခယ်မက မကောင်းမှုပြုသူအဖြစ် ထုတ်ဖော်ခံခဲ့ရတယ်။ အသင်းတော်က သူ့ကို နှင်ထုတ်ဖို့ ရည်ရွယ်ခဲ့ပေမယ့် ကျွန်တော်ကတော့ကျွန်တော့်ခံစားချက်တွေရဲ့ ဘောင်ခတ်တာ ခံခဲ့ရပြီး သမ္မာတရားကို လက်တွေ့မလုပ်နိုင်ခဲ့ဘူး။ ကျွန်တော့်စိတ်နှလုံးထဲမှာ၊ ချီတုံချတုံဖြစ်ခဲ့ရပြီး အတော်လေး စိတ်ဆင်းရဲခဲ့တယ်။ နောက်ဆုံးတော့မှ ဘုရားနှုတ်ကပတ်တော်ရဲ့ တရားစီရင်ခြင်းနဲ့ ထုတ်ဖော်ပြခြင်းတွေကတစ်ဆင့် ကျွန်တော့် စိတ်ခံစားချက်တွေအတိုင်း ပြုမူခြင်းရဲ့ အန္တရာယ်နဲ့ အကျိုးဆက်တွေကို ရှင်းရှင်းလင်းလင်း မြင်ခဲ့တယ် အဲဒီနောက်မှပဲ ကျွန်တော့်ရဲ့ ဇာတိပကတိကို စွန့်လွှတ်ပြီး ကျွန်တော့် ခံစားချက်တွေကို လက်လွှတ်နိုင်ခဲ့တယ်။ မကောင်းမှုပြုသူတွေကို ဖော်ထုတ်ပြီးငြင်းပယ်နိုင်ခဲ့သလို၊ နောက်ဆုံးမှာ သမ္မာတရားကို လက်တွေ့လုပ်ဆောင်ခြင်းက ယူဆောင်လာခဲ့တဲ့ ငြိမ်သက်ခြင်းနဲ့ လုံခြုံမှုတို့ကို နှစ်သက်ခံစားနိုင်ခဲ့တယ်။

ကိုယ့်ဒေသခံ အသင်းတော်ထဲမှာ ခေါင်းဆောင်မှု တာဝန်တွေကို ယူဖို့ ကျွန်တော် ၂၀၁၇ ခုနှစ်မှာ ပြန်သွားခဲ့တယ်။ အစည်းအဝေးမှာ ညီအစ်ကို မောင်နှမတွေက၊ ကျွန်တော့်ကို ပြောတယ် ကျွန်တော့် ခယ်မက အသင်းတော်ခေါင်းဆောင်တစ်ဦးအနေနဲ့ သူ့ရဲ့တာဝန်တွေတစ်လျှောက်မှာ အစည်းအဝေးတွေမှာ မိတ်သဟာယပြုနေတုန်းမှာ၊ အပေါ်ယံ စကားတွေနဲ့ အယူဝါဒတွေကို ပြောပြီး ကြွားဝါဖို့ အားထုတ်ခဲ့တယ်တဲ့။ သူသွားတဲ့ နေရာတိုင်းမှာ၊ ဘာတာဝန်တွေသူထမ်းရွက်ခဲ့ပြီးကြောင်းနဲ့ တခြားသူတွေ သူ့ကို ကိုးကွယ်ပြီး နာခံကြစေဖို့အတွက် သူဘယ်လို ဆင်းရဲဒုက္ခခံခဲ့ပုံတွေကို ပြောဆိုခဲ့တယ်။ ညီအစ်ကိုမောင်နှမတွေက သူတို့အလုပ်တွေမှာ ရှိတဲ့ တချို့ပြဿနာတွေအကြောင်း ပြောပြရင်လည်း၊ သူက အဲဒီပြဿနာတွေ ပြေလည်အောင်၊ သမ္မာတရားနဲ့ မိတ်သဟာယပြုပေးတာမျိုး မလုပ်ခဲ့ဘူး။ တခြားသူတွေကို အထက်စီးကနေ အပြစ်တင် ဆုံးမတာတွေ လုပ်ခဲ့တယ်။ သူ အပြစ်တင်ဆုံးမတာတွေကြောင့် ညီအစ်ကိုမောင်နှမတချို့က အပျက်သဘောအခြေအနေမျိုး ရောက်ကုန်တဲ့အပြင်၊ သူတို့အလုပ်တွေမှာ စိတ်ဝင်စားမှု ပျောက်ကုန်ကြတယ်။ နောက်ပိုင်းမှာ၊ ဟန်ဘင်းက အစားထိုးခံခဲ့ရတယ်။ အဲဒီနောက်မှာလည်း သူ့ကိုယ်သူ မဆင်ခြင်ကြည့်ခဲ့ဘူး။ သူ့ကိုယ်သူ နားလည်မှု ရမလာခဲ့ဘူး။ ညီအစ်ကိုမောင်နှမတွေကြားမှာ ရန်စတာတွေ၊ ပဋိပက္ခတွေ ဖြစ်အောင် ဆက်လုပ်ရင်း၊ အသင်းတော်အသက်တာကို နှောင့်ယှက်နေခဲ့ပါတယ်။ သူ့ကို အသင်းတော် ခေါင်းဆောင်တွေက သုံးလေးခေါက် မိတ်သဟာယပြုခဲ့ပြီး၊ ဆူပူခဲ့တယ်၊ ဝေဖန်ခဲ့တယ်။ သူက ဘာမှ လက်မခံခဲ့ဘူး။ သူက နဂိုအတိုင်းပဲ မနာခံဘူး။ မကျေနပ်ဘူး။ ပြီးတော့ အပျက်သဘောဆောင်တာတွေကို ဆက်ဖြန့်နေခဲ့ပြီး အသင်းတော် အသက်တာအပေါ် တော်တော်ကို အနှောင့်အယှက်ဖြစ်စေခဲ့တယ် ဟန်ဘင်းက ဒီလို ပြုမူနေခဲ့တာကို ကျွန်တော် ကြားတဲ့အချိန်မှာ အရမ်းဒေါသထွက်ခဲ့တယ်။ ဘုရားရဲ့ နှုတ်ကပတ်တော်တွေကို ကျွန်တော် အမှတ်ရမိခဲ့တယ်- “မိမိတို့၏ အဆိပ်ရှိ၍ မလိုမုန်းထားရှိသော အပြောအဆိုများကို အသင်းတော်အတွင်း ဖွင့်ပြောတတ်သူများ၊ ညီအစ်ကိုမောင်နှမများကြား ကောလာဟလများ ဖြန့်ကာ၊ စိတ်သဘောမတိုက်ဆိုင်ခြင်းကို ဆွပေးသောသူများနှင့် အုပ်စုများဖွဲ့သောသူတို့သည် အသင်းတော်မှ နှင်ထုတ်ခြင်း ခံခဲ့သင့်သည်။ သို့သော် ယခုသည် ဘုရားသခင်အမှု၏ ခြားနားသော ခေတ်ကာလဖြစ်သောကြောင့်၊ ၎င်းတို့သည် ဖယ်ရှားခြင်းအချို့ကို ရင်ဆိုင်ရသည့်အတွက် ဤလူများသည် ထိန်းချုပ်ခြင်း ခံရပေသည်။ စာတန်၏ ဖျက်ဆီးခြင်း ခံထားရသော လူအားလုံး၌ ဖောက်ပြန်ပျက်စီးသော စိတ်သဘောထားများ ရှိသည်။ အချို့၌ ဖောက်ပြန်ပျက်စီးသော စိတ်သဘောထားသာရှိသော်လည်း အခြားသူများ၌မူ ထိုကဲ့သို့ မဟုတ်ကြပေ။ ၎င်းတို့၏ စိတ်သဘောထားများက စာတန်၏ ဖျက်ဆီးခြင်း ခံရပြီးသည်သာမက၊ သူတို့၏ သဘာဝဗီဇများသည်လည်း အလွန်အမင်း မလိုမုန်းထားတတ်ကြသည်။ ၎င်းတို့၏ အပြောအဆိုနှင့် အပြုအမူများက ၎င်းတို့၏ ဖောက်ပြန်ပျက်စီးကာ စာတန်ဆန်သော စိတ်သဘောထားကို ဖော်ပြသည်သာမက ဤလူများသည် နတ်ဆိုးစာတန် စစ်စစ် ဖြစ်သည်။ သူတို့၏အပြုအမူသည် ဘုရားသခင်၏အလုပ်ကို ကြားဖြတ်ခြင်းနှင့် နှောင့်ယှက်ခြင်း၊ ညီအစ်ကို မောင်နှမများ၏ အသက်တာဝင်ရောက်မှုကို နှောင့်ယှက်ခြင်းနှင့် အသင်းတော်၏ သာမန်အသက်တာကို ဖျက်ဆီးခြင်းတို့ပင် ဖြစ်သည်။ သိုးရေခြုံထားသည့် ဤဝံပုလွေများသည် အနှေးနှင့်အမြန် ရှင်းလင်းခံရမည်ဖြစ်ပြီး...” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သမ္မာတရားကို လက်တွေ့မလုပ်ဆောင်သောသူများကို သတိပေးချက်”) ဒီဘုရားနှုတ်ကပတ်တော် ကျမ်းပိုဒ်ကို ကျွန်တော် သတိရတဲ့အချိန်မှာ၊ ဘုရားရဲ့ နှုတ်ကပတ်တော်တွေနဲ့ တိုင်းတာလိုက်တဲ့အခါ၊ ဟန်ဘင်းရဲ့ သဘာဝနဲ့ အနှစ်သာရတွေက အမှန်ကို မကောင်းမှုပြုသူတွေရဲ့ အရာတွေ ဖြစ်တယ်ဆိုတာ ကျွန်တော် ရှင်းရှင်းလင်းလင်း နားလည်ခဲ့တယ်။ အသင်းတော် ခေါင်းဆောင်တွေနဲ့ လုပ်ဖော်ကိုင်ဖက်တွေက သူ့ရဲ့ အပြုအမူကို ဘုရားနှုတ်ကပတ်တော်တွေနဲ့ စိစစ်ခဲ့ကြပြီး၊ သူက စွန့်လွှတ်၊ အသုံးတော်ခံနိုင်ပြီး သူ့ရဲ့တာဝန်တွေကို ဖြည့်ဆည်းနေတုန်းမှာ ဆင်းရဲဒုက္ခခံပြီး အဖိုးအခပေးနိုင်စွမ်းရှိပေမယ့်၊ သူက မာနထောင်လွှားပြီး ကိုယ်ကိုယ်ကိုယ် ကြီးကျယ်တယ်၊ သမ္မာတရားကို လုံးဝ လက်မခံသလို၊ ထင်တိုင်းကြဲပြီး မဆင်မခြင်လုပ်တယ်၊ အသင်းတော် အသက်တာကို နှောင့်ယှက်ပြီး အပြောခံရပြီးတဲ့ နောက်မှာတောင် ကိုယ့်အမှားတွေကို ပြုပြင်ဖို့ ငြင်းပယ်တယ်လို့ ပြောခဲ့ကြတယ်။ ဒါက သူ့ကို မကောင်းမှုပြုသူ ဖြစ်စေတယ်။ ဘုရားအိမ်တော်ရဲ့ အလုပ် စီမံခန့်ခွဲမှုရဲ့ စည်းကမ်းတွေအရ၊ အဲဒီလိုလူတွေက နှင်ထုတ်ခံရမှာပါ။ အသင်းတော်ကနေ သူ့ကို နှင်ထုတ်သင့်တယ်လို့ ညီအစ်ကို မောင်နှမများစွာ ပြောတာကို ကြားပြီးနောက်မှာ ကျွန်တော် အရမ်း စိတ်ဒွိဟဖြစ်ခဲ့ရတယ်။ သူရဲ့ အပြုအမူတွေကို ကြည့်ရင်၊ သူက တကယ်ကို မကောင်းမှုပြုသူဖြစ်ပြီး နှင်ထုတ်ခံရသင့်မှန်း မြင်လို့ရပေမယ့်၊ သူက ကျွန်တော့် မိန်းမရဲ့ ညီမလေ။ ပြီးတော့ ကျွန်တော့် ယောက္ခမတွေက ကျွန်တော့်ကို ကောင်းကောင်းဆက်ဆံကြပြီး ကျွန်တော့် မိသားစုကို အရမ်းကို ဂရုစိုက်ကြတာ။ ဟန်ဘင်းကို နှင်ထုတ်ဖို့ ကျွန်တော် မဲပေးခဲ့တာ သူတို့ သိသွားခဲ့ရင်၊ သူတို့က ကျွန်တော့်ကို အကြင်နာမဲ့တယ်၊ ကျေးဇူးမသိတတ်သလို မိသားစုကို တန်ဖိုးမထားဘူးလို့ ထင်မှာမဟုတ်လား။ အဲဒီလိုအရာကို လုပ်ပြီးတဲ့နောက်မှာ ကျွန်တော့် ယောက္ခမတွေကို ကျွန်တော် ဘယ်လို ရင်ဆိုင်နိုင်မှာလဲ။ ဒါပေမယ့် အသင်းတော် ခေါင်းဆောင်တစ်ယောက် အနေနဲ့၊ အသင်းတော်မှာ မကောင်းမှုပြုသူတစ်ယောက် ရှိတယ်ဆိုတာ ကောင်းကောင်းကြီးသိပေမယ့် မောင်းမထုတ်ဘဲ စည်းမျဉ်းတွေအတိုင်း မပြုမူရင်၊ ဒီမကောင်းမှုပြုသူကို အသင်းတော် အသက်တာ နှောင့်ယှက်ဖို့ နဲ့ ဘုရားရွေးချယ်ထားသူတွေကို ထိခိုက်ဖို့ ဆက်ခွင့်ပြုထားရင်၊ အဲဒါက ကျွန်တော့်ကို မကောင်းမှုပြုသူရဲ့ ကြံရာပါနဲ့ ဘုရားသခင်ရဲ့ ရန်သူ ဖြစ်စေမှာ မဟုတ်လား။ ဒီ ပြဿနာရဲ့သဘောသဘာဝက တော်တော် စိုးရိမ်စရာကောင်းခဲ့တာပဲ။ ဟုတ်တယ်။ အဲဒါကို ဆက်မတွေးရဲခဲ့ဘူးဗျာ အဲဒီတုန်းက၊ ကြမ်းတမ်း ခက်ခဲတဲ့ နေရာတစ်ခုမှာ ကျွန်တော် ပိတ်မိသလို ခံစားခဲ့ရတယ်။ ဘာလုပ်ရမှန်း မသိခဲ့ဘူး။ ကျွန်တော် ဒုက္ခရောက်သလို ဖြစ်နေတာကို၊ အစ်မကျောက်က မြင်တော့၊ “မောင်လေး လျန်၊ ဟန်ဘင်းက အသင်းတော် အသက်တာကို အကြိမ်ကြိမ် နှောင့်ယှက်ပြီးပြီ၊ ပြီးတော့ နောင်တရတဲ့ အရိပ်အယောင် တစ်စက်မှ သူ မပြခဲ့ဘူး။ အခြေခံစည်းမျဉ်းအရ၊ အသင်းတော်ကနေ သူ မောင်းထုတ်ခံရမယ်။ ဒါက အသင်းတော်ရဲ့အလုပ်ကို ကာကွယ်နေတာဖြစ်တယ်။ အဲဒါက အရေးကြီးဆုံး အရာပဲ။ ဘုရားသခင်ရဲ့ အလိုတော်ကို ငါတို့ ထည့်တွက်ဖို့လိုပြီး ငါတို့ရဲ့ စိတ်ခံစားချက်တွေနဲ့ ပုဂ္ဂိုလ်ရေး ခံစားချက်တွေအတိုင်း မပြုမူဖို့ လိုတယ်” လို့ ပြောခဲ့တယ်။ သူ ပြောတာကို နားထောင်ပြီးတဲ့နောက်၊ ကျွန်တော် ပိုပြီးတော့တောင် ဒွိဟဖြစ်သွားတယ်။

အဲဒီအချိန်မှာပဲ ညီအစ်ကိုမောင်နှမတချို့က၊ “ဟန်ဘင်းက ဘုရားသခင်ကို နှစ်တွေအများကြီး ယုံကြည်ပြီးပြီ၊ သူ့ရဲ့ တာဝန်ကို ဖြည့်ဆည်းဖို့ သူက သူ့ရဲ့ မိသားစုနဲ့ အသက်မွေးဝမ်းကျောင်း အလုပ်ကို စွန့်လွှတ်ပြီး ဆင်းရဲဒုက္ခအများကြီး ခံပြီးပြီ။ နောင်တရဖို့ သူ့ကို နောက်ထပ်အခွင့်အရေး ပေးသင့်တယ် ထင်တယ်” လို့ ပြောကြတယ်။ အဲဒီစကားတွေကို ကျွန်တော် ကြားရတဲ့အခါ၊ ဒီညီအစ်ကို မောင်နှမတွေက ဟန်ဘင်းရဲ့ အပေါ်ယံ ကောင်းမွန်တဲ့ လုပ်ရပ်တွေနဲ့ လှည့်ဖြားခံရလို့ ဒီလို ပြောတယ်ဆိုတာ၊ ပြီးတော့ သူ့ရဲ့ သဘာဝနဲ့ အနှစ်သာရတွေကို သူတို့ သိမြင်နိုင်ဖို့အတွက် ဟန်ဘင်းရဲ့ အပြုအမူကို စိစစ်ဖို့ သူတို့နဲ့အတူ သမ္မာတရားနဲ့ပတ်သက်ပြီး မိတ်သဟာယပြုသင့်တယ်ဆိုတာတွေကို ကျွန်တော် ရှင်းရှင်းလင်းလင်း သိခဲ့တယ်။ မှန်တယ်။ ဒါပေမယ့် အဲဒီနောက် ဟန်ဘင်းက၊ ကျွန်တော့်ယောက္ခမတွေရဲ့ အသည်းကျော်သမီးတစ်ယောက်၊ ကျွန်တော့် ယောက္ခမက သူ့ရဲ့ ဘုရားသခင်ကို ယုံကြည်ခြင်းမှာ နားဝေတိမ်တောင်ဖြစ်ပြီး ပိုင်းခြားသိမြင်မှုမရှိသလို၊ ဒီကျွန်တော့်ဇနီးက အရမ်းကို စိတ်ထိခိုက်လွယ်မှန်း ကျွန်တော် တွေးမိခဲ့တယ်။ ဟန်ဘင်းကို နှင်ထုတ်ဖို့ နဲ့ မကောင်းတဲ့ သူ့အပြုအမူကို ညီအစ်ကိုမောင်နှမတွေဆီ ဖော်ထုတ်စိစစ်ပြဖို့ ဆုံးဖြတ်လိုက်မယ်ဆိုရင်၊ ကျွန်တော့်ဇနီးရဲ့ တစ်မိသားစုလုံးကို ကျွန်တော် ပေါ်တင် စော်ကားရာရောက်မယ်မဟုတ်လား။ ညီအစ်ကို မောင်နှမတွေရဲ့ရှေ့မှာ ဟန်ဘင်းအကြောင်း ကောင်းတဲ့ စကားနည်းနည်း ပြောပြီး၊ သူ နောင်တရဖို့၊ နှောင့်ယှက်တာတွေ ထပ်မဖြစ်စေဖို့၊ သူ့ကို မိတ်သဟာယပြုပေးမယ်ဆိုရင်တော့၊ အသင်းတော်ကနေ သူ့ကို နှင်ထုတ်စရာမလိုတာမျိုး ဖြစ်နိုင်တဲ့ အခွင့်အရေး ရှိမှာဖြစ်ပြီး ဒီလိုနဲ့ ကျွန်တော့် ဇနီးရဲ့ မိသားစုကို ကျွန်တော် စော်ကားစရာ လိုမှာမဟုတ်ဘူး။ ဒီစိတ်ကူးက ကျွန်တော် ခံစားနေခဲ့ရတဲ့ ပူပန်စိတ်အနည်းငယ်ကို ပြေပျောက်စေခဲ့တယ်၊ ဒါကြောင့် ကျွန်‌တော့် ညီအစ်ကို မောင်နှမတွေကို၊ “ဟန်ဘင်းက မကောင်းတဲ့လုပ်ရပ်တွေ တကယ်လုပ်ခဲ့ပြီး အပြစ်တွေ ကျူးလွန်မိခဲ့တယ်၊ ဒါပေမယ့် လူတွေကို ဖြစ်နိုင်သမျှ အကြီးမားဆုံး အတိုင်းအတာနဲ့ ကယ်တင်ဖို့ဆိုတာ ဘုရားသခင်ရဲ့ အလိုတော်ပါ၊ ဒါကြောင့် သူ့ကို နောင်တရဖို့ နောက်ထပ် အခွင့်အရေး ပေးသင့်တယ်။ မကောင်းတာကို သူ ထပ်လုပ်တယ်ဆိုရင်၊ အဲဒီအခါ သူ့ကို နှင်ထုတ်တာ သိပ်နောက်ကျမှာ မဟုတ်ပါဘူး၊ ပြီးတော့ ဒါကို သူ စိတ်ပါလက်ပါ လက်ခံဖို့ ကျွန်တော်တို့ လုပ်နိင်တယ်” လို့ ပြောလိုက်တယ်။ ဒီမှန်သလိုလိုနဲ့ မှားနေတဲ့ စကားတွေ ကျွန်တော်ပြောတာကို အစ်မကျောက် ကြားတဲ့အခါ၊ တစ်ခုခု သူပြောချင်ပုံရပေမယ့် နောက်ဆုံးမှာ သူ နှုတ်ဆိတ်နေလိုက်တယ်။ တခြား ဘယ်သူမှကလည်း ဘာမှမပြောခဲ့ဘူး၊ ပြီးတော့ ကျွန်တော့် စိတ်နှလုံးထဲမှာ စိတ်ပင်ပန်းမှုအချို့ ခံစားခဲ့ရတယ်။ နောက်ဆုံးတော့ ကျွန်တော့် ယောက္ခမတွေကို စော်ကားမိမှာကို နောက်ထပ် ပူစရာမလိုတော့ဘူးလို့ ကိုယ့်ကိုယ်ကိုယ် တွေးခဲ့တယ်။ ဒါပေမဲ့ နှစ်ရက်လောက်ကြာတော့၊ ကျွန်တော့်ပါးစပ်မှာ အနာတွေ ရုတ်တရက် ပေါက်လာတယ်။ သုံးခုတောင်။ ပါးစပ်ထဲမှာ မီးလောင်နေတဲ့အတိုင်းပဲ။ ရူးမတတ်ကို ခံခဲ့ရပါတယ်။ တစ်ခါတလေ အရမ်းနာလွန်းတော့၊ စကားမပြောနိုင် မစားနိုင်အောင် ဖြစ်ခဲ့တယ်။ နာတာက တော်တော်ဆိုးလို့ ညမှာ အိပ်လို့တောင်မရခဲ့ဘူး ကျွန်တော့်ရဲ့ မချိမဆံ့ဝေဒနာကြားမှာ၊ ဘုရားသခင်ကို၊ “ဘုရားသခင်၊ ကျွန်တော့်ပါးစပ်ထဲနဲ့ လျှာပေါ်က ဒီ ဆိုးဝါးလွန်းတဲ့ အနာတွေဟာ တိုက်ဆိုင်မှုနဲ့ သက်သက် ဖြစ်လာတာမဟုတ်မှန်း ကျွန်တော် သိပါတယ်။ ဒါဟာ ကိုယ်တော် ကျွန်တော့်ကို ပြစ်တင်ဆုံးမပြီး ပဲ့ပြင်တာပါ။ အို ဘုရားသခင်၊ ကျွန်တော် ကိုယ်တော့်ထံ နောင်တရချင်ပါတယ်” ဆိုပြီး ဆုတောင်းရုံသာ တတ်နိုင်ခဲ့တယ်။

နောက်ပိုင်း၊ ကျွန်တော့်ရဲ့ ဝတ်ပြုဆုတောင်းခြင်း အတောအတွင်းမှာ၊ ဒီဘုရားနှုတ်ကပတ်တော်ကျမ်းပိုဒ်ကို ကျွန်တော် တွေ့ခဲ့တယ်။ “ဘုရားသခင်ကို စစ်မှန်စွာ ယုံကြည်သော သူများ၏ နှလုံးသားထဲတွင် ကိုယ်တော်အမြဲရှိနေပြီး ထိုသူတို့သည် ဘုရားသခင်ကို ရိုသေလေးမြတ်သော နှလုံးသားများနှင့် ဘုရားသခင်ကိုချစ်သော နှလုံးသားများကို ၎င်းတို့အတွင်း၌ အစဉ်အမြဲ သယ်ဆောင်ထားကြသည်။ ဘုရားသခင်ကို ယုံကြည်သောသူများသည် အမှုအရာများကို သတိနှင့် နှိုင်းနှိုင်းချိန်ချိန် လုပ်သင့်ပြီး သူတို့လုပ်သော အရာအားလုံးသည် ဘုရားသခင်၏ သတ်မှတ်ချက်များနှင့်အညီ ဖြစ်သင့်ကာ ဘုရားသခင်၏ နှလုံးသားကို ကျေနပ်စေနိုင်ရမည်။ ထိုသူတို့သည် မိမိတို့ သဘောရှိ လုပ်ဆောင်လျက် ခေါင်းမမာသင့်ပေ။ ထိုသို့ပြုခြင်းမှာ သန့်ရှင်းသူများ၏ အပြုအမူနှင့် မအပ်စပ်ပေ။ လူများသည် ဘုရားသခင်၏အောင်လံကို ကြွားလုံးထုတ်၍ ထိုအောင်လံနှင့် နေရာတကာ ဒေါသတကြီးနှင့် လျှောက်ရမ်းခြင်း၊ ဟိတ်ဟန်ထုတ်၍ လမ်းလျှောက်ပြီး အရပ်တကာ လိမ်လည်ခြင်းတို့ မပြုရပေ။ ထိုသို့ပြုခြင်းသည် ပုန်ကန်မှုအပြု ဆုံးသော အမူအကျင့်ဖြစ်သည်။ မိသားစုများ၌ ၎င်းတို့၏ စည်းကမ်းများရှိသလို နိုင်ငံများ၌လည်း ဥပဒေများရှိသည်။ ဘုရားသခင်၏ အိမ်တော်တွင် သာ၍ပင် ရှိသည် မဟုတ်လော။ စံများက ပိုမို တင်းကျပ်သည် မဟုတ်လော။ ပိုများသော စီမံခန့်ခွဲမှုများ သာ၍ပင် ရှိသည် မဟုတ်လော။ လူများသည် မိမိတို့အလိုရှိသော အရာကို လွတ်လပ်စွာ လုပ်နိုင်သည်။ သို့သော် ဘုရားသခင်၏ စီမံခန့်ခွဲမှုအမိန့်များကို သဘောရှိ ပြောင်းလဲ၍ မရနိုင်ပေ။ ဘုရားသခင်သည် သူ့ကို လူများ စော်ကားခွင့်မပြုသော ဘုရားဖြစ်သည်။ သူသည် လူများကို သေစေသော ဘုရားဖြစ်သည်။ ဤအရာကို လူများက အကယ်ပင် မသိသေးဘူးလော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သမ္မာတရားကို လက်တွေ့မလုပ်ဆောင်သောသူများကို သတိပေးချက်”) ဘုရားရဲ့ နှုတ်ကပတ်တော်တွေက ကျွန်တော့်ကို ကြောက်ရွံ့မှုနဲ့ တုန်လှုပ်စေခဲ့တယ်။ သူ့ရဲ့ စိတ်သဘောထားက သန့်ရှင်း၊ ဖြောင့်မတ်ပြီး ပြစ်မှားစော်ကားမှုကို သည်းမခံမှန်း မြင်ခဲ့ရတယ်။ ဘုရားရဲ့ အိမ်တော်မှာ၊ ခရစ်တော်နဲ့ သမ္မာတရားက တန်ခိုးအာဏာ စွဲကိုင်ထားတယ်။ အသင်းတော် အလုပ်ကို ဟန့်တားပြီး နှောင့်ယှက်တဲ့ မကောင်းမှုပြုသူတွေအပေါ် ဘုရားသခင်ရဲ့ သဘောထားက စက်ဆုပ်မှုနဲ့ မနှစ်မြို့ခြင်းပဲ။ ပိုင်းခြားသိမြင်မှုရှိပေမယ့် မကောင်းမှုပြုသူတွေဘက်မှာ ရပ်တည်ပြီး သူတို့ကိုယ်စား ပြောပေးတဲ့သူတွေအတွက် ဘုရားသခင်ရဲ့ သဘောထားက အလွန်အမင်း စက်ဆုပ်ပြီး အမျက်ထွက်ခြင်းပါ။ သမ္မာတရားကို လက်တွေ့လုပ်ဆောင်ဖို့ ငြင်းတဲ့သူ၊ ရန်စခြင်းနဲ့ ပဋိပက္ခတွေ ဖြစ်စေပြီး အသင်းတော် အလုပ်ကို တားဆီး၊ နှောင့်ယှက်သူတစ်ဦးအနေနဲ့ ဟန်ဘင်းဟာ ဘုရားရဲ့ အမှုတော်အားဖြင့် ထုတ်ဖော်ပြခံရတဲ့ မကောင်းမှုပြုသူမျိုး အတိအကျဖြစ်ပြီး နှင်ထုတ်ခံရသင့်တဲ့သူတစ်ဦး ဖြစ်တယ်။ ဒါပေမယ့် ကျွန်တော့် ဇနီး မိသားစုနဲ့ ကျွန်တော့်ရဲ့ ဆက်ဆံရေးကို ကာကွယ်ဖို့ သမ္မာတရားရဲ့ အခြေခံစည်းမျဉ်းတွေကို ရောင်းစားပြီးတော့ အသိစိတ်ကို ကျွန်တော် ပေါ်တင်ဆန့်ကျင်ခဲ့တယ်။ မကောင်းမှုပြုသူတစ်ယောက်ကို ကျွန်တော် ကာကွယ်ပေးခဲ့ပြီး ဆင်ခြေတွေ ဖန်တီးခဲ့တယ်။ မကောင်းမှုပြုသူဘက်မှာ ကျွန်တော် ရပ်တည်ခဲ့ပြီး သူ့ကို ကာကွယ်ဖို့ ပြုမူခဲ့တယ်။ ဒါက ကျွန်တော့်ကို မကောင်းမှုပြုသူကို ကူညီသူ၊ ကြံရာပါ ဖြစ်စေတယ် မဟုတ်လား။ ဘုရားသခင်က ကျွန်တော့်ကို ခေါင်းဆောင်တာဝန်ပေးပြီး ဂုဏ်ပြုခဲ့ပေမယ့် ကျွန်တော်ကတော့ သူ့အတွက် ကြောက်ရွံ့မှု လုံးဝ မရှိခဲ့ဘူး။ သမ္မာတရားကို ရှင်းရှင်းလင်းလင်းနားလည်ခဲ့ပေမယ့်၊ လက်တွေ့မလုပ်ဆောင်ခဲ့ဘူး၊ အဲဒီအစား အသင်းတော် အသက်တာကို နှောင့်ယှက်ပြီး ညီအစ်ကို မောင်နှမတွေကို ထိခိုက်စေတဲ့ မကောင်းမှုပြုသူကို အသင်းတော်ထဲမှာထားဖို့ တမင်တကာကို လှည့်စားမှုပြုခဲ့တယ်။ ဘုရားသခင်ရဲ့ စိတ်သဘောထားကို သိသိကြီးနဲ့ တမင်သက်သက် ကျွန်တော် ပြစ်မှားနေခဲ့တာပါ။ ကျွန်တော့်လုပ်ရပ်တွေက တခြားလူတွေကို လှည့်ဖြားကောင်းလှည့်ဖြားနိုင်ပေမဲ့ ဘုရားကိုတော့ မလှည့်ဖြားနိုင်ခဲ့ပါဘူး ကျွန်တော်တို့ စိတ်နှလုံးထဲမှာ ရှိတဲ့အရာကို ဘုရားသခင် မြင်ပါတယ်။ ထင်ရာမြင်ရာ မဆင်မခြင် ပြုမူခဲ့တဲ့ ကျွန်တော့်လို လူတစ်ယောက်ကို သူက ဘယ်လိုလုပ် သည်းခံနိုင်မှာလဲ။ ကျွန်တော် အပြစ်တစ်ခု ကျူးလွန်လိုက်ပြီးပြီဖြစ်သလို နောင်တမရခဲ့ရင် ဘုရားသခင်က ကျွန်တော့်ကို ဖယ်ရှားမှာကိုကျွန်တော် သိနေခဲ့တယ်။ ကျွန်တော် နောင်တရဖို့ အလျင်အမြန် ဘုရားသခင်ဆီ ဆုတောင်းခဲ့တယ်။ ကျွန်တော့်လုပ်ဖော်ကိုင်ဖက်တချို့နဲ့ အဲဒါကို ဆွေးနွေးပြီးတဲ့အခါ၊ ဟန်ဘင်းရဲ့ မကောင်းတဲ့လုပ်ရပ်တွေကို ကျွန်တော်တို့ စာရင်းပြုခဲ့ကြတယ်။ သူ့ကို အသင်းတော်ကနေ ထုတ်ပယ်ဖို့ လျှောက်တင်ခဲ့ကြတယ်။ ဘုရားသခင်ရဲ့ လမ်းညွှန်ရာကို ပြန်လှည့်ဖို့ ကျွန်တော် ဆန္ဒရှိတဲ့နောက်၊ ကျွန်တော့် ပါးစပ်က အနာတွေက ထူးထူးဆန်းဆန်း ပျောက်ကင်းသွားခဲ့တယ်။

နှစ်ရက်ကြာပြီးတဲ့နောက်၊ ကိစ္စတစ်ခုလုပ်ဖို့အတွက် ကျွန်တော့် ယောက္ခမအိမ်ကို ကျွန်တော် သွားခဲ့ပြီး အဲဒီမှာ ဟန်ဘင်း ရှိနေခဲ့တယ်။ ကျွန်တော့်ကို မြင်တော့၊ သူက ကျွန်တော့်ကို ခပ်မာမာကြည့်ပြီး၊ လှည့်ထွက်သွားရော။ ကျွန်တော့်ကို ကျွန်တော့် ယောက္ခမက စိတ်ဆိုးမာန်ဆိုးနဲ့၊ “နင့် ခယ်မက ဘုရားသခင်ကို နှစ်အများကြီး ယုံကြည်ခဲ့ပြီး ဧဝံဂေလိ ဖြန့်ဝေဖို့ ဆင်းရဲဒုက္ခအများကြီး ခံခဲ့ရတယ်။ ဖောက်ပြန်ပျက်စီးတဲ့ စိတ်သဘောထားမရှိတဲ့သူ ဘယ်သူရှိလို့လဲ။ အသင်းတော်က သူ့ကို နှင်ထုတ်ရင်၊ ဘုရားသခင်ရဲ့ ကယ်တင်ခြင်းကို ရရှိမယ့် အခွင့်အရေး သူ ဆုံးရှုံးမှာ မဟုတ်လား။ သူ့အပေါ် နင်တို့ အရမ်း အကြင်နာမဲ့လို့ မရဘူးလေ” လို့ ပြောတယ်။ ကျွန်တော့် မိန်းမလည်း ဟန်ဘင်းကိုယ်စား ပြောပေးဖို့ စကားဖြတ်ပြောခဲ့တယ်။ သူတို့ စိတ်လှုပ်ရှားလွယ်တာတွေ၊ ဟန်ဘင်းနဲ့ပတ်သက်ပြီး ချင့်ချိန်နိုင်စွမ်း လုံးဝ မရှိတာတွေကို မြင်မိတော့၊ ဟန်ဘင်းရဲ့ ဆိုးယုတ်တဲ့ အပြုအမူနဲ့ပတ်သက်ပြီး သူတို့ကို ကျွန်တော် မိတ်သဟာယပြုပေးခဲ့တယ်။ ဒါပေမယ့် ကျွန်တော့် ယောက္ခမက လုံးဝ နားမထောင်ခဲ့ဘူး။ အဲဒီအစား၊ မျက်ရည်တွေ ထွက်လာပြီး ကျွန်တော့်ကို ဒေါသတကြီး အော်ဟစ်ခဲ့တယ်။ သူ ဒေါသထွက်တာကို မြင်တဲ့အခါ ကျွန်တော့် ဇနီးလည်း အဲဒီမှာ ကျွန်တော့်ကို ပြစ်တင်ရင်းနဲ့ ရပ်နေခဲ့တယ်။ ဒီအရာ အားလုံးကို မြင်ရတဲ့အခါ၊ ကျွန်တော် အရမ်းကို အားနည်းပြီး စိတ်ဆင်းရဲလို့ စားတောင် မစားနိုင်ခဲ့ပါဘူး။ အဲဒီညမှာ၊ အိပ်ရာထဲလှဲရင်းနဲ့၊ ကျွန်တော် ဘယ်လိုပဲ ကြိုးစားပါစေ အိပ်မရနိုင်ဘဲ လူးလိမ့်နေမိခဲ့တယ်။ တစ်ဖက်မှာက အသင်းတော်ရဲ့အလုပ်ကို ကာကွယ်ဖို့၊ မကောင်းမှုပြုတဲ့သူကို မောင်းထုတ်ရမယ်။ ဒါပေမယ့် တစ်ဖက်မှာလည်းကျွန်တော့် မိန်းမနဲ့ ယောက္ခမရဲ့ စွပ်စွဲမှုတွေ ရှိခဲ့တယ်။ ကျွန်တော် ဘာလုပ်ရမလဲ။ ကျွန်တော့် ခယ်မကို ကျွန်တော် မောင်းထုတ်ရင်၊ ကျွန်တော့် ယောက္ခမ တစ်မိသားစုလုံးကို စော်ကားရာရောက်လိမ့်မယ်၊ အဲဒါက ကျွန်တော့် ဇနီးနဲ့ ကျွန်တော့်ရဲ့ ဆက်ဆံရေးကို ထိခိုက်နိုင်ပြီး ကျွန်တော့် မိသားစုကို ပြိုကွဲစေနိုင်တယ်။ ဒါပေမယ့် ဒီမကောင်းမှုပြုသူကို အသင်းတော်ထဲမှာ ဆက်နေခွင့်ပေးတာက အသင်းတော် အသက်တာကို အန္တရာယ်ဖြစ်ပေါ်စေနိုင်ပြီး ကျွန်တော့်ရဲ့ ညီအစ်ကို မောင်နှမတွေရဲ့ အသက်တာကို ထိခိုက်စေနိုင်ပါတယ်။ ဒီအရာအားလုံးကို စဉ်းစားမိတာက ကျွန်တော့်ကို စိတ်ဆင်းရဲစေပြီး စိတ်ဒုက္ခရောက်စေခဲ့တယ်။ ကျွန်တော် လုပ်နိုင်သမျှက ဘုရားသခင်ဆီကို၊ “ဘုရားသခင်၊ ကျွန်တော် အရမ်းအားနည်းပါတယ်။ ဟန်ဘင်းကို နှင်ထုတ်ခြင်းနဲ့ စပ်လျဉ်းပြီး၊ ကိုယ်တော့်ကို ကျွန်တော် မပြစ်မှားချင်ပါဘူး၊ ဒါပေမယ့် ကျွန်တော့်ရဲ့ စိတ်ခံစားချက်တွေနဲ့ သမ္မာတရားကို လက်တွေ့လုပ်ဆောင်ဖို့ အခက်တွေ့တာတွေရဲ့ ဘောင်ခတ်တာကို ကျွန်တော် ခံခဲ့ရပါတယ်။ ကျွန်တော် ခိုင်မာစွာ ရပ်တည်ပြီး ကိုယ်တော့်အတွက် သက်သေခံဖို့ အမှောင်အင်အားတွေကို အောင်နိုင်ဖို့ ကျွန်တော့်ကို ခွန်အားပေးပြီး လမ်းပြဖို့ ကိုယ်တော့်ကို တောင်းလျှောက်ပါတယ်” ဆိုပြီး လေးလေးနက်နက် ဆုတောင်းတာပါပဲ။

ဆုတောင်းပြီးတဲ့နောက်၊ နောက်ထပ် ဘုရားနှုတ်ကပတ်တော်တစ်ချို့ကို ကျွန်တော် ဖတ်ခဲ့ရတယ်- “လူတို့အတွင်း၌ ဘုရားသခင် လုပ်ဆောင်သည့် အမှုအဆင့်တိုင်းတွင် လူများ၏ စီစဉ်မှုမှ သို့မဟုတ် လူသား၏ ဝင်ရောက်စွက်ဖက်ခြင်းမှ ပေါက်ဖွားသည့်အလား အပြင်ပန်းအားဖြင့် လူတို့ကြားက အပြန်အလှန် အကျိုးပြုမှုဟု ထင်ရသည်။ သို့သော်လည်း ဖြစ်ရပ်များ နောက်ကွယ်တွင်၊ အမှု၏အဆင့်တိုင်း၊ ဖြစ်ပျက်သည့်အရာတိုင်းသည် ဘုရားသခင်ရှေ့တွင် စာတန်ပြုလုပ်သည့် အလောင်းအစားတစ်ခုဖြစ်ပြီး လူတို့အနေဖြင့်ဘုရားသခင် အတွက် မိမိတို့၏သက်သေခံချက်တွင် ခိုင်မြဲစွာ ရပ်တည်ဖို့ လိုအပ်သည်။ ယောဘက စုံစမ်းခံခဲ့ရသည့် အချိန်ကို ကြည့်လော့။ ဥပမာ- ဖြစ်ရပ်များ နောက်ကွယ်တွင် စာတန်သည် ဘုရားသခင်နှင့် အလောင်းအစား လုပ်နေပြီး ယောဘအပေါ် ဖြစ်ပျက်ခဲ့သည့်အရာသည် လူသားတို့၏ လုပ်ဆောင်မှုများနှင့် ဝင်ရောက်စွက်ဖက်မှုများ ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်ခြင်းသည်သာလျှင် ဘုရားသခင်ကို အမှန်တကယ် ယုံကြည်ခြင်းဖြစ်သည်”) “ဘုရားသခင်၏ ဝန်ထုပ်ဝန်ပိုးကို ထည့်သွင်းစဉ်းစားကာ၊ အသင်းတော်ဘက်မှ ကာကွယ် သက်သေခံရပ်တည်မည်ဟု၊ အားလုံးပြောခဲ့ကြပြီး ဖြစ်သည်။ မည်သူသည် ဘုရားသခင်၏ ဝန်ထုပ်ဝန်ပိုးကို အမှန်တကယ် ထည့်သွင်းစဉ်းစားပေးခဲ့ကြသနည်း။ သင့်ကိုယ်သင် ဤအရာများ မေးလော့- သင်သည် ဘုရားသခင်၏ ဝန်ထုပ်ဝန်ပိုးကို ထည့်သွင်းစဉ်းစားပေးမှု ပြသပြီးခဲ့သော သူတစ်ယောက် ဖြစ်သလော၊ ဘုရားသခင်အတွက် ဖြောင့်မတ်ခြင်းကို သင်လက်တွေ့ကျင့်သုံးနိုင်သလော။ ငါ့အတွက် သင်ရပ်တည်လျက်၊ ပြောဆိုနိုင်သလော။ သင်သည် တည်ကြည်ခိုင်မာစွာ သမ္မာတရားကို လက်တွေ့လုပ်ဆောင်နိုင်သလော။ စာတန်၏ လုပ်ရပ်အားလုံးကို တွန်းလှန်တိုက်ခိုက်ရန် သင်သည် ရဲရင့်ခြင်း အလုံအလောက်ရှိသလော။ သင်၏ စိတ်ခံစားမှုများကို ဘေးဖယ်ကာ၊ ငါ၏ သမ္မာတရားအတွက် စာတန်ကို ဖော်ထုတ်ပေးနိုင်သလော။ သင့်အထဲတွင် ငါ၏ အလိုကို ပြည့်စုံစေခွင့် ပေးနိုင်သလော။ အရေးပါသောအချိန်တွင် သင်၏ နှလုံးသားကို သင်သည် ပေးရန်ကမ်းလှမ်းခဲ့ပြီးသလော။ သင်သည် ငါ၏အလိုကို ဆောင်ရွက်သော သူတစ်စုံတစ်ဦးလော။ ဤအရာအကြောင်း သင့်ကိုယ်သင် မကြာခဏမေး၍ စဉ်းစားလော့။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၃” အစအဦး၌ ခရစ်တော်၏မိန့်မြွက်ချက်များ) ဘုရားနှုတ်ကပတ်တော်ရဲ့ အပြစ်တင်ဟန်ရှိတဲ့ မေးခွန်းတိုင်းက ကျွန်တော့် စိတ်နှလုံးကို နာကျင်မှု၊ ဝေဒနာတွေနဲ့ ထိုးဖောက်ခဲ့တယ်။ အဲဒါတွေထဲမှာ ကိုယ်တော်ရဲ့ အလိုတော်နဲ့ သတ်မှတ်ချက်တွေရဲ့ ဖိအားပေးထားတဲ့ စစ်မှန်မှုကို ခံစားခဲ့ရတယ်။ မကောင်းမှုပြုသူကို နှင်ထုတ်တဲ့ ကိစ္စကို ကျွန်တော့်ရဲ့ စိတ်ခံစားချက်တွေ ဒါမှမဟုတ် ပုဂ္ဂိုလ်ရေး ခံစားချက်တွေအပေါ် မမှီခိုဘဲ ကျွန်တော် ကိုင်တွယ်ဖို့၊ ဘုရားဖက်မှာ မဆုတ်မနှစ် ရပ်တည်ပြီး သူ့အလိုတော်ကို ဖြည့်ဆည်းဖို့အတွက် သမ္မာတရားကို လက်တွေ့လုပ်ဆောင်ဖို့ ဘုရားသခင်က မျှော်လင့်ခဲ့တယ်။ ယောဘကို သူ့ရဲ့ စမ်းသပ်မှုတွေအတွင်းမှာ၊ အပေါ်ယံအားဖြင့် သူ့ရဲ့ ချမ်းသာကြွယ်ဝမှုတွေ ခွာချခံရတုန်းမှာ၊ သူ့ရဲ့ သားသမီးတွေ သေခဲ့ပုံ၊ သူ့ရဲ့အစေခံတွေ အသတ်ခံခဲ့ရပုံနဲ့ သူ့ဇနီးနဲ့ မိတ်ဆွေသုံးဦးက သူ့ကို တိုက်ခိုက်ခဲ့ပုံ၊ ဒီအဖြစ်အပျက်တွေအားလုံး နောက်မှာ စာတန်က ဘုရားသခင်နဲ့ လောင်ကြေးထပ်ခဲ့ပုံတွေကို ကျွန်တော် တွေးမိခဲ့တယ်။ အဲဒါတွေက စာတန်ရဲ့ စုံစမ်းနှောင့်ယှက်ခြင်းတွေ ယောဘအပေါ် ကျရောက်ခဲ့တာပါ။ နောက်ဆုံးမှာ၊ ယောဘဟာ သူ့ရဲ့ ယုံကြည်ခြင်းနဲ့ ဘုရားသခင်ကို ကြောက်ရွံ့ခြင်းတို့ကြောင့် ဘုရားဖက်မှာ ရပ်တည်နိုင်ခဲ့တယ်။ သူက စာတန်ကို အကြွင်းမဲ့ အရှက်ရခြင်းနဲ့ ကျရှုံးခြင်းတွေ ခံစားစေပြီး အားကောင်း၊ ထူးကဲတဲ့ သက်သေကို ဘုရားသခင်အတွက် ပေးခဲ့တယ်။ အပြင်ပန်းအားဖြင့် ကျွန်တော့်ရဲ့ ယောက္ခမက ကျွန်တော့်အပေါ် ထားတဲ့ လွန်ကဲတဲ့ ဖိအားပေးမှု ဖြစ်ပုံရတဲ့အရာက၊ အမှန်တော့၊ ဝိညာဉ်ရေးရာ နယ်ပယ်ထဲက တိုက်ပွဲတစ်ခု ပါ။ အဲဒါက စာတန်ရဲ့လှည့်ကွက်ပဲ။ ထိခိုက်လွယ်တဲ့ ကျွန်တော့်သံယောဇဉ်တွေကို အခွင့်ကောင်းယူပြီးတော့၊ သမ္မာတရားကို ကျွန်တော် လက်တွေ့မလုပ်ဆောင်ဖြစ်အောင် တားဖို့ ကြိုးစားတာတွေပါ။ အဲဒါမှ မကောင်းမှုပြုတဲ့သူက ဆက်ရှိနေနိုင်မယ်။ အသင်းတော်ရဲ့အလုပ်ကို ဆက်ပြီး နှောင့်ယှက်ဖျက်ဆီးနိုင်မယ်လေ။ ဒါပေမယ့် ဘုရားသခင်က ကျွန်တော့် ဇနီးနဲ့ ယောက္ခမရဲ့ ကန့်သတ်ချုပ်ချယ်မှုကြောင့် စာတန်ကို ကျွန်တော် နာခံမှာလား ဒါမှမဟုတ် အဲဒီအစား ဖြောင့်မတ်ခြင်းကို ထိန်းသိမ်း၊ သမ္မာတရားကို လက်တွေ့လုပ်ဆောင်ပြီး အခြေခံစည်းမျဉ်းတွေအတိုင်း ပြုမူမလား ဆိုတာကို မြင်ရဖို့အတွက် ကျွန်တော့်ကို စစ်ဆေးဖို့ ဒီကိစ္စကို အသုံးပြုခဲ့ပါတယ်။ ကျွန်တော့်ရဲ့ ဇာတိပကတိကို ကျေနပ်စေဖို့ နဲ့ စာတန်ဘက်မှာ ရပ်တည်ဖို့ ကျွန်တော် ရွေးချယ်ရင်၊ ဒါဟာ ကျွန်တော်က စာတန်ရဲ့ လှည့်ကွက်ထဲ လဲကျခဲ့ပြီလို့ အဓိပ္ပါယ်ရတယ်မဟုတ်လား အဲဒါကို ကျွန်တော် လုပ်ရင်၊ ဘုရားရဲ့ မျက်မှောက်တော်ထဲမှာ သက်သေခံချက်ကို ကျွန်တော် ဆုံးရှုံးမှာပါ။

ဒါတွေအားလုံးကို ကျွန်တော် တွေးတဲ့အချိန်မှာ၊ ကိုယ့်ကိုယ်ကိုယ် စဆင်ခြင်မိခဲ့တယ်။ ဒီတစ်ချိန်လုံးမှာ၊ ဒီရွေးချယ်မှုနဲ့ ရင်ဆိုင်ရတုန်းမှာ၊ ဘာလို့ ကျွန်တော်က ကျဉ်းထဲကျပ်ထဲ ရောက်ပြီး အရမ်းစိတ်ဆင်းရဲစရာကောင်းတယ်လို့ ခံစားရတာလဲ။ အသင်းတော်ရဲ့ အလုပ်ကို ကာကွယ်ဖို့ လိုတာ ကျွန်တော် ရှင်းရှင်းလင်းလင်း နားလည်ခဲ့ပေမယ့်၊ ဘာလို့ ကျွန်တော့် စိတ်ခံစားချက်တွေအတိုင်း ပြုမူခဲ့ပြီး သမ္မာတရားကို လက်တွေ့လုပ်ဆောင်ဖို့နဲ့ အခြေခံစည်းမျဉ်းတွေအတိုင်း ဆောင်ရွက်ဖို့ အခက်တွေ့ရတာလဲ။ အဲဒီနောက်၊ ဒီဘုရားရဲ့ နှုတ်ကပတ်တော်တွေကို ကျွန်တော် ဖတ်ခဲ့ပြီး ပြဿနာရဲ့ အရင်းအမြစ်ကို တွေ့ခဲ့တယ်- “ဤမျှညစ်ညမ်းသောမြေတွင် မွေးဖွားလာသောလူသားသည် လူ့အဖွဲ့အစည်း၏ ပြင်းထန်စွာ ထိခိုက်ဖျက်ဆီးခြင်းကို ခံခဲ့ရပြီးဖြစ်သည်။ လူသားသည် ပဒေသရာဇ်စနစ်ဆိုင်ရာ ကိုယ်ကျင့်တရားများ၏ လွှမ်းမိုးခြင်းခံရကာ ‘အဆင့်မြင့်ပညာသင်ကျောင်းများ’ တွင် သင်ယူခဲ့ကြသည်။ ခေတ်နောက်ကျသော စဉ်းစားတွေးတောခြင်း၊ ပျက်စီးယိုယွင်းသော စာရိတ္တ၊ လူ့ဘဝကို တန်ဖိုးမထားခြင်း၊ စက်ဆုပ်ဖွယ် အတွေးအခေါ်၊ လုံးဝဥဿုံ တန်ဖိုးမရှိသော ဘဝ၊ စာရိတ္တပျက်ပြားသော အသက်ရှင်ပုံနှင့် ဓလေ့စရိုက်များ၊ စသည်တို့ အားလုံးသည် လူ့နှလုံးသားအတွင်းသို့ ပြင်းပြင်းထန်ထန် ကျူးကျော်ဝင်ရောက်ကာ လူသား၏ အသိစိတ်ကို ပြင်းထန်စွာ တိုက်ခိုက်၍ အားလျော့စေခဲ့သည်။ အကျိုးဆက်မှာ လူသားသည် ဘုရားသခင်နှင့် ဝေးသည်ထက် ဝေးသွားသည့်အပြင် သူ့ကို ဆန့်ကျင်မှု ပိုမိုဆိုးရွားလာသည်။ လူ့စိတ်သဘောထားသည် တစ်နေ့ပြီးတစ်နေ့ ပိုမိုဆိုးယုတ်လာကာ ဘုရားသခင်အတွက် မည်သည့်အရာကိုမဆို လိုလိုချင်ချင် စွန့်လွှတ်လိုသည့်သူနှင့် ဘုရားသခင်ကို လိုလိုချင်ချင် နာခံလိုစိတ်ရှိသူ တစ်ဦးတစ်လေမျှ မရှိ...” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မပြောင်းလဲသော စိတ်သဘောထား ရှိခြင်းသည် ဘုရားသခင်နှင့် ရန်ဘက်ပြုခြင်းဖြစ်သည်”) ကျွန်တော်ဟာ စာတန်ရဲ့ ဖောက်ပြန်ပျက်စီးခြင်း ခံရတာသက်သက်ကြောင့်၊ သမ္မာတရားကို လက်တွေ့မလုပ်ဆောင်နိုင်ဘဲ ကျွန်တော့်ရဲ့ စိတ်ခံစားချက်တွေနဲ့ ဘုရားသခင်ကို ပုန်ကန်ပြီး အာခံတဲ့ အခြေအနေတစ်ခုထဲမှာ ကျွန်တော် အသက်ရှင်နေခဲ့တယ်ဆိုတာကို ဘုရားရဲ့ နှုတ်ကပတ်တော်ကနေ ကျွန်တော် နားလည်လာခဲ့တယ်။ အခြားလူတွေအတွက် ကျွန်တော့်ရဲ့ ခံစားချက်တွေက ဘဝမှာ အရေးကြီးဆုံးလို့ ကျွန်တော့်ကို မြင်စေဖို့၊ ဆက်ဆံရေးတွေကို ကာကွယ်ထိန်းသိမ်းပြီး လူတွေရဲ့ ခံစားချက်တွေကို သိတတ်တာက လူတွေ ဖြစ်တဲ့ပုံလို့ ကျွန်တော့်ကို တွေးထင်စေဖို့နဲ့ အဲဒီလို မလုပ်တာက အကြင်နာမဲ့ပြီး ယုံကြည်ချက်ကင်းမဲ့တာဖြစ်ပြီး အဲဒီအတွက် အခြားသူတွေ အပြစ်တင်တာ ခံရမယ်လို့ ကျွန်တော့်ကို ယုံကြည်စေဖို့ “မိမိကိုယ်သာ ကိုးကွယ်ရာဖြစ်၏” “အရေးကြီးတော့ သွေးနီးသည်” “လူသားသည် သက်မဲ့မဟုတ်ပါ။ သူသည် စိတ်ခံစားမှုများနှင့် မည်သို့ကင်းနိုင်မည်နည်း။” ဆိုတာတွေလို ဆိုးယုတ်တဲ့ အတွေးအခေါ်တွေကို ကျွန်တော့်ထဲ သွတ်သွင်းဖို့ နတ်ဆိုးတွေရဲ့ ဘုရင်ဖြစ်တဲ့ စာတန်က ကျောင်းမှာ ကျွန်တော် ရခဲ့တဲ့ လူမှုရေး အယူဝါဒသွတ်သွင်းမှုနဲ့ ပညာရေးကို အသုံးပြုခဲ့ပါတယ်။ ဒီအတွေးအခေါ်တွေကို အပြုသဘောဆောင်တဲ့ အရာတွေအဖြစ် ကျွန်တော် သဘောထားခဲ့ပြီး လက်ခံရမယ့် အခြေခံသဘောတရားတွေအဖြစ် ယူဆခဲ့တယ်၊ ပြီးတော့ ဒီဆိုးယုတ်တဲ့ အတွေးအခေါ်တွေနဲ့ ဥပဒေသတွေအတိုင်း ကျွန်တော့်ဘဝကို အသက်ရှင်ရာမှာ၊ ကျွန်တော်ဟာ စည်းကမ်းမဲ့လာပြီး အမှန်နဲ့ အမှားကို မရှင်းမလင်းဖြစ်လာခဲ့တယ်၊ အလွန့်အလွန် တစ်ကိုယ်ကောင်းဆန်လာတယ်၊ စက်ဆုပ်ဖွယ်ဖြစ်လာသလို ကောက်ကျစ်ပြီး လှည့်ဖြားတတ်လာတယ်။ ဟန်ဘင်းကို နှင်ထုတ်ခြင်း ကိစ္စမှာ၊ ကျွန်တော် ကျေးဇူးကန်းပြီး အကြင်နာမဲ့တယ်လို့ အမျိုးတွေ ပြောမှာကို ကြောက်ခဲ့သလို၊ ကျွန်‌တော့်မိသားစုကို အဲဒါက ပြိုကွဲစေမှာကို ကြောက်ခဲ့တယ်။ ဒါက ကျွန်တော့်ကို အသင်းတော်ရဲ့ အလုပ်နဲ့ ညီအစ်ကို မောင်နှမတွေရဲ့ အသက်တာတွေကို လျစ်လျူရှုစေခဲ့တယ်။ တကယ်ပဲ ကျွန်တော်ဟာ တစ်ကိုယ်ကောင်းဆန်ပြီး စက်ဆုပ်စရာကောင်းခဲ့ပါတယ်။ ဒီလိုပြုမူရင်းနဲ့၊ ကျွန်တော်က တကယ်ကို ကျေးဇူးမသိတတ်သလို အကြင်နာမဲ့ခဲ့တာပါ။ ဘာကြောင့် ကျွန်တော်တို့ရဲ့ လူမှုအဖွဲ့အစည်းက အရမ်း မှောင်မိုက်ပြီး ဘာကြောင့် တရားမျှတမှု မရှိရတာလဲဆိုတာကို စဉ်းစားကြည့်ရင်၊ အဲဒါက လူတွေအားလုံးဟာ သူတို့ရဲ့ ဘဝတွေကို ဒီဆိုးယုတ်တဲ့ အတွေးအခေါ်တွေနဲ့ ဥပဒေသတွေအတိုင်း အသက်ရှင်ကြလို့ ဖြစ်ပါတယ်။ ဘယ်လူစုမှာမဆို လူတွေက သွေးသား စိတ်ခံစားချက်ဆိုင်ရာ ဆက်နွှယ်မှုတွေအကြောင်းပဲ စိတ်ဝင်စားကြတယ်။ လူတွေက သူတို့နဲ့ အရင်းနှီးဆုံးလူတွေအတွက်ပဲ ပြောဆိုကြတယ်။ တရားမဝင်တဲ့ အရာတစ်ခုခု လုပ်တဲ့အခါ ဒါမှမဟုတ် ပြစ်မှုတစ်ခု ကျူးလွန်မိတဲ့အခါမှာတောင်၊ သူတို့ကို ကာကွယ်ပြီး ကူညီဖို့ နည်းလမ်းတွေကို လူတွေက စဉ်းစားကြပြီး သူတို့အတွက် ပြောဆိုဖို့ အမှန်နဲ့အမှားကို ရောထွေးကြတယ်။ အဲဒီအခါမှ၊ ဒီဆိုးယုတ်တဲ့ အတွေးအခေါ်တွေက ယုတ္တိတန်ပုံရပြီး၊ ကိုယ်ကျင့်သိက္ခာရှိသလို လူ့အယူအဆတွေနဲ့ ကိုက်ညီပုံရပေမယ့်၊ အမှန်တော့ အဲဒါတွေက လူတွေကို လှည့်ဖြားပြီး ဖောက်ပြန်ပျက်စီးစေဖို့ စာတန်အသုံးပြုတဲ့ အဓိပ္ပါယ်မရှိတဲ့ အတွေးမှားတွေပဲဆိုတာကို ကျွန်တော် ရှင်းရှင်းလင်းလင်း မြင်ခဲ့တယ်။ ဒါတွေဟာ သမ္မာတရားနဲ့ ဘုရားသခင်ရဲ့ ရန်ဘက်ဖြစ်ကြတယ်။ ဒီအရာတွေကို ကျွန်တော်တို့ လက်ခံကြတဲ့အခါ၊ ဘုရားသခင်ကို ပုန်ကန်ပြီး အာခံရုံသာ ဖြစ်နိုင်တယ်၊ တခြားလူတွေကို ထိခိုက်ပြီး နတ်ဆိုးတွေရဲ့ သဘာဝကိုပဲ အသက်ရှင်နေထိုင်နိုင်ကြတယ်။ အရင်တုန်းက၊ အဲဒီလို ဆိုးယုတ်တဲ့ အတွေးအခေါ်တွေနဲ့ ဥပဒေသတွေအတိုင်း ကျွန်တော် အသက်ရှင်ခဲ့ပြီးပြီ၊ မကောင်းမှုပြုသူကို ကာကွယ်ပြီး သူ့ရဲ့ အမှားတွေကို မျှဝေခံစားခဲ့တယ်။ ဒါပေမယ့်၊ ဘုရားသခင်က ကျွန်တော့်ရဲ့ အတိတ်က အပြစ်တွေကို မှတ်မထားခဲ့သလို၊ နောင်တရဖို့ အခွင့်အရေးကို ကျွန်တော့်ကို ပေးခဲ့တုန်းပါပဲ။ အဲဒီအတွက် ဘုရားသခင်ကို ကျွန်တော် အရမ်း ကျေးဇူးတင်မိတယ်။ ဒါကြောင့် ဘုရားသခင်ဆီကို ကျွန်တော် တိတ်တဆိတ် ဆုတောင်းပြီး သစ္စာဆိုခဲ့တယ်။ ဘုရားသခင်၊ ကျွန်တော်ရဲ့ ကိုယ်ပိုင် စိတ်ခံစားချက်တွေအတိုင်း ကျွန်တော် မပြုမူချင်တော့ပါဘူး။ ကိုယ်တော့်ရဲ့ နှုတ်ကပတ်တော်တွေအတိုင်း ကိုယ်တော် ချစ်တဲ့အရာကို ချစ်ပြီး ကိုယ်တော် မုန်းတဲ့အရာကို မုန်းဖို့၊ သမ္မာတရားရဲ့ အခြေခံသဘောတရားတွေကို ထိန်းသိမ်းဖို့နဲ့ အသင်းတော်ကနေ မကောင်းမှုပြုသူတွေကို ချက်ချင်း နှင်ထုတ်ဖို့ကိုပဲ ကျွန်တော် ဆန္ဒရှိပါတယ်။

နောက်နေ့၊ လုပ်ဖော်ကိုင်ဖက် အစည်းအဝေးမှာ၊ ဟန်ဘင်းက သူ့ကိုယ်သူ နားမလည်လာခဲ့သေးသလို၊ ဘယ်လိုနောင်တမှ မပြသေးဘူး၊ ပြီးတော့ ရန်စတာတွေ၊ သဘောထားကွဲလွဲမှု ဆွပေးတာ နဲ့ အုပ်စုဖွဲ့ဖို့ ကြိုးပမ်းတာတွေ ဖြစ်အောင်လုပ်နေတုန်းပဲဆိုတာကို လုပ်ဖော်ကိုင်ဖက်တွေကနေ ကြားခဲ့ရတယ်။ ဒါကို ကျွန်တော် ကြားတဲ့အချိန်မှာ၊ ကိုယ့်ကိုယ်ကိုယ် ပိုလို့တောင် အပြစ်တင်မိခဲ့တယ်။ ကျွန်တော့် စိတ်ခံစားချက်တွေအတိုင်း ပြုမူခဲ့ပြီး သူ့ကို အချိန်မီ မနှင်ထုတ်ခဲ့ဘဲ အသင်းတော်အသက်တာကို နှောင့်ယှက်ဖို့ ခွင့်ပြုခဲ့တာတွေအတွက် ကိုယ့်ကိုယ်ကိုယ် မုန်းမိတယ်။ နောက်ပိုင်း၊ နောက်ထပ် အစည်းအဝေးအတွင်းမှာ၊ ဟန်ဘင်းရဲ့ ဆိုးယုတ်တဲ့ အပြုအမူတွေကို စိစစ်ပြီး ပိုင်းခြားသိမြင်ဖို့ ဘုရားသခင်ရဲ့ နှုတ်ကပတ်တော်တွေကို အသိတရားရှိရှိ စတင် အသုံးပြုခဲ့သလို၊ မိတ်သဟာယပြုရာကတစ်ဆင့်၊ သူလှည့်ဖြားတာကို ခံခဲ့ရတဲ့ ညီအစ်ကို မောင်နှမတွေဟာလည်း ချင့်ချိန်နိုင်စွမ်း ရှိလာခဲ့ကြပြီး သူ့ကို စငြင်းပယ်ခဲ့ကြတယ်။ သမ္မာတရားကို နားလည်မှု ရရှိပြီးတဲ့နောက် ကျွန်တော့် ဇနီးလည်း ဟန်ဘင်းရဲ့ သဘာဝနဲ့ အနှစ်သာရကို ချင့်ချိန်နိုင်စွမ်း ရှိလာခဲ့ပြီး ဟန်ဘင်းအပေါ် မတရားလုပ်ခဲ့ကြတယ်ဆိုတာမျိုး ထပ်ပြီး မပြောတော့ဘူး။ အသင်းတော်ကနေ ဟန်ဘင်း နှင်ထုတ်ခံရတဲ့နောက်၊ အသင်းတော်ဟာ မကောင်းမှုပြုသူရဲ့ နှောင့်ယှက်တာ မခံရတော့ပါဘူး၊ ဒါကြောင့် ညီအစ်ကို မောင်နှမတွေက အစည်းအဝေးတွေကို တက်ပြီး သူတို့ရဲ့ တာဝန်တွေကို ပုံမှန် ပြန်ထမ်းဆောင်နိုင်ခဲ့ကြပါတယ်။ ကျွန်တော်တို့အားလုံး ဘုရားသခင်ကို သူ့ရဲ့ ဖြောင့်မတ်ခြင်းအတွက် ချီးမွမ်းခဲ့ကြတယ်။ ဒီအဖြစ်အပျက်က ဘုရားသခင်ရဲ့အိမ်တော်မှာ၊ သူ့ရဲ့ နှုတ်ကပတ်တော်တွေနဲ့ သမ္မာတရားက တန်ခိုးအာဏာကိုင်စွဲတယ်၊ အရာအားလုံးကို သမ္မာတရားရဲ့ အခြေခံသဘောတရားတွေအတိုင်း ကိုင်တွယ်ပြီး မယုံကြည်သူတွေ၊ မကောင်းမှုပြုသူတွေနဲ့ အန္တိခရစ်တွေဟာ ဘုရားသခင်ရဲ့ အိမ်တော်မှာ ဆက်နေလို့မရတာကို မြင်စေခဲ့တယ်။ ဆိုးယုတ်တဲ့ အတွေးအခေါ်တွေ၊ ဥပဒေသတွေနဲ့ အသက်ရှင်တာက နာကျင်မှုပဲ ယူဆောင်ပေးတယ်ဆိုတာကို ကျွန်တော် ကိုယ်တိုင်ကိုယ်ကျ တွေ့ကြုံခဲ့တယ်။ အဲဒါဟာ ကျွန်တော်တို့ဆီ ဒါမှမဟုတ် တခြား ဘယ်သူ့ဆီကိုမှ ဘာအကျိုးကျေးဇူးကိုမှ မယူဆောင်ပေးပါဘူး။ ဘုရားနှုတ်ကပတ်တော်တွေနဲ့ ရှင်သန်ခြင်းအားဖြင့်သာ ကျွန်တော်တို့ တကယ်ကို လုံခြုံပြီး ငြိမ်သက်နိုင်ကြတာပါ။ ဒီနေ့ ဆိုးယုတ်တဲ့ အတွေးအခေါ်တွေနဲ့ ဥပဒေသတွေအားဖြင့် ကျွန်တော် အသက်မရှင်တော့တာ၊ ပြီးတော့ ကျွန်တော့်စိတ်ခံစားချက်တွေရဲ့ ချုပ်နှောင်မှုတွေကို ထိုးဖောက်ထွက်နိုင်တာ၊ သမ္မာတရားတချို့ကို လက်တွေ့လုပ်ဆောင်နိုင်ပြီး ဖြောင့်မတ်ခြင်း အနည်းငယ်နဲ့ အသက်ရှင်နိုင်တာ၊ ဒီအရာအားလုံးက ဘုရားသခင်ရဲ့ ကယ်တင်ခြင်းကြောင့်ဖြစ်ပြီး ဘုရားနှုတ်ကပတ်တော်တွေရဲ့ တရားစီရင်ခြင်း၊ ပြစ်တင်ဆုံးမခြင်းတွေကြောင့်သာ ရရှိတဲ့ ရလဒ်တစ်ခု ပဲဖြစ်ပါတယ်။

ယခင်က:၄။ မိမိတာဝန်ကို စွဲမြဲစွာလုပ်ခြင်း

နောက်တစ်ခုသို့:၄၄။ ချည်နှောင်ထားသည့် သံယောဇဉ်များကို ဖြေလွှတ်ခြင်း

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလခရစ်တော်၏ မိန့်မြွက်ချက်များ (လက်ရွေးစင်များ) နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ ဘုရားသခင်၏ နေ့စဉ် နှုတ်ကပတ်တော်များ