၈၁။ နာကျင်ခံစားခြင်းများနှင့် စမ်းသပ်မှုများသည် ဘုရားသခင်၏ကောင်းချီးမင်္ဂလာများဖြစ်သည်

ဝမ်ဂန်၊ တရုတ်နိုင်ငံ

ကျွန်တော်သည် တောရွာတွင်နေထိုင်ပါသည်။ အဘယ်ကြောင့်ဆိုသော် ကျွန်တော်၏မိသားစုသည် ဆင်းရဲသည်။ ကျွန်တော်သည် ရှာလို့ရသမျှ ယာယီအလုပ်လေးတွေကို လုပ်ကိုင်ပြီး၊ အသက်မွေးဝမ်းကြောင်းပြုသည်။ ကိုယ်ခန္ဓာလုပ်အားနဲ့ ပိုမိုကောင်းမွန်သည့် ဘဝတစ်ခုကို ဖန်တီးနိုင်မည်ဟုကျွန်တော်ထင်ခဲ့သည်။ သို့သော် ခေတ်သစ်တရုတ်ပြည် လူ့အဖွဲ့အစည်းတွင် ကျွန်တော်ကဲ့သို့ ရွှေ့ပြောင်းလုပ်သားများ၏ တရားဝင် အခွင့်အရေးများအတွက် အာမခံချက်တွေကို ကျွန်တော်မတွေ့ခဲ့ပေ။ ကျွန်တော့် လုပ်ခတွေကို အကြောင်းပြချက် လုံးဝမရှိပဲ မကြာခဏဆိုသလို ထုတ်မပေးကြပါ။ ကျွန်တော်သည် အခြားလူများ၏ တစ်ကြိမ်ပြီး တစ်ကြိမ်လိမ်ညာ၊ အသုံးချအခွင့်အရေးယူမှုကို ခံခဲ့ရသည်။ တစ်နှစ်လောက်အလုပ်ကို ခက်ခက်ခဲခဲ လုပ်ပြီးချိန် တွင်ကျွန်တော်ရထိုက်သည့် အဖိုးအခကိုကျွန်တော်မရခဲ့ပါ။ ဤကမ္ဘာကြီးသည် တကယ်ပဲ မှောင်မိုက်ဖုံးလွှမ်းနေသည်ဟု ကျွန်တော်ခံစားခဲ့ရသည်။ လူသားတို့သည် တစ်ဦးကိုတစ်ဦး အင်အားများသူက အင်အားနည်းသူကို သတ်ဖြတ်စားသောက်တတ်သည့် တိရစ္ဆာန်များကဲ့သို့ ဆက်ဆံကြသည်။ တစ်ဦးနှင့်တစ်ဦး ပြိုင်ဆိုင်ကြသည်။ လက်ချင်းယှဉ်ပြီးတိုက်ခိုက်ကြသည်။ လူတို့သည် အသက်ရှင်နိုင်စွမ်းပင် မရှိနိုင်တော့ပေ။ ကျွန်တော သည် အလွန်အမင်းနာကျင်ကာစိတ်ဓါတ်ကျဆင်းနေပြီး ဘဝအပေါ် ယုံကြည်မှု ပျောက်ဆုံးနေချိန်တွင် ကျွန်တော့် သူငယ်ချင်း တစ်ယောက်သည် အနန္တတန်ခိုးရှင်ဘုရားသခင်၏ နောက်ဆုံးသောကာလအကြောင်း သတင်းစကားကို ကျွန်တော့်ထံလာရောက် မျှဝေခဲ့သည်။ ထို့နောက်တွင် ကျွန်တော်၏ ညီအစ်ကိုမောင်နှမများနှင့် အတူပုံမှန်စုရုံး၊ ဆုတောင်းပြီး သမ္မာတရား အကြောင်း မိတ်သဟာယဖွဲ့ကာ၊ ဘုရားသခင်ကို ချီးမွမ်းသီချင်းတွေ ဆိုဖြစ်ခဲ့သည်။ ကျွန်တော်သည် အလွန်ပျော်ရွှင်ပြီး လွှတ်မြောက်မှုကို ခံစားခဲ့ရသည်။ အနန္တတန်ခိုးရှင်ဘုရားသခင်၏ အသင်းတော်ထဲတွင် ညီအစ်ကို မောင်နှမများသည် တစ်ဦးနှင့်တစ်ဦး သူသာကိုယ်သာ မရှိကြ၊ လူမှုရေးအဆင့်အတန်းခွဲခြားမှုတွေမရှိကြတာကို ကျွန်တော် တွေ့ခဲ့ရသည်။ သူတို့အားလုံးသည် ဖြူစင်စွာပွင့်လင်းမှုရှိကြပြီး၊ တစ်ဦးနှင့်တစ်ဦး သင့်မြတ်ကြသည်။ ညီအစ်ကို သို့မဟုတ် ညီအစ်မတစ်ဦးဦး အခက်အခဲတစ်ခုခုနှင့် ရင်ဆိုင်ရပြီဆိုလျှင် အခြားသူတွေအားလုံးက သူတို့ကို ချစ်ခြင်းမေတ္တာပြပြီး၊ သူတို့အချင်းချင်းတစ်ဦးကိုတစ်ဦး ကူညီကြသည်။ လူတိုင်း သည် သူတို့၏ပျက်ယွင်းနေသည့် အကျင့်စရိုက်တွေကို ဖယ်ထုတ်ဖို့၊ ကယ်တင်ခြင်းကိုရယူဖို့နှင့် စစ်မှန်သည့်လူသားတစ်ဦးပမာ အသက်ရှင်နေထိုင်နိုင်ဖို့အတွက် သမ္မာတရားကို လုံ့လစိုက် ရှာဖွေ ကြသည်။ ဤအသက်တာသည်ကျွန်တော့်ကို ပျော်ရွှင်မှုကို တွေ့ကြုံရဖို့၊ ဘဝ၏ အရေးပါမှုနှင့် တန်ဖိုးကို နားလည်ဖို့ အခွင့်ကိုပေးအပ်သည်။ ကျွန်တော်သည် ဘုရားသခင်ရှေ့မှောက်ကို လာရောက်ပြီး သမ္မာတရားကို ရှာဖွေခြင်းအားဖြင့်သာ စစ်မှန်သည့်ပျော်ရွှင်မှုကို ရလိမ့်မည်ဆိုသည်ကိုတွေ့မြင်ခဲ့သည်။ ကျွန်တော့်ကဲ့သို့ အမှောင်ထဲတွင် နေထိုင်နေသည့်သူတွေပိုပြီးတော့ ဘုရားသခင်၏ ကယ်တင်ခြင်းကိုရရှိပြီး ဘုရားသခင်ရှေ့ကို ရောက်ရှိလာနိုင်ကာ အလင်းကို တစ်ဖန်ပြန်တွေ့နိုင်စေဖို့အတွက် ဧဝံဂေလိ ဟောကြားပြီး ဘုရားသခင်အကြောင်း သက်သေခံနိုင်ဖို့အတွက် တာဝန်တွေကို ကျွန်တော်ယူခဲ့သည်။ သို့သော် မမျှော်လင့်ဘဲကျွန်တော်သည် ဧဝံဂေလိတရားဟောသည့်အတွက် CCP အစိုးရရဲ့ ဖမ်းဆီးခြင်းကိုခံခဲ့ရပြီး၊ ဆိုးရွားစွာညှဥ်းပန်းနှိပ်စက်ခြင်းနှင့် ထောင်သွင်းအကျဉ်းချခြင်း ကိုခံစားခဲ့ရသည်။

အချိန်ကတော့ ၂၀ဝ၈ခုနှစ်ရဲ့ ဆောင်း၊ နေ့လည်အချိန်ဖြစ်သည်။ ကျွန်တော်နှင့် ညီအစ်မနှစ်ယောက်တို့သည် နောက်ဆုံးသောကာလရှိ ဘုရားသခင်၏အမှုတော်ကို ဧဝံဂေလိဆိုင်ရာသတ်မှတ်ချက်နှင့်အညီ သက်သေခံနေစဉ်တွင်မကောင်းသည့်လူများ၏ သတင်းပေးခြင်းကိုခံခဲ့ရသည်။ ရဲအရာရှိခြောက်ယောက်သည် ဧဝံဂေလိဟောကြားသည့် အိမ်ထဲကို ဝင်ရောက်ဖို့အတွက် ကျွန်တော်တို၏ နေထိုင်မှု ခွင့်ပြုချက်တွေကို စစ်ဆေးဖို့လိုအပ်သည်ဆိုသည့် အကြောင်းပြချက်ကို အသုံးပြုခဲ့သည်။ သူတို့ တံခါးကိုရောက်သည့်အခါ “မလှုပ်နဲ့” ဟု ကျယ်လောင်စွာအော်လိုက်သည်။ ရဲအရာရှိနှစ်ယောက်သည် ကျွန်တော့်အပေါ်ကို ခုန်အုပ်လိုက်သည့်ပုံသည် လုံးဝရူးသွပ် နေသည့်ပုံပင်ဖြစ်သည်။ တစ်ယောက်က ကျွန်တော့်ရင်ဘက်ပေါ်က အဝတ်ကို ဆုပ်ကိုင်ပြီး၊ ကျန်တစ်ယောက်က ကျွန်တော့်လက်မောင်းကို ဆုပ်ကိုင်ကာ ကျွန်တော့်လက်အနောက်ပစ်လိုက်ဖို့အတွက် သူ့အင်အား အကုန်သုံးပစ်လိုက်သည်။ ပြီးတော့ သူက “မင်းတို့ဘာလုပ်နေတာလဲ။ မင်းနာမည်ဘယ်လိုခေါ်လဲ။ မင်းဘယ်ကလဲ။” ဟု ကြောက်မက်ဖွယ်ရာမေးသည်။ ကျွန်တော်ကလည်း “မင်းတို့ကဘယ်သူတွေလဲ။ ဘာလို့ငါ့ကိုဖမ်းတာလဲ။” ဟုမေးလိုက်သည်။ ကျွန်တော်ပြောတာကိုကြားသည့်အခါတွင် သူတို့ အရမ်းစိတ်ဆိုးပြီး ရန်လိုစွာဖြင့် “ဘာအကြောင်းဖြစ် ဖြစ်အရေးမကြီးဘူး။ မင်းဟာတို့ လိုက်ရှာနေသည့်သူပဲ။ မင်းငါတို့နောက်လိုက်ရမယ်” ဟု ပြန်ပြောသည်။ အဲဒီနောက်မှာ ရဲအရာရှိတွေသည် ကျွန်တော်နှင့် ညီအစ်မနှစ်ယောက်ကို ခေါ်ပြီး ရဲကားပေါ် တွန်းတင်လိုက်သည်။

ပြည်သူ့လုံခြုံရေးဗျူရိုကိုရောက်ပြီး နောက်မှာရဲအရာရှိသည် ကျွန်တော့်ကို အခန်းသေးလေးတစ်ခန်း ထဲမှာသော့ခတ် ထားလိုက်သည်။ သူတို့သည် ကျွန်တော့်ကို ကြမ်းပြင်ပေါ်မှာ ဝပ်နေဖို့ အမိန့်ပေးပြီး လူလေးယောက်ဝိုင်းကြည့်ဖို့ စီစဉ်ခဲ့သည်။ ကျွန်တော်သည် အချိန်အကြာကြီး ဆောင့်ကြောင့်ထိုင် နေရသည့်အတွက် ပင်ပန်းလာပြီး မခံစားနိုင်တော့ပေ။ ကျွန်တော်ထဖို့ ကြိုးစားလိုက်တာနဲ့ သူတို့သည် အမြန်လာပြီး၊ ကျွန်တော်မထနိုင်အောင် အပေါ်ကနေ ကျွန်တော့်ခေါင်းကို ဖိထားသည်။ ညနေ ၄နာရီအချိန်လောက်မှာ ရဲအရာရှိက ကျွန်တော့်ဆီမှာ ဘုရားနှုတ်ကပတ်တော်စာရွက်တစ်ရွက်ကိုရှာဖွေတွေ့ရှိခဲ့ပြီး “ဝမ်ဂန်၊ မင်းကို စောင့်ကြည့်နေတာကြာပြီ၊ ခုတော့မိသွားပြီ။ မင်းက မျှားနေတဲ့ငါးထဲက အကြီးဆုံးတစ်ကောင်ပဲ” ဟုဆိုခဲ့သည်။ သိပ်မကြာခင်တွင် ဘေးခန်းတံခါး၌ ညှဥ်းပန်းနှိပ်စက်ခံရ၍ တစ်စုံတစ်ယောက်ရဲ့ သွေးခဲသွားစေနိုင်သည့် အော်ဟစ်သံကိုကြားလိုက်ရသည်။ ထိုအချိန်တွင် ကျွန်တော် အရမ်းကြောက်လာခဲ့သည်။ သူတို့ ကျွန်တော့်အတွက် နောက်ထပ်ဘယ်လို ညှဥ်းပန်းနှိပ်စက်မှုပုံစံ အသုံးပြုမည်ဆိုသည်ကို ကျွန်တော်မသိပေ။ ကျွန်တော်သည် နှလုံးသားထဲမှာ ဘုရားသခင်ထံ အရေးတကြီး စတင် ဆုတောင်းလိုက်သည်။ “အိုးအနန္တတန်ခိုးရှင်ဘုရားသခင်၊ ကျွန်တော်အခုအရမ်းကြောက်နေပါသည်။ ကျွန်တော့်ကို ယုံကြည်ခြင်းနှင့် စွမ်းအင်ပေးဖို့၊ ကျွန်တော့်ကို ကြံ့ကြံ့နိုင်ဖို့နှင့် သတ္တိတို့ကိုပေးဖို့ တောင်းဆိုပါသည်။ ကျွန်တော် ကိုယ်တော်အတွက် သက်သေခံလိုသည်။ အကယ်၍ ဒီ ရက်စက်လှသည့်နှိပ်စက်မှုကို ကျွန်တော်မခံနိုင်ဘူးဆိုလျှင် ကိုယ်တော့ကို ယုဒသစ္စာဖောက်သလို သစ္စာဖောက်ရမှာထက် ကိုယ့်လျှာကိုယ်ကိုက်ပြီး သေကြောင်းကြံစီလိုက်လိုပါသည်။” ဆုတောင်းပြီးသည့်နောက်တွင် ကျွန်တော့် စိတ်ထဲတွင် ခွန်အားမြင့်တက်လာသည်ကို ခံစားရပြီး ကြောက်ရွံ့မှုလည်း လျော့နည်းသွားသည်။။

ည ၇နာရီနောက်ပိုင်းတွင် ရဲအရာရှိသည် ကျွန်တော့်ကို ဇောက်ထိုးလက်ထိပ်ခတ်၍ စစ်ကြောရေးအခန်းသို့ ခေါ်သွားပြီး ကြမ်းပြင်ပေါ်တွန်းချခဲ့သည်။ ထိုအခန်းထဲတွင် ကြိုး၊ သစ်သားတုတ်၊ နံပါတ်တုတ်၊ ကြာပွတ်အစရှိသည့် ညှဥ်းပန်းနှိပ်စက်သည့် ကိရိယာအမျိုးမျိုးရှိသည်။ ရဲသားတစ်ယောက်သည်တဂျစ်ဂျစ်မြည်နေသည့် လျှပ်စစ်တုတ်တံကို ကိုင်ဆောင်ထားကာ သတင်းအချက်အလက်ရယူဖို့အတွက် ကျွန်တော့်အားခြိမ်းခြောက်သည်။ “မင်းတို့ဘုရားကျောင်းမှာ လူဘယ်နှစ်ယောက်ရှိလဲ။ မင်းတို့တွေ့တဲ့နေရာကဘယ်မှာလဲ။ ဘယ်သူကတာဝန်ခံလဲ။ ဒီနေရာမှာ ဧဝံဂေလိဟောတဲ့ သူဘယ်နှစ်ယောက်ရှိလဲ။ပြောစမ်း၊ မဟုတ်ရင် ဒါလာမယ်သိလား။” ဟုပြောသည်။ လျှပ်စစ်တုတ်၏ ကြောက်မက်ဖွယ်အန္တရာယ်ကို ကျွန်တော်ကြည့်လိုက်သည်။ ပြီးတော့ နှိပ်စက်သည့်ကိရိယာ တွေပြည့်နေသည့်အခန်းကို ကျွန်တော်ထပ်ကြည့်လိုက်သည်။ စိုးရွံ့ကြောက်လန့်မှုကို ကျွန်တော်မခံစားရပဲ မနေနိုင်ပါ။ ကျွန်တော် ဒီနှိပ်စက်မှုကို ဖြတ်သန်းနိုင်ပါ့မလားဆိုတာကို ကျွန်တော်မသိပါ။ စိတ်ထဲတွင် ဘုရားသခင်ကို အဆက်မပြတ်အော်ခေါ်ခဲ့သည်။ ကျွန်တော် ဘာမှမပြောပဲနေသည်ကို မြင်သောအခါ ရဲသည် ဒေါသနှင့် ကျွန်တော့် ရင်ဘတ်၏ ဘယ်ဘက်ကို လျှပ်စစ်တုတ်နှင့် ကြမ်းကြမ်းထိုးပစ်လိုက်သည်။ သူသည် ကျွန်တော့်ကို တစ်မိနစ်လောက် လျှပ်စစ်နှင့်တို့ခဲ့သည်။ ကျွန်တော့်ခန္ဓာကိုယ်ထဲက သွေးတွေဆူပွက်သွားသလိုမျိုး ချက်ချင်း ခံစားလိုက်ရ သည်။ ကျွန်တော်သည် ခေါင်းကနေ ခြေထောက်အထိ ဒီနာကျင်မှုကိုမခံနိုင်၍ ကြမ်းပြင်ပေါ်မှာ ချက်ခြင်းပဲ အော်ဟစ်လူးလွန့်နေခဲ့သည်။ သူသည် ကျွန်တော့်ကို အရှုံးမပေးပဲ၊ ရုတ်တရတ်ကျွန်တော့်ကို ဒရွတ်တိုက်ဆွဲတင်ပြီး၊ တုတ်နှင့် ကျွန်တော့် မေးစိကို မတင်လိုက်ပြီး “ပြောစမ်း၊ ဘာကိုမှဝန်မခံဘူးလား။” ဟုအော်ပြောသည်။ ဒီလိုမကောင်းဆိုးဝါးတွေရဲ့ ရူးသွပ်သည့်နှိပ်စက်မှုကို ရင်ဆိုင်နေရချိန်မှာ ကျွန်တော်ရဲ့ တစ်ခုတည်းသော ကြောက်ရွံ့မှုကတော့ ဒီနှိပ်စက်မှုတွေကိုကျွန်တော်မခံနိုင်ပဲ ဘုရားသခင်ကို သစ္စာဖောက်မိ မှာကိုပဲဖြစ်သည်။ ထို့ကြောင့် နှလုံးသားထဲမှာ ဘုရားသခင်ကို အသည်းအသန် ဆုတောင်းမိသည်။ ဒီအချိန်မှာ ဘုရားသခင်ရဲ့ နှုတ်ကပတ်တော်တွေကို စဉ်းစားမိသည်။ “အာဏာရှိသော သူတို့သည် အပြင်ပန်းအားဖြင့် ကြောက်စရာကောင်းသည်ဟု ထင်ရသော်လည်း ကြောက်ရွံ့ခြင်း မရှိနှင့်၊ အဘယ့်ကြောင့်ဆိုသော် ဤသည်မှာ သင်တို့တွင် ယုံကြည်မှု အနည်းငယ်သာ ရှိခြင်းကြောင့်ဖြစ်သည်။ သင်တို့၏ယုံကြည်ခြင်း ကြီးထွားသည့် ကာလပတ်လုံး မည်သည့်အရာမျှ အလွန်တရာ ခက်ခဲလိမ့်မည်မဟုတ်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၇၅” အစအဦး၌ ခရစ်တော်၏မိန့်မြွက်ချက်များ) ဘုရားသခင်၏ နှုတ်ကပတ်တော်တို့သည် ကျွန်တော့်ကို ယုံကြည်မှုနှင့် စွမ်းအင်ကိုထပ်မံ ပေးအပ်ခဲ့သည်။ ကျွန်တော့်ရှေ့ကဆိုးရွားသည့် ရဲအရာရှိများသည် ရူးသွပ်ပြီး ဇက်ကြိုးလွတ်နေသော်လည်း သူတို့ကို ဘုရားသခင်၏ လက်တော်နှင့် စီစဉ်ထားသည်ဆိုသည်ကို ကျွန်တော်သတိပြုမိသည်။ဘုရားသခင်၏ ခွင့်ပြုချက်မပါဘဲနှင့်သူတို့သည် ကျွန်တော့်ကို မသတ်နိုင်ပါ။ ယုံကြည်မှုအပေါ်မှီခိုပြီး၊ ဘုရားသခင်အပေါ် မှီတွယ်ကာ သူတို့ကို အရှုံးမပေးသရွေ့ သူတို့သည် ရှက်ရွံ့လျှက် ကျရှုံးမှာ မလွဲမသွေပင် ဖြစ်သည်။ ဒါကိုစဉ်းစားမိသည့်အခါ ကျွန်တော်သည် ကိုယ်ခန္ဓာထဲမှာရှိသည့် အားတွေအကုန်လုံးကို စုစည်းလိုက်ပြီး “မင်းတို့ ငါ့ကို ဘာလို့ဒီကိုခေါ်လာတာလဲ။ ငါ့ကို လျှပ်စစ်တုတ်နဲ့ ဘာလို့ရိုက်တာလဲ။ ငါဘာပြစ်မှုကျူးလွန်ခဲ့လို့လဲ။” ဟုအသံကျယ်ကြီးနှင့် ပြန်ဖြေလိုက်သည်။ ရဲဆိုးကြီးသည် ချက်ချင်းပဲ မီးအလင်းရောင်ထဲက သမင်တစ်ကောင်လိုဖြစ်သွားပြီး စိတ်မသိုးမသန့်ဖြစ်သွားသည်။ သူစကားထစ်သွားပြီးဘာမှ ပြန်မပြောနိုင်ခဲ့ပါ။ အဲဒီနောက် သူတို့သည် ရှက်ရွံ့စွာဖြင့်ပြန်ထွက်သွားကြသည်။ စာတန်ပေးသည့် အကျပ်အတည်းတစ်ခုဖြစ်သည့် ဤမကောင်းသည့် အခြေအနေကို ကြုံတွေ့ပြီးနောက်တွင် ကျွန်တော်သည် မျက်ရည်ကျစိတ်ထိခိုက်ခဲ့ရသည်။ ဤအခက်အခဲတွင် အနန္တတန်ခိုးရှင်ဘုရားသခင်၏စကားတော်တို့၏ စွမ်းအင်နှင့် အခွင့်အာဏာကို ကျွန်တော်အမှန်တကယ်ပဲ ကြုံတွေ့ခံစားခဲ့ရသည်။ ကျွန်တော်သည် ဘုရားသခင့် စကားတော်ကို လက်တွေ့ လုပ်ဆောင်သရွေ့၊ဘုရားအပေါ်ယုံကြည်မှုထားရှိပြီး ဘုရားသခင်ရဲ့ လုပ်ရပ်တွေကို တွေ့မြင်ရမှာဖြစ်သည်။ငါးမိနစ် ခြောက်မိနစ် အကြာတွင် ရဲအရာရှိနှစ်ဦးရောက်လာသည်။ ဒီတစ်ခါတွင် သူတို့သည် ကျွန်တော့်ကို မတူညီသောနည်းလမ်းဖြင့် ပြောဆိုဆက်ဆံသည်။ ပိန်ကပ်ကပ်ရဲတစ်ယောက်က ကျွန်တော်အား “မင်းလည်း ပြန်လည်ပူးပေါင်းသင့်ပါတယ်၊ မေးတာကို မင်းပြန်ဖြေခဲ့ရင် ငါတို့မင်းကို လွတ်ပေးနိုင်မှာလေ”ဟု ကြင်နာစွာ ပြောခဲ့သည်။ ကျွန်တော်စကားမပြောပဲ နေလေသည်။ ရဲသည်လည်း စာရွက်တစ်ရွက်ကို ယူပြီး ကျွန်တော့်ကို လက်မှတ်ထိုးခိုင်းသည်။ စာရွက်ပေါ်က “အလုပ်သမားမှတစ်ဆင့် ပြန်လည်ပညာပေး” ဆိုသည့်စကားလုံးကို မြင်တော့ ငြင်းပယ်ခဲ့သည်။ ထိုအချိန်တွင် ရဲတစ်ယောက်က ကျွန်တော့်ဘယ်ဘက်နားကို ရက်ရက်စက်စက်ပါးရိုက်ပြီး ကျွန်တော်လှဲကျလုနီးပါးဖြစ်ခဲ့သည်။ ရုတ်တရက် ကျွန်တော့်နားထဲက ဆူညံသံမြည်လာပြီး ရှင်းရှင်းလင်းလင်း ပြန်ကြားရဖို့ အချိန်ယူရသည်။ ထို့နောက်တွင် သူတို့သည် ကျွန်တော့်ကို နောက်တစ်ကြိမ် လက်ထိပ်ခတ်ပြီး အခန်းကျဉ်းထဲချုပ်ထားလေသည်။

အခန်းကျဉ်းထဲကိုပြန်ရောက်ပြီးတဲ့နောက်မှာ ကျွန်တော်ဟာ ရောင်ကိုင်းပြီး ကျိုးပဲ့ကြေမွ နေပါတယ်။ နာကျင်မှုဟာ မခံမရပ်နိုင်အောင်ပါပဲ။ နှလုံးသားထဲမှာ နာကျင်မှုနဲ့ အားနည်းမှုကို မခံစားရမနေနိုင်အောင်ပါပဲ။ ယုံကြည်သူတွေဟာ ဘာလို့ဒီလိုခံစားရတာပါလဲ။ ကျွန်တော်ဟာ ဧဝံဂေလိကို မှန်ကန်တဲ့ စိတ်သဘောနဲ့ ဟောကြားခဲ့ပါတယ်။ လူတွေကို ကယ်တင်ရှင်ဟာ လာရောက်ခဲ့ပြီဖြစ်လို့ သူ့ထံအလျင်အမြန်လာကာ သမ္မာတရားကို ရှာဖွေဖို့နဲ့ ကယ်တင်ခြင်းခံ ရဖို့အတွက် လူတွေကိုပြသခဲ့ပါတယ်။ ဒါတောင်မှာ ကျွန်တော်ဟာ မမျှော်လင့်ပဲ ဒီညှဥ်းပန်းနှိပ်စက်မှုကို ခံစားခဲ့ရပါတယ်။ ဒါကို စဉ်းစားလိုက်တဲ့အချိန်မှာ ကျွန်တော်မှားယွင်းသွားခဲ့လို့ ကျွန်တော်ပို ခံစားခဲ့ရပါတယ်။ နာကျင်မှုထဲမှာ ကျွန်တော်စိတ်ထဲကနေ ဘုရားသခင်ကို ဆုတောင်းတယ်၊ “အို ဘုရားသခင်။ ကျွန်တော့် ဝိညာဉ်ရင့်သန်မှု သေးငယ်လွန်းတယ်။ ကျွန်တော် အရမ်း အားနည်းနေတယ်။ အို ဘုရားသခင်။ ကိုယ်တော့်ကို ကျွန်တော်အားကိုးပြီး သက်သေရပ်တည်လိုပါတယ်။ ကျွန်တော့်ကို လမ်းပြတော်မူပါ။” အဲဒီနောက်မှာ ကျွန်တော် ဘုရားနှုတ်ကပတ်တော် ဓမ္မသီချင်း၁ပုဒ်ကို သတိရလာတယ်၊ “စိတ်မပျက်နှင့်၊ အားမနည်းနှင့်၊ ထိုအခါ ငါသည် သင့်အတွက် အမှုအရာများကို ရှင်းလင်းစေမည်။ နိုင်ငံတော်သို့ သွားရာလမ်းသည် သိပ်ချောမွေ့ခြင်းမရှိ။ မည်သည့်အရာမျှ ထိုမျှ မရိုးရှင်းပေ။ ကောင်းချီးများ သင့်ထံ အလွယ်တကူ ရောက်လာသည်ကို သင် လိုချင်။ ယနေ့တွင် အယောက်တိုင်းသည် ခါးသီးသော စမ်းသပ်ခြင်းများ ရင်ဆိုင်ဖို့ ရှိလိမ့်မည်။ ထိုသို့သော စမ်းသပ်မှုများမရှိပါက၊ သင်တို့၌ ရှိသည့် ငါ့ကိုချစ်သော နှလုံးသားသည် တိုး၍ အားကောင်းလာလိမ့်မည် မဟုတ်သကဲ့သို့၊ သင်တို့သည် ငါ့အတွက် စစ်မှန်သော ချစ်ခြင်းမေတ္တာ ရှိလိမ့်မည်မဟုတ်။ ဤစမ်းသပ်မှုများတွင် အရေးမပါသော အခြေအနေများသာ ပါရှိလျှင်ပင်၊ အယောက်တိုင်း ၎င်းတို့ကို ကျော်ဖြတ်ရမည်။ စမ်းသပ်မှုများ၏ ခက်ခဲမှုက လူတစ်ဦးနှင့်တစ်ဦး ခြားနား လိမ့်မည်သာ ဖြစ်သည်။ စမ်းသပ်မှုများသည် ငါ့ထံမှလာသော ကောင်းချီးမင်္ဂလာများဖြစ်ပြီး၊ သင်တို့ထဲမှ မည်မျှသည် ငါ၏ ရှေ့သို့ မကြာခဏ လာပြီး ဒူးထောက်လျက် ကောင်းချီး မင်္ဂလာများကို တောင်းခံကြသနည်း။ အနည်းငယ်သော မင်္ဂလာရှိသည့် စကားများကို ငါ၏ ကောင်းချီးမင်္ဂလာများအဖြစ် သင်တို့ အမြဲ ယူဆ ကြသော်လည်း၊ ခါးသီးမှုသည် ငါ၏ ကောင်းချီးမင်္ဂလာများထဲမှ တစ်ခုဖြစ်သည်ကို သင်တို့ သတိမပြုမိကြပေ။” (သိုးသငယ်နောက်လိုက်ပြီး သီချင်းအသစ်များကိုသီဆိုပါ “စမ်းသပ်ခံရခြင်းများ၏ ဝေဒနာသည် ဘုရားထံမှ ကောင်းချီးဖြစ်၏ကျူး”) ဟုတ်ပါတယ်။ ဒီလို ညှဉ်းပန်းနှိပ်စက်မှုဒဏ်ကို ကြုံရခြင်းက ဘုရားသခင်မှ ကျွန်တော်တို့ရဲ့ ယုံကြည်ခြင်းနှင့် ချစ်ခြင်းကို စုံလင်စေဖို့ဖြစ်တယ်။ ဒီပတ်ဝန်းကျင်ဟာ ဘုရားသခင်ရဲ့ ကောင်းချီးပေးခြင်းဖြစ်တယ်။ ကျွန်တော် ဘယ်လိုဖြစ်လို့ ဘုရားကို ညည်းညူပြီး ပြစ်တင်ရမလဲ။ ကျွန်တော့်ကို ဖမ်းမိခဲ့တဲ့ အချိန်ကစပြီး ဘုရားသခင်ဟာ အစဉ်အမြဲ ကျွန်တော့်ကို နှုတ်ကပတ်တော်အားဖြင့် ဉာဏ်အလင်းပေးပြီး လမ်းပြတယ်။ ဒါက ဘုရားသခင်ရဲ့ ချစ်ခြင်းမေတ္တာဖြစ်တယ်။ စိတ်ထဲမှာ သီချင်းဆိုရင်း ပိုဆိုလေလေ ခွန်အားပိုရလေလေခံစားရတယ်။ ဒီလိုနဲ့ ကျွန်တော် စိတ်ကနေ “ဘုရားသခင်၊ ရဲတွေ ကျွန်တော်ကို ဘယ်လိုနည်းနဲ့နှိပ်စက်ပါစေ၊ ကျွန်တော် သက်သေရပ်တည်လိုပြီး ကိုယ်တော့်ကို မည်သည့်အခါမျှ သစ္စာမဖောက်လိုပါ။ ကိုယ်တော့်နောက် အဆုံးတိုင်အောင်လိုက်လျှောက်ဖို့ ဆုံးဖြတ်ပါ၏”လို့ ဘုရားသခင်ထံ သန္နိဌာန်ချခဲ့ပါတယ်။

ထိန်းသိမ်းရေးစခန်းမှာ ရဲအရာရှိတွေဟာ ကျွန်တော့်ကို ညှဥ်းပန်းနှိပ်စက်နည်းအမျိုးမျိုးကို အသုံးချပြီး မကြာခဏဆိုသလို ထောင်သားတွေကို ကျွန်တော့်ကို ရိုက်နှက်စေဖို့ သွေးထိုးလေ့ရှိပါတယ်။ ဆောင်းရဲ့ ချမ်းအေးလှတဲ့ အအေးအောက်မှာ သူတို့ဟာ ထောင်သားတွေကို ကျွန်တော့်အပေါ် ရေအေးတွေပါတဲ့ ရေပုံးတွေလောင်းချစေပြီး ရေအေးနဲ့ အတင်းချိုးခိုင်းပါတယ်။ ကျွန်တော်ဟာ ခေါင်းကနေခြေဖျားအထိ တစ်ကိုယ်လုံး ချမ်းတုန်နေခဲ့ပါတယ်။ ပြီးတော့ နှလုံးတုန်၊ ချွေးထွက်လာခဲ့တယ်၊ ရင်ဘတ်နာလာတာနဲ့အတူ နောက်ကျောပါနာလာတာကို ခံစားရတယ်။ ဒီနေရာမှာ ထောင်သားတွေဟာ CCPအတွက် ပိုက်ဆံလုပ်ပေးတဲ့စက်တွေပဲဖြစ်ပြီး၊ သူတို့မှာ တရားဝင်အခွင့်အရေးဘာမှမရှိပါဘူး။ သူတို့မှာရွေးချယ်စရာမရှိပဲ၊ ကျွန်တွေပမာ ဖမ်းချုပ်ခံရခြင်းနဲ့ မတရားအမြတ်ထုတ်ခြင်းကို ခံကြရပါတယ်။ ထောင်အစောင့်တွေဟာ လူသေတွေအတွက် မီးရှို့ပူဇော်တဲ့ စက္ကူပိုက်ဆံတွေကို တစ်နေ့လုံးထုတ်ခိုင်းပြီး၊ ပထမတော့ သူတို့က ကျွန်တော့်ကို တစ်နေ့ကို စက္ကူအရွက် ၁၀ဝ၀ ထုတ်ဖို့စည်းမျဉ်း သတ်မှတ်ပါတယ်။ နောက်တော့ တစ်ရက်ကို ၁၈၀ဝ ရွက် ကိုတိုးလိုက်ပြီး၊ နောက်ဆုံးတော့ အရွက် ၃၀ဝ၀ အထိတိုးလိုက်ပါတယ်။ ဒီပမာဏဟာ ကျွန်တော့်လို အတွေ့အကြုံမရှိတဲ့ သူမဆိုထားနဲ့ အတွေ့အကြုံရှိတဲ့သူအတွက်တောင် မဖြစ်နိုင်ပါဘူး။ တကယ်တော့ သူတို့က ကျွန်တော်လုံးဝ မပြီးနိုင်အောင် တမင်လုပ်ခိုင်းတာဖြစ်ပြီး၊ ဒါမှသာ ကျွန်တော့်ကို နှိပ်စက်ဖို့ ထိခိုက်အောင်လုပ်ဖို့ ဆင်ခြေတွေရနိုင်မှာ ဖြစ်ပါတယ်။ ကျွန်တော့် အပိုင်းကို ကျွန်တော်ပြည့်မြောက်အောင် မလုပ်နိုင်သရွေ့ ရဲအရာရှိဆိုးတွေဟာ ကျွန်တော့် ခြေထောက်တစ်ဝိုက်မှာ ၅ကီလိုကျော်လေးတဲ့ ခြေကျဉ်းတွေကို ထားပြီး၊ ကျွန်တော့် လက်တွေနဲ့ ခြေထောက်တွေကို အတူတူ ချီခတ်ထားမှာဖြစ်ပါတယ်။ ကျွန်တော်လုပ်နိုင်တာကတော့ အဲဒီမှာ ခေါင်းအောက်ငုံ့၊ ခါးလိမ်ပြီး မလှုပ်မရှားထိုင်နေဖို့ပါပဲ။ အဲဒီထက်စက်ဆုပ်ဖွယ်ကောင်းတဲ့ အရာကတော့ ကျွန်တော့်ရဲ့ အခြေခံလိုအပ်ချက်များကို မေးမြန်းခြင်း သို့မဟုတ် ဂရုမစိုက်ခြင်း မရှိတဲ့ ရဲအရာရှိတွေရဲ့ လူမဆန်၊ ခံစားချက်ကင်းမဲ့တဲ့အချက်ပါပဲ။ အိမ်သာဟာ ထောင်ခန်းထဲမှာ သာရှိသော်လည်း ကျွန်တော်ဟာ အဲဒီအထိလမ်းလျှောက်ပြီး အသုံးမပြုနိုင်ပါဘူး။ ကျွန်တော်ထောင်အခန်းဖော်များကို ကျွန်တော့်ကို အိမ်သာကိုမခေါ်သွားဖို့သာ တောင်းပန်နိုင်ပါတယ်။ အဲဒါနဲ့သူတို့ဟာ ကျွန်တော့်ကို မချီသွားပေးပါမယ်။ အကယ်၍ ဘယ်သူမှ ကျွန်တော့်ကိုမကူညီရင်တော့ ကျွန်တော် အောင့်ထားရတယ်။ အနာကျင်ဆုံးအချိန်ကတော့ အစာစားချိန်ပါပဲ။ ဘာလို့လဲဆိုတော့ ကျွန်တော့်လက်တွေနဲ့ ခြေတွေဟာ အတူတူ လက်ထိပ်ခတ်ခံထားရပါတယ်။ ကျွန်တော်ဟာ ခေါင်းလေးကို နည်းနည်းလေးသာငုံ့နိုင်ပြီး၊ ကျွန်တော့်မှာရှိသမျှအားနဲ့ ခြေထောက်နဲ့ လက်တွေကိုမရပါတယ်။ ဒါဟာ မုန့်ပေါင်းကို ကျွန်တော့်ပါးစပ်ထဲကိုထည့်ဖို့တစ်ခုတည်းသောနည်းလမ်းပါပဲ။ တစ်ခါခါစားဖို့အတွက် စွမ်းအင်တွေ အများကြီးသုံးရပါတယ်။ လက်ထိပ်ဟာ ကျွန်တော့် လက်နဲ့ခြေထောက်ကို ပွတ်တိုက်လိုက်တိုင်း ပြောမမပြနိုင်တဲ့နာကျင်မှုတွေကိုဖြစ်ပေါ်စေခဲ့ပါတယ်။ အချိန်ကြာလာတော့ ကျွန်တော့် လက်ဆစ်နဲ့ ခြေဆစ်တွေမှာ မည်းမှောင်ပြီး တောက်ပြောင်တဲ့ အသားမာတွေဖြစ်ပေါ်လာပါတော့တယ်။ တစ်ခါတစ်ရံမှာဆိုရင် ကျွန်တော့်ကို အခန်းသော့ပိတ်ထားချိန်မှာ ကျွန်တော်အစာမစားရပါဘူး။ ဖြစ်ခဲလှတဲ့ အခြေအနေမှာဆိုရင်တော့ ထောင်သားတွေဟာ ကျွန်တော့်ကို မုန့်ပေါင်းသေး သေးလေးနှစ်လုံးပေးတတ်ပါတယ်။ အများအားဖြင့်တော့ ကျွန်တော့် ဝေစုကို သူတို့စားလိုက်ကြပြီး၊ ကျွန်တော်ကတော့ ဗိုက်ဟောင်းလောင်းလေး နေရပါတော့တယ်။ ကျွန်တော်ဟာ ရေကိုပိုလို့တောင်မ သောက်ရပါဘူး။ ပုံမှန်အားဖြင့် လူတိုင်းကို တစ်ရက်ကို ရေနှစ်ခွက်သာပေးလေ့ရှိပါတယ်။ ဒါပေမဲ့ ကျွန်တော့်ကို အခန်းထဲပိတ်လှောင်ထားတဲ့အခါ ကျွန်တော်လှုပ်ရှားလို့မရပါဘူး။ ဒါကြောင့် ကျွန်တော်ဟာ ရေကိုမသောက်ရတာများပါတယ်။ ဒီလိုလူမဆန်တဲ့ ညှဥ်းပန်းနှိပ်စက်မှုကတော့ ပြောမပြနိုင် လောက်အောင်ပါပဲ။ စုစုပေါင်းအားဖြင့် ကျွန်တော်ဟာ ဒီလိုအခန်းပိတ်လှောင်ခံရ တာကိုလေးကြိမ် ရင်ဆိုင်ခဲ့ရပြီး၊ ရက်ပေါင်း ၁၀ရက်အထိ ပိတ်လှောင်ခံခဲ့ရပါတယ်။ ဒီလိုနဲ့ ရဲအရာရှိတွေက ကျွန်တော့်ကိုညဆိုင်းပြောင်းလိုက်သေးတယ်။ အချိန်ကြာကြာ ဝအောင်မစားရတော့ မကြာခဏ ရင်တုန်တဲ့အထိ ပိုက်ဆာတယ်၊ မူးဝေအော့အန်တယ်၊ ရင်ဘတ်အောင့်လာတယ်။ ဒီလိုနှိပ်စက်မှု ဒဏ်ကြောင့် ကျွန်တော်လည်း အများကြီးပိန်ကျသွားပြီး အရိုးပဲကျန်တော့တယ်။ အကြိမ်တိုင်းမှာ ဆာလောင်မှုဟာ သည်းခံနိုင်ဖို့ ခက်ခဲလှတဲ့အခါမှာ သခင်ယေရှု သွေးဆောင်ဖြားယောင်းခြင်းခံခဲ့ရတုန်းက စာတန်ကို ပြန်ပြောခဲ့တဲ့ ဒီစကားကို သတိရခဲ့တယ်- “လူသည် မုန့်အားဖြင့်သာ အသက်ကိုမွေးရမည်မဟုတ်။ ဘုရားသခင် မိန့်တော်မူ သမျှ အားဖြင့် အသက်ကိုမွေးရမည်။” (ရှင်မဿဲခရစ်ဝင် ၄:၄) ကျွန်တော့်နှလုံးသားဟာ လွတ်မြောက်မှုရလာပြီး၊ စာတန်ညှဉ်းပန်းနေတဲ့ ဒီပတ်ဝန်းကျင်မှာ ဘုရားသခင်ရဲ့ ဒီနှုတ်ကပတ်တော်ကို ကြုံတွေ့ခံစားဖို့ လိုလိုလားလားဖြစ်လာတယ်။ ဘုရားသခင်ရှေ့ ငြိမ်သက်ခြင်းနဲ့ ဆုတောင်းကာ ဘုရားသခင့်စကားတော်များကို နားလည်အောင်ကြိုးစားခဲ့ပါတယ်။ သတိမပြုမိတဲ့ အချိန်မှာ ကျွန်တော်ဟာ နာကျင်မှုသို့မဟုတ် ဆာလောင်မှုကို သိပ်မခံစားရတော့ပါဘူး။ တစ်ခါက အကျဉ်းသားတစ်ယောက်က ကျွန်တော့်ကို “လူငယ်တစ်ယောက် အရင်ကမင်းလိုပဲ လက်ထိပ်ခတ်ခံရပြီး၊ ငတ်သေသွားဖူးတယ်။ ခင်ဗျား ဒီရက်အတွင်းမှာ အနည်းငယ်လောက်ပဲစားရတယ်ဆိုတာ ငါသိတယ်။ ဒါတောင်ခင်ဗျားက စိတ်ဓာတ်မြင့်မား နေတုန်း ပဲနော်။” ဟုပြောပါတယ်။ သူပြောတဲ့ ဒီစကားကို ကြားပြီးတဲ့နောက် ကျွန်တော့်စိတ်ထဲကနေ ဘုရားကို ကျေးဇူးတင်ချီးမွမ်းမိတယ်။ ဒါဟာ ဘုရားနှုတ်ကပတ်တော်ရဲ့ အသက်စွမ်းအားက ကျွန်တော်ကို အားပေးနေလို့ပါ။ ဒါဟာ တကယ်ပဲကျွန်တော့်ကို ဘုရားသခင်ရဲ့ နှုတ်ကပတ်တော်ဟာ သမ္မာတရား၊ လမ်းနဲ့ အသက် ဖြစ်တယ်ဆိုတာနဲ့ အသက်ရှင်ရပ်တည်ဖို့အတွက် ကျွန်တော် မှီတွယ်သင့်တဲ့ အရင်းအမြစ်အမှန်တကယ်ဖြစ်တယ် ဆိုတယ်လို့ခံစားမိစေပါတယ်။ဘုရားသခင်အပေါ် ကျွန်တော့်ရဲ့ ယုံကြည်မှုဟာ မသိလိုက်ပဲ တိုးပွားလာပါတော့တယ်။ ဒီလို ခံစားနေရတဲ့ ပတ်ဝန်းကျင်ထဲမှာ ကျွန်တော်ဟာ “လူသည် မုန့်အားဖြင့်သာ အသက်ကိုမွေးရမည်မဟုတ်။ ဘုရားသခင် မိန့်တော်မူ သမျှ အားဖြင့် အသက်ကိုမွေးရမည်။” ဆိုတဲ့ သမ္မာတရားရဲ့ စစ်မှန်မှုကို အမှန်တကယ်ပဲတွေ့ကြုံခဲ့နိုင်ပါပြီ။ ဒါဟာ ဘုရားသခင် ကျွန်တော့်ကိုပေးအပ်တဲ့ ဘဝရဲ့ အတန်ဖိုးရှိဆုံးကြွယ်ဝမှုအစစ်အမှန်ဖြစ်ပြီး၊ အများနဲ့မတူတဲ့ လက်ဆောင်လည်းဖြစ်ပါတယ်။ ဒါ့အပြင်အစားအစာ သို့မဟုတ် အဝတ်အစားအတွက် ပူပန်စရာမလိုတဲ့ ပတ်ဝန်းကျင်တစ်ခုမှာဆိုရင် ဒီအတွေ့အကြုံကို ကျွန်တော် ဘယ်တော့မှ ရနိုင်မှာမဟုတ်ပါဘူး။ အခု ကျွန်တော့်ရဲ့ နာကျင်ခံစားမှုဟာ တကယ်ပဲ အဓိပ္ပါယ်နဲ့တန်ဖိုးရှိပါတယ်။

ဒီလို နှိပ်စက်ညှဉ်းပန်းခြင်းကို ခံရခြင်း အတွေ့အကြူံက ကျွန်တော့်ကို စိတ်ထဲကနေ ကွန်မြူနစ်ပါတီကို ရွံမုန်းမိစေတယ်။ ဘုရားကို ယုံကြည်လို့ အဖမ်းခံရပြီး လူမဆန်တဲ့ ညှဉ်းပန်းနှိပ်စက်မှုမျိုးစုံကို ခံစားရတယ်။ သူတို့က လုံးဝဆိုးယုတ်တာပါ။ အရင်က ဖတ်ခဲ့ဖူးတဲ့ ဘုရားနှုတ်ကပတ်တော် တစ်ပိုဒ်ကို စဉ်းစားမိတယ်၊ “နက်နဲရာ၏ မျက်နှာပြင်သည် ပရမ်းပတာဖြစ်ကာ မှောင်မိုက်စဉ်တွင်၊ ထိုသို့သော ဒုက္ခဝေဒနာကို ခံစားနေရသော အများပြည်သူများသည် ကောင်းကင်ဘုံသို့ ဟစ်ကြွေးကြကာ ကမ္ဘာမြေကြီးကို တိုင်တန်းကြလေသည်။ မည်သည့်အချိန်တွင် လူသားသည် သူ၏ ဦးခေါင်းကို မြင့်မြင့် မော့နိုင်လိမ့်မည်နည်း။ လူသားသည် ပိန်လှီကာ ပိန်ချုံးချည့်နဲ့လေသည်၊ သူသည် ဤရက်စက်ပြီး ဖိနှိပ်ညှဉ်းပန်းသော နတ်ဆိုးနှင့် မည်သို့ ရင်ဆိုင်နိုင်မည်နည်း။ သူသည် တတ်နိုင်သည်နှင့် တစ်ပြိုင်နက် ဘုရားသခင်အား အဘယ်ကြောင့် သူ၏ အသက်တာကို မပေးရသနည်း။ အဘယ်ကြောင့် လူသားသည် ချီတုံချတုံဖြစ်သေးသနည်း။ ဘုရားသခင်၏ အမှုကို သူသည် မည်သည့် အချိန်တွင် ပြီးစီးနိုင်မည်နည်း။ ထိုသို့ဖြင့် ရောက်တတ်ရာရာ နှိပ်စက်ခံရာ ဖိနှိပ်ခံရလျက်၊ သူ၏ ဘဝ တစ်ခုလုံးသည် နောက်ဆုံးတွင် အချည်းနှီး ကုန်ဆုံးပြီးဖြစ်လိမ့်မည်။ အဘယ်ကြောင့် သူသည် ရောက်လာရန် ထိုသို့ အလောတကြီး ဖြစ်ပြီး၊ ထွက်ခွာသွားရန် ထိုသို့ အလျင်လိုရသနည်း။ ဘုရားသခင်အား ပေးရန် သူသည် အဘယ်ကြောင့် တန်ဖိုးရှိသောအရာ တစ်စုံတစ်ခုကို မသိမ်းထားရသနည်း။ နှစ်ထောင်ချီ မုန်းတီးခြင်းကို သူသည် မေ့လျော့လေပြီလော။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမှုတော်နှင့် ဝင်ရောက်ခြင်း (၈)”) ဒီအတွေ့အကြုံကတစ်ဆင့် ကျွန်တော့်ကို ကွန်မြူနစ်ပါတီရဲ့ ဘုရားနဲ့ သမ္မာတရားကို ရန်ဘက်ပြုခြင်းအနှစ်သာရကို ရှင်းရှင်းလင်းလင်း သိမြင်စေတယ်။ ဒါက ကျွန်တော် ဘုရားအပေါ် သက်သေရပ်တည်ဖို့ စိတ်ဆုံးဖြတ်ချက်ကို ပိုပြီး အားသန်လာစေတယ်။

တစ်လကြာတော့ CCP ရဲ တွေဟာ ကျွန်တော့်ကို အသိုင်းအဝိုင်းငြိမ်ဝပ်ပိပြားမှုကို နှောက်ယှက်ခြင်း၊ ဥပဒေအကောင်အထည်ဖော်မှုကို ဖျက်ဆီးခြင်းဆိုတဲ့ပြစ်မှုနဲ့ ဝရမ်းထုတ်ခြင်းခံရပြီး၊ အလုပ်ကြမ်းနှင့်ထောင်ဒဏ် တစ်နှစ်ချမှတ်ခြင်း ခံခဲ့ရပါတယ်။ အလုပ်သမားစခန်းကို ဝင်ဝင်ချင်း ရဲအရာရှိတွေက ကျွန်တော့်ကို နေ့တိုင်းအလုပ်လုပ်ခိုင်းတယ်။ အလုပ်ရုံထဲမှာ အိတ်တွေကို ရေတွက်နေစဉ်မှာ ကျွန်တော်အိတ်၁၀ဝလို့ရေတွက်ပြီး အတူတကွစုချည်လိုက်ပါတယ်။ ထောင်သား တွေဟာ အမြဲတမ်းလိုလိုပဲ သက်သက်မဲ့လာပြီး ကျွန်တော်ရေတွက်ပြီးသားထဲက တစ်အိတ်ဒါမှမဟုတ် အိတ်တစ်ချို့ကိုယူသွားပြီးတော့ ကျွန်တော်မှန်မှန်ကန်ကန်မရေတွက်ဘူးလို့ ပြောလေ့ရှိတယ်။ ကျွန်တော့်ကိုထိုးဖို့ ကန်ဖို့အတွက် ဒါကိုအခွင့်အရေးလို့သဘောထားကြပါတယ်။ အဖွဲ့ခေါင်းဆောင်ကကျွန်တော်အရိုက်ခံရတာကိုတွေ့ရင် ကျွန်တော့်ဆီလာပြီး ရွဲ့ကာမဲ့ကာ နဲ့ ဘာဖြစ်နေ တာလဲလို့မေးပါလိမ့်မယ်။ ထောင်သားတွေက ကျွန်တော်အိတ်ကိုမှန်မှန်မရေတွက်ကြောင်း အထောက်အထားအမှားတွေကို ပြသကြပါလိမ့်မယ်။ အဲဒီနောက်မှာတော့ အဖွဲ့ခေါင်းဆောင်ရဲ့ ခက်ထန်တဲ့ဝေဖန်မှုကို ခံရပါတော့တယ်။ ကျွန်တော်အားငယ်ပြီး နာကျင်မှုတွေ ခံစားရတဲ့အခါ အလုပ်လုပ်ရင်း ဘုရားနှုတ်ကပတ်တော် ဓမ္မသီချင်းတစ်ပုဒ်ကို ဆိုလေ့ရှိတယ်၊ “ဤနောက်ဆုံးသောကာလအတောအတွင်း သင်တို့သည် ဘုရားသခင်ကို သက်သေခံကြရမည်။ သင်တို့၏ ဒုက္ခဝေဒနာက မည်မျှပင်ကြီးမားပါစေ သင်တို့သည် ဆုံးခန်းတိုင်အောင် လျှောက်သွားသင့်သည်၊ ထို့အပြင် သင်တို့၏နောက်ဆုံး ထွက်သက်၌ပင်လျှင် သင်တို့သည် ဘုရားသခင်ကို သစ္စာရှိပြီး ဘုရားသခင်၏စီစဉ်ညွှန်ကြားမှုကို ကျိုးနွံနာခံနေရမည်။ ဤအရာသည်သာလျှင် ဘုရားသခင်ကို အမှန်တကယ် ချစ်ခြင်းဖြစ်ပြီး၊ ဤအရာသည်သာလျှင် ခိုင်မာ၍ ထူးကဲသည့် သက်သေခံချက်ဖြစ်သည်။” (သိုးသငယ်နောက်လိုက်ပြီး သီချင်းအသစ်များကိုသီဆိုပါ “သင်၏ ဒုက္ခမည်မျှပင်ကြီးပါစေ၊ ဘုရားကို ကြိုးစားချစ်ပါ”) သီချင်းဆိုရင်း စိတ်ထဲမှာ တို့ထိမှုနဲ့ အားပေးလှုံ့ဆော်မှုကို ခံစားရပါတယ်။ မသိလိုက်ဘဲနဲ့ မျက်ရည်တွေလည်းကျလာခဲ့တယ်။ ဘယ်လောက် ဒုက္ခခံရပါစေ၊ ဘုရားအတွက် သက်သေရပ်တည်မယ်လို့ စိတ်ဆုံးဖြတ်လိုက်တယ်။ တစ်ချိန်တည်း ကျွန်တော်နဲ့အတူ ထောင်ကျတဲ့ ရွယ်တူညီအစ်ကို တစ်ယောက်လည်း ရှိတယ်။ နေ့ခင်းပိုင်းမှာ စကားပြောမရတော့ အလုပ်လုပ်တယ်၊ ညအချိန်မှာ ကျွန်တော်တို့ အရင်က မှတ်ထားတဲ့ နှုတ်ကပတ်တော် ဒါမှမဟုတ် ဓမ္မသီချင်းကို ချရေးပြီး အချင်းချင်း ဝေမျှတယ်။ မကြာမီ ကျွန်တော်တို့ အလုပ်တူတူလုပ်ရတော့ တိတ်တိတ်လေး မိတ်သဟာယဖွဲ့တယ်၊ အချင်းချင်း အားပေးကူညီတယ်၊ ဒါဟာ စိတ်ထဲက နာကျင်ကို တကယ်သက်သာစေပါတယ်။

ဒါ့အပြင် သူတို့ဟာ ကျွန်တော့်ကို နံနက်တိုင်း “ပြုမှုနေထိုင်မှုစည်းမျဉ်း” တွေကို အလွတ်မှတ်ခိုင်းပါတယ်။ အကယ်လို့ ကျွန်တော်မမှတ်နိုင်ဘူးဆိုရင် ကျွန်တော်အရိုက်ခံရပါတယ်။ သူတို့ဟာ ကျွန်တော့်ကို ကော်မြူနစ်ပါတီကိုချီးမွမ်းတဲ့ သီချင်းတွေကို အတင်းဆိုခိုင်းပါသေးတယ်။ အကယ်၍ ကျွန်တော်မဆိုဘူး သို့မဟုတ် ကျွန်တော့်နှုတ်ခမ်း တွေမလှုပ်ရှားဖူးဆိုတာကိုသူတို့တွေ့ရင် အဲဒီညမှာ ကျွန်တော့်မလွဲမသေအရိုက်ခံရတော့တာပါပဲ။ သူတို့ဟာ ကျွန်တော့်ကို တံမြတ်စည်းလှည်းခိုင်းပြီး အပြစ်ပေးတတ်ပါသေးတယ်။ အကယ်၍ သူတို့စိတ်တိုင်းကျတဲ့အထိကျွန်တော်မလှဲနိုင်ဘူးဆိုရင် ကျွန်တော်ဟာ ကြမ်းကြမ်းတမ်း တမ်းအရိုက်ခံရပါသေးတယ်။ တစ်ကြိမ်မှာတော့ထောင်သားတွေဟာ ရုတ်တရက် ကျွန်တော့်ကို စတင်ရိုက်ပြီး ကန်ကြောက်ခဲ့ကြတယ်။ ရိုက်ပြီးတဲ့အခါမှာ ကျွန်တော့်ကိုသူတို့ကမေးပါတယ်။ “လူငယ်လေး မင်းဘာလို့အရိုက်ခံရတယ်ဆိုတာသိလား။ ဘာလို့လဲဆိုတော့ထောင်မှူးလာတဲ့အခါမှာ မတ်တပ်ရပ်ပြီး မကြိုလို့ပဲ” လို့ပြောပါတယ်။ ကျွန်တော်ဟာအရိုက်ခံရတဲ့အကြိမ်တိုင်းမှာ စိတ်တိုလာ ပါတယ်။ ဒါပေမဲ့ ကျွန်တော်ဘာမှမပြောရဲပါဘူး။ ကျွန်တော်ငိုပြီးတိုးတိတ်စွာ ဘုရားသခင်ထံဆုတောင်းပြီး ဒီလိုဥပဒေမဲ့ တရားမဲ့တဲ့နေရာကြောင့်ကျွန်တော့်နှလုံးသားထဲမှာ နာကျင်မှုနဲ့ ဝမ်းနည်းမှုနဲပတ်သက်လို့သူ့ကိုပြောပြပါတယ်။ ဒီမှာတရားမျှတမှုဆိုတာမရှိပါဘူး။ အကြမ်းဖက်မှုတွေပဲရှိပါတယ်။ ဒီမှာလူတွေမရှိပါဘူး။ ရူးသွပ်နေတဲ့မကောင်းဆိုးဝါးတွေနဲ့ ကင်းမြီးကောက်တွေပဲရှိပါတယ်။ ကျွန်တာ်ဟာနေ့စဉ်နဲ့အမျှ ဒီဒုက္ခကြီးထဲမှာနေထိုင်ရတဲ့ နာကျင်မှုနဲ့ ဖိအားကိုအလွန်ခံစားခဲ့ရပါတယ်။ ကျွန်တော်ဒီမှာတစ်မိနစ်လောက်တောင်မှ နေလိုစိတ်မရှိပါဘူး။ အားနည်းမှုနဲ့နာကျင်မှုအခြေအနေကိုကျွန်တော် ရောက်ရှိတဲ့အချိန်တိုင်းမှာ အနန္တတန်ခိုးရှင် ဘုရားသခင်ရဲ့စကားတော်တွေကိုကျွန်တော်စဉ်းစားပါတယ်- “သင်တို့အား ပေးပြီးသော ကောင်းချီးမင်္ဂလာများကို သင်တို့ လက်ခံဖူးသလော။ သင်တို့အတွက် ပြုထားခဲ့သော ကတိများကို သင်တို့ ရှာကြဖူးသလော။ ငါ့အလင်း၏ လမ်းပြပို့ဆောင်မှုအောက်တွင် သင်တို့သည် အမှောင် အင်အားများ၏ လည်ညှစ်ခြင်းကို ဧကန် ထိုးဖောက်ကျော်လွှားနိုင်လိမ့်မည်။ သင်တို့အား လမ်းပြနေသော အလင်းကို အမှောင်ထု၏ အလယ်တွင် သင်တို့ ဧကန်မုချ ဆုံးရှုံးလိမ့်မည် မဟုတ်။ သင်သည် ဖန်ဆင်းခြင်းအားလုံး၏ အရှင်သခင် ဧကန်မုချ ဖြစ်လိမ့်မည်။ သင်သည် စာတန်၏ ရှေ့မှောက်တွင် အောင်မြင်သောသူတစ်ဦး ဧကန်မုချ ဖြစ်လိမ့်မည်။ အဆင်းနီသော နဂါးကြီး၏ နိုင်ငံကျရှုံးချိန်တွင် သင်သည် ငါ၏ အောင်မြင်မှုကို သက်သေခံရန် မြောက်မြားလှစွာသော လူအုပ်ကြီး၏ အလယ်တွင် ရပ်ရလိမ့်မည်။ သင်တို့သည် သိနိမ်ပြည်တွင် တည်ကြည်လျက် မယိမ်းယိုင်ဘဲ ဧကန် ရှိကြလိမ့်မည်။ သင်တို့ သည်းခံရသည့် ဆင်းရဲဒုက္ခများမှတစ်ဆင့်၊ သင်တို့သည် ငါ၏ ကောင်းချီးမင်္ဂလာများကို အမွေခံကြရလိမ့်မည် ဖြစ်ပြီး၊ စကြဝဠာ တစ်ခွင်လုံးတစ်လျှောက် ငါ၏ ဘုန်းအသရေကို ဧကန်မုချ တောက်ပစေကြလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၉” စကြဝဠာတစ်ခုလုံးအတွက် ဘုရားသခင်၏ နှုတ်ကပတ်တော်များ) ဘုရားသခင့်စကားတော်တွေဟာ ကျွန်တော့်ကို အားပေးခဲ့ပါတယ်။ ဘုရားသခင်ဟာကျွန်တော့်ကို ကျေးဇူးတော်၊ ကောင်းချီးမင်္ဂလာတွေ သို့မဟုတ် စမ်းသပ်မှုနဲ့ စစ်ဆေးခြင်း ဘာပဲပေးပေး ဒါဟာ ကျွန်တော့်ကို ထောက်မဖို့နဲ့ ကယ်တင်ဖို့ အတွက်အားလုံးဖြစ်တယ်ဆိုတာကိုကျွန်တော်နားလည်ခဲ့ပါတယ်။ ဒါဟာ ကျွန်တော့်ထဲမှာ သမ္မာတရားကို ထည့်သွင်းဖို့နဲ့ သမ္မာတရားဟာ ကျွန်တော့်အသက်တာဖြစ်အောင်လုပ်ဖို့ ပဲဖြစ်ပါတယ်။ ဘုရားသခင်ဟာ ကျွန်တော့်အပေါ်မှာ ညှဥ်းပမ်းနှိပ်စက်မှုနဲ့ ဆင်းရဲဒုက္ခကျရောက်ဖို့အခွင့်ပေးခဲ့ပါတယ်။ ကျွန်တော်ဟာ ကိုယ်ခန္ဓာပိုင်းမှာ တော်တော်နာကျင်ခံစားခဲ့ရပေမဲ့ ဒါဟာ ကျွန်တော့်ကို အဆင်းနီတဲ့နဂါးကြီးရဲ့ ဘုရားကို ဆန့်ကျင်ခြင်း၊ မုန်းတီးခြင်းရဲ့ အနှစ်သာရကို ရှင်းရှင်းလင်းလင်း တွေ့မြင်ခွင့်ပေးတယ်။ ၎င်းကို ရွံမုန်းပြီး စွန့်ပစ်နိုင်မယ်၊ ပြီးတော့ စာတန်ရဲ့ အုပ်စိုးမှုစွမ်းအားအောက် လုံးဝလွတ်မြောက်စေနိုင်ပြီး စိတ်နှလုံးကို ဘုရားသခင်ထံလုံးဝလှည့်ပြန်စေနိုင်ပြီး နောက်ဆုံးမှာ ဘုရားရဲ့ စုံလင်စေခြင်းကို ခံရတဲ့ အောင်မြင်သောသူတစ်ယောက်ဖြစ်ခွင့်ပေးတယ်။ ဘုရားသခင်ဟာ ကျွန်တော်နဲ့ရှိနေတယ်ဆိုတာကို အမှန်တကယ်တွေ့ကြုံရစေဖို့ခွင့်ပြုခဲ့ပါတယ်။ ဒါဟာ ကျွန်တော့်အနေနဲ့ ဘုရားနှုတ်ကပတ်တော်ဟာ ကျွန်တော့်ဘဝရဲ့ အစားအစာဖြစ်လာစေဖို့နဲ့ ကျွန်တော့်ခြေအတွက်ဆီမီးအိမ်၊ ကျွန်တော့် လမ်းအတွက် အလင်းရောင်ဖြစ်လာစေ ဖို့ဘုရားသခင့် နှုတ်ကပတ်တော်တွေကိုစစ်မှန်စွာ နားလည်စေဖို့ဖြစ်ပေါ်စေပြီး၊ ဒီနက်မှောင်တဲ့ ငရဲတွင်းထဲမှာ ကျွန်တော့်ကို တစ်လှမ်းပြီး တစ်လှမ်းလမ်းပြပေးနေပါတယ်။ နှိပ်စက်ညှဥ်းဆဲခြင်းနဲ့ ဆင်းရဲဒုက္ခရောက်ချိန်မှာ ဒါဟာ ကျွန်တော်မွေ့လျော်ပျော်ရွှင်ပြီး၊ ရရှိခဲ့တဲ့ ဘုရားသခင်ရဲ့ ချစ်ခြင်းမေတ္တာနဲ့ ကာကွယ်မှုပဲဖြစ်ပါတယ်။ အဲဒီအချိန်မှ ကျွန်တော်ဟာ တစ်ချိန်ကအလွန်ပဲ မျက်စိကန်းခဲ့ တယ်ဆိုတာကိုတွေ့မြင်ခဲ့ပါတယ်။ ဘုရားသခင်ကိုယုံကြည်ခြင်းမှာ ကျွန်တော်ဟာ ဘုရားသခင်ရဲ့ ကျေးဇူးတော်ကို ဘယ်လိုပျော်မွေ့ရမလဲဆိုတာကိုပဲသိရှိခဲ့ပြီး၊ သမ္မာတရားနဲ့ အသက်တာကို ပမာဏနည်းနည်းလေးတောင်မှာ လိုက်လံမရှာဖွေခဲ့ပါဘူး။ ကျွန်တော့်အသွေးအသားတွေဟာ အခက်အခဲလေးနည်းနည်းတွေ့လိုက်တာနဲ့ ကျွန်တော်အဆက်မပြတ်ငြီးငြူတော့တာပါပဲ။ ကျွန်တော်ဟာ တကယ်ပဲ ဘုရားသခင်ရဲ့ ဆန္ဒတော်ကိုနားမလည်ခဲ့ပါဘူး။ ဘုရားသခင်ရဲ့ အလုပ်ကိုနားလည်ဖို့မရှာဖွေခဲ့ပါဘူး။ ဘုရားသခင်ကျွန်တော့်ကြောင့် ဝမ်းနည်းနာကျင်မှုကိုပဲဖြစ် ပေါ်စေခဲ့ပါတယ်။ ကျွန်တော်အမှန်တကယ်ပဲ သတိမူမိခြင်းမရှိခဲ့ပါဘူး။ နောင်တသံဝေဂနဲ့ မိမိကိုယ်ကိုအပြစ်တင်မှုကိုခံစားရတဲ့အခါ ကျွန်တော်ဟာ ဘုရားသခင်ထံမှာ တိတ်ဆိတ်စွာ ဆုတောင်းခဲ့ပါတယ်။ “အိုးအနန္တတန်ခိုးရှင်ဘုရားသခင်၊ ကိုယ်တော်လုပ်ဆောင်တဲ့ အရာတိုင်းဟာ ကျွန်တော့်ကိုကယ်တင်ဖို့နဲ့ ရယူဖို့ဖြစ်တယ်ဆိုတာကျွန်တော်သိပါတယ်။ ကျွန်တော်ဟာ အလွန်ပဲပုန်ကန်တတ်ခြင်းနဲ့ မျက်စိကန်းခြင်းအတွက်သာ မုန်းတီးမိပါတယ်။ ကျွန်တော်ဟာ ကိုယ်တော့်ကို အမြဲတမ်း မှားယွင်းနားလည်ခဲ့မိပြီး ကိုယ်တော့် ဆန္ဒကို မစဉ်းစားမိခဲ့ပါဘူး။ အိုးဘုရားသခင်၊ ယနေ့ ကိုယ်တော့်စကားတော်ဟာ ကျွန်တော့်ရဲ့ ထုံနေတဲ့နှလုံးသားနဲ့ ဝိညာဉ်ကိုနိုးထစေခဲ့ပြီး ကိုယ်တော့်ဆန္ဒတော်ကို နားလည်စေဖို့ခွင့်ပြုခဲ့ပါပြီ။ ကျွန်တော့်ကိုယ်ပိုင်ဆန္ဒများနဲ့ လိုအပ်ချက်များရှိဖို့ စိတ်ဆန္ဒမရှိတော့ပါဘူး။ ကိုယ်တော့် အစီအစဉ်အောက်မှာသာ မိမိကိုယ်ကိုအပ်နှံလိုပါတယ်။ အခက်အခဲဘယ်လောက်ကြီးကြီးမားမား ကျွန်တော်ခံစားရပါစေ၊ စာတန်ရဲ့ နှိပ်စက်မှုများထဲမှာ ကောင်းမွန်တဲ့သက်သေကိုဆောင်ပါတော့မယ်။” လို့ဆုတောင်းပြီးတဲ့နောက်မှာ ဘုရားသခင်ရဲ့ ကောင်းမွန်တဲ့ ရည်ရွယ်ချက်တွေကို ကျွန်တော်နားလည်ခဲ့ပါတယ်။ ဘုရားသခင်ကျွန်တော့်ကို ခွင့်ပြုနေထိုင်စေခဲ့တဲ့ ပတ်ဝန်းကျင်တစ်ခုစီ ဟာ ကျွန်တော့်အတွက် ဘုရားသခင်ရဲ့ အကြီးမားဆုံးချစ်ခြင်းမေတ္တာနဲ့ ကယ်တင်ခြင်းကို တွေ့ကြုံဖို့ခွင့်ပေးခဲ့ကြောင်းသိရှိခဲ့ပါတယ်။ ဒါကြောင့် သူရဲဘောကြောင်ဖို့ ဒါမှမဟုတ် ဘုရားသခင်ကို မှားယွင်းနားလည်ဖို့အတွက် ကျွန်တော်ထပ်ပြီးမစဉ်းစားတော့ပါဘူး။ အခြေအနေကတော့ ဆက်လက်ပြီး ဒီအတိုင်းဖြစ်နေပေမဲ့ ကျွန်တော့်နှလုံးသားဟာ တကယ်ပဲ ပျော်ရွှင်မှုနဲ့ကြည်နူး မှုတွေနဲ့ပြည့်နေပါတယ်။ ဘုရားသခင်အပေါ်ကျွန်တော့်ရဲ့ယုံကြည်မှုအတွက် အခက်အခဲများနဲ့ ညှဥ်းပန်းနှိပ်စက်မှုခံရခြင်းဟာ ဂုဏ်ယူစရာဖြစ်တယ်လို့ ကျွန်တော်ခံစားခဲ့ရပါတယ်။ ဒါဟာ ပျက်စီး နေတဲ့သူတစ်ဦးဖြစ်တဲ့ကျွန်တော့်အတွက် တမူထူးခြားတဲ့လက်ဆောင်တစ်ခုပါပဲ။ ဒါဟာ ဘုရားသခင်ရဲ့ ထူးခြားတဲ့ ကောင်းခြင်းမင်္ဂလာနဲ့ ကျေးဇူးတော် ပဲဖြစ်ပါတယ်။

ထောင်ထဲမှာ တစ်နှစ်တာအခက်အခဲတွေကို ရင်ဆိုင်ခဲ့ရပြီးနောက် ကျွန်တော်ဟာ သေးငယ်တဲ့ အရာတစ်ခုဖြစ်ပြီး သမ္မာတရား အလွန်ကင်းမဲ့တယ်ဆိုတာကို တွေ့မြင်ခဲ့တယ်။ အနန္တတန်ခိုးရှင်ဘု ရားသခင်ဟာ ဒီလိုတမူထူးတဲ့ပတ်ဝန်းကျင်အားဖြင့် ကျွန်တော့်အားနည်းချက်တွေ ကိုအမှန်တကယ်ပဲ ပြုပြင်ခဲ့ပြီး ကျွန်တော့်ကို ကြီးထွားစေခဲ့ပါတယ်။ ကျွန်တော့်ရဲ့အခက်အခဲထဲမှာဘဝရဲ့ တန်ဖိုးအရှိဆုံး ကြွယ်ဝမှုကိုကျွန်တော့်ကိုရရှိစေခဲ့ပြီး၊ ယခင်ကကျွန်တော်နားမလည်ခဲ့တဲ့ သမ္မာတရားများစွာ ကိုနားလည်ဖို့ နဲ့ခရစ်ယာန်တွေကို ညှဥ်းပမ်းနှိပ်စက်ပြီး၊ ဘုရားသခင်ကို နှိပ်စက်နေတဲ့ CCPရဲ့ ပြစ်မှုများကို ရှင်းလင်းစွာတွေ့မြင်ခဲ့ရပါတယ်။ မကောင်းဆိုးဝါးစာတန်ရဲ့ အော့နလုံးနာဖွယ် ပုံပန်းကိုသတိပြုမိခဲ့ပြီး၊ ဘုရားသခင်ကို ဆန့်ကျင်တဲ့ သူရဲ့ တုံ့ပြန်တတ်တဲ့ အနှစ်သာရ ကိုတွေ့မြင်ခဲ့ရပါတယ်။ ပျက်စီးယိုယွင်းနေတဲ့ လူသားတစ်ဦးဖြစ်တဲ့ ကျွန်တော့်အတွက် အနန္တတန်ခိုးရှင်ဘုရားသခင်ရဲ့ ကြီးမားတဲ့ကယ်တင်ခြင်းနဲ့သနားကရုဏာကို ကျွန်တော် တကယ်ပဲ ကြုံတွေ့စေခဲ့ပါတယ်။ အနန္တတန်ခိုးရှင်ဘုရားသခင်ရဲ့ နှုတ်ကပတ်တော်တွေထဲကတန်ခိုးတော်နဲ့ အသက်တာဟာ ကျွန်တော့်ကိုအလင်းတွေယူဆောင်လာပြီး ကျွန်တော့်ဘဝကိုဖြစ်ပေါ်လာစေကာ စာတန်ကိုအောင်မြင်နိုင်စေဖို့နဲ့ သေခြင်းရဲ့ ချိုင့်ဝှမ်းအတွင်းမှ လျှောက်လှမ်းနိုင်ဖို့အတွက် လမ်းပြပေးမှုကိုခံစားမိခဲ့ပါတယ်။ ဘုရားသခင်ကို ကျေးဇူးတင် ချီးမွမ်းပါတယ်။

အရှေ့သို့- ၈၀။ လူငယ်ဘဝ၏ အရွယ်ကောင်းသောအချိန်ကို အကျဉ်းထောင်၌ ကုန်ဆုံးခြင်း

နောက်တစ်ခုသို့- ၈၂။ စစ်မေးခန်းထဲက ညှဉ်းပန်းနှိပ်စက်ခြင်း

ယနေ့မှာ ကပ်ဘေးများကျရောက်နေပြီ။မည်သို့လုပ်ဆောင်မှ သခင်တဖန်ပြန်ကြွလာခြင်းကို ကြိုဆိုရန် လက်မလွှတ်နိုင်မည်နည်း။ကျွန်ုပ်တို့ကိုဆက်သွယ်ပါ။သင့်အားအဖြေပြောပြပေးမည်။

သက်ဆိုင်သည့် အကြောင်းအရာ

၂၁။ လူတွေကို ဘယ်လို မှန်ကန်စွာ ဆက်ဆံရမယ်ဆိုတာ ကျွန်မ သိခဲ့ရပြီ

ပြင်သစ်၊ ရှီးယွမ်လွန်ခဲ့တဲ့နှစ်နှစ်လောက်တုန်းက ကျွန်မ အသင်းတော်မှာ ခေါင်းဆောင်လုပ်နေတာ။ အဲဒီအသင်းတော်မှာ အစွမ်းအစကောင်းတဲ့ ချန်မျိုးရိုး...

၆၇။ လူသား၏ ပုံစံအတိုင်း အနည်းငယ် အသက်ရှင်နေထိုင်ခြင်းသည် ဧကန်အမှန် အလွန်ကောင်း၏

ကနေဒါနိုင်ငံ၊ ထားရှီအနန္တတန်ခိုးရှင် ဘုရားသခင် ပြောသည်မှာ- “သူ၏ အနှစ်ခြောက်ထောင် စီမံခန့်ခွဲမှု အစီအစဉ် အဆုံးမသတ်မီ- လူ အတန်းအစား အသီးသီး၏...

၆၄။ မာနထောင်လွှားခြင်းသည် ကျရှုံးခြင်းမတိုင်မီ လာ၏

တရုတ်နိုင်ငံ ကွမ်ရှီး ဒေသ၊ ရှင်းကျယ်အနန္တတန်ခိုးရှင် ဘုရားသခင် ပြောသည်မှာ- “မာနထောင်လွှားခြင်းသည် လူသား၏ ဖောက်ပြန်ပျက်စီးသော စိတ်သဘောထား၏...

၇၅။ ကျွန်မ ကြုံခဲ့ရသော စမ်းသပ်မှု

တရုတ်နိုင်ငံ ကျိလင် စီရင်စု၊ ကျုံးရှင်းအနန္တတန်ခိုးရှိသော ဘုရားသခင် ပြောသည်မှာ- “ငါ၏ လုပ်ဆောင်ချက်များသည် ကမ်းခြေများရှိ သဲလုံးများထက်...

နှုတ်ကပတ်တော်သည် လူ့ဇာတိ၌ ပေါ်လာ၏ တရားစီရင်ခြင်းသည် ဘုရားသခင်၏ အိမ်တော်မှ စတင်သည် နောက်ဆုံးသောကာလခရစ်တော်၊ အနန္တတန်ခိုးရှင် ဘုရားသခင်ထံမှ စံနမူနာ နှုတ်ကပတ်တော်များ ဘုရားသခင်၏ နေ့စဉ် နှုတ်ကပတ်တော်များ အနန္တတန်ခိုးရှင် ဘုရားသခင်၏ နှုတ်ကပတ်တော် လက်ရွေးစင်များ သမ္မာတရားကို လက်တွေ့လုပ်ဆောင်ခြင်း၏ အခြေခံမူ ၁၇၀ သိုးသငယ်နောက်လိုက်ပြီး သီချင်းအသစ်များကိုသီဆိုပါ နောက်ဆုံးသော ကာလ ခရစ်တော်၏ ပေါ်ထွန်းခြင်းနှင့် အမှုတော် နိုင်ငံတော် ဧဝံဂေလိတရားတော် ဖြန့်ဝေခြင်းအတွက် လမ်းညွှန်ချက်များ ဘုရားသခင်၏သိုးတို့သည် ဘုရားသခင်၏ အသံတော်ကို ကြားကြ၏ ယုံကြည်သူအသစ်အတွက် အခြေခံလိုအပ်ချက်များ ဘုရားသခင်၏ အသံကို နားထောင်လော့ ဘုရားသခင်၏ ပေါ်လာခြင်းကို ရှုမြင်ကြလော့ နိုင်ငံတော်၏ ဧဝံဂေလိတရားအကြောင်း စံနမူနာ အမေးအဖြေများ လက်ရွေးစင်များ ခရစ်တော်၏ တရားစီရင်ခြင်း ပလ္လင်တော်ရှေ့ အတွေ့အကြုံများအကြောင်း သက်သေခံချက်များ အောင်မြင်သောသူများ၏ သက်သေခံချက်များ အနန္တတန်ခိုးရှင်ဘုရားသခင်ထံ ကျွန်ုပ်ပြန်လှည့်ခဲ့ပုံ

ဆက်တင်

  • စာတို
  • နောက်ခံအပြင်အဆင်များ

တပြေးညီ အရောင်များ

နောက်ခံအပြင်အဆင်များ

စာလုံးပုံစံ

စာလုံးအရွယ်အစား

စာကြောင်း အကွာအဝေး

စာကြောင်း အကွာအဝေး

စာမျက်နှာအနံ

မာတိကာ

ရှာဖွေမည်

  • ဤစာကို ရှာမည်
  • ဤစာအုပ်ကို ရှာမည်