၁၇။ ရိုးသားတဲ့သူဖြစ်ရခြင်း၏ အရသာ

ကိုရီးယားနိုင်ငံ၊ ယွမ်ဆွေ

အဖမ်းခံရပြီး ရက်ရက်စက်စက် နှိပ်စက်ခံခဲ့ရတဲ့ အစ်ကိုတစ်ယောက်အကြောင်းကို။ မတ်လနှောင်းပိုင်း တွေ့ဆုံပွဲတစ်ခုမှာ ခေါင်းဆောင်ကပြောပြခဲ့တယ်လေ။ အရမ်းအားနည်းနေတဲ့အချိန်မှာ သူက တခြားအသင်းတော်အဖွဲ့ဝင် ၂ ယောက်ကို သစ္စာဖောက်ပြီး ချောက်တွန်းခဲ့တယ်။ ဘုရားအပေါ် သစ္စာဖောက်ခဲ့ပါတယ်။ သူလည်း နောင်တတွေရပြီးတော့ တရားစီရင်မှုနဲ့ ထုတ်ဖော်ခြင်း ဘုရားနှုတ်ကပတ်တော်တွေကိုဖတ်ပြီး သူ့ကျရှုံးမှုရဲ့ ဇာစ်မြစ်ကိုရှာတွေ့ခဲ့ပြီးတော့ တကယ့်ကိုနောင်တရခဲ့ပါတယ်။ ခေါင်းဆောင်က အဲဒီအတွေ့အကြုံနဲ့ပတ်သက်ပြီး။ ကျွန်မတို့ရဲ့ အမြင်ကိုမေးခဲ့ပြီးတော့။ အဲဒါက စစ်မှန်တဲ့သက်သေခံချက်အဖြစ် ယူဆလို့ ရ၊မရ မေးခဲ့ပါတယ်။ ကျွန်မတို့အားလုံးကိုလည်း ကိုယ့်အမြင်လေးတွေ မျှဝေပေးဖို့ ပြောခဲ့ပါတယ်။ အဲဒါက ကျွန်မကို တကယ်စိတ်လှုပ်ရှားစေပြီးတော့ ကျွန်မလည်း စပြီးစဉ်းစားခဲ့ပါတယ်။ သူကဘာလို့ ကျွန်မတို့ကို ဒီအကြောင်းဆွေးနွေးစေချင်ရတာလဲ။ ကျွန်မတို့ ပြဿနာကို မှန်မှန်ကန်ကန် မြင်တတ်ရဲ့လားဆိုတာကို စစ်ဆေးဖို့လား။ ကျွန်မထင်ခဲ့တာက။ “အဲဒီအစ်ကိုက အားနည်းတဲ့အချိန်ဖြစ်တာနဲ့ပဲ တခြားသူတွေကို သစ္စာဖောက်ပြီး ချောက်တွန်းခဲ့တာပေါ့။ ဒါက ပြစ်မှားခြင်းပဲ။ ဒါပေမဲ့ သူ့အကြောင်းသူသိခဲ့ပြီးတော့ တကယ့်ကိုနောင်တရသွားမှတော့။ သူ့ရဲ့အတွေ့အကြုံကို သက်သေခံချက်အဖြစ် ယူဆလို့ရတာပဲ” ဒါပေမဲ့နောက်တော့ ကျွန်မ မသေမချာနဲ့ စဉ်းစားမိတာက။ “သူများတွေပြောတာ အရင်နားထောင်ကြည့်ဦးမှပါ။ ဒါမှ တလွဲတွေ နဲ့ ရှင်းရှင်းလင်းလင်း မပြောမိတာမျိုး၊ ကိုယ့်ကိုယ်ကို ရုပ်ဆိုးအောင်လုပ်မိတာမျိုးမ​ဖြစ်မှာ” သူများတွေက သူတို့အမြင်တွေကို စပြီးပြောလာကြပါတယ်။ ပထမဆုံး ညီမတစ်ယောက်က ကျွန်မတွေးထားတာနဲ့ တော်တော်နီးစပ်တာမျိုး ပြောသွားတော့။ ကျွန်မ ဘောင်ဝင်ပြီလို့ ခံစားခဲ့ရတယ်။ ဒါပေမဲ့ အဲဒီနောက်မှာတော့။ တခြားအစ်မတစ်ယောက်က အဲဒီအစ်ကိုဟာ ဘုရားကို သစ္စာဖောက်တဲ့ ယုဒ ပဲဖြစ်လို့။ အဲဒါက ဘုရားကို သက်သေခံပေးနိုင်မယ့် သက်သေခံချက်မျိုးမဟုတ်ဘူးလို့ပြောခဲ့ပါတယ်။ နောက်တော့ တချို့ကလည်း အဲဒီအစ်ကိုရဲ့ အတွေ့အကြုံက။ သက်သေခံချက်အဖြစ် ယူဆလို့မရဘူးလို့ ယုံကြည်မှုရှိရှိ ပြောလာပါတယ်။ တော်တော်များများက အဲဒီအမြင်အတိုင်း ပြောလာကြပြီး ထောက်ခံလာကြတာမြင်ရတော့။ ကျွန်မလည်း မရေမရာဖြစ်သွားပြီးတော့ ဘာကိုစဉ်းစားရမှန်း မသိခဲ့ပါဘူး အဲဒီနောက်မှာပဲ ခေါင်းဆောင်က ပြောပါတယ်။ “ဒါက သက်သေခံချက်မဟုတ်ဘူးလို့ထင်ရင် လက်ထောင်ပြပါ” တဲ့လေ လက်ထောင်တဲ့လူ တော်တော်နည်းပေမယ့်။ ကျွန်မလည်း မသေချာတာနဲ့ လက်မထောင်ခဲ့ပါဘူး ကျွန်မစဉ်းစားနေခဲ့တာက “မဟုတ်တဲ့အချိန်မှာတော့ လက်မထောင်နိုင်ဘူး အဲဒါဆို ငါက ပညာရည်မပြည့်၀ဘဲ နားမလည်ရာ ရောက်သွားကြောင်း ပြလိုက်တာပဲမလား” လို့လေ။ ကျွန်မ အဲဒီလိုတွေးနေခဲ့တာကြောင့်။ ခေါင်းဆောင်က ကျွန်မကိုမေးခဲ့ပါတယ် “ဘာလို့ လက်မထောင်တာလဲ” တဲ့ ကျွန်မ ကိုယ့်ကိုယ်ကို တွေးမိတယ်။ “သွားပြီ၊ သူဘာလို့ငါ့ကိုမေးနေတာလဲ ငါလက်ထောင်လိုက်သင့်တာလား” ပေါ့ ကျွန်မ လက်ကိုမြှောက်ခဲ့ပါတယ် ကျွန်မနှလုံးခုန်တွေမြန်လာပြီးတော့။ စိတ်မသက်မသာဖြစ်လာခဲ့တယ်လေ လက်ထောင်ရတာ မှန်ရဲ့လား၊ မမှန်ဘူးလား အဲဒါက သက်သေခံချက်အဖြစ် ယူဆလို့ရမှန်း ရင်ထဲကနေ ခံစားရပေမယ့်။ တကယ်တမ်း သေချာမစဉ်းစားဘဲ လက်ထောင်ခဲ့ပါတယ်။ ကျွန်မ လက်ထောင်ထားပြီးတာကို သိလိုက်ရတဲ့အချိန်မှာ။ သူများတွေရဲ့ စိတ်ကူးတွေကို မျှော်လင့်တကြီးနဲ့ နားထောင်ခဲ့ပါတယ်။ အားလုံးက သူတို့ထင်တာကို သူတို့ပြောနေကြတော့ ကျွန်မလည်း စိတ်အေးပေးထားပြီး စပြီးစဉ်းစားခဲ့တာပေါ့။ အဲဒီအစ်ကိုက တကယ့်ကိုနောင်တရခဲ့တာဆိုတော့။ သူ့ရဲ့ သက်သေခံချက်က အမှန်ဖြစ်သင့်ပါတယ်။ ကျွန်မလက်မထောင်ခဲ့လိုက်သင့်ဘူးလို့လည်း ခံစားခဲ့ရပါတယ်။ အဲဒီတုန်းက ကျွန်မစိတ်ကူးအမှန်ကို ပြောပြခဲ့ချင်ပေမယ့်လည်း။ နောက်တော့ သိလိုက်ရတာက။ ကျွန်မ အပြည့်အစုံနားမလည်ခဲ့တာကြောင့် ကျွန်မ မှန်သွားပြီဆိုရင်တော့ တော်သေးတာပေါ့။ ဒါပေမဲ့ ကျွန်မမှားနေပြီဆိုရင်တော့။ ခေါင်းဆောင်က ကျွန်မကို ဘယ်လိုထင်သွားမလဲ ကျွန်မမှာ ပညာရည် ဒါမှမဟုတ် အတွေ့အကြုံမှာ နက်နဲမှု မရှိဘူးလို့များ ပြောမလား။ ခေါင်းဆောင်က ကျွန်မကိုဒီလိုထင်သွားပြီဆိုရင် ကျွန်မကိုသင်တန်းပေးဖို့ မတန်ဘူးလို့ ထင်သွားနိုင်ပြီးတော့။ ဘုရားအိမ်တော်မှာ ကျွန်မအတွက် အနာဂတ်ဘယ်ရှိပါတော့မလဲ။ ပြီးတော့ အဲဒီမှာ ညီအစ်ကိုမောင်နှမတွေလည်း အများကြီးရှိနေတော့။ မှားသွားပြီဆိုရင် တကယ်ရှက်စရာကောင်းမှာလေ။ ကျွန်မလည်း ချီတုံချတုံဖြစ်နေခဲ့ပြီးတော့ တစ်ခုခုကို အကြိမ်များစွာပြောချင်ခဲ့ပေမယ့်။ နောက်ဆုံးမှာတော့ ပါးစပ်ပိတ်နေခဲ့ပါတယ်

နောက်တော့ ခေါင်းဆောင်က အဲဒါဟာ သက်သေခံချက်အဖြစ် လုံး၀သတ်မှတ်လို့ရပြီးတော့ အားနည်းနေချိန်မှာ ဘုရားကိုသစ္စာဖောက်ပြီးတော့ တရားစီရင်မှုနဲ့ ပြစ်တင်ဆုံးမခြင်းကို ခံစားရပြီးတဲ့နောက်မှာ စစ်မှန်စွာနောင်တရခြင်းက ကြီးမားတဲ့သက်သေခံချက်ဆိုပြီးတော့ မိတ်သဟာယ ဖွဲ့လာခဲ့ပါတယ်။ အဲဒါက လူတော်တော်များများကို စိတ်ခွန်အားတွေပေးခဲ့ပြီးတော့။ ဘုရားက စစ်မှန်တဲ့ယုံကြည်မှုရှိသူတိုင်းအပေါ် ကြီးမားတဲ့သနားကြင်နာမှုကို ပေးတယ်ဆိုတာ ပြသခဲ့တာပါပဲ။ ဘုရားက ကျွန်မတို့ ဘယ်လောက် ဖောက်ပြန်ပျက်စီးနေသလဲဆိုတာ သိတာကြောင့်။ ကျွန်မတို့ စစ်မှန်စွာနောင်တရပြီး ဘုရားထံပြန်လာပြီဆိုရင် ဘုရားက နောင်တရဖို့အခွင့်အရေးကိုပေးပြီးတော့။ အဲဒီလို သက်သေခံချက်မျိုးက ဘုရားကို ဂုဏ်တက်စေပြီးတော့ အများစုက စာတန်ကို အရှက်ရစေတာပါပဲ။ ခေါင်းဆောင်က ကျွန်မတို့ရဲ့နားလည်နိုင်မှုက မသန့်စင်ဘူးဆိုတာကိုလည်း ဆက်ရှင်းပြခဲ့ပြီးတော့။ ကျွန်မတို့က ကျွန်မတို့ရဲ့အမြင်ကို ဘုရားနှုတ်ကပတ်တွေကိုအခြေခံတာမျိုး မရှိတဲ့အတွက် မရိုးသားဘဲ လှည့်ဖြားတတ်တယ်လို့လည်း ပြောပါတယ်။ ကျွန်မတို့ ဒီကိစ္စကို ဆွေးနွေးဖို့လုပ်ခဲ့ကြတာကိုမြင်ရတော့ ကျွန်မတို့က အဲဒီအစ်ကိုရဲ့အတွေ့အကြုံမှာ တစ်ခုခုမှားနေပြီဆိုပြီး ခန့်မှန်းခဲ့ပါတယ်။ ခေါင်းဆောင် ဘယ်လိုစဉ်းစားလဲဆိုတာကို ခန့်မှန်းဖို့ကြိုးစားခဲ့ပြီးတော့ ရိုးသားတဲ့စကား တစ်ခွန်းတောင် မပြောခဲ့ပါဘူး။ ကျွန်မတို့ အရာရာကို ကိုယ့်အမြင်နဲ့ကိုယ့်ဘာသာကိုယ် စဉ်းစားပြီး မှန်မှန်၊ မမှန်မှန် အမှန်အတိုင်းပြောသင့်တယ်ဆိုပြီးတော့။ ခေါင်းဆောင်က ကျွန်မတို့ကို စိတ်ရှည်လက်ရှည်နဲ့ မိတ်သဟာယဖွဲ့ခဲ့ပါတယ်။ ဒါက အခြေခံအချက်ပဲလေ။ “အခြေခံအချက်” ဆိုတဲ့ စကားတွေကိုကြားလိုက်ရတော့ ကျွန်မတကယ်ကို စိတ်မသက်မသာဖြစ်ခဲ့ရပါတယ်။ ကျွန်မစဉ်းစားမိပါတယ် “သူမှန်တာပေါ့။ လူအများအတိုင်းလိုက်ပြောတာထက် မှားနေရင်တောင် ငါ့ရဲ့ တကယ့်အမြင်ကိုရှင်းပြတာက ပိုကောင်းတာပေါ့။ အနည်းဆုံးတော့ အဲဒါက ကိုယ်ပိုင်ရှုထောင့်ဖြစ်ပြီးတော့ ရိုးသားရာကျတာပေါ့” လို့လေ။ ကျွန်မ တကယ်ထင်ခဲ့မိတာကို မပြောခဲ့မိတဲ့အတွက် ကိုယ့်ကိုယ်ကို မုန်းခဲ့ပါတယ်။ ကျွန်မစိတ်ကူးကို ပြောပြခဲ့သင့်တဲ့ ၁၀ မိနစ်ဆိုတဲ့ အချိန်ခဏလေးမှာ။ ကျွန်မက လှည့်ဖြားပြီး သမ္မာတရားကို လက်တွေ့လုပ်ဆောင်တာမျိုး မရှိခဲ့ပါဘူး။ လူသားတွေလုပ်ရမယ့် အခြေခံအချက်နဲ့တောင် မညီခဲ့ဘူးလေ။ အပြောအလုပ် မှားခဲ့ရုံတင်မဟုတ်ဘဲ။ ကိုယ့်ကိုယ်ကို သေချာထိန်းကျောင်းဖို့ပါ မလုပ်ခဲ့ပါဘူး။

တွေ့ဆုံပွဲပြီးတော့ ကျွန်မဝတ်ပြုတဲ့အချိန်မှာ ဘုရားနှုတ်ကပတ်တော်ထဲက ဒါလေးကို ဖတ်ခဲ့ပါတယ်။ “ဘုရားသခင်၌ ၎င်းတို့၏ယုံကြည်ခြင်းနှင့် မိမိတို့ကိုယ်ကိုယ် ပြုမူသည့် နည်းလမ်း၌ လူများသည် မှန်ကန်သော လမ်းကြောင်းကို လျှောက်ရမည်။ ကောက်ကျစ်သော၊ ဆိုးယုတ်သော လမ်းများနှင့် နည်းများကို မသုံးကြနှင့်။ ကောက်ကျစ်သော၊ ဆိုးယုတ်သော လမ်းများနှင့် နည်းများ ဆိုသည်မှာ အဘယ်နည်း။ ယင်းတို့သည် သေးနုပ်သော ပါးနပ်ခြင်းနှင့် ပရိယာယ်များသော လှည့်စားမှုများနှင့် အဆင့်အတန်း မရှိသော လှည့်ကွက်များအရ ဘုရားသခင်ကို ယုံကြည်ခြင်း ဖြစ်သည်။ ယင်းတို့သည် သင်၏ဖောက်ပြန်ပျက်စီးခြင်းကို ဖုံးကွယ်ဖို့ ကြိုးစားပြီး၊ သင်၏ချို့ယွင်းချက်များ၊ အမှားများနှင့် ညံ့ဖျင်းသော အစွမ်းအစတို့ကဲ့သို့ ထိုသို့သော ပြဿနာများကို ဖုံးကွယ်သည်။ ၎င်းတို့သည် ဆိုးယုတ်သည့် အတွေးအခေါ်များကို အစဉ် အသုံးပြုလျက် အမှုကိစ္စများကို ကိုင်တွယ်နေပြီး လူသိရှင်ကြားဖြစ်သော အရေးကိစ္စများ၌ ဘုရားသခင်နှင့် အသင်းတော်ခေါင်းဆောင်များကို မျက်နှာလို မျက်နှာရလုပ်ဖို့ ကြိုးစားနေသော်လည်း၊ သမ္မာတရားကို လက်တွေ့လုပ်ဆောင်နေခြင်း မရှိဘဲ၊ စည်းမျဉ်းစည်းကမ်းများနှင့်အညီ အမှုကိစ္စများကို ကိုင်တွယ်ဖြေရှင်းခြင်း မရှိဘဲ ၎င်းတို့ကို ဖော်လံဖားဖို့အလို့ငှာ လူများကို မကြာခဏ အနီးကပ် အာရုံစိုက်နေခြင်း ဖြစ်သည်။ ၎င်းတို့က ‘လတ်တလော ကျွန်ုပ်တို့ မည်သို့လုပ်ဆောင်ပြီးဖြစ်သနည်း။ သင်တို့အားလုံး ကျွန်ုပ်ကို ထောက်ခံကြသလော။ ကျွန်ုပ် လုပ်ဆောင်ပြီးဖြစ်သည့် ကောင်းသော အရာများနှင့်ပတ်သက်၍ ဘုရားသခင် သိသလော။ ပြီးလျှင် သူသိပါက၊ သူက ကျွန်ုပ်ကို ချီးမွမ်းမည်လော။ ဘုရားသခင်၏စိတ်နှလုံးထဲတွင် ကျွန်ုပ်၏နေရာမှာ အဘယ်နည်း။ ကျွန်ုပ်သည် ဘုရားသခင်ကို ဩဇာညောင်းခြင်း တစ်စုံတစ်ရာ ရှိသလော။’ ဟု မေးနေကြသည်။ ၎င်းတို့ အမှန်တကယ် မေးမြန်းနေသည့် အရာက ဘုရားသခင်၌ ၎င်းတို့၏ယုံကြည်ခြင်းတွင် ၎င်းတို့သည် ကောင်းချီးခံစားနိုင်ခြင်း ရှိမရှိ ဖြစ်သည်။ ထိုသို့သော အရာများကို မကြာခဏ စားမြုံ့ပြန်ခြင်းများသည် ကောက်ကျစ်ကာ၊ ဆိုးယုတ်သော လမ်းများနှင့် နည်းလမ်းများ မဟုတ်သလော။ ဤသည်မှာ မှန်ကန်သည့် လမ်းကြောင်း မဟုတ်ပေ။ ထို့ကြောင့် မှန်ကန်သည့် လမ်းကြောင်းမှာ အဘယ်နည်း။ မှန်ကန်သည့် လမ်းကြောင်းက လူများက ၎င်းတို့၏ ယုံကြည်မှု၌ သမ္မာတရားကို လိုက်စားသည့်အချိန်၊ ၎င်းတို့ သမ္မာတရားကို ရရှိနိုင်ပြီး ၎င်းတို့၏စိတ်သဘောထားတွင် ပြောင်းလဲမှုများ စွမ်းဆောင်ရရှိသည့်အချိန်တွင် ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘဝတွင် တိုးတက်ခြင်း၏ အညွှန်းခြောက်ခု”) ဒါက ကျွန်မတို့ဟာ ယုံကြည်သူတွေအဖြစ် စစ်မှန်တဲ့လမ်းကြောင်းကို ကိုယ့်ဘာသာထိန်းကျောင်းပြီးလျှောက်ဖို့ ဘုရားက အသိနဲ့ သတိ ပေးတာပါပဲ။ ကျွန်မတို့က သမ္မာတရားနဲ့ အညီနေပြီး လက်တွေ့လုပ်ဆောင်ကြရမှာပါ။ ကျွန်မတို့သာ အဲဒီလို အပြုသဘောဆောင်တဲ့ လုပ်ရပ်တွေမှာ အားမထည့်ဘူးဆိုရင် ကျွန်မတို့ရဲ့ ပြစ်ချက်တွေကို ဖုံးထားပြီး စိတ်ထဲသိမ်းထားမယ်ဆိုရင်။ ကြွားဝါနေမယ်ဆိုရင်၊၊ ခေါင်းဆောင်တွေ သဘောကျအောင် ကြိုးစားနေမယ်ဆိုရင်၊ အသင်းတော်မှာ နေရာရနေမယ်ဆိုရင်၊၊ ပြီးတော့ ဘုရားသခင်နဲ့ ခေါင်းဆောင်တွေ ဘယ်လိုတွေးမလဲဆိုတာ အရမ်းစိတ်ပူနေမယ်ဆိုရင်။ ဒါက ဆိုးယုတ်မှုလမ်းကြောင်းကို လျှောက်နေကြတာပါပဲ ကျွန်မ လုပ်နေခဲ့တဲ့အရာတွေက ဘုရားဖော်ပြတဲ့အတိုင်း အတိအကျပဲဆိုတာ သိခဲ့ရတယ်။ အဲဒီအစ်ကိုရဲ့ အတွေ့အကြုံက စစ်မှန်တဲ့ သက်သေခံချက် ဟုတ်၊မဟုတ် မသေချာပေမယ့်။ ကျွန်မ နှလုံးသားထဲကနေ ထုတ်မပြောခဲ့ဘူးလေ။ အဲဒီအစား အခန်းထဲကလူတွေစိတ်ကိုဖတ်ပြီး ကိုယ်အဆင်ပြေသလို နေခဲ့ပြီးတော့ တခြားသူတွေ စဉ်းစားမယ့်အရာကို တွက်ချက်နေခဲ့မိတယ်။ ကျွန်မ ဘာလို့လက်မထောင်လဲလို့ ခေါင်းဆောင်ကမေးတဲ့အခါကျတော့ အဲဒါမှားသွားလို့ပဲဖြစ်မယ်လို့ စဉ်းစားခဲ့ပြီးတော့။ လူအများစုက အဲဒီအစ်ကိုရဲ့အတွေ့အကြုံက သက်သေခံချက်အဖြစ် မှတ်လို့မရဘူးလို့ ထင်တဲ့အခါကျတော့။ ကျွန်မ သူတို့နောက်ကို အမြန်လိုက်ခဲ့ရတယ်။ ကျွန်မက နိမ့်ကျခဲ့တယ်၊ သူများပြောတဲ့အတိုင်း လိုက်မြင်ခဲ့တယ်။ ကျွန်မက လှည့်ဖြားတတ်တဲ့ စာတန်ရဲ့သဘောထားကလွဲပြီး ဘာကိုမှ မပြသခဲ့မိပါဘူး။ စစ်မှန်တဲ့ ဆုံးဖြတ်ချက်တစ်ခုချဖို့ ဘာလို့များ အရမ်းခက်ခဲနေသလဲလို့ စဉ်းစားခဲ့မိပါတယ်။ အမှားတွေပြောပြီးတော့ အရှက်ရမှာ၊ ခေါင်းဆောင်က ကျွန်မကိုအထင်သေးပြီး။ တန်ဖိုးမထားမှာ၊ မလေ့ကျင့်ပေးမှာတွေနဲ့။ ဒီလိုမျိုးဆက်ဖြစ်နေရင် တာဝန်ကနေ ထုတ်ပယ်ခံရမှာကြောက်နေခဲ့တယ်လေ။ ကျွန်မရဲ့ အနေအထားကို ကာကွယ်ချင်ခဲ့ပြီးတော့။ ကျွန်မရဲ့ နိမ့်ကျတဲ့ပညာရည်ကို ကာကွယ်ဖို့နဲ့။ ကောင်းကောင်းသရုပ်ဆောင်ဖို့ အကောင်းဆုံးလုပ်ချင်ခဲ့မိပါတယ်။ သမ္မာတရားကိုနားလည်ပြီး ကိစ္စတွေကို ကောင်းကောင်းရှုမြင်တတ်တဲ့။ ပညာရည်မြင့်တဲ့လူတစ်ယောက်အဖြစ် ဟန်ဆောင်ချင်ခဲ့ပါတယ်။ ကျွန်မအမြဲတမ်း ကျွန်မအပေါ်အမြင်ကောင်းအောင် နဲ့။ ခေါင်းဆောင်က ကျွန်မကို ပိုတော်တယ်လို့ထင်အောင် ခေါင်းဆောင်ရဲ့ အတွေးနဲ့ညီတဲ့ မှန်ကန်တဲ့အဖြေမျိုး ဘယ်လိုမေးခွန်းမျိုးမှာမဆို ရချင်ခဲ့တယ်။ နောက်တော့ ညီအစ်ကိုမောင်နှမတွေကလည်း ကျွန်မကို အသိအမှတ်ပြုပြီး လေးစားလာကြမှာပေါ့။ ကျွန်မချဉ်းကပ်တဲ့ပုံမှာ လှည့်ဖြားမှုနဲ့ မရိုးသားမှုတွေပါနေတာ သိခဲ့ရပါတယ်။ အရမ်းရိုးရှင်းတဲ့ကိစ္စတောင်မှ ကျွန်မ တိုက်ရိုက်မပြောနိုင်ခဲ့ဘူးလေ။ ရိုးသားတဲ့ ရင်ထဲကလာတဲ့ စကားတစ်ခွန်းတောင် ပြော ခဲ ပါတယ်။ အမြဲတမ်း မရိုးမသားနဲ့ ဘုရားအိမ်တော်က ကျွန်မရဲ့နေရာကို ဆက်ထိန်းထားနိုင်အောင် အခန်းထဲကလူတွေရဲ့စိတ်ကို ဖတ်နေခဲ့ပါတယ်။ ကျွန်မက မှန်ကန်တဲ့လမ်းကြောင်းမဟုတ်ဘဲ ဆိုးယုတ်တဲ့လမ်းကြောင်းကို လျှောက်နေခဲ့မိတာပါ။ ကျွန်မ အားလုံးကို သတိထားမိလာပေမယ့် ပိုပြီးနက်နက်ရှိုင်းရှိုင်း ကိုယ့်ကိုယ်ကို မဆင်ခြင်ခဲ့မိပါဘူး။

နောက် ၃ လ လောက်ကြာပြီးတဲ့နောက်မှာတော့ ဘုရားထံကနေ ဒီမိတ်သဟာယလေးကို နားထောင်ခဲ့ပါတယ်။ ဘုရားသခင်က ပြောသည်- “အန္တိခရစ်များသည် ၎င်းတို့ပြောသမျှ နှင့် လုပ်ဆောင်သမျှ၌ ခရစ်တော်ထံမှ အရိပ်နိမိတ်များကို ယူပြီး သူ၏ နှုတ်ကပတ်တော်များရှိ အဓိပ္ပာယ်များကို အာရုံစိုက် နားစွင့်လျက်၊ သူ၏ လေသံကို နားထောင်လျက် လူများကို ၎င်းတို့ ဆက်ဆံရာတွင ခရစ်တော်နှင့် တစ်ပုံစံတည်း အံကျဖြစ်သည်။ ၎င်းတို့စကားပြောသည့်အခါ၊ စကားတစ်လုံးမျှ စစ်မှန်ခြင်း သို့မဟုတ် ရိုးသားခြင်း မရှိပေ။ ၎င်းတို့သည် အနှစ်သာရ မဲ့သော စကားများနှင့် အယူဝါဒတို့ကို ပြောဖို့သာ သိကြသည်။ ၎င်းတို့၏အမြင်တွင် သာမန်လူ တစ်ဦးသာ ဖြစ်သည့်ဤလူကို လှည့်စားဖို့နှင့် လိမ်ညာဖို့ ၎င်းတို့ကြိုးစားကြသည်။ ၎င်းတို့သည် မြွေတစ်ကောင် တွန့်လိမ်သွားသကဲ့သို့ အကွေ့အဝိုက်များပြီး သွယ်ဝိုက်သော နည်းလမ်းဖြင့် စကားပြောကြသည်။ ၎င်းတို့ စကားများ၏ ဟန်ပန်နှင့် ဦးတည်ရာတို့သည် ဖရဲသီးအနွယ်တစ်ခုက တိုင်ပေါ် တက်နေသကဲ့သို့ ဖြစ်သည်။ တစ်စုံတစ်ဦးသည် ကောင်းသော အစွမ်းအစရှိပြီး ရာထူးတိုးခြင်း ခံရနိုင်သည်ဟု သင်ပြောသည့်အခါ၊ ၎င်းတို့က ၎င်းတို့မည်မျှ တော်ကြောင်းနှင့် ၎င်းတို့ထဲ၌ ထင်ရှားသည့်အရာနှင့် ပေါ်လွင်သည့်အရာကို ချက်ချင်းပြောကြသည်။ ပြီးလျှင် သင်က တစ်စုံတစ်ဦးသည် ဆိုးသည်ဟု ပြောသည့်အခါ၊ ၎င်းတို့သည် မည်မျှ ဆိုးပြီး မကောင်းကြောင်း၊ ၎င်းတို့သည် အသင်းတော်၌ မည်မျှ ဆူပူလှုပ်ရှားမှုများနှင့် အနှောင့်အယှက်များ ဖြစ်စေကြောင်းတို့ကို အလျင်အမြန် ပြောပေသည်။ သင်သည် တစ်စုံတစ်ခုနှင့်ပတ်သက်ပြီး သမ္မာတရားကို သင်ယူလိုသည့်အခါ၊ ၎င်းတို့၌ ပြောစရာ တစ်စုံတစ်ခုမျှ မရှိပေ။ ၎င်းတို့သည် သင် ဆုံးဖြတ်ချက်ချဖို့ကို စောင့်ဆိုင်းရင်း၊ သင်၏ စကားများရှိ အဓိပ္ပာယ်ကို် အာရုံစိုက် နားစွင့်ရင်း၊ သင်၏ရည်ရွယ်ချက်များကို နားလည်ဖို့ ကြိုးစားရင်း၊ မလိမ့်တပတ်လုပ်သည်။ ၎င်းတို့ပြောသည့်အရာ မှန်သမျှသည် မြှောက်လုံးပင့်လုံး၊ သူတစ်ပါးစိတ်ကျေနပ်စေဖို့ အပြင်းအထန်ကြိုးစားခြင်းနှင့် ခယဝယ လုပ်ခြင်းတို့ ဖြစ်ကြသည်။ ၎င်းတို့၏နှုတ်မှ သမ္မာတရား၏ စကားတစ်လုံးမျှ မထွက်လာပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၂၀)”) ဘုရားရဲ့ အဲဒီနှုတ်ကပတ်တော်တွေက ကျွန်မကို စိတ်ထိခိုက်စေခဲ့ပါတယ်။ ကျွန်မက တစ်ချိန်လုံး။ မရိုးမသားနဲ့ သူများစိတ်ထဲပေါ်လာစေချင်တဲ့အတိုင်း လိုက်လုပ်ခဲ့မိတာပါပဲ။ ကျွန်မနဲ့ ခရစ်တော်နဲ့ တိုက်ရိုက်ဆက်သွယ်မှု မရှိခဲ့ပေမယ့်။ ဘုရားထားတဲ့ ပတ်ဝန်းကျင်မှာ ဘုရားရဲ့စစ်ဆေးမှုကို လက်မခံခဲ့ဘူးလေ။ ကြွားဝါပြီး ကျွန်မကို ခေါင်းဆောင်သဘောကျစေချင်ခဲ့တဲ့အတွက် ကျွန်မစကားလုံးတွေကို ချိန်ဆပြီး တကယ်နောင်တမရဘဲနဲ့ သူကြားချင်တာကိုပဲ ပြောခဲ့ပါတယ်။ အားလုံးက အတုအယောင်တွေချည်းပါပဲ။ ကျွန်မပြောဆိုလုပ်ကိုင်နေတဲ့ပုံစံက မြွေတစ်ကောင်လိုပါပဲ၊ အဲဒါက ဘုရားကိုရွံရှာစေပါတယ်။ မီးစင်ကြည့်က မှပဲ ခေါင်းဆောင်ကို အရူးလုပ်နိုင်မှာဖြစ်ပြီးတော့။ မေးခွန်းကိုဖြေတိုင်းလည်း ကျွန်မအပေါ် အမြင်ကောင်းအောင် ဟန်နဲ့ပန်နဲ့ ပြောမှပဲ။ ဘုရားရဲ့အိမ်တော်က ကျွန်မရဲ့ အနေအထားနဲ့ အနာဂတ်အတွက် စိတ်ချရမယ်လို့ တွေးခဲ့မိပါတယ်။ ဒါက ကျွန်မရဲ့ မယုံနိုင်စရာကောင်းတဲ့ မိုက်မဲမှုဖြစ်ပြီးတော့ တကယ်တမ်းမှာ ဘုရားကို အရူးလုပ်ဖို့ ကြိုးစားနေခဲ့တာပါ။ ဘုရားက အားလုံးကို စစ်ဆေးတယ်ဆိုတာကို ကျွန်မ တကယ်တမ်း မယုံကြည်ခဲ့ပါဘူး။ ကျွန်မရဲ့ပညာရည်၊ ဝိညာဉ်ရင့်သန်မှု၊ အတွေးတွေနဲ့ အရာရာမှာ ကျွန်မရဲ့ စိတ်အနေအထားနဲ့ ရှုထောင့်တွေ။ .ဘုရားက အဲဒါတွေအားလုံးကို လုံး၀ ရှင်းရှင်းလင်းလင်း မြင်ပါတယ်။ ကျွန်မအနားမှာရှိတဲ့လူတိုင်းကို လှည့်ဖြားသိမ်းသွင်းနိုင်ရင်တောင်မှ ဘယ်တော့မှ ဘုရားကို လှည့်ဖြားသိမ်းသွင်းနိုင်မှာမဟုတ်ပါဘူး။ တကယ်တော့၊ ကျွန်မ သူများတွေရှေ့မှာ ဘယ်လိုပြောဆိုလုပ်ကိုင်လဲဆိုတာကို မကြည့်ပါဘူး သမ္မာတရားကို ကျွန်မဘယ်လိုချဉ်းကပ်သလဲဆိုတာကိုပဲ ကြည့်တာပါ။ ကျွန်မနေ့တိုင်း လက်တွေ့လုပ်ဆောင်တာတွေ၊ အသက်ရှင်နေထိုင်တာတွေနဲ့ တာဝန်ကို ဘယ်လိုလုပ်ဆောင်သလဲဆိုတာကို ကြည့်တာပါ။ ဘုရားက အထူးသဖြင့် ဒီလိုမျိုး သေးမွှားတဲ့ကိစ္စတိုင်းကိုပါ စစ်ဆေးပါတယ်။ ကျွန်မ သမ္မာတရားကို ချစ်ပြီး လက်တွေ့လုပ်ဆောင်မှု ရှိ၊ မရှိ ကိုကြည့်တာဖြစ်ပြီးတော့။ အဲဒီ ကျွန်မရဲ့ မှားယွင်းတဲ့ပုံစံက ဘုရားကို လုံး၀ အရူးမလုပ်နိုင်ပါဘူး။ နောက်တော့ နောက်ဆုံးမှာ ကျွန်မ သဘောပေါက်သွားတာက။ ကျွန်မက မကောင်းဆိုးရွားဆန်နေရုံတင်မဟုတ်ဘဲ ဘုရားရဲ့ ဖြောင့်မတ်မှု နဲ့ ဘုရားက အားလုံးကို ဆုံးဖြတ်တယ်ဆိုတဲ့အချက်ကို ငြင်းပယ်နေခဲ့တာပါ။ ကျွန်မက မယုံကြည်သူတစ်ယောက်လို လုပ်နေခဲ့မိတာပါ။ အန္တိခရစ်တွေ ခရစ်တော်အပေါ်အထင်သေးတာ နဲ့ ကိုယ်တော်အပေါ် အထက်စီးကပြောနေတာကို ဘုရားရဲ့ စစ်ဆေးမှုကိုကြားတဲ့အချိန်မှာ။ ကျွန်မနဲ့ တော်တော်ဆိုင်လိမ့်မယ်လို့ မထင်ခဲ့မိပါဘူး။ ကျွန်မ ခရစ်တော်နဲ့ လူချင်းမတွေ့ဖူးခဲ့တော့။ အဲဒီလို စာတန်ရဲ့စိတ်သဘောထားမျိုး ပြမိမှာမဟုတ်ဘူးလို့ ထင်ခဲ့မိတာပါ။ နောက်တော့ ကျွန်မ မှားခဲ့တယ်ဆိုတာကို နောက်ဆုံးမှာသဘောပေါက်ခဲ့ပါတယ်။ အဲဒီလို စာတန်ရဲ့စိတ်သဘောထားမျိုးပြဖို့အတွက် ခရစ်တော်နဲ့ ဆုံဖူးစရာမလိုဘူးဆိုတာပါပဲ။ ကျွန်မက လိမ်ပြီးအကျိုးအမြတ်ရဖို့နဲ့ ခေါင်းဆောင်ဆီက အမှတ်တွေရဖို့ ကြိုးစားခဲ့ပြီးတော့။ ဘုရားအိမ်တော်မှာ ကျွန်မရဲ့နေရာကို ဆက်ထိန်းထားနိုင်ဖို့ အဲဒီလိုပဲလုပ်ချင်စိတ်ရှိခဲ့တယ်။ ကျွန်မက အဲဒီ စာတန်ရဲ့စိတ်သဘောထားကို အတိအကျ ပြသနေခဲ့တာပါ။ ကျွန်မသာ ခရစ်တော်နဲ့ မျက်နှာချင်းဆိုင် ဆုံရပြီဆိုရင် ပိုပြီးတောင်ဖြစ်လာမှာ အသေအချာပါပဲ။ ကျွန်မကိုယ်ကျွန်မ ဘုရားကိုအရူးလုပ်ဆန့်ကျင်ဖို့ ကြိုးစားနေတာကို မရပ်နိုင်ခဲ့ပါဘူး။

ရက်ပိုင်းလောက်အထိ၊ ကျွန်မစဉ်းစားနေတာက ကျွန်မတို့ အဖြေမှားတစ်ခု ပေးမိရင်တောင်မှ။ ခေါင်းဆောင်က ကျွန်မထင်ခဲ့သလိုမျိုး အထင်သေးတာတွေ ကိုင်တွယ်ဖြေရှင်းတာတွေ မလုပ်ခဲ့ဘဲနဲ့။ ကျွန်မတို့ ပညာရည် မရှိဘူးလို့ မပြောခဲ့သလို၊။ ဖြုတ်တာတွေ၊ သင်တန်းပေးဖို့ ငြင်းဆန်တာတွေ မရှိခဲ့ပါဘူး။ သူက ကျွန်မတို့ရဲ့ စိတ်ကူးကို ပြောပြဖို့ပဲ တောင်းဆိုခဲ့တာပါ။ ဒါမှ ကျွန်မတို့ သမ္မာတရားနဲ့အညီ မိတ်သဟာယမဖွဲ့မီမှာ ကျွန်မတို့ရဲ့ အားနည်းချက်တွေကို သူနားလည်မှာဖြစ်ပြီးတော့ စည်းမျဉ်းနဲ့အညီနေဖို့ လမ်းညွှန်ပေးနိုင်မှာပေါ့။ ကျွန်မတို့ရဲ့ ဖောက်ပြန်ပျက်စီးတဲ့ သဘောထားကိုလည်း ဖော်ထုတ်ခဲ့ပြီးတော့ ကိုယ့်ကိုယ်ကို ပြန်သုံးသပ်ဖို့လည်း ပြောခဲ့ပါတယ်။ သူလုပ်သမျှတိုင်းက ကျွန်မတို့ကို ကူညီဖို့နဲ့ အားပေးဖို့ပါပဲ။ ဘုရားအိမ်တော် နဲ့ ညီအစ်ကိုမောင်နှမတွေဆီမှာ သူများတွေဘယ်လိုထင်မလဲဆိုတာ စဉ်းစားနေစရာမလိုပါဘူး။ အဲဒါက ဘုရားရဲ့နှုတ်ကပတ်တော်တွေကို စဉ်းစားမိစေပါတယ်။ “ဘုရားသခင်၌ သစ္စာရှိခြင်း၏ အနှစ်သာရ ရှိသဖြင့် သူ၏နှုတ်ကပတ်တော်များကို အမြဲ ယုံကြည်စိတ်ချနိုင်သည်။ ထို့အပြင် သူ၏ လုပ်ဆောင်ချက်များမှာ အမှားကင်းပြီး သံသယ ရှိရန်မလိုပေ၊ ထိုအကြောင်းကြောင့် သူ့အပေါ် ပကတိ ရိုးသားဖြောင့်မတ်သူများကို ဘုရားသခင်က နှစ်သက်ခြင်း ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သတိပေးချက် သုံးချက်”) ဘုရားနှုတ်ကပတ်တော်နဲ့ လုပ်ဆောင်ချက်တွေဟာ ကျွန်မတို့ယုံကြည်မှုရဲ့ အကောင်းဆုံးထိုက်တန်မှုတွေ ဖြစ်ပြီးတော့ ဘုရားက ကျွန်မတို့ကို ရိုးသားမှုနဲ့ ဆက်ဆံပါတယ်။ လူသားတွေကို ဘုရားဖန်ဆင်းတုန်းက။ ဥယျာဉ်ထဲက ဘယ်အသီးကို စားလို့ရပြီး ဘယ်အသီးကို စားလို့မရဘူးဆိုတာ ပြောခဲ့ပါတယ်။ သူက ခန့်မှန်းစရာမလိုလောက်အောင်ကို ရိုးရိုးလေးနဲ့ တိုက်ရိုက်ပြောဆိုခဲ့တာလေ။ ကျေးဇူးတော်ခေတ်မှာ၊ သခင်ယေရှုက၊ “ငါအမှန်ဆိုသည်ကား၊” လို့ တစ်ချိန်လုံးပြောခဲ့ပါတယ်။ ပြီးတော့ ဘုရားအမှုတော်ရဲ့ ဒီအဆင့်မှာ ကျွန်မတို့က။ အနန္တတန်ခိုးရှင်ဘုရားနှုတ်ကပတ်တော်တွေဟာ ဘယ်လောက်ရိုးသားပြီး စစ်မှန်သလဲဆိုတာ ခံစားလို့ရနိုင်ပါတယ်။ များသောအားဖြင့်၊ အဲဒါတွေဟာ နွေးထွေးကြင်နာတဲ့ နှလုံးသားထဲအနက်ရှိုင်းဆုံးကလာတဲ့ နှုတ်ကပတ်တော်တွေဖြစ်ပြီးတော့။ ကျွန်မတို့ရဲ့ ဖောက်ပြန်ပျက်စီးတဲ့ သဘောထားကို ဖော်ထုတ်တဲ့အပိုင်းမှာ ကြမ်းတမ်းသလိုထင်ရပေမယ့်။ အားလုံးက အစစ်အမှန်တရားအပေါ် အခြေခံထားပြီးတော့။ အားလုံးက ကျွန်မတို့ကို သန့်စင်စေပြီး ကယ်တင်ဖို့ပါပဲ။ ဘုရားက ကျွန်မတို့နဲ့ဆို ရိုးသားပြီး ပွင့်လင်းမြင်သာရှိပါတယ်။ ဘာပဲဖြစ်ဖြစ် ဟန်ဆောင်ထားတာ မရှိပါဘူး။ ဒါပေမဲ့လည်း ကျွန်မက သိရဖို့အတွက် တွက်ချက်နေပြီးတော့ အဲဒီအခြေအနေမှာ။ ရိုးသားမှု နည်းနည်းတောင်မရှိဘဲ အကွက်ချစီစဉ်နေခဲ့တာပါ။ ကျွန်မက အရမ်း လှည့်ဖြားတတ်ပြီး စက်ဆုပ်စရာကောင်းတယ်လို့ ခံစားခဲ့ရပါတယ်။

နောက်တော့ ဘုရားနှုတ်ကပတ်တော်တချို့ကို သတိရမိပါတယ်။ “အခြားသူများအပေါ် သံသယမထားသည့်သူများကို ငါသဘောကျသည်၊ ထို့အပြင် သမ္မာတရားကို မဆိုင်းမတွ လက်ခံသောသူများကိုလည်း ငါနှစ်သက်၏၊ ထိုသို့သောလူနှစ်မျိုးကို ငါအလွန်ဂရုစိုက်သည်၊ အဘယ်ကြောင့်ဆိုသော် ငါ၏အမြင်၌ သူတို့သည် ရိုးသားသောသူများ ဖြစ်ကြသောကြောင့်ဖြစ်သည်။ အကယ်၍ သင်တို့သည် လိမ်လည်လှည့်ဖျားတတ်လျှင် လူတိုင်းနှင့် ကိစ္စတိုင်းကို သတိထားပြီး သံသယဝင်နေမည်ဖြစ်၍ ငါ့အပေါ်၌ထားသော သင်တို့၏ ယုံကြည်ခြင်းသည် သံသယအုတ်မြစ်အပေါ်၌ တည်ထားသည့် ယုံကြည်ခြင်း ဖြစ်နေလိမ့်မည်။ ထိုသို့သော ယုံကြည်ခြင်းကို မည်သည့်အခါမျှ ငါအသိအမှတ်ပြုနိုင်မည် မဟုတ်ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “မြေကြီးပေါ်ရှိ ဘုရားသခင်ကို သိရှိနိုင်ပုံ”) ဘုရားက ဘာဖြစ်လို့ သူများကိုသံသယ မရှိတဲ့သူနဲ့ သမ္မာတရားကို လက်ခံဖို့အဆင်သင့်ဖြစ်နေတဲ့သူက ဘုရားရဲ့မျက်လုံးထဲမှာ ရိုးသားတယ်လို့ ပြောခဲ့လဲဆိုတာ အရင်က နားမလည်ခဲ့ပါဘူး။ ဒါပေမဲ့ အခုတော့၊ နှုတ်ကပတ်တော်တွေကို သေချာစဉ်းစားပြီးတဲ့နောက်မှာ စပြီးနားလည်လာပါပြီ။ ရိုးသားသူတွေက ဘုရား ဒါမှမဟုတ် လူတွေအပေါ် သံသယမရှိပါဘူး။ အပြစ်ကင်းကြပါတယ်။ သူတို့က ကိစ္စတွေကို သူတို့ရဲ့လူသားဦးနှောက်နဲ့ စဉ်းစားဖို့ မကြိုးစားဘဲ။ အဲဒီအစား သမ္မာတရားကိုရှာဖွေဖို့ ဘုရားရှေ့မှောက်ကို လာကြပါတယ်။ သူတို့နားလည်နိုင်တာတွေကို လက်ခံပြီး လက်တွေ့လုပ်ဆောင်ပြီးတော့။ ဘုရားပြောတဲ့အတိုင်းလုပ်ဆောင်ပါတယ်။ သူတို့က ရိုးသားတဲ့နှလုံးသားနဲ့ သမ္မာတရားကို ချဉ်းကပ်ကြပြီးတော့ အဲဒီလိုနှလုံးသားက အရမ်းကို တန်ဖိုးကြီးပါတယ်။ အဲဒါက ကျွန်မပြောတဲ့ ကလေးလိုပဲ ဆိုတာပါပဲ။ ဘုရားက သူတို့ကို ကောင်းချီးပေးတယ် သူတို့အတွင်းမှာ သန့်ရှင်းသောဝိညာဉ်တော် အလုပ်လုပ်ပြီးတော့ လမ်းညွှန်အလင်းပြပါတယ်။ နောက်တော့ သူတို့လည်း သမ္မာတရားကို ပိုပြီးလွယ်လွယ်ကူကူနဲ့ နားလည် ရရှိကြပါတယ်။ ဒါပေမဲ့၊ လူတစ်ယောက်က အမှန်တရားအချို့ကိုပြောပြီး တာဝန်ကို နည်းနည်းလုပ်ဆောင်မယ်၊ အတွင်းစိတ်မှာ ရှုပ်ထွေးနေကြမယ်၊ အမြဲတမ်း သံသယကြီးပြီး သတိနဲ့နေမယ်၊ ချစ်ခင်ကြင်နာစရာကောင်းတဲ့ ဘုရားကိုပါ သံသယဝင်နေမယ်ဆိုရင် သူတို့က လှည်ဖြားတတ်ဆုံး၊ မရိုးသားဆုံးလူမျိုး ဖြစ်ပါတယ်။ အဲဒီအချိန်မှာ ကျွန်မစပြီးနားလည်လိုက်တာက။ ဘုရားက ဘာလို့ လှည့်ဖြားတတ်တဲ့လူတွေကို ကယ်တင်လို့မရဘူးလို့ ပြောခဲ့သလဲဆိုတာပါပဲ။ အဲဒီထဲက တစ်ခုကတော့ ဘုရားက အရမ်းကိုစစ်မှန်တယ်၊ လှည့်ဖြားတတ်တဲ့လူတွေကို မုန်းပြီး မကယ်တင်ဘူးဆိုတာပါပဲ။ နောက်တစ်ခုကတော့ ကျွန်မတို့ရဲ့ စိတ်နောက်လိုက်မှုနဲ့ ဆိုင်ပါတယ်။ လှည့်ဖြားတတ်သူတွေက အရမ်းကိုရှုပ်ထွေးပါတယ်။ အမြဲတမ်း ခန့်မှန်းတယ်၊ အကဲဖြတ်တယ် ပြီးတော့ လူတွေ၊ ကိစ္စတွေနဲ့ ဘုရားကို ခုခံတယ်။ သူတို့က လူတွေစိတ်ကို ဘယ်လိုဖတ်ရမလဲဆိုတာလည်း တကယ်သိပါတယ်။ သူတို့ရဲ့အတွေးတွေက အဲဒီအရာတွေရဲ့ သိမ်းပိုက်မှုကို ခံခဲ့ရပြီးတော့ သမ္မာတရားကို လုံး၀ မရှာဖွေတော့ပါဘူး။ သန့်ရှင်းသောဝိညာဉ်တော်ကလည်း သူတို့ဆီမှာ ဘာအလုပ်မှမလုပ်နိုင်တော့ပါဘူး။ ဒါကြောင့် သူတို့ဟာ ဘယ်တော့မှ သမ္မာတရားကို နားလည်ကြမှာမဟုတ်ဘူးလေ။ ဘုရားပြောခဲ့သလိုပေါ့။ “ဘုရားသခင်သည် လှည့်ဖြားသောသူများကို မစုံလင်စေပေ။ အကယ်၍ သင်၏စိတ်နှလုံး မရိုးဖြောင့်ပါက၊ သင်သည် ရိုးသားသောသူတစ်ဦးမဟုတ်ပါက၊ သင်သည် ဘုရားသခင်၏ ရယူခြင်းကို မည်သည့်အခါမျှ ခံရလိမ့်မည်မဟုတ်ပေ။ ထိုနည်းတူ သင်သည် သမ္မာတရားကို မည်သည့်အခါမျှ ရရှိလိမ့်မည်မဟုတ်သကဲ့သို့၊ ဘုရားသခင်ကို ရရှိနိုင်စွမ်းလည်း ရှိလိမ့်မည်မဟုတ်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ဘဝတွင် တိုးတက်ခြင်း၏ အညွှန်းခြောက်ခု”) ဒီတော့ အဲဒီအချိန်မှာပဲ ကျွန်မကိုယ်ကျွန်မ နောက်တစ်ခေါက် ထပ်ပြီးသေချာကြည့်မိတယ်။ ကိစ္စတစ်ခုရင်ဆိုင်ရရင် ဘုရားရှေ့မှောက်ကို ရိုးသားတဲ့နှလုံးသားနဲ့လာပြီး သမ္မာတရားကို မရှာဖွေခဲ့ဘဲ။ အဲဒီအစား သံယောင်လိုက်ဖို့ကိုပဲ စိတ်စွဲနေခဲ့မိတယ်။ ကျွန်မက ညီအစ်ကိုမောင်နှမတွေနဲ့ သာမန်ဆွေးနွေးတဲ့ကိစ္စမှာတောင် အဲဒီလိုအရမ်းဖြစ်ခဲ့ပါတယ်။ တစ်ခါတလေဆိုရင် ကိစ္စတစ်ခုကို လုံး၀နားမလည်ပေမယ့်။ သူများနားလည်ထားတာ အများစုအတိုင်း လိုက်လုပ်ခဲ့တာပါပဲ။ တစ်ခါတလေဆိုရင် ကိုယ်ပိုင်အမြင်ရှိပေမယ့် အမှားကြီးပြောမိသွားမှာစိုးရိမ်တာနဲ့ပဲ။ မပြောတော့ဘဲ သူများပြောတာကို အရင်နားထောင်ပြီးမှ ကျွန်မမှန်ပြီဆိုတာ သိရမှ ပြောခဲ့ပါတယ်။ မဟုတ်ရင်၊ ဘာမှပြောစရာမလိုတော့ မျက်နှာပျက်စရာမရှိဘူးလို့ ထင်ခဲ့မိပါတယ်။ ကျွန်မက ဘယ်လောက်တောင် လှည့်ဖြားတတ်ပြီး ကွေ့ဝိုက်တတ်သလဲဆိုတာ သိခဲ့ရပါတယ်။ ကျွန်မ ကိစ္စတစ်ခုကို နားမလည်တဲ့အခါ လူအများနောက်လိုက်ခဲ့ပြီးတော့။ သူများလုပ်တဲ့အတိုင်း လိုက်ကြည့်ပြီးလုပ်ခဲ့တာပါပဲ။ အဲဒါက ကျွန်မကို သမ္မာတရားကိုတကယ်နားမလည်အောင် တားဆီးထားတာပါပဲ။ ဒါပေမဲ့ သမ္မာတရားကိုမသိတာ ဒါမှမဟုတ် ပညာရည်မပြည့်၀တာက ကြောက်စရာမဟုတ်ပါဘူး။ ကြောက်စရာဆိုတာက လူတွေသူတို့နားမလည်တာကို အမြဲတမ်းဖုံးကွယ်ထားတဲ့အချိန်ပါပဲ။ ပြီးတော့ သူတို့က သမ္မာတရားကို ဘယ်တော့မှ နားလည်နိုင်မှာမဟုတ်ပါဘူး။ အဲဒီအတိုင်းဆက်သွားဖို့က အန္တရာယ်များပြီးတော့။ ရိုးသားဖို့က အရေးကြီးတယ်လို့ ခံစားခဲ့ရပါတယ်။

ကျွန်မလည်း အနာဂတ်မှာ ကိစ္စတွေရင်ဆိုင်ရရင် ဘယ်လိုရိုးသားအောင်နေမလဲဆိုတာနဲ့ ဘယ်လိုအခြေခံအချက်တွေနဲ့ နေမလဲဆိုတာ စပြီး ရှာဖွေခဲ့ပါတယ်။ ဘုရားနှုတ်ကပတ်တော် အပိုဒ်တွေ ဖတ်ကြည့်တယ်။ အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်ကို ပွင့်လင်းစွာ ဖော်ပြဖို့ဆိုသည်မှာ သင်သည် သင်၏ကိုယ်ပိုင် လိုအင်ဆန္ဒများကို ဦးစွာ ဘေးဖယ်ရမည်။ ဘုရားသခင်က သင့်အား မည်သို့ဆက်ဆံသည်ကို အာရုံစိုက်မည့်အစား၊ သင့်စိတ်နှလုံးထဲ ရှိသည့်အရာကို ပြောပြီး၊ သင့်စကားများ၏ အကျိုးဆက်များသည် မည်သည့်အရာ ဖြစ်သည်ကို တွေးဆခြင်း သို့မဟုတ် စဉ်းစားဆင်ခြင်ခြင်း မပြုနှင့်။ သင်တွေးသမျှကို ပြောလော့၊ သင်၏ကြံရွယ်ချက်များကို ဘေးဖယ်လော့၊ ပြီးလျှင် ရည်မှန်းချက်အချို့ကို စွမ်းဆောင်ရရှိဖို့ စကားများကို မသုံးနှင့်။ ‘ကျွန်ုပ် ဤသည်ကို ပြောသင့်သည်၊ ထိုအရာကို မပြောသင့်၊ ကျွန်ုပ်ပြောသည့်အရာကို ဂရုစိုက် ရမည်၊ ကျွန်ုပ်၏ရည်မှန်းချက်ကို ကျွန်ုပ် စွမ်းဆောင်ရရှိရမည်။’- ယင်းတွင် ကိုယ်ပိုင် ကြံရွယ်ချက်များ မပါရှိသလော။ ၎င်းတို့၏စိတ်ထဲတွင် ဤလူများသည် စကားများ မပြောရသေးမီ လှည့်ပတ် စဉ်းစားတွေးတောနေကြသည်။ ၎င်းတို့ပြောမည့် အရာကို အကြိမ်များစွာ ၎င်းတို့စီမံပြီးဖြစ်သည်၊ ပြီးလျှင် ယင်းကို ၎င်းတို့၏ခေါင်းထဲတွင် တစိမ့်စိမ့် စစ်ဆေးပြီးဖြစ်သည်။ ၎င်းတို့၏နှုတ်များမှ ထွက်လာရာတွင်၊ ဤစကားများသည် စာတန်၏ လှည့်စားတတ်သော အကြံအစည်များ ဆောင်ကြဉ်း လာသည်။ ဤသည်မှာ ဘုရားသခင်အပေါ် ပွင့်လင်းစွာ ပြုမူဆက်ဆံခြင်း နည်းလမ်းတစ်ခု မဟုတ်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၂၀)”) “အရေးကိစ္စများအားလုံး၌ သင်သည် ဘုရားသခင်ကို ပွင့်လင်းသင့်ပြီး၊ ဘုရားသခင်ကို ပွင့်လင်းစွာ ဖော်ပြသင့်သည်- ဤသည်မှာ ဘုရားသခင် ရှေ့မှောက်တွင် ထိန်းသိမ်းသင့်သည့် တစ်ခုတည်းသော အနေအထားနှင့် အခြေအနေတို့ဖြစ်သည်။ သင်သည် မပွင့်လင်းလျှင်ပင်၊ ဘုရားသခင် ရှေ့မှောက်တွင် ပွင့်လင်းရမည်။ သင်သည် ပွင့်လင်းခြင်းရှိမရှိကို ဘုရားသခင်က သိသည်။ သင်သည် ဤအရာကို မမြင်နိုင်ပါက မိုက်မဲသည် မဟုတ်လော။ ထို့ကြောင့် သင်သည် မည်သို့ ဉာဏ်ပညာရှိနိုင်မည်နည်း။ ဘုရားသခင်သည် အရာအားလုံးကို စေ့စေ့စပ်စပ် ကြည့်ရှုစစ်ဆေးပြီး သိသည်ကို သင်သိသောကြောင့် သူ မသိနိုင်ဟု မတွေးလေနှင့်။ ဘုရားသခင်သည် လူများ၏စိတ်များကို တိတ်တဆိတ် တွေ့မြင်သည် မှာ သေချာသည့်အတွက်၊ လူများသည် အနည်းငယ်သာ၍ ပွင့်လင်းစွာ ဖော်ပြရန် အနည်းငယ်သာ၍ စင်ကြယ်ပြီး ရိုးသားရန် သင့်ပေသည်။ ဤသည်မှာ လုပ်ဆောင်ရန်သင့်လျော်သောအရာ ဖြစ်သည်။။ လူများက ပုံစံကို စတင် အာရုံစိုက် လာသည့်အခါ၊ ယင်းက ၎င်းတို့၏ဦးနှောက်ထဲ ရောက်လာသည့်အခါ၊ ၎င်းတို့က ယင်းကို အနည်းငယ် တွေးတောစဉ်းစားသည့်အခါ၊ ဤသည်မှာ ဒုက္ခပေးသော အရေးကိစ္စတစ်ခု ဖြစ်လာသည်။ ၎င်းတို့၏ စိတ်များထဲတွင် ၎င်းတို့က ‘ဘုရားသခင်က ကျွန်ုပ်ကို အထင်ကြီးဖို့နှင့် အတွင်း၌ ကျွန်ုပ်တွေးနေသည့်အရာကို မသိဖို့ ကျွန်ုပ် မည်သည့်အရာကိုပြောရမည်နည်း။ မည်သည့်အရာကို ပြောလျှင် မှန်မည်နည်း။ ကျွန်ုပ် များစွာ သိုသိပ်ရမည်၊ အနည်းငယ် ပရိယာယ်ကြွယ်ရမည်၊ နည်းစနစ်တစ်ခု ရှိရမည်။ သို့ဆိုလျှင် ဘုရားသခင်သည် ကျွန်ုပ်ကို အထင်ကြီးလိမ့်မည်။’ ဟု အမြဲတွေးကြသည်။ သင်ထိုသို့ အမြဲတွေးနေသည်ကို ဘုရားသခင်က သိမည် မဟုတ်ဟု သင်တွေးထင်သလော။ ဘုရားသခင်သည် သင်တွေးသည့်အရာမှန်သမျှကို သိသည်။ ထိုသို့ တွေးခြင်းသည် ခြေကုန်လက်ပန်းကျစေသည်။ ရိုးသားစွာနှင့် အမှန်တကယ် ပြောခြင်းသည် များစွာသာ၍ ရိုးရှင်းပြီး၊ သင့်ဘဝကို သာ၍လွယ်ကူစေသည်။ သင်သည် ရိုးသားပြီး စင်ကြယ်ကြောင်း၊ သင်သည် ပွင့်လင်းစွာ ဖော်ပြကြောင်း ဘုရားသခင်က ပြောလိမ့်မည်- ပြီးလျှင် ယင်းက အလွန့်အလွန် တန်ဖိုးရှိပေသည်။ သင်၌ ပွင့်လင်းသော စိတ်နှလုံးတစ်ခုနှင့် ရိုးသားသော သဘောထား တစ်ခုရှိပါက၊ သင် အလွန်အကျွံဖြစ်သွားပြီး မိုက်မဲစွာ ပြုမူသည့်အချိန်များ ရှိလျှင်ပင်၊ ဤသည်မှာ ဘုရားသခင်အဖို့ ပြစ်မှားခြင်းမဟုတ်ပေ။ ယင်းက သင်၏သေးသိမ်သော လှည့်ကွက်များထက်သာပြီး၊ သင်၏မကြာခဏ တွေးဆခြင်းနှင့် စီမံခြင်းထက် သာပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၉)”) ဘုရားကိုချဉ်းကပ်ပုံနဲ့ ဘုရားထားတဲ့အခြေအနေတွေမှာ။ နှလုံးသားပွင့်လင်းဖို့က အရေးအကြီးဆုံးနဲ့ အခြေခံအကျဆုံးအချက်ပဲလို့ ဘုရားနှုတ်ကပတ်တော်တွေထဲမှာ ပြောထားပါတယ်။ ကျွန်မတို့နှလုံးသားကို ဘုရားထံမှာ အပွင့်လင်းဆုံး ထားရှိရမှာပါ ဖုံးကွယ်တာတွေ လှည့်ဖြားတာတွေ၊ လေ့လာဖို့ကြိုးစားတာတွေ၊ စိတ်ထဲ အရှိအတိုင်းပြောတာတွေ မရှိဘဲနဲ့ပေါ့။ ကျွန်မတို့ပြောတဲ့စကားတွေ၊ အစီအစဉ်တွေနောက်မှာ စိတ်ထဲမှာရှိတာတွေကို ဖုံးကွယ်မထားဘဲ။ မှန်မှန်ကန်ကန်နဲ့ အချက်အလက်ကျကျ ကိုယ့်အတွေးကို မျှဝေဖို့ပါပဲ။ ကျွန်မ မသိနိုင်တဲ့အရာတွေကို ကျွန်မနားမလည်ဘူးဆိုတာကို ကျွန်မဝန်ခံဖို့နဲ့။ ဘုရားရှေ့မှောက်သွားပြီး အပြစ်ကင်းရိုးသားတဲ့ နှလုံးသားနဲ့ သမ္မာတရားကို ရှာဖွေဖို့လိုပါတယ်။ ဒါက ဉာဏ်အမြော်အမြင်ကြီးမှုပါပဲ။ ဘုရားက အားလုံးကိုမြင်ပြီးတော့ ကျွန်မတို့ကို သူ့ရဲ့လက်ဖမိုးလိုပဲ သိပါတယ်။ ကျွန်မရဲ့ ပညာရည်၊ ကျွန်မဘယ်လောက် သမ္မာတရားကိုနားလည်လဲ၊ ကျွန်မအတွေ့အကြုံရဲ့ အတိမ်အနက်နဲ့ ကျွန်မနားလည်တာတွေကို။ ဘုရားက အားလုံးကောင်းကောင်းသိပါတယ်။ ကျွန်မက ဘုရားရှေ့မှာတော့ အားလုံးသိအောင်ပြထားတာပါပဲ။ ကျွန်မအမှားတွေကိုဖုံးထားပြီး အားလုံးကိုဘာလို့ နားလည်ချင်ယောင်ဆောင်နေဖို့ လိုမှာလဲ။ တကယ်တော့၊ အမြဲတမ်း ချိန်ဆပြီး၊ သူများကိုကြည့်ပြီး သူများတွေးတာကိုခန့်မှန်းပြီးတော့ ဘာပြောရမလဲဆိုတာကို ဦးနှောက်ကိုဖိအားပေးနေတာတွေက စိတ်ရောကိုယ်ပါ ပင်ပန်းရစေပါတယ်။ ပြီးတော့ ဘုရားကလည်း မုန်းပါတယ်။ အဲဒီမှာပဲ အပြစ်ကင်းဖို့နဲ့ ပွင့်လင်းတဲ့နှလုံးသားရှိဖို့ ဘယ်လောက်အရေးကြီးလဲဆိုတာကို ကျွန်မနောက်ဆုံးနားလည်သွားတာပါ။ ဘုရားက အဲဒါကို တန်ဖိုးထားပြီးတော့ အဲဒါကပဲ ပိုလွတ်လပ်ပြီး ပေါ့ပါးတဲ့ဘ၀နေနည်းတစ်ခုပါပဲ။ ဘုရားက လူတွေရဲ့ ပညာရည် ဒါမှမဟုတ်။ လူတွေရဲ့အမြင် မှန်၊မမှန် ဆိုတာကိုပဲ ကြည့်တာမဟုတ်ဘူးဆိုတာကိုလည်း သိခဲ့ရပါတယ်။ ဘုရားက ကျွန်မတို့နှလုံးသား၊၊ သမ္မာတရားနဲ့ပတ်သက်တဲ့ စိတ်ထားနဲ့ တစ်ချိန်လုံးကျွန်မတို့ဖော်ပြနေတဲ့ စိတ်သဘောထားကို ကြည့်ပါတယ်။ တစ်ခါတလေ ကျွန်မတို့မှားနေရင်တောင်မှ ကျွန်မတို့ဟာ ပွင့်လင်းပြီးရိုးသားနေမယ်ဆိုရင်။ ကျွန်မတို့ မိုက်မဲတာ ဒါမှမဟုတ် ပညာရည်မရှိတာကို ဘုရားက ဂရုမစိုက်ဘဲ အဲဒီအတွက်လည်း ကျွန်မတို့ကို မရှုတ်ချပါဘူး။ ဆန့်ကျင်ဘက်ပါပဲ။ အမြဲတမ်း လှည့်စားနေတာကို ဘုရားက ရွံရှာပြီး မုန်းတီးစရာအဖြစ်မြင်ပါတယ်။ အဲဒီအချိန်မှာပဲ ကျွန်မဟာ သမ္မာတရားကို လက်တွေ့လုပ်ဆောင်ပြီး ရိုးသားတဲ့လူဖြစ်ဖို့ ဆုံးဖြတ်ခဲ့ပါတယ်။ ဘုရားဖန်တီးထားတဲ့ ပတ်ဝန်းကျင်မှာ ဘုရားအပေါ် ပွင့်လင်းမှုရှိတာ၊ သူများနဲ့ပြောဆိုဆက်ဆံရတဲ့အချိန် ရိုးသားတာ၊ ကျွန်မနားလည်တဲ့အတိုင်း ပွင့်ပွင့်လင်းလင်းနဲ့ ရင်ထဲကအတိုင်းပြောဆိုမှပဲ ကျွန်မရဲ့ ကြောင်သူတော်ဆန်၊ လှည့်ဖြားပြီး ဖောက်ပြန်ပျက်စီးတဲ့သဘောထားကို ဖြည်းဖြည်းချင်း ဖြေရှင်းနိုင်မှာပါ။

ကျွန်မတို့အတွက် နည်းနည်းပေါ့နေတဲ့ စာသားတွေပါတဲ့ အသင်းတော်ဓမ္မတေးတစ်ပုဒ်နဲ့ ပတ်သက်ပြီး။ ခေါင်းဆောင်ကို ချဉ်းကပ်တုန်းကအချိန်ကို မှတ်မိပါသေးတယ်။ သူက အဲဒီစာသားတွေကိစ္စ ဘာမှမပြောခဲ့ပေမယ့် ဓမ္မတေးက ပေါ့နေတယ်၊ မကောင်းဘူးလို့ ပြောခဲ့ပါတယ်။ ကျွန်မ ပါးစပ်ထဲကနေ “ဟုတ်တယ်” ဆိုတဲ့အသံ ထွက်လာခဲ့ပါတယ်။ ကျွန်မချက်ချင်းနားလည်လိုက်တာက ကျွန်မထပ်ပြီး လှည့်ဖြားနေပြီဆိုတာပါပဲ။ သူဒီကိစ္စမှာမြင်တဲ့ပြဿနာကို ကျွန်မမမြင်ခဲ့ရဘူးလေ။ ကျွန်မက နားလည်သလိုလိုနဲ့ ထောက်ခံတဲ့လူမျိုး ဖြစ်နေခဲ့တာပါ။ ကျွန်မ ပါးစပ်ဟလိုက်တာနဲ့ အလိမ်အညာတွေထွက်လာတာကို မုန်းခဲ့ပါတယ် ပြီးတော့ ကျွန်မမဆင်မခြင် ဒီလိုမျိုး မပြောချင်ခဲ့ပါဘူး။ ကျွန်မ နားမလည်ဘူးဆိုရင် ကျွန်မနားမလည်တာပဲပေါ့။ ဘုရားနှုတ်ကပတ်တော်တချို့ကို စဉ်းစားမိပါတယ်။ “ရိုးသားဖြောင့်မတ်မှုရှိခြင်း ဆိုသည်မှာ သင်၏ လုပ်ရပ်များနှင့် စကားများတွင် စင်ကြယ်ဖို့ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုးသားသောလူတစ်ဦးဖြစ်ခြင်း၏ အခြေခံအကျဆုံး လက်တွေ့လုပ်ဆောင်ချက်”) ကျွန်မအခုပဲပြောလိုက်တဲ့ အလိမ်အညာကို ပြန်ပြင်ဆင်ပြီး ရိုးသားဖို့လိုတယ်ဆိုတာ သိခဲ့ရပါတယ်။ ကျွန်မခေါင်းဆောင်ကိုပြောခဲ့တာပေါ့။ “ကျွန်မ စာသားနှစ်ကြောင်းမှာ ပြဿနာရှိတယ်လို့ထင်ခဲ့တာ။ သုံးလို့မရမှန်း မသိခဲ့ဘူး” လို့လေ။ သူက ဓမ္မတေးနဲ့ပတ်သက်ပြီး ပြဿနာတွေကို စိတ်ရှည်လက်ရှည်နဲ့ မိတ်သဟာယဖွဲ့ခဲ့ပြီးတော့၊ သီချင်းနဲ့ပတ်သက်ပြီး ကျွန်မမျက်လုံးကို နည်းနည်းဖွင့်ပေးခဲ့ပါတယ်။ ကျွန်မ ငြိမ်းချမ်းမှုကို ခံစားခဲ့ရပါတယ်။ အမှန်ကတော့၊ ကျွန်မတို့ စကား၊အပြုအမူ နဲ့ အမြင်တွေကို သိမ်းထားစရာမလိုပါဘူး။ လက်တွေ့ကျကျ လက်တွေ့ဆန်တဲ့ ရိုးသားတဲ့လူအဖြစ် နေလို့ရတာပဲလေ။ ကျွန်မတို့အဖွဲ့ ညီအစ်ကိုမောင်နှမတွေနဲ့ ပြဿနာတွေ ဆွေးနွေးတဲ့အချိန် ကျွန်မစပြီး ရိုးသားမှုကို လက်တွေ့လုပ်ဆောင်ခဲ့ပါတယ်။ ကျွန်မ မှားမှား၊မှန်မှန် ကျွန်မရဲ့ တကယ့်အမြင်ကို ပြောပြခဲ့ပါတယ်။ ကျွန်မနားမလည်တဲ့ကိစ္စတွေကိုလည်း ပွင့်ပွင့်လင်းလင်းပြောပြီး အမှားတွေကိုလည်း ပြင်နိုင်ခဲ့ပါတယ်။ အဲဒါက ကျွန်မကို ငြိမ်းချမ်းမှုတွေ အများကြီးယူလာပေးတယ်လေ။ ကျွန်မက စစ်မှန်တဲ့ရိုးသားတဲ့လူဖြစ်ဖို့ စံနှုန်းတွေနဲ့ သိပ်မနီးစပ်သေးပေမယ့်။ ရိုးသားခြင်းရဲ့ အရေးကြီးမှုကို တကယ်ခံစားခဲ့ရပြီးတော့ ဒါကပဲ ဘုရားရဲ့ကယ်တင်ခြင်းခံရဖို့နည်းလမ်းဆိုတာ သိခဲ့ရပါတယ်။ ရိုးသားတဲ့လူတစ်ယောက်ဖြစ်ဖို့ ကျွန်မတကယ် စိတ်အားထက်သန်ပြီးတော့။ အဲဒီအတိုင်းဆက်ကြိုးစားပြီး ရိုးသားမှုနဲ့နေချင်ပါတယ်။ ဘုရားကျေးဇူးတော်ပဲ။

အရှေ့သို့- ၁၆။ ရိုးသားသောသူတစ်ယောက်ဖြစ်ဖို့ တိုက်ပွဲ

နောက်တစ်ခုသို့- ၁၈။ မုသားတို့ သုံးမိပြီးသည့်နောက်...

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်