ခရစ်တော် အယောင်ဆောင်သောသူတစ်ဦးဆိုသည်မှာ အဘယ်နည်း။ ခရစ်တော် အယောင်ဆောင်သောသူတစ်ဦးကို မည်သို့ သိမြင်နိုင်သနည်း။

12.03.2021

ဆက်စပ်သော ဘုရားသခင်၏ နှုတ်ကပတ်တော်များ-

လူ့ဇာတိခံ ဘုရားသခင်ဖြစ်သော သူသည် ဘုရားသခင်၏ အနှစ်သာရကို ပိုင်ဆိုင်ရမည်ဖြစ်ပြီး၊ လူ့ဇာတိခံ ဘုရားသခင်ဖြစ်သော သူသည် ဘုရားသခင်၏ ဖော်ပြခြင်းကို ပိုင်ဆိုင်လိမ့်မည် ဖြစ်သည်။ ဘုရားသခင်သည် ဇာတိပကတိ ဖြစ်သွားသည့်အတွက် သူလုပ်ဆောင်ရန် ရည်ရွယ်သည့်အမှုကို သူ လုပ်ဆောင်မည်ဖြစ်ပြီး၊ ဘုရားသခင်သည် ဇာတိပကတိ ဖြစ်သွားသည့် အတွက်၊ သူ၏ဖြစ်ခြင်းကို ဖော်ပြမည်ဖြစ်ကာ လူသားထံ သမ္မာတရားကို ယူဆောင်လာနိုင်မည်၊ သူ့အပေါ် အသက်ကို အပ်နှင်းနိုင်မည်ဖြစ်ပြီး၊ သူ့အတွက် လမ်းခရီးကို ညွှန်ပြနိုင်မည်ဖြစ်သည်။ ဘုရားသခင်၏ အနှစ်သာရ မရှိသည့် ဇာတိပကတိသည် လူ့ဇာတိခံ ဘုရားသခင် တကယ် မဟုတ်ပေ။ ဤအရာနှင့် သက်ဆိုင်၍ သံသယဖြစ်ဖွယ် မရှိချေ။ ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ်မဟုတ် ဆိုသည်ကို လူသားက စုံစမ်းရန် ရည်ရွယ်ပါက၊ သူဖော်ပြသော စိတ်နေသဘောထားနှင့် သူပြောဆိုသော နှုတ်ကပတ်တော်များမှ ဤအရာကို အတည်ပြုရမည်ဖြစ်သည်။ ဆိုလိုသည်မှာ၊ ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ် မဟုတ် ဆိုသည်နှင့် မှန်ကန်သော လမ်းခရီး ဟုတ် မဟုတ် ဆိုသည်ကို အတည်ပြုရန်၊ သူ၏ အနှစ်သာရအရ ခွဲခြားရမည်ဖြစ်သည်။ ထို့ကြောင့် ယင်းသည် လူ့ဇာတိခံ ဘုရားသခင်၏ ဇာတိပကတိ ဟုတ် မဟုတ် ဆိုသည်ကို ဆုံးဖြတ်ရာတွင် သူ၏ အပြင်ပန်းသွင်ပြင်ထက် သူ၏အနှစ်သာရတွင် (သူ၏အမှု၊ သူ၏ မိန့်မြွက်ချက်များ၊ သူ၏စိတ်သဘောထားနှင့် အခြား ရှုထောင့်များစွာ) အဓိကအချက် တည်ရှိပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ ကျမ်းဦးစကား မှ

လူ့ဇာတိခံယူသော ဘုရားသခင်ကို ခရစ်တော်ဟုခေါ်သည်၊ ထို့ကြောင့် လူတို့ကို သမ္မာတရား ပေးနိုင်သော ခရစ်တော်ကို ဘုရားသခင်ဟု ခေါ်၏။ သူသည် ဘုရားသခင်၏ အနှစ်သာရ ပိုင်ဆိုင်ပြီး၊ သူ၏ အမှုတွင် လူသားက မရရှိနိုင်သည့် ဘုရားသခင်၏ စိတ်သဘောထားနှင့် ဉာဏ်ပညာတို့ ပိုင်ဆိုင်သည့်အတွက်၊ ဤအရာနှင့်ပတ်သက်၍ လွန်ကဲသောအရာတစ်ခုမျှ မရှိပေ။ မိမိတို့ကိုယ်ကိုယ် ခရစ်တော်ဟု ခေါ်သော်လည်း၊ ဘုရားသခင်၏အမှုကို မလုပ်ဆောင်နိုင်သော သူတို့သည် လူလိမ်များ ဖြစ်၏။ ခရစ်တော်သည် ကမ္ဘာမြေကြီးပေါ်ရှိ ဘုရားသခင်၏ သရုပ်သကန်ဖြစ်ရုံသာမက၊ ဘုရားသခင်က လူသားအလယ် သူ၏အမှုကို ဆောင်ရွက်ပြီး၊ ပြည့်စုံစေသည်နှင့်အမျှ သူခံယူသော အထူးလူ့ဇာတိလည်း ဖြစ်၏။ ဤဇာတိခန္ဓာကို မည်သည့်လူသားမဆိုက အစားထိုး၍ မရနိုင်ဘဲ၊ ကမ္ဘာမြေပေါ်တွင် ဘုရားသခင်၏အမှုကို ပြည့်စုံလုံလောက်စွာ တာဝန်ယူ ထမ်းဆောင်နိုင်ပြီး ဘုရားသခင်၏ စိတ်သဘောထားကို ဖော်ပြနိုင်ကာ၊ ဘုရားသခင်ကို ကောင်းစွာ ကိုယ်စားပြုနိုင်သကဲ့သို့၊ လူသားကို အသက်ဖြင့် ထောက်ပံ့ပေးနိုင်သော ဇာတိခန္ဓာ တစ်ခုဖြစ်၏။ ၎င်းတို့သည် ခရစ်တော်ဖြစ်သည်ဟု အခိုင်အမာ ဆိုကြသော်လည်း၊ ခရစ်တော်၏ အနှစ်သာရထဲမှ မည်သည့်အရာမျှ မပိုင်ဆိုင်ကြသည့်အတွက်၊ အနှေးနှင့်အမြန်၊ ခရစ်တော်၏ အယောင်ကိုဆောင်သော သူအားလုံးတို့သည် ကျရှုံးကြလိမ့်မည်။ ထို့ကြောင့် ခရစ်တော်၏ စစ်မှန်မှုကို လူသားက သတ်မှတ်၍ မရနိုင်ဘဲ၊ ဘုရားသခင် ကိုယ်တိုင်က တာဝန်ယူကာ ဆုံးဖြတ်ထားခြင်းဖြစ်သည်ဟု ငါပြောရပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “နောက်ဆုံးသော ကာလ၏ ခရစ်တော်သည်သာ လူသားအား ထာဝရအသက်၏ လမ်းခရီးကို ပေးနိုင်သည်” မှ

ကမ္ဘာမြေပေါ်၌ ခရစ်တော်သည် ဘုရားသခင် ကိုယ်တော်တိုင်ကိုယ်စား အမှုပြုနိုင်သော်လည်း၊ လူ့ဇာတိ၌ သူ၏ပုံသဏ္ဌာန်အား လူအားလုံးကို ပြသခြင်းငှာ ရည်ရွယ်ချက်ဖြင့် ကြွလာသည်မဟုတ်ပေ။ လူသား အားလုံးက သူ့ကို မြင်ရန်အလို့ငှာ သူ ကြွလာသည်မဟုတ်။ လူသားတို့ကို သူ၏ လက်ဖြင့် ဦးဆောင်ခံရခွင့်ပေးဖို့ သူ ကြွလာခြင်း ဖြစ်ပြီး၊ ထိုသို့ဖြင့် လူသားသည် ခေတ်သစ်ထဲသို့ ဝင်ရောက်ပေသည်။ ခရစ်တော်၏ လူ့ဇာတိ အလုပ်တာဝန်မှာ ဘုရားသခင် ကိုယ်တော်တိုင်၏ အမှုအတွက် ဖြစ်သည်၊ ဆိုလိုသည်မှာ လူ့ဇာတိခံယူသည့် ဘုရားသခင်၏ အမှုအတွက်ဖြစ်ပြီး သူ၏ လူ့ဇာတိနှင့်ဆိုင်သည့် အနှစ်သာရကို လူသားအား အပြည့်အဝ နားလည်နိုင်စေရန် မဟုတ်ပေ။ သူမည်သို့ အမှုပြုသည်ဖြစ်စေ၊ သူ လုပ်ဆောင်သည့် မည်သည့်အရာမျှလူ့ဇာတိက ကြိုးပမ်းရရှိနိုင်သည်ထက် မကျော်လွန်ပေ။ သူ မည်သို့ အမှုပြုသည်ဖြစ်စေ၊ ပုံမှန်လူ့သဘာဝနှင့်အတူ လူ့ဇာတိဖြင့် ထိုသို့ သူ လုပ်ဆောင်ပြီး၊ ဘုရားသခင်၏ စစ်မှန်သော မျက်နှာကို လူသားထံ အပြည့်အဝ ထုတ်ဖော်မပြပေ။ ထို့အပြင် လူ့ဇာတိ၌ သူ၏ အမှုသည် လူသားက စိတ်ကူးကြံဆသကဲ့သို့ သဘာဝလွန် သို့မဟုတ် မခန့်မှန်းနိုင်လောက်သည့်အရာ လုံးဝ မဟုတ်ပေ။ ခရစ်တော်သည် လူ့ဇာတိ၌ ဘုရားသခင်ကိုယ်တိုင်ကို ကိုယ်စားပြုပြီး၊ ဘုရားသခင် ကိုယ်တိုင် လုပ်ဆောင်သင့်သော အမှုကို ကိုယ်တိုင်ကိုယ်ကျ ဆောင်ရွက်သော်လည်း၊ ကောင်းကင်ဘုံရှိ ဘုရားသခင်၏ တည်ရှိမှုကို သူ မငြင်းသကဲ့သို့ သူ၏လုပ်ဆောင်မှုများကိုလည်း အလွန် ပျာယာခတ်လျက် မကြွေးကြော်ပေ။ ယင်းထက် သူသည် သူ၏လူ့ဇာတိအတွင်း၌ နှိမ့်ချစွာ ကွယ်ဝှက်နေသည်။ ခရစ်တော်မှလွဲ၍ ခရစ်တော်အဖြစ် မှားယွင်းစွာ ကြွေးကြော်သူတို့သည် ခရစ်တော်၏ အရည်အသွေးများ မပိုင်ဆိုင်ကြချေ။ ထိုခရစ်တော်ယောင်ဆောင်သော သူများ၏ မာနထောင်လွှားမှုနှင့် မိမိကိုယ်ကိုယ် ချီးမြှောက်မှု စိတ်သဘောထားကို ယှဉ်တွဲပြသည့်အခါ၊ မည်သည့် လူ့ဇာတိပုံစံသည် စစ်မှန်သော ခရစ်တော်ဖြစ်သည် ဆိုသည်မှာ သိသာထင်ရှားလာလေသည်။ ၎င်းတို့ အယောင်ဆောင်လေလေ၊ ထိုသို့သော ခရစ်တော် အယောင်ဆောင်များသည် မိမိတို့ကိုယ်ကိုယ် ကြွားဝါလေလေဖြစ်ပြီး၊ လူသားကို လိမ်လည်လှည့်ဖြားရန် နိမိတ်လက္ခဏာများနှင့် အံ့သြဖွယ်ရာများကို ပို၍ လုပ်နိုင်စွမ်းရှိလေလေ ဖြစ်သည်။ ခရစ်တော် အယောင်ဆောင်များသည် ဘုရားသခင်၏ အရည်အသွေးများ မရှိကြပေ။ ခရစ်တော်သည် ခရစ်တော် အယောင်အဆောင်များနှင့်ဆိုင်သည့် မည်သည့်လက္ခဏာမျှ မစွန်းထင်းပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရစ်တော်၏ အနှစ်သာရမှာ ကောင်းကင်ဘုံရှိ ခမည်းတော်၏ အလိုတော်ကို နာခံခြင်းဖြစ်သည်” မှ

ဆိုးညစ်သော ဝိညာဉ်များ၏ ဝင်ပူးခြင်းကို ခံရပြီး “ငါသည် ဘုရားဖြစ်သည်” ဟု အာပေါင်အာရင်းသန်သန် ကြွေးကြော်ကြသူ အချို့ ရှိ၏။ သို့ရာတွင် သူတို့သည် မိမိတို့ကိုယ်စားပြုသည့်အရာတွင် မှားယွင်းကြသည့်အတွက် အဆုံး၌ ထုတ်ဖော်ခြင်းကို ခံကြရသည်။ သူတို့သည် စာတန်ကို ကိုယ်စားပြုပြီး၊ သန့်ရှင်းသော ဝိညာဉ်တော်သည် သူတို့ကို အရေးမထားပေ။ သင်သည် မိမိကိုယ်ကိုယ်မည်မျှပင် မြင့်မားစွာ ချီးမြှောက်သည်ဖြစ်စေ၊ သို့မဟုတ် မည်မျှပင် ပြင်းပြင်းထန်ထန် ဟစ်ကြွေးသည်ဖြစ်စေ၊ သင်သည် ဖန်ဆင်းခံတစ်ဦး ဖြစ်နေဆဲဖြစ်ပြီး၊ စာတန်နှင့် သက်ဆိုင်သောသူ ဖြစ်သည်။ “ငါသည် ဘုရားသခင်ဖြစ်သည်၊ ငါသည် ဘုရားသခင်၏ ချစ်တော်မူသော သားတော်ဖြစ်သည်” ဟု ဘယ်သောအခါမျှ ငါမဟစ်ကြွေးပေ။ သို့သော် ငါပြုသည့်အမှုသည် ဘုရားသခင်၏ အမှုဖြစ်၏။ ငါဟစ်အော်ဖို့ လိုသလော။ ချီးမြှောက်ခြင်း မလိုအပ်ပေ။ ဘုရားသခင်သည် သူ၏အလုပ်ကို သူကိုယ်တိုင်လုပ်ပြီး၊ လူသားက သူ့ကို အဆင့်အတန်းတစ်ခု နှင်းအပ်ပေးရန်၊ သို့မဟုတ် ချီးမြှောက်သည့် ဂုဏ်ပုဒ်တစ်ခုပေးရန် မလိုအပ်ပေ။ သူ၏ အမှုက သူ၏ ကိုယ်ပိုင်လက္ခဏာနှင့် အဆင့်အတန်းကို ကိုယ်စားပြုပေသည်။ ဗတ္တိဇံမခံမီတွင် ယေရှုသည် ဘုရားသခင်ကိုယ်တော်တိုင် မဟုတ်ခဲ့လေသလော။ သူသည် လူ့ဇာတိခံယူထားသည့် ဘုရားသခင် မဟုတ်ခဲ့လေသလော။ သူသည် သက်သေကို ရရှိပြီးနောက်မှသာ ဘုရားသခင်၏ တစ်ပါးတည်းသောသားတော် ဖြစ်လာခဲ့သည်ဟု ပြော၍မရနိုင်သည်ကား ဧကန်မုချ ဖြစ်၏။ သူသည် မိမိ၏အမှုကို မစတင်မီ အချိန်ကြာမြင့်စွာကတည်းက၊ ယေရှုဟု အမည်တွင်သည့် လူတစ်ဦး ရှိခဲ့သည် မဟုတ်လော။ သင်သည် အသစ်သော လမ်းကြောင်းများကို မဆောင်ကြဉ်းနိုင် သို့မဟုတ် ဝိညာဉ်တော်ကို ကိုယ်စားမပြုနိုင်ပေ။ သင်သည် ဝိညာဉ်တော်၏ အလုပ် သို့မဟုတ် သူပြောသည့် နှုတ်ကပတ်တော်များကို သင်မဖော်ပြနိုင်။ ဘုရားသခင် ကိုယ်တော်တိုင်၏အမှုကို သင် မလုပ်ဆောင်နိုင်သကဲ့သို့ ဝိညာဉ်တော်၏ အလုပ်ကို သင်မလုပ်နိုင်ပေ။ ဘုရားသခင်၏ ဉာဏ်ပညာ၊ အံ့ဖွယ်ရာနှင့် ဉာဏ်မမီနိုင်မှုများ၊ ပြီးလျှင် လူသားကို ဘုရားသခင် ပြစ်တင်ဆုံးမသည့် စိတ်သဘောထား အလုံးစုံ- ဤအရာအားလုံးသည် သင်၏ ဖော်ပြနိုင်စွမ်းကို ကျော်လွန်သည်။ သို့ဖြစ်ရာ ဘုရားသခင်ဖြစ်သည်ဟု အခိုင်အမာဆိုရန် ကြိုးစားခြင်းသည် အချည်းနှီး ဖြစ်လိမ့်မည်၊ သင်သည် နာမည်သာရှိပြီး မည်သည့် အနှစ်သာရမျှ ရှိလိမ့်မည်မဟုတ်။ ဘုရားသခင် ကိုယ်တော်တိုင် လာပြီးဖြစ်သော်လည်း၊ မည်သူမျှ သူ့ကိုမမှတ်မိပေ၊ သို့သော် သူသည် သူ၏အလုပ်ကို ဆက်လက်လုပ်ဆောင်ပြီး၊ ဝိညာဉ်တော်ကို ကိုယ်စားပြုခြင်းကိုလည်း ဆက်လက် လုပ်ဆောင်သည်။ သင့်အနေဖြင့် သူ့ကို လူသားဟုခေါ်သည်ဖြစ်စေ ဘုရားသခင်ဟု ခေါ်သည်ဖြစ်စေ၊ သခင်ဟုခေါ်သည်ဖြစ်စေ ခရစ်တော်ဟု ခေါ်သည်ဖြစ်စေ၊ သို့မဟုတ် သူ့ကို အစ်မဟု ခေါ်သည်ဖြစ်စေ၊ အရေးမကြီးပေ။ သို့သော်လည်း သူပြုသည့်အမှုမှာ ဝိညာဉ်တော်၏ အလုပ်ဖြစ်ပြီး၊ ဘုရားသခင် ကိုယ်တော်တိုင်၏ အလုပ်ကို ကိုယ်စားပြုသည်။ လူသားက သူ့ကို ခေါ်ဆိုသည့် အမည်နာမကို သူဂရုမစိုက်ပေ။ ထိုအမည်နာမသည် သူ၏အလုပ်ကို အဆုံးအဖြတ်ပေးနိုင်သလော။ သင်သူ့ကို မည်သို့ခေါ်သည်ဖြစ်စေ၊ ဘုရားသခင်နှင့် ပတ်သက်သရွေ့ သူသည် ဘုရားသခင်၏ဝိညာဉ်တော်၏ လူ့ဇာတိခံ ကိုယ်ခန္ဓာ ဖြစ်သည်။ သူသည် ဝိညာဉ်တော်ကို ကိုယ်စားပြုပြီး ဝိညာဉ်တော်၏ထောက်ခံမှုကို ရသည်။ အကယ်၍ သင်သည် ခေတ်သစ်တစ်ခုအတွက် လမ်းခရီး မဖန်တီးနိုင်ပါက၊ ခေတ်ဟောင်းကို အဆုံးမသတ်နိုင်ပါက၊ ခေတ်သစ်ကို မဖွင့်လှစ်ပေးနိုင်ပါက၊ အသစ်သော အလုပ်ကို မလုပ်ဆောင်နိုင်ပါက၊ သင့်ကို ဘုရားသခင်ဟု ခေါ်၍မရပေ။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “လူ့ဇာတိခံယူခြင်း၏ နက်နဲရာအချက် (၁)” မှ

မျက်မှောက်ခေတ်အတွင်းတွင် နိမိတ်လက္ခဏာများနှင့် အံ့သြဖွယ်အမှုများကို ပြသနိုင်သကဲ့သို့၊ နတ်ဆိုးများကိုလည်း နှင်ထုတ်နိုင်ပြီး၊ မကျန်းမာသူများကိုလည်း အနာငြိမ်းစေနိုင်ကာ နိမိတ်လက္ခဏာများစွာ ဆောင်ရွက်နိုင်သည့် လူတစ်ဦး ထွက်ပေါ်လာပါက၊ ဤလူက ၎င်းသည် ကြွလာပြီဖြစ်သော ယေရှုဖြစ်သည်ဟုဆိုလျှင်၊ ဤသည်မှာ ယေရှုကို အတုခိုးသည့် နတ်ဆိုးများက ဖြစ်ပေါ်စေသည့် အတုတစ်ယောက် ဖြစ်ပေမည်။ ဤအရာကို အမှတ်ရလော့။ ဘုရားသခင်သည် တူညီသော အမှုကို ထပ်မလုပ်ပေ။ ယေရှု၏ အမှုအဆင့်သည် ပြီးစီးနှင့်ပြီးသားဖြစ်ပြီး၊ ဘုရားသခင်သည် အမှု၏ထိုအဆင့်ကို မည်သည့်အခါတွင်မျှ တစ်ဖန် ဆောင်ရွက်မည် မဟုတ်ပေ။ ဘုရားသခင်၏ အမှုသည် လူသား၏ အယူအဆများနှင့် ညှိ၍မရနိုင်ပေ။ ဥပမာအားဖြင့် မေရှိယတစ်ဦး၏ ကြွလာခြင်းကို ဓမ္မဟောင်းကျမ်းက ကြိုတင်ဟောကိန်း ထုတ်ထားပြီး၊ ဤပရောဖက်ပြုချက်၏ အကျိုးဆက်မှာ ယေရှု၏ ကြွလာခြင်းဖြစ်ခဲ့သည်။ ဤအရာဖြစ်ပျက်နှင့်ပြီးဖြစ်လျက်၊ နောက်ထပ် မေရှိယတစ်ဦး ကြွလာရန်မှာ မှားယွင်းပေမည်။ ယေရှုသည် တစ်ကြိမ်ကြွလာနှင့်ပြီး ဖြစ်ကာ ဤအကြိမ်၌ ယေရှုနောက်တစ်ဖန် ကြွလာရန်မှာ မှားယွင်းပေမည်။ ခေတ်တိုင်းအတွက် နာမတစ်ခုရှိပြီး နာမ အသီးသီးသည် ထိုခေတ်၏ ဇာတ်ဆောင်စရိုက်ကို သရုပ်ဖော်ခြင်း ပါရှိလေသည်။ လူသား၏ အယူအဆများတွင်၊ ဘုရားသခင်သည် နိမိတ်လက္ခဏာများနှင့် အံ့သြဖွယ်ရာများကို အမြဲပြသရမည်၊ မကျန်းမာသောသူများကို အမြဲ အနာငြိမ်းစေရမည်ဖြစ်ပြီး နတ်ဆိုးများကို အမြဲ နှင်ထုတ်ရမည်ဖြစ်ကာ၊ ယေရှုကဲ့သို့ အမြဲဖြစ်ရမည် ဖြစ်သည်။ သို့သော်လည်း ဤအကြိမ်တွင်၊ ဘုရားသခင်သည် ထိုသို့ လုံးဝမဟုတ်ပေ။ အကယ်၍ နောက်ဆုံးသော ကာလအတွင်းတွင် ဘုရားသခင်သည် နိမိတ်လက္ခဏာများနှင့် အံ့သြဖွယ်ရာများကို ပြသနေဆဲဖြစ်ခဲ့ပါက၊ နတ်ဆိုးများကို ဆက်လက် မောင်းထုတ်နေဆဲဖြစ်ပြီး၊ မကျန်းမာသောသူများကို အနာငြိမ်းစေဆဲ ဖြစ်ခဲ့ပါက- သူသည် ယေရှုကဲ့သို့နည်းတူ အတိအကျ လုပ်ဆောင်ခဲ့မည်ဆိုပါက- ဘုရားသခင်သည် တူညီသော အလုပ်တစ်ခုကို ထပ်လုပ်နေခြင်း ဖြစ်မည်ဖြစ်သကဲ့သို့၊ ယေရှု ပြုခဲ့သော အမှုသည် မည်သည့်အရေးပါမှု သို့မဟုတ် မည်သည့်တန်ဖိုးမျှ ရှိမည် မဟုတ်ပေ။ ထို့ကြောင့် ဘုရားသခင်သည် ခေတ်တိုင်းတွင် အမှု၏ အဆင့်တစ်ခုကို ဆောင်ရွက်လေသည်။ သူ့အမှု၏ အဆင့်အသီးသီး ပြီးစီးသည်နှင့်တစ်ပြိုင်နက်၊ မကြာမီ နတ်ဆိုးများက ယင်းကို လိုက်တုကြပြီး၊ စာတန်သည် ဘုရားသခင်နောက် ထပ်ကြပ်မကွာ စတင် လိုက်သည့်နောက်တွင်၊ ဘုရားသခင်သည် မတူကွဲပြားသော နည်းစနစ်တစ်ခုကို ပြောင်းလဲလေသည်။ ဘုရားသခင်သည် သူ့အမှု၏ အဆင့်တစ်ဆင့်ကို ပြီးစီးသည်နှင့်တစ်ပြိုင်နက်၊ ယင်းကို နတ်ဆိုးများက လိုက်တုကြလေသည်။ ဤအရာနှင့်ပတ်သက်၍ သင်တို့ ရှင်းရှင်းလင်းလင်း ဖြစ်ရမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ယနေ့ ဘုရားသခင်၏ အမှုကို သိခြင်း” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

လူတို့ကို လှည့်ဖြားရန် စကားပြောဖို့ ခရစ်တော်ကို အတုခိုးပြုမူ သူတိုင်းသည် ခရစ်တော်၏ အယောင်ကိုဆောင်သောသူ တစ်ဦး ဖြစ်သည်။ ခရစ်တော်၏ အယောင်ကိုဆောင်သောသူ အားလုံးသည် ဆိုးညစ်သော ဝိညာဉ်များအားဖြင့် ဝင်ပူးခြင်းခံရပြီး ၎င်းတို့သည် လှည့်ဖြားသူများ ဖြစ်ကြလေသည်။ လူတို့ကို လှည့်ဖြားရန် စဉ်ဆက်မပြတ် စကားပြောဆိုနေသော ခရစ်တော်၏ အယောင်ကို ဆောင်သောသူတစ်ဦးကို သင်မည်သို့ ရိပ်စားမိနိုင်သနည်း။ ခရစ်တော်၏ အယောင်ကိုဆောင်သောသူတစ်ဦး၏ စကားအချို့ကို ကြည်ရုံမျှကြည့်လျှင်၊ သင် ခေါင်းကုတ်မိမည်ဖြစ်ပြီး ဆိုးညစ်သော ဝိညာဉ်၏ ရည်ရွယ်ချက်များမှာ အမှန်မည်သည့်အရာဖြစ်သည်ကို သင် ထွင်းဖောက်မြင်နိုင်လိမ့်မည်မဟုတ်ပေ။ သင်သည် ဤ ဆိုးညစ်သော ဝိညာဉ်များကို ဆက်လက် ခြေရာခံပြီး ပြောဆိုခဲ့သမျှအရာတိုင်းကို ထည့်သွင်းစဉ်းစားမည်ဆိုလျှင်၊ ယင်းမှာ မည်သို့သော အရာမျိုး အမှန်တကယ်ဖြစ်သည်၊ မည်သည့်အရာကို လုပ်ဆောင်နေသည်၊ မည်သည့်အရာကို အမှန်တကယ် ပြောနေသည်၊ လူတို့ကို လုပ်ဆောင်ရန် မည်သည့်အရာကို ကြံစည်နေသည် နှင့် မည်သည့်လမ်းကြောင်းကို လူတို့အား ကမ်းလှမ်းနေသည်တို့ကို မြင်ရန် အလွန်လွယ်ကူပါသည်။ ထို့နောက်၊ ရိပ်စားမိရန် လွယ်ကူလာသည်။ ဆိုးညစ်သော ဝိညာဉ်များစွာ၏ စကားများတွင် အခြေခံအားဖြင့် တူညီသော ဝိသေသလက္ခဏာများ ရှိကြသည်ကို ကျွန်ုပ်တို့ မြင်နိုင်သည်။ ၎င်းတို့သည် ဘုရားသခင်၏ စကားများကို အတုခိုးရုံသာပြုလုပ်နိုင်ပြီး ဘုရားသခင်၏ နှုတ်ကပတ်တော် အနှစ်သာရကို သေချာပေါက် မဖမ်းဆုပ်နိုင်ပါ။ ဘုရားသခင်၏ နှုတ်ကပတ်တော်များတွင် ဆက်စပ်စဉ်းစားရမည့် အကြောင်းအရာနှင့် ရည်ရွယ်ချက်ရှိသည်။ ဘုရားသခင်၏ မိန့်မြွက်ချက်များ၏ အဆုံးစွန်ရည်ရွယ်ချက်နှင့် အကျိုးတရားများမှာ အလွန်ရှင်းလင်းပြီး သူ၏ စကားများသည် သြဇာအာဏာနှင့် တန်ခိုးတို့ ပိုင်ဆိုင်ပြီး ၎င်းတို့က တစ်ဦးတစ်ယောက်၏ စိတ်နှလုံးကို တို့ထိနိုင်ပြီး တစ်ဦးတစ်ယောက်၏ ဝိညာဉ်ကို လှုပ်ရှားစေနိုင်သည်ကို သင် မြင်နိုင်ပေသည်။ သို့သော်၊ ဆိုးညစ်သော ဝိညာဉ်များနှင့် စာတန်၏ စကားများသည် ဆက်စပ်သောအကြောင်းအရာ မရှိသလို အကျိုးတရားလည်း မရှိပါ။ ၎င်းတို့သည် ရေပုပ်ရှိသော ရေအိုင်တစ်အိုင်နှင့် တူပြီး ၎င်းတို့ကို ဖတ်ရှုပြီးနောက်တွင် လူတို့သည် သူတို့၏ စိတ်နှလုံးထဲတွင် နောက်ကျိမှုကို ခံစားကြရသည်။ ယင်းတို့မှ မည်သည့်အရာမျှ သူတို့ မရကြချေ။ ထို့ကြောင့်၊ ဆိုးညစ်သော ဝိညာဉ်ဆိုး မျိုးစုံတို့သည် လုံးဝ သမ္မာတရား ကင်းမဲ့ကြပြီး အတွင်းတွင် သေချာပေါက် နောက်ကျိပြီး မှောင်မိုက်လေသည်။ ၎င်းတို့၏ စကားများသည် လူတို့ကို အလင်း မဆောင်ကျဉ်းပေးနိုင်သလို ၎င်းတို့ လိုက်လျှောက်သင့်သည့် လမ်းကြောင်းကို မပြသနိုင်ကြပါ။ ဆိုးညစ်သော ဝိညာဉ်များသည် ၎င်းတို့၏ ရည်မှန်းချက်များကို ရှင်းလင်းစွာ မဖော်ပြသလို မည်သည့်အရာကို ပြီးမြောက်ရန် ကြိုးစားနေကြသည်ကိုလည်း မဖော်ပြကြချေ။ သမ္မာတရား၏ အနှစ်သာရ သို့မဟုတ် အရင်းအမြစ်နှင့် စပ်လျဉ်း၍ မည်သည့် ဖော်ပြချက်မျှ မရှိပါ။ အနည်းငယ်မျှပင် မရှိပါ။ ဆိုးညစ်သော ဝိညာဉ်များ၏ စကားများထဲတွင် လူတို့ နားလည်သင့်သည့်အရာ သို့မဟုတ် ရရှိသင့်သည့်အရာ မည်သည့်အရာမျှ မတွေ့နိုင်ပါ။ ထို့ကြောင့်၊ ဆိုးညစ်သော ဝိညာဉ်များ၏ စကားများသည် လူတို့ကို စိတ်ရှုပ်ထွေးစေနိုင်ပြီး အတွင်းပိုင်း နောက်ကျိမှုနှင့် မှောင်မိုက်မှုတို့ကိုသာ ဆောင်ကြဉ်းပေးနိုင်ပေသည်။ ၎င်းတို့သည် လူတို့ကို မည်သည့်အာဟာရမျှ လုံးဝ မပေးနိုင်ပါ။ ဤအရာမှ၊ ဆိုးညစ်သော ဝိညာဉ်များ၏ ပင်ကို သဘာဝနှင့် အနှစ်သာရမှာ ဆိုးညစ်မှုနှင့် မှောင်မိုက်မှုတို့နှင့် သက်ဆိုင်သောအရာဖြစ်သည်ကို ကျွန်ုပ်တို့ မြင်နိုင်သည်။ ၎င်းတို့သည် တက်ကြွမှု ကင်းမဲ့ကြပြီး ယင်းအစား သေခြင်း အနံ့ဟောင်နေသည်။ ၎င်းတို့သည် အမှန်ပင် ကျိန်ဆဲသင့်သည့် အပျက်သဘောဆောင်သော အရာများဖြစ်ကြသည်။ ၎င်းတို့၏ စကားပြောဆိုမှုတွင် သမ္မာတရား လုံးဝ မရှိချေ။ ယင်းမှာ မအီမသာဖြစ်ခြင်း၊ စက်ဆုပ်ရွံ့ရှာခြင်း နှင့် တစ်ဦးတစ်ယောက်က ယင်အသေတစ်ကောင်ကို စားလိုက်သကဲ့သို့ ပျို့အန်ခြင်းများ ဖြစ်စေသော လုံးဝ အဓိပ္ပါယ်မရှိပေ။

အလုပ်အစီအစဉ်များ မှ

အကယ်၍ တစ်စုံတစ်ယောက်သောသူသည် ဘုရားသခင်၏ ရွေးကောက်ခြင်း ခံရသူတို့ကို ရှုပ်ထွေးစေပြီး သူသည် ခရစ်တော် ဖြစ်သည်၊ လူ့ဇာတိခံယူသော ဘုရားသခင်၏ ဇာတိခန္ဓာဖြစ်သည် ဟုဆိုပါက ကျွန်ုပ်တို့သည် သူ၏အနှစ်သာရနှင့် ဖော်ပြချက်၊ သူ၏အမှုနှင့် စကားများ၊ သူ၏ထုတ်ဖော်သော စိတ်သဘောထားတို့ကို ကြည့်ရမည်၊ သူသည် ခရစ်တော် ဟုတ်မဟုတ်ကို သေချာစေရန် ဖြစ်သည်။ သူ၏အနှစ်သာရကို ဤအဓိက ရှုထောင့်တို့မှ ကြည့်ခြင်းဖြင့် သူသည် လူ့ဇာတိခံယူသော ဘုရားသခင် ဟုတ်မဟုတ် သေချာအောင် ကျွန်ုပ်တို့လုပ်၍ရသည်။ ပထမဦးစွာ၊ အမှု၏ရှုထောင့်မှဆိုလျှင်၊ သူ၏အမှုသည် ဘုရားသခင်၏အမှုဖြစ်ပါက သူသည် ဘုရားသခင်၏ နှုတ်ကပတ်တော်ကို ဖော်ပြနိုင်စွမ်း ရှိလိမ့်မည်၊ ဘုရားသခင်၏ အရာအားလုံး၊ ဖြစ်ခြင်းနှင့် ဘုရားသခင်၏ ဖြောင့်မတ်သော စိတ်သဘောထားတို့ကို ဖော်ပြနိုင်လိမ့်မည်ကို ကျွန်ုပ်တို့တွေ့သင့်သည်။ အကယ်၍ ထိုအရာသည် လူ၏အမှုဖြစ်ပါက သူသည် လူ၏အရာ အားလုံးနှင့် ဖြစ်ခြင်း၊ လူ၏အတွေ့အကြုံနှင့် နားလည်မှုတို့ကိုသာ ပြောဆိုနိုင်မည်။ ဘုရားသခင်၏ စီမံခန့်ခွဲမှုအစီအစဉ်နှင့် ဘုရားသခင်၏ နက်နဲရာတို့ကို မဆိုထားနှင့်၊ ဘုရားသခင်၏ အရာအားလုံးနှင့် ဖြစ်ခြင်း၊ ဘုရားသခင်၏ အမှု၊ သတ်မှတ်ချက်များနှင့် စိတ်သဘောထား အားလုံးတို့ကိုပင် သူ့အနေဖြင့် မပြောဆိုနိုင်ပေ။ ဒုတိယအနေနှင့် စကား၏ရှုထောင့်မှဆိုလျှင် ဘုရားသခင်၏ နှုတ်ကပတ်တော်နှင့် လူ၏စကားကြားတွင် အဓိကခြားနားချက်တစ်ခု ရှိလေသည်။ ဘုရားသခင်၏ နှုတ်ကပတ်တော်သည် ဘုရားသခင်၏ အရာအားလုံးနှင့် ဖြစ်ခြင်းအားလုံးကို ကိုယ်စားပြုပြီး လူ၏စကားမှာ လူ၏အရာ အားလုံးနှင့် ဖြစ်ခြင်းအားလုံးကို ကိုယ်စားပြုသည်။ ဘုရားသခင်၏ နှုတ်ကပတ်တော်သည် ဘုရားသခင်၏ စိတ်သဘောထားကို ကိုယ်စားပြုသည်။ လူ၏စကားသည် လူ့သဘာဝကို ကိုယ်စားပြုသည်။ ဘုရားသခင်၏ နှုတ်ကပတ်တော်သည် သမ္မာတရားဖြစ်သည်။ လူ၏စကားမှာမူ သမ္မာတရားမဟုတ်။ ထိုအရာသည် သမ္မာတရားနှင့် မသက်ဆိုင်။ တတိယအနေနှင့် စိတ်သဘောထားရှုထောင့်မှဆိုလျှင်၊ ဘုရားသခင်၏ အမှုက ဘုရားသခင်၏ စိတ်သဘောထားကို ဖော်ပြနိုင်သည်။ လူ၏အမှုသည် ဘုရားသခင်၏ စိတ်သဘောထားကို မဖော်ပြနိုင်ပေ၊ လူ၏ပင်ကိုစရိုက်ကိုသာ ဖော်ပြနိုင်လေသည်။ လူ၏ပင်ကိုစရိုက်၌ မည်သည့်အရာရှိသနည်း။ ထိုအရာ၌ ဖြောင့်မတ်ခြင်း၊ ဘုန်းအာနုဘော်၊ အမျက်၊ သို့မဟုတ် သမ္မာတရားရှိသလော။ လူ၏ပင်ကိုစရိုက်တွင် ဘုရားသခင်၏ အရာအားလုံးနှင့် ဖြစ်ခြင်း တစ်ခုမျှ မရှိ။ ထို့ကြောင့် လူ၏အမှုတွင် ဘုရားသခင်၏ စိတ်သဘောထားဆိုင်ရာ အရိပ်ယောင်တစ်ခုမျှပင် ပါဝင်ခြင်းမရှိ။ ဘုရားသခင်၏နှုတ်ကပတ်တော်လော၊ လူ၏စကားလော ဆိုသည်နှင့် ဘုရားသခင်၏ အမှုတော်လော၊ လူ၏အမှုလော ဆိုသည်ကို ဤရှုထောင့်တို့မှ အကဲဖြတ်ရန် အလွန်လွယ်ကူလေသည်။ အကယ်၍ လူသည် ဤရှုထောင့်တို့မှ ခြားနားချက်ကို မပြောနိုင်ပါက မှားယွင်းသော ခရစ်တော်၏ အယောင်ကိုဆောင်သောသူတို့နှင့် အန္တိခရစ်တို့အားဖြင့် စိတ်ရှုပ်ထွေးသွားရန်မှာ သူ့အတွက် အလွန်လွယ်ကူလေသည်။ အကယ်၍ သင်သည် ဤရှုထောင့်သုံးခုမှ ကွဲပြားချက်ကို ပြောနိုင်ပါက သင်သည် မည်သူက လူ့ဇာတိခံယူသော ဘုရားသခင်ဖြစ်သည်၊ မည်သူက လူ့ဇာတိခံယူသော ဘုရားသခင် မဟုတ်ဆိုသည်ကို ဆုံးဖြတ်နိုင်စွမ်း ရှိမည်။ အမှု၊ စကားနှင့် စိတ်သဘောထား— ဤရှုထောင့်သုံးခုမှ ခြားနားချက်ကို ပြောဆိုရန် အမှန်ကန်အတိကျဆုံးဖြစ်ပြီး အပြင်ပန်းသွင်ပြင်ဖြင့် အကဲမဖြတ်ရန် ဖြစ်သည်။

အသက်တာထဲ ဝင်ရောက်ခြင်းအပေါ် မိတ်သဟာယဖွဲ့ခြင်းနှင့် တရားဟောချက်များ မှ

မည်သို့နှောင်တရပြောင်းလဲ မှသာလျှင် ဘုရားသခင်၏ ကွယ်ကာခြင်းကို ရရှိနိုင်မယ်ဆိုတာကို မိတ်ဆွေသိချင်ပါသလား။ ကျွန်ုပ်တို့ကို ချက်ချင်းဆက်သွယ်ပါ။