ဗျာဒိတ်ကျမ်းတွင် ပရောဖက် ပြုထားသကဲ့သို့ ဖြူသောပလ္လင်ကြီး၏ တရားစီရင်ခြင်းဆိုသည်မှာ နောက်ဆုံးသောကာလ၌ သခင် ပြန်ကြွလာသည့် အချိန်တွင်၊ မိုးကောင်းကင်တွင် သူထိုင်မည့်နေရာ စားပွဲတစ်ခုကို ချပြီး၊ စာစောင်ကို ဖြန့်ကာ၊ လူတို့အား ကောင်းကင်ဘုံသို့သွားသည်ဖြစ်စေ၊ ငရဲသို့သွားသည် ဖြစ်စေ ဆုံးဖြတ်ဖို့ လူတစ်ယောက်ချင်းစီတိုင်းကို ၎င်းတို့၏ အမူအကျင့်အရ တရားစီရင်လိမ့်မည်ကို ဆိုလိုသည်ဟု လူများစွာတို့က ယုံကြည်ကြသည်။ ဤအရာအားလုံးကို စိတ်ကူးပုံဖော်ခြင်းသည် အတော်အတန် အကျိုးသင့်အကြောင်းသင့် ရှိသော်လည်း၊ ဘုရားသခင် ဆောင်ရွက်လိမ့်မည်ဟု ကျွန်ုပ်တို့ စိတ်ကူးထားသကဲ့သို့ အရာအားလုံးကို သူ အမှန်တကယ် ဆောင်ရွက်မည်လော။ အမှန်မှာမူ ဗျာဒိတ်ကျမ်းတွင် ပရောဖက်ပြုထားသကဲ့သို့ ဖြူသောပလ္လင်ကြီး၏ တရားစီရင်ခြင်းသည် ယောဟန် မြင်ခဲ့သည့် ရူပါရုံတစ်ခုသာ ဖြစ်လေသည်- ယင်းမှာ အမှန်မဟုတ်ပေ။ ထို့ကြောင့် သခင်ပြန်ကြွလာသည့် အချိန်တွင်၊ သူသည် ဖြူသောပလ္လင်ကြီး၏ တရားစီရင်ခြင်းကို မည်သို့ အတိအကျ ဆောင်ရွက်လိမ့်မည်နည်း။