၂၄။ နောက်ဆုံးမှာတော့ အမှုတော်ကို ဘယ်လိုတာဝန်ကျေအောင်ထမ်းဆောင်ရမလဲ သိခဲ့ပါပြီ

အီတလီနိုင်ငံ၊ ရှင်းချန်

အနန္တတန်ခိုးရှင် ဘုရားသခင် ပြောသည်မှာ- “လူသည် တဖြည်းဖြည်း ပြောင်းလဲသည်မှာ သူ၏တာဝန်ကို လုပ်ဆောင်ခြင်း ဖြစ်စဉ်မှတစ်ဆင့်ဖြစ်ပြီး သူ၏ သစ္စာစောင့်သိမှုကို ပြသသည်မှာ ဤဖြစ်စဉ်မှတစ်ဆင့် ဖြစ်ပေသည်။ ထိုသို့ဖြင့် သင်သည် သင်၏တာဝန်ကို ပို၍ လုပ်ဆောင်နိုင်လေ၊ သာ၍ များသည့် သမ္မာတရားကို သင် ရရှိလေဖြစ်လိမ့်မည် ဖြစ်ပြီး၊ သင်၏ဖော်ပြချက်သည် သာ၍ စစ်မှန်လာလေ ဖြစ်လိမ့်မည် ဖြစ်သည်။ ၎င်းတို့၏တာဝန်ကို လုပ်ဆောင်ရာတွင် ဟန်ဆောင်လုပ်ပြရုံမျှလုပ်ပြပြီး သမ္မာတရားကို မရှာဖွေသောသူတို့သည် အဆုံးတွင် သုတ်သင်ပယ်ရှင်းခြင်းကို ခံရလိမ့်မည်၊ အဘယ့်ကြောင့်ဆိုသော် ထိုသို့သော လူတို့သည် ၎င်းတို့၏ တာဝန်ကို သမ္မာတရားအား လက်တွေ့လုပ်ဆောင်ခြင်းဖြင့် မလုပ်ဆောင်ကြသကဲ့သို့၊ ၎င်းတို့၏ တာဝန်ကို ဖြည့်ဆည်းခြင်းတွင် သမ္မာတရားကို လက်တွေ့မလုပ်ဆောင်ကြသည့် အတွက် ဖြစ်သည်။ ၎င်းတို့သည် မပြောင်းမလဲ ရှိနေသူများဖြစ်ပြီး ကျိန်ခြင်းကို ခံကြရလိမ့်မည်။ ၎င်းတို့၏ ဖော်ပြချက်များသည် မစင်ကြယ်သည်သာမက၊ ၎င်းတို့ ဖော်ပြသည့် အရာတိုင်းသည် ဆိုးယုတ်လေသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူဇာတိခံ ဘုရားသခင်၏အမှုတော်နှင့် လူ၏တာဝန်ကြား ကွဲပြားခြားနားမှု”) “သင်၏ တာဝန်ထဲသို့ သင်၏ စိတ်နှလုံးကို ထားရှိခြင်းနှင့် တာဝန် ယူနိုင်ခြင်းသည် သင့်အနေဖြင့် ဆင်းရဲဒုက္ခခံစားပြီး အဖိုးအခတစ်ခု ပေးဆပ်ဖို့ လိုအပ်ပေသည်- ယင်းနှင့်ပတ်သက်၍ ပြောဆိုဆွေးနွေးခြင်း သက်သက်သည် မလုံလောက်ပေ။ သင်၏ တာဝန်ထဲသို့ သင်၏ စိတ်နှလုံးကို မထားရှိဘဲ ယင်းအစား ကာယပိုင်းဆိုင်ရာ အားထုတ်မှုများ အမြဲအသုံးပြုချင်နေပါက၊ သင်၏ တာဝန်သည် သေချာပေါက် ကောင်းကောင်းမွန်မွန် ပြီးမြောက်လိမ့်မည်မဟုတ်ပေ။ သင်သည် ဟန်ဆောင်လုပ်ပြရုံမျှသာ လုပ်ပြလိမ့်မည်ဖြစ်ပြီး ထိုထက် ပိုလိမ့်မည်မဟုတ်ဘဲ၊ သင်၏ တာဝန်ကို သင် မည်မျှကောင်းကောင်း လုပ်ဆောင်ပြီးဖြစ်သည်ကို သင် သိရှိလိမ့်မည် မဟုတ်ပေ။ သင်၏ တာဝန်ထဲသို့ သင်၏ စိတ်နှလုံးကို ထားရှိပါက၊ သင်သည် သမ္မာတရားကို တဖြည်းဖြည်း သိနားလည်လာလိမ့်မည်။ သင် မထားရှိပါက၊ သိနားလည်လိမ့်မည် မဟုတ်။ သင်၏ တာဝန်ကို ဆောင်ရွက်ခြင်းနှင့် သမ္မာတရားကို လိုက်စားခြင်းထဲသို့ သင်၏ စိတ်နှလုံးကို ထားရှိသည့်အခါတွင်၊ သင်သည် ဘုရားသခင်၏ အလိုကို တဖြည်းဖြည်း သိနားလည်လာနိုင်လိမ့်မည်၊ သင်ကိုယ်တိုင်၏ ဖောက်ပြန်ပျက်စီးခြင်းနှင့် မပြည့်စုံခြင်းတို့ကို တွေ့ရှိနိုင်လိမ့်မည် ဖြစ်ပြီး သင်၏ အခြေအနေမျိုးစုံကို ထိန်းသိမ်းနိုင်လိမ့်မည်ဖြစ်သည်။ မိမိကိုယ်ကိုယ် ဆန်းစစ်ရန် သင်၏ စိတ်နှလုံးကို အသုံးမပြုဘဲ၊ အပြင်ပန်း ရုပ်ပိုင်းဆိုင်ရာ အားထုတ်မှုများ ပြုလုပ်ခြင်းကိုသာ သင် အာရုံစိုက်ပါက၊ သင်၏ စိတ်နှလုံးထဲတွင် ထွက်ပေါ်သည့် အမျိုးမျိုးသော အခြေအနေများနှင့် မတူညီသည့် အပြင်ပန်းပတ်ဝန်းကျင်များအဖို့ သင်၌ ရှိသည့် တုန့်ပြမှုများကို သင် ရှာတွေ့နိုင်လိမ့်မည် မဟုတ်ပေ။ မိမိကိုယ်ကိုယ် ဆန်းစစ်ဖို့ သင်၏ စိတ်နှလုံးကို အသုံးမပြုပါက၊ သင်၏ စိတ်နှလုံးထဲရှိ ပြဿနာများကို ဖြေရှင်းဖို့ သင့်အတွက် ခက်ခဲလိမ့်မည် ဖြစ်သည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုသားသောလူတစ်ဦး ဖြစ်ခြင်းအားဖြင့်သာ လူတစ်ဦးသည် အမှန်တကယ် ပျော်ရွှင်နိုင်၏”) ကျွန်မတို့ဟာ အမှုတော်ကိုဆောင်ရွက်ဖို့ အာရုံစိုက်ရမယ် တာဝန်သိပြီးတော့ သမ္မာတရားကိုလိုက်စားရမယ်ဆိုတာကို ဘုရားသခင်ရဲ့နှုတ်ကပတ်တော်တွေကနေတစ်ဆင့် သိနိုင်ပါတယ်။ ကျွန်မအရင်က သိပ်ဂရုမစိုက်ဖြစ်ခဲ့ဘူး။ ဘာကိုမှသေချာအားမထုတ်ခဲ့ဘူး ဘုရားသခင်ရဲ့အိမ်တော်မှာလည်းအဲဒီလိုပဲ။ ကျွန်မအကောင်းဆုံးမကြိုးစားခဲ့ဘူး။ ကြိုးစားဖို့လိုတဲ့ ရှုပ်ထွေးတဲ့ကိစ္စတစ်ခုခု ကြုံရတိုင်း ကျွန်မဂရုမစိုက်ဘဲ တာဝန်မကျေခဲ့လို့ အမှုတော်မှာအမြဲတမ်းအမှားတွေပါခဲ့တယ်။ နောက်ပိုင်းမှာတော့ ဘုရားသခင်ရဲ့နှုတ်ကပတ်တော်တွေကနေတဆင့် ကျွန်မရဲ့အကျင့်ပျက်နေတဲ့စိတ်သဘောထားအကြောင်းနဲ့ ဘုရားသခင်ရဲ့အလိုတော်ကိုဖြည့်ဆည်းနိုင်ဖို့ ကျွန်မရဲ့အမှုတော်ကိုဘယ်လိုထမ်းဆောင်ရလဲဆိုတာကို နည်းနည်းနားလည်လာပြီးတော့ ကျွန်မရဲ့အမှုတော်ကို တာဝန်သိသိ၊ တဖြည်းဖြည်းမရပ်မနားထမ်းဆောင်နိုင်လာပါတယ်။

အဲဒီအချိန်ကကျွန်မရဲ့အမှုတော်က အီတလီဘာသာပြန်ထားတာတွေကိုစစ်ဆေးရတာပါ။ အစပိုင်းမှာတော့ ကျွန်မကြိုးကြိုးစားစားနဲ့ အခက်အခဲတွေရှိလာရင်လည်း တက်တက်ကြွကြွနဲ့ဖြေရှင်းခဲ့တယ်။ ဒါပေမဲ့ အချိန်ကြာလာတော့ စာရွက်စာတမ်းတွေနဲ့အလုပ်တွေအရမ်းများပြီး စိတ်ညစ်လာတယ်။ အထူးသဖြင့် အရောင်စုံမှတ်စုတွေနဲ့ စာရွက်စာတမ်းတွေနဲ့ ပုဒ်မတွေ ပုဒ်ဖြတ်သင်္ကတတွေနဲ့ ပုဒ်ဖြတ်ပုဒ်ရပ်တွေအများကြီးနဲ့ဟာမျိုးတွေပေါ့။ တစ်ခုချင်းစီကို ပုံစကျဖို့နဲ့ နေရာကျဖို့စစ်ဆေးရတယ်။ ကျွန်မအရမ်းပင်ပန်းလာတယ်။ “ဘယ်လောက်တောင်ခေါင်းခြောက်ရမှာလဲ အရမ်းပင်ပန်းတယ်” လို့တွေးမိတယ်။ အဲဒီနောက်တော့ ကျွန်မကြိုးကြိုးစားစား မစစ်တော့ဘဲနဲ့ ဘယ်လောက်မှန်လဲဆိုတာကို အပေါ်ယံလောက်ပဲကြည့်တော့တယ်။ တစ်ခါတလေကျရင် ကျွန်မစိတ်ကိုငြိမ်ငြိမ်ထားဖို့လိုပြီးတော့ ဘာသာပြန်ကတိကျမှုရှိ မရှိကိုသေချာစဉ်းစားရတယ်။ ဒါပေမဲ့ ရှုပ်ထွေးတဲ့စာကြောင်းဖွဲ့စည်းပုံတစ်ခုခုကိုမြင်ရင် “စကားလုံးတစ်လုံးချင်းကို အေးအေးဆေးဆေးရှာဖွေလေ့လာဖို့ဆိုရင် အများကြီးလုပ်ရမှာ ပြီးတော့ ဘာမှရှာမတွေ့ရင် အဲဒါအလကားသက်သက်ပင်ပန်းတာပဲ ထားလိုက် တခြားတစ်ယောက်လုပ်လိမ့်မယ်” လို့တစ်ကိုယ်ကောင်းဆန်ဆန်ကောက်ချက်ချမိတယ်။ အဲဒီလိုနဲ့ပဲ ကျွန်မရဲ့အမှုတော်ကို ခပ်ပေါ့ပေါ့ပဲထမ်းဆောင်ခဲ့တယ်။

အချိန်ကြာလာတော့ ထပ်ခါထပ်ခါပြဿနာတွေပေါ်လာတယ်။ တခြားလူတွေက ကျွန်မစစ်ထားတဲ့စာရွက်စာတမ်းက စာလုံးအကြီးအသေးနဲ့ ပုဒ်ဖြတ်ပုဒ်ရပ်အမှားတွေကိုရှာတွေ့ကြပြီးတော့ တချို့ဆိုဘာသာပြန်ထဲမှာ ပါမလာတဲ့ စာလုံးတွေတောင်ရှိတယ်။ အဲဒါကိုမြင်တော့ကျွန်မစိတ်ထဲမကောင်းဘူးဖြစ်သွားတယ်။ တခြားလူက အဲဒီလိုပြဿနာလေးတွေကိုချက်ချင်းတွေ့တယ် ဒါပေမဲ့ ကျွန်မရှေ့မှာရှိနေတာတောင် ကျွန်မကမတွေ့ခဲ့ဘူး။ ဒီလောက်အရှင်းကြီးတွေကို ဘယ်လိုများကျန်ခဲ့တာပါလိမ့်။ တွေးမိလေ စိတ်ပျက်မိလေပဲ။ တစ်ရက်ကျတော့ နေ့လည်စာစားပြီးတော့ ကျွန်မစစ်ထားတဲ့စာရွက်စာတမ်းတစ်ခုမှာ အနည်းကိန်း၊ အများကိန်းနဲ့ဆိုင်တဲ့ တကယ့်အခြေခံအမှားတစ်ခုရှိနေတယ်လို့ ပြောထားတဲ့ စာရတယ်။ ကျွန်မရင်ထဲနင့်သွားတယ်။ ကျွန်မဘာလို့များအရမ်းနမော်နမဲ့နိုင်ရတာလဲ။ ဒီလိုအခြေခံအမှားလေးကို ဘာလို့များမတွေ့လိုက်တာလဲ။ ကျွန်မစစ်ထားတဲ့ တခြားစာရွက်စာတမ်းတွေမှာရော အဲဒီလိုအမှားမျိုးတွေပါနေမလား ကျွန်မလည်းသေချာမသိဘူး။ ကျွန်မစစ်ထားတာတွေ အမှားတွေပွထနေတာပဲ။ ကျွန်မဘာများလုပ်ရပါ့မလဲ။ ဒုက္ခရောက်နေတဲ့အချိန်မှာ ဘုရားသခင်ရှေ့မှောက်အမြန်သွားပြီး ကျွန်မဆုတောင်းခဲ့တယ်။ ကျွန်မရဲ့အခြေအနေနဲ့ အမှုတော်အပေါ်မှာထားတဲ့ လတ်တလောအပြုအမူကို သေချာစဉ်းစားတယ်။

ဘုရားသခင်ရဲ့နှုတ်ကပတ်တော်တွေထဲက စာပိုဒ်တစ်ပိုဒ်ကိုကျွန်မဖတ်ခဲ့ပါတယ်- “သင်၏ တာဝန်ထဲတွင် သင် စိတ်မပါသလို အရေးမထားလျှင်၊ အမှုအရာများကို သင်တတ်နိုင်သည့် အလွယ်ဆုံးနည်းလမ်းဖြင့်သာ လုပ်ဆောင်နေလျှင်၊ ဤသည်မှာ မည်သို့သော စိတ်နေစိတ်ထားမျိုး ဖြစ်သနည်း။ ယင်းမှာ သင်၏ တာဝန်အပေါ် သစ္စာမရှိ၊ တာဝန်သိစိတ်မရှိသလို တာဝန်နှင့်ဆိုင်သည့် သဘောထားမရှိဘဲလျက် အမှုအရာများကို ဝတ်ကျေတမ်းကျေ ပုံစံဖြင့် လုပ်ဆောင်နေခြင်းတစ်ခုသာ ဖြစ်သည်။ သင်၏တာဝန်ကို လုပ်ဆောင်သည့်အကြိမ်တိုင်းတွင်၊ သင်၏ ခွန်အားကို ထက်ဝက်သာ သင်သုံးသည်၊ စိတ်မပါတပါနှင့် သင်လုပ်ဆောင်သည်။ စိတ်အား ထက်သန်မှု မရှိဘဲ ပြီးစီးဖို့သာ ကြိုးစားပြီး အနည်းဆုံးအနေဖြင့် တာဝန်သိခြင်းမရှိဘဲ လုပ်ဆောင်သည်။ သင်သည် ထိုအရာကို ဟိုဟိုသည်သည် ကစားနေသည့်အလား သက်သောင့်သက်သာ ပုံစံတစ်ခုဖြင့် သင် လုပ်ဆောင်သည်။ ဤအရာက ပြဿနာများဆီသို့ ဆိုက်ရောက်စေသည် မဟုတ်လော။ နောက်ဆုံးတွင်၊ သင်သည် တာဝန်ကို ညံ့ဖျင်းစွာ ဆောင်ရွက်ပြီး၊ ဟန်ဆောင်လုပ်ပြရုံလုပ်ပြနေသည်ဟု လူတို့က ပြောလိမ့်မည်။ ဤအရာကို ဘုရားသခင်က အဘယ်သို့ပြောလိမ့်မည်နည်း။ သင့်ကို ယုံကြည်စိတ်ချ၍မရဟု သူပြောလိမ့်မည်။ အလုပ်တစ်ခု သင် အပ်နှံခံခဲ့ရလျှင်၊ အဓိက တာဝန်နှင့်ဆိုင်သော အလုပ်ဖြစ်စေ၊ သာမန် တာဝန်နှင့်ဆိုင်သော အလုပ်ဖြစ်စေ၊ ထိုအလုပ်ကို သင် စိတ်ပါလက်ပါ မလုပ်၊ သို့မဟုတ် သင်၏ တာဝန်နှင့် လျော်ညီအောင် အသက်မရှင်လျှင်၊ ပြီးလျှင် ယင်းကို ဘုရားသခင် သင့်ကို ပေးသည့် တာဝန်အဖြစ် သို့မဟုတ် သင့်ကို ဘုရားသခင် အပ်နှံသည့် ကိစ္စရပ်တစ်ခုအဖြစ် သင်မမြင်လျှင်၊ သို့မဟုတ် ယင်းကို သင်၏ ကိုယ်ပိုင် ဝတ္တရားနှင့် တာဝန်အဖြစ် သင် လက်သင့်မခံပါက၊ ဤသည်မှာ ပြဿနာတစ်ခု ဖြစ်ပေလိမ့်မည်။ ‘ယုံကြည်စိတ်ချ၍မရ’- ဤစကားလုံးက သင်၏ တာဝန်နှင့် ပတ်သက်ပြီး သင် လုပ်ဆောင်ပုံကို အဓိပ္ပာယ်ဖွင့်လိမ့်မည်ဖြစ်ပြီး၊ သင်၏ စရိုက်က အဆင့်မမီဟု ဘုရားသခင် ပြောလိမ့်မည်။ သင့်ကို ကိစ္စရပ်တစ်ခု အပ်နှံထားသော်လည်း၊ ဤသည်မှာ ယင်းအပေါ် သင် ခံယူသော သဘောထားဖြစ်ပြီး၊ ဤသည်မှာ ယင်းကို သင် ကိုင်တွယ်သည့်ပုံဖြစ်ပါက၊ အနာဂတ်တွင် သင်သည် နောက်ထပ် တာဝန်များ တစ်ခုတစ်လေဖြင့် တာဝန်ပေးစေခိုင်းခံရလိမ့်မည်လော။ သင်သည် အရေးကြီးသည့် အရာတစ်ခုတစ်လေ အပ်နှံခံရနိုင်သလော။ သင် အပ်နှံခံရကောင်း အပ်နှံခံရနိုင်မည်ဖြစ်သော်လည်း၊ ယင်းမှာ သင် မည်သို့ ပြုမူသည်ဆိုသည့်အပေါ် တည်မှီပေမည်။ သို့သော်၊ စိတ်ထဲတွင်၊ ဘုရားသခင်သည် သင့်အပေါ် မယုံကြည်မှုအချို့ အပြင်၊ မကျေနပ်မှုအချို့ အမြဲ သိုထားလိမ့်မည်ဖြစ်သည်။ ဤသည်မှာ ပြဿနာတစ်ခု ဖြစ်လိမ့်မည် မဟုတ်လော။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လမ်းကြောင်းသည် သမ္မာတရားကို သမ္မာတရားကို မကြာခဏ တွေးဆခြင်း”) ဘုရားသခင်ကလူတိုင်းစိတ်နှလုံးကိုလေ့လာတယ်။ သူ့နှုတ်ကပတ်တော်ကစကားလုံးတိုင်းက ကျွန်မရဲ့ဆိုးရွားလှတဲ့ပြစ်ချက်တွေကို လာထိတယ်။ နောက်တော့ အမှုတော်ကိုထမ်းဆောင်ရာမှာ အလွယ်လိုက်တာက ဝတ်ကျေတန်းကျေလုပ်တတ်တဲ့ စိတ်သဘောထားပဲဆိုတာ ကျွန်မသဘောပေါက်လာတယ်။ အာရုံစူးစိုက်မှုမရှိဘဲနဲ့ ခပ်ပေါ့ပေါ့လုပ်ပြီးတော့ တာဝန်ခံမှုလုံးဝမရှိတာမျိုးပဲ။ ကျွန်မရဲ့စွမ်းဆောင်ရည်ကိုပြန်တွေးကြည့်လိုက်ရင် အချိန်နဲ့ ကြိုးစားအားထုတ်မှုလိုအပ်တာ တစ်ခုခုပေါ်လာတိုင်း ကျွန်မကအမြန်ဆုံးနဲ့ အသက်သာဆုံးနည်းလမ်းကိုပဲရွေးပြီးလုပ်လေ့ရှိတယ်။ အလွယ်ဆုံး၊ အလုပ်မရှုပ်ဆုံးနဲ့ အသက်သာဆုံးဆိုတဲ့ ဘာကိုမဆိုကျွန်မလုပ်တယ်။ စာလုံးအသစ်တွေအများကြီးပါတာပဲဖြစ်ဖြစ် ခက်ခဲတဲ့သဒ္ဒါတွေ ဒါမှမဟုတ် စာကြောင်းဖွဲ့စည်းပုံတွေပါတာပဲဖြစ်ဖြစ် သေချာအားထုတ်ပြီးတော့ မရှာဘူး။ အလွယ်လမ်းလိုက်ပြီးတော့ အဲဒါတွေကို မှတ်ထားပြီး တခြားတစ်ယောက်ကို မေးလိုက်တာပဲ။ ခက်ခဲတဲ့မှတ်စုတွေ ဒါမှမဟုတ် ပုဒ်ဖြတ်ပုဒ်ရပ် သေချာစစ်ရမှာမျိုးတွေကိုတွေ့ရင် သာမန်ကာလျှံကာပဲကြည့်ပြီး တချို့ပြဿနာတွေကိုကျော်ခဲ့လိုက်တယ်။ ကျွန်မအလေးမထားဘဲ ဘုရားသခင်ရဲ့တာဝန်ပေးစေခိုင်းချက်နဲ့ ကျွန်မရဲ့အမှုတော်အပေါ်မှာ တာဝန်မသိဘဲ အချောင်ခိုခဲ့တယ်။ ကျွန်မရဲ့ဇာတိပကတိ ပင်ပန်းတာသက်သာဖို့ကိုပဲ စဉ်းစားခဲ့တယ်။ ကျွန်မရဲ့နှလုံးသားထဲမှာ ဘုရားသခင်အတွက် နေရာသေးသေးလေးတောင်ရှိနေခဲ့ရဲ့လား။

နောက်တော့ ဘုရားသခင်ရဲ့နှုတ်ကပတ်တော်မှာ ပြောထားတာကို ထပ်ဖတ်ဖြစ်တယ်- “လူ့သဘာဝရှိသော လူတို့အတွက်၊ မည်သူမျှ စောင့်မကြည့်ချိန် ၎င်းတို့၏ တာဝန်များကို ကောင်းကောင်းဆောင်ရွက်ခြင်းသည် လွယ်ကူသင့်ပေသည်။ ယင်းသည် ၎င်းတို့၏ ဝေပုံကျ တာဝန်ဝတ္တရားများတွင် ပါဝင်သင့်သည်။ လူ့သဘာဝမရှိသူများနှင့် အားထားလောက်စရာ မရှိသူများအတွက်၊ ၎င်းတို့၏ တာဝန်များကို ဆောင်ရွက်ခြင်းသည် အလွန်ခက်ခဲပင်ပန်းသော ဖြစ်စဉ်တစ်ခု ဖြစ်သည်။ အခြားသူများက ၎င်းတို့အပေါ် အမြဲ စိုးရိမ်ပူပန်ကြရသည်၊ ၎င်းတို့ကို ကြီးကြပ်ကြရပြီး၊ ၎င်းတို့၏ တိုးတက်မှုနှင့် ပတ်သက်၍ မေးမြန်းကြရလေသည်။ သို့မဟုတ်ပါက၊ ၎င်းတို့ကို လုပ်ဆောင်ဖို့ အလုပ် သင် ပေးသည့်အချိန်တိုင်းတွင် ၎င်းတို့က ထိခိုက်နစ်နာမှု ဖြစ်စေကြလိမ့်မည် ဖြစ်သည်။ တိုတိုပြောရလျှင်၊ လူတို့သည် ၎င်းတို့၏ တာဝန်များကို ဆောင်ရွက်နေချိန်တွင် အမြဲ မိမိကိုယ်ကိုယ် သုံးသပ်ဖို့ လိုအပ်၏- ‘ဤတာဝန်ကို ငါ ပြည့်ပြည့်ဝဝ ဖြည့်ဆည်းပြီးပြီလား။ ထိုအရာကို စိတ်ပါလက်ပါ ငါ လုပ်ဆောင်ခဲ့ပါသလော။ သို့မဟုတ် ယင်းကို အိုးနင်းခွက်နင်းနှင့်ပင် ငါ ပြီးမြောက်သွားခဲ့ပါသလော။’ ထိုအရာများထဲမှ တစ်ခုတစ်လေ ဖြစ်ပေါ်ခဲ့ပါက၊ မကောင်းပေ။ အန္တရာယ်ရှိပေသည်။ အတိအကျအားဖြင့်၊ ထိုသို့သော လူတစ်ဦးသည် အများယုံကြည်လက်ခံနိုင်မှု မရှိသကဲ့သို့၊ သူ့ကို လူတို့ ယုံကြည်စိတ်ချ၍ မရနိုင်ဟု ဆိုလိုပေသည်။ သာ၍ ကျယ်ပြန့်သော အဓိပ္ပါယ်ဖြင့် ဆိုရလျှင်၊ ထိုသို့သော လူတစ်ဦးသည် ၎င်း၏ တာဝန်ကို လုပ်ဆောင်ချိန်တွင် အမြဲ ဟန်ဆောင်လုပ်ပြရုံသာ လုပ်ပြပါက၊ ပြီးလျှင် သူသည် ဘုရားသခင်အပေါ် အဆက်မပြတ် ဝတ်ကျေတမ်းကျေ ဖြစ်ပါက၊ သူ၌ အန္တရာယ် ကြီးကြီးမားမား ရှိပေသည်။ တမင်တကာ လှည့်ဖြားခြင်း၏ အကျိုးဆက်များမှာ အဘယ်နည်း။ ရေတိုတွင်၊ သင်သည် ဖောက်ပြန်ပျက်စီးသော စိတ်သဘောထားတစ်ခု ရှိလိမ့်မည်၊ နောင်တရခြင်းမရှိဘဲ မကြာခဏ ဒုစရိုက်အပြစ်များ ကျုးလွန်လိမ့်မည်ဖြစ်ပြီး သမ္မာတရားကို မည်သို့ လက်တွေ့လုပ်ဆောင်ရမည်ကို သိမည်မဟုတ်သကဲ့သို့ ယင်းကို လက်တွေ့လုပ်ဆောင်မည်လည်း မဟုတ်ပေ။ ရေရှည်တွင်၊ ထိုအရာများကို သင် အဆက်မပြတ် လုပ်ဆောင်သည်နှင့်အမျှ၊ သင်၏ ရလဒ်သည် ပျောက်ကွယ်သွားလိမ့်မည်။ ယင်းက သင့်ကို ဒုက္ခ ရောက်စေလိမ့်မည်။ ဤသည်မှာ မည်သည့် ကြီးမားသော အမှားများကိုမျှ မပြုလုပ်ဘဲ သေးငယ်သော အမှားများကို စဉ်ဆက်မပြတ် ပြုလုပ်ခြင်းအနေဖြင့် သိရှိထားသည့်အရာ ဖြစ်သည်။ နောက်ဆုံးတွင်၊ ဤအရာက ပြင်၍မရသော အကျိုးဆက်များဆီသို့ ဆိုက်ရောက်စေလိမ့်မည်။ ယင်းသည် အလွန် စိုးရိမ်စရာ ဖြစ်ပေမည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “အသက်အတွင်း ဝင်ရောက်ခြင်းသည် မိမိ၏တာဝန်များကို ထမ်းဆောင်ခြင်း အတွေ့အကြုံဖြင့် စတင်ရမည်”) ကျွန်မရဲ့ ဂရုမစိုက်မှုရဲ့ သဘောသဘာဝနဲ့ အကျိုးဆက်တွေကို ကျွန်မ ရှေ့မှာ ဘုရားသခင်က ဖွင့်ပြနေတာကို မြင်ရတော့ ကျွန်မကြောက်တဲ့စိတ်ကိုမထိန်းနိုင်ခဲ့ဘူး။ ကျွန်မတို့ရဲ့အမှုတော်ကို သာမန်ကာလျှံကာလုပ်တာက သူများတွေကိုရော ဘုရားသခင်ကိုရောလိမ်လည်တာပါပဲ။ အဲဒီလိုအပြုအမူကိုဘုရားသခင်က ရှုတ်ချပါတယ်။ ကျွန်မသာ ဝန်ချမတောင်းပန်ရင် အနှေးနဲ့အမြန်ဆိုသလို ဆိုးဆိုးရွားရွားပြစ်မှားမိပြီးတော့ သုတ်သင်ဖယ်ရှင်ခြင်းကိုခံရတော့မှာ။ အသင်းတော်က ကျွန်မရဲ့အမှုတော်အတွက် စီစဉ်မှုတွေလုပ်တဲ့အချိန်မှာ ကျွန်မအနေနဲ့အမှုတော်ကို ကျေပွန်အောင်ထမ်းဆောင်ပါ့မယ်လို့ သစ္စာဆိုခဲ့တယ် ဒါပေမဲ့ တကယ်ကြိုးစားအားထုတ်ရမယ့်အချိန်လည်းကျရော ကျွန်မက ဇာတိပကတိအတွက်ပဲစဉ်းစားပြီးတော့ ပင်ပန်းမှာကိုကြောက်ခဲ့တယ်။ စာရွက်စာတမ်းတွေကို စစ်ဆေးတဲ့အချိန်မှာ ကျွန်မပြီးစလွယ်ပဲလုပ်ခဲ့တဲ့အတွက် အသိသာအထင်ရှားဆုံးအမှားတွေကိုတောင် မတွေ့ခဲ့တာပဲ။ အဲဒါကလိမ်လည်တာပဲမဟုတ်ဘူးလား။ အဲဒီလိုတွေးမိတော့ ကျွန်မနောင်တအရမ်းရပြီးတော့ ကိုယ့်ကိုယ့်ကိုယ်အပြစ်တင်မိတာကြောင့် ဘုရားသခင်ဆီကို “အနန္တတန်ခိုးရှင်ဘုရားသခင် ကျွန်မရဲ့အမှုတော်မှာတာဝန်မကျေဘူး။ ဒါပေမဲ့ ကိုယ်တော့်ကိုလှည့်စားလိမ်ညာဖို့ကြိုးစားနေခဲ့မိတယ်။ အဲဒါဟာအကိုယ်တော်ရွံရှာစက်ဆုပ်တဲ့အရာပါ။ ကျွန်မမှာအသိတရားပျောက်ဆုံးနေခဲ့ပါတယ်။ ဘုရားသခင် ကျွန်မဝန်ချတောင်းပန်ချင်ပါတယ်။ ကျွန်မကိုလမ်းပြပေးတော်မူပါ၊ ဆင်းရဲဒုက္ခတွေကိုခံနိုင်တဲ့စိတ်နဲ့ ဇာတိပကတိကိုစွန့်လွှတ်ပြီး ကျွန်မရဲ့အမှုတော်ကိုထမ်းဆောင်နိုင်တဲ့စွမ်းရည်ကိုပေးသနားပါ” လို့ဆုတောင်းခဲ့တယ်။

အဲဒီနောက်ပိုင်း စာရွက်စာတမ်းတိုင်းက သိပ် မမှန်တဲ့ စကားလုံးတိုင်းကို ကျွန်မ စစ်ကြည့်တယ်။ ကျွန်မသိပ်မသေချာတာမျိုးဆိုရင် တခြားအဖွဲ့ဝင်တွေ ဒါမှမဟုတ် ပရောက်ဖက်ရှင်နယ် ဘာသာပြန်တွေကို ကျွန်မသေချာရှင်းလင်းတဲ့အထိမေးတယ်။ ခက်ခဲပြီး ရှည်တဲ့စာရွက်စာတမ်းတွေဆိုရင် ကျွန်မ သာမန်ကာလျှံကာ အိုးနင်းခွက်နင်းနဲ့ပြီးအောင်မလုပ်ရဲတော့ဘဲနဲ့ စာကြောင်းတိုင်းကို ထပ်ခါထပ်ခါ အသေးစိတ်စဉ်းစားပြီးတော့ ဘာသာပြန်တိကျကောင်းမွန်အောင် အကောင်းဆုံးကြိုးစားခဲ့ပါတယ်။ စာရွက်စာတမ်းကို နောက်ဆုံးလက်စသတ်တဲ့အချိန်ကျရင် ကျွန်မစစ်ဖို့လိုအပ်တဲ့အသေးစိတ်အချက်အလက်အကုန်လုံးကို စာရင်းလုပ်ပြီးတော့ တစ်ဆင့်ချင်းကို သေချာစဉ်းစားစစ်ဆေးရမယ်လို့ ကိုယ့်ကိုယ့်ကိုယ်တောက်လျှောက်သတိပေးပါတယ်။ လက်စသတ်တဲ့အချိန်ကျရင် အသေးစိတ် အချက်အလက်အကုန်လုံးကို သေချာစစ်ပြီးတော့ နောက်ဆုံးအဆင့်မှာ အမှားအနည်းဆုံးဖြစ်အောင် အကောင်းဆုံးကြိုးစားတယ်။ အချိန်နည်းနည်းကြာတော့ ကျွန်မရဲ့အမှုတော်မှာ ရလဒ်တွေက သိသိသာကိုကောင်းလာပြီးတော့ ကျွန်မရဲ့အမှားပါတဲ့နှုန်းလည်းကျသွားပါတယ်။

အဆုံးသတ်ဘာသာပြန်တွေကို ပုံစံချမှတ်တာကို စံကိုက်ညီအောင်ကူလုပ်ပေးတဲ့ တခြားညီအစ်မတစ်ယောက်လည်း အသင်းကိုရောက်လာတယ်။ သူက “ဒီပုဒ်ဖြတ်ပုဒ်ရပ်သင်္ကေတကမှန်လား။ ဟိုပုဒ်ဖြတ်ပုဒ်ရပ်က ဘာဖြစ်လို့လဲ” နဲ့ခဏ ခဏမေးတယ်။ သူအမေးအမြန်းအရမ်းထူတဲ့အခါ ကျွန်မနည်းနည်းစိတ်အနှောင့်အယှက်ဖြစ်ပြီးတော့ “အကုန်လုံး ရှင်းပြရတာ အရမ်းရှုပ်တယ်။ အပြီးသတ်စာရွက်စာတမ်းအတိုင်း ထားလိုက်ပေါ့။” လို့ တွေးမိတယ်။ အဲဒါနဲ့ ကျွန်မလည်းသူ့ကိုနှပ်ချပြီးတော့ “ဒါအဆုံးသတ်စာရွက်စာတမ်းလေ။ ဘာပုဒ်ဖြတ်ပုဒ်ရပ်ပြဿနာမှမရှိဘူး အီတလီနဲ့ အင်္ဂလိပ်မှာ ပုဒ်ဖြတ်ပုဒ်ရပ်တွေက အခြေခံအားဖြင့်အတူတူပဲ။ အများစုကို အင်္ဂလိပ်လိုပဲသုံးလို့ရတယ် ဒါပေမဲ့ ချွင်းချက်တွေတော့ရှိတယ်။ အဓိပ္ပါယ်ကိုလည်းထည့်စဉ်းစားရမယ်” လို့ပြောလိုက်တယ်။ အဲဒါနဲ့ သူက “ကျွန်မလက်ရှိအကိုးအကားလုပ်တဲ့စာအုပ်တွေက ပရော်ဖက်ရှင်နယ်တွေသုံးတဲ့စာအုပ်တွေပဲ။ တချို့အပိုင်းတွေကိုနားမလည်ဘူး။ အီတလီပုဒ်ဖြတ်ပုဒ်ရပ်တွေအကြောင်း ပိုရှင်းတဲ့ စာရွက်စာတမ်းမျိုးများရှိလား” လို့သူကမေးတယ်။ ကျွန်မလည်း မရှိသေးဘူးလို့ပြောလိုက်တယ်။ အဲဒါပြီးတော့ အဖွဲ့ဝင်သစ်တွေသုံးနိုင်မယ့် စာရွက်စာတမ်းတစ်ခုကျွန်မလုပ်သင့်တယ်လို့စဉ်းစားမိတယ် ဒါပေမဲ့ ပုဒ်ဖြတ်ပုဒ်ရပ်သင်္ကေတတွေကများလွန်းတယ်။ အဲဒီလိုဆိုရင် အကိုးအကားစာအုပ်တွေကြည့်ရတာနဲ့ပဲ အလုပ်တွေအရမ်းရှုပ်ကုန်လိမ့်မယ်။ ကျွန်မအဲဒါကို လောလောဆယ်တော့မလုပ်သေးဘဲ ထားလိုက်တယ်။ အဲဒီပြဿနာပြီးသွားပြီလို့ထင်ခဲ့ပေမယ့် သူက ကျွန်မပြောသလိုမျိုး အီတလီ ပုဒ်ဖြတ်ပုဒ်ရပ်ကို အင်္ဂလိပ်လို သုံးတဲ့အခါကျတော့ စာလုံး ၁၅၀ ၀၀၀ ပါတဲ့ စာရွက်စာတမ်းတစ်ခုမှာ မျဉ်းရှည် တွေရဲ့ ရှေ့နောက်မှာရှိတဲ့ စာလုံးခြားထားတာတွေကို သူက အကုန် ဖျက်ပစ်လိုက်တယ်။ အဲဒါကိုတွေ့တော့ ကျွန်မလန့်သွားတယ်။ အီတလီစာမှာက မျဉ်းရှည် တွေနဲ့ တုံးတိုသင်္ကေတတွေကိုမရောအောင်လို့ မျဉ်းရှည်ရဲ့ ရှေ့နောက်မှာ စာလုံးခြားပေးဖို့လိုတယ်။ အင်္ဂလိပ်စာနဲ့မတူဘူး။ ဒါပေမဲ့ ကျွန်မသူ့ကိုအဲဒါမပြောပြလိုက်မိဘူး။ တခြားနည်းလမ်းမရှိတော့ဘူး။ သူတစ်ခုချင်းပြန်ပြင်ရတယ်။ ကျွန်မအရမ်းစိတ်မကောင်းဖြစ်ပြီး နောင်တရမိတယ်။ ကိုယ့်ကိုယ်ကိုယ်မုန်းတီးပြီးတော့ “ငါဘာလို့အစကတည်းက အကိုးအကားစာတမ်းလုပ်ဖို့ နည်းနည်းလေးအားမထုတ်ခဲ့မိတာလဲ။ ဘာလို့ဇာတိပကတိအတွက်ပဲအမြဲတွေးပြီးတော့ အလုပ်ရှုပ်မှာကြောက်ရတာလဲ။ ငါ့ရဲ့အလေးမထားမှုကြောင့် သူအကုန်လုံးအစအဆုံးပြန်လုပ်ရပြီ။ နောက်တစ်ခေါက်လည်းပြန်အတည်ပြုရဦးမယ်။ အဲဒါကပင်ပန်းပြီးတော့ အဓိကကတော့ အလုပ်နှောင့်နှေးကြန့်ကြာသွားတယ်။ အဲဒါက ဘုရားသခင်အိမ်တော်ရဲ့အလုပ်ကို ဖျက်လိုဖျက်ဆီးလုပ်တာပဲမဟုတ်ဘူးလား” လို့တွေးမိတယ်။ အဲဒီလို အကြွေးတင်သလိုခံစားချက်ရယ် ကိုယ့်ကိုယ်ကိုယ်အပြစ်တင်တာရယ် နောင်တရယ်ကကျွန်မဆီမှာပြန်ပြီးပြည့်နှက်လာတယ်။ ကိုယ့်ပါးကိုယ်ပဲရိုက်ပစ်လိုက်ချင်တယ်။ ငါဘာလို့အဲဒီလိုထပ်လုပ်မိတာလဲ။ ငါ ဘာဖြစ်နေတာလဲ ပေါ့။

ကျွန်မဝတ်ပြုဆုတောင်းတဲ့တစ်ခေါက်မှာ ဘုရားသခင်ရဲ့နှုတ်ကပတ်တော်တွေထဲက စာပိုဒ်တစ်ပိုဒ်ကိုဖတ်မိတယ် “အမှုအရာများကို အလွန် ပေါ့ပေါ့ဆဆနှင့် တာဝန်မဲ့စွာ ကိုင်တွယ်ဖို့မှာ ဖောက်ပြန်ပျက်စီးသော စိတ်သဘောထားတစ်ခုအတွင်းရှိ အရာတစ်ခု မဟုတ်လော။ မည့်အရာနည်း။ စက်ဆုပ်ဖွယ်ကောင်းမှု ဖြစ်သည်။ ကိစ္စရပ်များအားလုံးတွင်၊ ၎င်းတို့က ‘မှန်လုနီးပါးပဲ’နှင့် ‘အတော် နီးစပ်သည်’ ဟု ဆိုကြ၏။ ယင်းသည် ‘ဖြစ်နိုင်သည်’ ‘ဖြစ်ကောင်းဖြစ်နိုင်မည်’၊ ‘ငါးခုထဲမှ လေးခု’ ဆိုသည့် သဘောထားတစ်ခု ဖြစ်သည်။ ၎င်းတို့သည် အမှုအရာများကို ဝတ်ကျေတမ်းကျေ လုပ်ဆောင်ကြ၏၊ အနည်းဆုံး လုပ်ဆောင်ရမည်ကို စိတ်ကျေနပ်ကြသကဲ့သို့ တတ်နိုင်သမျှ တော်စွလျော်စွ ကြုံရာကျပန်းနေရမည်ကို ကျေနပ်ကြလေသည်။ အမှုအရာများကို အလေးအနက်ထားရာတွင် သို့မဟုတ် တိကျမှုအတွက် ကြိုးပမ်းခြင်းတွင် အကျိုးမရှိဟု ၎င်းတို့ မြင်ကြပြီး၊ ကိုယ်ကျင့်တရားများကို ကြိုးပမ်းအားထုတ်ခြင်းတွင် သာ၍အကျိုးမရှိဟု ၎င်းတို့ မြင်ကြလေသည်။ ဤသည်မှာ ဖောက်ပြန်ပျက်စီးသော စိတ်သဘောထားအတွင်း၌ ရှိသည့် အရာတစ်ခုဖြစ်သည် မဟုတ်လော။ ယင်းသည် ပုံမှန် လူ့သဘာဝ၏ သရုပ်သကန်တစ်ခုလော။ ယင်းကို မာနထောင်လွှားမှုဟု ခေါ်ဆိုခြင်းသည် မှန်ကန်သကဲ့သို့၊ အကျင့်ပျက်သည့်အရာဟု ခေါ်ဆိုခြင်းမှာလည်း လုံးဝ ဆီလျော်၏- သို့သော် ယင်းကို အပြည့်အဝ အတိအကျဖော်ပြဖို့ရာ၊ လုံလောက်မည့် တစ်ခုတည်းသော စကားလုံးမှာ ‘စက်ဆုပ်ဖွယ်’ ဖြစ်သည်။ ထိုသို့သော စက်ဆုပ်ဖွယ်ကောင်းမှုသည် လူအများစု၏ လူ့သဘာဝထဲတွင် ရှိနေလေသည်။ ကိစ္စရပ်များအားလုံးတွင်၊ ဖြစ်နိုင်သမျှ အနည်းဆုံး လုပ်ဆောင်ရန်၊ မည်မျှနှင့်သာ ပြီးသွားနိုင်သည်ကို ကြည့်ရန် ဆန္ဒရှိကြပြီး ၎င်းတို့ လုပ်ဆောင်သမျှတိုင်းတွင် လှည့်ဖြားမှု အငွေ့အသက်တစ်ခု ရှိလေသည်။ ၎င်းတို့သည် တတ်နိုင်သည့်အခါ အခြားသူများကို လိမ်လည်လှည့်စားသည်၊ တတ်နိုင်သည့်အခါ ဖြတ်လမ်းလိုက်ကြပြီး၊ ကိစ္စတစ်ခုကို သုံးသပ်ဆင်ခြင်ဖို့ အချိန်များစွာ ကုန်ဆုံးဖို့ သို့မဟုတ် များစွာတွေးတောဖို့ စက်ဆုပ်ကြလေသည်။ ၎င်းတို့ ထုတ်ဖော်ပြခံရသည်ကို ရှောင်ရှားနိုင်ပြီး ၎င်းတို့ မည်သည့်ပြဿနာမျှ မပေါ်ပေါက်စေဘဲ၊ ၎င်းတို့အပြစ်ဖော် ဆုံးမခြင်း မခံရသရွေ့၊ အားလုံး အဆင်ပြေသည်ဟု ၎င်းတို့ ထင်မှတ်ကြပြီး၊ ထို့ကြောင့် ရှေ့ဆက် ၎င်းတို့ ကမောက်ကမ ဖြစ်စေကြလေသည်။ ၎င်းတို့အဖို့၊ အလုပ်တစ်ခုကို ကောင်းကောင်း လုပ်ဆောင်ခြင်းသည် ထိုက်သင့်သည်ထက် သာ၍ ဒုက္ခများပေသည်။ ထိုသို့သော လူတို့သည် မည်သည့်အရာကိုမျှ ကျွမ်းကျင်သည်အထိ မတတ်မြောက်ကြသကဲ့သို့၊ ၎င်းတို့၏ လေ့လာမှုများတွင် ဝါယမစိုက်ထုတ်ခြင်းမရှိကြချေ။ ၎င်းတို့သည် အကြောင်းအရာတစ်ခု၏ ယေဘုယျကျသည့် အကြမ်းဖျင်းကိုသာ ရရှိချင်ကြပြီးနောက် မိမိတို့ကိုယ်ကိုယ် ထိုအရာတွင် ကျွမ်းကျင်သည်ဟု ဆိုကြလေသည်၊ ထို့နောက် ၎င်းတို့၏လမ်းတစ်လျှောက် ကမောက်ကမဖြစ်စေဖို့ ဤအရာအပေါ် မှီခိုကြလေသည်။ ဤသည်မှာ အမှုအရာများအပေါ် လူတို့ ထားရှိသော သဘောထားတစ်ခု ဖြစ်သည် မဟုတ်လော။ ယင်းသည် ကောင်းမွန်သော သဘောထား ဖြစ်ပါသလော။ လူများ၊ အဖြစ်အပျက်များနှင့် အမှုအရာများအပေါ် ထိုသို့သော လူများ ခံယူသည့် ဤသဘောထားမျိုးသည် စကားလုံး အနည်းငယ်အားဖြင့် ‘အိုးနင်းခွက်နင်းနှင့်ပင် ပြီးမြောက်သွားစေဖို့’ ဖြစ်ပြီး၊ ထိုသို့သော စက်ဆုပ်ဖွယ်ကောင်းမှုသည် ဖောက်ပြန်ပျက်စီးသော လူသားမျိုးနွယ်အားလုံးထဲတွင် တည်ရှိလေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ခေါင်းဆောင်များနှင့် အမှုတော်ဆောင်များအတွက်၊ လမ်းကြောင်းတစ်ခုကို ရွေးချယ်ခြင်းသည် အရေးကြီးဆုံး ဖြစ်သည် (၉)”) ဘုရားသခင်ရဲ့နှုတ်ကပတ်တော်တွေက ကျွန်မရဲ့အမှုတော်မှာ ကြိုးစားအားထုတ်မှုနည်းနေရခြင်းရဲ့ အရင်းအမြစ်ကို ပြတ်ပြတ်သားသားထောက်ပြလိုက်တယ်။ ကျွန်မရဲ့ သိမ်ဖျင်းမှုကတော်တော်ဆိုးရွားခဲ့တယ်။ အရာရာကို ပေါ့ပေါ့ပျက်ပျက်နဲ့ လိမ်လည်လှည့်ဖျားပြီးလုပ်ခဲ့တယ်။ ညီအစ်မက ကျွန်မကို ပုဒ်ဖြတ်ပုဒ်ရပ်တွေကို မှန်မှန်ကန်ကန်ဘယ်လိုသုံးရမလဲမေးလာတဲ့အချိန်မှာ ကျွန်မခေါင်းမစားချင်ခဲ့ဘူး။ အဲဒါကိုအလေးမထားခဲ့သလို မေးခွန်းတွေအများကြီးကိုလည်းမဖြေချင်ခဲ့ဘူး။ အဲဒါကြောင့်သူ့ကိုနှပ်ချပြီးတော့ ရိုးရှင်းတဲ့စည်းမျဉ်းအတိုင်းပဲလုပ်ဖို့ပြောခဲ့တယ်။ ပြီးတော့ သူကျွန်မကို အကိုးအကားစာရွက်စာတမ်းရှိလားလို့မေးတဲ့အခါ ကျွန်မလုပ်ပေးလိုက်လို့ရပေမယ့် ကျွန်မပင်ပန်းမှာကိုစဉ်းစားမိတော့ မလုပ်တော့ဘူးလို့ဆုံးဖြတ်ခဲ့တယ်။ ကျွန်မအမှားတွေပါမှာကိုစိတ်ပူခဲ့ပေမယ့်လည်း အလုပ်ကို လိမ်လည်လှည့်ဖျားနေတုန်းပဲ။ ကျွန်မအားမထုတ်ဘဲ အားလုံးအဆင်ပြေသွားရင်အရမ်းကောင်းမှာပဲ။ ကျွန်မတစ်ခုခုကို အားမထုတ်ဘဲလုပ်တဲ့အခါတိုင်း ကံကိုပဲအားကိုးပြီး သူ့ဘာသူအဆင်ပြေသွားဖို့မျှော်လင့်ခဲ့တယ်။ တစ်ခုခုပြီးမြောက်ဖို့ အသက်သာဆုံးနည်းလမ်းကိုပဲ ကျွန်မအမြဲရှာခဲ့တယ်။ အသေးစိတ်အချက်အလက်တိုင်းကို စဉ်းစားပြီးတော့ အမှားမပါအောင်အကောင်းဆုံးကြိုးစားပြီး ကျွန်မရဲ့အမှုတော်ကို တာဝန်ကျေပွန်အောင် ရိုးရိုးသားသားနဲ့ မှန်မှန်ကန်ကန် မကြိုးစားခဲ့ဘူး။ ကြည့်လိုက်ရင်တော့ ကျွန်မကအလုပ်လုပ်နေပြီးတော့ မေးခွန်းတွေကိုဖြေပေးနေတယ်ပေါ့ ဒါပေမဲ့ တကယ်တမ်းမှာတော့ ကျွန်မကအဲဒီညီအစ်မကို အရူးလုပ်ပြီးတော့ လိမ်လည်လှည့်ဖျားနေခဲ့တာပါ။ ရလဒ်ကတော့ သူကကျွန်မပြန်ဖြေတာတွေကိုယုံပြီးတော့ ဆိုးဆိုးရွားရွားအမှားတွေလုပ်မိပြီးတော့ အလဟဿအရမ်းပင်ပန်းခဲ့ရတယ်။ သူအလုပ်တွေအများကြီးကို ပြန်လုပ်ရပြီးတော့ အဲဒါကြောင့်အလုပ်လည်းနှောင့်နှေးခဲ့ပြီး အသင်းတော်ရဲ့အလုပ်တွေ မတွင်ကျယ်တော့ဘူး။ အဲဒီလုပ်ရပ်တွေရဲ့နောက်ကွယ်က အယူအဆကတော့ အလွယ်ဆုံးနဲ့ အသက်သာဆုံးကိုလုပ်မယ်ဆိုတဲ့ဟာပါပဲ။ အဲဒီအယူအဆအကြောင့် သူများတွေထိခိုက်ရတယ်။ ရေတိုမှာသက်သာဖို့အတွက် သိမ်ဖျင်းတဲ့လှည့်ကွက်တွေကို ကျွန်မအသုံးပြုနေခဲ့မိတယ်။ ကျွန်မရဲ့ခန္ဓာကိုယ်က မခံစားရပေမယ့် အမှုတော်ကို ဆက်တိုက်ပြစ်မှားပြီးတော့ ဘုရားသခင်အိမ်တော်ရဲ့အလုပ်တွေကို ဖျက်လိုဖျက်ဆီးလုပ်နေမိခဲ့တယ်။ ကျွန်မက သူများတွေရော ကိုယ့်ကိုယ့်ကိုယ်ကိုပါ ထိခိုက်အောင်လုပ်နေခဲ့တာ။ အဲဒီလိုအရေးကြီးတဲ့အလုပ်ကို တာဝန်ယူခဲ့ရပေမယ့် ခပ်ပေါ့ပေါ့ သဘောထားခဲ့တယ်။ အပေါ်ယံဆန်ပြီး တာဝန်မသိတတ်ဘူး။ လှည့်ဖြားတယ်။ ပေါ့ဆတယ်။ အကျိုးဆက်တွေကို လျှာ့တွက်ခဲ့တယ်။ ကျွန်မမှာအသိစိတ်လေး နည်းနည်းတောင်ရှိမနေခဲ့ဘူး။ အဲဒီနောက်မှ ကျွန်မရဲ့သိမ်ဖျင်းမှုကဘယ်လောက်တောင်ဆိုးရွားပြီးတော့ ကျွန်မရဲ့ဂုဏ်သိက္ခာဟာ ဘယ်လောက်နိမ့်ကျသလဲဆိုတာ၊ ကျွန်မဟာ ဘယ်လောက်တောင်တန်ဖိုးမရှိလဲဆိုတာကို သိလာတယ်။

ပြီးတော့ ဘုရားသခင်ရဲ့နှုတ်ကပတ်တော်တွေကို ဖတ်ပြတဲ့ဗီဒီယိုတစ်ခုကိုကျွန်မကြည့်ခဲ့ရတယ်။ အနန္တတန်ခိုးရှင် ဘုရားသခင် ပြောသည်မှာ- “လူတို့သည် အစေခံမှုအတွင်းတွင် ၎င်းတို့ ဖော်ပြသင့်သည့်အရာကို မဖော်ပြနိုင်သကဲ့သို့ သို့မဟုတ် ၎င်းတို့အတွက် ပင်ကိုအားဖြင့် ဖြစ်နိုင်သည့်အရာကို စွမ်းဆောင် မရရှိနိုင်သကဲ့သို့၊ ယင်းအစား တည်ကြည်လေးနက်မှု မရှိဘဲ ဟန်ဆောင်လုပ်ပြပါက၊ ၎င်းတို့သည် ဖန်ဆင်းခံ တစ်ဦး ရှိသင့်သည့် အလုပ်တာဝန်ကို ဆုံးရှုံးကြပြီး ဖြစ်ပေသည်။ ထိုသို့သော လူတို့သည် ‘သာမညောင်ညများ’ ဟု သိရသောအရာများ ဖြစ်သည်။ ၎င်းတို့သည် အသုံးမဝင်သော အမှိုက်သရိုက် ဖြစ်ကြသည်။ ထိုသို့သောလူတို့ကို ဖန်ဆင်းခံများဟု အဘယ်သို့ ကောင်းမွန်စွာ ခေါ်ဆို၍ ရနိုင်မည်နည်း။ ၎င်းတို့သည် အပြင်ပန်းတွင် တောက်ပြောင်သော်လည်း၊ အတွင်း၌ ပုပ်သိုးသော ဖောက်ပြန်ပျက်စီးသည့် သတ္တဝါများ ဖြစ်သည် မဟုတ်လော။... မည်သူသည် သင်တို့၏စကားများ၊ လုပ်ရပ်များနှင့် ထိုက်တန်နိုင်မည်နည်း။ သင်တို့၏ ထိုသို့သော မပြောပလောက်သည့် စွန့်လွှတ်အနစ်နာခံခြင်းသည် သင်တို့အပေါ် ငါ ပေးအပ်ခဲ့သမျှနှင့် ထိုက်တန်နိုင်သလော။ ငါသည် အခြားရွေးချယ်စရာ မရှိဘဲ၊ သင်တို့ကို စိတ်ပါလက်ပါ အစဉ်ချစ်ခင်ကာ သစ္စာရှိခဲ့သော်လည်း၊ သင်တို့သည် ဆိုးယုတ်သည့် ရည်ရွယ်ချက်များကို သိုထားကြပြီး ငါ့အပေါ် စိတ်မပါတပါ ဖြစ်ကြသည်။ ယင်းမှာ သင်တို့ တာဝန်၏ အတိုင်းအတာ၊ သင်တို့၏ တစ်ခုတည်းသော လုပ်ငန်းတာဝန် ဖြစ်သည်။ ဤသို့ မဟုတ်သလော။ သင်တို့သည် ဖန်ဆင်းခံတစ်ဦး၏ တာဝန်ကို လုံးဝ မဖြည့်ဆည်းနိုင်သေးသည်ကို မသိကြသလော။ သင်တို့ကို ဖန်ဆင်းခံသတ္တဝါဟူ၍ မည်သို့ ယူဆနိုင်မည်နည်း။ သင်တို့ ဖော်ပြနေပြီး အသက်ရှင်နေထိုင်နေသောအရာသည် မည်သည့်အရာ ဖြစ်သည်မှာ သင်တို့အဖို့ မရှင်းလင်းသလော။ သင်တို့သည် သင်တို့၏တာဝန်ကို မဖြည့်ဆည်းနိုင်သေးသော်လည်း၊ ဘုရားသခင်၏ သည်းခံခြင်းနှင့် အလျှံအပယ်ဖြစ်သော ကျေးဇူးတော်ကို ရရှိရန် သင်တို့ ကြိုးစားကြသည်။ ထိုသို့သော ကျေးဇူးတော်သည် သင်တို့ကဲ့သို့ အသုံးမကျသကဲ့သို့၊ ယုတ်ညံ့သောသူများအတွက် ပြင်ဆင်ထားသည် မဟုတ်ဘဲ၊ မည်သည့်အရာကိုမျှ မတောင်းဆိုဘဲ ဝမ်းမြောက်ဝမ်းသာ စွန့်လွှတ်အနစ်နာခံသော သူများအတွက် ဖြစ်သည်။ သင်တို့ကဲ့သို့သော သာမညောင်ညလူများ၊ ကောင်းကင်ဘုံ၏ ကျေးဇူးတော်ကို မွေ့လျော်ခံစားခြင်းငှာ လုံးဝ မထိုက်တန်ပေ။ အခက်အခဲနှင့် မဆုံးနိုင်သော အပြစ်ပေးခြင်းသာ သင်တို့၏ နေ့ရက်များကို အဖော်ပြုလိမ့်မည်။ အကယ်၍ သင်တို့သည် ငါ့ကို သစ္စာမရှိနိုင်ပါက၊ သင်တို့၏ကံကြမ္မာသည် ဆင်းရဲဒုက္ခခံရသော ကံကြမ္မာတစ်ခု ဖြစ်လေမည်။ အကယ်၍ သင်တို့သည် ငါ၏ နှုတ်ကပတ်တော်များနှင့် ငါအမှုများကို တာဝန်ခံနိုင်ခြင်း မရှိပါက၊ သင်တို့၏ ရလဒ်သည် ပြစ်ဒဏ်ပေးခြင်း ခံရသော ရလဒ်တစ်ခု ဖြစ်လိမ့်မည်။ ကျေးဇူးတော်၊ ကောင်းချီးမင်္ဂလာများနှင့် နှစ်သက်ဖွယ် နိုင်ငံတော် အသက်တာအားလုံးသည် သင်တို့နှင့် မည်သို့မျှ ပတ်သက်မည် မဟုတ်။ ဤသည်မှာ သင်တို့ ကြုံထိုက်သော အဆုံးသတ်ဖြစ်ပြီး သင်တို့ ကိုယ်တိုင်ပြုသည့် အကျိုးဆက်တစ်ခု ဖြစ်သည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူဇာတိခံ ဘုရားသခင်၏အမှုတော်နှင့် လူ၏တာဝန်ကြား ကွဲပြားခြားနားမှု”) ဘုရားသခင်ရဲ့နှုတ်ကပတ်တော်က ဘာပြောလဲဆိုတော့ “ငါသည် အခြားရွေးချယ်စရာ မရှိဘဲ၊ သင်တို့ကို စိတ်ပါလက်ပါ အစဉ်ချစ်ခင်ကာ သစ္စာရှိခဲ့သော်လည်း၊ သင်တို့သည် ဆိုးယုတ်သည့် ရည်ရွယ်ချက်များကို သိုထားကြပြီး ငါ့အပေါ် စိတ်မပါတပါ ဖြစ်ကြသည်။ ယင်းမှာ သင်တို့ တာဝန်၏ အတိုင်းအတာ။” ဒီနှုတ်ကပတ်တော်တွေက ကျွန်မရဲ့နှလုံးသားထဲကို ထိုးဖောက်ဝင်ရောက်သွားတယ်။ ကျွန်မအမှုတော်ကိုထမ်းဆောင်ရင်းနဲ့ သမ္မာတရားကို ရှာဖွေတွေ့ရှိပြီး ကျွန်မရဲ့အကျင့်ပျက်နေတဲ့စိတ်သဘောထားကိုဖယ်ရှားပြီး ဘုရားသခင်ရဲ့ကယ်တင်ခြင်းကိုခံရအောင်လို့ ဘုရားသခင်က ကျွန်မကိုအမှုတော်ထမ်းဆောင်ဖို့ အခွင့်အရေးကိုပေးခဲ့တယ်။ ဒါပေမဲ့ သမ္မာတရားကိုလိုက်စားရမယ့်အစား ကျွန်မက ဇာတိပကတိကိုပဲဂရုစိုက်ပြီးတော့ အမှုတော်ကိုရော ဘုရားသခင်ကိုပါ လိမ်လည်လှည့်ဖျားခဲ့တယ်။ ဘုရားသခင်က လူသားမျိုးနွယ်ကိုကယ်တင်ဖို့ လူ့ဇာတိခံပြီးတော့ ဆိုးရွားလှတဲ့အရှက်ကွဲမှုနဲ့ နာကျင်မှုတွေကို ကြံ့ကြံ့ခံခဲ့ရတယ်။ အစိုးရရဲ့ ဖမ်းဆီးသတ်ဖြတ်တာနဲ့ လူတွေရဲ့ရှုတ်ချငြင်းပယ်တာကိုခံခဲ့ရတယ် ဒါပေမဲ့ သူကအမြဲတမ်းသမ္မာတရားကို ဖော်ထုတ်ခဲ့ပြီးတော့ လူတွေကိုကယ်တင်ဖို့လုပ်ဆောင်ခဲ့တာကို ကျွန်မစဉ်းစားမိတယ်။ ကျွန်မတို့မှာအရည်အသွေးမရှိတဲ့အတွက် သမ္မာတရားကို ဖြည်းဖြည်းချင်းပဲနားလည်ခဲ့တယ်။ ဘုရားသခင်က ကျွန်မတို့ကိုမစွန့်လွှတ်ခဲ့တဲ့အပြင် အဘက်ဘက်ကနေ ကျွန်မတို့နဲ့ အလေးအနက်မိတ်သဟာယဖွဲ့ပေးခဲ့တယ်။ သမ္မာတရားကိုအကုန်လုံးကို အသေးစိတ်ရှင်းပြတယ်။ ပုံပြင်တွေပြောပြတယ်၊ ဥပမာတွေပေးတယ်၊ ပုံနမူနာတွေကိုအသုံးပြုပြီးတော့ ကျွန်မတို့နားလည်အောင်ကူညီခဲ့တယ်။ တချို့သမ္မာတရားတွေက ရှုပ်ထွေးပြီးတော့ အကြောင်းအရာတွေအများကြီးနဲ့သက်ဆိုင်တယ်။ အဲဒါကြောင့်ဘုရားသခင်က အပိုင်းတွေခွဲပြီးတော့ ကျွန်မတို့ကို အနှစ်ချုပ်တွေပြောပြတယ်။ သူက စိတ်ရှည်ရှည်၊ စနစ်တကျနဲ့ ကျွန်မတို့သမ္မာတရားကိုနားလည်လာအောင် မိတ်သဟာယကနေတစ်ဆင့် နည်းနည်းချင်းလမ်းပြပေးတယ်။ ဘုရားသခင်က ကျွန်မတို့ရဲ့ဘဝတွေအတွက် ကြီးစွာသောတာဝန်ကိုယူထားတာကို တွေ့နိုင်တယ်။ ဒါပေမဲ့ ကျွန်မရဲ့အမှုတော်ကိုကျတော့ ကျွန်မဘယ်လိုသဘောထားခဲ့လဲ။ သေချာအလေးထားပြီး ကြိုးစားအားထုတ်ဖို့မတန်ဖူးလို့ကျွန်မထင်ခဲ့တယ်။ စာရွက်စာတမ်းတွေကို စစ်ဆေးတဲ့အခါမှာ လေးလေးနက်နက်နဲ့ တာဝန်ခံမှုမရှိခဲ့ဘူး။ ထွက်လာမယ့်ရလဒ်နဲ့ အကျိုးဆက်ကိုမကြည့်ဘဲနဲ့ အသက်သာဆုံးဆိုတဲ့လမ်းကိုပဲကျွန်မရွေးခဲ့တယ်။ ဘုရားသခင်ရဲ့တာဝန်ပေးစေခိုင်းချက်ကို ခပ်ပေါ့ပေါ့ပဲသဘောထားပြီးတော့ ပြီးစလွယ်ပဲလုပ်ခဲ့တယ်။ ကျွန်မရဲ့အသိတရားဆိုတာ ဘယ်မှာလဲ။ ကျွန်မ ဘုရားသခင်ရဲ့ပြစ်ဒဏ်ပေးတာကို ခံသင့်တယ်။ ဒါပေမဲ့ ဘုရားသခင်က ကျွန်မကိုကယ်တင်ဖို့ကို လက်မလျှော့ခဲ့ဘူး။ သူက သူ့ရဲ့နှုတ်ကပတ်တော်တွေကိုသုံးပြီးတော့ ကျွန်မကိုအလင်းပြတယ်၊ ဦးဆောင်တယ်၊ ကျွန်မကိုယ်ကျွန်မသိအောင်ကူညီပြီးတော့ ဘုရားသခင်ရဲ့အလိုတော်ကိုနားလည်လာအောင်လုပ်ပေးတယ်။ တကယ်လို့ ကျွန်မကသာအားမထုတ်ဘဲနဲ့ အမှုတော်ကိုခပ်ပေါ့ပေါ့ပဲလုပ်နေမယ်ဆိုရင် ကျွန်မကအသက်ရှင်ဖို့ ဒါမှမဟုတ် လူလို့ခေါ်ဖို့မထိုက်တန်တော့ဘူး။ အဲဒါကြောင့် ကျွန်မဘုရားသခင်ဆီကို “အနန္တတန်ခိုးရှင်ဘုရားသခင် ကျွန်မရဲ့သိမ်ဖျင်းမှုက အရမ်းဆိုးရွားပါတယ်။ ကျွန်မဒီလိုရှက်စရာကောင်းပြီး သိက္ခာမဲ့တဲ့ပုံစံနဲ့ ဆက်မနေချင်တော့ပါဘူး။ စစ်မှန်တဲ့လူသားတစ်ယောက်လို အသက်ရှင်နေထိုင်ပြီး ဖန်ဆင်းခံတစ်ယောက်ရဲ့အမှုတော်ကိုကျေပွန်စွာထမ်းဆောင်နိုင်အောင် သမ္မာတရားကို လက်တွေ့လုပ်ဆောင်ဖို့ ခွန်အားတွေပေးတော်မူပါ” ဆုတောင်းခဲ့တယ်။

ပြီးတော့ ကျွန်မ ဘုရားသခင်ရဲ့နှုတ်ကပတ်တော်တွေကို ဖတ်ခဲ့တယ်- “လူသားတစ်ဦးအနေဖြင့်၊ ဘုရားသခင်၏ တာဝန်ပေးစေခိုင်းချက်ကို လက်ခံဖို့၊ ဆက်ကပ်ရမည်ဖြစ်သည်။ ဘုရားသခင်ထံ လုံးဝ ဆက်ကပ်ရမည်ဖြစ်ပြီး စိတ်မပါ့တပါ ဖြစ်၍ မရ၊ တာဝန်ယူရန် ပျက်ကွက်၍ မဖြစ်၊ သို့မဟုတ် မိမိ၏ အကျိုးစီးပွား သို့မဟုတ် စိတ်နေစိတ်ထားများပေါ် အခြေခံကာ လုပ်ဆောင်၍ မရပေ။ ဤသည်မှာ လုံးလုံးလျားလျား မြှုပ်နှံထားခြင်း မဟုတ်။ လုံးလုံးလျားလျား မြှုပ်နှံထားခြင်းသည် မည်သည့်အရာကို ရည်ညွှန်းသနည်း။ ယင်းမှာ သင်၏ တာဝန်များကို ဖြည့်ဆည်းနေစဉ်တွင်၊ သင်သည် စိတ်နေစိတ်ထားများ၊ ပတ်ဝန်းကျင်များ၊ လူများ၊ ကိစ္စရပ်များ သို့မဟုတ် အမှုအရာများ၏ လွှမ်းမိုးမှုနှင့် ဘောင်ခတ်ခြင်း မခံရသည်ကို ဆိုလိုပေသည်။ ‘ကျွန်ုပ်သည် ဤတာဝန်ပေးစေခိုင်းချက်ကို ဘုရားသခင်ထံမှ ရရှိထားသည်။ သူသည် ထိုအရာကို ကျွန်ုပ်အား ပေးပြီးလေပြီ။ ဤသည်မှာ ငါ လုပ်ဆောင်သင့်သော အရာဖြစ်သည်။ ထို့ကြောင့် ယင်းကို ငါ၏ ကိုယ်ပိုင် အရေးကိစ္စကဲ့သို့ သဘောထားရင်း၊ ဘုရားသခင်ကို စိတ်ကျေနပ်စေခြင်းအပေါ် အလေးထားလျက်၊ မည်သည့်နည်းနှင့်မဆို ကောင်းမွန်သော ရလဒ်များကို ဖြစ်ထွန်းစေကာ ငါ လုပ်ဆောင်မည်။’ သင်၌ ဤအခြေအနေ ရှိသည့်အခါတွင်၊ သင်သည် သင်၏ အသိတရား၏ ထိန်းချုပ်ခြင်း ခံရလျက်ရှိသည်သာမက၊ လုံးလုံးလျားလျား ပေးအပ် မြှုပ်နှံထားခြင်းလည်း ပါဝင်ပေသည်။ သင်သည် ကျွမ်းကျင်ပြီး အကျိုးရလဒ်များ စွမ်းဆောင်ရရှိဖို့ စိတ်ပြင်းပြခြင်းမရှိဘဲ၊ ပြီးမြောက်ခြင်းဖြင့်သာ စိတ်ကျေနပ်ပြီး၊ အားထုတ်မှုအချို့သာ စိုက်ထုတ်ဖို့ လုံလောက်သည်ဟု ခံစားရပါက၊ ဤသည်မှာ အသိစိတ်၏ အဆင့်အတန်းမျှသာ ဖြစ်ပြီး အစဉ်ချစ်ခင်၍ သစ္စာရှိမှုအဖြစ် ယူဆ၍ မရပေ။ သင်သည် ဘုရားသခင်အပေါ် အစဉ်ချစ်ခင်၍ သစ္စာရှိသည့်အခါတွင်၊ ဤအဆင့်အတန်းသည် အသိစိတ်၏ အဆင့်အတန်းထက် အနည်းငယ် သာ၍ မြင့်မားလေသည်။ ထို့ကြောင့် ဤသည်မှာ အားထုတ်မှုအချို့ စိုက်ထုတ်ခြင်းကိစ္စတစ်ခုသာ မဟုတ်တော့ပေ။ သင်၏ စိတ်နှလုံးတစ်ခုလုံးကိုလည်း ထိုအရာထဲသို့ သင် ထားရှိရမည်ဖြစ်သည်။ သင်၏ တာဝန်ကို သင်၏ ကိုယ်ပိုင်အလုပ်ကဲ့သို့ လုပ်ဆောင်ဖို့ သင် အမြဲ သဘောထားရမည်၊ ဤအလုပ်အတွက် ဝန်ထုပ်များကို လက်ခံရမည်၊ နည်းနည်းလေးမျှ သင် အမှား လုပ်မိပါက သို့မဟုတ် နည်းနည်းလေးမျှ ပေါ့ပေါ့ဆဆ ဖြစ်မိပါက ပြစ်တင်မှုကို ခံစားရမည်၊ ယင်းက သင့်ကို ဘုရားသခင်နှင့် အလွန်မထိုက်တန်စေသောကြောင့် သင့်အနေဖြင့် ဤလူစားမျိုး ဖြစ်၍မရဟု ခံစားရမည်ဖြစ်သည်။ အသိစိတ် စစ်မှန်စွာရှိသည့်လူများသည် တစ်ဦးတစ်ယောက်က ကြီးကြပ်နေသည်ဖြစ်စေ ၎င်းတို့၏ တာဝန်များကို မိမိတို့ကိုယ်တိုင်၏ လုပ်ဆောင်စရာအလုပ်များအလား၊ ဖြည့်ဆည်းကြလေသည်။ ဘုရားသခင်သည် ၎င်းတို့နှင့် ပတ်သက်၍ ပျော်ရွှင်ခြင်း ရှိသည်ဖြစ်စေ၊ မရှိသည်ဖြစ်စေနှင့် ၎င်းတို့ကို သူ မည်သို့ ဆက်ဆံသည်ဖြစ်စေ၊ ၎င်းတို့သည် ၎င်းတို့၏ တာဝန်များကို ဖြည့်ဆည်းဖို့နှင့် ၎င်းတို့ကို ဘုရားသခင် ပေးအပ်ထားသည့် စေခိုင်းချက်တာဝန်ကို ပြည့်စုံစေဖို့ မိမိတို့ကိုယ်ကိုယ် တင်းကျပ်သည့် တောင်းဆိုမှုများ အမြဲရှိကြလေသည်။ ဤသည်မှာ အစဉ်ချစ်ခင်၍ သစ္စာရှိမှုဟု ခေါ်ဆိုပေသည်။” (ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “ရိုသားသောလူတစ်ဦး ဖြစ်ခြင်းအားဖြင့်သာ လူတစ်ဦးသည် အမှန်တကယ် ပျော်ရွှင်နိုင်၏”) ဘုရားသခင်ရဲ့နှုတ်ကပတ်တော်တွေက ကျွန်မလက်တွေ့လုပ်ဆောင်ရမယ့်လမ်းကြောင်းကိုပြခဲ့တယ်။ အမှုတော်ကိုထမ်းဆောင်တာမှာ ကိုယ့်စိတ်ကြိုက်နဲ့ စိတ်အခြေအနေအတိုင်းသွားပြီးတော့ လုပ်ချင်တာတွေလုပ်လို့မရဘူး။ တစ်ခုခုကို ကြိုးစားအားထုတ်ရမယ့်အချိန်မှာ ပြီးစလွယ်လုပ်လို့မရဘဲနဲ့ ကျွန်မတို့ရဲ့အမှုတော်ကို ဘုရားသခင်ရဲ့တာဝန်ပေးစေခိုင်းချက်လို၊ ကျွန်မတို့ရဲ့ကိုယ်ပိုင်တာဝန်လိုမျိုးသဘောထားရမှာ။ ကျွန်မတို့ သေချာစဉ်းစားပြီးတော့ အကောင်းဆုံးရလဒ်ရအောင် အားထုတ်သင့်တယ်။ ဘယ်လောက်ပဲခက်ခဲပါစေ၊ စောင့်ကြည့်နေသည်ဖြစ်စေ မဖြစ်သည်ဖြစ်စေ ကျွန်မတို့ရဲ့အမှုတော်ကို နှလုံးသားနဲ့ ကိုယ်စွမ်းဉာဏ်စွမ်းရှိသလောက် အစွမ်းကုန်လုပ်ဆောင်သင့်တယ်။ အဲဒါကိုသဘောပေါက်လိုက်တော့ ကျွန်မဘုရားသခင်ဆီမှာဆုတောင်းခဲ့တယ်။ ဝန်ချတောင်းပန်ပြီးတော့ ဘုရားသခင်ရဲ့နှုတ်ကပတ်တော်တွေအတိုင်း လက်တွေ့လုပ်ဆောင်ချင်ခဲ့တယ်။ အဲဒါပြီးတော့ အဖွဲ့ဝင်သစ်တွေကိုးကားလို့ရအောင်လို့ အီတလီဘာသာရဲ့ ပုဒ်ဖြတ်ပုဒ်ရပ်အသုံးပြုပုံတွေအကြောင်း စာရွက်စာတမ်းတစ်ခုကို အချိန်ပေးပြီး လုပ်ခဲ့ပါတယ်။ ပြီးတော့ ဘာသာပြန်မှာကြုံတွေ့ရလေ့ရှိတဲ့ပြဿနာတွေကို အကျဉ်းချုပ်လုပ်ခဲ့ပြီးတော့ သတိထားရမယ့်ဟာတွေအကုန်လုံးကို စာရင်းလုပ်ခဲ့တယ်။ ဘာတစ်ခုမှမကျန်အောင်လို့ စာရွက်စာတမ်းတွေကိုစစ်ဆေးတဲ့အခါကျရင် ကျွန်မအဲဒီစာရင်းကိုကြည့်တယ်။ ညီအစ်ကိုမောင်နှမတစ်ယောက်ယောက်က သူတို့ရဲ့တာဝန်နဲ့ပတ်သက်ပြီးမေးခွန်းမေးလာရင် ကျွန်မ ပြီးစလွယ်ကြည့်ပြီး စိတ်ထင်သလိုမဖြေတော့ဘဲနဲ့ သူတို့မေးခွန်းကို ဂရုတစိုက်နဲ့စဉ်းစားပြီးတော့ ဖြေဖို့အတွက် အခြေခံစည်းမျဉ်းတွေကို အသုံးပြုပြီး ကျွမ်းကျင်မှုဆိုင်ရာ ပညာရပ်တွေကို ရှာတယ်။ တစ်ခုခုကိုနားမလည်တဲ့အခါကျရင် အမှန်တကယ်ကြိုးစားအားထုတ်မှုနဲ့ ဘုရားသခင်ရဲ့ လမ်းညွှန်မှု၊ အလင်းပြမှုတွေကြောင့် တဖြည်းဖြည်းနားလည်သွားတယ်။ အမှုတော်မှာ ကျွန်မရဲ့မှားယွင်းနေတဲ့အကြောင်းအရင်းတွေကိုလည်း အများကြီးပြန်စဉ်းစားခဲ့တယ်။ ကျွန်မအခက်အခဲတွေကြုံတွေ့ရပြီး ရေသာခိုချင်စိတ်ဖြစ်လာတဲ့အချိန်ကျရင် အဲဒီအခက်အခဲတွေအတွက် လိုအပ်တဲ့ ကြိုးစားအားထုတ်မှုနဲ့ဖြေရှင်းနိုင်ဖို့ ကျွန်မရဲ့ဇာတိပကတိကိုစွန့်လွှတ်ဖို့ ဘုရားသခင်ကိုဆုတောင်းတယ်။ တဖြည်းဖြည်းနဲ့ ကျွန်မရဲ့အမှုတော်ထမ်းဆောင်တဲ့ အပြုအမူဟာ အများကြီးပိုမှန်ကန်လာပြီးတော့ ပြီးပြီးရောလုပ်တာလည်းနည်းသွားတယ်။ ကျွန်မရဲ့အမှုတော်ကို မှန်မှန်ကန်ကန်နဲ့ မရပ်မနားထမ်းဆောင်နိုင်လာပါတယ်။ ကျွန်မရဲ့ ဒီအပြောင်းအလဲက ဘုရားသခင်ရဲ့တရားစီရင်မှုနဲ့ ပြစ်တင်ဆုံးမမှုရဲ့ရလဒ်ပါပဲ။ ဘုရားသခင်ရဲ့ကျေးဇူးတော်ပါပဲ။

အရှေ့သို့- ၂၃။ ကိုယ့်တာဝန်ကို ထမ်းဆောင်ခြင်းဟာ ဘာကိုဆိုလိုတယ်ဆိုတာ နောက်ဆုံးတော့ ကျွန်မ သိပြီ

နောက်တစ်ခုသို့- ၂၅။ ဘုရားထံသို့ ကျွန်မ၏နှလုံးသား ပေးအပ်ခြင်း

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

၃၆။ ကြွယ်ဝချမ်းသာမှုနှင့် အောင်မြင်ကျော်ကြားမှုတို့မှလွတ်မြောက်ခြင်း

တရုတ်နိုင်ငံ ရှန်းတုန်း စီရင်စု၊ ရှောင်မင်ဘုရားသခင်၏ နှုတ်ကပတ်တော်၌ ပြောထားသည်- “လူတို့သည် ကျော်ကြားမှုနှင့် အမြတ်အစွန်းအတွက်သာ...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၁၁။ အသက်တာတွင် ဘုရားသခင်၏ အချုပ်အခြာအာဏာကို သိခြင်း

အမေရိကန်နိုင်ငံ၊ ရှင့်ရှင်းအနန္တတန်ခိုးရှင် ဘုရားသခင် ပြောသည်မှာ- “ဘုရားသခင်၏ သြဇာအာဏာ၊ ဘုရားသခင်၏ တန်ခိုး၊ ဘုရားသခင်၏ ပင်ကိုလက္ခဏာနှင့်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်