ကောင်းမှုများ ဆိုသည်မှာ အဘယ်နည်း။ ကောင်းမှုများ၏ သရုပ်သကန်များမှာ အဘယ်နည်း။

12.03.2021

ဆက်စပ်သော ဘုရားသခင်၏ နှုတ်ကပတ်တော်များ-

အကယ်၍ သမ္မာတရားကို သင်ပိုင်ဆိုင်ပါက ဘုရားသခင်နောက် သင် လိုက်နိုင်မည် ဖြစ်သည်။ အကယ်၍ သင်သည် အသက်ရှင်နေထိုင်ခြင်းရှိပါက ဘုရားသခင်၏ နှုတ်ကပတ်တော်၏ သရုပ်သကန်တစ်ခု ဖြစ်နိုင်သည်။ အကယ်၍ သင်၌ အသက်ရှိပါက ဘုရားသခင်၏ ကောင်းချီးမင်္ဂလာကို သင် ခံစားမွေ့လျော်နိုင်သည်။ သမ္မာတရားကို ပိုင်ဆိုင်သောသူများသည် ဘုရားသခင်၏ ကောင်းချီးမင်္ဂလာကို ခံစားမွေ့လျော်နိုင်ကြ၏။ ဘုရားသခင်သည် သူ့အား စိတ်နှလုံး အကြွင်းမဲ့ချစ်ပြီး အခက်အခဲများနှင့် ဒုက္ခဆင်းရဲများကို ကြံ့ကြံ့ခံသော သူများအား တရားသဖြင့်ဖြစ်စေမည်မှာ သေချာသည်၊ သို့သော် မိမိတို့ကိုယ်ကိုသာ ချစ်ပြီး စာတန်၏ လိမ်လည်လှည့်ဖြားမှုများ၏ သားကောင်ဖြစ်သွားသော သူများကိုမူ တရားသဖြင့်ဖြစ်စေခြင်း မရှိချေ။ သမ္မာတရားကို မချစ်သောသူများ၏ အထဲတွင် ကောင်းမြတ်ခြင်း မည်သို့ရှိနိုင်မည်နည်း။ ဇာတိပကတိကိုသာ ချစ်သောသူများ၏အထဲတွင် ဖြောင့်မတ်ခြင်း မည်သို့ရှိနိုင်မည်နည်း။ ဖြောင့်မတ်ခြင်းနှင့် ကောင်းခြင်းတို့ကို သမ္မာတရားထံ ရည်ညွှန်းခြင်းအားဖြင့်သာ ပြောကြသည် မဟုတ်လော။ ယင်းတို့ကို ဘုရားသခင်အား စိတ်နှလုံးအကြွင်းမဲ့ ချစ်သောသူများအတွက် သီးသန့်ထားသည် မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “စုံလင်စေခြင်းခံရပြီးသူများသာလျှင် အဓိပ္ပာယ်ရှိသော အသက်တာဖြင့် အသက်ရှင်နိုင်သည်” မှ

သင်တို့ထံမှ ငါထွက်ခွာမသွားမီ သင်တို့အား သမ္မာတရားနှင့် မကိုက်ညီသည့် အရာများကို လုပ်ဆောင်ခြင်းမှ ရှောင်ရှားရန် ငါအလေးအနက် တိုက်တွန်းရဦးမည်။ အကယ်စင်စစ် လူခပ်သိမ်းအား စိတ်ကျေနပ်စေမည့်အရာ၊ လူခပ်သိမ်းအတွက် အကျိုးရှိမည့်အရာနှင့် သင်ကိုယ်တိုင်၏ပန်းတိုင်အတွက် အကျိုးရှိမည့်အရာကို သင် လုပ်သင့်သည်။ သို့မဟုတ်ပါက ကပ်ဘေးအလယ်တွင် ဒုက္ခခံစားရမည့်သူမှာ အခြားမည်သူမျှ မဟုတ်ဘဲ သင်သာလျှင် ဖြစ်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်၏ ပန်းတိုင်အတွက် လုံလောက်သော ကောင်းမှုများကို ပြင်ဆင်လော့” မှ

သမ္မာတရားကို လက်တွေ့လုပ်ဆောင်နိုင်သော သူများသည် အမှုအရာများကို လုပ်ဆောင်နေချိန်တွင် ဘုရားသခင်၏စိစစ်ခြင်းကို လက်ခံနိုင်ကြသည်။ သင်သည် ဘုရားသခင်၏စိစစ်ခြင်းကို လက်ခံသောအခါ၊ သင်၏စိတ်နှလုံးသည် အမြင်မှန်ရစေခြင်း ခံရသည်။ အကယ်၍ သင်သည် အခြားသူများ မြင်စေရန်အတွက်သာ လုပ်ဆောင်ပြီး ဘုရားသခင်၏စိစစ်ခြင်းကို လက်မခံပါက၊ သင်၏စိတ်နှလုံးထဲ၌ ဘုရားသခင် ရှိသေးသလော။ ဤကဲ့သို့သောလူများမှာ ဘုရားသခင်ကို ကြောက်ရွံ့ခြင်း မရှိကြချေ။ သင်၏အကျိုးအတွက်သာ အစဉ်မလုပ်ဆောင်နှင့်၊ ပြီးလျှင် သင်၏ ကိုယ်ပိုင် အကျိုးစီးပွားကို စဉ်ဆက်မပြတ် ထည့်သွင်းမစဉ်းစားနှင့်။ သင်၏ ကိုယ်ပိုင်အဆင့်အတန်း၊ သိက္ခာ၊ သို့မဟုတ် ဂုဏ်သတင်းကို မစဉ်းစားနှင့်။ လူ၏ အကျိုးစီးပွားများကိုလည်း ထည့်သွင်းမစဉ်းစားနှင့်။ သင်သည် ပထမဦးစွာ ဘုရားသခင်၏အိမ်တော်၏အကျိုးများကို စဉ်းစားရမည်ဖြစ်ပြီး ယင်းတို့ကို သင်၏ဦးစားပေးချက် ဖြစ်စေရမည်၊ သင်သည် ဘုရားသခင်၏အလိုတော်ကို အရေးထားသင့်ပြီး၊ သင်၏ တာဝန်ကို ဖြည့်ဆည်းရာတွင် သင်သည် မစင်ကြယ်မှု ရှိခဲ့သည် မရှိခဲ့သည်၊ သစ္စာရှိဖို့ သင် အစွမ်းကုန် လုပ်ဆောင်ပြီးခြင်း ရှိမရှိ၊ သင်၏ တာဝန်များကို ဖြည့်ဆည်းရန် အကောင်းဆုံး သင် လုပ်ဆောင်ပြီး သင်၏အရာအားလုံး ပေးပြီးခြင်း ရှိမရှိဆိုသည်အပြင်၊ သင်၏ တာဝန်နှင့် ဘုရားအိမ်တော်၏ အမှုကို စိတ်နှလုံးအကြွင်းမဲ့ဖြင့် ဆင်ခြင်ခဲ့ခြင်း ရှိမရှိ ဆိုသည်တို့ကို ချင့်ချိန်စဉ်းစားခြင်းဖြင့် အစပြုသင့်သည်။ ဤအရာများကို သင် ထည်သွင်းစဉ်းစားရမည်။ ယင်းတို့ကို မကြာခဏ တွေးလော့၊ ပြီးလျှင် သင်၏တာဝန်ကို ကောင်းစွာ ထမ်းဆောင်ရန် သင့်အတွက် သာ၍ လွယ်ကူလိမ့်မည်။ သင်၏အရည်အချင်း ညံ့ဖျင်းပါက၊ သင်၏အတွေ့အကြုံ ပေါ့တန်ပါက သို့မဟုတ် သင်၏ အသက်မွေးမှု အလုပ်တွင် မကျွမ်းကျင်ပါက၊ သင်၏အလုပ်၌ အမှားအယွင်းများ သို့မဟုတ် အပြစ်အနာအဆာများ အချို့ ရှိကောင်းရှိနိုင်ပြီး၊ ရလဒ်များမှာလည်း အလွန်ကောင်းချင်မှ ကောင်းပေမည်- သို့သော် သင်သည် သင်၏ အကောင်းဆုံး အားထုတ်မှုကို ပေးပြီးဖြစ်ပေလိမ့်မည်။ သင် လုပ်ဆောင်သောအရာများ၌ သင်၏ ကိုယ်ပိုင် တစ်ကိုယ်ကောင်းဆန်သော စိတ်ဆန္ဒများကို စဉ်းစားခြင်းမရှိ သို့မဟုတ် သင်၏အကျိုးကို ထည့်သွင်းစဉ်းစားခြင်း မပြုသကဲ့သို့၊ ထိုသို့ပြုမည့်အစား ဘုရားသခင်၏အိမ်တော်၏ အလုပ်ကို စဉ်ဆက်မပြတ် ထည့်သွင်းစဉ်းစားပြီး၊ ယင်း၏ အကျိုးများကို စဉ်းစားနေကာ၊ သင်၏တာဝန်ကို ကောင်းစွာထမ်းဆောင်သောအခါ၊ သင်သည် ဘုရားသခင်ရှေ့၌ ကောင်းသောအကျင့်များကို စုဆောင်းနေခြင်း ဖြစ်လိမ့်မည်။ ဤကောင်းသော လုပ်ဆောင်ချက်များ ရှိကြသောလူများသည် သမ္မာတရား စစ်မှန်မှုကို ပိုင်ဆိုင်သောသူများ ဖြစ်သည်၊ ထိုသို့ဖြင့် ၎င်းတို့သည် သက်သေခံကြပြီး ဖြစ်သည်။

ခရစ်တော်၏ပြောဆိုချက် မှတ်တမ်းများ စာအုပ်ထဲရှိ “သင်၏စစ်မှန်သော စိတ်နှလုံးကို ဘုရားသခင်ထံ ပေးပြီး သမ္မာတရားကို သင် ရရှိနိုင်သည်” မှ

သင်တို့သည် အသိစိတ် အမှန်တကယ် ပိုင်ဆိုင်ပါက၊ သင်သည် ဝန်ထုပ်တစ်ခုနှင့် တာဝန်သိစိတ်တစ်ခု ရှိရမည်ဖြစ်သည်။ သင့်အနေဖြင့်၊ “အကျွန်ုပ် အသိမ်းပိုက်ခံရမည် ဖြစ်စေ၊ စုံလင်စေခြင်း ခံရမည် ဖြစ်စေ၊ သက်သေခံချက်၏ ဤအဆင့်ကို မှန်ကန်စွာ ကျွန်ုပ် သက်သေခံရမည်” ဟု သင်ပြောရမည်။ ဘုရားသခင်၏ ဖန်ဆင်းခံသတ္တဝါတစ်ဦး အနေနှင့်၊ လူတစ်ဦးသည် ဘုရားသခင်၏ လုံးဝ သိမ်းပိုက်ခြင်းခံရနိုင်ပြီး၊ ဘုရားသခင်ကို ချစ်သော စိတ်နှလုံးတစ်ခုဖြင့်၊ ပြီးလျှင် မိမိကိုယ်ကိုယ် ဘုရားသခင်ထံ လုံးဝ ဆက်ကပ်ခြင်းဖြင့် ဘုရားသခင်၏ ချစ်ခြင်းမေတ္တာကို ပြန်ပေးဆပ်ရင်း နောက်ဆုံးတွင် ဘုရားသခင်ကို စိတ်ကျေနပ်စေနိုင်လာပေသည်။ ဤသည်မှာ လူသား၏ တာဝန်ဝတ္တရား ဖြစ်သည်၊ လူသားက ထမ်းဆောင်သင့်သည့် ဝတ္တရား ဖြစ်ပြီး၊ လူသားက သယ်ဆောင်သင့်သည့် ဝန်ထုပ်ဖြစ်ကာ ဤစေခိုင်းချက်ကို လူသားက ပြည့်စုံစေရမည်ဖြစ်သည်။ ထိုအခါမျှသာ သူသည် ဘုရားသခင်ကို ဧကန်အမှန် ယုံကြည်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လက်တွေ့လုပ်ဆောင်ခြင်း (၃)” မှ

အသင်းတော်တွင်၊ ငါ့အတွက် သင်၏ သက်သေခံချက်၌ ခိုင်မာစွာ ရပ်တည်လော့၊ သမ္မာတရားကို ထိန်းသိမ်းလော့။ အမှန်သည် အမှန်၊ အမှားသည် အမှား ဖြစ်၏။ အဖြူနှင့် အမည်းကို ရောထွေးခြင်း မရှိနှင့်။ သင်သည် စာတန်နှင့် တိုက်ပွဲဖြစ်လိမ့်မည် ဖြစ်ပြီး ၎င်းကို အဘယ်သောအခါမျှ တစ်ဖန် မထကြွစေဖို့အလို့ငှာ အလျှင်း နှိမ်နင်းရမည်။ ငါ၏ သက်သေခံချက်ကို ကာကွယ်ရန်အတွက် သင်၌ ရှိသမျှအရာရာကို ပေးရမည်။ ဤအရာသည် သင်တို့ အပြုအမူများ၏ ရည်မှန်းချက် ပန်းတိုင်ဖြစ်ရလိမ့်မည်- ဤအရာကို မမေ့လျော့နှင့်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၄၁” အစအဦး၌ ခရစ်တော်၏မိန့်မြွက်ချက်များ မှ

သင်တို့သည် ပွင့်လင်းပြီး ရိုးသားသော စိတ်နှလုံးများဖြင့် သင်တို့၏တာဝန်ကို အစွမ်းကုန် အသီးသီး လုပ်ဆောင်သင့်ပြီး၊ လိုအပ်သည့် မည်သည့်အဖိုးအခကိုမဆို ပေးရန် လိုလားလျက် ရှိနေသင့်ပေသည်။ သင်တို့ ပြောကြပြီးသည့်အတိုင်း၊ နေ့ရက်အချိန် ကျရောက်လာသည့်အခါ၊ ဘုရားသခင်သည် သူ့အတွက် ဆင်းရဲဒုက္ခခံခဲ့သူ သို့မဟုတ် အဖိုးအခတစ်ခု ပေးဆပ်ခဲ့သူ မည်သူမဆိုအပေါ် တာဝန်ပေါ့လျော့မည် မဟုတ်ပေ။ ဤသို့သော ခံယူချက်မျိုးသည် ထိန်းသိမ်းထားထိုက်သကဲ့သို့၊ ယင်းကို သင်တို့ မည်သည့်အခါမျှ မမေ့သင့်သည်မှာ မှန်ပေသည်။ ဤနည်းဖြင့်သာ ငါသည် သင်တို့နှင့်ပတ်သက်၍ ငါ၏ စိတ်ကို သက်သာစေနိုင်ပေသည်။ သို့မဟုတ်ပါက၊ သင်တို့သည် ငါ၏ စိတ်ကို သက်သာစေနိုင်မည် မဟုတ်သည့် လူများ ထာဝရ ဖြစ်ကြလိမ့်မည်ဖြစ်ပြီး၊ သင်တို့သည် ငါ၏ စက်ဆုပ်ခြင်းကို ခံကြရသူများ ထာဝရ ဖြစ်ကြလိမ့်မည်။ သင်တို့ အားလုံးသည် ငါ၏အမှုအတွက် မည်သည့်အားထုတ်မှုမျှ မချန်ဘဲလျက်၊ ပြီးလျှင် ငါ၏ ဧဝံဂေလိအမှုအဖို့ တစ်သက်တာ အားအင်ကို ဆက်ကပ်ရင်း၊ သင်တို့၏ အသိစိတ်ကို လိုက်နာနိုင်ပြီး ငါ့အတွက် သင်တို့၏ အရာအားလုံးကို ပေးနိုင်ပါက၊ ငါ၏စိတ်နှလုံးသည် သင်တို့အတွက်ကြောင့် ဝမ်းမြောက်မှုဖြင့် မကြာခဏ ခုန်ပေါက် လိမ့်မည် မဟုတ်လော။ ဤနည်းဖြင့်၊ ငါသည် သင်တို့နှင့်စပ်လျဉ်း၍ ငါ၏ စိတ်ကို လုံးလုံးလျားလျား သက်သာစေနိုင်မည်၊ မဟုတ်လော။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရီးပန်းတိုင်နှင့်ပတ်သက်၍” မှ

သင်သည် သင်၏ စိတ်နှလုံး၊ ခန္ဓာနှင့် သင်၏စစ်မှန်သော ချစ်ခြင်းမေတ္တာ အားလုံးကို ဘုရားသခင်ထံ ဆက်ကပ်အပ်နှံနိုင်ပါက၊ ယင်းတို့ကို ဘုရားသခင်ရှေ့တွင် ထားရှိနိုင်ပါက၊ သူ့အပေါ် လုံးဝ နာခံနိုင်ပြီး သူ၏အလိုကို လုံးဝ ထောက်ထားနိုင်ပါက- ဇာတိပကတိအတွက် မဟုတ်၊ မိသားစုအတွက် မဟုတ်၊ သင်၏ ကိုယ်ရေးကိုယ်တာ ဆန္ဒများအတွက် မဟုတ်ဘဲ၊ ဘုရားသခင့်အိမ်တော်၏ အကျိုးများအတွက်၊ အရာရာတွင် ဘုရားသခင်၏ နှုတ်ကပတ်တော်ကို အခြေခံသဘောတရားနှင့် အခြေခံအုတ်မြစ် အဖြစ်ခံယူလျက်- ထိုသို့လုပ်ဆောင်ခြင်းဖြင့် သင်၏ ရည်ရွယ်ချက်များနှင့် သင်၏ ရှုထောင့်အမြင်များအားလုံးသည် နေရာမှန်တွင် ရှိကြလိမ့်မည်ဖြစ်ပြီး၊ ထိုအခါ သင်သည် ဘုရားသခင့်ရှေ့တွင် သူ၏ချီးမွမ်းမှုကို ရရှိသော လူတစ်ဦး ဖြစ်လိမ့်မည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်အား အမှန်တကယ်ချစ်သောသူများသည် ဘုရားသခင်၏ လက်တွေ့ကျခြင်းကို အကြွင်းမဲ့ ကျိုးနွံနာခံနိုင်သောသူများ ဖြစ်သည်” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

ဘုရားသခင်၏ ရွေးချယ်ခံလူတို့ ပြင်ဆင်ရမည့် ကောင်းမြတ်သော လုပ်ဆောင်ချက် နှစ်ဆယ်-

၁။ အသင်းတော်အသက်တာထဲရှိ ဘုရားသခင်၏ ရွေးချယ်ခံလူတို့အတွက် ပြဿာနာများကို ဖြေရှင်းရန် သမ္မာတရား အပေါ် မကြာခဏ မိတ်သဟာယပြုပါ၊ ဘုရားသခင်ကို အမှန်တကယ် ယုံကြည်သူများအနေဖြင့် သမ္မာတရားကို နားလည်ပြီး လက်တွေ့ အရှိတရားထဲသို့ ဝင်ရောက်ရာ၌ အကူအညီပေးရန် ၎င်းတို့ကို စဉ်ဆက်မပြတ် ထောက်မပေးပါ။ ဤသည်မှာ ကောင်းမြတ်သော လုပ်ဆောင်ချက်ဖြစ်ပြီး ဤအရာသည်သာ စစ်မှန်သော ချစ်ခြင်းမေတ္တာဖြစ်သည်။

၂။ သင်သည် သင်၏တာဝန်ကို လုပ်ဆောင်ရာတွင် အပေးအယူသဘောမဆန်လျှင်၊ သို့မဟုတ် ဆုလာဘ်ရှာဖွေသောသူ မဟုတ်လျှင်၊ အခြားသော ရည်ရွယ်ချက်များ မရှိလျှင်၊ ဝတ်ကျေတမ်းကျေ မလုပ်ဆောင်ဘဲ လက်တွေ့ကျသော ရလဒ်များ ရှိလျှင် ဤသည်မှာ ကောင်းမြတ်သော လုပ်ဆောင်ချက်ဖြစ်သည်။ မိမိတို့၏တာဝန်ကို ဤနည်းလမ်းဖြင့် လုပ်ဆောင်သော သူတို့သည်သာလျှင် ဘုရားသခင်အတွက် မိမိတို့ကိုယ်ကို အမှန်တကယ် အသုံးတော်ခံနေကြခြင်းဖြစ်သည်။

၃။ အကယ်၍ မှားယွင်းစွာ အဆက်အသွယ်ဖြတ်ခံထားရသူ၊ သို့မဟုတ် အသင်းတော်မှ မှားယွင်းစွာ နှင်ထုတ်ခံထားရသော သူတို့သည် လူကောင်းများဖြစ်သည်ဟု တွေ့ရှိရလျှင် ၎င်းတို့ကို ကူညီပြီး ထောက်မပေးရန် ကြိုးပမ်းကာ အသင်းတော်ထဲသို့ ၎င်းတို့ကို ပြန်လည်လက်ခံပါ။ ဤသည်မှာ ကောင်းမြတ်သော လုပ်ဆောင်ချက် ဖြစ်သည်။ အသင်းတော်ကို ရှာဖွေနေကြသော အခြားသောနေရာများမှ ညီအစ်ကိုမောင်နှမများကို လက်ခံခြင်းနှင့် ၎င်းတို့နှင့်အတူတကွ ဘုရားသခင်၏ နှုတ်ကပတ်တော်များကို စားသောက်ပြီး အသင်းတော် အသက်တာကို ရှင်သန်နိုင်ခြင်းမှာလည်း ကောင်းမြတ်သော လုပ်ဆောင်ချက်ဖြစ်ပေသည်။

၄။ ဘုရားသခင်ကို အမှန်တကယ် ယုံကြည်ကြသော ဘုရားသခင်၏ ရွေးချယ်ခံလူတို့အနေဖြင့် သမ္မာတရားကို နားလည်နိုင်ပြီး လက်တွေ့အရှိတရားထဲသို့ ဝင်ရောက်ကာ အသက်တာတွင် ကြီးထွားကြစေဖို့ရန်အလို့ငှာ သင့်အနေဖြင့် စားဖို့အိပ်ဖို့ မေ့လျော့ရင်း အစွမ်းကုန် လုပ်ဆောင်ခြင်းသည် ကောင်းမြတ်သော လုပ်ဆောင်ချက်ဖြစ်သည်။ ဤသည်မှာ ဘုရားသခင်ကို အစေခံသူများနှင့် ဘုရားသခင်၏ အလိုတော်ကို အမှန်တကယ် အရေးထားသူတို့ ပိုင်ဆိုင်သင့်သည့် လက်တွေ့အရှိတရား ဖြစ်သည်။

၅။ ဧဝံဂေလိအမှုကို အာရုံစိုက်ပါ၊ သင့်တော်သောလူတစ်ဦးနှင့် ကြုံဆုံရသည့် အချိန်တိုင်းတွင် ဘုရားသခင်၏ အမှုတော်ကို သက်သေခံပါ။ ပိုမိုများပြားသော လူတို့ကို ရရှိဖို့အတွက် ဧဝံဂေလိတရားကို များနိုင်သမျှများများ ဟောကြားခြင်းသည် ကောင်းမြတ်သော လုပ်ဆောင်ချက်ဖြစ်သည်။ သမ္မာတရားကို အမှန်တကယ် လိုက်စားနိုင်သည့် စစ်မှန်သော ယုံကြည်ခြင်းရှိသော လူကောင်းအနည်းငယ်ကို ဘုရားသခင်ရှေ့မှောက်သို့ သင်ခေါ်ဆောင်လာနိုင်လျှင် ဤသည်မှာ ပို၍ပင် ကောင်းမြတ်သော လုပ်ဆောင်ချက်တစ်ခုဖြစ်သည်။

၆။ အကယ်၍ ဆိုးယုတ်သော လူတစ်ဦးသည် အသင်းတော်အဖို့ အနှောင့်အယှက်ဖြစ်စေသည်ဟု သင်တွေ့ရှိလျှင် ၎င်းတို့ကို ဆိုးယုတ်သောအမှု လုပ်ဆောင်ခြင်းမှ တားဆီးပြီး ထိန်းချုပ်ဖို့ရန် ဉာဏ်ပညာမျိုးစုံကို ထုတ်သုံးပါ။ ပရမ်းပတာဖြစ်ခြင်းကို ကိုင်တွယ်ဖြေရှင်းရန် သမ္မာတရားနှင့် ဉာဏ်ပညာတို့ကို အသုံးပြုပြီး အသင်းတော်အသက်တာ ပုံမှန်အတိုင်း ရှေ့ဆက်နိုင်ရန် သေချာအောင်လုပ်ပါ။ ဤသည်မှာ ကောင်းမြတ်သော လုပ်ဆောင်ချက်ဖြစ်သည်။

၇။ အသင်းတော်ထဲတွင် မည်သည့်ပြဿနာ ပေါ်ပေါက်ပါလေ့စေ ဘုရားသခင်၏ဖက်တွင် ရပ်တည်ခြင်း၊ ဘုရားသခင်၏ အမှုတော်ကို စောင့်ရှောက်ခြင်းနှင့် ဘုရားသခင့်ရွေးချယ်ခံလူတို့၏ အသက်တာထဲ ဝင်ရောက်မှုကို ကာကွယ်ပေးခြင်းမှာ ကောင်းမြတ်သော လုပ်ဆောင်ချက်ဖြစ်သည်။ ဘုရားသခင်၏ရွေးချယ်ခံလူတို့အနေဖြင့် သမ္မာတရားကို နားလည်သဘောပေါက်ပြီး ကောင်းမြတ်ခြင်းနှင့် ဆိုးယုတ်ခြင်းတို့ကို ပိုင်းခြားနိုင်စေဖို့အလို့ငှာ ပြဿနာများကို ဖြေရှင်းရန် သမ္မာတရားကို သင်အသုံးပြုနိုင်လျှင် ယင်းမှာ ပို၍ပင် လွန်စွာကောင်းမြတ်သော လုပ်ဆောင်ချက်တစ်ခု ဖြစ်သည်။

၈။ သန့်ရှင်းသော ဝိညာဉ်တော်က အသုံးပြုပြီး ဘုရားသခင်၏ အမှုတော်ကို ထိန်းသိမ်းနေသော လူကို ဝေဖန်တိုက်ခိုက်ကာ ဆန့်ကျင်ဝံ့သော ကောက်ကျစ်စဉ်းလဲသူတို့ကို ဘွင်းဘွင်းဖော်ထုတ်ပြီး ငြင်းဆိုရန် တတ်နိုင်ခြင်းမှာ ကောင်းမြတ်သော လုပ်ဆောင်ချက်ဖြစ်သည်။ ကောက်ကျစ်စဉ်းလဲသော လူမျိုးစုံနှင့် အန္တိခရစ်တို့၏ နှောင့်ယှက်မှုများကို ဖြေရှင်းရန် သမ္မာတရားကို အသုံးပြုပြီး ဘုရားသခင်၏ ရွေးချယ်ခံလူတို့အဖို့ အကျိုးကျေးဇူးကို ယူဆောင်ပေးခြင်းသည် သာ၍ပင် ကောင်းမြတ်သော လုပ်ဆောင်ချက်ဖြစ်သည်။

၉။ အမျိုးမျိုးသော အတွေးမှားများနှင့် အယူလွဲမှားမှုများကို ရှာဖွေတွေ့ရှိပြီးနောက်တွင် သမ္မာတရားကို ရှာဖွေခြင်း၊ ဘုရားသခင်၏ နှုတ်ကပတ်တော်များနှင့်အညီ ၎င်းတို့ကို ချေပခြင်းနှင့် ဝေဖန်ခြင်း၊ ဘုရားသခင်၏ ရွေးချယ်ခံလူတို့ကို အန္တရာယ်ကင်းအောင် ကာကွယ်စောင့်ရှောက်ပေးခြင်း၊ ထို့ပြင် အသက်တာ၌ တည်ဆောက်ခြင်းနှင့် ကြီးထွားခြင်းတို့ကို ၎င်းတို့ရရှိရန် ကူညီပေးခြင်းတို့သည် ကောင်းမြတ်သော လုပ်ဆောင်ချက်ဖြစ်သည်။

၁၀။ ဘုရားသခင်ကို စစ်မှန်စွာ ယုံကြည်ပြီး သမ္မာတရားကို လိုက်စားရန် လိုလားသူများက လှည့်ဖြားခံရပြီး ထိန်းချုပ်ခံထား ရသည်ကို တွေ့ရှိလျှင် ၎င်းတို့ကို ကယ်ဆယ်ရန်အတွက် ဖြစ်နိုင်သမျှ အရာရာတိုင်းကို လုပ်ဆောင်ခြင်း၊ ကောက်ကျစ်စဉ်းလဲသူတို့လက်မှ ၎င်းတို့လွတ်မြောက်နိုင်ပြီး ဘုရားသခင်ထံ အမှန်တကယ် လှည့်ပြန်လာနိုင်ကာ အလင်းအတွက် အမှောင်ကို စွန့်ပစ်စေနိုင်ရန် အလို့ငှာ သမ္မာတရားအပေါ် စိတ်ရှည်လက်ရှည် မိတ်သဟာယ ပြုပေးခြင်းသည် ကောင်းမြတ်သော လုပ်ဆောင်ချက် ဖြစ်သည်။

၁၁။ ခေါင်းဆောင်အတုအယောင်တစ်ဦး၊ သို့မဟုတ် အန္တိခရစ်တစ်ဦးသည် အခြားသူများအပေါ် ဆရာလုပ်နေပြီး လွတ်လပ်သော နိုင်ငံတော်ကို တည်ထောင်ဖို့ ကြိုးစားနေသည်ကို တွေ့ရှိရပါက ယင်းကို ချက်ချင်းတိုင်ကြားပြီး မာရ်နတ်ဖြစ်သည့် စာတန်၏အန္တရာယ်မှ ဘုရားသခင်၏ ရွေးချယ်ခံလူတို့ကို ကယ်တင်ဖို့အလို့ငှာ သမ္မာတရားကို နားလည်သည့် လူတို့ကို ဆက်သွယ်ခြင်းသည် ကောင်းမြတ်သော လုပ်ဆောင်ချက်တစ်ခု ဖြစ်သည်။

၁၂။ ခက်ခဲကျပ်တည်းသော ပတ်ဝန်းကျင် ဖြစ်ပေါ်လာသောအခါ ဘုရားသခင်၏ ရွေးချယ်ခံလူတို့ကို ကာကွယ်ရန် အစွမ်းကုန်ကြိုးစားခြင်း၊ ဘုရားသခင့်အိမ်တော်၏ ငွေနှင့် ပစ္စည်းပစ္စယများကို သင့်လျော်သည့် စီမံခန့်ခွဲမှုများ လုပ်ဆောင်ခြင်း၊ ထို့အပြင် ဘုရားသခင်၏ ပူဇော်သက္ကာများ စာတန်နှင့် အဆင်းနီသော နဂါးကြီး၏လက်ထဲသို့ ကျရောက်သွားခြင်းမှ ကာကွယ်ခြင်းသည် ကောင်းမြတ်သော လုပ်ဆောင်ချက် တစ်ခုဖြစ်သည်။ ဤအရာကို လုပ်ဆောင်သောသူသည် ဘုရားသခင်၏ အမှုတော်ကို စောင့်ရှောက်ပြီး ဘုရားသခင်ကို အမှန်တကယ် ဆက်ကပ်သောသူတစ်ဦး ဖြစ်သည်။

၁၃။ စစ်မှန်သော ယုံကြည်သူများကို ၎င်းတို့ အဖမ်းဆီးခံရခြင်းမှ တားဆီးရန် အကာအကွယ် စီစဉ်ပေးခြင်းနှင့် အဖမ်းခံထားရသည့် ညီအစ်ကိုမောင်နှမများကို ကယ်ဆယ်ရန် အဆက်အသွယ်အားလုံးကို အသုံးပြုခြင်းမှာ ကောင်းမြတ်သော လုပ်ဆောင်ချက်တစ်ခုဖြစ်သည်။ ခက်ခဲကျပ်တည်းသော ပတ်ဝန်းကျင်အတွင်းတွင် အသင်းတော် အသက်တာကို စောင့်ရှောက်ရန်နှင့် ဘုရားသခင်၏ ရွေးချယ်ခံလူတို့ကို ကာကွယ်ရန်အတွက် ဉာဏ်ပညာကို အသုံးပြုခြင်းသည် ပို၍ပင် ကောင်းမြတ်သော လုပ်ဆောင်ချက်တစ်ခုဖြစ်သည်။

၁၄။ ဘုရားသခင်အတွက် မိမိတို့ကိုယ်ကို အမှန်တကယ် အသုံးတော်ခံပြီး သမ္မာတရားကို လိုက်စားသော ညီအစ်ကိုမောင်နှမများက ဆင်းရဲဒုက္ခများနှင့် အခက်အခဲများဖြင့် ကြုံရသည်ကို သင်တွေ့သောအခါ မုန်တိုင်းကို ၎င်းတို့ကျော်ဖြတ်နိုင်အောင် ကူညီဖို့ အရာရာကို ပုံအောပေးခြင်းမှာ ကောင်းမြတ်သော လုပ်ဆောင်ချက်တစ်ခုဖြစ်သည်။ ဘုရားသခင် အတွက် အချိန်ပြည့် မိမိတို့ကိုယ်ကို အသုံးတော်ခံကြပြီး ၎င်းတို့၏ မိသားစုများ အခက်အခဲထဲ ရောက်ရှိနေကြသော ခေါင်းဆောင်များနှင့် အမှုတော်ဆောင်များကို ကူညီနိုင်သည်မှာလည်း ကောင်းမြတ်သော လုပ်ဆောင်ချက်တစ်ခုဖြစ်သည်။

၁၅။ လိုက်လံဖမ်းဆီးခံရပြီး အလိုရှိခံရသော ညီအစ်ကို မောင်နှမများကို အန္တရာယ်များ၊ သို့မဟုတ် မိမိပေးရနိုင်သည့် အဖိုးအခကို ကြောက်ရွံ့ခြင်းမရှိဘဲ လက်ခံပြီး ကူညီရန်အတွက် ဖြစ်နိုင်သမျှ နည်းလမ်းတိုင်းကို သင်ကြိုးစားနိုင်လျှင်၊ ထို့အပြင် ဘုရားသခင်ကို စိတ်ကျေနပ်နိုင်စေဖို့အလို့ငှာ သင်၏တာဝန်ကို ကျေပွန်အောင် ဆောင်ရွက်သည့် လမ်းကြောင်းတွင် အခြားသူများ၏ ချစ်တီးခေါင်း သန်းရှာခြင်း၊ မနှစ်မြို့ဖွယ်ဖြစ်ခြင်းနှင့် ဒုက္ခအဖြစ်မျိုးစုံကို သင်သည်းခံနိုင်လျှင် ယင်းမှာ ကောင်းမြတ်သည့် လုပ်ဆောင်ချက်တစ်ခု ဖြစ်သည်။

၁၆။ စစ်မှန်သော ယုံကြည်သူများဖြစ်ပြီး သမ္မာတရားကို လိုက်စားကြသည့် ညီအစ်ကို မောင်နှမများအနေဖြင့် ဘုရားသခင်၏ နှုတ်ကပတ်တော်ကို စားသောက်ရန်၊ သမ္မာတရားအပေါ် မိတ်သဟာယပြုရန်နှင့် စမ်းသပ်မှုများထဲတွင် အသင်းတော် အသက်တာကို အသက်ရှင်ရန်အလို့ငှာ ၎င်းတို့ကို စည်းရုံးခြင်းသည် ကောင်းမြတ်သော လုပ်ဆောင်ချက်တစ်ခုဖြစ်သည်။ အားနည်းသော ညီအစ်ကိုမောင်နှမများအနေဖြင့် သမ္မာတရားကို နားလည်ဖို့နှင့် စမ်းသပ်မှုများနှင့် ကပ်ဘေးများမှတစ်ဆင့် သက်သေရပ်တည်ဖို့ရန် ထောက်မပေးခြင်းသည် သာ၍ပင် ကောင်းမြတ်သော လုပ်ဆောင်ချက် တစ်ခုဖြစ်သည်။

၁၇။ လှူဖွယ်ပစ္စည်းများကို ခိုးယူပြီး ဘုရားသခင့်အိမ်တော်၏ ဥစ္စာပစ္စည်းများကို အလွဲသုံးစားလုပ်သော ဆိုးယုတ်သည့် လူတို့ကို ဖော်ထုတ်ခြင်းနှင့် သတင်းပေးခြင်းသည် ကောင်းမြတ်သော လုပ်ဆောင်ချက်တစ်ခုဖြစ်သည်။ ဤအရာက ဘုရားသခင်အဖို့ လှူဖွယ်ပစ္စည်းများနှင့် ဘုရားသခင့်အိမ်တော်၏ ဥစ္စာပစ္စည်းများ ဆုံးရှုံးရခြင်းမှ တားဆီးပေးပါသည်။ ဘုရားသခင်၏ လှူဖွယ် ပစ္စည်းများကို ဆိုးယုတ်သောလူတို့လက်ထဲသို့ ကျရောက်ခြင်းကို ကာကွယ်ခြင်းနှင့် ကွယ်ဝှက်ထားသော ရည်ရွယ်ချက်များရှိသည့် လူတို့၏ အလွဲသုံးစားလုပ်ခံရခြင်းအဖြစ်မှ ကာကွယ်ခြင်းသည်လည်း ကောင်းမြတ်သည့် လုပ်ဆောင်ချက်တစ်ခုဖြစ်သည်။

၁၈။ သန့်ရှင်းသော ဝိညာဉ်တော် အသုံးပြုသောလူ၏ အလုပ်အစီအမံများကို အကောင်အထည်ဖော်ခြင်းတွင် ပူးပေါင်း လုပ်ဆောင်ဖို့အပြင် အသင်းတော်ထဲမှ ဘုရားသခင့်ရွေးချယ်ခံလူတို့၏ လက်တွေ့ကျသော ပြဿနာပေါင်းစုံကို ဖြေရှင်းရန်၊ ထို့အပြင် ဘုရားသခင်၏ အမှုတော်ကို စောင့်ရှောက်ရန်နှင့် ဘုရားသခင်၏ ရွေးချယ်ခံလူတို့ကို မှန်ကန်သော ယုံကြည်ခြင်းလမ်းကြောင်းအပေါ်သို့ ခေါ်ဆောင်လာရန်အလို့ငှာ လက်တွေ့ကျသော အလုပ်များစွာကို လုပ်ဆောင်ရန် အားသွန်ခွန်စိုက် ကြိုးစားခြင်းသည် ကောင်းမြတ်သော လုပ်ဆောင်ချက်တစ်ခုဖြစ်သည်။

၁၉။ သန့်ရှင်းသော ဝိညာဉ်တော် အသုံးပြုသောလူ၏ ဦးဆောင်မှုနှင့် ထိန်းကျောင်းမှုနှင့်အတူ တက်ကြွစွာ ပူးပေါင်းလုပ်ဆောင်ခြင်း၊ ဘုရားသခင်၏ ရွေးချယ်ခံလူတို့အား ဘုရားသခင်ကို ယုံကြည်ခြင်းအရာ၏ မှန်ကန်သော လမ်းကြောင်း အပေါ်သို့ ခေါ်ဆောင်ဖို့အလို့ငှာ ခေါင်းဆောင်အတုအယောင်များနှင့် အန္တိခရစ်တို့နှင့် သေရေးရှင်ရေးတိုက်ပွဲတစ်ခု စတင်ခြင်း၊ ဘုရားသခင်၏အမှုတော်ကို စောင့်ရှောက်ရန် အဖိုးအခပေးခြင်းနှင့် ရလဒ်များရရှိခြင်း- ဤအရာအားလုံးကို ကောင်းမြတ်သော လုပ်ဆောင်ချက်များအဖြစ် အမျိုးအစားသတ်မှတ်ထားလေသည်။

၂၀။ အလုပ်အစီအမံများအရ ခေါင်းဆောင်အတုအယောင်များနှင့် အန္တိခရစ်တို့ကို ပိုင်းခြားသိမြင်ပြီး ဆုံးဖြတ်နိုင်ခြင်း၊ သမ္မာတရားနှင့်အညီ ၎င်းတို့ကို ဖော်ထုတ်နိုင်ခြင်း၊ ထို့အပြင် ဘုရားသခင်၏ ရွေးချယ်ခံလူတို့ကို ပိုမိုကြီးမားသော အန္တရာယ် မဖြစ်စေဖို့အလို့ငှာ ၎င်းတို့ကို နှုတ်ထွက်ဖို့ ဖျောင်းဖျနိုင်ခြင်းသည် ကောင်းမြတ်သည့် လုပ်ဆောင်ချက်တစ်ခု ဖြစ်သည်။ ပြစ်မှားခြင်းများ ရှိသော်လည်း စစ်မှန်သည့် နောင်တရှိနိုင်ပြီး ကောင်းမွန်သော လူ့သဘာဝ ပိုင်ဆိုင်နိုင်သည့် ခေါင်းဆောင်များအား ၎င်းတို့၏ တာဝန်ကို ဆက်လက်လုပ်ဆောင်နိုင်ဖို့အလို့ငှာ ကူညီခြင်းနှင့် ကာကွယ်ပေးခြင်းသည်လည်း ကောင်းမြတ်သော လုပ်ဆောင်ချက် တစ်ခုဖြစ်သည်။

အလုပ်အစီအစဉ်များ မှ

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။