၄၄။ နောက်ဆုံးမှာတော့ ကိုယ့်ကိုယ်ကိုယ် အမှန်အတိုင်းမြင်နိုင်ခဲ့ပါပြီ

အီတလီနိုင်ငံ၊ ရှန်ရှင်းဝေ့

ကျွန်မရဲ့တာဝန်က ၂၀၁၈ ခုနှစ်တုန်းက အသင်းတော်မှာ စာရွက်စာတမ်းတွေကို အစ်မကျန်း အစ်မလုတို့နဲ့အတူတူ ဘာသာပြန်ပေးရတာပါ။ ကျွန်မတို့အချင်းချင်း အရမ်းအဆင်ပြေပါတယ်။ တွေ့ဆုံပွဲတစ်ခုမှာ ခေါင်းဆောင်အတုအယောင်ကို ဘယ်လိုသိသလဲဆိုတာကို ကျွန်မတို့မိတ်သဟာယဖွဲ့ကြတယ်။ အစ်မလုက ခေါင်းဆောင်အတုအယောင်ကို ဒီလိုအကဲဖြတ်တယ်။ “သူက ဘာမူဝါဒမှမရှိဘဲ လူတွေကိုလျှောက်ပြောင်းတယ်။ အစ်မကျန်းကိုပြောင်းတယ်။ ဒါပေမဲ့ အစ်မကျန်းလောက် အလုပ်မကြိုးစား အာရုံစူးစိုက်မှုလည်းမရှိတဲ့ တခြားအစ်မတစ်ယောက်ကိုတော့ အဖွဲ့မှာဆက်ထားတယ်။” တခြားခေါင်းဆောင်က ဒါကို ညီအစ်ကိုမောင်နှမတွေကို ဖတ်ပြတဲ့အချိန်မှာ ကျွန်မချက်ချင်းပဲ မျက်နှာပျက်သွားတယ်။ အစ်မလုရဲ့စကားတွေက အရမ်းပြင်းထန်လွန်းတယ်လို့ ကျွန်မခံစားရတယ်။ ကိုယ့်ကိုယ့်ကို တည်ငြိမ်အောင်ထားပေမယ့် စိတ်ထဲမှာတော့ ဗြောင်းဆန်နေပြီ။ ကျွန်မတို့အသင်းမှာ သုံးယောက်ပဲရှိတာဆိုတော့ သူကျွန်မကိုပြောတာပဲဆိုတာ ကျွန်မသေချာသိတယ်။ အကုန်လုံးက ကျွန်မတာဝန်ကို မကြိုးစားဘူး၊ အာရုံစူးစိုက်မှုမရှိဘူးလို့ထင်သွားမှာပဲလို့ ခံစားမိတယ်။ ကျွန်မဘယ်လိုမျက်နှာပြရမလဲ။ အဲဒီအချိန်ကစပြီး ကျွန်မအစ်မလုကို အငြိုးအတေးထားခဲ့ပြီးတော့ ကျွန်မတို့ရဲ့ဆက်ဆံရေးကလည်း ပိုပြီးစိမ်းကားလာခဲ့တယ်။

သိပ်မကြာခင်မှာပဲ သူကအသင်းခေါင်းဆောင်အဖြစ်အရွေးခံရတယ်။ သူကအရမ်းတာဝန်ကျေပွန်ပြီးတော့ ကျွန်မဘာသာပြန်ထားတာတွေကို အမြဲတမ်းသေချာစစ်တယ်။ အစကတော့ကျွန်မလည်းစိတ်ကောင်းကောင်းထားပါတယ်။ ဒါပေမဲ့ နောက်ပိုင်းကျတော့ သူ့ကိုအတိုက်အခံလုပ်ချင်လာတယ်။ ကျွန်မအနေနဲ့ ဒီတာဝန်ကိုထမ်းဆောင်လာတာကြာပြီ ဒါပေမဲ့ သူကကျွန်မကိုအခုထိမယုံသေးဘူး ကျွန်မကပဲအရည်အချင်းမပြည့်မီသလိုလို သူကကျွန်မကိုလည်း မကြာ မကြာ အကြံဥာဏ်တွေပေးလေ့ရှိတယ်။ ဒီတော့ သူကကျွန်မကိုအထင်သေးပြီး လုပ်ရကိုင်ရတာပိုရှုပ်အောင်လုပ်တယ်လို့ခံစားလာရတယ်။ ကျွန်မလုံးဝသည်းမခံနိုင်တာက ကျွန်မတို့အလုပ်ကိစ္စဆွေးနွေးတဲ့အချိန်ကျရင် သူကကျွန်မရဲ့အားနည်းချက်တွေကို ကြီးကြပ်သူရှေ့မှာပြောလေ့ရှိတယ်။ “ငါ့ကိုသူ့ရှေ့မှာ သိက္ခာကျအောင်လုပ်နေတာမဟုတ်လား” လို့တွေးမိတယ်။ သူ့အပေါ်ကျွန်မရဲ့မကျေနပ်ချက်တွေက ပိုများလာပြီးတော့ အငြိုးအတေးကလည်းပိုကြီးလာခဲ့တယ်။ အဲဒီကျွန်မတို့အလုပ်တာဝန်ပြီးတဲ့နောက်မှာတော့ ကျွန်မသူ့ကိုမြင်ကိုမမြင်ချင်တော့ဘဲနဲ့ သူ့ကိုသည်းမခံနိုင်တော့ဘူး။ ကျွန်မအလုပ်တွေကို သူလိုက်စစ်နေတာကို ကျွန်မမကြိုက်ခဲ့ဘူး။ သူကျွန်မကိုအကြံဥာဏ်တွေပေးတဲ့ အခါတိုင်းလည်း ကျွန်မမနှစ်မြို့တဲ့မျက်နှာပေးနဲ့နေလေ့ရှိတယ်။ တစ်ခါတလေကျရင် သူသိက္ခာကျပြီး သူကထင်သလောက် မတော်ဘူးဆိုတာမျိုးဖြစ်အောင် ဘယ်လိုလုပ်ရမလဲကျွန်မစဉ်းစားတယ်။ သူ့တာဝန်မှာ ပြဿနာတွေရှိရင်လည်း ကျွန်မသူ့ကိုကူညီရမယ့်အစား သူ့ကိုအထင်သေးပြီး သူမှတ်သွားအောင် တာဝန်မှာအခက်အခဲတွေတွေ့ပါစေလို့ မျှော်လင့်မိတယ်။ တစ်ခါက တွေ့ဆုံပွဲတစ်ခုမှာ အစ်မလုက ကျွန်မကအရမ်းစိတ်ဆတ်လို့ သူကျွန်မနဲ့ဘယ်လိုအလုပ်တွဲလုပ်ရမှန်းမသိဘူး ကျွန်မတို့ပူးပေါင်းဆောင်ရွက်တဲ့အခါ ကျွန်မကြောင့် သူ စိတ်ကျဉ်းကျပ်ရတယ်လို့ပြောတယ်။ သူအဲဒီလိုပြောတော့ ကျွန်မလည်းအရမ်းစိတ်တိုသွားတယ်။ “ပွင့်ပွင့်လင်းလင်းပြောတယ်ဆိုပြီး ငါ့ကိုဒေါက်ဖြုတ်တာမဟုတ်လား အခုဆိုအားလုံးက ငါ့ဒေါသကြောင့် နင် စိတ်ကျဉ်းကျပ်ရတယ် ဆိုပြီးသိသွားပြီ။ ငါ့ကိုဘယ်လိုထင်ကြမလဲ” လို့တွေးမိတယ်။ ကျွန်မအဲဒါကိုတွေးမိလေ ဒေါသထွက်လေပဲ။ သူကကျွန်မကိုသူများတွေအထင်သေးအောင်လုပ်နေတယ်လို့ခံစားရတယ်။ ကျွန်မသူ့ကိုမကျေမနပ်နဲ့ တွေ့ဆုံပွဲတစ်ခုလုံးမှာ စကားမပြောဘဲ မျက်နှာကြီးစူပုပ်ပြီးထိုင်နေခဲ့တယ်။ နောက်ကျတော့ ကျွန်မတစ်ခုခုဖြစ်နေတာကို အစ်မလုရိပ်မိသွားပြီး ကျွန်မကို တိုးတိုးလေးလာပြောတယ်။ “စိတ်ညစ်နေတဲ့ပုံပဲ တွေ့ဆုံပွဲမှာလည်းဘာမှမပြောဘူး။ စိတ်ထဲမှာတစ်ခုခုဖြစ်နေတာဆိုရင် အစ်မကိုပြောပြလို့ရပါတယ်။ အစ်မရဲ့အားနည်းချက်တွေရှိရင်လည်းပြောလို့ရပါတယ်။” တဲ့။ ဒါပေမဲ့ ကျွန်မကိုသူ့ကိုမြင်ကိုမမြင်ချင်ဘူး စိတ်ထဲမှာလည်း သူ့ကိုမနှစ်မြို့တာပဲရှိတယ်။ ကျွန်မစိတ်ထဲမှာ “မေးစရာလိုသေးလို့လား။ ကိုယ့်အကြောင်းကို အဲဒီလိုဖွင့်ချခံရတာကို ဘယ်သူကပျော်မလဲ။” လို့တွေးမိတယ်။ ပြီးတော့ သူကကျွန်မဘေးကိုလာထိုင်တယ်။ ကျွန်မ သူ့ကို အထင်သေးတဲ့ပုံစံ အပြည့်နဲ့ ကြည့်ပစ်လိုက်တယ်။ ကျွန်မ မကောင်းကြောင်းကို အားလုံးရှေ့မှာပြောခဲ့တာကို တွေးမိတိုင်းစိတ်အရမ်းတိုမိတယ်။ ကျွန်မလည်းသူ့အမှားတွေနဲ့ သူပြခဲ့တဲ့ အကျင့်ပျက်မှုတွေကို ထုတ်ပြောလိုက်တယ်။ သူကအမြော်အမြင်မရှိဘူး ရည်ရွယ်ချက်ရှိရှိနဲ့သူများတွေကို အထင်သေးခံရအောင်လုပ်တယ် ဖိနှိပ်တယ် စိတ်ကြီးဝင်နေတယ်ဆိုပြီး ကျွန်မလည်းဆက်တိုက်ပြောလိုက်တယ်။ သူခေါင်းငိုက်စိုက်နဲ့ စိတ်မသက်မသာဖြစ်သွားတာကိုမြင်ရတော့ ကျွန်မကျေနပ်တယ်။ ကျွန်မမျိုသိပ်ထားသမျှတွေကို ပေါက်ကွဲလိုက်တယ်။ ပြီးတော့ အစ်မလုကကျွန်မကိုပြောတယ်။ “အစ်မကြောင့်အဲဒီလောက်စိတ်ထိခိုက်သွားရမယ်လို့ တစ်ခါမှမတွေးမိခဲ့ဘူး တကယ်တောင်းပန်ပါတယ်” တဲ့။ သူထွက်သွားပြီး မျက်ရည်တွေခိုးသုတ်နေတာကိုတွေ့တော့ ကျွန်မလည်းတော်တော်လေးစိတ်မကောင်းဖြစ်သွားတယ်။ ငါပြောတာများ လွန်သွားလား။ သူတော်တော်များစိတ်ထိခိုက်သွားလားပေါ့။ ဒါပေမဲ့ ပြီးတော့ “ငါကပွင့်ပွင့်လင်းလင်းပြောတာပဲ အဲဒါမှသူ့ကိုသူ သိမှာ” လို့ကျွန်မတွေးမိတယ်။ အဲဒီလိုတွေးတော့ ကျွန်မအပြစ်ရှိသလိုမခံစားရတော့ဘူး။ အဲဒီနောက်ပိုင်း အစ်မလုကကျွန်မကြောင့် ပိုစိတ်ကျဉ်းကျပ်လာပြီး ကျွန်မအလုပ်နဲ့ပတ်သက်ပြီးတော့လည်း ဘာမှမပြောရဲတော့ဘူး အကြံဥာဏ်လည်းသိပ်မပေးတော့ဘူး။

နောက်ရက်ကျတော့ အဖွဲ့ခေါင်းဆောင်တွေရဲ့ ထိရောက်မှုကို မူဝါဒတွေနဲ့အညီ ဆန်းစစ်ဖို့အတွက် အသင်းတော်ခေါင်းဆောင်က လူတိုင်းကို အဖွဲ့ခေါင်းဆောင်တွေအကြောင်း သုံးသပ်ချက်ရေးခိုင်းတယ်။ အဲဒါကိုကြားတော့ ကျွန်မကြိတ်ပျော်သွားတယ်။ အစ်မလုဖော်ပြခဲ့တဲ့ အကျင့်ပျက်မှုတွေကို ကျွန်မဖွင့်ချဖို့ စိတ်အားထက်သန်ခဲ့တယ်။ အဲဒါမှလူတိုင်းကသူဘာလဲဆိုတာကိုသိပြီး သူလည်းအချိုးပြေသွားမှာဆိုပြီးပေါ့။ ကျွန်မဖြတ်ကနဲ စိုးရိမ်သွားပြီး ကျွန်မရဲ့အတွေးအခေါ်မှားနေတာကို သတိထားမိလိုက်တယ်။ ကျွန်မအနေနဲ့ မျှတပြီး ဓမ္မဓိဌာန်ကျသင့်တယ် ဘုရားသခင်ရဲ့စိစစ်ခြင်းကိုလက်ခံသင့်တယ်။ ကျွန်မရဲ့သုံးသပ်ချက်မှာ မျှတပြီး ဓမ္မဓိဌာန်ကျဖို့ရည်ရွယ်ခဲ့တယ်။ ဒါပေမဲ့ အစ်မလု ကျွန်မကိုအမြဲတမ်းအခက်တွေ့အောင်လုပ်ခဲ့တာကို တွေးမိရင် မကျေနပ်တာက လွှမ်းမိုးသွားတယ်။ ကျွန်မရဲ့မကျေနပ်ချက်တွေအကုန်လုံးကို သုံးသပ်ချက်ထဲထည့်ခဲ့ပြီးတော့ ခေါင်းဆောင်ကသူ့ကို ပြင်းပြင်းထန်ထန်ကိုင်တွယ်ဖြေရှင်းတာပဲဖြစ်ဖြစ် ပြောင်းရွှေ့တာပဲဖြစ်ဖြစ် လုပ်ပါစေလို့တောင်မျှော်လင့်မိတယ်။ ကျွန်မအဖွဲ့ထဲမှာ သူမရှိရင်ပြီးတာပဲ။ မကြာခင်မှာပဲ အစ်မလု အထုတ်ခံလိုက်ရတယ်။ အဲဒီသတင်းကြားတော့ ကျွန်မစိတ်မသက်မသာဖြစ်မိတယ်။ “ငါရေးလိုက်တာကြောင့်များလား ငါကသူအကျင့်ပျက်တာတချို့ကိုပဲရေးလိုက်တာ အဲဒါကြောင့်တော့ သူအထုတ်မခံရလောက်ပါဘူး” လို့တွေးမိတယ်။ အဲဒါပြီးတော့ အစ်မလုစိတ်ဆင်းရဲနေတာကိုကျွန်မတွေ့ခဲ့တယ်။ ကျွန်မလည်းအပြစ်မကင်းသလိုခံစားရတယ် တာဝန်ထမ်းဆောင်ဖို့လည်း အားမရှိဘူး။

နောက်နှစ်ရက်လောက်နေတော့ ကျွန်မခံစားနေရတာကို ခေါင်းဆောင်ကိုပြောပြခဲ့တယ်။ သူက အစ်မလု အရည်အချင်းမပြည့်မီလို့ ထုတ်လိုက်တာ သူက အသင်းခေါင်းဆောင်မဖြစ်ထိုက်ဘူးလို့ပြောတယ်။ ကျွန်မရဲ့သုံးသပ်ချက်နဲ့ ဘာမှမဆိုင်ပါဘူးတဲ့။ ဒါပေမဲ့ ကျွန်မကသူ့ရဲ့အားနည်းချက်တွေကို တောက်လျှောက်ထောက်ပြခဲ့ပြီးတော့ လူတွေကို မျှမျှတတ မဆက်ဆံဘူး၊ ကျွန်မကအငြိုးကြီးပြီး မလိုမုန်းထားတတ်တဲ့ စိတ်သဘောထားရှိတယ်လို့ပြောတယ် သူအဲဒီလိုပြောတော့ ကျွန်မအရမ်းဝမ်းနည်းသွားတယ်။ အငြိုးကြီးပြီး မလိုမုန်းထားတတ်တဲ့ စိတ်သဘောထားရှိတယ်ဆိုတာ ဆိုးယုတ်တဲ့လူတွေကို ပြောတာတွေမဟုတ်ဘူးလား။ နောက်လေးရက် ငါးရက်အထိ သူပြောခဲ့တာကို ပြန်တွေးတိုင်း ကျွန်မအရမ်းစိတ်သောကရောက်ရတယ်။ ကျွန်မကတကယ်ပဲ မလိုမုန်းထားတတ်တဲ့လူစားမျိုးလားလို့ တွေးမိတယ်။ ကျွန်မရဲ့သောကတွေကြားထဲကနေ ဘုရားသခင်ရှေ့မှောက်မှာ ဝတ်ပြုဆုတောင်းဖို့သွားခဲ့တယ်။ “ဘုရားသခင် အဲဒီအစ်မက ကျွန်မမှာ မလိုမုန်းထားတတ်တဲ့ စိတ်သဘောထားရှိတယ်လို့ပြောတယ်။ ဒါပေမဲ့ ကျွန်မတော့အဲဒီလိုမထင်မိဘူး ကျွန်မကိုယ်ကျွန်မ အမှန်အတိုင်းသိနိုင်အောင် အလင်းပြပေးတော်မူပါ” လို့ဆုတောင်းခဲ့တယ်။

ဝတ်ပြုဆုတောင်းပြီးတော့ ဘုရားသခင်ရဲ့ နှုတ်ကပတ်တော်တွေထဲက ဒီစာပိုဒ်ကို ကျွန်မဖတ်ခဲ့တယ်။ “လူများသည် သင်တို့၏ အကြိုက်မဟုတ်ကြသောကြောင့် သို့မဟုတ် ၎င်းတို့က သင်နှင့် အဆင်မပြေကြသောကြောင့် ၎င်းတို့ကို အပြစ်ပေးဖို့ နည်းလမ်းများစွာ သင်တို့ အကြံထုတ်နိုင်စွမ်း ရှိကြသလော။ ထိုသို့သော အရာမျိုးကို ယခင်က သင်တို့ လုပ်ဆောင်ဖူးကြပါသလော။ ထိုအရာ မည်မျှ သင်တို့ လုပ်ဆောင်ပြီးကြပြီနည်း။ သင်တို့သည် လူတို့ကို အမြဲ သွယ်ဝိုက်၍ သိမ်ငယ်နေစေခဲ့သည်၊ ထိခိုက်နာကြည်းစေသော ဝေဖန်ချက်များ ပြုလုပ်နေခဲ့ပြီး ၎င်းတို့ကို ထေ့ငေါ့နေခဲ့ကြသည် မဟုတ်လော။ (ဟုတ်ပါသည်။) ထိုသို့သော အရာများကို လုပ်ဆောင်နေခဲ့ချိန်တွင် သင်တို့သည် မည်သည့်အခြေအနေများတွင် ရှိခဲ့ကြသနည်း။ ထိုအချိန်တွင်၊ သင်တို့သည် မကျေနပ်ချက်ဖွင့်ပြောနေခဲ့ကြပြီး ပျော်ရွှင်ခဲ့ကြပေသည်။ သင်တို့ အသားစီးရထားခဲ့ကြသည်။ သို့သော်၊ နောက်ပိုင်းတွင်၊ သင်တို့က၊ ‘လွန်စွာစက်ဆုပ်ဖွယ် အရာတစ်ခုကို ငါ လုပ်ဆောင်ခဲ့သည်။ ငါသည် ဘုရားသခင်ကို ကြောက်ရွံ့သောသူ မဟုတ်သကဲ့သို့၊ ထိုလူကို အလွန် မတရား ငါ ဆက်ဆံမိလေပြီ’ ဟု မိမိတို့ကိုယ်ကိုယ် တွေးခဲ့သည်။ စိတ်ထဲတွင်၊ အပြစ်ရှိခြင်းကို သင် ခံစားခဲ့ရပါသလော။ (ခံစားရပါသည်။) သင်တို့သည် ဘုရားသခင်ကို ကြောက်ရွံ့သောသူများ မဟုတ်သော်လည်း၊ သင်တို့သည် အနည်းဆုံးအနေဖြင့် အသိတရား ခံစားချက်တစ်စုံတစ်ရာ ရှိလေသည်။ ထို့ကြောင့်၊ သင်သည် အနာဂတ်တွင် ဤအရာမျိုးကို တစ်ဖန် လုပ်ဆောင်နိုင်စွမ်း ရှိသေးသလော။ ထိုသူတို့ကို ဒုက္ခပေးရင်းနှင့် ၎င်းတို့ကို သင် အထင်သေးသည့်အခါတိုင်းနှင့် ၎င်းတို့နှင့် အဆင်မပြေသည့်အခါတိုင်း၊ သို့မဟုတ် သင့်ကို ၎င်းတို့ မနာခံသည့်အခါတိုင်း သို့မဟုတ် နားမထာင်သည့်အခါတိုင်းတွင် အာဏာပြရင်း၊ ၎င်းတို့ကို တိုက်ခိုက်ခြင်းနှင့် လက်တုန့်ပြန်ရန် ကြိုးစားခြင်းတို့ကို သင် စဉ်းစားနိုင်သလော။ သင်က၊ ‘ငါ လုပ်စေချင်သည့်အရာကို သင် မလုပ်ဆောင်ပါက၊ မည်သူမျှမသိဘဲ သင့်ကို အပြစ်ပေးဖို့ အခွင့်အရေးတစ်ခု ငါ ရှာမည်။ မည်သူမျှ သိမည်မဟုတ်ဘဲ ငါ့ရှေ့ သင့် ကျိုးနွံနာခံအောင် ငါ လုပ်မည်။ ငါ၏ အာဏာကို သင့်အား ပြမည်။ ထို့နောက်တွင်၊ မည်သူမျှ ငါ့ကို ဒုက္ခပေးဝံ့မည်မဟုတ်’ ဟု ပြောလိမ့်မည်။ ငါ့ကို ပြောလော့- ထိုသို့သော အရာတစ်ခုကို လုပ်ဆောင်သော လူတစ်ဦးသည် မည်သည့် လူ့သဘာဝမျိုးကို ပိုင်ဆိုင်သနည်း။ ၎င်းတို့၏ လူ့သဘာဝအရ၊ သူသည် မလိုမုန်းထားသောသူ ဖြစ်ပေသည်။ သမ္မာတရားနှင့်ယှဉ်၍ တိုင်းတာပါက၊ သူသည် ဘုရားသခင်ကို မကြောက်ရွံ့ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်ကို ယုံကြည်သောလမ်းမှန်သို့ မဝင်ရောက်မီ လူတို့၌ရှိသော သတ်မှတ်ချက်ငါးချက်”) ဘုရားသခင်ရဲ့ တရားစီရင်ခြင်း နှုတ်ကပတ်တော်တွေကို ဖတ်လိုက်ရတော့ ကျွန်မဝမ်းနည်းစိတ်ပျက်သွားတယ်။ နှုတ်ကပတ်တော်တွေက ကျွန်မရဲ့အခြေအနေကို အတိအကျဖော်ပြလိုက်တယ်။ ပြန်စဉ်းစားကြည့်တော့ အစ်မလုနဲ့ ကျွန်မက အစကဆို အလုပ်တွဲလုပ်ရတာ အရမ်းအဆင်ပြေတယ်။ သူ့ရဲ့တခြားတစ်ယောက်အပေါ်သုံးသပ်ချက်က ကျွန်မကိုလာထိပြီးတော့ သူများတွေရှေ့မှာ ကျွန်မကိုသိက္ခာကျအောင်လုပ်တယ်လို့ ခံစားရရာကနေ သူနဲ့ပြဿနာကစခဲ့တာ။ သူအသင်းခေါင်းဆောင်ဖြစ်လာတော့ ကျွန်မရဲ့ အားနည်းချက်တွေကို သူကစပြောလာတယ်။ ကျွန်မကိုသိက္ခာကျပြီး အရှက်ရအောင်လုပ်တယ်လို့ ခံစားလာရတယ်။ ကျွန်မသူ့ကိုသည်းမခံနိုင်ဖြစ်လာပြီး သူ့ကိုလည်းအရှက်ကွဲအောင်လုပ်ချင်ခဲ့တယ်။ သူ့ရဲ့အခြေအနေကိုဖွင့်ပြောပြီး ပြေလည်အောင်လုပ်တော့လည်း ကျွန်မရဲ့အားနည်းချက်တွေကို ဖော်ထုတ်ပြီး ကျွန်မကိုအရှက်ခွဲတယ်လို့ပဲထင်ခဲ့တယ်။ ညီအစ်ကိုမောင်နှမတွေရှေ့မှာ ကျွန်မသိက္ခာကျအောင်လုပ်တယ်ပေါ့လေ။ ကျွန်မရဲ့သူ့အပေါ် မကျေနပ်ချက်ကပိုကြီးလာပြီးတော့ မလိုမုန်းထားစိတ်နဲ့ သူ့ကိုဒုက္ခပေးဖို့ သူ့ကိုဖော်ထုတ်ဖို့ သူ့ရဲ့ပြဿနာတွေကို ပုံကြီးချဲ့ရှာဖွေခဲ့တယ်။ ကျွန်မရဲ့သုံးသပ်ချက်ကို သူ့ကိုလက်စားချေဖို့ အသုံးချခဲ့တယ်။ သူ့ရဲ့အားသာချက်တွေကို လုံးဝမပြောဘဲနဲ့ ကျွန်မသတိထားမိတဲ့ သူ့ရဲ့အားနည်းချက်တွေနဲ့ အကျင့်ပျက်မှုတွေအကုန်လုံးကို ချရေးခဲ့တယ်။ ခေါင်းဆောင်ကသူ့အကြောင်းကိုသိပြီး သူ့ကိုပြောင်းရွှေ့ဖို့မျှော်လင့်ခဲ့တယ်။ ကျွန်မလုပ်ခဲ့တာတွေကိုပြန်တွေးလိုက်ရင် တော်တော်လေးစိတ်မသက်မသာဖြစ်ရတယ်။ အစ်မလုရဲ့စကားလုံးတွေက ကျွန်မရဲ့ ဂုဏ်သိက္ခာနဲ့ အဆင့်အတန်းကိုထိခိုက်လို့ သူ့ကိုတေးထားခဲ့ပြီးတော့ ရန်လိုခဲ့တယ်။ ကျွန်မစိတ်ခံစားချက်အတိုင်း အကုန်လုပ်ခဲ့တယ်။ ဘုရားသခင်အပေါ်မှာ ကြည်ညိုမှုမရှိဘဲ ကျွန်မမှာတကယ်ပဲ မလိုမုန်းထားတတ်တဲ့သဘာဝရှိတာကို ကျွန်မသဘောပေါက်သွားတယ်။ ကျွန်မကညီအစ်ကိုမောင်နှမတွေနဲ့ အရမ်းအဆင်ပြေပြီး အခက်အခဲရှိနေတဲ့ ဘယ်သူ့ကိုမဆိုကူညီပေးတတ်တယ်လို့ ကိုယ့်ကိုယ်ကိုထင်ခဲ့တယ်။ ကောင်းတာတချို့လုပ်ခဲ့လို့ ကျွန်မကလူကောင်းပဲလို့ထင်ခဲ့တယ်။ အခုတော့ ကျွန်မကိုယ်ကျိုးကို မထိခိုက်မှသာ ကျွန်မကကောင်းတာဆိုတာကို သဘောပေါက်သွားတယ်။ ကျွန်မရဲ့ကိုယ်ကျိုးနဲ့ပတ်သက်လာတဲ့အခါကျတော့ ကျွန်မရဲ့ဆိုးယုတ်တဲ့စိတ်သဘောထားက အရှိန်အဟုန်နဲ့ထွက်ပေါ်လာတယ်။ တိုက်ခိုက်လက်စားချေလိုစိတ်ကို ကျွန်မလုံးဝမတားနိုင်ခဲ့ဘူး။ အဲဒီစိတ်သဘောထားကို မဖြေရှင်းနိုင်ရင် ကျွန်မအနေနဲ့ မကောင်းမှုကို အချိန်မရွေးကျူးလွန်နိုင်တယ်လို့သဘောပေါက်သွားတယ်။ အဲဒါက အရမ်းအန္တရာယ်များတယ်။

အဲဒါပြီးတော့ ကျွန်မကိုယ့်ကိုယ်ကို သေချာပြန်စဉ်းစားတယ်။ ကျွန်မကအဲဒီလိုမကောင်းမှုတွေကို လုပ်နိုင်တယ်ဆိုရင် ဘယ်လိုအတွေးတွေက ကျွန်မကိုထိန်းချုပ်နေတာလဲ။ ဘုရားသခင်ရဲ့ဒီနှုတ်ကပတ်တော်ကို ကျွန်မဖတ်ကြည့်တယ်။ “လူသား စာတန်၏ဖျက်ဆီးခြင်းကို ခံရခြင်းသည် လူသား ဘုရားသခင်ကို အတိုက်အခံပြုခြင်းနှင့် ပုန်ကန်ခြင်း၏ အရင်းအမြစ်ဖြစ်သည်။ လူသားသည် စာတန်၏ ဖျက်ဆီးမှုကို ခံထားရပြီးဖြစ်သောကြောင့်၊ လူ့အသိစိတ် တိုး၍ ထုံသွားကာ၊ သူသည် အကျင့်ပျက်ပြီး သူ၏အတွေးအခေါ်များ ဆုတ်ယုတ်၍ သူ့၌ နောက်ပြန်ဆွဲသော စိတ်ပိုင်းဆိုင်ရာ သဘောထားအမြင်လည်း ရှိသည်။ စာတန်၏ ဖျက်ဆီးခြင်းမခံရမီ၊ လူသားသည် သဘာဝအားဖြင့် ဘုရားသခင်နောက်လိုက်ကာ သူ၏နှုတ်ကပတ်တော်များကို ကြားပြီးနောက် ၎င်းတို့ကို နာခံခဲ့သည်။ သူ့၌ ပင်ကိုအားဖြင့် အကောင်းပကတိ အသိစိတ်နှင့် အသိတရားရှိခဲ့ပြီး ပုံမှန်လူ့သဘာဝ ရှိခဲ့သည်။ စာတန်၏ ဖျက်ဆီးမှုကိုခံရပြီးနောက် သူ၏နဂိုအသိစိတ်၊ နဂိုအသိတရားနှင့် လူ့သဘာဝတို့သည် ထုံထိုင်းသွားကာ စာတန်၏ ထိခိုက်စေခြင်းကို ခံခဲ့ရသည်။ ထိုကြောင့် သူသည် ဘုရားသခင်ကို နာခံခြင်းနှင့် ဘုရားသခင်အပေါ်ချစ်ခြင်း ဆုံးရှုံးသွားခဲ့သည်။ လူ့အသိစိတ် မူမမှန်ဖြစ်သွားကာ၊ သူ၏စိတ်သဘောထားသည် တိရစ္ဆာန်၏ စိတ်သဘောထား နည်းတူဖြစ်သွားသည်၊ ပြီးလျှင် ဘုရားသခင်ကို သူ၏ပုန်ကန်ခြင်းသည် သာ၍ပင် အကြိမ်ရေစိပ်လာကာ သာ၍ပြင်းထန်လာသည်။ သို့ပါလျက် လူသားသည် ဤအရာကို သိခြင်း သို့မဟုတ် အသိအမှတ်ပြုခြင်းမရှိဘဲ၊ ကျိုးကြောင်းမမြင် ဆန့်ကျင်ပုန်ကန်ခြင်းသာ ပြုလေသည်။ လူသား၏ စိတ်သဘောထားကို ထုတ်ဖော်ပြခြင်းသည် သူ၏အသိစိတ်၊ ထိုးထွင်းအမြင်နှင့် အသိတရားတို့ကို ဖော်ပြခြင်းဖြစ်သည်၊ ထို့ပြင် သူ၏အသိစိတ်နှင့် ထိုးထွင်းအမြင်တို့သည် စိတ်မချရသည့်အပြင်၊ သူ၏အသိတရားသည် အလွန်အမင်း ထိုင်းမှိုင်းသွားခြင်းကြောင့်၊ သူ့စိတ်သဘောထားသည် ဘုရားသခင်ကို ဆန့်ကျင်ပုန်ကန်ခြင်းဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မပြောင်းလဲသော စိတ်သဘောထား ရှိခြင်းသည် ဘုရားသခင်ကို ရန်ဘက်ပြုခြင်းဖြစ်သည်”) “လူတို့က ‘သင်က ကြင်နာသနားမှု မရှိလျှင်၊ ငါသည်လည်း တရားမျှတမှုရှိမည် မဟုတ်ပေ။ သင်က ငါ့အပေါ် ရိုင်းလျှင်၊ ငါကလည်း သင့်အပေါ်ရိုင်းမည်။ သင်က ငါ့ကို လေးစားစွာမဆက်ဆံလျှင် ငါကလည်း သင့်ကို အဘယ်ကြောင့် လေးစားစွာဆက်ဆံရမည်နည်း’ ဟုတွေးကြ၏။ ယင်းသည် မည်သို့သော တွေးတောမှုမျိုးပါလိမ့်။ ထိုအတွေးမှာ လက်တုန့်ပြန်သော တွေးတောနည်း မဟုတ်ပေဘူးလော။ သာမန်လူတစ်ဦး၏ အမြင်များတွင် ဤသဘောထားအမြင်မျိုး ဖြစ်နိုင်ချေရှိသည် မဟုတ်လော။ ‘မျက်လုံးတစ်လုံးအတွက် မျက်လုံးတစ်လုံး၊ သွားတစ်ချောင်းအတွက် သွားတစ်ချောင်း’၊ ‘ပါးကိုက်၊ နားကိုက်’ စသည်တို့ အားလုံးသည် မယုံကြည်သူများကြားတွင် မခိုင်မာသော အကြောင်းပြချက်များသာဖြစ်ပြီး လူသားအယူအဆများနှင့် လုံးလုံးကိုက်ညီသည်။ သို့ရာတွင်၊ ဘုရားသခင်ကို ယုံကြည်သူတစ်ဦးအနေဖြင့်၊ ဆိုလိုသည်မှာ သမ္မာတရားကို နားလည်ရန်နှင့် စိတ်သဘောထားအတွင်း ပြောင်းလဲမှုဖြစ်ရန် ကြိုးစားသူတစ်ဦးအနေဖြင့် ယင်းကဲ့သို့သော စကားလုံးများကို မှန်သည်ဟု ပြောမည်လော၊ မှားသည်ဟု ပြောမည်လော။ ၎င်းတို့ကို ပိုင်းခြားသိမြင်ရန် သင်ဘာလုပ်သင့်သနည်း။ ယင်းကဲ့သို့သောအရာများ ဘယ်ကလာသနည်း။ စာတန်၏ အငြိုးထားသော ပင်ကိုသဘာဝမှ လာသည်။ ယင်းတို့ထဲတွင် အဆိပ်ပါ၀င်သည်၊ ထို့ပြင် အငြိုးထားခြင်းနှင့် အကျည်းတန်ခြင်းတို့ဖြင့်ပြီးသော စာတန်၏ ဇာတိရုပ်အမှန် ပါ၀င်သည်။ ၎င်းတို့တွင် ထိုသဘောသဘာ၀၏ တကယ့်အနှစ်သာရ ပါ၀င်သည်။ ယင်းသဘောသဘာဝ၏ အနှစ်သာရထဲ ပါဝင်သော ရှုထောင့်များ၊ အတွေးများ၊ ဖော်ပြချက်များနှင့် ပြောစကားသာမက လုပ်ရပ်များ၏ လက္ခဏာမှာ အဘယ်နည်း။ ၎င်းတို့သည် စာတန်၏လက္ခဏာများ မဟုတ်သလော။ စာတန်၏၎င်းသွင်ပြင်လက္ခဏာများ သည် လူသားနှင့် မကိုက်ညီပေဘူးလော။ ၎င်းတို့သည် သမ္မာတရားနှင့် ကိုက်ညီသလော၊ သို့မဟုတ် သမ္မာတရား၏ လက်တွေ့တရားနင့် ကိုက်ညီသလော။ ၎င်းတို့သည် ဘုရားသခင်၏နောက်လိုက်များ လုပ်သင့်သည့် လုပ်ရပ်များလော။ သူတို့ပိုင်ဆိုင်သင့်သော အတွေးအမြင်ရှုထောင့်များ ဖြစ်သလော။ (မဟုတ်ပါ။)” (ခရစ်တော်၏ပြောဆိုချက် မှတ်တမ်းများ) လူတွေဟာ စာတန်ရဲ့နှောင့်ယှက်ဖျက်ဆီးမှုကြောင့် အကျင့်ပျက်ပြီး ဆိုးယုတ်နေတာကို ကျွန်မသဘောပေါက်သွားတယ်။ သမာရိုးကျပညာရေးစနစ်နဲ့ လူမှုပတ်ဝန်းကျင်ရဲ့လွှမ်းမိုးမှုတွေကနေတဆင့် နတ်ဆိုး စာတန်က ကျွန်မတို့ကို သူ့ရဲ့အဆိပ်အတောက်တွေထဲ လုံးဝနစ်မြုပ်အောင်လုပ်တယ်။ “ကိုယ့်အတွက်ပဲ ကိုယ်ကြည့်။ ဘယ်သူသေသေ ငတေမာပြီးရော” “ငါ့ကိုမထိရင် ငါဘာမှမလုပ်ဘူး ငါ့ကိုလာထိရင်တော့ ပြန်တုံ့ပြန်မှာပဲ” ဆိုတာမျိုး။ “ကိုယ်ဖော်တဲ့ဆေး ကိုယ်ပြန်စားလိုက်” တို့။ “လူကြီးလူကောင်းတစ်ယောက်အတွက် လက်စားချေဖို့ နောက်ကျတယ်ဆိုတာမရှိပါဘူး” တို့ဆိုတာမျိုး။ လူတွေကသေချာသဘောမပေါက်ဘဲ အဲဒါတွေကို ဘဝရှင်သန်ရေး ဥပဒေသတွေအဖြစ်ယူဆလိုက်ကြတယ်။ ပိုမာနထောင်လွှား လူလည်ကျ အတ္တကြီးပြီး မလိုမုန်းထားစိတ်တွေနဲ့ တစ်ချိန်လုံးပြည့်နှက်ကုန်တယ်။ လူတွေမှာ တကယ်ဂရုစိုက်တာတို့ ခွင့်လွှတ်တာတို့မရှိတော့ဘူး စစ်မှန်တဲ့ချစ်ခြင်းမေတ္တာဆိုတာမရှိတော့ဘူး။ သူတို့ရဲ့ကိုယ်ကျိုးကိုထိပါးလာတဲ့အခါ စိတ်ဆိုးပြီး ပိုဝေးကွာကုန်ကြတယ်။ ရန်သူအဖြစ်သတ်မှတ်လိုက်တာတို့ ကလဲ့စားချေတာတို့တောင်လုပ်ကြတယ်။ လူတွေက သွေးအေးရက်စက်လာပြီးတော့ ပိုဝေးကွာလာတယ်။ ပုံမှန်လူသားဆန်တဲ့ ခံစားမှုတွေအကုန်ပျောက်ကုန်ကြတယ်။ ကျွန်မငယ်ငယ်ကတည်းက အဲဒီလိုအတွေးအခေါ်တွေထဲမှာ နှစ်မြုပ်ခံခဲ့ရတယ်။ အဲဒီအတွေးအခေါ်တွေနဲ့ ကျွန်မရှင်သန်ခဲ့တယ်။ တစ်ယောက်ယောက်က ကျွန်မရဲ့ကိုယ်ကျိုးစီးပွါးကို ထိပါးလာတဲ့အခါ သူတို့ကိုမုန်းပြီး လက်စားချေချင်စိတ်ဖြစ်ဖို့ပဲသိတယ်။ အစ်မလုနဲ့ အတူရှိတဲ့အချိန်တွေမှာ ကျွန်မရဲ့ကိုယ်ကျိုးကိုထိခိုက်စေမယ့်အရာတွေကို သူကပြောဆိုလုပ်ဆောင်ခဲ့တယ်။ အဲဒီတော့ ကျွန်မကမကျေမချမ်းနိုင်ဖြစ်ပြီး အခွင့်အရေးရတာနဲ့ သူ့ကိုပြန်လုပ်ခဲ့တယ်။ ကျွန်မကိုထပ်ပြီးအဲဒီလိုမလုပ်ရဲအောင် ကျွန်မဘာလဲဆိုတာကိုသူ့ကိုပြချင်ခဲ့တယ်။ သူ့ကိုရှင်းတောင်ထုတ်ပစ်ချင်ခဲ့တယ်။ အသင်းတော်က နှင်ထုတ်ခဲ့တဲ့ အန္တိခရစ်တွေ၊ မကောင်းတဲ့လူတွေနဲ့ ကျွန်မရဲ့အပြုအမူတွေနဲ့ ဘာများကွာခြားသေးလို့လဲ။ အဲဒီလိုလူတွေက သူများတွေအထင်ကြီးပြီး ချီးမွမ်းတာကိုပဲခံချင်တယ်။ ဒါပေမဲ့ သူတို့ရဲ့အကျင့်ပျက်နေမှုကို ဖော်ထုတ်မယ့် ဘယ်လိုပွင့်လင်းတဲ့စကားလုံးမျိုးကိုမှ သည်းမခံနိုင်ဘူး။ သူတို့ကိုစိတ်ဆိုးအောင်လုပ်တဲ့ ပြောတဲ့ ဘယ်သူ့ကိုမဆို သူတို့ကတိုက်ခိုက်ဖို့ဝန်မလေးဘူး။ သူတို့ရဲ့မကောင်းမှုတွေကြောင့် နောက်ဆုံးမှာတော့ ဘုရားသခင်ရဲ့စိတ်သဘောထားကို ပုန်ကန်ပစ်မှားမိကြတယ်။ အခြားလူတွေကိုလည်း စိတ်တိုစေပြီးတော့ အသင်းတော်ကနေ နှင်ထုတ်ခံရတယ်။ သူတို့တွေဟာ ကယ်တင်ခံရမယ့်အခွင့်အရေးကို ထာဝရဆုံးရှုံးလိုက်ရတယ်။ ကျွန်မကလည်း အစ်မလုရဲ့စကားလုံးတွေက ကျွန်မရဲ့ဂုဏ်သိက္ခာကိုထိပါးတာနဲ့ သူ့ကိုသဲကြီးမဲကြီး တိုက်ခိုက်ခဲ့တယ်။ ကျွန်မသူ့ကိုထိခိုက်အောင်ပဲလုပ်ခဲ့တယ်။ ကျွန်မမကောင်းမှုတွေကို ကျူးလွန်နေခဲ့တာ။ ကျွန်မမှာဆိုးဝါးတဲ့ လူ့သဘာဝရှိနေတယ်ဆိုတာ၊ အန္တိခရစ်တစ်ယောက်၊ မကောင်းမှုပြုသူတစ်ယောက်လိုမျိုး သဘာဝနဲ့ အနှစ်သာရရှိနေပြီး ဒါကို ဘုရားက စက်ဆုပ်ရွံရှာတယ်ဆိုတာကို ကျွန်မ သိခဲ့ရတယ်။ ကျွန်မသာချက်ချင်းဝန်ချဆုမတောင်းရင် မကောင်းမှုနွံထဲနစ်ပြီး အန္တိခရစ်လို၊ မကောင်းမှုကျူးလွန်သူလိုမျိုး ဘုရားသခင်ရဲ့ပြစ်ဒဏ်ပေးတာကိုခံရလိမ့်မယ်။ အဲဒါကိုတွေးမိလေလေ ကျွန်မပိုကြောက်လေလေပဲ။ ကျွန်မဘုရားသခင်ရှေ့မှောက်မှာ ဝတ်ပြုဆုတောင်းခဲ့တယ်။ “ဘုရားသခင် ကျွန်မမှာ လူသားဆန်မှုပျောက်ဆုံးနေတယ်။ ကျွန်မဟာ အကျင့်ပျက်တဲ့စိတ်သဘောထားနဲ့ နေထိုင်နေခဲ့ပြီးတော့ အစ်မအပေါ်ရန်လိုခဲ့မိတယ်။ ကျွန်မ လူသားတစ်ယောက်နဲ့ လုံးဝမတူတော့ဘူး။ အရှင်သာ ကျွန်မကို ကိုင်တွယ်ဖြေရှင်းဖို့ ဒီအခြေအနေကိုမဖန်တီးခဲ့ရင် ကျွန်မကိုယ့်ကိုယ်ကိုဘယ်တော့မှပြန်သိမှာမဟုတ်ပါဘူး။ ကျွန်မမကောင်းမှုတွေကို ဆက်ကျူးလွန်ပြီး သူ့ကိုထိခိုက်အောင်လုပ်နေမိဦးမှာ။ ဘုရားသခင် ကျွန်မဝန်ချဆုတောင်းချင်ပါတယ်။ စာတန်ရဲ့အဆိပ်အတောက်တွေနဲ့ ကျွန်မထပ်မနေချင်တော့ဘူး။ တာဝန်ကျေပွန်ပြီး လူသားဆန်ပြီး မျှတတဲ့လူတစ်ယောက်ဖြစ်ဖို့ ကျွန်မကိုလမ်းပြပေးတော်မူပါ”

အဲဒါပြီးတော့ ဘုရားသခင်ရဲ့နှုတ်ကပတ်တော်တွေထဲက ဒီဟာကိုကျွန်မဖတ်ပါတယ်။ “ချစ်ခြင်းမေတ္တာနှင့် မုန်းတီးမှုတို့မှာ ပုံမှန် လူ့သဘာဝက ပိုင်ဆိုင်သင့်သည့် အရာများဖြစ်သော်လည်း၊ သင် ချစ်သည့်အရာနှင့် မုန်းသည့်အရာများကြား ရှင်းရှင်းလင်းလင်း သင် ခွဲခြားရပေမည်။ သင်၏ စိတ်နှလုံးတွင်၊ ဘုရားသခင်ကို သင် ချစ်သင့်သည်၊ သမ္မာတရားကို ချစ်သင့်သည်၊ အပြုသဘောဆောင်သည့် အရာများကို ချစ်သင့်ပြီး၊ သင်၏ ညီအစ်ကို မောင်နှမများကို ချစ်သင့်သည်၊ နတ်ဆိုးစာတန်ကိုမူ သင် မုန်းသင့်သည်၊ အပျက်သဘောဆောင်သော အရာများကို သင် မုန်းသင့်သည်၊ အန္တိခရစ်များကို မုန်းသင့်ပြီး ဆိုးယုတ်သော လူတို့ကို မုန်းသင့်သည်။ သင်၏ ညီအစ်ကို မောင်နှမများအတွက် မုန်းတီးမှုကို သင် သိုထားပါက၊ သင်သည် ၎င်းတို့ကို ဖိနှိပ်လေ့ရှိလိမ့်မည် ဖြစ်ပြီး ၎င်းတို့အပေါ် လက်တုန့်ပြန်လိမ့်မည် ဖြစ်သည်။ ဤသည်မှာ အလွန် ထိတ်လန့်စရာ ဖြစ်ပေမည်။ လူအချို့သည် မုန်းတီးမှု အတွေးများနှင့် ဆိုးယုတ်သည့် စိတ်ကူးများသာ ရှိကြ၏။ တစ်ခဏ ကြာပြီးနောက်၊ ထိုသို့သော လူတို့သည် ၎င်းတို့ မုန်းတီးသည့် လူနှင့် အဆင်မပြေနိုင်တော့ပါက ထိုသူနှင့် ကင်းအောင် စတင်၍ နေလိမ့်မည် သို့သော်၊ ၎င်းတို့သည် မိမိတို့၏ စိတ်နှလုံးများထဲတွင် ဘုရားသခင်ရှိပြီး သူ့ကို ကြည်ညိုကြသောကြောင့်၊ ဤအရာကို ၎င်းတို့၏ တာဝန်များအား သက်ရောက်ခွင့် မပေးကြပေ၊ သို့မဟုတ် ၎င်းတို့၏ ပုံမှန်လူလူချင်း ဆက်ဆံရေးများကို လွှမ်းမိုးခွင့် မပေးကြချေ။ ၎င်းတို့သည် ဘုရားသခင်ကို ပုန်ကန်ပြစ်မှားခြင်း မပြုချင်ကြသကဲ့သို့၊ ထိုသို့ လုပ်ဆောင်မိမည်ကို စိုးရွံ့ကြလေသည်။ ဤလူတို့သည် တစ်စုံတစ်ဦးနှင့် ပတ်သက်သည့် အမြင်အချို့ သိုထားကောင်းသိုးထားမည် ဖြစ်သော်လည်း၊ ထိုအတွေးများကို လုံးဝ မလုပ်ဆောင်ကြပေ၊ သို့မဟုတ် ဘုရားသခင်ကို ပြစ်မှားရန် လိုလားခြင်းမရှိဘဲ မပြောသင့်သည့် စကားတစ်လုံးကိုမျှပင် လုံးဝ မပြောဆိုကြချေ။ ဤသည်မှာ မည်သည့် အပြုအမူမျိုးနည်း။ ဤသည်မှာ မိမိကိုယ်ကိုယ် ပြုမူနေထိုင်ခြင်းနှင့် အမှုအရာများကို ကိုယ်ကျင့်တရားနှင့် သမာသမတ်ကျမှုဖြင့် ကိုင်တွယ်ခြင်း ဥပမာတစ်ခု ဖြစ်ပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘုရားသခင်ကို ယုံကြည်သောလမ်းမှန်သို့ မဝင်ရောက်မီ လူတို့၌ရှိသော သတ်မှတ်ချက်ငါးချက်”) ဘုရားသခင်ကို ကြောက်တဲ့သူတွေက အခြားလူတွေကို သမ္မာတရားမူဝါဒအတိုင်း ဆက်ဆံနိုင်တယ်ဆိုတာကို ဘုရားသခင်ရဲ့နှုတ်ကပတ်တော်တွေထဲကနေ သိလိုက်ရတယ်။ သူတို့မှာ တစ်ခါတလေ ညီအစ်ကိုမောင်နှမတွေကို မကျေနပ်တာမျိုးရှိချင်ရှိလိမ့်မယ် ဒါပေမဲ့ သူတို့ကအဲဒီလိုလုပ်ဖို့ဝန်လေးလိမ့်မယ် ဘုရားသခင်ကို ပုန်ကန်တာမျိုး ဒါမှမဟုတ် သူများတွေကိုထိခိုက်အောင်လုပ်တာမျိုးလုပ်မှာမဟုတ်ဘူး။ ဘုရားသခင်ကိုမကြောက်တဲ့သူတွေကျတော့ သူတို့ရဲ့ဆိုးယုတ်တဲ့နှလုံးသားက စေစားတာကိုလုပ်ကြလိမ့်မယ် အဲဒါက မကောင်းမှုကျူးလွန်တာပဲဖြစ်ပြီး ဘုရားသခင်ကလည်း ပြစ်တင်ရှုတ်ချပါတယ်။ အစ်မလုက တဲ့တိုးပြောတတ်တယ်။ ဒါပေမဲ့ သူကျွန်မအကြောင်းပြောတာက ရိုးရိုးသားသားပြောတာပါ ကျွန်မကိုပစ်မှတ်ထားပြီးပြောတာမျိုးမဟုတ်ပါဘူး။ သူကတာဝန်ကို အလေးအနက်ထားပြီး တာဝန်လည်းကျေပွန်ပါတယ်။ ပြီးတော့ သူ့ရဲ့အကြံပေးချက်အများစုကလည်း ကျွန်မတို့အလုပ်အတွက် အထောက်အကူဖြစ်ပါတယ်။ ကျွန်မသူနဲ့အဆင်မပြေအောင် ရည်ရွယ်ချက်ရှိရှိ မလုပ်ခဲ့သင့်ဘူး။ ကျွန်မရဲ့အကျင့်ပျက်မှုအကြောင်းကိုသူ့ကိုဖွင့်ပြောပြပြီး ကျွန်မတောင်းပန်ခဲ့တယ်။ အစ်မလုက သူဘယ်လိုမှသဘောမထားပါဘူးတဲ့ ပြီးတော့ ကျွန်မကိုကူညီဖို့ သမ္မာတရားတချို့ကို မိတ်သဟာယဖွဲ့ပေးခဲ့တယ် ကျွန်မရှက်ပြီး ကိုယ့်ကိုယ်ကိုပိုမုန်းမိခဲ့တယ်။ ကျွန်မရဲ့အကျင့်ပျက်နေတဲ့ စိတ်သဘောထားနဲ့ဆက်မနေချင်တော့ဘူး။ အဲဒီနောက်ပိုင်းမှာတော့ အစ်မလုက ကျွန်မကိုအကြံဉာဏ်တွေပေးတာပဲဖြစ်ဖြစ် ကျွန်မမာနကိုထိပါးအောင် တစ်ခုခုပြောတာ လုပ်တာပဲဖြစ်ဖြစ် ကျွန်မအနေနဲ့ တည်တည်ငြိမ်ငြိမ်ရင်ဆိုင်နိုင်ခဲ့ပြီး သမ္မာတရားကိုလိုက်စားဖို့နဲ့ ကိုယ့်ကိုယ်ကိုဆန်းစစ်ဖို့ကိုပဲ အာရုံစိုက်ခဲ့တယ်။ ကျွန်မတို့အတူတူအလုပ်လုပ်ရတာ အကုန်လုံးပြန်အဆင်ပြေသွားခဲ့တယ်။ အဲဒါကြောင့်ကျွန်မလည်းတော်တော်လေး စိတ်သက်သာရာရခဲ့တယ်။ ကျွန်မကိုဒီလိုနည်းလမ်းလေးနဲ့ ပြောင်းလဲပေးခဲ့တဲ့ ဘုရားသခင်ရဲ့တရားစီရင်မှုကို ကျေးဇူးတင်မိပါတယ်။

အရှေ့သို့- ၄၃။ အတ္တကြီးမှု ကိုစွန့်လွှတ်ခြင်းဖြင့် ကျွန်တော်လွတ်မြောက်ခဲ့ပါတယ်

နောက်တစ်ခုသို့- ၄၅။ ဘုရားသခင်ရှေ့မှောက် နေထိုင်ခြင်း

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်