ကပ်ဘေးမတိုင်ခင် ချီဆောင်ခြင်းဆိုသည်မှာ အဘယ်နည်း။ ကပ်ဘေးမတိုင်ခင် ဖန်တီးခံရသည့် အောင်မြင်သူတစ်ဦးဆိုသည်မှာ အဘယ်နည်း။

12.03.2021

ဆက်စပ်သော ဘုရားသခင်၏ နှုတ်ကပတ်တော်များ-

“ဆောင်ယူခံရခြင်း” ဆိုသည်မှာ လူတို့ စိတ်ကူးမည်ကဲ့သို့ နိမ့်သော နေရာ တစ်ခုမှ မြင့်သော နေရာ တစ်ခုသို့ ဆောင်ယူခံရခြင်းကို မဆိုလိုပေ။ ယင်းမှာ ကြီးမားသော နားလည်မှုလွဲခြင်း တစ်ခု ဖြစ်သည်။ “ဆောင်ယူခံရခြင်း” ဆိုသည်မှာ ငါ၏ ကြိုတင်ခွဲခန့်မှတ်သားခြင်းနှင့်၊ ထို့နောက် ရွေးကောက်ခြင်းကို ရည်ညွှန်းပေသည်။ ယင်းသည် ငါ ကြိုတင်ခွဲခန့်မှတ်သားပြီး ရွေးကောက်ထားသော သူအားလုံးကို ရည်ညွှန်းသည်။ ဆောင်ယူခံရသူ အားလုံးမှာ သားဦးများ သို့မဟုတ် သားများ၏ အရိုက်အရာကို ရရှိပြီးသည့် လူများ သို့မဟုတ် ဘုရားသခင်၏ လူမျိုးများ ဖြစ်သည့် လူများ ဖြစ်သည်။ ဤသည်မှာ လူတို့၏ အယူအဆများနှင့် သဟဇာတ မဖြစ်ဆုံးသောအရာ ဖြစ်သည်။ အနာဂတ်တွင် ငါ၏ အိမ်၌ ဝေစုတစ်ခု ရှိကြမည့် သူများသည် ငါ၏ရှေ့တွင် ဆောင်ယူခြင်းကို ခံရပြီးဖြစ်သော သူအားလုံး ဖြစ်ကြသည်။ ဤသည်မှာ လုံးဝ မှန်ကန်သည်၊ မည်သည့်အခါမျှ မပြောင်းလဲသကဲ့သို့ ငြင်းပယ်၍မရနိုင်ပေ။ ယင်းသည် စာတန်အား တန်ပြန်တိုက်ခိုက်ခြင်း တစ်ခု ဖြစ်သည်။ ငါ ကြိုတင်ခွဲခန့်မှတ်သားထားသောသူ မည်သူမဆိုသည် ငါ၏ ရှေ့တွင် ဆောင်ယူခြင်း ခံရကြမည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၁၀၄” အစအဦး၌ ခရစ်တော်၏မိန့်မြွက်ချက်များ မှ

ဖိလဒေလဖိအသင်းတော်သည် ရုပ်လုံးပေါ်လာခဲ့သည်မှာ ဘုရားသခင်၏ကျေးဇူးနှင့် ကရုဏာတော်ကြောင့် လုံးလုံးဖြစ်၏။ ၎င်းတို့၏ ဝိညာဉ်ရေးရာ ခရီးပေါ်တွင် ယိမ်းယိုင်ခြင်းမရှိသည့် မရေမတွက်နိုင်သော သန့်ရှင်းသူတို့၏ စိတ်နှလုံးများထဲတွင် ဘုရားသခင်အတွက် ချစ်ခြင်းမေတ္တာ ထွက်ပေါ်လေသည်။ ၎င်းတို့သည် တစ်ပါးတည်းသော စစ်မှန်သည့် ဘုရားသခင် လူ့ဇာတိခံလာပြီဖြစ်သည်၊ သူသည် အရာခပ်သိမ်းကို ကွပ်ကဲအုပ်ချုပ်သည့် စကြဝဠာ၏ ဦးသျှောင် ဖြစ်သည်ဟူသော ၎င်းတို့၏ ယုံကြည်ခြင်းကို စွဲစွဲမြဲမြဲ ကိုင်စွဲကြလေသည်။ ယင်းကို သန့်ရှင်းသောဝိညာဉ်တော်က အတည်ပြုထား၏၊ ယင်းသည် တောင်တန်းများတမျှပင် မရွေ့လျားနိုင်ပေ။ ပြီးလျှင် ဘယ်သောအခါမျှ ပြောင်းလဲလိမ့်မည် မဟုတ်ပေ။

............

ယနေ့၊ ကိုယ်တော်သည်- ဖိလဒေလဖိ အသင်းတော်- အသင်းတော်အားလုံးကို စုံလင်စေပြီးဖြစ်ကာ ထိုသို့ဖြင့် ကိုယ်တော်၏ အနှစ် ၆၀၀၀ စီမံခန့်ခွဲမှုအစီအစဉ်ကို ပြည့်စုံစေပြီးဖြစ်ပါ၏။ စိတ်ဝိညာဉ်တွင် ဆက်နွှယ်လျက်နှင့် ချစ်ခြင်းမေတ္တာနှင့်အတူ လိုက်လျှောက်ရင်း၊ စမ်းရေ၏ အရင်းအမြစ်နှင့် ဆက်သွယ်လျက် ကိုယ်တော်၏ရှေ့တွင် သန့်ရှင်းသူတို့သည် မိမိတို့ကိုယ်ကိုယ် နှိမ့်ချစွာဖြင့် နာခံနိုင်ကြပါ၏။ ရှင်သန်သော အသက်စမ်းရေသည် အသင်းတော်ထဲက ရွှံ့နှင့် ညစ်ညူးမှုအားလုံးကို ဆေးကြောကာ သန့်စင်ဖယ်ရှားလျက်၊ ကိုယ်တော်၏ ဗိမာန်တော်ကို တစ်ဖန် သန့်စင်စေရင်း၊ မရပ်မနား စီးဆင်းပါ၏။ ကျွန်ုပ်တို့သည် လက်တွေ့ကျသည့် စစ်မှန်သော ဘုရားသခင်ကို သိရှိလာကြပါပြီ၊ ကိုယ်တော်၏နှုတ်ကပတ်တော်အတွင်းတွင် လျှောက်လှမ်းကြပါပြီ၊ ကျွန်ုပ်တို့၏ ကိုယ်ပိုင် လုပ်ငန်းတာဝန်များကို သိမှတ်ပြီး အသင်းတော်အဖို့အလို့ငှာ မိမိတို့ကိုယ်ကိုယ် အသုံးခံဖို့ ကျွန်ုပ်တို့သည် တတ်နိုင်သမျှ လုပ်ဆောင်ပြီးဖြစ်သည်။ ကိုယ်တော်၏ အလိုတော်သည် ကျွန်ုပ်တို့၌ မပိတ်ဆို့ရန်၊ ကိုယ်တော်၏ ရှေ့မှောက်တွင် အမြဲ ဆိတ်ဆိတ်နေလျက် သန့်ရှင်းသောဝိညာဉ်တော်၏ အမှုတော်ကို ကျွန်ုပ်တို့ အရေးစိုက်ရပါမည်။ သန့်ရှင်းသူများအကြားတွင် အပြန်အလှန် ချစ်ခြင်းမေတ္တာရှိပြီး အချို့၏ အားသာချက်တို့သည် အခြားသူတို့၏အားနည်းချက်များအတွက် အစားထိုးပေးပါလိမ့်မည်။ ထိုသူတို့သည် သန့်ရှင်းသော ဝိညာဉ်တော်၏ ဉာဏ်အလင်းပေးခံရကာ အလင်းပြခံရလျက်၊ အချိန်တိုင်း ဝိညာဉ်တော်၌ လျှောက်လှမ်းနိုင်ကြပေသည်။ ၎င်းတို့သည် သမ္မာတရားကို သိရှိနားလည်သည်နှင့် ချက်ချင်း လက်တွေ့လုပ်ဆောင်ကြသည်။ အသစ်သောအလင်းကို အမီလိုက်ကာ ဘုရားသခင်၏ ခြေလှမ်းများနောက် လိုက်ကြလေသည်။

............

ဘုရားသခင်နှင့် တက်ကြွစွာပူးပေါင်းဆောင်ရွက်လော့၊ အစေခံခြင်းတွင် ပူးပေါင်းဆောင်ရွက်ကာ တစ်လုံးတစ်ဝတည်း ဖြစ်ကြလော့၊ အနန္တတန်ခိုးရှင် ဘုရားသခင်၏ ရည်ရွယ်ချက်များကို ဖြည့်ဆည်းလော့၊ သန့်ရှင်းသော ဝိညာဉ်ရေးရာ ခန္ဓာတစ်ခု ဖြစ်ရန် အလျင်အမြန်ပြုလော့၊ စာတန်အား ခြေဖြင့်နင်းကာ စာတန်၏ ကံကြမ္မာကို အဆုံးသတ်လော့။ ဖိလဒေလဖိအသင်းတော်သည် ဘုရားသခင်၏ မျက်မှောက်တော်ထဲသို့ ချီဆောင်ခံရပြီးဖြစ်ကာ သူ၏ ဘုန်းတော်ထဲတွင် ထင်ရှားစေပြီ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အခန်း ၂” အစအဦး၌ ခရစ်တော်၏မိန့်မြွက်ချက်များ မှ

ဘုရားသခင် ကြွလာသည့်အခါ၊ လူတို့သည် သူ၏ဘုန်းအာနုဘော်နှင့် သူ၏အမျက်ကို ခံစားသင့်သည်။ သို့သော် သူ၏နှုတ်ကပတ်တော်များ မည်မျှပင်ပြင်းထန်စေကာမူ၊ သူသည် လူသားမျိုးနွယ်ကို ကယ်တင်ရန်နှင့် စုံလင်စေရန် ကြွလာခြင်းဖြစ်သည်။ ဖန်ဆင်းခံများအနေဖြင့်၊ လူတို့သည် မိမိတို့ဖြည့်ဆည်းသင့်သည့် တာဝန်များကို ဖြည့်ဆည်းပြီး၊ စစ်ဆေးခြင်း အလယ်တွင် ဘုရားသခင်အတွက် သက်သေရပ်တည်သင့်ပေသည်။ စမ်းသပ်မှုတိုင်းတွင် ၎င်းတို့သည် မိမိတို့ သက်သေခံသင့်သည့်အရာကို ထိန်းသိမ်းသင့်ပြီး၊ ဘုရားသခင်အတွက် ထူးကဲစွာ ထိုသို့ လုပ်ဆောင်သင့်ကြသည်။ ဤအရာကို လုပ်ဆောင်သောလူတစ်ဦးသည် အောင်မြင်သောသူတစ်ဦးဖြစ်သည်။ ဘုရားသခင်က သင့်ကို မည်မျှ စစ်ဆေးသည်ဖြစ်စေ၊ သင်သည် ယုံကြည်မှုအပြည့်ဖြင့် ရှိနေဆဲဖြစ်ကာ၊ ဘုရားသခင်၌ ယုံကြည်စိတ်ချမှုကို မည်သည့်အခါမျှ ဆုံးရှုံးမသွားပေ။ သင်သည် လူသား လုပ်ဆောင်သင့်သည့်အရာကို လုပ်ဆောင်သည်။ ဤသည်မှာ လူသားကို ဘုရားသခင် တောင်းဆိုသောအရာဖြစ်ပြီး၊ လူသား၏စိတ်နှလုံးသည် ဘုရားသခင်ထံသို့ အပြည့်အဝ ပြန်သွားနိုင်သင့်ကာ၊ ကုန်ဆုံးသွားသည့် အချိန်တိုင်းတွင် သူ့ထံသို့ လှည့်နိုင်သင့်ပေသည်။ ဤသည်မှာ အောင်မြင်သောသူတစ်ဦးဖြစ်သည်။ “အောင်မြင်သောသူများ” အဖြစ် ဘုရားသခင် ရည်ညွှန်းသောသူများမှာ စာတန်၏ လွှမ်းမိုးမှုအောက်နှင့် စာတန်၏ ဝိုင်းထားခြင်းခံရချိန်၊ ဆိုလိုသည်မှာ အမှောင်အင်အားများ အလယ်တွင် မိမိတို့ကိုယ်ကိုယ် တွေ့ရချိန်တွင် သက်သေရပ်တည်နိုင်ကြဆဲ ဖြစ်ပြီး ဘုရားသခင်၌ မိမိတို့၏ယုံကြည်စိတ်ချမှုနှင့် ကိုးကွယ် ဆက်ကပ်မှုတို့ကို ထိန်းသိမ်းနိုင်ကြဆဲ ဖြစ်သောသူများ ဖြစ်သည်။ သင်သည် မည်သို့ပင်ဖြစ်စေ ဘုရားသခင်၏ ရှေ့မှောက်တွင် ဖြူစင်သော စိတ်နှလုံးကို ထိန်းသိမ်းနိုင်ဆဲဖြစ်ပြီး ဘုရားသခင်အတွက် သင်၏ ရိုးသားစစ်မှန်သော ချစ်ခြင်းမေတ္တာကို ထိန်းသိမ်းနိုင်ဆဲဖြစ်ပါက၊ သင်သည် ဘုရားသခင်၏ ရှေ့တွင် သက်သေရပ်တည်နေခြင်း ဖြစ်ပြီး ဤသည်မှာ ဘုရားသခင်က “အောင်မြင်သောသူ” တစ်ဦး ဖြစ်ခြင်းအဖြစ် ရည်ညွှန်းသော အရာဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “သင်သည် ဘုရားသခင်ထံ သင်၏ကိုးကွယ်ဆည်းကပ်ခြင်းကို ထိန်းသိမ်းသင့်သည်” မှ

ဘုရားသခင်ကို ယုံကြည်သောသူများအနေဖြင့်၊ သင်တို့အသီးသီးသည် နောက်ဆုံးသော ကာလ၌ ဘုရားသခင်၏ အမှုနှင့် ယနေ့ သင့်အထဲတွင် သူ ပြုသည့် သူ၏ အစီအစဉ်နှင့်ဆိုင်သော အမှုကို လက်ခံခြင်းအားဖြင့် အဆုံးစွန်သော ချီးမြှောက်ခြင်းနှင့် ကယ်တင်ခြင်းတို့အား သင်တို့ အမှန်တကယ် မည်သို့ ရရှိပြီးကြသည်ကို နားလည်သင့်ပေသည်။ ဘုရားသခင်သည် ဤလူစုကို စကြဝဠာတစ်ခွင်လုံးအနှံ့ သူ၏အမှုနှင့်ဆိုင်သည့် တစ်ခုတည်းသော ဗဟိုအချက်အဖြစ် ပြုလုပ်ပြီး ဖြစ်သည်။ သူသည် သင်တို့အတွက် သူ၏နှလုံးသွေးအားလုံးကို စတေးပြီးဖြစ်သည်။ စကြဝဠာအနှံ့အပြားရှိ ဝိညာဉ်တော်၏အမှုအားလုံးကို သူသည် ပြန်သိမ်းပြီးဖြစ်ကာ သင်တို့အား ပေးပြီးဖြစ်သည်။ ယင်းမှာ သင်တို့သည် ကံကောင်းသူများဖြစ်သည်ဟု ငါပြောရသည့်အကြောင်းရင်း ဖြစ်သည်။ ထို့အပြင်၊ သူသည် သူ၏ဘုန်းအသရေကို သူ၏ ရွေးချယ်သောလူမျိုး ဣသရေလထံမှ သင်တို့ထံသို့ လွှဲပြောင်းပြီးဖြစ်ကာ၊ သူသည် ဤလူစုမှတစ်ဆင့် သူ၏အစီအစဉ်၏ ရည်ရွယ်ချက်ကို အပြည့်အဝ ထင်ရှားစေလိမ့်မည်။ သို့ဖြစ်၍၊ သင်တို့သည် ဘုရားသခင်၏အမွေကို ရရှိမည့်သူများဖြစ်ကြပြီး၊ ဤထက်မကပင် သင်တို့သည် ဘုရားသခင် ဘုန်းအသရေ၏ အမွေစားအမွေခံများ ဖြစ်ကြသည်။ သင်တို့သည် “အကြောင်းမူကား ယခုခဏခံရ၍ ပေါ့ပါးသော ဆင်းရဲခြင်း ဒုက္ခသည် အတိုင်းအထက် အလွန်ကြီးမြတ် လေးလံသော နိစ္စထာဝရ ဘုန်းအသရေကို ငါတို့အဖို့ ဖြစ်စေတတ်၏။” ဟူသော စကားများကို မှတ်မိကောင်း မှတ်မိကြပေလိမ့်မည်။ ဤစကားများကို သင်တို့အားလုံး ယခင်က ကြားခဲ့ကြပြီးဖြစ်သော်လည်း သင်တို့ထဲမှ မည်သူမျှ ယင်းတို့၏စစ်မှန်သော အဓိပ္ပါယ်ကို နားမလည်ခဲ့ကြပေ။ ယနေ့တွင် သင်တို့သည် ထိုစကားများ၏ စစ်မှန်သောအရေးပါမှုကို လေးလေးနက်နက် သတိပြုမိကြသည်။ ဤစကားများသည် နောက်ဆုံးသောကာလအတွင်း၌ ဘုရားသခင်အားဖြင့် ပြည့်စုံလိမ့်မည်ဖြစ်ပြီး၊ အဆင်းနီသောနဂါးကြီး ခွေလျောင်းရာပြည်တွင် ယင်းနဂါးကြီး၏ လူမဆန်စွာ ညှဉ်းပန်းနှိပ်စက်ခံခဲ့သူများ၌ ပြည့်စုံလိမ့်မည်ဖြစ်သည်။ အဆင်းနီသောနဂါးကြီးသည် ဘုရားသခင်ကို ညှဉ်းပန်းနှိပ်စက်ပြီး၊ သူသည် ဘုရားသခင်၏ရန်သူ ဖြစ်၏။ သို့ဖြစ်၍ ဤပြည်၌ ဘုရားသခင်ကို ယုံကြည်သူများသည် အရှက်ကွဲခြင်းနှင့် ဖိနှိပ်ခြင်းတို့ကို ဤသို့ ခံကြရပြီး၊ အကျိုးဆက်အနေဖြင့် ဤစကားများသည် ဤလူစုတည်းဟူသော သင်တို့၌ ပြည့်စုံလေသည်။ ယင်းသည် ဘုရားသခင်ကို ဆန့်ကျင်သော ပြည်တွင် စတင်သောကြောင့် ဘုရားသခင်၏အမှုအားလုံးသည် ကြီးမားသော အတားအဆီးများကို ရင်ဆိုင်ရပြီး၊ ဘုရားသခင်၏နှုတ်ကပတ်တော်များစွာ ပြီးမြောက်ခြင်းသည် အချိန်ကြာလေသည်။ ဤအကြောင်းကြောင့်၊ ဘုရားသခင်၏နှုတ်ကပတ်တော်၏ အကျိုးဆက်အဖြစ်၊ လူတို့သည် စစ်ဆေးခံကြရကာ ယင်းသည် ဒုက္ခဆင်းရဲ၏ အစိတ်အပိုင်းလည်း ဖြစ်ပေသည်။ အဆင်းနီသောနဂါးကြီး၏ ပြည်တွင် သူ၏အမှုကို ဆောင်ရွက်ရန် ဘုရားသခင်အတွက် အလွန်တရာ ခဲယဉ်းလေသည်- သို့သော် ဘုရားသခင်သည် သူ၏ဉာဏ်ပညာနှင့် သူ၏ အံ့ဘွယ်လုပ်ဆောင်ချက်များကို ထင်ရှားစေလျက်၊ ပြီးလျှင် ဤလူစုကို စုံလင်စေရန် ဤအခွင့်အရေးကို အသုံးပြုရင်း၊ သူ၏ အမှု အဆင့်တစ်ခုကို ဘုရားသခင် လုပ်ဆောင်သည်မှာ ဤအခက်အခဲမှတစ်ဆင့် ဖြစ်သည်။ ဘုရားသခင်သည် ဤအရာမှ သူ၏ ဘုန်းအသရေကို ရရှိနိုင်ဖို့အလို့ငှာနှင့် သူ၏ လုပ်ဆောင်ချက်များကို သက်သေခံမည့်သူများကို ရရှိနိုင်ဖို့အလို့ငှာ၊ သူ၏ သန့်စင်စေခြင်းနှင့် သိမ်းပိုက်ခြင်း အမှုကို ဘုရားသခင် လုပ်ဆောင်သည်မှာ လူတို့၏ ဆင်းရဲဒုက္ခမှတစ်ဆင့်၊ ၎င်းတို့၏ အရည်အချင်းမှတစ်ဆင့်၊ ပြီးလျှင် ဤညစ်ညူးသောပြည်နှင့်ဆိုင်သော လူတို့၏စာတန်ဆန်သည့် စိတ်သဘောထားအားလုံးမှတစ်ဆင့် ဖြစ်သည်။ ယင်းသည် ဤလူစုအတွက် ဘုရားသခင် ပြုပြီးသော စွန့်လွှတ်မှုအားလုံး၏ အလုံးစုံ အရေးပါမှု ဖြစ်ပေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏အမှုသည် လူသားထင်သကဲ့သို့ ရိုးရှင်းပါသလော” မှ

နိုင်ငံတော်ခေတ်တွင် လူသားသည် စုံလင်စေခြင်း အပြည့်အဝ ခံရလိမ့်မည်။ သိမ်းပိုက်ခြင်း အမှုနောက်တွင်၊ လူသားသည် စစ်ဆေးခြင်းနှင့် အတိဒုက္ခကို ခံရလိမ့်မည်။ ဤဒုက္ခဆင်းရဲခြင်း အတောအတွင်းတွင် အောင်မြင်ကျော်လွှားနိုင်ပြီး သက်သေ ရပ်တည်နိုင်သူတို့သည်၊ နောက်ဆုံးတွင် စုံလင်စေခြင်း ခံရမည့်သူများ ဖြစ်သည်။ ၎င်းတို့သည် အောင်မြင်သောသူများ ဖြစ်ကြသည်။ ဤဒုက္ခဆင်းရဲခြင်းအတောအတွင်းတွင်၊ လူသားသည် ဤစစ်ဆေးခြင်းကို လက်ခံရန်လိုအပ်ပြီး၊ ဤစစ်ဆေးခြင်းသည် ဘုရားသခင် အမှု၏ နောက်ဆုံး ဖြစ်စဉ်ဖြစ်သည်။ ဘုရားသခင်၏ စီမံခန့်ခွဲခြင်း အမှုအားလုံး အဆုံးမသတ်မီတွင် လူသားက စစ်ဆေးခြင်း ခံရလိမ့်မည်မှာ နောက်ဆုံးအကြိမ်ဖြစ်ပြီး၊ ဘုရားသခင်နောက် လိုက်သည့်သူအားလုံးသည် ဤနောက်ဆုံးစမ်းသပ်ခြင်းနှင့် စစ်ဆေးခြင်းကို လက်ခံရမည်ဖြစ်သည်။ ဒုက္ခဆင်းရဲ၏ ပတ်ချာ ဝိုင်းခံရသော သူများသည်၊ သန့်ရှင်းသော ဝိညာဉ်တော်၏ အလုပ်နှင့် ဘုရားသခင်၏ လမ်းပြခြင်း မရှိသူများ ဖြစ်ကြသည်၊ သို့သော် အမှန်တကယ် သိမ်းပိုက်ခံရပြီးဖြစ်ကာ ဘုရားသခင်ကို အမှန်တကယ် ရှာဖွေသူတို့သည် နောက်ဆုံးတွင် မားမားမတ်မတ် ရပ်တည်နိုင်ကြလိမ့်မည်။ ၎င်းတို့သည် လူ့သဘာဝကို ပိုင်ဆိုင်သူများနှင့် ဘုရားသခင်ကို အမှန်တကယ် ချစ်မြတ်နိုးသူများ ဖြစ်ကြသည်။ ဘုရားသခင် မည်သည့်အရာကိုပင် လုပ်ဆောင်သည်ဖြစ်စေ၊ ဤအောင်နိုင်သူတို့သည် ရူပါရုံများ ကင်းမဲ့လိမ့်မည် မဟုတ်သကဲ့သို့၊ ၎င်းတို့၏ သက်သေခံချက်များတွင် ကျရှုံးခြင်းမရှိဘဲ သမ္မာတရားကို လက်တွေ့လုပ်ဆောင်ဆဲ ဖြစ်လိမ့်မည်။ ၎င်းတို့သည် နောက်ဆုံးတွင် ဒုက္ခဆင်းရဲမှ ထွက်ပေါ်လာမည့်သူများ ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုနှင့် လူ၏လက်တွေ့လုပ်ဆောင်မှု” မှ

ကြီးစွာသော ဒုက္ခဆင်းရဲခြင်း အလယ်မှ လာသည့် အောင်မြင်သောသူများဖြစ်သည့်၊ အောင်မြင်သောသူ တစ်စုကို အရှေ့အရပ်မှ ရယူထားသည်ဟု ယခင်က ငါပြောပြီး ဖြစ်သည်။ ဤစကားများက မည်သည့်အရာကို ဆိုလိုပါသနည်း။ ယင်းတို့က ရယူခံရပြီးသော ဤသူတို့သည်သာ တရားစီရင်မှုနှင့် ပြစ်တင်ဆုံးမမှု၊ ကိုင်တွယ်ဖြေရှင်းခြင်း၊ ပြုပြင်ခြင်းနှင့် စစ်ဆေးမှုမျိုးစုံကို ခံပြီးသည့်နောက်တွင် အမှန်တကယ် နာခံကြသည်ဟု ဆိုလိုပေသည်။ ဤလူများ၏ ယုံကြည်မှုသည် မရေမရာနှင့် စိတ်ကူး သက်သက်မဟုတ်ဘဲ စစ်မှန်လေသည်။ ၎င်းတို့သည် မည်သည့် နိမိတ်လက္ခဏာများ၊ အံ့သြဖွယ်ရာများနှင့် သဘာဝလွန် ဖြစ်ရပ်များကိုမျှ မမြင်ရသေးပေ။ ၎င်းတို့သည် ခက်ခဲသော ကျမ်းဟောင်းတရားများနှင့် အယူဝါဒများ သို့မဟုတ် နက်နဲသော ထိုးထွင်းသိမြင်မှုများအကြောင်း မပြောကြပေ။ ယင်းအစား ၎င်းတို့သည် လက်တွေ့အရှိတရားနှင့် ဘုရားသခင်၏ နှုတ်ကပတ်တော်များ၊ ပြီးလျှင် ဘုရားသခင်၏ လက်တွေ့အရှိတရားနှင့်ဆိုင်သည့် စစ်မှန်သော အသိပညာတို့ ရှိကြသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အရာအားလုံးကို ဘုရားသခင်၏ နှုတ်ကပတ်တော်ဖြင့် စွမ်းဆောင်ရရှိသည်” မှ

ကိုးကားရန်အတွက် တရားဟောချက်နှင့် မိတ်သဟာယပြုခြင်း ကောက်နုတ်ချက်များ-

ဘုရားသခင်ကယ်တင်မည့် သူများသည် အသုတ်လိုက် ပြန်လည်ဆောင်ယူခံကြရသည်။ ပထမအုပ်စုမှာ တရုတ်ပြည်မမှ လူများဖြစ်သည်၊ ဒုတိယအုပ်စုမှာ ပင်လယ်မြေခြားမှ လူများဖြစ်ကြသည်။ ပင်လယ်ရပ်ခြား၌ရှိသော သူများသည် ယခုတွင် ဘုရားသခင်ထံသို့ စတင်လှည့်ပြန်နေကြပေသည်။ တတိယအုပ်စုမှာ ကပ်ဘေးကြီးများ ကျရောက်ပြီးနောက်တွင် ၎င်းတို့၏ အသိစိတ်များ ပြန်လည်လာကြပြီး ဘေးဒုက္ခများ အလယ်တွင် ဘုရားသခင်ရှေ့သို့ ပြန်လာကြမည့်သူများ ဖြစ်သည်။ ကပ်ဘေးများမတိုင်မီ ချီဆောင် ခံရပြီး ဘုရားသခင်ရှေ့မှောက်သို့ ပြန်လာကြမည့်သူများသည် များပြားပေသည်။ ယခုတွင် ကပ်ဘေးကြီးမတိုင်မီ ချီဆောင်ခံရခြင်း အဖြစ်နှင့်ဆိုင်သော အမှုတော်သည် အဆုံးသို့ လျင်လျင်မြန်မြန် ရောက်ရှိလာနေသည်။ “အဆုံးသို့ လျင်လျင်မြန်မြန် ရောက်ရှိ လာနေသည်” ဟူသည်မှာ မည်သည့်အရာကို ရည်ညွှန်းပါသနည်း။ ဤအရာကို အဘယ်ကြောင့် ကျွန်ုပ်ပြောရသနည်း။ ယင်းမှာ ကပ်ဘေးကြီးများ မကြာခင် ရောက်ရှိလာတော့မည် ဖြစ်သောကြောင့်ဖြစ်သည်။ အကယ်၍ နှစ်နှစ်အတွင်း ကပ်ဘေးများ ရောက်ရှိလာလျှင် ဤနှစ်နှစ်တစ်လျှောက် ဘုရားသခင်ထံသို့ လှည့်ပြန်ကြသူများသည်လည်း ကပ်ဘေးများမတိုင်မီ ချီဆောင် ခံရသူများ အုပ်စု၏ တစ်စိတ်တစ်ပိုင်းအဖြစ် သတ်မှတ်ခံရမည် ဖြစ်သည်။ ဤနှစ်နှစ်အတွင်း ဘုရားသခင်ထံသို့ မလှည့်ပြန်ကြသူများ အတွက်မူ အနန္တတန်ခိုးရှင် ဘုရားသခင်၏ နောက်ဆုံးသောကာလရှိ အမှုတော်ကို အခြားသူများက ၎င်းတို့ထံ သက်သေခံကြသော်လည်း ၎င်းတို့က “ဒါမှားတယ်၊ မဖြစ်နိုင်ဘူး။ ငါကိုယ်တိုင် မမြင်ရတဲ့ ဘယ်အရာမဆိုကို ငါမယုံဘူး” ဟု ပြတ်ပြတ်ငြင်းကြသည်။ အခြားသူများက မည်သည့်အရာကို ပြေဆိုကောင်း ပြောဆိုပါလေ့စေ ၎င်းတို့သည် လက်ခံရန် ငြင်းကြဆဲဖြစ်သည်။ ဘုရားသခင်သည် ဤလူတို့ကို ကပ်ဘေးများ၏ အလယ်တည့်တည့်တွင် နေရာချထားမည် ဖြစ်သည်။ ၎င်းတို့သည် မှောင်မိုက်အတွင်း ကပ်ဘေးများ၏ ဗဟိုတွင် ငိုကြွေးကြပြီး အံသွားခဲကြိတ် ကြစေဖို့အလို့ငှာ ၎င်းတို့ကို စစ်ဆေးရန်နှင့် ပြစ်ဒဏ်ပေးရန် သူသည် ကပ်ဘေးများကို အသုံးပြုလိမ့်မည်ဖြစ်သည်။

အသက်တာထဲ ဝင်ရောက်ခြင်းအပေါ် မိတ်သဟာယဖွဲ့ခြင်းနှင့် တရားဟောချက်များ မှ

အနန္တတန်ခိုးရှင် ဘုရားသခင်ကို ခင်ဗျားဘာကြောင့် ယုံကြည်တာလဲ။ အနန္တတန်ခိုးရှင် ဘုရားသခင်ကို ယုံကြည်တာက ဘာအဓိပ္ပာယ်ရှိလဲ။” ဤအရာကို သဘောပေါက်ရန် အလွန်အရေးကြီး ပေသည်။ “အစတုန်းက သခင်ယေရှုကို ငါယုံကြည်ခဲ့တယ်။ အခု အနန္တတန်ခိုးရှင် ဘုရားသခင် အသင်းတော်ရဲ့ ဧဝံဂေလိဆရာတွေ ဆီကနေ အဲဒီလိုရှင်းလင်းလှတဲ့ သမ္မာကျမ်းစာရဲ့ သမ္မာတရားနဲ့ဆိုင်တဲ့ သက်သေခံချက်တစ်ခုကို ကြားရပြီ။ အထူးသဖြင့် အားလုံးက သမ္မာတရားဖြစ်တဲ့ အနန္တတန်ခိုးရှင် ဘုရားသခင်ရဲ့ မိန်မြွက်ချက်တွေကို ငါကြားရပြီးပြီ၊ ပြီးတော့ အဲဒါတွေဟာ ဘုရားရဲ့ အသံတော်ဖြစ်တာကို ငါကြားရတယ်။ အဲဒါဟာ ဗျာဒိတ်ကျမ်းထဲက ‘ဝိညာဉ်တော်သည် အသင်းတော်တို့အား အဘယ်သို့ မိန့်တော်မူသည်ကို၊ နားရှိသောသူ မည်သည်ကား ကြားပါစေ။’ (ဗျာဒိတ် ၂:၇) လို့ ရေးသားထားတာကို အတိအကျ ပြည့်စုံစေတာပဲ။ အနန္တတန်ခိုးရှင် ဘုရားသခင်ရဲ့ မိန့်မြွက်ချက်တွေအားလုံးကို ကြားပြီးနောက်မှာ ငါတစ်ခုအတည်ပြုမိတယ်- သခင်ယေရှုပြန်ကြွ လာခဲ့ပြီ၊ သူက အနန္တတန်ခိုးရှင် ဘုရားသခင်ပဲ” ဟု လူအချို့က တွေးဆကြလေသည်။ အနန္တတန်ခိုးရှင် ဘုရားသခင်ကို ယုံကြည်သူများ ဖြစ်သည့် ကျွန်ုပ်တို့သည် သခင်၏ချီဆောင်ခြင်းကို ခံရမည့်လူစုတွင် ပါဝင်သည်။ ဤအရာက သမ္မာကျမ်းစာထဲမှ သခင်ယေရှု၏ ပရောဖက်ပြုချက်များကို အတိအကျ ပြည့်စုံစေခဲ့ လေသည်။ “သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှါ ထွက်သွားကြကုန်ဟု ကြွေးကြော်လျှင်။” (မဿဲ ၂၅:၆) ထို့အပြင် “ကြည့်ရှုလော့၊ ငါသည်တံခါးရှေ့မှာရပ်၍ ခေါက်လျက်နေ၏။ အကြင်သူသည် ငါ၏အသံကို ကြား၍တံခါးကိုဖွင့်အံ့၊ ထိုသူရှိရာသို့ငါဝင်၍ သူနှင့်အတူ စားသောက်မည်။ သူသည်လည်းငါနှင့်အတူ စားသောက်ရလိမ့်မည်။” (ဗျာဒိတ် ၃:၂၀) “ကြည့်ရှုလော့ သူခိုးကဲ့သို့ ငါလာ၏။ အဝတ် အချည်းစည်းနှင့် သွားလာ၍ သူတပါးရှေ့၌ ရှက်စရာ အကြောင်း မရှိစေခြင်းငှာ နိုးလျက်နေ၍၊ ကိုယ်အဝတ်ကို စောင့်သောသူသည် မင်္ဂလာရှိ၏။” (ဗျာဒိတ် ၁၆:၁၆) သခင်၏ ပရောဖက်ပြုချက်များ ပြည့်စုံပြီးဖြစ်သည့်အတွက် ကျွန်ုပ်တို့သည် ယခုတွင် သခင်နှင့်အတူ စားပွဲတော် တည်နေကြခြင်းဖြစ်သည်။ သမ္မာကျမ်းစာထဲတွင် ယင်းကို သခင်ယေရှုက “သိုးသငယ်၏ မင်္ဂလာစားပွဲတော်” ဟု ခေါ်ခဲ့သည်။ “သိုးသငယ်၏ မင်္ဂလာစားပွဲတော်” ၏အဓိပ္ပာယ်မှာ အဘယ်နည်း။ “သိုးသငယ်၏ မင်္ဂလာစားပွဲတော်” ဟု အဘယ်ကြောင့်ခေါ်သနည်း။ “သိုးသငယ်” မှာ ခရစ်တော်ဖြစ်ပြီး သိုးသငယ်၏ မင်္ဂလာပွဲဆိုသည်မှာ လူတစ်စုကို စုံလင်အောင် ပြုလုပ်ပေးရန် ခရစ်တော်ကြွလာခြင်းကို ဆိုလိုပေသည်။ သူသည် သူ၏ကြိုတင်ခွဲခန့်မှတ်သားထားခြင်းကို ခံထားရသောသူများဖြစ်သည့် သူ၏သိုးများကို အောင်မြင်သော သူများဖြစ်အောင် ကပ်ဘေးမတိုင်မီတွင် ပြုလုပ်လိမ့်မည်ဖြစ်သည်၊ ထို့ကြောင့် ဤအရာကို “စားပွဲတော်သို့ တက်ရောက်ခြင်း” ဟု ခေါ်လေသည်။ “မင်္ဂလာပွဲ” သည် ရယူရန်ဖြစ်ပြီး ယင်းနောက် ကျွန်ုပ်တို့သည် မိသားစုတစ်စု ဖြစ်လာကြသည်။ ထို့ကြောင့် ဤကျမ်းစာ၏ အချို့သော အနက်ပြန်မှုများက ခရစ်တော်ကို သတို့သားအဖြစ် ရည်ညွှန်းပြီး အသင်းတော်ကို သတို့သမီးအဖြစ် ရည်ညွှန်းခြင်းဖြစ်သည်။ ဤသည်ကို မင်္ဂလာပွဲဟုခေါ်ပြီး ယင်းသည် တစ်စုံတစ်ရာကို ရရှိခြင်းဖြစ်သည်။ ရရှိခြင်းဟုဆိုရာတွင် ဤသည်မှာ နောက်ဆုံးသောကာလမှ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းအမှုတော်နှင့် ဆက်နွှယ်ပြီး ယင်းသည် ဘုရားသခင်၏အိမ်တော်မှ အစပြုသော တရားစီရင်ခြင်း အမှုဖြစ်သည်။ ဤအမှုတော်ကို ကြုံရခြင်းဆိုသည်မှာ ဦးစွာပထမ ဘုရားသခင်၏ သိမ်းပိုက်ခံရခြင်းဖြစ်ပြီး ယင်းနောက်တွင် သန့်စင်ခံရခြင်း၊ စုံလင်ခံရခြင်း၊ ရယူခံရခြင်းနှင့် စုံလင်အောင် ပြုလုပ်ခံရခြင်းတို့ဖြစ်သည်။ ဘုရားသခင်၏အိမ်တော်မှ အစပြုသော တရားစီရင်ခြင်းအမှုသည် ထိုသို့သောအမှုတစ်ခုဖြစ်သည်။ နောက်ဆုံးသောကာလမှ ဘုရားသခင်၏ အမှုတော်ကို လူတို့ကြုံရပြီး ခရစ်တော်နှင့် သဟဇာတဖြစ်လာပြီးနောက်တွင် ဘုရားသခင်၏ အိမ်တော်မှ အစပြုသော တရားစီရင်ခြင်းအမှုက အဆုံးသို့ ရောက်လာသည်။ ယင်းသည် ပြည့်စုံသည်နှင့်တစ်ပြိုင်နက် စုံလင်အောင် ပြုလုပ်ခံရသော လူစုသည် ကပ်ဘေးမတိုင်မီ ပြုလုပ်ခံရသည့် အောင်မြင်သောသူများအုပ်စု ဖြစ်သည်။ ဘုရားသခင်၏ နိုင်ငံတော်ထဲတွင် အောင်မြင်သော သူတို့၏ အနေအထားမှာ အဘယ်နည်း။ ၎င်းတို့သည် ခရစ်တော်နိုင်ငံတော်၏ မဏ္ဍိုင်များ ဖြစ်ကြသည်။ ကပ်ဘေးများမတိုင်မီ ဘုရားသခင်၏ ပြုလုပ်ခြင်းကို ခံရသော ဤအောင်နိုင်သူများသည် ခရစ်တော် နိုင်ငံတော်၏ မဏ္ဍိုင်များ ဖြစ်လာကြလိမ့်မည်။ ယင်းမှာ ကြီးမားသော ကောင်းချီးမင်္ဂလာဖြစ်သည်ဟု သင်မထင်သလော။ ဤသည်မှာ ကြီးမားသော ကောင်းချီးမင်္ဂလာပင် ဖြစ်ပေသည်။

အသက်တာထဲ ဝင်ရောက်ခြင်းအပေါ် မိတ်သဟာယဖွဲ့ခြင်းနှင့် တရားဟောချက်များ မှ

အရှေ့သို့- သမ္မာကျမ်းစာထဲတွင်၊ “ထိုအခါ အသက်ရှင်၍ ကျန်ကြွင်းသော ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေခြင်းငှါ၊ ထိုသူတို့နှင့်တကွ မိုဃ်းတိမ်ပေါ်သို့ ချီဆောင်ခြင်းကို ခံရသောအားဖြင့် သခင်ဘုရားနှင့် အတူ အစဉ်မပြတ် နေရကြလိမ့်မည်။” (၁ သက် ၄:၁၇) ဟု ရေးထားသည့်အတွက် သခင့်၏ ပြန်ကြွလာခြင်းမှာ ယုံကြည်သူများ ကောင်းကင်နိုင်ငံထဲသို့ တိုက်ရိုက် ချီဆောင်ခံရမည်ကို ဆိုလိုသည်ဟု ကျွန်ုပ်တို့ ယုံကြည်ကြသည်။ သခင်ယေရှု ပြန်ကြွလာပြီဟု သင်တို့ သက်သေခံကြသည်၊ သို့ဆိုလျှင် အဘယ်ကြောင့် ကျွန်ုပ်တို့ ကမ္ဘာမြေပေါ်တွင် ယခုရှိကြပြီး ချီဆောင်မခံရသေးသနည်း။
နောက်တစ်ခုသို့- သမ္မာကျမ်းစာထဲတွင်၊ “ထိုအခါ အသက်ရှင်၍ ကျန်ကြွင်းသော ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေခြင်းငှါ၊ ထိုသူတို့နှင့်တကွ မိုဃ်းတိမ်ပေါ်သို့ ချီဆောင်ခြင်းကို ခံရသောအားဖြင့် သခင်ဘုရားနှင့် အတူ အစဉ်မပြတ် နေရကြလိမ့်မည်။” (၁ သက် ၄:၁၇) ဟု ရေးထားသည့်အတွက် သခင့်၏ ပြန်ကြွလာခြင်းမှာ ယုံကြည်သူများ ကောင်းကင်နိုင်ငံထဲသို့ တိုက်ရိုက် ချီဆောင်ခံရမည်ကို ဆိုလိုသည်ဟု ကျွန်ုပ်တို့ ယုံကြည်ကြသည်။ သခင်ယေရှု ပြန်ကြွလာပြီဟု သင်တို့ သက်သေခံကြသည်၊ သို့ဆိုလျှင် အဘယ်ကြောင့် ကျွန်ုပ်တို့ ကမ္ဘာမြေပေါ်တွင် ယခုရှိကြပြီး ချီဆောင်မခံရသေးသနည်း။

အွန်လိုင်းဒေသနာများအား အချိန်မရွေးပါဝင်ပြီး အပြစ်မှ လွတ်ဖို့နှင့် ကောင်းကင်နိုင်ငံတော်သို့ ဝင်ရောက်ဖို့ လမ်းကြောင်းကိုရှာဖွေလိုက်ပါ။

သက်ဆိုင်သည့် အကြောင်းအရာ

သမ္မာကျမ်းစာထဲတွင်၊ “ထိုအခါ အသက်ရှင်၍ ကျန်ကြွင်းသော ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေခြင်းငှါ၊ ထိုသူတို့နှင့်တကွ မိုဃ်းတိမ်ပေါ်သို့ ချီဆောင်ခြင်းကို ခံရသောအားဖြင့် သခင်ဘုရားနှင့် အတူ အစဉ်မပြတ် နေရကြလိမ့်မည်။” (၁ သက် ၄:၁၇) ဟု ရေးထားသည့်အတွက် သခင့်၏ ပြန်ကြွလာခြင်းမှာ ယုံကြည်သူများ ကောင်းကင်နိုင်ငံထဲသို့ တိုက်ရိုက် ချီဆောင်ခံရမည်ကို ဆိုလိုသည်ဟု ကျွန်ုပ်တို့ ယုံကြည်ကြသည်။ သခင်ယေရှု ပြန်ကြွလာပြီဟု သင်တို့ သက်သေခံကြသည်၊ သို့ဆိုလျှင် အဘယ်ကြောင့် ကျွန်ုပ်တို့ ကမ္ဘာမြေပေါ်တွင် ယခုရှိကြပြီး ချီဆောင်မခံရသေးသနည်း။

အဖြေ- ကျွန်မတို့ကကိုယ်တော်ပြန်ကြွလာခြင်းကို ကိုယ်တော့်၏ ပရောဖက်ပြုခြင်း အပေါ်သာ အခြေခံပြီး၊ စောင့်မျှော်သင့်သည်။ ဤအချက်က ကိုယ်တော်...

သမ္မာကျမ်းစာထဲတွင်၊ “ထိုအခါ အသက်ရှင်၍ ကျန်ကြွင်းသော ငါတို့သည် အာကာသကောင်းကင်၌ သခင်ဘုရားထံတော်သို့ ရောက်စေခြင်းငှါ၊ ထိုသူတို့နှင့်တကွ မိုဃ်းတိမ်ပေါ်သို့ ချီဆောင်ခြင်းကို ခံရသောအားဖြင့် သခင်ဘုရားနှင့် အတူ အစဉ်မပြတ် နေရကြလိမ့်မည်။” (၁ သက် ၄:၁၇) ဟု ရေးထားသည့်အတွက် သခင့်၏ ပြန်ကြွလာခြင်းမှာ ယုံကြည်သူများ ကောင်းကင်နိုင်ငံထဲသို့ တိုက်ရိုက် ချီဆောင်ခံရမည်ကို ဆိုလိုသည်ဟု ကျွန်ုပ်တို့ ယုံကြည်ကြသည်။ သခင်ယေရှု ပြန်ကြွလာပြီဟု သင်တို့ သက်သေခံကြသည်၊ သို့ဆိုလျှင် အဘယ်ကြောင့် ကျွန်ုပ်တို့ ကမ္ဘာမြေပေါ်တွင် ယခုရှိကြပြီး ချီဆောင်မခံရသေးသနည်း။

အဖြေ- ကျွန်မတို့ကကိုယ်တော်ပြန်ကြွလာခြင်းကို ကိုယ်တော့်၏ ပရောဖက်ပြုခြင်း အပေါ်သာ အခြေခံပြီး၊ စောင့်မျှော်သင့်သည်။ ဤအချက်က ကိုယ်တော်...