အဖြေ-

နောက်ဆုံးသောကာလတွင် ဘုရားသခင်၏ ပေါ်ထွန်းခြင်းနှင့် အမှုတော်တို့သည် သခင်ယေရှုပရောဖက်ပြုခဲ့သည့် အတိုင်းပင် ဖြစ်သည်။ အပိုင်းနှစ်ပိုင်းရှိပါသည်- သူ၏တိတ်တဆိတ် ရောက်ရှိ လာခြင်းနှင့် သူ၏လူသိရှင်ကြား ရောက်ရှိလာခြင်းတို့ဖြစ်သည်။ တိတ်တဆိတ် ရောက်ရှိလာခြင်းသည် ဘုရားသခင်က သူ၏နှုတ်ကပတ်တော်များကို မိန့်မြွက်ရန်နှင့် သူ၏ နောက်ဆုံးသောကာလ အမှုတော်ကို လုပ်ဆောင်ရန် လူသားတော် အဖြစ် လူသားမျိုးနွယ်ကြားတွင် လူ့ဇာတိခံယူသည့်အဖြစ်ကို ရည်ညွှန်းသည်။ ဤသည်မှာ သူ၏တိတ်တဆိတ် ရောက်ရှိလာခြင်း ဖြစ်သည်။ လူသိရှင်ကြား ရောက်ရှိလာခြင်းမှာ သခင်သည် မိုးတိမ်များနှင့်အတူ ပွင့်ပွင့်လင်းလင်း ကြွလာခြင်းဖြစ်သည်၊ တစ်နည်းအားဖြင့်ဆိုသော် သခင်သည် ထောင်သောင်းချီသော သန့်ရှင်းသူများနှင့်အတူ ရောက်ရှိလာခြင်းဖြစ်ပြီး ထိုအရာကို တိုင်းနိုင်ငံအားလုံးနှင့် လူမျိုးအားလုံးက မြင်နိုင်သည်။ လက်ရှိတွင် ဘုရားသခင်၏ နောက်ဆုံးသောကာလ တရားစီရင်ခြင်း အမှုတော်ကို ကျွန်ုပ်တို့သက်သေခံကြသောအခါ လူများစွာက- “ဘုရားသခင် ပေါ်ထွန်းပြီဖြစ်ပြီး အမှုပြုနေတယ်လို့ ခင်ဗျား ပြောတယ်။ ဘာလို့ သူ့ကို ကျွန်တော်တို့ မမြင်ရတာလဲ။ ဘုရားသခင်က သူ့ရဲ့နှုတ်ကပတ်တော်တွေကို ဘယ်အချိန်မှာ ဘယ်လိုမိန့်မြွက်နေတာလဲ။ ဘုရားသခင်က သူ့နှုတ်ကပတ်တော်တွေကို ပြောနေတဲ့အချိန်မှာ တစ်ယောက်ယောက်က မှတ်တမ်းတင်ထားလား၊ ဒါမှမဟုတ် သူက အဲဒီနှုတ်ကပတ်တော်တွေကို ကျွန်တော်တို့ဆီ တိုက်ရိုက် ယူဆောင်လာတာလား။ ခင်ဗျားတို့ အားလုံးကြားမှာ ဘုရားသခင်က ဘာလို့စကားပြောတာလဲ။ ဘာလို့ ကျွန်တော်တို့က သူ့အသံတော်ကို မကြားရတာလဲ၊ ဒါမှမဟုတ် သူ့ကို မမြင်ရတာလဲ” ဟု သံသယရှိကြသည်။...ဘုရားသခင်သည် အရှေ့အရပ်၊ တရုတ်ပြည်တွင် ပေါ်ထွန်းပြီဖြစ်သည်- သူသည် သူ၏အသံတော်ကို ဖော်ပြပြီး လူ့ဇာတိခံယူသော လူသားတော်၏ ပုံသဏ္ဌာန်ဖြင့် အမှုပြုသည်။ သဘာဝလွန်သောအရာ ဘာမျှလုံးဝမရှိပါ။ ဘုရားသခင်သည် သာမန်ဇာတိခန္ဓာကို ဆင်မြန်းသည်၊ သူ၏ပုံပန်းသည် သာမန်လူတစ်ဦး၏ ပုံပန်းပင်ဖြစ်ပြီး ကျွန်ုပ်တို့အလယ်တွင် သူစကားပြောပြီး အမှုပြုလေသည်။ သဘာဝလွန်သောအရာ ဘာမျှမရှိပါ။ လူအချို့က “ဒါက နည်းနည်းလေးမှတောင် သဘာဝလွန်တာ မဟုတ်ဘူးဆိုရင် သူက ဘုရားဟုတ်သလား၊ မဟုတ်ဘူးလား။ တကယ်လို့ ဘုရားသခင်က ပေါ်ထွန်းလာပြီး အမှုပြုနေတယ်ဆိုရင်၊ သူ့ရဲ့ပုံပန်းနဲ့ အမှုတော်တို့က သဘာဝလွန်ဖြစ်သင့်တယ်လေ” ဟု ဆိုကြသည်။ သင်တို့ကို ကျွန်ုပ်မေးပါရစေ၊ သခင်ယေရှုသည် သူအမှုပြုခဲ့ သည့်အချိန်တွင် သဘာဝလွန်ဖြစ်ခဲ့ပါသလား။ ပေတရုနှင့် သူစကားပြောနေသည့်အချိန်တွင် အခြားနေရာများမှ လူတို့က ယင်းကို မြင်နိုင်ခဲ့ကြပါသလား။ တစ်နေရာတွင် နိမိတ် လက္ခဏာများနှင့် အံ့ဖွယ်ရာများကို သူပြသနေချိန်တွင် အခြားနေရာများ၌ ရှိကြသူများက ယင်းကို မြင်နိုင်ခဲ့ကြပါသလား။ လုံးဝ မမြင်နိုင်ခဲ့ကြပါ။ သခင်ယေရှုသည် လူ့ဇာတိထဲက လူသားတော်ဖြစ်ခဲ့ပြီး သူ၏အမှုတော်နှင့် သူ၏ နှုတ်ကပတ်တော်များသည် သဘာဝလွန် မဟုတ်ခဲ့ပါ။ နိမိတ်လက္ခဏာများနှင့် အံ့ဖွယ်ရာများကို သူပြသခြင်းမှလွဲ၍ သဘာဝလွန်သောကဏ္ဍများ မရှိခဲ့ပါ။ ဤအကြောင်းကြောင့်ပင် အခြားနေရာများမှ လူတို့က သူ၏အသံတော်ကို မကြားရခြင်း၊ သို့မဟုတ် သူ၏အမှုတော်ကို မမြင်ခဲ့ရခြင်းဖြစ်သည်- သူ့နံဘေး၌ရှိသူတို့သာ ယင်းတို့ကို မြင်နိုင်၊ ကြားနိုင်ပြီး တွေ့ကြုံနိုင်ခဲ့သည်။ ဤသည်မှာ ဘုရားသခင့်အမှုတော်၏ လက်တွေ့ကျပြီး သာမန်ဖြစ်သည့် ဘက်ခြမ်းဖြစ်သည်။ ထို့ကြောင့် အခြားဘာသာတရားများနှင့် အခြားဂိုဏ်းဂဏများက တရုတ်ပြည်တွင် အနန္တတန်ခိုးရှင် ဘုရားသခင် အသင်းတော်မှ တစ်ဆင့် ဘုရားသခင်လုပ်ဆောင်ခဲ့သော အမှုတော်ကို မသိရှိကြချေ။ ၎င်းတို့ အဘယ်ကြောင့် မသိကြသနည်း။ ဘုရားသခင်သည် သဘာဝလွန်နည်းလမ်းများဖြင့် အလုပ်မလုပ်ပါ။ သူအမှုပြုသည့် လူတို့ကြားရှိသူတို့သည်သာ ယင်းကို မြင်နိုင်ပြီး ကြားနိုင်ကြသည်၊ သူအမှုမပြုသည့် လူတို့ကြားရှိသူတို့မှာ သူ၏အသံတော်ကို မကြားနိုင်ကြပါ။ သခင်ယေရှုသည် ယုဒလူမျိုးတို့အကြား၌ သူ၏အမှုတော်ကို ဆောင်ရွက်ခဲ့ချိန်တွင် ကျွန်ုပ်တို့ တရုတ်လူမျိုးများက ယင်းကို မြင်နိုင်ခဲ့ကြပါသလား၊ သို့မဟုတ် ကြားနိုင်ခဲ့ကြပါသလား။ အနောက်တိုင်းရှိ ဗြိတိသျှနှင့် အမေရိကန်တို့က ယင်းကို မြင်နိုင်ကြားနိုင်ခဲ့ကြပါသလား။ သို့ဆိုလျှင် အနောက်တိုင်းသားများနှင့် အရှေ့တိုင်းရှိ တရုတ်များက နောက်ဆုံးတွင် သခင်ယေရှု၏အမှုတော်ကို အဘယ်ကြောင့် လက်ခံနိုင်ခဲ့ကြပါသနည်း။ အဘယ်ကြောင့်ဆိုသော် ကျွန်ုပ်တို့ထံသို့ သက်သေခံသောလူများ၊ ဧဝံဂေလိတရားကို ဖြန့်ဝေသောသူများ ရှိခဲ့ကြပြီး သခင်၏နှုတ်ကပတ်တော်များနှင့် အမှုတော်တို့ကို မှတ်တမ်းတင်ထားသည့် ဤကျမ်းစာကို ၎င်းတို့က ကျွန်ုပ်တို့အား ပေးခဲ့ကြသောကြောင့်ဖြစ်သည်။ သခင်ယေရှုထံ ကျွန်ုပ်တို့ ဆုတောင်းခဲ့ကြသောအခါ သန့်ရှင်းသော ဝိညာဉ်တော်သည် သူ၏အမှုတော်ကို ဆောင်ရွက်ပြီး ကျွန်ုပ်တို့နှင့်အတူ ပါရှိခဲ့သည်။ ကျွန်ုပ်တို့အပေါ် ကျေးဇူးတော်ကို သူနှင်းအပ်ပေးခဲ့ပြီး ထိုသို့အားဖြင့် သခင်ယေရှုသည် ဘုရားသခင်နှင့် ကယ်တင်ရှင် ဖြစ်သည်ကို ကျွန်ုပ်တို့ယုံကြည်လာခဲ့ကြခြင်းဖြစ်သည်။ ဤသည်မှာ ကျွန်ုပ်တို့ ယုံကြည်လာပုံဖြစ်သည်။ အနောက်တိုင်းသားများက “ဘုရားသခင်က တရုတ်ပြည်မှာ ပေါ်ထွန်းပြီး အမှုပြုပြီ- ဒါကို ငါတို့ ဘာလို့မသိခဲ့ကြတာလဲ။ ဒါကို ငါတို့ ဘာလို့မမြင်နိုင်ခဲ့ကြသလို မကြားနိုင်ခဲ့ကြတာလဲ” ဟု ဆိုကြသည်။ ဤမေးခွန်းသည် ရှင်းပြရန် လွယ်ကူပါသလား။

နောက်ဆုံးသောကာလ၏ အမှုတော်အကြောင်း ဘုရားသခင်၏ ပရောဖက်ပြုချက်များ သမ္မာကျမ်းစာထဲတွင် ရှိပါသလား။ ဤအကြောင်းကို သခင်ယေရှုက မည်သို့ပြောခဲ့ပါသနည်း။ “လျှပ်စစ်သည် အရှေ့မှပြက်၍အနောက်တိုင်အောင် ထွန်းလင်းသကဲ့သို့၊ လူသားသည် ကြွလာတော်မူလတံ့။” (ရှင်မဿဲခရစ်ဝင် ၂၄:၂၇) ဤသည်မှာ မည်သည့်အရာကို ဆိုလိုပါ သနည်း။ ယင်းမှာ ဘုရားသခင်၏ နောက်ဆုံးသောကာလ အမှုတော်သည် အရှေ့အရပ်မှ ထွက်ပေါ်လာသည့် လျှပ်စီးကဲ့သို့ ဖြစ်သည်ဟု ဆိုလိုသည်။ လူသားတော်သည် အရှေ့တိုင်းသား များအား ကြီးမားသော အလင်းကို ဦးစွာမြင်တွေ့ခွင့်ပေးလျက်၊ စစ်မှန်သော အလင်း၏ ပေါ်ထွန်းမှုကို မြင်တွေ့ခွင့်ပေးလျက်၊ ဘုရားသခင်၏ ပေါ်ထွန်းမှုကို မြင်တွေ့ခွင့်ပေးလျက် အရှေ့အရပ်တွင် သူအမှုပြုမည်ဖြစ်ပြီး ယင်းနောက် သိပ်မကြာမီတွင် ဤကြီးမားသော အလင်းသည် လျှပ်စီးကဲ့သို့ အနောက်ဖက်သို့ ထွန်းလင်းလိမ့် မည်ဖြစ်သည်။ တစ်နည်းဆိုသော် အရှေ့အရပ်မှ အနန္တတန်ခိုးရှင် ဘုရားသခင်၏ နှုတ်ကပတ်တော်များ ထွက်ပေါ်လာပြီးနောက် ၎င်းတို့ကို အွန်လိုင်းပေါ်တွင် ပုံနှိပ်ထုတ်ဝေခဲ့ပြီး ထိုသို့အားဖြင့် အနောက်ဖက်သို့ ပျံ့နှံ့လေသည်။ အနန္တတန်ခိုးရှင် ဘုရားသခင်၏ နှုတ်ကပတ်တော်များကို အွန်လိုင်းပေါ်တွင် မည်သည့်အချိန်က ပုံနှိပ်ထုတ်ဝေခဲ့ပါသနည်း။ တရုတ်အထူးထုတ်ကို နောက်အကျဆုံး အဖြစ် ၂၀၀၇ ခုနှစ်တွင် ထုတ်ဝေခဲ့သည်၊ သို့မဟုတ် ၂၀၀၅ အစောပိုင်းတွင် ထုတ်ဝေခဲ့ပေသည်။ အင်္ဂလိပ်အထူးထုတ်ကို ၂၀၁၀ ခုနှစ်တွင် အွန်လိုင်း၌ တင်ထားခဲ့ခြင်း ဖြစ်နိုင်သည်။ ဘုရားသခင်၏ နှုတ်ကပတ်တော်များသည် အွန်လိုင်းပေါ်တွင် နှစ်ပေါင်းများစွာ ရှိနေခဲ့ပြီးဖြစ်သည်၊ သို့တိုင် ဘာသာရေးလောကမှ လူမည်မျှသည် ယင်းတို့ကို လေ့လာစုံစမ်းရန် အွန်လိုင်းပေါ်သို့ တက်လာကြပါ သနည်း။ မများလှပါ၊ အလွန်နည်းပါးပါသည်။ ဘုရားသခင်၏ လမ်းခရီးနှင့် သူမိန့်မြွက်ခဲ့သော နှုတ်ကပတ်တော်များသည် အွန်လိုင်းပေါ်တွင် ကြာမြင့်စွာကတည်းက ရှိနေခဲ့ပြီးဖြစ်သည်။ ယခုတွင် လူတို့သည် အနန္တတန်ခိုးရှင် ဘုရားသခင်၏ နှုတ်ကပတ်တော်များမှာ အွန်လိုင်းပေါ်တွင် ရှိသည်ကို သိကြပြီး ဖြစ်သည်၊ သို့ဖြစ်လျှင် ခရစ်တော်ကို ဆက်ကပ်ယုံကြည်သူများ ဟုဆိုသော သူတို့သည် ယင်းတို့ကို အဘယ်ကြောင့် မလေ့လာ မဆန်းစစ်ကြပါသနည်း။ ဤနေရာတွင် ပြဿနာမှာ အဘယ်နည်း။ ဘုရားသခင်၏ လမ်းခရီးနှင့်ဆိုင်သည့် သက်သေခံချက်ကို တိုင်းနိုင်ငံ အားလုံးနှင့် အရပ်ဒေသအားလုံးတို့ရှိ လူတို့ထံ ပေးခဲ့နှင့်ပြီးဖြစ်သည်။ အကယ်၍ ယင်းတို့ကို လူ့အနေဖြင့် လုံးဝ မလေ့လာမဆန်းစစ်ဘဲ နောက်ဆုံးတွင် ထာဝရပြစ်ဒဏ်ခံရပြီး အမြစ်ဖြတ် ချေမှုန်းခြင်းကို ခံရလျှင် ယင်းသည် အဘယ်သူ၏တာဝန် ဖြစ်လိမ့်မည်နည်း။ ဤအမှားအတွက် အဘယ်သူ၌ တာဝန်ရှိသနည်း။ ဤအမှားအတွက် ဘုရားသခင်၌ တာဝန်ရှိသလော၊ သို့မဟုတ် လူ၌ တာဝန်ရှိသလော။ လူ၌ တာဝန်ရှိပေသည်။ အဘယ်ကြောင့် ကျွန်ုပ်တို့ ထိုသို့ပြောကြ သနည်း။ အဘယ်ကြောင့်ဆိုသော် သခင်ယေရှုက- “သင်တို့ အရှင်သည် အဘယ်အချိန်နာရီ၌ရောက်လာမည်ကို သင်တို့ မသိသောကြောင့် စောင့်နေကြလော့။” (ရှင်မဿဲခရစ်ဝင် ၂၄:၄၂) “သန်းခေါင်ယံ၌ကြည့်ပါ။ မင်္ဂလာဆောင်လုလင်သည် လာပြီ။ ခရီးဦးကြိုပြုခြင်းငှာ ထွက်သွားကြကုန်ဟု ကြွေးကြော်လျှင်။” (ရှင်မဿဲခရစ်ဝင် ၂၅:၆) “ငါ့သိုးတို့သည် ငါ့စကားသံကို နားထောင်၍။” (ရှင်ယောဟန်ခရစ်ဝင် ၁၀:၂၇) ဟု အချိန်ကြာမြင့်စွာကပင် ဆိုခဲ့သောကြောင့်ဖြစ်သည်။ သခင်ယေရှုသည် ထိုသို့သောအရာများကို နောက်ထပ်အကြိမ်များစွာ ပြောခဲ့ပါသည်၊ “တောင်းကြလော့။ တောင်းလျှင်ရမည်။ ရှာကြလော့။ ရှာလျှင်တွေ့မည်။ တံခါးကိုခေါက်ကြလော့။ ခေါက်လျှင်ဖွင့်မည်။” (ရှင်မဿဲခရစ်ဝင် ၇:၇) ဤသည်မှာ ဘုရားသခင်၏ ကတိတော်ဖြစ်ပြီး သခင်ယေရှုသည် ဤသဘောသဘာဝနှင့် ဆိုင်သော အရာများကို အကြိမ်အတော်များများ ပြောခဲ့သည်။ သခင်ယေရှု၏ နှုတ်ကပတ်တော်များအရ အကယ်၍ လူသားသည် ဘုရားသခင်ကို ဘယ်သောအခါမျှ မရှာဖွေလျှင်၊ ထို့အပြင် ဘုရားသခင် ကြွလာခြင်းကို တစ်စုံတစ်ဦးက သက်သေခံသည်ကို ကြားသောအခါ ဘယ်သောအခါမျှ မစုံစမ်းမစစ်ဆေးဘဲ ထိုအစား ယင်းတို့ကို မမြင်မကန်းနှင့် ရှုတ်ချနေလျှင်၊ “ဘုရားသခင်ရဲ့ ကြွလာခြင်းကို သက်သေခံတဲ့သူတွေအားလုံးက တိတ္ထိတွေပဲ၊ သူတို့အားလုံးက အယူလွဲဂိုဏ်းရဲ့ အဖွဲ့ဝင်တွေပဲ” ဟူသည့် အရာများကို ဆိုနေလျှင် နောက်ဆုံးအချိန်တိုင်အောင် ဘုရားသခင်၏ အမှုတော်ကို လက်မခံခဲ့ကြသည့် ဤလူတို့သည် ကပ်ဘေးများထဲသို့ ကျကြလိမ့်မည်ဖြစ်ပြီး ဘေးဒုက္ခများထဲတွင် ၎င်းတို့၏ ပြစ်ဒဏ်ခတ်ခံရခြင်းဖြင့် မချိတင်ကဲဖြစ်ကာ သေဆုံးကြရမည် ဖြစ်သည်။ အဘယ်သူကို အပြစ်တင်သင့်သနည်း။ ဘာသာရေး အသိုင်းအဝိုင်းများထဲမှ လူများစွာတို့သည် ဤကိစ္စနှင့်စပ်လျဉ်း၍ သင်္ကာမကင်းဖြစ်ကြသည်။ “ဘာကြောင့် ဘုရားသခင်က ငါတို့ဆီ မပေါ်ထွန်းတာလဲ။ ဘာလို့ သူက ငါ့တို့ဆီကနေ ပုန်းကွယ်တာလဲ။ ဘာလို့ ငါတို့ကို သိခွင့်မပေးတာလဲ။” ဘုရားသခင်က “ငါသည် အမှုဆောင်ရွက်ဖို့ရန် တိတ်တဆိတ်ရောက်ရှိလာသောအခါ လူအားလုံးထံ ပေါ်ထွန်းပြီး ဗျာဒိတ်များပေးမည်” ဟု ဆိုခဲ့ဖူးပါ သလား။ ဘုရားသခင်က မည်သည့်အရာကို မိန့်ဆိုခဲ့ပါသနည်း။ “ထိုကြောင့်၊ စောင့်၍ မနေလျှင် သူခိုးကဲ့သို့ သင်ရှိရာသို့ ငါလာမည်။ လာမည့်အချိန်နာရီကိုလည်း သင်မသိရ။” (ဗျာဒိတ်ကျမ်း ၃:၃) ဤအရာကို ဗျာဒိတ်ကျမ်းထဲတွင် ပရောဖက်ပြုထားပါသည်။ ထို့ကြောင့် အကယ်၍ သခင့်ကို ယုံကြည်သူများဖြစ်ကြသည့် ကျွန်ုပ်တို့သည် တစ်စုံတစ်ဦးက “သတို့သား ရောက်ရှိပြီ၊ သခင် ပြန်ကြွလာပြီ” ဟု သက်သေခံသည်ကို ကြားသော်လည်း ဘုရားသခင်၏ နောက်ဆုံးသောကာ အမှုတော်ကို တက်ကြွစွာ မလေ့လာမဆန်းစစ်လျှင်၊ သို့မဟုတ် လက်မခံလျှင် ကပ်ဘေးထဲသို့ ကျွန်ုပ်တို့ကျဆင်း၍ ပြစ်ဒဏ်ပေးခံရပြီး သေဆုံးကြရသောအခါတွင် ဘုရားသခင်ကို ကျွန်ုပ်တို့ အပြစ်တင်၍ မရနိုင်ပါ။ ကျွန်ုပ်တို့ မည်သည့်ကဏ္ဍတွင် ကောင်းမွန်စွာ မလုပ်ဆောင်ခဲ့သည်ကို မြင်တွေ့ဖို့ရန် ကျွန်ုပ်တို့သည် မိမိကိုယ်ကိုအတွင်းမှ ပြဿနာကို ရှာဖွေသင့်ကြပေသည်။ ဤသည်သာ မျှတပေသည်။ ပြန်ပြောင်း ကြည့်ပါက သခင်ယေရှုကို သင်မည်သို့ လက်ခံခဲ့ပါသနည်း။ သခင်ယေရှုသည် သင့်ထံသို့ လာခဲ့ပါသလား။ သခင်သည် သင့်ထံ ပေါ်ထွန်းခဲ့ပါသလား။ သူဘယ်အရာမျှ မလုပ်ခဲ့ပါ။ အခြားသူများက သင့်ထံ ဧဝံဂေလိတရား ဟောကြားပြီး သခင်နှင့်ပတ်သက်၍ သက်သေခံပေးကြသောကြောင့် သခင်ယေရှုကို သင်လက်ခံခဲ့ခြင်း ဖြစ်သည်။ လမ်းခရီးအကြောင်း ယုံကြည်ခြင်းသည် လမ်းခရီး အကြောင်း ကြားနာခြင်းမှလာစဉ်တွင် လမ်းခရီးအကြောင်း ကြားနာခြင်းသည် ဘုရားသခင်၏ နှုတ်ကပတ်တော်များမှ လာပါသည်။ ယခုတွင် တစ်စုံတစ်ဦးသည် ဤဧဝံဂေလိတရား နှင့်ပတ်သက်၍၊ ထို့ပြင် အမှုတော်ဆောင်ရွက်ဖို့ ဘုရားသခင် ကြွလာပြီဆိုသည့်အချက်နှင့်ပတ်သက်၍ သင့်ထံ သက်သေခံပြီး ဖြစ်သည်၊ ဤသည်မှာ သင့်အတွက် ဘုရားသခင်၏ ချစ်ခြင်းမေတ္တာ၊ ကရုဏာတော်နှင့် ပူပန်မှုတို့ဖြစ်သည်- သို့အတွက်ကြောင့် ယင်းကို သင်နားလည်သင့်သည် မဟုတ်ပါလား။ ဤသည်မှာ ဘုရားတရား ကိုင်းရှိုင်းသော လူတစ်ဦးက ဤအရာကို နားလည်သဘောပေါက် သင့်သည့်ပုံစံ ဖြစ်သည်။ ထို့ကြောင့် ဘုရားသခင်ရှေ့မှောက်တွင် မာနမထောင်လွှားပါနှင့်၊ သင့်ကိုယ်သင် အလွန်အမင်း အထင်မကြီးပါနှင့်၊ “ဘုရားသခင် ကြွလာတဲ့အခါ ငါ့ဆီကို အရင်ဆုံး ဗျာဒိတ်တွေ သူပေးသင့်တယ်။ ငါ့ဆီကို အရင်ဆုံး သူထုတ်ဖော်ပြသင့်တယ်။ တကယ်လို့ သူရောက်ရှိလာပြီး ငါ့ဆီကို ထုတ်ဖော်မပြရင် သူက ဘုရားသခင် မဟုတ်ဘူးပဲ၊ ပြီးတော့ သူ့ကို ငါအသိအမှတ်ပြုမှာ မဟုတ်ဘူး” ဟူ၍သာ မတွေးပါနှင့်။ ဤလူတို့သည် မည်သို့သော လူအမျိုးအစားများ ဖြစ်ကြသနည်း။ မည်သည့်အမှားများကို ၎င်းတို့ကျူးလွန်ခဲ့ကြပြီနည်း။ ဘုရားသခင် ရောက်ရှိလာသောအခါ သင့်ထံ သူထုတ်ဖော်ပြရမည်ဟု သင်အသေအချာ သက်သေထူဝံ့ပါသလား။ ဤအတွက် သင်၌ မည်သည့်အခြေခံအကြောင်းအရာ ရှိပါသနည်း။ “ငါရောက်ရှိလာ သည့်အခါ သင့်ထံသို့ ဦးစွာ ငါထုတ်ဖော်ပြမည်” ဟု သင့်ကို သခင်က ပြောခဲ့ပါသလား။ ထိုသို့သော စကားများကို သူက သင့်ကို ပြောခဲ့ပါသလား။ သင်သည် ကမ္ဘာပေါ်ရှိ အခြားလူအယောက်တိုင်း၏ အထက်တွင်ရှိသည်၊ သင်သည် အရေးကြီးဆုံး ဖြစ်သည်၊ ဘုရားသခင်ကို သင်အချစ်ဆုံးဖြစ်သည်ဟု သင်ထင်ပါသလား။ အယောက်တိုင်း၏ အထက်တွင် သင်ရှိပါသလား။ သင်သည် အထူးဖန်ဆင်းခံသတ္တဝါ ဖြစ်ပါသလား။ ထိုသို့သောလူ တစ်စုံတစ်ဦးသည် အလွယ်တကူ ကယ်တင်ခံရနိုင်ပါသလား။ ဘုရားသခင်သည် နောက်ဆုံးသောကာလတွင် တရားစီရင်ခြင်း အမှုတော်ကို ဆောင်ရွက်ရန် အဘယ်ကြောင့် လိုအပ်ပါသနည်း။ ယင်းမှာ ဖောက်ပြန်ပျက်စီးသော လူသားမျိုးနွယ်သည် ဘုရားသခင်ကို တွေ့မြင်ရန် မသင့်တော်သောကြောင့်ဖြစ်သည်။ ဖောက်ပြန်ပျက်စီးသော လူသားမျိုးနွယ်အားလုံး၌ စာတန်၏ စိတ်သဘောထား ရှိကြသည်။ ၎င်းတို့အားလုံးသည် အထူးသဖြင့် မာနထောင်လွှားကြပြီး စိတ်ကြီးဝင်ကြသည်၊ ထို့ပြင် ၎င်းတို့၌ ဘုရားသခင်နှင့်စပ်လျဉ်း၍ အလွန်များလှစွာသော လိုအင်ဆန္ဒများ ရှိကြသည်။ ၎င်းတို့သည် ကောင်းကင်ဘုံ၏ မျက်နှာသာပေးခြင်းကို ခံရဘိသကဲ့သို့ ကောင်းကင်အောက် မဆိုစလောက် နှိမ့်ပြီး အခြားသူများအထက်တွင်၊ အခြားအရာအားလုံးတို့၏အထက်တွင် မိမိတို့ကိုယ်ကို နေရာချထားကြလေသည်။ ဤသို့သော ဖောက်ပြန်ပျက်စီးသည့် စိတ်သဘောထားမျိုးနှင့်အတူ ဘုရားသခင်၏ တရားစီရင်ခြင်းနှင့် ပြစ်တင်ဆုံးမခြင်းတို့ကို လက်မခံသောသူ မည်သူမဆိုသည် ဘုရားသခင်ကို တွေ့မြင်ရန် မသင့်လျော်ပါ။

အသက်တာထဲ ဝင်ရောက်ခြင်းအပေါ် မိတ်သဟာယဖွဲ့ခြင်းနှင့် တရားဟောချက်များ မှ

“ဘုရားသခင် ကြွလာခဲ့ပြီးဖြစ်ရင် ဘာကြောင့် သူ့ကို ငါမမြင်ခဲ့ရတာလဲ။ သူ့ကို ငါမမြင်တဲ့အတွက်ကြောင့် ဒါက ဘုရားသခင် မကြွခဲ့ဘူးဆိုတာ သက်သေပြတာပဲ” ဟု ဆိုကြသည့် ဘာသာရေးသမားများအပါအဝင် လူများစွာ ရှိသည်။ ယင်းသည် သင့်အဖို့ မည်သို့ထင်ရသနည်း။ ရယ်စရာကောင်းပြီး အဓိပ္ပါယ်မဲ့ သည်ဟု ထင်ရသည်။ ဘုရားသခင် ကြွလာခြင်းကို သင်မြင်နိုင် သလော။ ဘုရားသခင်၏ စစ်မှန်သော ပုဂ္ဂိုလ်ကို သင်မြင်ခဲ့လျှင် သင်သေလိမ့်မည်။ ဤသို့ဆိုလျှင် ဘုရားသခင် အဘယ်သို့ ကြွတော်မူသနည်း။ သူသည် လူသားမျိုးနွယ်ကို ကယ်တင်ရန် စကားပြောဆိုသော လူသားအသွင်ဖြင့် မိမိကိုယ်ကိုယ် လူ့ဇာတိခံတော်မူသည်။ သင်သည် လူ့ဇာတိခံ ဘုရားသခင်ကို တွေ့လျှင် သူ့ကို မှတ်မိသိရှိနိုင်လိမ့်မည်လော။ သူ့ကို သင်တွေ့ခဲ့ လျှင်ပင် မှတ်မိလိမ့်မည် မဟုတ်ပါ။ ဤသည်မှာ သခင်ယေရှု ကြွလာခဲ့သည့်အချိန်အတိုင်းပင် ဖြစ်သည်။ သခင်ယေရှုကို လူများစွာက မြင်ခဲ့ကြသည်၊ သို့သော် ၎င်းတို့ထဲက မည်မျှသည် သူ့ကို ခရစ်တော်၊ ဘုရားသခင်၏ သားတော်အဖြစ် အသိအမှတ်ပြု ခဲ့ကြပါသနည်း။ လူတစ်ဦးတည်းသာ ရှိခဲ့သည်။ ပေတရုဖြစ်ပြီး ယင်းမှာ သန့်ရှင်းသော ဝိညာဉ်တော်က သူ့ကို ဉာဏ်အလင်း ပေးခဲ့သောကြောင့် ဖြစ်သည်။ ဤအရာက မည်သည့်အရာကို သက်သေပြပါသနည်း။ ဤသည်မှာ ဖောက်ပြန်ပျက်စီးသော လူသားမျိုးနွယ်သည် ရုပ်ခန္ဓာအသွင်၌ ရှိစဉ်တွင် ဘုရားသခင်၏ ဝိညာဉ်ခန္ဓာကို သူတို့ မြင်ရဖို့ အခွင့်အရေးမရှိကြောင်းကို သက်သေပြသည်။ ဘုရားသခင်၏ ဝိညာဉ်ခန္ဓာကို သင်မြင်ခဲ့ရလျှင် သင်သေလိမ့်မည်ဖြစ်သည်။ သူ၏ ဝိညာဉ်ခန္ဓာကို သင်ဘယ်သောအခါမျှ မြင်လိမ့်မည်မဟုတ်ပါ။ ဘုရားသခင်၏ အသံတော်ကို ကြားနိုင်ခြင်းအဖြစ်သည် ဖောက်ပြန်ပျက်စီးသော လူသားမျိုးနွယ်အတွက် အတော်အတန်မျက်နှာသာပေးမှုတစ်ခု ဖြစ်နှင့်ပြီး ဖြစ်သည်။ ပညတ်တော်ခေတ်၌ ဘုရားသခင် အမှုပြုခဲ့သော အချိန်တွင်၊ သူ၏ အသံတော်ကို လူမည်မျှကြားနိုင် ခဲ့ကြသနည်း။ မများပါ။ ဘုရားသခင်၏ အသံတော်ကို ယောဘကြားခဲ့သည်ကို ကျွန်ုပ်တို့ သိကြသည်။ သို့သော် ဘုရားသခင်၏ မျက်နှာတော်ကို သူမြင်ခဲ့ပါသလား။ မမြင်ခဲ့ပါ၊ ယေဟောဝါ ဘုရားသခင်က လေပွေအတွင်းမှ သူ့ကို စကားပြော ခဲ့သည်ကိုသာ သူကြားခဲ့ရသည်။ ထို့ကြောင့် ဘုရားသခင်၏ အသံတော်ကို ကြားခြင်းသည် သူ၏ မျက်နှာတော်ကို မြင်ခြင်းနှင့် ညီမျှသည်ဟု ကျွန်ုပ်တို့ ပြောနိုင်သည်။ မောရှေသည် ဘုရားသခင်က သူ့အား ခေါ်သည်ကို ကြားခဲ့သည်။ သို့သော် ဘုရားသခင်၏ မျက်နှာတော်ကို သူမြင်ခဲ့ပါသလား။ နောက်ပိုင်းတွင်၊ ဘုရားသခင်၏ နောက်ကျောကို မောရှေမြင်ခဲ့သော်လည်း သူ၏ မျက်နှာတော်ကို မမြင်ခဲ့ပါ။ ထို့ကြောင့်၊ တစ်စုံတစ်ဦးက၊ “ခင်ဗျားက ဘုရားသခင် ကြွလာပြီလို့ သက်သေခံတယ်။ ဒါပေမယ့် ဘယ်လိုဖြစ်ပြီး ငါ သူ့ကို မမြင်ရတာလဲ၊ နိုင်ငံပိုင် ရုပ်မြင်သံကြား ဒါမှမဟုတ် ရေဒီယိုမှာ ဘာကြောင့် မလာရတာလဲ” ဟု ပြောသည်ကို ကြားရလျှင်၊ ဤပြောဆိုမှုမျိုးကို သင်မည်သို့ ထင်ပါသနည်း။ ယင်းသည် အလွန်ကလေးဆန်လှပေသည်။ သခင်ယေရှု၏ ကြွလာခြင်းကို အဘယ်သူ မြင်ခဲ့ပါသနည်း။ ထိုအချိန်က ဂျူးလူမျိုး အနည်းအကျဉ်းကသာ မြင်ခဲ့ကြသည်။ ထိုအချိန်က ထိုဂျူးများသည် သခင်ယေရှု၏ စကားထဲတွင် ဘုရားသခင်၏ အသံတော်ကို ကြားခဲ့ကြပြီး သူ့နောက်တွင်ပါလာသည့် အခွင့်အာဏာတော်နှင့် တန်ခိုးအာဏာတို့ကို ကြားခဲ့ကြသည်။ သို့သော် နောက်ဆုံးတွင်၊ မည်မျှက သခင်ယေရှုကို အမှန်တကယ် ယုံကြည်ပြီး သူ့နောက်ကို အမှန်တကယ် လိုက်ခဲ့ကြပါသနည်း။ အလွန် နည်းပါးလှပါသည်။ ထို့ကြောင့်၊ လူ့ဇာတိခံ ဘုရားသခင်သည် သာမန်လူတစ်ဦးအဖြစ် ဝတ်ဆင်ပြီး နောက်ဆုံးသော ကာလအတွင်းတွင် ကြွလာသောအခါ၊ ဘုရားသခင်၏ မျက်နှာတော်ကို မြင်တွေ့ရဖို့ ဤလူ၏ မျက်နှာကို ကျွန်ုပ်တို့ မြင်ဖို့မလိုအပ်ပါ။ ယင်းအစား၊ သူ၏ အသံကို ကြားပြီး သူဖော်ပြသော သမ္မာတရားများကို ကျွန်ုပ်တို့ မြင်ကြသောအခါ၊ ၎င်းတို့ကို ကျွန်ုပ်တို့ လက်ခံသင့်သည်၊ နာခံသင့်ပြီး လက်တွေ့ လုပ်ဆောင်သင့်ပေသည်။ ဤအရာကို ပြုသော လူတို့သည် သမ္မာတရားနှင့် အသက်ကို ရရှိကြလိမ့်မည်ဖြစ်ပြီး ဘုရားသခင်၏ ကယ်တင်ခြင်းကို ရကြလိမ့်မည်ဖြစ်သည်။ လူတို့အတွက်၊ “သူ့ကို လက်မခံခင် ခရစ်တော်ရဲ့ မျက်နှာကို ငါမြင်ရမှဖြစ်မယ်” ဟု ဆိုရန်မှာ ယုတ္တိရှိပါသလား။ လူ့ဇာတိခံ ဘုရားသခင်၏ ပုံသဏ္ဍာန်သည် ဘုရားသခင်၏ ဝိညာဉ်ခန္ဓာကို ကိုယ်စားပြုနိုင်ပါသလား။ သခင်ယေရှု၏ ပုံသဏ္ဍန်သည် ဘုရားသခင်၏ တကယ့်ပုံသဏ္ဍန်ကို ကိုယ်စားပြုနိုင်ပါသလား။ မပြုနိုင်ပါ။ ထို့ကြောင့်၊ လူ့ဇာတိခံ ဇာတိပကတိက ယူဆောင်သော ပုံသဏ္ဍာန်သည် ယာယီသာဖြစ်ပြီး လူတို့သည် သူ့ကို ပုံမှန်၊ သာမန် လူတစ်ဦးသာဖြစ်ကြောင်း မြင်သည်မှာ လုံလောက်ပေသည်။ အရေးကြီးဆုံးမှာ၊ လူတို့သည် လူ့ဇာတိခံ ဘုရားသခင်ကို လက်ခံပြီး သူ၏ နှုတ်ကပတ်တော်များကို နားထောင်ကာ သူဖော်ပြသော သမ္မာတရားများအားလုံးကို လက်ခံရမည်ဖြစ်သည်။ ဤသည်မှာ ဘုရားသခင်၏ ချစ်ခြင်းမေတ္တာ နှင့် ကယ်တင်ခြင်းကို ရရှိဖို့ရန် နည်းလမ်းဖြစ်ပေသည်။ သင်သည် သူ၏ နှုတ်ကပတ်တော်များကို နားမထောင်သလို သူဖော်ပြသော သမ္မာတရားများအားလုံးကို လက်မခံလျှင် သင်သည် ဘုရားသခင်နှင့် ဆက်နွယ်မှု ရှိလိမ့်မည်မဟုတ်သလို၊ ဘုရားသခင်၏ ချီးမွမ်းမှုကို သင် ဘယ်သောအခါမျှ ရရှိလိမ့်မည်မဟုတ်ချေ။ နောက်ဆုံးသော ကာလအတွင်း ဘုရားသခင် ဖော်ပြသော သမ္မာတရားများသည် လူတို့ကို သန့်စင်ပြီး ကယ်တင်သော သမ္မာတရားအားလုံးဖြစ်ပြီး ယင်းကဲ့သို့ အရေးပါဆုံးသော သမ္မာတရားများ ဖြစ်သည်။ ၎င်းတို့ကို လက်မခံဘဲ လက်တွေ့မလုပ်ဆောင်သော လူတို့သည် ဘုရားသခင်၏ ကယ်တင်ခြင်းကို သေချာပေါက် လုံးဝ ရရှိလိမ့်မည် မဟုတ်ချေ။

အထက်အရပ်မှ မိတ်သဟာယပြုခြင်း မှ