ရွေးကောက်ပွဲမှ ကျွန်မ ရရှိလိုက်သည့်အရာများ

03.08.2022

မုတုံ ဂျပန်နိုင်ငံ

အသင်းတော်က အခုရက်ပိုင်းမှာ ခေါင်းဆောင်နေရာကို ဖြည့်ဖို့ အထူးရွေးကောက်ပွဲတစ်ခုလုပ်တယ်။ အထက်ခေါင်းဆောင်ပိုင်းက အစ်မကျောင်ကို ရာထူးတိုးပေးဖို့ စီစဉ်နေတာကို ကျွန်မသိတော့ ဒီဆုံးဖြတ်ချက်ကို မေးခွန်းမထုတ်ဘဲ မနေနိုင်ဘူး။ အစ်မကျောင် ဟုတ်လား။ ခေါင်းဆောင်အနေနဲ့ သူက မနာလိုတာ၊ သဘောထားကွဲလွဲတာတွေဖြစ်အောင်လုပ်ပြီး သူများတွေကို ဖိနှိပ်ပြီး အပြစ်ပေးတယ်။ ညီအစ်ကိုမောင်နှမတွေကို ထိခိုက်ပြီး အသင်းတော်အလုပ်ကို ကြားဖြတ်ပြီး အနှောင့်အယှက်ဖြစ်စေတယ်။ ညီအစ်ကိုမောင်နှမတွေက သူ့ကို ခဏခဏ ဖော်ထုတ်ပေမဲ့ သူက လုံးဝ လက်မခံဘဲ နောက်ကျတော့ လူစားလဲခံရတယ်။ သူက သူ့ကိုယ်သူ ဆင်ခြင်ကြည့်ခဲ့ပြီး သိလာခဲ့သလား။ နောင်တရပြီးတော့ ပြောင်းလဲခြင်းကို ရခဲ့သလားပေါ့။ ဒါပေမဲ့ နောက်တော့ ကျွန်မ စဉ်းစားမိတယ်။ “ခေါင်းဆောင်ပိုင်းက သူ့ကို ရာထူးတိုးပေးဖို့ စီစဉ်နေရင် စည်းမျဉ်းတွေနဲ့အညီ သူ့ကိစ္စကို အကဲဖြတ်ပြီးတာဖြစ်ရမယ်။ သူက နောင်တရပြီး အတိုင်းအတာတစ်ခုအထိ ပြောင်းလဲပြီးတာဖြစ်မယ်။ တကယ်တော့လည်း ခေါင်းဆောင်ပိုင်းရွေးကောက်ပွဲက အထက်ပိုင်းခေါင်းဆောင်တွေအတွက် ကိစ္စဖြစ်ပြီး ငါ့အတွက် သိပ်မဆိုင်ပါဘူး။ ငါက အလကားသက်သက် စိတ်မပူသင့်ဘူး” ပေါ့။

သုံးလေးရက်ကြာတော့ ခေါင်းဆောင်တွေက စုဝေးပွဲတစ်ခုလုပ်တယ်။ အဲဒီမှာ အသင်းတော်ခေါင်းဆောင်တွေကို ရွေးကောက်ခြင်းစည်းမျဉ်းတွေကို ဆွေးနွေးကြပြီး သတင်းရတဲ့ အရင်းအမြစ်တွေဆီက အစ်မကျောင်အပေါ် အကဲဖြတ်ချက်တွေကိုဖတ်တယ်။ အကဲဖြတ်ချက်တွေကနေ ကျွန်မသိရတာက အစ်မကျောင်က ကိုင်တွယ်ဖြေရှင်းခံရတဲ့အခါမှာ ခဏခဏ မကျေမနပ်ဖြစ်ပြီး ငြင်းတယ်။ သမ္မာတရားကို လက်ခံဖို့ ခက်နေတယ်။ ပြီးတော့ ဒီအကဲဖြတ်ချက်တွေထဲမှာ သူ့ရဲ့အရင်ပြစ်မှားမှုတွေကို သူဘယ်လိုမြင်တယ်ဆိုတာ မပါဘူး။ ကျွန်မ ကိုယ့်ဘာသာ တွေးမိတယ်။ “အစ်မကျောင်က သူ့ကိုယ်သူ ဆင်ခြင်ပြီး မသိလာခဲ့ဘူးဆိုရင် သူက သမ္မာတရားကို မလိုက်စားတာ၊ လက်မခံတာဖြစ်မယ်။ သူက ခေါင်းဆောင်အဖြစ် ထပ်ပြီး အရွေးခံရရင် သူက ဆက်ပြီးတော့ပဲ မနာလိုတာ၊ သဘောထားကွဲလွဲတာတွေဖြစ်အောင်လုပ်ပြီး ညီအစ်ကိုမောင်နှမတွေကို ဖိနှိပ်မှာမဟုတ်ဘူးလား” ပေါ့။ ဒါပေမဲ့ နောက်တော့ ကျွန်မ စဉ်းစားတယ်။ “ငါ သူ့ကို ဒီနှစ်တွေမှာ သိပ်မတွေ့ဖြစ်ဘူး။ သူ့ရဲ့ လက်ရှိအခြေအနေကို သေချာမသိဘူး။ ဒီတော့ ဒီကိစ္စကို ငါ စိတ်မပူသင့်ပါဘူး။ အရေးကြီးဆုံးက ငါ့ကိုယ်ပိုင်အလုပ်ကို အာရုံစိုက်တာပဲ။ ဘာပဲဖြစ်ဖြစ် ဘယ်သူက ခေါင်းဆောင်အဖြစ် အစေခံတာက တကယ်တမ်း အရေးမကြီးပါဘူး” ပေါ့။ အဲဒီအချိန်မှာ ကျွန်မက ဒီအတိုင်းထားလိုက်ပြီး နေနေလိုက်တယ်။ ကျွန်မအံ့သြသွားတာက သုံးလေးရက်ကြာတော့ ခေါင်းဆောင်တွေက နောက်ထပ် စုဝေးပွဲတစ်ခုလုပ်တယ်။ အစ်မကျောင်က ဆင်ခြင်မကြည့်ခဲ့ဘဲ သူ့ရဲ့ အရင်က ပြစ်မှားမှုတွေအပေါ် နားလည်မှုမရှိတာကြောင့် နောင်တရပြီး မပြောင်းလဲတာကြောင့်၊ သူ့ကိုရာထူးတိုးပေးတာကို ဆန့်ကျင်တဲ့ ညီအစ်ကိုမောင်နှမတွေရှိတယ်၊ သူက ခေါင်းဆောင်နေရာကို ရာထူးတိုးပေးဖို့ မသင့်တော်ဘူးလို့ သူတို့ကပြောတယ်။ ခေါင်းဆောင်တွေက အစ်မကျောင်ရဲ့ အခြေအနေကို နှံ့နှံ့စပ်စပ် စစ်ဆေးပြီး စွပ်စွဲချက်တွေက မှန်တာသေချာအောင်လုပ်တယ်။ နောက်ဆုံးမှာ အစ်မကျောင်က တကယ်ပဲ ခေါင်းဆောင်ဖြစ်ဖို့ မသင့်တော်ဘူးလို့ စည်းမျဉ်းအပေါ် အခြေခံပြီး အကဲဖြတ်ချက်တစ်ခုလုပ်ခဲ့တယ်။ ဒါတွေအားလုံးကို ကျွန်မ သိရတော့ ရှက်မိတယ်။ သူများတွေက ပြဿနာတွေကိုမြင်တဲ့အခါမှာ ဘာလို့ သတင်းပို့ပြီး အသင်းတော်ရွေးကောက်ပွဲကို ကာကွယ်ပေးနိုင်ပြီးတော့ ကျွန်မကတော့ ဘာလို့ ရပ်ကြည့်ပြီး ဒီကိစ္စကို အလေးမထားရတာလဲ။ ကျွန်မ ဘာတွေများစဉ်းစားနေတာလဲ ပေါ့။ ဒါတွေအားလုံးကို သဘောပေါက်ပြီး နည်းနည်း စိတ်ညစ်မိတယ်။

အဲဒါနဲ့ ရှာဖွေပြီး ဆုတောင်းဖို့ ဘုရားရှေ့ကို လာတယ်။ ဒီအခြေအနေကနေ ကျွန်မ ဘာသင်ခန်းစာတွေ သင်ယူသင့်လဲပေါ့။ ဒီ ဘုရားနှုတ်ကပတ်တော်အပိုဒ်ကို ကျွန်မ တွေ့မိတယ်။ “ဝိညာဉ်ရေးရာကိစ္စများကို နားမလည်သောအခါတွင် ဝိညာဉ်ရေးရာဆန်ယောင် ဟန်ဆောင်သောသူအားလုံးသည် အတုအယောင်များဖြစ်သည်။ ၎င်းတို့သည် စည်းကမ်းများကို တင်းကျပ်စွာလိုက်နာလျက်၊ သို့မဟုတ် အယူဝါဒစကားများကို သံယောင်လိုက်လျက် တစ်နေကုန် အချိန်ကုန်ဆုံးခြင်းမှလွဲ၍ မည်သည့်အရာကိုမျှ ဂရုမစိုက်ပေ။ ဤသည်မှာ ရှေးခေတ်ပညာရှင်များလုပ်ဆောင်ခဲ့သည့်အရာနှင့် ဆင်တူသည်။ ‘ဂန္တဝင်စာပေများတွင်သာ မိမိတို့ကိုယ်ကို နှစ်မြုပ်ထားပြီး ၎င်းတို့၏ အနီးဆုံးပတ်ဝန်းကျင်၏ ပြင်ပ၌ ဖြစ်ပျက်သည့်အရာများကို လျစ်လျူရှုခြင်း’ ဖြစ်သည်။ ဝိညာဉ်ရေးရာဆန်ယောင် ဟန်ဆောင်သောလူတို့သည် အခြားလူတို့က လုပ်ဆောင်သည့်အရာတိုင်းသည် ၎င်းတို့နှင့် မသက်ဆိုင်ဟုမြင်သည်။ အခြားလူတို့က မည်သို့စဉ်းစားပါစေ ယင်းမှာ ဤအခြားလူတို့၏အလုပ်ဖြစ်သည်ဟု မှတ်ယူကြသည်။ ၎င်းတို့သည် လူတို့ကြားတွင် မည်သို့ခွဲခြားသိမြင်ရမည်ကိုလည်းကောင်း၊ အမှုအရာများတွင် အပေါ်ယံထက်ကျော်၍ ကြည့်ရန်ကိုလည်းကောင်း၊ ဘုရားနှုတ်ကပတ်တော်နှင့်အညီ ဘုရားအလိုတော်ကို နားလည်ရန်ကိုလည်းကောင်း သင်ယူရန် ငြင်းဆန်သည်။ လူအများစုမှာ ဤသို့ဖြစ်သည်။ ၎င်းတို့သည် တရားဒေသနာတစ်ပုဒ်နားထောင်ခြင်း၊ သို့မဟုတ် ဘုရားနှုတ်ကပတ်တော် ဖတ်ခြင်းပြီးဆုံးသောအခါ ၎င်းတို့သည် စာရွက်ပေါ်တွင် ရေးချမှတ်သားပြီး ၎င်းတို့စိတ်နှလုံးတွင် သိမ်းဆည်းထားကာ ယင်းတို့ကို အယူဝါဒများ၊ သို့မဟုတ် စည်းကမ်းများအဖြစ် မှတ်ယူသည်။ ၎င်းတို့သည် ဤအရာတို့ကို အဖြစ်သာ လေ့လာကြည့်ရှုပြီးနောက်တွင် ထားခဲ့လိုက်တော့သည်။ ၎င်းတို့အနီးတွင် ဖြစ်ပျက်သည့်အရာများတွင် သမ္မာတရားနှင့် မည်သို့ဆက်နွှယ်မှုရှိသည်၊ သို့မဟုတ် ၎င်းတို့အနီးတွင်ရှိသောလူတို့တွင် ၎င်းတို့မြင်သည့် အမျိုးမျိုးသော အပြုအမူများနှင့် သရုပ်သကန်များသည် သမ္မာတရားနှင့် မည်သည့်ဆက်စပ်မှု ရှိသည်ဆိုသည်နှင့်ပတ်သက်ပြီး၊ ဤအရာကို ၎င်းတို့၏ စိတ်နှလုံးထဲတွင် လုံးဝ ဆင်ခြင်တွေးတောခြင်း၊ သို့မဟုတ် နားလည်သဘောပေါက်ရန်ကြိုးစားခြင်းမရှိသကဲ့သို့ ဆုတောင်းခြင်း၊ သို့မဟုတ် ရှာဖွေခြင်းလည်းမရှိပေ။ ဤသည်မှာ လူအများစု၏ ဝိညာဉ်ရေးအသက်တာက ရှိနေသော ပုံသဏ္ဌာန်ဖြစ်သည်။ ဤအကြောင်းရင်းကြောင့် သမ္မာတရားသို့ ဝင်ရောက်ခြင်းနှင့် ပတ်သက်သောအခါ လူအများစုသည် နှေးကွေးပြီး အပေါ်ယံဆန်သည်။ ၎င်းတို့၏ ဝိညာဉ်ရေးရာအသက်တာသည် အလွန်အမင်း ငြီးငွေ့ဖွယ်ကောင်းသည်။ ၎င်းတို့သည် စည်းမျဉ်းများနောက်ကိုသာလိုက်သည်။ အမှုအရာများကို ၎င်းတို့လုပ်ဆောင်သည့် နည်းလမ်းများတွင် စည်းမျဉ်းမရှိပေ။ လူအများစု၏အခြေအနေတွင် ၎င်းတို့၏ ဝိညာဉ်ရေးအသက်တာသည် အနှစ်မရှိဘဲ လက်တွေ့အသက်တာဖြင့် အံဝင်ခွင်ကျမဖြစ်ဟု ငါတို့ ဆိုနိုင်သည်။ ဤအကြောင်းရင်းကြောင့် ဆိုးယုတ်သောလူများနှင့် အန္တိခရစ်များ၏ ပြောင်ပြောင်တင်းတင်း ပြုမူဆောင်ရွက်မှုများနှင့် ယှဉ်လျှင်ပင် ၎င်းတို့သည် အဓိပ္ပာယ်သတ်မှတ်ချက်များရှိဖို့မဆိုထားနှင့်၊ အယူအဆများ လုံးဝမရှိသကဲ့သို့ သိလည်း မသိပေ၊ သို့မဟုတ် ခွဲခြားသိမြင်ခြင်း တစ်ခုတလေပင်မရှိပေ။” (အန္တိခရစ်တို့ကို ဖော်ထုတ်ခြင်း၌ “၎င်းတို့သည် မိမိတို့ကိုယ်တိုင် ထင်ရှားကျော်ကြားမှု ရစေဖို့နှင့် ၎င်းတို့ကိုယ်တိုင်၏ အကျိုးစီးပွားများနှင့် ရည်မှန်းချက်များကို ပြည့်ဝစေဖို့သာ ၎င်းတို့၏တာဝန်ကို ထမ်းဆောင်ခြင်းဖြစ်သည်။ ၎င်းတို့သည် ဘုရားသခင့်အိမ်တော်၏အကျိုးစီးပွားများကို မည်သည့်အခါမျှ အရေးမထားသကဲ့သို့၊ ပုဂ္ဂိုလ်ရေးရာ ထင်ပေါ်ကျော်ကြားမှုအတွက် အပြန်အလှန်အားဖြင့် ထိုအကျိုးစီးပွားများကိုပင် ပစ်ပယ်သည် (အပိုင်း ၅)”) ဘုရားနှုတ်ကပတ်တော်ကို ဖတ်ရင်းနဲ့ ကျွန်မကိုယ်တိုင်ရဲ့ ယုံကြည်ခြင်းကို ကျင့်သုံးမှုကို ဖော်ပြနေသလို ခံစားရတယ်။ ဘုရားနှုတ်ကပတ်တော်က ဖော်ထုတ်တဲ့ပုံစံအတိုင်းပဲ ကျွန်မ ပြုမူခဲ့တယ်။ “ဂန္တဝင်စာပေများတွင်သာ မိမိတို့ကိုယ်ကို နှစ်မြုပ်ထားပြီး ၎င်းတို့၏ အနီးဆုံးပတ်ဝန်းကျင်၏ ပြင်ပ၌ ဖြစ်ပျက်သည့်အရာများကို လျစ်လျူရှုခြင်း။” ဒါက ကျွန်မတာဝန်တွေကို ထမ်းဆောင်ပြီး ကျွန်မရဲ့ အလုပ်အစိတ်အပိုင်းကို အာရုံစိုက်ဖို့ လုံလောက်တယ်လို့ ယုံကြည်ခဲ့တယ်။ အဲဒီပြင်ပက ဘယ်အရာမဆို ကျွန်မနဲ့ ဘာမှမဆိုင်ဘူးပေါ့။ ကျွန်မစိတ်ထဲမှာ ကျွန်မထင်တာက ဘုရားကို ယုံကြည်ခြင်းဆိုတာ ဘုရားကို ဆုတောင်းတာ၊ ဘုရားနှုတ်ကပတ်တော်တွေဖတ်တာ၊ တာဝန်တွေ ထမ်းဆောင်တာ၊ အမှားအကြီးကြီးတွေတစ်ခုမှ မလုပ်တာပဲ ပေါ့။ ဒါတွေကို လုပ်ရင် ဘုရားရဲ့ ချီးကျူးခြင်းကို ခံရနိုင်တယ် ပေါ့။ ဘုရားနှုတ်ကပတ်တော်ကို ဖတ်ပြီးမှပဲ ဒီအယူအဆက ဘယ်လောက်အဓိပ္ပာယ်မရှိသလဲဆိုတာ သဘောပေါက်တယ်။ ဘုရားအမှုတော်က အရမ်းကို လက်တွေ့ကျပြီး နည်းနည်းလေးမှ မရေရာတာမဖြစ်ဘူး။ ဘယ်အချက်ကမှ လက်တွေ့အရှိတရားနဲ့ မဆက်စပ်တာမရှိဘူး။ တစ်ချိန်တည်းမှာပဲ သူက ကျွန်မတို့ကို သမ္မာတရားတွေနဲ့ ပံ့ပိုးပေးတယ်။ သူ့ရဲ့ နှုတ်ကပတ်တော်တွေကို တွေ့ကြုံပြီး သူ့နှုတ်ကပတ်တော်ကတစ်ဆင့် အမှုကိစ္စတွေကို ရှုမြင်ဖို့အတွက် လေ့ကျင့်အောင် ကူညီပေးဖို့ ကျွန်မတို့ နေ့စဉ်အသက်တာတွေမှာလည်း အခြေအနေတွေ အားလုံးကို ဖန်တီးပေးတယ်။ ဒီလိုနဲ့ သမ္မာတရားကို ကျွန်မတို့ နားလည်ပြီး ရရှိနိုင်ဖို့အတွက်ပေါ့။ အဲဒီ ခေါင်းဆောင်ရွေးကောက်ပွဲကို ပြန်စဉ်းစားကြည့်တော့ တချို့လူတွေက ဘုရားနှုတ်ကပတ်တော်ကို အခြေခံပြီး သမ္မာတရားကို ရှာဖွေနိုင်ပြီး အသိအမြင်ကို အသုံးချနိုင်တယ်။ ခေါင်းဆောင်ကို စည်းမျဉ်းနဲ့အညီ ရာထူးတိုးပေးတာမဟုတ်ဘူးဆိုတာကို သဘောပေါက်တဲ့အခါမှာ သူတို့က ကြားဝင်ပြီး အသင်းတော်အလုပ်ကို ကာကွယ်ဖို့အတွက် အချိန်မီ ထရပ်နိုင်တယ်။ ဒီအခြေအနေကတစ်ဆင့် လူတွေနဲ့ အမှုကိစ္စတွေကို ပိုင်းခြားသိမြင်ဖို့ သင်ယူကြပြီး လက်တွေ့လုပ်ဆောင်တဲ့ အကျိုးအမြတ်တွေကို ရကြတယ်။ ကျွန်မကတော့ ဒီအခြေအနေကိုပဲ အပြင်ကလူတစ်ယောက်လို ချဉ်းကပ်တယ်။ ရွေးကောက်ပွဲပြီးတာနဲ့ လှည့်ထွက်သွားတယ်။ ဘာသင်ခန်းစာတွေကို သင်ယူနိုင်သလဲဆိုတာကို နည်းနည်းလေးမှ နားလည်ဖို့ အားမထုတ်ဘူး။ ရလဒ်အနေနဲ့ ဘာကိုမှ ကျွန်မ မရခဲ့ဘူး။ ကျွန်မရဲ့ ယုံကြည်ခြင်းကို ကျင့်သုံးမှုက တကယ့်အသက်တာနဲ့ လုံးဝ အဆက်ပြတ်နေတယ်။ ဘုရားသခင်ဖန်တီးတဲ့ အခြေအနေတွေမှာ သမ္မာတရားကို ရှာဖွေဖို့ အလေးပေးဖို့ မပြောနဲ့။ ဘုရားအမှုတော်ကို တွေ့ကြုံတဲ့အပေါ်မှာတောင် အရေးမထားခဲ့ဘူး။ ဘာပဲဖြစ်နေနေ အခြေအနေကနေ ကျွန်မ ကိုယ့်ကိုယ်ကိုယ် ဖယ်ထုတ်တယ်။ မယုံကြည်သူတစ်ယောက်လိုပေါ့။ ရလဒ်အနေနဲ့ ကျွန်မ သတိမထားမိတာတွေ အများကြီးရှိခဲ့တယ်။ ယုံကြည်လာတဲ့အချိန် ဆယ်နှစ်မှာ လက်ဗလာပဲဖြစ်နေခဲ့တယ်။ သမ္မာတရားကို တစ်ခုမှ နားမလည်ဘူး။ လူတွေ၊ အမှုကိစ္စတွေအပေါ် ဘာသိမြင်မှုမှမရှိဘူး။ ဘယ်လောက်သနားစရာကောင်းပြီး ညံ့ဖျင်းလိုက်လဲ။

ကျွန်မမှာ ဒီပြဿနာရှိနေတာကို သဘောပေါက်တော့ တော်တော်စိတ်ညစ်သွားတယ်။ ဒါပေမဲ့ ကျွန်မက ကိုယ့်အခြေအနေကို ပြောင်းပြီး အဲဒီရွေးကောက်ပွဲကနေ သင်ခန်းစာယူဖို့ ဆန္ဒရှိနေပါတယ်။ ဆင်ခြင်ကြည့်ပြီးတော့ ကျွန်မက အသင်းတော်ရဲ့ ခေါင်းဆောင်ပိုင်းရွေးကောက်ပွဲကို ဘာစိတ်ပူတာမှ မပြတဲ့အကြောင်းရင်းက ဘယ်သူက အရွေးခံရတဲ့ ခေါင်းဆောင်လဲဆိုတာက ကျွန်မနဲ့ မသက်ဆိုင်ဘူးဆိုတဲ့ လွဲနေတဲ့အယူအဆကို အမြဲတမ်း ကိုင်စွဲထားတာကြောင့်ပဲဆိုတာ သဘောပေါက်သွားတယ်။ ကျွန်မက ဘယ်သူပဲ အရွေးခံရပါစေ အရင်ကလိုပဲ ဆက်ပြီး ဘုရားအပေါ် ယုံကြည်တာကို ကျင့်သုံးပြီး ကိုယ့်တာဝန်တွေကို ထမ်းဆောင်တယ်။ နောက်ပိုင်းကျမှ ဘုရားနှုတ်ကပတ်တော်တစ်ပိုဒ်ကို ကျွန်မ တွေ့မိတော့ အသင်းတော်ရဲ့ ခေါင်းဆောင်ရွေးကောက်ပွဲရဲ့ အဓိပ္ပာယ်ကို နောက်ဆုံးမှာ နားလည်သဘောပေါက်သွားတယ်။ ဘုရားသခင်၏ နှုတ်ကပတ်တော်၌ ပြောထားသည်- “ခေါင်းဆောင်များနှင့် အမှုတော်ဆောင်များ ဖြစ်သည့်လူများ၏ ကဏ္ဍ အရေးပါလာခြင်းကို ဖြစ်စေသည့် အကြောင်းရင်းမှာ အဘယ်နည်း၊ ပြီးလျှင် ယင်းတို့သည် မည်သို့ ပေါ်ပေါက်လာသနည်း။ ကြီးမားသော အတိုင်းအတာတစ်ခုတွင် ၎င်းတို့သည် ဘုရားသခင်၏ အမှုတော်အတွက် လိုအပ်သည်။ သေးငယ်သော အတိုင်းအတာတစ်ခုတွင် ၎င်းတို့ကို အသင်းတော်၏အလုပ်အတွက် လိုအပ်သည်၊ ဘုရားသခင် ရွေးချယ်ထားသောသူများက ၎င်းတို့ကို လိုအပ်သည်။...ခေါင်းဆောင်များနှင့် အမှုဆောင်များနှင့် ကျန်ရှိသော ဘုရားသခင်ရွေးချယ်ထားသောသူတို့ကြား ကွာခြားချက်မှာ ၎င်းတို့ထမ်းဆောင်သည့် တာဝန်များရှိ အထူးပင်ကိုလက္ခဏာ တစ်ခုသာဖြစ်သည်။ ဤအထူးပင်ကိုလက္ခဏာသည် အဓိကအားဖြင့် ၎င်းတို့၏ ခေါင်းဆောင်ကဏ္ဍများတွင် ပြသည်။ ဥပမာအနေဖြင့် အသင်းတော်က လူမည်မျှရှိပါစေ၊ ခေါင်းဆောင်သည် ဦးသျှောင် ဖြစ်သည်။ သို့ဆိုလျှင် ဤခေါင်းဆောင်သည် အသင်းသားများအကြား မည်သည့်အခန်းကဏ္ဍတွင် ပါဝင် ဆောင်ရွက်သနည်း။ ၎င်းတို့သည် အသင်းတော်ရှိ ရွေးချယ်ခံထားရသောသူများအားလုံးကို ဦးဆောင်ပါသည်။ သို့ဆိုလျှင် ၎င်းတို့သည် အသင်းတော်တစ်ခုလုံးအပေါ် အဘယ်သက်ရောက်မှု ရှိသနည်း။ ဤခေါင်းဆောင်သည် မှားယွင်းသော လမ်းကြောင်းကို လျှောက်မိလျှင်၊ အသင်းတော်ရှိ ဘုရားသခင် ရွေးချယ်ထားရသောသူများသည် မှားယွင်းသော လမ်းကြောင်းတွင် ခေါင်းဆောင် နောက်သို့ လိုက်ကြပေလိမ့်မည်။ ယင်းက ၎င်းတို့အားလုံးပေါ်တွင် ကြီးမားသော သက်ရောက်မှု ရှိလိမ့်မည်။ ပေါလုကို နမူနာကြည့်လော။ သူသည် ၎င်းတည်ထောင်ခဲ့သော အသင်းတော်များစွာနှင့် ဘုရားသခင် ရွေးချယ်ထားသောသူများကို ဦးဆောင်ခဲ့သည်။ ပေါလု လမ်းလွဲသွားသည့်အချိန်တွင်၊ သူဦးဆောင်ခဲ့သည့် အသင်းတော်များနှင့် ဘုရားအရွေးချယ်ခံများသည်လည်း လမ်းလွဲသွားကြပေသည်။ ထို့ကြောင့် ခေါင်းဆောင်များ လမ်းလွဲကြသည့်အခါ၊ ၎င်းတို့တစ်ဦးတည်းအပေါ်သာ သက်ရောက်မှုရှိသည် မဟုတ်ဘဲ၊ ၎င်းတို့ဦးဆောင်သည့် အသင်းတော်များနှင့် ဘုရားသခင် ရွေးချယ်ထားသူများကိုလည်း အကျိုးသက်ရောက်မှုရှိပေသည်။ ခေါင်းဆောင် တစ်ယောက်သည် သင့်တော်သည့် လူတစ်ယောက် ဖြစ်ကာ၊ မှန်ကန်သော လမ်းကြောင်းကို လျှောက်နေပြီး၊ သမ္မာတရားကို လိုက်စား၍၊ လက်တွေ့လုပ်ဆောင်နေသောသူဖြစ်ပါက၊ ၎င်းတို့ ဦးဆောင်သည့်လူများကလည်း ဘုရားသခင်၏ နှုတ်ကပတ်တော်များကို သင့်တင့် လျောက်ပတ်စွာ စားသောက်လိမ့်မည် ဖြစ်ပြီး၊ သမ္မာတရားကို သင့်တင့်လျောက်ပတ်စွာ ရှာဖွေလိမ့်မည်ဖြစ်သည်၊ ပြီးလျှင် တစ်ချိန်တည်းမှာပင်၊ ခေါင်းဆောင်၏ အသက်တာအတွေ့အကြုံနှင့် တိုးတက်မှုတို့သည် အခြားသူများအတွက် ထင်ရှားသိသာလိမ့်မည်ဖြစ်ပြီး အခြားသူများကို အကျိုးသက်ရောက်လိမ့်မည်။ ထို့ကြောင့် ခေါင်းဆောင် တစ်ယောက် လျှောက်သင့်သည့် မှန်ကန်သည့် လမ်းကြောင်းမှာ အဘယ်နည်း။ ယင်းသည် အခြားသူများကို သမ္မာတရားနှင့် သက်ဆိုင်သည့် နားလည်မှု တစ်ခုဆီသို့၊ သမ္မာတရားထဲသို့ ဝင်ရောက်မှု တစ်ခုဆီသို့ ဦးဆောင်နိုင်ခြင်းနှင့် အခြားသူများကို ဘုရားသခင်ထံသို့ ဦးဆောင်နိုင်ခြင်းတို့ ဖြစ်ပေသည်။ မှားယွင်းသည့် လမ်းကြောင်းတစ်ခုမှာ အဘယ်နည်း။ ယင်းသည် ဂုဏ်အဆင့်အတန်း၊ ကျော်ကြားမှု၊ အကျိုးအမြတ်နောက်လိုက်ခြင်း၊ မိမိကိုယ်ကို မကြာခဏ မြှင့်တင်ခြင်း၊ မိမိကိုယ်ကို သက်သေခံခြင်း၊ မည်သည့်အခါမျှ ဘုရားသခင်အတွက် သက်သေမခံခြင်းတို့ဖြစ်သည်။ ယင်းသည် ဘုရားသခင်ရွေးချယ်ထားသောသူတို့အပေါ် မည်သို့ သက်ရောက်သနည်း။ ၎င်းတို့သည် ဘုရားသခင်ထံမှ ဝေးရာသို့ လမ်းလွဲကြပြီး၊ ဤခေါင်းဆောင်၏ ထိန်းချုပ်မှု အောက်သို့ လာကြလိမ့်မည် ဖြစ်သည်။ သင်သည် လူများကို သင်၏ရှေ့သို့ လာဖို့ ဦးဆောင်ပါက၊ သင်သည် ၎င်းတို့ကို ဖောက်ပြန်ပျက်စီးသော လူသားမျိုးနွယ် ရှေ့သို့ လာဖို့ ဦးဆောင်လမ်းပြနေခြင်းဖြစ်သည်၊ ပြီးလျှင် သင်သည် ၎င်းတို့ကို ဘုရားသခင်၏ ရှေ့မှောက်သို့ မဟုတ်ဘဲ၊ စာတန်၏ရှေ့သို့ လာဖို့ ဦးဆောင်လမ်းပြနေခြင်း ဖြစ်သည်။ လူများကို သမ္မာတရား၏ ရှေ့မှောက်သို့ လာဖို့ ဦးဆောင်လမ်းပြခြင်းသည်သာလျှင် ၎င်းတို့ကို ဘုရားသခင်၏ ရှေ့မှောက်သို့ လာဖို့ ဦးဆောင်လမ်းပြနေခြင်း ဖြစ်သည်။ ခေါင်းဆောင်များနှင့် အမှုတော်ဆောင်များသည် မှန်ကန်သော လမ်းကြောင်းကို လျှောက်သည်ဖြစ်စေ၊ မှားယွင်းသော လမ်းကြောင်းကို လျှောက်သည်ဖြစ်စေ ဘုရားသခင် ရွေးချယ်ထားသော လူများအပေါ် တိုက်ရိုက် ဩဇာလွှမ်းမိုးမှုရှိသည်။ ၎င်းတို့သည် သမ္မာတရားကို နားမလည်သေးသောအခါ ဘုရားသခင် ရွေးချယ်ထားသော သူများစွာသည် မမြင်မကန်း လိုက်လျှောက်ကြသည်။ ခေါင်းဆောင်သည် ကောင်းမွန်သည့် သူတစ်ယောက်ဖြစ်နိုင်ပြီး ၎င်းတို့က ထိုခေါင်းဆောင်တို့နောက်ကို လိုက်ကြလိမ့်မည်။ ခေါင်းဆောင်သည် မကောင်းသောသူတစ်ယောက်ဖြစ်နိုင်ပြီး ၎င်းတို့က ထိုခေါင်းဆောင်တို့ နောက်သို့လည်း လိုက်ကြလိမ့်မည်။ ၎င်းတို့သည် ခွဲခြားသိခြင်းမရှိပေ။ ၎င်းတို့သည် ခေါင်းဆောင်မည်သူပင် ဖြစ်စေကာမူ၊ ဦးဆောင်ခံရသည့်အတိုင်း နောက်လိုက်ကြသည်။ ထို့ကြောင့် အသင်းတော်များသည် လူကောင်းများကို ယင်းတို့၏ခေါင်းဆောင်များအဖြစ် ရွေးချယ်ရန်မှာ အရေးကြီးပေသည်။ သစ္စာစောင့်သိသူများ အဘယ်လမ်းကို လျှောက်သည်ဟူသည်မှာ ခေါင်းဆောင်နှင့် အမှုဆောင်တို့ လျှောက်သည့် လမ်းကြောင်းနှင့် တိုက်ရိုက်ဆက်နွှယ်နေသည်၊ ပြီးလျှင် ထိုခေါင်းဆောင်များနှင့် အမှုတော်ဆောင်များ၏ ဩဇာလွှမ်းမိုးမှုကို အတိုင်းအတာအမျိုးမျိုးဖြင့် ခံကြရသည်။” (အန္တိခရစ်တို့ကို ဖော်ထုတ်ခြင်း၌ “လူတို့ကို စည်းရုံးရန် ၎င်းတို့ကြိုးစားကြသည်”) ခေါင်းဆောင်တွေဟာ အသင်းတော်အသက်တာနဲ့ ဘုရားရွေးချယ်ထားသူတွေရဲ့ အသက်ဝင်ရောက်မှုမှာ သိပ်ကြီးမားတဲ့ သက်ရောက်မှုရှိပြီး လူတွေ သူတို့ယုံကြည်ခြင်းမှာ လျှောက်တဲ့လမ်းကြောင်းကို တိုက်ရိုက်လွှမ်းမိုးမှုရှိတယ်ဆိုတာကို ဘုရားနှုတ်ကပတ်တော်ဖတ်ပြီးတဲ့နောက်မှာ ကျွန်မ သဘောပေါက်သွားတယ်။ ခေါင်းဆောင်က သင့်တော်တဲ့သူဖြစ်မဖြစ်၊ သမ္မာတရားကို ရှာဖွေသလားဆိုတာနဲ့ ဘယ်လမ်းကြောင်းကို သူတို့လိုက်တယ်ဆိုတာက အသင်းတော်အသက်တာနဲ့ ဘုရားရွေးချယ်ထားတဲ့သူတွေရဲ့ အသက်ဝင်ရောက်မှုအပေါ် တိုက်ရိုက် သက်ရောက်မှုရှိတယ်။ ခေါင်းဆောင်ကောင်းတစ်ယောက်က ညီအစ်ကိုမောင်နှမတွေရဲ့ ပြဿနာတွေကို ဖြေရှင်းဖို့ သူ့ရဲ့ တကယ့်ဘဝအတွေ့အကြုံကို အသုံးပြုပြီး သူတို့တွေ သမ္မာတရားကို နားလည်ပြီး သမ္မာတရားစစ်မှန်မှုထဲကို ပိုပြီးတော့တောင် အမြန်ဝင်ရောက်နိုင်ဖို့အတွက် ကူညီပေးနိုင်တယ်။ ညီအစ်ကိုမောင်နှမတွေက ခေါင်းဆောင်ဆီကနေ အကျိုးအမြတ်တချို့ကို ရနိုင်တယ်။ ခေါင်းဆောင်တစ်ယောက်က သမ္မာတရားကို ရှာဖွေတဲ့ လမ်းကို မလျှောက်ဘဲ သူတို့ရဲ့ အဆင့်အတန်းကို ထိန်းသိမ်းဖို့ပဲ အလုပ်လုပ်ရင် ဘုရားကို မချီးမြှောက်ဘဲ၊ သက်သေမခံဘဲ အယူဝါဒကိုပဲ အမြဲပြောရင် လက်တွေ့အလုပ်ကို လုပ်ဖို့ ပျက်ကွက်ပြီး လူတွေရဲ့ တကယ့်ပြဿနာတွေကို မဖြေရှင်းရင် ကြာလာရင် သူတို့က လူတွေကို သူတို့ရှေ့ကိုပဲ အမြဲတမ်း ခေါ်ဆောင်ပြီး ဘုရားဆီကနေ ပိုပိုပြီးတော့ အဝေးကို ခေါ်သွားမှာပဲ။ အဆုံးမှာ သူတို့ကို ထိခိုက်ပြီး ပျက်စီးစေမှာပဲ။ အစ်မကျောင်ရဲ့ အပြုအမူကို ဆင်ခြင်ကြည့်တဲ့အခါမှာ သူက ပြုပြင်ခြင်း၊ ကိုင်တွယ်ဖြေရှင်းခြင်းခံရတဲ့အခါ ငြင်းခုံပြီး သူ့ကိုယ်သူ ဆင်ခြင်ပြီး သင်ယူဖို့ ပျက်ကွက်တယ်။ သူက တကယ်နောင်တရဖို့ မပြောနဲ့။ ဆင်ခြင်ကြည့်ပြီး သူ့ရဲ့အရင်က ပြစ်မှားမှုတွေကိုတောင် သိမြင်တာမရှိဘူး။ ဒီကနေ အစ်မကျောင်ဟာ သမ္မာတရားကို မရှာဖွေဘူး၊ ခေါင်းဆောင်ရဲ့ အရည်အချင်းတွေကို မပိုင်ဆိုင်ဘူးဆိုတာ မြင်နိုင်တယ်။ သူက ခေါင်းဆောင်နေရာကို အရွေးခံရရင် သူက အယူဝါဒတွေပဲပြောပြီး လူတွေအတွက် တကယ် အထောက်အကူဖြစ်မှာမဟုတ်ဘူး။ သမ္မာတရားကို ကျွန်မတို့ နားလည်ပြီး သမ္မာတရားစစ်မှန်မှုထဲကို ဝင်ရောက်ဖို့ ဘယ်လိုလမ်းပြနိုင်မှာလဲ။ ဒါပေမဲ့ ကျွန်မက ဘယ်သူက အရွေးခံရတဲ့ခေါင်းဆောင်ဖြစ်ပါစေ ကျွန်မတို့က ဘုရားနှုတ်ကပတ်တော်ကို ဖတ်ဦးမှာပဲ၊ ခါတိုင်းလို တာဝန်တွေထမ်းဆောင်ပြီး အသင်းတော်အသက်တာကို ဆက်သွားနေမှာပဲ၊ ဘာကြီးမားတဲ့သက်ရောက်မှုမှ ရှိမှာမဟုတ်ဘူးဆိုတဲ့ အဓိပ္ပာယ်မရှိတဲ့ ယုံကြည်မှုကို ကိုင်စွဲထားတယ်။ ဘယ်လောက် မိုက်မဲတဲ့ အယူအဆလဲ။

တစ်နေ့မှာ ဘုရားနှုတ်ကပတ်တော်တစ်ပိုဒ်ကို ကျွန်မ တွေ့မိတယ်။ အဲဒီမှာ ရွေးကောက်ပွဲအချိန်တွေမှာ ဘယ်လိုသဘောထားမျိုးကို လူတွေ ထားသင့်တယ်၊ လူတွေမှာ ဘယ်လို မသင့်တော်တဲ့ ရည်ရွယ်ချက်တွေနဲ့ အယူအဆတွေရှိနိုင်တယ်ဆိုတာတွေကို ဆွေးနွေးထားတယ်။ အဲဒီအခါကျမှ ကျွန်မ ကိုယ့်ကိုယ်ကိုယ် နည်းနည်းနားလည်လာတယ်။ ဘုရားသခင်၏ နှုတ်ကပတ်တော်၌ ပြောထားသည်- “အသင်းတော်ရွေးကောက်ပွဲတစ်ခုရှိသောအခါတိုင်းတွင် ခေါင်းဆောင်များနှင့် အမှုဆောင်များအတွက်ဖြစ်စေ၊ သို့မဟုတ် ဘုရားသခင် ရွေးချယ်ထားသောသူများအတွက်ဖြစ်စေ လူတိုင်းတွင် တာဝန်ရှိပြီး ရွေးကောက်ပွဲအလုပ်ကို ခုခံကာကွယ်ရန် ဝတ္တရားရှိသည်။...အချို့လူများက အေးအေးလူလူသာ ထိုင်ကြည့်နေပြီး ပြောသည်။ ‘ငါက အသင်းတော်ခေါင်းဆောင်လည်း မဖြစ်လာနိုင်ပါဘူး။ ဘယ်သူပဲ အစေခံပါစေ။ အားလုံးက အတူတူပဲ။ အရည်အချင်းရှိတဲ့ သူတိုင်း အစေခံလို့ရတယ်။ အန္တိခရစ်တစ်ယောက်က အစေခံချင်ရင် ငါနဲ့ ဘာမှမဆိုင်ဘူး။ သူတို့ ငါ့ကို မဖယ်ရှားသရွေ့ ကိစ္စမရှိဘူး။’ ဟူ၍ဖြစ်သည်။ ဤသည်မှာ အပျက်သဘောဆောင်သောသူအများစု ပြောသည့်အရာဖြစ်သည်။ အန္တိခရစ်တစ်ယောက်က ခေါင်းဆောင်အဖြစ် အစေခံလျှင် အကျိုးဆက်များက မည်သို့ဖြစ်မည်ကိုလည်းကောင်း၊ ဘုရားသခင်ကို ၎င်းတို့၏ ယုံကြည်မှုအပေါ် ဖြစ်လာမည့် သက်ရောက်မှုကိုလည်းကောင်း စိတ်ကူးမကြည့်နိုင်ပေ။ သမ္မာတရားကို နားလည်သောသူတို့သာ ဤအရာကို အရှိအတိုင်းမြင်နိုင်သည်။ ၎င်းတို့က ပြောလိမ့်မည်။ ‘အန္တိခရစ်တစ်ယောက်က အသင်းတော် ခေါင်းဆောင်ဖြစ်လာရင် ဒုက္ခရောက်မှာက ဘုရားသခင် ရွေးချယ်ထားသူတွေပဲ။ အထူးသဖြင့် သမ္မာတရားကို လိုက်စားတဲ့သူ၊ တရားမျှတတဲ့ အသိစိတ်ရှိပြီး တာဝန်ကို လိုလိုလားလား လုပ်ဆောင်သူတွေပေါ့။ အဲဒီလူတွေအားလုံးက ဖိနှိပ်ပြီး ဖယ်ကြဉ်ခံရမယ်။ ယောင်ချာချာဖြစ်နေတဲ့သူတွေ၊ လူ့အကြိုက်လိုက်သူတွေသာ မျက်နှာသာပေးခံရမယ်။ အန္တိခရစ်တွေရဲ့ လက်ခုပ်ထဲမှာ ဖမ်းထားတာကို ခံရမယ်။’ ဟူ၍ ဖြစ်သည်။ သို့သော် ထိုအပျက်သဘောဆောင်သောလူများက ဤအရာများကို ထည့်မစဉ်းစားပေ။ ၎င်းတို့က စဉ်းစားသည်။ ‘လူတစ်ယောက်က ကယ်တင်ခံရဖို့အတွက် ဘုရားကို ယုံကြည်တယ်။ ယုံကြည်ခြင်းက ကိုယ်ပိုင်လမ်းကြောင်းပဲ။ အန္တိခရစ်တစ်ယောက်က ခေါင်းဆောင်ဖြစ်လာရင်တောင် ငါ့အပေါ် သက်ရောက်မှုရှိမှာမဟုတ်ဘူး။ ငါက မကောင်းတာတွေမလုပ်သရွေ့ အန္တိခရစ်တစ်ယောက်က ငါ့ကို မဖိနှိပ်နိုင်ဘူး၊ မဖယ်ကြဉ်နိုင်ဘူး။ ဒါမှမဟုတ် အသင်းတော်ကနေ ထုတ်မပစ်နိုင်ဘူး။’ ဟူ၍ဖြစ်သည်။ ဤသည်မှာ မှန်ကန်သည့် အမြင်ရှုထောင့်ဖြစ်သလော။ ဘုရားသခင် ရွေးချယ်ထားသောသူထဲမှ တစ်ယောက်မျှ အသင်းတော် ရွေးကောက်ပွဲနှင့်ပတ်သက်ပြီး အရေးမစိုက်လျှင် အန္တိခရစ်အား အာဏာရခွင့်ပြုလိုက်သည်နှင့် အကျိုးဆက်များမှာ မည်သို့ဖြစ်မည်နည်း။ လူတို့စိတ်ကူးသကဲ့သို့ အမှန်တကယ် ရိုးရှင်းမည်လော။ အသင်းတော်အသက်တာသည် မည်သည့်ပြောင်းလဲမှုမျိုးတို့ကို ကြုံရမည်နည်း။ ဤသည်မှာ အသက်သို့ဝင်ရောက်သော ဘုရားသခင်ရွေးချယ်ထားသူများနှင့် တိုက်ရိုက်ဆက်နွှယ်သည်။ အသင်းတော်တစ်ခုတွင် အန္တိခရစ်တစ်ယောက်က အာဏာကိုင်စွဲလျှင် ထိုနေရာတွင် သမ္မာတရားက အာဏာမကိုင်စွဲပေ။ ထိုနေရာတွင် ဘုရားနှုတ်ကပတ်တော်က အာဏာမကိုင်စွဲပေ။ ယင်းသည် စာတန်နှင့် မယုံကြည်သူများက အာဏာကိုင်စွဲသော အသင်းတော်တစ်ခုဖြစ်သည်။ စုဝေးပွဲများတွင် ဘုရားနှုတ်ကပတ်တော်ကို ဖတ်ကောင်းဖတ်နိုင်သေးသော်လည်း စကားပြောရန် အခွင့်အရေးကို အန္တိခရစ်က ထိန်းချုပ်သည်။ အန္တိခရစ်သည် သမ္မာတရားအကြောင်းကို ရှင်းလင်းစွာ မိတ်သဟာယဖွဲ့နိုင်သလော။ အန္တိခရစ်သည် ဘုရားသခင်ရွေးချယ်ထားသောသူများအား သမ္မာတရားအကြောင်းကို လွတ်လပ်စွာ၊ ပွင့်လင်းစွာ မိတ်သဟာယဖွဲ့ခွင့်ပေးနိုင်သလော။ ဤသည်မှာ မဖြစ်နိုင်ပေ။ အန္တိခရစ်က အာဏာကိုင်စွဲသောအခါ အနှောင့်အယှက်၊ အဖျက်အဆီးများပို၍ရှိသည်။ ယင်း၏ သက်ရောက်မှုတွင် အသင်းတော်အသက်တာသည် သေချာပေါက် ဆုတ်ယုတ်လိမ့်မည်။ ဤသို့ဖြစ်ပျက်လျှင် ဘုရားသခင်ရွေးချယ်ထားသောသူတို့သည် စုဝေးသောအခါ များစွာ ရိတ်သိမ်းရလိမ့်မည်မဟုတ်ပေ။ ၎င်းတို့၏ စုဝေးပွဲများကိုပင် အနှောင့်အယှက်ဖြစ်စေနိုင်သည်။ ဘုရားသခင်ရွေးချယ်ထားသောသူများ၏ ပြဿနာများကို မဖြေရှင်းနိုင်ပေ။ သမ္မာတရားကို လက်တွေ့လုပ်ဆောင်ခြင်းသည်လည်း နှောင့်ယှက်ခံရသည်။ အသင်းတော်အသက်တာ၏ အခြေအနေသည် လုံးဝ ပြောင်းလဲသွားသည်။ မည်းမှောင်သောမိုးတိမ်များပေါ်လာပြီး နေကို ဖုံးကွယ်သောအခါ အသင်းတော်အသက်တာတွင် မွေ့လျော်မှုကျန်ရှိသလော။ ယင်းသည် သေချာပေါက် အလွန်ကြီးမားစွာ အထိခိုက်ခံရလိမ့်မည်။” (အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း) အသင်းတော်ရွေးကောက်ပွဲတွေကို လူတွေ ရင်ဆိုင်ရတဲ့အခါမှာ လူတွေရဲ့ အယူအဆတွေ၊ စိတ်မပါတဲ့ သဘောထားတွေအားလုံးကို ဘုရားနှုတ်ကပတ်တော်က ဖော်ထုတ်ခဲ့ပါတယ်။ ဘုရားက ကျွန်မရှေ့မှာရပ်နေပြီး ကျွန်မကို တရားစီရင်နေသလိုမျိုး ခံစားခဲ့ရတယ်။ ကျွန်မအပြုအမူက သူ့ရဲ့နှုတ်ကပတ်တော်က ဖော်ထုတ်တဲ့အတိုင်း အတိအကျပဲ။ အဲဒီရွေးကောက်ပွဲအချိန်အတွင်းမှာ အစ်မကျောင်က သမ္မာတရားကို ရှာဖွေပုံမရဘူးဆိုတာ ကျွန်မ သဘောပေါက်တယ်။ ဒါပေမဲ့ အသင်းတော် ခေါင်းဆောင်ပိုင်း ရွေးကောက်ပွဲစည်းမျဉ်းတွေကို မရှာဖွေခဲ့ဘူး။ အစ်မကျောင် အရွေးခံရတာကနေ ဘယ်လိုအကျိုးဆက်တွေဖြစ်လာမယ်ဆိုတာကို မစဉ်းစားနိုင်ခဲ့ဘူး။ ခေါင်းဆောင်ပိုင်းအတွက် ရွေးကောက်ပွဲရလဒ်တွေအပေါ် ကျွန်မ သံသယတွေကို သေချာပေါက် ထုတ်မပြောခဲ့ဘူး။ အဲဒီအစား စိတ်မပါဘဲ ရပ်ကြည့်နေဖို့ ရွေးချယ်ခဲ့တယ်။ ခေါင်းဆောင်အဖြစ် ဘယ်သူ အစေခံတယ်ဆိုတာ ဘာမှမထူးခြားဘူး၊ သူတို့က သူတို့တာဝန်ကိုထမ်းဆောင်ပြီး ကျွန်မက ကျွန်မတာဝန်ကိုထမ်းဆောင်မယ်၊ ဘယ်သူကမှ သူများတွေကို ကြားဖြတ်ဝင်မှာမဟုတ်ဘူးလို့ ကျွန်မ ယုံကြည်ခဲ့တယ်။ ရွေးကောက်ပွဲမှာ ပြဿနာတွေရှိရင်တောင် ဒါက အထက်ပိုင်းခေါင်းဆောင်တွေအတွက် ကိစ္စဖြစ်ပြီး ကျွန်မပြဿနာမဟုတ်ဘူးလို့လည်း ထင်ခဲ့တယ်။ ကျွန်မက နည်းနည်းလေးမှ အရေးမထားဘဲ ဒါကိုစိုးရိမ်ဖို့အတွက် စိတ်ရှုပ်မခံနိုင်ခဲ့ဘူး။ ဒါကြောင့် အဲဒီရွေးကောက်ပွဲအချိန်အတွင်းမှာ ကိုယ်ပိုင်အမြင်မရှိဘဲ မစဉ်းမစားနဲ့ နောက်ကလိုက်ပြီး နာခံခဲ့တယ်။ ကျွန်မက သူတို့ရဲ့ ဗိုက်ကို ဖြည့်ဖို့ပဲ အရေးစိုက်ပြီး မဆင်မခြင်နောက်ကလိုက်တဲ့ ဘာသာရေးလောကထဲက လူတွေလိုမျိုးပဲ ယုံကြည်ခြင်းကို ကျင့်သုံးနေတာမဟုတ်ဘူးလား။ ကျွန်မက “ပုဂ္ဂိုလ်ရေးအရ မထိခိုက်ပါက အကြောင်းကိစ္စများကို လက်လွှတ်လိုက်ပါ” “ကျွန်ုပ်ကို ပိုက်ဆံပေးပြီး ကျွေးမွေးသူ မည်သူမဆိုသည် ကျွန်ုပ်ချစ်ရသောသူဖြစ်သည်” ဆိုတာမျိုး ဆိုးယုတ်တဲ့ အဆိပ်တွေနဲ့ အသက်ရှင်ခဲ့တယ်။ ကျွန်မက နည်းနည်းလေးမှ သိမြင်မှုမရှိဘဲ ခေါင်းဆောငက ဘယ်သူပဲဖြစ်စေ လိုက်နာပြီး နောက်ကလိုက်တယ်။ ဘယ်လောက်တောင် မှားလိုက်သလဲ။ အသင်းတော်က အန္တိခရစ်တွေနဲ့ အယောင်ဆောင်ခေါင်းဆောင်တွေ ထိန်းချုပ်တာခံရရင် အသင်းတော်အလုပ် အနှောင့်အယှက်ဖြစ်ရုံတင်မကဘဲ ဘုရားသခင်ရွေးချယ်ထားသူတွေလည်း ထိခိုက်မယ်။ ကယ်တင်ခြင်းရယူဖို့ သူတို့အခွင့်အရေး ပျက်စီးရမယ်။ ဒါပေမဲ့ ဒီလိုအရေးကြီးတဲ့ပြဿနာတစ်ခုဖြစ်တာတောင်မှ ကျွန်မက အရမ်းကို တစ်ကိုယ်ကောင်းဆန်တဲ့၊ စိတ်မပါတဲ့၊ တာဝန်မသိတတ်တဲ့ ပုံစံနဲ့ ပြုမူခဲ့သေးတယ်။ ကျွန်မရဲ့ အသိစိတ်နဲ့ ကျိုးကြောင်းဆက်စပ်နိုင်မှုက ဘယ်ရောက်နေတာလဲ။ ကျွန်မ ဒီလိုပြောထားတဲ့ ဘုရားနှုတ်ကပတ်တော်တွေကို စဉ်းစားမိတယ်။ “သင်သည် ဘုရားသခင်အပေါ် သင်၏ ယုံကြည်ခြင်းနှင့် သင်၏တာဝန်ကို ထမ်းဆောင်ခြင်းတွင် သင့်ကိုယ်သင် အမှန်တကယ်ဆက်ကပ်အပ်နှံခြင်းမရှိလျှင်၊ သင်သည် မယုံကြည်သူတစ်ယောက်က သူ၏ အထက်လူကြီးအတွက် အလုပ်လုပ်နေသကဲ့သို့ သင်၏ လုပ်ဆောင်မှုများတွင် အစဉ်သဖြင့် ဟန်ဆောင်လုပ်ပြပြီး ဝတ်ကျေတမ်းကျေလုပ်ဆောင်လျှင်၊ ဖြစ်ရုံသာ အားစိုက်ပြီး သင်၏ စိတ်ကို အသုံးမပြုလျှင်၊ တစ်ရက်ပြီး တစ်ရက် အိုးနင်းခွက်နင်းနှင့်ပင် ပြီးမြောက်သွားလျှင်၊ ပြဿနာများကိုမြင်သောအခါ မတင်ပြလျှင်၊ ဖိတ်စင်သည်ကိုမြင်သော်လည်း မသန့်ရှင်းလျှင်၊ သင်၏ ကိုယ်ပိုင်အကျိုးအတွက်မဟုတ်သည့် အရာရာတိုင်းကို လက်လွတ်စပယ် ဖယ်ထုတ်နေလျှင် ဤသည်မှာ ပြဿနာမဟုတ်လော။ ဤသို့သောသူတစ်ယောက်သည် ဘုရားသခင်၏ အိမ်ထောင်စုဝင်တစ်ယောက် မည်သို့ ဖြစ်နိုင်သနည်း။ ဤသို့သောသူတို့သည် မယုံကြည်သူများဖြစ်သည်။ ၎င်းတို့သည် ဘုရားသခင်၏အိမ်တော်နှင့် မသက်ဆိုင်ပေ။ ၎င်းတို့ထဲမှ တစ်ဦးတစ်ယောက်ကမျှ ဘုရားသခင်၏ အသိအမှတ်ပြုခြင်းကို မခံရပေ။” (နောက်ဆုံးသော ကာလ ခရစ်တော်၏ ဟောပြောချက်များ စာအုပ်ထဲရှိ “တာဝန်ကို ကောင်းမွန်စွာ ဆောင်ရွက်ခြင်းက အနည်းဆုံးအနေဖြင့် အသိစိတ်တစ်ခု လိုအပ်သည်”) ဘုရားနှုတ်ကပတ်တော်တွေကို အခြေခံကြည့်ရင် ကျွန်မအပြုအမူတွေက ဘုရားအိမ်တော်က လူတစ်ယောက်ရဲ့ အပြုအမူမဟုတ်ဘူး။ ဘုရားကို ကျွန်မ နှစ်တွေအကြာကြီးယုံကြည်ခဲ့တယ်။ သူ့နှုတ်ကပတ်တော်တွေကို လွတ်လပ်စွာဖတ်တယ်။ သူ့ကျေးဇူးတော်နဲ့ ကောင်းချီးတွေကို ခံစားတယ်။ ဒါတောင်မှ အသင်းတော်အလုပ်ကို ကာကွယ်မပေးခဲ့ဘူး။ အသင်းတော်မှာ ဘယ်လို ကြားဝင်မှု၊ နှောင့်ယှက်မှုတွေကို ဖြစ်ပေါ်ပါစေ ဘုရားအိမ်တော်ရဲ့အလုပ်ကို ဘယ်လောက်ထိခိုက်ပါစေ ကျွန်မက စိတ်ရှုပ်ခံပြီး စိုးရိမ်မနေချင်ဘဲ မျက်ကွယ်ပြုနေလိုက်တယ်။ ကျွန်မက အရမ်းတစ်ကိုယ်ကောင်းဆန်ပြီး စက်ဆုပ်ဖွယ်ဖြစ်ပါတယ်။ ဘုရားအိမ်တော်မှာ မယုံကြည်သူတစ်ယောက်ဖြစ်ခဲ့တယ်။ ဘုရားရဲ့အမြင်မှာ ကျွန်မက မယုံကြည်သူတစ်ယောက် သက်သက်ပဲ။ ဒီဖြစ်ရပ်မှာ ခေါင်းဆောင်အဖြစ် ရာထူးတိုးခဲ့ရသူက အလုပ်နဲ့ မသင့်တော်ဘူး။ ကျွန်မက အရမ်းကို ဥပေက္ခာပြုနေခဲ့တယ်။ အန္တိခရစ်၊ မကောင်းမှုပြုသူတစ်ယောက်က အသင်းတော်ကို ထိန်းချုပ်ပြီး ရွေးကောက်ပွဲကို ခြယ်လှယ်နှောင့်ယှက်နေပြီး တစ်ယောက်ယောက်က ထရပ်ပြီး အန္တိခရစ်၊ မကောင်းမှုပြုသူကို ပြန်တိုက်ခိုက်ဖို့ လိုအပ်ခဲ့ရင် ကျွန်မက သေချာပေါက် ခေါင်းရှောင်ပြီး စိတ်မပါဘဲ ရပ်ကြည့်နေမှာပဲ။ ကျွန်မက ရှေ့ထွက်ပြီး ဘုရားအိမ်တော်ရဲ့အလုပ်ကို ကာကွယ်ပေးမှာမဟုတ်ဘူး။ ဒါကို စဉ်းစားကြည့်လေလေ ဘုရားအိမ်တော်ရဲ့အလုပ်အပေါ် ကျွန်မရဲ့ စိတ်မပါတဲ့ သဘောထားကို ဘုရားက မုန်းတီးပုံကို ကျွန်မ သဘောပေါက်လေလေပဲ။ ဒီလိုဆက်ပြုမူနေရင် နောက်ဆုံးမှာ ကျွန်မ ထုတ်ပယ်ခံရမှာပဲ။

ဆင်ခြင်ကြည့်ရင်းနဲ့ အထက်ပိုင်းခေါင်းဆောင်တွေက ခေါင်းဆောင်တွေရဲ့အလုပ်ကို ကြီးကြပ်ပြီး ကွပ်ကဲတယ်၊ ဒါကြောင့် သူတို့ချတဲ့ ဆုံးဖြတ်ချက်တွေအားလုံးက စည်းမျဉ်းနဲ့အညီ ဖြစ်ရမယ်၊ မေးခွန်းထုတ်စရာ၊ သံသယတွေရှိနေစရာ ဘာမှမရှိဘူးထင်တာက မှားနေတယ်ဆိုတာကိုလည်း ကျွန်မ သဘောပေါက်ခဲ့ပါတယ်။ နောက်ပိုင်းမှာ ဘုရားနှုတ်ကပတ်တော်ဖတ်ခြင်းကတစ်ဆင့် ဒီအမြင်က သမ္မာတရားနဲ့မညီဘူးဆိုတာ ကျွန်မ သဘောပေါက်ခဲ့တယ်။ ဘုရားသခင်၏ နှုတ်ကပတ်တော်၌ ပြောထားသည်- “အသင်းတော်ရှိ တစ်စုံတစ်ယောက်သည် ခေါင်းဆောင်ဖြစ်ရန်အတွက် ရာထူးတိုးမြှင့်ခံရပြီး ပျိုးထောင်ခံရသည့်အခါတွင် ထိုသူသည် အရိုးရှင်းဆုံးသော အဓိပ္ပာယ်ဖြင့် ရာထူးတိုးမြှင့်ပြီး ပျိုးထောင်ခံရခြင်းသာဖြစ်သည်။ ယင်းမှာ ထိုသူသည် အရည်အသွေးပြည့်မီသော ခေါင်းဆောင်တစ်ယောက်၊ သို့မဟုတ် ကျွမ်းကျင်မှုရှိသောသူတစ်ယောက် ဖြစ်နှင့်ပြီးဖြစ်ကြောင်း၊ ထိုသူသည် ခေါင်းဆောင်တစ်ယောက်၏ အလုပ်ကို တာဝန်ယူဆောင်ရွက်နိုင်စွမ်း ရှိနေပြီဖြစ်ပြီး တကယ့်အလုပ်ကို လုပ်ဆောင်နိုင်ကြောင်း အဓိပ္ပာယ်မသက်ရောက်ပေ။ ဤကဲ့သို့ မဟုတ်ပေ။ လူအများစုသည် ဤအရာများကို ရှင်းလင်းစွာ မမြင်ကြသလို၊ ရာထူးတိုးခံရပြီး ပျိုးထောင်ခြင်းခံရသည့်သူများကို အထင်ကြီးကြသည်၊ သို့ရာတွင် ဤသည်မှာ အမှားတစ်ခုဖြစ်သည်။ ၎င်းတို့သည် နှစ်ပေါင်းမည်မျှ ယုံကြည်ပြီးဖြစ်ပါစေ၊ ရာထူးတိုးခြင်း ခံရသည့်သူများသည် သမ္မာတရား၏ လက်တွေ့အရှိတရားကို အမှန်တကယ် ပိုင်ဆိုင်သလော။ သေချာပေါက် လုပ်ဆောင်နိုင်ခြင်းမျိုး မဟုတ်ပေ။ ၎င်းတို့သည် ဘုရားအိမ်တော်၏ အလုပ်အစီအစဉ်များကို အကောင်အထည်ဖော်နိုင်သလော။ သေချာပေါက် လုပ်ဆောင်နိုင်ခြင်းမျိုး မဟုတ်ပေ။ ၎င်းတို့၌ တာဝန်ယူစိတ်တစ်ခု ပိုင်ဆိုင်သလော။ ၎င်းတို့၌ သန္နိဋ္ဌာန် ရှိသလော။ ၎င်းတို့သည် ဘုရားသခင်ကို ကျိုးနွံနာခံနိုင်သလော။ အရေးကိစ္စတစ်ခုကို ကြုံတွေ့ရသည့်အခါတွင် ၎င်းတို့သည် သမ္မာတရားကို ရှာဖွေနိုင်သလော။ ဤအရာအားလုံးတို့ကို မသိရှိရပေ။ ဤလူများ၌ ဘုရားသခင်ကို ကြောက်ရွံ့သော စိတ်နှလုံးရှိသလော။ ဘုရားသခင်အပေါ် သူ၏ကြောက်ရွံ့မှုမှာ မည်မျှကြီးမားသနည်း။ အမှုအရာများကို ဆောင်ရွက်သည့်အခါတွင် သူ၏ ကိုယ်ပိုင်စိတ်ဆန္ဒနောက်ကို လိုက်တတ်သလော။ ၎င်းတို့သည် ဘုရားသခင်ကို ရှာဖွေနိုင်သလော။ ခေါင်းဆောင်တို့၏ အလုပ်ကို ဆောင်ရွက်သည့်အချိန်ကာလတွင် ထိုသူသည် ဘုရားသခင်၏ အလိုတော်ကို ရှာဖွေရန် ဘုရားသခင်ရှေ့မှောက်သို့ ပုံမှန်၊ မကြာခဏလာရောက်သလော။ ၎င်းတို့သည် သမ္မာတရား၏ လက်တွေ့အရှိတရားထဲသို့ ဝင်ရောက်မှုတွင် လူတို့ကို လမ်းပြနိုင်သလော။ ၎င်းတို့သည် ဤအရာများကို သေချာပေါက်ပင် ချက်ချင်းစွမ်းဆောင်နိုင်ခြင်းမရှိပေ။ ၎င်းတို့သည် လေ့ကျင့်ပေးခြင်းမခံထားရသေးဘဲ အတွေ့အကြုံ နည်းပါးလွန်းသည်။ ထို့ကြောင့် ဤအရာများကို မစွမ်းဆောင်နိုင်ပေ။ ဤအတွက်ကြောင့် တစ်စုံတစ်ယောက်ကို ရာထူးတိုးမြှင့်ပေးခြင်းနှင့် ပျိုးထောင်ခြင်းက ထိုသူသည် သမ္မာတရားကို နားလည်ပြီးဖြစ်သည်ဟု ဆိုလိုခြင်းမဟုတ်သကဲ့သို့ သူ၏ တာဝန်ကို ကျေနပ်ဖွယ် ဆောင်ရွက်နိုင်စွမ်းရှိပြီးဖြစ်သည်ဟု ဆိုခြင်းလည်း မဟုတ်ပေ။...ရာထူးတိုးမြှင့်ပြီး ပျိုးထောင်ခြင်းခံရသောသူတို့အပေါ် လူတို့သည် ကြီးမားသော မျှော်လင့်ချက်များ၊ သို့မဟုတ် လက်တွေ့မကျသော တောင်းဆိုမှုများ မထားရှိရပေ။ ဤသည်မှာ ကျိုးကြောင်းသင့်လျော်မှု ရှိမည်မဟုတ်၊ ၎င်းတို့အပေါ် မတရားရာလည်း ကျပေမည်။ သင်တို့သည် ၎င်းတို့၏ အလုပ်ကို စောင့်ကြည့်စစ်ဆေးနိုင်သည်။ ပြီးလျှင် ၎င်းတို့၏ အလုပ်လမ်းကြောင်းတွင် အခြေခံသဘောတရားများကို ချိုးဖောက်သည့် ပြဿနာများ၊ သို့မဟုတ် အမှုကိစ္စများကို သင် ရှာဖွေတွေ့ရှိလျှင် ဤကိစ္စများကို ဖြေရှင်းရန်အတွက် ပြဿနာကို ထုတ်ဖော်ပြောဆိုပြီး သမ္မာတရားကို ရှာဖွေနိုင်သည်။ သင်မလုပ်သင့်သည့်အရာမှာ ၎င်းတို့ကို အကဲဖြတ်ခြင်း၊ ရှုတ်ချခြင်း၊ တိုက်ခိုက်ခြင်း၊ သို့မဟုတ် ကြဉ်ခြင်းတို့ဖြစ်သည်။ အဘယ်ကြောင့်ဆိုသော် ၎င်းတို့သည် ပျိုးထောင်ခြင်းကာလတွင် ရှိနေသောသူများ ဖြစ်နေ၍ ၎င်းတို့ကို စုံလင်သောလူများအဖြစ်၊ သို့မဟုတ် သမ္မာတရား၏ စစ်မှန်မှုကို ပိုင်ဆိုင်သောသူများအဖြစ် ရှုမြင်ရန် မဆိုထားနှင့်၊ စုံလင်အောင် ပြုခြင်းခံရပြီးဖြစ်သောသူများအနေဖြင့်ပင် မရှုမြင်သင့်ပေ။ ၎င်းတို့သည် သင်တို့ကဲ့သို့ပင်ဖြစ်သည်။ ဤသည်မှာ ၎င်းတို့ကို လေ့ကျင့်ပေးသည့် အချိန်ဖြစ်သည်။ ခြားနားချက်မှာ ၎င်းတို့သည် သာမန်လူတို့ထက်ပိုသော အလုပ်နှင့် တာဝန်ဝတ္တရားများကို တာဝန်ယူဆောင်ရွက်ရခြင်း ဖြစ်သည်။ ပိုမိုများပြားသောအလုပ်ကို လုပ်ဆောင်ရန် ၎င်းတို့တွင် တာဝန်ဝတ္တရားရှိသည်။ ၎င်းတို့သည် သာမန်လူတို့ထက် ပို၍ ကြီးမားသော အဖိုးအခကိုပေးဆပ်ရသည်၊ ပိုမိုများပြားသော ဆင်းရဲဒုက္ခကို ခံစားရသည်၊ နာကျင်မှုကို ပို၍ ခံယူရသည်၊ ပြဿနာများကို ပို၍ ဖြေရှင်းရသည်၊ ပို၍များပြားသော လူတို့၏ ဝေဖန်ပြစ်တင်ခြင်းကို သည်းခံရသည်၊ ထို့ပြင် ပြောစရာမလိုသည်မှာ ၎င်းတို့သည် ပို၍ အားစိုက်ထုတ်ရသည်၊ အိပ်ချိန် ပို၍ လျော့နည်းသည်၊ အစားအစာကောင်းများကို ပို၍ လျှော့စားရသည်။ စကားစမြည်ပြောခြင်းကို ပို၍ လျှော့ရပေသည်။ ဤသည်မှာ ၎င်းတို့နှင့် ပတ်သက်ပြီး ထူးခြားသည့်အရာဖြစ်သည်။ ဤအရာမှလွဲ၍ ၎င်းတို့သည် အခြားလူတိုင်းနှင့် တူညီသည်။ ဤသို့ ငါပြောဆိုရာ၌ မည်သည့်အရာကို ဆိုလိုသနည်း။ ဘုရားအိမ်တော်ရှိ အရည်အချင်းရှိသူအမျိုးမျိုးကို ရာထူးတိုးမြှင့်ပေးခြင်း၊ ပျိုးထောင်ခြင်းတို့ကို မှန်ကန်စွာ ကိုင်တွယ်ရမည်၊ ဤသူတို့အပေါ်တွင် တောင်းဆိုမှုများ မပြင်းထန်ရဟု လူတိုင်းကို ပြောပြရန်ဖြစ်သည်။ ပြောစရာမလိုသည်မှာ ၎င်းတို့အပေါ် လူတို့၏ ထင်မြင်ချက်များသည် လက်တွေ့မကျခြင်းလည်း မဖြစ်ရပေ။ ၎င်းတို့ကို အလွန်အမင်း ကျေးဇူးတင်ခြင်း၊ သို့မဟုတ် အလွန်အမင်း ရိုသေလေးစားခြင်းမှာ မိုက်မဲသည်၊ ပြီးလျှင် ၎င်းတို့အပေါ် သင်၏ တောင်းဆိုမှုများ ပြင်းထန်ခြင်းသည်လည်း လူသားမဆန်ပေ၊ သို့မဟုတ် လက်တွေ့မကျပေ။” (အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း) ခေါင်းဆောင်တွေက ညီအစ်ကိုမောင်နှမတွေနဲ့ ဘာမှမကွာဘူး၊ သူတို့လည်း ပျိုးထောင်ပြီး လေ့ကျင့်ပေးတာခံရတာပဲဆိုတာ ဘုရားနှုတ်ကပတ်တော်ကတစ်ဆင့် ကျွန်မ သဘောပေါက်ခဲ့ပါတယ်။ အသင်းတော်အလုပ်ရဲ့ လိုအပ်ချက်တွေကြောင့် ဒီအထူးနေရာကို ယူဖို့အတွက် လူတချို့ကို ရာထူးတိုးပေးရတာပါ။ ဒါပေမဲ့ ဒါက သူတို့ဟာ အရည်အချင်းပြည့်မီတဲ့ ခေါင်းဆောင်၊ အမှုဆောင်တွေဖြစ်တယ်၊ သူတို့မှာ သမ္မာတရား စစ်မှန်မှုရှိတယ်ဆိုတဲ့ သဘောမဟုတ်ဘူး။ သူတို့ကို ဘုရားနှုတ်ကပတ်တော်နဲ့ ယှဉ်ကြည့်သင့်ပြီး မျှတပြီး အရှိအတိုင်းဖြစ်တဲ့ပုံစံနဲ့ သူတို့ကို ချဉ်းကပ်သင့်တယ်။ သူတို့အပေါ်မှာ အရမ်းမြင့်တဲ့ မျှော်လင့်ချက်တွေ၊ တောင်းဆိုမှုတွေ မရှိသင့်ဘူး။ အရမ်းကြီး မဝေဖန်သင့်ဘူး။ အသင်းတော်ရဲ့ အဖွဲ့ဝင်တစ်ယောက်အနေနဲ့ အသင်းတော်အလုပ်ကို ကာကွယ်ပေးဖို့အတွက် ခေါင်းဆောင်တွေ၊ အမှုဆောင်တွေရဲ့ အလုပ်ကို စောင့်ကြည့်ဖို့ သူတို့တွေနဲ့ ပူးတွဲဆောင်ရွက်ဖို့တာဝန် ကျွန်မမှာ ရှိပါတယ်။ ခေါင်းဆောင်တွေက သမ္မာတရားနဲ့အညီ လုပ်ရင် ကျွန်မက နာခံပြီး လက်ခံသင့်တယ်။ ဒါပေမဲ့ ခေါင်းဆောင်တွေက ပြဿနာတွေရှိတာ၊ လမ်းလွဲတာတွေရှိတာကို တွေ့ရင် သူတို့ကို ချက်ချင်းဖော်ထုတ်ပြီး ပြုပြင်ပေးသင့်တယ်။ သူတို့တွေ ပြောင်းလဲမှုရှိပြီး ဝင်ရောက်မှုကို ရအောင် ကူညီပေးသင့်တယ်။ ဒီလိုလုပ်တာက ဘုရားအိမ်တော်ရဲ့အလုပ်အတွက် အကောင်းဆုံးဖြစ်လို့ပဲ။ အသင်းတော်မှာ အယောင်ဆောင်ခေါင်းဆောင်တွေ၊ အန္တိခရစ်တွေပေါ်လာရင် သူတို့ရဲ့ အထက်လူကြီးတွေဆီကို ကျွန်မ သတင်းပို့သင့်တယ်။ ဒါက အသင်းတော်အလုပ်အတွက် တာဝန်သိတာဖြစ်ပြီး ကိုယ့်ကိုယ်ကိုယ် တာဝန်သိတာပါ။ ပြီးတော့ ကိုယ့်တာဝန်ဝတ္တရားတွေကိုဖြည့်ဆည်းနေတာပါ။ ခေါင်းဆောင်တွေ၊ အမှုဆောင်တွေကို ဘယ်လိုဆက်ဆံရမယ်ဆိုတာနဲ့ပတ်သက်တဲ့ စည်းမျဉ်းတွေကို သဘောပေါက်တဲ့အခါမှာ ကျွန်မ အများကြီးပိုရှင်းလင်းလာပြီး လက်တွေ့လုပ်ဆောင်မှုလမ်းကြောင်းတစ်ခုရှိခဲ့တယ်။

အချိန်နည်းနည်းကြာပြီးတဲ့နောက်မှာ ခေါင်းဆောင် အစ်မလျူက ရေလောင်းတဲ့အလုပ်ကို အမီမလုပ်တာကို ကျွန်မ တွေ့ရတယ်။ သူက ဒါကိုအာရုံစိုက်ဖို့ကို အရမ်းလုပ်ရှုပ်နေတယ်လို့ပြောတယ်။ တစ်ခါတလေမှာ ညီအစ်ကိုမောင်နှမတွေက သူ့ဆီကို ပြဿနာတွေနဲ့ ရောက်လာတဲ့အခါမှာ သူတို့က သူ့အတွက် အလုပ်တွေပိုပေးနေတယ်ဆိုပြီး မကျေမနပ်တောင်ဖြစ်နေတယ်။ ကျွန်မ စဉ်းစားကြည့်တယ်။ ခေါင်းဆောင်တွေက အလုပ်တွေအများကြီးအတွက် တာဝန်ရှိတယ်။ ဒါပေမဲ့ အမြဲတမ်း ဦးစားပေးလုပ်လို့ရပါတယ်။ အလုပ်အားလုံးကို ကိုယ်တိုင်လုပ်ဖို့ မလိုဘူး။ အလုပ်တချို့ကို အမီလုပ်ဖို့အတွက် တစ်ယောက်ယောက်ကို တာဝန်ချပေးလို့ရတယ်။ ပြီးတော့ကျမှ အကဲဖြတ်ပြီး ကြီးကြပ်လို့ရတယ်။ ခေါင်းဆောင်က အလုပ်ရှုပ်တာကို ဆင်ခြေအနေနဲ့ အမြဲတမ်း အသုံးပြုနေပြီး သူတို့တာဝန်ရှိတဲ့အလုပ်ကို မကြီးကြပ်ရင်၊ ဝတ်ကျေတမ်းကျေပဲလုပ်နေရင် ဒါက အရမ်းကို လျစ်လျူရှုတာပဲ။ လက်တွေ့လုပ်တာမဟုတ်ဘူး။ သူတို့အထက်လူကြီးဆီကို ဒီပြဿနာကို ငါ တင်ပြသင့်တယ်ပေါ့။ ဒါပေမဲ့ နောက်တော့ ကျွန်မတွေးမိတယ်။ ခေါင်းဆောင်က သူ့အလုပ်ကို ထမ်းဆောင်နေတဲ့ပုံစံကို ငါ အရေးမစိုက်သင့်ဘူး၊ ငါကိုယ်တိုင်ရဲ့တာဝန်တွေကို ထမ်းဆောင်ဖို့ပဲ သေချာလုပ်သင့်တယ် ပေါ့။ အဲဒီအချိန်မှာပဲ ဒီလိုပြောထားတဲ့ ဘုရားနှုတ်ကပတ်တော်တွေကို စဉ်းစားမိတယ်။ “ခေါင်းဆောင်များ၊ အမှုဆောင်များသည် တကယ့်အလုပ်ကို လုပ်ဆောင်ခြင်းရှိမရှိ၊ ပြဿနာများကို ဖြေရှင်းရန် သမ္မာတရားကို အသုံးပြုခြင်းရှိမရှိကို စောင့်ကြည့်ရန်မှာ လူတိုင်း၏ တာဝန်ဖြစ်သည်။” (အယောင်ဆောင်ခေါင်းဆောင်များကို ခွဲခြားဖော်ထုတ်ခြင်း) ကျွန်မက အယူအဆမှားနေတယ်ဆိုတာသဘောပေါက်သွားတယ်။ ခေါင်းဆောင်ကို သတိပေးသင့်ပြီး သူ့ပြဿနာကို အမြန်ပြုပြင်ဖို့ ကူညီသင့်တယ်။ အဲဒါနဲ့ ကျွန်မ အားတင်းလိုက်ပြီး ပြဿနာကို သူ့ကို ပြောပြလိုက်တယ်။ ခေါင်းဆောင်ကပြောတယ်။ “အင်း အစ်မပြောတာ မှန်ပါတယ်။ ဒါက တကယ် ပြဿနာတစ်ခုပဲ။ ကျွန်မဒါကို သေချာ တွေးကြည့်ပြီး ဆင်ခြင်ကြည့်ပါမယ်” တဲ့။ သူဒီလိုပြောတာကိုကြားရတော့ ကျွန်မ တော်တော်စိတ်ခံစားမိတယ်။ အဲဒီနောက်မှာ ခေါင်းဆောင်က ရေလောင်းအလုပ်တွေကို စပြီး တက်တက်ကြွကြွနဲ့ အမီလုပ်ပြီးတော့ အဲဒီအလုပ်မှာ ရင်ဆိုင်ရတဲ့ လက်တွေ့ပြဿနာတချို့ကို ဖြေရှင်းတာကို ကျွန်မ မြင်ရတယ်။ ကျွန်မတို့တာဝန်က ဘာပဲဖြစ်နေပါစေ အသင်းတော်ရဲ့အလုပ်ကို ကျွန်မတို့အားလုး ကာကွယ်ရမယ်ဆိုတာ ကျွန်မသဘောပေါက်သွားအောင် ဒီအတွေ့အကြုံက ကူညီပေးခဲ့တယ်။ ဒါဟာ လူတိုင်းရဲ့ တာဝန်ဝတ္တရားပါပဲ။

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။

သက်ဆိုင်သည့် အကြောင်းအရာ

ဘုရားသခင်၏ အထူးချစ်ခြင်းကို ခံစားရခြင်း

ဂျီယာ ရီ၊ ဖူယန်မြို့၊ အန်ဟိုင်းစီရင်စု ကျွန်မ၏ပင်ကိုယ်သဘာဝက မာနကြီးပါသည်။ ကျွန်မ မည်သည့်အရာပဲ လုပ်နေလုပ်နေ ကျွန်မထက်မြက်ကြောင်း ပြဖို့အတွက်...

အကျပ်အတည်းကြားက ရွေးချယ်မှု

ကျန်းကျင့် တရုတ်နိုင်ငံ လွန်ခဲ့တဲ့တစ်ချိန်က အစ်ကိုကျောက်ဆီက စာတစ်စောင် ရခဲ့တယ်။ သူတို့အသင်းတော်ခေါင်းဆောင်နဲ့ ညီအစ်ကိုတစ်ယောက်...

သမ္မာတရားကို လက်တွေ့လုပ်ဆောင်ခြင်း သည် သဟဇာတဖြစ်သော ညီညွတ်မှု၏ သော့ချက်ဖြစ်သည်

ဒေါင်းဖန်း အမေရိကန်နိုင်ငံ ၂၀၁၈ခုနှစ် သြဂုတ်လတုန်းက အစ်ကိုဝမ်နှင့်အတူတူ ဇာတ်ဝင်ပစ္စည်း အသုံးအဆောင်များလုပ်ဖို့ ကျွန်တော်တာဝန်ကျသည်။ အစတွင်...

မာန်မာနနှင့် ဂုဏ်သတင်းက ကျွန်မကို ထိခိုက်စေခဲ့သည်

ရှင်းလု အမေရိကန်နိုင်ငံ ၂၀၁၇ ခုနှစ်မှာ ခေါင်းဆောင်နေရာအတွက် ကျွန်မရွေးချယ်ခံရပြီးတော့ အသင်းတော်သုံးခု လေးခုရဲ့အမှုတော်အတွက်...

Messenger မှတဆင့် ကျွန်ုပ်တို့ကို ဆက်သွယ်လိုက်ပါ။