ရိုးသားသောသူတစ်ယောက်ဖြစ်ဖို့ တိုက်ပွဲ

အနန္တတန်ခိုးရှင် ဘုရားသခင် ပြောသည်မှာ- “ငါ၏နိုင်ငံတော်သည် ရိုးသားသူတို့ကို လိုအပ်လေသည်၊ သူတော်ကောင်းယောင်ဆောင်သူတို့ကို မလိုအပ်၊ လိမ်လည်လှည့်ဖြားသူတို့ကို မလိုအပ်။ စိတ်သဘောထား မှန်ကန်သောသူ၊ ရိုးသားသောသူတို့သည် ကမ္ဘာပေါ်တွင် ရေပန်းမစားဘူး မဟုတ်လော။ ငါသည် ဆန့်ကျင်ဘက်သက်သက်သာ ဖြစ်သည်။ ရိုးသားသူတို့ ငါ့ထံသို့လာခြင်းကို လက်ခံနိုင်သည်၊ ထိုသို့သောသူမျိုးတွင် ငါသည် ဝမ်းမြောက်ခြင်းရှိ၏၊ ထိုသို့သောသူမျိုးကို ငါသည် လိုလည်းလိုအပ်၏။ ဤသည်မှာ ငါ၏ဖြောင့်မတ်ခြင်း အတိအကျပင် ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၃၃” အစအဦး၌ ခရစ်တော်၏မိန့်မြွက်ချက်များ) “ဘုရားသခင်က ရိုးသားသူကိုနှစ်သက်မှန်း သင်တို့သိထားသင့်သည်။ ဘုရားသခင်၌ သစ္စာရှိခြင်း၏ အနှစ်သာရ ရှိသဖြင့် သူ၏ နှုတ်ကပတ်တော်ကို အမြဲ ယုံကြည်စိတ်ချနိုင်သည်။ ထို့အပြင် ကိုယ်တော်၏ လုပ်ဆောင်ချက်များမှာ အမှားကင်းပြီး သံသယရှိရန်မလိုပေ။ ထို့ကြောင့် သူ့အပေါ် ပကတိရိုးသားဖြောင့်မတ်သူများကို ဘုရားသခင်က နှစ်သက်ခြင်းဖြစ်သည်။ ရိုးသားဖြောင့်မတ်ခြင်းဆိုသည်မှာ ဘုရားသခင်ထံ သင့်နှလုံးသားပေးအပ်ခြင်း၊ မည်သည့်အချိန်တွင်မဆို မည်သည့်အရာကိုမျှ လိမ်လည်မှု မရှိခြင်း၊ အရာအားလုံးတွင် ဘုရားသခင်နှင့် ပွင့်လင်းမှုရှိခြင်း၊ သမ္မာတရားကို မည်သည့်အခါမျှ ကွယ်ဝှက်မထားခြင်း၊ မိမိအထက်မှလူများကို လိမ်လည်ခြင်းနှင့် အောက်မှလူများကို လှည့်စားခြင်းကို မည်သည့်အခါမှမပြုခြင်းနှင့်၊ ဘုရားသခင်အား မျက်နှာလိုမျက်နှာရ မပြုခြင်းတို့ပင်ဖြစ်သည်။ အတိုချုံး၍ဆိုရလျှင် ရိုးသားဖြောင့်မတ်မှုရှိခြင်း ဆိုသည်မှာ သင်၏ ကိုယ်နှုတ်အမူအရာတို့ကို မသန့်ရှင်းစေခြင်းမှ ရှောင်ရှား၍ ဘုရားသခင်ကိုဖြစ်စေ၊ လူသားကို ဖြစ်စေ၊ မလှည့်စားခြင်း ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သတိပေးချက် သုံးချက်”) ဘုရားသခင်ရဲ့ ဒီ နှုတ်ကပတ်တော်တွေကို ဖတ်ရတော့ ကျွန်တော့် စီးပွားရေးမှာ ပိုက်ဆံရှာတဲ့နည်းလမ်းက ရိုးသားမှုမရှိခဲ့တာကို ပြန်သတိရမိတယ်။ ကျွန်တော် လူသားပုံသဏ္ဍန်မရှိဘဲ အသက်ရှင်ခဲ့တယ်။ အနန္တတန်ခိုးရှင်ဘုရားသခင်ရဲ့ အမှုတော်ကို လက်ခံပြီး သူ့ရဲ့နှုတ်ကပတ်တော်ရဲ့ တရားစီရင်ခြင်းကို ဖြတ်သန်းပြီးကတည်းက ကျွန်တော့်ရဲ့ လှည့်ဖြားတတ်တဲ့ စိတ်သဘောထားကို နောက်ဆုံးမှာ နားလည်ခဲ့တယ်။ ကျွန်တော့်အမြင်က တော်တော်ပြောင်းသွားတယ်။ သမ္မာတရားကို လက်တွေ့လုပ်ဆောင်ပြီး ရိုးသားလာတယ်။

လွန်ခဲ့တဲ့ သုံးလေးနှစ်က အသုံးအဆောင်ပစ္စည်း ပြုပြင်တဲ့ ဆိုင်တစ်ဆိုင် ဖွင့်ခဲ့ပါတယ်။ သမ္မာအာဇီဝကျတဲ့ အလုပ်တစ်ခုကို ကျွန်တော်လုပ်ချင်ခဲ့တယ်။ ကျွန်တော့်မိသားစု လောက်ငဖို့ ပိုက်ဆံနည်းနည်းပဲ ရချင်ခဲ့တယ်။ ကျွန်တော်တို့က အမြဲတမ်း အလုပ်ရှုပ်နေပေမဲ့ ငွေမစုနိုင်ဘဲ အဆင်ပြေရုံလောက်ပဲ ကျွန်တော် ရှာခဲ့တယ်။ တစ်ခါတလေမှာ ကျွန်တော့်ဝင်ငွေက အလုပ်ဝင်စ အလုပ်သမားထက် နည်းတယ်။ ကျွန်တော့် အမျိုးသမီးက ဒါနဲ့ ပတ်သက်ပြီး ကျွန်တော့်ကို အမြဲတမ်း ပြောဆိုနေတာ။ ကျွန်တော်က ရိုးလွန်းပြီး စီးပွားရေးမလုပ်နိုင်ဘူးလို့ ပြောတယ်။ ကျွန်တော့် ယောက်ဖကလည်း ကျွန်တော့်ကို အပြစ်တင်တယ်။ သူက ပြောတယ်။ “အခုက ပိုက်ဆံ ခေတ်ရောက်နေပြီ။ မင်း ဘယ်လိုပဲလုပ်လုပ် အောင်မြင်မှုရဖို့ လူတွေ မင်းကို ပိုက်ဆံပေးအောင် လုပ်မှရမယ်။” တဲ့။ ပြီးတော့ သူက ကျွန်တော် ခေတ်ရေစီးကြောင်းနောက်ကိုလိုက်အောင်၊ စီးပွားရေးကို သူများတွေလိုလုပ်ပြီး သိပ်ခေါင်းမမာအောင် ကျွန်တော့်ကို ဖျောင်းဖျဖို့အတွက် “ဉာဏ်နီဉာဏ်နက်မရှိဘဲ မချမ်းသာနိုင်” “ငွေကြေးသည် ကမ္ဘာကို လည်ပတ်စေသည်” ဆိုတာမျိုးတွေ ပြောတယ်။ အဲဒီအချိန်တုန်းကတော့ သူတို့ပြောတာလည်း ဟုတ်တာပဲလို့ စဉ်းစားမိတယ်။ ဒါပေမဲ့ သူများတွေကို လိမ်ဖို့ ကျွန်တော် မလုပ်နိုင်ခဲ့ဘူး။ ကျွန်တော့်ရဲ့ အသိစိတ်နဲ့ ညှိုလို့မရခဲ့ဘူး။

နောက်တော့ အနီးအနားက အသုံးအဆောင် ပစ္စည်းပြုပြင်ရေး ဆိုင်တစ်ဆိုင်ဖွင့်ထားတဲ့ မစ္မတာချန်ကို ကျွန်တော် သတိထားမိတယ်။ သူက ပညာပိုင်းမှာ သိပ်မကျွမ်းဘူး။ သူက အသေးအဖွဲလေးတွေပဲ ပြင်နိုင်တယ် သူက “အသုံးအဆောင်ပစ္စည်းမျိုးစုံ အဆင်မြင့်ပြုပြင်ရေး” လို့ ရေးထားတဲ့ဆိုင်းဘုတ်ကြီးတစ်ခု ရှေ့မှာ ချိတ်ထားတယ်။ အဲဒီနည်းနဲ့ သူက အလုပ်တွေတော်တော်ရတယ်။ အလုပ်က လွယ်တယ်ဆိုရင် သူ့ဘာသာပြင်တယ်။ မလွယ်ရင်တော့ တခြားဆိုင်ကိုပို့ပြီး ပိုက်ဆံကိုမျှယူလိုက်တယ်။ ဒီနည်းလမ်းနဲ့ သူ ပိုက်ဆံ တော်တော်ရတယ်။ တစ်ခါ ကျွန်တော်တို့ စကားပြောတော့ သူက ပိုက်ဆံရှာတဲ့နည်းကို ပြောပြတယ်။ သူက ပြောတယ်။ ပစ္စည်းထဲက အစိတ်အပိုင်းလေးတစ်ခု ပျက်ရင် အစိတ်အပိုင်းတွေ အကုန်လဲပစ်လိုက်သင့်တယ်။ ဒါဆို ပိုပြီးတော့ တောင်းလို့ရတယ်။ လာပြင်တဲ့သူတွေက အများအားဖြင့် မသိကြဘူးတဲ့။ ငွေ အဓိကကျတဲ့ လူ့အဖွဲ့အစည်းမှာ ငါတို့ နေနေတာ။ “ကြောင်တစ်ကောင်က ကြွက်ဖမ်းနိုင်သရွေ့ အဲဒီကြောင် အဖြူလား အမဲလား ဘယ်သူမှ ဂရုမစိုက်ဘူး” တဲ့။ ပြီးတော့ သူက ပြောတယ်။ ပိုက်ဆံရှာနိုင်တယ်ဆိုတာ မင်းက အရည်အချင်းရှိလို့ပဲ၊ မဟုတ်ရင် မင်း ဘယ်လောက်တော်တော် အထင်သေးခံရမှာပဲ တဲ့။ သူ့ရဲ့ “လက်ဖျားခါလောက်တဲ့ အမြင်” ကို ကြားပြီးတဲ့နောက်မှာ ကျွန်တော် စဉ်းစားမိတယ်။ “ဒါ အခု ငါတို့နေနေတဲ့ ခေတ်ပဲ။ လူတွေက ပိုက်ဆံအတွက် ဘာမဆိုလုပ်ပြီး သမာဓိဆိုတာ မရှိပါဘူး။ အဲဒီတော့ ရိုးသားတာက ဘာအကျိုးရှိလို့လဲ။ နောက်ပြီး စီးပွားရေးမှာ ငါ ရိုးသားတာ ဘာမှဖြစ်မလာဘူး။ ငါတို့ အလုပ်က အတူတူပဲ။ ဒါပေမဲ့ သူက ကောင်းကောင်းနေနိုင်တယ်။ တကယ်တမ်း သူ့တစ်မိသားစုလုံးတောင် ကောင်းကောင်းနေနိုင်တယ်။ ဒါပေမဲ့ ငါကတော့ အဆင်ပြေရုံလောက်ပဲ ရတယ်။ ကြည့်ရတာတော့၊ ငါ ထင်ရာဇွတ်လုပ်မိခဲ့ပုံပဲ ငါ မိသားစုကို ကူညီဖို့ ပိုက်ဆံပိုရမယ့် နည်းလမ်းတွေ ရှာသင့်တယ်။” နောက်ပိုင်းမှာ ကျွန်တော့် လုပ်ဖော်ကိုင်ဖက်တွေရဲ့ “အောင်မြင်မှု” တွေကနေ သင်ယူပြီး customers တွေကို စပြီး လိမ်ခဲ့တယ်။ ကျွန်တော် စိတ်မသက်မသာသလို စပြီး ခံစားလာရတယ်။ ဒါပေမဲ့ ကျွန်တော် လျစ်လျူရှုလိုက်တယ်။ ဒါမှ ပိုက်ဆံ ပိုရှာနိုင်မှာလေ။

တစ်ရက်မှာ customer တစ်ယောက်က ပစ္စည်းပြင်ဖို့ ရောက်လာတယ်။ မကောင်းတဲ့ အပိုင်းတွေကို ကျွန်တော် ဖြုတ်နေရင်းနဲ့ လုံးဝ ကောင်းနေတဲ့အပိုင်းတချို့ကို ဖြုတ်လိုက်တယ်။ ဒီလိုနဲ့ အများကြီး ပျက်နေတယ်လို့ သူထင်မှာပဲဆိုပြီး ကျွန်တော် တွက်မိတယ်။ ပြီးရင် သူ့ကို ကျွန်တော် ပြင်ခပိုတောင်းရင် သူ သတိထားမိမှာမဟုတ်ဘူး။ “သူခိုးတစ်ယောက်လို အပြစ်ရှိသလို ခံစားရတယ်” ဆိုတဲ့စကားက အတော်မှန်တယ်။ အစတော့ ကျွန်တော် တော်တော်ကို စိတ်လှုပ်ရှားပြီး နှလုံးက အရမ်းခုန်နေတယ်။ သူ သိသွားပြီး ကျွန်တော့်ကို ရှင်းခိုင်းမှာကို ကြောက်မိတယ်။ အဲဒီလိုဆို ရှက်ဖို့ကောင်းမှာပဲ။ ဒါပေမဲ့ ကျွန်တော် တည်တည်ငြိမ်ငြိမ်နေလိုက်ပြီး အဲဒီအစိတ်အပိုင်းတွေအကုန် လဲပေးလိုက်တယ်။ ပိုက်ဆံရှင်းရမယ့်အချိန်ရောက်တော့ ကျွန်တော် သတ်မှတ်ထားတဲ့ဈေးထက် ငါးဆယ်ရာခိုင်နှုန်းပိုပြီး တောင်းလိုက်တယ်။ ကျွန်တော် သူ့ကို မကြည့်ရဲဘဲ ခေါင်းကို ငုံ့မြဲငုံ့ထားခဲ့တယ်။ သူက တစ်ခွန်းမှမပြောဘဲ မစဉ်းစားဘဲ ပေးလိုက်တော့ ကျွန်တော် အံ့သြသွားမိတယ်။ သူ ပြန်သွားတာနဲ့ချက်ချင်းပဲ ကျွန်တော် နောက်ဆုံးမှာ စိတ်သက်သာရာရပြီး သက်ပြင်းချလိုက်တယ်။ ကျွန်တော် ချွေးတွေရွှဲနေပြီး တော်တော် စိတ်မသက်မသာဖြစ်နေတာကို သတိပြုမိလိုက်တယ်။ ဒါပေမဲ့ အဲဒီ အပိုရတဲ့ပိုက်ဆံကို မြင်တော့ ချက်ချင်းပဲ အဲဒီခံစားချက်က ပျောက်သွားတယ်။

အဲဒီအချိန်ကစပြီး ကာစတမ်မာတွေကို ပိုတောင်းဖို့ လှည့်ကွက်မျိုးစုံကို စဉ်းစားတယ်။ အစတော့ အပြစ်ရှိသလို ခံစားရတယ်။ ဒါပေမဲ့ ပိုက်ဆံပိုရအောင် ဆင်ခြေတွေပဲ ပေးနေမိတယ်။ “ငါ ပျော့ညံ့နေလို့မဖြစ်ဘူး။ ‘တကယ့် ယောက်ျားတစ်ယောက်ဖြစ်ဖို့က အဆိပ်လိုတယ်။’ ငါ ပိုက်ဆံရချင်တယ်ဆိုရင် ပါးနပ်ရမယ်။ ပြီးတော့ လူတိုင်းလုပ်နေတာပဲ။ ငါတစ်ယောက်ထဲမှ မဟုတ်တာ” ဆိုပြီးပေါ့။ အချိန်ခဏလောက်ကြာပြီးတော့ အဲဒီ အပြစ်ရှိသလိုစိတ်က မှေးမှိန်သွားပြီး ပိုက်ဆံရှာတဲ့ “အရည်အချင်း” နဲ့ပတ်သက်ပြီး ကျွန်တော် အတွေ့အကြုံပိုများလာတယ်။ လူအမျိုးမျိုးကို ပုံစံအမျိုးမျိုးနဲ့ ဆက်ဆံပြီး ဘယ်လိုအကဲခတ်ရမယ်၊သွေးတိုးစမ်းရမယ်ဆိုတာ ကျွန်တော် သိလာတယ်။ ပြီးတော့ လှည့်ကွက်တွေလည်း ပိုသိလာတယ်။ ပိုက်ဆံရှိတဲ့ ဖောက်သည်တွေနဲ့ဆိုရင် ပိုက်ဆံ ပိုတောင်းလို့ကောင်းအောင် သူတို့ ကြားချင်တာတွေ ပြောပြီး ကျေနပ်အောင်လုပ်ပေးတယ်။ ပြီးရင် မြှောက်ပြောတယ်။ အလောကြီးတဲ့ ကာစတမ်မာနဲ့ဆိုရင် ပြင်ရတာ ခက်တဲ့ပုံစံ ဟန်ဆောင်ပြီး အချိန်ပိုယူလိုက်တယ်။ အဲဒါဆို သူတို့က ကျွန်တော့်ကို ပိုပေးလိုက်တာပဲ။ တချို့ ကာစတမ်မာတွေက ပိုလည်တယ်။ အဲဒီတော့ သူတို့ ပစ္စည်းတွေကို ကျွန်တော့်ဆီ ထားခဲ့အောင်လို့ အကြောင်းပြချက်စဉ်းစားရတယ်။ သူတို့ လာယူတဲ့အခါကျရင် နောက်ထပ် ပြင်ရမယ့်ဟာတွေ တွေ့တယ်လို့ ပြောလိုက်တယ်။ ကျွန်တော် ပိုက်ဆံတွေ ပိုရနေပြီး စိတ်မသက်မသာတာလည်း သိပ်မဖြစ်တော့ဘူး။ အဲဒါနဲ့ ကာစတမ်မာတွေကို ပိုတောင်းလို့ရအောင် ကျွန်တော် အမြဲ ဦးနှောက်ခြောက်အောင် စဉ်းစားတယ်။ ကျွန်တော် ပိုက်ဆံတွေ အများကြီးပိုရပြီး လုံခြုံမှုလည်းရှိပါတယ်။ ဒါပေမဲ့ စိတ်ထဲမှာ ဝမ်းသာတာ၊ ပျော်ရွှင်တာ တစ်ခုမှ မခံစားရဘူး။ ကျွန်တော် လုပ်ခဲ့တဲ့ ယုတ်မာတဲ့လုပ်ရပ်တွေကို စဉ်းစားမိတိုင်း ကျွန်တော် ကြောက်ပြီး နေရထိုင်ရခက်သလို ခံစားရတယ်။ တစ်ခါတလေမှာ ကျွန်တော် စဉ်းစားမိတယ်။ “ငါ ရပ်လိုက်သင့်တယ်။ ငါ အလုပ်ကို ဒီလိုပဲဆက်ပြီး လုပ်မနေသင့်ဘူး။ လူတွေပြောသလိုပဲ။ ‘မကောင်းတာလုပ်ရင် မကောင်းတာခံရမယ်။’ ငါနဲ့ထိုက်တာကို ငါရမှာပဲ။” ဆိုပြီးပေါ့။ ဒါပေမဲ့ ကျွန်တော့်လက်ထဲက ပိုက်ဆံတွေကို စဉ်းစားမိတဲ့အခါ ကျွန်တော် ဆက်မလုပ်ဖို့ မဆုံးဖြတ်နိုင်ခဲ့ဘူး။

ကျွန်တော် အကျင့်ပျက်မှုထဲ နှစ်မြုပ်နေတုန်းမှာပဲ ကျွန်တော့်အစ်မက အနန္တတန်ခိုးရှင်ဘုရားသခင်ရဲ့ နိုင်ငံတော် ဧဝံဂေလိတရားအကြောင်း ပြောပြတယ်။ ဘုရားသခင်ရဲ့ အမှုတော်ကို လက်ခံပြီးတဲ့နောက်မှာ ကျွန်တော် ညီအစ်ကိုမောင်နှမတွေနဲ့ ဘုရားနှုတ်ကပတ်တော်ကို ခဏခဏ ဖတ်ဖြစ်တယ်။ တစ်ခါတော့ ဝတ်ပြုအစည်းအဝေးမှာ အနန္တတန်ခိုးရှင်ဘုရားသခင်ရဲ့ ဒီ နှုတ်ကပတ်တော်တွေကို ဖတ်မိပါတယ်။ “လူသားသည် ဘုရားသခင်နှင့်အတူ ဤခေတ်ကာလများကို လျှောက်လှမ်းခဲ့သော်လည်း ဘုရားသခင်သည် အရာအားလုံးနှင့် သက်ရှိတို့၏ ကံကြမ္မာကို ပိုင်စိုးသည်ကို မသိသကဲ့သို့ ဘုရားသခင်သည် အရာအားလုံးကို စီစဉ်ညွှန်ကြားပြီး လမ်းညွှန်ပြပေး သည်ကိုလည်း သူမသိပေ။ ရှေးအတီတေကာလမှ ယနေ့မျက်မှောက်ထိ လူသားသည် ထိုအချက်ကို သဘောမပေါက်ပေ။ အကြောင်းရင်းမှာ ဘုရားသခင်၏ လုပ်ဆောင်ချက်များသည် သိုဝှက်လွန်းခြင်းကြောင့် မဟုတ်သကဲ့သို့ ဘုရားသခင်၏ အကြံအစည်မှာ မပြည့်မြောက်သေး သောကြောင့် မဟုတ်ဘဲ၊ လူသားသည် ဘုရားသခင်နောက် လိုက်နေစေကာမူ စာတန်ကို အစေခံလျက်ရှိနေသေးသော်လည်း ထိုအချက်ကို မသိသည်အထိပင် လူသား၏နှလုံးသားနှင့် စိတ်ဝိညာဉ်သည် ဘုရားသခင်နှင့် ဝေးကွာလွန်းခြင်းကြောင့် ဖြစ်သည်။ မည်သူတစ်ဦးတစ်ယောက်မျှ ဘုရားသခင်၏ ခြေလှမ်းများနှင့် ဘုရားသခင်၏ ပေါ်ထွန်းခြင်းကို တက်တက်ကြွကြွ ရှာဖွေခြင်းမရှိပေ၊ ထို့ပြင် မည်သူတစ်ဦးတစ်ယောက်မျှ ဘုရားသခင်၏ စောင့်ရှောက်ပေးမှုနှင့် ထိန်းသိမ်းပေးမှုထဲ၌ တည်နေလိုသောဆန္ဒ မရှိကြပေ။ ထိုသို့ပြုမည့်အစား သူတို့သည် ဤလောကကြီးနှင့် လိုက်လျောညီထွေဖြစ်ရန်အလို့ငှာ၊ ထို့အပြင် ဆိုးသွမ်းသော လူသားမျိုးနွယ်တို့ လိုက်နာကျင့်သုံးသည့် ဖြစ်တည်မှုစည်းမျဉ်းများနှင့် လိုက်လျောညီထွေဖြစ်ရန်အလို့ငှာ ဆိုးယုတ်သည့်သူဖြစ်သော စာတန်၏ ယိုယွင်းပျက်စီးခြင်းအပေါ် အမှီပြုလိုကြသည်။ ဤအချိန်တွင် လူသား၏ နှလုံးသားနှင့် စိတ်ဝိညာဉ်တို့သည် စာတန်အတွက် လူသား၏ လက်ဆောင်ပဏ္ဏာ ဖြစ်သွားခဲ့ကာ စာတန်၏ ခဲဖွယ်စားဖွယ် ဖြစ်သွားသည်။ ထိုထက်ပင်ပို၍ လူသား၏ နှလုံးသားနှင့် စိတ်ဝိညာဉ်သည် စာတန်နေထိုင်နိုင်သည့် နေရာတစ်ခုနှင့် ၎င်းနှင့် သင့်တော်သည့် ပျော်ပါးရာနေရာတစ်ခုဖြစ်လာသည်။ ဤနည်းအားဖြင့် လူသားသည် လူသားဖြစ်ရခြင်း၏ နိယာမများနှင့်ဆိုင်သည့် သူ၏ နားလည်ခြင်း၊ ထို့ပြင် လူသားဖြစ်တည်မှု၏ တန်ဖိုးနှင့် အဓိပ္ပာယ်တို့ နှင့်ဆိုင်သည့် သူ၏နားလည်ခြင်းတို့ကို အမှုမဲ့အမှတ်မဲ့ ဆုံးရှုံးလိုက် ရသည်။ ဘုရားသခင်၏ ပညတ်တရားများနှင့် ဘုရားသခင်နှင့် လူသားကြားမှ ပဋိညာဉ်သည် လူသား၏နှလုံးသားထဲမှ တဖြည်းဖြည်း မှေးမှိန်ပျောက်ကွယ်ပြီး သူသည် ဘုရားသခင်ကို ရှာဖွေခြင်း၊ သို့မဟုတ် ဂရုပြုခြင်း မရှိတော့ပေ။ အချိန်ကာလ ကြာညောင်းလာသည်နှင့်အမျှ လူသားသည် ဘုရားသခင်က သူ့အား အဘယ်ကြောင့် ဖန်ဆင်းခဲ့သည်ကို နားမလည်တော့သကဲ့သို့ ဘုရားသခင်၏ နှုတ်မှလာသော နှုတ်ကပတ်တော်များနှင့် ဘုရားသခင်ထံမှလာသော အရာအားလုံးတို့ကို နားမလည်တော့ပေ။ ထို့နောက် လူသားသည် ဘုရားသခင်၏ ပညတ်တရားများနှင့် အမိန့်များကို စတင်အာခံလာသည်၊ ထို့ပြင် သူ၏နှလုံးသားနှင့် စိတ်ဝိညာဉ်တို့သည် ထုံထိုင်းလာသည်...။ ဘုရားသခင်သည် သူမူလအစက ဖန်ဆင်းထားသော လူသားကို ဆုံးရှုံးသွားပြီး လူသားသည် သူ၏ မူလအရင်းအမြစ်ကို ဆုံးရှုံးသွားသည်။ ၎င်းသည် ဤလူသားမျိုးနွယ်အတွက် ဝမ်းနည်းစရာဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ဘုရားသခင်ရဲ့ နှုတ်ကပတ်တော်တွေက လက်တွေ့အရှိတရားကို ပြတာပဲ။ ကျွန်တော်က အပြင်ပန်းမှာတော့ ပိုက်ဆံတွေ အများကြီးရပြီး ရုပ်ပိုင်းဆိုင်ရာ ချမ်းသာမှုတွေ တိုးတက်လာပေမဲ့ ရင်ထဲမှာ ဗလာဖြစ်နေပြီး နာကျင်နေရတယ်။ ဒါတွေ အားလုံးက ကိုယ့်ကိုယ်ကိုယ် ဘုရားနဲ့ ဝေးကွာစေခဲ့လို့၊ သူ့ရဲ့သတ်မှတ်ချက်တွေကို ဆန့်ကျင်ပြီး အသက်ရှင်ရပ်တည်ရေးအတွက် စာတန်ရဲ့ စည်းမျဉ်းတွေအတိုင်း အသက်ရှင်ခဲ့လို့ပါ။ ဆိုင်ကို စဖွင့်တုန်းက စိတ်ရှင်းရှင်းနဲ့ ပိုက်ဆံရှာခဲ့တယ်။ အများကြီးမရပေမဲ့ အမြဲတမ်း စိတ်အေးချမ်းတယ်။ ဒါပေမဲ့ နောက်တော့ ပတ်ဝန်းကျင်ကြောင့်၊ တခြားလူတွေက မကောင်းတဲ့နည်းတွေနဲ့ ချမ်းသာနေတာတွေ မြင်ရတာကြောင့် စာတန်ဆီကလာတဲ့ “ဉာဏ်နီဉာဏ်နက်မရှိဘဲ မချမ်းသာနိုင်” “ငွေကြေးသည် ကမ္ဘာကို လည်ပတ်စေသည်” “ငွေသည် အဓိကမဟုတ်သော်လည်း ငွေမရှိလျှင် ဘာမျှလုပ်နိုင်မည်မဟုတ်” ဆိုတဲ့ စကားတွေနဲ့ တခြားဒီလိုမျိုး စည်းမျဉ်းတွေရဲ့ လွှမ်းမိုးမှုကိုလည်း ကျွန်တော် ခံခဲ့ရတယ်။ လူအများလုပ်တာတွေ လိုက်လုပ်ခဲ့ပြီး ပိုက်ဆံရှာဖို့အတွက် ကျွန်တော့်ရဲ့ ကိုယ်ကျင့်တရားတွေကို စွန့်လွှတ်ခဲ့တယ်။ ကာစတမ်မာတွေက ကျွန်တော့်ကို ပိုက်ဆံပိုပေးအောင်လို့ သူတို့ကို လိမ်ဖို့အတွက် ကိုယ့်အသိတရားကို လျစ်လျူရှုခဲ့တယ်။ ပိုက်ဆံက ကျွန်တော့်လက်ထဲမှာရှိနေနိုင်ပေမဲ့ အားလုံးက မတရားတဲ့နည်းနဲ့ ရလာတာတွေပါ။ ကျွန်တော်လုပ်ခဲ့တဲ့ ယုတ်မာတဲ့ ဒီလုပ်ရပ်တွေကို စဉ်းစားမိတိုင်း ကိုယ့်ကိုယ်ကိုယ် စိတ်မသက်မသာဖြစ်ပြီး မငြိမ်းချမ်းနိုင်ခဲ့ဘူး။ တစ်ယောက်ယောက်က ကျွန်တော့်ကို ဖော်လိုက်မယ့်နေ့ကို ကြောက်နေရင်း အသက်ရှင်ခဲ့ရပါတယ်။ ပိုဆိုးတာက ကျွန်တော် အဖမ်းခံရနိုင်တယ်လေ။ အမြဲတမ်းကို စိုးရိမ်ပူပန်နေခဲ့ရတယ်။ အသက်ဆက်ရှင်ဖို့ကို နည်းလမ်းမရှိခဲ့ပါဘူး။ ဒါပေမဲ့ ဒါတွေအားလုံးက ဆိုးယုတ်တဲ့ အတွေးအခေါ်တစ်ခုနဲ့ ကျွန်တော် အသက်ရှင်နေလို့ပဲဆိုတာ အဲဒီနေ့မှာ နားလည်သွားတယ်။ ဒါဟာ စာတန် စည်းမျဉ်းတွေရဲ့ လှည့်စားတာခံရတဲ့ အကျိုးဆက်ပဲ။ ဘုရားနှုတ်ကပတ်တော်ရဲ့ လမ်းပြမှုမပါဘဲနဲ့ စာတန်က ကျွန်တော့်ကို ဘယ်လိုထိခိုက်နေတယ်ဆိုတာကို လုံးဝ သိမှာမဟုတ်ဘူး။

နောက်တော့ အစ်မတစ်ယောက်က ကျွန်တော့်အတွက် ဘုရားသခင်ရဲ့ နှုတ်ကပတ်တော်တချို့ကို ဖတ်ပြတယ်။ “ဘုရားသခင်က ရိုးသားသူကို နှစ်သက်မှန်း သင်တို့သိထားသင့်သည်။ ဘုရားသခင်၌ သစ္စာရှိခြင်း၏ အနှစ်သာရရှိသဖြင့် သူ၏နှုတ်ကပတ်တော်ကို အမြဲ ယုံကြည်စိတ်ချနိုင်သည်။ ထို့အပြင် သူ၏ လုပ်ဆောင်ချက်များမှာ အမှားကင်းပြီး သံသယရှိရန်မလိုပေ။ ထို့ကြောင့် သူ့အပေါ် ပကတိရိုးသားဖြောင့်မတ်သူများကို ဘုရားသခင်က နှစ်သက်ခြင်း ဖြစ်သည်။ ရိုးသားဖြောင့်မတ်ခြင်းဆိုသည်မှာ ဘုရားသခင်ထံ သင့်နှလုံးသားကို ပေးအပ်ခြင်း၊ မည်သည့်အချိန်တွင်မဆို မည်သည့်အရာကိုမျှ လိမ်လည်မှု မရှိခြင်း၊ အရာအားလုံးတွင် ဘုရားသခင်နှင့် ပွင့်လင်းမှုရှိခြင်း၊ အမှန်တရားကို မည်သည့်အခါမျှ ကွယ်ဝှက်မထားခြင်း၊ မိမိအထက်မှလူများကို လိမ်လည်ခြင်းနှင့် အောက်မှလူများကို လှည့်စားခြင်းကို မည်သည့်အခါမျှ မပြုခြင်းနှင့်၊ ဘုရားသခင်အား မျက်နှာလိုမျက်နှာရ မပြုခြင်းတို့ပင်ဖြစ်သည်။ အတိုချုံး၍ဆိုရလျှင် ရိုးသားဖြောင့်မတ်မှုရှိခြင်း ဆိုသည်မှာ သင်၏ ကိုယ်နှုတ်အမူအရာတို့ကို မသန့်ရှင်းစေခြင်းမှ ရှောင်ရှား၍ ဘုရားသခင်ကိုဖြစ်စေ၊ လူသားကိုဖြစ်စေ မလှည့်စားခြင်းဖြစ်သည်။” “ငါ၏နိုင်ငံတော်သည် ရိုးသားသူတို့ကို လိုအပ်လေသည်၊ သူတော်ကောင်းယောင်ဆောင်သူတို့ကို မလိုအပ်၊ လိမ်လည်လှည့်ဖြားသူတို့ကို မလိုအပ်။ စိတ်သဘောထား မှန်ကန်သောသူ၊ ရိုးသားသောသူတို့သည် ကမ္ဘာပေါ်တွင် ရေပန်းမစားဘူး မဟုတ်လော။ ငါသည် ဆန့်ကျင်ဘက်သက်သက်သာ ဖြစ်သည်။ ရိုးသားသူတို့ ငါ့ထံသို့လာခြင်းကို လက်ခံနိုင်သည်၊ ထိုသို့သောသူမျိုးတွင် ငါသည် ဝမ်းမြောက်ခြင်းရှိ၏၊ ထိုသို့သောသူမျိုးကို ငါသည် လိုလည်းလိုအပ်၏။ ဤသည်မှာ ငါ၏ဖြောင့်မတ်ခြင်း အတိအကျပင် ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ပြီးတော့ သူက ကျွန်တော့်ကို ပြောတယ်။ “ဘုရားသခင်က အနှစ်သာရအားဖြင့် သစ္စာရှိပါတယ်။ ရိုးသားသူတွေကို နှစ်သက်ပြီး ကောင်းချီးပေးတယ်။ လောကမှာ တခြားလူတွေနဲ့ ကျွန်မတို့ ဆက်ဆံတဲ့အခါ စာတန်ရဲ့ စည်းမျဉ်းအတိုင်း အသက်ရှင်ကြတယ်။ ‘အကျိုးမရှိဘဲ ဘာမှမလုပ်နဲ့’ ဆိုတာမျိုးပေါ့။ ကျွန်မတို့ စကားတွေ၊ လုပ်ရပ်တွေအားလုံးက ကိုယ်ကျိုးအတွက်ဖြစ်ပြီး အပြစ်ရှိတယ်လို့ မခံယူဘဲ လှည့်စားကြတယ်။ လူလို ဘယ်လိုနေရမယ်ဆိုတာ ကျွန်မတို့ မသိကြဘူး။” တဲ့ “ဒါပေမဲ့ ဘုရားကို ယုံကြည်တာက မတူဘူး။ ဘုရားက ကျွန်မတို့ကို ရိုးသားဖို့၊ အမှန်အတိုင်းပြောဖို့၊ ဖြောင့်မတ်ဖို့ အလိုရှိပါတယ်။ ကျွန်မတို့ရဲ့ လုပ်ရပ်တွေနဲ့ပတ်သက်ပြီး သူ စိစစ်တာကို လက်ခံဖို့ ဘုရားက တောင်းဆိုတယ်။ ကျွန်မတို့တွေ ပွင့်လင်း ရိုးသားဖို့၊ ဘုရား ဒါမှမဟုတ် လူကို လိမ်လည်ဖို့ လှည့်စားဖို့ မကြိုးစားကြဖို့ တောင်းဆိုပါတယ်။ ရိုးသားတဲ့သူကသာ လူသားပုံသဏ္ဍန်ရှိတယ်။ ဘုရားဘုန်းကိုထင်ရှားစေနိုင်တယ်” ဆိုပြီး ပြောပြတယ်။ ဘုရားက ရိုးသားသူတွေကို နှစ်သက်တယ်ဆိုတာ ဘုရားနှုတ်ကပတ်တော်ကနေ ကျွန်တော် သိခဲ့ရပြီး သူ့ရဲ့သတ်မှတ်ချက်အတိုင်း ကျွန်တော် လုပ်ခဲ့ပါတယ်။ ညီအစ်ကိုမောင်နှမတွေကို ရိုးရိုးသားသားစကားပြောဖို့၊ မလှည့်စားဖို့ ကျွန်တော် စလုပ်ခဲ့တယ်။ ဒါပေမဲ့ အလုပ်နဲ့ပတ်သက်လာရင် ကျွန်တော် စိုးရိမ်နေတုန်းပဲ။ ရိုးသားခြင်းကို ညီအစ်ကိုမောင်နှမတွေနဲ့ လက်တွေ့လုပ်ဆောင်ရတာက ပိုလွယ်တယ်။ ကျွန်တော့်အလုပ်မှာ ဒီလိုလုပ်ရင်တော့ ဝင်ငွေက တော်တော်နည်းသွားပြီး ဆိုင်ပိတ်ရနိုင်တယ်လို့ ကျွန်တော် မြင်မိတယ်။ ဒါပေမဲ့ လူတွေကို အရင်လိုပဲ ဆက်ပြီး လိမ်လည် လှည့်ဖြားနေမယ်ဆိုရင် ဒါ ဘုရားအလိုတော်နဲ့ ညီပါ့မလား။ ဒါဆို ငါ ဘာလုပ်ရမလဲ ပေါ့။ ကျွန်တော် ဒါကို တော်တော်စဉ်းစားပြီး နောက်ဆုံးမှာ အဖြေတစ်ခု တွေ့တယ်။ ကျွန်တော် အသင်းတော်မှာ ရှိနေတဲ့အခါ ရိုးသားမယ်။ ဒါပေမဲ့ ဆိုင်မှာဆိုရင် အလုပ်ကို ခါတိုင်းလိုပဲ ဆက်လုပ်မယ် ပေါ့။

တစ်ရက်မှာ အဘိုးတစ်ယောက်က သူ့တီဗီကို ယူလာပြီး ရုပ်ထွက်က မှိန်နေတယ်လို့ ပြောတယ်။ ကာလာချောင်းတွေ လဲဖို့ပဲလိုတာကို ကျွန်တော် တွေ့လိုက်တယ်။ ဒါပေမဲ့ သူ့ကို ပြောမပြဘူး။ ဝါယာကြိုးဗို့အားကို မြှင့်ပေးလိုက်တယ်။ ဒါဆို သူ ခဏလောက် ထပ်သုံးလို့ရမယ်။ ပြီးရင် ပြဿနာထပ်ပေါ်လာတဲ့အခါ ဒါတွေကို လဲလိုက်ပြီး ပြင်ခ ပိုရမယ်။ နှစ်ပတ်လောက်ကြာတော့ တီဗီက ပြဿနာ ဖြစ်လာရော။ သူက ကျွန်တော်လုပ်တာ မကောင်းဘူး။ ထပ်လုပ်ပေးသင့်တယ်လို့ ပြောတယ်။ ကာလာချောင်းတွေက ဟောင်းနေပြီ။ လဲဖို့လိုတယ်ဆိုတာ သူ့ကို ပြောလိုက်တယ်။ အံ့ဩစရာပဲ၊ ကျွန်တော့်ရဲ့ လှည့်ကွက်ကို သူ ရိပ်မိသွားတယ်။ သူက ပြင်ခထပ်ပေးဖို့ ငြင်းဆန်ပြီး ရွံတဲ့ပုံစံတွေ ပြည့်နေတဲ့ အသံနဲ့ ပြောတယ်။ “ကောင်လေး၊ မင်း ဒီထက်ပို ရိုးသားသင့်တယ်။ လောဘမကြီးစမ်းပါနဲ့။” တဲ့။ အဲဒီအချိန်တုန်းကတော့ ကျွန်တော် တော်တော်ကို ရှက်မိပေမဲ့ နောက်ပိုင်းကျတော့ အရေးမစိုက်တော့ဘူး။ နောက်တော့ အဘွားတစ်ယောက်က မိုက်ကရိုဝေ့တစ်လုံးနဲ့ ရောက်လာတယ်။ ပျက်နေတဲ့ အပိုင်းလေးတစ်ခုကို ကျွန်တော် ရှာနိုင်ခဲ့တယ်။ ကျွန်တော် ပြင်နိုင်တယ်။ ပြီးရင် သင့်တင့်တဲ့ ပြင်ခတောင်းမယ်လို့ စဉ်းစားလိုက်တယ်။ ဒါပေမဲ့ ထပ် စဉ်းစားလိုက်တယ်။ သူ့ကြည့်ရတာ အဆင်ပြေပုံပဲ။ ဒီတော့ ပိုတောင်းရင် ရနိုင်တယ်။ ရသလောက်ယူရမယ် ပေါ့။ ဒါပေမဲ့ သုံးလေးရက်နေတော့ သူက ဆိုင်ကို ပြန်လာပြီး ပြောတယ်။ “မင်းက ပြင်ခအတွက် ငါ့ကို ပိုတောင်းခဲ့တယ်။ အသိတရားလေးရှိပါဦး ဆရာ။ ငါတို့လုပ်တာကို ဘုရားက အကုန်မြင်တယ်နော်။” တဲ့။ သူ ကျွန်တော့်ကို ထုတ်ပြောလိုက်တော့ ကျွန်တော် တော်တော်စိတ်ညစ်သွားတယ်။ ပြီးတော့ ဟိုတစ်နေ့ကလူကြီး ပြောတာကို ပြန်စဉ်းစားမိပြီး ကိုယ့်ကိုယ်ကိုယ် စိတ်တိုမိတယ်။ ဘုရားသခင်က ကျွန်တာ့်ကို သတိပေးဖို့ ဒီဖြစ်ရပ်တွေကို အသုံးပြုနေတယ်ဆိုတာ ကျွန်တော် သဘောပေါက်မိခဲ့တယ်။ ကျွန်တော် ဆင်ခြင်နိုင်အောင်ပေါ့။

ခဏနေတော့ ကျွန်တော် ဘုရားသခင်ရဲ့ နှုတ်ကပတ်တော်တွေထဲက ဒီအပိုဒ်ကို ဖတ်ပါတယ်။ “သင်လုပ်ဆောင်နေသည့်အရာ မည်သည့်အရာဖြစ်သည်ကို ပဓာနမထားဘဲ ကိစ္စရပ်တစ်ခုသည် မည်မျှ ကြီးသည်ဖြစ်စေ ငယ်သည်ဖြစ်စေ၊ သင်သည် ဘုရားသခင်၏ မိသားစုထဲက သင်၏ တာဝန်ကို ဖြည့်ဆည်းဖို့ ထိုအရာကို လုပ်ဆောင်နေသည်ဖြစ်စေ သို့မဟုတ် သင်၏ ကိုယ်ပိုင် သီးသန့်အကြောင်းရင်းများကြောင့် လုပ်ဆောင်နေသည်ဖြစ်စေ၊ သင်လုပ်ဆောင်နေသည့်အရာသည် ဘုရားသခင်၏ အလိုတော်နှင့် ကိုက်ညီခြင်း ရှိမရှိအပြင်၊ ယင်းသည် လူ့သဘာဝရှိသည့် လူတစ်ဦး လုပ်ဆောင်သင့်သည့်အရာ ဟုတ်၊မဟုတ်ဆိုသည်တို့ကို သင် သုံးသပ်ဆင်ခြင်ရမည်။ သင်လုပ်ဆောင်သည့် အရာတိုင်းတွင် သမ္မာတရားကို ထိုသို့ သင် ရှာဖွေပါက သင်သည် ဘုရားသခင်ကို အမှန်တကယ် ယုံကြည်သောလူတစ်ဦး ဖြစ်ပေသည်။ သင်သည် ကိစ္စရပ်တိုင်းနှင့် သမ္မာတရားတိုင်းကို ဤပုံစုံဖြင့် ရိုးသားဖြူစင်စွာ ဆက်ဆံပါက သင်၏ စိတ်သဘောထားတွင် ပြောင်းလဲမှုများကို သင် ရရှိနိုင်လိမ့်မည်။ လူအချို့က ကိုယ်ရေးကိုယ်တာကိစ္စရပ် တစ်ခုကို ၎င်းတို့ လုပ်ဆောင်နေချိန်တွင် သမ္မာတရားကို ၎င်းတို့ လျစ်လျူရှုနိုင်သည်၊ ထိုအရာကို ၎င်းတို့ ဆန္ဒရှိသည်အတိုင်း လုပ်ဆောင်နိုင်ပြီး ၎င်းတို့ကို ပျော်ရွှင်စေသည့် မည်သည့်နည်းလမ်းဖြင့်မဆို လုပ်ဆောင်နိုင်သည်၊ ပြီးလျှင် ၎င်းတို့ကို အကျိုးကျေးဇူးပြုသော မည်သည့်ပုံစံဖြင့်မဆို လုပ်ဆောင်နိုင်သည်ဟု တွေးထင်ကြလေသည်။ ယင်းသည် ဘုရားသခင်၏ မိသားစုကို မည်သို့ အကျိုးသက်ရောက်မည်ကို ၎င်းတို့ နည်းနည်းမျှ ထည့်သွင်းစဉ်းစားခြင်းမရှိသကဲ့သို့ ၎င်းတို့ လုပ်ဆောင်နေသည့်အရာက သန့်ရှင်းသူတို့ကဲ့သို့ ကျင့်၀တ်နှင့် သင့်လျော်ခြင်း ရှိ၊မရှိဆိုသည်ကိုလည်း မစဉ်းစားကြချေ။ နောက်ဆုံးတွင် ၎င်းတို့သည် ထိုကိစ္စ ပြီးစီးသွားသည်နှင့် တစ်ပြိုင်နက် ၎င်းတို့၏ စိတ်အတွင်းတွင် မှောင်မိုက်လာပြီး စိတ်မသက်မသာ ခံစားရလေသည်။ သို့သော် အဘယ်ကြောင့်ဆိုသည်ကို ၎င်းတို့ မသိကြချေ။ ဤပြစ်ဒဏ်ခတ်ခြင်းသည် မထိုက်တန်ပါသလော။ ဘုရားသခင် လက်မခံသည့်အရာများကို သင် လုပ်ဆောင်ပါက သင်သည် ဘုရားသခင်ကို ပုန်ကန်ပြစ်မှားပေပြီ။ လူတို့သည် သမ္မာတရားကို မနှစ်သက်သကဲ့သို့ မိမိတို့၏ အလိုဆန္ဒပေါ် အခြေခံကာ အမှုအရာများကို မကြာခဏ လုပ်ဆောင်ပါက ဘုရားသခင်ကို ၎င်းတို့ မကြာခဏ ပုန်ကန်ပြစ်မှားမိမည်ဖြစ်သည်။ ထိုသို့သော လူတို့သည် သာမန်အားဖြင့် ၎င်းတို့ လုပ်သည့်အရာ၌ ဘုရားသခင်၏လက်ခံမှုကို မရရှိကြသကဲ့သို့ ၎င်းတို့ နောင်တမရပါက အပြစ်ပေးခြင်းသည် သိပ်ဝေးတော့မည်မဟုတ်ပေ။” “လူတို့သည် ဘုရားသခင်၏ အမှုကို တွေ့ကြုံရပြီး သမ္မာတရားကို ရရှိပြီးသည်အထိ အတွင်း၌ သူတို့ကို ထိန်းချုပ်၍ အုပ်စိုးသည်မှာ စာတန်၏ သဘာဝဗီဇဖြစ်၏။ အတိအကျဆိုရလျှင် ထိုသဘာဝဗီဇကို မည်သည့်အရာက ဖြစ်ပေါ်စေသနည်း။ ဥပမာ၊ သင်သည် အဘယ်ကြောင့် တစ်ကိုယ်ကောင်းဆန်ရသနည်း။ သင်၏ကိုယ်ပိုင် ရာထူးဂုဏ်ဒြပ်ကို အဘယ်ကြောင့် ကာကွယ် သနည်း။ သင်၏ စိတ်ခံစားမှုများသည် အဘယ်ကြောင့် အလွန် ပြင်းထန်နေသနည်း။ ထိုမတရားသောအရာများကို သင်သည် အဘယ်ကြောင့် နှစ်သက်ရသနည်း။ သင်သည် အဘယ်ကြောင့် ထိုမကောင်းမှုများကို နှစ်သက်သနည်း။ ထိုကဲ့သို့သောအရာများကို သင်နှစ်သက်ခြင်း၏ အခြေခံအကြောင်းရင်းက အဘယ်နည်း။ ဤအရာတို့သည် အဘယ်အရပ်က လာကြသနည်း။ ၎င်းတို့အား လက်ခံသည်ကို သင် အဘယ်ကြောင့် အလွန်ပျော်ရွှင်နေသနည်း။ ဤအရာများအားလုံး၏ နောက်ကွယ်ရှိ အဓိကအကြောင်းရင်းမှာ သူတို့၌ စာတန်၏အဆိပ်ပါဝင်ခြင်းကြောင့်ဖြစ်ကြောင်း ယခုတွင် သင်တို့အားလုံး နားလည်လာကြပြီ။ စာတန်၏အဆိပ်မှာ မည်သည့်အရာဖြစ်ကြောင်းနှင့် ပတ်သက်၍၊ ယင်းကို စကားလုံးများဖြင့် အပြည့်အဝ ဖော်ပြနိုင်၏။ ဥပမာအားဖြင့်၊ မကောင်းမှုပြုသူအချို့ကို သူတို့သည် အဘယ်ကြောင့် ထိုသို့ပြုကြောင်းကို သင်မေးပါက၊ သူတို့က ‘ကိုယ့်အတွက်ပဲ ကိုယ်ကြည့်၊ ဘယ်သူသေသေငတေမာပြီးရော’ ဟု ဖြေကြလိမ့်မည်။ ဤတစ်ခုတည်းသောစကားစုက ပြဿနာ၏ တကယ့်အရင်းအမြစ်ကို ဖော်ပြလေသည်။ စာတန်၏ တွေးခေါ်မှုစနစ်သည် လူသားတို့၏ အသက်များ ဖြစ်လာပြီဖြစ်သည်။ သူတို့သည် အမှုအရာများကို ဤရည်ရွယ်ချက် သို့မဟုတ် ထိုရည်ရွယ်ချက်အတွက် ပြုလုပ်ကောင်းပြုလုပ်ကြသော်လည်း ထိုသူတို့သည် ယင်းကို မိမိတို့အတွက်သာ ပြုကြခြင်းဖြစ်သည်။ ကိုယ့်အတွက်ပဲ ကိုယ်ကြည့်၊ ဘယ်သူသေသေ ငတေမာပြီးရော ဖြစ်သောကြောင့် သူတို့သည် ရာထူးနေရာကောင်းတစ်ခုနှင့် သူတို့လိုအပ်သည့် အစာနှင့်အဝတ်ကို ရယူနိုင်ဖို့ရန် သူတို့၏တတ်နိုင်စွမ်းထဲရှိ အရာရာကို ပြုလုပ်ရင်း မိမိကိုယ်ကိုယ်၏ အကျိုးအတွက်သာ အသက်ရှင်သင့်သည်ဟု လူခပ်သိမ်းတို့က ထင်မှတ်ကြသည်။ ‘ကိုယ့်အတွက်ပဲ ကိုယ်ကြည့်၊ ဘယ်သူသေသေ ငတေမာပြီးရော’ ဟူသော ဤအရာမှာ လူသား၏အသက်နှင့် ဒဿနအမြင်ဖြစ်ပြီး ၎င်းက လူသား၏ သဘာဝဗီဇကိုလည်း ကိုယ်စားပြုလေသည်။ ဤပြောဆိုချက်မှာ အတိအကျဆိုရလျှင် စာတန်၏ အဆိပ်ဖြစ်ပြီး လူတို့၏ နှလုံးသွင်းခြင်းကို ခံရသောအခါ ၎င်းသည် သူတို့၏ သဘာဝဗီဇဖြစ်လာသည်။ စာတန်၏ သဘာဝဗီဇမှာ ဤစကားလုံးများအားဖြင့် ထုတ်ဖော်ခြင်းခံရသည်။ ၎င်းတို့က ယင်းကို လုံးလုံးကိုယ်စားပြု၏။ ဤအဆိပ်သည် လူတို့၏ အသက်များဖြစ်လာသည့်အပြင်၊ သူတို့တည်ရှိမှု၏ အခြေခံအုတ်မြစ်ဖြစ်လာပြီး ဖောက်ပြန်ပျက်စီးသော လူသားမျိုးနွယ်က နှစ်ထောင်ချီ၍ ဤအဆိပ်၏ အုပ်စိုးခြင်းကို မပြောင်းမလဲ ခံလာရပြီဖြစ်သည်။” (ခရစ်တော်၏ပြောဆိုချက် မှတ်တမ်းများ) ဒီ အပိုဒ်ကို ဖတ်လိုက်တော့ ဘုရားရဲ့ ဝိညာဉ်တော်က အားလုံးကို မြင်တယ်ဆိုတာ ကျွန်တော် သိသွားတယ်။ ကျွန်တော့်ရဲ့ စိတ်ထဲက အတွေးတွေကို လုံးဝ ဘယ်သူ့ကိုမှ ပြောမပြခဲ့ဘူး။ ဒါပေမဲ့ ဒါတွေကို ဘုရားနှုတ်ကပတ်တော်ထဲမှာ အပြည့်အဝ ဖွင့်ပြထားတယ်။ ကျွန်တော်တို့ စိတ်နှလုံးတွေကို သူ့ကို ပေးအပ်ဖို့ ဘုရားသခင် အလိုရှိမှန်း နှုတ်ကပတ်တော်တွေကနေ ကျွန်တော် နားလည်ခဲ့ပါတယ်။ ကိုယ့်တာဝန်ကို လုပ်နေတာပဲဖြစ်ဖြစ်၊ ကိုယ့်အရေးကိစ္စတွေကို ဖြေရှင်းနေတာပဲဖြစ်ဖြစ် ဘုရားနှုတ်ကပတ်တော်တွေကို ကျွန်တော်တို့ လက်တွေ့လုပ်ဆောင်ရမယ်။ ဒါပေမဲ့ ကျွန်တော်က ကိုယ့်အသက်တာမှာ သမ္မာတရားကို ရွေးပြီးတော့ လက်တွေ့လုပ်ဆောင်နေတာပါ။ ဘုရားနဲ့ ညီအစ်ကိုမောင်နှမတွေက ကျွန်တော် အသင်းတော်မှာ ရိုးသားတဲ့အခါ ထောက်ခံကြတာကို မြင်ရတော့ ကျွန်တော် အဲဒီအတိုင်းလုပ်တယ်။ ဒါပေမဲ့ အလုပ်မှာကျတော့ ပိုက်ဆံမရဘဲ ကျွန်တော့်အတွက် အကျိုးရှိမှာမဟုတ်ဘူးလို့ထင်ပြီး မရိုးသားခဲ့ဘူး။ ကျွန်တော်က ကိုယ့်အကျိုးအမြတ်ကိုသာ စဉ်းစားတယ်ဆိုတာ သိခဲ့ရပါတယ်။ လှည့်ဖြားတာက ဘုရားရဲ့အလိုတော်နဲ့ဆန့်ကျင်နေတယ်ဆိုတာ ကျွန်တော်သိခဲ့တယ်။ ဒါပေမဲ့ ကျွန်တော်လုပ်ချင်စိတ်ဖြစ်လာရင် ဘာပဲဖြစ်ဖြစ် ဆက်လုပ်ခဲ့တယ်။ ကျွန်တော့်အတွက် အကျိုးအမြတ်ရှိမယ်ဆိုရင် ကျွန်တော်လုပ်လိုက်တာပဲ။ ဒါက ဘယ်လိုလုပ်ပြီး ယုံကြည်ခြင်းရှိတဲ့ လူတစ်ဦး ဖြစ်တော့မှာလဲ။ အဲဒါနဲ့ ကျွန်တော် ဒါကို သဘောပေါက်လာတယ်။ “ကိုယ့်အတွက်ပဲ ကိုယ်ကြည့်။ ဘယ်သူသေသေ ငတေမာပြီးရော” ဆိုတဲ့ စကားတွေက စိုးမိုးပြီး ကျွန်တော့်ရဲ့ သဘောသဘာဝဖြစ်လာတဲ့ ဆိုးယုတ်တဲ့ ရှင်သန်ရေး စည်းမျဉ်းတွေပါ။ ကျွန်တော်က အဲဒီစကားတွေအတိုင်း မနေထိုင်ရင် ဘယ်တော့မှ အဆင်ပြေမှာမဟုတ်ဘူးဆိုပြီး ထင်ခဲ့တယ်။ ဒါပေမဲ့ တကယ်တော့ အဲဒီတိုင်း နေထိုင်တာက ရုပ်ဝတ္ထုပစ္စည်းတွေနဲ့ ကိုယ်ပိုင်ချမ်းသာမှုကိုပဲ ရခဲ့တာပါ။ ဒါပေမဲ့ ဒါဟာ ဆိုးယုတ်တဲ့ နေထိုင်နည်းဖြစ်ပြီး ဂုဏ်သိက္ခာကင်းမဲ့ပါတယ်။ ကျွန်တော့်ကို လူတွေက မကျေမနပ်ဖြစ်ပြီး ပစ်ပယ်ကြတယ်။ ဘုရားက ရွံရှာတယ်။ သခင်ယေရှု ပြောခဲ့သလိုပါပဲ။ “ငါအမှန်ဆိုသည်ကား၊ သင်တို့သည် ပြောင်းလဲ၍ သူငယ်ကဲ့သို့မဖြစ်လျှင် ကောင်းကင်နိုင်ငံတော်သို့ မရောက်ရကြ။” (ရှင်မဿဲခရစ်ဝင် ၁၈:၃) ပြီးတော့ အနန္တတန်ခိုးရှင်ဘုရားသခင်က ပြောတယ်။ “...ငါ၏ နိုင်ငံတော်ထဲသို့ ငါ၏ ရန်သူများနှင့် ဆိုးယုတ်မှု အနံ့ထွက်ကာ စာတန်၏ သွင်ပြင်ရှိသော လူတို့ကို ငါ မခေါ်ဆောင်နိုင်သည့်အတွက် သို့မဟုတ် ၎င်းတို့ကို နောက်တစ်ခေတ်ထဲသို့ ခေါ်ဆောင်မသွားနိုင်သည့်အတွက် ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏) ဘုရားသခင်က သန့်ရှင်းပြီး ဖြောင့်မတ်တယ်။ ရိုးသားတဲ့လူတွေကို သူ ရချင်တယ်။ အမြဲတမ်း လိမ်ညာပြီး လှည့်ဖြားတဲ့သူတွေ၊ ဘုရားကို အာခံပြီး နောင်တရဖို့ ငြင်းဆန်တဲ့ ဆိုးယုတ်တဲ့ သဘာဝရှိသူတွေဟာ ဘုရားသခင်ရဲ့ ဖျက်ဆီးခြင်းကို ခံရပြီး သူ့ရဲ့ နိုင်ငံတော်ကနေ ထုတ်ပယ်ခံရမှာပဲ။ ကျွန်တော် နောင်တမရခဲ့ဘဲ စာတန်ရဲ့ အတွေးအခေါ်တွေအတိုင်း အသက်ရှင်ပြီး မရိုးဖြောင့်ဘူးဆိုရင် ကျွန်တော် ဖယ်ရှင်းခံရမှာပဲ။ အဲဒီလို တွေးရင်းနဲ့ ဘုရားကို မြန်မြန် ဆုတောင်းလိုက်တယ်။ “အနန္တတန်ခိုးရှင်ဘုရားသခင်၊ ကိုယ်တော့်ကို ကျွန်တော် ယုံကြည်ပါတယ်။ ဒါပေမဲ့ ကျွန်တော့် စိတ်နှလုံးထဲမှာ ကိုယ်တော် ရှိမနေပါဘူး။ စာတန်ရဲ့ စည်းမျဉ်းတွေအတိုင်း ကျွန်တော် နေထိုင်ဆဲပါ။ ကျွန်တော် မလှည့်ဖြားချင်ပါဘူး။ နောင်တရပြီး ရိုးသားချင်ပါတယ်။”

မကြာခင်မှာ လူငယ်နှစ်ယောက်က ကျွန်တော့်ဆိုင်ကို တီဗီတစ်လုံးသယ်လာတယ်။ ကျွန်တော် ပြင်နေတုန်းမှာ သူတို့အပြင်မှာ စကားပြောနေတာကို ကြားရတယ်။ “ငါတို့ အဲဒီဆိုင်ကို အရင် မသွားလိုက်သင့်ဘူး။ အချိန်သာကုန်သွားတယ် ထင်တာပဲ။ ဒီလူ ပြင်နိုင်ရင်တော့ ကောင်းမယ်” တဲ့။ ဒါကို ကြားတော့ ကျွန်တော် စဉ်းစားမိသွားတယ်။ “တခြားအလုပ်ရှင်တွေက ဒါတွေအားလုံးသာ ကြားရရင် ကောင်းကောင်းအသုံးချမှာပဲ။ ငါသာ လုပ်ချင်ရင် သူတို့ကို ပိုက်ဆံပိုပေးအောင် လွယ်လွယ်လေး လုပ်လို့ရတယ်။ ကိုယ့်ရှေ့ရောက်လာတဲ့ အခွင့်အရေးကို ဘာလို့ မယူရမှာလဲ။ နောက်တစ်ခါကျမှ ရိုးသားလို့ရတာပဲ။ ဒီတစ်ခါလေးပဲ သမ္မာတရားကို လက်တွေ့မလုပ်ဆောင်တာဆိုရင် ဘုရားက စိတ်မဆိုးပါဘူး။” ပေါ့။ ဒါပေမဲ့ နောက်တော့ ဘုရားရှေ့မှာ ကျွန်တော် စိတ်ပိုင်းဖြတ်ခဲ့တာကို ပြန် စဉ်းစားခဲ့ပြီး ဘုရားနှုတ်ကပတ်တော်တွေကို တွေးမိတယ်။ “လူတို့သည် သမ္မာတရားကို မနှစ်သက်သကဲ့သို့ မိမိတို့၏ အလိုဆန္ဒပေါ် အခြေခံကာ အမှုအရာများကို မကြာခဏ လုပ်ဆောင်ပါက ဘုရားသခင်ကို ၎င်းတို့ မကြာခဏ ပုန်ကန်ပြစ်မှားမိမည်ဖြစ်သည်။ ထိုသို့သော လူတို့သည် သာမန်အားဖြင့် ၎င်းတို့ လုပ်သည့်အရာ၌ ဘုရားသခင်၏လက်ခံမှုကို မရရှိကြသကဲ့သို့ ၎င်းတို့ နောင်တမရပါက အပြစ်ပေးခြင်းသည် သိပ်ဝေးတော့မည်မဟုတ်ပေ။” (ခရစ်တော်၏ပြောဆိုချက် မှတ်တမ်းများ) ဘုရားသခင်က ကျွန်တော့်ကို သတိပေးချက်တစ်ခုပေးနေတယ်လို့ ခံစားမိလိုက်တယ်။ ကျွန်တော် အမှားတွေ ဆက်လုပ်နေလို့မဖြစ်ဘူး။ ကျွန်တော် နောင်တရရမယ်။ ရိုးသားရမယ်။ ကျွန်တော် ပြင်ပြီးတဲ့နောက်မှာ ပုံမှန်ဈေးပဲ ယူလိုက်တယ်။ ကျွန်တော့် ကာစတမ်မာတွေရဲ့ အပြုံးကို မြင်ရတော့ ပွင့်လင်း ရိုးသားတာဟာ လွတ်လပ်တဲ့ နေထိုင်နည်းတစ်ခုပဲဆိုတာ သဘောပေါက်မိခဲ့ပါတယ်။

နောက်တစ်ခါကျတော့ အမျိုးသမီးတစ်ယောက်ရဲ့ တီဗီကို ကျွန်တော် ပြင်ပြီးတဲ့အခါ ကျသင့်ငွေက ငါးဆယ်။ ဒါပေမဲ့ သူက နှစ်ဆပေးပြီးတော့ ပြန်အမ်းတာကို လက်မခံဘူး။ ကျွန်တော်လည်း ငြင်းလိုက်ပြီး ခေါင်းရှုပ်သွားတယ်။ ဘာလို့ သူက ဒီလိုပေးတာလဲ ပေါ့။ အဲဒီမှာ သူက ပြောတယ်။ “ကျွန်မ အရင်ဦးဆုံး သွားပြင်တဲ့လူက ပြောတယ်။ ဒါ တော်တော်ပြင်ရမှာတဲ့။ သူက ပြင်ခ ၄၀၀ လိုချင်တာ။ ဒါပေမဲ့ ကျွန်မက မပေးဘူး။ နောက်တော့ အသိတစ်ယောက်က အစ်ကို့ဆီသွားဖို့ အကြံပေးလိုက်တာ။ အစ်ကိုက ရိုးသားပြီး ယုံကြည်ရတယ်။ ပိုတောင်းမှာမဟုတ်ဘူးဆိုပြီး ရှင်းပြတယ်။ အခုတော့ သူပြောသမျှ မှန်တယ်ဆိုတာ ကျွန်မ သိသွားပြီ။” တဲ့ သူ ဒီလိုပြောတာကို ကျွန်တော်ကြားရတော့ စဉ်းစားမိတယ်။ “ဒါဟာ ငါ လူကောင်းဖြစ်လို့မဟုတ်ဘူး။ ဘုရားနှုတ်ကပတ်တော်တွေက ငါ့ကို လူသားပုံသဏ္ဍန်တစ်ခုအတိုင်း အသက်ရှင်နေထိုင်ခွင့်ပေးခဲ့လို့ပဲ။”

ဘုရားသခင်ရဲ့ နှုတ်ကပတ်တော်တွေကိုဖတ်ပြီး၊ ရိုးသားရာကနေ အကြောင်းကိစ္စတွေအပေါ်မှာ ထားတဲ့ ကျွန်တော့် အမြင်တွေကလည်း ပြောင်းသွားတယ်။ စီးပွားရေးတစ်ခုကို ပိုင်ဆိုင်ရင် ရိုးသားလို့မရဘူးလို့ ကျွန်တော်ထင်ခဲ့ဖူးတယ်။ အမြတ်ရအောင်လုပ်နိုင်မှာမဟုတ်ဘူး၊ ဒါကြောင့် နောက်ဆုံးကျရင် ပိတ်ပစ်ရမှာပဲ ပေါ့။ ဒါပေမဲ့ ဘုရားသခင်ရဲ့ နှုတ်ကပတ်တော်တွေနဲ့အညီ ရိုးသားလာတာနဲ့တစ်ပြိုင်နက် ကျွန်တော် အကျိုးအမြတ် ရရုံတင်မကဘူး ကာစတမ်မာတွေပါ ပိုရလာတယ်။ တချို့ဆိုရင် အဝေးကြီးကနေတောင် လာကြတယ်။ ပြီးတော့ သူတို့ကို လူတစ်ယောက်က ညွှန်လိုက်တာဆိုပြီး အားလုံးက ပြောကြတယ်။ ကျွန်တော်က ကျွန်တော့်ဆိုင်ကို ဘယ်လိုနည်းနဲ့မှ တစ်ခါမှ မကြော်ငြာခဲ့ဘူး။ ဒါမှမဟုတ် ကျွန်တော့်ဆီကို အလုပ်လာအပ်ဖို့ သူများတွေကို မပြောဖူးဘူး။ ဒါတွေအားလုံးက ကျွန်တော် ဘုရားရဲ့ နှုတ်ကပတ်တော်ကို လက်တွေ့လုပ်ဆောင်ခဲ့လို့ပါ။ ပြီးတော့ ကျွန်တော်က ဘုရားသခင် အလိုရှိတဲ့အတိုင်း ရိုးသားခဲ့တယ်။ ပွင့်လင်းပြီး တဲ့တိုးပဲပြောခဲ့တယ်။ ကာစတမ်မာတွေရဲ့ ယုံကြည်မှုကို ရခဲ့ပါတယ်။ ဒါဟာ သမ္မာတရားကို လက်တွေ့လုပ်ဆောင်တဲ့အတွက် ဘုရားရဲ့ ကောင်းချီးမင်္ဂလာပဲ ဖြစ်တယ်။ ဘုရားသခင်ရဲ့ နှုတ်ကပတ်တော် တစ်ပိုဒ်ကို ကျွန်တော် အမှတ်ရမိပါတယ်။ အနန္တတန်ခိုးရှင် ဘုရားသခင် ပြောသည်မှာ- “ဤလောကကြီးထဲ၌ လူတို့သည် စာတန်၏ ဖောက်ပြန်ပျက်စီးခြင်း လွှမ်းမိုးမှုအောက်တွင် အသက်ရှင်ကြသောအခါ၊ ၎င်းတို့အနေဖြင့် ရိုးသားရန်မှာ မဖြစ်နိုင်ပေ၊ ၎င်းတို့သည် ယခင်ကထက် ပို၍ပို၍ လိမ်လည်လှည့်ဖြားသူများသာ ဖြစ်လာနိုင်၏။ သို့သော် ငါတို့သည် ရိုးသားလာပါက၊ ဤလောကကြီးထဲတွင် ရပ်တည်နိုင်သလော၊ မရပ်တည်နိုင်သလော။ ငါတို့သည် အခြားသူများ၏ ပထုတ်ခြင်းကို ခံကြရလိမ့်မည်လော။ မခံရပါ၊ ငါတို့သည် ယခင်အတိုင်း အသက်ရှင်ကြလိမ့်မည်၊ ဤသည်မှာ အဘယ်ကြောင့်ဆိုသော် ငါတို့သည် စားရန်၊ သို့မဟုတ် အသက်ရှူရှိုက်ရန်အတွက် သစ္စာမဲ့ခြင်းအပေါ် အမှီမပြုကြသောကြောင့်ဖြစ်သည်။ ယင်းထက် ငါတို့သည် ဘုရားသခင်အပ်နှင်းသော ထွက်သက်ဝင်သက်နှင့် ဇီဝအသက်ဖြင့် အသက်ရှင်ကြသည်။ ယင်းမှာ ငါတို့သည် ဘုရားသခင်၏နှုတ်ကပတ်တော် သမ္မာတရားများကို လက်ခံခဲ့ပြီး၊ အသက်ရှင်ပုံအတွက် ကျွန်ုပ်တို့ အသက်တာများ၏ အခြေခံအုတ်မြစ်များတွင် အပြောင်းအလဲများ ဖြစ်စေမည့် စည်းမျဉ်းအသစ်များနှင့် ဘဝရည်မှန်းချက်အသစ်များ ရှိကြခြင်းသက်သက် ဖြစ်သည်။ ငါတို့သည် ဘုရားသခင်ကို ကျေနပ်စေကာ ကယ်တင်ခြင်းကို ရှာဖွေနိုင်ဖို့အလို့ငှာ ငါတို့ အသက်ရှင်သော နည်းလမ်းများနှင့် နည်းစနစ်တို့ကို ပြောင်းလဲနေခြင်းသက်သက် ဖြစ်သည်။ ဤအရာသည် ရုပ်ပိုင်းဆိုင်ရာ ငါတို့ စားသည့်အရာ၊ ဝတ်သည့်အရာ သို့မဟုတ် ငါတို့ နေထိုင်အသက်ရှင်သည့် နေရာတို့နှင့် လုံးဝ သက်ဆိုင်ခြင်း မရှိပေ။ ၎င်းမှာ ငါတို့၏ ဝိညာဉ်ရေးရာ လိုအပ်ချက်ဖြစ်၏။” (ခရစ်တော်၏ပြောဆိုချက် မှတ်တမ်းများ) ကျေးဇူးတော်ပါပဲ။

အရှေ့သို့- လူပီသအောင် နေထိုင်ဖို့ တစ်ခုတည်းသောနည်းလမ်း

နောက်တစ်ခုသို့- မနာလိုစိတ်အတွက် ကုထုံးတစ်ခု

ဘုရားသခင်၌ မည်သည့်ယုံကြည်မှုမျိုးသည် သူ၏ ချီးမွမ်းခြင်းကို ခံရနိုင်သည်ကို သင်သိပါသလား။ ကျွန်ုပ်တို့သည် ဘုရားသခင်၌ စစ်မှန်သော ယုံကြည်ခြင်းကို မည်သို့ ဖြစ်ပေါ်စေနိုင်သနည်း။ အဖြေများကို ရရှိဖို့ ကျွန်ုပ်တို့ကို ဆက်သွယ်ရန် အားမနာပါနှင့်။
Messenger မှတဆင့် ကျွန်ုပ်တို့ကို ဆက်သွယ်လိုက်ပါ။
Viber မှတဆင့် ကျွန်ုပ်တို့ကို ဆက်သွယ်လိုက်ပါ။

သက်ဆိုင်သည့် အကြောင်းအရာ

လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

အနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ အနှစ် ၆၀ဝ၀ စီမံခန့်ခွဲမှုအစီအစဉ် အဆုံးမသတ်မီ၊ လူသားတစ်မျိုးစီ၏ အဆုံးသတ်ကို...

မာနထောင်လွှားခြင်းသည် ကျရှုံးခြင်းမတိုင်မီ လာ၏

အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏ အရင်းအမြစ်ဖြစ်သည်။ လူတို့သည် ပို၍...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်