သမ္မာတရားကို ရှာဖွေနေသူများ ကျွန်ုပ်တို့ကို ဆက်သွယ်ရန် ဖိတ်ခေါ်ပါသည်။

ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ

ထင်ရှားသည့်အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာမျက်နှာအနံ

0 ရှာဖွေခြင်း ရလဒ်များ

ရလဒ်များမတွေ့ရှိပါ။

၄။ မောဘ၏ အမျိုးအနွယ်တို့ကို စမ်းသပ်မှု

အနန္တတန်ခိုးရှင် ဘုရားသခင် ပြောသည်မှာ- “လူသားသည် သန့်ရှင်းပြီး ပြောင်းလဲအောင် ပြုခံရနိုင်ရန်အလို့ငှာ ယနေ့မျက်မှောက်တွင် အလုပ်အားလုံးကို လုပ်ဆောင်ပြီးစီးခဲ့ခြင်းဖြစ်သည်၊ နှုတ်ကပတ်တော်၏ တရားစီရင်ခြင်းနှင့် ပြစ်တင်ဆုံးမခြင်းတို့အားဖြင့်သာမက စစ်ဆေးခြင်း အားဖြင့်လည်း လူသားသည် သူ၏ ဖောက်ပြန်ပျက်စီးခြင်းကို ဖယ်ထုတ်နိုင်ပြီး သန့်ရှင်းအောင်ပြုခြင်းကို ခံရနိုင်သည်။ ဤအဆင့်ရှိ အလုပ်ကို ကယ်တင်ခြင်းအလုပ်ဟု ယူဆမည့်အစား သန့်ရှင်း စင်ကြယ်စေခြင်း အလုပ်ဟု ပြောခြင်းက ပိုမိုသင့်တော်သည်။ အမှန်တကယ်အားဖြင့် ဤအဆင့်သည် သိမ်းပိုက်ခြင်းအဆင့် ဖြစ်သည်သာမက ကယ်တင်ခြင်းအလုပ်ရှိ ဒုတိယအဆင့်လည်း ဖြစ်သည်။ လူသည် နှုတ်ကပတ်တော်အားဖြင့် တရားစီရင်ခြင်းနှင့် ပြစ်တင်ဆုံးမခြင်း မှတစ်ဆင့် ဘုရားသခင်၏ ရယူခြင်းကို ခံရသည်။ နှုတ်ကပတ်တော်ကို အသုံးပြုလျက် စစ်ဆေးပဲ့ပြင်ခြင်း၊ တရားစီရင်ခြင်းနှင့် ဖော်ထုတ်ခြင်း မှတစ်ဆင့် မသန့်ရှင်းခြင်း အားလုံး၊ အယူအဆများ၊ ဆန္ဒများနှင့် လူ၏ စိတ်နှလုံးအတွင်းရှိ တစ်ဦးချင်း မျှော်လင့်ချက်များသည် လုံးဝ ဖော်ထုတ်ခံရသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူ့ဇာတိခံယူခြင်း၏ နက်နဲရာအချက် (၄)”) “မောဘ၏အမျိုးအနွယ်တို့အပေါ် ယခုအမှုပြုနေခြင်းသည် အမှောင်မိုက်ဆုံး အရပ်များထဲသို့ ကျဆင်းခဲ့သောသူများကို ကယ်တင်ခြင်းပင် ဖြစ်သည်။ ၎င်းတို့သည် ကျိန်ဆဲခြင်းကို ခံခဲ့ရသော်လည်း ဘုရားသခင်သည် သူတို့ထံမှ ဘုန်းအသရေကိုရရန် အလိုတော်ရှိနေသည်။ အဘယ်ကြောင့်ဆိုသော် ၎င်းတို့အားလုံးသည် ၎င်းတို့၏ စိတ်နှလုံးများထဲတွင် အစကတည်းက ဘုရားသခင် မရှိသောသူများ ဖြစ်ခဲ့ခြင်းကြောင့် ဖြစ်သည်၊ ကိုယ်တော်ကိုနာခံပြီး ချစ်သောသူများဖြစ်စေခြင်းသာလျှင် စစ်မှန်သော သိမ်းပိုက်ခြင်းဖြစ်ပြီး ယင်းကဲ့သို့သော အမှု၏အသီးအပွင့်မှာ တန်ဖိုးအရှိဆုံးနှင့် အယုံကြည်ရဆုံး ဖြစ်သည်။ ဤအရာသည်သာလျှင် ဘုန်းအသရေ ရရှိခြင်းဖြစ်သည်၊ ဤသည်မှာ နောက်ဆုံးသောကာလတွင် ဘုရားသခင် အလိုရှိသည့် ဘုန်းအသရေ ဖြစ်သည်။ ဤလူတို့သည် အဆင့်အတန်း နိမ့်ကျသော်လည်း ၎င်းတို့သည် ယခုအခါ ထိုကဲ့သို့သော ကြီးမားသည့် ကယ်တင်ခြင်းကို ရရှိနိုင်ကြပြီး ၎င်းမှာ ဘုရားသခင်၏ ချီးမြှောက်ခြင်း အစစ်အမှန် ဖြစ်သည်။ ဤအမှုမှာ အလွန်အဓိပ္ပာယ်ရှိပြီး ကိုယ်တော်သည် တရားစီရင်ခြင်းအားဖြင့် ဤလူတို့ကို ရယူခြင်း ဖြစ်သည်။ ကိုယ်တော်သည် ၎င်းတို့ကို တမင်တကာ အပြစ်ပေးနေခြင်း မဟုတ်ဘဲ ၎င်းတို့ကို ကယ်တင်ရန် ကြွလာခဲ့ခြင်း ဖြစ်သည်။ အကယ်၍ နောက်ဆုံးသောကာလအတွင်း ကိုယ်တော်သည် ဣသရေလနိုင်ငံ၌ သိမ်းပိုက်ခြင်းအမှုကို ဆက်၍ လုပ်ဆောင်နေခဲ့သေးမည်ဆိုပါက ၎င်းမှာ တန်ဖိုးရှိလိမ့်မည် မဟုတ်ပေ၊ အကယ်၍ အသီးအပွင့် ဖြစ်ထွန်းခဲ့လျှင်လည်း ၎င်းမှာ တန်ဖိုး သို့မဟုတ် ကြီးမားသော ရည်ရွယ်ချက် တစ်စုံတစ်ခု ရှိလိမ့်မည် မဟုတ်ဘဲ ကိုယ်တော်သည် ဘုန်းအသရေအားလုံးကို ရနိုင်လိမ့်မည် မဟုတ်ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မောဘအမျိုးအနွယ်တို့အား ကယ်တင်ခြင်း၏ ရည်ရွယ်ချက်”) ဘုရားဆီက ဒီနှုတ်ကပတ်တော်တွေကို နားထောင်လိုက်ရတော့၊ ကျွန်မကို မောဘရဲ့အမျိုးအနွယ်တစ်ယောက်အဖြစ်နဲ့ စမ်းသပ်မှုကို သွားသတိရပါတယ်။

၁၉၉၃ မှာ အနန္တတန်ခိုးရှင်ဘုရားသခင်က သိမ်းပိုက်ခြင်းအလုပ်၏ အတွင်းသမ္မာတရား (၂) နဲ့ လူ၏ကိုယ်ပိုင်လက္ခဏာနှင့် အနှစ်ချုပ် ဆိုတာတွေကို ဖော်ပြခဲ့တာ ကျွန်မ မှတ်မိတယ်။ တရုတ်ပြည်မှာ ရှိတဲ့ ဘုရားရွေးကောက်ထားသူတွေအားလုံးက မောဘရဲ့အမျိုးအနွယ်တွေ ဖြစ်တယ်လို့ ကိုယ်တော်က ထုတ်ဖော်ပြောခဲ့တယ်။ အဲဒီတုန်းက ဘုရားရဲ့ ဒီ နှုတ်ကပတ်တော်တွေကို ကျွန်မ ဖတ်မိခဲ့တယ်၊ “ကမ္ဘာ့လူမျိုး အားလုံး ထဲတွင် မောဘမျိုးနွယ်ဆက်များသည် အနိမ့်ကျဆုံးသူများ ဖြစ်ပါသည်။ ဟာမက်၏ မျိုးနွယ်များက အနိမ့်ကျဆုံး မဟုတ်လားဟု အချို့ကမေးကြမည်။ အဆင်းနီသော နဂါးကြီး၏ သားသမီးနှင့် ဟာမက်၏ သားစဉ်မြေးဆက်တို့က မတူကွဲပြားသော အရာများကို ကိုယ်စားပြုကြပြီး ဟာမက်၏ အမျိုးအနွယ်များက ကွဲပြားသော အကြောင်းအရာတစ်ခုဖြစ်သည်။ အဘယ်မျှလောက်ပင် ကျိန်ခြင်းခံရပါလေ့စေ ၎င်းတို့သည် နောဧ၏ မျိုးနွယ်ဆက်များ ဖြစ်လျက်ပင် ရှိပါသည်။ ထိုအတောအတွင်း မောဘ၏ မူလအရင်းအမြစ်များမှာ မသန့်စင်ပါ။ ကာမရာဂလိုက်စားခြင်းမှ ထွက်ပေါ်လာခြင်းဖြစ်ပြီး ဤအရာ၌ ခြားနားမှုကို တွေ့ရပေသည်။ နှစ်ဦးလုံးသည် ကျိန်ခြင်းခံရသော်လည်း အဆင့်အတန်းမှာမူ မတူညီကြပါ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သိမ်းပိုက်ခြင်းအလုပ်၏ အတွင်းသမ္မာတရား (၁)”) “ဥပဒေကို ခြွင်းချက်အဖြစ် သင်တို့သည် လူတို့အကြားတွင် ထားရှိသော သနားစဖွယ် စိတ်ဝိညာဉ်များ ဖြစ်နေကြစဉ် ငါကယ်တင်သောသူတို့သည် လွန်ခဲ့သောအချိန်က ငါကြိုတင်ခွဲခန့်မှတ်သားထားသောသူများနှင့် ရွေးနှုတ်ခဲ့ပြီးသောသူများဖြစ်ကြသည်။ သင်တို့သည် ဒါဝိဒ် သို့မဟုတ် ယာကုပ်၏ အိမ်သူအိမ်သားနှင့် သက်ဆိုင်ခြင်းမရှိဘဲ တစ်ပါးအမျိုးသားများဖြစ်သော မောဘ၏ အိမ်သူအိမ်သားများ ဖြစ်ကြသည်ကို သိသင့်သည်။ သင်တို့နှင့် ပဋိညာဉ်ကို ငါပြုသည်မဟုတ်သောကြောင့် သင်တို့တွင် အမှုတော်ကို ထမ်းရွက်ခြင်း၊ ပြောဆိုခဲ့ခြင်းနှင့် သင်တို့အား ဦးဆောင်လမ်းပြခြင်းမျှသာ ဖြစ်သည်။ သင်တို့အတွက် ငါ့အသွေးကို သွန်းသည်မဟုတ်။ ငါ့သက်သေခံတော်မူချက် အဘို့အလို့ငှါ အမှုတော်ကို သင်တို့တွင် ငါထမ်းရွက်ခြင်းမျှသာ ဖြစ်သည်။ ထိုအကြောင်းကို သင်တို့မသိကြသလော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူ၏ကိုယ်ပိုင်လက္ခဏာနှင့် အနှစ်ချုပ်”) ကျွန်မ တော်တော် အံ့အားသင့်ခဲ့ရတယ်။ တွေးလည်း တွေးကြည့်တယ်၊ “ငါတို့က မောဘရဲ့အမျိုးအနွယ်တွေလား။ ဒါ အမှန်ပဲလား။ မောဘဆိုတာ လောတနဲ့ သူ့သမီးက မွေးခဲ့တာ။ သူက ကိုယ်ကျင့်တရားမဲ့ခြင်းရဲ့ ရလဒ်တစ်ခုပဲ၊ မသန့်စင်တဲ့ ဇာတိက လာတာ။ ဒီတော့ ငါတို့က သူ့အမျိုးအနွယ်တွေ ဖြစ်နိုင်ပါ့မလား။ သခင့်ကို ယုံကြည်ခြင်းမှာ၊ ငါတို့က ဣသရေလအမျိုးအနွယ်တွေ ဖြစ်တယ်၊ ယာကုပ်အမျိုးအနွယ်တွေ ဖြစ်တယ်လို့ ဆိုခဲ့ကြတယ်လေ။ အဲဒါဆို ဘုရားက ငါတို့ကို မောဘအမျိုးအနွယ်တွေ ဖြစ်တယ်လို့ ဘာလို့ ပြောရတာလဲ” ပေါ့။ ကျွန်မက ဒါကို တကယ် လက်မခံနိုင်ခဲ့ဘူး။ ဒါပေမဲ့ နောက်တော့ စဉ်းစားပြန်တယ်၊ “ဘုရားနှုတ်ကပတ်တော်တွေ အားလုံးက သမ္မာတရားပဲ၊ ကိုယ်တော်က အဖြစ်မှန်တွေကိုပဲ ထုတ်ဖော်ပြောတယ်။ ဒါ မမှားနိုင်ဘူး။ ငါက ဘာကြောင့် မောဘရဲ့အမျိုးအနွယ် ဖြစ်ရတာလဲ။ ငါက ဘာလို့ တရုတ်ပြည်မှာ မွေးလာတာလဲ” ပေါ့။ ကျွန်မက နောက်ဆုံးသောကာလမှာ ဘုရားရဲ့ တရားစီရင်ခြင်းနဲ့ သန့်စင်ခြင်း အမှုအတွက် အဦးဆုံးလူတွေထဲမှာ ပါဝင်တယ်ဆိုတော့၊ ဘုရားရဲ့ တရားစီရင်ခြင်းနဲ့ ပြစ်တင်ဆုံးမခြင်းကို ဦးဆုံး တွေ့ကြုံရသူတွေထဲက တစ်ယောက်ပဲ၊ ပြီးတော့ ကပ်ဘေးတွေမတိုင်ခင်အချိန်မှာ စံပြယုံကြည်သူတစ်ယောက်၊ အောင်မြင်သူတစ်ယောက်အဖြစ် ပြုလုပ်ခံရမယ့်သူတစ်ယောက်လေ၊ အဲဒီတော့ ကျွန်မရဲ့အဆင့်အတန်းက တခြားတိုင်းပြည်တွေက ဘုရားရွေးကောက်ထားသူတွေထက် အများကြီး သာမှာပဲလို့ ထင်ခဲ့တာပါ။ ဒါပေမဲ့ ကျွန်မက မောဘရဲ့အမျိုးအနွယ်တစ်ယောက်ဆိုတော့ အံ့ဩသွားတာပေါ့။ ဘုရားရဲ့ကျိန်ခြင်းကို ခံရတဲ့အပြင်၊ ကိုယ်ကျင့်တရားမဲ့ခြင်းရဲ့ ရလဒ်တစ်ခုလည်း ဖြစ်နေတယ်လေ။ လူသားတွေအားလုံးထဲမှာ ကျွန်မက အနိမ့်ကျဆုံး၊ အယုတ်ညံ့ဆုံး ဖြစ်နေတယ်။ မယုံကြည်သူတွေက အဲဒီအကြောင်း သိသွားရင်၊ ကျွန်မကို ဘယ်လိုထင်လာကြမလဲ။ မယုံကြည်သူတွေဖြစ်တဲ့ ကျွန်မရဲ့မိသားစုဝင်တွေကရော ဘာပြောလာကြမလဲ။ ကျွန်မက ယုံကြည်ခြင်းအတွက် ဆင်းရဲဒုက္ခခံပြီး ကိုယ့်ကိုယ်ကိုယ် အသုံးခံရင်းနဲ့၊ ကိုယ့်အိမ်နဲ့ ကိုယ့်အလုပ်ကို စွန့်လွှတ်ခဲ့တာပါ။ ဒါပေမဲ့ နောက်ဆုံးတော့ ကျွန်မက မောဘရဲ့အမျိုးအနွယ်တစ်ယောက်တဲ့။ တော်တော် မျက်နှာပျက်စရာ၊ ရှက်စရာကောင်းတဲ့ ကိစ္စပဲ ငါတော့ ဆိတ်ဆိတ်နေပြီး ခံနေရတော့မှာပဲလို့ တွေးမိတယ်။ အဲဒီကာလတစ်လျှောက်လုံးမှာ ကျွန်မက ကိုယ်ကျင့်တရားမဲ့ခြင်းရဲ့ ရလဒ်တစ်ခု ဖြစ်တဲ့၊ မောဘရဲ့အမျိုးအနွယ်တစ်ယောက်ပဲဆိုတာကို တွေးလိုက်မိတိုင်း၊ တော်တော်ကို ရှက်မိတယ်၊ ကိုယ့်မျက်နှာကို မပြဝံ့ခဲ့ဘူး။ တစ်ခါဆို ဘာမှစားလည်းမစား၊ အိပ်လည်း မအိပ်ဘဲနဲ့၊ အိမ်မှာပဲ အကြာကြီး နေနေမိတယ်။ အိမ်ထဲမှာလည်း ဘာမှကို လုပ်ချင်ကိုင်ချင်စိတ် မရှိခဲ့ဘူး။ စိတ်နှလုံးထဲမှာတော့၊ မပြတ်တမ်းကို မကျေမနပ်ဖြစ်နေမိတယ်၊ “ငါက မောဘရဲ့အမျိုးအနွယ်တစ်ယောက်ဆိုတာ ဖြစ်နိုင်ပါ့မလား။ ငါ့ရဲ့မျိုးရိုးနဲ့ အဆင့်အတန်းက အဲဒီလောက် နိမ့်ကျနိုင်ပါ့မလား” ပေါ့။ ကျွန်မ အဖြစ်က၊ ချမ်းသာတဲ့ မိသားစုတစ်ခုမှာ ကြီးပြင်းလာပြီးတော့၊ ကိုယ့်ကိုယ်ကိုယ် ဆွေကြီးမျိုးကြီးလို့ ထင်ပြီး ဂုဏ်ယူနေရာကနေ၊ တစ်ရက်မှာ ကိုယ့်ဘဝမှန်ကို ရုတ်တရက် သိလိုက်ရတဲ့ လူတစ်ယောက်လိုပါပဲ။ ကိုယ်က ယုတ်ညံ့တဲ့ဘဝကနေ လာတယ်၊ အဲဒီမျိုးနွယ်ဝင် မဟုတ်ဘူးဆိုတာမျိုးပေါ့။ ကျွန်မစိတ်ထဲမှာ ဝမ်းနည်းတာတွေ၊ ကူရာမဲ့တာတွေ၊ စိတ်ပျက်တာတွေနဲ့ ဗြောင်းဆန်နေတယ်။ ဒီအဖြစ်မှန်ကို ကျွန်မက လက်မခံနိုင်ဘဲ ဖြစ်နေတာ။ ကျွန်မရင်ထဲမှာ မကျေနပ်တာတွေ၊ အဆိုးမြင်တာတွေ၊ အထင်မှားတာတွေနဲ့ ပြည့်နေတယ်။ မောဘရဲ့အမျိုးအနွယ်တစ်ယောက်ဆိုတော့၊ ကျွန်မက ကျိန်ဆိုခြင်းခံရပြီ။ ဘုရားက ကျွန်မကို ဘယ်တော့မှ ကယ်တင်တော့မှာမဟုတ်ဘူးလို့ပဲ ထင်မိတယ်။ အဲဒါကို စဉ်းစားလေလေ၊ ကျွန်မက မတရားခံရတယ်လို့ တွေးမိလေလေပဲ။ ကျွန်မရင်ဘတ်ပေါ်မှာ အလေးကြီးတစ်ခု ဖိထားလို့၊ အသက်ရှူမရတာမျိုး ဖြစ်နေသလိုပဲ။ ကျွန်မက ရေချိုးခန်းထဲမှာ တစ်ယောက်တည်း တိတ်တိတ်လေး သွားငိုတတ်တယ်။ အဲဒီအချိန်တုန်းက လူတိုင်းပဲ ဝမ်းနည်းခဲ့ကြတာပါ။ တချို့လူတွေဆို အဲဒီအကြောင်း ထုတ်ပြောမိတာနဲ့ ငိုကြတယ်။ ဓမ္မတေးမှာ ပါသလိုပေါ့၊ ‘မောဘ၏ သားစဉ်မြေးဆက်များ

စိတ်ဆင်းရဲခြင်းကြီးစွာဖြင့် ငိုကြွေးကြသည်။ ပူဆွေးသော မျက်နှာများ မျက်ရည်များဖြင့် စို...’ အကြင်နာမဲ့သည့် တရားစီရင်ခြင်းက ကျွန်ုပ်ကို ငရဲပို့။” သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

ကျွန်မတို့တွေ ဒီလို ဒုက္ခဆင်းရဲ ရောက်နေတုန်းမှာပဲ၊ အနန္တတန်ခိုးရှင်ဘုရားသခင်က သူ့နှုတ်ကပတ်တော်တွေ ဖြစ်တဲ့ မောဘအမျိုးအနွယ်တို့အား ကယ်တင်ခြင်း၏ ရည်ရွယ်ချက်ကို ထုတ်ပြန်ပြီးတော့၊ ကျွန်မတို့ရဲ့အခြေအနေကို ထုတ်ဖော်ပြတယ်၊ သူ့အလိုတော်က ဘယ်လိုရှိတယ်ဆိုတာလည်း ပြောတယ်။ ဘုရားသခင်ဆီက ဒီနှုတ်ကပတ်တော်တွေကို ကျွန်မ ဖတ်ရတယ်၊ “အစဦး၌ သင်တို့ကို ဘုရားသခင်၏ လူမျိုးတော်၏ နေရာအား ငါပေးခဲ့စဉ်က သင်တို့သည် အထက်အောက် ခုန်လျက်နေခဲ့ကြသည်၊ ဝမ်းမြောက်သည့်အတွက် သင်တို့သည် အခြားသူများထက် ပို၍ပင် ခုန်ခဲ့ကြသည်။ သို့သော်လည်း သင်တို့သည် မောဘ၏အမျိုးအနွယ်များဖြစ်သည်ဟု ငါပြောလျှင်ပြောချင်း အဘယ်သို့ ဖြစ်သွားခဲ့သနည်း။ သင်တို့အားလုံး တစ်စစီပြိုလဲကုန်သည်။ သင်တို့၏ ဝိညာဉ်အသက်တာသည် အဘယ်နေရာ၌ ရှိသည်ဟု သင်ဆိုမည်နည်း။ သင်တို့၏ နေရာဂုဏ်ပုဒ်နှင့်ဆိုင်သော အမြင်မှာ အလွန် လေးလံလွန်းသည်။... အလွန်မတရားသဖြင့်ခံခဲ့ရသည်ဟု သင်တို့ ခံစားရသော်လည်း သင်တို့သည် မည်ကဲ့သို့သော ဒုက္ခဆင်းရဲကို သည်းခံခဲ့ရသနည်း။ ဘုရားသခင်သည် သင်တို့ကို အတိုင်းအတာတစ်ခုအထိ နှိပ်စက်ပြီးသည့်အခါ သူသည် ပျော်ရွှင်လိမ့်မည်ဟုလည်းကောင်း၊ ဘုရားသခင်သည် သင့်အား တမင်တကာ ပြစ်ဒဏ်ချမှတ်ရန် ကြွလာခဲ့ပြီး သင့်ကို ပြစ်ဒဏ်ချမှတ်ပြီး ဖျက်ဆီးပြီးနောက် သူ၏အမှုမှာ ပြီးဆုံးသွားသယောင် သင်တို့ ထင်တတ်ကြသည်။ ၎င်းမှာ ငါပြောခဲ့သောအရာ ဖြစ်သလော။ ဤသည်မှာ သင်တို့၏ မျက်စိကန်းခြင်းကြောင့် ဖြစ်သည်မဟုတ်လော။ ၎င်းမှာ သင်တို့ကိုယ်တိုင် ကောင်းစွာလုပ်ရန် မကြိုးပမ်းခြင်းကြောင့် သို့မဟုတ် သင်တို့ကို ငါတမင်တကာ ပြစ်ဒဏ်ချမှတ်နေခြင်းကြောင့် ဖြစ်သလော။ ငါသည် ၎င်းကို မည်သည့်အခါကမျှ မပြုခဲ့၊ ၎င်းမှာ သင်တို့ကိုယ်တိုင် အကြံထုတ်ခဲ့သည့် အရာတစ်စုံတစ်ခု ဖြစ်သည်။ ငါသည် ထိုနည်းဖြင့် အမှုပြုခဲ့ဖူးခြင်း လုံးဝ မရှိသကဲ့သို့ ငါ၌လည်း ထိုရည်ရွယ်ချက် မရှိ။ အကယ်၍ သင်တို့ကို ငါတကယ်ဖျက်ဆီးလိုခဲ့ပါက ငါသည် ထိုမျှလောက် ဒုက္ခခံရန် လိုအပ်မည်လော။ အကယ်၍ သင်တို့ကို ငါတကယ်ဖျက်ဆီးလိုခဲ့ပါက သင်တို့ကို ငါအလွန်လေးလေးနက်နက် စကားပြောရန် လိုအပ်မည်လော။ ငါ၏ အလိုမှာ၊ သင်တို့ကို ငါကယ်တင်ပြီးသည့်အချိန်မှာ ငါအနားယူနိုင်သည့် အချိန်ဖြစ်သည်။ လူတစ်ဦးသည် နိမ့်ကျလေ ၎င်းတို့သည် ငါ၏ကယ်တင်ခြင်းခံရသည့်အရာ ပို၍ဖြစ်လေဖြစ်သည်။ သင်တို့သည် အင်တိုက်အားတိုက် ပို၍ဝင်ရောက်နိုင်လေ ငါသည် ပို၍ပျော်လေဖြစ်သည်။ သင်တို့ ပို၍တစ်စစီပြိုလဲလေ ငါပို၍ ဝမ်းနည်းရလေဖြစ်သည်။ သင်တို့သည် ပလ္လင်ပေါ်တွင် အမြဲတစေ ဆောင့်ကြွားကြွားနေလိုကြသော်လည်း သင်တို့ကို ငါပြောမည်၊ ၎င်းမှာ သင်တို့ကို ညစ်ညူးခြင်းမှ ကယ်တင်သော လမ်းကြောင်း မဟုတ်ပါ။ ပလ္လင်ပေါ်တွင် ထိုင်မည်ဟူသော စိတ်ကူးယဉ်အိပ်မက်သည် သင်တို့ကို စုံလင်အောင်မပြုနိုင်ပါ၊ ၎င်းသည် လက်တွေ့မကျပါ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မောဘအမျိုးအနွယ်တို့အား ကယ်တင်ခြင်း၏ ရည်ရွယ်ချက်”) ဒါကို ဖတ်မိတော့ ကျွန်မ တော်တော် အပြစ်ရှိသလို ခံစားခဲ့ရတယ်။ ကျွန်မတို့က နိုင်ငံတော်သားတွေ ဖြစ်လာလိမ့်မယ်။ အောင်မြင်သောသူတွေ၊ စံနမူနာတွေအဖြစ် ပြုလုပ်ခံရလိမ့်မယ် ဆိုပြီး၊ ဘုရားသခင် ပြောတဲ့အခါ အရင်တုန်းက ကျွန်မ မာနထောင်လွှားခဲ့ပြီး၊ ကိုယ့်ကိုယ်ကိုယ် ဘယ်သူမှန်း မသိခဲ့ပုံတွေကို စဉ်းစားမိတယ်။ ကျွန်မက ဘုရားရဲ့ တရားစီရင်ခြင်းနဲ့ ပြစ်တင်ဆုံးမခြင်းကို လက်ခံတဲ့ အဦးဆုံးလူတွေထဲက တစ်ယောက်၊ ပြီးတော့ စုံလင်ခြင်းကို အဦးဆုံးခံရသူတွေထဲမှာလည်း ပါဝင်တယ်ဆိုတော့၊ ကျွန်မက တခြားတိုင်းပြည်တွေက ဘုရားရွေးကောက်ထားသူတွေထက် ပိုမြင့်တဲ့အဆင့်အတန်း ရှိရမယ်လို့ပဲ ယုံကြည်ခဲ့တာလေ။ ကိုယ့်ကိုယ်ကိုယ် မော်ကြွားတာတွေ၊ ကျေနပ်မိတာတွေ အပြည့်နဲ့ပေါ့။ ကျွန်မတို့ကို မောဘရဲ့အမျိုးအနွယ်တွေ ဖြစ်တယ်လို့ ဘုရားက ထုတ်ဖော်တဲ့အချိန်ကျမှ၊ ကျွန်မက နိမ့်ကျတဲ့မျိုးရိုးအဆင့်အတန်းကပါလား၊ ဘုရားရဲ့ကျိန်ဆိုခြင်းကို ခံရပါလားဆိုတာကို မြင်ခဲ့တယ်။ ဘုရားက ကျွန်မကို ဘယ်တော့မှ ကယ်တင်မှာမဟုတ်ဘူးလို့ ထင်မိတယ်။ ဒါကြောင့် အဆိုးမြင်တာတွေ ဖြစ်ပြီး၊ စိတ်ညစ်လို့မဆုံးနိုင်ခဲ့ဘူး။ ကျွန်မက အဆင့်အတန်းကို လိုချင်စိတ် ပြင်းထန်လွန်းသလို၊ ကျွန်မရဲ့ ဝိညာဉ်အသက်တာကလည်း တကယ် ကင်းမဲ့နေတယ်ဆိုတာ နားလည်ခဲ့မိတယ်။ တကယ်တော့၊ ဘုရားက ကျွန်မတို့ကို မောဘရဲ့အမျိုးအနွယ်တွေ ဖြစ်တယ်လို့ ဖော်ထုတ်ပြပေမဲ့၊ ကျွန်မတို့ကို မကယ်တင်တော့ဘူးလို့ လုံးဝ မပြောခဲ့ပါဘူး။ တကယ်ဆို၊ အညစ်ညမ်းဆုံး အကျင့်ပျက်ဆုံး လူတွေဖြစ်တဲ့ ကျွန်မတို့တွေ ဘုရားရဲ့ကယ်တင်ခြင်းကို ခံရခွင့် ရနိုင်ကြအောင်၊ ကျွန်မတို့ကို တရားစီရင်ဖို့ ပြစ်တင်ဆုံးမဖို့၊ ရေလောင်းထောက်ပံ့ဖို့အတွက်၊ ကိုယ်တော်က အဆင်းနီတဲ့နဂါးကြီးရဲ့တိုင်းပြည်မှာ လူ့ဇာတိခံယူပြီးတော့၊ သမ္မာတရားတွေကို ဖော်ပြခဲ့တာပါ။ ဘုရားရဲ့ ညှာတာတဲ့ရည်ရွယ်ချက်တွေက အဲဒါတွေအားလုံးရဲ့နောက်ကွယ်မှာ ရှိနေတာပါ။ ဒါပေမဲ့ ကျွန်မက ဘုရားရဲ့အလိုကို နားမလည်ခဲ့ဘူး။ မောဘရဲ့အမျိုးအနွယ်တစ်ယောက်ဖြစ်တဲ့၊ ကျွန်မလို ညစ်ညမ်းနိမ့်ကျတဲ့သူတစ်ယောက်ကို ဘုရားသခင်က အမုန်းတီးဆုံး အရွံရှာဆုံး ဖြစ်မှာပဲ၊ ကျွန်မကို ဘယ်နည်းနဲ့မှ ကယ်တင်မှာမဟုတ်ဘူးလို့ တွေးခဲ့မိတယ်။ မကျေမနပ်နဲ့ အထင်လွဲတာတွေ ဖြစ်ပြီး၊ အပျက်သဘောဆောင်လာတယ်။ ဘုရားကို အတိုက်အခံလုပ်လာခဲ့တယ်။ ကျွန်မက တော်တော်ကို အဆင်အခြင်မဲ့ခဲ့တာပါ။ နောက် သိပ်မကြာခင်ပဲ၊ ဘုရားရဲ့ ဒီနှုတ်ကပတ်တော်တွေကို ကျွန်မ ဖတ်မိတယ်၊ “အကယ်၍ သင်တို့သည် မောဘ၏အမျိုးအနွယ်များ ဖြစ်သည်ဟု ငါမဆိုခဲ့လျှင်လည်း သင်တို့၏ဗီဇ၊ သင်တို့၏ မွေးရပ်မြေသည် အလွန်မြင့်မြတ်သလော။ သင်တို့သည် မောဘ၏အမျိုးအနွယ်များ ဖြစ်သည်ဟု ငါမဆိုခဲ့လျှင်လည်း သင်တို့အားလုံးသည် သူ၏သားသမီးများ အစစ်အမှန် ဖြစ်ကြသည် မဟုတ်သလော။ ဖြစ်ရပ်မှန်များ၏ အမှန်တရားကို ပြောင်းလဲနိုင်သလော။ သင်တို့၏ ဗီဇကို ယခုဖော်ထုတ်ခြင်းသည် ဖြစ်ရပ်မှန်များ၏ အမှန်တရားနှင့် ဆန့်ကျင်သလော။ သင်တို့၏ အသက်တာများ၊ သင်တို့၏ အကျင့်စရိုက်များနှင့် သင်တို့သည် မည်မျှဖော်လံဖား ဖြစ်ကြကြောင်းကို ကြည့်ပါလေ၊ သင်တို့သည် လူသားမျိုးနွယ်အကြား နိမ့်ကျသောသူများထဲမှ အနိမ့်ကျဆုံး ဖြစ်ကြောင်းကို မသိကြသလော။ သင်တို့၌ ဝါကြွားစရာ မည်သည့်အရာ ရှိသနည်း။ လူ့အဖွဲ့အစည်းထဲတွင် သင်တို့၏ အဆင့်အတန်းကို ကြည့်လော့။ သင်တို့သည် အနိမ့်ကျဆုံး အဆင့်၌ ရှိသည် မဟုတ်လော။ ငါသည် မမှန်မကန် ပြောသည်ဟု သင်တို့ ထင်သလော။ အာဗြဟံသည် ဣဇာက်ကို ပူဇော်ခဲ့သည်။ သင်တို့သည် မည်သည့်အရာကို ပူဇော်ခဲ့ပြီးပြီနည်း။ ယောဘသည် ရှိသမျှကို ပူဇော်ခဲ့သည်။ သင်တို့သည် မည်သည့်အရာကို ပူဇော်ခဲ့ပြီးပြီနည်း။ လူမြောက်မြားစွာတို့သည် မှန်သောလမ်းကို ရှာဖွေရန်အတွက် ၎င်းတို့၏ အသက်များကို ပေးခဲ့ကြသည်၊ လည်စင်းခံခဲ့ကြပြီး အသွေးသွန်းခဲ့ကြသည်။ သင်တို့သည် ထိုအဖိုးအခကို ပေးခဲ့ဖူးသလော။ နှိုင်းယှဉ်ကြည့်ပါက သင်တို့အားလုံးသည် ထိုကဲ့သို့ ကြီးမားသော ကျေးဇူးတော်ကို ခံစားရရန် အရည်အချင်း မပြည့်မီသောကြောင့် သင်တို့သည် မောဘ၏အမျိုးအနွယ်များ ဖြစ်သည်ဟု ယနေ့ဆိုခြင်းမှာ မှားသလော။ သင့်ကိုယ်သင် အလွန်အမင်း အထင်တကြီး မြင်မနေနှင့်။ သင်၌ ဝါကြွားစရာ တစ်စုံတစ်ခုမျှ မရှိ။ ထိုကဲ့သို့ ကြီးမားသော ကယ်တင်ခြင်း၊ ထိုကဲ့သို့ ကြီးမားသော ကျေးဇူးတော်ကို သင့်အား အခမဲ့ပေးခြင်း ဖြစ်သည်။ သင်တို့သည် မည်သည့်အရာကိုမျှ စွန့်လွှတ်ရခြင်း မရှိခဲ့သော်လည်း သင်တို့သည် ကျေးဇူးတော်ကို အခမဲ့ ခံစားခဲ့ရခြင်းသာ ဖြစ်သည်။ သင်တို့ မရှက်သလော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မောဘအမျိုးအနွယ်တို့အား ကယ်တင်ခြင်း၏ ရည်ရွယ်ချက်”) ဘုရားရဲ့မေးခွန်းတွေ တစ်ခုစီတိုင်းက ကျွန်မရဲ့စိတ်နှလုံးတံခါးကို ခေါက်ခဲ့တာပါ။ တော်တော်လည်း ရှက်မိသလို၊ အရမ်းလည်း အနေရခက်မိခဲ့တယ်။ ခေတ်ကာလတွေတစ်လျှောက်လုံးက သန့်ရှင်းသူတွေအကြောင်း ကျွန်မ စဉ်းစားကြည့်တယ်။ သူတို့က ဘုရားကို အစဉ်အမြဲ ချစ်ခင်ပြီး နာခံခဲ့ကြတယ်။ စမ်းသပ်မှုကြီးတွေ ကြုံရတဲ့အခါလည်း၊ ကိုယ်တော့်ကို လုံးဝ အပြစ်မတင်ခဲ့ကြဘူး။ ဘုရားကိုပဲ သက်သေရပ်တည်ပြီးတော့၊ ကိုယ်တော့်သဘောကျမှုနဲ့ ကောင်းချီးတွေကို ရခဲ့ကြတယ်။ အာဗြဟံဆိုရင် သူ့အချစ်ဆုံးသားဖြစ်တဲ့ ဣဇာက်ကို ဘုရားသခင်ဆီ ပူဇော်ပြီးတော့၊ ဘုရားသခင်ရဲ့အမိန့်တွေကို နာခံခဲ့တယ်။ သူက ဘုရားကို စည်းကမ်းချက်တွေ ညှိနှိုင်းတာမျိုး မရှိခဲ့သလို၊ ဘုရားနဲ့လည်း မငြင်းခုံခဲ့ဘူး။ အကြွင်းမဲ့ နာခံခဲ့တာပါ။ ယောဘဆိုရင်လည်း စမ်းသပ်မှုကြီးနဲ့ ကြုံပြီးတော့၊ သူ့မိသားစုရဲ့ ပစ္စည်းဥစ္စာတွေအားလုံးနဲ့ သူ့ကလေးတွေအားလုံးကို ဆုံးရှုံးတာတွေ၊ သူ့တစ်ကိုယ်လုံး အနာစိမ်းပေါက်တာတွေ ဖြစ်ခဲ့ပေမဲ့၊ သူက ဘုရားကို ဆက်ပြီး ချီးမွမ်းတဲ့အပြင်၊ အခုလိုတောင် ပြောခဲ့တယ်၊ “ယေဟောဝါသည် ပေးတော်မူ၏၊ ပြီးလျှင် ယေဟောဝါသည် ပြန်နူတ်သိမ်းတော်မူ၏။ ယေဟောဝါ၏ နာမတော်သည် မင်္ဂလာရှိပါစေဟု ဆိုလေ၏” (ယောဘဝတ္တု ၁:၂၁) ဒါပေမဲ့ ကျွန်မက အဆင်းနီတဲ့နဂါးကြီးရဲ့ တိုင်းပြည်မှာ မွေးလာတယ်၊ လူငယ်ဘဝကတည်းက ဘုရားမဲ့ဝါဒတို့၊ ဆင့်ကဲဖြစ်စဉ်တို့၊ ရုပ်ဝါဒတို့ဆိုတာတွေကို သင်ကြားရတယ်။ ဘုရားကို ဘယ်လိုကိုးကွယ်ရမယ်ဆိုတာ သိဖို့ဝေးလို့၊ ဘုရား ရှိတယ်ဆိုတာတောင် လုံးဝ မသိခဲ့ပါဘူး။ ကျွန်မရဲ့ယုံကြည်ခြင်းဆိုတာ ဘုရားရဲ့ကျေးဇူးတော်နဲ့ ကောင်းချီးတွေကို ရဖို့သက်သက်ပဲ။ ဒါမှ နောက်ပိုင်းမှာ ကျွန်မအနေနဲ့ ကောင်းကင်နိုင်ငံကို ဝင်ရောက်နိုင်မယ်၊ ကောင်းမွန်တဲ့ ပန်းတိုင်တစ်ခု ရနိုင်မယ်ပေါ့။ ဘာအဆင့်အတန်းမှလည်း မရှိ၊ ဘယ်လိုကောင်းချီးတွေမှလည်း မရဘဲ၊ စမ်းသပ်မှုတစ်ခုကို ကြုံရတဲ့အချိန်ရောက်တော့မှ၊ ကျွန်မက အထင်မှားပြီး မကျေမနပ်ဖြစ်တယ်။ အပျက်သဘောဆောင်ပြီး၊ ဘုရားကို ဆန့်ကျင်လာတယ်။ ကျွန်မက အမှန်တကယ် နာခံခဲ့တာမဟုတ်ဘူး။ ကိုယ်တော့်ကို ဘုရားသခင်အဖြစ် သဘောထားခဲ့တာ မဟုတ်ဘူး။ အဲဒီလို ယုံကြည်ခြင်းနှစ်တွေတစ်လျှောက်လုံးမှာ၊ ဘုရားနှုတ်ကပတ်တော်တွေရဲ့ အာဟာရနဲ့ ဘုရားအမှုတော်ရဲ့ တစ်ဆင့်ချင်း လမ်းပြတာတွေကို ကျွန်မက အကန့်အသတ်မရှိ ခံစားနေခဲ့ရတာပါ။ ဒါပေမဲ့ ကျွန်မက ကိုယ်တော့်ချစ်ခြင်းကို ပြန်ဆပ်ဖို့၊ ကိုယ့်တာဝန်ကို ကောင်းအောင် မလုပ်ခဲ့တဲ့အပြင်၊ ကျွန်မဘက်က ကိုယ်တော့်ကို ပြန်ပေးတာဆိုလို့ အထင်မှားတာတွေ၊ မကျေမနပ်ဖြစ်တာတွေ၊ ပုန်ကန်ခုခံတာတွေပဲ ရှိခဲ့တယ်။ ကျွန်မက ဘယ်လိုယုံကြည်သူမျိုး ဖြစ်ခဲ့တာလဲ။ ဒါတောင်မှ ကိုယ့်ကိုယ်ကိုယ် ငါက ဘုရားရဲ့ချစ်ခြင်းကို ခံရတဲ့သူ၊ ကိုယ်တော့်အတွက် အရေးပါတဲ့သူဆိုပြီး ထင်လာခဲ့သေးတယ်။ ပြီးတော့ ငါက တခြားနေရာတွေမှာ ဘုရားရွေးကောက်ထားသူတွေထက် ပိုမြင့်တဲ့ အဆင့်အတန်းရှိတယ်၊ ဘုရားရဲ့ဆုလာဘ်တွေနဲ့ ကောင်းချီးတွေ ရဖို့ ငါသာ အရည်အချင်းအမီဆုံးပဲ ဆိုတာမျိုးတွေ တွေးခဲ့ပါတယ်။ ဘယ်ဟာက ဘယ်လိုဆိုတာကို မသိလောက်အောင်၊ ကျွန်မက မာနထောင်လွှားလွန်းခဲ့တာပါ။ ကိုယ့်ကိုယ်ကိုယ် သိနားလည်မှုဆိုတာ လုံးဝ မရှိခဲ့ပါဘူး။ ကျွန်မရဲ့ညစ်ညမ်းတဲ့ နိမ့်ကျတဲ့ မျိုးရိုးကို ဘုရားက ထုတ်ဖော်မပြောခဲ့ဘူးဆိုရင်၊ ကျွန်မက ကိုယ့်ကိုယ်ကိုယ် ယာကုပ်ရဲ့ လူမျိုး ၁၂ မျိုးထဲမှာ ပါဝင်တယ်တို့၊ ကိုယ့်ကိုယ်ကိုယ် ဒါဝိဒ်ရဲ့အမျိုးအနွယ်တစ်ယောက်၊ ဣသရေလရဲ့ကလေးငယ်တစ်ယောက် ဖြစ်တယ်တို့ ထင်နေဦးမှာပဲ။ ကျွန်မက တကယ်ကို ရှက်ရကောင်းမှန်း မသိခဲ့တာပါ။ အခုတော့ ကျွန်မရဲ့ကိုယ်ပိုင်လက္ခဏာနဲ့ အဆင့်အတန်းကို သိပါပြီ၊ ဒါကြောင့် သိုသိုသိပ်သိပ်ပဲ နေထိုင်ပါတယ်။ ဟိုအရင်လောက် မာန်မာန မရှိတော့ပါဘူး။ ဘုရားသခင်ရှေ့မှောက်မှာ အသိစိတ်နည်းနည်းလည်း ရနေပါပြီ။ ဒါက ကျွန်မအတွက် ဘုရားရဲ့ကယ်တင်ခြင်းပါပဲ။ ကျွန်မအနေနဲ့ ဘုရားသခင်အပေါ်မှာ အလွန်အကျွံ တောင်းဆိုမှုတွေ မထားသင့်ဘူး။ နောက်ဆုံးမှာ ကျွန်မအနေနဲ့ ကောင်းမွန်တဲ့ရလဒ်တစ်ခု၊ ပန်းတိုင်တစ်ခု မရဘူးဆိုရင်တောင်၊ ဘုရားသခင် စီစဉ်တာတွေကို နာခံပြီး၊ ကိုယ်တော့်ဖြောင့်မတ်မှုကို ချီးမွမ်းနေဦးမှာပါ။

နောက်ပိုင်းမှာ အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေကို ပိုပြီး ဖတ်မိတယ်၊ မောဘရဲ့ အမျိုးအနွယ်တွေကြားမှာ အမှုတော်ပြုနေတဲ့ ဘုရားရဲ့ရည်ရွယ်ချက်ကိုလည်း ပိုပြီး နားလည်ခဲ့ပါတယ်။ ဘုရားရဲ့နှုတ်ကပတ်တော်တွေ ပြောဆိုတာလည်း ဒီအတိုင်းပဲဆိုတာကို မြင်ခဲ့တယ်။ “မောဘ၏အမျိုးအနွယ်တို့အပေါ် ယခုအမှုပြုနေခြင်းသည် အမှောင်မိုက်ဆုံး အရပ်များထဲသို့ ကျဆင်းခဲ့သောသူများကို ကယ်တင်ခြင်းပင် ဖြစ်သည်။ ၎င်းတို့သည် ကျိန်ဆဲခြင်းကို ခံခဲ့ရသော်လည်း ဘုရားသခင်သည် သူတို့ထံမှ ဘုန်းအသရေကိုရရန် အလိုတော်ရှိနေသည်။ အဘယ်ကြောင့်ဆိုသော် ၎င်းတို့အားလုံးသည် ၎င်းတို့၏ စိတ်နှလုံးများထဲတွင် အစကတည်းက ဘုရားသခင် မရှိသောသူများ ဖြစ်ခဲ့ခြင်းကြောင့် ဖြစ်သည်၊ ကိုယ်တော်ကိုနာခံပြီး ချစ်သောသူများဖြစ်စေခြင်းသာလျှင် စစ်မှန်သော သိမ်းပိုက်ခြင်းဖြစ်ပြီး ယင်းကဲ့သို့သော အမှု၏အသီးအပွင့်မှာ တန်ဖိုးအရှိဆုံးနှင့် အယုံကြည်ရဆုံး ဖြစ်သည်။ ဤအရာသည်သာလျှင် ဘုန်းအသရေ ရရှိခြင်းဖြစ်သည်၊ ဤသည်မှာ နောက်ဆုံးသောကာလတွင် ဘုရားသခင် အလိုရှိသည့် ဘုန်းအသရေ ဖြစ်သည်။” “ဤလူတို့သည် အဆင့်အတန်း နိမ့်ကျသော်လည်း ၎င်းတို့သည် ယခုအခါ ထိုကဲ့သို့သော ကြီးမားသည့် ကယ်တင်ခြင်းကို ရရှိနိုင်ကြပြီး ၎င်းမှာ ဘုရားသခင်၏ ချီးမြှောက်ခြင်း အစစ်အမှန် ဖြစ်သည်။ ဤအမှုမှာ အလွန်အဓိပ္ပာယ်ရှိပြီး ကိုယ်တော်သည် တရားစီရင်ခြင်းအားဖြင့် ဤလူတို့ကို ရယူခြင်း ဖြစ်သည်။ ကိုယ်တော်သည် ၎င်းတို့ကို တမင်တကာ အပြစ်ပေးနေခြင်း မဟုတ်ဘဲ ၎င်းတို့ကို ကယ်တင်ရန် ကြွလာခဲ့ခြင်း ဖြစ်သည်။ အကယ်၍ နောက်ဆုံးသောကာလအတွင်း ကိုယ်တော်သည် ဣသရေလနိုင်ငံ၌ သိမ်းပိုက်ခြင်းအမှုကို ဆက်၍ လုပ်ဆောင်နေခဲ့သေးမည်ဆိုပါက ၎င်းမှာ တန်ဖိုးရှိလိမ့်မည် မဟုတ်ပေ၊ အကယ်၍ အသီးအပွင့် ဖြစ်ထွန်းခဲ့လျှင်လည်း ၎င်းမှာ တန်ဖိုး သို့မဟုတ် ကြီးမားသော ရည်ရွယ်ချက် တစ်စုံတစ်ခု ရှိလိမ့်မည် မဟုတ်ဘဲ ကိုယ်တော်သည် ဘုန်းအသရေအားလုံးကို ရနိုင်လိမ့်မည် မဟုတ်ပေ။” “မောဘ၏အမျိုးအနွယ်များဖြစ်သည့် သင်တို့အပေါ်၌ ယခုအမှုပြုနေခြင်းမှာ သင်တို့အား တမင်တကာ အရှက်ရစေရန် မဟုတ်ဘဲ ယင်းအမှု၏ ရည်ရွယ်ချက်ကို ထုတ်ဖော်ရန် ဖြစ်သည်။ ၎င်းမှာ သင်တို့အတွက် ကြီးမားသော ချီးမြှောက်မှုတစ်ခု ဖြစ်သည်။ အကယ်၍ လူတစ်ဦး၌ အသိစိတ်နှင့် ထိုးထွင်းသိမြင်သောဉာဏ်ရှိပါက၊ ၎င်းတို့က ဤသို့ဆိုကြလိမ့်မည်၊ ‘ကျွန်ုပ်သည် မောဘ၏အမျိုးအနွယ်တစ်ဦး ဖြစ်သည်။ ကျွန်ုပ်သည် ယခု လက်ခံရရှိခဲ့သော ဘုရားသခင်၏ ဤကဲ့သို့ ကြီးမားသော ချီးမြှောက်ခြင်း သို့မဟုတ် ယင်းကဲ့သို့ ကြီးမားသော ကောင်းချီးမင်္ဂလာများကို ခံရန် အမှန်တကယ် မထိုက်တန်ပါ။ ကျွန်ုပ် လုပ်သည့်အရာနှင့် ပြောသည့်အရာများနှင့် ကျွန်ုပ်၏ အဆင့်အတန်းနှင့် တန်ဖိုးတို့ကို ကြည့်ပါက၊ ကျွန်ုပ်သည် ဘုရားသခင်ထံမှ ယင်းကဲ့သို့ ကြီးမားသော ကောင်းချီးမင်္ဂလာများနှင့် လုံးဝ မထိုက်တန်ပါ။ ဣသရေလလူမျိုးများသည် ဘုရားသခင်ကို အလွန်ချစ်ကြပြီး ၎င်းတို့ ယခုခံစားရသော ကျေးဇူးတော်မှာ ၎င်းတို့အပေါ် ကိုယ်တော် ပေးသနားတော်မူခြင်း ဖြစ်သည်၊ သို့သော် ၎င်းတို့၏ အဆင့်အတန်းမှာ ကျွန်တို့ထက် များစွာမြင့်မားသည်။ အာဗြဟံသည် ယေဟောဝါကို အလွန်ဆက်ကပ်ခဲ့သူ ဖြစ်ပြီး ပေတရုသည် ယေရှုကို အလွန်ဆက်ကပ်ခဲ့သူ ဖြစ်ခဲ့ပါသည်၊ ၎င်းတို့၏ ဆက်ကပ်မှုမှာ ကျွန်ုပ်တို့ထက် အဆတစ်ရာ သာလွန်ခဲ့ပါသည်၊ ထို့အပြင် ကျွန်ုပ်တို့၏ အပြုအမူများအပေါ် အခြေခံပါက ကျွန်ုပ်တို့သည် ဘုရားသခင်၏ ကျေးဇူးတော်ကို ခံစားရရန် လုံးဝထိုက်တန်ခြင်း မရှိပါ။’” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မောဘအမျိုးအနွယ်တို့အား ကယ်တင်ခြင်း၏ ရည်ရွယ်ချက်”) “မောဘ၏ သားစဉ်မြေးဆက်တို့သည် ကျိန်ဆဲခြင်းကို ခံခဲ့ရသည်၊ ထို့ပြင် သူတို့သည် ခေတ်နောက်ကျန်သော ဤနိုင်ငံ၌ မွေးဖွားလာခဲ့ကြသည်။ အမှောင်ထု၏ လွှမ်းမိုးမှုအောက်တွင် ရှိကြကုန်သော လူအားလုံးထဲတွင် မောဘ၏ သားစဉ်မြေးဆက်တို့သည် အဆင့်အတန်းအနိမ့်ဆုံးဖြစ်ကြသည်မှာ သံသယဝင်ဖွယ်ရာ မရှိပေ။ ဤလူတို့သည် ယအခုအချိန်ထိ အနိမ့်ကျဆုံးသော အဆင့်အတန်း ရှိသူများဖြစ်ကြသောကြောင့် သူတို့အပေါ်၌ လုပ်သော အလုပ်သည် လူသားတို့၏ အယူအဆများကို အကောင်းဆုံးချေဖျက်နိုင်စွမ်းရှိပြီး ဘုရားသခင်၏ အနှစ်ခြောက်ထောင် စီမံခန့်ခွဲမှုအစီအစဉ် တစ်ခုလုံးအတွက်လည်း အကျိုးအရှိဆုံးဖြစ်၏။ ဤလူတို့အကြား၌ ထိုသို့သောအလုပ်ကို လုပ်ခြင်းသည် လူသားတို့၏ အယူအဆများကို အကောင်းဆုံးချေဖျက်သည့် နည်းလမ်းဖြစ်ပြီး ထိုအလုပ်နှင့် ဘုရားသခင်သည် ခေတ်တစ်ခေတ်ကို အစပျိုး၏။ ထိုအလုပ်နှင့် သူသည် လူသားတို့၏ အယူအဆအားလုံးကို ချေဖျက်၏။ ထိုအလုပ်နှင့် ကျေးဇူးတော်ခေတ်တစ်ခေတ်လုံး၏ အလုပ်ကို အဆုံးသတ်လေသည်။ သူ၏ပထမအလုပ်ကို ဣသရေလပြည်၏ နယ်နိမိတ်အတွင်းရှိ ယုဒပြည်၌ ဆောက်ရွက်ခဲ့သည်။ တစ်ပါးအမျိုးသား တိုင်းနိုင်ငံများအကြားတွင် သူသည် ခေတ်သစ်ကို အစပျိုးရန်အလို့ငှာ မည်သည့်အလုပ်ကိုမျှ မလုပ်ခဲ့ပေ။ အလုပ်၏ နောက်ဆုံးအဆင့်ကို တစ်ပါးအမျိုးသားတို့အကြားတွင် ဆောင်ရွက်သည်သာမကသေးဘဲ ကျိန်ဆဲခြင်းခံထားရသော သူများအကြားတွင် ပို၍ဆောင်ရွက်၏။ ဤအချက်တစ်ချက်က စာတန်ကို အရှက်အခွဲနိုင်ဆုံးသော သက်သေဖြစ်သည်။ ဤအကြောင်းကြောင့် ဘုရားသခင်သည် စကြဝဠာထဲရှိ ဖန်ဆင်းရာအားလုံး၏ ဘုရားသခင်၊ အရာခပ်သိမ်း၏ သခင်၊ အသက်ရှိသမျှတို့ ကိုးကွယ်ရသည့်အရာ ‘ဖြစ်လာ’ လေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်သည် ဖန်ဆင်းရာအားလုံး၏ သခင်ဖြစ်တော်မူ၏”) ကျွန်မမှာ ဒီ အယူအဆ ရှိခဲ့ဖူးတယ်။ ဘုရားက ဘယ်သူတွေကို ကယ်တင်မယ်ဆိုတာ ကြိုပြီးပြဋ္ဌာန်းထားတယ်။ အဲဒီလူတွေက သူ ရွေးကောက်ထားတဲ့လူတွေပေါ့လေ။ ဒါဆို ကျွန်မတို့တရုတ်လူမျိုးတွေက မောဘရဲ့အမျိုးအနွယ်တွေ ဖြစ်တယ်၊ ယုတ်ညံ့တဲ့မျိုးရိုးရဲ့ အယုတ်ညံ့ဆုံးတွေ ဖြစ်တယ်၊ ပြီးတော့ ဘုရားကို လက်ခံမှုအနည်းဆုံး၊ ခုခံမှုအများဆုံး လုပ်တဲ့သူတွေ ဖြစ်သလို၊ ဘုရားရဲ့ ကျိန်ဆိုခြင်းနဲ့ ပစ်ပယ်ခြင်းကိုလည်း ခံရသူတွေဆိုတော့၊ ကိုယ်တော်က ကျွန်မတို့ကို လုံးဝ ကယ်တင်မှာမဟုတ်ဘူး ဆိုတာမျိုးပေါ့။ ဒါပေမဲ့ ဘုရား လုပ်ဆောင်ခဲ့တာတွေက အဲဒီလို လုံးဝ မဟုတ်ပါဘူး။ ကျွန်မတို့ကို နိမ့်ကျတယ်ဆိုပြီး၊ ကိုယ်တော်က မပစ်ပယ်ခဲ့ဘူး။ ကျွန်မတို့က ယုတ်ညံ့ပြီး အကျင့်ပျက်တာကြောင့်၊ ကျွန်မတို့ကို မကယ်တင်ဘူးဆိုပြီး လက်လျှော့ခဲ့တာမျိုးလည်း မရှိခဲ့ဘူး။ အဲဒီအစား မောဘအမျိုးအနွယ်တွေဖြစ်တဲ့ ကျွန်မတို့ကြားမှာ အမှုတော်ပြုဖို့အတွက်၊ အကြီးအကျယ် စော်ကားတာတွေ၊ ဆင်းရဲဒုက္ခတွေကို သည်းခံရင်းနဲ့၊ ကိုယ်တော်တိုင် လူ့ဇာတိခံယူခဲ့တယ်။ ကျွန်မတို့ကို သူ့နှုတ်ကပတ်တော်တွေနဲ့ အကြိမ်ကြိမ် တရားစီရင်တယ်၊ ပြစ်တင်ဆုံးမတယ်၊ စမ်းသပ်စစ်ဆေးခဲ့တယ်။ အဲဒါတွေအားလုံးက ကျွန်မတို့ကို သန့်စင်ပေးဖို့၊ ကယ်တင်ပေးဖို့ လုပ်ဆောင်ခဲ့တာပါ။ ဘုရားရဲ့ချစ်ခြင်းမေတ္တာက ဘယ်လောက်တောင် ကြီးမားသလဲ။ သခင်ယေရှုက အပြစ်သားတွေနဲ့အတူ တစ်စားပွဲတည်း စားသောက်ခဲ့သလိုမျိုးပဲ။ ကျွန်မတို့က ယုတ်ညံ့နိမ့်ကျလေလေ၊ ဘုရားရဲ့ချစ်ခြင်းနဲ့ ကယ်တင်ခြင်းက ဘယ်လောက်ကြီးမားတယ်ဆိုတာကို ပိုမြင်လေလေပါပဲ။ ဘယ်လိုပဲရှိပါစေ၊ ဘုရားက ကျွန်မတို့လို ဆိုးဆိုးဝါးဝါး အကျင့်ပျက်ဆုံး၊ ယုတ်ညံ့အနိမ့်ကျဆုံးဆိုတဲ့ လူတွေကို စာတန်ရဲ့ အမှောင်စွမ်းအားတွေထဲကနေ ကယ်တင်ချင်ပါတယ်။ ကျွန်မတို့အနေနဲ့ ကိုယ်တော့်ကို မွန်မွန်မြတ်မြတ် သက်သေခံနိုင်ဖို့အတွက်ပါပဲ။ ဒါက စာတန်အတွက်တော့ ရှက်စရာအကောင်းဆုံး ဖြစ်မှာပါ။ မောဘအမျိုးအနွယ်တွေကြားမှာ ဘုရားအမှုတော်ရဲ့အဓိပ္ပာယ်က ဒါပါပဲ။ အဲဒါအပြင်၊ မောဘအမျိုးအနွယ်တွေကြားက ဘုရားရဲ့ နောက်ဆုံးသောကာလ အမှုတော်ဟာ ကျွန်မတို့ရဲ့ အယူအဆတွေအားလုံးကို ပျောက်ပျက်စေခဲ့ပါပြီ။ ကိုယ်တော်ဟာ ဣသရေလအမျိုးတွေရဲ့ဘုရား ဖြစ်ရုံတင်မကဘူး၊ ဖန်ဆင်းခံသတ္တဝါအားလုံးရဲ့ ဘုရားလည်း ဖြစ်တယ်ဆိုတာ ကျွန်မတို့ကို မြင်စေခဲ့ပါပြီ။ ကျွန်မတို့က ဘယ်လိုဘဝမှာ မွေးဖွားတယ်၊ ဘယ်တိုင်းပြည် ဘယ်လူမျိုးထဲမှာ ပါဝင်တယ်၊ ကျွန်မတို့က ဣသရေလအမျိုးတွေလား၊ မောဘအမျိုးအနွယ်တွေလား၊ ဘုရားရဲ့ကောင်းချီးပေးခြင်း ခံရသူတွေလား၊ ကျိန်ဆိုခြင်း ခံရသူတွေလား ဆိုတာတွေကို ကိုယ်တော်က မကြည့်ပါဘူး။ ကျွန်မတို့က ဖန်ဆင်းခံသတ္တဝါတွေ ဖြစ်နေသရွေ့၊ သမ္မာတရားကို အားထုတ်ပြီး ဘုရားအမှုတော်ကို နာခံနေသရွေ့၊ ဘုရားရဲ့ကယ်တင်ခြင်းကို ခံရနိုင်ပါတယ်။ ဘုရားသခင်က ဖန်ဆင်းခံသတ္တဝါ တစ်ဦးတစ်ယောက်စီတိုင်းအပေါ် တရားမျှတပြီး ဖြောင့်မတ်ပါတယ်၊ တစ်ဦးတစ်ယောက်စီတိုင်းကို ကိုယ်တော် ပေးတဲ့အရာကလည်း ကယ်တင်ခြင်း ခံရခွင့်ပါပဲ။ ဘုရားရဲ့နှုတ်ကပတ်တော်တွေကို ပိုပြီး ဆင်ခြင်လေလေ၊ မောဘအမျိုးအနွယ်တွေကြားက ဘုရားအမှုတော်ရဲ့ ကြီးမားတဲ့ ရည်ရွယ်ချက်ကို ပိုပြီး ခံစားမိတဲ့အပြင်၊ အကျင့်ပျက်လူသားတွေအတွက် ဘုရားရဲ့ချစ်ခြင်းနဲ့ ကယ်တင်ခြင်းက ဘယ်လောက် စစ်မှန်တယ်ဆိုတာကို ကျွန်မ သိလာလေလေပါပဲ။ ဒါပေမဲ့ ကံမကောင်းချင်တော့၊ ကျွန်မက သိပ်ပြီး အရည်အချင်းမရှိတဲ့အပြင်၊ ဘုရားအမှုတော်ကို နားလည်မှုကလည်း အကန့်အသတ်နဲ့ပါ။ ကျွန်မရဲ့ ခံစားချက်တွေနဲ့ နားလည်တာတွေကို နည်းနည်းလောက်ပဲ မျှဝေတတ်တယ်။ ကောင်းတဲ့သက်သေခံချက်မျိုး မပေးနိုင်ပါဘူး။ ဘုရားသခင်ကို ကျွန်မ အများကြီး ပြန်ဆပ်ရမှာပါ။

အခု ပြန်စဉ်းစားကြည့်တော့၊ မောဘရဲ့အမျိုးအနွယ်တစ်ယောက် ဖြစ်ခြင်းဆိုတဲ့ စမ်းသပ်မှုကို ခံရင်းနဲ့၊ အဲဒီအချိန်တုန်းက နည်းနည်းလောက် ဆင်းရဲဒုက္ခရောက်ခဲ့ပေမဲ့၊ ကျွန်မရဲ့ကိုယ်ပိုင်လက္ခဏာနဲ့ တန်ဖိုးကို ကျွန်မ သိလာခဲ့တယ်။ လူသားမျိုးနွယ်ကို ကယ်တင်တဲ့ ဘုရားရဲ့အမှုတော်နဲ့ ကိုယ်တော့်ရဲ့ ဖြောင့်မတ်တဲ့ စိတ်သဘောထားကို နည်းနည်းလေး နားလည်မှုရခဲ့တယ်။ ပြီးတော့ အဲဒီအချိန်ကစပြီး ကျွန်မမှာ မာနထောင်လွှားတာတွေ၊ ကိုယ့်ကိုယ်ကိုယ် ကျေနပ်နေတာတွေ သိပ်ပြီး မရှိတော့ဘူး။ ကျွန်မက ဘယ်လောက် နိမ့်ကျပြီး ပျက်စီးနေတယ်၊ ကိုယ်တော့်ချစ်ခြင်းနဲ့ ကယ်တင်ခြင်းကို မထိုက်တန်ဘူးဆိုတာတွေကို ခံစားမိလာတယ်။ ကိုယ်တော့်အပေါ် မျက်စိနောက်စရာ တောင်းဆိုချက်တွေကိုလည်း ထပ်ပြီး မလုပ်ဝံ့တော့ဘူး။ ဘုရားက ကျွန်မအပေါ် ဘယ်လိုပဲပြုမူပါစေ၊ ဘယ်လိုပဲ စီစဉ်ပါစေ၊ ကျွန်မမှာ လက်ခံနာခံချင်စိတ် ရှိပါတယ်။ ဘုရားနှုတ်ကပတ်တော်တွေရဲ့ တရားစီရင်မှုနဲ့ ပြစ်တင်ဆုံးမမှုကို အမှန်တကယ် လက်ခံပြီးတော့၊ ကျွန်မရဲ့အသက်တာ စိတ်သဘောထားမှာ အပြောင်းအလဲတစ်ခုကို ရှာဖွေကြည့်ချင်တာပါ။ မောဘရဲ့အမျိုးအနွယ်တစ်ယောက် ဖြစ်နေဦးတော့၊ ကျွန်မက သမ္မာတရားကို အားထုတ်ပြီး၊ ဘုရားအတွက် သက်သေရပ်တည်နေရဦးမှာပဲ။ “‘ကျွန်ုပ်တို့သည် ဣသရေလအမျိုး မဟုတ်ပါ၊ သို့သော် အပစ်ပယ်ခံ မောဘ၏ အမျိုးအနွယ်များ ဖြစ်ကြပါသည်။ ကျွန်ုပ်တို့သည် ပေတရု မဟုတ်ကြပါ၊ သူ၏ အရည်အသွေးမျိုး မပိုင်ဆိုင်နိုင်ကြသလို ယောဘလည်းမဟုတ်ပါ။ ဘုရားအတွက် ဝေဒနာခံစားဖို့နှင့် ကိုယ့်ကိုယ်ကို ဆက်ကပ် အပ်နှံဖို့ ဆုံးဖြတ်ချက်ချသော ပေါလုနှင့်ပင်လျှင် ကျွန်ုပ်တို့ မနှိုင်းသာပါ၊ ကျွန်ုပ်တို့ သည် အလွန်ပင် နောက်ပြန်လှန်တတ်သော သူများဖြစ်ပြီး ထို့အတွက်ကြောင့် ဘုရားသခင်၏ ကောင်းချီး မင်္ဂလာများကို ခံစားရဖို့ အရည်အချင်းမမီကြပါ။ ယနေ့ ဘုရားသခင်က ကျွန်ုပ်တို့ကို ချီမလျက် ရှိနေဆဲ ဖြစ်သောကြောင့် ကျွန်ုပ်တို့ သူ့အလိုကို ပြည့်စုံစေကြရမည်ဖြစ်သည်။ ကျွန်ုပ်တို့တွင် လုံလောက်သော အရည်အသွေး သို့မဟုတ် အရည်အချင်း မရှိသော်လည်း ဘုရားသခင်၏ အလိုကို ပြည့်စုံစေချင်သည့် ဆုံးဖြတ်ချက် ကျွန်ုပ်တို့တွင်ရှိသည်။ ကျွန်ုပ်တို့သည် မောဘအမျိုးအနွယ်ဖြစ်ကြပြီး ကျိန်ခြင်းခံသော သူများ ဖြစ်သည်။ ဤသည်မှာ ဘုရားသခင်၏ ထုံးဖွဲ့ချက်ဖြစ်ပြီး ကျွန်ုပ်တို့ ပြောင်းလဲနိုင်စွမ်းမရှိကြပါ။ သို့သော် အသက်ရှင်သန်မှုနှင့် အသိတရားတို့ ပြောင်းလဲနိုင်ပြီး ဘုရားသခင်၏ အလိုကိုပြည့်စုံစေဖို့ ကျွန်ုပ်တို့ သန္နိဋ္ဌာန် ချထားကြပါသည်’ ဟု ဆိုရလိမ့်မည် ဖြစ်သည်။ သင့်တွင် ဤသန္နိဋ္ဌာန် ရှိသောအခါ၊ သိမ်းပိုက်ခြင်း ခံရသည်ကို သင်သည် သက်သေခံပြီးဖြစ်ကြောင်းကို ယင်းအရာက သက်သေထူပေး ပေလိမ့်မည်။” (သိုးသငယ်နောက်လိုက်ပြီး သီချင်းအသစ်များကိုသီဆိုပါ “မောဘအမျိုးအနွယ်များ၌ ရှိသင့်သော ဆုံးဖြတ်ချက်”)

ယခင်က:ဝတ်ကျေတမ်းကျေလုပ်ဆောင်ခြင်းကို ကုစားပြီးနောက်မှသာ တာဝန်ကို မှန်မှန်ကန်ကန် ဆောင်ရွက်နိုင်သည်

နောက်တစ်ခုသို့:၁၃။ မိမိ၏တာဝန်ကို မည်သို့သဘောထားသင့်ပုံ

နှုတ်ကပတ်တော်သည် လူ့ဇာတိ၌ ပေါ်လာ၏ နောက်ဆုံးသောကာလခရစ်တော်၏ မိန့်မြွက်ချက်များ (လက်ရွေးစင်များ) နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ နောက်ဆုံးသောကာလ၏ ခရစ်တော်အတွက် သက်သေများ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ ဘုရားသခင်၏ နေ့စဉ် နှုတ်ကပတ်တော်များ