၂၅။ ဘုရားထံသို့ ကျွန်မ၏နှလုံးသား ပေးအပ်ခြင်း

ကိုရီးယားနိုင်ငံ၊ ရှင်းချဲ့

လွန်ခဲ့တဲ့ ၂ နှစ်က၊ ကောင်းကင်နိုင်ငံတော်သီချင်း ဂီတသရုပ်ပြပွဲအတွက် အစမ်းလေ့ကျင့်ခဲ့တယ် စင်ပေါ်မှာဆိုရတာ၊ ဘုရားကျေးဇူးချီးမွမ်းပြီး သက်သေခံရတာကို အရမ်းဂုဏ်ယူပြီး လေးစားခဲ့တယ်။ လက်တွေ့လုပ်ဆောင်ဖို့၊ တာဝန်ကို ကောင်းကောင်းထမ်းဆောင်နိုင်ဖို့လည်း ဘုရားထံမှာ ဆုတောင်းခဲ့ပါတယ် စပြီးလက်တွေ့လုပ်ဆောင်တဲ့အခါ၊ တကယ့်ကို ဇွဲကောင်းကောင်းနဲ့ အားစိုက်ပြီးလုပ်ခဲ့ပေမဲ့ အဆိုနဲ့အကမှာ အတွေ့အကြုံမရှိခဲ့တော့ ကျွန်မရဲ့သရုပ်ပြမှုတွေက တောင့်တောင့်ကြီးဖြစ်နေပြီး ကျွန်မရဲ့ စွမ်းဆောင်ရည်က တခြားသူတွေကို လိုက်မမီခဲ့ဘူး နည်းပြကလည်း အမြဲတမ်း ကျွန်မရဲ့ပြဿနာတွေကို ထောက်ပြတယ် သိပ်မကြာခင်မှာပဲ ကျွန်မသိပ်ပြီး စိတ်မပါတော့ဘူး ဘယ်လောက်လုပ်လုပ် ပိုကောင်းလာမှာ မဟုတ်ဘူးလို့ ခံစားလာရတယ် နေရာချပေးတော့လည်း အဆို၊အကတော်တဲ့ အစ်ကိုအစ်မတွေက ရှေ့မှာနေရပြီးတော့၊ ကျွန်မက နောက်မှာအဖြည့်ခံသဘော နေရတယ် ကျွန်မလည်း အစမ်းလေ့ကျင့်ပွဲတွေမှာ တက်တက်ကြွကြွမရှိတော့ဘဲ၊ နောက်ကျလို့ရတာနဲ့ နောက်ကျပြီးမှသွားတော့တာပါပဲ ပထမဆုံးရိုက်ကူးရေးမှာ၊ တစ်ဖက်ကနေ မမြင်ရတဲ့ နောက်ဆုံးတန်းမှာနေခဲ့ရတယ် စိတ်ပျက်လာပြီးတော့ “ငါမှဒီကိစ္စမှာ မတော်တာ ပြီးတော့ အဆိုအက ကောင်းတဲ့လူတွေနဲ့လည်း မယှဉ်နိုင်ဘူး ဘယ်လောက်ကြိုးစားကြိုးစား သူတို့ကိုဘယ်တော့မှ မီမှာမဟုတ်ဘူး ကင်မရာမှာလည်း ဘယ်တော့မှ ပါမှာမဟုတ်ဘူး အစမ်းလေ့ကျင့်တာကို ဘာလို့ကြိုးစားနေရမှာလဲ နည်းနည်းလောက် ကြိုးစားလည်းရတာပဲ” ပေါ့ အဲဒီနောက်ပိုင်းမှာ ကျွန်မ တက်ကြွမှုတွေ လျော့လာခဲ့တယ်။ ကျွန်မ ကကွက်တွေ မမှန်မှန်းသိပေမဲ့လည်း ပြင်ဖို့မကြိုးစားခဲ့ဘူး တစ်ခါတလေဆို ကျွန်မတို့ကို နည်းပြက ပိုကြိုးစားဖို့ ပြောတယ် လူတစ်ယောက်က သိပ်မကောင်းရင် အစီအစဉ်တစ်ခုလုံးကို သက်ရောက်မှုရှိပြီး ရိုက်ကူးရေး နောက်ကျနိုင်တယ် တဲ့။ အဲဒီစကားက ကျွန်မကို တကယ်ထိသွားစေခဲ့ပြီးတော့ ကျွန်မလည်း စုပေါင်းရလဒ်အတွက် စဉ်းစားသင့်ပြီလို့ ခံစားခဲ့ရတယ်။ ကျွန်မစပြီး ပိုကြိုးစားလာတယ်၊ ပြီးတော့ ပြန်ပြီးစိတ်မပါတော့ပြန်ဘူး ဘုရားရဲ့လမ်းညွှန်မှုလည်း မခံစားရဘဲ စိတ်မပါလက်မပါနဲ့ အဆိုအက ကို အစမ်းလေ့ကျင့်ခဲ့တယ်။ တစ်ချို့ကကွက်တွေဆို လေ့ကျင့်ထားပေမဲ့ မှန်အောင်မကနိုင်ခဲ့ဘူး လူတိုင်းက သီချင်းစာသားကို သူတို့နားလည်တဲ့အပေါ် မိတ်သဟာယဖွဲ့ကြပေမဲ့ ကျွန်မ မဖွဲ့နိုင်ခဲ့ဘူး ဆိုနေတဲ့အချိန်မှာလည်း စိတ်ပါတယ်လို့ မခံစားခဲ့ရဘူး ပြီးတော့ ရိုက်ကူးတော့လည်း ကျွန်မရဲ့သရုပ်ဆောင်ချက်တွေက အသက်မပါဘူး။ ဘယ်သူမှ ကျွန်မကို ကြည့်ရတာ အဆင်မပြေကြဘူး။ အစမ်းလေ့ကျင့်မှုတွေက စိတ်ဝင်စားစရာ မကောင်းဘူးလို့ခံစားခဲ့ရပြီးတော့ တခြားအလုပ်လုပ်နိုင်အောင်လို့ ဒီကိစ္စကြီး ပြီးသွားဖို့ကို မစောင့်နိုင်နေဘူး။

စတိတ်စင်ပေါ် အနေအထား ပုံစံထွက်လာတော့၊ ကျွန်မ ကင်မရာမှာမပါတဲ့အခန်း တချို့ပါလာတော့ ပိုပြီးစိတ်ဓာတ်ကျသွားတယ် “ငါကမတော်ပေမဲ့ အဲဒီလောက်လည်း မဆိုးသေးပါဘူး။ အရှေ့ဆုံးမှာမဟုတ်ရင်တောင်မှ အနည်းဆုံး ကင်မရာမှာတော့ ပါလို့ရနိုင်တာပဲကို။ ငါကဘာလို့ မပါရတာလဲ။ ဘာမှမဟုတ်ဘဲနဲ့ ငါက အစမ်းလေ့ကျင့်နေခဲ့မိတာလား အစောကြီးကသာ သိခဲ့ရင် အဲဒီကကွက်တွေကို လေ့ကျင့်ခဲ့မှာမဟုတ်ဘူး” လို့တွေးခဲ့မိတယ် နောက်တော့၊ ကျွန်မ ကင်မရာမှာပါရမယ့်အခန်းဆို ပျော်ပျော်ကြီး အတူကနေပေမဲ့ မပါရင်တော့ အစမ်းလေ့ကျင့်မှုမှာ အပေါ်ယံပဲ လုပ်ခဲ့လိုက်တာပါပဲ ရိုက်ကူးမှုပြီးသွားတော့၊ လူတိုင်းက တွေ့ဆုံပွဲတွေမှာ သူတို့ရခဲ့တာကို ပြောနေကြတာကြားရတော့၊ အဆင်မပြေခဲ့ဘူး ကျွန်မလည်း တာဝန်ကိုအတူတူလုပ်ခဲ့ပေမဲ့ သူတို့ကျတော့ တစ်ခုခုရသွားတယ်၊ ဒါဆို ကျွန်မက ဘာမှမရလိုက်သလိုမျိုး ဘာလို့စိတ်ထဲမှာ ဗလာကြီးဖြစ်နေသလို ခံစားရတာလဲ ကျွန်မ ကြောက်လာတယ်၊ ကျွန်မဘုရားကို ရွံရှာစေမိပြီလားလို့ တွေးလာမိတယ် နောက်တော့ ကျွန်မဘုရားရှေ့သွားပြီး လမ်းညွှန်မှုပေးဖို့ ဆုတောင်းခဲ့တယ် ပြီးတော့ ဒီ ဘုရားနှုတ်ကပတ်တော်တွေကို ဖတ်ခဲ့ပါတယ်၊ “လူတို့က ဘုရားသခင်သည် လူတစ်ဦး၏ စိတ်နှလုံးထဲသို့ နက်ရှိုင်းစွာ ကြည့်ရှုပြီး အရာရာကို စောင့်ကြည့်လေ့လာသည်ဟု အမြဲ ပြောကြသည်။ သို့သော်၊ အချို့က သန့်ရှင်းသော ဝိညာဉ်တော်ထံမှ ဉာဏ်အလင်းပေးခြင်းကို မည်သည့်အခါတွင်မျှ အဘယ်ကြောင့် မခံစားရသည်၊ ကျေးဇူးတော်ကို ၎င်းတို့ အဘယ်ကြောင့် လုံးဝ မရရှိကြသည်၊ ဝမ်းမြောက်မှုကို ၎င်းတို့ အဘယ်ကြောင့် လုံးဝ မရှိကြသည်၊ အဘယ်ကြောင့် အမြဲ အပျက်သဘောဆောင်ပြီး ဝမ်းနည်းညှိုးငယ်နေသည် ဆိုသည်နှင့် ၎င်းတို့အနေဖြင့် အဘယ်ကြောင့် အပြုသဘောဆောင်နိုင်စွမ်း မရှိသည်ကို လူတို့သည် လုံးဝ မသိကြပေ။ ၎င်းတို့၏ဖြစ်တည်မှု အခြေအနေများကို တစ်ချက်ကြည့်လော့။ ဤလူတစ်ဦးစီတိုင်းသည် အသုံးပြုနိုင်သည့် အသိစိတ် သို့မဟုတ် ရိုးသားသော စိတ်နှလုံးတစ်ခု မရှိကြသည်ကို သင့်အား ငါ အာမခံသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) “တစ်ဦးတစ်ယောက်၏ လူ့သဘာဝတွင် အခြေခံအကျဆုံး နှင့် အရေးကြီးဆုံး အစိတ်အပိုင်းများမှာ အသိစိတ်နှင့် ဆင်ခြင်တုံတရားတို့ ဖြစ်သည်။ အသိစိတ် ကင်းမဲ့ပြီး သာမန်လူ့သဘာဝ၏ ဆင်ခြင်တုံတရားမရှိသူသည် မည်သည့် လူစားမျိုး ဖြစ်သနည်း။ ယေဘုယျအားဖြင့် ပြောရလျှင်၊ သူသည် လူ့သဘာဝကင်းမဲ့သူ သို့မဟုတ် ဆိုးသော လူ့သဘာဝကို ပိုင်ဆိုင်သည့်လူတစ်ဦး ဖြစ်သည်။ ဤအရာကို သေချာစွာ စိစစ်ကြစို့။ ဤလူသည် လူ့သဘာဝ မရှိဟု လူတို့ပြောဆိုသည်အထိ သူသည် ဖောက်ပြန်ပျက်စီးသော လူ့သဘာဝကို မည်သို့ ပြသနည်း။ ထိုသို့သော လူများသည် မည်သည့် ထူးခြားသော လက္ခဏာရပ်များ ပိုင်ဆိုင်ကြသနည်း။ ၎င်းတို့သည် မည်သည့် သရုပ်သကန်များ အတိအကျကို ပြကြသနည်း။ ထိုသို့သော လူတို့သည် မိမိတို့၏ လုပ်ဆောင်ချက်များတွင် ဝတ်ကျေတမ်းကျေဖြစ်ကြပြီး ၎င်းတို့ကို ပုဂ္ဂိုလ်ရေးအရ မပတ်သက်သည့် မည်သည့်အရာကိုမဆို အဖက်မလုပ်ဘဲ နေတတ်ကြသည်။ ဘုရားသခင်၏အိမ်တော်၏ အကျိုးများကို ၎င်းတို့ အရေးမထားကြသကဲ့သို့၊ ဘုရားသခင်၏ အလိုတော်ကိုလည်း အရေးထားခြင်း မပြကြပေ။ ဘုရားသခင်အတွက် သက်သေခံခြင်း သို့မဟုတ် ၎င်းတို့၏ တာဝန်များကို ဆောင်ရွက်ခြင်း ဝန်ထုပ်ကို သူတို့ တာဝန်မယူကြသကဲ့သို့၊ တာဝန်သိစိတ် မရှိကြပေ။ တစ်စုံတစ်ရာကို ၎င်းတို့ လုပ်ဆောင်သည့်အချိန်တိုင်းတွင် ၎င်းတို့ စဉ်းစားကြသည်မှာ မည်သည့်အရာနည်း။ ၎င်းတို့၏ ပထမဦးဆုံးသော စဉ်းစားဆင်ခြင်မှုမှာ၊ ‘ဤအရာကို ကျွန်ုပ် လုပ်လျှင် ဘုရားသခင် သိလိမ့်မည်လော။ ယင်းသည် အခြားလူတို့အဖို့ မြင်သာပါသလော။ ဤအားထုတ်မှုအားလုံးကို ကျွန်ုပ် အသုံးပြုပြီး မှန်ကန်စွာ ပြုမူသည်ကို အခြားလူတို့ မမြင်ပါက၊ ပြီးလျှင် ယင်းကို ဘုရားသခင်ကလည်း မမြင်ပါက၊ ဤအရာအတွက် ထိုသို့သော အားထုတ်မှုကို ကျွန်ုပ် အသုံးပြုခြင်း သို့မဟုတ် ဆင်းရဲဒုက္ခခံခြင်းသည် အသုံးမဝင်ပေ။’ ဟူ၍ ဖြစ်သည်။ ဤသည်မှာ တစ်ကိုယ်ကောင်းဆန်မှု ဖြစ်သည် မဟုတ်လော။ တစ်ချိန်တည်းတွင်၊ ယင်းသည် အလွန်ယုတ်ညံ့သည့် အကြံမျိုးလည်း ဖြစ်ပေသည်။ ၎င်းတို့သည် ဤနည်းဖြင့် တွေးတောပြီး လုပ်ဆောင်သည့်အခါ၊ အသိစိတ်သည် အခန်းကဏ္ဍတစ်ခုတစ်လေ၌ ပါဝင်သလော။ ဤအရာတွင် အသိစိတ်နှင့် သက်ဆိုင်သည့် အစိတ်အပိုင်းတစ်ခုတစ်လေ ရှိသလော။ ၎င်းတို့၏ တာဝန်များကို ဆောင်ရွက်ရာတွင် ပြဿနာကို သိမြင်သောအခါ ဆိတ်ဆိတ်နေသော သူတို့ပင် ရှိကြသည်။ ၎င်းတို့သည် အခြားသောသူတို့က နှောင့်ယှက်ခြင်းများနှင့် အတားအဆီးများ ဖြစ်စေလျက်ရှိကြသည်ကို တွေ့မြင်သော်လည်း၊ ထိုသူတို့ကို တားဆီးရန် မည်သည့်အရာမျှ မလုပ်ဆောင်ကြချေ။ ၎င်းတို့သည် ဘုရားအိမ်တော်၏ အကျိုးတို့ကို အနည်းဆုံး ထည့်သွင်းစဉ်းစားခြင်း မရှိသည်သာမက ၎င်းတို့ကိုယ်တိုင်၏ ဝတ္တရားများနှင့် တာဝန်များနှင့် ပတ်သက်၍လည်း မစဉ်းစားကြချေ။ ၎င်းတို့သည် ၎င်းတို့ ကိုယ်တိုင်၏ ဝင့်ဝါမှု၊ သိက္ခာ၊ ရာထူး၊ အကျိုးများနှင့် ဂုဏ်သရေတို့အတွက်သာ ပြောဆို၊ လုပ်ဆောင်၊ ထင်ပေါ်၊ အားထုတ်ကြိုးပမ်းကာ အားအင်ကို အသုံးပြုကြသည်။ ထိုသို့သော လူတစ်ဦး၏ လုပ်ရပ်များနှင့် အကြံများသည် အယောက်တိုင်းဖို့ သိသာ ထင်ရှားပေသည်- ၎င်းတို့သည် ဂုဏ်အတွက် သို့မဟုတ် ကောင်းချီးမင်္ဂလာအချို့ မွေ့လျော်ခံစားဖို့ အခွင့်အရေးတစ်ခု ရှိသည့်အခါတိုင်း ထွက်ပေါ်လာကြလေသည်။ သို့သော်၊ ဂုဏ်အတွက် အခွင့်အရေး မရှိသည့်အခါ သို့မဟုတ် ဆင်းရဲဒုက္ခ အချိန်ကာလတစ်ခု ရှိသည်နှင့်တစ်ပြိုင်နက်၊ လိပ်တစ်ကောင်က မိမိခေါင်းကို ပြန်သွင်းသကဲ့သို့၊ မြင်ကွင်းမှ ကွယ်ပျောက်သွားကြလေသည်။ ဤလူစားမျိုးသည် အသိစိတ်နှင့် ဆင်ခြင်တုံတရား ရှိပါသလော။ အသိစိတ်နှင့် ဆင်ခြင်တုံတရားမရှိသော ဤသို့ ပြုမူသည့် လူတစ်ဦးသည် မိမိကိုယ်ကိုယ် အပြစ်တင်မှု ခံစားရသလော။ ဤလူစားမျိုး၏ အသိစိတ်သည် မည်သည့်ရည်ရွယ်ချက်ကိုမျှ မဖြည့်ဆည်းပေးသကဲ့သို့၊ မိမိကိုယ်ကိုယ် ပြစ်တင်မှုအား လုံးဝ မခံစားကြဖူးပေ။ သို့ဆိုလျှင်၊ ၎င်းတို့သည် သန့်ရှင်းသော ဝိညာဉ်တော်၏ အပြစ်တင်မှု သို့မဟုတ် ဆုံးမပဲ့ပြင်မှုကို ၎င်းတို့ ခံစားနိုင်သလော။ မခံစားနိုင်ပေ။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) ဘုရားရဲ့ နှုတ်ကပတ်တော်တွေကိုဖတ်ပြီး ကျွန်မ စိတ်တက်ကြွသွားတယ် ကျွန်မက သန့်ရှင်းသောဝိညာဉ်တော်ရဲ့ လုပ်ဆောင်မှုကို မရနိုင်တာက၊ ကျွန်မနှလုံးသားထဲမှာ မရိုးသားခဲ့လို့ပါပဲ။ ဘုရားအိမ်တော်ရဲ့ အကျိုးစီးပွားကို စဉ်းစားရမယ့်အစား ကျွန်မရဲ့ ဂုဏ်ပကာသနတွေကိုပဲ စဉ်းစားခဲ့မိတာပါ။ လူတစ်ယောက်က သူ့တာဝန်အပေါ် အဲဒီလိုစိတ်မျိုးထားတာ ဘုရားက မကြိုက်ပါဘူး။ ပြန်စဉ်းစားကြည့်တော့၊ ကျွန်မ သူများထက် အရည်အချင်းနည်းနေတာ သိလိုက်ရတဲ့အချိန်နဲ့ ကျွန်မ နောက်ဘက်မှာနေရတုန်းက၊ ကျွန်မ အဆိုးဘက်ရောက်လာပြီး စိတ်မပါတော့ဘဲ၊ သရုပ်ဆောင်နဲ့ ကကွက်တွေကို မလေ့ကျင့်ချင်ခဲ့ဘူးလေ နည်းနည်းလေးအားစိုက်ရုံနဲ့ ကျေနပ်နေခဲ့ပြီးတော့၊ ဘယ်လိုတိုးတက်အောင်လုပ်ရမလဲ မစဉ်းစားမိခဲ့ပါဘူး။ ကင်မရာမှာမပါတာက ကျွန်မရဲ့ကြိုးစားမှုတွေ အရာမထင်ဘူးလို့ တွေးမိပြီး၊ စောဒကတက်ချင်စိတ်၊ အငြင်းပွားချင်စိတ်တွေ ဖြစ်စေခဲ့တယ်။ ကျွန်မ မလေ့ကျင့်ချင်တော့ဘူး ကျွန်မ ဖန်သားပြင်ပေါ်မှာပါတဲ့အခါ ကျွန်မလုပ်ရမယ့်ကိစ္စ လုပ်ခဲ့ပေမဲ့ မပါဘူးဆိုရင် သိပ်မကြိုးစားတော့ဘဲ ဒီအတိုင်းလုပ်ပစ်တော့တာပဲ အဲဒီအကြောင်းတွေးမိတိုင်း အပြစ်ရှိသလိုခံစားခဲ့ရတယ်။ ဘုရားကို သက်သေခံဖို့ ဂီတအလုပ်ကို ရိုက်ကူးခဲ့တာဆိုတော့၊ ကျွန်မ ပါဝင်ခွင့်ရတာကလည်း ဘုရားက ချီးမြှောက်လို့ပဲလေ ကျွန်မတာဝန်ကို ကောင်းကောင်းလုပ်ဖို့ အကောင်းဆုံးအားထည့်ပြီး ကြိုးစားခဲ့သင့်တာပေါ့။ အဲဒီအစား ကျွန်မရဲ့ ဂုဏ်ပကာသနအပေါ် တပ်မက်မှုက၊ ကျွန်မကို ပေါ့ဆစေပြီး အဆိုးဘက်ရောက်စေတယ်။ ပျင်းရိသွားစေခဲ့ပါတယ်။ ကျွန်မမှာ အရှက်တရား ဒါမှမဟုတ် အသိစိတ်လည်း မရှိခဲ့ပါဘူး တစ်ကိုယ်ကောင်းဆန်ပြီး သဘောထားသေးတဲ့ လူတစ်ယောက် ဖြစ်ခဲ့ပါတယ်။ ဘုရားက လူ့နှလုံးသားကို အကဲဖြတ်တာဆိုတော့ ကျွန်မစိတ်ထားကို ဘုရားမရွံဘဲ ဘယ်နေပါ့မလဲ။ ဒါကိုသဘောပေါက်သွားတော့ နောင်တရပြီး အပြစ်ရှိသလို ခံစားခဲ့ရတော့၊ဘုရားကိုဆုတောင်းခဲ့ပါတယ်။ “ဘုရားသခင် ကျွန်မမှားခဲ့ပါတယ်။ ဒီအစီအစဉ်မှာ ကျွန်မပါဝင်ရတဲ့အပိုင်းအတွက် နောင်တရနေခဲ့ပြီးတော့ အခုဆို ပြန်မပေးဆပ်နိုင်ဘဲဖြစ်နေပါတယ်။ အခု ကျွန်မ သမ္မာတရားကို အားထုတ်ပြီး ဂုဏ်ပကာသနတွေအကြောင်း မစဉ်းစားဘဲနေပါတော့မယ်။ ကျွန်မတာဝန်ကို ကောင်းကောင်းလုပ်ဆောင်ချင်ပါတယ်။” ပေါ့။

အဲဒီအချိန်မှာ ကျွန်မ လုပ်နိုင်တာက နောင်တတွေရနေဖို့ပဲရှိတော့တယ်လို့ ထင်ခဲ့ပေမဲ့ အံ့ဩစရာကောင်းတာက ကျွန်မတို့ နောက်ထပ်ရိုက်ကူးမှုတစ်ခု လုပ်ဖို့လိုလာခဲ့တယ်လေ။ အဲဒါကိုကြားလိုက်ရတော့ ခံစားချက်ပေါင်းစုံဖြစ်လာခဲ့ပါတယ်။ ဒါက နောင်တရဖို့ အခွင့်အရေးပဲလို့ ခံစားခဲ့ရတယ်လေ ဘုရားကို ကျေနပ်အောင်လုပ်ဖို့ ကျွန်မတာဝန်ကို ကောင်းကောင်းလုပ်ဖို့ စိတ်ဆုံးဖြတ်ခဲ့တယ်။ အစမ်းလေ့ကျင့်မှုမှာ အားကုန်ထည့်ကြိုးစားခဲ့ပြီးတော့ သိပ်မကြာခင်မှာပဲ ကျွန်မရဲ့စွမ်းရည်တွေ တိုးတက်လာတာကို မြင်ခဲ့ရပါတယ်။ ကျွန်မတို့ ရိုက်ကူးရေးစတော့မှာဆိုပေမဲ့ တခြားအခြေအနေ တစ်ချို့ကြောင့် ခဏရွှေ့ဆိုင်းထားလိုက်ရတယ်။ ဒါရိုက်တာကတော့ ဆက်လေ့ကျင့်ဖို့ပြောခဲ့ပါတယ်။ အစကတော့ ကျွန်မ နေ့တိုင်း ကြိုးစားလုပ်နိုင်ခဲ့ပေမဲ့၊ နောက်ပိုင်းမှာ စဉ်းစားမိလာတာက၊ “ဘယ်အချိန်ရိုက်မယ်၊ ဘယ်လောက်အစမ်းလေ့ကျင့်မှုတွေ လုပ်ရမယ်ဆိုတာလည်း မသိဘူး နောက်ဆုံးတစ်ခေါက်ကလိုပဲ ငါလည်း တချို့အခန်းတွေမှာ မြင်ကွင်းထဲ ပါမှာမဟုတ်လောက်ဘူး။ အဆိုနဲ့ အကပိုင်းမှာလည်း အခြေခံအချက်တွေ နားလည်ထားတာဆိုတော့၊ ဒီတိုင်းလေ့ကျင့်နေရင် ရလောက်မှာပါ” ပေါ့။ နည်းပြကတော့ ရိုက်ကူးရေးမစခင်မှာ လေ့ကျင့်မှုကို မပေါ့ဖို့ ကျွန်မတို့ကို သတိပေးခဲ့ပြီးတော့၊ စတိတ်စင် အစီအစဉ်ကလည်း ပြောင်းလဲနိုင်တယ်လို့ ပြောခဲ့ပေမဲ့၊ ကျွန်မ စိတ်မဝင်စားခဲ့ဘဲ စဉ်းစားမိတာက၊ “ငါရှေ့မှာနေရဖို့ အခွင့်အရေးလည်းရှိမှာမဟုတ်ဘူးဆိုတော့၊ ငါအရမ်းကြိုးစားရင်တောင်မှ ငါက ဇာတ်လမ်းမှာ မပါမဖြစ်တော့ မဟုတ်ပါဘူး။ ဘာလို့စိတ်အနှောင့်အယှက် အဖြစ်ခံနေရမှာလဲ” ပေါ့ နည်းပြက ကျွန်မရဲ့ပြဿနာတွေကို ထောက်ပြတုန်းက၊ ကျွန်မလည်း မလုပ်ချင်တာနဲ့ပဲ ဆင်ခြေတွေပေးခဲ့တာပေါ့၊ “ရှေ့မှာနေရတဲ့ ညီအစ်ကိုမောင်နှမတွေက ရုပ်ရှင်မှာ ပါမှာဆိုတော့၊ သူတို့ကိုပဲ များများလေ့ကျင့်ခိုင်းပေါ့။ ဒါပေမဲ့ ကျွန်မကနောက်မှာနေရမှာဆိုတော့ လူလည်းမြင်မှာမဟုတ်ဘူးလေ ဒါမျိုးလိုက်ပြောနေစရာ မလိုပါဘူး” ပေါ့ နောက်တော့ ကျွန်မလည်း အစမ်းလေ့ကျင့်မှုတွေက ခက်ခဲလာသလိုမျိုး ပင်ပန်းလာတယ်။ မသွားချင်ခဲ့တဲ့အချိန်တွေ အများကြီးရှိခဲ့ပါတယ်။ ကျွန်မရဲ့အရင်ကပြဿနာတွေ ပြန်ဖြစ်လာတာ သိခဲ့ရပြီးတော့၊ စိတ်ထဲနေလို့မကောင်းခဲ့ဘူး။ ကိုယ့်ကိုကိုယ်လည်း မေးခဲ့ပါတယ်၊ “ငါဘာလို့ ငါ့အလုပ်မှာ အပေါ်ယံပဲလုပ်နေရတာလဲ ဘာလို့ ဘုရားကျေနပ်အောင်လုပ်ဖို့ အာရုံမစိုက်နိုင်ရတာလဲ” ပေါ့ ကျွန်မရဲ့ တကယ့်စိတ်အခြေအနေနဲ့ ပတ်သက်ပြီး ဘုရားကိုဆုတောင်းခဲ့ပြီးတော့ လမ်းညွှန်မှုကို တောင်းခံခဲ့ပါတယ်။

ကျွန်မ ဘုရားနှုတ်ကပတ်တော်တွေဖတ်ခဲ့တယ်၊ “လူတို့သည် ၎င်းတို့ အသက်ရှင်ရန်အတွက် အမှီပြုခဲ့သော အတွေးအခေါ်များသည် ၎င်းတို့ သစ္စာဖောက်သော သူများ၊ သူရဲဘောကြောင်သောသူများ နှင့် စက်ဆုပ်ဖွယ် ကောင်းသောသူများ ဖြစ်လာသည်အထိ ၎င်းတို့၏ စိတ်နှလုံးများကို နှစ်ပေါင်းများစွာ ပျက်စီးယိုယွင်းစေခဲ့သည်။ ၎င်းတို့၌ စိတ်ဓာတ်ခွန်အားနှင့် စိတ်ဆုံးဖြတ်ချက် ကင်းမဲ့ကြသည်သာမက ၎င်းတို့သည် လောဘကြီးလာကြပြီး၊ မောက်မာလာကြကာ၊ တစ်ဇွတ်ထိုး လုပ်လာကြလေသည်။ ၎င်းတို့၌ အတ္တကို ကျော်လွန်သော စိတ်ဆုံးဖြတ်ချက် တစ်ခုတစ်လေ လုံးဝကင်းမဲ့နေပြီး ထိုမျှမက ၎င်းတို့၌ ဤမှောင်မိုက် လွှမ်းမိုးမှုများ၏ ချုပ်ချယ်မှုများကို ဖယ်ရှားရန် သတ္တိ အနည်းငယ်ပင် မရှိကြချေ။ လူတို့၏ အတွေးအခေါ်များ နှင့် အသက်တာများသည် ပုပ်သိုးလွန်းသည်မှာ ဘုရားသခင် အပေါ် ယုံကြည်ခြင်းနှင့် သက်ဆိုင်သော ၎င်းတို့၏ ရှုထောင့်အမြင်များမှာ သည်းမခံနိုင်အောင် အကျည်းတန် နေသေးသည်သာမက ဘုရားသခင်အပေါ် ယုံကြည်ခြင်း အကြောင်း ၎င်းတို့၏ ရှုထောင့်အမြင်များကို လူတို့ ပြောကြသည့်အခါ ၎င်းမှာ တကယ်ပင် နားမခံနိုင်စရာ ဖြစ်သည်။ လူအားလုံးသည် သူရဲဘောကြောင်ကြသည်၊ အစွမ်းအစမရှိ၊ စက်ဆုပ်ရွံရှာဖွယ် ဖြစ်ကြသည်သာမက ခိုင်ခံ့ခြင်းလည်း မရှိကြပေ။ ၎င်းတို့သည် အမှောင်စွမ်းအားများကို ရွံရှာခြင်း မရှိကြသကဲ့သို့ အလင်းနှင့် သမ္မာတရားကို ချစ်ခြင်း မရှိကြ၊ ထိုသို့ဖြစ်ရမည့်အစား ၎င်းတို့ကို ထုတ်ပစ်ရန်အတွက် အစွမ်းကုန် လုပ်ဆောင်ကြသည်။၊ယခုတွင် သင်တို့သည် နောက်လိုက်များ ဖြစ်ကြပြီး အမှု၏ ဤအဆင့်ကို သိနားလည်မှုအချို့ ရရှိကြပြီးဖြစ်သည်။ သို့သော်၊ အဆင့်အတန်းအတွက် သင်တို့၏ တပ်မက်မှုကို သင်တို့ ဘေးမဖယ်ထားကြသေး။ သင်တို့၏ အဆင့်အတန်း မြင့်မားသည့်အခါ သင်တို့ ကောင်းစွာ ကြိုးစားကြသော်လည်း၊ သင်တို့၏ အဆင့်အတန်း နိမ့်သည့်အခါ သင်တို့ မကြိုးစား ကြတော့ပေ။ အဆင့်အတန်းနှင့်ဆိုင်သော ကောင်းချီး မင်္ဂလာများမှာ သင်တို့၏ စိတ်ထဲ၌ အမြဲရှိနေသည်။ လူအများစုသည် အပျက်သဘောဆောင်ခြင်းမှ အဘယ်ကြောင့် မိမိတို့ကိုယ်ကိုယ် မဖယ်ရှားနိုင်ကြပါသနည်း။ အဖြေမှာ စိတ်ပျက်ဖွယ်ရာ တက်လမ်းများကြောင့် အမြဲတစေ ဖြစ်သည် မဟုတ်လော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အဖြည့်ခံဖြစ်ရန် သင်အဘယ်ကြောင့် လိုလားခြင်းမရှိသနည်း”) “ထိုသို့သော လူတစ်ဦး ပြောသည့်အရာကို အာရုံမစိုက်လေနှင့်။ သူအသက်ရှင် နေထိုင်သည့်အရာ၊ သူ ထုတ်ဖော်ပြသည့်အရာနှင့် သူ၏ တာဝန်များကို ဆောင်ရွက်ချိန်တွင် သူ၏သဘောထား မည်သည့်အရာ ဖြစ်သည် ဆိုသည့်အပြင် သူ၏ အတွင်းပိုင်းအခြေအနေ မည်သည့်အရာ ဖြစ်ပြီး သူ မည်သည့်အရာ ချစ်သည်ကို သင် မြင်ရမည်။ သူ၏ ကိုယ်ပိုင်ကျော်ကြားမှုနှင့် အခွင့်အလမ်းများကို ချစ်ခြင်းသည် ဘုရားသခင်ကို သူ၏ ဆက်ကပ်ခြင်းထက် ပိုလွန်ပါက၊ သူ၏ ကိုယ်ပိုင် ကျော်ကြားမှုနှင့် အခွင့်အလမ်းကို ချစ်ခြင်းသည် ဘုရားသခင်၏ အကျိုးစီးပွားများထက် သာလွန်ပါက၊ သို့မဟုတ် သူ၏ ကိုယ်ပိုင် ကျော်ကြားမှုနှင့် အခွင့်အလမ်းများကို ချစ်ခြင်းသည် ဘုရားသခင်ကို သူပြသည့် အရေးထားမှုထက် သာလွန်ပါက၊ သူသည် လူ့သဘာဝရှိသည့် လူတစ်ဦး မဟုတ်ပေ။ သူ၏ အပြုအမူကို အခြားသူများနှင့် ဘုရားသခင်က မြင်နိုင်ပေသည်။ ထို့ကြောင့်၊ ထိုသို့သော လူတစ်ဦးအတွက် သမ္မာတရားကို ရရှိဖို့ အလွန်ခက်ခဲပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်”) ဘုရားရဲ့နှုတ်ကပတ်တော်တွေက ကျွန်မစိတ်ထဲ အနည်ထိုင်နေတဲ့ မုန်းတီးစရာကောင်းတဲ့ ရည်ရွယ်ချက်တွေကို ဖော်ထုတ်ခဲ့ပြီးတော့၊ ကျွန်မ တာဝန်မှာ ပညာပြလို့မရတဲ့အခါမှာ ဘာလို့ ပေါ့ဆနေမိလဲဆိုတာ၊ ကျွန်မရဲ့ အလုပ်နဲ့တာဝန်အပေါ် ဘာလို့ စိတ်မဝင်စားခဲ့သလဲဆိုတာတွေကို ပြသခဲ့ပါတယ်။ ကျွန်မရဲ့ ဂုဏ်ပကာသနအပေါ် တပ်မက်မှုက အရမ်းကြီးမားခဲ့ပါတယ်။ ကျွန်မက အစကတည်းက အရည်အချင်းမရှိခဲ့တော့ ကျွန်မက ကြွားဝါဖို့အခွင့်အရေးနောက် လိုက်ခဲ့မိတာက မသိသာခဲ့ဘူးလေ အရည်အချင်းမရှိဘဲ ကြွားဝါချင်ခဲ့တယ်။ ကျွန်မက သူများထက်သာဖို့ အခွင့်အရေးမရှိဘူး၊ အရှေ့တန်းမှာ နေရာရမှာမဟုတ်ဘူးဆိုတာကို သိရတဲ့အချိန်မှာ၊ ကိစ္စတစ်ခုလုံးအပေါ် အဆိုးမြင်လာပြီးတော့ ကျွန်မအလုပ်အပေါ် နည်းနည်းလောက်ပဲ အားစိုက်ခဲ့မိတာပေါ့။ အကောင်းဆုံးမကြိုးစားဘဲ ဟန်ဆောင်ခဲ့ပါတယ်။ ကြွားဝါလို့မရဘူးဆိုတော့ ဒုက္ခတွေ အများကြီး ခံမနေတော့ဘူး။ ဒီလိုဆိုရင် အရှုံးမရှိဘူးလို့ ထင်ခဲ့ပါတယ်။ စာတန်ရဲ့ “လူတိုင်းကတစ်ကိုယ်ကောင်းဆန်တယ်” ဆိုတဲ့အဆိပ်တရားက၊ ကျွန်မစိတ်ထဲမှာ နက်နက်ရှိုင်းရှိုင်း အမြစ်တွယ်နေခဲ့ပါပြီ၊ အဲဒါတွေရဲ့ ထိန်းချုပ်မှုကိုခံခဲ့ရပြီးတော့၊ ကျွန်မဘာပဲလုပ်လုပ် ဘာရမလဲဆိုတာကိုပဲ စဉ်းစားခဲ့မိပါတယ်။ ဂုဏ်နဲ့ အကျိုးအမြတ်အတွက်ပဲ လုပ်ခဲ့မိတယ်လေ ကျွန်မ တာဝန်အတွက်တောင် အဲဒီလိုဖြစ်ခဲ့ပါတယ်။ ကျွန်မ ကြွားဝါလို့ရမယ့်နေရာဆို ကြိုးစားခဲ့ပေမဲ့၊ ကျွန်မရဲ့ အလိုဆန္ဒတွေမပြည့်နိုင်ဘူးဆိုရင် ဟန်ဆောင်ပြီး ဘုရားရဲ့အလိုနဲ့ ဘုရားရဲ့အိမ်တော်အတွက် လုံး၀မစဉ်းစားခဲ့ပါဘူး ကျွန်မရဲ့ တစ်ကိုယ်ကောင်းဆန်မှု၊ ကောက်ကျစ်တဲ့ သဘာ၀နဲ့ ကိုယ့်ရဲ့နေရာနဲ့ ဂုဏ်အတွက် ကြံစည်ရင်း နေထိုင်ခဲ့ပါတယ်။ ကျွန်မအလုပ်မှာ တာဝန်ယူမှု၊ အရှက်တရား၊ အသိစိတ်၊ ဂုဏ်သိက္ခာမရှိဘဲ ခေါင်းရှောင်ပြီး လှည့်စားခဲ့ပါတယ်။ ကျွန်မက လုံး၀ကို အားကိုးလို့မရခဲ့ပါဘူး။ ကျွန်မသိတဲ့ ညီအစ်ကို မောင်နှမတွေ အများကြီးက သန့်စင်ပြီး ရိုးသားကြတာတွေ၊ စင်ပေါ်မှာ ဘယ်နေရာပဲ ရရ ဘုရားသခင်အတွက် သူတို့ အကောင်းဆုံး ကြိုးစားကြတာတွေကို စဉ်းစားမိတယ်။ ကြာလာတော့ သူတို့ရဲ့ အဆိုအက တွေက တိုးတက်လာပြီး ဘုရားရဲ့ ကောင်းချီးနဲ့ လမ်းညွှန်မှုကို မြင်နိုင်ကြတယ်။ ပြီးတော့ ရိုက်ကွင်းနောက်ကွယ်မှာ ရှိနေတဲ့သူတွေကလည်း၊ သူတို့ကို လူမမြင်ပေမဲ့ သူတို့လုပ်ရမယ့်အပိုင်းကို တိတ်တိတ်လေး လုပ်သွားကြတယ်လေ။ အစီအစဉ်က အွန်လိုင်းပေါ်ရောက်သွားတာ မြင်ရရုံနဲ့တင် သူတို့အလုပ်က တန်သွားပြီလို့ ပြောပါတယ်။ ဒါပေမဲ့ ကျွန်မကတော့ ကြွားဝါပြလို့ မရတဲ့အချိန်မှာဆိုရင်၊ ကျွန်မ တာဝန်ကို ကောင်းကောင်းမထမ်းဆောင်ခဲ့ပါဘူး။ လူသားမဆန်ခဲ့ဘူးလေ။ ဘုရားရဲ့ စိတ်သဘောထားက ဖြောင့်မတ်တာကြောင့် ကျွန်မရဲ့ လူသားဆန်မှုနဲ့ အားထုတ်မှုမျိုးတွေကို သူက ရွံရှာမုန်းတီးတယ်။ ကျွန်မ တာဝန်မှာ သန့်ရှင်းသောဝိညာဉ်တော်ရဲ့ အလုပ်လုပ်ဆောင်မှု မရရှိနိုင်ခဲ့ဘဲ ဘ၀မှာလည်း တိုးတက်မှု မရခဲ့ပါဘူး ကျွန်မသာ နောင်တမရသေးရင် ဘယ်တော့မှ သမ္မာတရားကို ရရှိမှာမဟုတ်တာ သိခဲ့ရပါတယ်။ ဘုရားရဲ့ ထုတ်ပယ်ခြင်းကို ခံရပါလိမ့်မယ် ကျွန်မ ပြန်သုံးသပ်ပြီးတော့ အရမ်းကြောက်သွားခဲ့ပြီး ဘုရားထံမှာ ဆုတောင်းခဲ့ပါတယ်။ “ဘုရားသခင်၊ လူသားဆန်မှုမရှိဘဲ ဖောက်ပြန်ပျက်စီးတဲ့ စိတ်သဘောထားနဲ့ နေခဲ့ရတာ၊ ဘယ်လောက်ရှက်စရာကောင်းမှန်း သိခဲ့ရပါပြီ ဘုရားသခင် ကျွန်မ နောင်တရပြီး ပြောင်းလဲချင်ပါပြီ ကျေးဇူးပြုပြီး ကျွန်မရဲ့စိတ်သဘောထားကို ပြောင်းလဲပြီး တာဝန်အပေါ်အာရုံစိုက်နိုင်အောင် လမ်းညွှန်ပေးပါ” ပေါ့။

နောက်တော့ ဘုရားရဲ့နှုတ်ကပတ်တော်တွေကို ဖတ်ခဲ့ပါတယ်။ “ဘုရားသခင်၏ အလိုတော်ကို ဖြည့်ဆည်းရန်၊ သင်လုပ်ဆောင်သမျှအရာတိုင်းတွင် ဆက်ကပ်ရန် သင်ဆန္ဒရှိပါက သင်သည် တာဝန်တစ်ခုကို ထမ်းဆောင်ရုံ ထမ်းဆောင်၍မရနိုင်ပေ၊ သင့်အပေါ် ဘုရားသခင်နှင်းအပ်သည့် မည်သည့် တာဝန်ပေး ခိုင်းစေချက်ကိုမဆို လက်ခံရမည်။ သင့်အကြိုက်များနှင့် ကိုက်ညီပြီး သင့်စိတ်ဝင်စားမှုများ အတိုင်းအတာအတွင်း ရှိသည်ဖြစ်စေ၊ မရှိသည်ဖြစ်စေ၊ သို့မဟုတ် သင် မပျော်ပိုက်သော အရာတစ်ခု သို့မဟုတ် ယခင်က မည်သည့်အခါမျှ မပြုလုပ်ခဲ့ဖူးသောအရာတစ်ခု ဖြစ်စေ၊ သို့မဟုတ် ခက်ခဲသောအရာတစ်ခု ဖြစ်စေဦးတော့၊ ယင်းကို သင်လက်ခံပြီး နာခံသင့်သည်။ သင် လက်ခံရမည်သာမက၊ ယင်းကို တက်ကြွထက်သန်စွာ ပူးပေါင်းလုပ်ဆောင်ရမည်ဖြစ်ပြီး သင်ယူလေ့ကျက်ကာ ဝင်ရောက်မှုကို ရရှိရမည်။ အကယ်၍ သင်သည် ဒုက္ခဆင်းရဲခံစားရပြီး ကြံ့ကြံ့ခံနိုင်စွမ်းနှင့် ထင်ပေါ်နိုင်စွမ်း မရှိခဲ့ဖူးလျှင်ပင် သင်၏ ဆက်ကပ်မှု၌ သင် သစ္စာစောင့်သိရဦးမည် ဖြစ်သည်။ ယင်းကို သင်ဖြည့်ဆည်းရမည့် တာဝန်အဖြစ် သင်မှတ်ယူရမည်ဖြစ်ပြီး၊ ကိုယ်ပိုင်လုပ်ငန်း မဟုတ်ဘဲ သင်၏တာဝန်အဖြစ် မှတ်ယူရပေမည်။ လူတို့သည် သူတို့၏ တာဝန်များကို အဘယ်သို့ နားလည်သင့်သနည်း။ ဖန်ဆင်းရှင် ဘုရားသခင်က လူတစ်ဦးကို ပြုလုပ်ရမည့် အလုပ်တာဝန်တစ်ခု ပေးသည့်အခါနှင့် ထိုအခိုက်အတန့်တွင် ထိုလူ၏တာဝန် ပေါ်လာခြင်းဖြစ်သည်။ သင့်ကို ဘုရားသခင်ပေးသည့် အလုပ်တာဝန်များ၊ သင့်ကို ဘုရားသခင်ပေးသည့် တာဝန်ပေးခိုင်းစေချက်များ၊ ဤအရာများမှာ သင်၏ တာဝန်များဖြစ်သည်။ ယင်းတို့ကို သင်၏ ပန်းတိုင်များအဖြစ် သင်လိုက်လျှောက်ပြီး၊ ဘုရားသခင်ကို ချစ်သောနှလုံးသား သင်၌ အမှန်တကယ်ရှိသောအခါ၊ ငြင်းချက်တစ်ခု သင် ပြုနိုင်သေးသလော။ ယင်းတို့ကို သင်မငြင်းဆန်သင့်ပေ။ ယင်းတို့ကို သင်လက်ခံသင့်ပေသည်။ ဤသည်မှာ လက်တွေ့လုပ်ဆောင်ခြင်း၏ လမ်းကြောင်းဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုသားသောလူတစ်ဦး ဖြစ်ခြင်းအားဖြင့်သာ လူတစ်ဦးသည် အမှန်တကယ် ပျော်ရွှင်နိုင်၏”) ကျွန်မရဲ့တာဝန်က ကျွန်မအပေါ် ဘုရားသခင်ရဲ့ စေခိုင်းချက်ဆိုတာ သိခဲ့ရပြီးတော့၊ ကြွားဝါခွင့် ရရ၊ မရရ ကျွန်မရဲ့ ပုဂ္ဂိုလ်ရေး ရည်ရွယ်ချက်တွေကို စွန့်လွှတ်ပြီးတော့၊ ကျွန်မတာဝန်အဖြစ် သတ်မှတ်ပြီး ဘုရားလိုအပ်တာကို အကောင်းဆုံးလုပ်သင့်ပါတယ်။ ဘယ်လို ဖွဲ့စည်းပုံမှာပဲဖြစ်ဖြစ်၊ တစ်ချို့က ရှေ့မှာနေရပြီး တစ်ချို့က နောက်မှာနေရတယ်။ ဒါပေမဲ့ ဘယ်မှာပဲဖြစ်ဖြစ် သူတို့တာဝန်ကို သူတို့ ထမ်းဆောင်နေကြတာပဲလေ ဘုရားက တာဝန်အပေါ် ကျွန်မတို့ရဲ့ ရည်ရွယ်ချက်နဲ့ သဘောထား အပြင်၊ တာဝန်အပေါ် စိတ်နှစ်မြှုပ်ထားသလား၊ ဘုရားကို ကျေနပ်အောင်လုပ်ဖို့ သမ္မာတရားကို လက်တွေ့လုပ်ဆောင်သလား ဆိုတာကို ကြည့်ပါတယ်။ ကျွန်မက တခြား တင်ဆက်သူတွေလို ဆုကျေးဇူး မရရှိထားဘူးဆိုတာ စဉ်းစားမိတယ်။ ဒါပေမဲ့ ဘုရားက ကျွန်မကို လေ့ကျင့်ဖို့အခွင့်အရေး ပေးခဲ့တယ်ဆိုတော့၊ ကျွန်မရဲ့ ကျွမ်းကျင်မှုနဲ့ အသက်အတွင်း ဝင်ရောက်မှု တိုးတက်နိုင်ပါတယ်။ ဒါက ဘုရားရဲ့ချစ်ခြင်းတရားပါပဲ။ အရင်ကလို ဘုရားသခင်ရဲ့ နှလုံးသားကို ခွဲတာ၊ ဘုရားကို စိတ်ပျက်စေတာတွေလုပ်ပြီး တစ်ကိုယ်ကောင်းမဆန်ဖို့၊ နှလုံးသားမဲ့တာတွေ မလုပ်ဖို့ ကျွန်မ သိခဲ့ပါတယ်။ ကျွန်မ အရှေ့မှာပဲဖြစ်ဖြစ် အနောက်မှာပဲနေနေ၊ကျွန်မကို မြင်မြင်၊ မမြင်မြင်၊ တာဝန်ကို သန့်စင်စွာ ထမ်းဆောင်ပြီး ဘုရားရဲ့အချစ်ကို ပြန်ပေးဆပ်နိုင်ဖို့ ဖန်ဆင်းခံ လူသားတစ်ယောက်အနေနဲ့ ကျရာနေရာကို လက်ခံပါတော့မယ်။

ကျွန်မ သေချာဆုတောင်းပြီး ဘုရားကိုအားကိုးပြီးတော့၊ ဘာတွေပဲလေ့ကျင့်ခဲ့ပါစေ အလုပ်ကြိုးစားခဲ့ပါတယ်။ ကျွန်မတို့ အစမ်းလေ့ကျင့်မှုမတိုင်ခင် ဘုရားရဲ့နှုတ်ကပတ်တော်တွေ ဖတ်ကြတဲ့အခါ ဘုရားရဲ့လိုအပ်ချက်တွေကို စဉ်းစားပြီး ဘုရားရဲ့နှုတ်ကပတ်တော်တွေကို အစမ်းလေ့ကျင့်မှုတွေမှာ လက်တွေ့လုပ်ဆောင် ခဲ့ပါတယ်။ နည်းပြက ကျွန်မရဲ့ပြဿနာတွေကို ထောက်ပြတော့လည်း၊ နားထောင်ခဲ့ပြီးတော့ ကျွန်မရဲ့လေ့ကျင့်မှုတွေမှာ ထည့်သွင်းလုပ်ဆောင်ခဲ့ပါတယ်။ ကျွန်မရဲ့ လိုအပ်ချက်တွေကိုမှတ်ထားပြီးတော့ အားတဲ့အချိန်ကို လေ့ကျင့်ဖို့အသုံးချခဲ့ပါတယ်။ စိတ်မပါလက်မပါ တော်ရုံလောက်လေ့ကျင့်တာမျိုး မလုပ်တော့ပါဘူး။ အစမ်းလေ့ကျင့်မှုတွေအတွက် မှန်ကန်တဲ့စိတ်ထားနဲ့ဆိုတော့၊ နေ့တိုင်းက ပြည့်စုံနေသလိုခံစားခဲ့ရပါတယ်။ ကျွန်မအလုပ်မှာ ဘုရားရဲ့လမ်းညွှန်မှုကို တကယ်ခံစားခဲ့ရပြီးတော့၊ မမောမပန်းခဲ့ပါဘူး။ သိပ်မကြာခင်မှာပဲ ကျွန်မရဲ့ကကွက်နဲ့ သရုပ်ဆောင်ချက်တွေ တိုးတက်လာပြီးတော့၊ အစ်မတွေကလည်း ကျွန်မအရည်အချင်းတွေ အများကြီးတိုးတက်လာတယ်လို့ ပြောခဲ့ပါတယ်။ ကျွန်မ တာဝန်ကို သန့်စင်တဲ့နှလုံးသားနဲ့ ချဉ်းကပ်ဖို့ ဘယ်လောက်အရေးကြီးလဲဆိုတာ ခံစားခဲ့ရပါတယ်။ ကောင်းကင်နိုင်ငံတော်သီချင်း နောက်ဆုံးမှာ၊ ဘုရားက နောက်ဆုံးစာသားကို ကလေးငယ်တစ်ယောက်ရဲ့ သန့်စင်တဲ့အသံနဲ့ သီဆိုသင့်တယ်လို့ ပြောခဲ့ပါတယ်။ “သူတို့သည် ဘုရားအားအသာယာဆုံးသီချင်းများပူဇော်ကြ၏။” ကျွန်မအဲဒါကြောင့် လုံး၀ကို စိတ်လှုပ်ရှားခဲ့ရပါတယ်။ ဘုရားက ရိုးသားတဲ့နှလုံးသားကိုရရှိဖို့ မျှော်လင့်တယ်ဆိုတာ သိခဲ့ရပါတယ်။ ဘုရားက၊ကျွန်မတို့ ဘုရားဘက်လှည့်ပြီး ကလေးငယ်တစ်ယောက်လို သန့်စင်ပြီးတော့ ကျွန်မတို့ရဲ့ နှလုံးသားနဲ့ အကောင်းဆုံးကို ဘုရားထံ စစ်မှန်စွာပေးဖို့ မျှော်လင့်တာပါ။ ကျွန်မရဲ့ သမ္မာတရားကို လက်တွေ့လုပ်ဆောင်ပြီး ဘုရားကို ကျေနပ်အောင်လုပ်ဖို့ ဆုံးဖြတ်ချက်က အားကောင်းလာခဲ့ပါတယ်။

ရိုက်ကူးရေးတော်တော်များများမှာ ကျွန်မက နောက်မှာနေနေရတုန်းပဲ။ ပြီးတော့ တစ်ခါတလေ အကောင်းဆုံးမလုပ်ချင်ခဲ့ဘူး ဒါကြောင့် ဘုရားကိုဆုတောင်းခဲ့ပြီးတော့၊ ဘုရားရဲ့အလိုတော်ကို ဘယ်လိုသိအောင်လုပ်မလဲ စဉ်းစားပြီး ကိုယ့်ကိုယ်ကို ဘယ်လိုရင်းနှီးရမလဲ စဉ်းစားခဲ့ပါတယ်။ အချိန်တော့ယူခဲ့ရပေမဲ့ ကျွန်မရဲ့စိတ်သဘောထားလည်း တိုးတက်လာခဲ့ပါတယ်။ နောက်မှာနေရပြီဆို အရှေ့မှာရှိတဲ့ ညီအစ်ကိုမောင်နှမတွေအတွက် ဆုတောင်းပေးခဲ့တယ်။ ကင်မရာမှာမပါဘူးဆိုရင်လည်း၊ ကျွန်မအလုပ်အတွက် လုပ်နိုင်တာတွေလုပ်ပြီး အစ်မတွေကို ဝတ်စုံတွေ ဆံပင်ပုံစံတွေ ကူပြီး ပြင်ဆင်ပေးခဲ့တယ်။ အစ်မတစ်ချို့ နောက်မှာနေရလို့ အဆိုးဘက်ရောက်လာတာ တွေ့ရရင်လည်း ဘုရားရဲ့အလိုနဲ့ပတ်သက်ပြီး ကျွန်မမိတ်သဟာယ ဖွဲ့ပေးခဲ့တယ်။ ကျွန်မအလုပ်ကို ဒီလိုလုပ်ရင်းနဲ့မှ စိတ်ချမ်းသာပြီး ကျွန်မစိတ်အခြေအနေလည်း တိုးတက်လာခဲ့တယ်လေ ကျွန်မရဲ့ ဂုဏ်ပကာသနတွေကို ဘေးဖယ်ထားပြီး သမ္မာတရားကို လက်တွေ့လုပ်ဆောင်ခြင်းဟာ ဘုရားနှုတ်ကပတ်တော်ရဲ့ လမ်းညွှန်မှုကြောင့် ဖြစ်လာတာပါ။

အရှေ့သို့- ၂၄။ နောက်ဆုံးမှာတော့ အမှုတော်ကို ဘယ်လိုတာဝန်ကျေအောင်ထမ်းဆောင်ရမလဲ သိခဲ့ပါပြီ

နောက်တစ်ခုသို့- ၂၆။ မိမိတာဝန်ကို ကျေပွန်ခြင်း၏ ဆုလာဘ်များ

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်