အဖြည့်ခံတစ်ယောက် စမ်းသပ်ခံရခြင်း

အို ဘုရားသခင်။ ကျွန်ုပ်၌ အဆင့်အတန်း ရှိသည်ဖြစ်စေ မရှိသည်ဖြစ်စေ၊ ကျွန်ုပ် ကိုယ့်ကိုယ်ကိုယ် ယခု သဘောပေါက်ပါပြီ။ အကယ်၍ ကျွန်ုပ်၏ အဆင့်အတန်း မြင့်ပါက ၎င်းမှာ ကိုယ်တော်၏ ချီးမြှောက်ခြင်းကြောင့်ဖြစ်ပြီး၊ အဆင့်အတန်း နိမ့်ပါက ကိုယ်တော်၏ စီမံပေးခြင်းကြောင့် ဖြစ်ပါ၏။ အရာခပ်သိမ်းသည် ကိုယ်တော်၏ လက်တော်ထဲ၌ ရှိပါ၏။ ကျွန်ုပ်၌ ရွေးချယ်စရာ မရှိသကဲ့သို့ ညည်းတွားစရာအကြောင်း တစ်စုံတစ်ရာ မရှိပါ။ ကျွန်ုပ်သည် ဤနိုင်ငံနှင့် ဤလူမျိုးအကြားတွင် မွေးဖွားလာမည့် အကြောင်းနှင့် အရာခပ်သိမ်းသည် ကိုယ်တော်၏စီမံမှုအတွင်း ရှိခြင်းကြောင့် ကျွန်ုပ် လုပ်ဆောင်သင့်သမျှမှာ ကိုယ်တော်၏ အုပ်စိုးမှုအောက်တွင် အကြွင်းမဲ့ နာခံဖို့ဖြစ်ကြောင်းကို ကိုယ်တော် စီမံခဲ့ခြင်း ဖြစ်ပါ၏။ ကျွန်ုပ်သည် အဆင့်အတန်းအပေါ် အာရုံမစိုက်ပါ၊ အမှန်မှာတော့ ကျွန်ုပ်သည် ဖန်ဆင်းခံတစ်ဦးသာ ဖြစ်ပါ၏။ အကယ်၍ ကိုယ်တော်သည် အကျွန်ုပ်အား အဆုံးမဲ့သော တွင်းနက်၊ ကန့်နှင့်ရောသော မီးအိုင်ထဲသို့ ထည့်လျှင်လည်း ကျွန်ုပ်သည် ဘာမျှမဟုတ်ဘဲ ဖန်ဆင်းခံ တစ်ဦးမျှသာ ဖြစ်ပါ၏။ အကယ်၍ ကိုယ်တော်သည် ကျွန်ုပ်ကို အသုံးပြုပါက ကျွန်ုပ်သည် ဖန်ဆင်းခံတစ်ဦး ဖြစ်ပါ၏။ အကယ်၍ ကိုယ်တော်သည် ကျွန်ုပ်ကို စုံလင်စေလျှင်၊ ကျွန်ုပ်သည် ဖန်ဆင်းခံ တစ်ဦးသာ ဖြစ်ပါသေး၏။ အကယ်၍ ကိုယ်တော်သည် ကျွန်ုပ်ကို စုံလင်စေခြင်း မပြုလျှင်လည်း၊ ကျွန်ုပ်သည် ဖန်ဆင်းခံ တစ်ဦးထက် မပိုခြင်းကြောင့် ကျွန်ုပ်သည် ကိုယ်တော့်အား ဆက်၍ ချစ်နေဦးမည် ဖြစ်သည်။ ကျွန်ုပ်သည် ဖန်ဆင်းရှင်သခင်၏ ဖန်ဆင်းခြင်းကိုခံခဲ့ရသော ဘာမျှ မပြောပလောက်သည့် ဖန်ဆင်းခံ တစ်ဦးထက် ဘာမျှမပိုပါ၊ အဖန်ဆင်းခံ လူသားအားလုံးထဲမှ တစ်ဦးသာ ဖြစ်ပါ၏။ ကျွန်ုပ်အား ဖန်ဆင်းခဲ့သူမှာ ကိုယ်တော်ဖြစ်ပြီး ယခု ကိုယ်တော်သည် အကျွန်ုပ်အား ကိုယ်တော်၏ အလိုရှိသည့် အတိုင်း ပြုရန် ကိုယ်တော်၏ လက်တော်ထဲ၌ တစ်ဖန် ထားတော်မူ၏။ အရာခပ်သိမ်းသည် ကိုယ်တော် စီမံပြီးဖြစ်သည့် အရာ ဖြစ်သောကြောင့် ကျွန်ုပ်သည် ကိုယ်တော်၏ တန်ဆာပလာနှင့် ကိုယ်တော်၏ အဖြည့်ခံဖြစ်ရန် လိုလားပါ၏။ မည်သူမျှ ထိုအရာကို မပြောင်းလဲနိုင်ပါ။ ခပ်သိမ်းသော အရာနှင့် အဖြစ်အပျက်မှန်သမျှသည် ကိုယ်တော်၏ လက်တော်ထဲ၌ ရှိကြပါ၏။” (သိုးသငယ်နောက်လိုက်ပြီး သီချင်းအသစ်များကိုသီဆိုပါ) အဖြည့်ခံတစ်ယောက်အဖြစ် ကျွန်တော်ကိုယ်တိုင် စမ်းသပ်ခံရတဲ့အကြောင်းကို မိတ်သဟာယပြုချင်ပါတယ်။

၁၉၉၃ ခုနှစ်အစပိုင်းမှာ ကျွန်တော်က အသင်းတော်မှာ ယုံကြည်သူအသစ်တွေကို ရေလောင်းပေးတဲ့တာဝန် ယူရတယ်။ တရုတ်ကွန်မြူနစ်ပါတီအစိုးရက ခရစ်ယာန်တွေကို ထင်တိုင်းကြဲပြီး ဖမ်းဆီးနှိပ်စက်နေတာဆိုတော့၊ ကျွန်တော်တို့ ဘယ်သွားသွား အဖမ်းခံရမယ့်အန္တရာယ်က ရှိနေတယ်။ အခြေအနေတွေ ဆိုးနေလည်း ကျွန်တော်က လုံးဝ နောက်မတွန့်ဘူး။ ကိုယ့်တာဝန်ကို မရရအောင်လုပ်တာပဲ။ ဘုရားရဲ့ ဒီနှုတ်ကပတ်တော်တွေကို ကျွန်တော် ဖတ်တယ်၊ “ဘုရားသခင်ကို ချစ်သောသူများသာလျှင် ဘုရားသခင် အတွက် သက်သေခံနိုင်ကြသည်။ သူတို့သာလျှင် ဘုရားသခင်၏ သက်သေခံများ ဖြစ်ကြ၏။ သူတို့သာလျှင် ဘုရားသခင်၏ ကောင်းချီးပေးခြင်းကိုခံရပြီး သူတို့သာလျှင် ဘုရားသခင်၏ ကတိတော်များကို လက်ခံရရှိနိုင်ကြသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်ကို ချစ်သောသူများသည် သူ၏အလင်းထဲတွင် ထာဝရနေထိုင်လိမ့်မည်”) ဖတ်လိုက်ပြီဆိုရင်၊ ဘုရားကို ချစ်တဲ့သူတစ်ယောက် ဖြစ်လာအောင် အားထုတ်မယ်ဆိုပြီး ယုံကြည်ခြင်းတွေ ပြည့်သွားသလို ခံစားရတယ်။ အဲဒီလိုအားထုတ်တာမျိုးက ဘုရားရဲ့ထောက်ခံမှုကို ရမှာပဲ၊ ငါက ကောင်းကင်ဘုံကို သေချာပေါက် ရောက်လိမ့်မယ်၊ ကိုယ်တော့်နိုင်ငံသားတစ်ယောက် ဖြစ်လာလိမ့်မယ်ဆိုပြီး ထင်မိတယ်။

ကျွန်တော်က ကိုယ့်ကိုယ်ကိုယ် တက်တက်ကြွကြွ အသုံးခံနေတာဆိုတော့၊ ဘုရားရဲ့နိုင်ငံတော်ထဲ ယူဆောင်ခံရဖို့ သေချာတယ်ပေါ့။ အဖြည့်ခံတစ်ယောက် စမ်းသပ်ခံရခြင်းဆိုတာကို ကျွန်တော် ကြုံခဲ့ရတာက အနန္တတန်ခိုးရှင်ဘုရားသခင် ဖော်ပြတဲ့ နှုတ်ကပတ်တော်တွေကြောင့်ပါ။ အဲဒီတုန်းက မတ်လပိုင်းပေါ့ဗျာ၊ ညီအစ်ကိုမောင်နှမတွေက ဘုရားရဲ့မိန့်မြွက်ချက်အသစ်ဆိုတာကို ကျွန်တော်တို့အသင်းတော်ဆီ လှမ်းပို့ပေးတယ်။ “သိမ်းပိုက်ခြင်းအလုပ်၏ အတွင်းသမ္မာတရား (၁)” ကျွန်တော်လည်း ဘုရားရဲ့နှုတ်ကပတ်တော်တွေကို ဖတ်ကြည့်တယ်၊ “ယခုအချိန်တွင် ၎င်းတို့၏ ပုန်ကန်သော စိတ်သဘောထားအားလုံးကို ဖွင့်ချရန်နှင့် ၎င်းတို့၏ အကျည်းတန်မှုအားလုံးကို ဖော်ထုတ်ရန် တရုတ်ပြည်၌ရှိသော ဘုရားသခင် ရွေးကောက်ထားသော လူတို့ထဲတွင် ငါ အမှုပြု၏။ ဤအရာကား ငါပြောရန်လိုအပ်သမျှကို ပြောရန် နောက်ခံအကြောင်းအရာ ဖြစ်သည်။ ထို့နောက် စကြဝဠာတစ်ခုလုံးကို သိမ်းပိုက်ခြင်းနှင့်ဆိုင်သော အလုပ်၏ နောက်တစ်ဆင့်ကို ငါပြုသည့်အခါ စကြဝဠာတစ်ခုလုံးရှိ လူတိုင်း၏ မတရားသောအမှုကို စစ်ကြောစီရင်ရန် သင်တို့အပေါ် ငါ၏ဝေဖန်ပိုင်းခြားနိုင်စွမ်းကို အသုံးပြုမည်၊ အဘယ်ကြောင့်ဆိုသော် လူသားမျိုးနွယ်ကြားတွင် အသင် လူတို့သည် ပုန်ကန်တတ်သောသူတို့၏ ကိုယ်စားလှယ်များ ဖြစ်ကြခြင်းကြောင့် ဖြစ်သည်။ ပိုမိုကောင်းမွန်အောင် လုပ်ဆောင်နိုင်ခြင်း မရှိသူတို့သည် အဖြည့်ခံများနှင့် အသုံးတော်ခံများသာ ဖြစ်သွားလိမ့်မည်၊ သို့သော် ပိုမိုကောင်းမွန်အောင် လုပ်ဆောင်နိုင်သော သူတို့မူကား အသုံးပြုခြင်း ခံရကြမည်။ ပိုမိုကောင်းမွန်အောင် လုပ်ဆောင်နိုင်ခြင်း မရှိသူတို့သည် အဖြည့်ခံများ အဖြစ်သာ အသုံးတော်ခံမည်ဟု ငါ အဘယ်ကြောင့် ပြောသနည်း။ ယင်းသည် ငါ၏ လက်ရှိနှုတ်ကပတ်တော်များနှင့် အလုပ်အားလုံးတို့သည် သင်တို့၏နောက်ခံကို ပစ်မှတ်ထားကြပြီး သင်တို့သည် လူသားမျိုးနွယ်အားလုံး အကြားတွင် ပုန်ကန်တတ်သောသူတို့၏ ကိုယ်စားလှယ်များနှင့် သရုပ်သကန် ဖြစ်လာခဲ့ကြခြင်းကြောင့် ဖြစ်သည်။ နောက်ပိုင်းတွင် ငါသည် သင်တို့ကို သိမ်းပိုက်သော ဤနှုတ်ကပတ်တော်များကို ပြည်ပနိုင်ငံများသို့ ယူဆောင်သွားပြီး ထိုအရပ်၌ရှိသော လူတို့ကို သိမ်းပိုက်ရန် အသုံးပြုမည်ဖြစ်သည်။ သို့သော်လည်း သင်သည် သူတို့ကို ရရှိခဲ့လိမ့်မည် မဟုတ်။ ယင်းက သင့်ကို အဖြည့်ခံတစ်ခု ဖြစ်စေသည် မဟုတ်လော။...အသက်မပိုင်သော သူတစ်ဦး၊ အတွင်း၌ ရွှေစင်တစ်အောင်စမျှ မရှိသော သူတစ်ဦး၊ ဟောင်းနွမ်းပျက်စီးသော စိတ်သဘောထားနှင့် ကပ်ငြိဆဲသူတစ်ဦးနှင့် အဖြည့်ခံအဖြစ်၌ ကောင်းမြတ်သော အလုပ်တစ်ခုကိုပင် မလုပ်နိုင်သောသူတစ်ဦး ဖြစ်သည်နှင့်အညီ သင်သည် အဘယ်သို့ ဖယ်ရှားခြင်း မခံရနိုင်မည်နည်း။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သိမ်းပိုက်ခြင်းအလုပ်၏ အတွင်းသမ္မာတရား (၁)”) ဘုရားရဲ့နှုတ်ကပတ်တော်တွေထဲမှာ “အဖြည့်ခံ” ဆိုတဲ့ စကားလုံးကို ထပ်တလဲလဲ ပြောထားတာ မြင်ရတော့ ကျွန်တော် တစ်မျိုးကြီး ခံစားရတယ်။ စဉ်းလည်း စဉ်းစားတယ်၊ “အဖြည့်ခံတဲ့လား။ ဘုရားက အဖြည့်ခံဆိုတဲ့စကားလုံးကို နှုတ်ကပတ်တော်တွေထဲမှာ ဟိုတုန်းကလည်း ပြောဖူးတယ်။ ဒါပေမဲ့ အဲဒါက အဆင်းနီတဲ့ နဂါးကြီးကို ရည်ညွှန်းခဲ့တာမဟုတ်ဘူးလား။ ငါက ကိုယ့်ယုံကြည်ခြင်းမှာ ဘုရားအတွက် ပေးဆပ်တယ်။ ကိုယ်တော့်ကို ချစ်တတ်အောင် ကြိုးစားတယ်။ ငါက ကိုယ်တော့်နိုင်ငံတော်သားတစ်ယောက် ဖြစ်သင့်တာ။ ဘယ်လိုလုပ် အဖြည့်ခံတစ်ယောက် ဖြစ်ရမှာလဲ” ပေါ့။ ကျွန်တော်လည်း ဘုရားနှုတ်ကပတ်တော်တွေကို သေသေချာချာ ထပ်ဖတ်ကြည့်တယ်။ ကျွန်တော်တို့ တရုတ်လူမျိုးတွေက ဆိုးဆိုးဝါးဝါး အပျက်စီးဆုံးပဲ၊ ကျွန်တော်တို့က ဘုရားကို အခုခံဆုံးပဲဆိုပြီး ဘုရားက မိန့်ထားတယ်။ လူသားတွေအားလုံးရဲ့ ပုန်ကန်မှုကို ကျွန်တော်တို့က ကိုယ်စားပြုတယ်တဲ့။ ဘုရားနောက် လိုက်သူတွေဟာ ပြောင်းလဲခြင်းဖြစ်မလာဘူး၊ အသက်ကို မရကြသေးဘူးဆိုရင်၊ သူတို့တွေက ဘုရားရဲ့အမှုတော်အတွက် အဖြည့်ခံတွေအဖြစ် အစေခံရလိမ့်မယ်။ သူတို့အားလုံးကို ဘုရားက သုတ်သင်ဖယ်ရှင်းလိမ့်မယ်ပေါ့။ ဒါကို ဖတ်မိတော့ ကျွန်တော့်ရင်ထဲမှာ တင်းကျပ်သွားတာ။ တွေးလည်း တွေးကြည့်တယ်၊ “ငါက အဖြည့်ခံတစ်ယောက်လား။ အဲဒါတော့ မဖြစ်နိုင်ဘူး။ ငါက တကယ်ပဲ အဖြည့်ခံဆိုရင်၊ ကောင်းကင်နိုင်ငံတော်ကို ရောက်နိုင်ပါဦးမလား” ပေါ့။

အဲဒီနောက် သိပ်မကြာလိုက်ဘူး၊ ဘုရားရဲ့ ဒီမိတ်သဟာယပြုချက်ကို ကျွန်တော် ဖတ်ရပြန်ရော၊ “‘သင်တို့သည် ကောက်ကျစ်ပြီး လိမ်လည် လှည့်ဖြားတတ်သောကြောင့်၊ ထို့အပြင် သင်တို့၌ အစွမ်းအစ မရှိသကဲ့သို့ သင်တို့၏ အဆင့်အတန်း နိမ့်ကျသောကြောင့် သင်တို့သည် ငါ၏ မျက်မှောက်အတွင်း သို့မဟုတ် ငါ၏စိတ်နှလုံးထဲတွင် မည်သည့်အခါမျှ မရှိခဲ့ဖူးပေ။ ငါ၏အမှုသည် သင်တို့ကို စီရင်ချက်ချမှတ်ရန် ရည်ရွယ်ချက် တစ်ခုတည်းဖြင့် လုပ်ဆောင်ခြင်း ဖြစ်သည်၊ ငါ၏လက်သည် မည်သည့်အခါမျှ သင်တို့နှင့် ဝေးရာ၌ မရှိခဲ့ဖူးသကဲ့သို့ ငါ၏ပြစ်တင်ဆုံးမခြင်းသည်လည်း မရှိခဲ့ဖူးပေ။ ငါသည် သင်တို့ကို ဆက်၍ တရားစီရင်ကာ ကျိန်ဆဲခဲ့လေပြီ။ သင်တို့သည် ငါ့ကို သိနားလည်ခြင်း မရှိသောကြောင့် ငါ၏အမျက်ဒေါသသည် သင်တို့အပေါ်၌ အမြဲရှိနေခြင်းဖြစ်သည်။ ငါသည် သင်တို့ အကြားတွင် အမြဲ အမှုပြုခဲ့သော်လည်း သင်တို့အပေါ် ငါ၏ သဘောထားကို သင်တို့သိသင့်သည်။ ယင်းမှာ စက်ဆုပ်ရွံရှာမှုသာလျှင် ဖြစ်သည်၊ အခြားသော သဘောထား သို့မဟုတ် ထင်မြင်ချက် မရှိပေ။ သင်တို့ကို ငါ၏ ဉာဏ်ပညာနှင့် ငါ၏ ကြီးမြတ်သော တန်ခိုးတို့အတွက် အဖြည့်ခံများအဖြစ် ပြုမူရန်သာ ငါအလိုရှိသည်။ ငါ၏ ဖြောင့်မတ်ခြင်းကို သင်တို့၏ ပုန်ကန်ဆန့်ကျင်ခြင်းမှတစ်ဆင့် ထုတ်ဖော် ပြသခြင်းကြောင့် သင်တို့သည် ငါ၏ အဖြည့်ခံများ ဖြစ်သည်ထက် ဘာမျှမပိုပေ။ ငါသည် သင်တို့ကို ငါ့အမှုအတွက် အစိတ်အပိုင်းများ အဖြစ်၊ ငါ၏ အမှုအတွက် အဖြည့်ခံများအဖြစ် ငါပြုမူစေသည်...။’” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အဖြည့်ခံဖြစ်ရန် သင်အဘယ်ကြောင့် လိုလားခြင်းမရှိသနည်း”) ကျွန်တော်တို့က အဖြည့်ခံတွေပဲ၊ ကိုယ်တော့်အမှုတော်ရဲ့ အစိတ်အပိုင်းလေးတွေပဲ၊ ပြီးတော့ ကိုယ်တော်က ကျွန်တော်တို့ကို ရွံရှာမုန်းတီးတာပဲဖြစ်တယ်ဆိုတာကို ဘုရားက အရှင်းလင်းဆုံး ဖော်ပြမှန်း ကျွန်တော် မြင်သွားတယ်။ လန့်လည်း လန့်သွားတယ်။ ဘုရားက ကျွန်တော့်ကို စွန့်ပစ်လိုက်ပြီလို့လည်း ခံစားရတယ်။ တကယ်ကို စိတ်မချမ်းမသာဖြစ်သွားတာ။ ရင်ထဲမှာ မကျေနပ်တာတွေ ပေါ်လာတာပေါ့။ “ငါက မိသားစုနဲ့အလုပ်ကို စွန့်ပြီး ဒီလောက်နှစ်တွေအများကြီး ယုံကြည်လာတာ။ ဘုရားအတွက် ကိုယ့်ကိုယ်ကိုယ် အသုံးခံရင်း အများကြီး ဒုက္ခရောက်ခဲ့တာ။ သေခြင်းဆိုတဲ့ စမ်းသပ်မှုရော၊ အစေခံသူတွေ စမ်းသပ်ခံရခြင်းဆိုတာကိုရော ငါ ဖြတ်သန်းခဲ့ပြီးပြီ။ အခုဆို ဘုရားကို ချစ်တတ်အောင်လည်း စပြီး အားထုတ်နေပြီ။ နိုင်ငံတော်သားတစ်ယောက် ဖြစ်လာဖို့ဆိုတာ သေချာပြီလို့ပဲ ထင်တယ်။ အဖြည့်ခံတစ်ယောက်၊ အသုံးတော်ခံတစ်ယောက် ဖြစ်လာမယ်လို့ ငါ လုံးဝ မထင်မိဘူး။ ဘုရားရဲ့ ဖြောင့်မတ်တဲ့ စိတ်သဘောထားအတွက် အဖြည့်ခံဘဝ အဆုံးသတ်ပြီဆိုတာနဲ့ သုတ်သင်ဖယ်ရှင်းခံရမယ်ပေါ့။ အဲဒါဆို ဒီလောက်နှစ်တွေအများကြီးအထိ ငါက ဘာအတွက် အဖိုးအခပေးနေရတာလဲ။ ငါ့မိတ်ဆွေတွေနဲ့ ဆွေမျိုးတွေ သိကုန်ရင်၊ ငါ့ကို ဘယ်လိုထင်ကုန်ကြမလဲ။ ငါ့ယုံကြည်ခြင်းအတွက် မိသားစုနဲ့အလုပ်ကို စွန့်ခဲ့တုန်းက သူတို့တွေ နားမလည်နိုင်ခဲ့ကြဘူး။ ငါ့ကို လှောင်ခဲ့ကြတာ။ ငါက ယုံကြည်သူကောင်းတစ်ယောက် ဖြစ်ချင်ခဲ့တာ။ ဒါမှ ဘုရားရဲ့အမှုတော် ပြီးစီးလို့၊ ကပ်ဘေးတွေ ကျရောက်ပြီဆိုရင်၊ ငါက ကိုယ်တော့်နိုင်ငံတော်ထဲ ယူဆောင်ခံရမယ်။ အဲဒီအချိန်မှာ ငါက ဂုဏ်ယူနေနိုင်မယ်။ သူတို့အားလုံးကတော့ အရှက်ရကြမှာ။ ငါ့ကို အခုလောက် နိမ့်ကျတဲ့ အဖြည့်ခံအဖြစ်နဲ့ အဆုံးသတ်လိမ့်မယ်လို့ ဘယ်သူက ထင်မိမှာလဲ။ အဖြည့်ခံတွေဆိုတာ အသက်ကို မပိုင်ကြဘူး။ သူတို့က အစေခံသူတွေလောက်တောင် မကောင်းတဲ့ အမှိုက်တွေပဲ။ ဘာပဲဖြစ်ဖြစ် အစေခံသူတွေကမှ ဘုရားအတွက် ခဏလောက် အစေခံခွင့်ရကြတယ်။ ကျေးဇူးတော်နဲ့ ကောင်းချီးတွေကို ခံစားနိုင်ကြတယ်။ အစေခံသူတစ်ယောက် ဖြစ်တာကမှ ကောင်းဦးမယ်။ အဲဒါက ဘာပဲဖြစ်ဖြစ် အဖြည့်ခံဖြစ်တာထက်တော့ ပိုကောင်းသလိုပဲ” ဆိုပြီး စဉ်းစားကြည့်တယ်။

“အဖြည့်ခံ” ဆိုတဲ့ စကားလုံးက ကျွန်တော့်ခေါင်းထဲမှာ နောက်သုံးလေးရက်အထိ ပဲ့တင်ရိုက်နေတာပေါ့ဗျာ။ လျှောက်မတွေးဘဲလည်း မနေနိုင်ဘူး၊ “ငါက အဖြည့်ခံဆိုတာထက် မပိုနိုင်တော့ဘူးလား။ ဘာလို့ ငါက တရုတ်ပြည်မှာ မွေးရတာလဲ။ အဆင်းနီတဲ့နဂါးကြီးက တရုတ်လူမျိုးတွေကို ဆိုးဆိုးဝါးဝါး မပျက်စီးစေခဲ့ဘူးဆိုရင်၊ ငါက ဘယ်တော့မှ အဖြည့်ခံဖြစ်မယ့်လူ မဟုတ်ဘူး။ ငါက ဘုရားရဲ့နိုင်ငံတော်ထဲ ဝင်ရောက်ရမယ်၊ နိုင်ငံတော်သားတစ်ယောက် ဖြစ်တော့မယ်၊ ဘုရား ကတိတော်ပေးထားတာကို ခံစားရတော့မယ်လို့ပဲ ထင်ထားတာ။ အဖြည့်ခံအဖြစ်နဲ့ အဆုံးသတ်ရလိမ့်မယ်လို့ လုံးဝ မထင်ခဲ့ဘူး” ပေါ့။ အဲဒီအကြောင်းကို စဉ်းစားလေလေ ပိုပြီးစိတ်ညစ်လာလေပဲ။ မငိုမိအောင်ထိန်းလည်း မရဘူး။ အဲဒီကိစ္စက အမှန်ပဲဆိုတော့ ကိုယ့်ကံကြမ္မာကို လက်ခံလိုက်ရုံပဲရှိတော့တယ်ဆိုပြီး ကျွန်တော် ယူဆလိုက်တယ်။

အဲဒီနောက်ပိုင်း စည်းဝေးပွဲတွေ တက်တယ်၊ ကိုယ့်တာဝန်ကို ဆက်လုပ်နေတယ်ဆိုပေမဲ့၊ စိတ်မပါတော့ဘူး။ ဆုတောင်းချက်မှာလည်း ဘုရားကို ဘာမှပြောစရာ မရှိခဲ့ဘူး။ သီချင်းလည်း ဆိုလို့မရတော့ဘူး။ ဘုရားနှုတ်ကပတ်တော်တွေကနေ အသိဉာဏ်ပွင့်တာမျိုး လုံးဝမရတော့ဘူး။ ကျွန်တော်က အဖြည့်ခံတစ်ယောက်ဆိုတော့၊ ဆက်ပြီး အားထုတ်လည်း ဘာမှမထူးဘူးလို့ ထင်မိတယ်။ ကျွန်တော်က နောက်ဆုံး စွန့်ပစ်ခံရမှာ၊ သုတ်သင်ဖယ်ရှင်းခံရမှာ။ အနက်ဆုံးသောတွင်းထဲ ပစ်ချခံရမှာလေ။ ကျွန်တော်လည်း တကယ်ကို အပျက်သဘောဆောင်လာတယ်။ သောကရောက်တာပေါ့။ တစ်ညကျတော့ အိပ်ရာထဲမှာ အိပ်လို့လည်းမရတော့၊ လှဲနေရင်းနဲ့၊ နောက်ဆုံးသောကာလရဲ့ အမှုတော်အတွက် ဘုရား မိန့်ဆိုထားတဲ့ နှုတ်ကပတ်တော်တွေအားလုံးကို စဉ်းစားကြည့်တယ်။ ကျွန်တော်တို့ကို ရေလောင်းပြီး အာဟာရပေးနေခဲ့တဲ့ နှုတ်ကပတ်တော်တွေ။ ကျွန်တော်တို့ကို သန့်စင်ပေးခဲ့တဲ့ စမ်းသပ်မှုတွေ၊ စစ်ဆေးမှုတွေအကြောင်းပေါ့။ အထူးသဖြင့် အစေခံသူတွေ စမ်းသပ်ခံရခြင်းအကြောင်းကို ကျွန်တော် စဉ်းစားကြည့်တယ်။ အဲဒီအချိန်တုန်းက ဘုရားက ကျွန်တော်တို့ရဲ့ သွေးသားမျှော်လင့်ချက်တွေကို ခွာချွတ်တယ်။ အနက်ဆုံးသောတွင်းဆီ စီရင်လိုက်တယ်ဆိုပေမဲ့၊ နှုတ်ကပတ်တော်တွေအားဖြင့် စမ်းသပ်တာပါ။ ဒီအရာတွေက ကျွန်တော်တို့အပေါ် တကယ် မကျရောက်ခဲ့ဘူး။ ယုံကြည်ခြင်းအတွက် ကျွန်တော့်ရဲ့ တွန်းအားက ကောင်းချီးတွေ ရချင်တာပဲဆိုတာကို ကျွန်တော် နည်းနည်း နားလည်ခဲ့တာတွေ၊ ဘုရားရဲ့ဖြောင့်မတ်တဲ့ စိတ်သဘောထားကို နည်းနည်းလောက် တွေ့ကြုံခဲ့ရတာတွေက အဲဒီစမ်းသပ်မှုကြောင့်ပါ။ ဘုရားက ဘယ်လိုအမှုတော်ကိုပဲ ပြုပြု၊ ကျွန်တော်တို့ကို သန့်စင်ကယ်တင်ဖို့ လုပ်ဆောင်တာတွေပဲဆိုတာ ကျွန်တော် မြင်ခဲ့ပြီ။ ကိုယ်တော့်အတွက် ဝမ်းမြောက်ဝမ်းသာ အစေခံမယ်လို့ ဘုရားရှေ့မှာ ဆုံးဖြတ်ခဲ့တာကိုလည်း ကျွန်တော် ပြန်သတိရတယ်။ ကိုယ့်ကိုယ်ကိုယ်လည်း အပြစ်တင်မိတာပေါ့။ တွန်းအားနည်းနည်းတော့ ရလိုက်တယ်။ ပြီးတော့ စဉ်းစားတယ်၊ “ငါက အစေခံသူဖြစ်ဖြစ်၊ အဖြည့်ခံတစ်ယောက်ပဲဖြစ်ဖြစ်၊ ဖန်ဆင်းရှင်အတွက် ငါ့တာဝန်ကို လုပ်နေတယ်ဆိုတာ မှန်ကန်တယ်။ ပြီးတော့ ဘုရားက အနာဂတ်မှာ ဘာတွေပဲ စီစဉ်ပေးပေး၊ ငါ အစေခံတာတွေပြီးလို့ ကောင်းတဲ့အဆုံးသတ် မရဘူးဆိုရင်တောင်၊ နောက်ဆုံးအချိန်အထိ ကိုယ်တော့်ကိုပဲ အစေခံနေတော့မယ်” ပေါ့။ အဲဒီလိုနဲ့ ကျွန်တော်လည်း ကိုယ့်တာဝန်ကိုပဲ ဆက်လုပ်တယ်။ ဒါပေမဲ့ ကျွန်တော်က ဘုရားအလိုတော်ကို နားမလည်ဘူးဆိုတော့၊ အသက်လည်း မရ၊ အဆုံးသတ်ကောင်းလည်း မရတဲ့ အဖြည့်ခံအဖြစ်ကို တွေးမိတိုင်း၊ အပျက်သဘော ခံစားမိနေတုန်းပဲ။ ဝမ်းနည်းမိတုန်းပဲ။

အဲဒီလိုနဲ့ ဧပြီလ အစပိုင်းမှာ ဘုရားရဲ့မိန့်မြွက်ချက်အသစ်တွေကို ကျွန်တော်တို့ ထပ်ရတယ်။ ဘုရားရဲ့နှုတ်ကပတ်တော်တွေထဲမှာ ကျွန်တော် ဒါကို ဖတ်ရပြန်ရော၊ “သင်တို့ ရှာဖွေရာတွင်၊ တစ်ဦးချင်းစီ၌ များစွာသော အယူအဆများ၊ မျှော်လင့်ချက်များနှင့် အနာဂတ်များ ရှိကြသည်။ လက်ရှိအမှုမှာ ရာထူးအဆင့်အတန်းအပေါ် သင်တို့၏ တပ်မက်မှုနှင့် သင်တို့၏ လွန်ကဲသော အလိုဆန္ဒများကို ကိုင်တွယ်ဖြေရှင်းရန်အတွက် ဖြစ်သည်။ မျှော်လင့်ချက်များ၊ အဆင့်အတန်းနှင့် အယူအဆများ အားလုံးသည် စာတန်ဆန်သော စိတ်သဘောထား၏ ဂန္တဝင် ကိုယ်စားပြုချက်များ ဖြစ်သည်။ လူတို့၏ စိတ်နှလုံးများထဲတွင် ဤအရာများ တည်ရှိနေရသည့် အကြောင်းရင်းမှာ စာတန်၏ အဆိပ်အတောက်သည် လူတို့၏ အတွေးအခေါ်များအား အမြဲတစေ ပျက်စီးယိုယွင်းစေနေခြင်းကြောင့်ဖြစ်ပြီး လူတို့သည် စာတန်၏ ဤစုံစမ်းနှောင့်ယှက်မှုများကို အမြဲတစေ မဖယ်ရှား နိုင်ခြင်းကြောင့် ဖြစ်သည်။ ၎င်းတို့သည် အပြစ်တရားကြားတွင် အသက်ရှင်နေကြသော်လည်း၊ ၎င်းအား အပြစ်ဟု မယုံကြည်ကြ သကဲ့သို့၊ ၎င်းတို့သည်၊ ‘ငါတို့သည် ဘုရားသခင်ကို ယုံကြည်သောကြောင့် သူသည် ငါတို့အပေါ် ကောင်းချီး မင်္ဂလာများကိုပေးပြီး ငါတို့အတွက် အရာခပ်သိမ်းကို သင့်တော်သလို စီစဉ်ပေးရမည်။ ငါတို့သည် ဘုရားသခင်ကို ယုံကြည်သောကြောင့် ငါတို့သည် အခြားသူများထက် သာလွန်ကာ ငါတို့၌ အခြားသူများထက် သာလွန်သော အဆင့်အတန်းနှင့် အနာဂတ်တစ်ခု ရှိရမည်။ ငါတို့သည် ဘုရားသခင်ကို ယုံကြည်သည့်အတွက် သူသည် ငါတို့အား အကန့်အသတ်မရှိသော ကောင်းချီးမင်္ဂလာများကို ပေးကို ပေးရမည်။ သို့မဟုတ်ပါက ၎င်းကို ဘုရားသခင်အား ယုံကြည်ခြင်းဟု ခေါ်လိမ့်မည် မဟုတ်’ ဟူ၍ ယုံကြည် ကြသေးသည်။ လူတို့သည် ၎င်းတို့ အသက်ရှင်ရန်အတွက် အမှီပြုခဲ့သော အတွေးအခေါ်များသည် ၎င်းတို့ သစ္စာဖောက်သော သူများ၊ သူရဲဘောကြောင်သောသူများ နှင့် စက်ဆုပ်ဖွယ် ကောင်းသောသူများ ဖြစ်လာသည်အထိ ၎င်းတို့၏ စိတ်နှလုံးများကို နှစ်ပေါင်းများစွာ ပျက်စီးယိုယွင်းစေခဲ့သည်။ ၎င်းတို့၌ စိတ်ဓာတ်ခွန်အားနှင့် စိတ်ဆုံးဖြတ်ချက် ကင်းမဲ့ကြသည်သာမက ၎င်းတို့သည် လောဘကြီးလာကြပြီး၊ မောက်မာလာကြကာ၊ တစ်ဇွတ်ထိုး လုပ်လာကြလေသည်။ ၎င်းတို့၌ အတ္တကို ကျော်လွန်သော စိတ်ဆုံးဖြတ်ချက် တစ်ခုတစ်လေ လုံးဝကင်းမဲ့နေပြီး ထိုမျှမက ၎င်းတို့၌ ဤမှောင်မိုက် လွှမ်းမိုးမှုများ၏ ချုပ်ချယ်မှုများကို ဖယ်ရှားရန် သတ္တိ အနည်းငယ်ပင် မရှိကြချေ။ လူတို့၏ အတွေးအခေါ်များ နှင့် အသက်တာများသည် ပုပ်သိုးလွန်းသည်မှာ ဘုရားသခင် အပေါ် ယုံကြည်ခြင်းနှင့် သက်ဆိုင်သော ၎င်းတို့၏ ရှုထောင့်အမြင်များမှာ သည်းမခံနိုင်အောင် အကျည်းတန် နေသေးသည်သာမက ဘုရားသခင်အပေါ် ယုံကြည်ခြင်း အကြောင်း ၎င်းတို့၏ ရှုထောင့်အမြင်များကို လူတို့ ပြောကြသည့်အခါ ၎င်းမှာ တကယ်ပင် နားမခံနိုင်စရာ ဖြစ်သည်။ လူအားလုံးသည် သူရဲဘောကြောင်ကြသည်၊ အစွမ်းအစမရှိ၊ စက်ဆုပ်ရွံရှာဖွယ် ဖြစ်ကြသည်သာမက ခိုင်ခံ့ခြင်းလည်း မရှိကြပေ။ ၎င်းတို့သည် အမှောင်စွမ်းအားများကို ရွံရှာခြင်း မရှိကြသကဲ့သို့ အလင်းနှင့် သမ္မာတရားကို ချစ်ခြင်း မရှိကြ၊ ထိုသို့ဖြစ်ရမည့်အစား ၎င်းတို့ကို ထုတ်ပစ်ရန်အတွက် အစွမ်းကုန် လုပ်ဆောင်ကြသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အဖြည့်ခံဖြစ်ရန် သင်အဘယ်ကြောင့် လိုလားခြင်းမရှိသနည်း”) ဘုရားနှုတ်ကပတ်တော်တွေက လူကို နာသွားအောင် ပြောလိုက်တာပါ။ မကောင်းတဲ့ ကျွန်တော့်စိတ်သဘောထားကိုရော၊ ကိုယ် ရှင်သန်ဖို့ပဲ တွေးတတ်တာတွေကိုရော လုံးဝ ဖော်ထုတ်ပြလိုက်တာ။ ကျွန်တော် တကယ် ရှက်မိတယ်။ ငါ့ယုံကြည်ခြင်းဆိုတာ ကောင်းချီးတွေပဲရမှာဆိုပြီး ဟိုးစစချင်းတုန်းက တွေးခဲ့ဖူးတယ်။ ကျွန်တော်က ထင်ခဲ့မိတယ်၊ “‘ငါတို့သည် ဘုရားသခင်ကို ယုံကြည်သည့်အတွက် သူသည် ငါတို့အား အကန့်အသတ်မရှိသော ကောင်းချီးမင်္ဂလာများကို ပေးကို ပေးရမည်။ သို့မဟုတ်ပါက ၎င်းကို ဘုရားသခင်အား ယုံကြည်ခြင်းဟု ခေါ်လိမ့်မည် မဟုတ်’ ဟူ၍ ယုံကြည် ကြသေးသည်။” သေခြင်းဆိုတဲ့ စမ်းသပ်မှုကိုရော၊ အစေခံသူတွေ စမ်းသပ်ခံရခြင်းဆိုတာကိုရော ဖြတ်သန်းပြီးတော့မှ၊ ကောင်းချီးတွေ ရချင်တဲ့ ကိုယ့်ရည်ရွယ်ချက်တွေကို စပြီး နားလည်လာတာ။ ဘုရားအတွက် အစေခံချင်စိတ် ဖြစ်လာခဲ့တာပါ။ ဒါပေမဲ့ ကောင်းချီးတွေ ရချင်တဲ့ဆန္ဒက ကိုယ့်စိတ်နှလုံးအတွင်းထဲမှာ တကယ်ကို အမြစ်တွယ်နေတုန်းပဲ။ အပြည့်အဝ မသန့်စင်ခဲ့ဘူး။ အထူးသဖြင့် သူ့ကို ချစ်ခင်သူတွေကို ကောင်းချီးပေးတယ်ဆိုတဲ့ ဘုရားရဲ့ကတိတော်ကို မြင်မိတဲ့အခါမျိုးဆို၊ ကောင်းချီးတွေ လိုချင်တဲ့ ကျွန်တော့်ဆန္ဒက ပြန်ပြီး နိုးကြွလာရော။ ဒီတစ်ခါတော့ ကောင်းကင်နိုင်ငံတော်ကို ဝင်ရဖို့ သေချာတယ်ဆိုပြီး ကျွန်တော်က ထင်ခဲ့တာ။ အဲဒါကြောင့် ဘုရားအတွက် ပိုပြီး ထက်ထက်သန်သန်နဲ့ ကိုယ့်ကိုယ်ကိုယ် အသုံးခံခဲ့တယ်။ ဒါပေမဲ့ ဘုရားက ကျွန်တော်တို့ကို အဖြည့်ခံတွေ၊ အခက်အလက်လေးတွေ၊ သူ့ရဲ့ မနှစ်သက်ခံတွေအဖြစ် ဖော်ထုတ်လိုက်တော့၊ ကောင်းချီးတွေရချင်တဲ့ ကျွန်တော့်မျှော်လင့်ချက်တွေ တစ်စစီဖြစ်ကုန်သလို ခံစားရတယ်။ အနာဂတ်ရော အဆင့်အတန်းရော ဘာမှမရှိတော့သလိုပဲ။ မတရားသဖြင့် ခံရသလို တော်တော်ကြီး ခံစားလိုက်ရတာ။ မကျေနပ်တာတွေလည်း အပြည့်ပေါ့။ ကျွန်တော်က ကိုယ် ပေးဆပ်တာတွေ၊ ခက်ခဲပင်ပန်းတာတွေကို ဘုရားနဲ့ အပေးအယူလုပ်နိုင်ဖို့ အရင်းအနှီးသဘော ယူဆခဲ့တာပဲ။ နိုင်ငံတော်ထဲ အခမဲ့ဝင်ရောက်ခွင့်ကို ဘုရားဆီက ရအောင်ပေါ့။ အဲဒီလိုမှမဟုတ်ရင် ကိုယ့်ကိုယ်ကိုယ် ဆက်ပြီး အသုံးခံချင်ခဲ့မှာ မဟုတ်ဘူး။ ကျွန်တော့်တရားလွန်ဆန္ဒတွေ၊ အဆင့်အတန်းကို တောင့်တတာတွေက ဘယ်လောက်ပြင်းထန်ခဲ့တယ်ဆိုတာ အဲဒီတော့မှပဲ နားလည်သွားတာ။ ကျွန်တော့်မှာ ဘုရားကို စစ်မှန်တဲ့ချစ်ခြင်း၊ နာခံခြင်းဆိုတာ နည်းနည်းလေးမှ မရှိခဲ့ဘူး။ အပေးအယူသဘောတွေ၊ ပုန်ကန်ချင်တာတွေ၊ လိမ်ညာခဲ့တာတွေချည်းပဲ။ အဖြစ်မှန်တွေနဲ့ ရင်ဆိုင်ရတော့မှ ကျွန်တော်လည်း လုံးဝ လက်ခံယုံကြည်လာတာပါ။ စာတန်ကြောင့် ကျွန်တော် ဘယ်လောက် ပျက်စီးခဲ့တယ်ဆိုတာ မြင်သွားတယ်။ ကျွန်တော်က မာနထောင်လွှားပြီး မရိုးသားခဲ့ဘူး၊ တစ်ကိုယ်ကောင်းဆန်ပြီး ရွံစရာကောင်းခဲ့တယ်။ အသိစိတ်နဲ့ ဆင်ခြင်မှုဆိုတာ လုံးဝမရှိခဲ့ဘူး။ ဘယ်လို ပုန်ကန်ပြစ်မှားမှုကိုမှ သည်းမခံတဲ့ ဘုရားရဲ့ သန့်ရှင်း၊ ဖြောင့်မတ်တဲ့ စိတ်သဘောထားကိုလည်း ကျွန်တော် မြင်သွားတယ်။ ပျက်စီးတဲ့ စိတ်သဘောထားတွေ၊ ရည်ရွယ်ချက်တွေ အများကြီးနဲ့ စွန်းထင်းနေတဲ့ ကျွန်တော့်လို ဖောက်ပြန်ပျက်စီးတဲ့လူမျိုးကို ဘုရားက မနှစ်မြို့ဘဲနေပါ့မလား။ ဘုရားက ကျွန်တော့်ကို ဘယ်လိုပဲခေါ်ခေါ်၊ ဘယ်လိုပဲ သဘောထားပါစေ၊ အဲဒါက ဖြောင့်မတ်ပါတယ်။

နောက်တော့ စည်းဝေးပွဲတစ်ခုမှာ ဘုရားရဲ့ ဒီနှုတ်ကပတ်တော်တွေကို ကျွန်တော် ဖတ်ရတယ်၊ “ဤအချိန်ကာလအတောအတွင်း၊ သင်သည် ဘုရားသခင် ဖော်ပြပြီးဖြစ်သည့် ဤမိန့်မြွက်ချက်များကို ပိုမို ဖတ်ရှုသင့်ပြီး နှိုင်းယှဉ်ခြင်းဖြင့် သင်တို့၏ လုပ်ရပ်များကို ကြည့်လော့။ သင်သည် ကောင်းမွန်ပြီး အမှန်တကယ် အဖြည်ခံတစ်ဦး ဖြစ်သည်မှာ လုံးဝ အမှန်တရား ဖြစ်သည်။ ယနေ့ သင်၏ အသိပညာ အတိုင်းအတာမှာ အဘယ်နည်း။ သင်၏ စိတ်ကူးများ၊ သင်၏ အတွေးများ၊ သင်၏ အပြုအမူ၊ သင်၏ စကားများနှင့် လုပ်ဆောင်ချက်များ- ဤအမူအရာများအားလုံးသည် ဘုရားသခင်၏ ဖြောင့်မတ်ခြင်းနှင့် သန့်ရှင်းခြင်းတို့အဖို့ အဖြည့်ခံတစ်ခုနှင့် မညီမျှသလော။ သင်တို့၏ အမူအရာများသည် ဘုရားနှုတ်ကပတ်တော်များက ထုတ်ဖော်ပြသည့် ဖောက်ပြန်ပျက်စီးသော စိတ်သဘောထား၏ သရုပ်သကန်များ ဖြစ်သည် မဟုတ်လော။ သင်၏ အတွေးများနှင့် စိတ်ကူးများ၊ သင်၏ ကြံရွယ်ချက်များနှင့် သင့်အထဲတွင် ထုတ်ဖော်ပြခံရသည့် ဖောက်ပြန်ပျက်စီးခြင်းသည် ဘုရားသခင်၏ ဖြောင့်မတ်သော စိတ်သဘောထားအပြင်၊ သူ၏ သန့်ရှင်းခြင်း တို့ကို ပြသလေသည်။ ဘုရားသခင်သည်လည်း အညစ်အကြေး နယ်မြေထဲတွင် မွေးဖွားခဲ့ပေသည်၊ သို့တိုင် သူသည် အညစ်အကြေးအားဖြင့် ဖျက်ဆီးခြင်းမခံရဘဲ ရှိနေလေသည်။ သင်ကဲ့သို့ သူသည် သင်နှင့်အလားတူ ညစ်ပတ်ပေရေသော လောကထဲတွင် အသက်ရှင်ခဲ့သော်လည်း သူသည် ဆင်ခြင်တုံတရားနှင့် သိမြင်နားလည်မှုတို့ ပိုင်ဆိုင်ပြီး အညစ်အကြေးကို စက်ဆုပ်ရွံရှာလေသည်။ သင်သည် သင်၏ စကားများနှင့် လုပ်ရပ်များတွင် ညစ်ပတ်ပေရေသောအရာ တစ်ခုတစ်လေမျှပင် သတိပြုမိနိုင်လိမ့်မည် မဟုတ်သော်လည်း ဘုရားသခင်က သတိပြုမိနိုင်ပြီး ၎င်းတို့ကို သင့်အား သူ ထောက်ပြလေသည်။ သင်၏ ဟောင်းနွမ်းသောအရာများဖြစ်သည့် သင်၏ ရည်မွန်ယဉ်ကျေးခြင်း၊ ထိုးထွင်းသိမြင်မှုနှင့် အသိတို့ ကင်းမဲ့မှုနှင့် သင်၏ နောက်သို့ပြန်သွားသော အသက်ရှင်သည့် နည်းလမ်းများသည် ယနေ့ ထုတ်ဖော်ပြခြင်းများအားဖြင့် အလင်းထဲသို့ ရောက်လာပြီးဖြစ်သည်။ ထို့ကြောင့် လူတို့သည် ဘုရားသခင်၏ သန့်ရှင်းခြင်းနှင့် ဖြောင့်မတ်သော စိတ်သဘောထားတို့ကို ရှုမြင်ကြရသည်မှာ ဘုရားသခင်သည် ထိုသို့အမှုပြုဖို့ရန် ကမ္ဘာမြေသို့ ကြွလာခြင်းအားဖြင့်သာ ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သိမ်းပိုက်ခြင်းအမှု ဒုတိယအဆင့်၏ အကျိုးတရားများကို ရရှိပုံ”) “မှန်ပေ၏၊ ဘုရားသခင်သည် အကြောင်းမဲ့သက်သက် သင့်ကို အဖြည့်ခံတစ်ဦး မဖြစ်စေပေ။ ယင်းထက်၊ ဤအမှုက အသီးအပွင့် သီးသည့်အချိန်တွင်သာ လူ၏ ပုန်ကန်ခြင်းသည် ဘုရားသခင်၏ ဖြောင့်မတ်သော စိတ်သဘောထားအဖို့ အဖြည့်ခံတစ်ခုဖြစ်ကြောင်း ထင်ရှားပေါ်လွင်လာသည် ဖြစ်ပြီး၊ သင်တို့သည် အဖြည့်ခံများ ဖြစ်သောကြောင့်သာ ဘုရားသခင်၏ ဖြောင့်မတ်သော စိတ်သဘောထားနှင့်ဆိုင်၍ သဘာဝဖော်ပြချက်ကို သင်တို့ သိဖို့ အခွင့်ရှိခြင်း ဖြစ်ပေသည်။ သင်တို့၏ ပုန်ကန်မှုကြောင့် သင်တို့သည် တရားစီရင်ခံရပြီး ပြစ်တင်ဆုံးမခံရ၏၊ သို့သော်လည်း၊ သင်တို့ကို အဖြည့်ခံများဖြစ်စေသည်မှာလည်း သင်တို့၏ ပုန်ကန်မှုဖြစ်ပြီး၊ သင်တို့အပေါ် ပေးသနားသည့် ဘုရားသခင်၏ ကြီးမားသည့် ကျေးဇူးတော်ကို သင်တို့ ရရှိသည်မှာ သင်တို့၏ ပုန်ကန်မှုကြောင့် ဖြစ်ပေသည်။ သင်တို့၏ ပုန်ကန်ခြင်းသည် ဘုရားသခင်၏ အရာခပ်သိမ်း တတ်စွမ်းနိုင်ခြင်း နှင့် ဉာဏ်ပညာတို့အဖို့ အဖြည့်ခံတစ်ခု ဖြစ်ပြီး၊ သင်တို့အနေဖြင့် ထိုသို့သော ကြီးမားသည့် ကယ်တင်ခြင်းနှင့် ကောင်းချီး မင်္ဂလာများကို ရရှိပြီးဖြစ်သည်မှာ သင်တို့၏ ပုန်ကန်မှုကြောင့် ဖြစ်ပေ၏။ သင်တို့သည် ငါ့အားဖြင့် အဖန်ဖန် တရားစီရင်ခံရကြသော်လည်း၊ လူသား ယခင်က လုံးဝ မရဖူးခဲ့သည့် ကြီးမားလှသော ကယ်တင်ခြင်းကို သင်တို့ ရကြလေပြီ။ သင်တို့အတွက် ဤအမှုသည် အဆုံးစွန် အဓိပ္ပါယ်ရှိသော အမှုဖြစ်သည်။ ‘အဖြည့်ခံ’ တစ်ဦး ဖြစ်ခြင်းသည် သင်တို့အတွက် အလွန့်အလွန်လည်း အဖိုးတန်၏။ သင်တို့သည် အဖြည့်ခံ ဖြစ်သောကြောင့် ကယ်တင်ခံရပြီး ကယ်တင်ခြင်း ကျေးဇူးတော်ကို ရရှိကြပြီး ဖြစ်သည်၊ ထို့ကြောင့် ထိုသို့သော အဖြည့်ခံတစ်ဦးသည် အဆုံးစွန် အဖိုးတန်သည် မဟုတ်လော။ အဆုံးစွန် အဓိပ္ပါယ်ရှိသည် မဟုတ်လော။ သင်တို့သည် ဘုရားသခင်ကဲ့သို့ တူညီသော လောကတစ်ခုတည်း၊ ညစ်ပတ်ပေရေသော မြေတစ်ခုတည်းတွင် အသက်ရှင်ကြ သောကြောင့်၊ သင်တို့သည် အဖြည့်ခံဖြစ်ပြီး အကြီးမားဆုံးသော ကယ်တင်ခြင်း ရရှိပေသည်။ ဘုရားသခင်သည် လူ့ဇာတိခံမလာခဲ့ပါက၊ သင်တို့အပေါ် အဘယ်သူသည် သနားကရုဏာရှိလိမ့်မည်နည်း၊ ပြီးလျှင် အဘယ်သူသည် အရေးမပါသည့် လူများဖြစ်သော သင်တို့ကို ကြည့်ရှုစောင့်ရှောက် ခဲ့လိမ့်မည်နည်း။ အဘယ်သူသည် သင်တို့ကို ဂရုစိုက် ခဲ့လိမ့်မည်နည်း။ ဘုရားသခင်သည် သင်တို့အလယ် အမှုပြုဖို့ လူ့ဇာတိမခံခဲ့ပါက၊ သင်တို့ ယခင်ကလူတို့ လုံးဝမရဖူးသည့် ဤကယ်တင်ခြင်းကို မည်သည့်အချိန်တွင် သင်တို့ ရရှိ ခဲ့လိမ့်မည်နည်း။ သင်တို့ကို ဂရုစိုက်ဖို့ရန်၊ သင်တို့၏ အပြစ်များကို တရားစီရင်ဖို့ရန်၊ ငါသည် လူ့ဇာတိမခံလာခဲ့ပါက၊ သင်တို့သည် အချိန်ကြာမြင့်စွာကတည်းက မရဏာနိုင်ငံထဲသို့ ကျဆင်းပြီး ဖြစ်လိမ့်မည် မဟုတ်လော။ ငါသည် လူ့ဇာတိခံပြီး သင်တို့အလယ် မိမိကိုယ်ကိုယ် မနှိမ့်ချခဲ့ပါက၊ သင်တို့သည် ဘုရားသခင်၏ ဖြောင့်မတ်သော စိတ်သဘောထားအဖို့ အဖြည့်ခံဖြစ်ဖို့ရန် အဘယ်သို့ အရည်အချင်း ပြည့်မီနိုင်မည်နည်း။...သင်တို့ကို သိမ်းပိုက်ဖို့ရန် ‘အဖြည့်ခံ’ ကို ငါ အသုံးပြုသော်လည်း သင်တို့ကို ရရှိဖို့ရန် ဤကယ်တင်ခြင်းနှင့် ကောင်းချီးမင်္ဂလာကို ပေးခြင်းဖြစ်ကြောင်း သင်တို့ သိသင့်သည်။ ယင်းသည် သိမ်းပိုက်ခြင်းအဖို့အလို့ငှာ ဖြစ်၏၊ သို့သော်လည်း သင့်ကို ငါ သာ၍ကောင်းမွန်စွာ ကယ်တင်နိုင်ဖို့အလို့ငှာ ဖြစ်ပေသည်။ ‘အဖြည့်ခံ’ သည် အမှန်တရားဖြစ်သော်လည်း သင်တို့ အဖြည့်ခံများ ဖြစ်ရသည့် အကြောင်းရင်းမှာ သင်တို့၏ ပုန်ကန်မှုကြောင့်ဖြစ်ပြီး၊ မည်သူမျှ မရရှိဖူးသည့် ကောင်းချီးမင်္ဂလာများကို သင် ရရှိပြီးဖြစ်သည်မှာ ဤအရာကြောင့် ဖြစ်ပေသည်။ ယနေ့တွင် ကြားဖို့နှင့် မြင်ဖို့ သင်တို့ကို ဖန်တီးထားပေသည်။ မနက်ဖြန်တွင် သင်တို့ ရရှိလိမ့်မည်ဖြစ်ပြီး၊ ထို့ထက်ပို၍ သင်တို့သည် ကြီးမားစွာ ကောင်းချီးခံစားရလိမ့်မည်။ ထို့ကြောင့် အဖြည့်ခံများသည် အဆုံးစွန် အဖိုးတန်သည် မဟုတ်လော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သိမ်းပိုက်ခြင်းအမှု ဒုတိယအဆင့်၏ အကျိုးတရားများကို ရရှိပုံ”) အဖြည့်ခံတစ်ယောက်ဆိုတာ ဘယ်လိုသဘောရှိမှန်း၊ ဘုရားနှုတ်ကပတ်တော်တွေက ပြပေးလိုက်တာပါ။ ကျွန်တော်တို့က တရုတ်ပြည်မှာ မွေးခဲ့ကြတယ်။ ဒါကြောင့် ရှင်သန်လာကြတဲ့ နှစ်တွေတစ်လျှောက်လုံး အဆင်းနီတဲ့နဂါးကြီးရဲ့ ပညာပေးတာ၊ လွှမ်းမိုးတာ၊ အကျင့်ပျက်စေတာတွေကို ခံခဲ့ကြရတယ်။ ဘုရားမဲ့ဝါဒတို့၊ ဆင့်ကဲဖြစ်စဉ်တို့၊ မကောင်းတဲ့အတွေးအခေါ်တွေနဲ့ တခြားအယူမှားတွေက ကျွန်တော်တို့ဆီမှာ ပြည့်နှက်နေတာ။ ကျွန်တော်တို့ တွေးတာမှန်သမျှ မကောင်းတာချည်းပဲ။ သမ္မာတရားနဲ့လည်း ဆန့်ကျင်တယ်။ ဒါပေမဲ့ ကျွန်တော်တို့က အဲဒါကို သဘောမပေါက်ဘူး။ ငါတို့က ကောင်းတဲ့လူတွေပဲ၊ ဘုရားအလိုတော်နဲ့ ကိုက်ညီကြတယ်ဆိုပြီး ထင်နေကြတာ။ အနန္တတန်ခိုးရှင်ဘုရားသခင်က ကျွန်တော်တို့ရဲ့ ဆိုးယုတ်တဲ့ စိတ်သဘောထားအားလုံးကို ပြတ်ပြတ်သားသား ဖော်ထုတ်ပြတယ်။ မာနထောင်လွှားတာ၊ ဉာဏ်နီဉာဏ်နက်များတာ၊ တစ်ကိုယ်ကောင်းဆန်တာ၊ လောဘကြီးတာ၊ ယုတ်မာတတ်တာမျိုးတွေပေါ့။ ပြီးတော့မှ ကိုယ်တော်က အဖြစ်မှန်တွေကို ထုတ်ဖော်ရင်းနဲ့၊ ကျွန်တော်တို့ကို အကြွင်းမဲ့ လက်ခံယုံကြည်စေတယ်။ ဘုရားက ကျွန်တော်တို့ရဲ့ ဖောက်ပြန်ပျက်စီးမှုကို ဖော်ထုတ် တရားစီရင်ဖို့၊ သမ္မာတရားတွေကို ဖော်ပြတဲ့အခါ၊ မကောင်းမှုနဲ့ အပြစ်ကို မုန်းတီးတဲ့ ဖြောင့်မတ်တဲ့ ကိုယ်တော့်စိတ်သဘောထားက အလိုလို ထွက်ပေါ်လာတာပါ။ ဘယ်လို ပုန်ကန်ပြစ်မှားမှုကိုမှ သည်းမခံတဲ့၊ ဖြောင့်မတ် သန့်ရှင်းတဲ့ ကိုယ်တော့်စိတ်သဘောထားကို ကျွန်တော်တို့ကလည်း မြင်မိကြတယ်။ အဲဒီအခါမှာ ကျွန်တော်တို့ရဲ့ ဖောက်ပြန်ပျက်စီးမှုနဲ့ မကောင်းမှုတွေက ဘုရားရဲ့ ဖြောင့်မတ်တဲ့ စိတ်သဘောထားအတွက် အဖြည့်ခံဖြစ်လာတာပါ။ ဘုရားနှုတ်ကပတ်တော်တွေထဲမှာ လူသားတွေအပေါ် ချစ်ခြင်း၊ ကယ်တင်ခြင်းဆိုတာကိုလည်း ကျွန်တော် မြင်လိုက်ရတယ်။ အထူးသဖြင့် ကိုယ်တော်က အခုလို မိန့်ဆိုတာမျိုးပေါ့၊ “ဘုရားသခင်သည် လူ့ဇာတိခံမလာခဲ့ပါက၊ သင်တို့အပေါ် အဘယ်သူသည် သနားကရုဏာရှိလိမ့်မည်နည်း၊ ပြီးလျှင် အဘယ်သူသည် အရေးမပါသည့် လူများဖြစ်သော သင်တို့ကို ကြည့်ရှုစောင့်ရှောက် ခဲ့လိမ့်မည်နည်း။ အဘယ်သူသည် သင်တို့ကို ဂရုစိုက် ခဲ့လိမ့်မည်နည်း။” ကျွန်တော့်အတွက် တော်တော်ကို လှိုက်လှိုက်လှဲလှဲ ဖြစ်ခဲ့ရတယ်။ ဘုရားနှုတ်ကပတ်တော်တွေကို သေချာ ဆင်ခြင်ကြည့်တော့မှ ကျွန်တော် နားလည်သွားတာပါ။ ဘုရားက ကျွန်တော်တို့ကို ရိုင်းစိုင်းတာတွေ၊ ဖောက်ပြန်ပျက်စီးတာတွေကြောင့် မစွန့်ပစ်ခဲ့ဘူး၊ မသုတ်သင်မဖယ်ရှင်းခဲ့ဘူး။ အဲဒီအစား စာတန်ကြောင့် ဆိုးဆိုးဝါးဝါး ထိခိုက်ပျက်စီးနေကြတဲ့ ကျွန်တော်တို့အပေါ် သနားကရုဏာ ထားခဲ့တယ်။ ကျွန်တော်တို့ကို ကယ်တင်ဖို့ ကိုယ်တော်တိုင် လူ့ဇာတိခံယူလိုက်တယ်။ ကျွန်တော်တို့ကြားမှာ အမှုတော်ပြုဖို့ ကြီးကြီးမားမား အရှက်တကွဲဖြစ်ရတာတွေကိုလည်း ကြုံခဲ့ရတယ်၊ ကျွန်တော်တို့ကို ရေလောင်း အာဟာရပေးဖို့၊ ကျွန်တော်တို့ကို ဖော်ထုတ် တရားစီရင်ဖို့၊ သမ္မာတရားတွေကို ဖော်ပြပေးခဲ့တယ်။ ကိုယ်တော်က ကျွန်တော်တို့ကို အဖြည့်ခံတွေအဖြစ် ဖော်ထုတ်ပေမဲ့၊ ကိုယ်တော့်အလိုက ကျွန်တော်တို့ကို သုတ်သင်ဖယ်ရှင်းဖို့ မဟုတ်ဘူး။ အဆင့်အတန်းကို လိုချင်တဲ့ ကျွန်တော်တို့ဆန္ဒနဲ့ အနာဂတ်အတွက် မျှော်လင့်ချက်တွေကို ခွဲခြားသိလာကြအောင်၊ မာနထောင်လွှားတဲ့ တစ်ကိုယ်ကောင်းဆန်တဲ့ လောဘကြီးတဲ့ ကျွန်တော်တို့ရဲ့ ဆိုးယုတ်တဲ့ စိတ်သဘောထားတွေကို သိလာကြအောင်လို့ပဲ။ အဲဒါမှ ကျွန်တော်တို့က သမ္မာတရားကို အားထုတ်တတ်မယ်။ ဖောက်ပြန်ပျက်စီးမှုကို စွန့်ပစ်ပြီး၊ ဘုရားရဲ့ အပြည့်အဝ ကယ်တင်ခြင်းကို ခံရနိုင်မယ်။ ဒါက ကျွန်တော်တို့အတွက် ဘုရားရဲ့ တကယ်ကို လက်တွေ့ကျတဲ့ ချစ်ခြင်းနဲ့ ကယ်တင်ခြင်းပါပဲ။ ကျွန်တော်လည်း ဘုရားအလိုတော်ကို နားလည်သွားတော့၊ ဘုရားအပေါ် ကိုယ် ပြုမူမိခဲ့တာတွေကို စဉ်းစားကြည့်တယ်။ ငါ့ကို မြေမျိုသွားတာမှ ကောင်းဦးမယ်ပေါ့။ ကျွန်တော်က မဖြစ်စလောက် ဖန်ဆင်းခံသတ္တဝါလေးပဲ။ စာတန်ကြောင့် ဆိုးဆိုးဝါးဝါး ပျက်စီးပြီး၊ ယုတ်ညံ့နိမ့်ကျနေတာ။ ကျွန်တော့်အနေနဲ့ အမြင့်ဆုံးသောဘုရားကို အဖြည့်ခံအဖြစ် အစေခံပေးနိုင်တာ၊ ဘုရားရဲ့အမှုတော်ကို တွေ့ကြုံပြီး၊ ဘုရားရဲ့ ဖြောင့်မတ်ခြင်းနဲ့ သန့်ရှင်းခြင်းကို မျက်မြင်တွေ့ခွင့်ရခဲ့တာတွေက ကျွန်တော့်အတွက် ဘုရားရဲ့ ကြီးမားတဲ့ကျေးဇူးတော်ပဲပေါ့။ တကယ်လို့ ဘုရားက ကျွန်တော်တို့ကြားမှာ ဟောပြော အမှုတော်ပြုဖို့ လူ့ဇာတိမခံယူခဲ့ဘူးဆိုရင်၊ ကျွန်တော့်အနေနဲ့ ဒီလောက် သမ္မာတရားတွေအများကြီးကို နားလည်ဖို့အခွင့်အရေး ရှိလာပါ့မလား။ ဖြောင့်မတ်တဲ့ ကိုယ်တော့်စိတ်သဘောထားကို ဘယ်လိုလုပ် သိခွင့်ရပါ့မလဲ။ ကျွန်တော်က ဘုရားကို ကျေးဇူးမတင်ခဲ့တဲ့အပြင်၊ အဖြည့်ခံလို့ အခေါ်ခံရတယ်ဆိုပြီး ဘုရားကို စောဒကတက်ဖို့ ကြိုးစားခဲ့တာပဲ။ ကျွန်တော့်မှာ အသိစိတ်တို့၊ လူ့သဘာဝတို့ဆိုတာ မရှိခဲ့ဘူး။ ဒါကို ကျွန်တော် နားလည်မိတော့၊ ကိုယ်က စာတန်ကြောင့် ဆိုးဆိုးဝါးဝါး ပျက်စီးခဲ့တာတွေ၊ ဘုရားကို ကျေးဇူးတင်မဆုံး ဖြစ်ရမှာတွေကို သိသွားတယ်။ ဘုရားဆီမှာ နောင်တရချင်သွားတယ်။ ဘုရားက ကိုယ့်ကို ဘယ်လိုပဲ သတ်မှတ်သတ်မှတ်၊ ကိုယ့်အနာဂတ်နဲ့ ပန်းတိုင်က ဘယ်လိုပဲဖြစ်နေဖြစ်နေ၊ ဘုရားရဲ့ စီစဉ်ညွှန်ကြားမှုတွေကိုပဲ နာခံချင်သွားတယ်။ သမ္မာတရားကို အားထုတ်ပြီး၊ စိတ်သဘောထား အပြောင်းအလဲတစ်ခုကို လိုချင်သွားတယ်။

ကျွန်တော်က အဖြည့်ခံတစ်ယောက်အပေါ် စမ်းသပ်မှုကို ကြုံလိုက်ရတော့၊ ကောင်းချီးတွေ ရချင်တဲ့ ကိုယ့်ရည်ရွယ်ချက်ကိုရော၊ မကောင်းတဲ့ ကိုယ့်စိတ်သဘောထားကိုရော နားလည်မှုနည်းနည်း ရသွားတယ်။ ဂုဏ်အဆင့်အတန်း နိမ့်နိမ့်မြင့်မြင့်၊ ကျွန်တော်က ဖန်ဆင်းခံသတ္တဝါလေးသက်သက်ပဲဆိုတာ သဘောပေါက်သွားတယ်။ ပြီးတော့ ဘုရား စီစဉ်တာတွေကို ကျွန်တော့်အနေနဲ့ အမြဲတမ်း နာခံသင့်တယ်။ ဘုရားအတွက် အဖြည့်ခံအဖြစ်နဲ့ အစေခံနေတယ်ဆိုရင်တောင်၊ ကိုယ်တော့်ဖြောင့်မတ်ခြင်းကို ချီးမွမ်းရမယ်။ သမ္မာတရားကို သေချာအားထုတ်ရမယ်။ ဖန်ဆင်းခံဆိုတဲ့ ကိုယ့်တာဝန်ကို လုပ်ဆောင်ရမယ်။ အဲဒါက သက်ရှိတစ်ယောက် ထမ်းသင့်တဲ့ မှန်ကန်တဲ့ သက်သေခံချက်ပါပဲ။

အရှေ့သို့- လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

နောက်တစ်ခုသို့- ကျွန်မ၏ ညံ့ဖျင်းသော အရည်အချင်းကို ဆင်ခြေတစ်ခုအဖြစ် ကျွန်မ မသုံးတော့ပါ

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

ကျွန်မ ကြုံခဲ့ရသော စမ်းသပ်မှု

အနန္တတန်ခိုးရှိသော ဘုရားသခင် ပြောသည်မှာ- “ငါ၏လုပ်ဆောင်ချက်များသည် ကမ်းခြေများရှိ သဲလုံးများထက် အရေအတွက်သာ၍ များပြားပြီး ငါ၏ဉာဏ်ပညာ သည်လည်း...

လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ အနှစ် ၆၀ဝ၀ စီမံခန့်ခွဲမှုအစီအစဉ် အဆုံးမသတ်မီ၊ လူသားတစ်မျိုးစီ၏ အဆုံးသတ်ကို...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်