အဖြေ-
“ငါအမှန်အကန်ဆိုသည်ကား၊ ငါသွားလျှင် သင်တို့အကျိုးရှိလိမ့်မည်။ အကြောင်းမူကား၊ ငါမသွားလျှင် ဥပဇ္ဈာယ်ဆရာသည် သင်တို့ဆီသို့မလာ။ ငါသွားလျှင် ထိုသူကို သင်တို့ဆီသို့ ငါစေလွှတ်မည်။ ဥပဇ္ဈာယ်ဆရာသည် ရောက်လာလျှင်၊ ဒုစရိုက်အပြစ်ကို၎င်း၊ အပြစ်ကင်းခြင်းကို၎င်း၊ အပြစ်စီရင်ခြင်းကို၎င်း၊ လောကီသားတို့အား ထင်ရှားစွာဘော်ပြမည်။” (ယော ၁၆:၇-၈) ဟူသည့် သခင်ယေရှု၏ နှုတ်ကပတ်တော်များ သက်သက်အပေါ် အခြေခံ၍၊ သန့်ရှင်းသော ဝိညာဉ်တော်သည် လူသား၌ အမှုပြုပြီး နောက်ဆုံးသောကာလ တရားစီရင်ခြင်း အမှုကို ဆောင်ရွက်ဖို့ ပင်တေကုတ္တေနေ့တွင် ဆင်းသက်ခဲ့သည်ဟု သင် အခိုင်အမာ ပြောဝံ့ပါသလား။ ဤအရာအတွက် ဘုရားသခင်၏ နှုတ်ကပတ်တော်များတွင် အခြေခံတစ်ခုတစ်လေ ရှိပါသလား။ သခင့်၏ နှုတ်ကပတ်တော်များအပေါ် ထိုသို့ သိနားလည်မှု တစ်ခုသည် သူ၏ အလိုတော်နှင့် ကိုက်ညီပါသလား။ သခင်ယေရှုက ရှင်းလင်းစွာ၊ “ငါ့စကားကို ကြားသောသူသည် မယုံကြည်ဘဲနေလျှင် ထိုသူကို ငါသည်အပြစ်မစီရင်။ လောကီသား တို့ကို အပြစ်စီရင်အံ့သောငှါ ငါလာသည်မဟုတ်၊ လောကီသား တို့ကို ကယ်တင်အံ့သောငှါငါလာ၏။ ငါ့ကိုပယ်၍ ငါ့စကားကို နာမခံသောသူအား အပြစ်စီရင်သောသူရှိသေး၏။ ငါဟောပြောသော စကား ပင် နောက်ဆုံးသောနေ့၌ ထိုသူအားအပြစ်စီရင်လိမ့်မည်။” (ရှင်ယောဟန်ခရစ်ဝင် ၁၂:၄၇-၄၈) ဟု ဆိုခဲ့သည်။ သခင်ယေရှု၏ နှုတ်ကပတ်တော်များက ပြတ်သားသည်။ သူ၏ လုပ်ရပ်များက တရားစီရင်ခြင်း အမှု မဟုတ်ခဲ့သကဲ့သို့၊ နောက်ဆုံးသော ကာလအတွင်း သူ ပြန်ကြွလာချိန်တွင်သာ သမ္မာတရားကို သူ ဖော်ပြမည်ဖြစ်ပြီး တရားစီရင်ခြင်း အမှုကို လုပ်ဆောင်မည် ဖြစ်သည်။ ထို့ကြောင့်၊ ကျေးဇူးတော်ခေတ်နှင့်ဆိုင်သည့် သန့်ရှင်းသော ဝိညာဉ်တော်၏ အလုပ်ကိုယူပြီး ယင်းကို ဘုရားသခင်၏ နောက်ဆုံးသောကာလ တရားစီရင်ခြင်းအမှုဟု ခေါ်ခြင်းသည် မှားသည်ဟု ဆို၍ရသည်။ မချိတင်ကဲ ဝေဒနာမျက်ရည်များ ကျွန်ုပ်တို့ မျက်နှာပေါ် စီးဆင်းလျက်၊ ကျွန်ုပ်တို့၏ အပြစ်များကို ဝန်ချပြီး နောင်တရဖို့ သခင့်ရှေ့မှောက် လာကြချိန်တွင်၊ ဤသည်မှာ ကျွန်ုပ်တို့က သန့်ရှင်းသော ဝိညာဉ်တော် တို့ထိကာ အပြစ်တင်သည်ကို ခံရခြင်းသာ ဖြစ်သည်။ ယင်းမှာ သန့်ရှင်းသော ဝိညာဉ်တော်၏ ကျေးဇူးတော်ခေတ် လုပ်ဆောင်ချက်မှာ ထိရောက်ပြီး ဖြစ်သည်ဟု ဆိုလိုသည်။ ယင်းသည် ဘုရားသခင်၏ နောက်ဆုံးသော ကာလ တရားစီရင်ခြင်း အမှုနှင့် လုံးဝ မတူပါ။ တရားစီရင်ခြင်းက မည်သည့်အရာသာဖြစ်သည်ကို သိနားလည်ဖို့ အနန္တတန်ခိုးရှင် ဘုရားသခင်၏ နှုတ်ကပတ်တော်များ နှစ်ပိုဒ်ကို ကြည့်လိုက်ကြပါစို့။
အနန္တတန်ခိုးရှင် ဘုရားသခင် ပြောသည်မှာ- “‘တရားစီရင်ခြင်း’ ဟူသော စကားလုံးကို ဖော်ပြသည်နှင့်၊ နေရာဒေသအားလုံးရှိလူများကို လမ်းပြဖို့ ယေဟောဝါ ပြောဆိုခဲ့သည့် နှုတ်ကပတ်တော်များနှင့် ယေရှုက ဖာရိရှဲတို့ကို ပြစ်တင်မောင်းမဲဖို့ ပြောဆိုခဲ့သည့် နှုတ်ကပတ်တော်များကို သင်တို့ စဉ်းစားမိကောင်းစဉ်စားမိနိုင်သည်။ ၎င်းတို့၏ပြင်းထန်မှုများ အားလုံးရှိလင့်ကစား၊ ဤနှုတ်ကပတ်တော်များသည် လူသားအပေါ် ဘုရားသခင်၏ တရားစီရင်မှု မဟုတ်ပေ။ ယင်းတို့သည် မတူညီသော နောက်ခံအကြောင်းအရာများ ဖြစ်သည့်၊ မတူညီသော ပတ်ဝန်းကျင်များအတွင်း ဘုရားသခင် ပြောဆိုထားခဲ့သည့် နှုတ်ကပတ်တော်များသာ ဖြစ်သည်။ ဤနှုတ်ကပတ်တော်များသည် နောက်ဆုံးသောကာလ၏ ခရစ်တော်က လူသားကို တရားစီရင်သည် နှင့်အမျှ သူပြောဆိုထားသော နှုတ်ကပတ်တော်များနှင့် မတူပေ။ နောက်ဆုံးသောကာလ ခရစ်တော်သည် လူသားကို သွန်သင်ရန်၊ လူသား၏အနှစ်သာရကို ဖော်ထုတ်ရန်နှင့် လူသား၏ အပြုအမူများနှင့် စကားလုံးများကို စိတ်ဖြာလေ့လာရန် အမျိုးမျိုးသော သမ္မာတရားများကို အသုံးပြု၏။ ဤနှုတ်ကပတ်တော်များသည် လူသား၏တာဝန်၊ လူသားသည် ဘုရားသခင်ကို မည်သို့နာခံသင့်ပုံ၊ လူသားသည် ဘုရားသခင်ကို မည်သို့သစ္စာရှိသင့်ပုံ၊ လူသားသည် သာမန်လူ့သဘာဝကို မည်သို့ အသက်ရှင်နေထိုင်သင့်ပုံအပြင်၊ ဘုရားသခင်၏ ဉာဏ်ပညာနှင့် စိတ်သဘောထား စသည်တို့ကဲ့သို့သော အမျိုးမျိုးသော သမ္မာတရားများ ပါဝင်သည်။ ဤနှုတ်ကပတ်တော်များ အားလုံးသည် လူသား၏အနှစ်သာရနှင့် သူ၏ဖောက်ပြန်ပျက်စီးနေသော စိတ်သဘောထားတို့ကို ဦးတည်ထား ပေသည်။ အထူးသဖြင့်၊ ဘုရားသခင်ကို လူသားက မည်သို့ ပစ်ပယ်သည်ကို ဖော်ထုတ်ပြသည့် နှုတ်ကပတ်တော်များမှာ လူသားသည် စာတန်၏ပြယုဂ်နှင့် ဘုရားသခင်ကိုဆန့်ကျင်သည့်ရန်သူအင်အား တစ်ခု မည်သို့ဖြစ်သည်နှင့် စပ်လျဉ်း၍ ပြောဆိုထားပေသည်။ သူ၏တရားစီရင်ခြင်းအမှုကို ဆောင်ရွက်ရာတွင်၊ ဘုရားသခင်သည် လူသား၏သဘာဝကို စကားလုံးအနည်းငယ်မျှဖြင့် ရှင်းလင်းရုံမျှ ရှင်းလင်းစေသည် မဟုတ်။ သူသည် ရေရှည်နှင့်ပတ်သက်၍ ဖော်ထုတ်သည်၊ ကိုင်တွယ်ဖြေရှင်းပြီး၊ ပြုပြင်လေသည်။ ဤကွဲပြားခြားနားသော ဖော်ထုတ်ခြင်း၊ ကိုင်တွယ်ဖြေရှင်းခြင်းနှင့် ပြုပြင်ပေးခြင်း နည်းစနစ်အားလုံးကို သာမန်စကားလုံးများဖြင့် အစားထိုး၍မရနိုင်ဘဲ၊ လူသားတွင် လုံးဝကင်းမဲ့နေသော သမ္မာတရားဖြင့် အစားထိုးနိုင်ပေသည်။ ဤသို့သော နည်းလမ်းများကိုသာ တရားစီရင်မှုဟု ခေါ်ဆိုနိုင်သည်။ ဤတရားစီရင်မှုမျိုးမှတစ်ဆင့်သာ လူသားသည် ချိုးနှိမ်ခံရနိုင်ပြီး၊ ဘုရားသခင်နှင့်ပတ်သက်၍ လုံးလုံးလျားလျား သိမ်းသွင်းစည်းရုံး ခံရနိုင်သည့်အပြင်၊ ဘုရားသခင်နှင့် ပတ်သက်သည့် စစ်မှန်သော အသိပညာကို ရရှိနိုင်ပေသည်။ တရားစီရင်ခြင်းက ဖြစ်ပေါ်စေသည့်အရာမှာ ဘုရားသခင်၏မျက်နှာအစစ်အမှန်နှင့် သူကိုယ်တိုင်၏ ပုန်ကန်မှုနှင့်ပတ်သက်သည့် အမှန်တရားကို လူသားက သိနားလည်ခြင်း ဖြစ်သည်။ တရားစီရင်ခြင်းအမှုသည် ဘုရားသခင်၏ အလို၊ ဘုရားသခင်အမှု၏ ရည်ရွယ်ချက်နှင့် လူသား နားမလည်နိုင်သော နက်နဲမှုများတို့နှင့် ပတ်သက်သည့် များပြားလှသော သိနားလည်မှုကို လူသားအား ရရှိခွင့်ပေးသည်။ ယင်းသည် လူသားကို သူ၏ ဖောက်ပြန်ပျက်စီးသော အနှစ်သာရနှင့် သူ၏ ဖောက်ပြန်ပျက်စီးမှု အရင်းအမြစ်များကို သတိပြုကာ သိရှိခွင့်ပေးသည့်အပြင် လူသား၏ အကျည်းတန်မှုကို သိရခွင့် ပေးလေသည်။ ဤအကျိုးသက်ရောက်မှုအားလုံးတို့ကို တရားစီရင်ခြင်း အမှုက ဖြစ်ပေါ်စေခြင်းဖြစ်သည်၊ အကြောင်းမှာ ဤအမှု၏ အနှစ်သာရသည် ဘုရားသခင်၌ ယုံကြည်ခြင်းရှိသူများ အားလုံးထံသို့ ဘုရားသခင်၏သမ္မာတရား၊ လမ်းခရီးနှင့် အသက်တို့ကို အမှန်တကယ် ဖွင့်ပြပေးသည့် အမှု ဖြစ်သောကြောင့် ဖြစ်သည်။ ဤအမှုသည် ဘုရားသခင် လုပ်ဆောင်သော တရားစီရင်ခြင်းအမှု ဖြစ်၏။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ခရစ်တော်သည် တရားစီရင်ခြင်း အမှုကို သမ္မာတရားဖြင့် ဆောင်ရွက်၏)
“တရားစီရင်ခြင်းအမှုသည် ဘုရားသခင်ကိုယ်တိုင်၏အမှု ဖြစ်၏။ ထို့ကြောင့် ယင်းအား ဘုရားသခင်ကိုယ်တော်တိုင် ဆောင်ရွက် ရမည်မှာ ဟုတ်ပေသည်။ သူ့အစား၊ လူသားက အစားထိုး၍ ဆောင်ရွက် မပေးနိုင်ပေ။ တရားစီရင်ခြင်းသည် လူသားမျိုးနွယ်ကို သိမ်းပိုက်ဖို့ သမ္မာတရားကို အသုံးပြုခြင်း ဖြစ်သည့်အတွက်၊ လူသားအလယ် ဤအမှုကို ဆောင်ရွက်ရန် ဘုရားသခင်သည် လူ့ဇာတိခံ ပုံသဏ္ဌာန်ဖြင့် ပေါ်ထွန်းဦးမည်မှာ မေးစရာမလိုချေ။ ဆိုလိုသည်မှာ နောက်ဆုံးသောကာလ ခရစ်တော်သည် ကမ္ဘာလောကအနှံ့ရှိ လူတို့ကို သွန်သင်ရန် သမ္မာတရားကို အသုံးပြုမည်ဖြစ်ပြီး၊ သမ္မာတရားအားလုံးကို သူတို့အား သိစေမည်။ ဤသည်မှာ ဘုရားသခင်၏ တရားစီရင်ခြင်း အမှုဖြစ်၏။” (နှုတ်ကပတ်တော်၊ အတွဲ (၁)၊ ဘုရားသခင်၏ ပေါ်ထွန်းခြင်းနှင့် အမှုတော်၊ ခရစ်တော်သည် တရားစီရင်ခြင်း အမှုကို သမ္မာတရားဖြင့် ဆောင်ရွက်၏)
အနန္တတန်ခိုးရှင် ဘုရားသခင်က တရားစီရင်ခြင်းမှာ မည်သည့်အရာဖြစ်ပြီး တရားစီရင်ခြင်း၏ အကျိုးက မည်သည့်အရာဖြစ်သည်ကို အလွန် ရှင်းလင်းသိသာစေသည်။ အနန္တတန်ခိုးရှင် ဘုရားသခင်၏ နောက်ဆုံးသော ကာလ တရားစီရင်ခြင်း အမှုတော်မှာ လူသားကို အပြီးပိုင် သန့်စင်စေခြင်းနှင့် ကယ်တင်ခြင်း အမှုတော် ဖြစ်သည်။ ယင်းမှာ လူသားမျိုးနွယ်ကို ပြစ်တင်ရှုတ်ချပြီး ကျိန်ဆဲသည့် စကားအနည်းငယ် ပြောခြင်းမျှ မဟုတ်သကဲ့သို့၊ စာပိုဒ်အချို့ကို ဖော်ပြချက်လည်း မဟုတ်ပါ။ ထိုအစား၊ ဘုရားသခင်က လုံလောက်သည့် နှုတ်ကပတ်တော် ပမာဏ ဖော်ပြပါသည်။ လူသားအနေဖြင့် သူ၏ သန့်စင်ခံရခြင်းနှင့် ကယ်တင်ခြင်းအတွက် နားလည်သင့်ပြီး ဝင်ရောက်သင့်သည့် အမျိုးမျိုးသော သမ္မာတရား ရှုထောင့်အားလုံးကို ဖော်ပြပြီး၊ လူသားမျိုးနွယ်ထံ သူ၏ အနှစ်ခြောက်ထောင် စီမံခန့်ခွဲမှု အစီအစဉ်၏ နက်နဲမှုအားလုံးကို ထုတ်ဖော်ပြလေသည်။ ယခုတွင် ဘုရားသခင်သည် ကျေးဇူးတော်ခေတ်အတွင်း သခင်ယေရှု ဖော်ပြခဲ့သည်ထက် အကြိမ် ရာချီ၊ ထောင်ချီ ပိုများသည့် နှုတ်ကပတ်တော်များကို ဖော်ပြသည်။ ဘုရားသခင်၏ နောက်ဆုံးသော ကာလ တရားစီရင်ခြင်း၏ အချက်အချာတွင် ရှိသည်မှာ သမ္မာတရား ဖော်ပြချက်နှင့် လူသားမျိုးနွယ်၏ တရားစီရင်ခြင်းနှင့်ဆိုင်သည့် နှုတ်ကပတ်တော်များ ဖော်ပြချက် ဖြစ်သည်။ လူသား၏ အပြစ်နှင့်ပြည့်ပြီး ဘုရားသခင်ကို ခုခံတတ်သည့် ဆိုးယုတ်သော သဘာဝနှင့် စိတ်သဘောထားတို့ကို သူသည် တရားစီရင်ကာ ဖော်ထုတ်ပြီး ဖြစ်သည်။ သူသည် စာတန်အားဖြင့် လူသားမျိုးနွယ်၏ ဖောက်ပြန်ပျက်စီးခြင်း အမှန်တရားကို ထုတ်ဖော်ပြပြီး ဖြစ်သည်။ သူသည် ဘုရားသခင်၏ သန့်ရှင်း၊ ဖြောင့်မတ်ပြီး ပုန်ကန်ပြစ်မှားမရသည့် စိတ်သဘောထားကို ပြသပြီးဖြစ်ကာ လူသားမျိုးနွယ်အတွက် ဘုရားသခင်၏ အလိုတော်နှင့် သတ်မှတ်ချက်များအပြင် မည်သူ ကယ်တင်ခံရပြီး မည်သူ အပြစ်ပေးခံရမည်ဆိုသကဲ့သို့သော သမ္မာတရား၏ ရှုထောင့် အမျိုးမျိုးကို ကျွန်ုပ်တို့အား ပြောပြပြီး ဖြစ်သည်။ ဘုရားသခင်၏ နောက်ဆုံးသော ကာလ တရားစီရင်ခြင်းအမှုကို ကျွန်ုပ်တို့ တွေ့ကြုံပြီးသည်၊ ဘုရားသခင်၏ စီမံခန့်ခွဲမှု အစီအစဉ်၏ ရည်ရွယ်ချက်ကို ကျွန်ုပ်တို့ နားလည်သည်၊ ဘုရားသခင်အပေါ် စာတန်၏ တစ်ဖက်စွန်းရောက် ခုခံမှုနှင့်ဆိုင်သည့် ဘီလူးသရဲစီးသော သရုပ်ကို ရှင်းလင်းစွာ မြင်ကြသည်၊ စာတန်အားဖြင့်ဖြစ်သော ကျွန်ုပ်တို့၏ နက်နဲသည့် ဖောက်ပြန်ပျက်စီးခြင်း၏ အမှန်တရားနှင့် အနှစ်သာရတို့ကို ကျွန်ုပ်တို့ နားလည်ကြပြီး၊ ဘုရားသခင်ကို ဆန့်ကျင်ကာ သစ္စာဖောက်သည့် ကျွန်ုပ်တို့၏ ကိုယ်ပိုင် ဆိုးယုတ်သော သဘာဝများကို သိကြသည်။ ဘုရားသခင်၏ ဖြောင့်မတ်သော စိတ်သဘောထား၊ သူ၏ အနန္တတန်ခိုးနှင့် ဉာဏ်ပညာ၊ ပြီးလျှင် သူ၏ အရာအားလုံးနှင့် ဖြစ်ခြင်းတို့နှင့်ဆိုင်သော စစ်မှန်သည့် အသိပညာအနည်းငယ်လည်း ကျွန်ုပ်တို့၌ ရှိကြသည်။ ကျွန်ုပ်တို့ထဲတွင် ဘုရားသခင်ကို ကြောက်ရွံ့သည့် စိတ်နှလုံးတစ်ခု ပေါက်ဖွားပြီး၊ ဘုရားသခင်ရှေ့မှောက် အသက်ရှင်ဖို့ မသင့်တော်ဟု ခံစားရလျက်၊ ကျွန်ုပ်တို့ စိတ်နှလုံးများတွင် မိမိကိုယ်ကိုယ် စက်ဆုပ်ကာ စွန့်လွှတ်လျက်၊ ကျွန်ုပ်တို့၏ အရှက်တရားအား ကွယ်ဝှက်ဖို့ နေရာမရှိဘဲ၊ မြေပေါ် ကျွန်ုပ်တို့ မိမိကိုယ်ကိုယ် ဝပ်စင်းကြသည်။ အပြစ်တရား၏ ချည်နှောင်မှုများမှ ကျွန်ုပ်တို့ တဖြည်းဖြည်း လွတ်မြောက်ကြကာ ကျွန်ုပ်တို့သည် စစ်မှန်သော လူသားပုံသဏ္ဌာန်အတိုင်း အသက်ရှင်နေထိုင်ပြီး၊ ဘုရားသခင်ကို အမှန်တကယ် ကြောက်ရွံ့ကာ နာခံသူများ ဖြစ်လာကြသည်။ ယင်းမှာ ဘုရားသခင်၏ နောက်ဆုံးသော ကာလ တရားစီရင်ခြင်းကို ကျွန်ုပ်တို့ တွေ့ကြုံခြင်းအားဖြင့် ရရှိသည့် အကျိုးဖြစ်ပြီး- ဤအမှုသည်သာ ဘုရားသခင်၏ နောက်ဆုံးသော ကာလ တရားစီရင်ခြင်း အမှု ဖြစ်သည်။
ယခု ကျေးဇူးတော်ခေတ်ကို ကြည့်ကြပါစို့။ သခင်ယေရှုက တရားစီရင်ခြင်း နှုတ်ကပတ်တော်အချို့- ဖာရိရှဲတို့ကို ရှုတ်ချကာ ကျိန်ဆဲသည့် နှုတ်ကပတ်တော်များကို ပြောခဲ့သော်လည်း- ရွေးနုတ်ခြင်း အမှုကိုသာ သူ လုပ်ဆောင်ခဲ့သည်၊ ယင်း၏ အချက်အချာမှာ အပြစ်မှလွှတ်ခြင်းနှင့် လူတို့အား နောင်တရဖို့ စေခိုင်းခြင်း၊ ပြီးလျှင် လူသားအပေါ် သနားကရုဏာ ပြသခြင်းနှင့် လူသားအပေါ် ကျေးဇူးတော် အပ်နှင်းခြင်းတို့ ဖြစ်သည်။ ယင်းမှာ အချက်အချာက တရားစီရင်ခြင်းနှင့် လူသား အပြစ်များကို သန့်စင်ခြင်းဖြစ်သည့် အမှု မဟုတ်ခဲ့ပါ၊ ထို့ကြောင့် သခင်ယေရှုက မည်သို့ နောင်တရပြီး ဝန်ချရမည်၊ မည်သို့ နှိမ့်ချကာ သည်းခံရမည်၊ မည်သို့ ဗတ္တိဇံခံရမည်၊ ကားတိုင်ထမ်းပြီး ဆင်းရဲဒုက္ခခံရမည်၊ အစရှိသည်ဖြင့် ကျွန်ုပ်တို့ကို သွန်သင်ရင်း၊ ရွေးနုတ်ခြင်း အမှုတစ်ဝိုက်ကို အခြေခံ၍ အကန့်အသတ်ရှိသည့် နှုတ်ကပတ်တော် ပမာဏကို ဖော်ပြရုံမျှ ဖော်ပြခဲ့သည်။ သခင့်ကို ယုံကြည်လျက်၊ ကျွန်ုပ်တို့၏ အပြစ်များ ခွင့်လွှတ်ခံရဖို့အတွက်နှင့် ပညတ်တရားအားဖြင့် မစီရင်ခံရတော့ဘဲ သေခြင်းသို့ မရောက်တော့ဖို့အတွက်၊ ကျွန်ုပ်တို့အနေဖြင့် သခင့် နှုတ်ကပတ်တော်များနှင့်အညီ ဝန်ချကာ နောင်တရဖို့သာ လိုအပ်ခဲ့သည်။ ထိုသို့ဖြင့် ဘုရားသခင်ထံ ဆုတောင်းကာ သူ၏ ကျေးဇူးတော်နှင့် ကောင်းချီးမင်္ဂလာများကို မွေ့လျော်ဖို့ ကျွန်ုပ်တို့ အရည်အချင်း ပြည့်မီခဲ့ကြသည်။ ယင်းမှာ ကျေးဇူးတော်ခေတ်အတွင်း ဘုရားသခင်၏ ရွေးနုတ်ခြင်း အမှုအားဖြင့် ရရှိခဲ့သော အကျိုးဖြစ်ပြီး၊ ယင်းသည် နောက်ဆုံးသော ကာလ တရားစီရင်ခြင်း အမှုအားဖြင့် ရရှိသော အကျိုးနှင့် အကြီးအကျယ် ခြားနားခဲ့သည်။ သို့သော် သန့်ရှင်းသော ဝိညာဉ်တော်အားဖြင့် အသိဉာဏ်ပွင့်လင်းလျက်၊ ပြစ်တင်ခံရကာ ဆုံးမပဲ့ပြင်ခံရလျက်၊ သခင့်ရှေ့မှောက် ၎င်းတို့ ဆုတောင်းကာ မိမိတို့၏ အပြစ်များကို ဝန်ချသည်နှင့်အမျှ မချိတင်ကဲဝေဒနာ မျက်ရည်များ မိမိတို့မျက်နှာများပေါ်တွင် စီးဆင်းလျက်၊ ပြီးလျှင် အချို့သော အပြုအမူကောင်းများကို ထုတ်ဖော်ပြရင်း၊ သန့်ရှင်းသော ဝိညာဉ်တော်၏ ကျေးဇူးတော်ခေတ် အမှုတော်ကို တွေ့ကြုံခြင်းသည် ဘုရားသခင်၏ တရားစီရင်ခြင်းအမှုကို တွေ့ကြုံခြင်းနှင့် သန့်စင်ခံရခြင်းဖြစ်သည်ဟု ယုံကြည်သောသူအချို့ ရှိသည်။ ထို့ကြောင့် ဤအရာကို သင်အား ကျွန်ုပ်တို့ မေးသည်- သင့်အပြစ်များ၏ အရင်းအမြစ်ကို သိပါသလား။ ဘုရားသခင်ကို ဆန့်ကျင်သည့် သင်၏ ဆိုးယုတ်သော သဘာဝ အနှစ်သာရကို သင် သိပါသလား။ လူသားမျိုးနွယ်၏ နက်နဲသည့် ဖောက်ပြန်ပျက်စီးခြင်း အမှန်တရားကို သိပါသလား။ စာတန်၏ ဆိုးယုတ်သော အနှစ်သာရကို သင် ထိန်းသိမ်းထားလေပြီလား။ ဘုရားသခင်၏ ဖြောင့်မတ်ကာ၊ ဘုန်းအာနုဘော်ဖြစ်ပြီး ပုန်ကန်ပြစ်မှား၍ မရနိုင်သည့် စိတ်သဘောထားကို သင် သိပါသလား။ အပြစ်တရား၏ ချည်နှောင်မှုများနှင့် ချုပ်ချယ်မှုများကို သင် အမှန်တကယ် လွတ်မြောက်ပြီလား။ သင်၏ ဆိုးယုတ်သော စိတ်သဘောထား သန့်စင်ခံရပြီးပြီလား။ သင်သည် ဘုရားသခင်ကို ကြောက်ရွံ့ပြီး နာခံသည့် တစ်စုံတစ်ဦး ဖြစ်လာပြီလား။ ဤအရာများထဲမှ မည်သည့်အရာကိုမျှ သင် မရရှိသေးပါ၊ ထို့ကြောင့် ဘုရားသခင်၏ တရားစီရင်ခြင်း တွေ့ကြုံပြီးနောက် သင် သန့်စင်ခံရပြီးဖြစ်သည်ဟု ပြောနိုင်ရသနည်း။ ထို့ကြောင့်၊ ကျေးဇူးတော်ခေတ်တွင် သခင်ယေရှု လုပ်ဆောင်ခဲ့သည့် အမှုမှာ တရားစီရင်ခြင်း အမှု မဟုတ်ခဲ့ပါ။ နိုင်ငံတော်ခေတ်တွင် အနန္တတန်ခိုးရှင် ဘုရားသခင် လုပ်ဆောင်သည့် အရာသည်သာ ဘုရားသခင်၏ နောက်ဆုံးသောကာလ တရားစီရင်ခြင်း အမှုတော် ဖြစ်သည်။
