တာဝန်ကို လုပ်ဆောင်ခြင်းနှင့် အစေခံမှုကို ပေးအပ်ခြင်းတို့ကြား ခြားနားချက်များမှာ အဘယ်နည်း။

12.03.2021

ဆက်စပ်သော ဘုရားသခင်၏ နှုတ်ကပတ်တော်များ-

လူ၏တာဝန်နှင့် သူ ကောင်းချီးခံစားရခြင်း သို့မဟုတ် ကျိန်ခြင်းခံရခြင်း ရှိမရှိဆိုသည်တို့ကြားတွင် အချင်းချင်း ဆက်နွှယ်နေမှု မရှိပေ။ တာဝန်သည် လူက ဖြည့်ဆည်းသင့်သည့်အရာ ဖြစ်သည်။ ယင်းသည် ကောင်းကင်ဘုံပေးသည့် သူ၏အသက်မွေးအလုပ် ဖြစ်ပြီး၊ ဆုလာဘ်၊ အခြေအနေများ သို့မဟုတ် အကြောင်းရင်းများပေါ်တွင် မမူတည်သင့်ပေ။ ထိုအခါမှသာ သူ၏တာဝန်ကို သူ လုပ်ဆောင်နေခြင်း ဖြစ်သည်။ ကောင်းချီးမင်္ဂလာ ခံစားရဖို့ဟူသည်မှာ တစ်စုံတစ်ဦးသည် တရားစီရင်ခြင်းကို ကြုံရပြီးနောက် စုံလင်စေခြင်းခံရကာ ဘုရားသခင်၏ ကောင်းချီးမင်္ဂလာများကို မွေ့လျော်ရခြင်း ဖြစ်သည်။ ကျိန်ခြင်းအမင်္ဂလာခံရဖို့ဟူသည်မှာ ပြစ်တင်ဆုံးမခြင်းနှင့် တရားစီရင်ခြင်းတို့ကို ကြုံရပြီးနောက် တစ်စုံတစ်ဦး၏ စိတ်သဘောထား မပြောင်းလဲခြင်း ဖြစ်သည်၊ ယင်းမှာ ၎င်းတို့သည် စုံလင်စေခြင်းကို မတွေ့ကြုံရဘဲ အပြစ်ပေးခံရသည့်အချိန် ဖြစ်သည်။ ၎င်းတို့ ကောင်းချီးပေး ခံရသည်ဖြစ်စေ၊ ကျိန်ခြင်းခံရသည်ဖြစ်စေ၊ ဖန်ဆင်းခံသတ္တဝါများသည် ၎င်းတို့ လုပ်ဆောင်သင့်သည့်အရာကို လုပ်ဆောင်ရင်းနှင့် လုပ်ဆောင်နိုင်သည့်အရာကို လုပ်ဆောင်ရင်း၊ ၎င်းတို့၏တာဝန်ကို ဖြည့်ဆည်းသင့်ကြပေသည်။ ဤသည်မှာ လူတစ်ဦး၊ ဘုရားသခင်၏ ကျိန်ခြင်းခံရသည့် လူတစ်ဦးက အနည်းဆုံး လုပ်ဆောင်သင့်သည့်အရာ ဖြစ်သည်။ သင်သည် ကောင်းချီးမင်္ဂလာ ခံစားရရန်သာ သင်၏တာဝန်ကို မလုပ်ဆောင်သင့်သကဲ့သို့၊ ကျိန်ခြင်း ခံရမည်ကို ကြောက်ရွံ့ခြင်းအတွက် ဆောင်ရွက်ရန် မငြင်းဆန်သင့်ပေ။ ဤအရာတစ်ခုကို သင်တို့အား ငါပြောပါရစေ- သူ၏တာဝန်နှင့်သက်ဆိုင်သည့် လူ၏ စွမ်းဆောင်မှုသည် သူ လုပ်ဆောင်သင့်သည့်အရာ ဖြစ်ပြီး၊ သူသည် သူ၏တာဝန်ကို ဆောင်ရွက်နိုင်စွမ်း မရှိပါက၊ ဤသည်မှာ သူ၏ ပုန်ကန်မှု ဖြစ်သည်။ လူသည် တဖြည်းဖြည်း ပြောင်းလဲသည်မှာ သူ၏တာဝန်ကို လုပ်ဆောင်ခြင်း ဖြစ်စဉ်မှတစ်ဆင့်ဖြစ်ပြီး သူ၏ သစ္စာစောင့်သိမှုကို ပြသသည်မှာ ဤဖြစ်စဉ်မှတစ်ဆင့် ဖြစ်ပေသည်။ ထိုသို့ဖြင့် သင်သည် သင်၏တာဝန်ကို ပို၍ လုပ်ဆောင်နိုင်လေ၊ သာ၍ များသည့် သမ္မာတရားကို သင် ရရှိလေဖြစ်လိမ့်မည် ဖြစ်ပြီး၊ သင်၏ဖော်ပြချက်သည် သာ၍ စစ်မှန်လာလေ ဖြစ်လိမ့်မည် ဖြစ်သည်။ ၎င်းတို့၏တာဝန်ကို လုပ်ဆောင်ရာတွင် ဟန်ဆောင်လုပ်ပြရုံမျှလုပ်ပြပြီး သမ္မာတရားကို မရှာဖွေသောသူတို့သည် အဆုံးတွင် သုတ်သင်ပယ်ရှင်းခြင်းကို ခံရလိမ့်မည်၊ အဘယ့်ကြောင့်ဆိုသော် ထိုသို့သော လူတို့သည် ၎င်းတို့၏ တာဝန်ကို သမ္မာတရားအား လက်တွေ့လုပ်ဆောင်ခြင်းဖြင့် မလုပ်ဆောင်ကြသကဲ့သို့၊ ၎င်းတို့၏ တာဝန်ကို ဖြည့်ဆည်းခြင်းတွင် သမ္မာတရားကို လက်တွေ့မလုပ်ဆောင်ကြသည့် အတွက် ဖြစ်သည်။ ၎င်းတို့သည် မပြောင်းမလဲ ရှိနေသူများဖြစ်ပြီး ကျိန်ခြင်းကို ခံကြရလိမ့်မည်။ ၎င်းတို့၏ ဖော်ပြချက်များသည် မစင်ကြယ်သည်သာမက၊ ၎င်းတို့ ဖော်ပြသည့် အရာတိုင်းသည် ဆိုးယုတ်လေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူဇာတိခံ ဘုရားသခင်၏အမှုတော်နှင့် လူ၏တာဝန်ကြား ကွဲပြားခြားနားမှု” မှ

လူတို့သည် မည်သည့်ပါရမီများ၊ ဆုကျေးဇူးများ၊ သို့မဟုတ် အစွမ်းအစများကို ပိုင်ဆိုင်ပါစေ၊ ၎င်းတို့သည် အမှုအရာများကို တကယ်လုပ်ဆောင်ကာ၊ ၎င်းတို့၏တာဝန်ကို ထမ်းဆောင်ရာ၌ ၎င်းတို့၏ခွန်အားကိုသာ အသုံးပြုကြပါက၊ မည်သည့်အရာကို ၎င်းတို့ပြုပါစေ၊ ၎င်းတို့သည် ၎င်းတို့၏စိတ်ကူးများ၊ အယူအဆများ၊ သို့မဟုတ် အလိုအလျောက် တုံ့ပြန်မှုများအပေါ် အမှီပြုကြပါက၊၎င်းတို့သည် မိမိတို့၏ အစွမ်းအစများကို လွယ်လွယ်ရှေ့ထားပြီး၊ ဘုရားသခင်၏အလိုတော်ကို မည်သည့်အခါမျှ ရှာဖွေခြင်းမရှိသည့်အပြင်၊ ၎င်းတို့၏စိတ်နှလုံးများထဲ၌ အမြင်သဘောထား သို့မဟုတ် လိုအပ်ချက်များ မရှိကြဘဲ၊ “ငါသည် သမ္မာတရားကို လက်တွေ့ကျင့်သုံးရမည်၊ ငါ့တာဝန်ကို ငါ ဆောင်ရွက်နေသည်”ဟု ဆိုကြပါက၊ ၎င်းတို့၏အတွေးများက အလုပ်ကို ကောင်းစွာလုပ်ဆောင်ခြင်းနှင့်၎င်းတို့၏ အလုပ်များ ပြီးစီးစေခြင်းတို့ဖြင့်သာ အစပြုပါက၊ ၎င်းတို့သည် ၎င်းတို့၏ဆုကျေးဇူးများ၊ ပါရမီများ၊ စွမ်းရည်များနှင့် တတ်ကျွမ်းမှုများအားဖြင့် လုံးလုံးလျားလျား အသက်ရှင်သော လူများ ဖြစ်ကြပါသလော။ ဤကဲ့သို့သော လူများစွာ ရှိပါသလော။ ယုံကြည်ခြင်းတွင် ၎င်းတို့သည် မိမိတို့ကိုယ်ကိုယ် အားထုတ်ကြိုးပမ်းရန် ၎င်းတို့၏ကိုယ်ပိုင်လုပ်အားကို ရောင်းစားရန်နှင့် ၎င်းတို့၏အစွမ်းအစများကို ရောင်စားရန်သာ စဉ်းစားကြသည်။ အထူးသဖြင့် ဘုရားသခင်၏အိမ်တော်က ၎င်းတို့ လုပ်ဆောင်ရန် အထွေထွေအလုပ်များကို ပေးသောအခါ လူအများစုသည် ဤအမြင်ဖြင့် အမှုအရာများကို ချဉ်းကပ်ကြ၏။ ၎င်းတို့ပြုသမျှမှာ ၎င်းတို့ကိုယ်ကို အားထုတ်ကြိုးပမ်းခြင်း ဖြစ်၏။ တစ်ခါတစ်ရံတွင် ၎င်းတို့၏ပါးစပ်ကို အသုံးပြုခြင်း၊ တစ်ခါတစ်ရံ ၎င်းတို့၏လက်များနှင့် ကာယခွန်အားကို အသုံးပြုခြင်း၊ တစ်ခါတစ်ရံ ဟိုဒီ ပြေးလွှားခြင်းကို ဆိုလိုသည်။ ထိုအရာများအားဖြင့် အသက်ရှင်ခြင်းမှာ လူတစ်ဦး၏ခွန်အားကို အသုံးပြုခြင်းဖြစ်ပြီး၊ သမ္မာတရားကို လက်တွေ့လုပ်ဆောင်ခြင်း မဟုတ်ဟု အဘယ်ကြောင့် ဆိုထားသနည်း။ တစ်စုံတစ်ဦးသည် ဘုရားသခင်၏အိမ်တော်က အလုပ်တစ်ခုကို ပေးအပ်ခံရပြီး၊ ယင်းကို ရရှိခြင်းနှင့် ပတ်သက်၍ ၎င်းတို့သည် အသင်းတော်ခေါင်းဆောင်များကို ပြောပြနိုင်ပြီး ၎င်းတို့၏ချီးကျူးခြင်းကို ခံနိုင်ရန်အတွက် ဤအလုပ်ကို အမြန်ဆုံးမည်ကဲ့သို့ လုပ်ဆောင်ပြီးစီးရန်အကြောင်းကိုသာ စဉ်းစားကြ၏။ ၎င်းတို့၌ တစ်ဆင့်ပြီးတစ်ဆင့် အစီအစဉ်တစ်ခု စိတ်ကူးရကောင်းရနိုင်သည်။ ၎င်းတို့သည် အလွန်အလေးအနက်ထားပုံ ရသော်လည်း ၎င်းတို့သည် အလုပ်ကို ပုံပန်းအတွက် လုပ်ဆောင်ခြင်းထက်ပို၍ မည်သည့်အရာကိုမျှ အာရုံမထားကြပေ၊ သို့မဟုတ် ၎င်းတို့ လုပ်ဆောင်နေသည့်အခါ ၎င်းတို့သည် ပျော်ရွှင်ခြင်းနှင့် ရောင့်ရဲခြင်းကို ခံစားကြရပြီး ၎င်းတို့ကြိုးပမ်းသော စုံလင်ခြင်းအဆင့်သို့ ရောက်ရှိကြရန် ၎င်းတို့အတွက် လုပ်ဆောင်ပုံနှင့်ပတ်သက်၍ ကိုယ်ပိုင်စံနှုန်းကို သတ်မှတ်ကြ၏။ ၎င်းတို့သည် မည်သည့် စံနှုန်းကိုသတ်မှတ်ကြပါစေ၊ သမ္မာတရားနှင့်ဆက် နွှယ်မှုမရှိပါက၊ အရေးယူလုပ်ဆောင်ခြင်း မပြုမီ သမ္မာတရားကို ရှာဖွေခြင်း သို့မဟုတ် ၎င်းတို့ကို ဘုရားသခင်စေခိုင်းသော အရာတို့ကို နားလည်ပြီး အတည်ပြုခြင်း မရှိသော်လည်း၊ ဆန့်ကျင်ဘက်အနေဖြင့် ၎င်းတို့သည် မမြင်မစမ်း စိတ်ရှုပ်ထွေး၍ ဆင်ကန်းတောတိုး ပြုမူလုပ်ဆောင်ပါက ဤသည်မှာ ၎င်းတို့ကိုယ်ကို အားထုတ်ကြိုးပမ်းခြင်းသာ ဖြစ်၏။ ၎င်းတို့သည် ၎င်းတို့၏အလိုဆန္ဒများ၊ ၎င်းတို့၏ဦးနှောက် သို့မဟုတ် ဆုကျေးဇူးများ၊ သို့မဟုတ် ၎င်းတို့၏စွမ်းရည်များနှင့် တတ်ကျွမ်းမှုများအလျောက် ပြုမူလုပ်ဆောင်နေကြခြင်းဖြစ်၏။ ထို့ကြောင့် ဤနည်းဖြင့် ၎င်းတို့အလုပ်လုပ်ဆောင်ခြင်း၏ အကျိုးဆက်မှာ အဘယ်နည်း။ အလုပ်သည် ပြီးမြောက်ကောင်း ပြီးမြောက်နိုင်ခဲ့သည်၊ မည်သူမျှ အမှားအယွင်း တစ်စုံတစ်ခုကိုမျှ သိခြင်းမရှိဘဲ၊ သင်သည် ၎င်းနှင့်ပတ်သက်၍ အလွန်ပျော်ရွှင်ကောင်း ပျော်ရွှင်နေနိုင်သည်။ သို့သော်လည်း ၎င်းကို လုပ်ဆောင်နေစဉ် နံပါတ်တစ်- သင်သည် ဘုရားသခင်၏ရည်ရွယ်ချက်ကို နားမလည်ခဲ့ပေ၊ ထို့အပြင် နံပါတ်နှစ်- သင်သည် ၎င်းကို သင်၏စိတ်နှလုံးအကြွင်းမဲ့နှင့် ခွန်အားရှိသမျှဖြင့် လုပ်ဆောင်ခဲ့ခြင်းမရှိပေ၊ သင်စိတ်ပါလက်ပါလုပ်ဆောင်ခဲ့ခြင်းမရှိပေ။ အကယ်၍ သင်သည် သမ္မာတရား၏နိယာမများကို ရှာာဖွေခဲ့ပြီးဖြစ်ပါက၊ အကယ်၍ သင်သည် ဘုရားသခင်၏အလိုတော်ကို ရှာဖွေခဲ့ပြီးဖြစ်ပါက၊ သင်သည် အလုပ်ကို ပြီးမြောက်အောင် လုပ်ဆောင်ရာတွင် ၉၀ ရာခိုင်နှုန်း ထိရောက်မှု ရှိခဲ့မည် ဖြစ်ပြီး၊ သင်သည် သမ္မာတရား၏ စစ်မှန်မှုထဲသို့လည်း ဝင်ရောက်နိုင်ခဲ့ပြီး သင် လုပ်ဆောင်နေသောအရာမှာ ဘုရားသခင်၏ အလိုတော်နှင့်ညီကြောင်း သင် မှန်ကန်စွာ နားလည်ခဲ့ပြီးဖြစ်လိမ့်မည်။ သို့ရာတွင် အကယ်၍ သင်သည် သတိလက်လွတ်နှင့် ဖြစ်ကတတ်ဆန်း ဖြစ်ခဲ့ပါက၊ အလုပ်ပြီးမြောက်ကောင်း ပြီးမြောက်ခဲ့နိုင်သော်လည်း သင်၏စိတ်နှလုံးထဲ၌ ၎င်းကို သင် မည်မျှကောင်းစွာ လုပ်ဆောင်ခဲ့ကြောင်းနှင့်ပတ်သက်၍ ရှင်းလင်းလိမ့်မည် မဟုတ်ပေ။ သင်၌ စံအမှတ် ရှိလိမ့်မည်မဟုတ်ပေ၊ ၎င်းမှာ ဘုရားသခင်၏အလိုတော်နှင့် ညီမညီ သိလိမ့်မည်မဟုတ်ပေ၊ သို့မဟုတ် သမ္မာတရားနှင့် ညီမညီ သိလိမ့်မည်မဟုတ်ပေ။ ထို့ကြောင့် ဤအခြေအနေမျိုးတွင် တာဝန်များကို လုပ်ဆောင်သောအခါတိုင်း၊ သင့်ကိုယ်သင် အားထုတ်ကြိုးစားခြင်းဟူသော စကားလုံးနှစ်လုံးဖြင့် ဤအရာကို ရည်ညွှန်းနိုင်ပါသည်။

ဘုရားသခင်ကို ယုံကြည်သောသူတိုင်း သူ၏ အလိုတော်ကို နားလည်သင့်၏။ ၎င်းတို့၏ တာဝန်များကို မှန်မှန်ကန်ကန် ဖြည့်ဆည်းသော သူတို့သာ ဘုရားသခင်ကို စိတ်ကျေနပ်စေနိုင်ကြပြီး၊ ၎င်းတို့ကို သူ အပ်နှံသည့် အလုပ်တာဝန်များကို ဖြည့်ဆည်းခြင်းအားဖြင့်သာ ၎င်းတို့၏ တာဝန်များကို ၎င်းတို့ ဖြည့်ဆည်းခြင်းက စံချိန်မီလိမ့်မည်ဖြစ်သည်။ အလုပ်တာဝန်တစ်ခုကို ပြီးမြောက်စေရာ၌ လူတို့သည် သမ္မာတရားကို လက်တွေ့မကျင့်သုံး သို့မဟုတ် သမ္မာတရားကို မရှာဖွေသည့်အခါ၊ သူတို့သည် သမ္မာတရား၌ သူတို့၏ စိတ်နှလုံးများကို မဆက်ကပ်သည့်အခါ၊ တစ်နည်းအားဖြင့် သူတို့သည် အာဂုံဆောင်ရန် သူတို့၏ ဦးနှောက်များကိုသာ အသုံးပြုခြင်း၊ လုပ်ဆောင်ရန် သူတို့၏ လက်များကိုသာ အသုံးပြုခြင်းနှင့် ပြေးလွှားရန် သူတို့၏ ခြေထောက်များကိုသာ အသုံးပြုခြင်း ရှိသည့်အခါ ဘုရားသခင်၏ တာဝန်ပေးစေခိုင်းချက်ကို သူတို့ အမှန်တကယ် မပြီးမြောက်ကြသေးပေ။ ဘုရားသခင်၏ တာဝန်ပေးစေခိုင်းချက်အား ပြီးမြောက်စေခြင်းအတွက် စံနှုန်းများရှိသည်။ ထိုစံနှုန်းများ အဘယ်နည်း။ သခင်ယေရှုက၊ “သင်၏ဘုရားသခင် ထာဝရဘုရားကို စိတ်နှလုံးအကြွင်းမဲ့၊ ဉာဏ်ရှိသမျှ၊ ကိုယ်စွမ်းရှိသမျှနှင့်ချစ်လော့” ဟု ပြောခဲ့သည်။ ဘုရားသခင်ကို ချစ်ခြင်းမှာ လူတို့အပေါ် ဘုရားသခင် သတ်မှတ်ထားသောအရာထဲမှ ရှုထောင့်တစ်ခုဖြစ်၏။ အမှန်အားဖြင့် ဘုရားသခင်သည် လူတို့အား တာဝန်ပေးစေခိုင်းချက်တစ်ခုကို ပေးသောအခါ၊ ၎င်းတို့သည် ၎င်းတို့၏တာဝန်ကို ယုံကြည်ခြင်းဖြင့် ထမ်းဆောင်သောအခါ၊ ၎င်းတို့အား ကိုယ်တော်သတ်မှတ်ထားသော စံနှုန်းများမှာ ဤအရာများဖြစ်ကြ၏- သင်၏စိတ်နှလုံးအကြွင်းမဲ့၊ ဉာဏ်ရှိသမျှ၊ ကိုယ်စွမ်းရှိသမျှဟူ၍ ဖြစ်သည်။ အကယ်၍ သင်သည် ရောက်လာသော်လည်း သင်၏စိတ်နှလုံးမပါသော်၊ သင်၏ဦးခေါင်းဖြင့် အလုပ်များအကြောင်းကို တွေးပြီး မှတ်ဉာဏ်၌ မှတ်သားသော်လည်း သင်၏စိတ်နှလုံးကို ၎င်းတို့ထဲ၌ မထားသော်၊ သင်၏ကိုယ်ပိုင်အစွမ်းအစများကို အသုံးပြု၍အမှုအရာများကို လုပ်ဆောင်ပြီးစီးလျှင် ယင်းမှာ ဘုရားသခင်၏တာဝန်ပေးစေခိုင်းချက်ကို ပြီးပြည့်စုံစေခြင်းဖြစ်သလော။ ထို့ကြောင့် သင်၏တာဝန်ကို မှန်မှန်ကန်ကန် ထမ်းဆောင်ရန်နှင့် သင့်ကို ဘုရားသခင် အပ်နှံထားသောအရာ ဖြစ်မြောက်စေရန်နှင့် သင်၏တာဝန်ကို သစ္စာရှိရှိ ထမ်းဆောင်ရန်အတွက် မည်သည့်စံနှုန်း ပြည့်မီရမည်နည်း။ ယင်းမှာ သင်၏တာဝန်ကို သင်၏စိတ်နှလုံးအကြွင်းမဲ့၊ ဉာဏ်ရှိသမျှ၊ ကိုယ်စွမ်းရှိသမျှဖြင့် လုပ်ဆောင်ခြင်းဖြစ်၏။ ဘုရားသခင်ကို ချစ်သော စိတ်နှလုံးတစ်ခု သင်၌မရှိလျှင်၊ သင်၏ တာဝန်ကို မှန်မှန်ကန်ကန် ဖြည့်ဆည်းရန် ကြိုးပမ်းခြင်းက အလုပ်ဖြစ်လိမ့်မည် မဟုတ်။ ဘုရားသခင်အတွက် သင်၏ ချစ်ခြင်းမေတ္တာ ပိုတိုး၍ ခိုင်မာလာပြီး ပို၍ပို၍ စစ်မှန်လာလျှင်၊ သင်၏ တာဝန်ကို သင့်စိတ်နှလုံး၊ သင့် ဝိညာဉ်၊ သင့် စိတ်နှင့် ခွန်အား အားလုံးတို့ဖြင့် အလိုအလျောက် သင်ဆောင်ရွက်နိုင်လိမ့်မည် ဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူတို့ အသက်ရှင်ဖို့ မှီခိုနေခဲ့ကြသည့် အရာအတိအကျ” မှ

လူအချို့အတွက် ၎င်းတို့၏တာဝန်များကို ထမ်းဆောင်ရာ၌ မည်သည့်ပြဿနာကို တွေ့ကြုံကောင်း တွေ့ကြုံကြပါစေ၊ ၎င်းတို့သည် သမ္မာတရားကို မရှာဖွေဘဲ ၎င်းတို့၏ကိုယ်ပိုင် အတွေးများ၊ အယူအဆများ၊ စိတ်ကူးများနှင့် အလိုဆန္ဒများနှင့်အညီ အစဉ်ပြုမူလုပ်ဆောင်ကြ၏။ ၎င်းတို့သည် ၎င်းတို့၏ တစ်ကိုယ်ကောင်းဆန်သော အလိုဆန္ဒများကို စဉ်ဆက်မပြတ် ဖြည့်ဆည်းနေကြပြီး ၎င်းတို့၏ဖောက်ပြန်ပျက်စီးသော စိတ်သဘောထားများသည် ၎င်းတို့၏လုပ်ဆောင်ချက်များကို အမြဲ ထိန်းချုပ်နေ၏။ ၎င်းတို့သည် ၎င်းတို့အား သတ်မှတ်ခွဲဝေပေးထားသည့် တာဝန်များကို ပြီးမြောက်အောင် ဆောင်ရွက်ကောင်း ဆောင်ရွက်နိုင်ကြသော်လည်း မည်သည့်သမ္မာတရားကိုမျှ မရရှိကြပေ။ ထို့ကြောင့် ထိုသို့သော လူတို့သည် မိမိတို့၏ တာဝန်များကို ဆောင်ရွက်နေချိန်တွင် မည်သည့်အရာများအပေါ် မှီခိုနေကြသနည်း။ ၎င်းတို့သည် သမ္မာတရားအပေါ် မှီခိုနေခြင်း မဟုတ်သကဲ့သို့ ဘုရားသခင်ကို မှီခိုနေခြင်းလည်း မဟုတ်ပေ။ ၎င်းတို့နားလည်သော ထိုသမ္မာတရားအနည်းငယ်သည် ၎င်းတို့၏စိတ်နှလုံးများထဲ၌ အချုပ်အခြာအာဏာ မရယူထားပေ။ ၎င်းတို့သည် ၎င်းတို့၏ကိုယ်ပိုင် အထုံပါရမီများနှင့် အစွမ်းအစများ၊ ၎င်းတို့ ဆည်းပူးရရှိခဲ့သော မည်သည့် အသိပညာမဆိုနှင့် ၎င်းတို့၏ ပင်ကိုစွမ်းရည်များအပြင်၊ ဤတာဝန်များကို ပြီးစီးစေရန် ၎င်းတို့၏ စိတ်စွမ်းအား သို့မဟုတ် ကောင်းသော ရည်ရွယ်ချက်များအပေါ် မှီခိုနေကြပေသည်။ ဤသည်မှာ ၎င်းတို့၏တာဝန်ကို ကောင်းစွာ ထမ်းဆောင်ခြင်း ဖြစ်သလော။ ဤသည်မှာ ၎င်းတို့၏တာဝန်ကို ကျေနပ်ဖွယ်ရာ ထမ်းဆောင်ခြင်း ဖြစ်သလော။ သင်သည် တစ်ခါတစ်ရံတွင် သင်၏တာဝန်ကို ဖြည့်ဆည်းဖို့ သင်၏သဘာဝကျခြင်း၊ စိတ်ကူးစိတ်သန်း၊ အယူအဆများ၊ အသိပညာနှင့် သင်ယူခြင်းတို့ကို အမှီပြုကောင်း အမှီပြုနိုင်သော်လည်း၊ သင် လုပ်ဆောင်သည့် အရာတစ်ချို့တွင် ကိုယ်ကျင့်တရားဆိုင်ရာ မည်သည့် ပြဿနာများမျှ မထွက်ပေါ်ပေ။ အပေါ်ယံအားဖြင့်၊ သင်သည် လမ်းမှား လိုက်ခဲ့ခြင်း မရှိသေးသည့်အလား ထင်ရသော်လည်း၊ လျစ်လျူရှု၍မရသော အရာတစ်ခုရှိ၏- သင်၏တာ၀န်ကို ဆောင်ရွက်ခြင်း လုပ်ငန်းစဉ်အတွင်းတွင်၊ အကယ်၍ သင်၏အယူအဆများ၊ စိတ်ကူးများနှင့် ကိုယ်ပိုင်အလိုဆန္ဒများ မည်သည့်အခါမျှ မပြောင်းလဲဘဲ သမ္မာတရားနှင့် မည်သည့်အခါမျှ အစားထိုးခြင်း မရှိပါက၊ ပြီးလျှင် သင်၏လုပ်ရှားမှုများနှင့် လုပ်ဆောင်ချက်များမှာ သမ္မာတရား အခြေခံသဘောတရားများနှင့်အညီ မည်သည့်အခါမျှ လုပ်ဆောင်ခြင်းမရှိပါက၊ နောက်ဆုံးရလဒ်မှာ မည်သို့ ဖြစ်လိမ့်မည်နည်း။ သင်သည် အစေခံသူတစ်ဦး ဖြစ်လာလိမ့်မည်။ ဤသည်မှာ သမ္မာကျမ်းစာထဲ၌ “ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် ဆုံးမဩဝါဒပေးပါပြီ မဟုတ် လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီ မဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီမဟုတ်လောဟု အများသော သူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျှင်းမသိ၊ အဓမ္မအမှုကို ပြုသောသူတို့၊ ငါ့ထံမှ ဖယ်ကြဟု ထိုသူတို့အား အတည့်အလင်း ငါပြောမည်။” (ရှင်မဿဲခရစ်ဝင် ၇:၂၂-၂၃) ဟု အတိအကျ ရေးသားထားသည့်အရာ ဖြစ်သည်။ ဘုရားသခင်သည် လုံ့လဝီရိယကို အသုံးပြုပြီး အစေခံခြင်းကို လုပ်ဆောင်သော ဤလူတို့အား “အဓမ္မအမှုကိုပြုသောသူတို့” ဟု အဘယ့်ကြောင့် ခေါ်သနည်း။ ငါတို့တွင် သေချာနိုင်သော အချက်တစ်ချက်ရှိသည်၊ ယင်းမှာ မည်သည့် တာဝန်များ သို့မဟုတ် အလုပ်ကို ဤလူတို့က လုပ်ဆောင်ပါစေ၊ ၎င်းတို့၏ အရင်းခံအကြောင်းရင်းများ၊ တွန်းအား၊ ရည်ရွယ်ချက်များနှင့် အတွေးများသည် သူတို့၏ တစ်ကိုယ်ကောင်းဆန်သော စိတ်ဆန္ဒများမှ လုံးလုံးလျားလျား ထွက်ပေါ်လာကာ၊ ၎င်းတို့၏ကိုယ်ပိုင် ထင်မြင်ချက်များနှင့် ကိုယ်ကျိုးများအပေါ် လုံးဝအခြေခံထားပြီး၊ ၎င်းတို့၏ အရေးထားမှုနှင့် အစီအစဉ်များသည် ၎င်းတို့၏ နာမည်ဂုဏ်သတင်း၊ အဆင့်အတန်း၊ ဝင့်ဝါမှုနှင့် အနာဂတ်မျှော်လင့်ချက်များကို လုံးဝ ဗဟိုပြုပေသည်။ စိတ်ထဲတွင်၊ ၎င်းတို့သည် သမ္မာတရား လုံး၀မပိုင်ဆိုင်ကြသကဲ့သို့၊ သမ္မာတရား အခြေခံသဘောတရားများနှင့်အညီ ၎င်းတို့ မပြုမူကြပေ။ ထို့ကြောင့်၊ ယခု သင်တို့အတွက် ရှာဖွေဖို့ အရေးကြီးသောအရာမှာ မည်သည့်အရာနည်း။ (သမ္မာတရားကို ကျွန်ုပ်တို့ ရှာဖွေသင့်ပြီး ဘုရားသခင်၏ အလိုတော်နှင့် ပြဋ္ဌာန်းချက်များနှင့်အညီ ကျွန်ုပ်တို့၏ တာဝန်များကို ဆောင်ရွက်သင့်ပါသည်။) ဘုရားသခင်၏ ပြဋ္ဌာန်းချက်များနှင့်အညီ သင်တို့၏ တာဝန်များကို ထမ်းဆောင်ရာတွင် အတိအကျအားဖြင့် မည်သည့်အရာကို သင်တို့ လုပ်ဆောင်သင့်သနည်း။ တစ်စုံတစ်ခု လုပ်ဆောင်သောအခါ သင်၏ ရည်ရွယ်ချက်များ၊ ထင်မြင်ချက်များနှင့် စပ်လျဉ်း၍ ၎င်းတို့သည် သမ္မာတရားနှင့် ကိုက်ညီမှုရှိမရှိ ဆိုသည့်အပြင်၊ သင်၏ ရည်ရွယ်ချက်များနှင့် စိတ်ကူးများသည် သင်၏ကိုယ်ပိုင် အတ္တဆန်သော စိတ်ဆန္ဒများ သို့မဟုတ် ဘုရားသခင်၏ အိမ်တော်၏ အကျိုးအမြတ်များကို ဖြည့်ဆည်းရန် စီမံထားခြင်း ရှိမရှိဆိုသည်ကို မည်သို့ သိမြင်ရမည်ကို သင် သင်ယူရမည်။ သင်၏ ရည်ရွယ်ချက်များနှင့် စိတ်ကူးများသည် သမ္မာတရားနှင့် ကိုက်ညီမှုရှိပါက သင်၏တာဝန်ကို သင်၏ အတွေးနှင့်အညီ သင် လုပ်ဆောင်နိုင်၏။ သို့သော်၊ ၎င်းတို့သည် သမ္မာတရားနှင့် ကိုက်ညီမှုမရှိပါက သင်သည် အလျင်အမြန် ပြန်လှည့်ပြီး ထိုလမ်းကြောင်းကို စွန့်ခွာရမည်။ ထိုလမ်းကြောင်းသည် မမှန်ကန်သကဲ့သို့၊ ထိုအတိုင်း သင်လက်တွေ့လုပ်ဆောင်၍ မရပေ။ ထိုလမ်းကြောင်းအတိုင်း သင် ဆက်လက်လျှောက်လှမ်းပါက၊ သင်သည် မကောင်းမှု ကျူးလွန်ခြင်းဖြင့် အဆုံးသတ်လိမ့်မည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “လူတစ်ဦး၏တာဝန်များထဲ၌ ဘုရားသခင်၏နှုတ်ကပတ်တော်များကို ခံစားနည်း” မှ

ပေတရုသည် ကိုင်တွယ်ဖြေရှင်းခြင်းနှင့် စစ်ဆေးခြင်းတို့မှတစ်ဆင့် စုံလင်စေခြင်း ခံခဲ့ရသည်။ သူက “ငါသည် အချိန်တိုင်းတွင် ဘုရားသခင်၏ စိတ်ဆန္ဒကို ဖြည့်ဆည်းရမည်။ ငါပြုသော အရာအားလုံး၌ ဘုရားသခင်၏ စိတ်ဆန္ဒကို ဖြည့်ဆည်းပေးဖို့သာ ငါ ရှာဖွေပြီး၊ ငါသည် ပြစ်တင်ဆုံးမခံရသည် ဖြစ်စေ၊ တရားစီရင်ခြင်း ခံရသည်ဖြစ်စေ၊ ထိုသို့ လုပ်ဆောင်ရန် ငါပျော်ရွှင်ဆဲ ဖြစ်သည်။” ဟု ပြောခဲ့သည်။ ပေတရုသည် သူ၏ အလုံးစုံကို ဘုရားသခင်အား ပေးခဲ့ပြီး၊ သူ၏အလုပ်၊ စကားများနှင့် အသက်တာတစ်ခုလုံးသည် ဘုရားသခင်အား ချစ်ခြင်းအတွက်သာ ဖြစ်ခဲ့သည်။ သူသည် သန့်ရှင်းခြင်းကို ဖွေရှာသောသူတစ်ဦး ဖြစ်ခဲ့ပြီး၊ သူ သာ၍ တွေ့ကြုံခဲ့ရလေလေ၊ သူ၏စိတ်နှလုံးထဲတွင် ဘုရားသခင်အတွက် သူ၏ ချစ်ခြင်းသည် သာ၍ ကြီးမားလေလေ ဖြစ်သည်။ သို့သော်လည်း ပေါလုမှာ အပြင်ပန်း အလုပ်ကိုသာ လုပ်ဆောင်ခဲ့ပြီး၊ သူသည်လည်း ကြိုးစားလုပ်ဆောင်ခဲ့ သော်ငြားလည်း၊ သူ၏ အားထုတ်မှုများမှာ သူ၏ အလုပ်ကို ကောင်းမွန်စွာ လုပ်ဆောင်ရန်အတွက်ဖြစ်ခဲ့ပြီး၊ ထိုသို့ဖြင့် ဆုလာဘ်ရယူရန်အတွက် ဖြစ်သည်။ သူသည် မည်သည့် ဆုလာဘ်မျှ ရရှိမည် မဟုတ်သည်ကို သိခဲ့ပါက၊ သူသည် သူ၏ အလုပ်ကို လက်လျှော့မိပြီး ဖြစ်ပေမည်။ ပေတရု အလေးထားခဲ့သော အရာမှာ သူ၏ နှလုံးသားအတွင်းရှိ စစ်မှန်သော ချစ်ခြင်းမေတ္တာ ဖြစ်ပြီး၊ ယင်းသည် လက်တွေ့ကျကာ စွမ်းဆောင်ရရှိ၍ ရနိုင်ပေသည်။ သူသည် ဆုလာဘ် ရရှိမည်၊ မရရှိမည်ကို အရေးမစိုက်ခဲ့ဘဲ၊ သူ၏ စိတ်သဘောထား ပြောင်းလဲနိုင်ခြင်း ရှိ မရှိကို အရေးစိုက်ခဲ့သည်။ ပေါလုသည် သာ၍ အလုပ်ကြိုးစားလုပ်ခြင်းကို အရေးစိုက်ခဲ့သည်၊ သူသည် အပြင်ပန်း အလုပ်နှင့် ဆက်ကပ်ခြင်း၊ ပြီးလျှင် ပုံမှန်လူများက မတွေ့ကြုံသည့် အယူဝါဒများကို အရေးစိုက်ခဲ့သည်။ သူ၏အတွင်းနက်နက်ရှိ ပြောင်းလဲမှုများကို သူ အရေးမစိုက်ခဲ့သကဲ့သို့၊ ဘုရားသခင်ကို စစ်မှန်သော ချစ်ခြင်းကိုလည်း အရေးမစိုက်ခဲ့ပေ။ ပေတရု၏ အတွေ့အကြုံများသည် ဘုရားသခင်နှင့်သက်ဆိုင်သည့် စစ်မှန်သော ချစ်ခြင်းနှင့် စစ်မှန်သော အသိပညာတို့ကို စွမ်းဆောင်ရရှိရန် အလို့ငှာ ဖြစ်ခဲ့သည်။ သူ၏ အတွေ့အကြုံများသည် ဘုရားသခင်နှင့် သာ၍ နီးကပ်သော ဆက်ဆံရေးကို ရရှိရန်နှင့် လက်တွေ့ကျသော အသက်ရှင်နေထိုင်ခြင်း ရှိရန်အလို့ငှာ ဖြစ်ခဲ့သည်။ ပေါလု၏ အလုပ်မှာ ယေရှုက သူ့ကို ပေးအပ်ခဲ့သည့်အရာကြောင့် ဖြစ်ခဲ့ပြီး၊ သူတောင့်တသော အရာများကို ရရှိရန်အလို့ငှာ ဖြစ်ခဲ့သည်၊ သို့သော်ငြားလည်း ဤအရာများသည် သူကိုယ်တိုင်နှင့် ဘုရားသခင်နှင့်ဆိုင်သော အသိပညာနှင့် မည်သည့် ဆက်နွှယ်မှုမျှ မရှိခဲ့ပေ။ သူ၏ အလုပ်သည် ပြစ်တင်ဆုံးမခြင်းနှင့် တရားစီရင်ခြင်းတို့မှ ရုန်းထွက်လွတ်မြောက်ရန်အတွက် လုံးဝဥဿုံ ဖြစ်ခဲ့သည်။ ပေတရု ဖွေရှာခဲ့သော အရာမှာ ဖြူစင်သော ချစ်ခြင်းဖြစ်ပြီး၊ ပေါလု ဖွေရှာခဲ့သော အရာမှာ ဓမ္မသရဖူ ဖြစ်ခဲ့သည်။ ပေတရုသည် သန့်ရှင်းသော ဝိညာဉ်တော်၏ အလုပ်များကို နှစ်ပေါင်းများစွာ ကိုယ်တွေ့ကြုံခဲ့ရပြီး၊ ခရစ်တော်နှင့် ပတ်သက်၍ လက်တွေ့ကျသော အသိပညာရှိခဲ့သည့်အပြင်၊ မိမိကိုယ်တိုင်နှင့် ပတ်သက်၍ သိမ်မွေ့လေးနက်သော အသိပညာ ရှိခဲ့သည်။ ထို့ကြောင့် ဘုရားသခင်အား သူ၏ချစ်ခြင်းသည် ဖြူစင်ခဲ့ပေသည်။ နှစ်ပေါင်းများစွာကြာသော စစ်ဆေးခြင်းသည် ယေရှု၊ အသက်နှင့် ပတ်သက်သည့် သူ၏ အသိပညာကို မြှင့်တင်ပေးခဲ့ပြီးဖြစ်သကဲ့သို့၊ သူ၏ ချစ်ခြင်းသည် အခြေအနေအပေါ် မမူတည်သော ချစ်ခြင်း ဖြစ်သည်၊ ယင်းသည် အလိုအလျောက် ဖြစ်သော ချစ်ခြင်း ဖြစ်ကာ သူသည် အပြန်အလှန်အနေဖြင့် မည်သည့်အရာကိုမျှ မတောင်းခဲ့သကဲ့သို့၊ မည်သည့် အကျိုးအမြတ်ကိုမျှ မမျှော်လင့်ခဲ့ပေ။ ပေါလုသည် နှစ်ပေါင်းများစွာ အလုပ်လုပ်ခဲ့သော်လည်း၊ သူသည် ခရစ်တော်နှင့် ပတ်သက်သည့် ကြီးမားသော အသိပညာကို မပိုင်ဆိုင်ခဲ့သကဲ့သို့၊ မိမိကိုယ်တိုင်နှင့် ပတ်သက်သည့် သူ၏ အသိပညာသည်လည်း သနားစရာကောင်းလောက်အောင် သေးနုပ်ခဲ့သည်။ သူသည် ခရစ်တော်ကို ချစ်ခြင်း တကယ်ကို မရှိခဲ့သကဲ့သို့၊ သူ၏ အလုပ်နှင့် သူပြေးခဲ့သော လမ်းကြောင်းသည် နောက်ဆုံး အောင်ပန်းကို ရရှိနိုင်ရန်အလို့ငှာ ဖြစ်သည်။ သူဖွေရှာခဲ့သော အရာသည် အကောင်းဆုံးသော သရဖူ ဖြစ်ပြီး၊ အစင်ကြယ်ဆုံး ချစ်ခြင်း မဟုတ်ခဲ့ပေ။ သူသည် တက်ကြွစွာ ဖွေရှာခြင်း မရှိခဲ့ဘဲ၊ မတုန်မလှုပ်ဖြစ်ခဲ့သည်။ သူသည် သူ၏ တာဝန်အား ထမ်းဆောင်နေခဲ့ခြင်း မဟုတ်ဘဲ၊ သန့်ရှင်းသော ဝိညာဉ်တော်၏ အလုပ်အားဖြင့် သိမ်းပိုက်ခံရခြင်းနောက်တွင် သူ၏ လိုက်စားမှု မဖြစ်မနေလုပ်ခဲ့ရခြင်း ဖြစ်သည်။ ထို့ကြောင့် သူ၏ လိုက်စားခြင်းက သူသည် ဘုရားသခင်၏ အရည်အချင်း ပြည့်မီသော ဖန်ဆင်းခံ သတ္တဝါတစ်ဦးဖြစ်သည်ကို သက်သေ မပြပေ။ မိမိ၏ တာဝန်ကို ထမ်းဆောင်ပြီး ဘုရားသခင်၏ အရည်အချင်း ပြည့်မီသော ဖန်ဆင်းခံ သတ္တဝါတစ်ဦးဖြစ်ခဲ့သူမှာ ပေတရု ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အောင်မြင်မှု သို့မဟုတ် ရှုံးနိမ့်မှုသည် လူလျှောက်သော လမ်းကြောင်းအပေါ်တွင် မူတည်သည်” မှ

ပေါလု၏ အလုပ်သည် အသင်းတော်များအား ထောက်ပံ့ခြင်းနှင့် အားပေးခြင်းတို့ဖြင့် နှီးနွှယ်သည်။ ပေတရု ကြုံတွေ့ခဲ့ရသော အရာမှာမူ သူ၏ အသက်စိတ်သဘောထား၌ ပြောင်းလဲမှုများ ဖြစ်သည်။ သူသည် ဘုရားသခင်ကို ချစ်ခြင်းအား ကြုံတွေ့ခံစားခဲ့ရသည်။ ယခုတွင် သင်သည် ၎င်းတို့ အနှစ်သာရများရှိ ကွဲပြားခြားနားချက်များကို သိသည့်အတွက်၊ နောက်ဆုံးတွင် မည်သူသည် ဘုရားသခင်အား အမှန်တကယ် ယုံကြည်ခဲ့ပြီး၊ မည်သူသည် ဘုရားသခင်အား အမှန်တကယ် မယုံကြည်ခဲ့သည်ကို သင်မြင်နိုင်ပေသည်။ ၎င်းတို့ထဲမှ တစ်ဦးသည် ဘုရားသခင်အား အမှန်တကယ် ချစ်ခဲ့ပြီး၊ အခြားတစ်ယောက်သည် ဘုရားသခင်ကို အမှန်တကယ် မချစ်ခဲ့ပေ။ တစ်ဦးသည် သူ၏ စိတ်သဘောထား၌ ပြောင်းလဲမှုများ ကြုံခဲ့ရပြီး၊ အခြားတစ်ဦးက မကြုံခဲ့ရပေ။ တစ်ဦးသည် နှိမ့်ချစွာ အစေခံခဲ့ပြီး လူများက လွယ်ကူစွာ သတိမပြုမိခဲ့သကဲ့သို့ အခြားတစ်ဦးသည် လူများ၏ ကိုးကွယ်ခြင်း ခံခဲ့ရကာ ကြီးမြတ်သည့် ပုံရိပ်ရှိခဲ့သည်။ တစ်ဦးသည် သန့်ရှင်းခြင်းကို ရှာဖွေခဲ့ပြီး၊ အခြားတစ်ဦးကမူ မရှာဖွေခဲ့သကဲ့သို့၊ သူသည် မစင်ကြယ်သောသူ မဟုတ်ခဲ့သော်လည်း၊ သူသည် စင်ကြယ်သော ချစ်ခြင်းကို မပိုင်ဆိုင်ခဲ့ပေ။ တစ်ဦးသည် စစ်မှန်သော လူ့သဘာဝကို ပိုင်ဆိုင်ခဲ့ပြီး၊ အခြားတစ်ဦးသည် မပိုင်ဆိုင်ခဲ့။ တစ်ဦးသည် ဘုရားသခင်၏ ဖန်ဆင်းခံ သတ္တဝါတစ်ဦး၏ အသိစိတ် ပိုင်ဆိုင်ပြီး၊ အခြားတစ်ဦးက မပိုင်ဆိုင်ခဲ့ပေ။ ယင်းတို့မှာ ပေတရုနှင့် ပေါလုတို့၏ အနှစ်သာရများထဲရှိ ကွဲပြားခြားနားချက်များ ဖြစ်သည်။ ပေတရု လျှောက်ခဲ့သော လမ်းကြောင်းသည် အောင်မြင်မှု၏ လမ်းကြောင်း ဖြစ်သည်၊ ယင်းသည် ပုံမှန်လူ့သဘာဝနှင့် ဘုရားသခင်၏ ဖန်ဆင်းခံ သတ္တဝါ တစ်ဦး၏ တာဝန်တို့ကို ပြန်ရရှိခြင်းအား စွမ်းဆောင်ရရှိခြင်း လမ်းကြောင်းလည်း ဖြစ်သည်။ ပေတရုသည် အောင်မြင်သော သူအားလုံးကို ကိုယ်စားပြုသည်။ ပေါလု လျှောက်ခဲ့သော လမ်းကြောင်းသည် ရှုံးနိမ့်မှု လမ်းကြောင်းဖြစ်ပြီး၊ သူသည် မိမိကိုယ်ကိုယ် အပေါ်ယံ ကျိုးနွံနာခံပြီး အသုံးခံသော သူအားလုံးကို ကိုယ်စားပြုကာ၊ ဘုရားသခင်ကို စစ်မှန်ရိုးသားစွာ မချစ်ပေ။ ပေါလုသည် သမ္မာတရားအား ပိုင်ဆိုင်ခြင်းမရှိသော သူအားလုံးကို ကိုယ်စားပြုသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အောင်မြင်မှု သို့မဟုတ် ရှုံးနိမ့်မှုသည် လူလျှောက်သော လမ်းကြောင်းအပေါ်တွင် မူတည်သည်” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

ဘုရားသခင်၌ ယုံကြည်ခြင်း၏ မှန်ကန်သော လမ်းကြောင်းထဲ မဝင်ရောက်သေးသောသူများ၊ ၎င်းတို့၏ အသက်တာ စိတ်သဘောထားက အပြောင်းအလဲတစ်ခုတစ်လေကို မည်သို့မျှ မတွေ့ကြုံဖူးသေးသောသူများနှင့် သမ္မာတရား အနည်းအကျဉ်းကိုမျှ နားမလည်သောသူ အားလုံးတို့သည် ကောင်းချီးမင်္ဂလာများကို ရရှိရန် ၎င်းတို့၏ စိတ်အားထက်သန်မှု နှင့် စိတ်ဓါတ်လှုံ့ဆော်မှုတို့အပေါ် အမှီပြုပြီး အားထုတ်ခြင်း အနည်းငယ်မျှ လုပ်ဆောင်ရန် လိုလားသမျှ၊ ၎င်းတို့ အစေခံနိုင်ပါသည်။ တစ်စုံတစ်ဦးသည် သမ္မာတရားအချို့ကို နားလည်ပြီး၊ ဘုရားသခင်၌ မှန်ကန်သော ယုံကြည်ခြင်းရှိကာ၊ ဘုရားသခင်အကြောင်း မည်သည့် သံသယမျှ လုံးဝ မရှိ၊ ဘုရားသခင်၏ အမှုတော်ကို သိနားလည်မှုရှိ၍၊ ဘုရားသခင်၏ အမှုတော် ရည်ရွယ်ချက်မှာ လူတို့ကို ကယ်တင်ရန်နှင့် စုံလင်စေရန်ဖြစ်သည်ကို မြင်ကာ၊ လူသားအတွက် ဘုရားသခင်၏ ချစ်ခြင်းမေတ္တာမှာ အမှန်တကယ် ကြီးမြတ်သည်ကို မြင်နိုင်ပြီး ဘုရားသခင်ကို ချစ်သော စိတ်နှလုံးတစ်ခုနှင့် ကျွနုပ်တို့ကို ဘုရားသခင်ပေးသော ချစ်ခြင်းမေတ္တာကို ပြန်လည်ပေးဆပ်တတ်သော စိတ်နှလုံးတစ်ခုကို ဖြစ်ပေါ်ပြီးသည်နှင့် တပြိုင်နက်၊ ဤကဲ့သို့သော လူပုဂ္ဂိုလ်မျိုးက ကျေပွန်အောင်ဆောင်ရွက်သော တာဝန်များကို ကောင်းသောအမှု များအဖြစ် ဆိုနိုင်ပါသည်။ ဤလူ ဖြည့်ဆည်းသော တာဝန်များကို ဘုရားသခင်၏ ဖန်ဆင်းခံတစ်ဦးက ကျေပွန်အောင်ဆောင်ရွက်သော တာဝန်များအဖြစ် တရားဝင် မှတ်ယူ၍ရနိုင်ပြီး အစေခံနေခြင်း မဟုတ်ပါ။ တာဝန်များကို ကျေပွန်အောင်ဆောင်ရွက်ခြင်းဆိုသည်မှာ သင်သည် ဘုရားသခင်၏ ချစ်ခြင်းမေတ္တာကို ပြန်လည်ပေးဆပ်ဖို့ နည်းလမ်းတစ်ခုအဖြစ် သင်၏ တာဝန်များကို ကျေပွန်ရန် လိုလိုလားလား ရှိနေသည်ကို ဆိုလိုသည်။ ဤသည်မှာ အစေခံခြင်းနှင့် တာဝန်ကျေပွန်ခြင်းတို့အကြားက ခြားနားမှုဖြစ်သည်။ ရည်ရွယ်ချက်မှာ မတူညီပါ။ စိတ်နှလုံးအတွင်းက အနေအထားနှင့် အခြေအနေမှာ မတူညီပါ။ အစေခံခြင်းဆိုသည်မှာ ကောင်းချီးများရရှိရန် စိတ်ဓာတ် စိတ်ဓာတ်လှုံ့ဆော်မှုနှင့် စိတ်အားထက်သန်မှုတို့၏ စိုးမိုးခြယ်လှယ်ခြင်း ခံရစဉ်အတွင်း တာဝန်အချို့ကို ဆောင်ရွက်ခြင်း ဖြစ်သည်။ လူတစ်ဦး၏ တာဝန်ကို အမှန်တကယ် ကျေပွန်အောင်ဆောင်ရွက်ခြင်းမှာ သမ္မာတရားကို သိနားလည်ခြင်းတစ်ခု၏ အခြေခံအုတ်မြစ်အပေါ် လုပ်ဆောင်ခြင်း ဖြစ်သည်။ ယင်းမှာ ဖန်ဆင်းခံများက ၎င်းတို့၏ တာဝန်များကို ကျေပွန်အောင်ဆောင်ရွက်ခြင်းမှာ ကောင်းကင်ဘုံ၏ နိယာမဖြစ်သည်ကို သိနားလည်ခြင်းအပေါ် အခြေခံပြီး ဘုရားသခင်၏ ချစ်ခြင်းမေတ္တာကို သိနားလည်ခြင်းနှင့် မိမိ၏ တာဝန်များကို ကျေပွန်ရန် ဆန္ဒပေါ်ပေါက်ခြင်းဖြစ်သည့် ဤချစ်ခြင်းမေတ္တာကို ဘုရားသခင်ထံ ပြန်လည်ပေးဆပ်ရန် ဆန္ဒ၏ အခြေခံအုတ်မြစ်အပေါ်တွင် အခြေပြု ထားပါသည်။ ဤသည်မှာ လူတစ်ဦး၏ တာဝန်များကို မှန်ကန်စွာနှင့် ကောင်းမွန်စွာ ကျေပွန်အောင် ဆောင်ရွက်ခြင်းကို ဆိုလိုသည်။

အသက်တာထဲ ဝင်ရောက်ခြင်းအပေါ် မိတ်သဟာယဖွဲ့ခြင်းနှင့် တရားဟောချက်များ မှ

အသက်တာအပေါ် အာရုံစိုက်ပြီး ဘုရားသခင်၏ လူများဖြစ်ဖို့ ကြိုးစားကြသူအားလုံးသည် ၎င်းတို့၏ တာဝန်ကို အချောင်ခို၍မရသော တာဝန်ဝတ္တရားတစ်ခုအဖြစ် ဆောင်ရွက်နိုင်ကြလေသည်။ ဘုရားသခင်၏ ချစ်ခြင်းမေတ္တာကို ပြန်လည်ပေးဆပ်ရန်အတွက် ဤသို့ ပြုလုပ်ကြခြင်းဖြစ်သည်။ ၎င်းတို့၏ တာဝန်များကို ဆောင်ရွက်ရာတွင် ဆုလာဘ်များအပေါ် စျေးမဆစ်ကြသလို တောင်းဆိုမှုများ မရှိကြပါ။ ၎င်းတို့ လုပ်ဆောင်သမျှကို ၎င်းတို့၏ တာဝန်များ ဆောင်ရွက်ခြင်းဟု ခေါ်ဆိုနိုင်သည်။ အစေခံများဟု ခေါ်ဆိုသည့်လူအမျိုးအစားသည် အများဆုံးအနေဖြင့် ၎င်းတို့ ကောင်းကြီးခံစားရဖို့အလို့ငှာ ဘုရားသခင်ကို နှစ်သိမ့်ရန် အားထုတ်မှုအနည်းငယ်သာ လုပ်ဆောင် တတ်ကြသည်။ ၎င်းတို့ ယုံကြည်ချက်သည် အစွန်းအထင်းရှိသည်။ သမ္မာတရား သို့မဟုတ် အသက်ကို ၎င်းတို့ ရှာဖွေဖို့ နေနေသာသာ၊ ၎င်းတို့တွင် အသိတရား သို့မဟုတ် အသိစိတ်မရှိကြချေ။ သဘာဝအားဖြင့် ၎င်းတို့ အဘယ်မျှ ဆိုးဝါးပြီးထိုအတွက်ကြောင့် ၎င်းတို့သည် ဘုရားသခင်၏ လူများ ဖြစ်လာနိုင်ချေမရှိသည်ကို မြင်နိုင်သောကြောင့် အပျက်သဘောဆောင်ခြင်းထဲတွင် အမြဲ နေထိုင်လျက် ဘုရားသခင်၏ လူများဖြစ်လာဖို့ ကြိုးပမ်းရှာဖွေမှုကို ၎င်းတို့ စွန့်လွှတ်တတ်ကြလေသည်။ ထို့ကြောင့်၊ ၎င်းတို့သည် ဘုရားသခင်၏ အလိုတော်အပေါ် လိုရာဆွဲသည့် ၎င်းတို့၏ အယူအဆအားဖြင့် ချည်နှောင်ခံကြရသောကြောင့် ၎င်းတို့ လုပ်ဆောင်သမျှမှာ အစေခံမှုကို ပေးအပ်ခြင်းဖြစ်ပေသည်။ လူတစ်ဦး လျှောက်သော လမ်းကြောင်းသည် ၎င်းလုပ်ဆောင်သည့်အရာမှာ ၎င်း၏ တာဝန်ကို ဆောင်ရွက်နေခြင်း ဖြစ်သည် သို့မဟုတ် အစေခံမှုကို ပေးအပ်ခြင်း ဖြစ်သည်ကို အဆုံးအဖြတ်ပေးသည်။ အကယ်၍ သူသည် သမ္မာတရားကို ရှာဖွေပြီး အသက်တာအပေါ် အာရုံစိုက်လျှင်၊ ဘုရားသခင်၏ ချစ်ခြင်းမေတ္တာကို ပြန်လည်ပေးဆပ်ဖို့နှင့် ဘုရားသခင် ကျေနပ်စေဖို့ သူ၏ တာဝန်ကို ကောင်းကောင်း ဆောင်ရွက်လျှင်၊ ဘုရားသခင်၏ လူတို့ထဲမှ တစ်ဦးဖြစ်လာဖို့ ရည်မှန်းချက်အပေါ် ကြိုးစားလုပ်ဆောင်လျှင်၊ ဤကဲ့သို့သော ရူပါရုံမျိုးသည် သူ၏ အထောက်အပံ့ဖြစ်လျှင်၊ သူလုပ်ဆောင်သောအရာသည် သူ၏ တာဝန်ကို သေချာပေါက် ဆောင်ရွက်နေခြင်း ဖြစ်ပေသည်။ သမ္မာတရား ချို့တဲ့သူများ၊ စိတ်ပျက်လက်ပျက်ဖြစ်နေပြီး အပျက်သဘောဆောင်ခြင်း အခြေအနေထဲတွင် နေထိုင်ကြသူများ၊ ဘုရားသခင်ကို နှစ်သိမ့်ဖို့ရန် နှင့် တစ်ပတ်ရိုက်ဖို့ရန် အနည်းငယ်မျှသော အားထုတ်မှုကိုသာ ထားရှိသူတို့သည် အစေခံမှုကိုသာ ပေးအပ်ကြသည့် လူအမျိုးအစား ဖြစ်ကြသည်။ အစေခံသူများအားလုံးသည် အမှန်တကယ်ပင် အသိတရား သို့မဟုတ် အသိစိတ် မရှိကြသူများဖြစ်ပြီး ၎င်းတို့သည် သမ္မာတရားကို မရှာဖွေသကဲ့သို့ အသက်ကို မပိုင်ဆိုင်ကြသော သူများဖြစ်ကြသည်မှာ ရှင်းပေသည်။ ဤအရာမှ၊ စိတ်ဆုံးဖြတ်မှု မရှိသူ၊ သမ္မာတရားကို မရှာဖွေသူ နှင့် အသက်တာအပေါ် အာရုံမစိုက်သူတို့သည် အစေခံဖြစ်ဖို့ပင် မထိုက်ကြကြောင်း ဖြစ်ကောင်းဖြစ်နိုင်သည်မှာ သိသာထင်ရှားပါသည်။ ၎င်းတို့သည် ဆိုးရွားသော သဘာဝတစ်ခု ရှိကြသည်၊ သမ္မာတရားကို လက်ခံရန်မလိုလားကြသလို ဘုရားသခင်ကို မယုံကြည်ကြချေ။ ဘုရားသခင်၏ နှုတ်ကပတ်တော်များအပေါ် သံသယများပင် ထားသိုတတ်ကြသည်။ ဤသည်မှာ အတိအကျပင် ၎င်းတို့အတွင်းတွင် လုပ်ဆောင်နေသော ၎င်းတို့၏ ကိုယ်ပိုင် လှည့်ဖြားမှုဖြစ်သည်။ အကယ်၍ တစ်စုံတစ်ဦးသည် အမှန်တကယ် အစေခံတစ်ဦးဖြစ်လျှင်၊ သူသည် အစေခံမှုကို ကောင်းကောင်းမွန်မွန် ဆောင်ရွက်ရန် လိုအပ်ဆဲဖြစ်ပြီး ဝတ်ကျေတမ်းကျေ နှင့် ပေါ့ပေါ့ဆဆ ဖြစ်၍ မရပါ။ ဤအရာကသာ သူ့ကို ကျန်ရစ်သည့် အစေခံတစ်ဦးဖြစ်ရန် အရည်အချင်း ပြည့်မှီစေမည်ဖြစ်သည်၊ ယင်းက သူ့ကို ကံအလွန်ကောင်းစေပါလိမ့်မည်။ အစေခံတစ်ဦးအဖြစ် အမှန်တကယ် ဖြစ်လာခြင်းမှာ ရိုးရှင်းသော ကိစ္စရပ် မဟုတ်ချေ။

အထက်အရပ်မှ မိတ်သဟာယပြုခြင်း မှ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။