၃၉။ နောက်ဆုံးတွင် လူသားပုံသဏ္ဌာန်ကို အသက်ရှင်နေထိုင်ခြင်း

တရုတ်နိုင်ငံ ဟဲနန် စီရင်စု၊ ကျိုးဟုန်

ကျွန်မ ၂၀၁၈ခုနှစ်မှာ အသင်းတော်ခေါင်းဆောင် ဖြစ်လာခဲ့တဲ့အချိန်က၊ အစွမ်းအစကောင်းရှိပြီး၊ သမ္မာတရားကို အားထုတ်တဲ့ အစ်မရမ်းဆိုတဲ့ အစ်မတစ်ယောက်ကို တွေ့ခဲ့တယ်။ ကျွန်မက ကိုယ့်ဘာသာတွေးမိတယ်၊ “သူ့ကိုသာ ငါကောင်းကောင်း လေ့ကျင့်ပေးနိုင်ရင်၊ ငါ ပိုအဆင်ပြေလာမယ်၊ ငါတို့ အလုပ်လည်း တိုးတက်မယ်၊ ပြီးတော့ ငါ့ခေါင်းဆောင်ကလည်း ငါ့ကို ချီးမွမ်းလိမ့်မယ်။” ပေါ့။ ဒါကြောင့် ကျွန်မက သူ့ကို လေ့ကျင့်ပေးရာမှာ မီးကုန်ယမ်းကုန် ကြိုးစားခဲ့တယ်။ သူ ပြဿနာတစ်ခုကြုံတိုင်း ကျွန်မက သူနဲ့ မိတ်သဟာယပြုပေးပြီး သူ့ကို အဖွဲ့ခေါင်းဆောင်အဖြစ် တာဝန်ပေးခဲ့တယ်။ သူက တိုးတက်တာ မြန်ပြီး သူ့ရဲ့ တာဝန်မှာ အာရုံစိုက်တယ်လေ။ သိပ်မကြာခင်မှာ၊ ကျွန်မတို့အဖွဲ့ရဲ့ အလုပ်က အရှိန်ပြန်ကောင်းလာတယ်။ ကျွန်မ တွေးခဲ့မိတယ်၊ “ငါ့မှာသာ အစ်မရမ်းလိုလူ နောက်ထပ် နည်းနည်းလောက်သာ ရှိခဲ့ရင်၊ ငါတို့ရဲ့ အသင်းတော်အလုပ်တွေအားလုံး သိသိသာသာ တိုးတက်မှာ။ ငါလည်း နည်းနည်းပါးပါး စိတ်ချနိုင်ပြီး ပိုကောင်းတဲ့ ရလဒ်တွေ ငါတို့ မြင်ရမယ်၊ ပြီးတော့ လူတိုင်းက ငါဟာ တာဝန်ကို ထိထိရောက်ရောက် ထမ်းဆောင်တယ်လို့ ပြောကြလိမ့်မယ်။” ပေါ့။ တစ်နေ့မှာ အန္တိခရစ်တွေနဲ့ ဒုစရိုက်မှုပြုသူတွေကို ထုတ်ပယ်တာ၊ နှင်ထုတ်တာနဲ့ ပတ်သက်တဲ့ စာရွက်စာတမ်းတွေကို စုဆောင်းဖို့အတွက် လူတစ်ယောက် ချက်ချင်း လိုလာခဲ့တယ်။ အစ်မရမ်းက ဒီတာဝန်ကို ယူသင့်တယ်ဆိုတာကို ကျွန်မတို့အားလုံး သဘောတူကြတယ်။ ကျွန်မအံ့အားသင့်ရလောက်အောင်ကို သူက စည်းမျဉ်းတွေကို မကြာခင်မှာ နားလည်သဘောပေါက်ပြီး ရည်မှန်းချက်ပြည့်မီပြီး မှန်ကန်တိကျတဲ့ စာရွက်စာတမ်းတွေကို ဖန်တီးခဲ့တယ်။ စာရွက်စာတမ်းတွေ စုစည်းရာမှာ တော်တဲ့ လူတစ်ယောက်တစ်လေ ရှိမရှိ ကျွန်မ ခေါင်းဆောင်က ကျွန်မကို ခဏခဏ မေးခဲ့တယ်၊ ပြီးတော့ အစ်မရမ်းက အဲဒီအတွက် သင့်တော်တယ်ဆိုတာ ကျွန်မ သိခဲ့ပါတယ်။ ဒါပေမဲ့ သူအပြောင်းခံရပြီး ကျွန်မတို့ အလုပ်မှာ သေချာပေါက် ဖြစ်လာမယ့် အကျိုးဆက်ကို ကျွန်မ တွေးလိုက်တော့၊ ကျွန်မ သူ့ကို လက်မလွှတ်ချင်ခဲ့ဘဲ၊ ခေါင်းဆောင်ဆီမှာ သူ့ကို ထောက်ခံအကြံပြုမပေးခဲ့ဘူး။

တစ်ရက် စည်းဝေးပွဲမှာ၊ ခေါင်းဆောင်က အန္တိခရစ်တွေနဲ့ ဒုစရိုက်မှုပြုသူတွေကို ထုတ်ပယ်တာ၊ နှင်ထုတ်တာနဲ့ ပတ်သက်တဲ့ စာရွက်စာတမ်းတွေိကို စုစည်းဖို့ လူတစ်ယောက် သူတို့ လိုအပ်တယ်လို့ ပြောပြီး၊ ကျွန်မတို့က တစ်ယောက်ယောက်များ ဖြည့်ပေးနိုင်မလားဆိုပြီး ကျွန်မတို့ကို မေးခဲ့တယ်။ ကျွန်မက တွေးမိတယ်၊ “အစ်မရမ်းကတော့ ဒီအလုပ်မှာ တော်မှာပဲ၊ ဒါပေမဲ့ ငါသူ့ကို လက်လွှတ်လိုက်ရင်၊ တခြားတစ်ယောက်ကို လေ့ကျင့်ပေးရတော့မယ်။ အဲဒါက အများကြီး ကြိုးစားအားထုတ်ရမှာ။ ငါတို့ရဲ့အလုပ် စချွတ်ချော်လာရင် ငါ့ခေါင်းဆောင်က ဘာတွေးမလဲ။ အစ်မတမ်းလည်း စာရွက်စာတမ်းတွေကို စုစည်းတာမှာ တော်ပါတယ်၊ ဒါပေမဲ့ သူက သူ့တာဝန်မှာ နည်းနည်း နမော်နမဲ့နိုင်ပြီး အကူအညီ အများကြီး လိုတတ်တယ်။ သူ့ကိုပဲ ထောက်ခံအကြံပြုပေးလိုက်တော့မယ်။ ဒီနည်းနဲ့ ငါလည်း အလုပ်အတွက် တစ်ယောက်ယောက်ကို စီစဉ်ပေးမယ်၊ ပြီးတော့ အစ်မရမ်းလည်း ဒီအတိုင်းဆက်နေလို့ရတာပေါ့။ ငါတို့အလုပ်လည်း ထိခိုက်မှု မရှိတော့ဘူး။” ပေါ့။ ဒါကြောင့် ကျွန်မက အစ်မတမ်းကို ထောက်ခံအကြံပြုပေးခဲ့တယ်၊ ပြီးတော့ သူ့အားသာချက်တွေကို နည်းနည်းပိုထောက်ခံပြောပြပေးတယ်၊ ပြီးတော့ အစ်မရမ်းကို အဲဒီလောက် မတော်ဘူးလို့ထင်ရအောင် တမင်သက်သက် လုပ်ခဲ့တယ်။ နှစ်ရက်သုံးရက်ကြာပြီးတော့၊ အစ်မတမ်းက အလုပ်တာဝန်အတွက် အရွေးခံခဲ့ရတယ်။ ‌အစ်မတမ်းက အလုပ်ကို သူ့ဘာသာ ထိရောက်အောင် မကိုင်တွယ်နိုင်ခဲ့တာကို ကျွန်မ နောက်ပိုင်းမှာ သိခဲ့ရတယ်။ ကျွန်မက တွေးမိတယ်၊ “အစ်မရမ်းသာဆို အဲဒါကို ကိုင်တွယ်နိုင်မှာ၊ ပြဿနာမရှိဘူး။ ဒါပေမဲ့ ငါက သူ့ကို မသွားစေချင်ဘူး။ သူက သူ့တာဝန်မှာ ကျွမ်းကျင်တယ်၊ သူသာထွက်သွားရင် ငါတို့အလုပ်မှာ ဘာတွေဖြစ်ကုန်မလဲ။” ဒီတော့ ကျွန်မက အစ်မရမ်းကို ထောက်ခံအကြံမပြုဖို့ ထပ် ဆုံးဖြတ်လိုက်ပြန်တယ်။ အဲဒီနောက် နှစ်ရက်သုံးရက်ကြာတော့၊ ကျွန်မ ခေါင်းဆောင်က အစ်မရမ်းကို အထူးသဖြင့် တောင်းဆိုလာတယ် ပြီးတော့ သူ့ကို ချက်ချင်း အစားထိုးဖို့ ကျွန်မတို့ကို လူတစ်ယောက် ရှာခိုင်းခဲ့တယ်။ ကျွန်မက ဒီအကြံဉာဏ်ကို တကယ့်ကို ဆန့်ကျင်ခဲ့တယ်။ ကျွန်မတွေးမိတာက၊ “အစ်မရမ်းသာ ထွက်သွားရင်၊ ငါတို့အသင်းတော်ရဲ့ စာရွက်စာတမ်းတွေကို ဘယ်သူ စုစည်းမှာလဲ။ သင့်တော်တဲ့ လူတစ်ယောက်ကို ငါတို့ ရှာနိုင်ရင်တောင်၊ သူတို့က အတွေ့အကြုံမရှိတဲ့ လူသစ်လေးတွေသာဖြစ်ပြီး၊ စည်းမျဉ်းတွေကိုလည်း သိမှာ မဟုတ်ဘူး။ သူတို့က လေ့ကျင့်မှု လိုလိမ့်မယ်။ ငါတို့အလုပ် ထိခိုက်ရုံတင်မကဘူး၊ ငါ့ဘက်မှာလည်း အလုပ်ပင်ပန်းခဲယဉ်းပြီး အားထုတ်မှု အများကြီး လိုလာလိမ့်မယ်။” ပေါ့။ ဒါကို တွေးတာ မှားမှန်း ကျွန်မ သိခဲ့ပေမဲ့ ကိုယ့်ကိုယ့်ကိုယ် ဆင်ခြေတွေ ပေးနေမိတယ်။ “အစ်မရမ်းကို ငါကိုယ်တိုင် လေ့ကျင့်ပေးခဲ့တာ၊ သူထွက်သွားရင်၊ သူ့အလုပ်ကို လုပ်နိုင်တဲ့သူ ငါတို့အဖွဲ့မှာ ဘယ်သူမှ ရှိမှာ မဟုတ်ဘူး။ အလုပ်ကို ဘယ်လိုပြီးအောင် လုပ်ရမလဲ။ မဖြစ်ဘူး၊ ငါ့အလုပ်လက်တွဲဖော်နဲ့ ဒါကို ဆွေးနွေးပြီး ငါတို့တစ်ယောက်ယောက်ကို လေ့ကျင့်လို့ မပြီးသေးခင်အထိ အစ်မရမ်းကို လနည်းနည်း ထပ်နေခိုင်းပေးဖို့ တောင်းဆိုတဲ့စာကို ခေါင်းဆောင်ဆီ ရေးပို့ရမယ်။” ပေါ့။ ဒါကို ကျွန်မရဲ့ လက်တွဲဖော် နှစ်ယောက်ကို ပြောပြတဲ့အခါ၊ သူတို့က ကျွန်မကို အပြစ်တင်ရင်းနဲ့ ပြောတာပေါ့၊ “ဘုရားအိမ်တော်ရဲ့ အမှုတော်ကို လုပ်ဖို့ လူတွေကို ငါတို့ လေ့ကျင့်ပေးတယ်။ အစ်မရမ်း သွားတာနဲ့တစ်ပြိုင်နက်၊ ငါတို့ တခြားတစ်ယောက်ကို လေ့ကျင့်ပေးလို့ရတာပဲ။ နင်က အစ်မရမ်း မထွက်သွားအောင် တားနေတာက တစ်ကိုယ်ကောင်းဆန်နေတာ မဟုတ်ဘူးလား။” တဲ့။ ဒါပေမဲ့ ကျွန်မက ကိုယ့်ကိုယ်ကိုယ် မဆင်ခြင်ခဲ့မိဘဲ၊ အဲဒီအစား တွေးမိတယ်။ “နင်က အရမ်းစေတနာကောင်းနေတယ်။ လူတွေကို လေ့ကျင့်ပေးရတာ နင်က လွယ်တယ်မှတ်လို့လား။” ပေါ့။ ကျွန်မက ပိုပို ဒေါသထွက်လာပြီး အတိုက်အခံဖြစ်လာတယ်၊ ပြီးတော့ ကျွန်မဘက်ကို မမြင်နိုင်ကြတဲ့အတွက် ကျွန်မရဲ့ လက်တွဲဖော်တွေကို မကျေမချမ်းဖြစ်ခဲ့တယ်။ အဲဒီနောက်ပိုင်း သိပ်မကြာဘူး၊ ကျွန်မက ကိုယ်ပူချိန်တက်လာသလို စခံစားရတယ်၊ ကျွန်မက မီးလောင်နေသလိုဘဲ၊ ပြီးတော့ တစ်ကိုယ်လုံး အားအင်ကုန်ခန်းနေသလို ခံစားခဲ့ရတယ်။ ကျွန်မ တွေးမိတယ်၊ “ရာသီဥတုက ကောင်းပါတယ်၊ ပြီးတော့ ငါ အအေးမိပါဘူး။ ဒါ တကယ်ကို ထူးဆန်းတာပဲ။” ပေါ့။ ဒါက ဘုရားသခင်က ကျွန်မကို ပြစ်တင်ဆုံးမပြီး ဆုံးမပဲ့ပြင်နေတာပဲ ဆိုတာကို သဘောပေါက်လိုက်တယ်။ ကျွန်မ ဘုရားသခင်ရဲ့ နှုတ်ကပတ်တော်တွေကို တွေးမိတယ်။ “ယခုတွင် ငါသည် သင်တို့အလယ် အလုပ်လုပ်သည့်အချိန်တွင်၊ သင်တို့သည် ဤနည်းဖြင့် ပြုမူကြ၏- သင်တို့ကို စောင့်ရှောက်မည့်သူ တစ်ဦးမျှမရှိသည့် နေ့ရောက်လာပါက၊ သင်တို့သည် မိမိတို့ကိုယ်ကိုယ် ရှင်ဘုရင်များအဖြစ် ကြွေးကြော်ခဲ့ကြသည့် ဓားပြများကဲ့သို့ ဖြစ်ကြလိမ့်မည် မဟုတ်လော။” (နှုတ်ကပတ်တော်သည် လူ့ဇာတိ၌ ပေါ်လာ၏) ဘုရားသခင်ရဲ့ နှုတ်ကပတ်တော်တွေက ကျွန်မရဲ့ကိုယ်ပိုင် အခြေအနေ အတိအကျကို ထုတ်ဖော်ပြနေတာကို သဘောပေါက်လိုက်လို့ ကျွန်မ ကြက်သေသေသွားတယ်။ ကျွန်မက အစ်မရမ်းကို ကိုယ့်ပိုင်ဆိုင်မှုတစ်လို ဆက်ဆံနေခဲ့တာပဲ။ ကျွန်မက သူ့ကို လေ့ကျင့်ပေးခဲ့တဲ့အတွက်၊ သူက ကျွန်မရဲ့ပိုင်ဆိုင်မှု ဖြစ်သင့်တယ် ပြီးတော့ သူက ကျွန်မအသင်းတော်မှာ နေသင့်ပြီး၊ ကျွန်မကို နာမည်ကောင်းရအောင် လုပ်ပေးသင့်တယ်။ သူ့ကို ဘယ်သူခေါ်တာမှ ကျွန်မ ခွင့်ပြုမှာ မဟုတ်ဘူး။ တကယ်တမ်းတော့ ညီအစ်ကို မောင်နှမအားလုံးက ဘုရားအိမ်တော်မှာ သူတို့ တာဝန်တွေကို လုပ်ဆောင်ကြတယ်၊ ပြီးတော့ သူတို့ရဲ့ တာဝန်ပေးစေခိုင်းချက်တွေ အားလုံးက ဘုရားသခင်ဆီကချည်းပဲ။ ဘုရားသခင်ရဲ့ အိမ်တော်က သူတို့ကို ဘယ်အချိန်ပဲဖြစ်ဖြစ်၊ ဘယ်နေရာမှာပဲဖြစ်ဖြစ်လိုအပ်တဲ့အခါမှာ သူတို့ရဲ့တာဝန်တွေကို ထမ်းဆောင်ကြတယ်။ ပြီးတော့ ဘုရားသခင် စီစဉ်တဲ့အတိုင်း ထမ်းဆောင်ကြတယ်။ ဒါပေမဲ့ ကျွန်မကတော့ ကိုယ့်ကိုယ်ပိုင် ဂုဏ်နဲ့ ရာထူးအဆင့်အတန်းတွေအတွက် သူများတွေကို လှည့်စားပြီး လိမ်လည်တယ်၊ အစ်မရမ်းကို ကျွန်မတစ်ယောက်တည်းသုံးရဖို့ ကျွန်မတတ်နိုင်သမျှကို လုပ်တယ်။ ကျွန်မက “ကိုယ့်ကိုယ်ကိုယ် ဘုရင်တွေပါလို့ ကြေညာခဲ့တဲ့ ဓါးပြတွေ” ထဲက တစ်ယောက် မဟုတ်ဘူးလား။ ကျွန်မက အစ်မရမ်းကို ထိန်းချုပ်ဖို့နဲ့ သူ့ကို ဘုရားဆီက လုယူဖို့ ကြိုးစားခဲ့တယ်။ ဒါက အန္တိခရစ်တွေ လုပ်တဲ့အရာပဲ၊ ပြီးတော့ အဲဒါက ပျက်စီးဖို့ လမ်းကြောင်းပဲ။ ဒါကို သတိပြုမိရင်း၊ ကျွန်မက တကယ့်ကို နောင်တရခဲ့မိတယ်။ ကျွန်မက အရမ်းကို မာနထောင်လွှားပြီး အတ္တကြီးခဲ့တယ်။

အဲဒီနောက်မှာ ကျွန်မ ဘုရားသခင်ရဲ့ ဒီနှုတ်ကပတ်တော်တွေကို ဖတ်ခဲ့ရတယ်။ “လူတစ်ဦး၏အကျင့်များကို ကောင်းသည် ဆိုးသည်ဟူ၍ အကဲဖြတ်သော စံနှုန်းမှာအဘယ်နည်း။ ၎င်းမှာ သင်သည် သင်၏အတွေးများ၊ ဖော်ပြချက်များနှင့် အပြုအမူများ၌ သမ္မာတရားကို လက်တွေ့လုပ်ဆောင်ခြင်းနှင့် သမ္မာတရား စစ်မှန်မှုအတိုင်း အသက်ရှင်နေထိုင်ခြင်းအကြောင်း သက်သေခံချက် ရှိမရှိအပေါ် မူတည်၏။ အကယ်၍ သင်၌ ဤစစ်မှန်မှု မရှိပါက၊ သို့မဟုတ် ဤအရာအတိုင်း အသက်ရှင်နေထိုင်ခြင်းမရှိပါက၊ သင်သည် အဓမ္မပြုသူတစ်ဦးဖြစ်သည်မှာ သံသယဖြစ်ဖွယ်မရှိပေ။” “တစ်ဦးတစ်ယောက်သည် ဘုရားသခင်ကို ယုံကြည်သော်လည်း သူ၏နှုတ်ကပတ်တော်များကို အလေးဂရုမပြုပါက၊ သမ္မာတရားကို လက်မခံပါက၊ သို့မဟုတ် သူ၏အစီအစဉ်များနှင့် စီစဉ်ညွှန်ကြားမှုများကို ကျိုးနွံနာခံခြင်း မရှိပါက၊ ၎င်းတို့သည် ကောင်းမွန်သည့် အပြုအမူအချို့ကိုသာ ပြသပြီး၊ ၎င်းတို့၏ သိက္ခာ၊ သို့မဟုတ် အကျိုးစီးပွားများနှင့်သက်ဆိုင်၍ မည်သည့်အရာကိုမျှ မစွန့်ပစ်နိုင်ပါက၊ ကြည့်ရသည်မှာ ၎င်းတို့သည် ၎င်းတို့၏တာဝန်ကို ထမ်းဆောင်ကြသော်လည်း ၎င်းတို့၏ ဆိုးယုတ်သော စိတ်သဘောထားများအားဖြင့် အသက်ရှင်ကြဆဲဖြစ်ပြီး၊ စာတန်၏ ဒဿနအမြင်များနှင့် ဖြစ်တည်ခြင်း နည်းလမ်းများကို အနည်းငယ်မျှ မစွန့်လွှတ်သေးသကဲ့သို့ မပြောင်းလဲကြပါက- ၎င်းတို့ ဘုရားသခင်ကို ယုံကြည်သည်မှာ အဘယ်သို့ဖြစ်နိုင်မည်နည်း။ ယင်းမှာ ဘာသာတရား၌ ယုံကြည်ခြင်းဖြစ်သည်။ ထိုသို့သော လူတို့သည် အမှုအရာများကို စွန့်လွှတ်ပြီး၊ မိမိတို့ကိုယ်ကို အပေါ်ယံအားဖြင့် အသုံးတော်ခံကြသော်လည်း၊ ၎င်းတို့လျှောက်လှမ်းသည့် လမ်းကြောင်းနှင့် ၎င်းတို့လုပ်ဆောင်သမျှတိုင်း၏ အရင်းအမြစ်နှင့် တွန်းအားတို့သည် ဘုရားသခင်၏ နှုတ်ကပတ်တော်များ၊ သို့မဟုတ် သမ္မာတရားအပေါ် အခြေမခံထားပေ။ ထိုအစား၊ ၎င်းတို့သည် ၎င်းတို့၏ ကိုယ်ပိုင်စိတ်ကူးထင်မြင်မှုများ၊ စိတ်ဆန္ဒများ၊ ဓမ္မဓိဋ္ဌာန်မကျသော ယူဆချက်များနှင့် စာတန်၏ဒဿနအမြင်များ၊ စိတ်သဘောထားများအတိုင်း ဆက်လက်ပြုမူဆောင်ရွက်ကြပြီး၊ စာတန်၏ စိတ်သဘောထားများသည် ၎င်းတို့၏ ဖြစ်တည်ခြင်းနှင့် လုပ်ရပ်များ၏ အခြေခံအကြောင်းရင်း ဆက်လက်ဖြစ်လေသည်။ သမ္မာတရားကို ၎င်းတို့နားမလည်သည့် ကိစ္စရပ်များတွင်၊ ယင်းကို ၎င်းတို့ မရှာဖွေကြချေ။ သမ္မာတရားကို ၎င်းတို့နားလည်သည့် ကိစ္စရပ်များတွင်၊ ယင်းကို ၎င်းတို့လက်တွေ့မလုပ်ဆောင်ကြ၊ ဘုရားသခင်ကို ကြီးမြတ်သည်ဟု မချီးမြှောက်ကြချေ၊ သို့မဟုတ် သမ္မာတရားကို တန်ဖိုးမထားကြချေ။ ၎င်းတို့သည် အမည်ခံအားဖြင့် ဘုရားသခင်၏ နောက်လိုက်တစ်ဦးဖြစ်သော်လည်း၊ ယင်းသည် စကားဖြင့်သာ ဖြစ်၏။ ၎င်းတို့လုပ်ရပ်များ၏ အနှစ်သာရမှာ ၎င်းတို့၏ ဖောက်ပြန်ပျက်စီးသော စိတ်သဘောထားများ၏ ဖော်ပြချက်များသာ ဖြစ်သည်။ ၎င်းတို့၏ စေ့ဆောချက်နှင့် ရည်ရွယ်ချက်တို့က သမ္မာတရားကို လက်တွေ့လုပ်ဆောင်ဖို့နှင့် ဘုရားသခင်၏ နှုတ်ကပတ်တော်များအတိုင်း ပြုမူဖို့ဖြစ်သည်ဟူသည့် လက္ခဏာရပ် မရှိပေ။ အခြားအရာအားလုံးမတိုင်မီ မိမိတို့၏ ကိုယ်ပိုင်အကျိုးစီးပွားများကို စဉ်းစားသောလူများ၊ ပထမဦးစွာ မိမိတို့၏ ကိုယ်ပိုင်စိတ်ဆန္ဒများနှင့် ရည်ရွယ်ချက်များကို ဖြည့်ဆည်းသောလူများ- ဤလူတို့သည် ဘုရားသခင်နောက် လိုက်ကြသလော။ (မလိုက်ကြပါ။) ပြီးလျှင် ဘုရားသခင်နောက် မလိုက်ကြသည့်လူများသည် ၎င်းတို့၏ စိတ်သဘောထားများတွင် အပြောင်းအလဲ ဖြစ်ပေါ်စေနိုင်သလော။ (မဖြစ်ပေါ်စေနိုင်ပါ။) ပြီးလျှင် ၎င်းတို့သည် ၎င်းတို့၏ စိတ်သဘောထားများကို မပြောင်းလဲနိုင်ပါက၊ သနားစဖွယ်ဖြစ်ကြသည် မဟုတ်လော။” (ခရစ်တော်၏ပြောဆိုချက် မှတ်တမ်းများ) ကျွန်မဟာ ဘုရားနှုတ်ကပတ်တော်တွေကို အချိန်ယူ သေချာစဉ်းစားပြီး၊ ကျွန်မရဲ့ အပြုအမူကို ပြန်ဆန်းစစ်တယ်။ ကျွန်မဟာ ဘုရားအတွက် ပေးဆပ်မှုတွေ ပြုလုပ်နေသလိုထင်ရပေမဲ့ ကျွန်မရဲ့ တာဝန်မှာ ကျွန်မရဲ့ ကြံရွယ်ချက်က ကိုယ်ပိုင် အကျိုးစီးပွားတွေကို ဖြည့်ဆည်းဖို့ ဖြစ်တယ်။ စာရွက်စာတမ်းတွေကို စုစည်းနိုင်မယ့် လူတစ်ယောက်ကို ကျွန်မ ခေါင်းဆောင်က တောင်းတော့၊ အစ်မရမ်းက အဲဒီအလုပ်အတွက် အကောင်းဆုံးလူပဲဆိုတာကို သိခဲ့တယ်။ ဒါပေမဲ့ ကျွန်မရဲ့ အကျိုးစီးပွားတွေကို ကာကွယ်ဖို့ လိမ်ညာပြီး လှည့်စားခဲ့တယ်၊ အဲဒီအစား အစ်မတမ်းကို ထောက်ခံအကြံပြုပေးခဲ့တယ်။ အစ်မတမ်းက အဲဒီအလုပ်မှာ အပြင်းအထန် ကြိုးပမ်းနေရတာကို မြင်ပြီး၊ သူက အလုပ်အတွက် နှောင့်နှေးမှုတွေကို ဖြစ်စေတော့မယ်ဆိုတာကို သိခဲ့တဲ့အချိန်မှာတောင်၊ ကျွန်မက အစ်မရမ်းအတွက် ထောက်ခံ အကြံမပြုသေးဘူး။ ကျွန်မဟာ ဘုရားအိမ်တော်နဲ့ပတ်သက်ပြီး မတွေးသလို၊ ဘုရားအလိုတော်ကိုလည်း ဂရုမစိုက်ခဲ့ဘူး။ ကျွန်မရဲ့ကိုယ်ပိုင် ဂုဏ်နဲ့ ရာထူးအဆင့်အတန်းကို ကာကွယ်ဖို့ အထောက်အကူတွေအနေနဲ့သာ ညီအစ်ကိုမောင်နှမတွေကို အသုံးချခဲ့တယ်။ ကျွန်မက အရမ်းကို ဆိုးညစ်တယ်၊ အတ္တကြီးပြီး ယုတ်မာတာပဲ။ ကျွန်မ ဘုရားသခင်ကို နှစ်ပေါင်းများစွာ ယုံကြည်ခဲ့ပြီးပြီ၊ ဒါလည်း ကျွန်မအတွေးတွေနဲ့ အမြင်ရှုထောင့်တွေအားလုံးက ကျွန်မရဲ့ ဆိုးယုတ်တဲ့ စိတ်သဘောထားတွေ၊ စာတန်ရဲ့ ရှင်သန်မှု နည်းပရိယာယ်တွေမှာ အခြေပြုထားတယ်။ ဘုရားနှုတ်ကပတ်တော်တွေကို ကျွန်မ မလိုက်နာသလို၊ သမ္မာတရားကိုလည်း လက်တွေ့မလုပ်ဆောင်ခဲ့ဘူး။ ကျွန်မက ဘုရားသခင်ရဲ့နှုတ်ကပတ်တော်တွေ ဖော်ပြထားသလိုပဲ မယုံကြည်သူတစ်ယောက်ပါ။ ကျွန်မ နောက်ထပ် အတ္တကြီးလို့ မရတော့ဘူး။ အရည်အချင်းရှိတဲ့လူတစ်ယောက်ယောက်ကို ကျွန်မ ဖြည့်ဆည်းပေးပြီး ကျွန်မတို့ အသင်းတော်အတွက် နောက်ထပ် လူတွေကို လေ့ကျင့်ပေးရမယ်။ ကျွန်မတို့အဖွဲ့ထဲမှာ အစ်မရမ်းရဲ့ အလုပ်တွေကို တာဝန်ယူဖို့ တစ်ယောက်ယောက်ကို ကျွန်မတို့ စီစဉ်ပေးခဲ့တယ်၊ ပြီးတော့ သူပြောင်းရွှေ့သွားခဲ့တယ်။ ‌နောက်တော့၊ အစ်မရမ်းက လူတွေကို ထုတ်ပယ်တာ၊ နှင်ထုတ်တာနဲ့ ပတ်သက်တဲ့ စာရွက်စာတမ်းတွေိကို မြန်မြန် စုဆောင်းခဲ့တယ်လို့ ကျွန်မ သိခဲ့ရတယ်။ ဒါကိုကြားတဲ့အချိန်မှာ ကျွန်မ စိတ်မကောင်းဘူး။ ကျွန်မ သူ့ကို စောစောစီးစီးသာ ထောက်ခံအကြံပြုပေးခဲ့ပြီး ကျွန်မရဲ့ ကိုယ်ပိုင် အကျိုးစီးပွားတွေကို ဘေးဖယ်ထားခဲ့ရင်၊ ဒီအလုပ်က အချိန်အကြာကြီး နှောင့်နှေးခဲ့မှာမဟုတ်ဘူး။ ဒါဖြစ်ခဲ့တာက ကျွန်မရဲ့ အတ္တကြောင့်ပါ။ ကျွန်မ အပြစ်ကျူးလွန်ခဲ့ပြီး မကောင်းမှုကို ပြုခဲ့ပါတယ်။ ဒါကို ဘုရားအိမ်တော်ကိုကျော်ပြီး ကိုယ့်အကျိုးစီးပွားတွေကို ထပ်ဦးစားမပေးမိစေဖို့ သတိပေးချက်တစ်ခုအနေနဲ့ ကျွန်မခံယူခဲ့တယ်။

ဒီအတွေ့အကြုံက ကျွန်မကို နည်းနည်း ပြောင်းလဲစေခဲ့ပြီးဖြစ်တယ်လို့ ကျွန်မ ထင်ခဲ့တာ၊ ဒါပေမဲ့ ဒီပြဿနာဟောင်းကြီးက ပြန်ခေါင်းပြူထွက်မလာခင် အချိန်ကောင်းကိုသာ စောင့်နေခဲ့တာလေ။ ပြီးတော့ သိပ်မကြာလိုက်ဘူး၊ ကျွန်မခေါင်းဆောင်က အစ်မလျူအကြောင်း ကျွန်မကို မေးခဲ့တယ်။ ခေါင်းဆောင်က အနီးတဝိုက်က အသင်းတော်တစ်ခုမှာ ယုံကြည်သူအသစ်တွေကို ရေလောင်းတာ သူ့ကို သွားကူစေချင်တယ်။ ကျွန်မက နည်းနည်း မလိုလားဘူး။ ဒါပေမဲ့ ကျွန်မ အတ္တမကြီးသင့်ဘူး၊ အသင်းတော်ရဲ့ အမှုတော်ကို ထိန်းသိမ်းရမယ်လို့ သဘောပေါက်ခဲ့တယ်၊ ပြီးတော့ တခြားတစ်ယောက်ယောက်ကို ဘယ်တော့မဆို လေ့ကျင့်ပေးလို့ရတာပဲ။ အစ်မလျူကို လွှတ်ပေးလိုက်ဖို့ ကျွန်မ သဘောတူခဲ့တယ်။ ဒါပေမဲ့ အဲဒီနောက်မှာ စာရွက်စာတမ်းတွေကို စုစည်းတာမှာ ကြီးကြပ်ရတဲ့ အစ်မလီက ရာထူးတိုးတော့မယ်လို့ပြောပြီး ကျွန်မကို အကဲဖြတ်စာတစ်စောင် ရေးခိုင်းတယ်။ ဒါကတော့ ကျွန်မအတွက် အရမ်းများသွားပြီ။ အစ်မလီသာ ထွက်သွားရင်၊ စာရွက်စာတမ်းတွေ စုစည်းဖို့ ဘယ်သူက ကြီးကြပ်တော့မလဲ။ အစ်မလီကို ကျွန်မ မသွားစေချင်ခဲ့ဘူး။ ဒါကြောင့် သူ့အကဲဖြတ်စာရေးဖို့ကို ကျွန်မ ဆိုင်းထားလိုက်တယ်။ သူသွားဖို့ကို ရက်နည်းနည်းလောက် ကျွန်မ အချိန်ဆွဲထားချင်ခဲ့တယ်၊ ဒါမှ ကျွန်မ ခေါင်းဆောင်က အဲဒီအချိန်အတွင်းမှာ တခြားတစ်ယောက်ယောက်ကို ရှာတွေ့နိုင်ပြီး အစ်မလီကို နေခိုင်းမှာလေ။ ကျွန်မက အကဲဖြတ်စာကို မရေးနေတာကို ကျွန်မ အလုပ်လက်တွဲဖော်က သတိထားမိပြီး၊ အဲဒါလုပ်ဖို့ ကျွန်မကို ဖိအားပေးရော။ ကျွန်မ အဲဒါကို ချက်ချင်းလုပ်ပါ့မယ်လို့ပြောပြီး သူ့ကိုသာ တစ်ပတ်ရိုက်လိုက်တယ်၊ ဒါပေမဲ့ ကျွန်မ မရေးသေးဘူး။ ဆယ်ရက်လောက်ကြာပြီးတော့၊ ကျွန်မ အလုပ်လက်တွဲဖော်က ပြောတယ်၊ “ငါတို့ခေါင်းဆောင်က အစ်မလီကို အကဲဖြတ်စာ မပါဘဲ ပြောင်းလိုက်ပြီးပြီ။” တဲ့။ ဒါကို ကျွန်မ သဘောပေါက်ဖို့ အချိန်နည်းနည်း ယူလိုက်ရတယ်။ ဒါက ဖြစ်ပျက်နေတာ အရမ်းမြန်တာပဲ။ ကျွန်မရဲ့ အဖွဲ့ဝင်ကောင်းတွေအားလုံးကို ခေါ်သွားခံရခဲ့ပြီးပြီ။ အခုအသင်းတော်မှာ ကျွန်မတို့ ဘာမှပြီးအောင် လုပ်နိုင်မှာ မဟုတ်ဘူး။ ဒီအတွေးတွေက ပေါက်ထွက်တော့မတတ် ကျွန်မစိတ်ထဲပြည့်သွားတယ်။ ကျွန်မရင်ထဲမှာ အလေးတစ်ခုဖိချလိုက်သလို ခံစားရတယ်။ နောက်နှစ်ရက်သုံးရက်မှာ ကျွန်မ အစားစားချင်စိတ်မရှိခဲ့ဘူး။ ကျွန်မ လူတွေကို ဘယ်လိုရှာရမယ်၊ ကျွန်မပေါ်မှာ ဖိအားဘယ်လောက်ရှိနေတယ်ဆိုတာဘဲ တွေးခဲ့မိတယ်။ ကြိုးစားအားထုတ်မှုတွေအများကြီး လုပ်ရတော့မယ်။ အဲဒါကို ကျွန်မ ပိုတွေးလေလေ၊ စိတ်ပူပန်မှုနဲ့ ဖမ်းစားခံရလေလေဘဲ၊ ပြီးတော့ ကျွန်မ စိတ်ပင်ပန်းလူပင်ပန်း ဖြစ်ခဲ့တယ်။

တစ်နေ့ ကျွန်မ လှေကားပေါ်က အဆင်းမှာ ခြေချော်သွားခဲ့တယ်။ ကျွန်မခြေထောက်မှာ ဂျွတ်ခနဲအသံကြားလိုက်တယ်၊ အရိုးကျိုးသလိုပဲ။ ကျွန်မ တွေးမိတယ်၊ “အခု ငါတော့ ဒုက္ခပါပဲ။ ခြေကျိုးတစ်ချောင်းနဲ့ ငါ့တာဝန်ကို လုပ်လို့မရဘူး။” ပေါ့။ ဒါဟာ ဘုရားသခင်က ကျွန်မကို ဆုံးမပဲ့ပြင်တာမှန်း ကျွန်မ သိခဲ့တယ်။ လူတွေ တစ်ယောက်ပြီးတစ်ယောက် ရွှေ့ပြောင်းခံရတာကို ကျွန်မ ကြည့်ခဲ့ရပုံ၊ ပြီးတော့ ကျွန်မစိတ်နှလုံးထဲမှာ ဘုရားနဲ့ ဘယ်လို ငြင်းခုံပြီး၊ အဲဒါတွေအားလုံးကို ဘယ်လိုဆန့်ကျင်ခဲ့တယ်ဆိုတာကို တွေးမိတယ်။ ကျွန်မ တာဝန်အပေါ် ကျွန်မရဲ့ သဘောထားက ဘုရားကို ရွံရှာစေပြီးဖြစ်ရမယ်၊ ဒါကြောင့် ဘုရားက ကျွန်မရဲ့ တာဝန်ကို ယူပစ်လိုက်တာပေါ့။ အဲဒီအတွေးမှာ ကျွန်မ အရမ်းကြောက်မိတယ်။ ကျွန်မ ခြေထောက်ကလည်း အရမ်းကို နာတာပဲ။ တကယ့်ကို နောင်တရဖို့ လိုလားရင်း၊ ကျွန်မ ဘုရားသခင်ဆီကိုသာ မပြတ်ဆုတောင်းနေတယ်။ အံ့သြစရာကောင်းတာက အဲဒီနေ့ နေ့လည်စာစားပြီးတော့၊ ကျွန်မခြေထောက် ရုတ်တရက် အနာရပ်သွားတာ ဘယ်တုန်းကမှ လုံးဝ ထိခိုက်ဒဏ်ရာ မရခဲ့ဖူးသလိုပဲ။ ဒါဟာ ကျွန်မကိုယ်ကျွန်မ ပြန်သုံးသပ်ပြီး သိဖို့ ဘုရားသခင်ဆီက သတိပေးချက်တစ်ခု ဖြစ်ခဲ့တယ်ဆိုတာကို ကျွန်မ စိတ်နှလုံးထဲမှာ သိခဲ့တယ်။ “ကျွန်မကိုယ်ပိုင် အကျိုးစီးပွားတွေကို ကျွန်မ ဘာဖြစ်လို့ အမြဲ ရှေ့တန်းတင်တာလဲ။” လို့ ကျွန်မတွေးမိတယ်။

‌နောက်ပိုင်းမှာ ဘုရားနှုတ်ကပတ်တော်တွေ ရွတ်ဖတ်ပြခြင်း ဗီဒီယိုတစ်ခုကို ကျွန်မ ကြည့်ခဲ့တယ်။ အနန္တတန်ခိုးရှင် ဘုရားသခင် ပြောသည်မှာ- “လူတို့သည် ဘုရားသခင်၏ အမှုကို တွေ့ကြုံရပြီး သမ္မာတရားကို ရရှိပြီးသည်အထိ အတွင်း၌ သူတို့ကို ထိန်းချုပ်၍ အုပ်စိုးသည်မှာ စာတန်၏ သဘာဝဗီဇဖြစ်၏။ အတိအကျဆိုရလျှင် ထိုသဘာဝဗီဇကို မည်သည့်အရာက ဖြစ်ပေါ်စေသနည်း။ ဥပမာ၊ သင်သည် အဘယ်ကြောင့် တစ်ကိုယ်ကောင်းဆန်ရသနည်း။ သင်၏ကိုယ်ပိုင် ရာထူးဂုဏ်ဒြပ်ကို အဘယ်ကြောင့် ကာကွယ် သနည်း။ သင်သည် အဘယ်ကြောင့် ထိုသို့သော အားကောင်းသည့် စိတ်ခံစားချက်များ ရှိသနည်း။ ထိုမဖြောင့်မတ်သော အရာများကို သင်သည် အဘယ်ကြောင့် မွေ့လျော်ခံစားသနည်း။ သင်သည် အဘယ်ကြောင့် ထိုမကောင်းမှုများကို နှစ်သက်သနည်း။ ထိုသို့သော အရာများကို သင်၏ ကြိုက်နှစ်သက်ခြင်း၏ အခြေခံအကြောင်းရင်းက အဘယ်နည်း။ ဤအရာတို့သည် အဘယ်အရပ်က လာကြသနည်း။ ၎င်းတို့အား လက်ခံသည်ကို သင် အဘယ်ကြောင့် အလွန်ပျော်ရွှင်နေသနည်း။ ဤအရာများအားလုံး၏ နောက်ကွယ်ရှိ အဓိက အကြောင်းရင်းမှာ သင်တို့အတွင်းတွင် စာတန်၏အဆိပ်ရှိခြင်းကြောင့် ဖြစ်ကြောင်း ယခုတွင် သင်တို့အားလုံး နားလည်လာကြပြီ။ စာတန်၏အဆိပ်မှာ မည်သည့်အရာဖြစ်ကြောင်းနှင့် ပတ်သက်၍၊ ယင်းကို စကားလုံးများဖြင့် အပြည့်အဝ ဖော်ပြနိုင်၏။ ဥပမာအားဖြင့်၊ မကောင်းမှုပြုသူအချို့ကို သူတို့သည် ၎င်းတို့ ပြုခဲ့သည့်ပုံစံ အဘယ်ကြောင့် ပြုကြသည်ကို သင်မေးပါက၊ သူတို့က ‘လူတိုင်း ကိုယ့်အတွက်သာ ကိုယ်ကြည့်ပြီး၊ ဘယ်သူသေသေ ငတေမာပြီးရော ဖြစ်သောကြောင့်’ ဟု ဖြေကြလိမ့်မည်။ ဤတစ်ခုတည်းသောစကားစုက ပြဿနာ၏ တကယ့်အရင်းအမြစ်ကို ဖော်ပြလေသည်။ စာတန်၏ တွေးခေါ်မှုစနစ်သည် လူသားတို့၏ အသက်တာများ ဖြစ်လာပြီဖြစ်သည်။ သူတို့သည် အမှုအရာများကို ဤရည်ရွယ်ချက် သို့မဟုတ် ထိုရည်ရွယ်ချက်အတွက် ပြုလုပ်ကောင်းပြုလုပ်ကြသော်လည်း၊ ထိုသူတို့သည် ယင်းကို မိမိတို့အတွက်သာ ပြုကြခြင်းဖြစ်သည်။ ကိုယ့်အတွက်သာ ကိုယ်ကြည့်၊ ဘယ်သူသေသေ ငတေမာပြီးရော ဖြစ်သောကြောင့်၊ သူတို့သည် မိမိတို့၏ကိုယ်ပိုင် အကျိုးအတွက်သာ အသက်ရှင်သင့်ပြီး၊ အစားအစာနှင့် ကောင်းမွန်သော အဝတ်အစားအတွက် ရာထူးကောင်းတစ်နေရာ ရရှိရန် သူတို့ အရာရာကို အစွမ်းကုန် ကြိုးစားလုပ်ဆောင်သင့်သည်ဟု အယောက်တိုင်းက ထင်မှတ်ကြသည်။ ‘ကိုယ့်အတွက်ပဲ ကိုယ်ကြည့်၊ ဘယ်သူသေသေ ငတေမာပြီးရော’ ဟူသော ဤအရာမှာ လူသား၏အသက်နှင့် ဒဿနအမြင်ဖြစ်ပြီး ၎င်းက လူသား၏ သဘာဝဗီဇကိုလည်း ကိုယ်စားပြုလေသည်။ စာတန်၏ ဤစကားများမှာ အတိအကျဆိုရလျှင် စာတန်၏ အဆိပ်ဖြစ်ပြီး၊ လူတို့က ယင်းကို နှလုံးသွင်းကြသည့်အခါတွင်၊ ယင်းသည် သူတို့၏ သဘာဝဗီဇ ဖြစ်လာသည်။ စာတန်၏ သဘာဝဗီဇမှာ ဤစကားလုံးများအားဖြင့် ထုတ်ဖော်ခြင်းခံရသည်။ ယင်းတို့က ၎င်းကို လုံးလုံး ကိုယ်စားပြု၏။ ဤအဆိပ်သည် လူတို့၏ အသက်များဖြစ်လာသည့်အပြင်၊ သူတို့တည်ရှိမှု၏ အခြေခံအုတ်မြစ်ဖြစ်လာပြီး ဖောက်ပြန်ပျက်စီးသော လူသားမျိုးနွယ်က နှစ်ထောင်ချီ၍ ဤအဆိပ်၏ အုပ်စိုးခြင်းကို မပြောင်းမလဲ ခံလာရပြီဖြစ်သည်။” (ခရစ်တော်၏ပြောဆိုချက် မှတ်တမ်းများ)

ဘုရားနှုတ်ကပတ်တော်တွေက ပြောတာက လူသားမျိုးနွယ်က စာတန်ရဲ့ ဖျက်ဆီးခံရပြီးနောက်မှာ၊ ဆိုးယုတ်တဲ့အဆိပ်မျိုးစုံက ကျွန်မတို့ရဲ့ စိတ်နှလုံးတွေထဲမှာ နေရာယူပြီး ကျွန်မတို့ရဲ့ သဘာဝ ဖြစ်လာခဲ့တယ်တဲ့။ “ကိုယ့်အတွက်ပဲ ကိုယ်ကြည့်။ ဘယ်သူသေသေ ငတေမာပြီးရော” ဆိုတာမျိုးပေါ့။ လူတိုင်းက ဒီဆိုးယုတ်တဲ့အဆိပ်နဲ့ အသက်ရှင်ကြတယ်၊ ကျွန်မတို့လုပ်သမျှက ကျွန်မတို့ ကိုယ်ပိုင် အကျိုးအမြတ်အတွက်ဘဲ၊ ပြီးတော့ ဒါက မှန်ကန် သင့်တော်တယ်လို့ ကျွန်မတို့က ထင်ကြတယ်၊ ဒါကြောင့် ကျွန်မတို့က ပိုပို အတ္တကြီးလာပြီး လှည့်စားတတ်လာတယ်။ ကျွန်မ ကိုယ့်ကိုယ်ကိုယ် ပြန်သုံးသပ်ခဲ့တယ်။ ‌ခေါင်းဆောင်က လူတွေကို ကျွန်မရဲ့ အသင်းတော်ကနေ ရွှေ့ပြောင်းတုန်းက၊ အဲဒါကို ကျွန်မ ဆန့်ကျင်ပြီး ဟန့်တားဖို့ကြိုးစားခဲ့တာဟာ လိမ်လည်တတ်တဲ့ဆီအထိတောင် ရောက်ခဲ့တယ်။ လူတွေကို ကျွန်မနဲ့ သက်ဆိုင်သလို ဆက်ဆံခဲ့ပြီး၊ သူတို့ကို ဘုရားအိမ်တော်ကို ပေးဖို့ ငြင်းဆန်ခဲ့တယ်။ ကျွန်မက အရမ်းကို အတ္တကြီးပြီး စက်ဆုပ်ရွံရှာစရာကောင်းတယ်၊ လုံးဝ ကျိုးကြောင်းသင့်လျော်မှုမရှိဘူး။ ဘုရားအိမ်တော်ရဲ့ အမှုတော်ကို ကျွန်မ နှောင့်ယှက်ခဲ့တယ်။ သခင်ယေရှု အမှုပြုဖို့ ကြွလာတုန်းက၊ ဖာရိရှဲတွေက လူတွေ သူ့နောက်လိုက်တာကို တားဆီးပြီး သူတို့ရဲ့ ရာထူးအဆင့်အတန်းတွေနဲ့ အသက်မွေးမှုတွေကို ကာကွယ်ဖို့ ကြိုးစားခဲ့ကြတယ်။ သူတို့က ယုံကြည်သူတွေကို သူတို့ကိုယ်ပိုင်လို ဆက်ဆံခဲ့ပြီး၊ အဲဒီလူတွေအတွက် သခင်နဲ့ ယှဉ်ပြိုင်ခဲ့ကြတယ်။ အဆုံးမှာ သူတို့က ဘုရားသခင်ကို ပုန်ကန်ပြစ်မှားခဲ့ပြီး ဘုရားသခင်က သူတို့ကို အပြစ်ဒဏ်ပေးခဲ့တယ်။ ကျွန်မပြုမူခဲ့တာကရော ဖာရိရှဲတွေနဲ့ ဘယ်လိုကွဲပြားမှု တစ်ခုတစ်လေ ရှိလို့လဲ။ ညီအစ်ကိုမောင်နှမတွေက ဘုရားသခင်ရဲ့ သိုးတွေဖြစ်ပြီး ဘုရားအိမ်တော်က ဆန္ဒရှိတဲ့အတိုင်း သူတို့ကို နေရာချထားခွင့်ရှိတယ်။ ကျွန်မက ဝင်စွက်ဖက်ဖို့ အခွင့်မရှိဘူး။ အသင်းတော် ခေါင်းဆောင်တစ်ယောက်အနေနဲ့၊ ကျွန်မရဲ့ တာဝန်ကို ဘုရားအိမ်တော် လိုအပ်တဲ့အတိုင်း၊ ပြီးတော့ စည်းမျဉ်းတွေနဲ့အညီ ကျွန်မ ထမ်းဆောင်သင့်တယ်၊ ပြဿနာတွေကို ဖြေရှင်းဖို့ သမ္မာတရားကို မိတ်သဟာယပြုပြီး လူတွေကို လေ့ကျင့်ပေးသင့်တယ်။ ဒါဟာ ကျွန်မရဲ့ တာဝန်၊ ကျွန်မရဲ့ ဝတ္တရားပဲ။ ဒါပေမဲ့ ကျွန်မက ဘုရားရဲ့အလိုတော်ကို အရေးမထားခဲ့သလို လူတွေကိုလည်း စည်းမျဉ်းနဲ့အညီ နေရာမချပေးခဲ့ဘူး။ နောက်ထပ်လူတွေကို လေ့ကျင့်ပေးဖို့ ကြိုးစားအားထုတ်ရာမှာ လိုလိုလားလား မရှိခဲ့ဘူး။ ပါရမီရှိတယ်လို့ ကျွန်မ သိထားတဲ့သူတွေကို ကျွန်မ စာရင်းမပေးခဲ့ဘဲ၊ ကျွန်မရဲ့ ဂုဏ်အတွက် သူတို့ကို အလုပ်လုပ်ခိုင်းပြီး အစေခံခိုင်းရင်း၊ သူတို့ကို ကျွန်မရဲ့ ထိန်းချုပ်မှုအောက်မှာထားဖို့ ကြိုးစားခဲ့တယ်၊ ကျွန်မက ဘုရားအိမ်တော်ကို ဆန့်ကျင်ရာမှာ ကိုယ့်အမှုအရာတွေပဲ လုပ်နေခဲ့တာ မဟုတ်ဘူးလား။ ကျွန်မက ဘုရားသခင်ကို အာခံနေခဲ့ပြီး အန္တိခရစ်တွေရဲ့ လမ်းကြောင်းကို လျှောက်နေခဲ့တယ်။ ဒီအတွေးမှာ ကျွန်မ ကြောက်သွားတယ်၊ ပြီးတော့ ကျွန်မကို ဘုရားသခင် ဆုံးမပဲ့ပြင်ချိန်မှာ ဆုံးမပဲ့ပြင်ခဲ့တဲ့အတွက်နဲ့ ကျွန်မ မကောင်းမှုလုပ်တာကို တားဆီးခဲ့တဲ့အတွက် ကျွန်မ ဘုရားသခင်ကို ကျေးဇူးတင်ခဲ့တယ်။

‌နောက်ပိုင်းမှာ နောက်ထပ် ဘုရားနှုတ်ကပတ်တော်တွေ ရွတ်ဖတ်ပြခြင်း ဗီဒီယိုတစ်ခုကို ကျွန်မ ကြည့်ခဲ့တယ်။ “လူသားမျိုးနွယ်၏ စိတ်ခံစားမှုများမှာ တစ်ကိုယ်ကောင်းဆန်ပြီး အမှောင်လောကနှင့် သက်ဆိုင်သည်။ ၎င်းတို့သည် ဘုရားသခင်၏ အစီအစဉ်အလို့ငှာ တည်ရှိဖို့ဝေးစွ၊ ဘုရားသခင်၏ အလိုတော်အတွက်ပင် မတည်ရှိပေ၊ ထို့ကြောင့် လူသားနှင့် ဘုရားသခင်ကို တစ်ချိန်တည်းတွင် အတူပြော၍ မရနိုင်ချေ။ ဘုရားသခင်သည် အစဉ်အမြဲ အထွတ်အထိပ်ဖြစ်၍ အမြဲဂုဏ်သရေရှိသည်၊ လူသားမှာမူ အစဉ်အမြဲ ယုတ်ညံ့၍ အစဉ်အမြဲ သုံးမရပေ။ ဤသို့ဖြစ်ရခြင်းမှာ ဘုရားသခင်သည် လူသားမျိုးနွယ်အတွက် စွန့်လွှတ်မှုများ အမြဲပြုပေးကာ သူ့ကိုယ်သူ ပေးအပ်မြှုပ်နှံထားသောကြောင့် ဖြစ်သည်၊ သို့သော်လည်း လူသားမှာမူ အစဉ်အမြဲ မိမိအတွက်သာလျှင် ရယူပြီး ကြိုးပမ်းလေ၏။ ဘုရားသခင်သည် လူသားမျိုးနွယ်၏ ရှင်သန်ရေးအတွက် အစဉ်အမြဲ အပတ်တကုတ် ကြိုးပမ်းနေသော်လည်း လူသားကမူ အလင်းအတွက်၊ သို့မဟုတ် ဖြောင့်မတ်ခြင်းအတွက် မည်သည့်အရာကိုမျှ လုံးဝမထောက်ကူပေးပေ။ လူသားအနေဖြင့် တစ်ခဏတာမျှ လုံ့လစိုက်ထုတ်လျှင်ပင် ထိုလုံ့လမှာ အားနည်းလွန်း လှသောကြောင့် ထိုးနှက်ချက် တစ်ခုကိုမျှပင် ခံနိုင်မည်မဟုတ်ပေ၊ အကြောင်းမှာ လူသား၏လုံ့လသည် သူ့ကိုယ်ပိုင်အကျိုးအတွက်သာ အစဉ်အမြဲ ဖြစ်နေပြီး အခြားသူများအတွက် မဟုတ်သောကြောင့်ပင် ဖြစ်သည်။ လူသားသည် အစဉ်အမြဲ တစ်ကိုယ်ကောင်းဆန်၏၊ ဘုရားသခင်ကမူ အစဉ်အမြဲ ကိုယ်ကျိုးမငဲ့ပေ။ ဘုရားသခင်သည် တရားမျှတသောအရာ၊ ကောင်းသောအရာနှင့် လှပသောအရာအားလုံး၏ အရင်းအမြစ်ဖြစ်ပြီး လူသားမှာမူ အကျည်းတန်ပြီး ဆိုးယုတ်သော အရာအားလုံးကို ဆက်ခံကာ ထင်ရှားအောင် ပြုလုပ်သူဖြစ်၏။ ဘုရားသခင်သည် သူ၏ဖြောင့်မတ်ပြီး လှပသည့် အနှစ်သာရကို မည်သည့်အခါမျှ ပြောင်းလဲမည် မဟုတ်ပေ၊ သို့သော် လူသားကမူ အချိန်မရွေး၊ အခြေအနေမရွေး၌ ဖြောင့်မတ်ခြင်းကို သစ္စာဖောက်ကာ ဘုရားသခင်ထံမှ လမ်းလွဲသွားကြရန် ကောင်းကောင်းတတ်နိုင်၏။” (နှုတ်ကပတ်တော်သည် လူ့ဇာတိ၌ ပေါ်လာ၏) ဘုရားသခင်က အတ္တကင်းတဲ့အကြောင်း ဘုရားနှုတ်ကပတ်တော်တွေက ကျွန်မကို ပြခဲ့တယ်။ သူလုပ်သမျှက ကျွန်မတို့ကို ကယ်တင်ဖို့ လုပ်ဆောင်တာဖြစ်တယ်၊ အဲဒါတွေအားလုံးက ကျွန်မတို့ကို အကျိုးဖြစ်ထွန်းစေတယ်။ ဘုရားအိမ်တော်က အစွမ်းအစရှိတဲ့ သမ္မာတရားကို ရှာဖွေတဲ့သူတွေ လက်တွေ့လုပ်ဆောင်မှု ပိုလုပ်နိုင်ဖို့နဲ့ အဆုံးသတ်မှာ ဘုရားရဲ့ စေခိုင်းချက်တာဝန်ကို တာဝန်ယူဆောင်ရွက်နိုင်စေဖို့ ‌ထောက်ကူအားပေးပြီး လေ့ကျင့်ပေးတယ်။ ဒါက ညီအစ်ကိုမောင်နှမတွေနဲ့ ဘုရားအိမ်တော်ကို အကျိုးဖြစ်ထွန်းစေတယ်။ ကျွန်မအတွက်ကတော့၊ ဘုရားနှုတ်ကပတ်တော်တွေရဲ့ ရေလောင်းခြင်းနဲ့ အာဟာရတို့အပြင်၊ ဘုရားအိမ်တော်က လေ့ကျင့်ပေးခြင်းကို အခမဲ့ ရရှိခဲ့တယ်၊ ဒါပေမဲ့ ဘုရားချစ်ခြင်းကို ပြန်ပေးဆပ်ဖို့ ကိုယ့်တာဝန်ကို ထမ်းဆောင်ဖို့အကြောင်း ကျွန်မ မတွေးခဲ့ဘူး။ လူတွေကို ကျွန်မထိန်းချုပ်မှုအောက်မှာ ဘယ်လိုထားရမလဲဆိုတာသာ ကျွန်မ တွေးခဲ့တယ်။ ကျွန်မရဲ့ ဂုဏ်နဲ့ ရာထူးအဆင့်အတန်းအတွက်၊ ဘုရားအိမ်တော်က လူတွေကို လေ့ကျင့်ပေးတာကို နှောင့်ယှက်ဖို့ ကျွန်မ ဝန်မလေးခဲ့ဘူး၊ အဲဒါဟာ အဲဒီအမှုတော်ကို ဆိုင်းငံ့စေခဲ့တယ်။ ကျွန်မက အရမ်းအတ္တကြီးပြီး မလိုမုန်းထားစိတ်ရှိတယ်၊ ဘုရား ရှေ့တော်မှောက်မှာ အသက်ရှင်ဖို့ မလျော်ကန်ဘူး။ အဲဒီနည်းလမ်းနဲ့ ကျွန်မ ရှေ့ဆက်သွားလို့မရဘူးဆိုတာ ကျွန်မ သိခဲ့တယ်။ ကျွန်မက ဘုရားအိမ်တော်ကို ပါရမီရှိတဲ့လူတွေနဲ့ ထောက်ကူခဲ့ရမှာ ဖြစ်တယ်၊ ဒါမှသာ ပိုများတဲ့ ညီအစ်ကိုမောင်နှမတွေက သင့်တော်တဲ့နေရာမှာ သူတို့လုပ်ရမဲ့တာဝန်ကို လုပ်ဆောင်နိုင်မှာ ဖြစ်တယ်။ ကျွန်မ မှန်မှန်ကန်ကန် တွေးလာတာနဲ့တစ်ပြိုင်နက်၊ အစ်မလီရဲ့အလုပ်ကို တာဝန်ယူထမ်းဆောင်ဖို့ တစ်ယောက်ယောက်ကို ကျွန်မ မြန်မြန်ရှာလိုက်တယ်၊ ပြီးတော့ ဘုရားသခင်ကို ကျေးဇူးတော်ချီးမွမ်းခဲ့တယ်။ လူသစ်က စည်းမျဉ်းတွေကို မသိဘဲ၊ ကျွန်မ အလုပ်ပိုကြိုးစားရလည်း၊ ကျွန်မက ငြိမ်သက်ပြီး စိတ်အေးသက်သာ ရှိခဲ့တယ်။ ကျွန်မလုပ်နိုင်သမျှ လုပ်ရာမှာ ပေးဆပ်ရဖို့ လိုလိုလားလားရှိခဲ့တယ်၊ ပြီးတော့ ကျွန်မတို့ အသင်းတော်အလုပ်ကို ပိုကောင်းအောင် လုပ်ဖို့ ကျွန်မရဲ့ ညီအစ်ကိုမောင်နှမတွေနဲ့ ဆုတောင်းခဲ့တယ်။

သီတင်းနှစ်ပတ်ကြာပြီးတော့၊ ကျွန်မရဲ့ ခေါင်းဆောင်က ပြောခဲ့တယ်၊ “အစ်မကျောက်ကို နောက်အသင်းတော်တစ်ခုမှာ ဆောင်းပါးမူကြမ်းတွေ သွားတည်းဖြတ် ပေးဖို့ လိုတယ်။” တဲ့။ ဒါကို ကြားပြီးတော့၊ ကျွန်မ တွေးခဲ့တယ်၊ “ငါဟာ ဘုရားအိမ်တော်ရဲ့ အမှုတော် အဘက်ဘက်ကို စဉ်းစားဆင်ခြင်ရမယ်။ ငါ နောက်ထပ် အတ္တကြီးလို့မရတော့ဘူး။ ဒါပေမဲ့လည်း၊ ဒီအလုပ်ကိုလုပ်ဖို့ နောက်ထပ် အစ်မတစ်ယောက်ကို စလေ့ကျင့်ပေးရုံပဲ ရှိသေးတယ်၊ ပြီးတော့ သူက စည်းမျဉ်းတွေလည်း မသိဘူး။ ကျွန်မတို့အလုပ်က ထိခိုက်နစ်နာရကိန်းရှိတယ်။ အစ်မကျောက်က သူရှိတဲ့နေရာမှာ နေရင် ပိုကောင်းတယ်။” ပေါ့။ ကျွန်မဟာ ကိုယ့်အကျိုးစီးပွားတွေကို ထပ်ကြည့်နေပြန်ပြီဆိုတာ သဘောပေါက်လိုက်တယ်။ ကျွန်မက အသင်းတော် အလုပ်ကို အကြိမ်ကြိမ် နှောင့်ယှက်ပြီး ဘုရားစိတ်သဘောထားကို ပုန်ကန်ပြစ်မှားရင်း၊ အန္တိခရစ်တွေရဲ့ လမ်းကြောင်းမှာ လျှောက်ခဲ့ပုံကို တွေးမိတယ်။ ကျွန်မ အရမ်းကြောက်ခဲ့ရတယ်။ အဲဒီနောက်မှာပဲ၊ ဘုရားနှုတ်ကပတ်တော်တွေက စိတ်ထဲကို ရောက်လာတယ်။ “သင်၏အကျိုးအတွက်သာ အစဉ်မလုပ်ဆောင်နှင့်၊ ပြီးလျှင် သင်၏ ကိုယ်ပိုင် အကျိုးစီးပွားကို စဉ်ဆက်မပြတ် ထည့်သွင်းမစဉ်းစားနှင့်။ သင်၏ ကိုယ်ပိုင်အဆင့်အတန်း၊ သိက္ခာ၊ သို့မဟုတ် ဂုဏ်သတင်းကို မစဉ်းစားနှင့်။ လူ၏ အကျိုးစီးပွားများကိုလည်း ထည့်သွင်းမစဉ်းစားနှင့်။ သင်သည် ပထမဦးစွာ ဘုရားသခင်၏အိမ်တော်၏အကျိုးများကို စဉ်းစားရမည်ဖြစ်ပြီး ယင်းတို့ကို သင်၏ဦးစားပေးချက် ဖြစ်စေရမည်၊ သင်သည် ဘုရားသခင်၏အလိုတော်ကို အရေးထားသင့်ပြီး၊ သင်၏ တာဝန်ကို ဖြည့်ဆည်းရာတွင် သင်သည် မစင်ကြယ်မှု ရှိခဲ့သည် မရှိခဲ့သည်၊ သစ္စာရှိဖို့ သင် အစွမ်းကုန် လုပ်ဆောင်ပြီးခြင်း ရှိမရှိ၊ သင်၏ တာဝန်များကို ဖြည့်ဆည်းရန် အကောင်းဆုံး သင် လုပ်ဆောင်ပြီး သင်၏အရာအားလုံး ပေးပြီးခြင်း ရှိမရှိဆိုသည်အပြင်၊ သင်၏ တာဝန်နှင့် ဘုရားအိမ်တော်၏ အမှုကို စိတ်နှလုံးအကြွင်းမဲ့ဖြင့် ဆင်ခြင်ခဲ့ခြင်း ရှိမရှိ ဆိုသည်တို့ကို ချင့်ချိန်စဉ်းစားခြင်းဖြင့် အစပြုသင့်သည်။ ဤအရာများကို သင် ထည်သွင်းစဉ်းစားရမည်။ ယင်းတို့ကို မကြာခဏ တွေးလော့၊ ပြီးလျှင် သင်၏တာဝန်ကို ကောင်းစွာ ထမ်းဆောင်ရန် သင့်အတွက် သာ၍ လွယ်ကူလိမ့်မည်။ သင်၏အရည်အချင်း ညံ့ဖျင်းပါက၊ သင်၏အတွေ့အကြုံ ပေါ့တန်ပါက သို့မဟုတ် သင်၏ အသက်မွေးမှု အလုပ်တွင် မကျွမ်းကျင်ပါက၊ သင်၏အလုပ်၌ အမှားအယွင်းများ သို့မဟုတ် အပြစ်အနာအဆာများ အချို့ ရှိကောင်းရှိနိုင်ပြီး၊ ရလဒ်များမှာလည်း အလွန်ကောင်းချင်မှ ကောင်းပေမည်- သို့သော် သင်သည် သင်၏ အကောင်းဆုံး အားထုတ်မှုကို ပေးပြီးဖြစ်ပေလိမ့်မည်။ သင် လုပ်ဆောင်သောအရာများ၌ သင်၏ ကိုယ်ပိုင် တစ်ကိုယ်ကောင်းဆန်သော စိတ်ဆန္ဒများကို စဉ်းစားခြင်းမရှိ သို့မဟုတ် သင်၏အကျိုးကို ထည့်သွင်းစဉ်းစားခြင်း မပြုသကဲ့သို့၊ ထိုသို့ပြုမည့်အစား ဘုရားသခင်၏အိမ်တော်၏ အလုပ်ကို စဉ်ဆက်မပြတ် ထည့်သွင်းစဉ်းစားပြီး၊ ယင်း၏ အကျိုးများကို စဉ်းစားနေကာ၊ သင်၏တာဝန်ကို ကောင်းစွာထမ်းဆောင်သောအခါ၊ သင်သည် ဘုရားသခင်ရှေ့၌ ကောင်းသောအကျင့်များကို စုဆောင်းနေခြင်း ဖြစ်လိမ့်မည်။ ဤကောင်းသော လုပ်ဆောင်ချက်များ ရှိကြသောလူများသည် သမ္မာတရား စစ်မှန်မှုကို ပိုင်ဆိုင်သောသူများ ဖြစ်သည်၊ ထိုသို့ဖြင့် ၎င်းတို့သည် သက်သေခံကြပြီး ဖြစ်သည်။” (ခရစ်တော်၏ပြောဆိုချက် မှတ်တမ်းများ) ဘုရားနှုတ်ကပတ်တော်တွေက ကျွန်မကို လက်တွေ့လုပ်ဆောင်ဖို့ လမ်းကြောင်းပေးခဲ့တယ်။ ကျွန်မက ဘုရားအလိုတော်နဲ့ အသင်းတော် အလုပ်ကို သတိရှိဖို့ပဲ လိုခဲ့တာပါ။ ကျွန်မက အတ္တကြီးလို့၊ အရည်အချင်းကို ကိုယ့်အတွက်ပဲ သိမ်းထားဖို့ ကြိုးစားလို့ မရတော့ဘူး။ အဲဒါကြောင့် ကျွန်မ ဘုရားသခင်ဆီကို ဆုတောင်းလျှောက်ခဲ့တယ်။ “ချစ်ရသော ဘုရားသခင်၊ ကျွန်မက အရမ်း အတ္တကြီးပြီး ယုတ်မာနေခဲ့ပါတယ်၊ ဘုရားအိမ်တော်က လူတွေကို ထောက်ကူပေးတာကနေ ကျွန်မ အမြဲတမ်း တားဆီးပြီး အသင်းတော် အလုပ်ကို ထိခိုက်ခဲ့တယ်။ ကိုယ်တော့်ကို ကျွန်မ နောက်ထပ် မဆန့်ကျင်ချင်တော့ပါဘူး။ ကျွန်မရဲ့ ဇာတိပကတိကို စွန့်လွှတ်ပြီး သမ္မာတရားကို လက်တွေ့လုပ်ဆောင်ဖို့ ကျေးဇူးပြုပြီး ကျွန်မကို လမ်းပြတော်မူပါ...” ပေါ့။ ဆုတောင်းပြီးနောက်မှာ၊ အစ်မကျောက်ဆီကို သွားပြီး သူ့ရဲ့ ရွှေ့ပြောင်းမှုအကြောင်း ကျွန်မ ပြောခဲ့တယ်။ သူက ရွှေ့ပြောင်းခံရပေမဲ့လည်း၊ ကျွန်မ အရင်ကလောက် စိတ်မဆိုးတော့ဘူး။ အဲဒီအစား ဒီလိုအရည်အချင်းကို ဘုရားအိမ်တော်ကို ကျွန်မ ဖြည့်ဆည်းနိုင်တာက ဘုရားသခင်ရဲ့ ကြင်နာခြင်းနဲ့ ကောင်းချီးမင်္ဂလာတို့ဖြစ်တယ်ဆိုတာ ကျွန်မ ခံစားခဲ့ရတယ်။ ကျွန်မရဲ့ ကိုယ်ပိုင်တာဝန်ကိုလည်း ကျွန်မ လုပ်နိုင်ခဲ့ပြီး ကျွန်မရဲ့ စိတ်နှလုံးက ငြိမ်သက်ခြင်းနဲ့ ဝမ်းမြောက်ခြင်းတို့နဲ့ပြည့်နေခဲ့တယ်။ အနန္တတန်ခိုးရှင် ဘုရားသခင်ကို ကျေးဇူးတော်ချီးမွမ်းပါတယ်။

အရှေ့သို့- ၃၈။ ဂုဏ်အဆင့်အတန်းမှ လွတ်မြောက်မှုကို ရှာဖွေခြင်း

နောက်တစ်ခုသို့- ၄၀။ မနာလိုစိတ်အတွက် ကုထုံးတစ်ခု

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၇၅။ ကျွန်မ ကြုံခဲ့ရသော စမ်းသပ်မှု

တရုတ်နိုင်ငံ ကျိလင် စီရင်စု၊ ကျုံးရှင်းအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက်...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်