၇၇။ စမ်းသပ်ခြင်းတစ်ခုမှ ရိတ်သိမ်းရရှိခဲ့သော သီးနှံ

တရုတ်နိုင်ငံ ဟဲနန် စီရင်စု၊ ကျန်းလိ

၂၀၀၇ ခုနှစ်က ကျွန်မ ဘဝအတွက် တကယ်ကို ကြီးမားတဲ့ အပြောင်းအလဲတစ်ခုပါ။ အဲဒီနှစ်မှာ ကျွန်မ အမျိုးသားက ကားအက်စီးဒင့်ဖြစ်ပြီး အိပ်ရာထဲ လှဲသွားခဲ့တယ်။ ကျွန်မတို့ ကလေးနှစ်ယောက်က ငယ်သေးတယ်။ ကျွန်မတို့ မိသားစုအတွက် ခက်ခဲတဲ့ အချိန်ကာလပဲ။ ကျွန်မအတွက် တော်တော် ခက်ခဲတယ်။ ဘယ်လို ဖြတ်သန်းရမယ်ဆိုတာ ကျွန်မ လုံးဝ မသိခဲ့ဘူး။ အဲဒီနောက်မှာ ကျွန်မ အနန္တတန်ခိုးရှင်ဘုရားသခင်ရဲ့ နောက်ဆုံးသောကာလ အမှုတော်ကို လက်ခံခဲ့တယ်။ ကျွန်မတို့အားလုံးဟာ ဘုရားသခင်အပေါ် ကျွန်မတို့ ဘဝတွေကို ပေးဆပ်ရမယ်၊ ကျွန်မတို့ ကံကြမ္မာတွေက သူ့လက်ထဲမှာရှိတယ်၊ ကောင်းမွန်တဲ့ ကံကြမ္မာရှိဖို့အတွက် ဘုရားသခင်ကို ကိုးကွယ်ယုံကြည်ရမယ်ဆိုတာ ဘုရားနှုတ်ကပတ်တော်တွေကို ဖတ်ပြီး ကျွန်မ သိခဲ့ရပါတယ်။ ကျွန်မ မှီခိုနိုင်တဲ့အရာတစ်ခုကို ကျွန်မ တွေ့ခဲ့ပါတယ်။ အစည်းအးဝေးတွေကို ကျွန်မ ပုံမှန် စတက်ခဲ့ပြီး ဘုရားသခင်ရဲ့ နှုတ်ကပတ်တော်တွေကို ဖတ်ပြီး ဆုတောင်းဖို့ ကျွန်မ ကလေးတွေကို ခေါ်သွားတယ်။ သိပ်မကြာခင်မှာ အသင်းတော်မှာ ကျွန်မ တာဝန်ထမ်းဆောင်ခဲ့ပါတယ်။

ကျွန်မ အသင်းတော်ခေါင်းဆောင်အဖြစ် ရွေးချယ်ခံခဲ့ရပြီးတော့ ဘုရားသခင်ရဲ့ ကျေးဇူးတော်ကို ချီးမွမ်းခဲ့ပါတယ်။ ကျွန်မ ကိုယ့်ဘာသာ တွေးမိတယ်။ “ငါက ယုံကြည်ခြင်းမှာ တော်တော်ကို အသစ်ဖြစ်နေတာတောင် အသင်းတော်ခေါင်းဆောင်အဖြစ် ရွေးချယ်ခံခဲ့ရတယ်။ သမ္မာတရားကို လိုက်စားရမှာ ငါ တော်မှဖြစ်မယ်။ ငါ့တာဝန်ကို ကောင်းကောင်းလုပ်ရမယ်။ ဘာပဲဖြစ်နေဖြစ်နေ လုပ်ရမယ်။ ဒါဆိုရင် ငါ သေချာပေါက် ကယ်တင်ခံရမှာပဲ” ပေါ့။ ဒီလို စဉ်းစားမိတာက ကျွန်မ တာဝန်မှာ တော်တော်ကို တွန်းအားဖြစ်စေခဲ့တယ်။ ဧဝံဂေလိ ဟောပြီး ကိုယ့်တာဝန်ကို ထမ်းဆောင်ရင်းနဲ့ ကျွန်မရဲ့အချိန်အများစုကို ကုန်ဆုံးစေခဲ့ပါတယ်။ ကျွန်မ မိတ်ဆွေတွေနဲ့ ဆွေမျိုးတွေက ကျွန်မရဲ့ ယုံကြည်မှုကို ဆန့်ကျင်ကြတယ်။ အိမ်နီးနားချင်းတွေက အသရေဖျက်ပြီး လှောင်ပြောင်ကြတယ်။ အဲဒီအချိန်မှာ ကျွန်မ နည်းနည်း အားလျော့လာတယ်။ ဒါပေမဲ့ ဒါကြောင့်မို့ ကျွန်မ တာဝန်ထမ်းဆောင်တာကို မရပ်ခဲ့ပါဘူး။ ကျွန်မ အမျိုးသားလည်း ဘုရားသခင်ရဲ့ နောက်ဆုံးသောကာလ အမှုတော်ကို လက်ခံခဲ့ပြီး နောက်ပိုင်းမှာ သူ့တာဝန်ကိုလည်း စတင် ထမ်းဆောင်ခဲ့ပါတယ်။ ဒါကြောင့်မို့ ကျွန်မ တော်တော်ပျော်ခဲ့ရတယ်။ ကျွန်မ စဉ်းစားတယ်။ “ကျွန်မတို့ တာဝန်ကို ကောင်းကောင်းလုပ်ပြီး ဘုရားသခင်အတွက် စွန့်လွှတ်အနစ်နာခံသရွေ့ ဘုရားသခင်ရဲ့ ကောင်းချီးကို ကျွန်မတို့ ခံစားရမှာပဲ” ပေါ့။ အထူးသဖြင့် ကျွန်မက ဒုက္ခခံပြီး အဖိုးအခ ပေးဆပ်တယ်၊ ဘုရားသခင်ရဲ့ ကယ်တင်ခြင်းကို ကျွန်မ သေချာပေါက် ခံရမှာပဲဆိုပြီး ညီအစ်ကို မောင်နှမတွေက ပြောတဲ့အခါမှာ ကျွန်မ တော်တော်ပျော်ပြီး ဘုရားသခင်အတွက် အလုပ်လုပ်ဖို့ အများကြီးပိုပြီး တွန်းအားဖြစ်ခဲ့တယ်။

၂၀၁၂ခုနှစ်ရဲ့ နေ့တစ်နေ့မှာ ကျွန်မ ရင်ဘတ်မှာ နည်းနည်းနာတဲ့ အခဲတစ်ခု တွေ့တယ်။ အရေးကြီးတဲ့ဟာတစ်ခုခုဖြစ်နေမှာကို ကျွန်မ စိုးရိမ်လာတယ်။ ဒါပေမဲ့ ကျွန်မ တွေးမိတယ်။ “မဖြစ်နိုင်ပါဘူး။ အသင်းတော်မှာ ငါ့တာဝန်ကို နေ့တိုင်း ထမ်းဆောင်တာပဲ။ ဘုရားသခင်အတွက် တကယ် စွန့်လွှတ်အနစ်နာခံတဲ့သူတစ်ယောက်အပေါ် ဘုရားက အဲဒီလို လုပ်မှာမဟုတ်ဘူး။ ဘုရားသခင်ရဲ့ ကွယ်ကာမှုနဲ့ ငါ အရမ်းကြီး နာမကျန်းဖြစ်မှာမဟုတ်ပါဘူး။” ပေါ့။ ဒီလို စဉ်းစားရင်းနဲ့ ကျွန်မရဲ့ ပူပန်မှုက ပျောက်သွားပြီး ခါတိုင်းလိုပဲ ကျွန်မ တာဝန်ကို ဆက်ထမ်းဆောင်ခဲ့တယ်။ စီစီပီရဲ့ ယုံကြည်သူတွေအပေါ် ဖိနှိပ်မှုက ၂၀၁၃ ခုနှစ်မှာ ပိုပိုပြီး ဆိုးလာခဲ့တယ်။ ကျွန်မ အမျိုးသားနဲ့ ကျွန်မက ဧဝံဂေလိဖြန့်ဝေတာကြောင့် ကိုယ့်ဒေသမှာ လူသိများကြတယ်။ အဖမ်းဆီးခံရမယ့် အန္တရာယ်ကို အမြဲတမ်း ကြုံနေရတယ်။ ကျွန်မတို့ တာဝန်ကို ဆက်ပြီး ထမ်းဆောင်နိုင်အောင်လို့ အိမ်ကနေ ထွက်ခဲ့ကြပြီး အဝေးကြီးကို ပြောင်းခဲ့ကြတယ်။ နောက်ပိုင်းမှာ ကျွန်မ ရင်ဘတ်က အခဲက ကြီးလာတာကို တွေ့ရပြီး ရောဂါတစ်မျိုးမျိုးဖြစ်နေမှာကို ကျွန်မ စိတ်ပူမိတယ်။ ဒါပေမဲ့ မကောင်းတာတွေ ဘာမှမဖြစ်တာ နှစ်ချီနေပြီးတော့ ဘုရားသခင်ကလည်း ကျွန်မကို သေချာပေါက် ကာကွယ်နေတယ်ဆိုပြီး စဉ်းစားမိတယ်။ ကျွန်မက ကိုယ့်တာဝန်ကို ကောင်းကောင်းထမ်းဆောင်ပြီး ပိုပြီး စွန့်လွှတ်အနစ်နာခံနေသရွေ့ ဘုရားသခင်က ကျွန်မကို သနားညှာတာမှာပဲ၊ အရမ်းကြီး နာမကျန်းဖြစ်မှာမဟုတ်ပါဘူးဆိုပြီး တွက်လိုက်တယ်။

၂၀၁၈ခုနှစ်မှာ ကျွန်မ စပြီး နေမကောင်းဖြစ်လာတယ်။ ကျွန်မ အမျိုးသားက ကျွန်မကို ဆေးစစ်ဖို့ ခေါ်သွားခဲ့တယ်။ ဆရာဝန်ကပြောတယ်။ ကျွန်မ ရင်ဘတ်က အခဲက ငန်းဥလောက် ကြီးလာနေပြီးတော့ အခြေအနေ မကောင်းဘူး တဲ့။ ချက်ချင်း ခွဲစိတ်တာက တော်တော် အန္တရာယ်များတယ်၊ မခွဲစိတ်ခင်မှာ အခဲက သေးသွားအောင်လို့ ဓာတုကုထုံးအရင်ယူရမယ်လို့ ပြောတယ်။ “အခြေအနေ မကောင်းဘူး”၊ “ဓာထုကုထုံးယူရမယ်” ဆိုတဲ့စကားတွေကို ကြားတဲ့အခါ ကျွန်မ တော်တော် ထိတ်လန့်သွားတယ်။ “ကင်ဆာရှိတဲ့သူတွေပဲ ဓာထုကုထုံးယူရတာ။ ငါက ကင်ဆာရှိနေပြီလား။ ငါ ငယ်ငယ်လေးနဲ့ သေရတော့မှာလား” ဆိုပြီး တွေးမိတယ်။ ကျွန်မ ယုံကို မယုံနိုင်ခဲ့ဘူး။ ဆေးရုံလျှောက်လမ်းမှာရှိတဲ့ ခုံရှည်ပေါ်ကို ကျွန်မ ပစ်ထိုင်ချလိုက်ပြီး ငိုချလိုက်မိတယ်။ ကျွန်မ အမျိုးသားက ကျွန်မကို နှစ်သိမ့်ဖို့ ကြိုးစားပြီး “ဒီ အစပိုင်း စစ်ဆေးချက်က သေချာပေါက် မှန်တာမျိုး မဟုတ်ပါဘူး။ မနက်ဖြန်ကျရင် နောက်ဆေးရုံတစ်ခုမှာ သွားစစ်ကြမယ်” ဆိုပြီး ပြောတယ်။

နောက်နေ့မှာ နောက်ဆေးရုံတစ်ခုကို ကျွန်မတို့ သွားကြပြီး ကျွန်မကို အသားတစ်ရှူးစစ်ပေးတယ်။ ဆရာဝန်က ကျွန်မ အမျိုးသားကိုပြောတယ်။ ကျွန်မ အခြေအနေက ဆိုးနေပြီး ဒါ ကင်ဆာဖြစ်နိုင်တယ်တဲ့။ ကျွန်မတို့ ဆက်စောင့်လို့မဖြစ်တော့ဘူး၊ နှစ်ရက်အတွင်းမှာ ခွဲစိတ်ခံရမယ်ဆိုပြီး သူကပြောတယ်။ သူ ဒီလိုပြောတာကို ကြားရတဲ့အခါမှာ ကျွန်မ လုံးဝ ပျော့ခွေသွားခဲ့ပြီး ကျွန်မ နှလုံးသားက အေးခဲသွားတယ်။ ကျွန်မ စဉ်းစားတယ်။ “ဒါ တကယ်ပဲ ကင်ဆာလား။ လူတွေက ကင်ဆာဖြစ်ပြီး သေကြတယ်။ ဘယ်လိုဖြစ်ပြီး ငါက ဒီလိုဖြစ်ရတာလဲ” ပေါ့။ ဒါပေမဲ့ ထပ်စဉ်းစားမိတယ်။ “မဖြစ်နိုင်ဘူး။ ငါက ယုံကြည်သူဖြစ်လာကတည်းက အမြဲတမ်း တာဝန်ထမ်းဆောင်တယ်။ စွန့်လွှတ်အနစ်နာခံတယ်။ ဒုက္ခခံပြီး အဖိုးအခပေးဆပ်တယ်။ သူများတွေရဲ့ လှောင်ပြောင်တာ၊ အသရေဖျက်တာတွေ၊ စီစီပီက ဖိနှိပ်တာ၊ လိုက်ဖမ်းတာတွေကို တောင့်ခံခဲ့တယ်။ ငါ့တာဝန်အပေါ် ဘယ်အရာကမှ အနှောင့်အယှက်မဖြစ်စေခဲ့ဘူး။ ဘယ်လိုဖြစ်ပြီး ငါ ကင်ဆာဖြစ်ရတာလဲ။ ဒါဆိုရင် ငါက ကယ်တင်ခံရပြီး ကောင်းကင်နိုင်ငံတော်ကို ဝင်ရဖို့ မျှော်လင့်ချက်လုံးဝ မရှိတော့တဲ့ အဓိပ္ပာယ်မဟုတ်ဘူးလား။ ဒီနှစ်တွေအားလုံးမှာ ငါ့ရဲ့ စွန့်လွှတ်အနစ်နာခံမှုတွေက အလဟဿဖြစ်သွားပြီလား” ပေါ့။ ကျွန်မ တော်တော်ကို စိတ်မကောင်းဖြစ်ခဲ့တယ်။

အဲဒီနေ့ည အိပ်ရာပေါ်မှာ လှဲရင်း လူးလှိမ့်နေပြီး တစ်မှေးမှ အိပ်မပျော်နိုင်ခဲ့ဘူး။ ကျွန်မ အဖြေရှာလို့ကို မရနိုင်ခဲ့ဘူး။ ကျွန်မက ကိုယ့်ကိုယ်ကိုယ် တော်တော်ကို အသုံးတော်ခံခဲ့တယ်။ ဒါဆိုရင် ဘာကြောင့် ကျွန်မက အရမ်းနာမကျန်းဖြစ်သွားရတာလဲ။ ဘာကြောင့် ဘုရားသခင်က ကျွန်မကို မကာကွယ်တာလဲ ပေါ့။ အဲဒီနောက်မှာ အချိန်နှစ်ရက်အတွင်းမှာ ကျွန်မခံယူရမယ့် ခွဲစိတ်မှုကို စဉ်းစားမိတယ်။ အောင်မြင်မလား၊ မအောင်မြင်ဘူးလားဆိုတာ ကျွန်မ လုံးဝ မသိခဲ့ဘူး။ ကျွန်မ လုံးဝကို ဆင်းရဲဒုက္ခရောက်နေခဲ့တာပါ။ အဲဒါနဲ့ ဘုရားသခင်ဆီကို ကျွန်မ တိတ်တဆိတ် ဆုတောင်းခဲ့တယ်။ “အဖ ဘုရားသခင် ကျွန်မ အခုအချိန်မှာ အရမ်း စိတ်သောကရောက်နေပါတယ်။ ဒီအခြေအနေကို ဘယ်လို ဖြတ်သန်းရမယ်ဆိုတာ ကျွန်မ မသိပါဘူး။ ကျေးဇူးပြုပြီး ကျွန်မကို အသိဉာဏ်ပွင့်လင်းစေပြီး လမ်းပြတော်မူပါ...” ဆိုပြီးတော့။ အဲဒီနောက်မှာ လူသားအပေါ် ဘုရားသခင်ရဲ့ နောက်ဆုံး လိုအပ်ချက် ဆယ့်တစ်ခုကို ဖတ်ခဲ့ပါတယ်။ “၅။ ငါ့အတွက် ချစ်ခြင်းများစွာနှင့်အတူ အစဉ်အမြဲ အလွန် သစ္စာစောင့်သိပြီးသည့်တိုင် မကျန်းမာမှု၊ ဆင်းရဲမှုနှင့် သင်၏ မိတ်ဆွေများ၊ ဆွေမျိုးများ၏ စွန့်ပစ်ခြင်းတည်းဟူသော ညှဉ်းဆဲမှုကို သင် ခံရပါက၊ သို့မဟုတ် ဘဝတွင် အခြား ကံအကြောင်းမလှသည့် ဖြစ်ရပ်တစ်ခုကို သင် ကြံ့ကြံ့ခံရပါက၊ ငါ့အတွက် သင်၏ သစ္စာစောင့်သိခြင်းနှင့် ချစ်ခြင်းမေတ္တာတို့ ဆက်ရှိဦးမည်လော။ ၆။ သင်၏ စိတ်နှလုံးထဲက သင် စိတ်ကူးထားသည့် မည်သည့်အရာကမျှ ငါ လုပ်ဆောင်ခဲ့သည့်အရာနှင့် တစ်ထပ်တည်းမဖြစ်ပါက၊ သင်၏ အနာဂတ်လမ်းကြောင်းကို သင် မည်သို့ လျှောက်လှမ်းလိမ့်မည်နည်း။ ၇။ သင် ရရှိဖို့ မျှော်လင်ခဲ့သည့် အရာများ တစ်ခုကိုမျှ သင် မရရှိပါက၊ သင်သည် ငါ၏ နောက်လိုက်အဖြစ် ဆက်လက်ရှိနိုင်မည်လော။” (နှုတ်ကပတ်တော်သည် လူ့ဇာတိ၌ ပေါ်လာ၏) ဒီ လိုအပ်ချက်တွေကို ချင့်ချိန်စဉ်းစားရင်းနဲ့ ဒီ ရောဂါက ဘုရားသခင်က ကျွန်မကို ပေးတဲ့ စမ်းသပ်မှုဖြစ်ပြီး ကျွန်မ သူ့အပေါ် အမှန်တကယ် သစ္စာရှိသလား၊ သူ့ကို အမှန်တကယ် ချစ်သလားဆိုတာ စမ်းသပ်နေတာဆိုတာကို ကျွန်မ သဘောပေါက်ခဲ့ပါတယ်။ ယောဘက သူ့ရဲ့ စမ်းသပ်မှုတွေကို ဖြတ်သန်းခဲ့တဲ့အချိန်ကို ကျွန်မ တွေးမိတယ်။ သူ့ရဲ့ ပိုင်ဆိုင်မှုပစ္စည်းတွေ၊ သူ့ သားသမီးတွေကို ဆုံးရှုံးရတယ်။ သူ့တစ်ကိုယ်လုံးမှာ အနာစိမ်းတွေပေါက်တယ်။ ဘုရားသခင်ရဲ့ အလိုတော်ကို သူ နားမလည်ပေမဲ့ ဘုရားသခင်ကို အပြစ်တင်ဖို့ထက် သူ့ကိုယ်သူပဲ ကျိန်ဆဲခဲ့တယ်။ ယေဟောဝါ ဘုရားသခင်ရဲ့ အမည်နာမကို သူ ချီးကျူးထောမနာပြုခဲ့တယ်။ ဘုရားသခင်အပေါ် သူ့ရဲ့ ယုံကြည်ခြင်းကို ထိန်းသိမ်းထားခဲ့ပြီး ဆက်ပြီး နာခံခြင်း ရှိခဲ့တယ်။ စာတန်ရှေ့မှာ ဘုရားသခင်အတွက် သက်သေခံခဲ့တယ်။ ဒါပေမဲ့ ကျွန်မက နှစ်ပေါင်းများစွာ ယုံကြည်ခဲ့ပြီး ဘုရားနှုတ်ကပတ်တော်တွေရဲ့ အထောက်အပံ့တွေကို အများကြီး ခံစားခဲ့ပေမဲ့ ဘုရားသခင်ရဲ့ လုပ်ဆောင်ချက်ကို ကျွန်မ လုံးဝ နားမလည်ခဲ့ဘူး။ ကျွန်မမှာ ကင်ဆာရှိနေတာကို သိလိုက်ရတဲ့အခါမှာ ကျွန်မက ကယ်တင်မခံရနိုင်တော့ဘူး၊ ကောင်းကင်နိုင်ငံတော်ရဲ့ ကောင်းချီးတွေကို မခံစားနိုင်တော့ဘူးဆိုပြီး ထင်ခဲ့တယ်။ ဘုရားသခင်ကို ကျွန်မ အထင်လွဲပြီး အပြစ်တင်ခဲ့ပါတယ်။ ဘုရားသခင်ကို နှစ်ပေါင်းများစွာ ယုံကြည်လာခဲ့ပြီး အနစ်နာခံမှုတွေအများကြီး လုပ်ခဲ့တာကြောင့် ဘုရားသခင်က ကျွန်မ နာမကျန်းမဖြစ်အောင် တားဆီးသင့်တယ်လို့ ထင်ခဲ့မိတယ်။ ကျွန်မရဲ့ အနစ်နာခံမှုတွေအားလုံးက ဘုရားသခင်ရဲ့အလိုတော်ကို အလေးထားလို့၊ သမ္မာတရားကို လက်တွေ့လုပ်ဆောင်ပြီး ဘုရားသခင်ကို ကျေနပ်စေဖို့ လုပ်ခဲ့တာမဟုတ်ဘူးဆိုတာကို ဘုရားသခင်က ကျွန်မကို ဖော်ထုတ်တဲ့အခါမှသာ ကျွန်မ မြင်ခဲ့ရပါတယ်။ ဒါတွေက ကောင်းချီးတွေ ရဖို့၊ ဘုရားသခင်ရဲ့ နိုင်ငံတော်ကို ရောက်ဖို့အတွက်ပါ။ ကျွန်မက ဘုရားသခင်နဲ့ အပေးအယူလုပ်နေခဲ့တာပဲ။ ဘုရားသခင်အတွက် သစ္စာရှိမှုနဲ့ ချစ်ခြင်း ဆိုတာတွေအားလုံးက စိတ်ကူးယဉ်သက်သက်ပါ။ ိရိုးသားစစ်မှန်မှု လုံးဝ မရှိခဲ့ဘူး။ ကျွန်မအပေါ် စမ်းသပ်မှုမှာ သက်သေခံခြင်း မရှိခဲ့ဘူး။ ဘုရားသခင်ကို ကျွန်မ တကယ်ကို နာကျင်စေပြီး စိတ်ပျက်စေခဲ့ပါတယ်။

အဲဒီနောက်မှာ ကျွန်မ ဘုရားနှုတ်ကပတ်တော်တွေကို ဖတ်ပါတယ်။ “လူသားမျိုးနွယ်တစ်ရပ်လုံးထဲမှ အနန္တတန်ခိုးရှင်၏ မျက်လုံးထဲ၌ ဂရုစိုက်မခံရသူဟူ၍ မည်သူရှိသနည်း။ အနန္တတန်ခိုးရှင်၏ ကြိုတင်ပြဋ္ဌာန်းထားခြင်း အလယ်၌ မနေထိုင်သူ မည်သူရှိသနည်း။ လူသား၏ အသက်ရှင်ခြင်းနှင့် သေခြင်းသည် သူကိုယ်တိုင်၏ ရွေးချယ်ချက်ဖြင့် ဖြစ်ပျက်သလော။ လူသားသည် သူကိုယ်တိုင်၏ ကံကြမ္မာကို ထိန်းချုပ်ထား သလော။ များစွာသောလူတို့သည် သေခြင်းတရားကို အော်ခေါ်ကြ သော်လည်း၊ ၎င်းသည် သူတို့ထံမှ ဝေးကွာနေ၏။ များစွာသောလူတို့သည် ဘဝတွင် ကြံ့ခိုင်၍ သေခြင်းတရားကို ကြောက်ရွံ့သောသူများ ဖြစ်လိုကြသော်လည်း၊ ၎င်းတို့အား သေခြင်းတရား၏ အသူတစ်ရာ နက်သောချောက်ထဲသို့ ထိုးဆင်းနေရင်း ၎င်းတို့၏သေဆုံးခြင်း နေ့ရက်သည် ၎င်းတို့သတိမထားမိခင် ချဉ်းကပ်လာနေ၏။ များစွာသောလူတို့သည် ကောင်းကင်သို့ ကြည့်၍ လေးလေးပင်ပင် သက်ပြင်းချကြ၏။ များစွာသောလူတို့သည် သည်းထန်စွာငိုကြွေး၍ အော်မြည်ရှိုက်ငိုကြ၏။ များစွာသောလူတို့သည် စမ်းသပ်မှုများအကြား လဲပြိုကြပြီး များစွာသောလူတို့သည် စုံစမ်းသွေးဆောင်ခြင်း၏ အကျဉ်းသားများ ဖြစ်သွားကြ၏။ ငါ့အား ရှင်းလင်းစွာ မြင်ခွင့်ပြုရန် ငါသည် ကိုယ်တိုင်ပေါ်ထွန်းလာခြင်း မရှိသော်လည်း၊ များစွာသောလူတို့သည် ၎င်းတို့ကို ငါဒဏ်ခတ်မည် ဟုလည်းကောင်း၊ ၎င်းတို့ကို ငါအဆုံးစီရင်မည် ဟုလည်းကောင်း လွန်စွာကြောက်ရွံ့လျက် ငါ့၏မျက်နှာကိုမြင်ရန် ကြောက်ကြ၏။ လူသားသည် ငါ့ကို အမှန်တကယ် သိသလော၊ သို့မဟုတ် မသိသလော။” (နှုတ်ကပတ်တော်သည် လူ့ဇာတိ၌ ပေါ်လာ၏) လူသားရဲ့ ဇာတိကပတိနဲ့ ဝိညာဉ်ရဲ့ အရင်းအမြစ်က ဘုရားသခင်ဆီမှာရှိတယ်ဆိုတာ ဘုရားနှုတ်ကပတ်တော်တွေက ကျွန်မကို ပြသခဲ့ပါတယ်။ ရှင်ခြင်းနဲ့ သေခြင်းက ဘုရားသခင်ရဲ့ လက်ထဲမှာရှိတယ်။ ကျွန်မတို့မှာ ဆုံးဖြတ်ပိုင်ခွင့်မရှိဘူး။ ဖန်ဆင်းခံတွေအနေနဲ့ ဘုရားသခင်ရဲ့ အစီအစဉ်တွေအပေါ် ကျွန်မတို့ နာခံသင့်တယ်။ ဒါကို နားလည်သဘောပေါက်ပြီးတော့ ကျွန်မ သေခြင်းကို သိပ်မကြောက်မိတော့ဘူး။ ကျွန်မ တိတ်တဆိတ် စိတ်ပိုင်းဖြတ်ခဲ့ပါတယ်။ “ငါ့ ခွဲစိတ်မှုက ဘယ်လိုပဲဖြစ်ပါစေ၊ ငါ အသက်ရှင်သည်ဖြစ်စေ၊ သေသည်ဖြစ်စေ ငါ့အသက်ကို ဘုရားသခင်ဆီကို လွှဲပြောင်းပေးထားပြီး သူ့ရဲ့ အုပ်စိုးမှုကို နာခံပါတယ်။”

ကျွန်မ နာခံပြီးတာနဲ့ တစ်ပြိုင်နက် ကျွန်မ နှလုံးသားထဲမှာ အများကြီး ငြိမ်းချမ်းသွားခဲ့တယ်။ ခွဲစိတ်ခန်းကို ကျွန်မကို ခေါ်သွားတဲ့အချိန်မှာ ကျွန်မ အဆက်မပြတ် ဆုတောင်းနေခဲ့တယ်။ ခွဲစိတ်ပြီးတဲ့နောက်မှာ ဆရာဝန်ကပြောတယ်။ တော်တော်ကို အဆင်ပြေပါတယ် တဲ့။ ဒါပေမဲ့ ဘာပဲဖြစ်ဖြစ် အခြေအနေ ဘယ်လိုဖြစ်မယ်ဆိုတာကို သိဖို့ ဖယ်ရှားထားတဲ့ အခဲကို စမ်းသပ်ရဦးမယ်တဲ့။ ကျွန်မ တွေးမိတယ်။ “ဘုရားသခင်က ငါ့ကို ကာကွယ်ပေးနေတာကြောင့် ခွဲစိတ်မှုက တော်တော် အဆင်ပြေသွားတာပဲ” ဆိုပြီးတော့။ တခြားလူနာတွေက ခွဲစိတ်မှုပြီးသွားတဲ့အခါမှာ တော်တော်ကို အားလျော့ပြီး စိတ်ရှုပ်ထွေးနေပေမဲ့ ကျွန်မကတော့ နေကောင်းပြီး စိတ်ရွှင်လန်းနေတယ်ဆိုတာကို ကျွန်မ မြင်ခဲ့ရတယ်။ ကျွန်မရဲ့ လူနာဆောင်ထဲက လူတွေက ကျွန်မက ခွဲစိတ်ခံထားရတာနဲ့ လုံးဝ မတူဘူးလို့ ပြောကြတယ်။ ဒီအတွက် ကျွန်မ နှလုံးသားထဲကနေ ဘုရားသခင်ကို အဆက်မပြတ် ကျေးဇူးတင်နေမိတယ်။ ကျွန်မ တွေးမိသေးတယ်။ “လွန်ခဲ့တဲ့ ခြောက်နှစ်က ဒီအခဲကို ငါ့ရင်ဘတ်မှာ တွေ့ခဲ့တာ။ ဒါက ကင်ဆာသာဆိုရင် သေချာပေါက် အခြေအနေဆိုးနေတာ ကြာနေလောက်ပြီ။ ဒါပေမဲ့ ဒီအချိန်တစ်လျှောက်လုံးမှာ ငါ လုံးဝ နေထိုင်မကောင်းမဖြစ်ခဲ့ဘူး။ ဒါ ကင်ဆာမဟုတ်ဘူးထင်တယ်။ ဟုတ်တယ်ဆိုရင်တောင် ဘုရားသခင်က အနန္တတန်ခိုးရှိပြီး သူက အဆင်ပြေအောင်လုပ်ပေးမယ်ဆိုတာ ငါယုံကြည်တယ်။” ဆိုပြီးတော့ တချို့ ညီအစ်ကို မောင်နှမတွေက သူတို့ တော်တော် နာမကျန်းဖြစ်တဲ့အချိန်မှာ ဘုရားသခင်ကို အားကိုးခဲ့ပြီး ဘုရားသခင်ရဲ့ အံ့ဖွယ်လုပ်ဆောင်မှုတွေကို သက်သေခံခဲ့တယ်ဆိုတာ ကျွန်မ အရင်က ကြားဖူးတယ်။ ကျွန်မက ဘုရားသခင်အတွက် အမြဲတမ်း စွန့်လွှတ်အနစ်နာခံခဲ့တာဆိုတော့ ကျွန်မကို သူ သေချာပေါက် ကာကွယ်မှာပဲ။

သုံးရက်ကြာပြီးတဲ့နောက်မှာ ကျွန်မ မျှော်လင့်ချက်အပြည့်နဲ့ ရလဒ်ကို သွားကြည့်ခဲ့တယ်။ ဒါပေမဲ့ ကျွန်မရဲ့ မျှော်လင့်ချက်အားလုံး ဆုံးရှုံးသွားခဲ့ရတယ်။ တကယ်ကို ကင်ဆာဖြစ်တာပါ။ ကျွန်မ အဲဒီမှာပဲ မလှုပ်မယှက်နဲ့ ထိုင်နေခဲ့တယ်။ ကျွန်မ ထပ်ခါထပ်ခါ ငိုရင်းနဲ့ ရလဒ်ကိုပဲ စူးစူးစိုက်စိုက်ကြည့်ပြီး ထပ်ခါထပ်ခါ ဖတ်နေမိတယ်။ တော်တော်ကြာမှ ကိုယ့်ကိုယ်ကိုယ် ပြန်ထိန်းလိုက်တယ်။ ကိုယ့်ဘာသာ တွေးမိတယ်။ “ငါ့ကို ဖော်ထုတ်ပြီး ဖယ်ရှားဖို့အတွက် ဘုရားသခင်က ဒီ ရောဂါကို အသုံးပြုနေတာလား။ ဘုရားသခင်ကို အစေခံဖို့တောင်မှ ငါ အရည်အချင်း မပြည့်မီတော့ဘူးလား။ ငါ ဘုရားသခင်ကို နှစ်ပေါင်းများစွာ ယုံကြည်ခဲ့တယ်။ စွန့်လွှတ်အနစ်နာခံတာတွေ လုပ်ခဲ့ပြီး မိုးထဲလေထဲကြားမှာ ဧဝံဂေလိဟောပြောခဲ့တယ်။ ဘုရားသခင်က ဒါတွေကို တစ်ခုမှ မမှတ်မိဘူးလား။ ဘုရားသခင်အပေါ် ငါ့ရဲ့ ယုံကြည်မှုက ဒီလိုမျိုး အဆုံးသတ်သွားမှာလား” ဆိုပြီးတော့။ ကျွန်မ ပိုပိုပြီးတော့ စိတ်မကောင်းဖြစ်လာပြီး အားအင်တွေ လုံးဝ လျော့လာသလို ခံစားခဲ့ရတယ်။

နောက်ပိုင်းမှာ ကျွန်မ မစားချင် မသောက်ချင်တော့ဘူး။ စကားတောင် မပြောချင်တော့ဘူး။ ဆရာဝန်က ကျွန်မကို အာဟာရဆိုင်ရာ ဖြည့်စွက်ဆေးတွေကို သောက်ပြီး ပိုပြီး လေ့ကျင့်ခန်းလုပ်ဖို့ ပြောတယ်။ ကျွန်မက စဉ်းစားတယ်။ “ငါက သေမိန့်ကျနေပြီပဲ။ အာဟာရ ဖြည့်စွက်ဆေးတွေနဲ့ လေ့ကျင့်ခန်းက ဘာထူးမှာလဲ။ ဘာပဲဖြစ်ဖြစ် ငါက အနှေးနဲ့ အမြန် သေမှာပဲလေ” ပေါ့။ ကျွန်မ တော်တော်ကို စိတ်ဖိစီးပြီး ဆက်တိုက် တွေးနေမိတယ်။ “ညီအစ်ကို မောင်နှမတွေ တော်တော်များများက သူတို့ ယုံကြည်ခြင်းမရှိခင်မှာ နာမကျန်းဖြစ်ကြပြီး ယုံကြည်ပြီးတဲ့နောက်မှာတော့ နေပြန်ကောင်းသွားကြတယ်။ ဒါပေမဲ့ ငါက ဘုရားသခင်အပေါ် ယုံကြည်ခြင်းရှိပြီးကတည်းက နေ့တိုင်း ငါ့တာဝန်ကို ထမ်းဆောင်နေခဲ့တာ။ ဘယ်လိုဖြစ်ပြီး ငါက ကင်ဆာဖြစ်ရတာလဲ။ စွန့်လွှတ်အနစ်နာခံတာတွေက ကယ်တင်ခြင်းရဖို့ ကျွန်မရဲ့ လက်မှတ်ပဲလို့ ကျွန်မ ထင်ခဲ့ဖူးတယ်။ ဒါပေမဲ့ အခုတော့ ကျွန်မက ကယ်တင်မခံရရုံတင်မကဘဲ ကင်ဆာနဲ့ သေရတော့မယ်။” ပေါ့။ ကျွန်မရဲ့ ဘုရားသခင်အပေါ် အပြစ်တင်ချင်တဲ့ ခံစားချက်နဲ့ အထင်လွဲမှုတွေက ကျွန်မဆီကနေ အထိန်းအကွပ်မရှိ အန်ထွက်လာခဲ့တယ်။ မျှော်လင့်ချက်မဲ့နေရင်းနဲ့ ဘုရားသခင်ကို ကျွန်မ မျက်ရည်တွေနဲ့ ပြောခဲ့တယ်။ “အဖဘုရားသခင် ကျွန်မ တော်တော်ကို နာကျင်နေရပါတယ်။ နာမကျန်းဖြစ်နေပြီး ကိုယ်တော်ရဲ့အလိုတော်ကို ကျွန်မ နားမလည်ပါဘူး။ ကျေးဇူးပြုပြီး ကျွန်မကို အသိဉာဏ်ပွင့်လင်းစေပြီး ကိုယ်တော့်အလိုတော်ကို နားလည်စေတော်မူပါ” ဆိုပြီး ပြောလိုက်တယ်။

အဲဒီနောက်မှာ ဒီ ဘုရားနှုတ်ကပတ်တော်တွေကို ဖတ်ပါတယ်။ “လူများအားလုံးအတွက်၊ စစ်ဆေးခြင်းသည် ဝေဒနာပြင်းထန်ပြီး၊ လက်ခံရန် အင်မတန် ခက်ခဲသည်- သို့သော်လည်း ဘုရားသခင်သည် လူသားထံ သူ၏ဖြောင့်မတ်သည့် စိတ်သဘောထားကို ပေါ်လွင်စေပြီး၊ လူသားအတွက် သူ၏သတ်မှတ်ချက်များကို လူသိရှင်ကြား ဖြစ်စေကာ၊ သာ၍ ဉာဏ်အလင်းပွင့်ခြင်းကို ပေးပြီး၊ သာ၍ စစ်မှန်သော ပြုပြင်ခြင်းနှင့် ကိုင်တွယ်ဖြေရှင်းခြင်းတို့ကို ပေးသည်မှာ စစ်ဆေးခြင်း အတောအတွင်းတွင် ဖြစ်သည်။ အမှန်တရားများနှင့် သမ္မာတရားကြား နှိုင်းယှဉ်ခြင်းမှတစ်ဆင့်၊ သူသည် လူသားကို သူကိုယ်တိုင်နှင့်ဆိုင်သည့် သာ၍ ကြီးမားသော အသိပညာနှင့် သမ္မာတရားကို ပေးပြီး၊ ဘုရားသခင်၏ အလိုတော်နှင့်သက်ဆိုင်သော သာ၍ကြီးမားသည့် သိနားလည်ခြင်းကို လူသားအား ပေး၏၊ ထိုသို့ဖြင့် ဘုရားသခင်အပေါ် သာ၍စစ်မှန်ပြီး သာ၍ဖြူစင်သော ချစ်ခြင်းမေတ္တာရှိစေရန် လူသားကို အခွင့်ပေးလေသည်။ ယင်းမှာ စစ်ဆေးခြင်းကို ဆောင်ရွက်ရာတွင် ဘုရားသခင်၏ ရည်မှန်းချက်များ ဖြစ်သည်။ လူသား၌ ဘုရားသခင် လုပ်ဆောင်သည့် အမှုအားလုံးသည် ကိုယ်ပိုင်ရည်ရွယ်ချက်များနှင့် အရေးပါမှုတို့ရှိသည်။ ဘုရားသခင်သည် အဓိပ္ပာယ်မရှိသောအမှုကို မလုပ်ဆောင်သကဲ့သို့၊ လူသားအဖို့ အကျိုးမရှိသည့် အမှုကိုလည်း မလုပ်ဆောင်ပေ။ စစ်ဆေးခြင်းဟူသည်မှာ ဘုရားသခင် ရှေ့မှောက်မှ လူတို့အား ဖယ်ရှားခြင်းကို မဆိုလိုသကဲ့သို့၊ ၎င်းတို့ကို ငရဲတွင် ဖျက်ဆီးခြင်းကိုလည်း မဆိုလိုပေ။ ယင်းထက်၊ စစ်ဆေးခြင်း အတောအတွင်းတွင် လူသား၏ စိတ်သဘောထားကို ပြောင်းလဲခြင်း၊ သူ၏ ရည်ရွယ်ချက်များ၊ သူ၏ အမြင်ဟောင်းများကို ပြောင်းလဲခြင်း၊ ဘုရားသခင် အတွက် သူ၏ချစ်ခြင်းကို ပြောင်းလဲပေးခြင်းနှင့် သူ၏ဘဝတစ်ခုလုံး ပြောင်းလဲပေးခြင်းတို့ကို ဆိုလိုသည်။ စစ်ဆေးခြင်းသည် လူသားအား စစ်မှန်သော စစ်ဆေးမှုတစ်ခု ဖြစ်ပြီး၊ စစ်မှန်သော လေ့ကျင့်မှုပုံစံတစ်ခု ဖြစ်ကာ၊ စစ်ဆေးခြင်း အတောအတွင်းတွင်သာ သူ၏ချစ်ခြင်းမေတ္တာသည် ၎င်း၏ ပင်ကိုလုပ်ငန်းတာဝန်ကို ထမ်းဆောင်နိုင်ပေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ဘုရားသခင်ရဲ့ နှုတ်ကပတ်တော်တွေက ဘုရားအလိုတော်ကို ကျွန်မ နားလည်အောင် ကူညီပေးတယ်။ ဘုရားသခင်က ကျွန်မရဲ့ စိတ်သဘောထားပြောင်းလဲပြီး ကယ်တင်ခံရအောင်လို့ ကျွန်မရဲ့ အတွင်းထဲက ဖောက်ပြန်ပျက်စီးမှု၊ ပုန်ကန်မှု နဲ့ အရောင်စွန်းထင်းနေတဲ့ ရည်ရွယ်ချက်တွေကို ဖော်ထုတ်ပြီး သန့်စင်ဖို့အတွက် စမ်းသပ်မှုတွေနဲ့ စစ်ဆေးမှုတွေကို အသုံးပြုနေတာပါ။ ဒါက ဘုရားသခင်ရဲ့ လုပ်ဆောင်ချက်ရဲ့ ပန်းတိုင်နဲ့ အဓိပ္ပာယ်ပါပဲ။ ဒါပေမဲ့ ကျွန်မက ဘုရားသခင်က ကျွန်မ အသက်ကို ယူပြီး ကျွန်မကို ဖယ်ရှားပစ်ချင်ခဲ့တယ်ဆိုပြီး ထင်ခဲ့တယ်။ ဒါကြောင့် ဘုရားသခင်ကို အထင်လွဲပြီး အပြစ်တင်ခဲ့တယ်။ လုံးဝ လက်လျှော့လိုက်ပြီး မျှော်လင့်ချက်ပျောက်သွားခဲ့တယ်။ ကျွန်မက ကိုယ့်ရဲ့ စွန့်လွှတ်အနစ်နာခံမှုတွေအပေါ်မှာ တန်ဖိုး သတ်မှတ်ပြီး နာမည်ယူဖို့၊ ဘုရားသခင်နဲ့ ငြင်းခုံဖို့ ကြိုးစားခဲ့တယ်။ ဘုရားသခင်နဲ့ ရင်ဆိုင်ဖို့ ကိုယ့်ရဲ့ သေခြင်းကိုတောင် အသုံးပြုချင်ခဲ့တယ်။ ကျွန်မက အသိတရားအားလုံး ပျောက်သွားခဲ့တာပါ။ ကျွန်မ ဘုရားသခင်အပေါ် အများကြီး အကြွေးတင်သလို ခံစားရတာကြောင့် ဆုတောင်းပြီးတော့ ကျွန်မ နာမကျန်းဖြစ်တဲ့အခါမှာ ဘာကြောင့် မနာခံနိုင်ဘဲ အဲဒီအစား ဘုရားသခင်ကို အထင်လွဲပြီး အပြစ်တင်မိသလဲဆိုတာ ရှာဖွေဖို့ ဘုရားရှေ့ကို လာခဲ့ပါတယ်။

အဲဒီနောက်မှာ ဘုရားသခင်ရဲ့ နှုတ်ကပတ်တော်တချို့ကို ဖတ်ပါတယ်။ အနန္တတန်ခိုးရှင် ဘုရားသခင် ပြောသည်မှာ- “၎င်းတို့ကို ငါ အနာငြိမ်းစေနိုင်၍သာ ငါ့ကို များစွာသောသူတို့က ယုံကြည်ကြသည်။ ၎င်းတို့၏ခန္ဓာကိုယ်များမှ မသန့်ရှင်းသော ဝိညာဉ်များကို နှင်ထုတ်ရန် ငါ၏တန်ခိုးများကို အသုံးပြုနိုင်၍သာ ငါ့ကို များစွာသောသူတို့က ယုံကြည်ကြပြီး၊ ငါ့ထံမှ ငြိမ်သက်ခြင်းနှင့် ဝမ်းမြောက်ခြင်းတို့ကို ၎င်းတို့ ရကောင်းရလိမ့်မည် ဖြစ်သောကြောင့်သာ ငါ့ကို များစွာသော သူတို့က ယုံကြည်ကြပေသည်။ သာ၍ကြီးမားသော ရုပ်ဝတ္ထုဆိုင်ရာ ကြွယ်ဝမှုကို ငါ့ထံမှ တောင်းခံရန်သာ များစွာသောသူတို့က ငါ့ကို ယုံကြည်ကြသည်။ ဤဘဝကို အေးအေးချမ်းချမ်း ကုန်ဆုံးပြီး၊ နောင်ဘဝတွင် ဘေးကင်းလုံခြုံမှုရှိဖို့ရန်သာ များစွာသောသူတို့က ငါ့ကို ယုံကြည်ကြသည်။ ငရဲ၏ဒုက္ခဆင်းရဲကို ရှောင်ရှားပြီး၊ ကောင်းကင်၏ကောင်းချီးမင်္ဂလာများ ရရှိရန် များစွာသောသူတို့က ငါ့ကို ယုံကြည်ကြသည်။ များစွာသောသူတို့က ယာယီ ကိုယ်စိတ်ချမ်းသာခြင်းအတွက်သာ ငါ့ကို ယုံကြည်သော်လည်း၊ နောင်ဘဝ၌ မည်သည့်အရာမျှ ရရှိရန် မကြိုးစားကြပေ။ လူသားအပေါ် ငါ၏ အမျက်ဒေါသကို ဆောင်ကြဉ်းခဲ့ပြီး တစ်ချိန်က သူ ပိုင်ဆိုင်ခဲ့သည့် ဝမ်းမြောက်ခြင်းနှင့် ငြိမ်သက်ခြင်းတို့ကို ငါ သိမ်းပိုက်ခဲ့ချိန်တွင်၊ လူသားသည် သံသယရှိလာခဲ့၏။ ငါသည် လူသားကို ငရဲ၏ ဆင်းရဲဒုက္ခကို ပေးပြီး ကောင်းကင်၏ ကောင်းချီးမင်္ဂလာတို့ကို ပြန်လည် သိမ်းယူသည့်အခါ၊ လူသား၏အရှက်သည် ဒေါသအဖြစ်သို့ ပြောင်းသွား၏။ သူ့ကို ရောဂါငြိမ်းစေရန် ငါ့အား သူတောင်းဆိုသည့်အခါ၊ ငါသည် သူ့ကို အလေးဂရုမပြုသကဲ့သို့ သူ့အပေါ် စက်ဆုပ်ရွံ့ရှာမှု ခံစားခဲ့ရသည်။ လူသားသည် အောက်လမ်းဆေးဝါးနှင့် မှော်အတတ်တို့၏ နည်းလမ်းကိုသာ ရှာရန် ငါ့ထံမှ ထွက်ခွာသွားခဲ့သည်။ ငါ့ထံမှ လူသားတောင်းဆိုခဲ့ပြီးသမျှအားလုံးကို ငါသိမ်းယူလိုက်ချိန်တွင်၊ အယောက်တိုင်းက အစအနရှာ၍မရအောင် ပျောက်သွားကြ၏။ ထို့ကြောင့် ငါသည် အလွန်များလှစွာသော ကျေးဇူးတော်ပေးပြီး ရရန် များလွန်းသောကြောင့်၊ လူသားသည် ငါ၌ ယုံကြည်ခြင်း ရှိသည်ဟု ငါဆို၏။” “ထိုသို့သော လူတို့သည် ဘုရားသခင် နောက်လိုက်ရာတွင် ရိုးရှင်းသည့် ရည်မှန်းချက်တစ်ခုသာရှိပြီး၊ ယင်းရည်မှန်းချက်မှာ ကောင်းချီးမင်္ဂလာများ ရရှိရန်ဖြစ်သည်။ ထိုသို့သော လူတို့သည် ဤရည်မှန်းချက် တိုက်ရိုက် မပါဝင်သည့် အခြား မည်သည့်အရာကိုမျှ အလေးဂရုပြုဖို့ အပင်ပန်းမခံနိုင်ကြပေ။ ၎င်းတို့အဖို့ ကောင်းချီးမင်္ဂလာများရရှိရန် ဘုရားသခင်ကို ယုံကြည်ခြင်းထက် သာ၍ သဘာဝကျသည့် ရည်မှန်းချက် မရှိချေ- ယင်းမှာ ၎င်းတို့ယုံကြည်ခြင်း၏ တကယ့်တန်ဖိုး ဖြစ်သည်။ တစ်စုံတစ်ရာသည် ဤရည်မှန်းချက်ကို မပံ့ပိုးပေးပါက၊ ၎င်းတို့သည် ထိုအရာအားဖြင့် လုံးဝ တို့ထိမခံရဘဲရှိမြဲ ရှိကြလေသည်။ ဤသည်မှာ ယနေ့ ဘုရားသခင်၌ ယုံကြည်သူအများစုနှင့် ပတ်သက်သည့် ကိစ္စရပ် ဖြစ်သည်။ ၎င်းတို့အနေဖြင့် ဘုရားသခင်၌ ယုံကြည်သည်နှင့်အမျှ၊ ဘုရားသခင်အတွက်လည်း ၎င်းတို့ အသုံးခံကြသောကြောင့်၊ ဘုရားသခင်ထံ မိမိတို့ကိုယ်ကိုယ် ဆက်ကပ် အပ်နှံကြပြီး ၎င်းတို့တာဝန်ကို ထမ်းဆောင်ကြသောကြောင့်၊ ၎င်းတို့၏ ရည်မှန်းချက်နှင့် ရည်ရွယ်ချက်တို့သည် သဘာဝကျပုံပေါ်လေသည်။ ၎င်းတို့သည် ၎င်းတို့၏ငယ်ရွယ်မှုကို စွန့်လွှတ်ကြသည်၊ မိသားစုနှင့် အသက်မွေးအလုပ်တို့ကို စွန့်ပစ်ပြီး၊ မိမိတို့ကိုယ်ကိုယ် အလုပ်များစေလျက် အိမ်နှင့်ဝေးရာတွင် နှစ်ပေါင်းများစွာပင် ကုန်ဆုံးကြလေသည်။ ၎င်းတို့၏ နောက်ဆုံးရည်မှန်းချက်ပန်းတိုင်အတွက်၊ ၎င်းတို့သည် မိမိတို့၏ ကိုယ်ပိုင်စိတ်ဝင်စားမှုများကို ပြောင်းလဲကြသည်၊ ဘဝအပေါ် ၎င်းတို့၏ အမြင်နှင့် ၎င်းတို့ ရှာဖွေသည့် ဦးတည်ချက်ကိုပင် ပြောင်းလဲကြသည်။ သို့ရာတွင် ဘုရားသခင်၌ ၎င်းတို့ယုံကြည်မှု၏ ရည်မှန်းချက်ကို မပြောင်းလဲနိုင်ကြပေ။ ၎င်းတို့၏ ကိုယ်ပိုင် စံများနှင့်ဆိုင်သည့် စီမံခန့်ခွဲမှုအတွက် ၎င်းတို့ အလုပ်ရှုပ်နေကြသည်။ လမ်းမည်မျှ ဝေးသည်ဖြစ်စေ၊ လမ်းတစ်လျှောက် အခက်အခဲများနှင့် အတားအဆီးများ မည်မျှရှိသည်ဖြစ်စေ၊ ၎င်းတို့သည် မဆုတ်မနစ်ကြိုးပမ်းကြပြီး သေခြင်းကိုမကြောက်ကြချေ။ မည်သည့်တန်ခိုးက ၎င်းတို့ကို ဤနည်းဖြင့် မဖြစ်မနေ ဆက်လက်ဆက်ကပ်စေသနည်း။ ယင်းမှာ ၎င်းတို့၏ အသိစိတ်လော။ ၎င်းတို့၏ ကြီးမြတ်ပြီး မွန်မြတ်သည့် အကျင့်စရိုက်လော။ မကောင်းမှု အင်အားများကို တကယ့်အဆုံးထိ တိုက်ခိုက်ရန်ဖြစ်သည့် ၎င်းတို့၏ စိတ်ပိုင်းဖြတ်ချက်လော။ ယင်းမှာ ဆုလာဘ်ကို မရှာဖွေဘဲ၊ ဘုရားသခင်ကို သက်သေခံရန်ဖြစ်သည့် ၎င်းတို့၏ ယုံကြည်ခြင်းလော။ ယင်းမှာ ဘုရားသခင်၏အလိုကို စွမ်းဆောင်ရရှိရန် အရာရာတိုင်းကို စွန့်လွတ်ဖို့ လိုလားရာတွင် ၎င်းတို့၏ သစ္စာစောင့်သိမှုလော။ သို့မဟုတ် ယင်းသည် လွန်ကဲသည့် ကိုယ်ရေးကိုယ်တာ တောင်းဆိုချက်များကို အမြဲ လက်လွှတ်ဖို့ဖြစ်သည့် ၎င်းတို့၏ ဆက်ကပ်မှု စိတ်ဓာတ်လော။ အတော်အတန် ရိုးရှင်စွာပြောရပါက၊ ဘုရားသခင်၏ စီမံခန့်ခွဲခြင်းအမှုကို မည်သည့်အခါတွင်မျှ နားမလည်ဖူးသူအတွက် ဤမျှပေးဆပ်ဆဲဖြစ်ဖို့မှာ အံ့ဩဖွယ်ရာတစ်ခု ဖြစ်ပေသည်။ အချိန်တစ်ခဏကြာ၊ ဤလူတို့ မည်မျှပေးဆပ်ပြီးဖြစ်သည်ကို မဆွေးနွေးကြပါစို့နှင့်။ သို့ရာတွင် ၎င်းတို့၏အပြုအမူကို ငါတို့ အလွန် စိစစ်ထိုက်ပေသည်။ ၎င်းတို့နှင့် အလွန်အနီးကပ် ဆက်စပ်သည့် အကျိုးကျေးဇူးများမှလွဲ၍၊ ဘုရားသခင်ကို မည်သည့်အခါကမျှ နားမလည်ဖူးသော သူတို့က သူ့အတွက် အလွန်များလှစွာ ပေးဆပ်ရမည့် အခြားအကြောင်းရင်းတစ်ခုတစ်လေ ရှိနိုင်မည်လော။ ဤတွင် ယခင်က အမည်မဖော်နိုင်ခဲ့သည့် ပြဿနာတစ်ရပ်ကို ငါတို့ ရှာဖွေ တွေ့ရှိပေသည်- လူသား၏ ဘုရားသခင်နှင့် ဆက်ဆံရေးမှာ ပကတိ မိမိ၏ကိုယ်ကျိုးစီးပွားတစ်ခုမျှသာ ဖြစ်ပေသည်။ ယင်းသည် ကောင်းချီးမင်္ဂလာများ လက်ခံရရှိသူနှင့် ပေးသူတို့အကြား ဆက်ဆံရေးတစ်ခု ဖြစ်သည်။ ရှင်းရှင်းပြောပါက၊ အလုပ်သမားနှင့် အလုပ်ရှင်တို့အကြား ဆက်ဆံရေးနှင့် ဆင်ဆင်တူပေသည်။ အလုပ်သမားသည် အလုပ်ရှင် ချပေးသော ဆုလာဘ်များကို လက်ခံရရှိရန်သာ အလုပ်လုပ်သည်။ ထိုသို့သော ဆက်ဆံရေးတစ်ရပ်တွင် ချစ်ခင်ခြင်းမရှိပေ၊ အပေးအယူသာ ရှိသည်။ ချစ်ခြင်း သို့မဟုတ် အချစ်ခံရခြင်းမရှိ၊ ပေးကမ်းစွန့်ကြဲခြင်းနှင့် သနားကရုဏာသာ ရှိသည်။ နားလည်မှုမရှိ၊ မျိုသိပ်ထားသော နာကြည်းမှုနှင့် လှည့်ဖြားခြင်းသာ ရှိသည်။ ရင်းနှီးမှုမရှိ၊ ဖြတ်သန်းမရနိုင်သည့် ကွာဟချက်သာ ရှိသည်။ အမှုအရာများက ဤအဆင့်သို့ ရောက်ပြီးဖြစ်သဖြင့်၊ မည်သူသည် ထိုသို့သော လမ်းကြောင်းတစ်ခုကို ပြောင်းပြန် လှည့်နိုင်မည်နည်း။ ဤဆက်ဆံရေးက မည်မျှ ကြောက်မက်ဖွယ်ဖြစ်လာပြီး ဖြစ်သည်ကို လူမည်မျှက အမှန်တကယ် နားလည်နိုင်စွမ်းရှိသနည်း။ လူများသည် ကောင်းချီးမင်္ဂလာခံစားရခြင်း၏ ဝမ်းမြောက်မှုတွင် မိမိတို့ကိုယ်ကိုယ် နှစ်မြုပ်ထားသည့်အခါ၊ ဘုရားသခင်နှင့် ထိုသို့သော ဆက်ဆံရေးက မည်မျှရှက်ဖွယ်ကောင်းပြီး မြင်မကောင်း ရှုမကောင်း ဖြစ်သည်ကို မည်သူမျှ စိတ်မကူးနိုင်ဟု ငါယုံကြည်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ဘုရားသခင်ရဲ့ နှုတ်ကပတ်တော်တွေက ကျွန်မ နှလုံးသားကို ဓားတစ်ချောင်းလို ထိုးဖောက်သွားခဲ့ပြီး ကျွန်မ တော်တော်ရှက်မိပါတယ်။ ကျွန်မရဲ့ ယုံကြည်ခြင်းနောက်ကွယ်က ရည်ရွယ်ချက်က ဘုရားသခင်ပြောသလိုပဲ အနာဂတ်မှာ ကောင်းချီးတွေရဖို့ မဟုတ်ဘူးလား။ အနစ်နာခံတဲ့ ပုံစံတွေ ဘယ်လိုပဲ ပေါ်နေပါစေ ကျွန်မက ဘုရားသခင်နဲ့ အပေးအယူလုပ်နေတာ သက်သက်ပါ။ အားလုံးက ကောင်းချီးရဖို့အတွက်ပါ။ ဘုရားသခင်ကို အမှန်တကယ် နာခံနေတာမဟုတ်ဘူး။ ဖန်ဆင်းခံတစ်ယောက်ရဲ့ တာဝန်ကို လုပ်နေတာမဟုတ်ဘူး။ ကျွန်မ ယုံကြည်တာ သိပ်မကြာသေးခင်တုန်းက ဘယ် ဘေးဒုက္ခမှ ကျွန်မအပေါ် ရောက်မှာမဟုတ်ဘူး၊ ကျွန်မက ကောင်းချီးခံစားရပြီး ဘုရားသခင်ရဲ့ နိုင်ငံတော်ထဲကို ဝင်ရမယ်ဆိုပြီး ထင်ခဲ့ဖူးတယ်။ ဒါကြောင့် ကျွန်မ အစွမ်းကုန် ကြိုးစားခဲ့ပြီး ကိုယ့်တာဝန်ကို ထမ်းဆောင်ရာမှာ ဘာကိုမှ အတားအဆီးမဖြစ်စေခဲ့ဘူး။ ကျွန်မ သားသမီးတွေကို ကျောင်းပို့ဖို့၊ ကြိုဖို့တောင် အချိန်မရှိခဲ့ပါဘူး။ သူများတွေရဲ့ လှောင်ပြောင်တာ၊ အသရေဖျက်တာတွေ၊ စီစီပီက ဖိနှိပ်တာ၊ လိုက်ဖမ်းတာတွေကို ခံရပေမဲ့ ကျွန်မနဲ့ ကျွန်မတာဝန်ကြားမှာ ဘယ်အရာကမှ အတားအဆီးမဖြစ်ခဲ့ဘူး။ ဒါတွေအားလုံးကြောင့် ကျွန်မက ဘုရားသခင်အပေါ် သစ္စာရှိတယ်၊ ဘုရားသခင်က ကျွန်မကို သေချာပေါက် ချီးမွမ်းပြီး ကောင်းချီးပေးမယ်ဆိုပြီး ထင်ခဲ့ပါတယ်။ ကျွန်မမှာ ကင်ဆာရှိတာကို သိလိုက်ရတဲ့အခါမှာ ကျွန်မအတွက်တော့ သွားပြီ၊ နိုင်ငံတော်ကို ဝင်ရဖို့ ကျွန်မရဲ့ အိပ်မက်အားလုံးက အငွေ့အဖြစ် ပျောက်ကွယ်သွားပြီဆိုပြီး ခံစားခဲ့ရတယ်။ ကျွန်မမှာ နားလည်မှုလွဲတာတွေ၊ အပြစ်တင်တာတွေနဲ့ ပြည့်နေခဲ့ပြီး ဘုရားသခင်နဲ့ ငြင်းခုံခဲ့တယ်။ ဘုရားသခင်ကို ရင်ဆိုင်ဖို့အတွက် ကိုယ့်ရဲ့ သေခြင်းကိုတောင် အသုံးပြုချင်ခဲ့တယ်။ အမှန်တရားတွေနဲ့ ရင်ဆိုင်ရပြီးတဲ့နောက်မှာ ကျွန်မက တာဝန်ထမ်းဆောင်တာ၊ ဒုက္ခခံတာ၊ ကိုယ့်ကိုယ်ကိုယ် အသုံးတော်ခံတာတွေ အားလုံးက အပြန်အလှန်အနေနဲ့ ကောင်းမွန်တဲ့ ပန်းတိုင်ကို ရဖို့အတွက်ပဲဆိုတာ ကျွန်မ နားလည်သဘောပေါက်ခဲ့ပါတယ်။ ဘုရားသခင်နဲ့ ကျွန်မရဲ့ ဆက်ဆံရေးက “အလုပ်သမားနှင့် အလုပ်ရှင်တို့အကြား ဆက်ဆံရေး” ဖြစ်ခဲ့ပါတယ်။ ကျွန်မ ပေးဆပ်ခဲ့တဲ့ အဖိုးအခ သေးသေးလေးတိုင်းအတွက် ဆုလာဘ်ရချင်ခဲ့တယ်။ ကျွန်မက ဘုရားသခင်ကို အမှန်တကယ် ချစ်တာ မဟုတ်ခဲ့ဘူး။ ဘုရားကို အသုံးပြုနေတာ၊ ဘုရားကို လိမ်လည်ဖို့ ကြိုးစားနေတာပါ။ ကျွန်မရဲ့ ယုံကြည်ခြင်းမှာ အဲဒီလို အမြင်ရှုထောင့်မျိုးရှိနေတော့ ဘုရားသခင်က ကျွန်မကို ရွံရှာ မုန်းတီးခြင်းပဲ ဖြစ်နိုင်ပါတယ်။ ဘုရားသခင်က ကျွန်မ နိုးထစေဖို့ ဒီ ရောဂါကို အသုံးမပြုခဲ့ဘူးဆိုရင် ကျွန်မက ယုံကြည်ခြင်းအပေါ် ကိုယ့်ရဲ့ မှားယွင်းတဲ့အမြင်ကို ဆက်ပြီး ဖက်တွယ်နေမှာဖြစ်ပြီး နောက်ဆုံးမှာ ဘုရားသခင်က ကျွန်မကို စွန့်ပစ်ပြီး ဖယ်ရှားပစ်လိုက်မှာပဲ။ ဒါကို နားလည်သဘောပေါက်မိတော့ ကျွန်မ နောင်တနဲ့ ပြည့်နေပြီး ကိုယ့်ကိုယ်ကိုယ် အပြစ်တင်မိခဲ့ပါတယ်။ ကျွန်မ ဒူးထောက်ပြီး ဘုရားသခင်ကို ဆုတောင်းခဲ့တယ်။ “အဖ ဘုရားသခင် ဒီ ရောဂါကနေတစ်ဆင့် ကျွန်မကို ကိုယ်တော် မဖော်ထုတ်ခဲ့ရင် ယုံကြည်ခြင်းမှာ ကျွန်မရဲ့ လွဲမှားတဲ့အမြင်တွေကို လုံးဝ နားလည်မှာမဟုတ်ပါဘူး။ ကိုယ်တော့်နှုတ်ကပတ်တော်တွေရဲ့ တရားစီရင်မှုနဲ့ ထုတ်ဖော်မှုတွေက ကျွန်မရဲ့ ဝိညာဉ်ကို နိုးထစေခဲ့ပါတယ်။ ကျွန်မရဲ့ မှားယွင်းတဲ့ ရည်ရွယ်ချက်တွေကို ကုစားပြီး ကောင်းချီးလိုချင်တဲ့ ကျွန်မရဲ့ ဆန္ဒကို စွန့်လွှတ်လိုပါတယ်။ ကျွန်မ သက်သာသည်ဖြစ်စေ၊ မသက်သာသည်ဖြစ်စေ၊ အသက်ရှင်သည်ဖြစ်စေ၊ မရှင်သည်ဖြစ်စေ၊ ကိုယ်တော့်ကို နာခံဖို့ ကျွန်မ ဆန္ဒရှိပါတယ်။” ဆိုပြီး ပြောခဲ့ပါတယ်။ ဆုတောင်းပြီးတဲ့နောက်မှာ ကျွန်မ ပိုပြီး ငြိမ်းချမ်းသွားပြီး ပိုသက်သာတဲ့ အခြေအနေမှာ ကျွန်မ ရှိနေပါတယ်။ နောက်တစ်နေ့မှာ ကျွန်မ လေ့ကျင့်ခန်းဆက်တိုက်လုပ်ပြီး အာဟာရ ဖြည့်စွက်ဆေးတွေကို သောက်တယ်။ ကျွန်မရဲ့ ကျန်းမာရေးက တစ်ရက်ပြီးတစ်ရက် တိုးတက်လာခဲ့တယ်။ သိပ်မကြာခင်မှာပဲ ကျွန်မ ဆေးရုံကနေ ဆင်းနိုင်ခဲ့ပါတယ်။

အိမ်ပြန်ရောက်တော့ ကျွန်မရဲ့ အမျိုးသားနဲ့ သားသမီးတွေက အပြင်ထွက် ဧဝံဂေလိဟောကြားပြီး သူတို့ တာဝန်တွေကို ထမ်းဆောင်နေတာတွေ ကျွန်မ မြင်တွေ့ရပေမဲ့ ကျွန်မကတော့ အိပ်ရာထဲပဲ လှဲနေနိုင်ပြီး ဘာတာဝန်မှ မထမ်းဆောင်နိုင်ခဲ့ဘူး။ ကျွန်မ နည်းနည်း စိတ်ကျလာသလို ခံစားခဲ့ရတယ်။ ကျွန်မ ဘယ်အချိန်မှာ လုံးဝ သက်သာပျောက်ကင်းသွားမယ်ဆိုတာ၊ တစ်နေ့မှာ ကျွန်မ တာဝန်တွေကို ပြန်ပြီး ထမ်းဆောင်နိုင်ဦးမလားဆိုတာ လုံးဝ မသိခဲ့ဘူး။ တာဝန်မထမ်းဆောင်နိုင်ရင် ကျွန်မက ဆန်ကုန်မြေလေးပဲဖြစ်နေမှာမဟုတ်ဘူးလား။ ဒါဆိုရင် ကျွန်မက ဘယ်လိုလုပ် ကယ်တင်ခံရနိုင်မှာလဲ။ ကောင်းချီးကို လိုချင်တဲ့ ကျွန်မရဲ့ ဆန္ဒက ပြန်ပြီးခေါင်းထောင်လာတာကို ကျွန်မ သတိပြုမိခဲ့တယ်။ ဘုရားသခင်ကို ကျွန်မ အမြန်ဆုတောင်းခဲ့ပြီး ဘုရားနှုတ်ကပတ်တော်ထဲက ဒါကို ဖတ်ပါတယ်။ “လူတို့သည် ယခင်က မည်သည့်အရာအပေါ် အခြေခံ၍ အသက်ရှင်နေထိုင်ခဲ့ကြသနည်း။ လူတို့အားလုံး ၎င်းတို့ကိုယ်တိုင်အတွက် အသက်ရှင်နေထိုင်ကြ၏။ မိမိကိုယ်သာ ကိုးကွယ်ရာ၊ ဤသည်မှာ လူ့သဘာဝ၏ အနှစ်ချုပ်ဖြစ်သည်။ ဘုရားသခင်ကို ယုံကြည်ခြင်းသည် မိမိအတွက် လုပ်ဆောင်ခြင်းဖြစ်ပြီး၊ ကောင်းချီးမင်္ဂလာများ ရယူခြင်းသည် ထိုသို့ပင် သာ၍ဖြစ်၏။ အမှုအရာများကို စွန့်လွှတ်ခြင်း၊ မိမိကိုယ်ကို ဘုရားသခင်အတွက် အသုံးခံခြင်းနှင့် ဘုရားသခင်အပေါ် သစ္စာရှိခြင်း၊ ဤအရာအားလုံးကို မိမိအတွက် လုပ်ဆောင်ခြင်းသာဖြစ်၏။ အတိုချုပ်အားဖြင့် ယင်းမှာ မိမိအတွက် ကောင်းချီးမင်္ဂလာများ ရရှိရန် ရည်ရွယ်ချက်အတွက်ချည်းသာ ဖြစ်၏။ လောကတွင် အရာခပ်သိမ်းသည် ကိုယ်ကျိုးအတွက်သာ ဖြစ်၏။ ဘုရားသခင်ကို ယုံကြည်ခြင်းသည် ကောင်းချီးမင်္ဂလာများ ရရှိရန်ဖြစ်ပြီး၊ ကောင်းချီးမင်္ဂလာများ ရယူရန်အတွက် လူတစ်ဦးအနေဖြင့် အရာခပ်သိမ်းကို စွန့်ပယ်ခြင်းဖြစ်ကာ၊ ကောင်းချီးမင်္ဂလာများရယူရန်အတွက် လူတစ်ဦးသည် များစွာသော ဒုက္ခကို ကြံ့ကြံ့ခံနိုင်ခြင်းဖြစ်သည်။ ဤအရာအားလုံးမှာ လူသား၏ ဖောက်ပြန်ပျက်စီးသော သဘောသဘာဝအပေါ် လက်တွေ့ကိုအခြေခံသော အထောက်အထားဖြစ်၏။” (ခရစ်တော်၏ပြောဆိုချက် မှတ်တမ်းများ မှ) ကျွန်မရဲ့ ယုံကြည်ခြင်းမှာ ဘုရားသခင်နဲ့ အပေးအယူလုပ်တဲ့၊ အကြောင်းရင်း၊ အမှုကိစ္စတွေက ကျွန်မ ဖြစ်စေချင်သလို မဖြစ်တဲ့အခါမှာ ဘုရားသခင်ကို ပုန်ကန်ပြီး ဆန့်ကျင်တဲ့ အကြောင်းရင်းက စာတန်ရဲ့ အဆိပ်မျိုးစုံက ကျွန်မရဲ့ စိတ်နှလုံးကို ချုပ်ကိုင်ထားလို့ပါ။ “မိမိကိုယ်သာ ကိုးကွယ်ရာဖြစ်၏၊” “အခကြေးငွေမရဘဲ အလုပ်မလုပ်နှင့်” ဆိုတဲ့ ဒီ ဆိုးယုတ်တဲ့ အတွေးအခေါ်တွေနဲ့ ကျွန်မ ရှင်သန်ခဲ့ပါတယ်။ ကျွန်မ လုပ်ခဲ့တဲ့အရာတိုင်းက ကိုယ့်အတွက်လုပ်ခဲ့တာပါ။ ကိုယ့်အတွက် အကျိုးရှိအောင်ပါ။ ကျွန်မက တော်တော် တစ်ကိုယ်ကောင်းဆန်ပြီး မုန်းတီးစရာကောင်းပါတယ်။ ကျွန်မရဲ့ ယုံကြည်ခြင်းမှာတောင် ကောင်းချီးနဲ့ ဆုလာဘ်တွေရဖို့အတွက်နဲ့ အပင်ပန်းခံပြီး ကိုယ့်ကိုယ်ကိုယ် အလုပ်ရှုပ်စေခဲ့တယ်။ သမ္မာတရားကို လိုက်စားခြင်း၊ စိတ်သဘောထားပြောင်းလဲခြင်းအပေါ် လုံးဝ အာရုံမစိုက်ခဲ့ဘူး။ ကျွန်မ လိုချင်တဲ့ ကောင်းချီးတွေ မရတဲ့အခါကျရင် ကျွန်မရဲ့ ဆိုးယုတ်တဲ့ သဘာဝက ပေါက်ကွဲထွက်လာပြီး ဘုရားသခင်ကို အထင်လွဲပြီး အပြစ်တင်ခဲ့တယ်။ ဘုရားသခင်အတွက် ကျွန်မ လုပ်ခဲ့တဲ့ အရာရာတိုင်းကို နောင်တရခဲ့တယ်။ ပေါလုက သခင့်အတွက် အလုပ်လုပ်ခဲ့ပြီး ဒုက္ခတွေ အများကြီး ခံခဲ့တယ်။ ဒါပေမဲ့ သူ့မှာ သမ္မာတရားအပေါ် ချစ်ခြင်း မရှိဘူး။ ဘုရားသခင်ကို သိဖို့၊ သူ့ စိတ်သဘောထားကို ပြောင်းလဲဖို့ သူ မရှာဖွေခဲ့ဘူး။ သူ ဒုက္ခခံပြီး အနစ်နာခံခဲ့တာတွေအတွက် အပြန်အလှန်အနေနဲ့ ဖြောင့်မတ်ခြင်း သရဖူကိုပဲ ရချင်ခဲ့တယ်။ နောက်ဆုံးမှာ သူ့ရဲ့ ဆိုးယုတ်တဲ့ စိတ်သဘောထားက မပြောင်းလဲခဲ့ဘူး။ ဒါကြောင့် သူ့ရဲ့ မာနထောင်လွှားမှုက အသိစိတ်အားလုံးကို မောင်းထုတ်ခဲ့ပြီး သူကိုယ်တိုင်က ခရစ်တော်ဖြစ်တယ်လို့ သက်သေခံခဲ့တယ်။ လူတွေကို သူ့ရှေ့ကို ခေါ်ဆောင်ခဲ့တယ်။ ကျွန်မက စာတန်ရဲ့ အဆိပ်တွေနဲ့ ဆက်ပြီး အသက်ရှင်နေရင် ပေါလုလိုပဲ အဆုံးသတ်မယ်ဆိုတာ ကျွန်မ သိခဲ့ပါတယ်။ ဘုရားသခင်က သူ့ကို အာခံတဲ့အတွက် ကျွန်မကို အပြစ်ဒဏ်ပေးလိမ့်မယ်။ ကောင်းချီးကို ရှာဖွေပြီး သမ္မာတရားကို မလိုက်စားခြင်းက ဘယ်လောက် အန္တရာယ်ကြီးသလဲဆိုတာ ကျွန်မ သိခဲ့ပါတယ်။ ဘုရားသခင်ကို ကျွန်မ အရမ်း ကျေးဇူးတင်မိခဲ့တယ်။ ကျွန်မရဲ့ ယုံကြည်ခြင်းအပေါ် လိုက်စားမှုမှာ ကျွန်မရဲ့ မှားယွင်းတဲ့ အမြင်ကို မြင်နိုင်ဖို့၊ ကျွန်မက ဘုရားသခင်ကို ဆန့်ကျင်တဲ့ လမ်းကြောင်းကို လျှောက်လှမ်းနေတယ်ဆိုတာကို မြင်နိုင်ဖို့အတွက် ကိုယ့်ကိုယ်ကိုယ် ဆင်ခြင်သုံးသပ်ပြီး သိမြင်ဖို့ အခွင့်အရေးကို ကျွန်မကို ပေးဖို့အတွက် ဒီ ရောဂါကို အသုံးပြုတဲ့အတွက် ဘုရားသခင်ကို ကျွန်မ ကျေးဇူးတင်ခဲ့ပါတယ်။

အဲဒီနောက်မှာ ကျွန်မ ဘုရားနှုတ်ကပတ်တော်တွေကို ဖတ်ပါတယ်။ “ဘုရားသခင်သည် အစဉ်အမြဲ အထွတ်အထိပ်ဖြစ်၍ အမြဲဂုဏ်သရေရှိသည်၊ လူသားမှာမူ အစဉ်အမြဲ ယုတ်ညံ့၍ အစဉ်အမြဲ သုံးမရပေ။ ဤသို့ဖြစ်ရခြင်းမှာ ဘုရားသခင်သည် လူသားမျိုးနွယ်အတွက် စွန့်လွှတ်မှုများ အမြဲပြုပေးကာ သူ့ကိုယ်သူ ပေးအပ်မြှုပ်နှံထားသောကြောင့် ဖြစ်သည်၊ သို့သော်လည်း လူသားမှာမူ အစဉ်အမြဲ မိမိအတွက်သာလျှင် ရယူပြီး ကြိုးပမ်းလေ၏။ ဘုရားသခင်သည် လူသားမျိုးနွယ်၏ ရှင်သန်ရေးအတွက် အစဉ်အမြဲ အပတ်တကုတ် ကြိုးပမ်းနေသော်လည်း လူသားကမူ အလင်းအတွက်၊ သို့မဟုတ် ဖြောင့်မတ်ခြင်းအတွက် မည်သည့်အရာကိုမျှ လုံးဝမထောက်ကူပေးပေ။ လူသားအနေဖြင့် တစ်ခဏတာမျှ လုံ့လစိုက်ထုတ်လျှင်ပင် ထိုလုံ့လမှာ အားနည်းလွန်း လှသောကြောင့် ထိုးနှက်ချက် တစ်ခုကိုမျှပင် ခံနိုင်မည်မဟုတ်ပေ၊ အကြောင်းမှာ လူသား၏လုံ့လသည် သူ့ကိုယ်ပိုင်အကျိုးအတွက်သာ အစဉ်အမြဲ ဖြစ်နေပြီး အခြားသူများအတွက် မဟုတ်သောကြောင့်ပင် ဖြစ်သည်။ လူသားသည် အစဉ်အမြဲ တစ်ကိုယ်ကောင်းဆန်၏၊ ဘုရားသခင်ကမူ အစဉ်အမြဲ ကိုယ်ကျိုးမငဲ့ပေ။ ဘုရားသခင်သည် တရားမျှတသောအရာ၊ ကောင်းသောအရာနှင့် လှပသောအရာအားလုံး၏ အရင်းအမြစ်ဖြစ်ပြီး လူသားမှာမူ အကျည်းတန်ပြီး ဆိုးယုတ်သော အရာအားလုံးကို ဆက်ခံကာ ထင်ရှားအောင် ပြုလုပ်သူဖြစ်၏။ ဘုရားသခင်သည် သူ၏ဖြောင့်မတ်ပြီး လှပသည့် အနှစ်သာရကို မည်သည့်အခါမျှ ပြောင်းလဲမည် မဟုတ်ပေ၊ သို့သော် လူသားကမူ အချိန်မရွေး၊ အခြေအနေမရွေး၌ ဖြောင့်မတ်ခြင်းကို သစ္စာဖောက်ကာ ဘုရားသခင်ထံမှ လမ်းလွဲသွားကြရန် ကောင်းကောင်းတတ်နိုင်၏။” (နှုတ်ကပတ်တော်သည် လူ့ဇာတိ၌ ပေါ်လာ၏) ဒီ နှုတ်ကပတ်တော်တွေကို ကျွန်မ တွေးဆရင်းနဲ့ တော်တော် စိတ်ထိခိုက်ခံစားခဲ့ရပါတယ်။ စာတန်ရဲ့ ဖျက်ဆီးခြင်းကို နက်နက်နဲနဲ ခံထားရတဲ့ လူသားမျိုးနွယ်ကို ကယ်တင်ဖို့အတွက် ဘုရားသခင်က တော်တော်ဒုက္ခခံပြီး အဖိုးအခ ပေးဆပ်ခဲ့တယ်။ လွန်ခဲ့တဲ့ နှစ်နှစ်ထောင်တုန်းက ဘုရားသခင်က လူသားမျိုးနွယ်ကို ရွေးနုတ်ဖို့အတွက် ယုဒပြည်မှာ ပထမဆုံးအကြိမ် လူ့ဇာတိခံယူခဲ့ပါတယ်။ ဂျူးဘာသာဝင်တွေရဲ့ လှောင်ပြောင်ခြင်း၊ အသရေဖျက်ခြင်း၊ ဖိနှိပ်ခြင်း၊ နှိပ်စက်ခြင်းတို့ကို သူ တောင့်ခံခဲ့ရတယ်။ နောက်ဆုံးတော့ ကားတိုင်မှာ သံနဲ့ရိုက်ခံရပြီး အဲဒီလိုနဲ့ ရွေးနုတ်ခြင်းအမှုကို အောင်မြင် ပြီးမြောက်ခဲ့တယ်။ အခုအချိန်မှာ ဘုရားသခင်က လူသားမျိုးနွယ်ကို အပြီးသတ် သန့်စင်ပြီး ကယ်တင်ဖို့အတွက် တရုတ်ပြည်မှာ ဒုတိယအကြိမ် လူ့ဇာတိခံယူခဲ့ပြီ။ စီစီပီက သူ့ကို လိုက်ဖမ်းပြီး ဖိနှိပ်တာကို ခံခဲ့ရတယ်။ ခေါင်းချစရာနေရာမရှိ၊ အနားယူစရာ နေရာမရှိခဲ့ဘူး။ ကျွန်မတို့ ယုံကြည်သူတွေရဲ့ အထင်လွဲခြင်း၊ အပြစ်တင်ခြင်း၊ မလိုက်နာခြင်း၊ အာခံခြင်းတို့ကိုလည်း သူ ခံခဲ့ရတယ်။ ဒါပေမဲ့ ဘုရားသခင်က လူသားမျိုးနွယ်ကို ကယ်တင်ဖို့ ကြိုးစားတာကို လုံးဝ မရပ်တန့်ခဲ့ဘဲ အဲဒီအစား ကျွန်မတို့အတွက် သူတတ်နိုင်သမျှ တိတ်တဆိတ် လုပ်ဆောင်တယ်။ ဘာကိုမှ ပြန်ရဖို့ လုံးဝ မတောင်းဆိုဘူး။ ဒါပေမဲ့ ကျွန်မကတော့ ကိုယ့်တာဝန်မှာ အနစ်နာခံတာတွေလုပ်ပြီး ကောင်းချီးတွေနဲ့ ပန်းတိုင်ကို ပြန်ရဖို့ မျှော်လင့်ခဲ့တယ်။ ဘုရားသခင်နဲ့ အပေးအယူလုပ်ဖို့အတွက် ကျွန်မရဲ့ အသိတရားကို ဆန့်ကျင်ပြီး လုပ်ခဲ့ပါတယ်။ ကျွန်မက တော်တော်ကို တစ်ကိုယ်ကောင်းဆန်ပြီး မုန်းစရာကောင်းတယ်။ ကျွန်မက ဘယ်လို စစ်မှန်တဲ့ ယုံကြည်သူမျိုးမှ မဟုတ်ပါဘူး။ ဒါကို နားလည်သဘောပေါက်ပြီးတော့ နောင်တရဖို့ ဆန္ဒရှိပြီး ဘုရားသခင်ရှေ့မှောက်မှာ ဆုတောင်းခဲ့တယ်။

တစ်နေ့မှာ ကျွန်မ ဘုရားရှိခိုးဝတ်ပြုနေတုန်း ဘုရားနှုတ်ကပတ်တော်ထဲက ဒါကို ဖတ်ပါတယ်။ “ဘုရားသခင်ကို စစ်မှန်စွာ ယုံကြည်ခြင်း ဆိုသည်မှာ အောက်ပါအတိုင်း ဆိုလိုပေသည်- ဘုရားသခင်သည် အရာအားလုံးအပေါ် အချုပ်အခြာအာဏာ ကိုင်စွဲသည်ဟု ယုံကြည်မှုအရ၊ သူ၏ နှုတ်ကပတ်တော်များနှင့် အမှုတို့ကို လူတစ်ဦးက တွေ့ကြုံခံစားသည်၊ မိမိ၏ ဖောက်ပြန်ပျက်စီးသော စိတ်သဘောထားကို သန့်စင်သည်၊ ဘုရားသခင်၏အလိုကို ဖြည့်ဆည်းပြီး၊ ဘုရားသခင်ကို သိကျွမ်းလာပေသည်။ ဤခရီးလမ်းမျိုးကိုသာ ‘ဘုရားသခင်ကို ယုံကြည်ခြင်း’ ဟု ခေါ်ဆိုနိုင်ပေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏) “ဘုရားသခင်အား ယုံကြည်ခြင်း၏ ရည်ရွယ်ချက်သည် သူ့ကိုကျေနပ်စေရန်နှင့် သူတောင်းဆိုသော စိတ်သဘောထားဖြင့် အသက်ရှင်နေထိုင်ရန် ဖြစ်ပြီး၊ ထိုမှသာ သူ၏လုပ်ရပ်များနှင့် ဘုန်းတော်သည် မထိုက်တန်သော ဤလူအုပ်စုအားဖြင့် ထင်ရှားစေနိုင်မည် ဖြစ်သည်။ ဤသည်မှာ ဘုရားသခင်အား ယုံကြည်ခြင်းအတွက် မှန်ကန်သောအမြင်ဖြစ်ပြီး၊ သင်ရှာဖွေသင့်သော ပန်းတိုင်လည်းဖြစ်သည်။ သင်၌ ဘုရားသခင်အား ယုံကြည်ခြင်းနှင့်ပတ်သက်၍ မှန်ကန်သောသဘောထား ရှိသင့်ပြီး ဘုရားသခင်၏ နှုတ်ကပတ်တော်များကို ရရှိရန် သင်ကြိုးစားသင့်သည်။ သင်သည် ဘုရားသခင်၏ နှုတ်ကပတ်တော်များကို စားသောက်ဖို့လိုအပ်ပြီး၊ သင်သည် သမ္မာတရားကို အသက်ရှင်နေထိုင်နိုင်ရမည်၊ အထူးသဖြင့် သင်သည် သူ၏ လက်တွေ့လုပ်ဆောင်ချက်များ၊ စကြဝဠာတစ်ဝှမ်းလုံးရှိ သူ၏ အံ့သြဖွယ်ကောင်းသော လုပ်ဆောင်ချက်များသာမက လူ့ဇာတိအားဖြင့် သူပြုသည့် လက်တွေ့ကျသောအမှုတို့ကို မြင်နိုင်ရမည်။ လူတို့သည် ၎င်းတို့၏ လက်တွေ့ကျသော အတွေ့အကြုံများအားဖြင့် ဘုရားသခင် ၎င်းတို့အပေါ် သူ၏အမှုကို မည်သို့ပြုကြောင်းနှင့် ၎င်းတို့အတွက် သူ၏အလိုတော်မှာ မည်သည့်အရာဖြစ်ကြောင်းကိုပင် သတိပြုမိနိုင်သည်။ ဤအရာအားလုံးတို့၏ ရည်ရွယ်ချက်မှာ လူတို့၏ ဖောက်ပြန်ပျက်စီးသော ဆိုးယုတ်သည့် စိတ်သဘောထားကို သုတ်သင်ဖယ်ရှင်းရန် ဖြစ်သည်။ သင့်အထဲ၌ရှိသော မသန့်ရှင်းခြင်းနှင့် မဖြောင့်မတ်ခြင်း အလုံးစုံကို ဖယ်ရှားပြီး၊ သင်၏ မှားယွင်းသော ရည်ရွယ်ချက်များကို စွန့်ပစ်ကာ၊ ထို့ပြင် ဘုရားသခင်အပေါ် စစ်မှန်သောယုံကြည်ခြင်း ဖြစ်ပေါ်လာပြီးနောက်- စစ်မှန်သော ယုံကြည်ခြင်းအားဖြင့်သာ သင်သည် ဘုရားသခင်ကို အမှန်တကယ် ချစ်နိုင်မည်ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ဘုရားနှုတ်ကပတ်တော်တွေက ကျွန်မတို့ ယုံကြည်ခြင်းမှာ လိုက်စားသင့်တဲ့ မှန်ကန်တဲ့ပန်းတိုင်ကို ပြသပေးတယ်။ ကျွန်မတို့ရဲ့ အတွေ့အကြုံတွေမှာ ဘယ်လိုပဲ ဆုံးမပဲ့ပြင်ခံရပါစေ၊ စမ်းသပ်ခံရပါစေ၊ စစ်ဆေးခံရပါစေ ဘုရားသခင်က ကျွန်မတို့ကို သန့်စင်ပြီး စုံလင်စေဖို့အတွက် အရာရာတိုင်းကို သေသေချာချာ စီမံပါတယ်။ ဒါတွေအားလုံးကို လက်ခံခြင်း၊ နာခံခြင်းနဲ့ တွေ့ကြုံသင့်တယ်၊ ကျွန်မရဲ့ ဖောက်ပြန်ပျက်စီးတဲ့ စိတ်သဘောထားတွေကို ဖြေရှင်းဖို့အတွက် အခြေအနေတွေမှာ သမ္မာတရားကို ရှာဖွေသင့်တယ်၊ အရာရာတိုင်းမှာ ဘုရားသခင်ကို ကျေနပ်စေပြီး သူ့ရဲ့ချစ်ခြင်းကို ပြန်လည်ပေးဆပ်သင့်တယ်ဆိုတာ ကျွန်မ သိခဲ့ပါတယ်။ ဒါကသာ မှန်ကန်တဲ့ အားထုတ်လိုက်စားခြင်းပါပဲ။ ကောင်းချီးတွေရဖို့ ဘုရားသခင်နဲ့ အပေးအယူမလုပ်ချင်တော့ဘူး။ အဲဒီအချိန်ကစပြီး ကျွန်မရဲ့ ရောဂါက ဘယ်လမ်းကိုပဲ ခေါ်ဆောင်သွားသည်ဖြစ်စေ ကျွန်မရဲ့ နောက်ဆုံးထွက်သက်အထိ ဘုရားသခင်ကို ကိုးကွယ်မယ်။ ဘုရားသခင်က ကျွန်မရဲ့ တာဝန်ကို ထမ်းဆောင်ဖို့ နောက်ထပ် အခွင့်အရေးပေးလာခဲ့ရင် ကောင်းချီးတွေရဖို့အတွက် ဘုရားနဲ့ အပေးအယူမလုပ်တော့ဘူး။ ကျွန်မရဲ့ တာဝန်မှာ သမ္မာတရားကို လိုက်စားပြီး ကျွန်မရဲ့ စိတ်သဘောထားမှာ အပြောင်းအလဲကို ရှာဖွေဖို့ပဲ လုပ်ချင်ခဲ့တယ်။

သိပ်မကြာခင်မှာ ဘုရားသခင်က ကျွန်မကို စမ်းသပ်ခဲ့တယ်။

တစ်နေ့မှာ ကျွန်မရဲ့ သမီးက အသင်းတော် အစည်းအဝေးတစ်ခုကနေ ပြန်လာပြီး ပြောတယ်။ ယုံကြည်သူတွေကို ရေလောင်းပေးတဲ့ အစ်မဝမ်နောက်ကို ရဲတွေက လိုက်ကြတယ်။ ပြီးတော့ သူ့ကို အစားထိုးဖို့ ဘယ်သူ့ကိုမှ ရှာမတွေ့သေးဘူး တဲ့။ သူက အဲဒီအလုပ်ကို အသင်းတော်ထဲက ဘယ်သူလုပ်နိုင်သလဲဆိုပြီး ကျွန်မကို မေးတယ်။ ကျွန်မက ဒီတာဝန်ကို အရင်က လုပ်ဖူးပြီး ကောင်းကောင်း သိတယ်။ ဒါကြောင့် ကျွန်မက အသင့်တော်ဆုံးပဲလို့ တွေးမိတယ်။ ဒါပေမဲ့ နောက်တော့ လွန်ခဲ့တဲ့ရက် နှစ်ဆယ်လောက်ကတင် ကျွန်မ ခွဲစိတ်မှုခံယူထားတာကို စဉ်းစားမိတယ်။ ခွဲစိတ်ရာက ကောင်းကောင်းမကျက်သေးဘူး။ ရာသီဥတုက ပူနေတယ်။ အိမ်မှာ ကျွန်မ ခွဲစိတ်ရာကို တစ်ရက်ကို ခဏခဏဆေးရတယ်။ ဒီတာဝန်ကို ကျွန်မ ယူပြီးတော့ ကျွန်မ ဒဏ်ရာကို သန့်ရှင်းဖို့အတွက် သိပ်အလုပ်ရှုပ်နေရင် ဒဏ်ရာက ဆိုးလာနိုင်တယ်။ ကျွန်မလက်မောင်းက သိပ်အသုံးပြုလို့ မရသေးဘူး။ နေ့တိုင်း လျှပ်စစ်ဘီးပေါ်ကနေ ကျွန်မက တွန်းတိုက်သွားလာနေရင် ခွဲစိတ်ရာက ကျက်မှာမဟုတ်ဘူး။ ဒါဆိုရင် ကျွန်မ တကယ် နာမကျန်းဖြစ်လာမှာ။ အခြေအနေကို ကြည့်ရင် ဒီ တာဝန်ကို ယူတာက ကျွန်မ ကျန်းမာရေးအတွက် ဘာမှကောင်းတာမရှိဘူး။ ဒါပေမဲ့ နောက်တော့ ကျွန်မ စဉ်းစားမိတယ်။ “ဒီတာဝန်အတွက် သင့်တော်တဲ့သူကို ရှာမတွေ့သေးဘူး။ ငါက ဒီတာဝန်ကို မယူရင် ဘုရားအိမ်တော်ရဲ့အလုပ်က နှောင့်နှေးသွားမှာမဟုတ်ဘူးလား။ ငါ ဘာလုပ်သင့်လဲ” ပေါ့။ ဘုရားနှုတ်ကပတ်တော် ဓမ္မသီချင်းတစ်ပုဒ်ရဲ့ စာသားတွေက စိတ်ထဲပေါ်လာတယ်။ “ဘုရားသခင်က သင့်အပေါ် မည်သည့်အရာ တောင်းဆိုသည်ဖြစ်စေ၊ ယင်းအပေါ် အစွမ်းကုန် သင် အလုပ်လုပ်ရန်သာ လိုအပ်ပြီး၊ သင်သည် အဆုံး၌ ဘုရားသခင်၏ ရှေ့မှောက်သို့ လာနိုင်လိမ့်မည်ဖြစ်ပြီး သူ့အား သင်၏ အဆုံးစွန် ဆည်းကပ်မှုကို ပေးနိုင်လိမ့်မည်ဟု ငါမျှော်လင့်သည်။ ဘုရားသခင်သည် သူ၏ ပလ္လင်ထက်တွင် ထိုင်နေရင်း သူ၏ကျေနပ်နှစ်သက်သော အပြုံးကို သင် မြင်နိုင်သရွေ့၊ ဤအခိုက်အတန့်သည် သတ်မှတ်ထားသည့် သင်၏ သေဆုံးခြင်းအချိန်ဖြစ်လျှင်ပင်၊ သင်၏မျက်လုံးများပိတ်စဉ် သင်သည် ရယ်ကာ ပြုံးနိုင်သင့်ပေသည်။ ကမ္ဘာမြေကြီးပေါ်ရှိ သင်၏ အချိန်ကာလ အတောအတွင်းတွင်၊ သင်သည် ဘုရားသခင်အတွက် သင်၏နောက်ဆုံး တာဝန်ကို လုပ်ဆောင်ရမည်။ အတိတ်တွင် ပေတရုသည် ဘုရားသခင်အတွက် ဇောက်ထိုး ကားစင်တင်ခံခဲ့ရသည်။ သို့သော် သင်သည် အဆုံး၌ ဘုရားသခင်ကို စိတ်ကျေနပ်စေသင့်ပြီး ဘုရားသခင်အတွက် သင်၏အင်အားအလုံးစုံကို သုံးသင့်သည်။ ဘုရားသခင်၏ ကိုယ်စား ဖန်ဆင်းခံသတ္တဝါတစ်ဦးသည် မည်သည့်အရာ လုပ်ဆောင်နိုင်သနည်း။ ထို့ကြောင့် သူ ဆန္ဒရှိသည်အတိုင်း သင့်ကို နေရာချဖို့ရန်အတွက်၊ သင်သည် အချိန်ဆွဲမနေဘဲ သင့်ကိုယ်သင် ဘုရားသခင်ထံ မြန်မြန် ပေးအပ်သင့်သည်။ ယင်းက ဘုရားသခင်အား ပျော်ရွှင်စေပြီး ကျေနပ်စေသရွေ့၊ သင်နှင့်ပတ်သက်၍ သူ ဆန္ဒရှိသည်အတိုင်း လုပ်ဆောင်ပါလေ့စေ။ လူသားများသည် စောဒကတက်သည့် စကားများ ပြောဆိုရန် မည်သည့်အခွင့်ရှိသနည်း။” (သိုးသငယ်နောက်လိုက်ပြီး သီချင်းအသစ်များကိုသီဆိုပါ) ဘုရားသခင်ရဲ့ နှုတ်ကပတ်တော်တွေက ကျွန်မကို ယုံကြည်ခြင်းနဲ့ ခွန်အားပေးတယ်။ ပေတရုက ဘုရားသခင်အပေါ် ဆက်ကပ်အပ်နှံထားပြီး ဘုရားသခင်ကို ချစ်ဖို့၊ ဘုရားကျေနပ်စေဖို့ အားထုတ်တယ်။ သူ့ရဲ့ ကိုယ်ပိုင် အကျိုးစီးပွားကို တစ်ခါမှ ထည့်မစဉ်းစားဘဲ သူ့တာဝန်ကိုသာ ထမ်းဆောင်တယ်။ အဆုံးမှာ ဘုရားသခင်အတွက် ပြောင်းပြန် ကားစင်တင်ခံခဲ့ရတယ်။ သေတဲ့အထိ နာခံသွားတယ်။ ကျွန်မရဲ့ ခွဲစိတ်ရာတွေက ကောင်းကောင်းမကျက်သေးပေမဲ့ ကိုယ့်အတွက်ကိုယ်ပဲ တွေးပြီး ဘုရားအိမ်တော်အတွက် မတွေးဘဲ တစ်ကိုယ်ကောင်းဆန်တာ၊ တွက်ကပ်တာတွေ မလုပ်ချင်တော့ဘူး။ နှစ်တွေကြာတဲ့အထိ ကျွန်မက ဘုရားသခင်နဲ့ အလဲအလှယ်လုပ်ရင်း ကောင်းချီးတွေရဖို့ ကျွန်မ တာဝန်ကို ထမ်းဆောင်နေခဲ့တယ်။ ဘုရားသခင်ရဲ့ အလိုတော်ကို တစ်ခါမှ ဂရုမစိုက်ခဲ့ဘူး။ ဘုရားသခင်ကို ကျေနပ်စေဖို့ ဘာမှ မလုပ်ခဲ့ဘူး။ ကျွန်မ ဘုရားသခင်အပေါ် တကယ် အကြွေးတင်ပါတယ်။ ဒီတာဝန်ကို ထမ်းဆောင်ဖို့ လူတစ်ယောက် အရေးတကြီးလိုနေတယ်။ ကျွန်မ လုပ်ချင်ခဲ့တယ်။ ကျွန်မရဲ့ ကျန်းမာရေးက ဘာပဲဖြစ်ဖြစ် ဘုရားသခင်က စိတ်သက်သာရာရသရွေ့ ဘုရားသခင် ကျေနပ်စေဖို့ ကျွန်မအသက်ကို ပေးဆပ်မယ်။ ဘုရားနှုတ်ကပတ်တော်တွေရဲ့ လမ်းပြခြင်းကို ခံယူပြီး ကျွန်မ ရောဂါရဲ့ ချုပ်ချယ်မှုကို မခံတော့ဘဲ အဲဒီအလုပ်ကို တာဝန်ယူဖို့ စာရင်းပေးခဲ့ပါတယ်။

ဒီတာဝန်အပေါ်ကိုပဲ ကျွန်မ စိတ်နှစ်မြုပ်ထားတဲ့အခါမှာ ဘုရားသခင်ရဲ့ အံ့သြဖွယ် ကာကွယ်မှုကို ကျွန်မ မျက်မြင် မြင်တွေ့ခဲ့ရပါတယ်။ တစ်ပတ်ကြာပြီးတဲ့နောက်မှာ ကျွန်မရဲ့ ခွဲစိတ်ရာက ပိုဆိုးသွားတာမျိုး မရှိရုံတင်မကဘဲ လုံးဝ ကောင်းသွားတယ်။ ဆရာဝန်က ပြောတယ်။ “ဒီ ခွဲစိတ်မှုမျိုး ခံယူပြီးတဲ့အခါမှာ လက်မောင်းမှာ အကျိတ်ရောင်တာက ဖြစ်လေ့ရှိတယ်။ တစ်လကျော် အနားယူပြီးတဲ့နောက်မှာ လူနာက ဓာတုကုထုံးလုပ်လို့ လိုသေးတယ်။” တဲ့။ ဒါပေမဲ့ အဲဒီတာဝန်ကိုကျွန်မ စပြီး ထမ်းဆောင်ကတည်းက ကျွန်မရဲ့ ခွဲစိတ်ရာက မနာတော့ဘူး။ ကျွန်မရဲ့ လက်မောင်းမှာ အကျိတ်ရောင်တာမရှိတော့ဘူး။ ဓာတုကုထုံးလည်း သွားမကုခဲ့ဘူး။ အခုဆိုရင် ခွဲစိတ်မှုပြီးကတည်းက တစ်နှစ်ကျော်နေပြီ။ ကျွန်မ လုံးဝ နေကောင်းတယ်။ ဘုရားသခင်ရဲ့ အံ့ဖွယ်လုပ်ဆောင်မှုတွေအတွက် ကျေးဇူးတော်ကို ချီးမွမ်းပါတယ်။ ဒီလိုပြောထားတဲ့ ဘုရားနှုတ်ကပတ်တော်တွေကို ကျွန်မ ကိုယ်တိုင် တွေ့ကြုံခဲ့ရတာပဲ။ “သက်ရှိဖြစ်ဖြစ်၊ သက်မဲ့ဖြစ်ဖြစ် အရာအားလုံးသည် ဘုရားသခင်၏ အကြံအစည်များနှင့်အညီ ရွေ့လျားပြောင်းလဲကာ ပြန်လည်စတင်ပြီး ကွယ်ပျောက်သွားရမည်ဖြစ်သည်။ ဤသည်မှာ အရာအားလုံးကို ဘုရားသခင်တာဝန်ယူသည့် နည်းလမ်းဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ကျွန်မရဲ့ ကျိုးကြောင်းမသင့်လျော်တဲ့ တောင်းဆိုမှုတွေကို စွန့်လွှတ်ပြီး ဘုရားသခင်နဲ့ အပေးအယူမလုပ်တော့တာနဲ့ တစ်ပြိုင်နက် ဘုရားသခင်ရဲ့ သြဇာအာဏာနဲ့ အုပ်စိုးမှုကို ကျွန်မ တကယ် မြင်တွေ့ခဲ့ရပြီး သူ့ရဲ့ အံ့ဖွယ်လုပ်ဆောင်မှုတွေကို မျက်မြင် ကြုံတွေ့ခဲ့ရပါတယ်။

ဒီရောဂါရဲ့ စစ်ဆေးခြင်းက ဘေးဒုက္ခတစ်ခုနဲ့တူပေမဲ့ ဒီအထဲမှာ ဘုရားသခင်ရဲ့ ချစ်ခြင်းက ပါဝင်နေပါတယ်။ ဒီ ရောဂါကနေတစ်ဆင့် ဘုရားနှုတ်ကပတ်တော်ရဲ့ ဉာဏ်အလင်းဖွင့်ပြမှုနဲ့ လမ်းပြမှုက ဘုရားသခင်အပေါ် ကျွန်မရဲ့ ယုံကြည်ခြင်းမှာ ကျွန်မ ကိုင်စွဲထားတဲ့ မှားယွင်းတဲ့ အမြင်ကို ကျွန်မကို နားလည်စေခဲ့ပါတယ်။ ဘုရားသခင်ရဲ့ ကျေးဇူးတော်ကိုပဲ ခံစားနေလို့မရဘူး။ အခက်အခဲတွေနဲ့ စစ်ဆေးခြင်းတွေကလည်း ဘုရားသခင်ရဲ့ ကောင်းချီးတွေပဲဆိုတာကိုလည်း ကျွန်မ နားလည်ခဲ့တယ်။ စမ်းသပ်မှုတွေနဲ့ စစ်ဆေးမှုတွေက လူတွေကို ဘယ်လောက် သန့်စင်ပြီး ပြောင်းလဲပေးနိုင်တယ်ဆိုတာကို ကျွန်မ တော်တော်ကို အသိအမှတ်ပြုခဲ့ပါတယ်။ ဒီ ရိုးရှင်းတဲ့ နားလည်မှုက ဘုရားသခင်ရဲ့ စမ်းသပ်မှုနဲ့ စစ်ဆေးမှုတွေကနေ လာတာပါ။ အနန္တတန်ခိုးရှင်ဘုရားသခင် ဘုန်းကျက်သရေအားလုံးနဲ့ ပြည့်စုံပါစေ။

အရှေ့သို့- ၇၆။ စမ်းသပ်မှုများမှတစ်ဆင့် သန့်စင်ခြင်း

နောက်တစ်ခုသို့- ၇၈။ စမ်းသပ်မှုတစ်ခုမှ သင်ယူရရှိခဲ့သည့် သင်ခန်းစာများ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၇၅။ ကျွန်မ ကြုံခဲ့ရသော စမ်းသပ်မှု

တရုတ်နိုင်ငံ ကျိလင် စီရင်စု၊ ကျုံးရှင်းအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်